នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | មន្រ្ដីនាំពាក្យក្រសួងការបរទេសកម្ពុជាទាត់ចោលការចោទប្រកាន់ផ្ទុយពីការពិតថា កងទ័ពព្រំដែនកម្ពុជា បានរំលោភបំពានទៅលើអធិបតេយ្យភាពរបស់ប្រទេសថៃ
TOP STORY | ប្រមុខការពារជាតិកម្ពុជាបដិសេធចំពោះថៃដែលស្នើឲ្យកម្ពុជាដកកងទ័ពចេញពីទីតាំងតំបន់មុំបី
ឯកអគ្គរដ្ឋទូតបារាំងប្រចាំកម្ពុជាកោតសរសើរចំពោះរចនាបថ និងសមត្ថភាពព្រលានយន្តហោះអន្តរជាតិតេជោ
សម្តេចធិបតី និងលោកជំទាវបណ្ឌិតនឹងអញ្ជើញចូលរួមសន្និសីទអង្គការសហប្រជាជាតិ ស្តីពីមហាសមុទ្រ លើកទី៣ នៅទីក្រុងនីស នៅថ្ងៃទី៩-១១ ខែមិថុនា ខាងមុខនេះ

នយោបាយ​ និង ការអភិវឌ្ឍន៍

លោក កង សៅគុណ ស្នើ​ឲ្យ​អ្នកសារព័ត៌មាន​ប្រកាន់ខ្ជាប់​ក្រមសីលធម៌ កុំដើរតួនាទី​របស់ខ្លួន​លើស​ពី​បន្ទាត់ក្រហម​ នៃ​វិជ្ជាជីវៈ​របស់ខ្លួន

2023/12/04 02:39:34 pm        126
Facebook Telegram Linkin
ព្រះវិហារ៖ មេបញ្ជាការកងរាជអាវុធហត្ថខេត្តព្រះវិហារ ស្នើ​ឲ្យ​អ្នកសារព័ត៌មាន​ប្រកាន់ខ្ជាប់​ក្រមសីលធម៌​មិនត្រូវយក​គំនិត​ច្រណែន​ឈ្នានីស​ដែល​នាំឲ្យ​បាត់បង់​នូវ​តំលៃវិជ្ជាជីវៈរបស់អ្នកសារព័ត៌មាន។នេះ​ជាប្រសាសន៍​ផ្ដាំផ្ញើ​ក៏ដូច​ជាការ​ដាស់តឿន​របស់​លោក​ឧត្តមសេនីយ៍ត្រី កង សៅគុណ មេ​បញ្ជាការកងរាជអាវុធហត្ថខេត្តព្រះវិហារ ​លើកឡើងទៅកាន់​បងប្អូនក្រុមអ្នក​សារព័ត៌មាន​ប្រចាំ​ខេត្តព្រះវិហារ ក្នុងពិធីជួបជុំ និងពិសារអាហារ នាព្រឹកថ្ងៃទី៣ ខែធ្នូ ម្សិលមិញនេះ។ក្នុងពិធីនោះដែរ​លោក​ឧត្តមសេនីយ៍ត្រី កង សៅគុណ ​បានលើកឡើងថា កន្លងមក​រាល់​សកម្មភាព​របស់​បងប្អូនអ្នកសារព័ត៌មានយើងមួយចំនួន​តូច​គឺ​បាន​ប្រើប្រាស់​សិទ្ធិ​ ឬក៏តួនាទី​របស់ខ្លួន​លើស​ពី​បន្ទាត់ក្រហម​ នៃមុខវិជ្ជាជីវៈរបស់ខ្លួន ​ដែល​ចំណុចទាំងនេះ​ហើយ​ ក្នុងនាមយើងជាអ្នកសារព័ត៌មាន​ត្រូវដកខ្លួនថយក្រោយមួយ​ជំហាន​វិញ។បន្ថែមពីនោះ​លោកមេបញ្ជាការ​ ក៏បានធ្វើការណែនាំទៅដល់បងប្អូនក្រុមអ្នកសារព័ត៌មានមុន​នឹងចុះផ្សាយ​នូវ​រឿងអ្វីមួយ​ត្រូវប្រមូលព័ត៌មានឱ្យបាន​គ្រប់​ជ្រុងជ្រោយ​ប្រកាន់ខ្ជាប់​នូវ​វិជ្ជាជីវៈ​ក្រមសីលធម៌។ ក្នុងនាមយើងជាអ្នកសារព័ត៌មានត្រូវ​មាន​សតិ​សម្បជញ្ញៈ​ត្រិះរិះ​ពិចារណា​គឺ​មិន​ត្រូវយក​គំនិត​ច្រណែនឈ្នានីស​ទៅលើអ្នកដទៃ​ហើយ​ចុះផ្សាយ​មួល​បង្កាច់បង្ខូច​ដល់​កិត្តិយស​របស់អ្នកដ៏ទៃ ដើម្បីតែផលប្រយោជន៍ផ្ទាល់ខ្លួន ​នោះឡើយ។លោក​ឧត្តមសេនីយ៍ត្រី កង សៅគុណ ​បានបន្ថែមទៀតថា ​ក្នុង​អាណត្តិទី៧​ដែលដឹកនាំ​ដោយ​សម្តេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា ​បានយក​នូវ​យុទ្ធសាស្ត្រ​បញ្ចកោណ​គឺ​លុបបំបាត់ចោលនូវរាល់ព័ត៌មាន​ក្លែងក្លាយ​ទាំងឡាយ​មាន​ចេតនា​ញុះញង់​លាភពណ៌​ដែល​បង្ក​អសន្តិសុខ​ដល់​ សង្គមជាតិទាំងមូល។ក្នុងឱកាសជួបជុំនោះដែរ លោកស្រី ហែម សុគន្ធពិសី ប្រធាន​មន្ទីរព័ត៌មានខេត្តព្រះវិហារ ក៏​បានមាន​មតិ​ណែនាំ​ដល់​បងប្អូន​ក្រុមអ្នកសារព័ត៌មាន​ផងដែរថា ​អ្វីដែល​ជា​កត្តា​ចម្បង​ហើយដាក់ជាប់​ខ្លួននោះ​គឺ​ក្រមសីលធម៌វិជ្ជាជីវៈ មិនត្រូវ​ហែកហួរ​គ្នា​ ដែលធ្វើឲ្យបាត់បង់នូវគុណធម៌​យើងត្រូវចេះ​សាមគ្គីគ្នា​ស្រលាញ់គ្នា ក្នុងនាមជាមិត្តរួមអាជីព ។ជាមួយគ្នានោះ លោកស្រីប្រធានមន្ទីរ ស្នើដល់បងប្អូនអ្នកសារព័ត៌មាន ​ត្រូវ​ជួយ​ផ្សព្វផ្សាយ​នៅ​រាល់​សមិទ្ធផល​ហេដ្ឋា​រចនា​សម្ព័ន​នានា​ដែលថ្នាក់ដឹកនាំខេត្តព្រះវិហារ ​លោកតែង​បានខិតខំ​កសាង​ទាំងពេលកន្លងមក និង​បច្ចុប្បន្ន ​ដើម្បីលើកទឹកចិត្តក្នុង​កិច្ច​ការអភិវឌ្ឍ​ទៅថ្ងៃ​អនាគត។លោកស្រី ស្នើសុំដល់បងប្អូនអ្នកសារព័ត៌មានរបស់យើង សុំ​មេត្តា​កុំច្បិច​យកចំណុច​អវិជ្ជមាន​របស់​ថ្នាក់​​ដឹកនាំ​យក​មក​ចាប់​កំហុស ​ត្រង់​ស្នាដៃ​អភិវឌ្ឍន៍​រាប់មិនអស់​បែរ​ជា​មើល​រំលង​ទៅវិញ។លោកស្រីប្រធានមន្ទីរ ស្នើសុំ​ឲ្យ​អ្នកសារព័ត៌មាន​យើង​ប្រកាន់​ឲ្យ​បាន​នូវ​ភាព​សុក្រឹត្យ​ សច្ចៈ​ យុត្តិធម៌ និងគុណធម៌ក្នុងខ្លួន ឱ្យ​ជាប់លាប់​ជានិច្ច៕ 

