នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
រដ្ឋសភាបានអនុម័តជាឯកច្ឆន្ទលើសេចក្តីព្រាងច្បាប់ស្តីពីកាតព្វកិច្ចយោធា និងការធានាទូទាត់ថាមពលអគ្គិសនី ដើម្បីពង្រឹងសន្តិសុខជាតិ និងសេដ្ឋកិច្ច
សម្ដេចធិបតី៖«ការស្វែងរកសន្ដិភាព និងថែរក្សាសន្ដិភាពមិនអាចសុំអ្នកណាក្រៅពីយើងខ្លាំងខ្លួនឯងទេ»
សម្ដេចធិបតី៖កម្ពុជារៀបចំច្បាប់ស្ដីពីកាតព្វកិច្ចយោធាដោយផ្អែកលើភាពចាំបាច់នៃបរិការណ៍ជាក់ស្ដែងថ្មី
សម្ដេចធិបតី៖ការអនុវត្តច្បាប់កាតព្វកិច្ចយោធាបានផ្ដល់អត្ថប្រយោជន៍លើវិស័យការពារជាតិ, ចំពោះយុវជនខ្មែរ និងគ្រួសារ និងសម្រាប់សង្គមជាតិទាំងមូល

នយោបាយ​ និង ការអភិវឌ្ឍន៍

ចិននិងវៀតណាមអបអសាទរការពង្រឹងទំនាក់ទំនងកាន់តែប្រសើរ ខណៈព្រមព្រៀងលើការបង្កើនកិច្ចខិតខំប្រែងសន្តិសុខ

2023/12/14 10:42:26 am        344
Facebook Telegram Linkin
ខណៈលោកប្រធានាធិបតីចិន Xi Jinping បានបញ្ចប់ដំណើរទស្សនកិច្ចទៅកាន់ទីក្រុងហាណូយ ប្រទេសទាំង២និយាយកាលពីថ្ងៃពុធថា ប្រទេសចិន និងវៀតណាមបានយល់ព្រមបង្កើនកិច្ចសហប្រតិបត្តិការលើបញ្ហាសន្តិសុខ ឆ្ពោះទៅរកការក្លាយជាសហគមន៍មួយដែលមានអនាគតរួមគ្នា។ ក្នុងដំណើរទស្សនកិច្ចរយៈពេលពីរថ្ងៃរបស់លោក Xi ទៅកាន់ប្រទេសជិតខាងដែលគ្រប់គ្រងដោយកុម្មុយនិស្ត មានទំនាក់ទំនងសេដ្ឋកិច្ចដ៏ជិតស្និទ្ធ ប៉ុន្តែមានជម្លោះលើព្រំដែនទឹកក្នុងសមុទ្រចិនខាងត្បូង បានចុះហត្ថលេខាលើសន្ធិសញ្ញាសហប្រតិបត្តិការរាប់សិបវិស័យ ហើយបានយល់ព្រមបង្កើតបណ្តាញទូរស័ព្ទបន្ទាន់បន្ថែមទៀតដើម្បីបញ្ចៀសភាពអាសន្នណាមួយនៅក្នុងដែនទឹកដែលពោពេញដោយការប្រកួតប្រជែង។ នៅក្នុងសេចក្តីថ្លែងការណ៍រួមដែលមានកម្រាស់១៦ ទំព័រ ប្រទេសដែលមានប្រវត្តិសាស្រ្តនៃជម្លោះរាប់ពាន់ឆ្នាំ បានប្តេជ្ញាធ្វើការរួមគ្នាយ៉ាងជិតស្និទ្ធបន្ថែមទៀតដើម្បីពង្រឹងទំនាក់ទំនងឧស្សាហកម្មការពារជាតិ និងការផ្លាស់ប្តូរព័ត៌មានសម្ងាត់។មេដឹកនាំទាំង២បាននិយាយថា គោលបំណងរបស់ប្រទេសទាំង២ គឺមួយផ្នែកដើម្បីបញ្ចៀសហានិភ័យនៃអ្វីដែលមេដឹកនាំទាំង២បានហៅថាជា បដិវត្តន៍ពណ៌ ដែលត្រូវបានផ្សព្វផ្សាយដោយកងកម្លាំងអរិភាព ដោយប្រើពាក្យសម្រាប់ការបះបោរដ៏ពេញនិយមដែលបានរង្គោះរង្គើដល់អតីតប្រទេសកុម្មុយនិស្តមួយនេះ។ លោក Xi បានប្រាប់ប្រធានសភាវៀត ណាម លោក វ៉ង ឌីញ ហេ (Vuong Dinh Hue) នៅក្នុងកិច្ចប្រជុំមុននេះថា ប្រទេសចិន និងវៀតណាម បានប្រកាសអំពីការបង្កើតសហគមន៍យុទ្ធសាស្ត្រចិន-វៀតណាមនៃ អនាគតរួមគ្នា ដើម្បីជំរុញការធ្វើឱ្យប្រសើរឡើងនូវទំនាក់ទំនងចិន-វៀតណាម៕

នាយឧត្តមសេនីយ៍ ទៀ សីហា៖ អគារមិត្តភាពកម្ពុជា-វៀតណាម បានឆ្លុះបញ្ចាំងពីលទ្ធផលជាផ្លែផ្កា កើតចេញពីភាពរីកចម្រើនគ្រប់ជ្រុងជ្រោយរវាងប្រទេសទាំងពីរ

