នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម
សម្ដេចតេជោ អំពាវនាវដល់រាជរដ្ឋាភិបាលយកចិត្តទុកដាក់សាងសង់កន្លែងស្នាក់នៅសម្រាប់សិស្សជាស្ត្រី
សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

នយោបាយ​ និង ការអភិវឌ្ឍន៍

ដោយភាពតានតឹងជាមួយចិនកើនឡើង អាមេរិកធ្វើឲ្យអាកាសយានដ្ឋានប៉ាស៊ីហ្វិកសម័យសង្គ្រាមលោកលើកទី២ ដំណើរការវិញ

2023/12/30 08:11:52 pm        193
Facebook Telegram Linkin
នៅកណ្តាលមហាសមុទ្រប៉ាស៊ីហ្វិក អាកាសយានដ្ឋានរបស់សហរដ្ឋអាមេរិក ដែលត្រូវបានបោះបង់ចោល កំពុងត្រូវបានធ្វើឲ្យមានសកម្មភាពឡើងវិញ ដោយទីនេះធ្លាប់ជាទីតាំងដ៏សំខាន់ ក្នុងការបញ្ជូនគ្រាប់បែកនុយក្លេអ៊ែរទៅទម្លាក់លើប្រទេសជប៉ុន ហើយស្ទើរតែបាត់បង់ដោយសារប្រវត្តិសាស្រ្ត ចំពេលមានការទន្ទ្រានព្រៃ។ តែយ៉ាងណាក្ដី នៅពេលដែលជនជាតិអាមេរិកចូលទៅកាប់ព្រៃ ដែលដុះក្រាស់ឃ្មឹកយ៉ាងរហ័ស នៅឯអាកាសយានដ្ឋានកោះ Tinian និងព្រលានយន្តហោះចាស់ៗផ្សេងទៀត ពោលគឺជាមូលដ្ឋានសម័យសង្គ្រាមលោកលើកទី២ នៅទូទាំងតំបន់នោះ ការធ្វើនោះនឹងមិនបានគិតដល់ប្រទេសជប៉ុននៅក្នុងគំនិតរបស់ពួកគេនោះឡើយ។ផ្ទុយទៅវិញ ដោយសារឥទ្ធិពល ដែលកំពុងកើនឡើងរបស់ទីក្រុងប៉េកាំង នៅក្នុងមហាសមុទ្រប៉ាស៊ីហ្វិក ទើបជំរុញឲ្យមានការស្ដារឡើងវិញនូវផ្លូវរត់ ដែលត្រូវបានបោះបង់ចោល នៅលើផ្ទៃដី ១០០គីឡូម៉ែត្រការ៉េ ដែលបង្កើតបានជាកោះ Tinian ដែលជាផ្នែកមួយនៃទឹកដីរបស់សហរដ្ឋអាមេរិកនៃប្រជុំកោះ Northern Mariana។អ្នកនាំពាក្យម្នាក់បានប្រាប់សារព័ត៌មាន AFP ថា៖ «ការស្តារឡើងវិញនូវអាកាសយានដ្ឋានសម័យសង្គ្រាមលោកលើកទី២ នេះ បានផ្តល់ឲ្យកងកម្លាំងអាកាសប៉ាស៊ីហ្វិក (PACAF) នូវផ្លូវរត់ ដែលអាចប្រតិបត្តិបានយ៉ាងឆាប់រហ័ស ដើម្បីលើកកម្ពស់ហេដ្ឋារចនាសម្ព័ន្ធ នៅក្នុងតំបន់»។ទោះបីជាសេចក្តីថ្លែងការណ៍ បានលើកឡើងពី «ហេតុផលនៃភាពបន្ទាន់» ដែលអនុញ្ញាតឲ្យ PACAF «ពង្រឹងសមត្ថភាពប្រយុទ្ធ និងធ្វើឲ្យប្រសើឡើងនូវជំហររារាំងជាមួយសម្ព័ន្ធមិត្ត និងដៃគូក៏ដោយ» ក៏សេចក្ដីថ្លេងការណ៍នោះមិនបាននិយាយសំដៅដោយផ្ទាល់ដល់ប្រទេសចិននោះឡើយ។ប៉ុន្តែផែនការរបស់ទីក្រុងវ៉ាស៊ីនតោន សម្រាប់អ្វី ដែលមន្ត្រីបានពិពណ៌នាថា ជាទីកន្លែង «ដ៏ធំទូលំទូលាយ» នៅលើកោះ Tinian នេះ កើតឡើងចំពេលមានការផ្លាស់ប្ដូរយ៉ាងខ្លាំងផ្នែកយោធាទៅកាន់តំបន់ប៉ាស៊ីហ្វិក ក្នុងប៉ុន្មានឆ្នាំថ្មីៗនេះ ហើយនៅពេលដែលប្រទេសចិនសាងសង់មូលដ្ឋានថ្មីរបស់ខ្លួន នៅក្នុងតំបន់ ក្នុងនោះរួមទាំងនៅក្នុងដែនទឹក ដែលមានជម្លោះផងដែរ៕

កម្មវិធីបណ្តុះបណ្តាលជំនាញ១.៥លាននាក់៖ ក្រសួងការងារនឹងបើកបវេសនកាលទូទាំងប្រទេស នៅថ្ងៃទី១៥ ខែមករា