សម្តេចធិបតី ហ៊ុន ម៉ាណែត អនុញ្ញាតឱ្យអនុប្រធានគណៈកម្មាធិការយោធាមជ្ឈិម នៃសាធារណរដ្ឋប្រជាមានិតចិន ចូលជួបសម្តែងការគួរសម

2023/12/04 01:17:59 pm        280
Facebook Telegram Linkin
នារសៀលថ្ងៃទី៤ ខែធ្នូ ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម នាយឧត្តមសេនីយ៍ ហឺ វ័យទុង (He Weidong) អនុប្រធានគណៈកម្មាធិការយោធាមជ្ឈិម នៃសាធារណរដ្ឋប្រជាមានិតចិន និងគណៈប្រតិភូ ចូលជួបសម្តែងការគួរសម នៅវិមានសន្តិភាព ។ក្នុងឱកាសនៃជំនួបនេះ នាយឧត្តមសេនីយ៍ ហឺ វ័យទុង បានថ្លែងអំណរគុណចំពោះ សម្តេចធិបតី ដែលបានឆ្លៀតពេលវេលាដ៏មមាញឹកអនុញ្ញាតឱ្យរូប ឯកឧត្តម និងគណៈប្រតិភូ ចូលជួបសម្តែងការគួរសម ព្រមទាំងនាំមកនូវការសាកសួរសុខទុក្ខពីសំណាក់ ឯកឧត្តមប្រធានាធិបតី ស៊ី ជិនពីង និង ឯកឧត្តមនាយករដ្ឋមន្ត្រី លី ឈាង ជូនចំពោះសម្តេចធិបតី ក្នុងមនោសញ្ចេតនាជិតស្និទ្ធបំផុត ។ ឯកឧត្តមនាយឧត្តមសេនីយ៍ បានជម្រាបជូន សម្តេចធិបតី អំពីទំនាក់ទងកិច្ចសហប្រតិបត្តិការរឹងមាំកម្ពុជា-ចិន ដែលមានលក្ខណៈជាប្រវត្តិសាស្ត្រ ព្រមទាំងការប្តេជ្ញាចិត្តក្នុងការបន្តជំរុញកិច្ចសហប្រតិបត្តិការទាំងនោះឱ្យលេចចេញជាសកម្មភាពជាក់ស្តែងទ្បើង ជាពិសេស លើកិច្ចសហប្រតិបត្តិការត្បូងពេជ្រ ។ ឯកឧត្តម ក៏បានបង្ហាញនូវភាពជឿជាក់ និងសុទិដ្ឋិនិយមផងដែរថា ក្រោមការដឹកនាំប្រកបដោយគតិបណ្ឌិតរបស់ សម្តេចធិបតីនាយករដ្ឋមន្ត្រី ចំណងកិច្ចសហប្រតិបត្តិការរវាងប្រទេសទាំងពីរ នឹងកាន់តែមានភាពរឹងមាំថែមទៀត សំដៅឆ្ពោះទៅសម្រេចបានសហគមន៍ជោគវាសនារួមកម្ពុជា-ចិន ប្រកៀកស្មាគ្នាឆ្ពោះទៅមុខក្នុងដំណើរថ្មី ។ ជាការឆ្លើយតប សម្តេចមហាបវរធិបតី បានសម្តែងនូវការស្វាគមន៍ចំពោះ នាយឧត្តមសេនីយ៍ ហឺ វ័យទុង និងគណៈប្រតិភូ ដែលបានអញ្ជើញមកបំពេញទស្សនកិច្ចផ្លូវការនៅព្រះរាជាណាចក្រកម្ពុជា ។ ជាមួយគ្នានេះ សម្តេចធិបតី ក៏បានធ្វើការផ្តាំផ្ញើរសាកសួរសុខទុក្ខជូនដល់ថ្នាក់ដឹកនាំចិន ជាពិសេស ឯកឧត្តមប្រធានាធិបតី និង ឯកឧត្តមនាយករដ្ឋមន្រ្តី ដែលជានិច្ចជាកាលតែងយកចិត្តទុកដាក់លើកិច្ចសហប្រតិបត្តិការគ្រប់កម្រិតរវាងប្រទេសទាំងពីរ ដោយឆ្នាំនេះគឺជាឆ្នាំគម្រប់ខួប ៦៥ ឆ្នាំ ហើយទំនាក់ទំនងដ៏ប្រពៃនេះត្រូវបានពង្រឹង និងពង្រីកឥតឈប់ឈរ ដោយរាប់ចាប់តាំងពីជំនាន់ព្រះបរមរតនកោដ្ឋ, សម្តេចតេជោ និងបន្តរហូតបច្ចុប្បន្ននេះ ។ ទន្ទឹមនេះ សម្តេចធិបតីនាយករដ្ឋមន្ត្រី ក៏បានរំឭកផងដែរថា កាលនៅក្នុងមុខតំណែងជាមេបញ្ជាការកងទ័ពជើងគោក នៃកងយោធពលខេមរភូមិន្ទ សម្តេចធិបតី បានផ្តួចផ្តើមគំនិត និងជំរុញឱ្យមានការពង្រឹងទំនាក់ទំនងរវាងកងទ័ពជើងគោកនៃប្រទេសទាំងពីរ រហូតឈានទៅដល់ការចុះអនុស្សរណៈនៃការយោគយល់លើកិច្ចសហប្រតិបត្តិការរវាងកងទ័ពជើងគោកកម្ពុជា-ចិន ដែលបានបើកច្រកដល់ទំនាក់ទំនងរវាងអង្គភាព និង អង្គភាព ក៏ដូចជាការហ្វឹកហ្វឺនបណ្តុះបណ្តាល ដើម្បីលើកកម្ពស់សមត្ថភាពធនធានមនុស្សដល់កងទ័ពជើងគោកនៃកងយោធពលខេមរភូមិន្ទ ។  ជារួម សម្តេចធិបតី និង ឯកឧត្តម នាយឧត្តមសេនីយ៍ ហឺ វ័យទុង បានធ្វើការគាំទ្រដល់សកម្មភាពនៃទំនាក់ទំនងកិច្ចសហប្រតិបត្តិការនានា ដែលក្រសួងការពារជាតិនៃប្រទេសទាំងពីរបានឯកភាពគ្នា រួមមានជាអាទិ៍ ការហ្វឹកហ្វឺនបណ្តុះបណ្តាលធនធានមនុស្ស និងការដោះមីន និងយុទ្ធភ័ណ្ឌមិនទាន់ផ្ទុះ ជាដើម ៕

