នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
តំណាងអង្គការយូណេស្កូប្រចាំកម្ពុជាប្ដេជ្ញាបន្តពង្រឹងនិងពង្រីកភាពជាដៃគូជាមួយកម្ពុជា ឱ្យកាន់តែរីកចម្រើនថែមទៀត
ឯកអគ្គរដ្ឋទូតឡាវថ្មី ប្រចាំកម្ពុជា ប្ដេជ្ញាពង្រឹងនិងពង្រីកទំនាក់ទំនងជាមួយកម្ពុជាថែមទៀត
កម្ពុជា និងអាស៊ែបៃហ្សង់ ឯកភាពជំរុញ​ ទំនាក់ទំនង​ និងកិច្ចសហប្រតិបត្តិការទ្វេភាគីឱ្យកាន់តែរីកចម្រេីន
ប្រធានក្រុមការងារគណបក្សប្រជាជនចុះមូលដ្ឋាន ប្រកាសបញ្ចូល​សមាជិក​គណបក្ស​ថ្មីជាង ១៥០០នាក់នៃឃុំចំនួន៥ ក្នុងស្រុកកំពង់សៀម ខេត្តកំពង់ចាម

នយោបាយ​ និង ការអភិវឌ្ឍន៍

លោកជំទាវបណ្ឌិត ពេជ ចន្ទមុន្នី និងភរិយាថ្នាក់ដឹកនាំអាស៊ាន-ជប៉ុនជួបនិស្សិត JENESYS 2023

2023/12/17 04:48:23 pm        497
Facebook Telegram Linkin
នៅទីក្រុងតូក្យូ ប្រទេសជប៉ុន ព្រឹកថ្ងៃអាទិត្យទី១៧ ខែធ្នូ ឆ្នាំ២០២៣ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ភរិយាដ៏ឧត្ដុង្គឧត្តមរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា រួមទាំង លោកជំទាវជាភរិយា ថ្នាក់ដឹកនាំអាស៊ាន-ជប៉ុន អញ្ជើញធ្វើជំនួបជាមួយនិស្សិត JENESYS 2023 ASEAN-JAPAN ។ លោកជំទាវ ពេជ ចន្ទមុន្នី ហ៊ុនម៉ាណែត រួមទាំងលោកជំទាវភរិយាប្រមុខរដ្ឋ ប្រមុខរដ្ឋាភិបាលអាស៊ាន ត្រូវបានការធ្វើ គារវកិច្ចស្វាគមន៍យ៉ាងកក់ក្តៅ ពីលោកជំទាវ យូកូ គីស៊ីដា ភរិយាឯកឧត្តម ហ្វូមីអូ គីស៊ីដា នាយករដ្ឋមន្ត្រីជប៉ុន។ សូមបញ្ជាក់ថា ក្នុងឱកាសខួបលើកទី៥០ នៃទំនាក់ទំនងមិត្តភាព និងសហប្រតិបត្តិការអាស៊ាន-ជប៉ុន មេដឹកនាំជប៉ុនបាន រៀបចំឲ្យមាន កម្មវិធី JENESYS 2023 ASEAN-JAPAN នេះឡើងក្នុងគោលបំណងសំខាន់គឺ ទី១ ពង្រឹងការយល់ដឹង របស់យុវជននៃប្រទេសសមាជិកអាស៊ាន (AMS) និងទីម័រខាងកើត ស្ដីពីប្រទេសជប៉ុន។ ការរួមចំណែកអភិវឌ្ឍន៍ដល់ អាស៊ានក្នុងរយៈពេល ៥០ ឆ្នាំកន្លងមក និងប្រវត្តិសាស្ត្រនៃកិច្ចសហប្រតិបត្តិការអភិវឌ្ឍន៍រវាងជប៉ុន និងអាស៊ាន និងទី២ ការបង្កើនការយល់ដឹងគ្នាទៅវិញទៅមកតាមរយៈការផ្លាស់ប្តូរមតិរវាងយុវជននៃ AMS និងជប៉ុនដែលនឹងដឹកនាំ អនាគត និងបង្កើនសន្ទុះសម្រាប់កិច្ចសហប្រតិបត្តិការឆ្ពោះទៅមុខបន្ថែមទៀត បង្កើនមិត្តភាព និងការអភិវឌ្ឍន៍។ ចាប់ពីថ្ងៃទី១០ ខែធ្នូដល់ថ្ងៃទី ១៩ ខែធ្នូ និស្សិតប្រមាណ ១១០ នាក់មកពីប្រទេសសមាជិកអាស៊ានទាំង ១០ និងទីម័រខាងកើត បានធ្វើទស្សនកិច្ចនៅប្រទេសជប៉ុន ដើម្បីចូលរួមក្នុង JENESYS 2023 ASEAN-Japan Students Conference ដែលជាគម្រោងរំលឹកខួបលើកទី៥០ នៃមិត្តភាព និងសហប្រតិបត្តិការអាស៊ាន-ជប៉ុន ប្រព្រឹត្តទៅនៅទី ក្រុងតូក្យូ។ នៅក្នុងសន្និសីទនិស្សិតអាស៊ាន-ជប៉ុន និស្សិតមកពីប្រទេសជប៉ុន និងតំបន់អាស៊ាន នឹងចូលរួមក្នុងកម្មវិធី ពិភាក្សារយៈពេល ៣ យប់ ៤ ថ្ងៃ ដោយផ្អែកលើបញ្ហាចំនួន ៥ ក្រោមប្រធានបទ «អ្វីដែលនិស្សិតអាចធ្វើដើម្បី សន្តិភាព ស្ថិរភាព។ កំណើន និងវិបុលភាពក្នុងតំបន់អាស៊ី បញ្ហាទាំងប្រាំនៃការពិភាក្សា គឺការប្រែប្រួលអាកាសធាតុ និងការការពារគ្រោះមហន្តរាយ ការអភិវឌ្ឍន៍ទេសចរណ៍ បញ្ហាចំនួនប្រជាជន ការចាប់ផ្តើមអាជីវកម្ម និងអ៊ីនធឺណិត និងAI។ ក្រុមនិស្សិតនឹងបង្ហាញសេចក្តីប្រកាសនៃផែនការសកម្មភាព និងអនុសាសន៍តាមប្រធានបទរបស់ពួកគេនៅថ្ងៃចុងក្រោយនៃកម្មវិធី។ តាមរយៈកម្មវិធីនេះ គេរំពឹងថាយុវជននៃប្រទេសជប៉ុន និងតំបន់អាស៊ាននឹង រួមគ្នាបង្កើនចំណាប់អារម្មណ៍របស់ពួកគេក្នុងការរួមចំណែកក្នុងសង្គម ទទួលស្គាល់ភាពចម្រុះនៃវប្បធម៌ និងកសាងប ណ្តាញមិត្តភាព និងកិច្ចសហប្រតិបត្តិការដោយផ្អែកលើការយល់ដឹងពីគ្នាទៅវិញទៅមក។ គេរំពឹងផងដែរថាយុវជននៃតំបន់អាស៊ាននឹងចែករំលែកយ៉ាងសកម្មនូវការរៀនសូត្ររបស់ពួកគេអំពីកម្មវិធី និងការទាក់ទាញរបស់ប្រទេសជ ប៉ុនទៅកាន់ប្រទេសរៀងៗខ្លួន តាមរយៈប្រព័ន្ធផ្សព្វផ្សាយសង្គម និងមធ្យោបាយផ្សេងៗទៀត។ នៅក្នុងពិធីនោះដែរ លោកជំទាវជាភរិយា នៃបណ្តាមេដឹកនាំអាស៊ាន ជប៉ុន អញ្ជើញស្តាប់នូវបទចំរៀងរបស់ក្រុមនិស្សិតនៃកម្មវិធី JENESYS 2023 ASEAN-Japan Students Conference" និងចំរៀងរបស់អាស៊ាន៕

