នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី៖ រាជរដ្ឋាភិបាល និងមហាគ្រួសារខ្មែរ​នៅ​ជាមួយ​កងទ័ព​ជួរ​មុខ​គាំទ្រ​គ្រប់​មធ្យោបាយ​ទាំង​អស់
សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក
សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្ត​ពីព្រះបរម​រតនកោដ្ឋ​ក្នុង​ការ​ពូន​ជ្រំ​ទំនាក់ទំនងរវាងកម្ពុជា និងចិន
សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

នយោបាយ​ និង ការអភិវឌ្ឍន៍

រដ្ឋមន្ត្រីក្រសួងរតនាគារអាមេរិក ចង់ឱ្យមានការពិភាក្សាលក្ខណៈបើកចំហ និងជាក់លាក់ ជាមួយឧបនាយករដ្ឋមន្ត្រីចិន

2023/11/10 11:23:52 am        91
Facebook Telegram Linkin
រដ្ឋមន្ត្រីក្រសួងរតនាគារសហរដ្ឋអាមេរិក លោកស្រី Janet Yellen កាលពីថ្ងៃព្រហស្បតិ៍ (០៩ វិច្ឆិកា) បានប្រាប់ឧបនាយករដ្ឋមន្ត្រីចិន លោក ហឺ លីហឹ្វង (He Lifeng) ថាលោកស្រីចង់ឱ្យមានការពិភាក្សាលក្ខណៈ «បើកចំហ និងជាក់លាក់» ស្តីពីទំនាក់ទំនងសេដ្ឋកិច្ចអាមេរិក និងចិន ការអនុវត្តឧបត្ថម្ភធនរបស់ទីក្រុងប៉េកាំង និងបញ្ហាប្រឈមជាសកល ដូចជាបម្រែបម្រួលអាកាសធាតុ និងការសម្រាលបន្ទុកបំណុលជាដើម។នៅក្នុងសុន្ទរកថា ដែលបានរៀបចំនៅពេលចាប់ផ្តើមនៃកិច្ចប្រជុំទ្វេភាគីរយៈពេលពីរថ្ងៃ នៅទីក្រុងសាន់ហ្វ្រាន់ស៊ីស្កូ របស់សហរដ្ឋអាមេរិក មុនកិច្ចប្រជុំកំពូលនៃបណ្ដាមេដឹកនាំប្រទេស នៃកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC) លោកស្រី Yellen បាននិយាយថា លោកស្រីបានប្រឹងប្រែងក្នុងរយៈពេលប៉ុន្មានខែថ្មីៗនេះដើម្បីបង្កើតកិច្ចសន្ទនាសេដ្ឋកិច្ចជាមួយសមភាគីចិន។លោកស្រី Yellen បាននិយាយថា សហរដ្ឋអាមេរិក ចង់បានទំនាក់ទំនងសេដ្ឋកិច្ចល្អជាមួយប្រទេសចិន ដែលផ្តល់ផលប្រយោជន៍ដល់ប្រទេសទាំងពីរក្នុងរយៈពេលវែង ហើយនឹងលើកឡើងពីការព្រួយបារម្ភអំពីគោលនយោបាយរបស់ចិន ដែលហាមឃាត់ការប្រកួតប្រជែងដោយយុត្តិធម៌។ទន្ទឹមនឹងនេះ លោកឧបនាយករដ្ឋមន្ត្រី ហឺ បាននិយាយថា លោកនឹងលើកឡើងពីការព្រួយបារម្ភរបស់ប្រទេសចិន អំពីទំនាក់ទំនងសេដ្ឋកិច្ច និងការវិនិយោគជាមួយសហរដ្ឋអាមេរិក ក្នុងអំឡុងពេលពិភាក្សារបស់លោកជាមួយលោកស្រី Yellen ។ លោកបានបន្ថែមថា ប្រទេសចិនក៏កំពុងស្វែងរកវិធានការប្រកបដោយប្រសិទ្ធភាពផងដែរ ដើម្បីជំរុញទំនាក់ទំនងសេដ្ឋកិច្ច និងពាណិជ្ជកម្មរបស់ប្រទេសទាំងពីរឱ្យដំណើរការល្អឡើងវិញ៕

