នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ព្រះពុទ្ធបដិមា កសាងអំពីស្ព័ន និងលោហៈ ទម្ងន់៩តោននឹងត្រូវដាក់តាំងបង្ហាញ​នៅព្រលាន​យន្ត​ហោះ​អន្តរជាតិ​តេជោ
សម្តេចធិបតី និងលោកជំទាវបណ្ឌិត អញ្ជើញដឹកនាំគណៈប្រតិភូដល់ប្រទេសបារាំង ប្រកបដោយសុខសុវត្ថិភាព ដើម្បីចូលរួមសន្និសីទ UNOC3 ស្តីពីមហាសមុទ្រ
ស្ពានអាកាសសម្តេចធិបតី ហ៊ុន ម៉ាណែត ត្រូវបានធ្វើពិធីតភ្ជាប់តួស្ពាន ខណៈការសាងសង់​សម្រេចបាន ៨៥ភាគរយហើយ
សម្តេចតេជោ ហ៊ុន សែន ផ្ញើសារអបអរសាទរប្រធានធិបតីថ្មីរបស់កូរ៉េខាងត្បូង

នយោបាយ​ និង ការអភិវឌ្ឍន៍

សហរដ្ឋអាមេរិក ប្រកាសដាក់ពិន័យលើក្រុមហ៊ុនផលិតឱសថរាប់សិបស្ថាប័ន

2023/12/15 02:19:12 pm        56
Facebook Telegram Linkin
ប្រធានាធិបតីអាមេរិក លោក ចូ បៃដិន (Joe Biden) បាននិយាយកាលពីថ្ងៃព្រហស្បតិ៍ (១៤ ធ្នូ) ថា រដ្ឋបាលរបស់លោក នឹងដាក់ពិន័យលើក្រុមហ៊ុនផលិតឱសថរាប់សិបស្ថាប័ន ចំពោះការឡើងថ្លៃថ្នាំមួយចំនួនខ្ពស់ជាងអត្រាអតិផរណា ក្នុងជំហានមួយដែលនឹងកាត់បន្ថយការចំណាយខ្ពស់ហួសប្រមាណសម្រាប់អ្នកទទួលបានការថែទាំវេជ្ជសាស្រ្ត។នៅក្នុងការលើកឡើងនៅវិទ្យាស្ថានជាតិសុខាភិបាល លោកប្រធានាធិបតីរូបនេះបាននិយាយថា ក្រុមហ៊ុនឱសថធំៗ នៅក្នុងឆ្នាំមុនពេលដែលច្បាប់នេះត្រូវបានអនុម័ត «បានឡើងថ្លៃ» ជិតបួនដងលើតម្លៃឱសថលឿនជាងកំណើនអតិផរណាទៅទៀត។ច្បាប់ស្តីពីការកាត់បន្ថយអតិផរណា (IRA) ដែលបានចុះហត្ថលេខាដោយលោកប្រធានាធិបតី ចូ បៃដិន រួមបញ្ចូលការផ្តល់ការពិន័យដល់ក្រុមហ៊ុនផលិតឱសថសម្រាប់ការឡើងតម្លៃថ្នាំលឿនជាងកម្រិតអតិផរណាដល់អ្នកដែលត្រូវទទួលការថែទាំវេជ្ជសាស្រ្ត ដែលជាកម្មវិធីមួយរបស់រដ្ឋាភិបាលសម្រាប់អ្នកមានអាយុចាប់ពី ៦៥ឆ្នាំឡើងទៅ និងជនពិការ។តម្លៃឱសថចំនួន ៤៨មុខ ដែលស្ថិតក្រោមការថែទាំវេជ្ជសាស្រ្ត ផ្នែក B និងដែលគ្របដណ្តប់​លើ​ឱសថប្រើប្រាស់នៅមណ្ឌលសុខភាព បានកើនឡើងលឿនជាងអតិផរណានៅក្នុងត្រីមាសចុងក្រោយនៃឆ្នាំ២០២៣ នេះបើយោងតាមសេតវិមាន។ ឱសថទាំងនេះអាចជាកម្មវត្ថុនៃការបញ្ចុះកម្រិតអតិផរណានៅក្នុងត្រីមាសទីមួយនៃឆ្នាំ២០២៤ ជាលទ្ធផលនៃច្បាប់ស្តីពីការកាត់បន្ថយអតិផរណា ដែលលោកប្រធានាធិបតីប្រជាធិបតេយ្យ បៃដិន បានចុះហត្ថលេខាកាលពីឆ្នាំមុន៕

មន្ទីរកិច្ចការនារីខេត្តឧត្តរមានជ័យ បើកសិក្ខាសាលាស្តីពីការបញ្រ្ជាបយេនឌ័រ បរិយាបន្ន និងសមធម៌សង្គមថ្នាក់ក្រោមជាតិ

