BTV NEWS

ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្តទុកដាក់បម្រើពលរដ្ឋ

សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ

សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

សម្ដេចតេជោ អំពាវនាវដល់រាជរដ្ឋាភិបាលយកចិត្តទុកដាក់សាងសង់កន្លែងស្នាក់នៅសម្រាប់សិស្សជាស្ត្រី

នយោបាយ និង ការអភិវឌ្ឍន៍

ចំហេះព្រៃដ៏ធំបានបំផ្លាញផ្ទៃដីតំបន់ព្រៃអាម៉ាហ្សូន រាប់ពាន់ហិចតានៅប្រទេសបូលីវី

បូលីវី៖ ក្រុមមន្ត្រីក្នុងតំបន់ព្រៃអាម៉ាហ្សូន របស់ប្រទេសបូលីវី បាននិយាយកាលពីថ្ងៃអង្គារ (១៧ តុលា) ថា ចំហេះព្រៃដ៏ធំបានលេបត្របាក់លើផ្ទៃដីរាប់ពាន់ហិចតា នៅតំបន់ព្រៃអាម៉ាហ្សូន របស់ប្រទេសនេះ។ ចំហេះព្រៃជាច្រើនកន្លែង បានបំផ្លាញដំណាំនៅក្នុងតំបន់សាន់តា គ្រូស (Santa Cruz) និងបំផ្លាញផ្ទៃដីរាប់ពាន់ហិចតានៃឧទ្យានជាតិ ណូអែល មឺខាដូ (Noel Mercado) ដែលជាច្រកចូលទៅកាន់ព្រៃជប់ភ្លៀងអាម៉ាហ្សូនដ៏ធំ។រដ្ឋាភិបាលតំបន់សាន់តា គ្រូស បាននិយាយកាលពីថ្ងៃអង្គារថា មានចំហេះព្រៃសកម្មចំនួន១២កន្លែង ដែលភាគច្រើននៅក្នុងទីក្រុងសាន ម៉ាទីយ៉ាស (San Matias) ទីក្រុង ខនសេបស៊ីអន (Concepcion) និងទីក្រុងសាន់ អ៊ីណាស៊ីអូ (San Ignacio) ។ ឧទ្ធម្ភាគចក្រជាច្រើនគ្រឿង ត្រូវបានបញ្ជូនដើម្បីជួយក្រុមពន្លត់អគ្គិភ័យ និងក្រុមអាជ្ញាធរ ដែលកំពុងទប់ទល់នឹងនៅលើដី៕

ក្រុមហាម៉ាស និងអ៊ីស្រាអែល ស្តីបន្ទោសដាក់គ្នាចំពោះការផ្ទុះដែលសម្លាប់មនុស្សរាប់រយនាក់នៅឯមន្ទីរពេទ្យក្នុងទីក្រុងហ្គាហ្សា

