នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS!! សម្ដេចតេជោ៖ «ការកែសម្រួលកម្លាំងកងទ័ពនៅតំបន់មានជម្លោះកម្ពុជា-ថៃ ដើម្បីបញ្ជៀសការប៉ះទង្គិចបង្ហូរឈាមទ្រង់ទ្រាយធំ»
សកម្មជនគណបក្សផ្សេងៗ ៥៩នាក់ ស្ម័គ្រចិត្តចូលរួមជីវភាពនយោបាយ​ជាមួយ​គណបក្ស​ប្រជាជន​កម្ពុជា
TOP STORY | មន្រ្ដីនាំពាក្យក្រសួងការបរទេសកម្ពុជាទាត់ចោលការចោទប្រកាន់ផ្ទុយពីការពិតថា កងទ័ពព្រំដែនកម្ពុជា បានរំលោភបំពានទៅលើអធិបតេយ្យភាពរបស់ប្រទេសថៃ
TOP STORY | ប្រមុខការពារជាតិកម្ពុជាបដិសេធចំពោះថៃដែលស្នើឲ្យកម្ពុជាដកកងទ័ពចេញពីទីតាំងតំបន់មុំបី

នយោបាយ​ និង ការអភិវឌ្ឍន៍

សក្ខីកម្មបណ្ដឹងរដ្ឋប្បវេណីរបស់លោក Trump បានបញ្ចប់ ខណៈសាលក្រមរំពឹងទុកនៅដើមឆ្នាំ២០២៤

2023/12/14 11:17:23 am        114
Facebook Telegram Linkin
សក្ខីកម្មបានបិទបញ្ចប់កាលថ្ងៃពុធ (១៣ ធ្នូ) នៅក្នុងការកាត់ក្តីក្លែងបន្លំឯកសារនៃបណ្ដឹងរដ្ឋប្បវេណីរបស់លោក ដូណាល់ ត្រាំ (Donald Trump) នៅទីក្រុងញូវយ៉ក សហរដ្ឋអាមេរិក ជាទីដែលអតីតប្រធានាធិបតីសហរដ្ឋអាមេរិករូបនេះត្រូវបានចោទប្រកាន់ពីបទនិយាយកុហកបំប៉ោងតម្លៃទ្រព្យសម្បត្តិសុទ្ធរបស់ខ្លួនដើម្បីបោកបញ្ឆោតម្ចាស់បំណុលដើម្បីទទួលបានប្រាក់កម្ចីហិរញ្ញវត្ថុកាន់តែច្រើន។ បណ្តឹងរបស់អគ្គមេធាវីទីក្រុងញូវយ៉ក ព្យាយាមផាកពិន័យលោក ត្រាំ យ៉ាងហោចណាស់ ២៥០លានដុល្លារ និងកាត់បន្ថយសមត្ថភាពរបស់លោកយ៉ាងខ្លាំងក្នុងការធ្វើអាជីវកម្មនៅទីក្រុងញូវយ៉ក ជាទីដែលទ្រព្យសម្បត្តិជាច្រើនរបស់លោកស្ថិតនៅ។លោក ត្រាំ ដែលជាអ្នកនាំមុខគេសម្រាប់ការតែងតាំងតំណែងបេក្ខជនប្រធានាធិបតីបក្សសាធារណរដ្ឋឆ្នាំ ២០២៤ បានបដិសេធថាមិនបានប្រព្រឹត្តខុសនោះទេ ហើយបានហៅបណ្ដឹងនេះថាជា «ការបោកប្រាស់»។ ចៅក្រមដែលដឹកនាំរឿងក្តីនេះ គឺចៅក្រម អាថឺ អ៊ែនហ្គូរ៉ន (Arthur Engoron) ត្រូវបានគេរំពឹងថានឹងចេញសាលក្រមជាលាយលក្ខណ៍អក្សរបន្ទាប់ពីបញ្ចប់ការជជែកដេញដោលនៅថ្ងៃទី១១ ខែមករា ឆ្នាំ២០២៤ ខាងមុខនេះ។អគ្គមេធាវីក្រុងញូវយ៉ក លោកស្រី ឡេទីទីយ៉ា ជេមស៍ (Letitia James) ដែលបានបញ្ជូនបណ្ដឹងនេះទៅតុលាការបាននិយាយនៅក្នុងសេចក្តីថ្លែងការណ៍មួយកាលពីថ្ងៃពុធថា ការកាត់ក្តី «បង្ហាញពីវិសាលភាពពេញលេញ» នៃការក្លែងបន្លំរបស់លោក ត្រាំ និង «ភាពអសមត្ថភាពរបស់លោកក្នុងការបង្ហាញថាខ្លួនមិនបានធ្វើខុស»៕

រដ្ឋមន្ត្រីជប៉ុន៣រូបលាលែងពីតំណែងជុំវិញរឿងអាស្រូវពុករលួយ ៣,៤លានដុល្លាររបស់ណណបក្ស LDP

2023/12/14 11:13:14 am        99
Facebook Telegram Linkin
របាយការណ៍ប្រព័ន្ធផ្សព្វផ្សាយបាននិយាយថា រដ្ឋមន្ត្រីរដ្ឋាភិបាលរបស់ប្រទេសជប៉ុនចំនួនបីរូបបាន លាលែងពីតំណែងនៅថ្ងៃព្រហស្បតិ៍នេះ ជុំវិញរឿងអាស្រូវពុករលួយដ៏ធំមួយនៅក្នុងគណបក្សកាន់អំណាច។រឿងអាស្រូវបានផ្ទុះឡើងជុំវិញការចោទប្រកាន់ពីការដកប្រាក់ចំនួន ៥០០លានយ៉េន ឬស្មើរនឹង ៣,៤ លានដុល្លារ ក្នុងគណបក្សប្រជាធិបតេយ្យសេរី LDP ដែលបានគ្រប់គ្រងប្រទេសជប៉ុនស្ទើរតែគ្មានការរំខានអស់ជាច្រើនទសវត្សរ៍មកហើយ។ របាយការណ៍ពីសារព័ត៌មាន Jiji Press និងប្រភពផ្សេងទៀតបាននិយាយថា មន្ត្រីដែលលាលែងពីតំណែងមានរដ្ឋមន្ត្រីក្រសួងសេដ្ឋកិច្ច និងឧស្សាហកម្ម លោក យ៉ាស៊ូតុស៊ីនីហ៊ីមូរ៉ា (Yasutoshi Nishimura) រដ្ឋមន្ត្រីកិច្ចការផ្ទៃក្នុង លោក ជុនជី ស៊ុយស៊ូគី (Junji Suzuki) និងរដ្ឋមន្ត្រីកសិកម្ម លោក អ៊ីជីរ៉ូ មីយ៉ាស៊ីតា (Ichiro Miyashita)។ ប្រព័ន្ធផ្សព្វផ្សាយក្នុងស្រុកបានរាយការណ៍នៅថ្ងៃព្រហស្បតិ៍ថា ប្រធានខុទ្ទកាល័យជប៉ុនលោក ហ៊ីរ៉ូកាស៊ុ ម៉ាតស៊ូណូ (Hirokazu Matsuno) ដែលជាប្រធានអ្នកនាំពាក្យរបស់រដ្ឋាភិបាលផងដែរនោះ បានដាក់លិខិតលាលែងពីតំណែងរបស់លោកទៅកាន់នាយករដ្ឋមន្ត្រីជប៉ុន លោក ហ៊ូមីអូ គីហ្ស៊ីដា ( Fumio Kishida) ។លោកនាយករដ្ឋមន្ត្រី Fumio Kishida បាននិយាយមួយថ្ងៃមុនថានឹងមានការផ្លាស់ប្តូរបុគ្គលិកនៅថ្ងៃព្រហស្បតិ៍នេះ ខណៈរូបលោកបានសន្យាថានឹងដោះស្រាយការចោទប្រកាន់ ដែលត្រូវបានគេរាយការណ៍ថាកំពុងស៊ើបអង្កេតដោយក្រុមព្រះរាជអាជ្ញា ៕-

