នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម
សម្ដេចតេជោ អំពាវនាវដល់រាជរដ្ឋាភិបាលយកចិត្តទុកដាក់សាងសង់កន្លែងស្នាក់នៅសម្រាប់សិស្សជាស្ត្រី
សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

នយោបាយ​ និង ការអភិវឌ្ឍន៍

យានចម្លងដំណាក់កាលនៃការបាញ់បង្ហោះផ្កាយរណបរបស់កូរ៉េខាងជើង បានផ្ទុះ

2023/11/24 05:40:51 pm        181
Facebook Telegram Linkin
យានចម្លងដំណាក់កាលមួយក្នុងចំណោមយានដំណាក់កាលផ្សេងទៀតនៃការបាញ់បង្ហោះផ្កាយរណបរបស់កូរ៉េខាងជើង បានផ្ទុះបន្ទាប់ពីការបំបែកខ្លួនកាលពីថ្ងៃអង្គារ នេះបើតាមវីដេអូដែលថតបានដោយក្រុមសង្កេតការណ៍តារាសាស្ត្រកូរ៉េខាងត្បូង បានបង្ហាញនៅក្នុងអ្វីដែលក្រុមអ្នកវិភាគមួយចំនួនបាននិយាយថា អាចជាការបំផ្លិចបំផ្លាញដោយចេតនាដើម្បីការពារការស្ដារឡើងវិញ។ ប្រទេសកូរ៉េខាងជើងបានបាញ់បង្ហោះផ្កាយរណបចារកម្មដំបូងរបស់ខ្លួនទៅកាន់គន្លងតារាវិថីកាលពីថ្ងៃអង្គារ បន្ទាប់ពីការប៉ុនប៉ងចំនួនពីរលើកកាលពីមុនក្នុងឆ្នាំនេះ បានបរាជ័យដោយយានទាំងនោះបានធ្លាក់ក្នុងអំឡុងពេលហោះហើរ។វីដេអូនេះត្រូវបានថតដោយកាមេរ៉ាដែលសាកលវិទ្យាល័យ យ៉ុនសៃ (Yonsei) របស់កូរ៉េខាងត្បូង ប្រើសម្រាប់មើលអាចម៍ផ្កាយ។ ក្រុមអ្នកវិភាគបាននិយាយថា វាបង្ហាញពីរ៉ូកែតឈ្មោះ ចុលលីម៉ា-១ (Chollima-1) ហោះកាត់មេឃ ហើយយានដំណាក់កាលមួយបានបំបែកខ្លួន។ បន្ទាប់មក យានដំណាក់កាលជាន់ក្រោមបានធ្លាក់ទៅឆ្ងាយមួយសន្ទុះ មុនពេលផ្ទុះឡើងមួយរំពេច និងបែកជាកំទេចកំទី។លោក ម៉ាកូ ឡាងប្រូក (Marco Langbroek) អ្នកជំនាញផ្កាយរណបនៅសកលវិទ្យាល័យសាកលវិទ្យាល័យបច្ចេកវិទ្យាក្នុងប្រទេសហូឡង់ ដែលហ្វ (Delft) បាននិយាយ គេមិនអាចប្រាប់ឱ្យប្រាកដបានទេថា តើការផ្ទុះនោះជាចេតនា ឬជាឧបទ្ទវហេតុ ប៉ុន្តែកូរ៉េខាងជើងបាននិយាយថា ខ្លួនបានប្រើយន្តការបំផ្លិចបំផ្លាញដោយខ្លួនឯង អំឡុងពេលការបាញ់បង្ហោះចុងក្រោយរបស់ខ្លួនកាលពីខែសីហា ជាវិធានការសុវត្ថិភាព បន្ទាប់ពីយាននោះបានបរាជ័យ។ក្រសួងការពារជាតិកូរ៉េខាងត្បូង បានប្រាប់សភាកាលពីថ្ងៃព្រហស្បតិ៍ (២៣ វិច្ឆិកា) ថា យោធាកូរ៉េខាងត្បូងកំពុងស្វែងរក និងស្រង់យកកំទេចកំទីពីរ៉ូកែតដែលបានផ្ទុះនោះ។ ក្រុមអ្នកជំនាញបាននិយាយថា ការយកមកវិញនូវផ្នែកនៃយានដែលផ្ទុះនេះ អាចផ្តល់នូវការស៊ើបការណ៍ដ៏មានតម្លៃលើសមត្ថភាព និងសមាសធាតុរបស់វា ខណៈកូរ៉េខាងត្បូង បានចោទប្រកាន់រុស្ស៊ី ថាបានផ្តល់ជំនួយបច្ចេកទេសដល់កូរ៉េខាងជើង សម្រាប់ការបាញ់បង្ហោះចុងក្រោយនេះ៕

លទ្ធផលប្រឡងសញ្ញាបត្រមធ្យមសិក្សាទុតិយភូមិ(បាក់ឌុប) នៅតាមបណ្ដាខេត្ត ប្រកាសជាផ្លូវការហើយ

