នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី៖ រាជរដ្ឋាភិបាល និងមហាគ្រួសារខ្មែរ​នៅ​ជាមួយ​កងទ័ព​ជួរ​មុខ​គាំទ្រ​គ្រប់​មធ្យោបាយ​ទាំង​អស់
សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក
សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្ត​ពីព្រះបរម​រតនកោដ្ឋ​ក្នុង​ការ​ពូន​ជ្រំ​ទំនាក់ទំនងរវាងកម្ពុជា និងចិន
សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

នយោបាយ​ និង ការអភិវឌ្ឍន៍

ប្រសាសន៍សំខាន់ៗរបស់សម្ដេចធិបតី ក្នុងឱកាសអញ្ជើញចុះជួបសំណេះសំណាលជាមួយកម្មករនិយោជិតជាង ១៥០០០ នាក់ នៅខេត្តព្រះសីហនុ

2023/11/07 08:34:52 am        136
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី០៧ ខែ វិច្ឆិកា ឆ្នាំ ២០២៣នេះ បានអញ្ជើញចុះជួបសំណេះសំណាលជាមួយបងប្អូនកម្មករ និយោជិត ចំនួន ១៥ ១៩៤ នាក់នៅតាមបណ្តារោងចក្រសហគ្រាស ដែលមានមូលដ្ឋានក្នុងតំបន់សេដ្ឋកិច្ចពិសេស ខេមបូឌា ចេជាង ហ្គ័រជី ខេត្តព្រះសីហនុ។*ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖-សម្តេចធិបតី ហ៊ុន ម៉ាណែត៖ ការចុះជួបសំណេះសំណាលជាមួយបងប្អូនទាំងអស់ នាពេលនេះ គឺមិនមែនជាកិច្ចជំនួបចុងក្រោយទេ គឺនៅមានបន្តបន្ទាប់ទៀត ដើម្បីបន្តស្វែងរកដំណោះស្រាយជូនដល់បងប្អូន។-សម្ដេចធិបតីនាយករដ្ឋមន្ត្រី៖ កម្មករ និយោជិត គឺជាកម្លាំងចលករមួយផ្នែកនៅក្នុងការជួយជំរុញដល់ កំណើនសេដ្ឋកិច្ចកម្ពុជា។-សម្តេចធិបតី ហ៊ុន ម៉ាណែត៖ រោកចក្រសហគ្រាសនីមួយៗប្រៀបបានដូចជាឋាមពល ឬថ្ម ដើម្បីសាកប្រទេសជាតិឲ្យកាន់តែរីកចម្រើនបន្ថែមទៀត ខណៈថ្មមានឋាមពលខ្លាំងភាពរីកចម្រើនប្រទេសក៏កាន់តែខ្លាំងយ៉ាងដូច្នេះដែរ។-សម្ដេចធិបតីនាយករដ្ឋមន្ត្រី៖ បន្តថ្លែងអំណរគុណ ដល់កម្មករ និយោជិត ដែលតែងតែបោះឆ្នោតគាំទ្រ ដល់គណបក្សប្រជាជនកម្ពុជា ឱ្យបន្តដឹកនាំរាជរដ្ឋាភិបាលកម្ពុជា ជាបន្តបន្ទាប់រហូតដល់បច្ចុប្បន្ន។-សម្ដេចធិបតីនាយករដ្ឋមន្ត្រី៖ កម្ពុជាមានការវិវឌ្ឍរីកចម្រើនជាបន្តបន្ទាប់ គឺតាំងពីជាប្រទេសដែលទទួ លការឧបត្ថម្ភស្ទើរតែទាំងស្រុងពីប្រទេសជាមិត្ត មកជាប្រទេសដែលមានលទ្ធភាពផ្គត់ផ្គង់ និងផលិត ដោយខ្លួនឯង ព្រមទាំងនាំចេញទៅក្រៅប្រទេសថែមទៀត។-សម្ដេចធិបតីនាយករដ្ឋមន្ត្រី បានឯកភាព និងជំរុញឱ្យមានការចុះបញ្ជីដីធ្លីឱ្យបានលឿន ដើម្បីប្រជាពលរដ្ឋឆាប់បានយកទៅប្រើប្រាស់។-សម្ដេចធិបតីនាយករដ្ឋមន្ត្រី៖ ទារកដែលកើតនៅអំឡុងពេលនេះ មានសំណាងខ្ពស់ជាងឪពុកម្ដាយ របស់ខ្លួនដែលកើតនៅអំឡុងរបបខ្មែរក្រហម ដោយសារបច្ចុប្បន្នស្ថានភាពសុខភាពម្ដាយឪពុករបស់ គេកាន់តែប្រសើរ មានការយកចិត្តទុកដាក់ពីរដ្ឋាភិបាលចំពោះសុខភាពម្ដាយ មានពេទ្យដែលមានវិជ្ជា ជីវៈនៅតាមមូលដ្ឋានពលរដ្ឋរស់នៅ និងមានការឧបត្ថម្ភសាច់ប្រាក់ពីរាជរដ្ឋាភិបាលជាដើម។-សម្ដេចធិបតីនាយករដ្ឋមន្ត្រី៖ តាមបទពិសោធន៍ដែលខ្ញុំធ្លាប់ទៅបំពេញទស្សនកិច្ចនៅប្រទេសនានា ឃើញថា ឆ្នេរខ្សាច់សមុទ្រកម្ពុជា គឺស្ថិតនៅលំដាប់កំពូល។-សម្ដេចធិបតីនាយករដ្ឋមន្ត្រី៖ ដើម្បីបង្កើនការវិនិយោគនៅកម្ពុជា កត្តាចម្បងបំផុត គឺត្រូវមានសន្តិភាព និងស្ថិរភាព ព្រមទាំងមានគោលនយោបាយត្រឹមត្រូវ(គឺបញ្ចប់សង្គ្រាម, សេដ្ឋកិច្ចបើកចំហ និងគោលនយោបាយការទូតត្រឹមត្រូវ)។-សម្តេចធិបតី ហ៊ុន ម៉ាណែត បានបញ្ជាក់ថា កម្ពុជាមិនយកប្រទេសណាធ្វើជាសត្រូវនោះទេ ពោលគឺត្រូវទំនាក់ទំនងគ្រប់ប្រទេសទាំងអស់ ដើម្បីផលប្រយោជន៍ប្រជាជន និងប្រទេសជាតិ។ ចំណុចនេះសម្តេចធិបតី ក៏បានចំអកឲ្យគណបក្សណាមួយនោះ មិនទាន់ទាំងជាប់ឆ្នោតធ្វើនាយករដ្ឋមន្រ្តីផង ប្រកាសប្រឆាំង ឬកម្ចាត់ប្រទេសនេះ ប្រទេសនោះបាត់ទៅហើយ។-សម្ដេចធិបតីនាយករដ្ឋមន្ត្រី៖ គោលនយោបាយរបស់រាជរដ្ឋាភិបាល គឺកែប្រែខេត្តព្រះសីហនុ ដែលជាប៉ូលសេដ្ឋកិច្ចទី២ ទៅជាខេត្តដែលមានការអភិវឌ្ឍពហុបំណង និងកាន់តែរីកចម្រើន។-សម្ដេចធិបតី ជំរុញឱ្យសិក្សាអភិវឌ្ឍន៍ផ្លូវដែកនៅកម្ពុជា ឱ្យអាចរត់ក្នុងល្បឿនយ៉ាងតិច ៨០ គីឡូម៉ែត្រក្នុងមួយម៉ោង។-សម្ដេចធិបតីនាយករដ្ឋមន្ត្រី៖ យើងកំពុងកែប្រែឃ្លាំងដាក់ទំនិញមួយបន្ថែមទៀត ដើម្បីរៀបចំជាផែឱ្យ នាវាដឹកទំនិញចូលចត ដោយសារកម្ពុជាមានកំណើននៃការដឹកជញ្ជូនច្រើន។-សម្ដេចធិបតី៖ ពិធីបុកគ្រឹះផ្លូវការពង្រីកការសាងសង់កំពង់ផែទឹកជ្រៅនៅខេត្តព្រះសីហនុ នឹងរៀបចំធ្វើនៅដំណាច់ឆ្នាំ២០២៣ នេះ។-សម្ដេចធិបតីនាយករដ្ឋមន្ត្រី៖ រាជរដ្ឋាភិបាលបានដាក់ចេញនូវគោលនយោបាយលើកទឹកចិត្តផ្សេងៗ ក្រៅពីការពង្រឹងហេដ្ឋារចនាសម្ព័ន្ធ ដើម្បីបង្កើនការបណ្ដាក់ទុននៅកម្ពុជា។-សម្ដេចធិបតី៖ រាជរដ្ឋាភិបាលបានដាក់ចេញនូវគោលនយោបាយអភិវឌ្ឍន៍ ចំគោលដៅ និងសក្ដានុពលនៅតាមតំបន់នីមួយៗ ដើម្បីធ្វើឱ្យគ្រប់វិស័យដំណើរការ និងមានការរីកចម្រើនគ្រប់ ផ្នែក។-សម្ដេចធិបតីនាយករដ្ឋមន្ត្រី៖ សមត្ថកិច្ច និងអាជ្ញាធរគ្រប់ផ្នែក ត្រូវពង្រឹងសន្តិសុខសណ្ដាប់ធ្នាប់នៅ ខេត្តព្រះសីហនុឱ្យបានកាន់តែល្អ ដើម្បីទាក់ទាញវិនិយោគ និងទេសចរទៅកម្សាន្ត។-សម្ដេចធិបតីនាយករដ្ឋមន្ត្រី៖ រដ្ឋាភិបាលមានគម្រោងភ្ជាប់ផ្លូវហោះហើរត្រង់ពីខេត្តព្រះសីហនុ ទៅ កាន់តំបន់ទេសចរណ៍នៅថៃ វៀតណាម ម៉ាល់ឌីវ និងហ្វីលីពីនជាដើម ដើម្បីបង្កើនការវិនិយោគ និង ទេសចរនៅកម្ពុជា។-សម្ដេចធិបតីនាយករដ្ឋមន្ត្រី៖ ខេត្តព្រះសីហនុ បើធ្វើត្រូវ មិនត្រឹមតែអាចចិញ្ចឹមពលរដ្ឋបានជាច្រើន លាននាក់ប៉ុណ្ណោះនោះទេ ប៉ុន្តែជាខេត្តនាំមុខ ដែលនឹងជួយជំរុញសេដ្ឋកិច្ចជាតិឱ្យរីកចម្រើនកាន់តែ លឿន។-សម្ដេចធិបតីនាយករដ្ឋមន្ត្រី៖ អំឡុងខ្ញុំបំពេញទស្សនកិច្ចនៅចិន វិនិយោគិនចិននៅខេត្តព្រះសីហនុ បានឡើងថា ខេត្តព្រះសីហនុ មានសុខសុវត្ថិភាពល្អ មានបុគ្គលិក និងវិនិយោគិន មកពីប្រទេសចិនជាច្រើនកំពុងធ្វើការ និងប្រកបអាជីវកម្មផ្សេងៗនៅខេត្តព្រះសីហនុ។