2023/12/15 01:50:38 pm        47
Facebook Telegram Linkin
ឧត្តរមានជ័យ៖ នៅព្រឹកថ្ងៃទី១៥ធ្នូ ឆ្នាំ២០២៣ មន្ទីរកិច្ចការនារីខេត្តឧត្តរមានជ័យ បើកសិក្ខាសាលា​ប្រចាំឆ្នាំស្តីពីការបញ្រ្ជាបយេនឌ័រ បរិយាបន្ន និងសមធម៌សង្គម នៅថ្នាក់ក្រោមជាតិ ។តាមរបាយការណ៍របស់លោកស្រី ឯក សុភារុំ ប្រធានមន្ទីរកិច្ចការនារីខេត្តឧត្តរមានជ័យ បាន​លើក​ឡើងថា ការងារយេនឌ័រ មានសារៈសំខាន់ខ្លាំងសម្រាប់មន្រ្តីពាក់ព័ន្ធនៅតាមមូលដ្ឋាន​ដែល​ទទួល​បន្ទុកការងារនេះត្រូវយកទុកដាក់ក្នុងការអនុវត្តឲ្យមានប្រសិទ្ធភាពខ្ពស់ ​ដើម្បីលើកម្ពស់ជីវភាព​ដល់​ស្រ្តីឲ្យមានភាពល្អប្រសើរ​ និងរឹងមាំស្របតាមយន្តការរបស់រាជរដ្ឋាភិបាលស្រ្តីគឺជាឆ្អឹងខ្នង ដ៏សំខាន់ក្នុងការអភិវឌ្ឍសង្គមជាតិ។ជាមួយគ្នានោះដែរឯកឧត្តម ប៉ែន កុសល្យ អភិបាលខេត្តឧត្តរមានជ័យ បានមានប្រសាសន៍ថា ក្រោម​ដំបូលនៃសុខសន្តិភាព និងការអភិវឌ្ឍ ស្រ្តីជាកម្លាំងចលករដ៏សំខាន់​ដែល​បាន​រួមចំណែក​នៃ​កំណើនសេដ្ឋកិច្ច ​និងការអភិវឌ្ឍសង្គមជាតិ ​ក្នុងការ​ទទួលបានសិទ្ធការអភិវឌ្ឍ​ចំណេះដឹង​ និង​ជំនាញ​បច្ចេកទេសដែលជាមូលដ្ឋានគ្រឹះក្នុងការចូលរួមប្រកួតប្រជែង​ប្រកប​ដោយ​សក្តានុពល​នៅក្នុងទីផ្សារសេដ្ឋកិច្ចថ្នាក់ជាតិ និងថ្នាក់តំបន់លើគ្រប់វិស័យ ក្នុងការរួមចំណែក​យ៉ាងសំខាន់​ក្នុងការ​កាត់បន្ថយភាពក្រីក្រ និងងាយរងគ្រោះផងដែរ។ឯកឧត្តម បានបន្តថា សម្រាប់​អាណត្តិ​ថ្មីនេះរាជរដ្ឋាភិបាលកម្ពុជា​បន្តយកចិត្តទុកដាក់គិតគូរ​ខ្ពស់​បន្ថែមទៀត​ក្នុងការលើកកម្ពស់ជីវភាពស្រ្តី​ជាបន្តបន្ទាប់​ក្នុងការរួមចំណែករបស់​ស្រ្តីនៅគ្រប់កម្រិត​ដែល​ជាគុណតម្លៃមួយពេញលេញ ក្នុងការទទួលបានជម្រើស ​ភាពជាអ្នកតំណាង​ ក្នុងការចូលរួម​ប្រកប​ដោយសក្តានុពលក្នុងការ​អភិវឌ្ឍសេដ្ឋកិច្ច និង​សង្គមជាតិ​ដែល​បាន​នឹងកំពុង​វិវត្តន៍​ទៅ​ជាសេដ្ឋកិច្ច ​និងសង្គមឌីជីថលប្រកបដោយចីរភាព ​និងបរិយាបន្នផងដែរ។យ៉ាងណាម៉ិញ ក្នុងសិក្ខាសាលានាពេលនោះដែរ ឯកឧត្តមអភិបាលខេត្ត បានធ្វើការ​កោតសសើរ និងវាយតម្លៃខ្ពស់ចំពោះការខិតខំកន្លងមក របស់មន្រ្តីតាមមូលដ្ឋាន​ចំពោះការងារ​យេនឌ័រ ដែល​ទទួល​ប្រសិទ្ធភាពល្អប្រសើរ៕ 

ប្រធាន ICAPP៖ គណបក្សប្រជាជនកម្ពុជា​ដើរតួនាទីយ៉ាងសំខាន់​ចូលរួម​ពង្រឹងលទ្ធិប្រជាធិបតេយ្យ​នៅអាស៊ី