ឯកឧត្តម ហ៊ុន ម៉ានី ចុះពិនិត្យដំណើរការការតាក់តែងវិញ្ញាសា សម្រាប់ការប្រឡងប្រជែងជ្រើសរើសមន្ត្រីកសិកម្មឃុំ ឆ្នាំ២០២៣

2023/12/17 11:48:09 am        585
Facebook Telegram Linkin
ភ្នំពេញ៖ ឯកឧត្តម ហ៊ុន ម៉ានី រដ្ឋមន្ត្រីក្រសួងមុខងារសាធារណៈ បានចុះពិនិត្យសកម្មភាពតាក់តែងវិញ្ញាសា របស់គណៈមេប្រយោគ នៃគណៈកម្មការរៀបចំការប្រឡងប្រជែងជ្រើសរើសមន្ត្រីកសិកម្មឃុំ ឆ្នាំ២០២៣ នាព្រឹកថ្ងៃទី១៧ ខែធ្នូ ឆ្នាំ២០២៣ នាមណ្ឌលប្រឡង ស្ថិតក្នុងសាកលវិទ្យាល័យភូមិន្ទភ្នំពេញ។គណៈកម្មការមេប្រយោគ កំពុងដំណើរការរៀបចំ និងតាក់តែងវិញ្ញាសាសម្រាប់បេក្ខជនប្រឡងប្រជែងជ្រើសរើសមន្ត្រីកសិកម្មឃុំ ឆ្នាំ២០២៣ យ៉ាងសស្រាក់សស្រាំ និងដោយសម្ងាត់ពីសាស្ត្រចារ្យជំនាញ ដោយមានតាមដានមើលពីអ្នកសង្កេតការមកពី តំណាងអង្គភាពប្រឆាំងអំពើពុករលួយ សហភាពសហព័ន្ធយុវជនកម្ពុជា តំណាងសាកលវិទ្យាល័យនានា និងសាធារណជនដែលបានចុះឈ្មោះ។សូមបញ្ជាក់ថា វិញ្ញាសាកំពុងតាក់តែងមានចំនួន៣ រួមមាន៖ ១.វិញ្ញាសាជំនាញកសិកម្ម ២.វិញ្ញាសាភាសាអង់គ្លេស និង៣.វិញ្ញាសាពហុចម្លើយ៕

អាស៊ានប្រារពខួប៥០ឆ្នាំ នៃទំនាក់ទំនងជាមួយជប៉ុន នៅឯកិច្ចប្រជុំកំពូលក្រុងតូក្យូ

2023/12/17 11:31:47 am        556
Facebook Telegram Linkin
ក្រុមមេដឹកនាំនៃសហគមនប្រជាជាតិអាស៊ាន (ASEAN) បានប្រមូលផ្ដុំគ្នានៅក្នុងទីក្រុងតូក្យូ នៅថ្ងៃអាទិត្យទី១៧ខែធ្នូនេះ សម្រាប់ជំនួបកំពូលមួយនៃការរមឹ្លកខួប៥០ឆ្នាំនៃទំនាក់ទំនងរវាងប្រទេសជប៉ុន និងក្រុមប្រទេសមួយនេះ។ លោកនាយករដ្ឋមន្ត្រីជប៉ុន Fumio Kishida បានស្វាគមន៍មេដឹកនាំនានារួមទាំងប្រធានាធិបតីហ្វីលីពីន លោក ហ្វឺណានដេសម៉ាកូសជូនៀរ(Ferdinand Marcos Jr)ដែលបច្ចុប្បន្នជាប្រធានអាស៊ាន និងលោកប្រធានាធិបតីឥណ្ឌូនេស៊ីJoko Widodo និងលោកនាយករដ្ឋមន្ត្រីថៃ សេដ្ឋា ថាវីស៊ីន(Srettha Thavisin) មុនបើកកិច្ចប្រជុំពេញអង្គរបស់ជំនួបកំពូលនេះ។ លោកម៉ាកូស និងលោកសេដ្ឋា គ្រោងនឹងរៀបចំជំនួបទ្វេភាគី ជាមួយលោកនាយករដ្ឋមន្ត្រី Kishida នៅពេលក្រោមមកទៀត នៅថ្ងៃអាទិត្យនេះ៕

