BTV NEWS

TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់

TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំកោះប្រជុំក្រុមប្រឹក្សាសន្តិសុខជាបន្ទាន់ ដើម្បីសុំការអន្តរាគមន៍បញ្ចប់ការឈ្លានពានរបស់កងទ័ពថៃមកលើដែនអធិបតេយ្យភាពរបស់កម្ពុជា

TOP STORY | សម្ដេចធិបតី៖ កងទ័ពថៃបានបើកការវាយប្រហារមកលើទីតាំងឈរជើងរបស់កងទ័ពកម្ពុជា នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

TOP STORY | ខណៈព្រំដែនកំពុងមានការផ្ទុះអាវុធ, សម្តេចតេជោ ហ៊ុន សែន ប្រាប់ពលរដ្ឋឲ្យជឿទុកចិត្តលើរាជរដ្ឋាភិបាល និងកងទ័ព

នយោបាយ និង ការអភិវឌ្ឍន៍

ឯកឧត្តម ប៉ែន បូណា៖ «សេរីភាព និងការទទួលខុសត្រូវមិនអាចកាត់ផ្តាច់ចេញពីគ្នាបានឡើយ»

ភ្នំពេញ៖ ឯកឧត្តម ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាលថ្លែងថា នៅពេលក្រុមអង្គការសង្គមស៊ីវិលក្នុងស្រុកមួយចំនួន កំពុងខ្នាស់ខ្នែងបំពងសំឡេងគាំទ្ររបាយការណ៍អង្គការបរទេសដែលចេញរបាយការណ៍ថា សេរីភាពបញ្ចេញមតិ ភាពជាតំណាងរបស់ពលរដ្ឋ និងសេរីភាពសារព័ត៌មាននៅកម្ពុជា បានធ្លាក់ចុះដោយទទួលបានចំណាត់ថ្នាក់ទាប។ ឯកឧត្តម ប៉ែន បូណា រដ្ឋមន្រ្តីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល បានផ្ដល់ការពន្យល់ងាយៗអំពីភាពសត្យានុម័ត នៃការប្រើប្រាស់សិទ្ធិសេរីភាព ទាំងនៅក្នុងប្រទេសកម្ពុជា និងនៅលើពិភពលោក។តាមរយៈបណ្ដាញទំនាក់ទំនងសង្គមហ្វេសប៊ុក នាថ្ងៃទី៥ ខែវិច្ឆិកា ឆ្នាំ២០២៣នេះ ឯកឧត្តម ប៉ែន បូណា បានចេញផ្សាយអត្ថបទពន្យល់ខ្លីមួយក្រោមចំណងជើងថា «សេរីភាព និងការទទួលខុសត្រូវមិនអាចកាត់ផ្តាច់ចេញពីគ្នាបានឡើយ»។ អត្ថបទនេះ បានចេញផ្សាយ បន្ទាប់ពីមានអ្នកសារព័ត៌មានមួយចំនួន បានសាកសួរឯកឧត្តម ដោយយោងលើរបាយការណ៍របស់អង្គការបរទេសមួយនោះ រាប់ទាំងការប្រឹងបន្ទរសំឡេងគាំទ្រទៅតាមទម្លាប់ពីសំណាក់បណ្ដាអង្គការមួយចំនួននៅកម្ពុជា។តើសេរីភាពបញ្ចេញមតិ ភាពជាតំណាងរបស់ពលរដ្ឋ និងសេរីភាពសារព័ត៌មាននៅកម្ពុជា បានធ្លាក់ចុះដោយទទួលបាចំណាត់ថ្នាក់ទាប ពិតជាការអះអាងត្រឹមត្រូវ? ខាងក្រោមនេះ គឺជាសម្រង់ ការពន្យល់ និងបកស្រាយរបស់ឯកឧត្តម ប៉ែន បូណា។ មាត្រា៤១ នៃរដ្ឋធម្មនុញ្ញកម្ពុជាចែងថា«ប្រជាពលរដ្ឋខ្មែរមានសេរីភាពខាងការបញ្ចេញមតិ សេរីភាពខាងសារព័ត៌មាន សេរីភាពខាងការបោះពុម្ពផ្សាយ សេរីភាពខាងការជួបជុំ។ ជនណាក៏ដោយមិនអាចឆ្លៀតប្រើសិទ្ធិនេះដោយរំលោភនាំឱ្យប៉ះពាល់កិត្តិយសអ្នកដទៃ ដល់ទំនៀមទម្លាប់ល្អរបស់សង្គម ដល់សណ្តាប់ធ្នាប់សាធារណៈ និងដល់សន្តិសុខជាតិឡើយ។ របបសារព័ត៌មានត្រូវរៀបចំឡើងដោយច្បាប់»។ មាត្រានេះមានន័យគ្រប់គ្រាន់ក្នុងការធានាសេរីភាពបញ្ចេញមតិ សេរីភាពសារព័ត៌មាន និងសេរីភាពផ្សេងទៀតឱ្យប្រព្រឹត្តទៅដោយរលូនក្នុងក្របខ័ណ្ឌច្បាប់ និងការទទួលខុសត្រូវ។ នេះគឺជាខ្នាតសម្រាប់វាស់វែង។ នៅលើពិភពលោកនេះ គ្មានប្រទេសណាអនុញ្ញាតឱ្យប្រើសិទ្ធិដោយមិនភ្ជាប់ជាមួយនឹងការទទួលខុសត្រូវឡើយ។ សូម្បីតែហ្វេសប៊ុកក៏មានកំណត់អំពីស្តង់ដាសហគមន៍ដែរ។ ប្រសិនបើយើងហ៊ានបំពាន សេរីភាពរបស់យើងនឹងត្រូវគេបិទខ្ទប់មិនខានឡើយ។ នៅកម្ពុជា រឿងដែលគួរឱ្យយកចិត្តទុកដាក់ និងព្រួយបារម្ភគឺមិនមែនការរឹតត្បិតសេរីភាពនោះទេ ប៉ុន្តែ បញ្ហាធំបំផុតគឺការប្រើប្រាស់សិទ្ធិសេរីភាពមិនត្រឹមត្រូវដូចដែលរដ្ឋធម្មនុញបានកំណត់។ ក្នុងន័យនេះ ចំណាត់ការផ្លូវច្បាប់ចំពោះអ្នកប្រើសេរីភាពដោយបំពានលើអ្នកដទៃមិនត្រូវចាត់ទុកការរឹតត្បិតសេរីភាពបញ្ចេញមតិឡើយ តែជាការអនុវត្តច្បាប់ក្នុងក្របខ័ណ្ឌនីតិរដ្ឋទៅវិញទេ។ ចំណែកឯដំណើរការសារព័ត៌មានត្រូវបានកំណត់ដោយច្បាប់ស្តីពីរបបសារព័ត៌មានដែលកំពុងស្ថិតនៅជាធរមាន។ គ្មានជនណាអាចបដិសេធច្បាប់ដែលអនុម័តដោយរដ្ឋសភា និងត្រូវបានប្រកាសឱ្យប្រើជាធរមានបានទេ។ និយាយពីភាពជាតំណាងរបស់ប្រជាពលរដ្ឋ ក្រៅពីការបោះឆ្នោតដែលជាដំណើរការប្រជាធិបតេយ្យដ៏ធំបំផុត ប្រជាពលរដ្ឋខ្មែរក៏អាចលើកបញ្ហានានាជូនដល់អាជ្ញាធរ ឬតំណាងរាស្ត្រ ដើម្បីដោះស្រាយ។ លើសពីនេះ ពួកគេអាចសំណូមពរដោយផ្ទាល់ជាមួយថ្នាក់ដឹកនាំគ្រប់ជាន់ថ្នាក់រហូតដល់នាយករដ្ឋមន្ត្រីតាមរយៈបណ្តាញទំនាក់ទំនងសង្គម។ ដូច្នេះ សេរីភាព និងភាពជាតំណាងរបស់ប្រជាពលរដ្ឋខ្មែរពិតជាទូលំទូលាយយ៉ាងខ្លាំង។ បញ្ហាដែលត្រូវផ្តោតការយកចិត្តទុកដាក់នៅពេលនេះគឺការប្រើប្រាស់សេរីភាពដែលភ្ជាប់ដោយការទទួលខុសត្រូវពីព្រោះរបស់ពីរយ៉ាងនេះមិនអាចផ្តាច់ចេញពីគ្នាបានឡើយ។ ក្នុងន័យនេះ អង្គការសង្គមស៊ីវិលដែលធ្វើការខាងសិទ្ធិមនុស្ស និងប្រជាធិបតេយ្យ គួរគប្បីចូលរួមចំណែកក្នុងការលើកកម្ពស់ការយល់ដឹងរបស់ប្រជាពលរដ្ឋ ក៏ដូចជាអ្នកនយោបាយ និងអ្នកសារព័ត៌មានមួយចំនួន អំពីការទទួលខុសត្រូវដោយមិនត្រូវនិយាយតែពីសិទ្ធិរបស់ខ្លួនហើយបំភ្លេចចោលនូវការគោរពសិទ្ធិអ្នកដទៃ និងគោរពច្បាប់របស់ប្រទេសនោះឡើយ។ ការប្រើប្រាស់សិទ្ធិសេរីភាពដោយមិនភ្ជាប់ជាមួយការទទួលខុសត្រូវគឺជាគ្រោះថ្នាក់មិនខុសពីការបើកបរយានយន្តដែលគ្មានហ្វ្រាំងនៅលើដងផ្លូវសាធារណៈនោះឡើយ។ ដូច្នេះ សូមចូលរួមទាំងអស់គ្នា ដើម្បីកសាងសង្គមួយដែលសម្បូរដោយធនធានមនុស្សប្រកបដោយចំណេះដឹង ការទទួលខុសត្រូវ និងការគោរពច្បាប់៕