2023/12/13 04:58:36 pm        440
Facebook Telegram Linkin
រតនគិរី៖ នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្ត្រីក្រសួងការពារជាតិ បានថ្លែងថា អគារមិត្តភាពកម្ពុជា-វៀតណាម ដាក់ឱ្យប្រើប្រាស់នាពេលនេះ ​បាន​ឆ្លុះបញ្ចាំង​ពីលទ្ធផលជាផ្លែផ្កា កើតចេញពីភាពរីកចម្រើនគ្រប់ជ្រុងជ្រោយ គ្រប់កម្រិតនៃកិច្ចសហប្រតិបត្តិការទ្វេភាគីរវាង​ប្រទេសទាំង​ពីរសម្រាប់ឆ្នាំ២០០៣នេះ។នាឱកាសអញ្ជើញជាអធិបតីរួមជាមួយឧត្តមសេនីយ៍ត្រី ហឿ វ៉ាន់ទឿង​ មេបញ្ជាការរង យោធភូមិភាគទី ៥ កងទ័ពប្រជាជនវៀតណាម ​តំណាងរដ្ឋមន្រ្តីការពារប្រទេសវៀតណាម ក្នុង​សម្ពោធដាក់ឱ្យប្រើប្រាស់ អគារថ្មី មួយខ្នង ដែលជាសំណង់អគារមិត្តភាពកម្ពុជា វៀតណាម ស្ថិត​ក្នុងវរសេនាតូចលេខ ២ តំបន់ប្រតិបត្តិការសឹករង រតនគិរី ជាអំណោយរបស់ក្រសួងការពារប្រទេស​វៀតណាម នៅថ្ងៃទី ១៣ខែធ្នូ ២០២៣ ឯកឧត្តម នាយឧត្តមសេនីយ៍ ទៀ សីហា បានចាត់ទុក ថា អគារមិត្តភាពកម្ពុជា-វៀតណាម ​ដែលសម្ពោធដាក់ឱ្យ​ប្រើប្រាស់​ជាផ្លូវការ​នាពេលនេះ ជា​សមិទ្ធផល​ថ្មីមួយថែមទៀត ​ដែលក្រសួងការពារប្រទេស ​នៃសាធារណរដ្ឋសង្គមនិយមវៀតណាម ផ្តល់ជូន​ក្រសួងការពារជាតិនៃ ព្រះរាជាណាចក្រកម្ពុជា ​បន្ទាប់ពីអគារមិត្តភាពកម្ពុជា-វៀតណាម នៅតំបន់​ប្រវត្តិសាស្ត្រយោធាតេជោកោះថ្ម "X16" សម្ពោធដាក់ឱ្យប្រើប្រាស់ជាផ្លូវការកាលពីថ្ងៃទី២០ ខែមិថុនា ឆ្នាំ២០២២កន្លងមក។នាយឧត្តមសេនីយ៍ ទៀ សីហា បញ្ជាក់ថា «សមិទ្ធផលនេះ ​បាន​ឆ្លុះបញ្ចាំង​ពីលទ្ធផល​ជា​ផ្លែផ្កា កើត​ចេញ​ពីភាពរីកចម្រើនគ្រប់ជ្រុងជ្រោយ ​គ្រប់កម្រិតនៃកិច្ចសហប្រតិបត្តិការទ្វេភាគី រវាងកម្ពុជា​និងវៀតណាម សម្រាប់ឆ្នាំ២០០៣នេះ ​និងជាការចូលរួមអបអរសាទរជំនួប​ប្រាស្រ័យមិត្តភាព​ការពារជាតិថ្នាក់រដ្ឋមន្ត្រី ​លើកទី១ ចំនួន៣ប្រទេស ​កម្ពុជា-ឡាវ-វៀតណាម ដែលនឹងប្រព្រឹត្តទៅ​នៅថ្ងៃទី១៤ ​ខែធ្នូ ឆ្នាំ២០២៣ សំដៅរួមចំណែកបង្កើន​ទំនាក់ទំនង​ជិតខាងល្អ ​មិត្តភាពជាប្រពៃណី កិច្ច​សហប្រតិបត្តិការយូរអង្វែង និងគ្រប់ជ្រុងជ្រោយ។នាយឧត្តមសេនីយ៍ ទៀ សីហា បានលើកឡើងថា ការរៀបចំសម្ពោធអគារមិត្តភាពកម្ពុជា-វៀតណាម នាថ្ងៃនេះ ​បានរួមចំណែកយ៉ាងសំខាន់ក្នុងការ​ចូលរួម​អបអរសាទរ​នូវសមិទ្ធផលនានា ដែល​កងទ័ពប្រទេសទាំងពីរ​សម្រេចបាននាពេលកន្លងមក​ក្នុងស្មារតី ​លើកកម្ពស់​ប្រសិទ្ធភាព​កិច្ចសហប្រតិបត្តិការកម្ពុជា-វៀតណាម ​គ្រប់ជ្រុងជ្រោយ ​នឹងបង្កើនថែមទៀតនូវទំនាក់ទំនង​សហប្រតិបត្តិការកសាងខ្សែព្រំដែន​កម្ពុជា-វៀតណាម​ មាន​សន្តិភាព ស្ថិរភាព និង​អភិវឌ្ឍន៍​ប្រកបដោយមិត្ដភាព​ សំដៅរួមគ្នាសហការអភិវឌ្ឍន៍​គ្រប់គ្រង រក្សាការពារតំបន់ព្រំដែន ឱ្យក្លាយ​ទៅជាតំបន់សេដ្ឋកិច្ចវិនិយោគ ​ពាណិជ្ជកម្ម ទេសចរណ៍ វប្បធម៌ អប់រំ វិទ្យាសាស្ត្រ បច្ចេកទេស​នាពេលខាងមុខ ដែលជា​និមិត្តរូប​នៃ​ចំណងសាមគ្គីភាព​ស្អិតរមួត​រវាង​ប្រជាជាតិ និង​ប្រទេសយើងទាំងពីរ។ជាមួយគ្នានោះដែរឯកឧត្តម ​បានសម្តែងជំនឿយ៉ាងមុតមាំថា ​ក្រោយពី​ការរៀបចំពិធីសម្ពោធ​អគារ​នា​នេះទៅ កងទ័ពនៅតាមព្រំដែនប្រទេសទាំងពីរ ​នឹងបន្តលើកកម្ពស់ ​និងពង្រីកបន្ថែមទៀត​នូវ​ទំនាក់ទំនង និងកិច្ចសហប្រតិបត្តិការដែលមានស្រាប់ ​តាមស្មារតីមិត្តភាពជាប្រពៃជា ភាពជា​អ្នកជិតខាងល្អ ទំនាក់ទំនងយូរអង្វែង​ និងភាពជាដៃគូយុទ្ធសាស្ត្រគ្រប់ជ្រុងជ្រោយ និង​អនុវត្តប្រកប​ដោយប្រសិទ្ធភាពនូវកិច្ចព្រមព្រៀង ​កិច្ចសហប្រតិបត្តិការ​ និងការសម្រេចចិត្តនានា​របស់ថ្នាក់ដឹកនាំ​ប្រទេសទាំងពីរ​នាពេលថ្មីៗនេះ។ក្នុងឱកាសនោះឧត្តមសេនីយ៍ត្រី ទៀ វ៉ាន់ទឿង ​តំណាងរដ្ឋមន្រ្តីការពារប្រទេសវៀតណាម បានបញ្ជាក់ថា សំណង់មិត្តភាព ​ដែលជាជំនួយដោយក្រសួងការពារប្រទេសវៀតណាម នឹង​មានអត្ថន័យជាក់ស្តែងចំពោះអង្គភាព ​បង្កលក្ខខណ្ឌងាយស្រួលដល់ជីវភាព និងលើកម្ពស់​គុណភាព អនុវត្តន៍ការងាររបស់កម្មាភិបាល ​នាយទាហានវរសេនាតូចលេខ២ តំបន់​ប្រតិបត្តិការសឹករងខេត្តរតនគិរី​ បន្ថែមទៀត​ រួមចំណែក​លើក​កម្ពស់​លទ្ធភាពការពារសន្តិសុខ​នយោបាយ, សណ្តាប់ធ្នាប់ សុវត្ថិភាព​សង្គម ​ក្នុងតំបន់ព្រំដែនប្រទេសទាំងពីរ។ឧត្តមសេនីយ៍ត្រី ទៀ វ៉ាន់ទឿង បានបន្តថា កងកម្លាំង​ប្រដាប់​អាវុធ​យោធភូមិភាគទី៥ កង​ទ័ពប្រជាជនវៀតណាម ​ធ្វើការអស់ពីកម្លាំងកាយចិត្ត ​ជាមួយយោធភូមិភាគ​ ទី១ និងទី ៣ ស្ថិតខេត្តទិស​ឥសាន្ត​របស់កម្ពុជា​ រក្សាបានស្ថិរភាព​ និងអភិវឌ្ឍន៍​ចំណងសាមគ្គីភាព, មិត្តភាពជាប្រពៃណី (អ្នកជិតខាងល្អ, មិត្តភាពជាប្រពៃណី, កិច្ចសហប្រតិបត្តិការ ​លើគ្រប់វិស័យ រឹងមាំយូរអង្វែង) ​ដើម្បីផល​ប្រយោជន៍រួម​របស់ប្រជាជនទាំងពីរ​ប្រទេស ​រួមចំណែក​យ៉ាងសកម្ម ដល់​សន្តិភាព, ស្ថិរភាព, កិច្ចសហប្រតិបត្តិការ, និងការអភិវឌ្ឍ​ក្នុងតំបន់ក៏ដូចជាពិភពលោក៕ អត្ថបទបាន ចក់