2023/12/30 06:50:46 pm        307
Facebook Telegram Linkin
ក្រសួងការងារ និងបណ្តុះបណ្តាលវិជ្ជាជីវៈ នឹងបើកបវេសនកាលសម្រាប់វគ្គបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យនៅទូទាំងប្រទេស នាថ្ងៃទី១៥ ខែមករា ឆ្នាំ២០២៣ ខណៈមានអ្នកចុះឈ្មោះចូលរៀនប្រមាណជិត២ម៉ឺននាក់។ឯកឧត្តម កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី៣០ ខែធ្នូ ឆ្នាំ២០២៣ បានឱ្យដឹងថា វិទ្យាស្ថានបណ្តុះបណ្តាលបច្ចេកទេស និង​វិជ្ជាជីវៈទាំងអស់ដែលស្ថិតនៅក្រោមការគ្រប់គ្រងរបស់ក្រសួងការងារ នឹងបើកបវេសនកាល​ព្រមគ្នានៅថ្ងៃទី១៥ ខែមករា ឆ្នាំ២០២៣ខាងមុខនេះដើម្បីផ្តើមការបណ្តុះបណ្តាលវគ្គទី១។ ឯកឧត្តម បន្ថែមថា “កម្មវិធីបើកបវេសនកាលធំ គឺធ្វើឡើងនៅវិទ្យាស្ថានជាតិ​ពហុបច្ចេកទេសកម្ពុជា (NPIC)នៅថ្ងៃទី១៥ ខែមករា ឆ្នាំ២០២៤ខាងមុខ ដែលជានិមិត្តរូបនៃការបើកវគ្គបណ្តុះបណ្តាលនូវ​ទូទាំង​ប្រទេសនៃកម្មវិធីថ្នាក់ជាតិរបស់រាជរដ្ឋាភិបាលកម្ពុជា​ដែល​បានប្រកាសដាក់ចេញ​ឱ្យអនុវត្តកាលពីថ្ងៃទី១៤ ខែវិច្ឆិកា ឆ្នាំ២០២៣ ដោយសម្តចមហាបវរធិបតី ហ៊ុន ម៉ាណែត”។ មួយវិញទៀត ឯកឧត្តមអ្នកនាំពាក្យ ​បានបញ្ជាក់ពីចំនួនអ្នកចូលរៀនដែលគិតមកត្រឹមថ្ងៃទី២៩ ខែធ្នូ នេះមានពលរដ្ឋ ​និងយុវជនមកពីគ្រួសារក្រីក្រ ជាង១.៩ម៉ឺននាក់ បានមកចុះឈ្មោះចូលរៀន។ ក្នុងនោះរាជធានីភ្នំពេញ មានអ្នកចុះឈ្មោះចូលរៀនច្រើនជាងគេ។ បន្ថែមពីនេះ វិស័យ​ដែលទទួលបានការចាប់អារម្មណ៍ច្រើនជាងគេគឺ វិស័យសំណង់, អគ្គិសនី និងថាមពល, អេឡិចត្រូនិក, កម្មន្តសាល, មេកានិចទូទៅ/មេកានិចរថយន្ត, ធុរកិច្ច និងព័ត៌មានវិទ្យា និងបរិក្ខារត្រជាក់ និងកម្តៅជាដើម។ នេះបើតាមការបញ្ជាក់របស់ក្រសួងដដែល។ ឯកឧត្តមអ្នកនាំពាក្យ បានរំលឹកថា ​ដើម្បីទទួលបានសិស្សចុះឈ្មោះចូលរៀន មន្ត្រីក្រសួងគ្រប់ជាន់​ថ្នាក់ និងវិទ្យាស្ថានទូទាំងប្រទេស បានចេញយុទ្ធនាការគោះទ្វាគ្រប់ខ្នងផ្ទះនៅគ្រប់ច្រកល្ហក និង​ទីប្រជុំជនដើម្បីប្រកាស និងពន្យល់ពីកម្មវិធីថ្នាក់ជាតិធ្វើយ៉ាងណាឱ្យក្រុមយុវជនគោល​ដៅចុះឈ្មោះចូលរៀន។ សូមបញ្ជាក់ថា ការបណ្តុះបណ្តាលជំនាញវិជ្ជាជីវៈ និងបច្ចេកទេសទៅដល់យុវជនមកពីគ្រួសារក្រីក្រ និងគ្រួសារងាយរងហានិភ័យចំនួន ១,៥ លាននាក់ គឺជាកម្មវិធីថ្នាក់ជាតិរបស់រាជ​រដ្ឋាភិបាលកម្ពុជា​ក្នុងអាណត្តិទី៧នេះ ដែលប្រមុខរដ្ឋាភិបាលសម្តេចមហាបវរធិបតី ហ៊ុន ម៉ាណែត កាលពីថ្ងៃទី១៤ វិច្ឆិកា ឆ្នាំ២០២៣ ថ្មីៗ បានប្រកាសដាក់ឱ្យអនុវត្តជាផ្លូវការនូវកម្មវិធីបណ្តុះបណ្តាល​នេះ​ដើម្បីឱ្យយុវជនមកពីគ្រួសារក្រីក្រ និងងាយរងគ្រោះអាចឆាប់មានជំនាញវិជ្ជាជីវៈ និងឆាប់មានការងារធ្វើសមរម្យ ដើម្បីលើកកម្ពស់ជីវភាពគ្រួសារ៕