សេតវិមាន៖ ការវាយប្រហារដោយនុយក្លេអ៊ែររបស់កូរ៉េខាងជើង លើអាមេរិក នឹងបញ្ចប់របបលោក Kim

2023/12/17 11:28:28 am        587
Facebook Telegram Linkin
សហរដ្ឋអាមេរិកកាលពីថ្ងៃសៅរ៍ ១៦ ខែធ្នូ បានរំលឹកជាថ្មីចំពោះការព្រមានរបស់ខ្លួនទៅកាន់កូរ៉េខាងជើងថា រាល់ការវាយប្រហារដោយនុយក្លេអ៊ែរលើសហរដ្ឋអាមេរិកនឹងនាំមកនូវ ការបញ្ចប់នៃរបប មេដឹកនាំកូរ៉េខាងជើងលោក Kim Jong Un ។សេចក្តីថ្លែងការណ៍រួមមួយដោយក្រុមប្រឹក្សានុយក្លេអ៊ែរអាមេរិក-កូរ៉េខាងត្បូង ក៏បានអះអាងជាថ្មីថា រាល់ការវាយប្រហារនុយក្លេអ៊ែរពីសំណាក់ទីក្រុងព្យុងយ៉ាងមកលើកូរ៉េខាងត្បូង នឹងត្រូវបានឆ្លើយតបយ៉ាងរហ័ស ច្រើនលើសលប់ និងការសម្រេចចិត្តភ្លាមៗ។សេចក្តីថ្លែងការណ៍ដែលចេញផ្សាយដោយសេតវិមានបាននិយាយថា សហរដ្ឋអាមេរិកបានអះអាងជាថ្មីនូវការប្តេជ្ញាចិត្តរបស់ខ្លួនជួយដល់កូរ៉េខាងត្បូងបន្ថែមទៀតពោពេញសមត្ថភាពរបស់សហរដ្ឋអាមេរិករួមទាំងនុយក្លេអ៊ែរ។ប្រធានាធិបតីអាមេរិកលោក Joe Biden បានចេញការព្រមានខ្លាំងៗកាលពីខែមេសា ដោយនិយាយថា ការវាយប្រហារនុយក្លេអ៊ែរណាមួយដោយកូរ៉េខាងជើងនឹងក្លាយជាការបញ្ចប់របបរដ្ឋាភិបាលក្រុងព្យុងយ៉ាង។ហើយកាលពីខែកន្លងទៅនេះ រដ្ឋមន្ត្រីការពារជាតិអាមេរិក លោក Lloyd Austin បានព្រមានថា ការវាយប្រហារនុយក្លេអ៊ែរណាមួយដោយកូរ៉េខាងជើងប្រឆាំងនឹងសហរដ្ឋអាមេរិក ឬសម្ព័ន្ធមិត្តនឹងមានន័យថា ជាការបញ្ចប់នៃរបបដឹកនាំរបស់លោក Kim៕

ក្រុមម៉ូតូធំកម្ពុជា ថៃ និងឡាវ ប្រមាណ៥០០គ្រឿង រៀបចំខួបអនុស្សាវរីយ៍ជួប​ជុំក្លឹបម៉ូតូធំនៅខេត្តសៀមរាប

2023/12/17 10:30:40 am        1069
Facebook Telegram Linkin
សៀមរាប៖ ក្រុមម៉ូតូធំពីប្រទេសកម្ពុជា ថៃ ប្រមាណ ៥០០គ្រឿង នាថ្ងៃទី១៦ ខែធ្នូ ឆ្នាំ២០២៣នេះ បានរៀបចំខួបអនុស្សាវរីយ៍ជួបជុំក្លឹបម៉ូតូធំនៅខេត្តសៀមរាប ដែលមានក្លឹប ម៉ូតូធំមកពីប្រទេសថៃ ឡាវ និងក្លឹបម៉ូតូធំនៅកម្ពុជា សរុបប្រមាណ ៤០ក្លឹប និងមានម៉ូតូចំនួន ៥០០គ្រឿង។គោលបំណងនៃការរៀបចំនេះ ​គឺដើម្បីរួមចំណែកក្នុងការជំរុញកំណើនភ្ញៀវទេសចរជាតិ និង​អន្តរជាតិឱ្យ ចូលមកទស្សនាខេត្តសៀមរាបកាន់តែមានសន្ទុះឡើង ស្របតាមផែនការមេអភវិឌ្ឍន៍​វិស័យ​ទេសចរណ៍ ខេត្តសៀមរាប ២០២១-២០៣៥ និងប្រសាសន៍​ដ៏ខ្ពង់ខ្ពស់របស់​សម្តេច​មហាបវរធិបតី ហ៊ុន ម៉ាណែត នាយកដ្ឋមន្ត្រី បានគិតគូរនិងដាក់ចេញនូវផែនការរបស់រាជ​រដ្ឋាភិបាល ​ដើម្បីចូលរួមជំរុញនូវកម្មវិធីពិសេស ​ទស្សនា​ខេត្តសៀមរាប​២០២៤ ដើម្បីឱ្យ​ខេត្តសៀមរាប ​ក្លាយជាគោលដៅទេសចរណ៍ ​ប្រកបដោយភាព រស់រវើក និងជាការរួមចំណែកដល់កំណើនសេដ្ឋកិច្ចប្រកបដោយចីរភាព។តាមកម្មវិធីក្រុមក្បួនម៉ូតូធំ បាននាំគ្នាដង្ហែឆ្ពោះទៅកាន់ប្រាសាទអង្គរវត្តប្រាសាទអង្គរធំ និងវិលត្រឡប់ចូលក្រុងសៀមរាបវិញ៕