អ៊ីស្រាអែល និងអាមេរិក គិតខុសគ្នាពីការគ្រប់គ្រងតំបន់ហ្កាហ្សា ក្រោយសង្គ្រាម

2023/12/13 03:44:11 pm        335
Facebook Telegram Linkin
នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) បាននិយាយកាលពីថ្ងៃអង្គារ (១២ ធ្នូ) ថាអ៊ីស្រាអែល រីករាយនឹងការគាំទ្ររបស់សហរដ្ឋអាមេរិក ចំពោះគោលដៅរបស់ខ្លួនក្នុងការបំផ្លាញក្រុមហាម៉ាស និងការសង្គ្រោះចំណាប់ថ្នូរដែលបានចាប់ខ្លួនដោយពួកសកម្មប្រយុទ្ធប៉ាឡេស្ទីន ប៉ុន្តែសម្ព័ន្ធមិត្តទាំងពីរនេះគិតខុសគ្នាអំពីអ្វីដែលអាចកើតឡើងបន្ទាប់ពីសង្គ្រាមហ្កាហ្សា។ដោយបញ្ជាក់ពីការបដិសេធកាលពីមុនរបស់ខ្លួនក្នុងការអនុញ្ញាតឲ្យតំបន់ហ្កាហ្សា វិលត្រឡប់ទៅក្រោមការគ្រប់គ្រងរបស់អាជ្ញាធរប៉ាឡេស្ទីន ដែលគាំទ្រដោយលោកខាងលិច ក្រោមការដឹកនាំរបស់លោកប្រធានាធិបតី ម៉ាសម៉ូដ អាបបាស (Mahmoud Abbas) លោក ណេតាន់យ៉ាហ៊ូ បាននិយាយនៅក្នុងសេចក្តីថ្លែងការណ៍មួយថា តំបន់ហ្កាហ្សា «នឹងមិនមែនជារបស់ក្រុមហាម៉ាស ឬជារបស់ក្រុមហ្វាតាស នោះទេ»។ ក្រុមហ្វាតាស (Fatah) គឺជាបក្សពួករបស់លោក អាបបាស។លោក ណេតាន់យ៉ាហ៊ូ បាននិយាយថា៖ «ខ្ញុំសូមបញ្ជាក់ពីជំហររបស់ខ្ញុំ។ ខ្ញុំនឹងមិនអនុញ្ញាតឲ្យអ៊ីស្រាអែលធ្វើកំហុសឆ្គងដូចកិច្ចព្រមព្រៀង អូស្លូ ម្តងទៀតទេ» ដោយមិនបានបញ្ជាក់ច្បាស់ថាកំហុសឆ្គងអ្វីដែលលោកសំដៅដល់នោះទេ។ កិច្ចព្រមព្រៀង អូស្លូ (Oslo) ឆ្នាំ១៩៩៣ បានបង្កើតស្វ័យភាពប៉ាឡេស្ទីនមានកម្រិតនៅតំបន់វេស បែង និងតំបន់ហ្កាហ្សា។កាលពីថ្ងៃអង្គារ អគ្គលេខាធិការនៃគណៈកម្មាការប្រតិបត្តិនៃអង្គការរំដោះប៉ាឡេស្ទីន លោក ហ៊ូសសេន អាល់សេក (Hussein Al-Sheikh) បានឆ្លើយតបទៅនឹងរបាយការណ៍ដែលថា នាយករដ្ឋមន្ត្រីអ៊ីស្រាអែលបានប្រៀបធៀបកិច្ចព្រមព្រៀងទីក្រុង អូស្លូ ទៅនឹងការសម្លាប់រង្គាលរបស់ក្រុមហាម៉ាសកាលពីថ្ងៃទី០៧ ខែតុលា ដោយនិយាយថា ហេតុការណ៍ទាំងពីរនោះបានបណ្តាលឱ្យមានចំនួនអ្នកស្លាប់ប្រហាក់ប្រហែលគ្នានៅអ៊ីស្រាអែល៕

ស៊ីម៉ាក់ទទួលជំនួយជិត៤សែនដុល្លារលើគម្រោងកណ្តុរ និងសុនខហិតមីនពីអង្គការអាប៉ូប៉ូ

2023/12/13 03:35:37 pm        639
Facebook Telegram Linkin
ភ្នំពេញ៖ ជំនួយជាថវិកាចំនួន ៣៨៧,១៦៧ ដុល្លារអាមេរិកត្រូវបានរដ្ឋាភិបាលប៊េហ្សិក តាម​រយៈអង្គការ​អាប៉ូប៉ូ(APO PO) បានផ្តល់ដល់អង្គភាពស៊ីម៉ាក់លើគម្រោង​សមាហរណកម្ម​កណ្តុរ​ហិត​រកមីន និងសុនខ ស្រាវជ្រាវបច្ចេកទេស ក្នុងគម្រោង រយៈពេល១ឆ្នាំ គិតចាប់ពីថ្ងៃទី១ខែ មករា ២០២៤ដល់ថ្ងៃទី៣១ ខែធ្នូឆ្នាំ២០២៤ ខាងមុខនេះ។ពិធីចុះហត្ថលេខាអនុស្សរណៈយោគយល់គ្មានេះបាននេះប្រព្រឹត្តឡើង​ក្រោមអធិបតីឯកឧត្តម ហេង រតនា ប្រតិភូរាជរដ្ឋាភិបាលកម្ពុជា​ទទួលបន្ទុកអគ្គនាយកស៊ីម៉ាក់ជា​ មួយនិងលោក មីឆែល រេនឺ (Michael Raine)អ្នកគ្រប់គ្រងកម្មវិធីនៃអង្គការAPOPOនៅកម្ពុជា ​ស្ថិតនៅទីបញ្ជាការស៊ីម៉ាក់ភ្នំពេញ នាថ្ងៃទី១៣ ខែធ្នូ ឆ្នាំ២០២៣នេះ។ឯកឧត្តម ហេង រតនា ថ្លែងថារដ្ឋាភិបាលប៊េហ្សិក តាមរយៈអង្គការ​អាប៉ូប៉ូ បានផ្តល់ជាថវិកាមកដល់អង្គភាពស៊ីម៉ាក់លើគម្រោងសមាហរណកម្មកណ្តុរហិតរកមីន និងសុនខ ស្រាវជ្រាវ​បច្ចេកទេសការងាររុករក និងបោសសំអាតមីនបន្ទាប់ពីមានកិច្ច​សហប្រតិបត្តិការ​គ្នា​ក្នុងរយៈពេល ៦ឆ្នាំរាប់ចាប់ពីឆ្នាំ២០២១​ ទៅដល់២០២៦ខាងមុខ។ឯកឧត្តម បន្តថា ក្រោមកិច្ចសហការជាមួយអង្គការអាប៉ូប៉ូ ស៊ីម៉ាក់បានរុករកកំទេចគ្រាប់មីន និង​គ្រាប់យុទ្ធភណ្ឌ​មិនទាន់ផ្ទុះបានជាង ៥ម៉ឺន១ពាន់គ្រាប់ ​និងរំដោះផ្ទៃដីបានជាង៣០០ ហិកតាផងដែរ ក្នុងគម្រោង១ឆ្នាំៗ។សូមបញ្ជាក់ថា ​អង្គការអាប៉ូប៉ូ ( APOPO ) គឺជាអង្គការមិនរកប្រាក់ចំណេញ ​របស់ប្រទេសបែលហ្ស៊ិក និងជា​អង្គការបោសសម្អាតមីនមនុស្សធម៌​ដែលទទួលបានបណ្ណទទួល ស្គាល់ និងអាជ្ញាបណ្ណផ្លូវការ​ពី​អាជ្ញាធរមីន​ សម្រាប់អនុវត្តការងារបោសសម្អាតគ្រាប់មីនក្នុងប្រទេសកម្ពុជា។ ការប្រើប្រាស់​សត្វកណ្តុរហិត ​រកគ្រាប់មីន អង្គការអាប៉ូប៉ូ ជាអង្គការទីមួយក្នុងប្រទេសកម្ពុជា ដែលប្រើប្រាស់ វិធីសាស្ត្រនេះ ​ដែលសត្វកណ្តុរ ​ទាំងនោះនាំមកពីប្រទេស Tanzania នៃទ្វីបអាហ្រិក ។បន្ថែមលើការប្រើប្រាស់​សត្វកណ្តុរ ​ក្នុងការ​ហិតរកមីន/គ្រាប់ ​អង្គការអាប៉ូប៉ូបានប្រើប្រាស់​សត្វសុនខ​ជាជំនួយ ក្នុងការហិតរកមីន/គ្រាប់ ដែលជាវិធីសាស្ត្រថ្មីក្នុងការស្រាវជ្រាវ ​និងបោសសម្អាត ដោយ​សហការជាមួយអង្គការ MAG និង CMAC ទៅតាមតំបន់ប្រតិបត្តិការ៕ អត្ថបទ.ភារម្យ

អង្គការសហប្រជាជាតិ អនុម័តកិច្ចព្រមព្រៀងអាកាសធាតុជាលើកដំបូងដែលមិនធ្លាប់មានលើប្រេងឥន្ធនៈហ្វូស៊ីល