សម្ដេចធិបតី ជូនពរបេក្ខជនប្រឡងបាក់ឌុបទទួលបាននិទ្ទេសល្អគ្រប់ៗគ្នា

ភ្នំពេញ៖ សម្ដេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា នៅថ្ងៃទី៥ ខែវិច្ឆិកានេះ បានចេញសារជូនពរបេក្ខជនប្រឡងសញ្ញាបត្រមធ្យមសិក្សាទុតិយភូមិ ២០២២-២០២៣ (បាក់ឌុប) ដែលនឹងប្រព្រឹត្តទៅនាថ្ងៃទី៦-៧ ខែវិច្ឆិកា ឆ្នាំ២០២៣នេះ ទទួលបាននិទ្ទេសល្អគ្រប់ៗគ្នា។សម្ដេចធិបតីនាយករដ្ឋមន្រ្ដីបានសរសេរថា៖«ជូនពរប្អូនៗ ក្មួយៗ ដែលប្រឡងសញ្ញាបត្រមធ្យមសិក្សាទុតិយភូមិ ២០២២-២០២៣ ខិតខំប្រឹងប្រែង យកចិត្តទុកដាក់ ដើម្បីទទួលបាននិទ្ទេសល្អគ្រប់ៗគ្នាសម័យប្រឡង៖ ០៦ វិច្ឆិកា ២០២៣»៕

សម្ដេចធិបតី៖«ពិភពលោកនឹងកាន់តែសុវត្ថិភាព, ស្រស់បំព្រង, និងកក់ក្តៅជាងមុន ប្រសិនបើមានស្ត្រីក្លាយជាអ្នកដឹកនាំកាន់តែច្រើន»

ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានមានប្រសាសន៍ថា រាជរដ្ឋាភិបាលកម្ពុជាបានកំណត់សមភាពយេនឌ័រ និងការបង្កើនភាពអង់អាចដល់ស្រ្តី និងក្មេងស្រីនៅគ្រប់វិស័យ ជាអាទិភាពនៅក្នុងរបៀបវារៈគោលនយោបាយរបស់ខ្លួន។ តាមរយៈការដាក់ចេញនូវយុទ្ធសាស្ត្របញ្ចកោណ-ដំណាក់កាលទី១, យើងនឹងពង្រឹងភាពជាពលរដ្ឋក្នុងសង្គម ដែលមានអារ្យធម៌ខ្ពស់ ប្រកបដោយសីលធម៌, សមធម៌ និងបរិយាបន្ន, ដែលក្នុងនោះ ស្រ្តីគឺជាស្នូល។សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី មានប្រសាសន៍បែបនេះក្នុងឱកាសអញ្ជើញថ្លែងខ្លឹមសារគន្លឹះក្នុងពិធីបើកមហាសន្និបាត មិត្តកាយឬទ្ធិនារី តំបន់អាស៊ីប៉ាស៊ីហ្វិក លើកទី៧ ក្រោមប្រធានបទ «ស្រមៃមើលឱកាស» នៅខេត្តសៀមរាប នាព្រឹកថ្ងៃអាទិត្យ ទី៥ វិច្ឆិកា ២០២៣។សម្តេចធិបតី បានកោតសសើរ និងវាយតម្លៃខ្ពស់ ចំពោះបេសកកម្មដ៏ថ្លៃថ្លារបស់មិត្តកាយឫទ្ធិនារីតំបន់អាស៊ីប៉ាស៊ីហ្វិក ក្នុងការលើកកម្ពស់ចលនាកាយឫទ្ធិនារីក្នុងតំបន់ ក៏ដូចជាការចូលរួមជាមួយសមាគមកាយឫទ្ធិនារីពិភពលោក ក្នុងការអប់រំ និងបណ្ដុះបណ្ដាលដល់កុមារី យុវតី និងស្រី្តវ័យក្មេង ឱ្យក្លាយជាអ្នកដឹកនាំដែលប្រកបដោយសមត្ថភាព និងទំនុកចិត្ត។ សម្ដេចធិបតី បញ្ជាក់ថា គុណតម្លៃនៃចក្ខុវិស័យរបស់អគ្គស្នងការសមាគមកាយឫទ្ធិនារីកម្ពុជា ក្នុង «ការចង់ឃើញកុមារី យុវតី និងស្ត្រីវ័៏យក្មេងកម្ពុជា រស់នៅក្នុងសីលធម៌, សេរីភាព, សមភាព, សេចក្ដីថ្លៃថ្នូរ និងមានមោទនភាព ចំពោះវប្បធម៌ និងអត្តសញ្ញាណរបស់ខ្លួន» ហើយសម្ដេចគាំទ្រចំពោះមាគ៌ាដ៏ត្រឹមត្រូវរបស់សមាគមកាយឫទ្ធិនារីកម្ពុជា ដែលសមស្របទៅនឹងគោលនយោបាយរបស់រាជរដ្ឋាភិបាល ក្នុងការលើកកម្ពស់សមភាពយេនឌ័រ, តម្លៃស្ត្រី និងការអភិវឌ្ឍសមត្ថភាពយុវជន ដែលជាសសរទ្រូងរបស់ប្រទេសជាតិ ។ សម្ដេចធិបតីបញ្ជាក់ថា៖«ពិភពលោកនឹងកាន់តែសុវត្ថិភាព, ស្រស់បំព្រង, និងកក់ក្តៅជាងមុន ប្រសិនបើមានស្ត្រីក្លាយជាអ្នកដឹកនាំកាន់តែច្រើន»។ ទទ្ទឹមគ្នាជាមួយនឹងពាក្យស្លោកនេះ រាជរដ្ឋាភិបាលកម្ពុជាបានកំណត់សមភាពយេនឌ័រ និងការបង្កើនភាពអង់អាចដល់ស្រ្តី និងក្មេងស្រីនៅគ្រប់វិស័យ ជាអាទិភាពនៅក្នុងរបៀបវារៈគោលនយោបាយរបស់ខ្លួន។ តាមរយៈយុទ្ធសាស្ត្របញ្ចកោណ-ដំណាក់កាលទី១, យើងនឹងពង្រឹងភាពជាពលរដ្ឋក្នុងសង្គម ដែលមានអារ្យធម៌ខ្ពស់ ប្រកបដោយសីលធម៌, សមធម៌ និងបរិយាបន្ន, ដែលក្នុងនោះ ស្រ្តី គឺជាស្នូល ដែលផ្តល់ឱកាសបន្ថែមទៀត សម្រាប់ការចូលរួមរបស់ស្រ្តី ក្នុងការកំណត់ជោគវាសនារបស់ប្រទេសជាតិ ដែលសមាគមកាយឫទ្ធិនារីនេះគឺជាយន្តការដ៏ចម្បងមួយ។ យើងក៏នឹងបង្កើនឱកាសទទួលបានការអប់រំ និងការបណ្តុះបណ្តាលវិជ្ជាជីវៈដល់សិស្ស-និស្សិតនារី តាមរយៈការបង្កើនអាហារូបករណ៍ និងកម្មវិធីបំប៉ន នៅគ្រឹះស្ថានសិក្សា, ការផ្តល់កន្លែងស្នាក់នៅ, ការធានាសុវត្ថិភាព និងការបង្កើនចំនួនគ្រូបង្រៀនជាស្ត្រី, ការបង្កើនសមាមាត្រនៃការចូលរួមរបស់ស្ត្រីឱ្យបានជាអតិបរិមា ក្នុងស្ថាប័នជាតិគ្រប់ថ្នាក់, ការពង្រឹងឱកាសការងារ និងការការពារសិទ្ធិធ្វើការងាររបស់ស្រ្តី, ព្រមទាំងការបន្តតម្លើងតួនាទីរបស់ស្ត្រីក្នុងការធ្វើសេចក្តីសម្រេចចិត្តនៅគ្រប់កម្រិតជាដើម៕

សម្តេចធិបតី៖ រាជរដ្ឋាភិបាលកម្ពុជានឹងបង្កើនភាពជាអ្នកដឹកនាំរបស់ស្រ្តីជាអតិបរមានៅក្នុងគ្រប់ស្ថាប័នរដ្ឋ