ទំនាក់ទំនងប្រេស៊ីល និងអ៊ីស្រាអែល មានភាពល្អក់កករ ជុំវិញបញ្ហាក្រុមឧទ្ទាមហេសបូឡា

2023/11/10 11:20:39 am        122
Facebook Telegram Linkin
សេចក្តីថ្លែងការណ៍មិនធម្មតាមួយរបស់ទីភ្នាក់ងារចារកម្មអ៊ីស្រាអែល ម៉ូសាដ (Mossad) ដែលនិយាយថា ខ្លួនបានជួយរារាំងការវាយប្រហាររបស់ក្រុមឧទ្ទាមហេសបូឡា នៅក្នុងប្រទេសប្រេស៊ីល គឺជាឧបទ្ទវហេតុចុងក្រោយបំផុតក្នុងការបង្កើតភាពតានតឹងនៅក្នុងទំនាក់ទំនងរវាងប្រទេសអ៊ីស្រាអែល និងប្រទេសដ៏ធំបំផុតរបស់អាមេរិកឡាទីនមួយនេះ ប្រឆាំងនឹងរឿងរ៉ាវពីក្រោយសង្រ្គាមហ្កាហ្សា។កាលពីថ្ងៃពុធ ប្រទេសប្រេស៊ីលបានចាប់ខ្លួនមនុស្សពីរនាក់ដោយបទចោទប្រកាន់ពីបទភេរវកម្ម ជាផ្នែកមួយនៃប្រតិបត្តិការដើម្បីកម្ចាត់ក្រុមសកម្មប្រយុទ្ធហេសបូឡា ដែលគេសង្ស័យថាមានគម្រោងវាយប្រហារលើទឹកដីប្រេស៊ីល។ ក្រោយមកនៅថ្ងៃដដែលនោះ ទីភ្នាក់ងារ ម៉ូសាដ បានថ្លែងអំណរគុណជាសាធារណៈដល់នគរបាលរបស់ប្រទេសប្រេស៊ីល ហើយបាននិយាយថា «ដោយសាររឿងរ៉ាវពីក្រោយនៃសង្គ្រាមនៅតំបន់ហ្កាហ្សា» ក្រុមហេសបូឡា កំពុងបន្តវាយប្រហាររបស់អ៊ីស្រាអែល ដាក់គោលដៅលើជនជាតិជ្វីហ្វ និងលោកខាងលិចជាដើម។ការអត្ថាធិប្បាយរបស់ទីភ្នាក់ងារ ម៉ូសាដ បានធ្វើឱ្យរដ្ឋមន្ត្រីយុត្តិធម៌ប្រេស៊ីល លោក ហ្វ្លាវីអូ ឌីណូ (Flavio Dino) ខឹងសម្បារយ៉ាងខ្លាំង ដែលកាលពីថ្ងៃព្រហស្បតិ៍ (០៩ វិច្ឆិកា) លោកបាននិយាយនៅលើប្រព័ន្ធផ្សព្វផ្សាយសង្គមថា «ប្រេស៊ីលជាប្រទេសមានអធិបតេយ្យភាព» និង «មិនមានបទបញ្ជាពីកងកម្លាំងបរទេសនានាជុំវិញនគរបាលសហព័ន្ធប្រេស៊ីល នោះទេ»។លោកឌីណូ មិនបានបដិសេធយ៉ាងច្បាស់ពីព័ត៌មានលម្អិតណាមួយក្នុងសេចក្តីថ្លែងការណ៍របស់អ៊ីស្រាអែល នោះទេ ប៉ុន្តែហាក់ដូចជាខឹងសម្បារកាន់តែខ្លាំងឡើងចំពោះការដែលខ្លួនត្រូវបានទាញចូលទៅពាក់ព័ន្ធក្នុងសង្រ្គាមបច្ចុប្បន្ននៅហ្កាហ្សា៕

សម្ដេចធិបតី៖ អាណត្តិទី៧នេះ នឹងផ្តោតសំខាន់លើការធ្វើទំនើបកម្មទ័ពពិសេស

2023/11/10 10:52:15 am        92
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានមានប្រសសន៍ថា រាជរដ្ឋាភិបាលនីកាលទី៧នេះនឹងផ្តោតសំខាន់លើការធ្វើទំនើបកម្មទ័ពពិសេស រួមទាំង កងទ័ពជើងទឹកផងដែរ ដោយអនុវត្តតាមគោលនយោបាយការពារជាតិរបស់កម្ពុជា។សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា មានប្រសាសន៍ក្នុងឱកាស អញ្ជើញជាអធិបតីក្នុងពិធីអបអរសាទរខួបអនុស្សាវរីយ៍លើកទី២៨ ថ្ងៃបង្កើតបញ្ជាការដ្ឋានទ័ពពិសេស នៅព្រឹកថ្ងៃទី១០ ខែវិច្ឆិកា ឆ្នាំ២០២៣នេះ ដោយបានវាយតម្លៃខ្ពស់ចំពោះបញ្ជាការដ្ឋានទ័ពពិសេសក្នុងរយៈពេល ២៨ ឆ្នាំ កន្លងមកនេះបានចូលរួមចំណែកយ៉ាងសកម្មក្នុងការការពារជាតិ និងបូរណភាពទឹកដីកម្ពុជា ក្នុងនោះរួមទាំងការចូលរួមក្នុងការងារបោសសម្អាតមីនចេញពីផ្ទៃដីកម្ពុជាផងដែរ។ សម្តេចធិបតី ហ៊ុន ម៉ាណែត បញ្ជាក់ថា ដើម្បីការពារជាតិ និងបូរណភាពទឹកដីកម្ពុជា រាជដ្ឋាភិបាលអាណត្តិទី៧នេះនឹងបន្តការធ្វើទំនើបកម្មទ័ពពិសេសដោយផ្ដោតលើការធ្វើទំនើបកម្មចំនួន ៣ យ៉ាងក្នុងនោះមាន ​ការធ្វើទំនើបកម្មរចនាសម្ព័ន្ធ​ ការធ្វើទំនើបកម្មហ្វឹកហ្វឺន និងការធ្វើទំនើបកម្មសម្ភារៈ ឬគ្រឿងបំពាក់សម្រាប់យោធា។សូមជម្រាបថា បញ្ជាការដ្ឋានទ័ពពិសេស ជាអង្គភាពទ័ពមួយដែលបានចូលរួមធ្វើសកម្មភាព​ដ៏អង់អាចក្លាហាន​ក្នុងបុព្វហេតុជាតិ និងប្រជាជន។ រយៈពេល ២៨ ឆ្នាំកន្លងមកនេះ វីរយុទ្ធជន វីរយុទ្ធនារី ទាំងអស់នៃបញ្ជាការដ្ឋានទ័ពពិសេស​ បានធ្វើពលីកម្មបូជាអាយុជីវិត សាច់ស្រស់ ឈាមស្រស់ ​ឆន្ទៈស្មារតី កម្លាំងកាយពល និងពេលវេលា ​ដោយគ្មានខ្លាចការលំបាកនឿយហត់ ចូលរួមភារកិច្ចប្រយុទ្ធ ​ប្រឆាំងការវិលត្រឡប់មកសារជាថ្មីរបស់របប ប៉ុល ពត ប្រល័យពូជសាសន៍៕អត្ថបទ៖ វ៉ន ដារ៉ា