2023/12/13 02:34:59 pm        335
Facebook Telegram Linkin
អង្គការសហប្រជាជាតិ នៅពីថ្ងៃពុធនេះ បានអនុម័តកិច្ចព្រមព្រៀងអាកាសធាតុលើកដំបូងដែលមិនធ្លាប់មានរបស់UN ដែលអំពាវនាឲ្យពិភពលោកផ្លាស់ប្តូរឲ្យឆ្ងាយពីប្រេងឥន្ធនៈហ្វូស៊ីល។ប្រធាន COP28 លោក Sultan Al Jaber បាននិយាយនៅឯកិច្ចប្រជុំកំពូលអាកាសធាតុរបស់UNនៅទីក្រុងឌូបៃថា៖« យើងមានមូលដ្ឋានដើម្បីធ្វើឲ្យការផ្លាស់ប្តូរកើតឡើង» ដោយបានស្នើឲ្យគណៈប្រតិភូ ក្រោកឈរឡើង និងអបអរសាទរ»។

ក្រសួងរំពឹងទទួលបានសមាជិកបន្ថែម ១,៥ លាននាក់ តាមរយៈការផ្សព្វផ្សាយរបបផ្នែកថែទាំសុខភាព

2023/12/13 02:03:06 pm        699
Facebook Telegram Linkin
ភ្នំពេញ៖ តាមរយៈការផ្សព្វផ្សាយក្នុងរយៈពេល៣០ថ្ងៃ ស្តីពីរបបសន្តិសុខសង្គមផ្នែកថែទាំសុខភាព តាមរបបភាគទានដោយស្ម័គ្រចិត្ត។ បេឡាជាតិសន្តិសុខសង្គម ​នៃក្រសួងការងារ និង​បណ្តុះបណ្តាល​វិជ្ជាជីវៈ សង្ឃឹមថា ​មុនដាច់ឆ្នាំ២០២៣នេះ ​នឹងអាចទទួលបានសមាជិក ១,៥លាននាក់ ខណៈមកដល់ពេលនេះ ការផ្សព្វផ្សាយកើនឡើងដល់ជាង ១,៣លាននាក់ លើសផែនការកំណត់ចំនួនតែ ១,២លាននាក់។ឯកឧត្តម កត្តា អ៊ន រដ្ឋលេខាធិការ និងអ្នកនាំពាក្យក្រសួងការងារ ​និងបណ្តុះបណ្តាលវិជ្ជាជីវៈ បាន​ឲ្យទូរទស្សន៍ព័ត៌មាន ប៊ីធីវី ដឹងនៅព្រឹកថ្ងៃទី១៣ ​ខែធ្នូនេះថា ​ក្នុងអំឡុង​ពេល​នៃ​យុទ្ធនាការ​ផ្សព្វផ្សាយ​នេះ ​ក្រុមការងារក៏មានជួបប្រទះនូវបញ្ហាប្រឈមតិចតួចដែរ ​ដូចជាប្រជាជនមួយចំនួនធំ នៅតែមិនទាន់យល់ច្បាស់អំពីរបៀបនៃការទទួលបណ្ណ ប.ស.ស. និងអំពីការបង់ភាគទានប្រចាំខែ ក៏ដូចជារបៀបនៃការចុះឈ្មោះជាដើម។ ​ដូច្នេះហើយ បន្ទាប់ពីការពន្យល់ណែនាំ ​និងផ្សព្វផ្សាយនេះ ពួកគាត់ក៏មានការជ្រួតជ្រាបជាច្រើន ហើយនឹងធ្វើការផ្សព្វផ្សាយបន្តទៅតាមក្រុមគ្រួសារ​សមាជិកផ្សេងៗទៀតផងដែរ។ឯកឧត្តម បានបន្តថា ក្រោយកម្មវិធី ៣០ថ្ងៃ នៃយុទ្ធនារការនេះ នឹងនៅតែបន្តផ្សព្វផ្សាយដល់​ប្រជាពលរដ្ឋគ្រប់ទីកន្លែងថែមទៀត ​ចាប់ពីតំបន់ទីប្រជុំជន រហូតដល់មូលដ្ឋានតំបន់ជនបទផ្សេងៗ ដោយក្រុមការងារ ប.ស.ស. នឹងចុះជាក្រុមៗ ហើយ សង្ឃឹមថា ប្រជាពលរដ្ឋទូទាំងប្រទេស​នឹងទទួលបានព័ត៌មានអំពីរបបបេឡាជាតិសន្តិសុខសង្គមផ្នែកថែទាំសុខភាព តាមរយៈភាគទាន​ស្ម័គ្រចិត្ត​ឲ្យយល់ដឹង ​និងធ្វើការចុះឈ្មោះដើម្បីទទួលបានបណ្ណ ប.ស.ស. ក្នុងការថែទាំសុខភាពរបស់ខ្លួន។ពាក់ព័ន្ធបណ្ណ ប.ស.ស. នេះដែរ ប្រជាពលរដ្ឋដែលប្រកបមុខរបរខុសៗគ្នា ​នៅផ្សារបឹងបៃតង ស្ថិតនៅ​ខណ្ឌសែនសុខ រាជធានីភ្នំពេញ បានបង្ហាញក្តីសប្បាយរីករាយដែលពួកគាត់អាចមាន​សិទ្ធិក្នុង​ការចុះឈ្មោះ ដើម្បីទទួលបានបណ្ណ ប.ស.ស. ដូចទៅនឹងមន្រ្តីរាជការ និងកម្មករនិយោជិត​ផងដែរ និងបានសម្តែងការអរគុណដល់រាជរដ្ឋាភិបាល ដែលតែងតែគិតគូរសុខទុក្ខប្រជាពលរដ្ឋ​គ្រប់ស្រទាប់វណ្ណៈ។គិតរហូតមកដល់ថ្ងៃនេះ រយៈពេលជាង ២០ថ្ងៃហើយ នៃយុទ្ធនាការផ្សព្វផ្សាយរយៈពេល ៣០ថ្ងៃ ដែលបេឡាជាតិសន្តិសុខសង្គម នៃក្រសួងការងារ និងបណ្តុះបណ្តាលវិជ្ជាជីវៈ បានចុះធ្វើយុទ្ធនាការផ្សព្វផ្សាយស្តីពីលក្ខខណ្ឌ ​និងនីតិវិធីនៃការស្នើសុំចុះឈ្មោះចូលជាសមាជិក ប.ស.ស. តាមរបបភាគទានដោយស្ម័គ្រចិត្ត ពិសេសគឺការផ្សព្វផ្សាយអំពីអត្ថប្រយោជន៍​ដែលប្រជាពលរដ្ឋ​ត្រូវទទួលបាន ពេលក្លាយជាសមាជិក ប.ស.ស. និងមានប្រជាពលរដ្ឋជាអាជិវករ អ្នករត់ម៉ូតូកង់បី មូតូឌុប កម្មករនិយោជិត រួមទាំងអ្នកក្នុងបន្ទុកសមាជិក ប.ស.ស. សរុបប្រមាណជាង ១,២លាននាក់ ស្មើនឹងជាង ៤ពាន់លើក​ ដែលទទួលបានការផ្សព្វផ្សាយខាងលើ។តាមការឲ្យដឹងរបស់ ​ឯកឧត្តមបណ្ឌិត ហេង សុផាន់ណារិទ្ធ អគ្គនាយករង នៃបេឡាជាតិសន្តិសុខ​សង្គម បានបញ្ជាក់ថា គិតត្រឹមថ្ងៃទី១២ ខែធ្នូ ឆ្នាំ២០២៣នេះ បេឡាជាតិសន្តិសុខសង្គម នៃ​ក្រសួង​ការងារ និងបណ្តុះបណ្តាលវិជ្ជាជីវៈ ​បានចុះឈ្មោះសមាជិកជាបុគ្គលស្វ័យនិយោជន៍ ចំនួន ៨៥,៨៦៥នាក់ ​មានអ្នកបានទៅ​ប្រើប្រាស់​សេវាចំនួន ៣៥,៧៣៦ករណី និង​ចំណាយ​តាវការលិក​អស់​ទឹកប្រាក់​ប្រមាណ ៥៤០,៦១លានរៀល ៕ អត្ថបទ៖ ឈិត បូរ៉ាវី 