2023/11/24 04:01:18 pm        2966
Facebook Telegram Linkin
ក្រសួងអបរំ យុវជន និងកីឡា នៅព្រឹកថ្ងៃទី២៤ ខែវិច្ឆិកា ឆ្នាំ២០២៣នេះ បានប្រកាស​លទ្ធផលប្រឡងសញ្ញាបត្រមធ្យមសិក្សាទុតិយភូមិ នៅតាមបណ្ដាជាផ្លូវការហើយ។-មណ្ឌលខេត្តមណ្ឌលគិរី៖ https://web.facebook.com/moeys.gov.kh/posts/739329704887122-មណ្ឌលខេត្តស្ទឹងត្រែង៖ https://web.facebook.com/moeys.gov.kh/posts/739363421550417-មណ្ឌលខេត្តកោះកុង៖ https://www.facebook.com/moeys.gov.kh/posts/739374064882686-មណ្ឌលខេត្តរតនគិរី៖ https://web.facebook.com/moeys.gov.kh/posts/739746528178773-មណ្ឌលខេត្តក្រចេះ៖ https://www.facebook.com/moeys.gov.kh/posts/739757791510980-មណ្ឌលខេត្តកែប៖ https://www.facebook.com/moeys.gov.kh/posts/739278254892267-មណ្ឌលខេត្តកំពង់ចាម៖ https://www.facebook.com/moeys.gov.kh/posts/739841001502659-មណ្ឌលខេត្តឧត្ដរមានជ័យ៖ https://www.facebook.com/moeys.gov.kh/posts/739712934848799-មណ្ឌលខេត្តព្រះវិហារ៖ https://www.facebook.com/moeys.gov.kh/posts/739726018180824-មណ្ឌលខេត្តប៉ៃលិន៖ https://web.facebook.com/moeys.gov.kh/posts/739368828216543-មណ្ឌលខេត្តព្រះសីហនុ៖ https://www.facebook.com/moeys.gov.kh/posts/739751238178302-មណ្ឌលខេត្តសៀមរាប៖ https://web.facebook.com/moeys.gov.kh/posts/740016994818393-មណ្ឌលខេត្តពោធិ៍សាត់៖​ https://web.facebook.com/moeys.gov.kh/posts/740017284818364-មណ្ឌលខេត្តស្វាយរៀង៖​ https://www.facebook.com/moeys.gov.kh/posts/740024721484287-មណ្ឌលខេត្តតាកែវ៖ https://web.facebook.com/moeys.gov.kh/posts/740050514815041-មណ្ឌលខេត្តកំពង់ឆ្នាំង៖ https://web.facebook.com/moeys.gov.kh/posts/740051194814973-មណ្ឌលខេត្តកំពង់ស្ពឺ៖ https://web.facebook.com/moeys.gov.kh/posts/740067674813325-មណ្ឌលខេត្តបាត់ដំបង៖ https://web.facebook.com/moeys.gov.kh/posts/740085918144834-មណ្ឌលខេត្តកំពត៖ https://web.facebook.com/moeys.gov.kh/posts/740086174811475-មណ្ឌលខេត្តកំពង់ធំ៖ https://web.facebook.com/moeys.gov.kh/posts/740097524810340-មណ្ឌលខេត្តព្រៃវែង៖ https://web.facebook.com/moeys.gov.kh/posts/740104568142969-មណ្ឌលខេត្តត្បូងឃ្មុំ៖ https://web.facebook.com/moeys.gov.kh/posts/740105048142921-មណ្ឌលខេត្តបន្ទាយមានជ័យ៖ https://web.facebook.com/moeys.gov.kh/posts/740115944808498 

សម្ដេចធិបតី៖ ក្រោមការដឹកនាំដោយសម្ដេចតេជោ ហ៊ុន សែន កម្ពុជាកសាងបានមូលដ្ឋានគ្រឹះសេដ្ឋកិច្ចរឹងមាំ