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា រាជរដ្ឋាភិបាលនឹងខិតខំបង្កើនភាពអង្គអាចរបស់កុមារី យុវតី បង្កើនការបណ្តុះបណ្តាលលើជំនាញផ្សេងៗទៀតដល់ស្រ្តី រួមទាំង បង្កើនសមមាត្រ ភាពជាអ្នកដឹកនាំរបស់ស្រ្តីជាអតិបរមានៅក្នុងគ្រប់ក្រសួង ស្ថាប័នទាំងអស់របស់រដ្ឋ។ថ្លែងនៅក្នុងអញ្ជើញជាអធិបតី ក្នុងពិធីបើក «មហាសន្និបាត លើកទី៧ មិត្តកាយឫទ្ធិនារីតំបន់អាស៊ីប៉ាស៊ីហ្វិក» ក្រោមប្រធានបទ «ស្រមៃមើលឱកាស» នាខេត្តសៀមរាប នៅព្រឹកថ្ងៃទី៥ ខែវិច្ឆិកា ឆ្នាំ ២០២៣នេះ សម្តេចធិបតី ហ៊ុន ម៉ាណែត បានបញ្ជាក់ថា រាជរដ្ឋាភិបាលកម្ពុជាបានកំណត់សមភាពយេនឌ័រ និងការបង្កើនភាពអង្គអាចដល់ស្រ្តី និងក្មេងស្រីនៅគ្រប់វិស័យ ជាអាទិភាពនៅក្នុងរបៀបវារៈគោលនយោបាយរបស់ខ្លួន ដោយតាមរយៈយុទ្ធសាស្រ្តបច្ចកោណតំណាក់កាលទី១ រាជរដ្ឋាភិបាលនឹង ពង្រឹងភាពពលរដ្ឋនៅក្នុងសង្គម ដែលមានអរិយធម៌ខ្ពស់ ប្រកបដោយសីលធម៌ សមធម៌ និងបរិយាបន្ន ដោយក្នុងនោះស្រ្តីគឺជាស្នូល។សម្តេចធិបតី នាយករដ្ឋមន្រ្តីបានបញ្ជាក់ទៀតថា រាជរដ្ឋាភិបាល«នឹងជំរុញការចូលរួមរបស់យុវតី ក្នុងការកំណត់ជោគវាសនារបស់ប្រទេសជាតិ ដែលមានសមាគមកាយឫទ្ធិនារីជាយន្តការដ៏ចម្បងមួយ។ យើងនឹងបង្កើនឱកាសទទួលបានការអប់រំ និងការបណ្តុះបណ្តាលវិជ្ជាជីវៈ ដល់សិស្ស និស្សិតជានារី តាម រយៈការបង្កើនអាហារូបករណ៍ និងកម្មវិធីបំប៉ននៅគ្រឹះស្ថានសិក្សា, ការផ្តល់កន្លែងស្នាក់នៅ, ការធានាសុវត្ថិភាព និងការបង្កើនចំនួនគ្រូបង្រៀនជាស្រ្តី។ ការបង្កើនសមមាត្រចូលរួមរបស់ស្រ្តីឲ្យបានជាអតិបរិមា នៅក្នុងស្ថាប័នជាតិគ្រប់ថ្នាក់។ ការពង្រឹងឱកាសការងារ និងការពារសិទ្ធិធ្វើការងារជារបស់ស្រ្តី ព្រមទាំង បន្តបង្កើនតួនាទីរបស់ស្រ្តីក្នុងការធ្វើសេចក្តីសម្រេចចិត្តនៅគ្រប់កម្រិតជាដើម»។សម្តេចធិបតី ហ៊ុន ម៉ាណែត បានបន្ថែមទៀតថា ការប្តេជ្ញាចិត្តទាំងនេះរបស់រាជរដ្ឋាភិបាលគឺសម ស្របទៅតាមរាល់សកម្មភាពរបស់សមាគមកាយឫទ្ធិនារីកម្ពុជា ក៏ដូចជាសមាគមកាយឫទ្ធិនារីពិភពលោក ដែរ ដែលបានកំពុងធ្វើដើម្បីលើកកម្ពស់ភាពជាអ្នកដឹកនាំរបស់ស្រ្តីនោះ។នៅក្នុងឱកាសនោះដែរសម្តេចធិបតី ហ៊ុន ម៉ាណែត នាយករដ្ឋមន្រ្តី ក៏បានលើកឡើងផងដែរថា «មហាសន្និបាត លើកទី៧ មិត្តកាយឫទ្ធិនារីតំបន់អាស៊ីប៉ាស៊ីហ្វិក ដែលបានធ្វើឡើងនៅកម្ពុជានាពេលនេះ មិនត្រឹមតែជាព្រឹត្តិការណ៍នៅក្នុង តំបន់អាស៊ីប៉ាហ្វិកប៉ុណ្ណោះទេ វាជាព្រឹត្តិការណ៍ដ៏ធំ និងជាប្រវត្តិសាស្រ្តប្រចាំនៅប្រទេសកម្ពុជាផងដែរ ខណៈព្រឹត្តិការណ៍នេះបានប្រព្រឹត្តិទៅក្រោមម្លប់សន្តិភាព៕ អត្ថបទ៖ បាន ចក់

អាជ្ញាធរជាតិអប្សរា ជួសជុលគំនូរបុរាណព្រះវិហារវត្តរាជបូណ៌ ក្រោមការឧបត្ថម្ភថវិការបស់រដ្ឋាភិបាលឥណ្ឌា

សៀមរាប៖ រដ្ឋមន្ត្រីក្រសួងវប្បធម៌ និងវិចិត្រសិល្បៈនៃប្រទេសកម្ពុជា និងឯកអគ្គរដ្ឋទូតនៃសាធារណរដ្ឋឥណ្ឌា បានអញ្ជើញធ្វើជាអធិបតីក្នុងពិធីបើកសម្ពោធការដ្ឋានអភិរក្ស និងជួសជុលគំនូរបុរាណ ដែលមានអាយុរាប់រយឆ្នាំ នៅក្នុងព្រះវិហារនៃវត្តរាជបូណ៌ ក្នុងទីរួមខេត្តសៀមរាប នាព្រឹកថ្ងៃទី០៣ ខែវិច្ឆិកា ឆ្នាំ២០២៣។ព្រះវិហាររបស់វត្តរាជបូណ៌ បានសាងសង់ឡើងតាំងពីសតវត្សរ៍ទី១៨នៃគ្រីស្ដសករាជ។ ទាំងស្ថាបត្យកម្ម និងការតុបតែងនៅក្នុងទីវត្តនេះ គឺធ្វើតាមរចនាបថខ្មែរសុទ្ធសាធ ដែលបង្ហាញឱ្យឃើញពីស្នាដៃការច្នៃប្រឌិត និងមរតកវប្បធម៌ខ្មែរដ៏សម្បូរបែប។ នៅលើជញ្ជាំងនៃវត្តរាជបូណ៌មានគំនូរបុរាណចំនួនប្រមាណ១៥៧ផ្ទាំង ដែលបង្ហាញពីជីវិតរបស់ព្រះសម្មាសម្ពុទ្ធ រឿងរាមាយណៈ(រាមកេរ្តិ៍)មានបង្ហាញពីឋាននរក និងឋានសួគ៌ ព្រមទាំងជីវិតប្រចាំថ្ងៃរបស់មនុស្សដែរ។ បច្ចុប្បន្ន ស្ថានភាពរបស់ផ្ទាំងគំនូរទាំងអស់នេះ គឺស្ថិតក្នុងការប្រឈមពុកផុយដែលទាមទារឱ្យមានការជួសជុល និងអភិរក្សឡើងវិញជាបន្ទាន់។រដ្ឋមន្ត្រីក្រសួងវប្បធម៌ និងវិចិត្រសិល្បៈនៃព្រះរាជាណាចក្រកម្ពុជា លោកជំទាវ បណ្ឌិតសភាចារ្យ ភឿង សកុណា មានប្រសាសន៍នៅក្នុងពិធីបើកសម្ពោធការដ្ឋានអភិរក្ស និងជួសជុលគំនូរបុរាណនោះថា លោកជំទាវក៏ដូចជាពលរដ្ឋកម្ពុជា គឺពិតជាមានមោទនភាពបំផុត ដែលបានចូលរួមក្នុងគម្រោងអភិរក្ស និងជួសជុលផ្ទាំងគំនូរបុរាណដ៏មានតម្លៃ និងកិត្យានុភាព។លោកជំទាវ ភឿង សកុណា មានប្រសាសន៍ទៀតថា រាជរដ្ឋាភិបាលកម្ពុជានិងរដ្ឋាភិបាលឥណ្ឌា បានចុះហត្ថលេខាលើកិច្ចព្រមព្រៀងហិរញ្ញប្បទាន ដើម្បីអភិរក្សគំនូរបុរាណនៅក្នុងព្រះវិហារនៃវត្តរាជបូណ៌នេះតាំងតែពីថ្ងៃទី១២ ខែវិច្ឆិកា ឆ្នាំ២០២២។ លោកជំទាវជឿជាក់យ៉ាងមុតមាំថា ការប្តេជ្ញាចិត្តរបស់យើងក្នុងការការពារគំនូរដ៏មានអត្ថន័យ និងមានតម្លៃទាំងនេះនៅតែរឹងមាំ។លោកជំទាវបណ្ឌិត ឯកអគ្គរដ្ឋទូតសារណរដ្ឋឥណ្ឌា ដេវីយ៉ានី ខូប្រាកេឌី (Devyani KhoBragade)ក៏មានប្រសាសន៍ដែរថា ការគាំទ្រលើគម្រោងអភិរក្ស និងជួសជុលគំនូរបុរាណក្នុងព្រះវិហារនៃវត្តរាជបូណ៌នេះ គឺឥណ្ឌាមានគោលបំណងស្តារឡើងវិញ ព្រមទាំងពង្រឹងទំនាក់ទំនងវប្បធម៌ ការលើកកម្ពស់ការយល់ដឹងពីគ្នាទៅវិញទៅមក ការគោរព និងការដឹងគុណចំពោះប្រវត្តិសាស្ត្រ និងវប្បធម៌របស់ប្រទេសទាំងពីរ។ តាំងពីឆ្នាំ២០០៥មក អ្នកជំនាញរបស់អាជ្ញាធរជាតិអប្សរាបានចូលរួមយ៉ាងសកម្មនៅក្នុងកិច្ចអភិរក្ស និងថែរក្សាសំណង់ទាំងឡាយរបស់វត្តរាជបូណ៌ ហើយចាប់ពីឆ្នាំ២០១៤-២០២០ វត្តរាជបូណ៌ត្រូវបានចុះទៅក្នុងបញ្ជីបេតិកភណ្ឌជាតិកម្ពុជា៕