ទស្សនកិច្ចសម្ដេចធិបតីទៅវៀតណាម សម្រេចលទ្ធផលធំធេងទាំងនយោបាយ សេដ្ឋកិច្ច វិនិយោគ និងពាណិជ្ជកម្ម

2023/12/13 01:47:09 pm        561
Facebook Telegram Linkin
ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានដឹកនាំគណៈប្រតិភូរាជរដ្ឋាភិបាល ធ្វើមាតុភូមិនិវត្តន៍ នាយប់ថ្ងៃទី១២ ខែធ្នូ ឆ្នាំ២០២៣ នេះ បន្ទាប់ពីបញ្ចប់ដំណើរទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម រយៈពេល២ថ្ងៃ ចាប់ពីថ្ងៃទី១១ ដល់ថ្ងៃទី១២ ខែធ្នូ ឆ្នាំ២០២៣ តបតាមការអញ្ជើញរបស់ ឯកឧត្តម ផាម មិញជិញ នាយករដ្ឋមន្រ្តី នៃសាធារណរដ្ឋសង្គមនិយមវៀតណាម។ ទស្សនកិច្ចនេះ បាននាំមកនូវសមិទ្ធផលថ្មីៗបន្ថែមទៀត​សម្រាប់កិច្ចសហប្រតិបត្តិការ​ប្រកប​ដោយផ្លែផ្ការវាងប្រទេសទាំងពីរ កម្ពុជា-វៀតណាម។យោងតាមសេចក្ដីប្រកាសព័ត៌មានរបស់អង្គភាពអ្នកនាំពាក្យរាជរដ្ឋាភិបាលស្តីពីលទ្ធផលនៃដំណើរទស្សនកិច្ចផ្លូវការរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៅសាធារណរដ្ឋសង្គម​និយមវៀតណាម បានបញ្ជាក់ថា ដំណើរទស្សនកិច្ចផ្លូវការលើកទី១ របស់សម្ដេចធិបតី នៅវៀតណាម​ បានសម្រេចលទ្ធផលយ៉ាងធំធេង ទាំងលើទិដ្ឋភាពនយោបាយការទូត និងលើទិដ្ឋភាពសេដ្ឋកិច្ច វិនិយោគ និងពាណិជ្ជកម្ម។ ក្នុងនោះថ្នាក់ដឹកនាំប្រទេសទាំងពីរ បានបញ្ជាក់ជំហរបន្តនូវកិច្ចសហប្រតិបត្តិការដែលសាងឡើង​ដោយសម្តេចតេជោ ហ៊ុន សែន ព្រមទាំងពង្រឹង​ ពង្រីក ​និងពូនជ្រំមិត្តភាពនេះឱ្យកាន់តែរីក​លូត​លាស់​ថែមទៀតក្នុងនាមជាប្រទេសជិតខាងល្អ ​ដើម្បីផលប្រយោជន៍ទៅវិញទៅមក រវាង​ប្រជាជាតិទាំងពីរ ​ក៏ដូចជាផលប្រយោជន៍ក្នុងតំបន់ ​និងអន្តរជាតិ។ ក្នុងវិស័យនយោបាយ ​និងការទូត៖ ​សម្ដេចធិបតី បានអញ្ជើញចូលរួមកិច្ចប្រជុំចង្អៀត និង​ជួប​ពិភាក្សាការងារទ្វេភាគីជាមួយ ​ឯកឧត្តមនាយករដ្ឋមន្រ្តីវៀតណាម ​និងបានជួបសម្ដែងការ​គួរសម​ចំពោះអគ្គលេខាធិការបក្សកុម្មុយនីស្តវៀតណាម ​ប្រធានរដ្ឋ ​និងប្រធានរដ្ឋសភា នៃ​សាធារណរដ្ឋសង្គមនិយមវៀតណាម។ក្នុងនោះ​ឯកឧត្តមនាយករដ្ឋមន្ត្រី បានបង្ហាញសុទិដ្ឋិនិយមខ្ពស់ថា​ តាមរយៈដំណើរទស្សនកិច្ចរបស់ សម្ដេចធិបតី ​នាឱកាសនេះ ទំនាក់ទំនងទ្វេភាគី ​កម្ពុជា-វៀតណាម​ នឹងកាន់តែរីកចម្រើនរឹងមាំ ស្រប​តាមស្មារតី នៃភាពជាអ្នកជិតខាងល្អ មិត្តភាពជាប្រពៃណី ​កិច្ចសហប្រតិបត្តិការគ្រប់ជ្រុងជ្រោយ និង​ស្ថិរភាពយូរអង្វែង ​និងបានបង្ហាញការជឿជាក់ថា​ ក្រោមការដឹកនាំរបស់​សម្ដេចធិបតី កម្ពុជា​នឹងកាន់​តែអភិវឌ្ឍន៍​ខ្លាំងក្លាទៅមុខបន្ថែមទៀត ​ឆ្ពោះទៅសម្រេចចក្ខុវិស័យ​ ឆ្នាំ២០៣០ ក្លាយជាប្រទេសដែលមានប្រាក់ចំណូលមធ្យមកម្រិតខ្ពស់ និងជាប្រទេសមានចំណូលខ្ពស់នៅឆ្នាំ២០៥០ ជាក់ជាមិនខាន។បន្ទាប់មក នាយករដ្ឋមន្រ្តីនៃប្រទេសទាំងពីរ ក៏បានអញ្ជើញជាអធិបតី នៃពិធីចុះហត្ថលេខាលើឯកសារ ចំនួន៣ រួមមាន ទី១-អនុស្សរណៈនៃការយោគយល់គ្នាស្តីពីកិច្ចសហប្រតិបត្តិការលើវិស័យវិទ្យាសាស្ត្រ បច្ចេកវិទ្យា និងនវានុវត្តន៍ រវាងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ កម្ពុជា និងក្រសួងវិទ្យាសាស្ត្រ និងបច្ចេកវិទ្យា វៀតណាម។ ទី២-អនុស្សរណៈនៃការយោគយល់គ្នាស្តីពីកិច្ចសហប្រតិបត្តិការរវាងវិទ្យាស្ថានជាតិការទូត និងទំនាក់ទំនងអន្តរជាតិ កម្ពុជា និងបណ្ឌិត្យសភាការទូត វៀតណាម។ និងទី៣-អនុស្សរណៈនៃការយោគយល់គ្នារវាងសភាពាណិជ្ជកម្មកម្ពុជា និងសភាពាណិជ្ជកម្មវៀតណាម។ សម្រាប់ជំនួបសម្ដែងការគួរសមដាច់ដោយឡែក ឯកឧត្តម ង្វៀន ហ៊្វូចុង អគ្គលេខាធិការបក្សកុម្មុយ-នីស្តវៀតណាម ឯកឧត្តម វ៉ វ៉ាន់ធឿង ប្រធានរដ្ឋ និងឯកឧត្តម វឿង ឌិញហ្វេ ប្រធានរដ្ឋសភា ក៏បានបង្ហាញជំនឿយ៉ាងមុតមាំថា ក្រោមការដឹកនាំរបស់ សម្ដេចធិបតី ទំនាក់ទំនងកម្ពុជា-វៀតណាម នឹងត្រូវបានពង្រឹង និងពង្រីកឱ្យកាន់តែជិតស្និទ្ធរឹងមាំបន្ថែមទៀត ហើយប្រទេសកម្ពុជានឹងកាន់តែបន្តការអភិវឌ្ឍខ្លាំងក្លា។ដោយឡែកក្នុងវិស័យសេដ្ឋកិច្ច និងវិនិយោគ៖ សម្ដេចធិបតី នាយករដ្ឋមន្រ្តី នៃកម្ពុជា បានទទួលជួបថ្នាក់ដឹកនាំក្រុមហ៊ុនវៀតណាម ចំនួន៦ និងអញ្ជើញចូលរួមជាអធិបតីក្នុងវេទិកាជំរុញពាណិជ្ជកម្ម និងវិនិយោគកម្ពុជា-វៀតណាម ឆ្នាំ២០២៣ ជាមួយ ឯកឧត្តមនាយករដ្ឋមន្រ្តីវៀតណាម។ សម្ដេចធិបតី បានលើកទឹកចិត្តក្រុមហ៊ុនវៀតណាមទាំង ៦ ពង្រីកការវិនិយោគថ្មីៗបន្ថែមទៀត ខណៈកម្ពុជាបាននឹងកំពុងផ្ដល់នូវបរិយាកាសវិនិយោគយ៉ាងអំណោយផល ជាពិសេសតាមរយៈច្បាប់វិនិយោគថ្មី។ក្នុងវេទិកាជំរុញពាណិជ្ជកម្ម និងវិនិយោគកម្ពុជា-វៀតណាម ឆ្នាំ២០២៣ សម្ដេចធិបតី បានបង្ហាញការស្វាគមន៍យ៉ាងកក់ក្ដៅចំពោះក្រុមធុរជនវៀតណាម ដែលមានចំណាប់អារម្មណ៍ស្វែងយល់បន្ថែមអំពីសក្ដានុពល និងកាលានុវត្តភាពវិនិយោគនៅកម្ពុជា ព្រមទាំងគោលនយោបាយ យុទ្ធសាស្រ្ត ច្បាប់ បទដ្ឋានគតិយុត្ត និងវិធានការនានា ដែលរាជរដ្ឋាភិបាល នីតិកាលទី៧ នៃរដ្ឋសភា បានដាក់ចេញថ្មីៗនេះ៕