2023/12/15 01:36:59 pm        178
Facebook Telegram Linkin
គណៈប្រតិភូសន្និសីទអន្តរជាតិនៃបណ្តាគណបក្សនយោបាយនៅអាស៊ី (ICAPP) ដឹកនាំដោយ ឯកឧត្តម ជុង អ៊ីយ៉ុង ប្រធាន ICAPP បានមកបំពេញទស្សនកិច្ចនៅកម្ពុជា នៅថ្ងៃទី១២-១៥ ខែ​ធ្នូ ឆ្នាំ២០២៣ ដើម្បី ពិភាក្សាអំពី «ការរៀបចំទទួលធ្វើជាម្ចាស់ផ្ទះនៃមហាសន្និបាត ICAPP លើកទី១២​» របស់គណបក្សប្រជាជនកម្ពុជានៅខែវិច្ឆិកា ឆ្នាំ២០២៤។ ក្នុងឱកាសនេះ គណៈប្រតិភូបានជួបសម្តែងការគួរសមជាមួយនឹង សម្តេច​អគ្គ​មហា​សេនា​បតីតេជោ ហ៊ុន សែន ប្រធានគណបក្សគណបក្សប្រជាជនកម្ពុជា សម្តេច​មហា​រដ្ឋ​សភា​ធិការ​ធិបតី ឃួន សុដារី ប្រធានរដ្ឋសភា និងជាអនុប្រធាន ICAPP និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងជាអនុប្រធានគណបក្ស។ឯកឧត្តម ជុង អ៊ីយ៉ុង បានគូសបញ្ជាក់អំពីតួនាទីដ៏សំខាន់របស់គណបក្សប្រជាជនកម្ពុជា ក្រោម​ការ​​ដឹកនាំ ប្រកបដោយចក្ខុវិស័យវែងឆ្ងាយរបស់ សម្តេចអគ្គមហាសេនាបតីតេជោ ហ៊ុន សែន ពិត​ជា​បាន​រួមចំណែកយ៉ាងសកម្មក្នុងគំនិតផ្តួចផ្តើមគាំទ្រ និងពូនជ្រំកិច្ចសហប្រតិបត្តិការ និង​ពង្រឹង​លទ្ធិ​ប្រជាធិបតេយ្យនៅអាស៊ី ចាប់ពីថ្ងៃបង្កើត ICAPP នៅឆ្នាំ២០០០ អង្គការ​នេះ​បាន​ក្លាយ​ជា​វេទិកា​នយោបាយកាន់តែមានឥទ្ធិពល និងមានសារៈសំខាន់ចាំបាច់ ក្នុងសភាព​ការណ៍​ពិភព​លោក​នៃ​ការ​ប្រកួតប្រជែងភូមិសាស្ត្រនយោបាយដ៏ស្រួចស្រាល់។ ឯកឧត្តម ជុង អ៊ីយ៉ុង ថ្លែងថា គណបក្សប្រជាជនកម្ពុជាបានដើរតួនាទីយ៉ាងសំខាន់ ក្នុងការ​ចូល​រួម​ដឹកនាំស្ថាប័ន ICAPP ក៏ដូចជាក្រុមប្រឹក្សាវប្បធម៌អាស៊ី (ACC) របស់ ICAPP ដើម្បី​ការ​ត​ភ្ជាប់​វប្បធម៌​ចម្រុះ​នៅអាស៊ី និងពិភពលោកតាមរយៈកិច្ចសន្ទនា ការយោគយល់គ្នា និង ការគោរពគ្នា ជា​ពិសេសការបង្កើតភាពជាដៃគូជាមួយនឹងអង្គការ UNESCO។ឯកឧត្តមបន្តថា មហាសន្និបាត ICAPP លើកទី១២ និងកិច្ចប្រជុំពាក់ព័ន្ធរួមមាន កិច្ចប្រជុំ​គណៈ​កម្មាធិការ​អចិន្ត្រៃយ៍ ICAPP លើកទី៤២ កិច្ចប្រជុំក្រុមប្រឹក្សាវប្បធម៌អាស៊ីលើកទី៣ វេទិកា​សារព័ត៌មាន ​ICAPP លើកទី៧ នៅកម្ពុជានាខែវិច្ឆិកា ឆ្នាំ២០២៤នឹង​ក្លាយ​ជា​ព្រឹត្តិការណ៍​ប្រវត្តិសាស្ត្រ​ដ៏​ធំ និងជោគជ័យមួយ​បន្ថែម​ទៀត​នៃ​ការ​ជួប​ជុំ​មហា​គ្រួសារ​គណបក្ស​នយោបាយ​នៅ​អាស៊ី​តំណាងឱ្យ៥២ប្រទេស និងស្ថាប័នជាដៃគូមកពីតំបន់ផ្សេងៗ។ សូមបញ្ជាក់ ផងដែរថា គណបក្សប្រជាជនកម្ពុជា នឹងក្លាយជាគណបក្សទីមួយរបស់ ICAPP ដែល​បានទទួលធ្វើម្ចាស់ផ្ទះមហាសន្និបាត ICAPP ចំនួន២លើក ដែលលើកទី១ គឺមហាសន្និបាត ICAPP លើកទី៦ នៅឆ្នាំ២០១០ ក្រោមការដឹកនាំផ្ទាល់របស់សម្តេចអគ្គមហាសេនាបតីតេជោ ហ៊ុន សែន។ ដូច្នេះហើយ សម្តេចតេជោ បានសម្រេចប្រគល់ភារកិច្ចជូន សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងជាអនុប្រធានគណបក្សប្រជាជនកម្ពុជា ជា​ប្រធាន​មហា​សន្និបាត ICAPP លើកទី១២ ដើម្បីបន្តប្រពៃណីនៃការដឹកនាំអង្គមហាសន្និបាត ICAPP។គណបក្ស​ប្រជាជនកម្ពុជានឹងជំរុញអង្គការ ICAPP បង្កើនតួនាទីយុវជន និងជំរុញបរិវត្តកម្ម​ឌីជីថល​នៅ​ក្នុងការតភ្ជាប់សង្គមនិងសេដ្ឋកិច្ច ហើយបន្តចូលរួម​យ៉ាង​សកម្ម​ក្នុង​បេសកកម្ម​ដើម្បី​ទ្វីប​អាស៊ី​ប្រកបដោយសន្តិភាព និងវិបុលភាព និងចង់ឃើញឧបទ្វីបកូរ៉េមានសន្តិភាពយូរអង្វែង។គណៈប្រតិភូ ICAPP វាយតម្លៃខ្ពស់​ចំពោះ​ដំណើរ​ការ​ប្រជាធិបតេយ្យ​នៅ​កម្ពុជា​ដែល​មាន​ភាព​ចាស់​ទុំ និង ការផ្ទេរអំណាចទៅអ្នកបន្តវេនដោយសន្តិភាព ហើយមានសុទិដ្ឋិនិយមថា ក្រោម​ការ​ដឹកនាំ​ដោយអ្នកបន្តវេនរបស់ គណបក្សប្រជាជនកម្ពុជា ដែលមាន សម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រីនៃរាជរដ្ឋាភិបាល អាណត្តិទី៧ និងជាអនុ​ប្រធាន​គណបក្ស​ប្រជាជន​កម្ពុជា ប្រទេសកម្ពុជានឹងសម្រេចបាននូវសមិទ្ធិផលថ្មីៗបន្ថែមទៀត សម្រាប់​ជាតិ​ និង​ប្រជាជន​កម្ពុជា តាមរយៈយុទ្ធសាស្ត្របញ្ចកោណ-ដំណាក់កាលទី១ ដើម្បីកំណើន ការងារ សមធម៌ ប្រសិទ្ធភាព និងចីរភាព ហើយ​កម្ពុជា​នឹង​ដើរ​តួនាទី​កាន់​តែសំខាន់​សម្រាប់​តំបន់ និង​ពិភព​លោក​ទាំង​ក្នុងវេទិកាអន្តរគណបក្ស រដ្ឋាភិបាល និងសភា។ នៅក្នុងឱកាសនេះផងដែរ គណៈប្រតិភូ ICAPP ក៏បានធ្វើទស្សនកិច្ច នៅវិមាន៧មករា ស្នាក់ការកណ្តាលគណបក្សប្រជាជនកម្ពុជា និង​ជា​ទីតាំង នៃ​មហាសន្និបាត ICAPP លើកទី១២៕