អ៊ីស្រាអែល៖ ក្រសួងសុខភាពគ្រប់គ្រងដោយក្រុមហាម៉ាសបាននិយាយថា ការបំផ្ទុះដ៏ធ្ងន់ធ្ងរបំផុតមួយបានធ្វើឲ្យកក្រើកមន្ទីរពេទ្យទីក្រុងហ្គាហ្សា(Gaza) ដែលផ្ទុកពេញទៅដោយអ្នករបួស និងប្រជាជនប៉ាឡេស្ទីនផ្សេងទៀតដែលកំពុងស្វែងរកកន្លែងជ្រកកោនកាលពីថ្ងៃអង្គារ ដោយបានសម្លាប់មនុស្សរាប់រយនាក់ ។ក្រុមហាម៉ាស់បានស្តីបន្ទោសការវាយប្រហារតាមអាកាសរបស់អ៊ីស្រាអែល ខណៈយោធាអ៊ីស្រាអែលបាននិយាយថា មន្ទីរពេទ្យត្រូវបានវាយប្រហារដោយគ្រាប់រ៉ូកែតដែលបាញ់ខុសគោលដៅដោយក្រុមសកម្មប្រយុទ្ធប៉ាឡេស្ទីន។ក្រសួងសុខាភិបាលបាននិយាយថាមនុស្សយ៉ាងហោចណាស់៥០០នាក់ បានស្លាប់ ក្នុងការវាយប្រហារលើមន្ទីរពេទ្យ Anglican Al-Ahli Baptist ។ វីដេអូដែលសារព័ត៌មាន AP បានបញ្ជាក់ពីខាងមន្ទីរពេទ្យ បង្ហាញពីអណ្ដាតភ្លើងបានឆាបឆេះអគារមន្ទីរពេទ្យនេះ ហើយបរិវេណមន្ទីរពេទ្យពោរពេញដោយរាងកាយសាកសពដាច់រយៈ ដែលភាគច្រើនជាកុមារតូចៗ។ នៅជុំវិញវាលស្មៅត្រូវបានរាយប៉ាយដោយភួយ កាបូបស្ពាយសិស្សសាលា និងរបស់របរផ្សេងៗទៀត។ ការសម្លាប់រង្គាលបានកើតឡើងនៅពេលសហរដ្ឋអាមេរិកបានព្យាយាមបញ្ចុះបញ្ចូលអ៊ីស្រាអែលអនុញ្ញាតឱ្យមានការចែកចាយការផ្គត់ផ្គង់ជំនួយដល់ជនស៊ីវិលដែលអស់សង្ឃឹម ក្រុមជំនួយ និងមន្ទីរពេទ្យនៅតំបន់ហ្គាហ្សាដ៏តូច ដែលបានស្ថិតនៅក្រោមការឡោមព័ទ្ធទាំងស្រុងចាប់តាំងពីការវាយលុកដ៏សាហាវរបស់ក្រុមហាម៉ាសនៅភាគខាងត្បូងអ៊ីស្រាអែលកាលពីសប្តាហ៍មុន។ ការវាយប្រហារនេះក៏បានកើតឡើង ផងដែរ មួយថ្ងៃមុនពេលលោកប្រធានាធិបតី Joe Biden ទៅបំពេញទស្សនកិច្ចក្នុងតំបន់ ដើម្បីបង្ហាញការគាំទ្រដល់អ៊ីស្រាអែល និងព្យាយាមការពារកុំឱ្យសង្រ្គាមរីករាលដាល។ ប្រជាជនប៉ាឡេស្ទីនរាប់រយនាក់បានភៀសខ្លួននៅក្នុងមន្ទីរពេទ្យ al-Ahli និងមន្ទីរពេទ្យផ្សេងទៀតក្នុងទីក្រុង ហ្គាហ្សា កាលពីប៉ុន្មានថ្ងៃមុន ដោយសង្ឃឹមថាពួកគេនឹងរួចផុតពីការទម្លាក់គ្រាប់បែក បន្ទាប់ពីអ៊ីស្រាអែលបានបញ្ជាឱ្យប្រជាជនទាំងអស់នៅក្នុងទីក្រុង និងតំបន់ជុំវិញនោះ ជម្លៀសទៅកាន់ភាគខាងត្បូងតំបន់ហ្គាហ្សា៕

[BREAKING NEWS] ដំណើរទស្សនកិច្ចរបស់Joe Biden ទៅកាន់ប្រទេសហ្ស៊កដានី ត្រូវបានលុបចោល

[BREAKING NEWS] ដំណើរទស្សនកិច្ចរបស់លោកប្រធានាធិបតីអាមេរិក Joe Biden ទៅកាន់ប្រទេសហ្ស៊កដានី ត្រូវបានលុបចោល ។ការលុបចោលនេះ គឺជាការឆ្លើយតបទៅនឹងការបំផ្ទុះគ្រាប់បែកដ៏ធ្ងន់ធ្ងរទៅលើមន្ទីរពេទ្យក្នុងតំបន់ហ្គាហ្សា ដែលបានសម្លាប់មនុស្សរាប់រយនាក់ ។ ដំបូងឡើយ លោក Biden មានគម្រោងជួបជាមួយមហាក្សត្រហ្ស៊កដានី បន្ទាប់ពីជំនួបជាមួយលោកនាយករដ្ឋមន្ត្រីអ៊ីស្រាអែល Netanyahu៕