ក្រុមមន្ត្រី៖ អាមេរិកបានធ្វើបច្ចុប្បន្នភាពយន្តហោះ F-35 របស់អ៊ីស្រាអែលយ៉ាងឆាប់រហ័ស បន្ទាប់ពីក្រុមហាម៉ាសវាយប្រហារ

2023/12/14 11:06:26 am        169
Facebook Telegram Linkin
មន្ត្រីជាន់ខ្ពស់ទទួលបន្ទុកកម្មវិធី Joint Strike Fighter បាននិយាយកាលពីថ្ងៃអង្គារថា សហរដ្ឋអាមេរិកបានពន្លឿនការធ្វើបច្ចុប្បន្នភាពសមត្ថភាពដល់យន្តហោះចម្បាំង F-35 របស់អ៊ីស្រាអែល បន្ទាប់ពីការវាយប្រហារថ្ងៃទី៧ ខែតុលា របស់ក្រុមហាម៉ាស។លោកឧត្តមសេនីយ៍ទោ Michael Schmidt នាយកប្រតិបត្តិកម្មវិធីសម្រាប់យន្តហោះ F-35 បានបដិសេធមិនកំណត់អត្តសញ្ញាណដល់អ្នកសារព័ត៌មានអំពីសមត្ថភាពដែលបានបញ្ជូនទៅកាន់ប្រទេសអ៊ីស្រាអែលក្នុងរយៈពេលពីរខែបន្ថែម បន្ទាប់ពីការវាយប្រហារនោះ ដោយបញ្ជាក់ថា កម្មវិធីនេះ ព្យាយាមរក្សាគ្រប់ប្រទេសទាំងអស់ដែលមានយន្តហោះចម្បាំងប្រភេទនេះត្រូវបានផ្គត់ផ្គង់នូវគ្រឿងបន្លាស់ និងសមត្ថភាពផ្សេងៗទៀត។ប៉ុន្តែនិយាយជាមួយអ្នកសារព័ត៌មាន បន្ទាប់ពីសវនាការមួយនៅចំពោះមុខអនុគណៈកម្មាធិការសភាស្តីពីទ័ពអាកាសជាយុទ្ធសាស្ត្រ និងទ័ពជើងគោក លោក Schmidt បានបញ្ជាក់ថា ការកែលម្អដែលបានធ្វើឡើងនេះយ៉ាងប្រញាប់ប្រញាល់បញ្ជូនទៅកាន់ប្រទេសអ៊ីស្រាអែល បានកើតឡើង បន្ទាប់ពីការវាយប្រហារដ៏សាហាវរបស់ក្រុមហាម៉ាស ដែលបានសម្លាប់មនុស្សយ៉ាងហោចណាស់ ១.២00នាក់។ក្រសួងសុខាភិបាលប៉ាឡេស្ទីន បាននិយាយថា មនុស្សជាង ១៨.០០០ នាក់ បានស្លាប់ដោយសារការវាយប្រហារតាមអាកាស និងថ្នើរជើងរបស់អ៊ីស្រាអែលជាបន្តបន្ទាប់ នៅតំបន់ហ្កាហ្សាស្ទ្រីប។លោក Bill LaPlante អនុរដ្ឋមន្ត្រីក្រសួងការពារជាតិទទួលបន្ទុកលទ្ធកម្ម និងការថែទាំ បាននិយាយនៅក្នុងសវនាការថា កម្មវិធី F-35 ថ្មីៗនេះ អាចប្រញាប់ប្រញាល់ធ្វើបច្ចុប្បន្នភាពឯកសារទិន្នន័យបេសកកម្មទៅកាន់ប្រទេសមួយ ក្នុងមួយសប្តាហ៍ ឬ មួយសប្តាហ៍កន្លះ។ លោក Schmidt បានបញ្ជាក់បន្ទាប់ពីសវនាការនោះថា លោក LaPlante និយាយសំដៅទៅប្រទេសអ៊ីស្រាអែល។

ចិននិងវៀតណាមអបអសាទរការពង្រឹងទំនាក់ទំនងកាន់តែប្រសើរ ខណៈព្រមព្រៀងលើការបង្កើនកិច្ចខិតខំប្រែងសន្តិសុខ

2023/12/14 10:42:26 am        213
Facebook Telegram Linkin
ខណៈលោកប្រធានាធិបតីចិន Xi Jinping បានបញ្ចប់ដំណើរទស្សនកិច្ចទៅកាន់ទីក្រុងហាណូយ ប្រទេសទាំង២និយាយកាលពីថ្ងៃពុធថា ប្រទេសចិន និងវៀតណាមបានយល់ព្រមបង្កើនកិច្ចសហប្រតិបត្តិការលើបញ្ហាសន្តិសុខ ឆ្ពោះទៅរកការក្លាយជាសហគមន៍មួយដែលមានអនាគតរួមគ្នា។ ក្នុងដំណើរទស្សនកិច្ចរយៈពេលពីរថ្ងៃរបស់លោក Xi ទៅកាន់ប្រទេសជិតខាងដែលគ្រប់គ្រងដោយកុម្មុយនិស្ត មានទំនាក់ទំនងសេដ្ឋកិច្ចដ៏ជិតស្និទ្ធ ប៉ុន្តែមានជម្លោះលើព្រំដែនទឹកក្នុងសមុទ្រចិនខាងត្បូង បានចុះហត្ថលេខាលើសន្ធិសញ្ញាសហប្រតិបត្តិការរាប់សិបវិស័យ ហើយបានយល់ព្រមបង្កើតបណ្តាញទូរស័ព្ទបន្ទាន់បន្ថែមទៀតដើម្បីបញ្ចៀសភាពអាសន្នណាមួយនៅក្នុងដែនទឹកដែលពោពេញដោយការប្រកួតប្រជែង។ នៅក្នុងសេចក្តីថ្លែងការណ៍រួមដែលមានកម្រាស់១៦ ទំព័រ ប្រទេសដែលមានប្រវត្តិសាស្រ្តនៃជម្លោះរាប់ពាន់ឆ្នាំ បានប្តេជ្ញាធ្វើការរួមគ្នាយ៉ាងជិតស្និទ្ធបន្ថែមទៀតដើម្បីពង្រឹងទំនាក់ទំនងឧស្សាហកម្មការពារជាតិ និងការផ្លាស់ប្តូរព័ត៌មានសម្ងាត់។មេដឹកនាំទាំង២បាននិយាយថា គោលបំណងរបស់ប្រទេសទាំង២ គឺមួយផ្នែកដើម្បីបញ្ចៀសហានិភ័យនៃអ្វីដែលមេដឹកនាំទាំង២បានហៅថាជា បដិវត្តន៍ពណ៌ ដែលត្រូវបានផ្សព្វផ្សាយដោយកងកម្លាំងអរិភាព ដោយប្រើពាក្យសម្រាប់ការបះបោរដ៏ពេញនិយមដែលបានរង្គោះរង្គើដល់អតីតប្រទេសកុម្មុយនិស្តមួយនេះ។ លោក Xi បានប្រាប់ប្រធានសភាវៀត ណាម លោក វ៉ង ឌីញ ហេ (Vuong Dinh Hue) នៅក្នុងកិច្ចប្រជុំមុននេះថា ប្រទេសចិន និងវៀតណាម បានប្រកាសអំពីការបង្កើតសហគមន៍យុទ្ធសាស្ត្រចិន-វៀតណាមនៃ អនាគតរួមគ្នា ដើម្បីជំរុញការធ្វើឱ្យប្រសើរឡើងនូវទំនាក់ទំនងចិន-វៀតណាម៕