ព្រឹកស្អែកសម្ដេចធិបតីអញ្ជើញចុះជួបសំណេះសំណាលជាមួយកម្មករនិយោជិតជាង ១៥០០០ នាក់ នៅខេត្តព្រះសីហនុ

2023/11/06 03:03:32 pm        208
Facebook Telegram Linkin
ភ្នំពេញ៖ ព្រឹកស្អែកសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញចុះជួបសំណេះសំណាលជាមួយបងប្អូនកម្មករ និយោជិត ចំនួន ១៥ ១៩៤ នាក់នៅតាមបណ្តារោងចក្រសហគ្រាស ដែលមានមូលដ្ឋានក្នុងតំបន់សេដ្ឋកិច្ចពិសេស ខេមបូឌា ចេជាង ហ្គ័រជី ខេត្តព្រះសីហនុ។សម្តេចធិបតី នាយករដ្ឋមន្ត្រី នឹងអញ្ជើញចុះជួបសំណេះសំណាលជាមួយបងប្អូនកម្មករ និយោជិត នៅតាមបណ្តារោងចក្រ សហគ្រាសចំនួន ៣០ ដែលមានមូលដ្ឋានក្នុងតំបន់សេដ្ឋកិច្ចពិសេស ខេមបូឌា ចេជាង ហ្គ័រជី ខេត្តព្រះសីហនុ។ រោងចក្រ សហគ្រាសទាំង ៣០នេះ មានដូចជាក្រុមហ៊ុនអភិវឌ្ឍន៍ពិសេស ចំនួន ១ រោងចក្រផលិតគ្រឿងសង្ហារឹម ចំនួន ១១ រោង ចក្រកាត់ដេរសម្លៀកបំពាក់ ចំនួន ៤ រោងចក្រផលិតសម្ភារសត្វចិញ្ចឹម ចំនួន ២ រោងចក្រកេសកាតុង ចំនួន ២ រោងចក្រផលិតចំណីសត្វ ចំនួន ២ រោងចក្រផលិតថ្មម៉ាប ចំនួន ១ រោងចក្រកែច្នៃស្បែក ចំនួន ១ រោងចក្រផលិតសម្ភារការិយាល័យ ចំនួន ១ រោងចក្រដេរស្បែកជើង ចំនួន ១ រោងចក្រផលិតស្បែកជើង កាបូប និងខ្សែក្រវាត់ ចំនួន ១ រោងចក្រជ្រលក់ក្រណាត់ ចំនួន ១ រោងចក្រផលិតអេប៉ុង ចំនួន ១ និងរោងចក្រកែច្នៃផលិតផលជ័រ និងគ្រឿងផ្លាស្ទិច ចំនួន ១ ។សូមជម្រាបថា នេះគឺជាលើកទី៩ ដែលសម្តេចមហាបវរធិបតី ហ៊ុន ម៉ាណែត បានអញ្ជើញចុះជួបសំណេះសំណាលជាមួយនឹងបងប្អូនកម្មករ និយោជិត តាមបណ្តារោងចក្រ សហគ្រាសនានា ក្នុងឋានៈជានាយករដ្ឋមន្ត្រី នៃព្រះរាជាណាចក្រកម្ពុជា៕