ពិព័រណ៍ការងារថ្នាក់ជាតិឆ្នាំនេះ រំពឹងថា នឹងមានអ្នកចូលរួមប្រមាណ៣ម៉ឺននាក់

2023/11/10 10:48:22 am        215
Facebook Telegram Linkin
ភ្នំពេញ៖ ក្រសួងការងារ និងបណ្តុះបណ្តាលវិជ្ជាជីវៈ នៅព្រឹកថ្ងៃទី១០ ខែវិច្ឆិកានេះ បានប្រកាសបើកសម្ពោធពិព័រណ៍ការងារ និងផលិតភាពជាតិ ឆ្នាំ២២៣ជាផ្លូវការ ដោយរំពឹងទុកថា នឹងមានអ្នកចូលរួមទស្សនាប្រមាណ៣ ម៉ឺននាក់ ខណៈមានការងារប្រមាណជាង ២ ម៉ឺនកន្លែងក្នុងពិព័រណ៍ការងារនេះ។ បើតាមក្រសួងការងារ និងបណ្ដុះបណ្ដាលវិជ្ជាជីវៈ ពិព័រណ៍ការងារ ​និងផលិតភាពជាតិនេះ ធ្វើឡើង​មានរយៈពេល ២ ថ្ងៃ គឺថ្ងៃទី១០-១១ ខែវិច្ឆិកា ​ឆ្នាំ២០២៣ នៅអគារពាណិជ្ជកម្មកោះពេជ្រ។ ពិព័រណ៍នេះមានកិច្ចសហការជាមួយសហភាពសហព័ន្ធយុវជនកម្ពុជារាជធានីភ្នំពេញ, សមាគមវាយនភណ្ឌ សំលៀកបំពាក់ ស្បែកជើង និងផលិតផលធ្វើដំណើរនៅកម្ពុជា និងគាំទ្រដោយអង្គការអន្តរជាតិខាងការងារ (ILO)។ ពិព័រណ៍នេះមានការចូលរួមពីក្រុមហ៊ុន សហគ្រាស ក្រសួង ស្ថាប័ន និងគ្រឹះស្ថានអប់រំបណ្តុះបណ្តាលចំនួនប្រមាណ ១៥០ គ្រឹះស្ថាន និងស្ថាប័ន នឹងមានការជ្រើសរើសកម្លាំងពលកម្មប្រមាណជាង ​២ ម៉ឺនកន្លែង។ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈថ្លែងថា គោលបំណងសំខាន់ៗ​នៃការការៀបចំពិព័រណ៍ការងារនាពេលនេះ គឺដើម្បីបន្តរក្សាតុល្យភាព​ក្នុងទីផ្សារការងារតាមរយៈការជួយជ្រោមជ្រែងនិយោជកដែលមានតម្រូវការជ្រើសរើសកម្លាំងពលកម្ម និងអ្នកស្វែងរកការងារធ្វើ, បង្កើតឱ្យមានវេទិកាការងារដ៏ធំជួបជុំគ្នានៅមួយកន្លែងដោយងាយ​ស្រួលរវាងអ្នកស្វែងរកការងារ និយោជកអ្នកផ្តល់ការអប់រំបណ្ដុះបណ្ដាលនិងដៃគូពាក់ព័ន្ធនានា ដើម្បីធ្វើការផ្លាស់ប្ដូរ និងចែករំលែកព័ត៌មាន​ទីផ្សារការងារបន្តជជំរុញលើកកម្ពស់ការយល់ដឹង​ស្តីពី​ការបង្កើនផលិតភាពការងារ តាមរយៈសិក្ខាសាលានានាក្នុងពិព័រណ៍​នេះផងដែរ។សូមជម្រាបថា ក្នុងពិព័រណ៍ការងារថ្នាក់ជាតិនេះ ក៏នឹងមានរួមបញ្ចូលសិក្ខាសាលាស្តីពីផលិតភាព​ថ្នាក់ជាតិ ដើម្បីលើកកម្ពស់ការយល់ដឹង ​និងបំផុសគំនិតទាក់ទងនឹង ​ផលិតភាព តាមរយៈការចែករំលែក​ចំណេះដឹង បទពិសោធន៍ល្អៗ និងគន្លឹះសំខាន់ៗ ​ពីសំណាក់វាគ្មិនជំនាញៗ និងផ្សព្វផ្សាយ ​លើកកម្ពស់ការយល់ដឹងពីសារៈសំខាន់នៃការបង្កើន​ផលិតភាពការងារ និងបង្ហាញ​ពីការវិវត្តបច្ចេកវិទ្យាថ្មីៗដែលប្រទេសជឿនលឿន​ និងប្រទេសកំពុងអភិវឌ្ឍន៍​មួយចំនួន ប្រើប្រាស់​ដើម្បីគ្រប់គ្រងការងារ ​និងខ្សែសង្វាក់ផលិតកម្ម​ ជាពិសេសបំផុសស្មារតី និង ពង្រីកប្រសិទ្ធភាពការ​ងារក្នុងបរិបទការងារតាមគន្លងប្រក្រតីថ្មីផងដែរ៕អត្ថបទ៖ ឈិត បូរ៉ាវី 