ក្រុមប្រឹក្សារាជធានី កោតសរសើរអាជ្ញាធរអនុវត្តការងារ និងរក្សាសន្តិសុខបានល្អក្នុងព្រះរាជពិធីធំៗ

2023/12/13 01:08:24 pm        368
Facebook Telegram Linkin
ភ្នំពេញ៖ ក្រុមប្រឹក្សារាជធានីភ្នំពេញ បានថ្លែងកោតសរសើរចំពោះអាជ្ញាធររាជធានី និងកងកម្លាំង​គ្រប់ប្រភេទដែលបានអនុវត្តការងារប្រកបដោយប្រសិទ្ធិភាព ​និងទទួលបានការគាំទ្រពីប្រជាពលរដ្ឋ តាមរយៈការមកកម្សាន្តក្នុងព្រះរាជពិធីធំៗនៅភ្នំពេញ។ឯកឧត្តម ម៉ប់ សារិន ប្រធានក្រុមប្រឹក្សារាជធានីភ្នំពេញ បាន​ថ្លែងការ​កោតសរសើរដល់​រាជ​រដ្ឋាភិបាល ​និងគណៈអភិបាលរាជធានីភ្នំពេញ ​មន្រ្តីរាជការ ​អាជ្ញាធរ​មានសមត្ថកិច្ច កងកម្លាំង​ប្រដាប់អាវុធ ក៏ដូចជាថ្នាក់ដឹកនាំគ្រប់អង្គភាពពាក់ព័ន្ធទាំងអស់ ​និងបណ្តាក្រុមហ៊ុនឯកជន ដែល​បានសហការគ្នាល្អរៀបចំប្រារព្ធព្រះរាជពិធីបុណ្យអុំទូក បណ្ដែតប្រទីប​ និងសំពះព្រះខែ អកអំបុក ឆ្នាំ២០២៣នេះ ដោយធានាបាននូវការថែរក្សាស្ថិរភាព ​សន្តិសុខ សណ្តាប់ធ្នាប់ ការការពារ​សុវត្ថិភាព​បានល្អប្រសើរ ជាមួយនឹងការអញ្ជើញចូលរួមទស្សនាកម្សាន្តពីសំណាក់​ប្រជាពលរដ្ឋ ភ្ញៀវជាតិ និងអន្តរជាតិយ៉ាងច្រើនកុះករមាន ​ដែលមានចំនួនរហូតដល់ជាង ​៥លាននាក់ចូលរួមអបអរសាទរ សប្បាយរីករាយ ​ដោយមិនមានការបារម្ភពីបញ្ហាសន្តិសុខ ​សុវត្ថិភាពអ្វីឡើយ ​ដែល​ញ៉ាំង​ឱ្យព្រះរាជពិធីនេះ​ ប្រព្រឹត្តទៅដោយរលូន ​និងមានភាព​អធិកអធម​ ធ្វើឱ្យរាជធានីភ្នំពេញ​កាន់តែ​មានមុខមាត់​ មានកិត្យានុភាព ​និងអំណោយផលដល់វិស័យទេសចរណ៍។ ​នេះ​ជា​ការ​ឆ្លុះបញ្ចាំង​អំពី​តថភាពជាក់ស្ដែង ​នៃការអភិវឌ្ឍរបស់កម្ពុជា ​ហើយក៏ជាជោគជ័យ និងមោទនភាពមួយរបស់​រាជរដ្ឋាភិបាល​នីតិកាលទី៧នៃរដ្ឋសភា ដែលដឹកនាំដោយសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី។​ការថ្លែងការកោតសរសើររបស់ប្រធាន​ក្រុមប្រឹក្សារាជធានីភ្នំពេញ ​បានធ្វើឡើងក្នុងកិច្ចប្រជុំសាមញ្ញ​លើកទី៥៥​ របស់ក្រុមប្រឹក្សារាជធានី អាណត្តិទី៣​ នាព្រឹកថ្ងៃទី១៣ ខែធ្នូ ឆ្នាំ២០២៣ នៅ​សាលារាជធានីភ្នំពេញ​ ក្រោមអធិបតីភាពឯកឧត្តម ម៉ប់ សារិន ​ប្រធានក្រុមប្រឹក្សារាជធានី និងឯកឧត្តម ឃួង ស្រេង អភិបាលរាជធានីភ្នំពេញ។ក្នុងកិច្ចប្រជុំនៅដែរ ​ឯកឧត្តម ឃួង ស្រេង បានជម្រាបជូនក្រុមប្រឹក្សារាជធានីថា ព្រះរាជពិធីបុណ្យ​អុំទូក បណ្ដែតប្រទីប និងសំពះព្រះខែ ​អកអំបុក ​ក្នុងរយៈពេល៣ថ្ងៃ៣យប់ មានប្រជាពលរដ្ឋ ភ្ញៀវជាតិ ​និងអន្តរជាតិជាង៥លាននាក់​ មកទស្សនាកម្សាន្ត ​សប្បាយរីករាយ។ជាមួយគ្នានេះចំពោះកីឡាករទូក ង ត្រូវបានរដ្ឋបាលរាជធានីភ្នំពេញរៀបចំឱ្យមានទីតាំងស្នាក់នៅ​សមរម្យ ​មានបន្ទប់ទឹក​ មានទីតាំងពិនិត្យសុខភាព​ មានទីបញ្ជាការស្រាល ដើម្បីរក្សាសន្តិសុខជូន​កីឡាករ និងប្រជាពលរដ្ឋ ។បញ្ហាសំរាមក៏បានគ្រប់គ្រងការប្រមូលទុកដាក់​បានល្អប្រសើរជាមួយ​ក្រុមហ៊ុនប្រមូល ដឹកជញ្ជូនសំរាម ដោយកន្លងមកក្នុងព្រះរាជពិធីបុណ្យអុំទូកនេះ រដ្ឋបាលរាជធានីភ្នំពេញ ត្រូវប្រើប្រាស់ថវិការាប់ពាន់លានរៀល ដើម្បីបោសសម្អាត និង​ដឹកជញ្ជូនសំរាម​ តែសម្រាប់ឆ្នាំនេះបានបង្វែរថវិកានេះ​ទៅជួយ​ឧបត្ថម្ភ​ដល់កងកម្លាំងវិញ។ឯកឧត្តម ឃួង ស្រេង បន្ថែមថា ​អនុវត្តតាមការណែនាំពីសម្តេចមហាបវរធិបតី ហ៊ុន ម៉ាណែត អាជ្ញាធរ​បានបំពាក់កាំមេរ៉ា​សុវត្ថិភាព ​បង្កភាពងាយស្រួលដល់កម្លាំង​មានសមត្ថកិច្ច​លើការ​គ្រប់គ្រងសន្តិសុខ ​ដែលបានធ្វើឱ្យព្រះពិធីដ៏ធំនេះ​ ដំណើរការទៅដោយរលូន និងទទួលបាន​ជោគជ័យ រហូតទទួលបានការកោតសរសើរពីភ្ញៀវជាតិ និងអន្តរជាតិ។ឯកឧត្តម ម៉ប់ សារិន ​បានមានប្រសាសន៍ថា រដ្ឋបាលរាជធានីភ្នំពេញ ​ក្នុងខែវិច្ឆិកា ឆ្នាំ២០២៣ បាន​អនុវត្តការងារលើការប្រារព្ធពិធីបុណ្យខួបលើកទី៧០​ ទិវាបុណ្យឯករាជ្យជាតិ ​៩វិច្ឆិកា និង​ព្រះរាជ​ពិធីបុណ្យអុំទូក ទទួលបានជោគជ័យ ​និងសាទរពីប្រជាពលរដ្ឋ និងទទួលបានការកោត​សរសើរ​ដោយស្មោះចំពោះរាជរដ្ឋាភិបាលក្រោមការ​ដឹកនាំប​ន្តវេនប្រកបដោយ​ ថាមពល និង​ភាពស្វាហាប់របស់សម្តេចធិបតី ហ៊ុន ម៉ាណែត ​គ្រាន់តែក្នុងរយៈពេល ១០០ថ្ងៃ សម្រេចបាន​ជោគជ័យក្នុងការដាក់ចេញនូវកម្មវិធីទាំង ០៦ចំណុច ដែលជាការរួមចំណែកលើកស្ទួយកំណើនសេដ្ឋកិច្ចជាតិ៕អត្ថបទ៖ ប្រាក់ វ៉ាន់ដា 