ទំនាក់ទំនងការទូត ឥណ្ឌា និងកាណាដា នៅតែផុយស្រួយ ទោះបីជាមានការបន្ធូរបន្ថយទិដ្ឋាការក៏ដោយ

2023/11/06 02:28:58 pm        76
Facebook Telegram Linkin
ក្រុមមន្ត្រី និងអ្នកជំនាញ បាននិយាយថា ការផ្សះផ្សាទំនាក់ទំនងការទូតដែលបែកបាក់រវាងឥណ្ឌា និងកាណាដា នឹងត្រូវការរយៈពេលយូរទៀត បន្ទាប់ពីភាគីនីមួយៗ បានទទួលយកជំហរអតិបរិមា ទោះបីជាមានការផ្លាស់ប្តូរដ៏គួរឱ្យភ្ញាក់ផ្អើលរបស់ទីក្រុង New Delhi ដើម្បីបន្ធូរបន្ថយការទប់ស្កាត់ទិដ្ឋាការមួយចំនួនលើជនជាតិកាណាដាក៏ដោយ ។ ថ្មីៗនេះ ប្រទេសឥណ្ឌាបានសម្រេចចិត្តស្តារសេវាទិដ្ឋាការមួយផ្នែកឡើងវិញ ប៉ុន្មានសប្តាហ៍បន្ទាប់ពីការផ្អាក ដោយសារការខឹងសម្បាចំពោះការអះអាងរបស់ទីក្រុងអូតាវ៉ា (Ottawa) ដែលថាភ្នាក់ងារឥណ្ឌាអាចជាប់ពាក់ព័ន្ធក្នុងការសម្លាប់មេដឹកនាំផ្តាច់ខ្លួន សាសនាស៊ីក (Sikh) ជនជាតិកាណាដា ពីរដ្ឋ ពុនចាប (Punjab) ។ ការរើសអើងទៅវិញទៅមកចាប់តាំងពីការចោទប្រកាន់ ដែលឥណ្ឌាបដិសេធយ៉ាងដាច់អហង្ការ បានធ្វើឱ្យទំនាក់ទំនងរវាងប្រទេសទាំងពីរកាន់តែផុយស្រួយខ្លាំង។ក្រុមមន្ត្រី និងអ្នកជំនាញនៃប្រទេសទាំងពីរបាននិយាយថា ស្របពេលការបន្ធូរបន្ថយទិដ្ឋាការរបស់ឥណ្ឌាអាចបង្កើនការរំពឹងទុកមួយចំនួននៃទំនាក់ទំនងដែលប្រសើរឡើងនោះ វាមិនមែនជារបកគំហើញនោះទេ ដោយសារតែភាគីទាំងពីរមិនមានការលើកទឹកចិត្តច្រើនក្នុងការពន្លឿនការវិលត្រឡប់ទៅរកភាពប្រក្រតីឡើង វិញ ។ ទាំងទីក្រុង New Delhi ទាំង ទីក្រុង Ottawa ទំនងជា ពុំបានចាត់វិធានការប្រកបកដោយប្រសិទ្ធភាពដើម្បីផ្សះផ្សាក្នុងពេលឆាប់ៗនេះទេ នៅពេលដែលការស៊ើបអង្កេតឃាតកម្មរបស់ប្រទេសកាណាដាដំណើរការ ហើយនាយករដ្ឋមន្ត្រី Narendra Modi ត្រៀមសម្រាប់ការបោះឆ្នោតថ្នាក់ជាតិឥណ្ឌានៅខែឧសភា៕

ដំណើការប្រឡងនៅក្នុងខេត្តតាកែវ ប្រព្រឹត្តទៅដោយបរិយាកាសល្អប្រសើរ

2023/11/06 02:16:38 pm        173
Facebook Telegram Linkin
ដំណើរការប្រឡងបាក់ឌុប ដែលចាប់ផ្ដើមនៅព្រឹកថ្ងៃទី៦ ខែវិច្ឆិកា នេះ សម្រាប់ខេត្តតាកែវ បានប្រព្រឹត្តទៅយ៉ាងល្អប្រសើរ ដោយអាជ្ញាធរ បានរៀនចំសណ្ដាប់ធ្នាប់បានល្អ ហើយបេក្ខជនប្រឡង ក៏បានចូលរួមប្រឡងដោយរីករាយផងដែរ។លោក ឡោ វីរិទ្ធិ ប្រធានមន្ទីរអប់រំ យុវជន និងកីឡា ខេត្តតាកែវ បានឱ្យដឹងថា ការប្រឡងបានដំណើរការល្អប្រសើរមិនមានបាតុភាពណាមួយកើតឡើងឡើយ។ លោក បានឱ្យដឹងថា នៅទូទាំងខេត្តតាកែវ មានមណ្ឌលប្រឡងចំនួន១៧មណ្ឌល ក្នុងនោះ ថ្នាក់វិទ្យាសាស្ត្រ មាន០៥មណ្ឌល ស្មើនឹង១០៧បន្ទប់ និងថ្នាក់វិទ្យាសាស្រ្តសង្គម ១២មណ្ឌល ស្មើនឹង៣០០បន្ទប់ និងមានបេក្ខជនសរុប៩៩៩៩នាក់ ស្រី៥១៥៩នាក់។ដោយឡែកបេក្ខជនចំណេះទូទៅ សរុប ចំនួន៨៥៣១នាក់ បេក្ខជនស្វៃរិនចំណេះទូទៅ ចំនួន ១២៧២នាក់ បេក្ខជនបំពេញវិជ្ជា ចំនួន១៦១នាក់ និងបេក្ខជនស្វៃរិនបំពេញវិជ្ជា ចំនួន ៣៥នាក់៕