នាយឧត្តមសេនីយ៍ ទៀ សីហា៖ អគារមិត្តភាពកម្ពុជា-វៀតណាម បានឆ្លុះបញ្ចាំងពីលទ្ធផលជាផ្លែផ្កា កើតចេញពីភាពរីកចម្រើនគ្រប់ជ្រុងជ្រោយរវាងប្រទេសទាំងពីរ

2023/12/13 04:58:36 pm        302
Facebook Telegram Linkin
រតនគិរី៖ នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្ត្រីក្រសួងការពារជាតិ បានថ្លែងថា អគារមិត្តភាពកម្ពុជា-វៀតណាម ដាក់ឱ្យប្រើប្រាស់នាពេលនេះ ​បាន​ឆ្លុះបញ្ចាំង​ពីលទ្ធផលជាផ្លែផ្កា កើតចេញពីភាពរីកចម្រើនគ្រប់ជ្រុងជ្រោយ គ្រប់កម្រិតនៃកិច្ចសហប្រតិបត្តិការទ្វេភាគីរវាង​ប្រទេសទាំង​ពីរសម្រាប់ឆ្នាំ២០០៣នេះ។នាឱកាសអញ្ជើញជាអធិបតីរួមជាមួយឧត្តមសេនីយ៍ត្រី ហឿ វ៉ាន់ទឿង​ មេបញ្ជាការរង យោធភូមិភាគទី ៥ កងទ័ពប្រជាជនវៀតណាម ​តំណាងរដ្ឋមន្រ្តីការពារប្រទេសវៀតណាម ក្នុង​សម្ពោធដាក់ឱ្យប្រើប្រាស់ អគារថ្មី មួយខ្នង ដែលជាសំណង់អគារមិត្តភាពកម្ពុជា វៀតណាម ស្ថិត​ក្នុងវរសេនាតូចលេខ ២ តំបន់ប្រតិបត្តិការសឹករង រតនគិរី ជាអំណោយរបស់ក្រសួងការពារប្រទេស​វៀតណាម នៅថ្ងៃទី ១៣ខែធ្នូ ២០២៣ ឯកឧត្តម នាយឧត្តមសេនីយ៍ ទៀ សីហា បានចាត់ទុក ថា អគារមិត្តភាពកម្ពុជា-វៀតណាម ​ដែលសម្ពោធដាក់ឱ្យ​ប្រើប្រាស់​ជាផ្លូវការ​នាពេលនេះ ជា​សមិទ្ធផល​ថ្មីមួយថែមទៀត ​ដែលក្រសួងការពារប្រទេស ​នៃសាធារណរដ្ឋសង្គមនិយមវៀតណាម ផ្តល់ជូន​ក្រសួងការពារជាតិនៃ ព្រះរាជាណាចក្រកម្ពុជា ​បន្ទាប់ពីអគារមិត្តភាពកម្ពុជា-វៀតណាម នៅតំបន់​ប្រវត្តិសាស្ត្រយោធាតេជោកោះថ្ម "X16" សម្ពោធដាក់ឱ្យប្រើប្រាស់ជាផ្លូវការកាលពីថ្ងៃទី២០ ខែមិថុនា ឆ្នាំ២០២២កន្លងមក។នាយឧត្តមសេនីយ៍ ទៀ សីហា បញ្ជាក់ថា «សមិទ្ធផលនេះ ​បាន​ឆ្លុះបញ្ចាំង​ពីលទ្ធផល​ជា​ផ្លែផ្កា កើត​ចេញ​ពីភាពរីកចម្រើនគ្រប់ជ្រុងជ្រោយ ​គ្រប់កម្រិតនៃកិច្ចសហប្រតិបត្តិការទ្វេភាគី រវាងកម្ពុជា​និងវៀតណាម សម្រាប់ឆ្នាំ២០០៣នេះ ​និងជាការចូលរួមអបអរសាទរជំនួប​ប្រាស្រ័យមិត្តភាព​ការពារជាតិថ្នាក់រដ្ឋមន្ត្រី ​លើកទី១ ចំនួន៣ប្រទេស ​កម្ពុជា-ឡាវ-វៀតណាម ដែលនឹងប្រព្រឹត្តទៅ​នៅថ្ងៃទី១៤ ​ខែធ្នូ ឆ្នាំ២០២៣ សំដៅរួមចំណែកបង្កើន​ទំនាក់ទំនង​ជិតខាងល្អ ​មិត្តភាពជាប្រពៃណី កិច្ច​សហប្រតិបត្តិការយូរអង្វែង និងគ្រប់ជ្រុងជ្រោយ។នាយឧត្តមសេនីយ៍ ទៀ សីហា បានលើកឡើងថា ការរៀបចំសម្ពោធអគារមិត្តភាពកម្ពុជា-វៀតណាម នាថ្ងៃនេះ ​បានរួមចំណែកយ៉ាងសំខាន់ក្នុងការ​ចូលរួម​អបអរសាទរ​នូវសមិទ្ធផលនានា ដែល​កងទ័ពប្រទេសទាំងពីរ​សម្រេចបាននាពេលកន្លងមក​ក្នុងស្មារតី ​លើកកម្ពស់​ប្រសិទ្ធភាព​កិច្ចសហប្រតិបត្តិការកម្ពុជា-វៀតណាម ​គ្រប់ជ្រុងជ្រោយ ​នឹងបង្កើនថែមទៀតនូវទំនាក់ទំនង​សហប្រតិបត្តិការកសាងខ្សែព្រំដែន​កម្ពុជា-វៀតណាម​ មាន​សន្តិភាព ស្ថិរភាព និង​អភិវឌ្ឍន៍​ប្រកបដោយមិត្ដភាព​ សំដៅរួមគ្នាសហការអភិវឌ្ឍន៍​គ្រប់គ្រង រក្សាការពារតំបន់ព្រំដែន ឱ្យក្លាយ​ទៅជាតំបន់សេដ្ឋកិច្ចវិនិយោគ ​ពាណិជ្ជកម្ម ទេសចរណ៍ វប្បធម៌ អប់រំ វិទ្យាសាស្ត្រ បច្ចេកទេស​នាពេលខាងមុខ ដែលជា​និមិត្តរូប​នៃ​ចំណងសាមគ្គីភាព​ស្អិតរមួត​រវាង​ប្រជាជាតិ និង​ប្រទេសយើងទាំងពីរ។ជាមួយគ្នានោះដែរឯកឧត្តម ​បានសម្តែងជំនឿយ៉ាងមុតមាំថា ​ក្រោយពី​ការរៀបចំពិធីសម្ពោធ​អគារ​នា​នេះទៅ កងទ័ពនៅតាមព្រំដែនប្រទេសទាំងពីរ ​នឹងបន្តលើកកម្ពស់ ​និងពង្រីកបន្ថែមទៀត​នូវ​ទំនាក់ទំនង និងកិច្ចសហប្រតិបត្តិការដែលមានស្រាប់ ​តាមស្មារតីមិត្តភាពជាប្រពៃជា ភាពជា​អ្នកជិតខាងល្អ ទំនាក់ទំនងយូរអង្វែង​ និងភាពជាដៃគូយុទ្ធសាស្ត្រគ្រប់ជ្រុងជ្រោយ និង​អនុវត្តប្រកប​ដោយប្រសិទ្ធភាពនូវកិច្ចព្រមព្រៀង ​កិច្ចសហប្រតិបត្តិការ​ និងការសម្រេចចិត្តនានា​របស់ថ្នាក់ដឹកនាំ​ប្រទេសទាំងពីរ​នាពេលថ្មីៗនេះ។ក្នុងឱកាសនោះឧត្តមសេនីយ៍ត្រី ទៀ វ៉ាន់ទឿង ​តំណាងរដ្ឋមន្រ្តីការពារប្រទេសវៀតណាម បានបញ្ជាក់ថា សំណង់មិត្តភាព ​ដែលជាជំនួយដោយក្រសួងការពារប្រទេសវៀតណាម នឹង​មានអត្ថន័យជាក់ស្តែងចំពោះអង្គភាព ​បង្កលក្ខខណ្ឌងាយស្រួលដល់ជីវភាព និងលើកម្ពស់​គុណភាព អនុវត្តន៍ការងាររបស់កម្មាភិបាល ​នាយទាហានវរសេនាតូចលេខ២ តំបន់​ប្រតិបត្តិការសឹករងខេត្តរតនគិរី​ បន្ថែមទៀត​ រួមចំណែក​លើក​កម្ពស់​លទ្ធភាពការពារសន្តិសុខ​នយោបាយ, សណ្តាប់ធ្នាប់ សុវត្ថិភាព​សង្គម ​ក្នុងតំបន់ព្រំដែនប្រទេសទាំងពីរ។ឧត្តមសេនីយ៍ត្រី ទៀ វ៉ាន់ទឿង បានបន្តថា កងកម្លាំង​ប្រដាប់​អាវុធ​យោធភូមិភាគទី៥ កង​ទ័ពប្រជាជនវៀតណាម ​ធ្វើការអស់ពីកម្លាំងកាយចិត្ត ​ជាមួយយោធភូមិភាគ​ ទី១ និងទី ៣ ស្ថិតខេត្តទិស​ឥសាន្ត​របស់កម្ពុជា​ រក្សាបានស្ថិរភាព​ និងអភិវឌ្ឍន៍​ចំណងសាមគ្គីភាព, មិត្តភាពជាប្រពៃណី (អ្នកជិតខាងល្អ, មិត្តភាពជាប្រពៃណី, កិច្ចសហប្រតិបត្តិការ ​លើគ្រប់វិស័យ រឹងមាំយូរអង្វែង) ​ដើម្បីផល​ប្រយោជន៍រួម​របស់ប្រជាជនទាំងពីរ​ប្រទេស ​រួមចំណែក​យ៉ាងសកម្ម ដល់​សន្តិភាព, ស្ថិរភាព, កិច្ចសហប្រតិបត្តិការ, និងការអភិវឌ្ឍ​ក្នុងតំបន់ក៏ដូចជាពិភពលោក៕ អត្ថបទបាន ចក់