2023/11/23 09:24:59 pm        335
Facebook Telegram Linkin
ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានមានប្រសានស៍ថា ប្រទេសកម្ពុជា ក្នុងរយៈកាលជាងពីរ​ទសវត្សរ៍​ចុងក្រោយនេះ ​ផ្ដើមចេញពីនយោបាយឈ្នះ ឈ្នះ របស់សម្ដេចតេជោ ហ៊ុន សែន​ អតីតនាយករដ្ឋមន្រ្ដីនៃកម្ពុជា កម្ពុជាកសាងបាននូវ​មូលដ្ឋាន​គ្រឹះសេដ្ឋកិច្ចរឹងមាំ​សម្រាប់ការអភិវឌ្ឍ​ដោយប្រកាន់យកប្រព័ន្ធសេដ្ឋកិច្ចទីផ្សារ។ សម្ដេចធិបតី នាយករដ្ឋមន្រ្ដី មានប្រសាសន៍ក្នុងឱកាស អញ្ជើញជាអធិបតីក្នុងសន្និសីទចក្ខុវិស័យ​ប្រទេសកម្ពុជា​ឆ្នាំ២០២៣ ដែលរៀបចំឡើងនៅសណ្ឋាគារសុខា នៅព្រឹកថ្ងៃទី២៣ ខែវិច្ឆិកា ឆ្នាំ២០២៣នេះថា សន្និសីទនេះគឺជាវេទិកាដ៏សំខាន់។ ដោយសារប្រធានបទឆ្នាំនេះ ផ្ដោតលើការ​គិតគូរ ពីដំណើរការរបស់កម្ពុជា ឆ្ពោះទៅឆ្នាំ ២០៣០ ​និងឆ្នាំបន្តបន្ទាប់ វត្តមានរបស់អ្នកពាក់ព័ន្ធ​ចូលរួមក្នុងវេទិកាក្នុងថ្ងៃនេះ​ បានបង្ហាញពីការផ្ដេជ្ញាចិត្តខ្ពស់ ក្នុងស្មារតីរួមចំណែក និង​សហការ​គូសវាស់ ​តម្រង់ទិស ​និងកំណត់ជោគវាសនាកម្ពុជា។ សម្ដេចធិបតី ហ៊ុន ម៉ាណែត មានប្រសាសន៍ថា ការគិតគូរទៅអនាគតចាំបាច់ត្រូវឈរលើមូលដ្ឋាន​សមិទ្ធផល​ដែលសម្រេច​បាននាពេលកន្លងមក​ ពោលគឺការគិតពី​អនាគត​កាន់តែឆ្ងាយទៅមុខ ចាំបាច់​ត្រូវពិនិត្យមើលអតីតកាល​ ដើម្បីឱ្យមានមូលដ្ឋានគ្រប់គ្រាន់។ សម្ដេចធិបតីនាយករដ្ឋមន្រ្ដីបានរម្លឹកឡើងថា ​ក្នុងរយៈកាលជាងពីរ​ទសវត្សរ៍​ចុងក្រោយនេះ ផ្ដើមចេញ​ពីនយោបាយឈ្នះ ឈ្នះ របស់សម្ដេចតេជោ ហ៊ុន សែន​ អតីតនាយករដ្ឋមន្រ្ដីនៃកម្ពុជា កម្ពុជាកសាង​បាននូវមូលដ្ឋានគ្រឹះសេដ្ឋកិច្ចរឹងមាំ សម្រាប់ការអភិវឌ្ឍដោយប្រកាន់យកប្រព័ន្ធ​សេដ្ឋកិច្ច​ទីផ្សារ តាមរយៈ ទី១ ការបើកចំហរ ការធ្វើពាណិជ្ជកម្មអន្តរជាតិឈរលើគោលការណ៍​ពហុភាគីនិយម។ ទី២ ​ការជំរុញ ទាក់ទាញ​ការ​វិនិយោគ​ផ្ទាល់ពី​បរទេស​ ដើម្បី​ជាមូលដ្ឋាន​កសាង​ជន្ទល់ថ្មីៗ សម្រាប់​ទ្រទ្រង់​កំណើន​សេដ្ឋកិច្ច។ ទី៣ ការពង្រឹង ​និងការស្ដារ​ហេដ្ឋា​រចនា​សម្ព័ន្ធរឹង ដូចជា​ផ្លូវថ្នល់ ទឹក និងភ្លើង ​ដើម្បីលើកកម្ពស់ការតភ្ជាប់​ សម្រួលការចល័តធនធាន និងកម្លាំង​ពលកម្ម ក៏ដូចជាពង្រាយមូលដ្ឋានផលិតកម្ម។ ទី៤ ការបន្ត​អភិវឌ្ឍន៍​ និង​ការ​លើកកម្ពស់មូល​ធនមនុស្ស ​ដើម្បីចូលរួម​នៅក្នុងសកម្មភាពសេដ្ឋកិច្ច និងបង្កើនផលិតភាព ​និងទី៧ ការកែ​ទម្រង់ស្ថាប័ន និងអភិបាលកិច្ចជាប្រចាំ ដើម្បីធានាប្រសិទ្ធភាពនៃការគ្រប់គ្រងប្រព័ន្ធនយោបាយ និង​សេដ្ឋកិច្ច រួមទាំងប្រព័ន្ធហិរញ្ញវត្ថុសាធារណៈ ​និងប្រព័ន្ធធនាគារឱ្យមានប្រសិទ្ធភាព និង​ស័ក្ដិសិទ្ធិ​ភាពព្រមទាំងបែងចែកឱ្យមានផ្លែផ្កា កំណើន​ ឱ្យមានសមធម៌ ​និងបរិយាបន្ន។ សម្ដេចធិបតី ហ៊ុន ម៉ាណែត បានបញ្ជាក់ថា ​ជាលទ្ធផលកម្ពុជាសម្រចបានកំណើនសេដ្ឋកិច្ចរឹងមាំ​ប្រកបដោយចីរភាពក្នុងអត្រាជាមធ្យមប្រមាណ ​៧% ក្នុងមួយឆ្នាំសម្រាប់រយៈពេលជាង ២ ​ទសវត្សរ៍​កន្លងមក ​ដែលនាំឱ្យកម្ពុជា​សម្រេចបានក្នុងឋាន​ជាប្រទេសមាន​ចំណូលមធ្យមកម្រិតទាបក្នុងឆ្នាំ ២០១៥ ​ដោយ​ទំហំផលិតផលក្នុងស្រុកកើនឡើងប្រមាណ​ ១០ ដង ​ពីប្រមាណ ៣,១១ ប៊ីលលានដុល្លារ​អាមេរិកក្នុងឆ្នាំ ១៩៩៨ ដល់ ២៩,៦០​ ប៊ីលលានដុល្លារអាមេរិក​ ក្នុងឆ្នាំ ២០២២។ ចំណែក ផលិតផលក្នុងស្រុកសរុប (ផ.ស.ស) ​សម្រាប់មនុស្សម្នាក់បានកើនឡើងរហូត ៧ ដង គឺប្រមាណ ២៥៣ ដុល្លារ ក្នុងឆ្នាំ ១៩៩៨ ដល់ប្រមាណ ​១៧៨៤ ដុល្លារ​ នៅក្នុងឆ្នាំ ២០២២។ អត្រាភាពក្រីក្រធ្លាក់ចុះក្រោម ១០ ភាគរយ នៅមុនវិបត្តិជំងឺកូវីដ-១៩ និងគម្លាតវិសមភាព​សង្គមកាន់តែរួញតូច ​ហើយរចនាសម្ព័ន្ធសេដ្ឋកិច្ចកម្ពុជាបាន​ផ្ដាស់ប្ដូរ​ពីសេដ្ឋកិច្ចពឹងផ្អែកជា​ចំបង​លើកសិកម្មប្រពៃណី ​ទៅជាសេដ្ឋកិច្ចពឹងលើឧស្សាហកម្ម ​និងសេវាកម្ម ដែល​មាន​តម្លៃបន្ថែមខ្ពស់ជាង៕អត្ថបទ៖ វ៉ន ដារ៉ា