ប្រទេសចិនជំរុញឲ្យមីយ៉ាន់ម៉ា សហការលើការរក្សាស្ថិរភាពនៅតាមព្រំដែន

2023/11/06 02:05:07 pm        119
Facebook Telegram Linkin
យោតាមមន្ត្រីចិន បាននិយាយនៅថ្ងៃចន្ទ ទី៦ ខែវិច្ឆិកានេះថា មីយ៉ាន់ម៉ា គួរតែសហការជាមួយប្រទេសចិន ដើម្បីរក្សាស្ថិរភាពនៅតាមព្រំដែនរួម បន្ទាប់ពីមានការកើនឡើងការប្រយុទ្ធគ្នានៅក្នុងសហភាពមីយ៉ាន់ម៉ា រវាងកងកម្លាំងយោធា និងក្រុមបះបោរបានធ្វើឱ្យរង្គោះរង្គើក្នុងតំបន់។ កាលពីសប្តាហ៍មុន យោធាកំពុងកាន់អំណាចនៅសហភាពមីយ៉ាន់ម៉ា បាននិយាយថា ខ្លួនកំពុងព្យាយាមស្តារសណ្តាប់ធ្នាប់ឡើងវិញនៅជិតព្រំដែន បន្ទាប់ពីសម្ព័ន្ធមិត្តនៃកងទ័ពជនជាតិភាគតិច កំពុងប្រយុទ្ធសម្រាប់ការកំណត់ដោយខ្លួនឯង បានបើកការវាយប្រហារជាបន្តបន្ទាប់ទៅលើគោលដៅរបស់ក្រុមយោធា។ លោក Nong Rong បាននិយាយថា មីយ៉ាន់ម៉ា ត្រូវបានអំពាវនាវឱ្យសហការជាមួយប្រទេសចិនដើម្បីរក្សាស្ថិរភាពនៅតាមបណ្តោយព្រំដែនចិន-មីយ៉ាន់ម៉ា ដើម្បីធានាបានសុវត្ថិភាពសម្រាប់ជីវិតរស់នៅ និងទ្រព្យសម្បត្តិ របស់ពលរដ្ឋរស់នៅតាមព្រំដែនប្រទេសចិនដោយពិតប្រាកដ និងមានចំណាត់ការដោយប្រសិទ្ធភាពដើម្បីពង្រឹងសន្តិសុខរបស់បុគ្គលិកចិន។ គេហទំព័រព័ត៌មាន Asia Times បានរាយការណ៍ថា ពលរដ្ឋចិនម្នាក់បានស្លាប់ និងជាច្រើននាក់បានរងរបួសកាលពីថ្ងៃសៅរ៍ នៅពេលដែលគ្រាប់ផ្លោងមួយគ្រាប់ដែលយោធាមីយ៉ាន់ម៉ា បានបាញ់ហួសគោលដៅរបស់ខ្លួន ហើយបានធ្លាក់ទៅព្រំដែនខាងប្រទេសចិន។ លោក Nong ដែលបានទៅធ្វើទស្សនកិច្ចនៅសហភាពមីយ៉ាន់ម៉ា ចាប់ពីថ្ងៃទី ៣ ខែវិច្ឆិកាដល់ថ្ងៃទី ៥ ខែវិច្ឆិកា បាននិយាយថាប្រទេសចិនសង្ឃឹមថា មីយ៉ាន់ម៉ានឹងស្ដារឡើងវិញនូវស្ថិរភាព ហើយខ្លួនគាំទ្រភាគីទាំងអស់ក្នុងការដោះស្រាយភាពខ្វែងគំនិតគ្នាឱ្យបានសមស្រប និងទទួលបានការផ្សះផ្សាតាមរយៈការសន្ទនាឱ្យបានឆាប់តាមដែលអាចធ្វើទៅបាន។ ជាមួយគ្នានេះ ប្រទេសថៃ កំពុងព្យាយាមនាំយកពលរដ្ឋខ្លួនចំនួន ១៦២ នាក់មកប្រទេសវិញ ដែលបានជាប់នៅក្នុងការប្រយុទ្ធគ្នាក្នុងសហភាពមីយ៉ាន់ម៉ា។ មីយ៉ាន់ម៉ា បានស្ថិតក្នុងភាពចលាចលចាប់តាំងពីរដ្ឋប្រហារយោធាកាលពីខែកុម្ភៈ ឆ្នាំ ២០២១ ដែលបានបណ្តេញចេញរដ្ឋាភិបាលជាប់ឆ្នោតតាមបែបលទ្ធិប្រជាធិបតេយ្យ ដឹកនាំដោយលោកស្រី Aung San Suu Kyi ជ័យលាភីរង្វាន់ណូបែល។

អាមេរិក កូរ៉េខាងត្បូង ជប៉ុន នឹងបង្កើតក្រុមប្រឹក្សាពិគ្រោះយោបល់លើការគំរាមកំហែងតាមអ៊ីនធឺណិតពីកូរ៉េខាងជើង