អ៊ីស្រាអែល និងអាមេរិក គិតខុសគ្នាពីការគ្រប់គ្រងតំបន់ហ្កាហ្សា ក្រោយសង្គ្រាម

2023/12/13 03:44:11 pm        206
Facebook Telegram Linkin
នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) បាននិយាយកាលពីថ្ងៃអង្គារ (១២ ធ្នូ) ថាអ៊ីស្រាអែល រីករាយនឹងការគាំទ្ររបស់សហរដ្ឋអាមេរិក ចំពោះគោលដៅរបស់ខ្លួនក្នុងការបំផ្លាញក្រុមហាម៉ាស និងការសង្គ្រោះចំណាប់ថ្នូរដែលបានចាប់ខ្លួនដោយពួកសកម្មប្រយុទ្ធប៉ាឡេស្ទីន ប៉ុន្តែសម្ព័ន្ធមិត្តទាំងពីរនេះគិតខុសគ្នាអំពីអ្វីដែលអាចកើតឡើងបន្ទាប់ពីសង្គ្រាមហ្កាហ្សា។ដោយបញ្ជាក់ពីការបដិសេធកាលពីមុនរបស់ខ្លួនក្នុងការអនុញ្ញាតឲ្យតំបន់ហ្កាហ្សា វិលត្រឡប់ទៅក្រោមការគ្រប់គ្រងរបស់អាជ្ញាធរប៉ាឡេស្ទីន ដែលគាំទ្រដោយលោកខាងលិច ក្រោមការដឹកនាំរបស់លោកប្រធានាធិបតី ម៉ាសម៉ូដ អាបបាស (Mahmoud Abbas) លោក ណេតាន់យ៉ាហ៊ូ បាននិយាយនៅក្នុងសេចក្តីថ្លែងការណ៍មួយថា តំបន់ហ្កាហ្សា «នឹងមិនមែនជារបស់ក្រុមហាម៉ាស ឬជារបស់ក្រុមហ្វាតាស នោះទេ»។ ក្រុមហ្វាតាស (Fatah) គឺជាបក្សពួករបស់លោក អាបបាស។លោក ណេតាន់យ៉ាហ៊ូ បាននិយាយថា៖ «ខ្ញុំសូមបញ្ជាក់ពីជំហររបស់ខ្ញុំ។ ខ្ញុំនឹងមិនអនុញ្ញាតឲ្យអ៊ីស្រាអែលធ្វើកំហុសឆ្គងដូចកិច្ចព្រមព្រៀង អូស្លូ ម្តងទៀតទេ» ដោយមិនបានបញ្ជាក់ច្បាស់ថាកំហុសឆ្គងអ្វីដែលលោកសំដៅដល់នោះទេ។ កិច្ចព្រមព្រៀង អូស្លូ (Oslo) ឆ្នាំ១៩៩៣ បានបង្កើតស្វ័យភាពប៉ាឡេស្ទីនមានកម្រិតនៅតំបន់វេស បែង និងតំបន់ហ្កាហ្សា។កាលពីថ្ងៃអង្គារ អគ្គលេខាធិការនៃគណៈកម្មាការប្រតិបត្តិនៃអង្គការរំដោះប៉ាឡេស្ទីន លោក ហ៊ូសសេន អាល់សេក (Hussein Al-Sheikh) បានឆ្លើយតបទៅនឹងរបាយការណ៍ដែលថា នាយករដ្ឋមន្ត្រីអ៊ីស្រាអែលបានប្រៀបធៀបកិច្ចព្រមព្រៀងទីក្រុង អូស្លូ ទៅនឹងការសម្លាប់រង្គាលរបស់ក្រុមហាម៉ាសកាលពីថ្ងៃទី០៧ ខែតុលា ដោយនិយាយថា ហេតុការណ៍ទាំងពីរនោះបានបណ្តាលឱ្យមានចំនួនអ្នកស្លាប់ប្រហាក់ប្រហែលគ្នានៅអ៊ីស្រាអែល៕