សម្ដេចធិបតីលើកឡើង ៤ចំណុចអំពីបរិការណ៍សកលលោកចំពោះបញ្ហាសេដ្ឋកិច្ច និងអភិបាលកិច្ច

2023/11/23 09:07:28 pm        407
Facebook Telegram Linkin
ភ្នំពេញ៖​ សម្ដេចមហាបវរធិបតី ហ៊ុន ម៉ាណែត ​នាយករដ្ឋមន្រ្ដីនៃកម្ពុជា ក្នុងឱកាស​អញ្ជើញ​ជាអធិបតីសន្និសីទចក្ខុវិស័យប្រទេសកម្ពុជាឆ្នាំ ២០២៣ ស្ដីពីចក្ខុវិស័យ​ប្រទសកម្ពុជាឆ្នាំ ២០៣០ និងឆ្នាំបន្តបន្ទាប់ ដែលរៀបចំឡើងនៅសណ្ឋាគារសុខា នាព្រឹកថ្ងៃទី២៣ ខែវិច្ឆិកា ឆ្នាំ២០២៣នេះ សម្ដេចបានលើកឡើងចំនួន ៤ ចំណុចសខាន់ អំពីបរិការណ៍សកលលោកលើបញ្ហាសេដ្ឋកិច្ច និងអភិបាលកិច្ច។ សម្ដេចធិបតីនាយករដ្ឋមន្រ្ដី មានប្រសាសន៍ថា កម្ពុជាក៏បានពង្រីកទីផ្សារបស់ខ្លួនបន្ថែម ទៅកាន់​ប្រទេសផ្សេងៗក្នុងតំបន់អាស៊ានបូក ៣ ដោយកាត់បន្ថយជាបណ្ដើៗនូវការពឹងផ្អែកទាំង​ស្រុងទៅលើទីផ្សារសហរដ្ឋអាមេរិក និងអ៊ឺរ៉ុប។ ​ជាមួយនឹងកំណើនខ្ពស់នៃពិពិធកម្មសេដ្ឋកិច្ច កម្ពុជា​បានដាក់ចេញនូវ​មហិច្ឆតា​របស់ខ្លួនក្នុងដំណើរអភិវឌ្ឍន៍​វែងឆ្ងាយក្លាយទៅជាប្រទេសមាន​ចំណូល​មធ្យមកម្រិត​ខ្ពស់នៅឆ្នាំ ២០៣០ និងជាប្រទេសចំណូលខ្ពស់នៅឆ្នាំ ២០៥០។ សម្ដេចធិបតីថ្លែងថា បរិការណ៍​សកលលោក ទី១ ការប្រែប្រួលដ៏ជ្រាលជ្រៅមួយនៃការ​ផ្លាស់ប្ដូរ​ពី​និម្មាបណកម្ម សេដ្ឋកិច្ច និងអភិបាលកិច្ច អន្តរជាតិលក្ខណៈឯកបូល ទៅរកប្រព័ន្ធពហុពូល ដែលកំពុងលេចចេញជារូបរាងជាបណ្ដើរៗ។ ទី២ ការចាប់ផ្ដើមពឹងផ្អែកកាន់តែខ្លាំងលើសេដ្ឋកិច្ច​ក្នុងតំបន់ដើម្បីជំរុញការអភិវឌ្ឍសេដ្ឋកិច្ច ​នៅពេលដែលប្រទេសក្នុងតំបន់កាន់តែរីកចម្រើនឡើង និងសមាហរណកម្មកាន់តែស៊ីជម្រៅ ខណៈដែលសេដ្ឋកិច្ចធំៗសម្រេចបានកំណើនទាប។ ទី៣ ការរីកចម្រើនផ្នែកឌីជីថល បន្តមានសន្ទុះខ្ពស់​ ជាពិសេសបញ្ញាសិប្បនិម្មិត ដែលបើកលទ្ធភាព​នៅ​ក្នុងការជំរុញផលិតភាពឱ្យមានសន្ទុះខ្ពស់ ​និងអាចកាត់បន្ថយរយៈពេលនៃការរៀនសូត្រ ព្រមទាំង​ពង្រាយបានទូលាយនៅក្នុងរយៈពេលខ្លី។ ទី៤ ប្រភពហិរញ្ញប្បទានសម្រាប់ទ្រទ្រង់ការ​អភិវឌ្ឍ​នៅ​ក្នុងបរិការណ៍​នៃការរឹតបណ្ដឹងគោលនយោបាយរូបិយវត្ថុ ​ជាពិសេសសម្រាប់​ប្រទេសមាន​ចំណូល​កម្រិតខ្ពស់ ហើយសម្រាប់ប្រទេសមធ្យមមានទំហំមិនគ្រប់គ្រាន់ ​និងមានការសម្របសម្រួលល្អរវាង​តួអង្គពាក់ព័ន្ធទាំងពហុភាគី ​ទ្វេភាគី និងវិស័យឯកជន។សម្ដេចធិបតីនាយករដ្ឋមន្រ្ដីបានបញ្ជាក់នៅក្នុងសន្និសីទនេះដែរថា សេដ្ឋកិច្ចកម្ពុជា គឺជា​សេដ្ឋកិច្ចបើកចំហរ ដើម្បីការផ្លាស់ប្ដូរជាវិជ្ជមាន​ និងអវិជ្ជមាន​ ពីកត្តាខាងក្រៅ និងជះឥទ្ធិពល​ដោយផ្ទាល់ និងដោយប្រយោលមកលើសក្តានុពលកំណើនកម្ពុជា រយៈពេលមធ្យម និងវែង៕អត្ថបទ៖ វ៉ន ដារ៉ា

សម្ដេចធិបតី ហ៊ុន ម៉ាណែត អបអរសាទរបេក្ខជនប្រឡងបាក់ឌុបទាំងអស់គ្នាដែលទទួលបានលទ្ធផលល្អក្នុងការប្រឡងឆ្នាំនេះ

2023/11/23 08:54:51 pm        391
Facebook Telegram Linkin
ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ប្រកាសលទ្ធផលប្រឡងសញ្ញាបត្រមធ្យមសិក្សាទុតិយភូមិ នារសៀលថ្ងៃទី ២៣ ខែវិច្ឆិកា ឆ្នាំ ២០២៣នេះ បានផ្ញើសារ អបអរសាទរប្អូនៗ និងក្មួយៗ ទាំងអស់គ្នា ដែលទទួលបានលទ្ធផលល្អក្នុងការប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៣ ។ ជាមួយគ្នានេះ សម្រាប់ប្អូនៗ ក្មួយៗ ដែលទទួលបានលទ្ធផលមិនល្អ សូមកុំបាក់ទឹកចិត្ត ហើយត្រូវខិតខំប្រឹងប្រែងរៀនសូត្របន្ថែមដើម្បីអាចទទួលបានលទ្ធផលល្អក្នុងការប្រឡងនាឆ្នាំក្រោយ ឬអាចនឹងចាប់យកឱកាសក្នុងការសិក្សាជំនាញវិជ្ជាជីវៈ ឬកម្រិតនៃការសិក្សាបន្ទាប់ ដើម្បីនឹងបន្តអភិវឌ្ឍសិក្សាជំនាញអាជីពសម្រាប់អនាគតដ៏ភ្លឺស្វាងនៅពេលខាងមុខ។ យោងតាមការប្រកាសរបស់ក្រសួងអប់រំ យុវជន និងកីឡា បានបង្ហាញថាលទ្ធផលប្រឡងមធ្យមសិក្សាទុតិយភូមិ (បាក់ឌុប) ឆ្នាំ២០២៣ តាមនិទ្ទេសនីមួយៗ មានដូចជា៖ សិស្សទទួលបាននិទ្ទេស A ចំនួន ១,៦៧៣នាក់, និទ្ទេស B ចំនួន ៦,៩៦៤នាក់, និទ្ទេស C ចំនួន ១៨,៣០៨នាក់, និទ្ទេស D ចំនួន ៣៤,២៤៦នាក់ និងនិទ្ទេស E ចំនួន ៣៧,២៦៩នាក់៕