2023/11/06 01:58:56 pm        101
Facebook Telegram Linkin
ការិយាល័យប្រធានាធិបតីកូរ៉េខាងត្បូង បាននិយាយនៅថ្ងៃច័ន្ទ (០៦ វិច្ឆិកា) នេះថា សហរដ្ឋអាមេរិក កូរ៉េខាងត្បូង និងជប៉ុន បានព្រមព្រៀងគ្នាក្នុងការបង្កើតក្រុមពិគ្រោះយោបល់កម្រិតខ្ពស់មួយស្តីពីការប្រឆាំងនឹងសកម្មភាពអ៊ីនធឺណិតរបស់កូរ៉េខាងជើង ដែលពួកគេនិយាយថាផ្តល់ហិរញ្ញប្បទានដល់កម្មវិធីអាវុធខុសច្បាប់របស់ខ្លួន។លោកស្រី អាននី ណឺប៊ឺហ្គឺរ (Anne Neuberger) ដែលជាទីប្រឹក្សារងនៃសន្តិសុខជាតិរបស់សហរដ្ឋអាមេរិក សម្រាប់បច្ចេកវិទ្យាអ៊ីនធឺណិត និងបច្ចេកវិទ្យាដែលកំពុងរីកចម្រើន បានជួបពិភាក្សាជាមួយសមភាគីកូរ៉េខាងត្បូង និងជប៉ុន របស់ខ្លួននៅទីក្រុងវ៉ាស៊ីនតោន កាលពីសប្តាហ៍មុន។ ការិយាល័យប្រធានាធិបតីរបស់កូរ៉េខាងត្បូង បាននិយាយថា ពួកគេបានយល់ព្រមរៀបចំកិច្ចប្រជុំប្រចាំត្រីមាសក្រោមក្របខណ្ឌថ្មីនេះ។ការប្រកាសនេះធ្វើឡើង បន្ទាប់ពីមេដឹកនាំនៃប្រទេសទាំងបីបានព្រមព្រៀងគ្នានៅក្នុងកិច្ចប្រជុំកំពូលកាលពីខែសីហានៅឯវិមានសម្រាកលំហែសម្រាប់ប្រធានាធិបតីអាមេរិក Camp David ថា ពួកគេនឹងបង្កើតក្រុមការងារត្រីភាគីថ្មីមួយសម្រាប់ការគំរាមកំហែងតាមអ៊ីនធឺណិតរបស់កូរ៉េខាងជើង។ក្រុមឃ្លាំមើលការដាក់ទណ្ឌកម្ម បានចោទប្រកាន់ប្រទេសកូរ៉េខាងជើង ថាបានប្រើប្រាស់ការវាយប្រហារតាមអ៊ីនធឺណិតដើម្បីប្រមូលមូលនិធិសម្រាប់កម្មវិធីនុយក្លេអ៊ែរ និងមីស៊ីលរបស់ខ្លួន ហើយរបាយការណ៍របស់អង្គការសហប្រជាជាតិ បាននិយាយថា កូរ៉េខាងជើង បានបង្កើនការលួចរបិយប័ណ្ណគ្រីបតូឌីជីថលរបស់ខ្លួនកាលពីឆ្នាំមុន ដោយប្រើបច្ចេកទេសទំនើបក្នុងការលួចនៅឆ្នាំ២០២២ ច្រើនជាងឆ្នាំណាៗទាំងអស់៕

រដ្ឋសភាកម្ពុជា-ចិនបេ្តជ្ញារួមគ្នាជំរុញផែនការកសាងសហគមន៍ជោគវាសនារួមកម្ពុជា-ចិនសម្រេចជោគ​ជ័យ​

2023/11/06 01:23:01 pm        131
Facebook Telegram Linkin
ភ្នំពេញ៖សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា និងឯកឧត្តម លូវ ឈីនជៀន (Lou Quinjian) ប្រធានគណៈកម្មាធិការកិច្ចការបរទេស នៃសភាតំណាងប្រជាជនទូទាំងប្រទេស នៃសាធារណរដ្ឋប្រជាមានិតចិន បានបេ្តជ្ញារួមគ្នានៅក្នុងការលើកកម្ពស់កិច្ចសហប្រតិបត្តិការ មិត្ត​ភាព​ដែកថែប កម្ពុជា-ចិន ជាពិសេសការឈានទៅសម្រេចឱ្យបាននូវការកសាងសហគមន៍ជោគវាសនារួមកម្ពុជា-ចិន ដែលមានស្តង់ដារខ្ពស់ មានលក្ខណៈយុទ្ធសាស្ត្រ ភាពជឿជាក់ ទុកចិត្តគ្នា និងយូរអង្វែង ស្របតាម​កិច្ចព្រមព្រៀងថ្នាក់ដឹកនាំប្រទេសទំាងពីរបានដាក់ចេញ។ការ​បញ្ជាក់បែបនេះរបស់​ភាគីទាំងពីធ្វើឡើងក្នុងឱកាស ឯកឧត្តម លូវ ឈីនជៀន បានដឹកនាំគណៈប្រតិភូមកបំពេញទស្សន​កិច្ចនៅកម្ពុជា និងបានចូលជួបសម្តែងការគួរសមជាមួយ សម្តេចមហារដ្ឋសភាធិការធិបតី ឃួន សុដារី នៅវិមានរដ្ឋសភា នាព្រឹកថ្ងៃទី ៦ ខែវិច្ឆិកា ឆ្នាំ២០២៣ ។សម្តេចមហារដ្ឋសភាធិការធិបតី បានស្វាគមន៍យ៉ាងកក់ក្តៅ និងមានក្តីសោមនស្សរីករាយយ៉ាងក្រៃលែង ចំពោះដំណើរទស្សនកិច្ចរបស់ ឯកឧត្តម លូវ ឈីនជៀន និងសហការី នៅកម្ពុជា។ ក្នុងឱកាសនោះសម្តេចប្រធានរដ្ឋសភា បានថ្លែងអំណរគុណចំពោះមិត្តចិន ដែលបានចូលរួមចំណែកគំាទ្រ និងឧបត្ថម្ភ ដ៏សំខាន់នៅក្នុងការអភិវឌ្ឍកម្ពុជា។ សម្តេចប្រធានរដ្ឋសភា បញ្ជាក់ថា​ ដើម្បីបង្កើនកិច្ចសហប្រតិបត្តិការទ្វេភាគី សម្ដេច​ចង់ឃើញវឌ្ឍនភាពបន្ថែមទៀតនូវកិច្ចសហប្រតិបត្តិការខ្សែក្រវ៉ាត់ និងផ្លូវជាពិសេសក្នុងការពង្រឹងគុណភាពនិងសុចរិតភាពនៃគម្រោង BRI និងការជួយសម្រួលដល់ការបន្តរីកចម្រើននៃកិច្ចសហប្រតិបត្តិការទ្វេភាគីលើវិស័យផ្សេងៗដូចជា ឧស្សាហកម្ម កសិកម្ម ការវិនិយោគ និងវប្បធម៌នៅក្នុងក្របខ័ណ្ឌនៃកិច្ចសហប្រតិបត្តិការ “ត្បូងពេជ្រ” ។ នាឱកាសនោះដែរ ឯកឧត្តម លូវ ឈីនជៀន បានជម្រាបជូន សម្តេចប្រធានរដ្ឋសភា ពីគោលបំណងនៃដំណើរទស្សនកិច្ចនៅកម្ពុជានាពេលនេះ ដើម្បីចូលរួមលើកកម្ពស់ចំណងមិត្តភាព និងកិច្ចសហប្រតិបត្តិការកម្ពុជាចិន ទំាងក្របខ័ណ្ឌនីតិប្បញ្ញត្តិ និងនីតិប្រតិបត្តិឱ្យបានកាន់តែរឹងមាំឡើង ស្របតាមកិច្ចព្រមព្រៀងរវាង សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជានិង ឯកឧត្តម ស៊ី ជីនពីង ប្រធានាធិបតីនៃសាធារណរដ្ឋប្រជាមានិតចិន និងជាអគ្គលេខាបក្សកុម្មុយនីស្តចិន រួមនិង ឯកឧត្តម ចាវ លិជិ (ZHAO Leji) ប្រធានសភាប្រជាជនចិនទូទំាងប្រទេស នាពេលកន្លងមក។ជាចុងបញ្ចប់ សម្តេចរដ្ឋសភាធិបតី ឃួន សុដារី បានថ្លែងអំណរគុណដល់មិត្តចិន ដែលបាននិងតែងតែយកចិត្តទុកដាក់ ថែទំាព្រះរាជសុខភាពព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា និងហ្លួងម៉ែ ថ្វាយជូនសម្តេចទំាងទ្វេរ ដើម្បីគង់ជាម្លប់ដល់កូនចៅរបស់ព្រះអង្គនៅទូទំាងប្រទេស៕