អ៊ីរ៉ង់អះអាងថា ក្រុមការងារសន្តិសុខសមុទ្រក្រហម ដែលគាំទ្រដោយអាមេរិក នឹងបង្កើត «បញ្ហាកាន់តែធ្ងន់ធ្ងរ»

2023/12/15 01:29:52 pm        112
Facebook Telegram Linkin
អ៊ីរ៉ង់ បានព្រមានកាលពីថ្ងៃព្រហស្បតិ៍ថា ក្រុមការងារដែលគាំទ្រដោយសហរដ្ឋអាមេរិក ដែលបានស្នើឡើងដើម្បីការពារនាវាពីការវាយប្រហារ នៅសមុទ្រក្រហម នឹងបង្កឲ្យមាន «បញ្ហាមិនធម្មតា» នៅក្នុងតំបន់។សារព័ត៌មានរ៉យទ័រ បានឲ្យដឹងថា ការអត្ថាធិប្បាយរបស់រដ្ឋមន្ត្រីការពារជាតិអ៊ីរ៉ង់ លោក Mohammad Reza Ashtiani ដែលចុះផ្សាយដោយទីភ្នាក់ងារព័ត៌មាននិស្សិតអ៊ីរ៉ង់ បានកើតឡើង បន្ទាប់ពីមន្ត្រីការពារជាតិអាមេរិក បាននិយាយថា នាវាពិឃាតរបស់កងទ័ពជើងទឹក USS Mason បានបាញ់ទម្លាក់យានដ្រូនរបស់ក្រុមចេញពីប្រទេសយេម៉ែន កាលពីថ្ងៃពុធ។លោក Ashtiani ត្រូវបានគេដកស្រង់សម្ដី ដោយនិយាយថា៖«ប្រសិនបើពួកគេ ធ្វើសកម្មភាពមិនសមហេតុផលនោះ ពួកគេ នឹងប្រឈមនឹងបញ្ហាមិនធម្មតា។ «គ្មាននរណាម្នាក់ អាចធ្វើការផ្លាស់ប្តូរ នៅក្នុងតំបន់ដែលយើងបានគ្រប់គ្រងដ៏លើសលប់នេះទេ។មន្ត្រីជាន់ខ្ពស់ផ្នែកទំនាក់ទំនងព័ត៌មានរបស់មន្ទីរបញ្ចកោណ លោកឧត្តមសេនីយ៍ឯក Pat Ryder បាននិយាយនៅដើម សប្តាហ៍នេះថា៖«សកម្មភាពដែលយើង បានឃើញពីកងកម្លាំងហ៊ូធីទាំងនេះ កំពុងរំខាន [និង] កើនឡើង បន្ទាប់ពីការវាយប្រហារដោយមីស៊ីលលើនាវាដឹកប្រេងរបស់ប្រទេសន័រវែស នៅ សមុទ្រក្រហម កាលពីថ្ងៃចន្ទ។លោក Ryder បាននិយាយក្នុងអំឡុងសន្និសីទសារព័ត៌មានមួយថា៖«សកម្មភាពទាំងនោះ គឺគ្រោះថ្នាក់ណាស់ ហើយច្បាស់ណាស់ថា ជាការបំពានច្បាប់អន្តរជាតិ។ ដូច្នេះហើយនេះ នេះគឺជាបញ្ហាអន្តរជាតិ ដែលទាមទារឲ្យមានដំណោះស្រាយអន្តរជាតិមួយ។ យើងបន្តពិភាក្សាយ៉ាងហ្មត់ចត់ជាមួយសម្ព័ន្ធមិត្តអន្តរជាតិ និងដៃគូរបស់យើងអំពីការអនុវត្តរបស់ក្រុមការងារដែនសមុទ្រ។

សមាជិកក្រុមហាម៉ាស និងអ្នកផ្សេងទៀតដែលសង្ស័យរៀបចំផែនការវាយប្រហារនៅអឺរ៉ុប ត្រូវបានចាប់ខ្លួន