កូរ៉េខាងត្បូង ចោទកូរ៉េខាងជើងពីបទបាញ់មីស៊ីលចូលទៅសមុទ្រ

2023/11/23 07:47:09 pm        339
Facebook Telegram Linkin
យោងតាមយោធាកូរ៉េខាងត្បូងបាននិយាយឲ្យដឹងថា កូរ៉េខាងជើង បានអនុវត្តការសាកល្បងមីស៊ីលមិនទទួលបានជោគជ័យនោះទេតាមដែលសង្ស័យ មួយថ្ងៃបន្ទាប់ពីទីក្រុងព្យុងយ៉ាង បាននិយាយថា ខ្លួនបានបាញ់ផ្កាយរណបចារកម្មដោយជោគជ័យ។ នាយសេនាធិការចម្រុះរបស់ប្រទេសកូរ៉េខាងត្បូង បាននិយាយថា ការបាញ់បង្ហោះនេះចេញមកពីតំបន់រដ្ឋធានីរបស់ប្រទេសកូរ៉េខាងជើង កាលពីល្ងាចថ្ងៃពុធ។ នាយសេនាធិការចម្រុះ បាននិយាយនៅព្រឹកថ្ងៃព្រហស្បតិ៍នេះថា មីស៊ីលនេះត្រូវបានបាញ់ចូលទៅក្នុងសមុទ្រភាគខាងកើតរបស់ប្រទេសកូរ៉េខាងជើង ហើយកិច្ចខិតខំប្រឹងប្រែងជាក់ស្តែងបានបរាជ័យ។ ការបាញ់បង្ហោះរបស់ប្រទេសកូរ៉េខាងជើង បានធ្វើឡើងប៉ុន្មានម៉ោងបន្ទាប់ពីប្រទេសកូរ៉េខាងត្បូង បានផ្អាកផ្នែកមួយចំនួននៃកិច្ចព្រមព្រៀងកាត់បន្ថយភាពតានតឹងផ្នែកយោធាអន្តរកូរ៉េឆ្នាំ ២០១៨ ដើម្បីឆ្លើយតបទៅនឹងការបាញ់ផ្កាយរណបរបស់ប្រទេសកូរ៉េខាងជើងកាលពីថ្ងៃអង្គារនៃផ្កាយរណបចារកម្មយោធា។ទីក្រុងព្យុងយ៉ាងកាលពីថ្ងៃព្រហស្បតិ៍ បាននិយាយថាខ្លួននឹងដាក់ពង្រាយកងកម្លាំងប្រដាប់អាវុធច្រើនជាងមុននិងយុទ្ធោបករណ៍ច្រើនបន្ថែមទៀតនៅតាមព្រំដែនហើយនឹងលែងកំណត់ដោយកិច្ចព្រមព្រៀងយោធាឆ្នាំ ២០១៨ ទៀតហើយ។ក្រសួងការពារជាតិរបស់កូរ៉េខាងជើង បាននិយាយនៅក្នុងសេចក្តីថ្លែងការណ៍ថា ប្រទេសកូរ៉េខាងត្បូងត្រូវតែ ទទួលខុសត្រូវចំពោះការបង្កហេតុខាងនយោបាយ និងផ្នែកយោធាធ្ងន់ធ្ងរ ដែលបានរុញស្ថានភាពបច្ចុប្បន្នដល់ដំណាក់កាលដែលមិនអាចគ្រប់គ្រងបាន។កាលពីថ្ងៃអង្គារ ទីភ្នាក់ងារអវកាសរបស់កូរ៉េខាងជើងបាននិយាយថា ខ្លួនបានបាញ់ផ្កាយរណប Malligyong-1 ដោយជោគជ័យទៅកាន់គន្លងវិថី ជាផ្នែកនៃកិច្ចខិតខំប្រឹងប្រែងដើម្បីបង្កើនសមត្ថភាពឃ្លាំមើលប្រឆាំងកងកម្លាំងសហរដ្ឋអាមេរិក និងប្រទេសកូរ៉េខាងត្បូង។

កូរ៉េខាងជើង ផ្អាកកិច្ចព្រមព្រៀងយោធាជាមួយកូរ៉េខាងត្បូង បន្ទាប់ពីការបាញ់ផ្កាយរណប

2023/11/23 07:40:21 pm        285
Facebook Telegram Linkin
សារព័ត៌មានYonhap បានរាយការណ៍ថា ប្រទេសកូរ៉េខាងជើងបាននិយាយនៅថ្ងៃព្រហស្បតិ៍នេះថា ខ្លួនបានផ្អាកកិច្ចព្រមព្រៀងមានរយៈពេលប្រាំឆ្នាំ ដែលបានឈានដល់ជាមួយប្រទេសកូរ៉េខាងត្បូង ដើម្បីកាត់បន្ថយភាពតានតឹងផ្នែកយោធា ជាការសងសឹកចុងក្រោយចំពោះការបាញ់បង្ហោះផ្កាយរណបចារកម្មរបស់ទីក្រុងព្យុងយ៉ាង។ សេចក្តីថ្លែងការណ៍ពីក្រសួងការពារជាតិកូរ៉េខាងជើងដែលមានអាវុធនុយក្លេអ៊ែរ បានធ្វើឡើង បន្ទាប់ពីប្រព័ន្ធផ្សព្វផ្សាយរដ្ឋ អះអាងថា មេដឹកនាំលោក គីម ជុងអ៊ុន បានពិនិត្យមើលឡើងវិញរូបភាពនៅមូលដ្ឋានយោធាសហរដ្ឋអាមេរិកនៅកោះហ្គាំ ដែលផ្ញើមកដោយឧបករណ៍ New Eye in the Sky របស់ទីក្រុងព្យុងយ៉ាង។ជាសម្ព័ន្ធមិត្តឈានមុខរបស់សហរដ្ឋអាមេរិក ក្នុងការរិះគន់ការបាញ់ផ្កាយរណបកាលពីថ្ងៃអង្គារថាជា«ការបំពានធ្ងន់ធ្ងរ»នៃទណ្ឌកម្មរបស់អង្គការសហប្រជាជាតិ ប្រទេសកូរ៉េខាងត្បូងបានមានចំណាត់ការកាលពីថ្ងៃពុធក្នុងការផ្អាកមួយផ្នែកនៃកិច្ចព្រមព្រៀងឆ្នាំ ២០១៨ ជាវិធានការបន្តបន្ទាប់ដែលត្រូវបានដាក់ធ្វើឱ្យធូស្រាលភាពតានតឹងនៅលើឧបទ្វីបកូរ៉េ។ កាលពីថ្ងៃព្រហស្បតិ៍ ប្រទេសកូរ៉េខាងជើង បាននិយាយថា កូរ៉េខាងត្បូងកំពុងបំផ្លាញកិច្ចព្រមព្រៀងទាំងស្រុង។យោងតាមទីភ្នាក់ងារសារព័ត៌មានរដ្ឋ KCNA បានឲ្យដឹងថា ក្រសួងបាននិយាយថា «យើងនឹងដកចេញវិធានការយោធា ដែលធ្វើឡើងដើម្បីទប់ស្កាត់ភាពតានតឹង និងជម្លោះនៅគ្រប់ផ្នែក រួមទាំងដីគោក សមុទ្រ និងដែនអាកាស ហើយដាក់ពង្រាយកងកម្លាំងប្រដាប់អាវុធដ៏មានឥទ្ធិពល និងយុទ្ធោបករណ៍ប្រភេទថ្មីនៅក្នុងតំបន់តាមបណ្តោយខ្សែបន្ទាត់កំណត់ព្រំដែនយោធា។ ទីក្រុងវ៉ាស៊ីនតោន ទីក្រុងសេអ៊ូល និងទីក្រុងតូក្យូ បានរិះគន់ការបាញ់បង្ហោះផ្កាយរណប Malligyong-1 បំពានទណ្ឌកម្ម ដែលរូបភាពរបស់សារព័ត៌មាន KCNA បង្ហាញឲ្យឃើញ ត្រូវបានពិនិត្យមើលដោយលោក Kim កំពុងញញឹម។