លោកស្រី Yellen៖ បណ្តាប្រទេសឥណ្ឌូ-ប៉ាស៊ីហ្វិក មិនគួរត្រូវជ្រើសរើសរវាងអាមេរិក និងចិនទេ

រដ្ឋមន្ត្រីក្រសួងរតនាគារអាមេរិក លោកស្រី Janet Yellen កាលពីថ្ងៃព្រហស្បតិ៍ (០២ វិច្ឆិកា) បានព្យាយាមធានាដល់បណ្តាប្រទេសនៅអាស៊ីថា វិធីសាស្រ្តរបស់សហរដ្ឋអាមេរិក ទៅកាន់ប្រទេសចិន នឹងមិននាំទៅរកការបែងចែកដ៏មហន្តរាយនៃសេដ្ឋកិច្ចពិភពលោក ដែលនឹងបង្ខំឱ្យពួកគេត្រូវបែងចែកបក្ខពួកនោះទេ។នៅក្នុងសុន្ទរកថាមួយនៅមុនកិច្ចប្រជុំកំពូលកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក ដែលរៀបចំដោយសហរដ្ឋអាមេរិក នៅទីក្រុងសាន់ហ្វ្រាន់ស៊ីស្កូ នៅចុងខែនេះ លោកស្រី Yellen បាននិយាយថាការផ្ដាច់ទាំងស្រុងនៃសេដ្ឋកិច្ចអាមេរិក និងចិន គឺ «មិនជាក់ស្តែងនោះទេ» ជាពិសេសដោយសារតែភាពស្មុគស្មាញនៃខ្សែសង្វាក់ផ្គត់ផ្គង់អាស៊ី និងទំនាក់ទំនងសេដ្ឋកិច្ចយ៉ាងស៊ីជម្រៅជាមួយប្រទេសចិនក្នុងតំបន់។ការអត្ថាធិប្បាយរបស់លោកស្រី បានស្វះស្វែងរកការធានាចំពោះការព្រួយបារម្ភកាន់តែខ្លាំងឡើងអំពីការបែងចែកភូមិសាស្ត្រនយោបាយនៃសេដ្ឋកិច្ចពិភពលោក ទៅជាគូបដិបក្ខដែលដឹកនាំដោយសហរដ្ឋអាមេរិក និងប្រទេសចិន ខណៈដែលការគ្រប់គ្រងបច្ចេកវិទ្យាការនាំចេញ និងសន្តិសុខជាតិ បានកើនឡើងរវាងប្រទេសដែលមានសេដ្ឋកិច្ចធំជាងគេទាំងពីនេះ ហើយលោកស្រីក៏បានបញ្ជាក់ជាថ្មីថា សហរដ្ឋអាមេរិក មិនព្យាយាមផ្តាច់ខ្លួនពីប្រទេសចិននោះទេ៕