គណបក្សកាន់អំណាចឥណ្ឌា របស់លោកនាយករដ្ឋមន្រ្តី ម៉ូឌី ឈ្នះការបោះឆ្នោតតំបន់ក្នុងរដ្ឋធំៗចំនួនបី

2023/12/04 01:17:00 pm        220
Facebook Telegram Linkin
គណបក្សជាតិនិយម បារ៉ាទីយ៉ា ចាណាតា (Bharatiya Janata BJP) ដែលកំពុងកាន់អំណាចរបស់ប្រទេសឥណ្ឌា កាលពីថ្ងៃអាទិត្យ (០៣ វិច្ឆិកា) បានឈ្នះការបោះឆ្នោតក្នុងតំបន់នៅក្នុងរដ្ឋចំនួនបីក្នុងចំណោមរដ្ឋធំៗចំនួន ៤ នៅក្នុងការជំរុញដ៏ធំមួយសម្រាប់លោកនាយករដ្ឋមន្ត្រី ណារេនដ្រា ម៉ូឌី (Narendra Modi) នៅមុនការបោះឆ្នោតជាតិដែលនឹងធ្វើឡើងនៅខែឧសភា។បណ្ដារដ្ឋធំៗរួមមានរដ្ឋ រ៉ាចាស្ថាន (Rajasthan) រដ្ឋ ម៉ាដយ៉ា ប្រាដេស (Madhya Pradesh) និងរដ្ឋ ឆាតទីសហ្គាស (Chhattisgarh) ព្រមទាំងរដ្ឋភាគខាងត្បូង តេឡាហ្គាណា (Telangana) បានបោះឆ្នោតកាលពីខែមុននៅក្នុងការបោះឆ្នោតថ្នាក់ខេត្តចុងក្រោយមុនការបោះឆ្នោតជាតិ ដែលលោក ម៉ូឌី នឹងព្យាយាមយកជ័យជម្នះសម្រាប់អាណត្តិទីបី។គណបក្សជាតិនិយម BJP បានទទួលជ័យជម្នះយ៉ាងងាយស្រួលក្នុងរដ្ឋ រ៉ាចាស្ថាន និងរដ្ឋ ឆាតទីសហ្គាស ទល់នឹងគណបក្សខនក្រេស (Congress) ប្រឆាំងដ៏សំខាន់ ហើយរក្សាលទ្ធផលយ៉ាងប្រកៀកប្រកិតក្នុងរដ្ឋ ម៉ាដយ៉ា ប្រាដេស នេះបើយោងតាមទិន្នន័យរាប់សន្លឹកឆ្នោតពីក្រុមបោះឆ្នោតឯករាជ្យបានបង្ហាញ។ លទ្ធផលរបស់គណបក្ស BJP គឺប្រសើរជាងការរំពឹងទុកយ៉ាងទូលំទូលាយ ខណៈដែលការស្ទង់មតិ និងការបោះឆ្នោតបានស្នើឱ្យមានការប្រកួតប្រជែងយ៉ាងជិតស្និទ្ធរវាងគណបក្សរបស់លោកនាយករដ្ឋមន្រ្តី ម៉ូឌី និងបក្សប្រឆាំង ខនក្រេស៕