ស៊ីម៉ាក់ទទួលជំនួយជិត៤សែនដុល្លារលើគម្រោងកណ្តុរ និងសុនខហិតមីនពីអង្គការអាប៉ូប៉ូ

2023/12/13 03:35:37 pm        488
Facebook Telegram Linkin
ភ្នំពេញ៖ ជំនួយជាថវិកាចំនួន ៣៨៧,១៦៧ ដុល្លារអាមេរិកត្រូវបានរដ្ឋាភិបាលប៊េហ្សិក តាម​រយៈអង្គការ​អាប៉ូប៉ូ(APO PO) បានផ្តល់ដល់អង្គភាពស៊ីម៉ាក់លើគម្រោង​សមាហរណកម្ម​កណ្តុរ​ហិត​រកមីន និងសុនខ ស្រាវជ្រាវបច្ចេកទេស ក្នុងគម្រោង រយៈពេល១ឆ្នាំ គិតចាប់ពីថ្ងៃទី១ខែ មករា ២០២៤ដល់ថ្ងៃទី៣១ ខែធ្នូឆ្នាំ២០២៤ ខាងមុខនេះ។ពិធីចុះហត្ថលេខាអនុស្សរណៈយោគយល់គ្មានេះបាននេះប្រព្រឹត្តឡើង​ក្រោមអធិបតីឯកឧត្តម ហេង រតនា ប្រតិភូរាជរដ្ឋាភិបាលកម្ពុជា​ទទួលបន្ទុកអគ្គនាយកស៊ីម៉ាក់ជា​ មួយនិងលោក មីឆែល រេនឺ (Michael Raine)អ្នកគ្រប់គ្រងកម្មវិធីនៃអង្គការAPOPOនៅកម្ពុជា ​ស្ថិតនៅទីបញ្ជាការស៊ីម៉ាក់ភ្នំពេញ នាថ្ងៃទី១៣ ខែធ្នូ ឆ្នាំ២០២៣នេះ។ឯកឧត្តម ហេង រតនា ថ្លែងថារដ្ឋាភិបាលប៊េហ្សិក តាមរយៈអង្គការ​អាប៉ូប៉ូ បានផ្តល់ជាថវិកាមកដល់អង្គភាពស៊ីម៉ាក់លើគម្រោងសមាហរណកម្មកណ្តុរហិតរកមីន និងសុនខ ស្រាវជ្រាវ​បច្ចេកទេសការងាររុករក និងបោសសំអាតមីនបន្ទាប់ពីមានកិច្ច​សហប្រតិបត្តិការ​គ្នា​ក្នុងរយៈពេល ៦ឆ្នាំរាប់ចាប់ពីឆ្នាំ២០២១​ ទៅដល់២០២៦ខាងមុខ។ឯកឧត្តម បន្តថា ក្រោមកិច្ចសហការជាមួយអង្គការអាប៉ូប៉ូ ស៊ីម៉ាក់បានរុករកកំទេចគ្រាប់មីន និង​គ្រាប់យុទ្ធភណ្ឌ​មិនទាន់ផ្ទុះបានជាង ៥ម៉ឺន១ពាន់គ្រាប់ ​និងរំដោះផ្ទៃដីបានជាង៣០០ ហិកតាផងដែរ ក្នុងគម្រោង១ឆ្នាំៗ។សូមបញ្ជាក់ថា ​អង្គការអាប៉ូប៉ូ ( APOPO ) គឺជាអង្គការមិនរកប្រាក់ចំណេញ ​របស់ប្រទេសបែលហ្ស៊ិក និងជា​អង្គការបោសសម្អាតមីនមនុស្សធម៌​ដែលទទួលបានបណ្ណទទួល ស្គាល់ និងអាជ្ញាបណ្ណផ្លូវការ​ពី​អាជ្ញាធរមីន​ សម្រាប់អនុវត្តការងារបោសសម្អាតគ្រាប់មីនក្នុងប្រទេសកម្ពុជា។ ការប្រើប្រាស់​សត្វកណ្តុរហិត ​រកគ្រាប់មីន អង្គការអាប៉ូប៉ូ ជាអង្គការទីមួយក្នុងប្រទេសកម្ពុជា ដែលប្រើប្រាស់ វិធីសាស្ត្រនេះ ​ដែលសត្វកណ្តុរ ​ទាំងនោះនាំមកពីប្រទេស Tanzania នៃទ្វីបអាហ្រិក ។បន្ថែមលើការប្រើប្រាស់​សត្វកណ្តុរ ​ក្នុងការ​ហិតរកមីន/គ្រាប់ ​អង្គការអាប៉ូប៉ូបានប្រើប្រាស់​សត្វសុនខ​ជាជំនួយ ក្នុងការហិតរកមីន/គ្រាប់ ដែលជាវិធីសាស្ត្រថ្មីក្នុងការស្រាវជ្រាវ ​និងបោសសម្អាត ដោយ​សហការជាមួយអង្គការ MAG និង CMAC ទៅតាមតំបន់ប្រតិបត្តិការ៕ អត្ថបទ.ភារម្យ

អង្គការសហប្រជាជាតិ អនុម័តកិច្ចព្រមព្រៀងអាកាសធាតុជាលើកដំបូងដែលមិនធ្លាប់មានលើប្រេងឥន្ធនៈហ្វូស៊ីល