ក្រសួងអធិការកិច្ច និងមន្ទីរពេទ្យព្រះកេតុមាលាចុះអនុស្សរណៈលើកកម្ពស់សុខុមាលភាពជូនមន្ត្រីរាជការ

2023/12/13 12:41:42 pm        454
Facebook Telegram Linkin
ភ្នំពេញ៖ ដើម្បីលើកកម្ពស់សុខុមាលភាព ដល់មន្ត្រីរាជការ និងស្របតាមគោលនយោបាយរបស់​រាជ​រដ្ឋាភិបាល លើវិស័យប្រព័ន្ធជំនួយសង្គម ​និង​ប្រព័ន្ធ​សន្តិសុខសង្គម គឺមិនបោះបង់ចោល​ប្រជាពលរដ្ឋ​ណាម្នាក់ ​សម្រាប់ក្រសួងអធិការកិច្ច ​ក៏បានដាក់ចេញនូវ​គោលការណ៍ថា ក្រសួងក៏មិន​ត្រូវ​បោះបង់ចោលមន្ត្រីរាជការណា​ម្នាក់ដែរ ​មន្ត្រីគឺជាភាគរួមដែលមានវិសាលភាព​គ្របដណ្តប់​លើថ្នាក់ដឹកនាំ មន្ត្រីរាជការគ្រប់លំដាប់ថ្នាក់ទាំងថ្នាក់ជាតិ​ ថ្នាក់ក្រោមជាតិ​ ក៏រួមជាមួយអស់លោក លោកស្រី ​ដែលជា​និវត្តន៍ជន​របស់ក្រសួងអធិការកិច្ចផងដែរ ព្រោះថា ​បញ្ហាសុខភាព​សំខាន់ណាស់។នេះជាប្រសាសន៍លើកឡើង​របស់ឯកឧត្តម ហួត ហាក់ រដ្ឋមន្ត្រីក្រសួងអធិការកិច្ច ក្នុងពិធីចុះហត្ថ​លេខា​លើអនុស្សរណៈនៃការយោគយល់គ្នារវាងក្រសួងអធិការកិច្ច ​និងមន្ទីរពេទ្យព្រះកេតុមាលា ស្តីពីការលើកកម្ពស់​សុខុមាលភាពជូនមន្ត្រីរាជការក្រសួងអធិការកិច្ច ដែលធ្វើឡើង កាលពីព្រឹកថ្ងៃ១២ ខែធ្នូ ឆ្នាំ២០២៣ នាទីស្តីការក្រសួងអធិការកិច្ច រួមជាមួយ ឯកឧត្តម លី កុសល រដ្ឋលេខាធិការក្រសួងការពារជាតិ ​តំណាងដ៏ខ្ពង់ខ្ពស់ ឯកឧត្តម ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ ។ពិធីចុះអនុស្សរណៈនៃការយោគយល់នេះដោយមានលោកជំទាវ វង់ មយូរា រដ្ឋលេខាធិការក្រសួង​អធិការកិច្ច និងលោកឧត្តមសេនីយ៍ឯក វេជ្ជបណ្ឌិត លី សុវណ្ណ នាយកមន្ទីរពេទ្យព្រះកេតុមាលា ជាហត្ថាលេខី លើអនុស្សរណៈនៃការយោគយល់នេះ ​បានផ្តោតសំខាន់​ទៅលើការលើក​កម្ពស់​សុខុមាលភាព​ជូនមន្ត្រីរាជការក្រសួងអធិការកិច្ច។ឯកឧត្តម ហួត ហាក់ ​បានជម្រាបជូនដល់មន្ត្រីរាជការ ទាំងថ្នាក់ជាតិ ទាំងមន្ទីរ២៥រាជធានី-ខេត្តឱ្យយកចិត្តទុកដាក់ចូលរួមឈ្វេងយល់ពីខ្លឹមសារ និងអត្ថប្រយោជន៍ នៃការចុះអនុស្សរណៈ រវាងក្រសួងអធិការកិច្ច ​និងមន្ទីពេទ្យព្រះកេតុមាលានេះ ។ ​ខណៈមន្ត្រីរាជការនៃក្រសួង​អធិការកិច្ចទាំង​អស់​នឹងទទួលបាននូវសេវាថែទាំសុខភាពរួមទាំងប្តី-ប្រពន្ធ​ កូន-ឪពុកម្តាយបង្កើត ពិសេសនិវត្តន៍ជនរបស់ក្រសួងផងដែរ។ នាឱកាសនោះឯកឧត្តម លី កុសល រដ្ឋលេខាធិការ​ ក្រសួងការពារជាតិតំណាង​ឯកឧត្តម​ឧបនាយករដ្ឋមន្ត្រី ទៀ សីហា រដ្ឋមន្ត្រីក្រសួងការពារជាតិ ​បានលើកឡើងថា ​កន្លងមក​ក្រោមការ​ដឹកនាំ​ដ៏ឈ្លាតវៃ​របស់​សម្តេចកិត្តិសង្គហបណ្ឌិត ម៉ែន សំអន​ រដ្ឋមន្ត្រីក្រសួងទំនាក់ទំនងរដ្ឋសភា-ព្រឹទ្ធសភា ​និងអធិការកិច្ច បានចុះហត្ថលេខាលើអនុស្សរណៈនៃការ ​យោគយល់គ្នារវាងក្រសួង​អធិការកិច្ច ​និងមន្ទីពេទ្យព្រះកេតុមាលា ​ស្តីពីការលើកកម្ពស់សុខុមាលភាព ជូនមន្ត្រីរាជការ​ក្រសួងអធិការកិច្ច។ ​ហើយថ្ងៃនេះក្រោមការដឹកនាំថ្មីរបស់លោករដ្ឋមន្ត្រីក្រសួងទាំងពីរ ក៏ដូចជា​មន្ទីពេទ្យព្រះកេតុមាលា ​មានសេចក្តីសោមនស្សរីករាយ ​ក្នុងការបន្តចុះអនុស្សរណៈ នៃ​កិច្ចយោគយល់គ្នាបន្តទៀត។ ឯកឧត្តមសង្ឃឹមយ៉ាងមុតមាំថា ​កិច្ចសហប្រតិបត្តិការដ៏ល្អនេះ នឹង​នៅតែរក្សាបានឋិតថេរគង់វង្ស​យូរអង្វែង តទៅមុខទៀត ​ជារៀងរហូតជាក់ជាមិនខាន ៕