NATO និយាយថា យើងត្រូវបន្តគាំទ្រអ៊ុយក្រែន ខណៈជ័យជម្នះរបស់លោក Putin នឹងជាសោកនាដកម្ម

2023/12/04 01:13:59 pm        234
Facebook Telegram Linkin
លោក Jens Stolenberg អគ្គលេខាធិការសម្ព័ន្ធយោធាណាតូ បានបញ្ជាក់ថា សម្ព័ន្ធមិត្តទាំងអស់គួតែបន្ត គាំទ្រអ៊ុយក្រែននៅក្នុងសង្គ្រាមដែលបានបង្កឡើងដោយសហព័ន្ធរុស្ស៊ី។ លោក Stoltenberg បាននិយាយថា ការគាំទ្របន្ថែមទៀតដល់អ៊ុយក្រែនស្ថិតក្នុងផលប្រយោជន៍របស់សម្ព័ន្ធណាតូខ្លួនឯង។ យើងចាំបាច់ត្រូវយល់ថា ប្រសិនបើប្រធានាធិបតី លោក Putin ទទួលជ័យជម្នះសោកនាដកម្មរង់ចាំអ៊ុយក្រែន។ ប៉ុន្តែសម្រាប់យើង វានឹងមានគ្រោះថ្នាក់ផងដែរ។ ដូច្នេះវាស្ថិតនៅក្នុងផលប្រយោជន៍ផ្ទាល់របស់យើងដើម្បីជួយសង្គ្រោះអ៊ុយក្រែន។ យើងបានបន្តនិយាយថាសម្ព័ន្ធមិត្តគួតែ ត្រៀមខ្លួនសម្រាប់ដំណឹងអាក្រក់ និងបន្តគាំទ្រអ៊ុយក្រែន។លោក Stoltenberg បានពន្យល់ថាយើងត្រូវត្រៀមខ្លួនសម្រាប់ដំណឹងអាក្រក់។ ការកើនឡើងនៃសង្គ្រាមឥតឈប់ឈរ ប៉ុន្តែដំណើរការមានការផ្លាស់ប្តូរ។ យើងត្រូវតែគាំទ្រអ៊ុយក្រែនក្នុងពេលវេលាដ៍ល្អ និងក្នុងស្ថានភាពដ៏អាក្រក់នេះ។ សង្គ្រាមបច្ចុប្បន្នគឺជាសង្គ្រាមបំផ្លាញគ្នាទៅវិញទៅមក វាជាការប្រយុទ្ធដើម្បីផលប្រយោជន៍ ជាការប្រយុទ្ធក្នុងការបង្ហាញកងទ័ព។ លោក Jens Stoltenberg អគ្គលេខាធិការសម្ព័ន្ធយោធាណាតូ បង្ហាញទំនុកចិត្តថា សម្ព័ន្ធមិត្តទាំងអស់ នឹងបន្តផ្តល់ទៅឲ្យអ៊ុយក្រែននូវជំនួយយោធាសំខាន់ៗ។

កម្ពុជា-វៀតណាម ប្រកាសដាក់ឱ្យប្រើប្រាស់ QR Code សម្រាប់ការទូទាត់ឆ្លងដែន នៃប្រទេសទាំងពីរ