និស្សិតកម្ពុជាកំពុងសិក្សានៅខេត្តអានហ៊ួយ បង្ហាញសិល្បៈ និងវិប្បធម៌ខ្មែរ ក្នុងពិព័រណ៍វប្បធម៌​អន្តរជាតិនៅចិន

2023/11/06 12:29:21 pm        318
Facebook Telegram Linkin
ភ្នំពេញ៖ និស្សិតអាហារូបករណ៍សម្ដេចតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត ហៅថា និស្សិត អ.ម.ត កំពុងសិក្សានៅសាកលវិទ្យាល័យអានហ៊ួយ សាធារណរដ្ឋប្រជាមានិតចិន កាលពីថ្ងៃទី ៤ខែវិច្ឆិកា ឆ្នាំ ២០២៣ ថ្មីៗនេះ បានចូលរួមក្នុងកម្មវិធីពិព័រណ៍​វប្បធម៌អន្តរជាតិ ដែលរៀបចំដោយសាកលវិទ្យាល័យអានហ៊ួយ ប្រទេសចិន ដែលមានប្រមាណជាង២១ប្រទេសចូលរួម ។ក្នុងនោះដែរ និស្សិតអាហារូបករណ៍ អ.ម.ត ដែលមានលោក មាន អឺរ៉ូ ,លោក ឡា ហុកឡុង និងលោក សាវុធ កុលច័ន្ទរិទ្ធ ក្រោមការដឹកនាំ និងចង្អុលបង្ហាញរបស់ឯកឧត្តម ឡាវ វ៉ាន់ ប្រធានផ្នែកគ្រប់គ្រងនិស្សិក្រៅប្រទេស ​និងជាប្រធាក្រុមការងារគ្រប់គ្រងនិស្សិត​ក្រៅប្រទេស​ប្រចាំ​សាធារណរដ្ឋប្រជាមានិតចិន បានដឹកនាំនិស្សិតខ្មែរដែល​កំពុងសិក្សានៅសាកលវិទ្យាល័យ​អានហ៊ួយ សម្ដែងបង្ហាញនូវ «របាំគោះត្រឡោក » «គុណល្បុកតោខ្មែរ» «សំលៀកបំពាក់​ប្រពៃណីខ្មែរ» « ខ្មុកល្ខោនខោលខ្មែរ» «ម្ហូបនិងបង្អែមខ្មែរ» «ចង្វាក់រាំមួយចំនួនរបស់ខ្មែរ» និងសម្ភារវប្បធម៌ប្រពៃណីខ្មែរជាច្រើនផ្សេងទៀត។សកម្មភាពចូលរួមកម្មពិធីនេះបានបង្ហាញឱ្យឃើញនូវឆន្ទៈនិស្សិតខ្មែរក្នុងការផ្សព្វផ្សាយវប្បធម៌ ប្រពៃណី អរិយធម៌ជាតិខ្មែរទៅកាន់និស្សិតបរទេសឱ្យ​បានដឹងលឺ​ពី​ភាព​អស្ចារ្យ​នៃប្រទេសកម្ពុជា។លើសពីនេះទៅទៀត ​ការចូលរួមនេះដែរ​បានបង្ហាញអោយកាន់​តែ​ជាក់ច្បាស់ពី​សាមគ្គីភាព​រវាង​និស្សិតខ្មែរសិក្សានៅប្រទេសចិន ​និងបង្ហាញពីមិត្តភាពដែកថែប «កម្ពុជា-ចិន-អន្តរជាតិ»៕

រដ្ឋសភាធ្វើសិក្ខាសាលាស្ដីពីកសាងក្របខណ្ឌគោលនយោបាយម៉ាក្រូសេដ្ឋកិច្ច

2023/11/06 12:18:03 pm        123
Facebook Telegram Linkin
ភ្នំពេញ៖ រដ្ឋសភាជាតិនៃកម្ពុជា នាព្រឹកថ្ងៃទី ៦ខែវិច្ឆិកា ឆ្នាំ ២០២៣នេះ បានរៀបចំសិក្ខាសាលា​ស្តីពីការ​កសាងក្របខណ្ឌគោលនយោបាយម៉ាក្រូសេដ្ឋកិច្ច និងគោលនយោបាយហិរញ្ញវត្ថុ​សាធារណៈសម្រាប់រៀបចំសេចក្តីព្រាងច្បាប់ ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៤។សិក្ខាសលានេះ បានប្រារព្ធធ្វើក្រោមអធិបតីភាពឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១ រដ្ឋសភា និងជាតំណាងដ៏ខ្ពង់ខ្ពស់របស់សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៃព្រះរាជាណាចក្រកម្ពុជា ​ដោយមានការអញ្ជើញចូលរួមពី ឯកឧត្តមអគ្គបណ្ឌិត​សភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ ​និងសហការី ឯកឧត្តម ឈាង វុន ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភា ឯកឧត្តម លោកជំទាវ សមាជិក សមាជិកា រដ្ឋសភា ព្រឹទ្ធសភា និង លោក លោកស្រី ជា​តំណាងអង្គការ និងក្រសួងពាក់ព័ន្ធអញ្ជើញចូលរួម នៅសាលសន្និសីទបាយ័ន នៃវិមានរដ្ឋសភា នាថ្ងៃទី៦ ខែវិច្ឆិកា ឆ្នាំ២០២៣។សិក្ខាសាលានេះ មានគោលបំណងបញ្ជ្រាបការយល់ដឹងជូន​ សមាជិក សមាជិកា រដ្ឋសភា ព្រឹទ្ធសភា​ និងសាធារណជនឱ្យយល់ជ្រួតជ្រាបពីការកសាង​ក្របខ័ណ្ឌគោល​នយោបាយ​ម៉ាក្រូសេដ្ឋកិច្ច និងគោលនយោបាយហិរញ្ញវត្ថុសាធារណៈសម្រាប់រៀបចំ​សេចក្តីព្រាងច្បាប់ ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៤។ សូមជម្រាបថា ក្នុងរយៈពេលជាងពីរឆ្នាំកន្លងមក រាជរដ្ឋាភិបាលកម្ពុជាមិនបានបង្អន់កិច្ច​ខិតខំ​ប្រឹងប្រែងក្នុងការជំរុញការអនុវត្តការកែទម្រង់សំខាន់ៗ​នោះទេ ​ជាពិសេស ការអនុវត្តនឹង​សម្រេចឱ្យបាននូវគោលដៅយុទ្ធសាស្ត្រ ​ដែលបានដាក់ចេញក្នុងយុទ្ធសាស្ត្រចតុកោណទាំង ៤ ដំណាក់កាល ​ដើម្បីកំណើនការងារ សមធម៌ ប្រសិទ្ធភាព និង ផែនការយុទ្ធសាស្ត្រអភិវឌ្ឍន៍ជាតិ សំដៅជំរុញកិច្ចអភិវឌ្ឍន៍ប្រកបដោយចីរភាព និងបរិយាប័ន្ន។ ជាក់ស្តែង រាជរដ្ឋាភិបាលបាន​ដោះស្រាយជាបន្តបន្ទាប់នូវបញ្ហាប្រឈមសំខាន់ៗ ដែលបណ្តាវិនិយោគិននិងធុរជនបានជួប​ប្រទះក្នុងគ្រប់វិស័យ ដើម្បីបង្កភាពងាយស្រួល និងបង្កើតបរិយាកាសអំណោយ​ផលដល់​ការធ្វើអាជីវកម្ម និងវិនិយោគ៕