[BREAKING NEWS] មនុស្សជាង៥០០នាក់ ត្រូវបានគេរាយការណ៍ថា ស្លាប់នៅក្នុងការផ្ទុះមួយនៅមន្ទីរពេទ្យក្នុងទីក្រុង Gaza

[BREAKING NEWS] មនុស្សជាង ៥០០នាក់ត្រូវបានគេរាយការណ៍ថាបានស្លាប់នៅក្នុងការផ្ទុះមួយនៅឯមន្ទីរពេទ្យក្នុងទីក្រុង Gaza ដោយអាជ្ញាធរប៉ាឡេស្ទីន បានស្តីបន្ទោសការវាយប្រហារតាមអាកាសរបស់អ៊ីស្រាអែល។ ប៉ុន្តែ អ៊ីស្រាអែលបដិសេធការចោទប្រកាន់ពីការវាយប្រហារតាមអាកាស។មន្ទីរពេទ្យ Anglican Al-Ahli Baptist Hospital នៅ តំបន់Gaza ត្រូវបានកក្រើកដោយការផ្ទុះមួយកាលពីថ្ងៃអង្គារ មុនដំណើរទស្សនកិច្ចរបស់លោកប្រធានាធិបតីអាមេរិក Biden ក្នុងប្រទេសអ៊ីស្រាអែល៕

ក្រសួងទេសចរណ៍លើកទឹកចិត្តអាជីវកម្មបន្ទប់ស្នាក់នានាបញ្ចុះតម្លៃ ដូចសណ្ឋាគារនៅខេត្តសៀមរាប

