នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី
TOP STORY | ខណៈព្រំដែនកំពុងមានការផ្ទុះអាវុធ, សម្តេចតេជោ ហ៊ុន សែន ប្រាប់ពលរដ្ឋឲ្យជឿទុកចិត្ត​លើ​រាជរដ្ឋាភិបាល និងកងទ័ព

នយោបាយ​ និង ការអភិវឌ្ឍន៍

រដ្ឋបាលរាជធានី និងជំនាញពាក់ព័ន្ធប្រជុំរៀបចំការពារ និងដោះស្រាយបញ្ហានានាក្នុងការប្រឡងបាក់ឌុប

2023/11/03 11:35:15 am        118
Facebook Telegram Linkin
ភ្នំពេញ៖ ក្នុងរយៈពេល២ថ្ងៃគឺថ្ងៃទី០៦ និងទី០៧ ខែវិច្ឆិកាឆ្នាំ២០២៣នេះ អាជ្ញាធររាជធានីភ្នំពេញ​បានធ្វើការណែនាំឱ្យកម្លាំងនគរបាលទាំងអស់ ពិសេស​កងកម្លាំងនៃអធិការដ្ឋាន​នគរបាលខណ្ឌទាំង១៤ នៅក្នុងរាជធានីភ្នំពេញ ដាច់ខាតមិនឱ្យដាក់កម្លាំង​រឹតបន្តឹងច្បាប់​ចរាចរ​ផ្លូវគោកនោះទេ តែត្រូវសម្រួលចរាចរណ៍ដល់សិស្សានុសិស្ស​បានទៅប្រឡងសញ្ញាបត្រមធ្យមសិក្សាទុតិយភូមិទាន់ពេលវេលា។នេះជាការណែនាំរបស់លោក កើត ឆែ អភិបាលស្តីទី នៃគណៈអភិបាលរាជធានីភ្នំពេញ ក្នុង​កិច្ចប្រជុំស្តីពីវិធានការរៀបចំការប្រទ្បងសញ្ញាបត្រមធ្យមសិក្សាទុតិយភូមិ នាព្រឹកថ្ងៃទី០៣ ខែវិច្ជិកា ឆ្នាំ២០២៣ នៅសាលារាជធានីភ្នំពេញ ដែលកិច្ចប្រជុំនេះ ​មានការចូលរួម​​ពីអង្គភាពប្រឆាំងអំពើពុករលួយ និងតំណាងក្រសួងអប់រំ យុវជន និងកីឡា ព្រមទាំងអាជ្ញាធរ និងកងកម្លាំងទាំង១៤ខណ្ឌ ដែលកិច្ចប្រជុំនេះធ្វើឡើងដើម្បីពង្រឹង សន្តិសុខ សណ្តាប់ធ្នាប់ នៅក្នុងការប្រឡង សំខាន់ឱ្យដំណើរការនៃការប្រឡងនេះ ទទួលបានជោគជ័យ និងមិនមានភាពថ្លោះធ្លោយ ។លោក កើត ឆែ បានធ្វើការណែនាំឱ្យអាជ្ញាធរ ក៏ដូចជាកងកម្លាំងប្រដាប់អាវុធទាំងអស់ត្រូវពង្រឹង​សុវត្ថិភាពនៅគ្រប់មណ្ឌលប្រឡងទាំងអស់​ ធ្វើយ៉ាងណាកុំឱ្យមានភាពឆក់ល្វែងណាមួយកើតឡើង នៅពេលប្រឡងនេះ។បន្ថែមពីនេះលោកក៏បានណែនាំទៅឱ្យអាជ្ញាធរខណ្ឌត្រូវចុះពិនិត្យរដ្ឋបាលចំពោះមណ្ឌលប្រឡងណា ដែលមានប្រជាពលរដ្ឋស្នាក់នៅ និងបានណែនាំទៅមន្ទីរសុខាភិបាល ត្រូវដាក់ក្រុមគ្រូពេទ្យ ដើម្បីព្យាបាលក៏ដូចជាសង្គ្រោះនៅពេលដែលមានបេក្ខជនជនណាមួយមានបញ្ហាសុខភាព។ពាក់ព័ន្ធនឹងការផ្ញើកង់ ម៉ូតូវិញ លោក កើត ឆែ ​បានណែនាំមិនឱ្យប្រាក់ឡើយ ​នៅពេលប្រលង​២ថ្ងៃនេះ ដោយរាល់ការចំណាយទាំងនេះ គឺរដ្ឋបាលរាជធានីភ្នំពេញជាអ្នករ៉ាប់រង៕អត្ថបទ ៖ ប្រាក់ វ៉ាន់ដា 

មន្ទីរកិច្ចការនារីខេត្តឧត្តរមានជ័យ បើកវេទិកាស្តីពីការលើកកម្ពស់សីលធម៌សង្គមតម្លៃស្រ្តី និងគ្រួសារខ្មែរ