2023/12/13 02:34:59 pm        200
Facebook Telegram Linkin
អង្គការសហប្រជាជាតិ នៅពីថ្ងៃពុធនេះ បានអនុម័តកិច្ចព្រមព្រៀងអាកាសធាតុលើកដំបូងដែលមិនធ្លាប់មានរបស់UN ដែលអំពាវនាឲ្យពិភពលោកផ្លាស់ប្តូរឲ្យឆ្ងាយពីប្រេងឥន្ធនៈហ្វូស៊ីល។ប្រធាន COP28 លោក Sultan Al Jaber បាននិយាយនៅឯកិច្ចប្រជុំកំពូលអាកាសធាតុរបស់UNនៅទីក្រុងឌូបៃថា៖« យើងមានមូលដ្ឋានដើម្បីធ្វើឲ្យការផ្លាស់ប្តូរកើតឡើង» ដោយបានស្នើឲ្យគណៈប្រតិភូ ក្រោកឈរឡើង និងអបអរសាទរ»។

ក្រសួងរំពឹងទទួលបានសមាជិកបន្ថែម ១,៥ លាននាក់ តាមរយៈការផ្សព្វផ្សាយរបបផ្នែកថែទាំសុខភាព

2023/12/13 02:03:06 pm        543
Facebook Telegram Linkin
ភ្នំពេញ៖ តាមរយៈការផ្សព្វផ្សាយក្នុងរយៈពេល៣០ថ្ងៃ ស្តីពីរបបសន្តិសុខសង្គមផ្នែកថែទាំសុខភាព តាមរបបភាគទានដោយស្ម័គ្រចិត្ត។ បេឡាជាតិសន្តិសុខសង្គម ​នៃក្រសួងការងារ និង​បណ្តុះបណ្តាល​វិជ្ជាជីវៈ សង្ឃឹមថា ​មុនដាច់ឆ្នាំ២០២៣នេះ ​នឹងអាចទទួលបានសមាជិក ១,៥លាននាក់ ខណៈមកដល់ពេលនេះ ការផ្សព្វផ្សាយកើនឡើងដល់ជាង ១,៣លាននាក់ លើសផែនការកំណត់ចំនួនតែ ១,២លាននាក់។ឯកឧត្តម កត្តា អ៊ន រដ្ឋលេខាធិការ និងអ្នកនាំពាក្យក្រសួងការងារ ​និងបណ្តុះបណ្តាលវិជ្ជាជីវៈ បាន​ឲ្យទូរទស្សន៍ព័ត៌មាន ប៊ីធីវី ដឹងនៅព្រឹកថ្ងៃទី១៣ ​ខែធ្នូនេះថា ​ក្នុងអំឡុង​ពេល​នៃ​យុទ្ធនាការ​ផ្សព្វផ្សាយ​នេះ ​ក្រុមការងារក៏មានជួបប្រទះនូវបញ្ហាប្រឈមតិចតួចដែរ ​ដូចជាប្រជាជនមួយចំនួនធំ នៅតែមិនទាន់យល់ច្បាស់អំពីរបៀបនៃការទទួលបណ្ណ ប.ស.ស. និងអំពីការបង់ភាគទានប្រចាំខែ ក៏ដូចជារបៀបនៃការចុះឈ្មោះជាដើម។ ​ដូច្នេះហើយ បន្ទាប់ពីការពន្យល់ណែនាំ ​និងផ្សព្វផ្សាយនេះ ពួកគាត់ក៏មានការជ្រួតជ្រាបជាច្រើន ហើយនឹងធ្វើការផ្សព្វផ្សាយបន្តទៅតាមក្រុមគ្រួសារ​សមាជិកផ្សេងៗទៀតផងដែរ។ឯកឧត្តម បានបន្តថា ក្រោយកម្មវិធី ៣០ថ្ងៃ នៃយុទ្ធនារការនេះ នឹងនៅតែបន្តផ្សព្វផ្សាយដល់​ប្រជាពលរដ្ឋគ្រប់ទីកន្លែងថែមទៀត ​ចាប់ពីតំបន់ទីប្រជុំជន រហូតដល់មូលដ្ឋានតំបន់ជនបទផ្សេងៗ ដោយក្រុមការងារ ប.ស.ស. នឹងចុះជាក្រុមៗ ហើយ សង្ឃឹមថា ប្រជាពលរដ្ឋទូទាំងប្រទេស​នឹងទទួលបានព័ត៌មានអំពីរបបបេឡាជាតិសន្តិសុខសង្គមផ្នែកថែទាំសុខភាព តាមរយៈភាគទាន​ស្ម័គ្រចិត្ត​ឲ្យយល់ដឹង ​និងធ្វើការចុះឈ្មោះដើម្បីទទួលបានបណ្ណ ប.ស.ស. ក្នុងការថែទាំសុខភាពរបស់ខ្លួន។ពាក់ព័ន្ធបណ្ណ ប.ស.ស. នេះដែរ ប្រជាពលរដ្ឋដែលប្រកបមុខរបរខុសៗគ្នា ​នៅផ្សារបឹងបៃតង ស្ថិតនៅ​ខណ្ឌសែនសុខ រាជធានីភ្នំពេញ បានបង្ហាញក្តីសប្បាយរីករាយដែលពួកគាត់អាចមាន​សិទ្ធិក្នុង​ការចុះឈ្មោះ ដើម្បីទទួលបានបណ្ណ ប.ស.ស. ដូចទៅនឹងមន្រ្តីរាជការ និងកម្មករនិយោជិត​ផងដែរ និងបានសម្តែងការអរគុណដល់រាជរដ្ឋាភិបាល ដែលតែងតែគិតគូរសុខទុក្ខប្រជាពលរដ្ឋ​គ្រប់ស្រទាប់វណ្ណៈ។គិតរហូតមកដល់ថ្ងៃនេះ រយៈពេលជាង ២០ថ្ងៃហើយ នៃយុទ្ធនាការផ្សព្វផ្សាយរយៈពេល ៣០ថ្ងៃ ដែលបេឡាជាតិសន្តិសុខសង្គម នៃក្រសួងការងារ និងបណ្តុះបណ្តាលវិជ្ជាជីវៈ បានចុះធ្វើយុទ្ធនាការផ្សព្វផ្សាយស្តីពីលក្ខខណ្ឌ ​និងនីតិវិធីនៃការស្នើសុំចុះឈ្មោះចូលជាសមាជិក ប.ស.ស. តាមរបបភាគទានដោយស្ម័គ្រចិត្ត ពិសេសគឺការផ្សព្វផ្សាយអំពីអត្ថប្រយោជន៍​ដែលប្រជាពលរដ្ឋ​ត្រូវទទួលបាន ពេលក្លាយជាសមាជិក ប.ស.ស. និងមានប្រជាពលរដ្ឋជាអាជិវករ អ្នករត់ម៉ូតូកង់បី មូតូឌុប កម្មករនិយោជិត រួមទាំងអ្នកក្នុងបន្ទុកសមាជិក ប.ស.ស. សរុបប្រមាណជាង ១,២លាននាក់ ស្មើនឹងជាង ៤ពាន់លើក​ ដែលទទួលបានការផ្សព្វផ្សាយខាងលើ។តាមការឲ្យដឹងរបស់ ​ឯកឧត្តមបណ្ឌិត ហេង សុផាន់ណារិទ្ធ អគ្គនាយករង នៃបេឡាជាតិសន្តិសុខ​សង្គម បានបញ្ជាក់ថា គិតត្រឹមថ្ងៃទី១២ ខែធ្នូ ឆ្នាំ២០២៣នេះ បេឡាជាតិសន្តិសុខសង្គម នៃ​ក្រសួង​ការងារ និងបណ្តុះបណ្តាលវិជ្ជាជីវៈ ​បានចុះឈ្មោះសមាជិកជាបុគ្គលស្វ័យនិយោជន៍ ចំនួន ៨៥,៨៦៥នាក់ ​មានអ្នកបានទៅ​ប្រើប្រាស់​សេវាចំនួន ៣៥,៧៣៦ករណី និង​ចំណាយ​តាវការលិក​អស់​ទឹកប្រាក់​ប្រមាណ ៥៤០,៦១លានរៀល ៕ អត្ថបទ៖ ឈិត បូរ៉ាវី 