សៀមរាប៖ ខណៈអាកាសយានដ្ឋានអន្តរជាតិសៀមរាបអង្គរ (SAI) បានប្រកាសបើកដំណើរការផ្លូវការទទួលការចុះចតយន្តហោះពាណិជ្ជកម្មរួចហើយ នៅពេលនេះ មានសណ្ឋាគារផ្ទះស្នាក់មួយចំនួនធំ នៅខេត្តសៀមរាបសហការជាមួយសមាគមការីទេសចរណ៍កម្ពុជា CATA បានរៀបចំបញ្ចុះតម្លៃ ដើម្បីទាក់ទាញទេសចរជាតិអន្តរជាតិទស្សនាខេត្តសៀមរាប។ សម្រាប់ការងារនេះ ក្រសួងទេសចរណ៍ ក៏បានជំរុញសណ្ឋាគារនៅខេត្តរាជធានីផ្សេងៗរៀបចំតម្លៃសមរម្យដើម្បីទាក់ទាញទេសចរផងដែរ។ ឯកឧត្តម តុប សុភ័ក រដ្ឋលេខាធិការ និងជាអ្នកនាំពាក្យក្រសួងទេសចរណ៍ ថ្លែងប្រាប់ BTV នៅថ្ងៃទី១៧ ខែតុលានេះថា នៅពេលនេះ កត់សំគាល់ឃើញថា មូលដ្ឋានអាជីវកម្មទេសចរណ៍នានា បានខិតខំរៀបចំផលិតផលទេសចរណ៍បានល្អប្រសើរ ពិសេសនៅខេត្តសៀមរាប ហើយបើមូលដ្ឋានអាជីវកម្មនោះខិតខំបន្ថែមការផ្តល់សេវាទេសចរណ៍ប្រកបដោយគុណភាព ភាពកក់ក្តៅ និងរៀបចំតម្លៃសមរម្យ និងមានការប្រកួតប្រជែងទៀតនោះ គឺនឹងអាចទាក់ទាញទេសចរនោះទៅទទួលសេវាម្តងហើយ ហើយចង់ទៅទទួលសេវាម្តងទៀត។បើតាមលោកស្រី ឆាយ សៀវលីន ប្រធានសមាគមទីភ្នាក់ទេសចរណ៍កម្ពុជា CATA ថ្លែងថា ក្នុងអំឡុងពេលអាកាសយានដ្ឋានអន្តរជាតិសៀមរាបអង្គរ បើកដំណើរការ គឺយើងឃើញថា មានតែអាជីវកម្មសណ្ឋាគារ និងផ្ទះស្នាក់ នៅខេត្តសៀមរាមនោះទេ ដែលបានសហការជាមួយCATA រៀបចំបញ្ចុះតម្លៃ៣០% ដើម្បីទាក់ទាញទេសចរជាតិអន្តរជាតិអញ្ជើញទស្សនាខេត្តសៀមរាប ហើយប្រធានCATAរូបនេះ ក៏បានស្នើអាជីវកម្មទេសចរណ៍ផ្សេងៗទៀត គួររួមគ្នាគិតគូររៀបចំថ្លៃ និងរៀបចំផ្តល់សេវាប្រកបដោយគុណភាពដូចគ្នានេះដែរ។លោកស្រី ឆាយ សៀវលីន ថ្លែងថា នៅក្នុងកិច្ចសហការរៀបចំបញ្ចុះតម្លៃសណ្ឋាគារនៅខេត្តសៀមរាបនេះ ក្រុមហ៊ុនការីទេសចរណ៍នានា ក៏បាននាំគ្នារៀបចំបញ្ចុះតម្លៃការលក់កញ្ចប់ខែ្សទស្សនកិច្ចទស្សនាខេត្តសៀមរាបទៅតាមនោះដែរ ហើយអាចថា តម្លៃកញ្ចប់ខ្សែទស្សនកិច្ចនោះនឹងអាចប្រកួតប្រជែងតម្លៃកញ្ចប់ខ្សែទស្សនកិច្ចជាមួយប្រទេសជិតខាងយើង និងហើយអាចទាក់ទាញភ្ញៀវទេសចរអន្តរជាតិមកទស្សនាខេត្តសៀមរាប ហើយអាចស្នាក់នៅកម្ពុជាបានលើសពី១៥ថ្ងៃ៕ អត្ថបទ ស៊ុម សុខជា