2023/12/15 01:25:28 pm        170
Facebook Telegram Linkin
ប្រទេសអាល្លឺម៉ង់ និងដាណឺម៉ាក បាននិយាយថា ពួកគេបានឃុំខ្លួនជនសង្ស័យភេរវករ រួមមានទាំងសមាជិកក្រុមហាម៉ាស ពីបទសង្ស័យរៀបចំផែនការវាយប្រហារ លើស្ថាប័នជនជាតិជ្វីហ្វនៅអឺរ៉ុប។ រដ្ឋអាជ្ញាប្រទេសអាល្លឺម៉ង់ បាននិយាយកាលពីថ្ងៃព្រហស្បតិ៍ថា សមាជិកក្រុមហាម៉ាស៤នាក់ ត្រូវបានឃុំខ្លួននៅក្នុងប្រទេសអាល្លឺម៉ង់ និងហូឡង់។ ជនសង្ស័យទាំងបួននាក់ តាមដែលចោទប្រកាន់ ថាបានទទួលបញ្ជាពីក្រុមហាម៉ាសឱ្យដឹកជញ្ជូនសព្វាវុធទៅកាន់ទីក្រុងប៊ែរឡាំង កាលពីខែតុលា ឬក្រោយមកទៀត។ រដ្ឋអាជ្ញា សង្ស័យថាអ្នកជាប់ឃុំ កំពុងរៀបចំធ្វើការវាយប្រហារភេរវកម្មទៅលើស្ថាប័នជនជាតិជ្វីហ្វ។ ជនជាតិលីបង់ និងអេហ្ស៊ីប ក៏ស្ថិតក្នុងចំណោមជនសង្ស័យ។ មន្ត្រីនគរបាលប្រទេសដាណឺម៉ាក បាននិយាយថា ពួកគេបានឃុំខ្លួនមនុស្សបីនាក់នៅក្នុងប្រទេសនេះ ពីបទសង្ស័យរៀបចំផែនការវាយប្រហារភេរវកម្ម។ ពួកគេមិនបាននិយាយថាតើជនសង្ស័យទាំងបីនាក់នោះ មានទំនាក់ទំនងជាមួយក្រុមហាម៉ាសឬអត់នោះទេ។ នគរបាល មានផែនការពង្រឹងសន្តិសុខនៅក្នុងរដ្ឋធានី ខូផេនហាហ្គេន(Copenhagen) និងសហគមន៍ជនជាតិជ្វីហ្វ។ ពិធីបុណ្យប្រពៃណីរបស់ជនជាតិជ្វីហ្វ ដែលបានត្រូវបានគ្រោងទុក កាលពីថ្ងៃព្រហស្បតិ៍ ត្រូវបានលុបចោល។ នាយករដ្ឋមន្ត្រីដាណឺម៉ាក លោកស្រី ម៉េតតេ ហ្វ្រេតឌឺរីកសេន(Mette Frederiksen) បាននិយាយថា វាពិតជាធ្ងន់ធ្ងរណាស់ ហើយទាក់ទងនឹងជម្លោះអ៊ីស្រាអែល-ហ្កាហ្សា ពិតជាពុំអាចទទួលយកបានទាំងស្រុងសម្រាប់នរណាម្នាក់ក្នុងការយកជម្លោះពីកន្លែងផ្សេងក្នុងពិភពលោក ចូលមកក្នុងសង្គមរបស់ប្រទេសដាណឺម៉ាក។ អង្គភាពសេវាចារកម្មអ៊ីស្រាអែល Mossad បានចេញសេចក្តីថ្លែងការណ៍មួយនិយាយថា អង្គការភេរវកម្មក្រុមហាម៉ាស បាននិងកំពុងធ្វើការឥតឈប់ឈរ ដើម្បីពង្រីកប្រតិបត្តិការដ៍ឃោឃៅរបស់ខ្លួនទៅកាន់ទ្វីបអឺរ៉ុប ហើយដោយហេតុនេះ បានបង្កើតជាការគំរាមកំហែងដល់សន្តិសុខក្នុងស្រុករបស់ប្រទេសជាច្រើន។

កូរ៉េខាងត្បូង ជប៉ុន ប្រញាប់ប្រញាល់បញ្ជូនយន្តហោះ ខណៈយន្តហោះចម្បាំងចិន និងរុស្ស៊ី ចូលក្នុងតំបន់ការពារកូរ៉េ

2023/12/15 01:16:32 pm        144
Facebook Telegram Linkin
យោធាប្រទេសកូរ៉េខាងត្បូង បាននិយាយកាលពីថ្ងៃព្រហស្បតិ៍ថា ខ្លួនបានប្រញាប់ប្រញាល់បញ្ជូនយន្តហោះចម្បាំង ជាការឆ្លើយតបទៅនឹងការចូលមករបស់យន្តហោះយោធាចិនចំនួនពីរគ្រឿង និងរុស្ស៊ីចំនួន ៤ គ្រឿង ចូលទៅក្នុងតំបន់ការពារដែនអាកាសរបស់ខ្លួន ដែលត្រូវបានគេស្គាល់ថាជាតំបន់កំណត់អត្តសញ្ញាណការពារដែនអាកាសកូរ៉េ (KADIZ) ។ទោះបីជាមានការឈ្លានពានចូលទៅក្នុងតំបន់កំណត់អត្តសញ្ញាណការពារដែនអាកាសកូរ៉េ (KADIZ) ក៏ដោយ ក៏យោធាបាននិយាយថា យន្តហោះទាំងនោះ មិនបានរំលោភលើដែនអាកាសរបស់កូរ៉េខាងត្បូងនោះទេ។ យោងតាមក្រសួងការពារជាតិរបស់ប្រទេស បានឱ្យដឹងថា ប្រទេសជប៉ុន ក៏បានចេញយន្តហោះយ៉ាងប្រញ៉ាប់ប្រញាល់ ដើម្បីតាមដានការហោះហើររួមគ្នារបស់យន្តហោះទម្លាក់គ្រាប់បែក និងយន្តហោះចម្បាំងរបស់ប្រទេសចិន និងរុស្ស៊ី។យោងតាមអង្គការអាកាសចរណ៍ស៊ីវិលអន្តរជាតិបានឲ្យដឹងថា តំបន់កំណត់អត្តសញ្ញាណការពារដែនអាកាស(ADIZ) ធម្មតាជាតំបន់មួយដែលប្រទេសនានាអាចទាមទារជាឯកតោភាគី ឱ្យយន្តហោះបរទេសមានចំណាត់ការពិសេសដើម្បីកំណត់អត្តសញ្ញាណដោយខ្លួនឯង ។