2023/11/03 11:26:38 am        100
Facebook Telegram Linkin
ឧត្ដរមានជ័យ៖ នៅព្រឹកថ្ងៃទី៣ ខែវិច្ឆិកាឆ្នាំ២០២៣នេះ មន្ទីរកិច្ចការនារីខេត្តឧត្តរមានជ័យ បើកវេទិកាផ្សព្វផ្សាយស្តីពីការលើកកម្ពស់សីលធម៌សង្គម តម្លៃស្រ្តី និងគ្រួសារខ្មែរ ក្រោមប្រធានបទ "ឥរិយាបថរបស់យុវវ័យ នៅក្នុងយុគសម័យ ឌីជីថល"។ក្នុងវេទិកាផ្សព្វផ្សាយនោះដែរលោកស្រីឯក សុភារុំ ប្រធានមន្ទីរកិច្ចការនារីខេត្តឧត្តរមានជ័យ បាន​មានប្រសាសន៍​ណែនាំ​ដល់ប្អូនៗយុវវ័យទាំងអស់ដែលជាសិស្សានុសិស្ស កំពុងសិស្សា​ក្រេប​យក​ចំណេះ​ដឹង​ធ្វើយ៉ាងណាត្រូវបន្តខិតខំពង្រឹងថែរក្សាវប្បធម៌ប្រពៃណៃខ្មែរ យើងឲ្យបានល្អ​ប្រសើរ​ផូរផង់ ​និងមានសីលធម៌ល្អប្រពៃ​មិនត្រូវប្រាកចាកធ្វើខុសនូវសីលធម៌តម្លៃស្រ្តីរបស់ខ្មែរ​នោះឡើយ ស្របតាមសម័យយុគសម័យ ​ឌីជីថលនោះ។លោកស្រីប្រធាន បានបន្តថា ស្របពេល​បច្ចុប្បន្ន​នេះ​ក្នុងយុគសម័យឌីជីថល នេះដែរប្អូនៗដែល​ជា​សិស្សានុសិស្សមានទូរស័ព្ទត្រូវប្រើប្រាស់វាឲ្យមានប្រយោជន៍​ និងមាន​តម្លៃចំគោលដៅ​ក្នុងការ​សិក្សា មិនត្រូវប្រើប្រាស់ប្រព័ន្ធឌីជីថលនេះ ដោយគ្មានប្រយោជន៍នោះទេ​ គឺអាចនាំឲ្យប្អូនៗ​សិស្សានុសិស្ស មាន​ការខុសឆ្គង​ដោយប្រការណាមួយផងដែរ។ក្នុងនោះដែរ​លោកជំទាវ មុំ ពុទ្ធីតា អភិបាលរងខេត្តតំណាង​ឲ្យ​អភិបាល​ខេត្តឧត្តរមានជ័យ​បាន​ធ្វើការផ្តាំផ្ញើរដល់ប្អូនៗយុវវ័យ​សិស្សានុសិស្សទាំងអស់​ដែល​មានវត្តមាន​នៅ​ក្នុងពេលនេះធ្វើ​យ៉ាងណា​ត្រូវខិតខំរៀនសូត្រ​ឲ្យបានពូកែ ដើម្បីក្លាយ​ជាសិស្សល្អកូនល្អអាចជួយដល់​ក្រុមគ្រួសារ​របស់​ប្អូនៗ​ក៏​ដូចជាជួយដល់សង្គមផងដែរ។លោកជំទាវ បានអំពាវនាវដល់ប្អូនៗសិស្សានុសិស្សទាំង​អស់​ត្រូវចៀស​ឲ្យ​ឆ្ងាយ​ពី​អំពើឧបាយមុខ​ផ្សេងៗ​ដូចជា​៖ គ្រឿងញៀនជាដើម ពិសេសនោះ​សីលធម៌ប្រពៃណី​សង្គម​ការប្រើប្រាស់​ឥរិយាបថ​ចំពោះ​ចាស់ព្រឹទ្ធាចារ្យ​ ត្រូវមាន​សំដីទន់ភ្លន់​ចំពោះ​ការ​ប្រាស្រ័យ​ទាក់ទង​អ្វីមួយ​ឲ្យ​បាន​ល្អប្រសើរ​សមជាកូនខ្មែរ និងជាទំពាំង​ស្នង​ឫស្សី​សម្រាប់​សង្គមផងដែរ៕ 

កូរ៉េខាងត្បូង៖ កូរ៉េខាងជើងទំនង បានផ្តល់គ្រឿងសព្វាវុធចំនួន ២.០០០ កុងតេន័រឲ្យទៅរុស្ស៊ី

2023/11/03 11:11:44 am        153
Facebook Telegram Linkin
យោធាកូរ៉េខាងត្បូង បាននិយាយថា កូរ៉េខាងជើងទំនងជាបានផ្តល់អាវុធ និងគ្រាប់រំសេវប្រហែល ២.០០០ កុងតេន័រឲ្យទៅរុស្ស៊ី ដែលអាចរាប់បញ្ចូលទាំងមីស៊ីលបាលីស្ទីករយៈចម្ងាយខ្លីផងដែរ។ មន្ត្រីយោធាកូរ៉េខាងត្បូងកាលពីថ្ងៃព្រហស្បតិ៍បានចេញផ្សាយការវាយតម្លៃអំពីការគាំទ្រផ្នែកយោធារបស់ទីក្រុងព្យុងយ៉ាងចំពោះទីក្រុងមូស្គូ។ពួកគេបាននិយាយថា មានការចង្អុលបង្ហាញពីកូរ៉េខាងជើងដែលផ្គត់ផ្គង់គ្រឿងសព្វាវុធដល់រុស្ស៊ីចាប់តាំងពីពាក់កណ្តាលឆ្នាំ២០២២មក ហើយការជួញដូរអាវុធតាមរយៈផ្លូវសមុទ្របានកើនឡើងកាលពីខែ សីហា។ សកម្មភាពទាំងនេះ បានកើតឡើង មិនយូរប៉ុន្មាន មុនជំនួបកំពូលរវាងមេដឹកនាំកូរ៉េខាងជើងលោក Kim Jong Un និងប្រធានាធិបតីរុស្ស៊ីលោក Vladimir Putin។ក្រុមមន្ត្រីបាននិយាយថា កុងតឺណឺ ប្រហែល ២.០០០ គ្រឿង អាចត្រូវបានដឹកជញ្ជូនពីកំពង់ផែ រ៉ាជីន(Rajin) ភាគឦសានរបស់ប្រទេសកូរ៉េខាងជើងទៅកាន់កំពង់ផែមួយនៅតំបន់ចុងបូព៌ា របស់រុស្ស៊ី។ ពួកគេបាននិយាយថា នេះគឺស្មើនឹងគ្រាប់កាំភ្លើងធំជាង ២០០.០០០ គ្រាប់នៃកាំភ្លើងធំ ១២២ មីលីម៉ែត្រ ឬជាងមួយលានគ្រាប់នៃគ្រាប់ ១៥២ មីលីម៉ែត្រ ដែលត្រូវបានប្រើប្រាស់ទាំងកូរ៉េខាងជើង ទាំង រុស្ស៊ី។ ជើងជម្របាញ់គ្រាប់រ៉ូកែត មីស៊ីលចល័តដែលអាចបាញ់ចេញពីដីទៅលើអាកាស និងមីស៊ីលប្រឆាំងរថក្រោះ ប្រហែលជាត្រូវបានផ្គត់ផ្គង់ផងដែរ។ ក្រុមមន្ត្រីបានចង្អុលបង្ហាញពីលទ្ធភាពដែលទីក្រុងព្យុងយ៉ាងអាចផ្តល់មីស៊ីលបាលីស្ទីករយៈចម្ងាយខ្លីឲ្យទីក្រុងមូស្គូ។ យោធាកូរ៉េខាងត្បូងនិយាយថា កិច្ចសហប្រតិបត្តិការយោធារវាងកូរ៉េខាងជើង និងរុស្ស៊ី គួរតែត្រូវបានបញ្ឈប់ ដោយសារតែបំពានយ៉ាងច្បាស់លើសេចក្ដីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ និងគំរាមកំហែងដល់សន្តិភាព និងស្ថិរភាពពិភពលោក និងឧបទ្វីបកូរ៉េ៕