កម្ពុជា-ឡាវ និងវៀតណាម ប្ដេជ្ញាបន្តលើកកម្ពស់កិច្ចសហប្រតិបត្តិការឱ្យកាន់តែរីកចម្រើនលើគ្រប់វិស័យ

2023/12/17 09:59:50 am        191
Facebook Telegram Linkin
ថ្នាក់ដឹកនាំកម្ពុជា ឡាវ និងវៀតណាម បន្តលើកកម្ពស់កិច្ចសហប្រតិបត្តិការវាងប្រទេសទាំងបីឱ្យកាន់តែរីកចម្រើនលើគ្រប់វិស័យ រួមទាំងការជំរុញអនុវត្ត «កញ្ចប់ទេសចរណ៍ប្រទេសបីគោលដៅតែមួយ» (Three Countries One Destination Package)។ការប្ដេជ្ញាចិត្តរបស់ថ្នាក់ដឹកនាំកំពូលរបស់ប្រទេសទាំង៣បែបនេះ ធ្វើឡើងតាមរយៈជំនួបអាហារពេលព្រឹក ពិភាក្សាការងាររវាងសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជាជាមួយនាយករដ្ឋមន្រ្តីកម្ពុជា-ឡាវ-វៀតណាម នាព្រឹកថ្ងៃទី១៧ ខែធ្នូ ឆ្នាំ២០២៣ ក្នុងឱកាសនៃការចូលរួមកិច្ចប្រជុំកំពូលរំឭកខួបអនុស្សាវរីយ៍អាស៊ាន-ជប៉ុន លើកទី ៥០ ចាប់ពីថ្ងៃទី១៥-១៩ ខែធ្នូ ឆ្នាំ២០២៣ នៅទីក្រុងតូក្យូ ប្រទេសជប៉ុន ។ក្នុងជំនួបនេះ ថ្នាក់ដឹកនាំទាំងបី បានវាយតម្លៃខ្ពស់ចំពោះជំនួបជាលក្ខណៈត្រីភាគី នាឱកាសនេះ ដែលរួមចំណែកដល់ការថែរក្សាមិត្តភាពជាប្រពៃណី និងការបន្តលើកកម្ពស់កិច្ចសហប្រតិបត្តិការវាងប្រទេសទាំងបី ឱ្យកាន់តែរីកចម្រើនលើគ្រប់វិស័យ និងគ្រប់កម្រិត រួមមានជាអាទិ៍៖ កិច្ចសហប្រតិបត្តិការក្នុងវិស័យថាមពល, ការតភ្ជាប់, ការបន្តលើកកម្ពស់ទំនាក់ទំនងផ្នែកពាណិជ្ជកម្ម និងវិនិយោគ, ការជំរុញអនុវត្តកិច្ចសហប្រតិបត្តិការនៅក្នុងវិស័យទេសចរណ៍ត្រីភាគី កម្ពុជា-ឡាវ-វៀតណាម “កញ្ចប់ទេសចរណ៍ប្រទេសបី គោលដៅតែមួយ (Three Countries One Destination Package)” និងជាពិសេសការខិតខំលើកកម្ពស់ជីវភាពរស់នៅរបស់ប្រជាពលរដ្ឋអោយកាន់តែមានការរីកចម្រើនប្រសើរឡើង ។ដោយឡែក ពាក់ព័ន្ធនឹងកិច្ចសហប្រតិបត្តិការក្នុងវិស័យការពារជាតិ និងសន្តិសុខ, ថ្នាក់ដឹកនាំទាំងបី បានឯកភាពគ្នាក្នុងការបន្តការរៀបចំលំហាត់រួមត្រីភាគី និងការរួមគ្នាប្រយុទ្ធប្រឆាំងនឹងឧក្រិដ្ឋកម្មឆ្លងដែនគ្រប់ប្រភេទ ក៏ដូចជាការរួមគ្នាក្នុងការដោះស្រាយបញ្ហាប្រឈមនានា សំដៅធានាបាននូវសន្តិភាព ស្ថិរភាព និងសន្តិសុខ ដែលសុទ្ធសឹងជាមូលដ្ឋានដ៏សំខាន់ក្នុងការជំរុញកំណើននៃការអភិវឌ្ឍប្រទេសទាំងបី កម្ពុជា ឡាវ និងវៀតណាម ៕

ប្រទេសស្វីស រារាំងសំណើបញ្ចប់ការផ្តល់មូលនិធិសម្រាប់ទីភ្នាក់ងារប៉ាឡេស្ទីនរបស់ UN បន្ទាប់ពីមានការខឹងសម្បារ