ប្រជាពលរដ្ឋក្រុងភ្នំពេញផ្ញើសារជូនពរ ខណៈពិធីឆ្លងឆ្នាំសកល២០២៤ ជិតឈានមកដល់

2023/12/30 06:37:30 pm        177
Facebook Telegram Linkin
ភ្នំពេញ៖ ក្នុងឱកាសឆ្នាំថ្មី ឆ្នាំសាកល២០២៤ នឹងឈានមកដល់នាពេលខាងមុខឆាប់ៗនេះ ប្រជាពលរដ្ឋរស់នៅរាជធានីភ្នំពេញ បានផ្ញើសារជូនពរ និងបង្ហាញនូវក្តីប្រាថ្នាស្រដៀងៗគ្នាថា ចង់ឲ្យប្រទេសជាតិមានសុខសន្តិភាពដូចសព្វថ្ងៃនេះ និងមានការអភិវឌ្ឍរីកចម្រើនទៅមុខបន្តទៀត។អ្នកស្រី ទិត្យ ផល្លា អតីតគ្រូបង្រៀននៅសាលាទួលទំពូង ក្នុងបទសម្ភាសជាមួយ​ទូរទស្សន៍​ព័ត៌មាន ប៊ីធីវី នៅព្រឹកថ្ងៃទី៣០ ខែធ្នូ ឆ្នាំ២០២៣នេះ បានឲ្យដឹងថា ក្នុងឱកាសពិធីឆ្លងឆ្នាំសកលខាងមុខនេះ អ្នកស្រីមិនមានគម្រោងដើរកម្សាន្តទៅទីណាទេ ដោយសារវ័យកាន់តែចាស់។ អ្នកស្រី បានផ្ញើសារជូនពរពីចម្ងាយជូនដល់ប្រជាពលរដ្ឋខ្មែរទាំងអស់ ជួបតែសេចក្តីសុខក្នុងក្រុមគ្រួសារ ការប្រកបរបររស៊ីរីកចម្រើនទៅមុខជាបន្តបន្ទាប់ និងឲ្យមានសុខភាពល្អ។ស្រដៀងគ្នាខាងលើនេះ លោក ហែម សុគន្ធា ពលរដ្ឋរស់នៅភ្នំពេញ និងលោក តុលា មានស្រុកកំណើតនៅខេត្តកំពង់ចាម បច្ចុប្បន្នរស់នៅ និងធ្វើការនៅក្រុងភ្នំពេញ បាននិយាយថា នៅសល់តែ១ថ្ងៃទៀតប៉ុណ្ណោះ នឹងចូលឆ្នាំថ្មីឆ្នាំ២០២៤ហើយ ឆ្លៀតក្នុងឱកាសនេះ លោកសូមជូនពរផងដែរ សូមឲ្យប្រជាជាតិខ្មែរទាំងមូលឲ្យទទួលបាននូវសុខសន្តិភាព និង​សុភមង្គលក្នុងឆ្នាំថ្មីខាងមុខនេះ។ ក្រុមប្រជាពលរេដ្ឋទាំងអស់នេះ ក៏បានជូនពរជូនចំពោះថ្នាក់ដឹកនាំគ្រប់ជាន់ថ្នាក់​នៃជួររាជរដ្ឋាភិបាលកម្ពុជា​ផងដែរ សូមឲ្យទទួលបានសុខភាពល្អ​បរិបូរណ៍ កម្លាំងពលខ្លាំងក្លា និងបន្តដឹកនាំ កសាង និងអភិវឌ្ឍន៍​ប្រទេសជាតិឲ្យកាន់តែរីកចម្រើន​ថ្កុំថ្កើង​ប្រកប​ដោយ​វឌ្ឍនភាព សន្តិភាព​ និងស្ថិរភាពតរៀងទៅ៕

រដ្ឋកាលីហ្វ័រនីញ៉ា រក្សាទុកលោក Trump នៅលើសន្លឹកឆ្នោតតំណែងប្រធានាធិបតី ទោះបីជាមានការអំពាវនាវឱ្យដកលោកចេញក៏ដោយ

2023/12/30 05:48:19 pm        167
Facebook Telegram Linkin
រដ្ឋកាលីហ្វ័រនីញ៉ា សហរដ្ឋអាមេរិក បានសម្រេចរក្សាទុកអតីតប្រធានាធិបតី លោក Donald Trump នៅលើសន្លឹកឆ្នោតបឋមតំណែងប្រធានាធិបតីឆ្នាំ ២០២៤ ទោះបីជាមានសម្ពាធកាន់តែខ្លាំងសម្រាប់ការប្រកាសថាលោកពុំមានសិទ្ធិឈរឈ្មោះជាប្រធានាធិបតីនៅក្នុងរដ្ឋនេះក៏ដោយ។ រដ្ឋមន្ត្រីការបរទេសប្រចាំរដ្ឋកាលីហ្វ័រនីញ៉ា លោកស្រី Shirley Weber បានបោះពុម្ពបញ្ជីបេក្ខជន ដែលមានការបញ្ជាក់ សម្រាប់ការបោះឆ្នោតបឋមប្រធានាធិបតីនៅថ្ងៃទី ៥ ខែមីនា របស់រដ្ឋនេះ កាលពីល្ងាចថ្ងៃព្រហស្បតិ៍ ដែលរួមបញ្ចូលឈ្មោះរបស់លោក Trump ផងដែរ។ មន្ត្រីជាប់ឆ្នោតជាច្រើននាក់នៅក្នុងរដ្ឋកាលីហ្វ័រនីញ៉ា រួមទាំងអភិបាលរង លោក អេឡែនី គូណាឡាគីស(Eleni Kounalakis) បានអំពាវនាវឱ្យដកសិទ្ធិលោក Trump សម្រាប់តួនាទីដ៏ចម្រូងចម្រាសរបស់លោកនៅក្នុងការវាយប្រហារកាលពីថ្ងៃទី ៦ ខែមករា ឆ្នាំ ២០២១ ទៅលើវិមានកាពីតូល សហរដ្ឋអាមេរិក។ លោក Kounalakis បានផ្ញើលិខិតទៅលោកស្រី Shirley Weber កាលពីសប្តាហ៍មុនដោយជំរុញឱ្យលោកស្រី រិះរកគ្រប់ជម្រើសផ្លូវច្បាប់ ដើម្បីឱ្យលោក Trump ចាកចេញ។ កាលពីថ្ងៃព្រហស្បតិ៍ រដ្ឋ Maine បានដកសិទ្ធិលោក Trump ពីសន្លឹកឆ្នោតរដ្ឋនៅក្នុងការបោះឆ្នោតបឋមតំណែងប្រធានាធិបតីអាមេរិកនៅឆ្នាំក្រោយ ដោយក្លាយជារដ្ឋទីពីរដែលប៉ុនប៉ងរារាំងអតីតប្រធានាធិបតីរូបនេះ ដោយសារតែការវាយប្រហារលើវិមាន Capitol របស់សហរដ្ឋអាមេរិក។ រដ្ឋ Colorado គឺជារដ្ឋដំបូងគេដែលព្យាយាមហាមឃាត់លោក Trump ពីការបោះឆ្នោតឆ្នោត បន្ទាប់ពីតុលាការកំពូលរបស់រដ្ឋ បានសម្រេចកាលពីថ្ងៃទី ១៩ ខែធ្នូថា លោក Trump ពុំមានលក្ខណៈគ្រប់គ្រាន់សម្រាប់តំណែងប្រធានាធិបតីឡើយ។ កាលពីថ្ងៃពុធ តុលាការកំពូលរដ្ឋ Michigan បានច្រានចោលការប៉ុនប៉ងដកលោក Trump ចេញពីការបោះឆ្នោតបឋមរបស់រដ្ឋ សម្រាប់ការចោទប្រកាន់ថាមានជាប់ពាក់ព័ន្ធក្នុងការវាយប្រហារកាលពីឆ្នាំ ២០២១។ ក្រៅពីរដ្ឋ Michigan បញ្ហាប្រឈមស្រដៀងគ្នាប្រឆាំងលោក Trump ដែលបានដាក់បណ្តឹងក្នុងរដ្ឋជាច្រើនរបស់សហរដ្ឋអាមេរិក ត្រូវបានច្រានចោលរួចហើយ។