មន្ត្រីជាន់ខ្ពស់រុស្ស៊ី ដែលជិតស្និទ្ធនឹងលោកពូទីន ព្រមានប៉ូឡូញពីការបាត់បង់ភាពជារដ្ឋរបស់ខ្លួន

2023/11/03 10:58:00 am        155
Facebook Telegram Linkin
សម្ព័ន្ធមិត្តជាន់ខ្ពស់របស់លោកប្រធានាធិបតីរុស្ស៊ី វ្ល៉ាឌីមៀ ពូទីន បានព្រមានប្រទេសប៉ូឡូញ កាលពីថ្ងៃព្រហស្បតិ៍ (២ វិច្ឆិកា) ថា រដ្ឋសមាជិកអង្គការណាតូ មួយនេះ ពេលនេះត្រូវបានចាត់ទុកថាជា «សត្រូវដ៏គ្រោះថ្នាក់» របស់រុស្ស៊ី ហើយអាចឈានទៅដល់ការបាត់បង់ភាពជារដ្ឋរបស់ខ្លួន ប្រសិនបើប្រទេសនេះបន្តបព្វហេតុរបស់ខ្លួនសព្វថ្ងៃនេះទៀត។អតីតប្រធានាធិបតីរុស្ស៊ី លោក Dmitry Medvedev ដែលបច្ចុប្បន្នជាអនុប្រធានក្រុមប្រឹក្សាសន្តិសុខរបស់រុស្ស៊ី បានធ្វើការអត្ថាធិប្បាយបែបនោះនៅក្នុងអត្ថបទមួយ ស្តីពីទំនាក់ទំនងរវាងរុស្ស៊ី និងប៉ូឡូញ ដោយនិយាយថា ទីក្រុងម៉ូស្គូឥឡូវនេះមាន «សត្រូវដ៏គ្រោះថ្នាក់» នៅក្នុងប្រទេសប៉ូឡូញ។លោក Medvedev បាននិយាយថា «ប្រវត្តិសាស្ត្របានប្រគល់សាលក្រម ដែលគ្មានមេត្តាជាច្រើនដល់ប្រជាជនប៉ូឡូញ ហើយមិនថាអ្នកទាំងនោះមានមហិច្ឆតាធំប៉ុនណាក៏ដោយ ក៏ការដួលរលំរបស់ពួកគេអាចនាំទៅដល់ការដួលរលំរបស់រដ្ឋប៉ូឡូញទាំងមូល»។សង្រ្គាមនៅអ៊ុយក្រែន បានធ្វើឲ្យទំនាក់ទំនងរវាងប្រទេសទាំងពីរកាន់តែតានតឹងរួចទៅហើយ នៅពេលប្រទេសប៉ូឡូញ ដែលបានគាំទ្រអ៊ុយក្រែន បានចោទប្រកាន់រុស្ស៊ី ពីបទព្យាយាមធ្វើឲ្យប្រទេសនេះមានអស្ថិរភាពជាមួយនឹងយុទ្ធនាការផ្សព្វផ្សាយព័ត៌មានមិនពិត និងចារកម្មជាដើម។ ទីក្រុងមូស្គូ បានថ្កោលទោសនូវអ្វីដែលខ្លួនមើលឃើញថា ជាជំហរអរិភាពរបស់ទីក្រុងវ៉ាសូវី ចំពោះខ្លួន និងផលប្រយោជន៍រុស្ស៊ី នៅក្នុងប្រទេសប៉ូឡូញ ផងដែរ៕

សម្តេចប្រធានរដ្ឋសភា៖ តំណាងរាស្រ្តចាំបាច់ត្រូវធ្វើជាតំណាងដ៏ល្អ ដោយបម្រើនិងតម្កល់នូវ​ផលប្រយោជន៍ពលរដ្ឋជាអាទិភាព