2023/12/04 01:05:26 pm        276
Facebook Telegram Linkin
កម្ពុជា-វៀតណាម ប្រកាសដាក់ឱ្យប្រើប្រាស់ប្រព័ន្ធទូទាត់ឆ្លងដែនតាម QR Code ជាផ្លូវការ ដើម្បីផ្តល់ភាពងាយស្រួលដល់ ប្រជាពលរដ្ឋប្រទេសទាំងពីរ សម្រាប់ប្រតិបត្តិការទូទាត់ឆ្លងដែន។លោកជំទាវបណ្ឌិត ជា សិរី ទេសាភិបាលធនាគារជាតិនៃកម្ពុជា និងលោកជំទាវ Nguyen Thi Hong ទេសាភិបាលធនាគាររដ្ឋវៀតណាមនៅថ្ងៃទី៣ ខែធ្នូ ឆ្នាំ២០២៣ បានដឹកនាំគណៈប្រតិភូ ចូលរួមកិច្ចប្រជុំទ្វេភាគីប្រចាំឆ្នាំ និងការប្រកាសដាក់ ឱ្យប្រើប្រាស់ប្រព័ន្ធទូទាត់ឆ្លងដែន តាម ឃ្យូអរកូត (QR Code) ជាផ្លូវការ រវាងព្រះរាជាណាចក្រកម្ពុជា និងសាធារណៈរដ្ឋសង្គមនិយម វៀតណាម នៅខេត្តសៀមរាប នៃព្រះរាជាណាចក្រកម្ពុជា។ ដោយកិច្ចប្រជុំទ្វេភាគីប្រចាំឆ្នាំ២០២៣ នេះ ត្រូវបានរៀបចំក្នុងគោល បំណងពង្រឹង និងពង្រីក​កិច្ចសហប្រតិបត្តិការ សំដៅរួមចំណែកអភិវឌ្ឍវិស័យធនាគារនៅក្នុងប្រទេសទាំងពីរ។ ក្នុង​ស្មារតី​កិច្ច​សហ-ប្រតិបត្តិការកាន់តែប្រសើរ ការផ្លាស់ប្តូរយោបល់ពីស្ថានភាពសេដ្ឋកិច្ច នយោបាយ រូបិយវត្ថុ និងដំណើរការអភិវឌ្ឍន៍វិស័យធនាគារ នៃប្រទេសទាំងពីរផងដែរ។ក្នុងឱកាសនេះដែរ ទេសាភិបាលនៃធនាគារកណ្តាលនៃប្រទេសទាំងពីរ ក៏បានអញ្ជើញជាអធិបតី ប្រកាសដាក់ឱ្យប្រើ ប្រាស់ប្រព័ន្ធទូទាត់ឆ្លងដែនតាម QR Code ជាផ្លូវការរវាង​ព្រះរាជា​ណាចក្រ​កម្ពុជា និងសាធារណៈរដ្ឋសង្គមនិយមវៀតណាមផងដែរ។ តាមរយៈគម្រោងតភ្ជាប់ប្រព័ន្ធទូទាត់ឆ្លងដែន ដែលប្រកាសដាក់ឱ្យប្រើប្រាស់នាថ្ងៃនេះ ប្រជាជន​កម្ពុជា​ដែល​មានគណនី ធនា គារជាប្រាក់រៀល អាចប្រើប្រាស់កម្មវិធីធនាគារចល័ត ក្នុង​ប្រតិបត្តិការ​ទូទាត់ជាប្រាក់ដុងវៀតណាម ដោយស្កេន Viet QR Code របស់ ពាណិជ្ជករ ឬ​នៅ​តាម​បណ្តា​ហាងទំនិញ-សេវាកម្ម នៅប្រទេសវៀតណាម ។ ដូចគ្នានេះដែរ ប្រជាជន​វៀតណាម​ដែល​មាន​គណនីធនាគារ ជាប្រាក់ដុងវៀតណាម ក៏អាចស្កេនខេអេចឃ្យូអរកូត (KHQR Code) របស់​ពាណិជ្ជករ ឬនៅតាមហាងទំនិញ-សេវាកម្មនៅប្រទេស កម្ពុជា ដោយប្រើប្រាស់​កម្ម​វិធី​ធនាគារ​ចល័ត ដើម្បីទូទាត់ថ្លៃទំនិញឬសេវាកម្មជាប្រាក់រៀលផងដែរ។សូមបញ្ជាក់ថា ពិធីនេះត្រូវបានរៀបចំឡើងក្រោមកិច្ចសហការដ៏រឹងមាំ និង​ជិតស្និទ​រវាង​ធនាគារ​កណ្តាល​នៃ​ប្រទេសទាំងពីរ បន្ទាប់ពីបាន ចុះអនុស្សរណៈយោគយល់ស្តីពី “កិច្ចសហប្រតិបត្តិការ​ផ្នែក​នវានុវត្តន៍ហិរញ្ញវត្ថុ និងប្រព័ន្ធទូទាត់សងប្រាក់” រវាងធនាគារ ជាតិនៃកម្ពុជា និងធនាគារ​រដ្ឋ​វៀតណាម កាលពីថ្ងៃទី ៨ ខែ វិច្ឆិកា ឆ្នាំ២០២២ ក្រោមអធិបតីភាពដ៏ខ្ពង់ខ្ពស់ របស់​នាយករដ្ឋមន្រ្តី នៃប្រទេសទាំងពីរ នៅវិមានសន្តិភាព រាជធានីភ្នំពេញ៕ អត្ថបទ៖ សុន រ៉ាឌី

ប្រធានាធិបតីបារាំងលោក ម៉ាក្រុង៖ អ៊ីស្រាអែល ប្រឈមនឹងទសវត្សរ៍នៃសង្គ្រាម

2023/12/04 12:30:14 pm        135
Facebook Telegram Linkin
ប្រធានាធិបតីបារាំងលោក អេម៉ានូអែល ម៉ាក្រុង (Emmanuel Macron) បានព្រមានអ៊ីស្រាអែលថា គោលដៅរបស់ខ្លួន ក្នុងការលុបបំបាត់ក្រុមហាម៉ាស នឹងត្រូវប្រើពេលមួយទសវត្សរ៍ ប្រសិនបើអាចសម្រេចបានទាំងស្រុង។លោកម៉ាក្រុង បាននិយាយកាលពីថ្ងៃសៅរ៍ថា៖«តើអ្វីជាការបំផ្លិចបំផ្លាញដល់ក្រុមហាម៉ាសទាំងស្រុង ហើយតើមាននរណាម្នាក់ គិតថាវាអាចទៅរួចទេ? ប្រសិនបើវាកើតឡើង សង្រ្គាម នឹងមានរយៈពេល ១០ ឆ្នាំ»។ អ៊ីស្រាអែល បានសន្យាបន្តប្រតិបត្តិការជើងគោក នៅតំបន់ហ្កាហ្សា រហូតដល់គោលដៅទាំងអស់របស់ខ្លួន ដែលរួមមានការកម្ចាត់ក្រុមហាម៉ាស ត្រូវបានសម្រេច។នាយករដ្ឋមន្រ្ដីរបស់អ៊ីស្រាអែល លោក បេនចាមីន ណេតានីយ៉ាហ៊ូ ( Benjamin Netanyahu) បាននិយាយជាថ្មីក្នុងសុន្ទរកថាមួយកាលពីយប់ថ្ងៃសៅរ៍ថា៖«យើងនឹងបន្តសង្រ្គាមរហូតដល់យើងសម្រេចបាននូវគោលដៅទាំងអស់»។ លោកបាននិយាយថា ខ្លួនបានណែនាំកងកម្លាំងការពារអ៊ីស្រាអែលឲ្យ «បង្កើន» ប្រតិបត្តិការ ដើម្បីបំផ្លាញក្រុមហាម៉ាស និង «ដោះលែងចំណាប់ថ្នូររបស់យើង»។លោកម៉ាក្រុង បាននិយាយថា៖«សន្តិសុខយូរអង្វែង»របស់អ៊ីស្រាអែល កំពុងប្រឈមនឹងបញ្ហា ហើយមិនអាចធានាបានឡើយ ប្រសិនបើវា «កើតឡើង«ដោយធ្វើឲ្យប៉ះពាល់ដល់ជីវិតរបស់ប្រជាជនប៉ាឡេស្ទីន ដូច្នេះហើយមានការមិនពេញចិត្តពីមតិសាធារណៈទាំងអស់ នៅក្នុងតំបន់»។