ពលរដ្ឋអ៊ុយក្រែននិយាយថា ប្រទេសនេះសាកសមនឹងក្លាយជាសមាជិកសហភាពអឺរ៉ុប

2023/12/15 01:12:07 pm        120
Facebook Telegram Linkin
ប្រជាជនអ៊ុយក្រែននៅក្នុងរដ្ឋធានីគីវ បាននិយាយកាលពីថ្ងៃព្រហស្បតិ៍ថា ប្រទេសរបស់ពួកគេ សមនឹងក្លាយជាសមាជិកសហភាពអឺរ៉ុប បន្ទាប់ពីមេដឹកនាំអឺរ៉ុប បានព្រមព្រៀងបើកកិច្ចពិភាក្សាពីសមាជិកភាពសម្រាប់អ៊ុយក្រែន។ពលរដ្ឋទីក្រុងគីវ បានពណ៌នាការសម្រេចនេះថាជា «ឱកាសពិតប្រាកដ» និងជា «ជំហានឆ្ពោះទៅមុខ» ។ ប្រធានាធិបតីអ៊ុយក្រែនលោក Volodymyr Zelenskiy បានស្វាគមន៍សេចក្តីសម្រេចនេះដោយនិយាយថា «ប្រវត្តិសាស្រ្តត្រូវបានបង្កើតឡើងហើយ» ។សេចក្តីសម្រេច ត្រូវបានប្រកាសដោយប្រធានក្រុមប្រឹក្សាអឺរ៉ុប លោក Charles Michel នៅថ្ងៃដំបូងនៃកិច្ចប្រជុំកំពូលនៅទីក្រុង Brussels គឺជាការជំរុញទឹកចិត្តដែលត្រូវការច្រើនសម្រាប់ទីក្រុងគីវ ដែលបារម្ភថា ការគាំទ្ររបស់ប្រទេសលោកខាងលិចកំពុងធ្លាក់ចុះ ខណៈសង្គ្រាមជាមួយរុស្ស៊ីនៅបន្តកើតមានដោយគ្មានការមើលឃើញទីបញ្ចប់។ អ៊ុយក្រែន បានប្រកាសពីបំណងសម័យសង្គ្រាមរបស់ខ្លួន ដើម្បីចូលក្នុងសហភាពអឺរ៉ុប ប៉ុន្មានថ្ងៃបន្ទាប់ពីរុស្ស៊ី បានបើកការឈ្លានពានពេញលេញក្នុងខែកុម្ភៈ ឆ្នាំ២០២២។ទោះបីជា មានការប្រឆាំងជាច្រើនខែពីប្រទេសហុងគ្រី អំពីការចូលជាសមាជិកសហភាពអឺរ៉ុបរបស់ទីក្រុង គីវ ក៏ដោយ នាយករដ្ឋមន្ត្រីហុងគ្រី លោក Viktor Orban ដែលបាននិយាយជាច្រើនសប្តាហ៍កន្លងទៅនេះថា លោកនឹងរារាំងកិច្ចព្រមព្រៀងបែបនេះ ដែលបានយល់ព្រមចាកចេញពីបន្ទប់ ដោយដឹងថាមេដឹកនាំផ្សេងទៀតនឹងឆ្ពោះទៅរកការបោះឆ្នោត។

សភាអាមេរិក អនុម័តថវិកាការពារជាតិ ៨៨៦ពាន់លានដុល្លារ ដែលលោកBiden នឹងចុះហត្ថលេខាចូលជាច្បាប់

2023/12/15 12:29:12 pm        117
Facebook Telegram Linkin
សភាសហរដ្ឋអាមេរិក បានអនុម័តកញ្ចប់ថវិកាការពារជាតិចំនួន ៨៨៦ពាន់លានដុល្លារសម្រាប់ឆ្នាំ ២០២៤ កាលពីថ្ងៃព្រហស្បតិ៍ ខណៈការពង្រីកប្រព័ន្ធស៊ើបអង្កេតអេឡិចត្រូនិកក្រៅប្រទេសដ៏ចម្រូងចម្រាស ត្រូវបានប្រើប្រាស់យ៉ាងទូលំទូលាយដោយអង្គភាពសេវាស៊ើបការណ៍សម្ងាត់របស់សហរដ្ឋអាមេរិក។ សេចក្តីស្នើច្បាប់ការចំណាយដ៏ច្រើន ត្រូវបានអនុម័តនៅក្នុងសភាតំណាងរាស្រ្តបន្ទាប់ពីការបោះឆ្នោតនៅព្រឹទ្ធសភាកាលពីថ្ងៃពុធ បានផ្តល់ប្រាក់រាប់ពាន់លានដុល្លារ ដើម្បីពង្រឹងការរារាំង និងជំហរការពាររបស់សហរដ្ឋអាមេរិក នៅក្នុងតំបន់ឥណ្ឌូប៉ាស៊ីហ្វិក និងប្រឆាំងការកើនឡើងឥទ្ធិពលរបស់ប្រទេសចិននៅទីនោះ។ ឯកសារនេះ ក៏ពង្រីកកម្មវិធីជំនួយយោធាដល់ប្រទេសអ៊ុយក្រែន ដែលអនុញ្ញាតឱ្យមានការបញ្ចេញប្រាក់ជាបន្តបន្ទាប់នូវទឹកប្រាក់ចំនួន ៣០០ លានដុល្លារសម្រាប់ទីក្រុងគីវ។ទឹកប្រាក់មានចំនួនតិចជាង ៦១ ពាន់លានដុល្លារអាមេរិកដាច់ដោយឡែក ដែលបានស្នើដោយប្រធានាធិបតីអាមេរិក និងអ៊ុយក្រែន ពីសភានៅចុងឆ្នាំនេះ ជាកញ្ចប់ដ៏ច្រើនសម្បើម សម្រាប់ការផ្តល់អាវុធដល់អ៊ុយក្រែន ដែលនៅតែត្រូវបានពិភាក្សាដេញដោល។ថវិកាថ្មីនេះ ក៏ផ្តល់ការដំឡើងប្រាក់ខែប្រាំភាគរយដល់បុគ្គលិកយោធាផងដែរ។ សេចក្តីស្នើច្បាប់នេះ មិនរួមបញ្ចូលវិធានការបន្ថែម ដែលដាក់ចេញដោយគណបក្សសាធារណរដ្ឋដើម្បីរឹតត្បិតការប្រើប្រាស់សិទ្ធការរំលូតកូនសម្រាប់បុគ្គលិកយោធា និងហាមឃាត់មន្ទីរបញ្ចកោណមិនឲ្យលើកទង់ជាតិមោទនភាពអ្នកស្រលាញ់ភេទដូចគ្នា នៅលើមូលដ្ឋានរបស់ខ្លួន។ ឯកសារដែលមានច្រើនជាង ៣.០០០ទំព័រ បច្ចុប្បន្ននេះ នឹងទៅកាន់តុរបស់ប្រធានាធិបតី លោក Joe Biden សម្រាប់ការអនុម័តចុងក្រោយ។