2023/11/03 09:11:21 am        164
Facebook Telegram Linkin
សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា បានមានប្រសាសន៍លើកឡើងថា ក្នុង​នាមជាតំណាងរាស្រ្តចាំបាច់ត្រូវធ្វើជាតំណាងដ៏ល្អ និងត្រូវបម្រើប្រជាពលរដ្ឋ ពិតប្រាកដ ដោយ​​តម្កល់​នូវផលប្រយោជន៍របស់ពួកគាត់ដំបូងគេបង្អស់ នៅពេលធ្វើការសម្រេចចិត្ត និង​ដាក់​ចេញនូ​វវិធានការណ៍ណាមួយ។  សម្តេចរដ្ឋសភាធិបតី បានមានប្រសាសន៍ដូច្នេះ​នៅ​ក្នុង​ឱកាស​អញ្ជើញ​ជា​អធិបតីភាព​បើក​កម្ម​វិធី​ស្វាគមន៍ និងការផ្តល់ព័ត៌មានអំពីសេវាសំខាន់ៗជូនតំណាងរាស្រ្តនីតិកាលទី៧ នៃរដ្ឋសភា ដែល​រៀបចំឡើងដោយអគ្គលេខាធិការដ្ឋានរដ្ឋសភា នៅវិមានរដ្ឋសភា​ នាព្រឹកថ្ងៃទី ៣ ខែវិច្ឆិកា ឆ្នាំ ២០២៣ នេះ។ នៅក្នុងឱកាសនោះសម្តេចរដ្ឋសភាធិបតី ឃួន សុដារី បានលើកឡើងបន្តថា តំណាង​រាស្រ្ត​ដែល​បាន​ជាប់​ឆ្នោត ត្រូវបានប្រជាជនផ្តល់សេចក្តីទុកចិត្តជ្រើសរើសជាតំណាង ហើយពួកគាត់​មាន​ក្តីរំពឹង​ជឿទុកចិត្តថា តំណាងរាស្រ្តទំាងអស់មានសមត្ថភាព ឆន្ទៈ ទេពកោសល្យ និងការប្តេជ្ញា​ចិត្ត​ខ្ពស់​ក្នុង​ការ​បំពេញការងារ ជួយអន្តរាគមន៌ ដោះស្រាយបញ្ហា និងឆ្លើយតបតាម​សំណូមពរ​នានា​របស់​ពួក​គាត់បាន។  “យើងទាំងអស់គ្នា ត្រូវតែខិតខំ ប្រឹងប្រែងបំពេញការងារឱ្យអស់ពីសមត្ថភាព លទ្ធភាព ប្រកប​ដោយ​ភាព​ស្វាហាប់ សកម្ម និងរស់រវើក ដែលក្នុងនោះមានការងារស្នូលចំនួនបី ដែល​យើង​ត្រូវ​បំពេញ ជាអាទិ៍ ការងារនីតិកម្ម ការងារជាតំណាង និង​ការងារ​តាម​ដាន​ការ​អនុវត្ត​ច្បាប់”​ នេះ​ជា​ការ​គូស​បញ្ជាក់របស់សម្តេចរដ្ឋសភាធិបតី។  សូមជម្រាបថាអគ្គលេខាធិការដ្ឋានរដ្ឋសភា តែងតែប្រារព្ធកម្មវិធី ស្វាគមន៍ និងការផ្តល់​ព័ត៌មាន​អំពី​សេវា​សំខាន់ៗ​ជូនតំណាងរាស្រ្ត នៅគ្រប់ដើមនីតិកាលនី​មួយៗ​ ដើម្បី​បង្ហាញ​ជូន​ពី​សេវា​កម្ម​របស់​ខ្លួនជូនសមាជិក សមាជិការដ្ឋសភា បានប្រើប្រាស់ទាំងក្នុងការងារប្រចាំថ្ងៃ​និងការងារស្នូល​របស់​​ខ្លួន​ រួម​មាន ការងារពាក់ព័ន្ធអំពីសិទ្ធ កាតព្វ​កិច្ច គណនេយ្យកិច្ច​របស់​តំណាង​រាស្រ្ត សេវា​នីតិកម្ម សេវាស្រាវជ្រាវទូទៅនិងស្រាវជ្រាវសភា ការងារការទូតសភា ពិធី​ការ ហិរញ្ញវត្ថុ បេសកកម្ម សេវា​ឡូជី​ស្ទូក និងសេវាកម្មនៅមូលដ្ឋាន​ជា​ដើម​។ល។ អគ្គលេខាធិការដ្ឋានរដ្ឋសភា ជា​សេនាធិការ ជូនរដ្ឋសភា ក្នុងការផ្តល់សេវាជូនសមាជិករដ្ឋសភាដើម្បីបំពេញភារកិច្ច និង​តួនាទី​តំណាង​រាស្រ្តប្រកបដោយភាពរលួននិងជោគជ័យនៅក្នុងការបម្រើប្រជាពលរដ្ឋនិងប្រទេសជាតិ។ សម្តេចរដ្ឋសភាធិបតី ឃួន សុដារី បានថ្លែងអំណរគុណ និងសម្តែងនូវការកោតសរសើរ វាយ​តម្លៃ​ខ្ពស់​ចំពោះ ឯកឧត្តមអគ្គលេខាធិការដ្ឋសភា ក៏ដូចជាថ្នាក់ដឹកនាំ នៃអង្គភាព​ពាក់ព័ន្ធ​ទាំង​អស់​ដែល​បាន​រួម​សហការគ្នាយ៉ាងល្អក្នុងការរៀបចំឱ្យមានកម្មវិធីនេះឡើង។  ជាមួយគ្នានេះ សម្តេចក៏បានកោតសរសើរចំពោះលេខាធិការដ្ឋាន សម្របសម្រួល​បច្ចេក​ទេស​នៃ​សភា​កម្ពុជា (TCS) ដែលបានផ្តួចផ្តើមគំនិតតាក់តែង ចងក្រង កែសម្រួល និងធ្វើបច្ចុប្បន្ន​ភាព​សៀវភៅស្តី​ពី “សេវាសំខាន់ៗសម្រាប់តំណាងរាស្រ្ត” ដែលបានបោះពុម្ពជាលើកទី២ សម្រាប់​ចែក​ជូនសមាជិកសមាជិការរដ្ឋសភានីតិកាលទី៧នេះផងដែរ។ សម្តេចប្រធានរដ្ឋសភា បានគូសបញ្ជាក់ថា សៀវភៅស្តីពី “សេវាសំខាន់ៗសម្រាប់តំណាងរាស្រ្ត” ពិតជាមានសារៈសំខាន់សម្រាប់តំណាងរាស្រ្តនិងជំនួយការផ្ទាល់ ក្នុងការស្វែងរកព័ត៌មាន និង​សេវាគាំទ្រនានាសម្រាប់បំពេញតម្រូវការចាំបាច់នានា។ សៀវភៅនេះ ក៏ជាផ្នែកមួយ​នៃ​ការ​ជួយ​ពង្រឹង​ និង​លើកកម្ពស់អភិបាលកិច្ចល្អ តម្លាភាព គណនេយ្យភាព និងប្រសិទ្ធិភាព​ការងារ​របស់​មន្រ្តី​ជំនាញ នៃអគ្គលេខាធិការដ្ឋានរដ្ឋសភា ផងដែរ។  សមាជិករដ្ឋសភានីតិកាលទី៧មានចំនួន១២៥រូប នៅក្នុងនោះ១២០រូបមក ពីគណបក្ស​ប្រជាជន​កម្ពុជា និង៥អង្គនិងរូប មកពីគណបក្សហ្វ៊ុនស៊ិនប៉ិច។ សមាជិករដ្ឋសភា កើតចេញ​ពី​លទ្ធផល​បោះឆ្នោត​ជ្រើសតាំងតំណាងរាស្ត្រនីតិកាលទី៧ កាលពីថ្ងៃទី២៣ខែកក្កដាឆ្នាំ២០២៣ ដែល​បាន​ប្រព្រឹត្តិ​ទៅ​ដោយរលូន មានលក្ខណៈសេរី យុត្តិធម៌ ត្រឹមត្រូវ និងមានតម្លាភាព ដោយមាន​១៨​គណបក្ស​ចូល​រួមប្រកួតប្រជែងនិងមានប្រជាពលរដ្ឋ ជាង៨ លាន ២សែននាក់ បានចេញ​ទៅ​បោះឆ្នោត​។ សម្តេចមហារដ្ឋសភាធិការធិបតី ឃួន សុដារី បានមានប្រសាសន៍លើកឡើងថា លទ្ធផល នៃ​ការ​បោះឆ្នោត​សកលនៅខែកក្កដា ឆ្នាំ២០២៣ កន្លងទៅនេះ បានផ្តល់នូវអាណត្តិមួយដ៏រឹងមាំ និង​ការ​ទទួល​ខុសត្រូវដ៏សំខាន់មួយ ក្នុងការបម្រើផលប្រយោជន៍ជូនដល់ប្រជាពលរដ្ឋ។ សម្តេចបានគូសបញ្ជាក់ ថានេះ គឺជាលើកទីមួយនិងជាព្រឹត្តិការណ៍ប្រវត្តិសាស្ត្រ ក្នុងរយៈ​ពេលជាង​ ៥០០ឆ្នាំ មកនេះ ដែលកម្ពុជាមានការផ្លាស់ប្តូរអំណាចពីអ្នកជំនាន់មុន មក​អ្នក​ជំនាន់​ក្រោយ ប្រកបដោយសន្តិភាព និងរលូន ក្រោមស្មារតីឯកភាព និងសាមគ្គីភាពជាតិ ជា​មាន​មោទន​ភាព​បំផុត​។  សម្តេចប្រធានរដ្ឋសភាបានបន្ថែមថា នៅក្នុងនីតិកាលទី៧ នេះ កម្ពុជាត្រូវពង្រឹងនូវសមត្ថភាព ទាំងផ្នែកស្ថាប័ន និងមន្រ្តីជំនាញ ដើម្បីធ្វើយ៉ាងណា អាច​ឈាន​ទៅ​សម្រេច​បាន​នូវ​ចក្ខុ​វិស័យ​របស់​ជាតិ​គឺ​ការប្រែក្លាយមាតុភូមិកម្ពុជា ឱ្យក្លាយទៅជាប្រទេសមានចំណូលមធ្យមកម្រិតខ្ពស់នៅឆ្នាំ ២០៣០ និងជាប្រទេសមានចំណូលខ្ពស់ នៅឆ្នាំ២០៥០៕