រុស្ស៊ីតវ៉ាទៅកាន់ប្រទេសហ្វាំងឡង់ ជុំវិញការតាំងបង្ហាញរថក្រោះដែលត្រូវបានបំផ្លាញ

2023/11/23 07:35:43 pm        388
Facebook Telegram Linkin
រុស្ស៊ី និយាយកាលពីថ្ងៃពុធថា ខ្លួនបានតវ៉ាទៅកាន់ប្រទេសហ្វាំងឡង់ បន្ទាប់ពីរថក្រោះរុស្ស៊ីដែលត្រូវបានបំផ្លាញ បានដាក់តាំងបង្ហាញនៅជិតសភាប្រទេសហ្វាំងឡង់។អ្នកនាំពាក្យក្រសួងការបរទេស លោកស្រី Maria Zakharova បាននិយាយថា«ហេតុអ្វីបានជាពួកគេធ្វើបែបនេះ ហើយធ្វើដើម្បីអ្វី? ហេតុអ្វីបានជាហ្វាំងឡង់ ត្រូវការបែបនេះ?រថក្រោះ T-72B3 របស់រុស្ស៊ីដែលរងការបំផ្លាញ ត្រូវបានដាក់តាំងបង្ហាញកាលពីថ្ងៃសៅរ៍ ទី១៨ ខែវិច្ឆិកា ក្នុងគំនិតផ្តួចផ្តើមដោយសមាគមគាំទ្រអ៊ុយក្រែនចំនួនពីរ នៅក្នុងប្រទេសហ្វាំងឡង់ ដើម្បីរំលឹកដល់ប្រជាជនអំពីជម្លោះនៅអ៊ុយក្រែន។រដ្ឋមន្ត្រីការបរទេសហ្វាំងឡង់ លោក Elina Valtonen បាននិយាយថា ពួកគេត្រូវបានជូនដំណឹងដោយប្រទេសរុស្ស៊ីជាផ្លូវការ អំពីការមិនពេញចិត្តរបស់ពួកគេ ប៉ុន្តែបាននិយាយបន្ថែមថា ជាសង្គមបើកចំហ ប្រទេសហ្វាំងឡង់ ពិតណាស់អាចមានវិធីដើម្បីបង្ហាញជាក់ស្តែងការគាំទ្ររបស់យើងចំពោះអ៊ុយក្រែន ក្នុងវិធីជាច្រើន។ភាពតានតឹង បានកើនឡើងរវាងទីក្រុងមូស្គូ និងទីក្រុង Helsinki ចាប់តាំងពីប្រទេសហ្វាំងឡង់ បានចូលជាសមាជិករបស់សម្ព័ន្ធយោធាណាតូកាលពីដើមឆ្នាំនេះ ក្នុងការឆ្លើយតបទៅនឹងជម្លោះអ៊ុយក្រែន ហើយភាពតានតឹងបានកើនឡើងបន្ថែមទៀតកាលពីសប្តាហ៍មុន នៅពេលដែលប្រទេសនៅអឺរ៉ុបខាងជើងមួយនេះ បានបិទច្រកឆ្លងកាត់ចំនួនបួនកន្លែង នៅតាមព្រំដែនរបស់ខ្លួនជាមួយប្រទេសរុស្ស៊ី។