អាមេរិកដាក់ទណ្ឌកម្មថ្មីលើរុស្ស៊ី ជុំវិញសង្គ្រាមនៅអ៊ុយក្រែន

សហរដ្ឋអាមេរិក កាលពីថ្ងៃព្រហស្បតិ៍ (២ វិច្ឆិកា) បានដាក់ចេញនូវវិធានការថ្មីប្រឆាំងនឹងទីក្រុងមូស្គូ ជុំវិញសង្គ្រាមនៅអ៊ុយក្រែន ដោយផ្តោតលើសមត្ថភាពថាមពលនាពេលអនាគតរបស់រុស្ស៊ី ការគេចវេះពីទណ្ឌកម្ម និងយានដ្រូនអត្តឃាត ដែលជាការគំរាមកំហែងដល់កងទ័ព និងគ្រឿងយុទ្ធោបករណ៍អ៊ុយក្រែន ក្នុងចំណោមប្រទេសដទៃទៀត នៅក្នុងការដាក់ទណ្ឌកម្មលើមនុស្សរាប់រយនាក់ និង អង្គភាពនានា។ក្រសួងការបរទេសអាមេរិក បាននិយាយនៅក្នុងសេចក្តីថ្លែងការណ៍មួយថា វិធានការចុងក្រោយបំផុតនេះ កំណត់គោលដៅលើអង្គភាពធំមួយដែលពាក់ព័ន្ធនឹងការអភិវឌ្ឍន៍ ប្រតិបត្តិការ និងកម្មសិទ្ធិនៃគម្រោងដ៏ធំនៅស៊ីបេរី ដែលគេស្គាល់ថាជាអាកទិក-២ LNG ។ គម្រោងនេះរំពឹងថា នឹងបញ្ជូនឧស្ម័នធម្មជាតិត្រជាក់ ឬឧស្ម័នធម្មជាតិរាវទៅកាន់ទីផ្សារពិភពលោក។នាយកដ្ឋានពាណិជ្ជកម្មបាននិយាយនៅក្នុងសេចក្តីថ្លែងការណ៍មួយថា រដ្ឋបាលលោកប្រធានាធិបតីអាមេរិក Joe Biden កាលពីថ្ងៃព្រហស្បតិ៍ បានបន្ថែមក្រុមហ៊ុនរុស្ស៊ីរាប់សិបកន្លែងទៅក្នុងបញ្ជីខ្មៅពាណិជ្ជកម្ម សម្រាប់ការគាំទ្រយោធារបស់រុស្ស៊ី ជាមួយនឹងយានដ្រូនដែលអាចត្រូវបានប្រើដើម្បីជួយក្នុងការលុកលុយរបស់ទីក្រុងម៉ូស្គូ ទៅលើអ៊ុយក្រែន ផងដែរ។វិមានក្រឹមឡាំងរបស់រុស្ស៊ី បាននិយាយកាលពីថ្ងៃព្រហស្បតិ៍ នៅមុនចំណាត់ការរបស់អាមេរិកនេះថា ខ្លួនរំពឹងថាលោកខាងលិច នឹងដាក់ទណ្ឌកម្មកាន់តែតឹងរ៉ឹងលើរុស្ស៊ីជុំវិញសង្គ្រាមនៅអ៊ុយក្រែន ប៉ុន្តែមានការយល់ដឹងកាន់តែខ្លាំងឡើងថា ការពិន័យបែបនេះបានត្រឹមតែធ្វើឲ្យប៉ះពាល់ដល់ផលប្រយោជន៍លោកខាងលិចប៉ុណ្ណោះ ខណៈសេដ្ឋកិច្ចរបស់រុស្ស៊ី កំពុងសម្របខ្លួនបានល្អជាធម្មតា៕

សភាអាមេរិកអនុម័តសេចក្តីស្នើច្បាប់ជំនួយដល់អ៊ីស្រាអែលរបស់គណបក្សសាធារណៈរដ្ឋ ប្រឈមភាពជាប់គាំងនៅព្រឹទ្ធសភា

សភារបស់សហរដ្ឋអាមេរិក កាលពីថ្ងៃព្រហស្បតិ៍ បានអនុម័តផែនការរបស់គណបក្សសាធារណៈរដ្ឋដើម្បីផ្តល់ជំនួយចំនួន១៤,៣ ពាន់លានដុល្លារដល់ប្រទេសអ៊ីស្រាអែល ខណៈប្រទេសនេះប្រយុទ្ធជាមួយក្រុមហាម៉ាស់ ទោះបីជាមានភាពរឹងរុះរបស់គណបក្សប្រជាធិបតេយ្យ ដែលខ្លួនគ្មានផែនការនៅក្នុងព្រឹទ្ធសភា និងការសន្យារបស់សេតវិមានចំពោះការប្រើប្រាស់សិទ្ធវ៉េតូក៏ដោយ។ ចំណាត់ការនេះ ត្រូវបានអនុម័ត ២២៦សំឡេងទល់នឹង១៩៦សំឡេង ភាភច្រើនធ្វើតាមខ្សែគណបក្ស ដោយសមាជិកគណបក្សសាធារណៈរដ្ឋភាគច្រើនគំាទ្រសេចក្តីព្រាងច្បាប់នេះ ហើយគណបក្សប្រជាធិបតេយ្យភាគច្រើនបានជំទាស់។ ការណែនាំនៃពង្រាងច្បាប់ គឺជាសកម្មភាពនីតិបញ្ញត្តិចម្បងដំបូង ស្ថិតនៅក្រោមប្រធានសភាថ្មីគណបក្សសាធារណៈរដ្ឋ លោក Mike Johnson ។ ប្រធានាធិបតី លោក Joe Biden បានព្រមានការប្រើសិទ្ធវ៉េតូ ហើយព្រឹទ្ធសភាលោក Chuck Schumer ជាមេដឹកនាំមានសំឡេងភាគច្រើននៅព្រឹទ្ធសភាគ្រប់គ្រងដោយគណបក្សប្រជាធិបតេយ្យ បាននិយាយថា លោកនឹងមិនលើកវាយកមកសម្រាប់ការបោះឆ្នោតនោះទេ។លោក Biden បានស្នើសុំឲ្យសភាអនុម័តកញ្ចប់ថវិកាចំណាយបន្ទាន់ចំនួន១០៦ពាន់លានដុល្លារ រួមមានការផ្តល់មូលនិធិសម្រាប់ប្រទេសអ៊ីស្រាអែល កោះតៃវ៉ាន់ និងប្រទេសអ៊ុយក្រែន ព្រមទាំងជំនួយមនុស្សធម៌។ លោក Schumer និយាយថាព្រឹទ្ធសភានឹងពិចារណាពង្រាងច្បាប់ទ្វេបក្ស ដោះស្រាយអាទិភាពកាន់តែទូលំទូលាយ។ មូលនិធិនៅក្នុង សេចក្តីព្រាងច្បាប់នៅសភា មាន រាប់ពាន់លាន់ដុល្លារសម្រាប់យោធាអ៊ីស្រាអែល រួមទាំង៤ពាន់លានសម្រាប់ការទិញប្រព័ន្ធសព្វាវុធ Iron Dome របស់អ៊ីស្រាអែល និងប្រព័ន្ធការពារ David's Sling ដើម្បីរារាំងការគំរាមគ្រាប់រ៉ុក្កែតរយៈចម្ងាយជិត ព្រមទាំងការផ្ទេរយុទ្ធោបករណ៍មួយចំនួនពីឃ្លាំងស្តុករបស់សហរដ្ឋអាមេរិក។

កីឡាករប្រដាល់មីយ៉ាន់ម៉ា Dave Leducថា ពលរដ្ឋកម្ពុជាគ្រប់គ្នាមានភាពរួសរាយរាក់ទាក់ និងមានចិត្តល្អ និងណែនាំលោកខាងលិច ត្រូវការស្វែងយល់បន្ថែមទៀតអំពីប្រទេសកម្ពុជា