រដ្ឋបាលស្រុកមោងឫស្សីយកមុខម្ហូបជាប្រពៃណីស្រុករបស់ខ្លួនជិត១០មុខ ដាក់តាំងពិព័រណ៍ ក្នុងឱកាសឆ្លងឆ្នាំសកល នៅទីរួមខេត្តបាត់ដំបង

2023/12/30 05:39:31 pm        655
Facebook Telegram Linkin
ខណៈរដ្ឋបាលខេត្តបាត់ដំបង បានកំពុងរៀបចំពិព័រណ៍ម្ហូបខ្មែរជាប្រពៃណីរបស់ខេត្តរយៈពេល៣ថ្ងៃ ចាប់ពីថ្ងៃទី២៩ ដល់ថ្ងៃទី៣១ ខែធ្នូ ឆ្នាំ២០២៣ ដើម្បីអបអរសាទរពិធីឆ្លងឆ្នាំសកល២០២៣ ចូល២០២៤ ​និងអបអរ​សាទរក្រុងបាត់ដំបង បានចុះបញ្ជីបណ្ដាញទីក្រុង​ច្នៃប្រឌិត​របស់​អង្គការយូណេស្កូ (UCCN) ផ្នែកម្ហូបអាហារនោះ រដ្ឋបាលស្រុកមោងឫស្សី ក៏បានយកមុខម្ហូបអាហារ ដែលជាប្រពៃណីស្រុករបស់ខ្លួនយកទៅដាក់តាំងពិព័រណ៍លក់ និងផ្តល់ជូនដល់ភ្ញៀវជាតិ និង​អន្តរជាតិភ្លក់ ដោយឥតគិតថ្លៃផងដែរ។បើតាមលោក បឿន សុវណ្ណ អភិបាលរងស្រុកមោងឫស្សី ​បានលើកឡើងថា ដើម្បីគាំទ្រ និង​លើកស្ទួយ​ដល់​ស្នាដៃ​ចម្អិន​ម្ហូបអហារប្រពៃណីរបស់បងប្អូន​ប្រជាពលរដ្ឋនៅស្រុកមោងឫស្សីនោះ រដ្ឋបាលស្រុក មោងបានសម្រេចយកមុខម្ហូបចំនួន៩មុខ ដូចជា ហម៉ុក ដែលធ្វើពីត្រីអណ្តែង នំបញ្ចុកសម្លប្រហើ ខ្យងអាំង ​ខ្យងស្ងោរ​ ត្រីឆ្អើរ សាច់គោអាំងគ្រឿង និងបង្អែមគ្រាប់ឈូកជាដើម ដើម្បីដាក់តាំងបង្ហាញឲ្យភ្ញៀវជាតិ និងអន្តរជាតិ ដែលបានអញ្ជើញ​ទៅទស្សនាកម្សាន្ត​នៅ​ក្នុងកម្មវិធីឆ្លងឆ្នាំសកលនោះ បានភ្លក់រស់ជាតិម្ហូបអាហារដែលជា​ទំនៀមទម្លាប់​វប្បធម៌ប្រពៃណី​របស់បងប្អូនស្រុកមោងឫស្សីតាំងពីបុរាណកាលមក។សូមបញ្ជាក់ថា រដ្ឋបាលខេត្តបាត់ដំបង បានរៀបចំពិព័រណ៍ម្ហូបខ្មែររយៈពេល៣ថ្ងៃចាប់ពីថ្ងៃទី២៩ ដល់ថ្ងៃទី៣១ ខែធ្នូ ឆ្នាំ២០២៣ ដោយមាន ការតាំងបង្ហាញ ម្ហូបអាហារ និងបង្អែម រាប់រយមុខនេះ គឺដើម្បីអបអរពិធីឆ្លងឆ្នាំសកល២០២៣ ចូល២០២៤ ​និងអបអរសាទរក្រុងបាត់ដំបង បាន​ចុះបញ្ជី​បណ្ដាញ​ទីក្រុង​ច្នៃប្រឌិត​របស់អង្គការយូណេស្កូ (UCCN) ផ្នែកម្ហូបអាហារ។ក្នុងពិធីបើកព្រឹត្តិការណ៍ពិព័រណ៍ម្ហូបអាហារ និងបង្អែមខ្មែរ នៅថ្ងៃទី២៩ ខែធ្នូ ឆ្នាំ២០២៣ ឯកឧត្តម សុខ លូ អភិបាលខេត្តបាត់ដំបង បានបង្ហាញ​មោទកភាព​ដែលក្រុងបាត់ដំបង​ត្រូវបានចុះបញ្ជីជា​បណ្ដាញទីក្រុង​ច្នៃប្រឌិត​របស់អង្គការយូណេស្កូ (UCCN) ផ្នែកម្ហូបអាហារ ខណៈ ខេត្តបាត់ដំបង មាន​ម្ហូបអាហារ ​ដ៏សំបូរបែប ​រសជាតិឆ្ងាញ់ ហើយវិស័យម្ហូបអាហារនេះ​ទៀតសោត​បានរួមចំណែក​យ៉ាងសំខាន់ក្នុងការទាក់ទាញភ្ញៀវទេសចរជាច្រើន​មកទស្សនា​កម្សាន្តនៅខេត្តបាត់ដំបង៕អត្ថបទបាន ចក់

សម្តេចតេជោ ហ៊ុន សែន អញ្ជើញបើកការប្រកួតកីឡាវាយកូនគោល «ពានរង្វាន់សម្តេចតេជោ ហ៊ុន សែន លើកទី៧»