ព្រឹកស្អែក សម្ដេចធិបតី ហ៊ុន ម៉ាណែត នឹងអញ្ជើញដង្ហែព្រះមហាក្សត្រយាងសម្ពោធ​ដាក់ឱ្យប្រើប្រាស់ជាផ្លូវការ “ស្ពានហាលខាងលិចប្រាសាទអង្គរវត្ត”

2023/11/03 08:30:19 am        1135
Facebook Telegram Linkin
នៅព្រឹកថ្ងៃទី៤ ខែវិច្ឆិកា ឆ្នាំ២០២៣ស្អែកនេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជានឹងអញ្ជើញដង្ហែ ព្រះករុណាព្រះ​បាទ​សម្តេច​ព្រះបរម​នាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា យាង​សម្ពោធ​ដាក់​ឱ្យ​ប្រើប្រាស់​ជា​ផ្លូវការ “ស្ពានហាលខាងលិចប្រាសាទអង្គរវត្ត” ។«ស្ពានហាលខាងលិចប្រាសាទអង្គរវត្ត» បានចាប់ផ្តើមជួសជុលឡើងវិញកាលពីអំឡុងឆ្នាំ ២០១៦ ក្រោមកិច្ចសហការរវាងអាជ្ញាធរជាតិអប្សរា និងសាកលវិទ្យាល័យសូហ្វីយ៉ា នៃ​ប្រទេស​ជប៉ុន ដែលសាកលវិទ្យាល័យនេះ ចាប់តាំងពីឆ្នាំ១៩៨៩មក បានចូលរួម​ចំណែក​ជា​មួយ​អាជ្ញាធរ​ជាតិ​អប្សរា និងធ្វើសកម្មភាពជាច្រើនជួយដល់រមណីយដ្ឋានអង្គរ ទាក់ទងនឹង​ការ​បណ្តុះបណ្តាល​ធន​ធាន​មនុស្ស ផ្នែកបុរាណវិទ្យា និងផ្នែកស្ថាបត្យកម្ម, ការធ្វើកំណាយ​ស្រាវជ្រាវ​នៅ​ប្រាសាទ​បន្ទាយក្តី, កម្មវិធីអប់រំបេតិកភណ្ឌដល់ប្រជាពលរដ្ឋ និងសិស្សានុសិស្សរស់នៅជុំវិញតំបន់អង្គរ ក៏​ដូច​ជា​ការផ្តួចផ្តើមបង្កើតសារមន្ទីរព្រះនរោត្តមសីហនុអង្គរជាដើម៕

កម្មករ និងសហជីព គាំទ្រឱ្យមាន ប.ស.ស. ដល់បុគ្គលស្វ័យនិយោជន៍ និងអ្នកនៅក្នុងបន្ទុក​សមាជិក ប.ស.ស.