ទស្សនកិច្ចសម្ដេចធិបតីទៅវៀតណាម សម្រេចលទ្ធផលធំធេងទាំងនយោបាយ សេដ្ឋកិច្ច វិនិយោគ និងពាណិជ្ជកម្ម

2023/12/13 01:47:09 pm        374
Facebook Telegram Linkin
ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានដឹកនាំគណៈប្រតិភូរាជរដ្ឋាភិបាល ធ្វើមាតុភូមិនិវត្តន៍ នាយប់ថ្ងៃទី១២ ខែធ្នូ ឆ្នាំ២០២៣ នេះ បន្ទាប់ពីបញ្ចប់ដំណើរទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម រយៈពេល២ថ្ងៃ ចាប់ពីថ្ងៃទី១១ ដល់ថ្ងៃទី១២ ខែធ្នូ ឆ្នាំ២០២៣ តបតាមការអញ្ជើញរបស់ ឯកឧត្តម ផាម មិញជិញ នាយករដ្ឋមន្រ្តី នៃសាធារណរដ្ឋសង្គមនិយមវៀតណាម។ ទស្សនកិច្ចនេះ បាននាំមកនូវសមិទ្ធផលថ្មីៗបន្ថែមទៀត​សម្រាប់កិច្ចសហប្រតិបត្តិការ​ប្រកប​ដោយផ្លែផ្ការវាងប្រទេសទាំងពីរ កម្ពុជា-វៀតណាម។យោងតាមសេចក្ដីប្រកាសព័ត៌មានរបស់អង្គភាពអ្នកនាំពាក្យរាជរដ្ឋាភិបាលស្តីពីលទ្ធផលនៃដំណើរទស្សនកិច្ចផ្លូវការរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៅសាធារណរដ្ឋសង្គម​និយមវៀតណាម បានបញ្ជាក់ថា ដំណើរទស្សនកិច្ចផ្លូវការលើកទី១ របស់សម្ដេចធិបតី នៅវៀតណាម​ បានសម្រេចលទ្ធផលយ៉ាងធំធេង ទាំងលើទិដ្ឋភាពនយោបាយការទូត និងលើទិដ្ឋភាពសេដ្ឋកិច្ច វិនិយោគ និងពាណិជ្ជកម្ម។ ក្នុងនោះថ្នាក់ដឹកនាំប្រទេសទាំងពីរ បានបញ្ជាក់ជំហរបន្តនូវកិច្ចសហប្រតិបត្តិការដែលសាងឡើង​ដោយសម្តេចតេជោ ហ៊ុន សែន ព្រមទាំងពង្រឹង​ ពង្រីក ​និងពូនជ្រំមិត្តភាពនេះឱ្យកាន់តែរីក​លូត​លាស់​ថែមទៀតក្នុងនាមជាប្រទេសជិតខាងល្អ ​ដើម្បីផលប្រយោជន៍ទៅវិញទៅមក រវាង​ប្រជាជាតិទាំងពីរ ​ក៏ដូចជាផលប្រយោជន៍ក្នុងតំបន់ ​និងអន្តរជាតិ។ ក្នុងវិស័យនយោបាយ ​និងការទូត៖ ​សម្ដេចធិបតី បានអញ្ជើញចូលរួមកិច្ចប្រជុំចង្អៀត និង​ជួប​ពិភាក្សាការងារទ្វេភាគីជាមួយ ​ឯកឧត្តមនាយករដ្ឋមន្រ្តីវៀតណាម ​និងបានជួបសម្ដែងការ​គួរសម​ចំពោះអគ្គលេខាធិការបក្សកុម្មុយនីស្តវៀតណាម ​ប្រធានរដ្ឋ ​និងប្រធានរដ្ឋសភា នៃ​សាធារណរដ្ឋសង្គមនិយមវៀតណាម។ក្នុងនោះ​ឯកឧត្តមនាយករដ្ឋមន្ត្រី បានបង្ហាញសុទិដ្ឋិនិយមខ្ពស់ថា​ តាមរយៈដំណើរទស្សនកិច្ចរបស់ សម្ដេចធិបតី ​នាឱកាសនេះ ទំនាក់ទំនងទ្វេភាគី ​កម្ពុជា-វៀតណាម​ នឹងកាន់តែរីកចម្រើនរឹងមាំ ស្រប​តាមស្មារតី នៃភាពជាអ្នកជិតខាងល្អ មិត្តភាពជាប្រពៃណី ​កិច្ចសហប្រតិបត្តិការគ្រប់ជ្រុងជ្រោយ និង​ស្ថិរភាពយូរអង្វែង ​និងបានបង្ហាញការជឿជាក់ថា​ ក្រោមការដឹកនាំរបស់​សម្ដេចធិបតី កម្ពុជា​នឹងកាន់​តែអភិវឌ្ឍន៍​ខ្លាំងក្លាទៅមុខបន្ថែមទៀត ​ឆ្ពោះទៅសម្រេចចក្ខុវិស័យ​ ឆ្នាំ២០៣០ ក្លាយជាប្រទេសដែលមានប្រាក់ចំណូលមធ្យមកម្រិតខ្ពស់ និងជាប្រទេសមានចំណូលខ្ពស់នៅឆ្នាំ២០៥០ ជាក់ជាមិនខាន។បន្ទាប់មក នាយករដ្ឋមន្រ្តីនៃប្រទេសទាំងពីរ ក៏បានអញ្ជើញជាអធិបតី នៃពិធីចុះហត្ថលេខាលើឯកសារ ចំនួន៣ រួមមាន ទី១-អនុស្សរណៈនៃការយោគយល់គ្នាស្តីពីកិច្ចសហប្រតិបត្តិការលើវិស័យវិទ្យាសាស្ត្រ បច្ចេកវិទ្យា និងនវានុវត្តន៍ រវាងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ កម្ពុជា និងក្រសួងវិទ្យាសាស្ត្រ និងបច្ចេកវិទ្យា វៀតណាម។ ទី២-អនុស្សរណៈនៃការយោគយល់គ្នាស្តីពីកិច្ចសហប្រតិបត្តិការរវាងវិទ្យាស្ថានជាតិការទូត និងទំនាក់ទំនងអន្តរជាតិ កម្ពុជា និងបណ្ឌិត្យសភាការទូត វៀតណាម។ និងទី៣-អនុស្សរណៈនៃការយោគយល់គ្នារវាងសភាពាណិជ្ជកម្មកម្ពុជា និងសភាពាណិជ្ជកម្មវៀតណាម។ សម្រាប់ជំនួបសម្ដែងការគួរសមដាច់ដោយឡែក ឯកឧត្តម ង្វៀន ហ៊្វូចុង អគ្គលេខាធិការបក្សកុម្មុយ-នីស្តវៀតណាម ឯកឧត្តម វ៉ វ៉ាន់ធឿង ប្រធានរដ្ឋ និងឯកឧត្តម វឿង ឌិញហ្វេ ប្រធានរដ្ឋសភា ក៏បានបង្ហាញជំនឿយ៉ាងមុតមាំថា ក្រោមការដឹកនាំរបស់ សម្ដេចធិបតី ទំនាក់ទំនងកម្ពុជា-វៀតណាម នឹងត្រូវបានពង្រឹង និងពង្រីកឱ្យកាន់តែជិតស្និទ្ធរឹងមាំបន្ថែមទៀត ហើយប្រទេសកម្ពុជានឹងកាន់តែបន្តការអភិវឌ្ឍខ្លាំងក្លា។ដោយឡែកក្នុងវិស័យសេដ្ឋកិច្ច និងវិនិយោគ៖ សម្ដេចធិបតី នាយករដ្ឋមន្រ្តី នៃកម្ពុជា បានទទួលជួបថ្នាក់ដឹកនាំក្រុមហ៊ុនវៀតណាម ចំនួន៦ និងអញ្ជើញចូលរួមជាអធិបតីក្នុងវេទិកាជំរុញពាណិជ្ជកម្ម និងវិនិយោគកម្ពុជា-វៀតណាម ឆ្នាំ២០២៣ ជាមួយ ឯកឧត្តមនាយករដ្ឋមន្រ្តីវៀតណាម។ សម្ដេចធិបតី បានលើកទឹកចិត្តក្រុមហ៊ុនវៀតណាមទាំង ៦ ពង្រីកការវិនិយោគថ្មីៗបន្ថែមទៀត ខណៈកម្ពុជាបាននឹងកំពុងផ្ដល់នូវបរិយាកាសវិនិយោគយ៉ាងអំណោយផល ជាពិសេសតាមរយៈច្បាប់វិនិយោគថ្មី។ក្នុងវេទិកាជំរុញពាណិជ្ជកម្ម និងវិនិយោគកម្ពុជា-វៀតណាម ឆ្នាំ២០២៣ សម្ដេចធិបតី បានបង្ហាញការស្វាគមន៍យ៉ាងកក់ក្ដៅចំពោះក្រុមធុរជនវៀតណាម ដែលមានចំណាប់អារម្មណ៍ស្វែងយល់បន្ថែមអំពីសក្ដានុពល និងកាលានុវត្តភាពវិនិយោគនៅកម្ពុជា ព្រមទាំងគោលនយោបាយ យុទ្ធសាស្រ្ត ច្បាប់ បទដ្ឋានគតិយុត្ត និងវិធានការនានា ដែលរាជរដ្ឋាភិបាល នីតិកាលទី៧ នៃរដ្ឋសភា បានដាក់ចេញថ្មីៗនេះ៕