នាយករដ្ឋមន្ត្រីប៉ាឡេស្ទីន បញ្ជាក់ថា ព្រំដែននយោបាយ ត្រូវការជាចាំបាច់ ដើម្បីសន្តិភាព

2023/12/15 12:25:13 pm        82
Facebook Telegram Linkin
នាយករដ្ឋមន្ត្រីប៉ាឡេស្ទីន លោក Mohammad Shtayyeh បាននិយាយថា សម្ពាធអន្តរជាតិលើអាជ្ញាធរប៉ាឡេស្ទីន (PA) ក្នុងការរុះរើការថ្នាក់ដឹកនាំរបស់ខ្លួន និងបង្កើនការកែទម្រង់ គឺជាការរំខានពីតម្រូវការសម្រាប់ព្រំដែននយោបាយ ដើម្បីដាក់មូលដ្ឋានសម្រាប់សន្តិភាព ក្រោយសង្គ្រាមហ្កាហ្សា។នៅក្នុងបទសម្ភាសន៍ជាមួយសារព័ត៌មានរ៉យទ័រ លោក Shtayyeh បានអំពាវនាវឲ្យមានអន្តរាគមន៍ពីអន្តរជាតិ ដើម្បីបញ្ចប់ជម្លោះដែលអូសបន្លាយរាប់ទសវត្សរ៍ ដោយនិយាយថា សហរដ្ឋអាមេរិក ដែលជាប្រទេសដែលមានឥទ្ធិពលក្នុងតំបន់បំផុត រហូតមកទល់ពេលនេះ មិនបានប្រើប្រាស់ឥទ្ធិពលរបស់ខ្លួនប្រកបដោយប្រសិទ្ធភាពនោះទេ។លោក បាននិយាយទៀតថា៖«អ្វីដែលយើងត្រូវការ គឺមួយថ្ងៃក្រោយសម្រាប់ដែនដីប៉ាឡេស្ទីនទាំងមូល។ អ្វីដែលយើងត្រូវការ គឺដើម្បីមើលឃើញការបញ្ចប់ជម្លោះអ៊ីស្រាអែល-ប៉ាឡេស្ទីន និងការធ្វើឲ្យលេចចេញជារូបរាងជាក់ស្តែង និងការអនុវត្តនូវ (ដំណោះស្រាយ)រដ្ឋពីរ។ផែនការសម្រាប់អនាគតនៅតំបន់ហ្កាហ្សា នៅពេលដែលកងកម្លាំងអ៊ីស្រាអែល បញ្ចប់ការលុកលុយអស់ជាច្រើនសប្តាហ៍របស់ពួកគេ នៅតែមានភាពមិនច្បាស់លាស់ ប៉ុន្តែមានការគាំទ្រជាអន្តរជាតិយ៉ាងទូលំទូលាយសម្រាប់តួនាទីឈានមុខគេដែលត្រូវប្រគល់ឲ្យអាជ្ញាធរប៉ាឡេស្ទីនដែលបច្ចុប្បន្នអនុវត្តអភិបាលកិច្ចមានកម្រិត នៅតំបន់វេសបែងដែលគ្រប់គ្រងដោយអ៊ីស្រាអែល។ទោះបីជាយ៉ាងណាក៏ដោយ អាជ្ញាធរប៉ាឡេស្ទីនដែលជាស្ថាប័នដែលត្រូវបានបង្កើតឡើង បន្ទាប់ពីកិច្ចព្រមព្រៀង Oslo ឆ្នាំ១៩៩៣ ត្រូវបានញាំញីដោយការចោទប្រកាន់នៃភាពគ្មានប្រសិទ្ធភាព និងអំពើពុករលួយ ដោយទីក្រុងវ៉ាស៊ីនតោន បានជំរុញឲ្យមានការរង្គោះរង្គើក្នុងការដឹកនាំរបស់លោកប្រធានាធិបតី ម៉ាខ្មូត អាបាស (Mahmoud Abbas) ដែលមានវ័យ៨៨ឆ្នាំទៅហើយនោះ។