កម្ពុជាទទួលបានអ្នកដំណើរតាមផ្លូវអាកាសមានជិត៣,៧ លាននាក់ ក្នុងរយៈពេល៩ខែនេះ

ភ្នំពេញ៖ កម្ពុជាទទួលបានអ្នកដំណើរតាមផ្លូវអាកាស នៅក្នុងរយៈពេល ៩ ខែ ឆ្នាំ ២០២៣ នេះ មានចំនួន ៣,៧ លាននាក់ កើនឡើង ១៦២ ភាគរយ និងទទួលបានចលនាជើងហោះហើរជាង ៣៧ ពាន់ជើង កើនឡើង ១០២ ភាគរយ ធៀបនឹងរយៈពេលដូចគ្នាក្នុង ឆ្នាំ ២០២២។ឯកឧត្តមបណ្ឌិត ម៉ៅ ហាវាណ្ណាល់ រដ្ឋមន្រ្តីទទួលបន្ទុករដ្ឋលេខាធិការអាកាសចរស៊ីវិល លើកឡើងក្នុងពិធីស្វាគមន៍ទទួលជើង ហោះហើរពាណិជ្ជកម្មដំបូង មកកាន់អាកាសយានដ្ឋានអន្តរជាតិសៀមរាបអង្គរ (SAI) នៅថ្ងៃទី១៦ ខែ តុលា ឆ្នាំ ២០២៣ នេះថា នៅក្នុងដើមខែតុលា ឆ្នាំ២០២៣នេះ ប្រតិបត្តិការហោះហើរដឹកជញ្ជូនអ្នកដំណើរជាតិ និងអន្តរជាតិ និងទំនិញតាមផ្លូវអាកាស ជាមធ្យម មានចលនាជើងហោះហើរចំនួន ៨៥០ ជើងក្នុងមួយសប្តាហ៍ នៅអាកាសយានដ្ឋានអន្តរជាតិទាំង ៣ និងមានក្រុមហ៊ុន អាកាសចរណ៍ក្នុងស្រុកនិងបរទេសចំនួន ៣០ ក្រុមហ៊ុន ដែលកំពុងតភ្ជាប់ជើងហោះហើរឡើងវិញពីប្រទេសអាស៊ានទាំង ៨ និងចិន កូរ៉េខាងត្បូង តំបន់រដ្ឋបាលពិសេសហុងកុង កោះតៃវ៉ាន់ និងរដ្ឋកាតាផងដែរ។ចំណែកនៅក្នុងរយៈពេល ៩ខែ ឆ្នាំ ២០២៣ នេះកម្ពុជា ទទួលបានអ្នក ដំណើរតាមផ្លូវអាកាស មានចំនួនជិត ៣,៧ លាននាក់ និងទទួលបានចលនាជើងហោះហើរ មានចំនួន ៣៧,២០០ ជើង ក្នុងនោះ បើធៀបរយៈពេលដូចគ្នាក្នុងឆ្នាំ ២០២២ ទាំងចំនួនអ្នកអ្នកដំណើរ ចលនាជើងហោះហើរបានកើនឡើងជាងរយដង ដែលបង្ហាញឲ្យឃើញនៃការងើបឡើងវិញជាបណ្តើរៗ សម្រាប់ការចរាចរទំនិញ និងអ្នកធ្វើដំណើរ ។ឯកឧត្តមបណ្ឌិត ម៉ៅ ហាវាណ្ណាល់ លើកឡើងបន្តថា សកម្មភាពដឹកជញ្ជូន តាមផ្លូវអាកាសនៅព្រះរាជាណាចក្រកម្ពុជា បានកំពុងវិលត្រឡប់មកវិញ ឬស្តារឡើងវិញជាបណ្តើរៗបានជិត ៥០ ភាគរយហើយ បើប្រៀបធៀបទៅនឹងឆ្នាំ ២០១៩ មុនវិបត្តិនៃជំងឺកូវីដ-១៩ ផ្ទុះឡើង។ អត្ថបទ៖ សុន រ៉ាឌី

រុស្ស៊ីបានចូលរួមជាមួយចិន ក្នុងការផ្អាកការនាំចូលអាហារសមុទ្រពីប្រទេសជប៉ុន

អង្គភាពឃ្លាំមើលកសិកម្មរុស្ស៊ី រូសែលឃូសណាដ័រ (Rosselkhoznadzor) បាននិយាយកាលពីថ្ងៃចន្ទ (១៦ តុលា) ថា ប្រទេសរុស្ស៊ី បានចូលរួមជាមួយប្រទេសចិន ក្នុងការដាក់ការរឹតបន្តឹងលើការនាំចូលត្រី និងអាហារសមុទ្រពីប្រទេសជប៉ុន។ប្រទេសជប៉ុន បានចាប់ផ្តើមបញ្ចេញទឹកវិទ្យុសកម្មធ្វើប្រព្រឹត្តកម្មរួច ចេញពីរោងចក្រថាមពលនុយក្លេអ៊ែរ ហ្វ៊គូស៊ីម៉ា ដែលបានខូចខាត ចូលទៅក្នុងមហាសមុទ្រប៉ាស៊ីហ្វិក ក្នុងខែសីហា ហើយជាវិធានការដែលទីក្រុងតូក្យូនិយាយថា មានសុវត្ថិភាព ព្រមទាំងត្រូវបានរិះគន់ដោយប្រទេសចិន ដែលជាបន្តបន្ទាប់បានហាមឃាត់ការនាំចូលអាហារសមុទ្រទាំងអស់ពីប្រទេសជប៉ុន។ប្រទេសរុស្ស៊ី បាននិយាយថា ការរឹតបន្តឹងនេះត្រូវបានដាក់ ជា «វិធានការប្រុងប្រយ័ត្ន» ហើយនឹងនៅតែមានប្រសិទ្ធភាព រហូតដល់មានព័ត៌មានទូលំទូលាយបង្ហាញថា អាហារសមុទ្រជប៉ុនមានសុវត្ថិភាព។ យោងតាមទីភ្នាក់ងារសារព័ត៌មាន ក្យូដូ បានរាយការណ៍ថា ក្រសួងកសិកម្ម រុក្ខាប្រមាញ់ និងនេសាទរបស់ប្រទេសជប៉ុន បាននិយាយកាលពីថ្ងៃចន្ទថា បម្រាមរបស់រុស្ស៊ីនេះ គឺគ្មានមូលដ្ឋានវិទ្យាសាស្ត្រច្បាស់លាស់ ហើយមិនយុត្តិធម៌ និងជារឿងគួរឱ្យសោកស្ដាយ ដោយអំពាវនាវឱ្យរុស្ស៊ីលុបចោលបម្រាមនោះវិញផងដែរ៕