2023/12/30 03:32:51 pm        79
Facebook Telegram Linkin
នៅថ្ងៃសៅរ៍ ៣រោច ខែមិគសិរ ឆ្នាំថោះ បញ្ចស័ក ព.ស. ២៥៦៧ ត្រូវនឹង ថ្ងៃទី៣០ ខែធ្នូ ឆ្នាំ២០២៣ នេះ សម្តេចអគ្គមហាសេនាបតីតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ បានអញ្ជើញជាអធិបតីបើកការប្រកួតកីឡាវាយកូនគោល «ពានរង្វាន់សម្តេចតេជោ ហ៊ុន សែន លើកទី៧» ដែលប្រារព្ធឡើងនៅទីលានវាយកូនគោលវឌ្ឍនៈហ្គោលរីសត។ការប្រកួតកីឡាវាយកូនគោលដណ្តើមពានរង្វាន់របស់សម្តេចតេជោ ត្រូវបានធ្វើឡើង ដើម្បីអបអរសាទរការបិទបញ្ចប់សង្គ្រាមស៊ីវិលនៅកម្ពុជា ក្រោមនយោបាយ ឈ្នះ ឈ្នះ របស់សម្តេចតេជោ ហ៊ុន សែន នៅថ្ងៃទី២៩ ខែធ្នូ ឆ្នាំ១៩៩៨ ដែលឆ្នាំ២០២៣ នេះ មានរយៈពេល ២៥ឆ្នាំហើយ៕​

មន្ត្រីជាន់ខ្ពស់ក្រសួងអភិវឌ្ឍន៍ជនបទ ដឹកនាំក្រុមការងារអន្តរក្រសួង ចុះត្រួតពិនិត្យ ផ្លូវ និងស្ពាន នៅស្រុកពញាឮ និងស្រុកខ្សាច់កណ្តាល

2023/12/29 10:43:32 pm        186
Facebook Telegram Linkin
ឯកឧត្ដម​បណ្ឌិត នួន ដាញ៉ិល រដ្ឋលេខាធិការក្រសួងអភិវឌ្ឍន៍ជនបទ តំណាង​រដ្ឋមន្រ្តី​ក្រសួង​អភិវឌ្ឍន៍​ជន​បទ បានដឹកនាំក្រុមការងារគណៈកម្មការអន្តរក្រសួង នៅព្រឹកថ្ងៃទី២៩ ខែធ្នូ ឆ្នាំ​២០២៣ ចុះត្រួតពិនិត្យ ផ្លូវបេតុង ០១ខ្សែ ប្រវែង ៣.៧៨០ គម. ស្ពានបេតុង ០១ កន្លែង ប្រវែង ៤៥ ម. និងសំណង់សិល្បការ្យមួយចំនួនទៀត នៅស្រុកពញាឮ និងស្រុកខ្សាច់កណ្តាល ខេត្ត​កណ្តាល ប្រើប្រាស់ថវិកាជំពូក២១ ដែលអនុវត្តដោយនាយកដ្ឋានវិស្វកម្ម ក្រសួងការពារជាតិ។ ឯកឧត្ដម​បណ្ឌិតរដ្ឋលេខាធិការ បានថ្លែងថា សមិទ្ធផលខាងលើនេះ ជាសសៃឈាម​សេដ្ឋកិច្ច​ដ៏​មាន​សារៈសំខាន់ ក្នុងការចូលរួមចំណែក​លើក​កម្ពស់​កម្រិត​ជីវភាព​រស់​នៅ​របស់​ប្រជាពលរដ្ឋ​ក្នុង​តំបន់ ពិសេសបង្កភាពងាយស្រួលដល់សិស្សានុសិស្សធ្វើដំណើរទៅកាន់សាលារៀន បាន​គ្រប់​រដូវកាល។ ក្នុងឱកាសនោះ គណៈកម្មការអន្តរក្រសួង បានអំពាវនាវដល់ប្រជាពលរដ្ឋទាំងអស់ ដែល​ប្រើ​ប្រាស់​ផ្លូវ​នេះ សូមចូលរួមថែទាំទាំងអស់គ្នា តាមរយៈការមិនដឹកជញ្ជូនលើសទម្ងន់កម្រិតកំណត់ និង​មិនកាប់គាស់នាំអោយខូចទ្រង់ទ្រាយផ្លូវជាដើម។ គួរបញ្ជាក់ថា ផ្លូវ គឺជាយុទ្ធសាស្ត្រមួយ ក្នុងចំណោមយុទ្ធសាស្ត្របញ្ចកោណ របស់រាជរដ្ឋាភិបាល (ធនធានមនុស្ស ផ្លូវ ទឹក ភ្លើង និងបច្ចេកវិទ្យា) ដោយ​រាជ​រដ្ឋាភិបាល​បាន​និង​កំពុង​ខិតខំ​ប្រឹង​ប្រែង​យ៉ាងខ្លាំង ដើម្បីការអភិវឌ្ឍន៍នូវសរសៃឈាមសេដ្ឋកិច្ចនេះ ដែលក្នុងនោះមាន ផ្លូវជនបទ ផ្លូវជាតិ ផ្លូវល្បឿនលឿន និងស្ពានជាដើម៕

សម្តេចធិបតី ណែនាំឱ្យបន្តសាងសង់វិមានឈ្នះ ឈ្នះ និងរៀបចំតំបន់ប្រវត្តិសាស្ត្រយោធានៅតំបន់សំខាន់ៗ