ប្រធានាធិបតីព័រទុយហ្គាល់ អំពាវនាវឲ្យមានការបោះឆ្នោតមុនអាណត្តិ ដែលទុកពេលដើម្បីអនុម័តថវិកា

2023/11/10 10:38:13 am        95
Facebook Telegram Linkin
ប្រធានាធិបតីលោក Marcelo Rebelo de Sousa បាននិយាយកាលពីថ្ងៃព្រហស្បតិ៍បន្ទាប់ពី ការលាលែងពីតំណែងភ្លាមៗរបស់នាយករដ្ឋមន្ត្រីគណបក្សសង្គមនិយម ក្នុងពេលការស៊ើបអង្កេតអំពើពុករលួយថា ប្រទេសព័រទុយហ្គាល់ នឹងបោះឆ្នោតសភាមុនអាណត្តិ នៅថ្ងៃទី១០ ខែមីនា ជាលើកទី២របស់ខ្លួនក្នុងរយៈពេលច្រើនឆ្នាំមកនេះ។ទោះជាយ៉ាងណា លោកប្រធានាធិបតី បាននិយាយថា លោកនឹងរំលាយសភា ជាកន្លែងដែលគណបក្សសង្គមនិយមមានអាសនៈភាគច្រើន បន្ទាប់ពីការបោះឆ្នោតចុងក្រោយលើសេចក្តីស្នើច្បាប់ថវិកាឆ្នាំ២០២៤ ដែលកំណត់ពេលនៅថ្ងៃទី២៩ ខែវិច្ឆិកា។ សភា បានអនុម័តសេចក្តីស្នើច្បាប់លើអំណានលើកដំបូង កាលពីថ្ងៃទី៣១ ខែតុលា។ ថ្លែងបន្ទាប់ពីកិច្ចប្រជុំជាមួយស្ថាប័នប្រឹក្សាយោបល់របស់លោក ជាស្ថាប័នក្រុមប្រឹក្សារដ្ឋកាលពីថ្ងៃព្រហស្បតិ៍ និងបាននិយាយទៅកាន់គណបក្សនយោបាយធំៗ លោក Rebelo de Sousa បាននិយាយថា នឹងអនុញ្ញាតឲ្យសមាជិកសភា អនុម័តថវិកា ដែលនឹងអនុញ្ញាតដើម្បីបំពេញក្តីរំពឹងរបស់ប្រជាជនព័រទុយហ្គាល់ជាច្រើននាក់ និងបែងចែកមូលនិធិស្តារឡើងវិញរបស់សហភាបអឺរ៉ុប ក្នុងគម្រោងជាច្រើន។លោកបាននិយាយថារដ្ឋាភិបាល នឹងនៅតែមានតួនាទីនៅពេលនេះ ប៉ុន្តែការបោះឆ្នោត ត្រូវការដើម្បីផ្តល់ឲ្យនូវភាពច្បាស់លាស់ និងទិសដៅដើម្បីជម្នះការបញ្ចៀសណាមួយដែលមិនរំពឹងទុក ធ្វើឲ្យភ្ញាក់ផ្អើល និងរំខានដល់ប្រជាជនព័រទុយហ្គាល់។

នាយករដ្ឋមន្រ្តីដាស់តឿនឲ្យកងទ័ពបង្កើនជំនាញប្រឆាំងភេរវកម្ម បើទោះកម្ពុជា គ្មានការគំរាមកំហែងពីភេរវករក្តី

2023/11/10 09:56:42 am        100
Facebook Telegram Linkin
ភ្នំពេញ៖ សម្ដេចធិបតីនាយឧត្តមសេនីយ៍ ហ៊ុន ម៉ាណែត នាយករដ្ឋមន្រ្តីកម្ពុជា បានណែនាំ និងដាស់តឿន ដល់កងកម្លាំងនៃកងយោធពលខេមរភូមិន្ទទាំងអស់ ត្រូវបង្កើនជំនាញ​ប្រឆាំង​អំពើភេរវកម្មឱ្យបានសកម្ម និងខ្លាំងក្លាបន្ថែមទៀត ខណៈសព្វថ្ងៃកម្ពុជាពុំដែលមានការ​គំរាមកំហែងណាមួយពីភេរវករ ក៏ដោយនោះ។ក្នុងឱកាសអញ្ជើញចូលរួមពិធីអបអរសាទរខួបអនុស្សាវរីយ៍លើកទី២៨ ថ្ងៃបង្កើតបញ្ជាការដ្ឋាន​ទ័ពពិសេស៩១១(៩ វិច្ឆិកា ១៩៩៥ - ៩ វិច្ឆិកា ២០២៣) នាថ្ងៃទី១០ ខែវិច្ឆិកាឆ្នាំ២០២៣នេះ សម្តេចធិបតី ហ៊ុន ម៉ាណែត បានបញ្ជាក់ថា កងទ័ពទាំងអស់ត្រូវតែបង្កើនការប្រុងប្រយ័ត្ន​ចំពោះ​ភេវរកម្ម បើទោះបីបច្ចុប្បនេះកម្ពុជា ពុំដែលមានការ​គំរាមកំហែង​ណាមួយពីភេរវករក្តី ប៉ុន្តែយើងក៏មិនអាចធ្វេសប្រហែស ​បានដែរចំពោះករណីមួយនេះ។នៅក្នុងឱកាសនោះដែរសម្តេចធិបតី នាយឧត្តមសេនីយ៍ ​ហ៊ុន ម៉ាណែត ​ក៏បានលើកឡើងផងដែរថា ដើម្បី​ទំនើបកម្មកងទ័ពបន្ថែមទៀតនោះ គ្រប់អង្គភាពទាំងអស់ត្រូវ យកចិត្តទុកដាក់ខ្ពស់បន្ថែមទៀត​លើការហ្វឹកហ្វឺនឱ្យបានជាប់ជាប្រចាំ ដោយផ្ដោតជាសំខាន់ទៅលើការពង្រឹងកសាងសាលា​ហ្វឹកហ្វឺន ទីលានហ្វឹកហ្វឺន ​និងជាពិសេសនោះ​គឺការពង្រឹងសមត្ថភាពគ្រូ ​ក៏ដូចជាយោធាចារ្យជាដើមផងដែរ៕អត្ថបទ បាន ចក់