2023/12/15 02:28:57 pm        100
Facebook Telegram Linkin
សភាជាន់ខ្ពស់របស់ប្រទេសស្វីស កាលពីថ្ងៃព្រហស្បតិ៍ (១៤ ធ្នូ) បានរារាំងគំនិតផ្តួចផ្តើមដើម្បីបញ្ចប់ការផ្តល់មូលនិធិមួយដល់ទីភ្នាក់ងារជនភៀសខ្លួនប៉ាឡេស្ទីន (UNRWA) បន្ទាប់ពីក្រុមផ្តល់ជំនួយបានសម្តែងការខឹងសម្បារ។ ក្រុមប្រឹក្សាជាតិរបស់ប្រទេសស្វីស ដែលជាសភាជាន់ទាបនៃសភាសហព័ន្ធបានអនុម័តលើការលុបចោលវិភាគទានប្រចាំឆ្នាំចំនួន ២០លានហ្វ្រង់ស្វ៊ីស ពោលគឺស្មើនឹង ២៣លានដុល្លារអាមេរិក ដល់ទីភ្នាក់ងារនេះ ដោយការគាំទ្រ ១១៦សំឡេងទល់នឹង ៧៨សំឡេងកាលពីថ្ងៃច័ន្ទ។កាលពីថ្ងៃព្រហស្បតិ៍ សភាជាន់ខ្ពស់បានជ្រើសរើសមិនលុបចោលការផ្តល់មូលនិធិដល់ទីភ្នាក់ងារនេះដោយការគាំទ្រ ២៣សំឡេងទល់នឹង២១សំឡេង ជាការសម្រេចដែលត្រូវបានស្វាគមន៍យ៉ាងកក់ក្តៅដោយប្រធានទីភ្នាក់ងារជនភៀសខ្លួនប៉ាឡេស្ទីន UNRWA លោក ហ្វីលីប ឡាសហ្សារីនី (Philippe Lazzarini) ។ សភាទាំងពីរ ត្រូវអនុម័តលើគំនិតផ្តួចផ្តើមនេះដើម្បីឱ្យវាដំណើរការទៅមុខបាន។លោក ឡាសហ្សារីនី ដែលមានការខកចិត្តចំពោះគំនិតផ្តួចផ្តើមនេះបាននិយាយថា ការកាត់ផ្ដាច់មូលនិធិធ្វើឱ្យប៉ះពាល់ដល់សមត្ថភាពរបស់ទីភ្នាក់ងារ UNRWA ក្នុងការផ្តល់ជំនួយដល់ប្រជាជនហ្កាហ្សា។ លោកធ្លាប់បានរិះគន់នូវអ្វីដែលលោកហៅថាជាការប៉ុនប៉ងដោយចេតនាដើម្បីដាក់សម្ពាធលើប្រតិបត្តិការរបស់ទីភ្នាក់ងារជនភៀសខ្លួនប៉ាឡេស្ទីន។ការទម្លាក់គ្រាប់បែកជាច្រើនសប្តាហ៍របស់អ៊ីស្រាអែល ជាការឆ្លើយតបទៅនឹងការវាយប្រហារដ៏បង្ហូរឈាមកាលពីថ្ងៃទី០៧ ខែតុលា ដោយក្រុមសកម្មប្រយុទ្ធហាម៉ាស បានធ្វើឱ្យប្រជាជនចំនួន ៨៥% នៃតំបន់ហ្កាហ្សា ត្រូវផ្លាស់ទីលំនៅពីខាងក្នុង។ បុគ្គលិកទីភ្នាក់ងារជនភៀសខ្លួនប៉ាឡេស្ទីន ជាង ១៣០នាក់ ក៏ត្រូវបានសម្លាប់ផងដែរចាប់តាំងពីការចាប់ផ្តើមនៃជម្លោះនេះមក៕

សហរដ្ឋអាមេរិក ប្រកាសដាក់ពិន័យលើក្រុមហ៊ុនផលិតឱសថរាប់សិបស្ថាប័ន

2023/12/15 02:19:12 pm        66
Facebook Telegram Linkin
ប្រធានាធិបតីអាមេរិក លោក ចូ បៃដិន (Joe Biden) បាននិយាយកាលពីថ្ងៃព្រហស្បតិ៍ (១៤ ធ្នូ) ថា រដ្ឋបាលរបស់លោក នឹងដាក់ពិន័យលើក្រុមហ៊ុនផលិតឱសថរាប់សិបស្ថាប័ន ចំពោះការឡើងថ្លៃថ្នាំមួយចំនួនខ្ពស់ជាងអត្រាអតិផរណា ក្នុងជំហានមួយដែលនឹងកាត់បន្ថយការចំណាយខ្ពស់ហួសប្រមាណសម្រាប់អ្នកទទួលបានការថែទាំវេជ្ជសាស្រ្ត។នៅក្នុងការលើកឡើងនៅវិទ្យាស្ថានជាតិសុខាភិបាល លោកប្រធានាធិបតីរូបនេះបាននិយាយថា ក្រុមហ៊ុនឱសថធំៗ នៅក្នុងឆ្នាំមុនពេលដែលច្បាប់នេះត្រូវបានអនុម័ត «បានឡើងថ្លៃ» ជិតបួនដងលើតម្លៃឱសថលឿនជាងកំណើនអតិផរណាទៅទៀត។ច្បាប់ស្តីពីការកាត់បន្ថយអតិផរណា (IRA) ដែលបានចុះហត្ថលេខាដោយលោកប្រធានាធិបតី ចូ បៃដិន រួមបញ្ចូលការផ្តល់ការពិន័យដល់ក្រុមហ៊ុនផលិតឱសថសម្រាប់ការឡើងតម្លៃថ្នាំលឿនជាងកម្រិតអតិផរណាដល់អ្នកដែលត្រូវទទួលការថែទាំវេជ្ជសាស្រ្ត ដែលជាកម្មវិធីមួយរបស់រដ្ឋាភិបាលសម្រាប់អ្នកមានអាយុចាប់ពី ៦៥ឆ្នាំឡើងទៅ និងជនពិការ។តម្លៃឱសថចំនួន ៤៨មុខ ដែលស្ថិតក្រោមការថែទាំវេជ្ជសាស្រ្ត ផ្នែក B និងដែលគ្របដណ្តប់​លើ​ឱសថប្រើប្រាស់នៅមណ្ឌលសុខភាព បានកើនឡើងលឿនជាងអតិផរណានៅក្នុងត្រីមាសចុងក្រោយនៃឆ្នាំ២០២៣ នេះបើយោងតាមសេតវិមាន។ ឱសថទាំងនេះអាចជាកម្មវត្ថុនៃការបញ្ចុះកម្រិតអតិផរណានៅក្នុងត្រីមាសទីមួយនៃឆ្នាំ២០២៤ ជាលទ្ធផលនៃច្បាប់ស្តីពីការកាត់បន្ថយអតិផរណា ដែលលោកប្រធានាធិបតីប្រជាធិបតេយ្យ បៃដិន បានចុះហត្ថលេខាកាលពីឆ្នាំមុន៕