2023/12/29 10:41:56 pm        197
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានមានប្រសាសន៍ណែនាំ​ឱ្យ​ក្រុមការងារបន្ត បានណែនាំឱ្យបន្តសាងសង់វិមានឈ្នះឈ្នះ និងរៀបចំតំបន់ប្រវត្តិសាស្ត្រយោធា នៅតាមតំបន់សំខាន់ៗបន្ថែមទៀត និងអំពាវនាវដល់បណ្ដាសប្បុរសជននានាបន្តចូលរួមគាំទ្រ​ដល់​សកម្មភាព កសាងវិមានឈ្នះ​ ឈ្នះនេះបន្ថែមទៀត។សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងក្នុងឱកាស អញ្ជើញជា​អធិបតីក្នុងពិធីអបអរសាទរខួប ​២៥ ​ឆ្នាំនៃការបញ្ចប់សង្គ្រាមស៊ីវិលនៅកម្ពុជា​ និងការអនុវត្ត​ប្រកបដោយជោគជ័យនយោបាយឈ្នះ-ឈ្នះ និងខួប៥ ឆ្នាំនៃការកសាងវិមានឈ្នះ-ឈ្នះ នៅព្រឹកថ្ងៃទី២៩ ខែធ្នូ ឆ្នាំ២០២៣នេះ។ សម្តេចធិបតី នាយករដ្ឋមន្រ្តីនៃកម្ពុជា បានបញ្ជាក់ថា នយោបាយឈ្នះ ឈ្នះ បានជោគជ័យរហូត​ដល់ពេលនេះ គឺកើតចេញពីការដាក់ចេញនូវគោល​នយោបាយច្បាស់លាស់​របស់សម្តេចតេជោ ហ៊ុន សែន អតីតនាយករដ្ឋមន្រ្តី ​ដោយមានការចូលរួមរបស់ប្រតិបត្តិករស្នូល ប្រតិបត្តិករផ្សេងទៀត​រួមទាំង​ប្រជាពលរដ្ឋផងដែរ។ សម្តេចធិបតី ​បានណែនាំឱ្យបន្តផ្សព្វផ្សាយខ្លឹមសារគោលនយោបាយឈ្នះ-ឈ្នះឱ្យបានទូលំទូលាយ​ទៅដល់ប្រជាជនកម្ពុជាគ្រប់រូប។ ជាពិសេសបន្តរកថវិកាកសាងសំណង់ពាក់ព័ន្ធ​វិមាននយោបាយឈ្នះ-ឈ្នះ និងសំណង់ផ្សេងៗទៀត។សូមជម្រាបថា វិមានឈ្នះ ឈ្នះ បានសម្ពោធជាផ្លូវការនៅថ្ងៃទី២៩ ខែធ្នូ ឆ្នាំ២០១៨ ក្រោម​អធិបតីភាព​ដ៏ខ្ពង់ខ្ពស់ សម្តេចអគ្គមហាសេនាបតីតេជោ ​ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដោយមានការអញ្ជើញចូលរួមពីសំណាក់ឥស្សរជនជាតិ ​និងអន្តរជាតិ មន្ត្រីរាជការ កងកម្លាំងប្រដាប់អាវុធ សាស្ត្រាចារ្យ ​សិស្សានុសិស្ស និងប្រជាពលរដ្ឋយ៉ាងច្រើនកុះករ។វិមានឈ្នះ-ឈ្នះ ត្រូវបានចាប់ផ្ដើមកសាងឡើងកាលពីថ្ងៃទី២៥ ខែកុម្ភៈ ឆ្នាំ២០១៦ ដែលមានកម្អស់ ៥៤ ម៉ែត្រ ទទឹង ៣៦ ម៉ែត្រ លើទំហំផ្ទៃដី៨ហិកតា ​ស្ថិតនៅសង្កាត់បាក់ខែង ខណ្ឌជ្រោយចង្វា រាជធានី​ភ្នំពេញ និងជាសមិទ្ធផលស្ថាបត្យកម្មរបស់កូនខ្មែរពិតប្រាកដ ហើយត្រូវបានសាងសង់​ឡើងដោយដកស្រង់ចេញពីអត្ថន័យនៃគោលនយោបាយឈ្នះ ឈ្នះ របស់សម្ដេច​អគ្គមហាសេនា​បតីតេជោ ហ៊ុន សែន។ វិមានដែលជាស្នាដៃស្ថាបត្យកម្មសម័យទំនើប និងជាតឹកតាងប្រវត្តិសាស្ត្រ​របស់កម្ពុជាមួយនេះ ត្រូវបានសាងសង់ ឡើងដោយបញ្ជាក់នូវអត្ថន័យដ៏មាន​សារសំខាន់​ចំនួនបីរួមមាន ទី១ កំពូលវិមានដែលមានជ្រុងបីតំណាងឲ្យនយោបាយគន្លឹះសំខាន់ៗ​ចំនួន៣នាំ​ឲ្យនយោបាយឈ្នះ-ឈ្នះទទួលបានជោគជ័យ (ទី១. ការធានារូបកាយ និងអាយុជីវិត, ទី២. ធានាអាជីព និងមុខរបរ និងទី៣. ការធានាកម្មសិទ្ធិ និងទ្រព្យសម្បត្តិ ទាំងចលនទ្រព្យ និងអចលនទ្រព្យ)។ ទី២ តួវិមាន ដែលមានជ្រុង៥ តំណាងឲ្យយុទ្ធសាស្ដ្រ DIFID (បំបែក ធ្វើឱ្យឯកោ បញ្ចប់ ធ្វើសមាហរណកម្ម និង អភិវឌ្ឍ) ដែលជាយុទ្ធសាស្ដ្ររំលាយអង្គការចាត់ តាំងនយោបាយ និងយោធាខ្មែរក្រហម និង សារៈសំខាន់ ទី៣. តួវិមានមាន ជ្រុងប្រាំពីរ តំណាងកត្តានាំឱ្យនយោបាយឈ្នះ-ឈ្នះ ទទួលបានជោគជ័យ៕ អត្ថបទ៖វ៉ន ដារ៉ា

សម្តេចធិបតី ណែនាំឱ្យបន្តឆ្លាក់រាល់ព្រឹត្តិការណ៍ និងសមិទ្ធផលរបស់កម្ពុជា នៅវិមាននយោបាយឈ្នះ ឈ្នះ