កិច្ចប្រជុំអាកាសធាតុ COP28 ផ្តោតលើសុខភាពទទួលបានថវិកា ៧៧៧លានដុល្លារ ដើម្បីប្រយុទ្ធប្រឆាំង ជំងឺត្រូពិក

2023/12/04 12:20:00 pm        130
Facebook Telegram Linkin
ប្រទេសអារ៉ាប់រួម និងអង្គការសប្បុរសធម៌ជាច្រើន នៅក្នុងកិច្ចប្រជុំកំពូលអាកាសធាតុរបស់អង្គការសហប្រជាជាតិ កាលពីថ្ងៃអាទិត្យ ទី៣ ខែធ្នូ បានផ្តល់ហិរញ្ញប្បទានចំនួន៧៧៧លានដុល្លារអាមេរិក សម្រាប់ការលុបបំបាត់ជំងឺត្រូពិកដែលត្រូវបានគេមិនអើពើ ហើយត្រូវបានគេរំពឹងថានឹងកាន់តែធ្ងន់ធ្ងរខណៈសីតុណ្ហភាពកើនឡើង។ ប្រធានកិច្ចប្រជុំកំពូលអាកាសធាតុ COP28 លោក Sultan Ahmed Al-Jaber បាននិយាយនៅក្នុងសេចក្តីថ្លែងការណ៍ថា កត្តាជាច្រើនទាក់ទងនឹងអាកាសធាតុ បានក្លាយទៅជាការគំរាមកំហែងធំបំផុតមួយចំពោះសុខភាពមនុស្សនៅក្នុងសតវត្សរ៍ទី២១នេះ។ ការសន្យា ដែលទទួលបាននៅក្នុងកិច្ចប្រជុំកំពូលអាកាសធាតុ COP28 កាលពីថ្ងៃអាទិត្យ បានផ្តោតលើហានិភ័យសុខភាពទាក់ទងនឹងអាកាសធាតុ រួមមានថវិកា១០០លានដុល្លារអាមេរិកពីប្រទេសអារ៉ាប់រួម និង១០០លានដុល្លារផ្សេងទៀតពីមូលនិធិ Bill and Melinda Gates ហើយប្រទេសផ្សេងទៀតនឹងប្រកាសអំពីមូលនិធិសម្រាប់បញ្ហាសុខភាពទាក់ទងនឹងអាកាសធាតុ រួមមានប្រទេសបែលហ្សិក អាល្លឺម៉ង់ និងទីភ្នាក់ងារសហរដ្ឋអាមេរិកសម្រាប់ការអភិវឌ្ឍន៍អន្តរជាតិ។ធនាគារពិភពលោក បានចាប់ផ្តើមកម្មវិធីមួយដើម្បីស្វែងរកវិធានការគាំទ្រដែលអាចធ្វើទៅបានសម្រាប់សុខភាពសាធារណៈនៅក្នុងប្រទេសកំពុងអភិវឌ្ឍន៍ ដែលហានិភ័យសុខភាពទាក់ទងនឹងអាកាសធាតុមានកម្រិតខ្ពស់ជាពិសេស។ បន្ទុកនៃជំងឺត្រូពិកនឹងកាន់តែធ្ងន់ធ្ងរទៅៗ ខណៈពិភពលោកកាន់តែឡើងកម្តៅ រួមជាមួយនឹងការគំរាមកំហែងសុខភាពដែលជំរុញដោយអាកាសធាតុផ្សេងទៀត រួមមានកង្វះអាហារូបត្ថម្ភ ជំងឺគ្រុនចាញ់ រាគ និងភាពតានតឹងដោយសារកម្តៅ។ប្រទេសជាង ១២០ បានចុះហត្ថលេខាលើសេចក្តីប្រកាសកិច្ចប្រជុំកំពូលអាកាសធាតុ COP28 ដោយទទួលស្គាល់ចំពោះការទទួលខុសត្រូវរបស់ពួកគេក្នុងការរក្សាសុវត្ថិភាពប្រជាជន ក្នុងពេលមានការឡើងកម្តៅផែនដីសកល។

ជនមូស្លីមអាមេរិកសន្យាដកលោក Biden នៅឆ្នាំ ២០២៤ ជុំវិញជំហររបស់លោកចំពោះសង្គ្រាមអ៊ីស្រាអែល នៅហ្កាហ្សា