ប្រសាសន៍សំខាន់ៗរបស់សម្តេចធិបតី ក្នុងឱកាសអបអរសាទរ ខួបអនុស្សាវរីយ៍លើកទី២៨ ថ្ងៃបង្កើតបញ្ជាការដ្ឋានទ័ពពិសេស (៩ វិច្ឆិកា១៩៩៥ – ៩វិច្ឆិកា២០២៣)

2023/11/10 09:23:22 am        177
Facebook Telegram Linkin
ភ្នំពេញ៖ នៅព្រឹកថ្ងៃទី១០វិច្ឆិកា ឆ្នាំ២០២៣នេះសម្តេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានអញ្ជើញជាអធិបតី ក្នុងពិធីអបអរសាទរ “ខួបអនុស្សាវរីយ៍លើកទី២៨ ថ្ងៃបង្កើតបញ្ជាការដ្ឋាន ទ័ពពិសេស (៩ វិច្ឆិកា ១៩៩៥ - ៩ វិច្ឆិកា២០២៣)” ។*ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា ដែលមានខ្លឹមសារដូចខាងក្រោម៖-សម្តេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា វាយតម្លៃខ្ពស់ចំពោះ បញ្ជាការដ្ឋានទ័ពពិសេស ដែលក្នុងរយៈពេល២៨ ឆ្នាំកន្លងមកនេះ បានចូលរួមចំណែកយ៉ាងសកម្មក្នុងការការពារជាតិ និងបូរណភាពទឹកដីកម្ពុជា ក្នុងនោះរួមទាំងការចូលរួមចំណែកបោសសម្អាតមីនចេញពីផ្ទៃដីកម្ពុជាផងដែរ។-សម្តេចធិបតី ហ៊ុន ម៉ាណែត បញ្ជាក់ថា សន្ដិភាព និងការបង្រួបបង្រួមជាតិ គឺជាការរកបានដោយលំបាកបំផុត ដែលសមិទ្ធផលទាំងនេះ ក៏បានកើតចេញពីការលះបង់នូវសាច់ស្រស់ឈាមស្រស់ របស់យោធិនជំនាន់មុនរបស់កម្ពុជា។ សម្ដេចនាយករដ្ឋមន្រ្ដី ឧទ្ទិសនូវសមិទ្ធផលដែលកម្ពុជា កំពុងទទួលបាននាពេលនេះ ដល់យោធិនដែលបានពលីទាំងអស់ ក្នុងការការពារជាតិ និងបូរណភាពទឹកដីកម្ពុជា។-សម្តេចធិបតី ហ៊ុន ម៉ាណែត៖ ការប្រយុទ្ធគ្នាដោយទ្រង់ទ្រាយធំនៅកម្ពុជា នឹងមិនអាចមានបន្តទៀតនោះឡើយ ប៉ុន្តែក៏ត្រូវមានការប្រុងប្រយ័ត្នផងដែរ ចំពោះការគំរាមកំហែង​ចំពោះសន្តិសុខជាតិ ដោយមិនអាចធ្វេសប្រហែស​ បាននោះឡើយ។-សម្តេចធិបតី ហ៊ុន ម៉ាណែត៖ រាជរដ្ឋាភិបាលនីកាលទី៧ នឹងផ្តោតសំខាន់លើការធ្វើទំនើបកម្មទ័ពពិសេស រួមទាំងកងទ័ពជើងទឹកផងដែរ ដោយអនុវត្តតាមគោលនយោបាយការពារជាតិរបស់កម្ពុជា។-សម្តេចធិបតីនាយករដ្ឋមន្រ្តី៖ ការបញ្ជូនកងទ័ពមួកខៀវទៅកាន់ប្រទេសនានា នៅលើពិភពលោក គឺជាសកម្មភាពមនុស្សធម៌សុទ្ធសាធ និងដើម្បីបញ្ជាក់ថា កម្ពុជាស្រឡាញ់នូវសុខសន្តិភាពផងដែរ។-សម្តេចធិបតី បញ្ជាក់ថា រាជរដ្ឋាភិបាលកម្ពុជានៅតែបន្តសកម្មភាព សហការជាមួយអង្គការសហប្រជាជាតិ បញ្ជូនកងទ័ពកម្ពុជា ដើម្បីចូលរួមក្នុងបេសកកម្មរក្សាសន្តិភាព។-សម្តេចធិបតី ហ៊ុន ម៉ាណែត បានក្រើនរំលឹកដល់កងទ័ពទាំងអស់មិនត្រូវធ្វើការធ្វេសប្រហែសនោះឡើយ ចំពោះអំពើភេរវកម្ម បើទោះបីជាបច្ចុប្បន្នកម្ពុជាមិនដែលរងគ្រោះដោយសារការ​គំរាមកំហែង​ពី​ភេរវករ​ ក៏ដោយ។-សម្តេចធិបតី ហ៊ុន ម៉ាណែត៖ ការធ្វើទំនើបកម្មទ័ពពិសេស គឺផ្ដោតលើការធ្វើទំនើបកម្មចំនួន ៣ យ៉ាង ក្នុងនោះ មានការធ្វើទំនើបកម្មរចនាសម្ព័ន្ធ ការធ្វើទំនើបកម្មហ្វឹកហ្វឺន និងការធ្វើទំនើបកម្មសម្ភារៈ ឬគ្រឿងបំពាក់សម្រាប់យោធា។-សម្តេចធិបតី បញ្ជាឱ្យកងទ័ពកម្ពុជា ត្រូវយកចិត្តទុកដាក់បន្ថែមលើការធ្វើទំនើបកម្មប្រព័ន្ធបច្ចេកវិទ្យា ដើម្បីការពារជាតិ និងប្រយុទ្ធប្រឆាំងនឹងក្រុមភារវកម្មតាមប្រព័ន្ធបច្ចេកវិទ្យាដែលកំពុងកើតមាននាពេលបច្ចុប្បន្ននេះ។-សម្តេចធិបតីនាយករដ្ឋមន្រ្តី បានណែនាំដល់រដ្ឋមន្រ្តីក្រសួងការពារជាតិ និងអគ្គបញ្ជាការ គប្បីពិនិត្យឲ្យបានច្បាស់លាស់ចំពោះការទុកដាក់នូវសម្ភារៈយោធា និងរចនាសម្ព័ន្ធផ្នែកយោធាឲ្យបានត្រឹមត្រូវ មិនត្រូវធ្វើការឆក់កណ្តៀតបន្តទៀតនោះឡើយ។-សម្តេចធិបតី ហ៊ុន ម៉ាណែត ជំរុញឱ្យបង្កើតស្ថាប័នមួយសម្រាប់យោធា ក្នុងការស្រាវជ្រាវយុទ្ធសាស្រ្ដយោធានានា ហើយការធ្វើការស្រាវជ្រាវយុទ្ធសាស្រ្តនេះ ត្រូវធ្វើយ៉ាងណាឱ្យសមស្របទៅនឹងកងទ័ពរបស់កម្ពុជា។-សម្តេចធិបតី ហ៊ុន ម៉ាណែត ជំរុញឱ្យធ្វើការពង្រឹងដល់សាលានាយទាហាន តាមគោលនយោបាយ ឯករាជ្យ និងប្រទាក់ក្រឡា ដើម្បីដំឡើងកម្រិត និងការបណ្ដុះបណ្ដាលនាយទាហាន។ ចំណែកសាកលវិទ្យាល័យការពារជាតិ គួរផ្តោតលើការពង្រឹងយុទ្ធសាស្រ្តស្រាវជ្រាវ និងកិច្ចការងារការពារជាតិ។