ភ្នំពេញ៖ កីឡាករប្រដាល់ មីយ៉ាន់ម៉ា លោក ដាវ លឺដុឌ (Dave Leduc) បានសរសេរនៅលើទំព័រហ្វេសប៊ុករបស់ខ្លួននាថ្ងៃទី ៣ខែវិច្ឆិកា ឆ្នាំ ២០២៣នេះ ក្រោយបានជួបជាមួយសម្ដេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជាថា ពលរដ្ឋកម្ពុជាគ្រប់គ្នាមានភាពរួសរាយរាក់ទាក់ និងមានចិត្តល្អ និងណែនាំលោកខាងលិចត្រូវការស្វែងយល់បន្ថែមទៀតអំពីប្រទេសកម្ពុជា។ កីឡាករប្រដាល់ មីយ៉ាន់ម៉ារូបនេះ បានសរសេរថា នេះពិតជាកិត្តិយសដ៏ឧត្តុងឧត្តម និងទទួលបានឯកសិទ្ធិក្រៃលែងដែលត្រូវបានអញ្ជើញដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជាមកកាន់វិមានសន្តិភាព។ សម្តេចមានការអប់រំដ៏ខ្ពង់ខ្ពស់ ហើយបាននិយាយជាមួយខ្ញុំជាភាសាកំណើតរបស់ខ្ញុំគឺ ភាសាបារាំង និងភាសាអង់គ្លេស។ ខ្ញុំមានការចាប់អារម្មណ៍យ៉ាងខ្លាំង។ កីឡាកររូបនេះបញ្ជាក់ថា៖«សម្តេចជាសុភាពបុរសមួយរូបដោយបានយកចិត្តទុកដាក់មែនទែនដល់ភរិយារបស់ខ្ញុំ Irina ត្រូវតែមានវត្តមាននៅក្នុងការថតរូបជាមួយគ្នា»។ កីឡាករប្រដាល់ មីយ៉ាន់ម៉ា លោក ដាវ លឺដុឌ បញ្ជាក់ថា៖«ខ្ញុំមានអារម្មណ៍ទទួលបានការស្វាគមន៍យ៉ាងកក់ក្តៅនៅព្រះរាជាណាចក្រកម្ពុជា។ គ្រប់គ្នាមានភាពរួសរាយរាក់ទាក់ និងមានចិត្តល្អ។ ខ្ញុំគិតថា លោកខាងលិចត្រូវការស្វែងយល់បន្ថែមទៀតអំពីប្រទេសកម្ពុជា។ ខ្ញុំស្រឡាញ់ប្រទេសនេះរួចទៅហើយ ហើយខ្ញុំឃើញសក្ដានុពលជាច្រើនក្នុងការប្រើក្បាច់គុនដើម្បីពង្រីកវិស័យទេសចរណ៍។ ដូចដែលសម្តេច ហ៊ុន ម៉ាណែត បានមានប្រសាសន៍ក្នុងកិច្ចប្រជុំរបស់យើងថា សម្តេចគាំទ្រយ៉ាងពេញទំហឹងចំពោះក្បាច់គុនបុរាណ ហើយកងទ័ពត្រូវបានស្នើឱ្យរៀនគុនខ្មែរ ដើម្បីឱ្យមានវិន័យ និងកម្លាំងរឹងមាំ»។ លោកបន្តថា៖«ខ្ញុំគិតថា វាជាគំនិតផ្តួចផ្តើមដ៏អស្ចារ្យ។ ខ្ញុំបានបង្ហាញថា ការប្រកួតនេះគឺគ្រាន់តែជាការចាប់ផ្តើមនៃការចូលរួមរបស់ខ្ញុំនៅកម្ពុជាតែប៉ុណ្ណោះ។ ការប្រកួតនេះមានតែអ្នកឈ្នះមួយរូបគត់ ហើយកំពុងទាក់ទាញចំណាប់អារម្មណ៍ទូទាំងពិភពលោកមកលើកម្ពុជា និងគុនខ្មែរ។ ខ្ញុំគិតថាការរីកចម្រើនដ៏ធំនឹងកើតមានឡើង ហើយខ្ញុំចង់ជួយប្រជាជនក្នុងដំណើរផ្សងព្រេងនេះ។ ប៉ុន្តែមុនពេលយើងចាប់ផ្តើម ខ្ញុំមានការប្រកួតដ៏ធំបំផុតក្នុងអាជីពរបស់ខ្ញុំនៅថ្ងៃអាទិត្យនេះ។ កុំភ្លេចទស្សនានៅថ្ងៃអាទិត្យ។ អរគុណអ្នកទាំងអស់គ្នាសម្រាប់ការគាំទ្រ»៕

ក្រុមហ៊ុន TikTok បដិសេធជុំវិញការជំរុញមាតិកាគាំទ្រប៉ាឡេស្ទីន

កម្មវិធីវីដេអូកម្សាន្តទម្រង់ខ្លី TikTok បាននិយាយកាលពីថ្ងៃព្រហស្បតិ៍ (២ វិច្ឆិកា) ថា វីដេអូមានភ្ជាប់សារបង្ហោះ ដែលបង្ហាញពីការគាំទ្រសម្រាប់អ៊ីស្រាអែល ក្នុងសង្រ្គាមរបស់ខ្លួនប្រឆាំងនឹងក្រុមហាម៉ាស បានទទួលការចូលមើលច្រើនជាង វីដេអូភ្ជាប់សារបង្ហោះ ដែលគាំទ្រប៉ាឡេស្ទីន ដោយបដិសេធការចោទប្រកាន់ថា វេទិកានេះបានជំរុញមាតិកាគាំទ្រប៉ាឡេស្ទីន។នៅក្នុងសារបង្ហោះមួយ ក្រុមហ៊ុន TikTok បាននិយាយថា នៅក្នុងសហរដ្ឋអាមេរិក វីដេអូមានភ្ជាប់សារបង្ហោះ «គាំទ្រសម្រាប់អ៊ីស្រាអែល» ទទួលបានអ្នកចូលទស្សនាជាង ៤៦លានដង ចន្លោះថ្ងៃទី៧ ដល់ថ្ងៃទី៣១ ខែតុលា ប្រៀបធៀបនឹងតួលេខចូលមើលចំនួន ២៩លានដង នៃវីដេអូមានភ្ជាប់សារបង្ហោះ «គាំទ្រសម្រាប់ប៉ាឡេស្ទីន» ក្នុងរយៈពេលដូចគ្នានេះ។ក្រុមហ៊ុននេះបានបន្ថែមថា «ក្នុងរយៈពេលប៉ុន្មានថ្ងៃចុងក្រោយនេះ មានការវិភាគមិនសមហេតុផលជាំច្រើននៃទិន្នន័យសារភ្ជាប់ក្នុងវីដេអូ TikTok ជុំវិញជម្លោះដ៏តានតឹងនេះ ដែលបណ្តាលឱ្យអ្នកអត្ថាធិប្បាយមួយចំនួន យល់ខុសថាក្រុមហ៊ុន TikTok កំពុងជំរុញមាតិកាគាំទ្រប៉ាឡេស្ទីន ឲ្យលប់លើមាតិកាដែលគាំទ្រអ៊ីស្រាអែល ដល់អ្នកប្រើប្រាស់សហរដ្ឋអាមេរិក»។គួររម្លឹកផងដែរថា ខ្មាន់កាំភ្លើងក្រុមហាម៉ាស បានសម្លាប់មនុស្សជាង ១.៤០០នាក់ នៅក្នុងប្រទេសអ៊ីស្រាអែល កាលពីថ្ងៃទី៧ ខែតុលា ហើយការទម្លាក់គ្រាប់បែកជាបន្តបន្ទាប់របស់អ៊ីស្រាអែល ទៅលើតំបន់ហ្កាហ្សា បានសម្លាប់មនុស្សជាង ៩.០០០នាក់ នេះបើយោងតាមក្រុមអាជ្ញាធរតំបន់ហ្កាហ្សា។ ក្រុមហ៊ុន TikTok បាននិយាយថា ខ្លួនបានលុបវីដេអូជាង ៩២៥.០០០វីដេអូ នៅក្នុងតំបន់ចាប់តាំងពីថ្ងៃទី៧ ខែតុលា មកសម្រាប់ការបំពានគោលនយោបាយអំពីអំពើហិង្សា និងព័ត៌មានមិនពិតរបស់ខ្លួន៕