មន្ទីរកិច្ចការនារីខេត្តឧត្តរមានជ័យ បើកសិក្ខាសាលាស្តីពីការបញ្រ្ជាបយេនឌ័រ បរិយាបន្ន និងសមធម៌សង្គមថ្នាក់ក្រោមជាតិ

2023/12/15 01:50:38 pm        60
Facebook Telegram Linkin
ឧត្តរមានជ័យ៖ នៅព្រឹកថ្ងៃទី១៥ធ្នូ ឆ្នាំ២០២៣ មន្ទីរកិច្ចការនារីខេត្តឧត្តរមានជ័យ បើកសិក្ខាសាលា​ប្រចាំឆ្នាំស្តីពីការបញ្រ្ជាបយេនឌ័រ បរិយាបន្ន និងសមធម៌សង្គម នៅថ្នាក់ក្រោមជាតិ ។តាមរបាយការណ៍របស់លោកស្រី ឯក សុភារុំ ប្រធានមន្ទីរកិច្ចការនារីខេត្តឧត្តរមានជ័យ បាន​លើក​ឡើងថា ការងារយេនឌ័រ មានសារៈសំខាន់ខ្លាំងសម្រាប់មន្រ្តីពាក់ព័ន្ធនៅតាមមូលដ្ឋាន​ដែល​ទទួល​បន្ទុកការងារនេះត្រូវយកទុកដាក់ក្នុងការអនុវត្តឲ្យមានប្រសិទ្ធភាពខ្ពស់ ​ដើម្បីលើកម្ពស់ជីវភាព​ដល់​ស្រ្តីឲ្យមានភាពល្អប្រសើរ​ និងរឹងមាំស្របតាមយន្តការរបស់រាជរដ្ឋាភិបាលស្រ្តីគឺជាឆ្អឹងខ្នង ដ៏សំខាន់ក្នុងការអភិវឌ្ឍសង្គមជាតិ។ជាមួយគ្នានោះដែរឯកឧត្តម ប៉ែន កុសល្យ អភិបាលខេត្តឧត្តរមានជ័យ បានមានប្រសាសន៍ថា ក្រោម​ដំបូលនៃសុខសន្តិភាព និងការអភិវឌ្ឍ ស្រ្តីជាកម្លាំងចលករដ៏សំខាន់​ដែល​បាន​រួមចំណែក​នៃ​កំណើនសេដ្ឋកិច្ច ​និងការអភិវឌ្ឍសង្គមជាតិ ​ក្នុងការ​ទទួលបានសិទ្ធការអភិវឌ្ឍ​ចំណេះដឹង​ និង​ជំនាញ​បច្ចេកទេសដែលជាមូលដ្ឋានគ្រឹះក្នុងការចូលរួមប្រកួតប្រជែង​ប្រកប​ដោយ​សក្តានុពល​នៅក្នុងទីផ្សារសេដ្ឋកិច្ចថ្នាក់ជាតិ និងថ្នាក់តំបន់លើគ្រប់វិស័យ ក្នុងការរួមចំណែក​យ៉ាងសំខាន់​ក្នុងការ​កាត់បន្ថយភាពក្រីក្រ និងងាយរងគ្រោះផងដែរ។ឯកឧត្តម បានបន្តថា សម្រាប់​អាណត្តិ​ថ្មីនេះរាជរដ្ឋាភិបាលកម្ពុជា​បន្តយកចិត្តទុកដាក់គិតគូរ​ខ្ពស់​បន្ថែមទៀត​ក្នុងការលើកកម្ពស់ជីវភាពស្រ្តី​ជាបន្តបន្ទាប់​ក្នុងការរួមចំណែករបស់​ស្រ្តីនៅគ្រប់កម្រិត​ដែល​ជាគុណតម្លៃមួយពេញលេញ ក្នុងការទទួលបានជម្រើស ​ភាពជាអ្នកតំណាង​ ក្នុងការចូលរួម​ប្រកប​ដោយសក្តានុពលក្នុងការ​អភិវឌ្ឍសេដ្ឋកិច្ច និង​សង្គមជាតិ​ដែល​បាន​នឹងកំពុង​វិវត្តន៍​ទៅ​ជាសេដ្ឋកិច្ច ​និងសង្គមឌីជីថលប្រកបដោយចីរភាព ​និងបរិយាបន្នផងដែរ។យ៉ាងណាម៉ិញ ក្នុងសិក្ខាសាលានាពេលនោះដែរ ឯកឧត្តមអភិបាលខេត្ត បានធ្វើការ​កោតសសើរ និងវាយតម្លៃខ្ពស់ចំពោះការខិតខំកន្លងមក របស់មន្រ្តីតាមមូលដ្ឋាន​ចំពោះការងារ​យេនឌ័រ ដែល​ទទួល​ប្រសិទ្ធភាពល្អប្រសើរ៕ 

ប្រធាន ICAPP៖ គណបក្សប្រជាជនកម្ពុជា​ដើរតួនាទីយ៉ាងសំខាន់​ចូលរួម​ពង្រឹងលទ្ធិប្រជាធិបតេយ្យ​នៅអាស៊ី