សម្ដេចធិបតីបញ្ជាក់អំពីគម្រោងផ្ដល់លទ្ធភាពឱ្យពលរដ្ឋស្នើសុំសេវាសាធារណៈពីថ្នាក់ក្រុង ស្រុក តាមប្រព័ន្ធបច្ចេកវិទ្យា

2023/11/06 12:07:12 pm        182
Facebook Telegram Linkin
ភ្នំពេញ៖ ក្នុងពិធីសម្ពោធដាក់ឱ្យប្រើប្រាស់ជាផ្លូវការ អគារទីស្ដីការក្រសួងមហាផ្ទៃ នាព្រឹកថ្ងៃទី៦ ខែវិច្ឆិកា ឆ្នាំ២០២៣នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃ​ព្រះរាជាណាចក្រ​កម្ពុជា ​បានឆ្លៀតគូសបញ្ជាក់អំពីគម្រោងធ្វើទំនើបកម្មសេវាសាធារណៈមួយ​ចំនួននៅថ្នាក់ក្រុង ស្រុក ខណ្ឌ ដោយប្ដូរពីការតម្រូវឱ្យប្រជាពលរដ្ឋស្នើសុំដោយផ្ទាល់ ទៅជាការស្នើសុំតាម​ប្រព័ន្ធបច្ចេកវិទ្យា។ថ្លែងដោយរម្លឹកអំពីការអនុវត្តសាកល្បង​ របស់ក្រសួងប្រៃសណីយ៍ និងទូរគមនាគមន៍ នូវ​ថ្នាលបច្ចេកវិទ្យាថ្មីមួយ ដែលផ្ដល់លទ្ធភាពឱ្យពលរដ្ឋអាចស្នើសុំសេវា​សាធារណៈមួយ​ចំនួន​តាមប្រព័ន្ធឌីជីថល នៅថ្នាក់ក្រុង ស្រុក ក្នុងខេត្តតាកែវ សម្ដេចនាយករដ្ឋមន្ត្រី បានសង្កត់ធ្ងន់ថា ការរៀបចំថ្នាលបច្ចេកវិទ្យាថ្មីមួយនេះ ត្រូវដាក់គោលដៅអនុវត្តនៅថ្នាក់ក្រុង ​ស្រុកតែម្ដង ពោលគឺមិនមែន​មានន័យថា​ ដោយសារការស្នើសុំរបស់ពលរដ្ឋអាចធ្វើឡើងតាមប្រព័ន្ធបច្ចេកវិទ្យា ថ្នាក់ជាតិនឹងយកសេវានោះពីថ្នាក់ក្រុង ស្រុក ឡើងមកវិញនោះឡើយ។សម្ដេចធិបតី បានគូសបញ្ជាក់ក្នុងន័យដើមថា«ខ្ញុំសូមបញ្ជាក់ថា ការរៀបចំថ្នាលបច្ចេកវិទ្យានេះ មិនមែនសម្រាប់ទាញសិទ្ធិ(ផ្ដល់សេវា)មកក្រសួងវិញទេ។ ព្រោះក្រែងលោមានអ្នកថា​ពីមុនក្រសួង​ប្រតិភូកម្មឱ្យមូលដ្ឋាន ដើម្បីកុំឱ្យប្រជាជនគាត់ពិបាកមកឆ្ងាយ តែឥលូវប្រជាជនគាត់​អាចធ្វើតាម​ប្រព័ន្ធបច្ចេកវិទ្យាហើយ ដូច្នេះយក(ពីក្រុង ស្រុក)មកដាក់ក្រសួងវិញទៅ។ គឺអត់ទេ! បច្ចេកវិទ្យាទាំងអស់នេះ​ គឺធ្វើដើម្បីបម្រើគោលនយោបាយរបស់យើង ហើយគោលនយោបាយ​របស់យើង គឺបាញ់ឆ្ពោះទៅមូលដ្ឋាន គឺគាត់អាចដាក់ពាក្យសុំតាម​អនឡាញ ហើយពេលបាន គាត់មកយកនៅក្រុង ស្រុកតែម្ដង»។សូមបញ្ជាក់ថា សម្ដេចធិបតី បានរម្លឹកបញ្ជាក់អំពីគម្រោងការមួយនេះ បន្ទាប់ពីបានមាន​ប្រសាសន៍​ច្រើនអំពីលទ្ធផល នៃការផ្ទេរមុខងារ តួនាទី សិទ្ធិអំណាច និងការទទួលខុសត្រូវពីថ្នាក់​ជាតិ ទៅឱ្យរដ្ឋបាលថ្នាក់ក្រោមជាតិ តាមគោលនយោបាយវិមជ្ឈការ និងវិសហមជ្ឈការ និងសារៈសំខាន់ នៃការធ្វើកំណែទម្រង់ប្រព័ន្ធគ្រប់គ្រង និងដឹកនាំផ្ទៃក្នុងរបស់រដ្ឋបាលថ្នាក់ក្រោមជាតិនីមួយៗ ជាពិសេសការពង្រឹងសមត្ថភាពមន្រ្តី ​ដើម្បីឆ្លើយតបគោលនយោបាយពង្រឹងសេវាសាធារណៈ រួមទាំងការប្រើប្រាស់បច្ចេកវិទ្យា។ថ្លែងអំពីបច្ចេកវិទ្យា ភ្ជាប់នឹងសេវាសាធារណៈនៅរដ្ឋបាលថ្នាក់ក្រោមជាតិ សម្ដេចធិបតី បាន​បន្តថា«បច្ចេកវិទ្យា ជាបច្ចុប្បន្ន និងទៅអនាគត! យើងត្រូវដើរ ហើយយើងរៀបចំហេដ្ឋារចនាសម្ព័ន្ធ​បច្ចេកវិទ្យាជាមុនតែម្ដង។ វាក៏ដូចមេមាន់ ​និងពងមាន់ ដែលគេសួរថា មួយណាកើតមុន? តើរាជរដ្ឋាភិបាលចាំបាច់ត្រូវរៀបចំហេដ្ឋារចនាសម្ព័ន្ធបច្ចេកវិទ្យា ទាល់តែប្រជាពលរដ្ឋយើង​ប្រើទាំងអស់ ឬមួយក៏យើងត្រូវរៀបមុនដើម្បីឱ្យពលរដ្ឋយើងមានលទ្ធភាពប្រើប្រាស់ ហើយចាប់ផ្ដើមពីចំនួនតិច ទៅជាប្រើប្រាស់ទូលំទូលាយ? ​អ៊ីចឹងយើងត្រូវដើរមុន រៀបចំឱ្យបាន»។គួរកត់សម្គាល់ថា អាទិភាពគន្លឹះ​ នៃយុទ្ធសាស្ត្របញ្ចកោណ-ដំណាក់កាលទី១ រួមមាន«មនុស្ស ផ្លូវ ទឹក ភ្លើង និងបច្ចេកវិទ្យា»។ រាជរដ្ឋាភិបាលនីតិកាលទី៧ ​ដឹកនាំ​ដោយសម្ដេចធិបតី បាន​ចាត់ទុក«បច្ចេកវិទ្យាឌីជីថល» ជាគន្លឹះសម្រាប់ឆ្លើយតបទៅនឹងបដិវត្តឧស្សាហកម្មទី៤ និង បរិវត្តកម្ម ឌីជីថលនៃសេដ្ឋកិច្ច ​និងសង្គមកម្ពុជា។ រដ្ឋាភិបាលនីតិកាលទី៦ ក៏បានដាក់ចេញនូវគោល​នយោបាយរដ្ឋាភិបាលឌីជីថលកម្ពុជា ២០២២-២០៣៥ ដោយផ្តោតលើចក្ខុវិស័យ​«កសាង​រដ្ឋាភិបាលឌីជីថល​ដើម្បីលើកកម្ពស់គុណភាពជីវិត ​និងទំនុកចិត្តប្រជាពលរដ្ឋ តាមរយៈការបម្រើ​សេវាសាធារណៈឱ្យកាន់តែប្រសើរ»៕