2023/11/02 05:08:35 pm        194
Facebook Telegram Linkin
កម្មករ និងសហជីព បានគាំទ្រ​ឱ្យ​មាន​របបសន្តិសុខ​សង្គម​ផ្នែក​ថែ​ទាំ​សុខភាព​តាម​របប​ភាគ​ទាន​ដោយ​ស្ម័គ្រចិត្ត ដល់បុគ្គលស្វ័យនិយោជន៍ និងអ្នកនៅក្នុងបន្ទុកសមាជិក ប.ស.ស. ដែល​ប្រមុខ​រាជ​រដ្ឋាភិបាលកម្ពុជា សម្តេចមហាបវរធិបតី ហ៊ុន ម៉ាណែត បាន​ប្រកាស​ជំរុញ​ឱ្យ​មាន​គោល​នយោបាយ​នេះ។ សម្រាប់កម្មករនិយោជិត និងអ្នកប្រកបរបរកចំណូលផ្ទាល់ខ្លួន គោល​នយោបាយ​នេះនឹងជួយកាត់បន្ថយបន្ទុកចំណាយក្នុងគ្រួសារលើការថែទាំសុខភាព។ប្រធានសម្ព័ន្ឋសហជីពជាតិ លោក ហ្វា សាលី បានគូសបញ្ជាក់ថា ការ​រៀប​ចំ​ឱ្យមា​ន​របប​សន្តិសុខ​សង្គម​ផ្នែក​ថែទាំសុខភាពតាមរបបភាគទានដោយស្ម័គ្រចិត្ត ដល់បុគ្គលស្វ័យនិយោជន៍ និង​អ្នក​នៅ​ក្នុង​បន្ទុក​សមាជិក ប.ស.ស. គឺជាអ្វីដែលបងប្អូនកម្មករ និងសហជីព​ទន្ទឹង​រង់ចាំ​ដោយ​សារ​របប​នេះនឹ​ង​ជួយ​សម្រាល​បន្ទុក​ចំណាយ​ក្នុង​គ្រួសារ​នៅ​ពេល​សមាជិក​ក្នុង​បន្ទុក​ណា​ម្នាក់​មាន​ជំងឺ​។ លោកមានប្រសាសន៍ថា៖ « តាងនាមខ្ញុំសហជីព តំណាងកម្មករ ខ្ញុំ​សប្បាយ​រីករាយ​នៅ​ពេល​ប្រាក់​ឈ្នួលក​ម្មករ​ឡើង ទន្ទឹមជាមួយគ្នានោះ បើគ្មានយន្តការ​កាត់​បន្ថយ​ការ​ចំណាយ​ជូន​ដល់​បង​ប្អូន​កម្មករ​និយោជិត​យើងទេ គឺប្រាក់ឈ្នួលដែល​ពួក​គាត់​ទទួល​បាន​អត់​សល់​ទេ​ដោយ​សារ​ត្រូវ​ផ្គត់ផ្គង់​ជីវភាព​គ្រួសារ រួមទាំងការចំណាយច្រើនលើការថែទាំសុខភាព»។ បន្ថែមពីនេះ កម្មការិនី ជឹម សារ៉ុន បាន​លើក​ឡើង​ពី​ការ​គាំទ្រ​ចំពោះ​គោល​នយោបាយ​របស់​រដ្ឋាភិបាល​​ចំពោះ ការរៀបចំឱ្យមាន​របប​សន្តិសុខ​សង្គមផ្នែក​ថែទាំ​សុខភាព​តាម​របប​ភាគ​ទាន​ដោយ​ស្ម័គ្រ​ចិត្តនេះ ព្រោះបានជួយសម្រាលបន្ទុកចំណាយសម្រាប់គ្រួសារ។ កម្មការិនីរូបនេះនិយាយថា៖ « ខ្ញុំគាំទ្រឱ្យមានរបបនេះ ព្រោះសមាជិក​គ្រួសារ​ទៅ​ពេទ្យ​ម្តង​ៗ​ចំណាយ​ច្រើន។ ខ្ញុំនឹងទៅចុះឈ្មោះសមាជិកគ្រួសារចូលក្នុងរបបនេះ»។ស្រដៀងគ្នានេះដែរកម្មការិនីម្នាក់ទៀតឈ្មោះ ជឹម សារ៉េន រីករាយឥតឧបមាព្រោះនយោបាយនេះ នឹង​ធ្វើ​ឱ្យគ្រួសាររបស់ខ្លួនសន្សំបានច្រើន និង​កាត់​បន្ថយ​ចំណាយ​ច្រើន​ជាង​មុន​ព្រោះ​តែ​ការ​ទៅ​ព្យាបាល​ដោយ​ឥតគិតថ្លៃ ហើយចំណាយត្រឹមតែ១៥៦០០រៀលប៉ុណ្ណោះ។ កម្មការិនីរូបនេះនិយាយថា៖ «សម្រាប់គ្រួសារខ្ញុំគាត់ឈឺច្រើន សព្វថ្ងៃជីវភាព​គ្រួសារ​ខ្ញុំ​មាន​ការ​ខ្វះ​ខា​ត ទៅពេទ្យម្តងៗអស់ច្រើន សប្បាយចិត្ត និង​គាំទ្រ​នៅ​ពេល​មាន​របប​នេះគឺ​នឹង​ជួយ​សម្រាល​បន្ទុក​ចំណាយ​ក្នុងគ្រួសារបានច្រើន»។

«ផ្ដល់ឈាម ផ្ដល់ក្ដីស្រឡាញ់» ជាប្រធានក្នុងយុទ្ធនាការបរិច្ចាកឈាមវិលជុំ នៅតាមបណ្ដាក្រុងស្រុកទូទាំងខេត្តព្រះវិហារ

2023/11/02 03:16:53 pm        168
Facebook Telegram Linkin
ព្រះវិហារ៖ «ផ្ដល់ឈាម ផ្ដល់ក្ដីស្រឡាញ់» ជាប្រធានបទមួយក្នុងយុទ្ធនាការបរិច្ចាកឈាមវិលជុំ នៅតាមបណ្ដាក្រុងស្រុកទូទាំងខេត្តព្រះវិហារ ដែលផ្ដួចផ្ដើមឡើងអភិបាលខេត្តព្រះវិហារ ក្នុងគោលបំណងដើម្បីរួមចំណែកក្នុងការបំពេញតម្រូវការឈាម ទៅដល់មន្ទីរពេទ្យបង្អែក១៦មករា ដែលបាននិងកំពុងមានបញ្ហាប្រឈមកង្វះឈាម ដើម្បីជួយសង្រ្គោះដល់ជនរងគ្រោះ និងអ្នកជំងឺដែលត្រូវការឈាមចាំបាច់ជារៀងរាល់ថ្ងៃ។ជាក់ស្ដែងនៅថ្ងៃទី០១ ខែវិច្ឆិកា ឆ្នាំ២០២៣ ឯកឧត្តម គីម រិទ្ធី អភិបាល នៃគណៈអភិបាល​ខេត្តព្រះវិហារ បានបន្ដដឹកនាំនាយទាហាន នាយទាហានរង និងពលទាហានប្រមាណជាង ២៥០នាក់ ចូលរួមបរិច្ចាកឈាមជូនមន្ទីរពេទ្យបង្អែក១៦មករាខេត្ត និងដើម្បីអបអរសាទរ ខួបអនុស្សាវរីយ៍លើកទី៧០ នៃទិវាកំណើតកងយោធពលខេមរភូមិន្ទ (១៩៥៣-២០២៣)។ពិធីនេះប្រព្រឹត្តិទៅនៅបរិវេណទីបញ្ជាការកងពលធំអន្តរាគមន៍លេខ៣ ដែលមានការចូលរួម​ពី​សំណាក់ឧត្តមសេនីយ៍ឯក ស្រី ឌឹក មេបញ្ជាការកងពលធំអន្តរាគមន៍លេខ៣ ព្រមទាំងអភិបាល​រងខេត្ត ​ថ្នាក់ដឹកនាំមន្ទីរអង្គភាព អាជ្ញាធរដែនដីគ្រប់លំដាប់ថ្នាក់ ​កងកម្លាំង ពលទាហាន ក្រុមគ្រូពេទ្យ​ស្ម័គ្រចិត្ត ឯកឧត្តម ហ៊ុន ម៉ានី ​ប្រចាំខេត្តព្រះវិហារ រួមនិងយុវជនសហភាព​សហព័ន្ធយុវជន​កម្ពុជា​ជាច្រើនរូបទៀត។ថ្លែងក្នុងឱកាសនោះឯកឧត្ដម គីម រិទ្ធី ​បានសម្តែងនូវក្តីរីករាយសប្បាយរីករាយ ​និង​ថ្លែង​អំណរគុណ​ចំពោះវត្តមាន នាយទាហាន នាយទាហានរង ​និងពលទាហានទាំងអស់ ដែលបាន ចូលរួម​ដោយស្ម័គ្រចិត្ត ក្នុងការបរិច្ចាគឈាមនាពេលនេះ ​ដែលជាផ្នែកមួយនៃការលើកកម្ពស់វិស័យ​មនុស្សធម៌ ​ក្រោមពាក្យស្លោក ផ្តល់ឈាម គឺផ្តល់ក្តីស្រលាញ់។ឯកឧត្តម បន្តទៀតថា ការផ្តល់ឈាមដោយស្ម័គ្រចិត្តជាប្រភពឈាមតែមួយគត់ ដែលអាច​ផ្តល់​ឈាមប្រកបដោយ ចីរភាព ដើម្បីផ្គត់ផ្គង់ដល់មន្ទីរពេទ្យខេត្តព្រះវិហារយើង ក្នុងការយកទៅ​ជួយ​សង្គ្រោះអាយុជីវិត ​ជនរងគ្រោះទូទៅ ​ដែលបណ្តាលមកពីកត្តាផ្សេងៗជាច្រើន ដែលពួកគាត់​មានតម្រូវការឈាម។ទន្ទឹមគ្នានេះឯកឧត្តមអភិបាលខេត្តព្រះវិហារ ក៏បានថ្លែងលើកទឹកចិត្តឱ្យប្រជាពលរដ្ឋ​ និង​តួអង្គពាក់ព័ន្ធ ​ពិសេសកងកម្លាំងចូលរួមបរិច្ចាគឈាម ​ដើម្បីសង្គ្រោះជីវិតមនុស្ស ព្រោះវាជាកាយ​វិការ​ប្រកប​ដោយ​មនុស្សធម៌​ដ៏មានតម្លៃបំផុត​ ដែលយើងគ្រប់រូបគួរចូលរួមទាំងអស់គ្នា៕ 