2023/12/29 10:30:06 pm        387
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានមានប្រសាសន៍​ណែនាំ​ឱ្យក្រុមការងារបន្តសិក្សាស្រាវជ្រាវពាក់ព័ន្ធដំណើរនៃការស្វែងរកសុខសន្តិភាព និងការបិទបញ្ចប់​សង្គ្រាម​នៅកម្ពុជា និងបន្តឆ្លាក់រាល់ព្រឹត្តិការណ៍ និងសមិទ្ធផលរបស់កម្ពុជា​នៅវិមាននយោបាយ​ឈ្នះ ឈ្នះ។សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងក្នុងឱកាស អញ្ជើញជា​អធិបតីក្នុង​ពិធីអបអរសាទរខួប ២៥ ឆ្នាំនៃការបញ្ចប់សង្គ្រាមស៊ីវិលនៅកម្ពុជា និងការអនុវត្តប្រកប​ដោយជោគជ័យ​នយោបាយឈ្នះ-ឈ្នះ និងខួប៥ ឆ្នាំនៃការកសាងវិមានឈ្នះ-ឈ្នះ នៅព្រឹកថ្ងៃទី២៩ ខែធ្នូ ឆ្នាំ២០២៣នេះ ដោយបានថ្លែងអំណរគុណដល់ក្រុមការងារសាងសង់ វិមានឈ្នះ ឈ្នះទាំងអស់ ​ជាពិសេសសម្ដេចពិជ័យសេនា ទៀ បាញ់ និងឯកឧត្តមនាយឧត្តមសេនីយ៍ ណឹម សុវត្ថិ ប្រធានក្រុមការងារសាងសង់វិមានឈ្នះ ឈ្នះ ដែលបានចំណាយទាំងកម្លាំងកាយចិត្ត និង​ថវិកាក្នុងការកសាងសង់នូវវិមានឈ្នះ ឈ្នះ ខណៈការចំណាយទាំងនេះគឺជាការបង្ហាញ​នូវការ​សាមគ្គីគ្នាក្នុងការលើកកម្ពស់ និងការកសាងនូវមជ្ឈមណ្ឌលសម្រាប់ផ្ទុកនូវប្រវត្តិសាស្រ្តរបស់​កម្ពុជាសម្រាប់ទុកដល់កូនចៅជំនាន់ក្រោយ។សម្តេចធិបតីនាយករដ្ឋមន្រ្តីនៃកម្ពុជា បានថ្លែងថា ការសាងសង់នូវវិមានឈ្នះ ឈ្នះ គឺធ្វើឡើង​ដើម្បីកូនខ្មែរទាំងអស់គ្នា ដើម្បីឲ្យកូនខ្មែរគ្រប់ជំនាន់ចង់ចាំនូវតម្លៃសន្តិភាព តថភាពពិតប្រាកដ របស់កម្ពុជា ហើយក៏បង្ហាញនូវនិមិត្តរូបនៃសន្តិភាពរបស់កម្ពុជាឲ្យស្ថិតស្ថេរជារៀងរហូតទៅផងដែរ។សម្តេចធិបតី ហ៊ុន ម៉ាណែត បានបញ្ជាក់ថា ការសាងសង់នូវវិមានឈ្នះ ឈ្នះ មិនមែនសាងសង់​ឡើង​ដើម្បីសម្រាប់ចារិកទុកនូវប្រវត្តិសាស្រ្តបុគ្គលណាម្នាក់នោះទេ មិនមែនធ្វើឡើងសម្រាប់តែ​សម្តេចតេជោ ហ៊ុន សែន អតីតនាយករដ្ឋមន្រ្តីនោះទេ​ គឺធ្វើឡើងដើម្បីជាការបង្ហាញ និង​ទុកជាតឹកតាងនូវប្រវត្តិសាស្រ្តពិតប្រាកដរបស់កម្ពុជាដែលបានកើតឡើងពីអតីតកាល សម្រាប់ឲ្យកូនខ្មែរជំនាន់ក្រោយៗទៀតបានដឹង៕អត្ថបទ៖ វ៉ន ដារ៉ា

សម្តេចធិបតី៖ វិមាននយោបាយឈ្នះ ឈ្នះ បានតម្កល់ទុកតឹកតាងជាប្រវត្តិសាស្ត្រដល់ខ្មែរជំនាន់ក្រោយ

2023/12/29 09:54:36 pm        203
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានមានប្រសាសន៍ថា ការសាងសង់វិមាននយោបាយឈ្នះ-ឈ្នះ គឺជាការតម្កល់ទុកនូវតឹកតាងដ៏មានតម្លៃជាប្រវត្តិសាស្ត្រ និងសម្រាប់មនុស្សខ្មែរជំនាន់ក្រោយ ជាពិសេសទុកជាតឹកតាងប្រវត្តិសាស្រ្ដសម្រាប់កូនខ្មែរជំនាន់ក្រោយសិក្សាស្វែងយល់។សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងក្នុងឱកាស អញ្ជើញជាអធិបតីក្នុងពិធីអបអរសាទរខួប ២៥ ឆ្នាំនៃការបញ្ចប់សង្គ្រាមស៊ីវិលនៅកម្ពុជា និងការអនុវត្តប្រកបដោយជោគជ័យនយោបាយឈ្នះ-ឈ្នះ និងខួប៥ ឆ្នាំនៃការកសាងវិមានឈ្នះ-ឈ្នះ នៅព្រឹកថ្ងៃទី២៩ ខែធ្នូ ឆ្នាំ២០២៣នេះដោយបាន អបអរសាទរខួប នៃការបិទបញ្ចប់សង្គ្រាមស៊ីវិលនៅកម្ពុជា និងការអនុវត្តន៍ដោយជោគជ័យនូវនយោបាយឈ្នះ-ឈ្នះ គឺជាកម្មវិធីដ៏មានអត្ថន័យជាប្រវត្តិសាស្ត្រមិនអាចកាត់ថ្លៃបាន។សម្តេចធិបតី ហ៊ុន ម៉ាណែត បានថ្លែងថា វិមាននយោបាយឈ្នះ-ឈ្នះ បានរំលេចព្រឹត្តិការណ៍ ​នៅ​កម្ពុជា ពីដំណាក់កាលរីកចម្រើន មកហិនហោច ហើយឆ្ពោះមកកាន់ការរីកចម្រើនជាថ្មី។ សម្តេធិបតី ថ្លែងថា នយោបាយឈ្នះ-ឈ្នះ មិនអាចសម្រេចទៅបាននោះឡើយ បើគ្មានប្រតិបត្តិករដ៏ស្មោះត្រង់​ចូលរួមជាមួយសម្តេចតេជោទេនោះ។សូមជម្រាបថា រាជរដ្ឋាភិបាល នៃព្រះរាជាណាចក្រកម្ពុជា នឹងរៀបចំប្រារព្ធខួបលើកទី២៥ នៃការ​បញ្ចប់សង្គ្រាម ស៊ីវិលនៅកម្ពុជា និងការអនុវត្តប្រកបដោយជោគជ័យនៃនយោបាយឈ្នះ ឈ្នះ ២៩ ធ្នូ ១៩៩៨ - ២៩ ធ្នូ ២០២៣ និងខួប៥ឆ្នាំនៃការកសាងវិមានឈ្នះ ឈ្នះ ២៩ ធ្នូ ២០១៨ - ២៩ ធ្នូ ២០២៣ នៅទីតាំងវិមាន ឈ្នះ ឈ្នះ ក្នុងរយៈពេល០៣ថ្ងៃ ពីថ្ងៃទី២៩ ខែធ្នូ ឆ្នាំ២០២៣ រហូតដល់​ពិធីឆ្លង​ឆ្នាំសកលឆ្នាំ២០២៤។ ការរៀបចំប្រារព្ធខួបលើកទី២៥ នៃការបញ្ចប់សង្គ្រាមស៊ីវិលនៅកម្ពុជា និងការអនុវត្តប្រកបដោយ ជោគជ័យនយោបាយឈ្នះឈ្នះ​ ការចងចាំនូវការបញ្ចប់សង្គ្រាមស៊ីវិលទាំងស្រុងនៅកម្ពុជា នាំមកនូវ សន្តិភាព និងការឯកភាពជាតិពេញលេញ និងការអភិវឌ្ឍប្រទេសជាតិមកដល់សព្វថ្ងៃនេះ ការរៀបចំ ព្រឹត្តិការណ៍នេះស្របជាមួយខួប៥ឆ្នាំនៃការកសាងវិមានឈ្នះ ឈ្នះ ដែលជាសំណង់ប្រវត្តិសាស្ត្រ​ដើម្បីរំឭក ដល់វីរភាព និងគុណតម្លៃនៃនយោបាយ​ឈ្នះ ឈ្នះ ដែលបានផ្តួចផ្តើមឡើង​ដោយ​សម្តេចអគ្គមហាសេនាបតី តេជោ ហ៊ុន សែន ដែលជា​ស្ថាបនិក និងជាមគ្គុទ្ទេសក៍ឯកសន្តិភាព​នៃយើង និងជាការបង្កើនការយល់ដឹង ពីប្រវត្តិសាស្ត្រជាតិ និងស្មារតីស្រលាញ់​ជាតិមាតុភូមិ​ក្នុងការបន្តថែរក្សាស្ថិរភាព ​សន្តិសុខ និងអភិវឌ្ឍន៍ជាតិ ​មាតុភូមិកម្ពុជាទាំងមូល៕