រលកត្រជាក់ គ្របដណ្តប់នៅភាគខាងជើងប្រទេសចិន ខណៈភាគខាងត្បូងទប់ទល់ភាពត្រជាក់ខ្លាំង

2023/12/15 12:21:02 pm        131
Facebook Telegram Linkin
ក្រុមអ្នកព្យាករណ៍បាននិយាយថា អាកាសធាតុត្រជាក់បានគ្របដណ្តប់តំបន់ធំៗនៅប្រទេសចិន កាលពីថ្ងៃព្រហស្បតិ៍ ដោយការធ្លាក់ចុះសីតុណ្ហភាពខ្លាំងត្រូវបានគេរំពឹងទុកក្នុងរយៈពេលពីរថ្ងៃបន្ទាប់ ជាពិសេសនៅភាគខាងត្បូង ខណៈអាកាសធាតុមានភាពត្រជាក់ខ្លាំងខុសពីធម្មតាសម្រាប់ខែធ្នូ។អាកាសធាតុត្រជាក់ភ្លាមៗ កំពុងផ្លាស់ប្តូរពីខេត្តជាច្រើននៅភាគខាងជើងដែលរងគ្រោះដោយព្យុះទឹកកកទៅកាន់តំបន់ភាគកណ្តាល និងភាគខាងត្បូង ដូចជាខេត្ត ហ្គូចូវ(Guizhou) ហើយបានរុញច្រានកាន់តែជ្រៅទៅក្នុងផ្នែកនៃដីសណ្ដទន្លេ យ៉ងស្សេ(Yangtze)។ផ្នែកនៃផ្លូវ highways ដែលស្ថិតនៅក្រោមការត្រួតពិនិត្យរបស់អាជ្ញាធរចរាចរណ៍ក្រុងប៉េកាំង រួមទាំងរហូតទៅដល់អាកាសយានដ្ឋាន Daxing ជាផ្លូវក្រវ៉ាត់ខាងក្រៅដែលភ្ជាប់ទៅកាន់ខេត្តជិតខាង Hebei ព្រមទាំងផ្នែកនៃផ្លូវល្បឿនលឿនទៅកាន់ទីក្រុងសៀងហៃ និងខេត្តក្វាងទុង(Guangdong) នៅភាគខាងត្បូង ត្រូវបានបិទជាបណ្តោះអាសន្នដោយសារតែព្រិលធ្លាក់។ ក្រុមអ្នកព្យាករណ៍បាននិយាយថា សីតុណ្ហភាពធ្លាក់ចុះខ្លាំង ត្រូវបានគេរំពឹងទុកក្នុងរយៈពេលពីរថ្ងៃខាងមុខ ជាពិសេសនៅភាគខាងត្បូង។អ្នកព្យាករណ៍និយាយថា កន្លែងជាច្រើននៅភាគខាងជើង នឹងជួបប្រទះភាពត្រជាក់ខ្លាំងបំផុត ខណៈដែលសីតុណ្ហភាពនៅភាគខាងត្បូងនឹងផ្លាស់ប្តូរពីក្តៅទៅត្រជាក់ភ្លាមៗ។ អាកាសធាតុ នៅទីក្រុងណានជីង ជារដ្ឋធានីដែលមានប្រជាជនច្រើនរបស់ខេត្តជាំងស៊ូ(Jiangsu) នៅលើច្រាំងទន្លេភាគខាងត្បូងទន្លេយ៉ង់ស្សេ ជិតទីក្រុងសៀងហៃ ត្រូវបានគេរំពឹងថានឹងធ្លាក់ចុះដល់ប្រហែល ៥ អង្សាសេពីកម្រិត១៦ អង្សាសេក្នុងរយៈពេល ២៤ ម៉ោងបន្ទាប់នេះ។នៅទីក្រុងប៉េកាំង ព្រិលធ្លាក់កំពុងកើនឡើងតាំងពីថ្ងៃចន្ទ ក្នុងរដ្ឋធានីមានប្រជាជនជិត ២២ លាននាក់។ សីតុណ្ហភាពត្រូវបានគេរំពឹងថានឹងធ្លាក់ចុះបន្ថែមទៀតដល់ ដក១២ អង្សាសេ នៅថ្ងៃសុក្រនេះ ពីប្រហែលដក ៣ អង្សាសេ កាលពីថ្ងៃព្រហស្បតិ៍។

បណ្ដាញសង្គម

ព័ត៌មានថ្មីៗ

យានយន្តយោធា ទៅដល់ទីក្រុងវ៉ាស៊ីនតោន នៅមុនព្យុហយាត្រាខួបកងទ័ពអាមេរិក
06/09/2025 12:06 PM
Facebook Telegram Linkin
ភាគហ៊ុនសកលហក់ឡើង ប្រាក់ដុល្លារធ្លាក់ចុះ នៅមុនកិច្ចចរចាពាណិជ្ជកម្មអាមេរិក-ចិន
06/09/2025 12:06 PM
Facebook Telegram Linkin
ព្រះពុទ្ធបដិមា កសាងអំពីស្ព័ន និងលោហៈ ទម្ងន់៩តោននឹងត្រូវដាក់តាំងបង្ហាញ​នៅព្រលាន​យន្ត​ហោះ​អន្តរជាតិ​តេជោ
06/09/2025 12:06 PM
Facebook Telegram Linkin
សម្តេចធិបតី និងលោកជំទាវបណ្ឌិត អញ្ជើញដឹកនាំគណៈប្រតិភូដល់ប្រទេសបារាំង ប្រកបដោយសុខសុវត្ថិភាព ដើម្បីចូលរួមសន្និសីទ UNOC3 ស្តីពីមហាសមុទ្រ
06/09/2025 11:06 AM
Facebook Telegram Linkin
អ៊ីស្រាអែល បង្ហាញផ្លូវរូងក្រោមដីនៅក្រោមមន្ទីរពេទ្យហ្កាហ្សា ហើយសាកសពលោកSinwar រកឃើញនៅទីនោះ
06/09/2025 11:06 AM
Facebook Telegram Linkin
តំណាងសមាគម៖ សិប្បកម្មក្នុងស្រុកកំពុងរីកចម្រើន និងកំពុងផ្គត់ផ្គង់​លើទីផ្សារ​ជំនួស​ការនាំចូល
06/09/2025 11:06 AM
Facebook Telegram Linkin
អ៊ីរ៉ង់និយាយថា គ្មានការបន្ធូរបន្ថយទណ្ឌកម្មណាមួយឡើយ ចំពោះសំណើនុយក្លេអ៊ែររបស់អាមេរិក
06/09/2025 11:06 AM
Facebook Telegram Linkin
គណៈកម្មាធិការវិនិយោគ៖ រាជរដ្ឋាភិបាលកំពុងបន្តកែលម្អបរិស្ថានវិនិយោគ និងធុរកិច្ចឱ្យកាន់តែប្រសើរ
06/09/2025 11:06 AM
Facebook Telegram Linkin
សម្តេចតេជោ ហ៊ុន សែន អញ្ជើញគោរពវិញ្ញាណក្ខន្ធសព ឯកឧត្តមកិត្តិនីតិកោសលបណ្ឌិត ម៉ុម ជីមហ៊ុយ
06/09/2025 11:06 AM
Facebook Telegram Linkin
តម្លៃប្រេងរក្សាកំណើន មុនកិច្ចចរចាពាណិជ្ជកម្មអាមេរិក-ចិន នៅចក្រភពអង់គ្លេស ក្នុងថ្ងៃចន្ទនេះ
06/09/2025 10:06 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.