ប្រធានាធិបតីមីយ៉ាន់ម៉ា៖ ប្រទេសនេះ ស្ថិតក្នុងហានិភ័យនៃការបែកបាក់មួយផ្នែកដោយអំពើហិង្សានៅព្រំដែន

2023/11/09 12:36:27 pm        283
Facebook Telegram Linkin
ប្រធានាធិបតីសហភាពមីយ៉ាន់ម៉ាគ្រប់គ្រងដោយយោធា លោក Myint Swe បានថ្លែងទៅកាន់កិច្ចប្រជុំក្រុមប្រឹក្សាសន្តិសុខ និងក្រសួងការពារជាតិនៅថ្ងៃព្រហស្បតិ៍នេះថា សហភាពនេះបានស្ថិតនៅក្នុងហានិភ័យ នៃការបែកបាក់មួយផ្នែក ដោយសារតែ ការគ្រប់គ្រងគ្មានប្រសិទ្ធភាពនៃអំពើហិង្សាកាលពីពេលថ្មីៗនេះ នៅតំបន់ព្រំដែនរបស់ខ្លួនជាមួយប្រទេសចិន។ យោធាសហភាពមីយ៉ាន់ម៉ា កំពុងប្រឈមមុខបញ្ហាធំបំផុតចំពោះអំណាចរបស់ខ្លួន ចាប់តាំងពីយោធា ដណ្តើមអំណាចក្នុងរដ្ឋប្រហារកាលពីឆ្នាំ២០២១ ដោយការវាយប្រហាររបស់កងកម្លាំងប្រដាប់អាវុធជនជាតិភាគីតិច និងកងកម្លាំងបដិវត្តន៍ ទៅលើមូលដ្ឋានយោធារាប់រយកន្លែង នៅភាគខាងជើង ឦសាន ភាគពាយព្យ និងនៅភាគអាគ្នេយ៍ប្រទេស។នៅភាគឦសាន យោធាបានបាត់បង់ការគ្រប់គ្រងទីក្រុងពាណិជ្ជកម្មតាមព្រំដែនមួយចំនួន ជាមួយប្រទេសចិន។ រដ្ឋាភិបាលចិន បានអះអាងនៅក្នុងសប្តាហ៍នេះថា មានជនជាតិចិនស្លាប់និងរងរបួស ដោយសារយុទ្ធភ័ណ្ឌយោធា ហួសចូលមកព្រំដែន។