2023/12/04 12:07:16 pm        151
Facebook Telegram Linkin
បណ្ដាមេដឹកនាំមូស្លីមអាមេរិក នៅក្នុងរដ្ឋសំខាន់ៗជាច្រើនបានសន្យាថានឹងប្រមូលផ្តុំសហគមន៍របស់ពួកគេប្រឆាំងនឹងការប៉ុនប៉ងរបស់លោកប្រធានាធិបតី Joe Biden សម្រាប់ការចូលរួមការបោះឆ្នោតអាណត្តិទី២ ដោយសារតែជំហរគាំទ្រយ៉ាងម៉ុតមាំរបស់លោក ចំពោះសង្គ្រាមរបស់អ៊ីស្រាអែលនៅតំបន់ហ្កាហ្សា។ យុទ្ធនាការ #AbandonBiden បានចាប់ផ្តើមនៅពេលដែលជនជាតិអាមេរិកកាន់សាសនាអ៊ីស្លាមនៅរដ្ឋមីនីសូតា(Minnesota)ទាមទារឱ្យលោក Biden អំពាវនាវឱ្យមានបទឈប់បាញ់ត្រឹមថ្ងៃទី ៣១ ខែតុលា បានរាលដាលដល់រដ្ឋ Michigan, Arizona, Wisconsin, Pennsylvania និង Florida ។ ក្រុមនេះបានប្រាប់សារព័ត៌មានអាមេរិក Axios នៅក្នុងសេចក្តីថ្លែងការណ៍មួយថាសន្និសីទ #AbandonBiden 2024 នេះគឺប្រឆាំងការប្រឹងប្រែងនៃការបោះឆ្នោតប្រធានាធិបតីឆ្នាំ ២០២៤ នាពេលខាងមុខ និងការសម្រេចចិត្តដកការគាំទ្រពីលោកប្រធានាធិបតី Biden ដោយសារតែរូបលោកពុំមានឆន្ទៈក្នុងការអំពាវនាវឱ្យមានបទឈប់បាញ់ និងការពារជនស្លូតត្រង់នៅប៉ាឡេស្ទីន និងអ៊ីស្រាអែល ។ ការប្រឆាំងពីប្រជាពលរដ្ឋអាមេរិកមូស្លីម និងអារ៉ាប់ដ៏ធំរបស់ពួកគេ អាចបង្កបញ្ហាប្រឈមចំពោះអនាគតនៃក្ដីរំពឹងការជាប់ឆ្នោតរបស់លោកប្រធានាធិបតីរូបនេះ នៅក្នុងការបោះឆ្នោតនាពេលខាងមុខ។ប្រធានាធិបតី និងអនុប្រធានាធិបតីអាមេរិក ត្រូវបានជ្រើសរើសដោយក្រុម អ្នកបោះឆ្នោតនៅសភា ដែលត្រូវបានជ្រើសរើសក្នុងករណីភាគច្រើនដោយគណបក្សនយោបាយនៅក្នុងរដ្ឋនោះ៕

ហ្វីលីពីន បញ្ជូននាវាដើម្បីត្រួតពិនិត្យវត្តមានខុសច្បាប់របស់នាវាចិន នៅសមុទ្រចិនខាងត្បូង

2023/12/04 11:38:00 am        134
Facebook Telegram Linkin
ឆ្មាំល្បាតឆ្នេរហ្វីលីពីន (PCG) បានបញ្ជូននាវារបស់ខ្លួនចំនួនពីរគ្រឿងនៅក្នុងសមុទ្រចិនខាងត្បូង បន្ទាប់ពីបានត្រួតពិនិត្យឃើញការកើនឡើង «គួរឱ្យព្រួយបារម្ភ» នៃចំនួននាវាកងជីវពលដែនសមុទ្រចិន នៅឯថ្មប៉ប្រះទឹកនៅក្នុងតំបន់សេដ្ឋកិច្ចផ្តាច់មុខ(EEZ) របស់ប្រទេសនេះ។ឆ្មាំល្បាតឆ្នេរហ្វីលីពីន បាននិយាយនៅក្នុងសេចក្តីថ្លែងការណ៍មួយថា ចំនួននាវារបស់ចិនដែលត្រូវបានគេជឿថាគ្រប់គ្រងដោយបុគ្គលិកកងជីវពលបានកើនឡើងដល់ជាង ១៣៥គ្រឿង ពីចំនួន ១១គ្រឿង កាលពីខែវិច្ឆិកា ដែលនៅរាយប៉ាយនៅក្នុងតំបន់ថ្មប៉ប្រះទឹក វ៉ីតសុន (Whitsun) ដែលទីក្រុងម៉ានីលហៅថា ថ្មប៉ប្រះទឹក ជូលៀន ហ្វែលីប (Julian Felipe)។ហ្វីលីពីននិយាយថា «ឆ្មាំល្បាតឆ្នេរហ្វីលីពីន រក្សាការប្តេជ្ញាចិត្តឥតងាករេរបស់ខ្លួនក្នុងការការពារសន្តិសុខដែនសមុទ្រ សុវត្ថិភាព និងបរិស្ថានសមុទ្រក្នុងដំណើរការការពារបូរណភាពទឹកដី អធិបតេយ្យភាព សិទ្ធិអធិបតេយ្យភាព និងយុត្តាធិការរបស់ប្រទេសហ្វីលីពីន នៅសមុទ្រហ្វីលីពីនខាងលិច»។សមុទ្រហ្វីលីពីនខាងលិច គឺជាពាក្យរបស់ទីក្រុងម៉ានីល សម្រាប់ហៅដែនទឹកនៅក្នុងសមុទ្រចិនខាងត្បូង ដែលស្ថិតនៅក្នុងរង្វង់តំបន់សេដ្ឋកិច្ចផ្តាច់មុខ ប្រវែង ២០០ ម៉ាយល៍ណត់។ មិនមានការអត្ថាធិប្បាយភ្លាមៗពីស្ថានទូតចិនប្រចាំក្រុងម៉ានីល នោះទេ។ ហ្វីលីពីន កំពុងបង្កើនកិច្ចខិតខំប្រឹងប្រែងដើម្បីទប់ទល់នឹងអ្វីដែលខ្លួនពិពណ៌នាថាជា «សកម្មភាពឈ្លានពាន» របស់ចិននៅក្នុងសមុទ្រចិនខាងត្បូង ដែលបានក្លាយជាចំណុចកងទ័ពជើងទឹកដ៏សំខាន់ចំពោះភាពតានតឹងរបស់ចិន និងសហរដ្ឋអាមេរិក៕

សម្ដេចធិបតីស្នើ គ្រប់ភាគីពាក់ព័ន្ធផ្ដល់សេវាយុត្តិធម៌ជូនជនមានពិការភាព ឱ្យកាន់តែប្រសើរថែមទៀត