ហ្វាំងឡង់ នឹងបិទច្រកព្រំដែនទាំងអស់ជាមួយរុស្ស៊ី ដោយទុកតែច្រកចុងឧត្ដរមួយប៉ុណ្ណោះ

2023/11/23 06:54:41 pm        139
Facebook Telegram Linkin
ប្រទេសហ្វាំងឡង់ នឹងបិទច្រកព្រំដែនទាំងអស់ លើកលែងតែចំណុចឆ្លងកាត់ចុងឧត្ដរនៅតាមព្រំដែនរបស់ខ្លួនជាមួយរុស្ស៊ី ចាប់ពីពាក់កណ្តាលអធ្រាត្រនៅថ្ងៃសុក្រ (២៤ វិច្ឆិកា) ស្អែកនេះ ក្នុងគោលបំណងបញ្ឈប់លំហូរអ្នកស្វែងរកសិទ្ធិជ្រកកោនទៅកាន់ប្រទេសអឺរ៉ុបខាងជើងមួយនេះ នេះបើយោងតាមនាយករដ្ឋមន្ត្រីហ្វាំងឡង់ លោក ផេតធឺរី អរប៉ូ (Petteri Orpo) បាននិយាយកាលពីថ្ងៃពុធ (២២ វិច្ឆិកា)។ចាប់តាំងពីដើមខែនេះមក មនុស្សជាង ៦០០ នាក់ដែលមិនមានឯកសារធ្វើដំណើរត្រឹមត្រូវទៅកាន់សហភាពអឺរ៉ុប បានចូលទៅប្រទេសហ្វាំងឡង់ តាមរយៈប្រទេសរុស្ស៊ី ដែលជំរុញឱ្យទីក្រុង ហែលស៊ិនគី (Helsinki) បិទច្រកឆ្លងកាត់ជាច្រើន ហើយបានចោទប្រកាន់ទីក្រុងម៉ូស្គូ ពីការបង្កឲ្យមានកំណើនអន្តោប្រវេសន៍នេះ ប៉ុន្តែវិមានក្រឹមឡាំងបដិសេធការចោទប្រកាន់នោះ។ក្រុមអ្នកស្វែងរកសិទ្ធិជ្រកកោនមកពីប្រទេសជាច្រើនរួមមាន យេម៉ែន អាហ្វហ្គានីស្ថាន កេនយ៉ា ម៉ារ៉ុក ប៉ាគីស្ថាន សូម៉ាលី និងស៊ីរី នេះបើយោងតាមក្រុមអាជ្ញាធរអន្តោប្រវេសន៍។ ប្រទេសតំបន់សមុទ្របាល់ទិកមួយនេះបាននិយាយថា ខ្លួនបានរៀបចំបិទច្រកព្រំដែន ប្រសិនបើសម្ពាធអន្តោប្រវេសន៍ពីរុស្ស៊ី កើនឡើង ហើយដើម្បីដោះស្រាយជាមួយជនអន្តោប្រវេសន៍ ប្រសិនបើពួកគេព្យាយាមចូលក្រៅច្រកផ្លូវការ។កាលពីព្រឹកថ្ងៃពុធ ប្រទេសអេស្តូនី បានចោទប្រកាន់រុស្ស៊ី ថាបានជាប់ពាក់ព័ន្ធក្នុង «ប្រតិបត្តិការវាយប្រហារកូនកាត់មួយ» ដើម្បីនាំជនអន្តោប្រវេសន៍ទៅកាន់ព្រំដែនរបស់ខ្លួន បន្ទាប់ពីជនអន្តោប្រវេសន៍ចំនួន ៧៥ នាក់ ដែលភាគច្រើនមកពីប្រទេសសូម៉ាលី និងស៊ីរី បានព្យាយាមចូលប្រទេសអេស្តូនី ពីច្រកព្រំដែនប្រទេសរុស្ស៊ី ចាប់តាំងពីសប្តាហ៍មុនមក៕

ក្រសួងប្រៃសណីយ៍ ប្រគល់កុំព្យូទ័រ ៥០គ្រឿង ជូនសាលាភូមិន្ទរដ្ឋបាលប្រើប្រាស់ក្នុងការងារ​បណ្តុះបណ្តាល​ដល់សិស្សមន្រ្តី និងកម្មសិក្សាការី លើជំនាញបច្ចេកវិទ្យាឌីជីថល

2023/11/23 06:36:38 pm        137
Facebook Telegram Linkin
ភ្នំពេញ៖ កាលរសៀលថ្ងៃទី២២ ខែវិច្ឆិកា ឆ្នាំ២០២៣ នៅសាលាភូមិន្ទរដ្ឋបាល លោកជំទាវ ទន សុគន្ធា អនុរដ្ឋលេខាធិការ និងជានាយិកាខុទ្ទកាល័យក្រសួងប្រៃសណីយ៍ និងទូរគមនាគមន៍ បាន​អញ្ជើញ​ប្រគល់​កុំព្យូទ័រ ៥០គ្រឿង ជូនសាលាភូមិន្ទរដ្ឋបាលតំណាងដោយឯកឧត្តម ស៊ុង វិនទិ នាយក​រង​សាលាភូមិន្ទរដ្ឋបាល។នៅក្នុងឱកាសនោះ លោកជំទាវអនុរដ្ឋលេខាធិការ បានមានប្រសាសន៍ថា កាលពី​ឯកឧត្តម​រដ្ឋមន្ត្រី អញ្ជើញផ្តល់បាឋកថាស្តីពី “កម្ពុជា៖ ដំណើរឆ្ពោះទៅរកការធ្វើបរិវត្តកម្មឌីជីថល” ជូន​សិស្ស​មន្ត្រី និងកម្មសិក្សាការី នៃសាលាភូមិន្ទរដ្ឋបាល ឯកឧត្តមរដ្ឋមន្ត្រី ពិនិត្យ​ឃើញ​ថា​សាលា​ភូមិន្ទរដ្ឋ​បាលមា​នតម្រូវការក្នុងការបង្រៀនលើជំនាញបច្ចេកវិទ្យាឌីជីថល ហើយសម្រេច​ផ្តល់​កុំព្យូទ័រ ៥០គ្រឿង។ លោកជំទាវអនុរដ្ឋលេខាធិការ បានបន្ថែមថា ចំពោះសម្ភារៈ ដែល​បាន​ប្រគល់​ជូន​នៅពេលនេះ គឺដើម្បីឆ្លើយតបនឹងតម្រូវការប្រើប្រាស់របស់សាលាភូមិន្ទរដ្ឋបាល ក្នុង​គោល​បំណង​ជំរុញ​ការងារបណ្តុះបណ្តាលដល់សិស្សមន្រ្តី និងកម្មសិក្សាការី​លើ​ជំនាញ​បច្ចេក​វិទ្យា​ឌីជីថល​។ លោកជំទាអនុរដ្ឋលេខាធិការ បានបន្ថែមថា ចំពោះកុំព្យូទ័រ ៥០គ្រឿង​ដែល​បាន​ប្រគល់​ជូន​នៅ​ពេល​នេះ ជាប្រភេទកុំព្យូទ័រដែលមានសមត្ថភាពខ្ពស់ ដើម្បីឆ្លើយតប​នឹង​ការ​រៀន​ដែល​មាន​ភាព​ស្មុគ​ស្មាញ​របស់​មុខ​វិជ្ជានីមួយៗ។ លោកជំទាវ បានវាយតម្លៃខ្ពស់ចំពោះសាលាភូមិន្ទរដ្ឋបាល ដែលបានរួមចំណែកយ៉ាងសកម្ម លើ​ការ​លើក​កម្ពស់ ពង្រឹងសមត្ថភាពដល់សិស្សមន្រ្តី និងកម្មសិក្សាការី ឱ្យមានចំណេះដឹង ចំណេះធ្វើ និង​វិជ្ជាជីវៈយ៉ាងពិតប្រាកដដើម្បីបម្រើការងារក្នុងវិស័យសាធារណៈ និង​ជា​ធនធាន​មនុស្ស​សំខាន់​ក្នុង​ការ​ចូលរួម​អនុវត្ត​កម្ម​វិធី​នយោបាយ​របស់​រាជ​រដ្ឋាភិបាល​ក្រោម​ការ​ដឹកនាំ​ដ៏​ឈ្លាសវៃ​របស់​សម្តេច​មហាបវរធិបតី ហ៊ុន ម៉ាណែត ជានាយករដ្ឋមន្ត្រី។ ជា​ការឆ្លើយតប ឯកឧត្តមនាយករង បាន​ថ្លែង​អំណរ​គុណ​ដល់​ឯកឧត្តម​រដ្ឋ​មន្ត្រី​ក្រសួង​ប្រៃសណីយ៍ និង​ទូរគមនាគមន៍ ក្នុងការចូលរួមអភិវឌ្ឍធនធានមនុស្សនៅក្នុងប្រទេសកម្ពុជា ជា​សកម្មភាព​ដ៏​ថ្លៃថ្លាដើម្បីជួយជំរុញ និងពង្រឹង​ដំណើរ​ការ​បណ្តុះ​បណ្តាល​នៃ​សាលា​ភូមិន្ទ​រដ្ឋបាល​ឱ្យ​កាន់​តែ​មាន​គុណភាព ប្រសិទ្ធភាព និងស្រប​តាម​ការ​វិវត្តថ្មីៗ​របស់​សង្គម​ផ្អែក​លើ​គោល​នយោបាយ នៃ​ការ​អនុវត្តធនធានមនុស្សក្នុងរដ្ឋបាលសាធារណៈរបស់រាជរដ្ឋាភិបាលកម្ពុជា និងក្នុង​ការ​ចូល​រួម​ចំណែក​ កសាងរាជរដ្ឋាភិបាលឌីជីថល ស្របតាមយុទ្ធសាស្រ្តបញ្ចកោណដំណាក់កាលទី១ របស់​រាជ​រដ្ឋាភិបាល ដើម្បីជំរុញអភិបាលកិច្ចនិងបច្ចេកវិទ្យាឌីជីថល៕