បណ្ដាញសង្គម

ព័ត៌មានថ្មីៗ

ក្រុមការងារចម្រុះចុះធ្វើបច្ចុប្បន្នភាពយានដ្ឋានជួសជុលរថយន្តនៅខេត្តព្រះវិហារ ដើម្បី​លើក​កម្ពស់​ការ​អនុវត្តច្បាប់
07/22/2025 04:07 PM
Facebook Telegram Linkin
រដ្ឋមន្ត្រីរតនាគារអាមេរិកអំពាវនាវឲ្យ Fed «ពិនិត្យផ្ទៃក្នុង» ខណៈចោទថា ចាត់វិធានការយឺតយ៉ាវ
07/22/2025 04:07 PM
Facebook Telegram Linkin
អ្នកនាំពាក្យ៖ក្រុមហ៊ួទីនៅយេម៉ែន បានវាយប្រហារដោយយានដ្រូនលើទីតាំងចំនួន ៥ នៅក្នុងអ៊ីស្រាអែល
07/22/2025 04:07 PM
Facebook Telegram Linkin
ឯកឧត្ដម រិន វីរៈ រដ្ឋលេខាធិការក្រសួងផែនការ អញ្ជើញបើកសិក្ខាសាលា ស្តីពីការជំរុញប្រើប្រាស់ទិន្នន័យចំហ និងទិន្នន័យធំ រយៈពេល៣ថ្ងៃ នៅខេត្តបាត់ដំបង
07/22/2025 04:07 PM
Facebook Telegram Linkin
សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ប្រោសព្រះរាជទានព្រះរាជអំណោយទឹកបរិសុទ្ធ ៣២៦កេស ដល់កាកបាទក្រហមកម្ពុជា
07/22/2025 04:07 PM
Facebook Telegram Linkin
លោក Trump៖ អាមេរិកនឹងវាយប្រហារទីតាំងនុយក្លេអ៊ែរអ៊ីរ៉ង់ជាថ្មីម្តងទៀត ប្រសិនបើចាំបាច់
07/22/2025 04:07 PM
Facebook Telegram Linkin
មន្ទីរពេទ្យបណ្តោះអាសន្នហ្ស៊កដានី ចាប់ផ្តើមប្រតិបត្តិការនៅហ្កាហ្សា ដើម្បីព្យាបាលអ្នកជំងឺជាង ១.០០០នាក់
07/22/2025 04:07 PM
Facebook Telegram Linkin
ប្រមុខUNប្រាប់សារព័ត៌មាន Arab Newsថា សហគមន៍អន្តរជាតិមានកាតព្វកិច្ច ជួយឲ្យសម្រេចបានរដ្ឋប៉ាឡេស្ទីន
07/22/2025 04:07 PM
Facebook Telegram Linkin
វេណេហ្ស៊ុយអេឡា នឹងស៊ើបអង្កេតមេដឹកនាំអ៊ែលសាវ៉ាឌ័រ និងមន្ត្រីផ្សេងទៀតពីបទរំលោភបំពានលើអ្នកជាប់ឃុំ
07/22/2025 04:07 PM
Facebook Telegram Linkin
ក្រសួងការងារនាំយកឱកាសការងារជាង ១ម៉ឺន៣ពាន់កន្លែងជូនពលរដ្ឋ និងពលករខ្មែរ​ក្នុង​ខេត្តកំពង់ឆ្នាំង​ដែលទើបត្រឡប់មកពីប្រទេសថៃ
07/22/2025 04:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.