បណ្ដាញសង្គម

ព័ត៌មានថ្មីៗ

BREAKING NEWS!! សម្ដេចតេជោ៖ «ការកែសម្រួលកម្លាំងកងទ័ពនៅតំបន់មានជម្លោះកម្ពុជា-ថៃ ដើម្បីបញ្ជៀសការប៉ះទង្គិចបង្ហូរឈាមទ្រង់ទ្រាយធំ»
06/08/2025 08:06 PM
Facebook Telegram Linkin
ព្រះរាជអាជ្ញារងខេត្តតាកែវ ដឹកនាំកម្លាំងចុះដកហូតបង្គាចាក់ចាហួយ ៣៧០គីឡូក្រាម
06/08/2025 06:06 PM
Facebook Telegram Linkin
មន្ទីរសង្គមកិច្ចខេត្តកំពង់ឆ្នាំងរួមជាមួយសប្បុរសជន ​ចូលរួម​បរិច្ចាគជួយគ្រួសារក្រីក្រ ១២គ្រួសារ
06/08/2025 06:06 PM
Facebook Telegram Linkin
សម្តេចធិបតី និងលោកជំទាវបណ្ឌិត អញ្ជើញដឹកនាំគណៈប្រតិភូចូលរួមសន្និសីទ UNOC3 ស្តីពីមហាសមុទ្រនៅបារាំង
06/08/2025 06:06 PM
Facebook Telegram Linkin
សម្ដេចឥស្សរវិទេសបញ្ញា ហោ ណាំហុង អញ្ជើញចុះសួរសុខទុក្ខកងទ័ពឈរជើង​នៅព្រំដែន ខេត្តឧត្តរមានជ័យ
06/08/2025 04:06 PM
Facebook Telegram Linkin
TOP STORY | ឯកឧត្តម ប្រាក់ សុខុន ផ្ញើលិខិតទៅភាគីថៃបញ្ជាក់ពីគោលជំហរកម្ពុជានាំយកវិវាទព្រំដែនទៅតុលាការ ICJ
06/08/2025 04:06 PM
Facebook Telegram Linkin
លោកជំទាវបណ្ឌិត អ៊ុក ម៉ាលី នាំយកទេយ្យវត្ថុ គ្រឿងអត្ថបរិក្ខារ បច្ច័យមួយចំនួន និង​រថយន្ត​មួយ​គ្រឿង ជាសទ្ធាជ្រះថ្លារបស់​សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ទៅវេរប្រគេន វត្តកែវសិក្ខាគិរីស្វារៈ
06/08/2025 04:06 PM
Facebook Telegram Linkin
បាតុកររាប់ពាន់នាក់បានប្រមូលផ្តុំគ្នានៅក្រុង Tel Aviv ទាមទារឲ្យបញ្ជូនចំណាប់ខ្មាំងមកវិញ
06/08/2025 03:06 PM
Facebook Telegram Linkin
អ្នកស្លាប់ពីទឹកជំនន់នៅរដ្ឋAssam របស់ឥណ្ឌាឡើងដល់២៣នាក់ ខណៈបង្កើនកិច្ចខិតខំប្រឹងប្រែងសង្គ្រោះអំឡុងទឹកស្រក
06/08/2025 03:06 PM
Facebook Telegram Linkin
មូលនិធិមនុស្សធម៌ហ្កាហ្សាផ្អាកប្រតិបត្តិការ ខណៈមានការគំរាមកំហែងដោយផ្ទាល់ពីក្រុមហាម៉ាស
06/08/2025 03:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.