បណ្ដាញសង្គម

ព័ត៌មានថ្មីៗ

អាមេរិក ដកទណ្ឌកម្មលើសម្ព័ន្ធមិត្តយោធាមីយ៉ាន់ម៉ា បន្ទាប់ពីប្រមុខរបបសឹកសរសើរលោក Trump

ក្រសួងការងារ ថ្កោលទោសការប្រើប្រាស់អំពើហិង្សាពីសំណាក់ពលរដ្ឋថៃមកលើពលរដ្ឋស៊ីវិលខ្មែរ

[BREAKING NEWS] ក្រុមប្រឹក្សាសន្តិសុខអង្គការសហប្រជាជាតិ នឹងជួបគ្នានៅថ្ងៃសុក្រនេះ ស្ដីពីការប៉ះទង្គិចគ្នារវាងថៃនិងកម្ពុជា

រដ្ឋបាលខេត្តសៀមរាប ត្រៀមសម្របសម្រួលកន្លែងស្នាក់នៅ និងផ្គត់ផ្គង់អាហារជូនបងប្អូនភៀសខ្លួនពីខេត្តឧត្តរមានជ័យ និងខេត្តព្រះវិហារ

TOP STORY | សម្ដេចតេជោ៖ថាក់ សុីន ប្រើប្រាស់សង្រ្គាមដើម្បីសងសឹក ហ៊ុន សែន ដែលលទ្ធផលចុងក្រោយគឺប្រជាជនជាអ្នករងគ្រោះ

ប្រធានអាស៊ានប្តូរវេន អំពាវនាវដល់មេដឹកនាំកម្ពុជា និងថៃ អនុវត្តបទឈប់បាញ់ជាបន្ទាន់ និងសន្ទនាដោយសន្តិវិធី

ទេសរដ្ឋមន្រ្តី គន់ គីម ចុះសួរសុខទុក្ខ និងរៀបចំបញ្ជូនអំណោយជូនជនភៀសសឹកក្នុងខេត្តឧត្តរមានជ័យ

កុមារខ្វះអាហារូបត្ថម្ភទទួលការព្យាបាលនៅមន្ទីរពេទ្យហ្កាហ្សា ខណៈវិបត្តិអត់ឃ្លានកាន់តែអាក្រក់ខ្លាំង

ហ៊្សកដានី បញ្ជូនជំនួយចូលទៅកាន់តំបន់ហ្កាហ្សា ស្របពេលដែលភាពអត់ឃ្លានកាន់តែអាក្រក់ខ្លាំង

រថយន្តក្រុងធ្វើដំណើរទៅកាន់ទីក្រុង Sweida ប្រទេសស៊ីរី ដើម្បីជម្លៀសជនស៊ីវិល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ឯកឧត្តម ប៉ែន បូណា៖ «សេរីភាព និងការទទួលខុសត្រូវមិនអាចកាត់ផ្តាច់ចេញពីគ្នាបានឡើយ»

សម្ដេចធិបតី ជូនពរបេក្ខជនប្រឡងបាក់ឌុបទទួលបាននិទ្ទេសល្អគ្រប់ៗគ្នា

សម្តេចធិបតី៖ រាជរដ្ឋាភិបាលកម្ពុជានឹងបង្កើនភាពជាអ្នកដឹកនាំរបស់ស្រ្តីជាអតិបរមានៅក្នុងគ្រប់ស្ថាប័នរដ្ឋ

អាជ្ញាធរជាតិអប្សរា ជួសជុលគំនូរបុរាណព្រះវិហារវត្តរាជបូណ៌ ក្រោមការឧបត្ថម្ភថវិការបស់រដ្ឋាភិបាលឥណ្ឌា

លោកស្រី Yellen៖ បណ្តាប្រទេសឥណ្ឌូ-ប៉ាស៊ីហ្វិក មិនគួរត្រូវជ្រើសរើសរវាងអាមេរិក និងចិនទេ

អាមេរិកដាក់ទណ្ឌកម្មថ្មីលើរុស្ស៊ី ជុំវិញសង្គ្រាមនៅអ៊ុយក្រែន

ក្រុមហ៊ុន TikTok បដិសេធជុំវិញការជំរុញមាតិកាគាំទ្រប៉ាឡេស្ទីន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ឯកឧត្តម ប៉ែន បូណា៖ «សេរីភាព និងការទទួលខុសត្រូវមិនអាចកាត់ផ្តាច់ចេញពីគ្នាបានឡើយ»

សម្ដេចធិបតី ជូនពរបេក្ខជនប្រឡងបាក់ឌុបទទួលបាននិទ្ទេសល្អគ្រប់ៗគ្នា

អាជ្ញាធរជាតិអប្សរា ជួសជុលគំនូរបុរាណព្រះវិហារវត្តរាជបូណ៌ ក្រោមការឧបត្ថម្ភថវិការបស់រដ្ឋាភិបាលឥណ្ឌា

លោកស្រី Yellen៖ បណ្តាប្រទេសឥណ្ឌូ-ប៉ាស៊ីហ្វិក មិនគួរត្រូវជ្រើសរើសរវាងអាមេរិក និងចិនទេ

អាមេរិកដាក់ទណ្ឌកម្មថ្មីលើរុស្ស៊ី ជុំវិញសង្គ្រាមនៅអ៊ុយក្រែន

ក្រុមហ៊ុន TikTok បដិសេធជុំវិញការជំរុញមាតិកាគាំទ្រប៉ាឡេស្ទីន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