2023/12/15 01:36:59 pm        201
Facebook Telegram Linkin
គណៈប្រតិភូសន្និសីទអន្តរជាតិនៃបណ្តាគណបក្សនយោបាយនៅអាស៊ី (ICAPP) ដឹកនាំដោយ ឯកឧត្តម ជុង អ៊ីយ៉ុង ប្រធាន ICAPP បានមកបំពេញទស្សនកិច្ចនៅកម្ពុជា នៅថ្ងៃទី១២-១៥ ខែ​ធ្នូ ឆ្នាំ២០២៣ ដើម្បី ពិភាក្សាអំពី «ការរៀបចំទទួលធ្វើជាម្ចាស់ផ្ទះនៃមហាសន្និបាត ICAPP លើកទី១២​» របស់គណបក្សប្រជាជនកម្ពុជានៅខែវិច្ឆិកា ឆ្នាំ២០២៤។ ក្នុងឱកាសនេះ គណៈប្រតិភូបានជួបសម្តែងការគួរសមជាមួយនឹង សម្តេច​អគ្គ​មហា​សេនា​បតីតេជោ ហ៊ុន សែន ប្រធានគណបក្សគណបក្សប្រជាជនកម្ពុជា សម្តេច​មហា​រដ្ឋ​សភា​ធិការ​ធិបតី ឃួន សុដារី ប្រធានរដ្ឋសភា និងជាអនុប្រធាន ICAPP និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងជាអនុប្រធានគណបក្ស។ឯកឧត្តម ជុង អ៊ីយ៉ុង បានគូសបញ្ជាក់អំពីតួនាទីដ៏សំខាន់របស់គណបក្សប្រជាជនកម្ពុជា ក្រោម​ការ​​ដឹកនាំ ប្រកបដោយចក្ខុវិស័យវែងឆ្ងាយរបស់ សម្តេចអគ្គមហាសេនាបតីតេជោ ហ៊ុន សែន ពិត​ជា​បាន​រួមចំណែកយ៉ាងសកម្មក្នុងគំនិតផ្តួចផ្តើមគាំទ្រ និងពូនជ្រំកិច្ចសហប្រតិបត្តិការ និង​ពង្រឹង​លទ្ធិ​ប្រជាធិបតេយ្យនៅអាស៊ី ចាប់ពីថ្ងៃបង្កើត ICAPP នៅឆ្នាំ២០០០ អង្គការ​នេះ​បាន​ក្លាយ​ជា​វេទិកា​នយោបាយកាន់តែមានឥទ្ធិពល និងមានសារៈសំខាន់ចាំបាច់ ក្នុងសភាព​ការណ៍​ពិភព​លោក​នៃ​ការ​ប្រកួតប្រជែងភូមិសាស្ត្រនយោបាយដ៏ស្រួចស្រាល់។ ឯកឧត្តម ជុង អ៊ីយ៉ុង ថ្លែងថា គណបក្សប្រជាជនកម្ពុជាបានដើរតួនាទីយ៉ាងសំខាន់ ក្នុងការ​ចូល​រួម​ដឹកនាំស្ថាប័ន ICAPP ក៏ដូចជាក្រុមប្រឹក្សាវប្បធម៌អាស៊ី (ACC) របស់ ICAPP ដើម្បី​ការ​ត​ភ្ជាប់​វប្បធម៌​ចម្រុះ​នៅអាស៊ី និងពិភពលោកតាមរយៈកិច្ចសន្ទនា ការយោគយល់គ្នា និង ការគោរពគ្នា ជា​ពិសេសការបង្កើតភាពជាដៃគូជាមួយនឹងអង្គការ UNESCO។ឯកឧត្តមបន្តថា មហាសន្និបាត ICAPP លើកទី១២ និងកិច្ចប្រជុំពាក់ព័ន្ធរួមមាន កិច្ចប្រជុំ​គណៈ​កម្មាធិការ​អចិន្ត្រៃយ៍ ICAPP លើកទី៤២ កិច្ចប្រជុំក្រុមប្រឹក្សាវប្បធម៌អាស៊ីលើកទី៣ វេទិកា​សារព័ត៌មាន ​ICAPP លើកទី៧ នៅកម្ពុជានាខែវិច្ឆិកា ឆ្នាំ២០២៤នឹង​ក្លាយ​ជា​ព្រឹត្តិការណ៍​ប្រវត្តិសាស្ត្រ​ដ៏​ធំ និងជោគជ័យមួយ​បន្ថែម​ទៀត​នៃ​ការ​ជួប​ជុំ​មហា​គ្រួសារ​គណបក្ស​នយោបាយ​នៅ​អាស៊ី​តំណាងឱ្យ៥២ប្រទេស និងស្ថាប័នជាដៃគូមកពីតំបន់ផ្សេងៗ។ សូមបញ្ជាក់ ផងដែរថា គណបក្សប្រជាជនកម្ពុជា នឹងក្លាយជាគណបក្សទីមួយរបស់ ICAPP ដែល​បានទទួលធ្វើម្ចាស់ផ្ទះមហាសន្និបាត ICAPP ចំនួន២លើក ដែលលើកទី១ គឺមហាសន្និបាត ICAPP លើកទី៦ នៅឆ្នាំ២០១០ ក្រោមការដឹកនាំផ្ទាល់របស់សម្តេចអគ្គមហាសេនាបតីតេជោ ហ៊ុន សែន។ ដូច្នេះហើយ សម្តេចតេជោ បានសម្រេចប្រគល់ភារកិច្ចជូន សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងជាអនុប្រធានគណបក្សប្រជាជនកម្ពុជា ជា​ប្រធាន​មហា​សន្និបាត ICAPP លើកទី១២ ដើម្បីបន្តប្រពៃណីនៃការដឹកនាំអង្គមហាសន្និបាត ICAPP។គណបក្ស​ប្រជាជនកម្ពុជានឹងជំរុញអង្គការ ICAPP បង្កើនតួនាទីយុវជន និងជំរុញបរិវត្តកម្ម​ឌីជីថល​នៅ​ក្នុងការតភ្ជាប់សង្គមនិងសេដ្ឋកិច្ច ហើយបន្តចូលរួម​យ៉ាង​សកម្ម​ក្នុង​បេសកកម្ម​ដើម្បី​ទ្វីប​អាស៊ី​ប្រកបដោយសន្តិភាព និងវិបុលភាព និងចង់ឃើញឧបទ្វីបកូរ៉េមានសន្តិភាពយូរអង្វែង។គណៈប្រតិភូ ICAPP វាយតម្លៃខ្ពស់​ចំពោះ​ដំណើរ​ការ​ប្រជាធិបតេយ្យ​នៅ​កម្ពុជា​ដែល​មាន​ភាព​ចាស់​ទុំ និង ការផ្ទេរអំណាចទៅអ្នកបន្តវេនដោយសន្តិភាព ហើយមានសុទិដ្ឋិនិយមថា ក្រោម​ការ​ដឹកនាំ​ដោយអ្នកបន្តវេនរបស់ គណបក្សប្រជាជនកម្ពុជា ដែលមាន សម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រីនៃរាជរដ្ឋាភិបាល អាណត្តិទី៧ និងជាអនុ​ប្រធាន​គណបក្ស​ប្រជាជន​កម្ពុជា ប្រទេសកម្ពុជានឹងសម្រេចបាននូវសមិទ្ធិផលថ្មីៗបន្ថែមទៀត សម្រាប់​ជាតិ​ និង​ប្រជាជន​កម្ពុជា តាមរយៈយុទ្ធសាស្ត្របញ្ចកោណ-ដំណាក់កាលទី១ ដើម្បីកំណើន ការងារ សមធម៌ ប្រសិទ្ធភាព និងចីរភាព ហើយ​កម្ពុជា​នឹង​ដើរ​តួនាទី​កាន់​តែសំខាន់​សម្រាប់​តំបន់ និង​ពិភព​លោក​ទាំង​ក្នុងវេទិកាអន្តរគណបក្ស រដ្ឋាភិបាល និងសភា។ នៅក្នុងឱកាសនេះផងដែរ គណៈប្រតិភូ ICAPP ក៏បានធ្វើទស្សនកិច្ច នៅវិមាន៧មករា ស្នាក់ការកណ្តាលគណបក្សប្រជាជនកម្ពុជា និង​ជា​ទីតាំង នៃ​មហាសន្និបាត ICAPP លើកទី១២៕