បណ្ដាញសង្គម

ព័ត៌មានថ្មីៗ

ឯកឧត្តម ហ៊ុន ម៉ានី អញ្ជើញបិទវគ្គបណ្ដុះបណ្ដាល «ជនបង្គោលលើការងារមហាជនក្រុង-ស្រុក-ឃុំ-សង្កាត់» ខេត្តកំពង់ស្ពឺ
08/15/2026 08:08 PM
Facebook Telegram Linkin
តុលាការកំពូលកម្ពុជាបង្ហាញលទ្ធផលនៃសន្និសីទតុលាការនៃបណ្តាខេត្តជាប់ព្រំដែន
08/15/2026 07:08 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី អញ្ជើញប្រគល់ផ្ទះថ្មីចំនួន ៧ខ្នង ជា​អំណោយ​ដ៏​ថ្លៃ​ថ្លា​របស់​សម្តេចធិបតី និងលោកជំទាវផ្ទាល់ ជូន​ដល់​ក្រុម​គ្រួសារ​នៃ​វីរកងទ័ពពលី រស់នៅ​ខេត្តព្រៃវែង និង​ខេត្តស្វាយរៀង​
08/15/2026 07:08 PM
Facebook Telegram Linkin
អ្នកជំនាញ៖ ប្រសិនបើការដឹកជញ្ជូនតាមសមុទ្រខ្មៅ ត្រូវបានផ្អាកយូរ សេដ្ឋកិច្ចអ៊ុយក្រែននឹងរងផលប៉ះពាល់ធ្ងន់ធ្ងរ
08/15/2026 07:08 PM
Facebook Telegram Linkin
លោក TRUMP៖ ប្រសិនបើអ៊ីរ៉ង់វាយប្រហារ ការឆ្លើយតបរបស់សហរដ្ឋអាមេរិក នឹងខ្លាំងជាង១០០ដង
08/15/2026 07:08 PM
Facebook Telegram Linkin
ប្រភព៖ មនុស្សយ៉ាងតិច ១៤ នាក់ បានស្លាប់ នៅក្នុងការវាយប្រហារនៅជិតរដ្ឋធានី El Obeid នៅកណ្តាលប្រទេសស៊ូដង់
08/15/2026 07:08 PM
Facebook Telegram Linkin
នាយករដ្ឋមន្ត្រីលីបង់ជំរុញឲ្យមានពេលវេលាច្បាស់លាស់សម្រាប់អ៊ីស្រាអែលដកកងទ័ពចេញពីភាគខាងត្បូង
08/15/2026 07:08 PM
Facebook Telegram Linkin
គេចវេសពីបាតុភូតអែល នីញ៉ូ បក្សីសមុទ្រអាមេរិកខាងត្បូង ផ្លាស់ទីជម្រកទៅកាន់ប៉ាណាម៉ា
08/15/2026 07:08 PM
Facebook Telegram Linkin
អេស្ប៉ាញបង្កើនវិធានការសន្តិសុខនៅតំបន់ Ceuta ខណៈមានការអំពាវនាវឲ្យជនអន្តោប្រវេសន៍ឆ្លងកាត់ព្រំដែនទ្រង់ទ្រាយធំជាថ្មី
08/15/2026 07:08 PM
Facebook Telegram Linkin
រដ្ឋមន្ត្រីការបរទេសប៉ាគីស្ថាន ជំរុញឲ្យប្រើការសន្ទនា ដើម្បីសន្តិភាពក្នុងតំបន់ ខណៈការចរចារវាងអាមេរិក និងអ៊ីរ៉ង់ នៅបន្តជាប់គាំង
08/15/2026 07:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.