ប្រជាជនចិនប្រមូលផ្ដុំគ្នាជិតគេហដ្ឋានបុណ្យសពផ្លូវរដ្ឋ ខណៈពិធីឈាបនកិច្ចអតីតនាយករដ្ឋមន្ត្រីចិន លឺ ឃឺឈាង

2023/11/02 01:24:22 pm        177
Facebook Telegram Linkin
មនុស្សរាប់ពាន់នាក់ បានប្រមូលផ្ដុំគ្នាជិតទីតាំងរៀបចំពិធីបុណ្យសពផ្លូវរដ្ឋ នៅថ្ងៃព្រហស្បតិ៍នេះ ខណរៀបចំជូនដំណើរចុងក្រោយសម្រាប់អតីតនាយករដ្ឋមន្ត្រី លឺ ឃឺឈាង(Li Keqiang)។ នៅមុខគេហដ្ឋានសព ក្នុងសម្លៀកបំពាក់កាន់ទុក្ខ និងកងកម្លាំងនគរបាលយ៉ាងច្រើនក្នុងឯកសណ្ឋានបានតម្រង់ជួរផ្លូវរាប់រយម៉ែត្រ បិទផ្លូវ និងប្រាប់ប្រជាពលរដ្ឋឱ្យធ្វើដំណើរតាម និងឃ្លាំមើលវត្តមានរបស់សារព័ត៌មានក្រៅផ្លូវការ ឬសារព័ត៌មានបរទេស។ នគរបាលក៏បានបញ្ជូនមនុស្សចេញពីស្ថានីយ៍រថភ្លើងក្រោមដីនៅជិតទីបញ្ចុះសពបាប៉ាវសាន (Babaoshan) ជាកន្លែងពិធីឈាបនកិច្ចរបស់រដ្ឋត្រូវបានប្រារព្ធឡើង និងជាទីដែលមេដឹកនាំជាន់ខ្ពស់ជាច្រើនរូប ត្រូវបានបញ្ចុះនៅទីនោះដែរ។ ប្រព័ន្ធផ្សព្វផ្សាយរដ្ឋបាននិយាយថា ទង់ជាតិ រួមទាំងស្តង់ដារដ៏ល្បីល្បាញបំផុតរបស់ប្រទេស ដែលបក់រសាត់លើទីលានធានអានម៉ិន( Tiananmen Square) ចំកណ្តាលរដ្ឋធានីរបស់ចិន ត្រូវបានទម្លាក់ត្រឹមពាក់កណ្តាល នៅអគារការិយាល័យរដ្ឋាភិបាលនានា និងគណបក្សនានាទូទាំងប្រទេស នៅស្ថានទូត និងស្ថានកុងស៊ុលចិននៅបរទេស នៅពេលដែលប្រារព្ធពិធីឈាបនកិច្ចរបស់អតីតនាយករដ្ឋមន្ត្រី Li Keqiang ដែលបានគ្រោងទុក។ លោក Li បានទទួលមរណភាពកាលពីថ្ងៃសុក្រសប្តាហ៍មុនដោយសារគាំងបេះដូងក្នុងវ័យ៦៨ ឆ្នាំ។ ប្រព័ន្ធផ្សព្វផ្សាយរដ្ឋបាននិយាយថាពិធីឈាបនកិច្ចសពរបស់លោកនឹងត្រូវធ្វើឡើងនៅថ្ងៃព្រហស្បតិ៍ នេះ ប៉ុន្តែមិនបាននិយាយអំពីផែនការពិធីបុណ្យសពនោះទេ។ យោងតាមគំរូមុនៗ មន្ត្រីជាន់ខ្ពស់ដែលចូលនិវត្តន៍ជាធម្មតា ត្រូវតម្កល់នៅក្នុងពិធីបុណ្យរដ្ឋមួយរយៈពេលខ្លី នៅពេលបណ្ដាមេដឹកនាំគោរពសព និងដាក់កម្រងផ្កាពណ៌ស ដែលជាពណ៌ប្រពៃណីនៃការកាន់ទុក្ខ៕