នាយករដ្ឋមន្ត្រីជប៉ុន លោក Kishida សម្រេចមិនរំលាយសភាជាន់ទាបនៅឆ្នាំនេះទេ

2023/11/09 12:29:13 pm        280
Facebook Telegram Linkin
ប្រភពពីរដ្ឋាភិបាលបាននិយាយថា នាយករដ្ឋមន្ត្រីជប៉ុន លោក Kishida Fumio បានសម្រេច មិនរំលាយសភាជាន់ទាបនៅឆ្នាំនេះនោះទេ។ លោក Kishida មានបំណងផ្តោតលើវិធានការសេដ្ឋកិច្ច ដើម្បីដោះស្រាយការហក់ឡើងតម្លៃទំនិញនាពេលបច្ចុប្បន្ន។ អាណត្តិរបស់សមាជិកសភាជាន់ទាបរយៈពេលបួនឆ្នាំ បានឆ្លងផុតពាក់កណ្តាល កាលពីខែមុន។ លោក Kishida បានរុះរើគណៈរដ្ឋមន្ត្រីរបស់លោកកាលពីខែកញ្ញា ប៉ុន្តែកម្រិតវាយតម្លៃរបស់លោក បានបន្តធ្លាក់ចុះ។ ការលាលែងពីតំណែងកាលពីខែមុនរបស់រដ្ឋមន្ត្រីក្រសួងយុត្តិធម៌រដ្ឋ និងអនុរដ្ឋមន្ត្រីក្រសួងអប់រំ និងវប្បធម៌របស់សភា បានបន្ថែមបញ្ហារបស់លោក។ លោក Kishida មានបំណងអនុម័តថវិកាបន្ថែម ដើម្បីផ្តល់មូលនិធិដល់កញ្ចប់សេដ្ឋកិច្ចរបស់លោកក្នុងអំឡុងពេលសម័យប្រជុំវិសាមញ្ញរបស់សភាដែលដំណើរការរហូតដល់ថ្ងៃទី ១៣ ខែធ្នូ។លោកនាយករដ្ឋមន្ត្រី នឹងធ្វើជាម្ចាស់ផ្ទះកិច្ចប្រជុំកំពូលពិសេសរបស់មេដឹកនាំជប៉ុន និងអាស៊ាន នៅទីក្រុងតូក្យូ ខែក្រោយ។ លោក Kishida ត្រូវបានគេជឿថា វាពុំមែនជាពេលវេលាល្អក្នុងការរំលាយសភាជាន់ទាបទៅតាមកាលបរិច្ឆេទនយោបាយដ៏តានតឹងរបស់លោកនោះទេ។ លោក Kishida និយាយនៅក្នុងអំឡុងសន្និសីទសារព័ត៌មានកាលពីសប្តាហ៍មុនថា លោកនឹងផ្តោតលើបញ្ហាប្រឈមនានា ដែលមិនអាចបំបាត់បាន។ លោកមានបំណងកំណត់យ៉ាងប្រុងប្រយ័ត្ននូវពេលវេលាសមស្រប សម្រាប់ការរំលាយសភាជាន់ទាប ដោយសម្លឹងមើលការបោះឆ្នោតប្រធានគណបក្សប្រជាធិបតេយ្យសេរី កំពុងកាន់អំណាចដែលបានកំណត់សម្រាប់សរទរដូវ ឆ្នាំ ២០២៤ និងអត្រាវាយតម្លៃការយល់ព្រមពីគណៈរដ្ឋមន្ត្រីរបស់លោក រហូតដល់ដើមឆ្នាំក្រោយ និងហួសពីនេះ។

លោក Blinken ធ្វើទស្សនកិច្ចនៅទីក្រុងសេអ៊ូលសម្រាប់កិច្ចពិភាក្សា ខណៈកូរ៉េខាងជើងនិងរុស្ស៊ី បង្កើនទំនាក់ទំនងយោធា