បណ្ដាញសង្គម

ព័ត៌មានថ្មីៗ

ឯកឧត្តម ហ៊ុន ម៉ានី អញ្ជើញបិទវគ្គបណ្ដុះបណ្ដាល «ជនបង្គោលលើការងារមហាជនក្រុង-ស្រុក-ឃុំ-សង្កាត់» ខេត្តកំពង់ស្ពឺ
08/15/2026 08:08 PM
Facebook Telegram Linkin
តុលាការកំពូលកម្ពុជាបង្ហាញលទ្ធផលនៃសន្និសីទតុលាការនៃបណ្តាខេត្តជាប់ព្រំដែន
08/15/2026 07:08 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី អញ្ជើញប្រគល់ផ្ទះថ្មីចំនួន ៧ខ្នង ជា​អំណោយ​ដ៏​ថ្លៃ​ថ្លា​របស់​សម្តេចធិបតី និងលោកជំទាវផ្ទាល់ ជូន​ដល់​ក្រុម​គ្រួសារ​នៃ​វីរកងទ័ពពលី រស់នៅ​ខេត្តព្រៃវែង និង​ខេត្តស្វាយរៀង​
08/15/2026 07:08 PM
Facebook Telegram Linkin
អ្នកជំនាញ៖ ប្រសិនបើការដឹកជញ្ជូនតាមសមុទ្រខ្មៅ ត្រូវបានផ្អាកយូរ សេដ្ឋកិច្ចអ៊ុយក្រែននឹងរងផលប៉ះពាល់ធ្ងន់ធ្ងរ
08/15/2026 07:08 PM
Facebook Telegram Linkin
លោក TRUMP៖ ប្រសិនបើអ៊ីរ៉ង់វាយប្រហារ ការឆ្លើយតបរបស់សហរដ្ឋអាមេរិក នឹងខ្លាំងជាង១០០ដង
08/15/2026 07:08 PM
Facebook Telegram Linkin
ប្រភព៖ មនុស្សយ៉ាងតិច ១៤ នាក់ បានស្លាប់ នៅក្នុងការវាយប្រហារនៅជិតរដ្ឋធានី El Obeid នៅកណ្តាលប្រទេសស៊ូដង់
08/15/2026 07:08 PM
Facebook Telegram Linkin
នាយករដ្ឋមន្ត្រីលីបង់ជំរុញឲ្យមានពេលវេលាច្បាស់លាស់សម្រាប់អ៊ីស្រាអែលដកកងទ័ពចេញពីភាគខាងត្បូង
08/15/2026 07:08 PM
Facebook Telegram Linkin
គេចវេសពីបាតុភូតអែល នីញ៉ូ បក្សីសមុទ្រអាមេរិកខាងត្បូង ផ្លាស់ទីជម្រកទៅកាន់ប៉ាណាម៉ា
08/15/2026 07:08 PM
Facebook Telegram Linkin
អេស្ប៉ាញបង្កើនវិធានការសន្តិសុខនៅតំបន់ Ceuta ខណៈមានការអំពាវនាវឲ្យជនអន្តោប្រវេសន៍ឆ្លងកាត់ព្រំដែនទ្រង់ទ្រាយធំជាថ្មី
08/15/2026 07:08 PM
Facebook Telegram Linkin
រដ្ឋមន្ត្រីការបរទេសប៉ាគីស្ថាន ជំរុញឲ្យប្រើការសន្ទនា ដើម្បីសន្តិភាពក្នុងតំបន់ ខណៈការចរចារវាងអាមេរិក និងអ៊ីរ៉ង់ នៅបន្តជាប់គាំង
08/15/2026 07:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.