ក្រសួងបរិស្ថានបាននឹងកំពុងខិតខំយកចិត្តទុកដាក់លើការងារគ្រប់គ្រងកិច្ចគាំពារបរិស្ថាន

2023/12/13 12:23:00 pm        381
Facebook Telegram Linkin
ភ្នំពេញ៖ អគ្គនាយកដ្ឋានកិច្ចគាំពារបរិស្ថាន នៃក្រសួងបរិស្ថាន នៅថ្ងៃទី១៣ខែធ្នូនេះ បានរៀបចំសិក្ខាសាលាបូកសរុបលទ្ធផលការងារកិច្ចគាំពារបរិស្ថានឆ្នាំ២០២៣ និងទិសដៅការងារឆ្នាំ២០២៤ ក្រោមអធិបតីភាពឯកឧត្តម ទា ជុប និងឯកឧត្តម សាបូ អូហ្សាណូ រដ្ឋលេខាធិការក្រសួងបរិស្ថាន។ សិក្ខាសាលានេះ រៀបចំឡើងនៅទីស្តីការក្រសួងបរិស្ថាន ដោយមានអ្នកចូលរួមពីតំណាង​អង្គភាព​ចំណុះក្រសួងបរិស្ថាន និងដៃគូរពាក់ព័ន្ធផ្សេងទៀត។នៅក្នុងឱកាសនោះឯកឧត្តម ទា ជុប រដ្ឋលេខាធិការក្រសួងបរិស្ថាន​ បានការកោតសរសើរ និង​វាយតម្លៃខ្ពស់ចំពោះការខិតខំប្រឹងប្រែងយកអស់កម្លាំង​កាយ ចិត្ត បញ្ញា និងស្មារតីក្នុងការបំពេញ​តួនាទី ភារកិច្ច និងបេសកកម្មរបស់ខ្លួនពីសំណាក់ថ្នាក់ដឹកនាំ និងមន្រ្តីរាជការនៃអគ្គនាយកដ្ឋាន​គាំពារបរិស្ថាន ​ដើម្បីបុព្វហេតុការពារបរិស្ថាន អភិរក្សជីវៈចម្រុះ គ្រប់គ្រង ធនធានធម្មជាតិ អភិវឌ្ឍន៍​ប្រកបដោយចីរភាព ក៏ដូចជាចូលរួមលើកកម្ពស់សុខភាពសាធារណៈ និងសុខុមាលភាព សង្គមនៅក្នុងព្រះរាជាណាចក្រកម្ពុជា។ឯកឧត្តមរដ្ឋលេខាធិការ ​បានគូសបញ្ជាក់ឱ្យដឹងទៀតថា ក្រសួងបរិស្ថានបាន​និងកំពុងខិតខំយក​ចិត្តទុក​ដាក់ដោះស្រាយ បញ្ហាប្រឈម និងតម្រង់ទិសលើការងារគ្រប់គ្រងកិច្ចគាំពារបរិស្ថាន និង​ធនធានធម្មជាតិ ការអភិរក្សជីវៈចម្រុះ ​និងការអភិវឌ្ឍប្រកបដោយចីរភាព សម្រាប់ជា​ប្រយោជន៍ដល់​មនុស្សជំនាន់នេះ និងជំនាន់ក្រោយៗទៀត ក៏ដូចជាការចូលរួមដោះស្រាយបញ្ហាប្រឈមជា​សកលនានា ដើម្បីបុព្វហេតពិភពលោក និងមនុស្សជាតិ។ ជាក់ស្តែង ក្រសួងបរិស្ថានបាននិងកំពុងខិតខំបំពេញភារកិច្ចក្នុងដែនសមត្ថកិច្ចរបស់ខ្លួន ក្នុងការ​ចូលរួម​អនុវត្តគោលនយោបាយ ​ផែនការយុទ្ធសាស្ត្រ និងផែនការសកម្មភាពនានារបស់រាជ​រដ្ឋាភិបាល ជាពិសេសយុទ្ធសាស្ត្របញ្ចកោណដំណាក់ទី១ នីតិកាលទី៧នៃរដ្ឋសភា យុទ្ធសាស្រ្ត​ជាតិដែលមានជាធរមានក្របខណ្ឌអនុសញ្ញាអន្តរជាតិពាក់ព័ន្ធ និងយុទ្ធសាស្រ្តចក្រា​វិស័យ​បរិស្ថាន២០២៣-២០២៨ ក្នុងគោលបំណងតម្រង់ទិស ​ចង្អុលបង្ហាញការងារជាអាទិភាព ដើម្បី​ធានាឱ្យបាននូវចីរភាពបរិស្ថាន និងសុក្រឹត្យកម្មបរិស្ថានកិច្ចឆ្លើយតបទៅនឹងការប្រែប្រួល​អាកាសធាតុ ​និងលើកកម្ពស់សេដ្ឋកិច្ច សំដៅសម្រេចគោលដៅយុទ្ធសាស្ត្របញ្ចកោណ គឺជា​ប្រទេសអព្យាក្រឹត្យកាបូន និងមានគម្របព្រៃឈើ៦០ភាគរយនៅឆ្នាំ២០២៥០៕ 

បណ្ដាញសង្គម

ព័ត៌មានថ្មីៗ

UNIFIL រាយការណ៍ការបាញ់កាំជ្រួចផ្លោង ១.២៩៦គ្រាប់របស់អ៊ីស្រាអែល ខណៈចំនួនមនុស្សស្លាប់នៅលីបង់កើនឡើង
05/12/2026 07:05 PM
Facebook Telegram Linkin
ឧទ្ធម្ភាគចក្រព្យាយាមពន្លត់ភ្លើងឆេះព្រៃនៅឧទ្យានជាតិ Everglades រដ្ឋ Florida សហរដ្ឋអាមេរិក
05/12/2026 07:05 PM
Facebook Telegram Linkin
កាតា និងទួរគី៖ អ៊ីរ៉ង់មិនគួរប្រើប្រាស់ច្រកសមុទ្រ Hormuz ជាអាវុធគំរាមកំហែងរដ្ឋឈូងសមុទ្រទេ
05/12/2026 07:05 PM
Facebook Telegram Linkin
សកម្មជនកងនាវាប្រេស៊ីលវិលត្រឡប់មកផ្ទះវិញ ដោយចោទប្រកាន់ពីទារុណកម្ម អំឡុងជាប់ឃុំខ្លួនរបស់អ៊ីស្រាអែល
05/12/2026 07:05 PM
Facebook Telegram Linkin
ឃាត់ខ្លួនជនសង្ស័យ០៩នាក់ រកឃើញសម្ភារបម្រើឲ្យបទល្មើស Online Scams និងអាវុធខ្លីមួយដើម នៅខណ្ឌច្បារអំពៅ
05/12/2026 07:05 PM
Facebook Telegram Linkin
កំពង់ផែស្វយ័តភ្នំពេញ អនុវត្តការងារឆ្នាំ២០២៥ សម្រេចបានកំណើនល្អគ្រប់វិស័យ
05/12/2026 07:05 PM
Facebook Telegram Linkin
UN ប្តេជ្ញាបន្តជួយដល់កម្ពុជា គាំទ្រដល់វឌ្ឍនភាពឆ្ពោះទៅរកគោលដៅអភិវឌ្ឍន៍ប្រកបដោយចីរភាព
05/12/2026 07:05 PM
Facebook Telegram Linkin
អ៊ីរ៉ាក់ស្តាឡើងវិញប្រាសាទបុរាណ Ur ដែលរងការគំរាមកំហែងពីសំណឹកបរិយាកាស
05/12/2026 07:05 PM
Facebook Telegram Linkin
EU គ្រោងអញ្ជើញមន្ត្រីអាហ្វហ្គានីស្ថាន សម្រាប់កិច្ចពិភាក្សា ស្តីពីទេសន្តរប្រវេសន៍ នៅទីក្រុងប្រ៊ុចសែល
05/12/2026 07:05 PM
Facebook Telegram Linkin
មេដឹកនាំហេសបូឡា៖ ការចរចា «ដោយប្រយោល» រវាងលីបង់ និងអ៊ីស្រាអែល គឺ​ជា «ជម្រើសល្អជាង»
05/12/2026 07:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.