សម្តេច ប៉ាបហ្រ្វង់ស៊ីស គាំទ្រដំណោះស្រាយរដ្ឋពីរ អ៊ីស្រាអែល-ប៉ាឡេស្ទីន

2023/11/02 01:12:13 pm        224
Facebook Telegram Linkin
សម្តេចប៉ាបហ្វ្រង់ស៊ីស បានមានបន្ទូលអំពីជម្លោះរវាងប្រទេសអ៊ីស្រអែល និងក្រុមហាម៉ាស់ និងបានមានបន្ទូលជាថ្មីអំពីការគាំទ្ររបស់ព្រះអង្គសម្រាប់ដំណោះស្រាយរដ្ឋពីរ ខណៈបញ្ជាក់ថាព្រះអង្គនឹងចូលរួមកិច្ចប្រជុំកំពូលអាកាសធាតុអង្គការសហប្រជាជាតិដ៏សំខាន់ នៅឆ្នាំនេះ។ មានបន្ទូលតាមប៉ុស្តិ៍ទូរទស្សន៍រដ្ឋអ៊ីតាលី RAI សម្តេចប៉ាប បានមានបន្ទូលពីបញ្ហាប្រឆាំងជនជាតិជ្វីហ្វ ដោយបាននថ្លែងថា វានៅតែត្រូវបានលាក់បាំង និង ជាគ្រោះអាក្រក់ វាពុំទាន់បានកន្លងផុតនៅឡើយ។សម្តេចប៉ាប មានបន្ទូលថា ពលរដ្ឋនៃរដ្ឋទាំងពីនេះ ត្រូវតែរស់នៅរួមគ្នា។ ដោយមានដំណោះស្រាយដ៏ឆ្លាតវៃ មានពលរដ្ឋទាំងពីរ រដ្ឋទាំងពីរ ធ្វើទៅតាមកិច្ចព្រមព្រៀងទីក្រុង Oslo ដែលទាំងពីរនេះជារដ្ឋត្រូវបានកំណត់ ហើយទីក្រុងហ្សេរុយសាឡឹមមានស្ថានភាពពិសេស។ បរិបទមួយចំនួន ដំណោះស្រាយរដ្ឋពីរ គឺជាគោកដៅ របស់សហគមន៍អន្តរជាតិរយៈពេលជាច្រើនទសវត្សរ៍មកហើយ មានមកតាំងពីផែនការខណ្ឌចែករបស់អង្គការសហប្រជាជាតិឆ្នាំ១៩៤៧ ហើយប្រទេសជាច្រើន និយាយថា នោះគឺជាវិធីតែមួយគត់រួចផុតពីជម្លោះ។

បណ្ដាញសង្គម

ព័ត៌មានថ្មីៗ

បេសកជនកម្ពុជាប្រចាំអង្គការសហប្រជាជាតិ ចង់បាន«បទឈប់បាញ់បន្ទាន់»
07/26/2025 08:07 AM
Facebook Telegram Linkin
ក្រសួងការពារជាតិ បន្តថ្កោលទោសអំពើឈ្លានពានរបស់ថៃ ខណៈនៅម៉ោង០៥:០២នាទីព្រឹកនេះបានបើកការវាយប្រហារដោយកាំភ្លើងធំចំនួន៥គ្រាប់មកលើ ភូមិឯកភាព ឃុំថ្មដា ស្រុកវាលវែង
07/26/2025 07:07 AM
Facebook Telegram Linkin
ជនភៀសសឹកក្នុងខេត្តឧត្តរមានជ័យចំនួនជាង ៣ពាន់គ្រួសារទទួលអំណោយពីសប្បុរសជន
07/26/2025 07:07 AM
Facebook Telegram Linkin
បងប្អូនប្រជាពលរដ្ឋចំនួន៦​ ១៩៨នាក់ត្រូវបា​នជម្លៀសពីតំបន់សមរភូមិមកស្នាក់នៅក្នុងភូមិសាស្ត្រខេត្តសៀមរាប
07/26/2025 07:07 AM
Facebook Telegram Linkin
ប្រមុខការពារជាតិកម្ពុជា ​អំពាវនាវពលរដ្ឋក្នុងខេត្តកោះកុង, ពោធិ៍សាត់, បាត់ដំបង, ប៉ៃលិន និង​បន្ទាយមានជ័យ រក្សាភាពស្ងៀមស្ងាត់ និងស្តាប់ការណែនាំរបស់អាជ្ញាធរ
07/26/2025 01:07 AM
Facebook Telegram Linkin
អភិបាលខេត្តព្រះវិហារ៖ មកដល់ពេលនេះខេត្តបានជម្លៀសពលរដ្ឋចេញមកទីសុវត្ថិភាពចំនួន ១១,៥៥៨គ្រួសារ ស្មើនឹង ២៧,០៥៣នាក់
07/26/2025 12:07 AM
Facebook Telegram Linkin
ឯកឧត្តមរដ្ឋមន្ត្រី ឌិត ទីណា អញ្ជើញបន្តសួរសុខទុក្ខ និងនាំយកស្បៀង​ជូន​ប្រជាពលរដ្ឋ​ភៀស​ខ្លួន​ពី​តំបន់សឹក
07/25/2025 10:07 PM
Facebook Telegram Linkin
សម្ដេចធិបតី នាយករដ្ឋមន្រ្ដី ថ្លែង​អំណរគុណជនរួមជាតិបានមកបរិច្ចាគឈាមយ៉ាងច្រើន ដែលបង្ហាញយ៉ាងច្បាស់អំពីទឹកចិត្តមនុស្សធម៌ និងគាំទ្រ​ដល់តម្រូវការ​ដែលអាច​នឹង​មាន​សម្រាប់​វីរកងទ័ពជួរមុខ
07/25/2025 10:07 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ថ្លែងអំណរគុណជនរួមជាតិ ដែលបាន​បរិច្ចាគ​ឈាម​គាំទ្រ​ដល់​តម្រូវ​ការ​ដែលអាចនឹងមាន សម្រាប់វីរកងទ័ព​ក៏ដូចជាប្រជាជនដែលជាជនភៀសសឹក
07/25/2025 10:07 PM
Facebook Telegram Linkin
ព្រៃកោងកាងអាម៉ាហ្សូនប្រេស៊ីល ក្លាយជាអាវុធប្រឆាំងបម្រែបម្រួលអាកាសធាតុ និងជាបរិក្ខារសេដ្ឋកិច្ចសម្រាប់មនុស្សរាប់ម៉ឺនគ្រួសារ
07/25/2025 09:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.