2023/12/04 10:57:05 am        301
Facebook Telegram Linkin
មានប្រសាសន៍ក្នុងពិធីអបអរសាទរទិវាជនមានពិការភាពកម្ពុជាលើកទី២៥ និង​ជនមាន​ពិការ​ភាព​​អន្តរជាតិ លើកទី៤១ នៅថ្ងៃទី៤ ខែធ្នូ ឆ្នាំ២០២៣ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានស្នើដល់គ្រប់ភាគីពាក់ព័ន្ធជួយជំរុញ និងផ្ដល់សេវាយុត្តិធម៌​ជូនជន​មាន​ពិការភាព​ឱ្យ​បានកាន់តែប្រសើរ ថែមទៀត។សម្ដេចមហាបវរធិបតី នាយករដ្ឋមន្ត្រី បញ្ជាក់បន្ថែមថា ការផ្ដល់សេវាយុត្តិធម៌​ជូន​ជន​មាន​ពិការភាព កាន់តែប្រសើរ គឺដើម្បីការរស់នៅប្រកបដោយសមធម៌ទាំងអស់គ្នា។ថ្លែងនៅក្នុងពិធីនោះដែរ រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា ឯកឧត្តម ជា សុមេធី បានឱ្យដឹងថា បច្ចុប្បន្នកម្ពុជា មានជនមានពិការភាពជាង ៥ ភាគរយនៃប្រជាជនសរុប។ឯកឧត្ដមរម្លឹកឱ្យដឹងបន្ថែមថា ឆ្នាំ២០២៣ នេះ កម្ពុជា​បាន​ប្រារព្ធ​ពិធី​អបអរ​សាទរ​ទិវា​ជន​មាន​ពិការភាព​កម្ពុជា លើកទី២៥ និងជនមានពិការភាពអន្តរជាតិ លើកទី៤១ ក្រោមប្រធានបទ​«ដំណោះ​ស្រា​យប្រកប ដោយនវានុវត្តន៍ ដើម្បីសង្គមមួយមានផាសុកវត្ថុ និងសមធម៌»៕ ដោយ៖ គង់ ឌិន

បណ្ដាញសង្គម

ព័ត៌មានថ្មីៗ

ច្រកទ្វារព្រំដែនអន្តរជាតិចាំយាម ខេត្តកោះកុង អ្នកដំណើរ និងលំហូទំនិញបន្តចរាចរ ខណៈច្រកនឹងបើកនៅម៉ោង ៨ព្រឹក ហើយបិទនៅម៉ោង ៤ល្ងាច
06/08/2025 12:06 PM
Facebook Telegram Linkin
អាមេរិក និងចិន គ្រោងរៀបចំកិច្ចចរចាពាណិជ្ជកម្មនៅអង់គ្លេសថ្ងៃទី៩ មិថុនា
06/08/2025 11:06 AM
Facebook Telegram Linkin
សម្តេចកិត្តិព្រឹទ្ធបណ្ឌិត បន្តឧបត្ថម្ភថវិកាជាលើកទី៨ ចំនួន៥ម៉ឺនដុល្លារ ដល់​មន្ទីរ​ពេទ្យ​កុមារអង្គរ​ខេត្តសៀមរាប រួមជាមួយស្បៀង និងសម្ភារប្រើប្រាស់មួយចំនួនទៀត
06/08/2025 11:06 AM
Facebook Telegram Linkin
លោក Trump ដាក់ពង្រាយឆ្មាំជាតិ ខណៈការតវ៉ាប្រឆាំងភ្នាក់ងារអន្តោប្រវេសន៍ក្នុងទីក្រុង Los Angeles នៅតែបន្ត
06/08/2025 10:06 AM
Facebook Telegram Linkin
សម្តេចឥស្សរវិទេសបញ្ញា​ ហោ​ ណាំហុង អញ្ជើញសំណេះសំណាល​កងកម្លាំង​ប្រដាប់​អាវុធ​ឈរ​ជើង​តាម​បន្ទាត់​ព្រំដែន ភូមិ​សាស្រ្ត​ខេត្តឧត្តរមានជ័យ
06/08/2025 10:06 AM
Facebook Telegram Linkin
សម្ដេច​តេជោ អំពាវនាវដល់ជនរួមជាតិរក្សានូវភាពថ្លៃថ្នូរ ភាពចាស់ទុំ ទន់ភ្លន់ សុភាពរាបសារតែម៉ឺងម៉ាត់មិនទុកឱ្យបរទេសប្រមាថ
06/07/2025 11:06 PM
Facebook Telegram Linkin
ឯកឧត្តម ចាយ បូរិន អញ្ជើញជាអធិបតីពិធីសម្ពោធសមិទ្ធផលនានា នៅឃុំនាងទើត ស្រុកតំបែរ ខេត្តត្បូងឃ្មុំ
06/07/2025 07:06 PM
Facebook Telegram Linkin
ឯកឧត្តម ឌិត ទីណា ស្នើវិស័យធនាគារជួយពិនិត្យលទ្ធភាពក្នុងការផ្តល់អត្រាការប្រាក់ទាបដល់កសិករ
06/07/2025 07:06 PM
Facebook Telegram Linkin
ឯកឧត្តម អ៊ី ឈាន និងលោកជំទាវ បាន ស្រីមុំ នាំយកអំណោយសម្តេចកិត្តិព្រឹត្តបណ្ឌិត ប្រគល់ជូនកងកម្លាំងនៅតាមខ្សែរព្រំដែនក្នុងភូមិសាស្ត្រខេត្តប៉ៃលិន
06/07/2025 07:06 PM
Facebook Telegram Linkin
អគ្គនាយកដ្ឋាន ក.ប.ប. គ្រោងចុះផ្សព្វផ្សាយដល់អាជីវករលក់ផ្លែទុរេន ដើម្បីបង្ហាញផលប៉ះពាល់នៃសារធាតុ អូរ៉ាមីនអូ
06/07/2025 07:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.