បណ្ដាញសង្គម

ព័ត៌មានថ្មីៗ

ការបង្រៀនពីរវេនផ្ដល់ឱកាសឱ្យកុមារសិក្សាបានច្រើន និងមានចំណេះដឹងប្រសើរជាងមុន
05/12/2026 02:05 PM
Facebook Telegram Linkin
កម្ពុជា-ឡាវនឹងបើកកិច្ចប្រជុំ ស្ដីពីកិច្ចសហប្រតិបត្តិការរក្សាសន្តិសុខតាមបណ្តោយព្រំដែន នៅ​ចុង​សប្ដាហ៍​នេះ
05/12/2026 02:05 PM
Facebook Telegram Linkin
ម៉ិកស៊ិកបើកដំណើរការឡើងវិញខ្សែរថយន្តភ្លើងត្រៀមទទួល World Cup
05/12/2026 02:05 PM
Facebook Telegram Linkin
TOP STORY! សម្ដេចតេជោប្រមុខរដ្ឋស្ដីទី រំឭកដល់រាជរដ្ឋាភិបាលកុំបើកការចរចាទ្វេភាគីណាមួយជាមួយថៃលើបញ្ហាសមុទ្រ និងដើរត្រង់ទៅរកយន្តការច្បាប់សមុទ្រឆ្នាំ១៩៨២ តែម្តង
05/12/2026 01:05 PM
Facebook Telegram Linkin
ជនបរទេសក៏គាំទ្រ និងជូនពរព្រះខ័នរាជស្វាយរៀង ឲ្យឈ្នះពាន AFC Challenge League ដែរ
05/12/2026 01:05 PM
Facebook Telegram Linkin
អ្នកនាំពាក្យ៖ បច្ចុប្បន្នមានជនភៀសសឹកជាង៣ម៉ឺននាក់ទៀត មិនទាន់អាចវិលត្រឡប់ទៅផ្ទះបាន
05/12/2026 01:05 PM
Facebook Telegram Linkin
អនុប្រធានទី១ CDC ស្នើដល់ទូតសិង្ហបុរី ជួយទាក់ទាញវិនិយោគិនសិង្ហបុរី មកបណ្តាក់ទុននៅកម្ពុជាបន្ថែម
05/12/2026 12:05 PM
Facebook Telegram Linkin
Barcelona អបអរដង្ហែពាន La Liga លើកទី ២៩ ក្នុងប្រវត្តិសាស្រ្តក្លិប
05/12/2026 12:05 PM
Facebook Telegram Linkin
កម្ពុជា-កូរ៉េ ចុះហត្ថលេខាបង្កើតរោងចក្រកែច្នៃគ្រាប់ស្វាយចន្ទី នៅខេត្តកំពង់ធំ ដើម្បីនាំចេញ
05/12/2026 12:05 PM
Facebook Telegram Linkin
កម្ពុជា-គុយបា ជំរុញឱ្យមានកិច្ចព្រមព្រៀងសេវាកម្មដឹកជញ្ជូនផ្លូវអាកាសរវាងប្រទេសទាំងពីរ
05/12/2026 12:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.