2023/11/09 12:26:09 pm        261
Facebook Telegram Linkin
រដ្ឋមន្ត្រីការបរទេសសហរដ្ឋអាមេរិក លោក Antony Blinken កំពុងធ្វើទស្សនកិច្ចនៅប្រទេសកូរ៉េខាងត្បូង ជាសម្ព័ន្ធមិត្តដ៏សំខាន់ក្នុងតំបន់នៅថ្ងៃព្រហស្បតិ៍ ទី៩ ខែវិច្ឆិកានេះ សម្រាប់កិច្ចពិភាក្សាដែលផ្តោតលើសន្តិសុខ ខណៈប្រទេសកូរ៉េខាងជើង បង្កើនកិច្ចសហប្រតិបត្តិការយោធាជាមួយប្រទេសរុស្ស៊ី។ លោក Blinken បានទៅដល់ទីក្រុងសេអ៊ូលកាលពីល្ងាចថ្ងៃពុធ បន្ទាប់ពីកិច្ចប្រជុំរដ្ឋមន្ត្រីការបរទេស G7 នៅទីក្រុងតូក្យូ និងដំណើរទស្សនកិច្ចដ៏ប្រញាប់ប្រញាល់នៅមជ្ឈិមបូព៌ា ក្នុងដំណើរទស្សនកិច្ចលើកដំបូងរបស់លោកទៅកាន់ប្រទេសកូរ៉េខាងត្បូង ចាប់តាំងពីប្រធានាធិបតី លោក Yoon Suk Yeol ចូលកាន់តំណែងកាលពីឆ្នាំមុន។ប្រមុខការទូតជាន់ខ្ពស់របស់សហរដ្ឋអាមេរិក គ្រោងនឹងជួបពិភាក្សាជាមួយសមភាគីកូរ៉េខាងត្បូង លោក Park Jin ហើយត្រូវបានគេរំពឹងថានឹងជួបពិភាក្សាជាមួយលោក Yoon ។ មន្ត្រីសហរដ្ឋអាមេរិក បាននិយាយថា ផលប៉ះពាល់ផ្នែកសន្តិសុខនៃការកើនឡើងកិច្ចសហប្រតិបត្តិការយោធារវាងទីក្រុងមូស្គូ និងទីក្រុងព្យុងយ៉ាង ទំនងជានឹងស្ថិតនៅលើរបៀបវារៈ។ លោក គី Kim Jong Un និងលោក Vladimir Putin មានជំនួបកំពូលកាលពីខែកញ្ញា នៅចុងបូព៌ាប្រទេសរុស្ស៊ី ជាជំនួបមួយដែលត្រូវបានតាមដានភ្លាមៗដោយការផ្ទេរសព្វាវុធម្តងហើយម្តងទៀត ដោយទីក្រុងសេអ៊ូលនិយាយថា ទីក្រុងព្យុងយ៉ាងបានបញ្ជូនជុំកាំភ្លើងធំចំនួន ១ លានដើម ដើម្បីបន្តសង្រ្គាមរបស់ទីក្រុងមូស្គូនៅអ៊ុយក្រែន ជាថ្នូរនឹងចំណេះដឹងបច្ចេកវិទ្យាផ្កាយរណប។ លោក Blinken បាននិយាយនៅក្នុងទីក្រុងតូក្យូថា «យើងមានការព្រួយបារម្ភខ្លាំងអំពីអ្វីដែលរុស្ស៊ីកំពុងផ្តល់ទៅឱ្យទីក្រុងព្យុងយ៉ាង ជាថ្នូរនឹងអាវុធ និងគ្រាប់រំសេវដែលខ្លួនទទួល» ។ រុស្ស៊ី និងកូរ៉េខាងជើង ជាសម្ព័ន្ធមិត្តប្រវត្តិសាស្ត្រ ស្ថិតនៅក្រោមការដាក់ទណ្ឌកម្មជាសកល ដែលដាក់លើទីក្រុងមូស្គូសម្រាប់ការវាយលុកលើអ៊ុយក្រែន និងទីក្រុងព្យុងយ៉ាងសម្រាប់ការសាកល្បងអាវុធនុយក្លេអ៊ែររបស់ខ្លួន។

បណ្ដាញសង្គម

ព័ត៌មានថ្មីៗ

ក្នុងគោលបំណងមនុស្សធម៌! អាជ្ញាធរកម្ពុជាសម្រេចបើកច្រកទ្វារព្រំដែនអនុញ្ញាតដល់អនុព័ន្ធយោធាថៃប្រចាំនៅភ្នំពេញ និងមនុស្សពីរនាក់ធ្វើដំណើរតាមច្រកទ្វារអន្តរជាតិប៉ោយប៉ែត-ខ្លងលីកទៅព្យាបាលជំងឺនៅខេត្តស្រះកែវ
07/20/2025 07:07 PM
Facebook Telegram Linkin
ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ
07/20/2025 07:07 PM
Facebook Telegram Linkin
ត្រឹមថ្ងៃទី១៩កក្កដា សមត្ថកិច្ចរាជធានី-ខេត្ត បង្រ្កាបករណីឆបោកតាមប្រព័ន្ធបច្ចេកវិទ្យា ៥២ទីតាំង ឃាត់ខ្លួនជនសង្ស័យ ២.៧៦៧ នាក់ មានជនជាតិចិនចំនួន ៨៤៣នាក់
07/20/2025 06:07 PM
Facebook Telegram Linkin
សមាគមកាយឫទ្ធិនារីកម្ពុជាសាខាខេត្តមណ្ឌលគិរី បានចូលរួមសកម្មភាពជាច្រើននៅក្នុងសង្គម​ស្រប​តាមគម្រោងសកម្មភាពទាំង៥ របស់សមាគម
07/20/2025 05:07 PM
Facebook Telegram Linkin
ឯកឧត្តម ឌិត ទីណា បន្តដំណើរចុះជួបសំណេះសំណាលជាមួយសហគមន៍ទំនើបស្វាយចន្ទីភ្នំគូលែន នៅខេត្តសៀមរាប
07/20/2025 04:07 PM
Facebook Telegram Linkin
លោក Trump ទទូចថាទីតាំងនុយក្លេអ៊ែរអ៊ីរ៉ង់ត្រូវបានបំផ្លាញស្របពេលមានរបាយការណ៍មួយចំនួនថាបានរួចផុតពីការបំផ្លាញ
07/20/2025 03:07 PM
Facebook Telegram Linkin
ពលរដ្ឋជប៉ុនបោះឆ្នោតក្នុងការសាកល្បងដ៏សំខាន់សម្រាប់នាយករដ្ឋមន្ត្រី Shigeru Ishiba
07/20/2025 03:07 PM
Facebook Telegram Linkin
អ្នកស្លាប់ក្នុងជំនន់ទឹកភ្លៀងនៅកូរ៉េខាងត្បូងសប្តាហ៍នេះ កើនឡើងដល់១៤ នាក់
07/20/2025 03:07 PM
Facebook Telegram Linkin
ការប៉ះទង្គិចបានផ្ទុះឡើងក្នុងការតវ៉ាប្រឆាំងនឹងជនអន្តោប្រវេសន៍ក្នុងប្រទេសប៉ូឡូញ
07/20/2025 03:07 PM
Facebook Telegram Linkin
ក្រសួងសុខាភិបាល បើកយុទ្ធនាការផ្តល់ថ្នាំលេបសមូហភាព ដើម្បីបង្ការជំងឺគ្រុនចាញ់ នៅ​ខេត្ត​ស្ទឹងត្រែង
07/20/2025 03:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.