ប្រទេសចិន រឹតបន្តឹងការធ្វើដំណើរទៅបរទេសសម្រាប់មន្ត្រីរាជការ និងបុគ្គលិកក្រោមការគ្រប់គ្រងរបស់រដ្ឋ

បណ្ដាមន្ត្រីរាជការ និងនិយោជិតនៃសហគ្រាសទាក់ទងជាមួយរដ្ឋរបស់ប្រទេសចិន កំពុងប្រឈមមុខនឹងឧបសគ្គកាន់តែតឹងរ៉ឹងលើការធ្វើដំណើរឯកជនទៅបរទេស ព្រមទាំងការត្រួតពិនិត្យទំនាក់ទំនងបរទេសរបស់ពួកគេ នេះបើយោងតាមការជូនដំណឹងផ្លូវការ និងមនុស្សជាងរាប់សិបនាក់ ដែលដឹងពីបញ្ហានេះ ខណៈដែលទីក្រុងប៉េកាំង ធ្វើយុទ្ធនាការប្រឆាំងនឹងឥទ្ធិពលបរទេស។បុគ្គលិកបច្ចុប្បន្ន និងអតីតបុគ្គលិកចំនួន១០នាក់ បានប្រាប់សារព័ត៌មាន រ៉យទ័រ ថា ការទប់ស្កាត់ការធ្វើដំណើរនោះ ត្រូវបានពង្រីកចាប់តាំងពីឆ្នាំ ២០២១មក ដើម្បីរួមបញ្ចូលការហាមឃាត់ការធ្វើដំណើរទៅក្រៅប្រទេស ដែនកំណត់កាន់តែតឹងរ៉ឹងលើភាពញឹកញ៉យ និងរយៈពេលនៃការធ្វើដំណើរ ដំណើរការអនុម័តដ៏លំបាក ព្រមទាំងការបណ្តុះបណ្តាលរក្សាការសម្ងាត់មុនពេលចេញដំណើរផងដែរ ហើយពួកគេនិយាយថា វិធានការនេះមិនពាក់ព័ន្ធនឹងវិធានការទប់ស្កាត់ជំងឺកូវីដ១៩ នោះទេ។សកម្មភាពនេះ ឆ្លុះបញ្ចាំងពីការយកចិត្តទុកដាក់របស់ប្រធានាធិបតីចិន លោក ស៊ី ជីនពីង លើសន្តិសុខជាតិ ស្របពេលមានទំនាក់ទំនងដ៏អាក្រក់ជាមួយលោកខាងលិច នេះបើតាមអ្នកជំនាញពីរនាក់បានប្រាប់សារព័ត៌មាន រ៉យទ័រ។ ប្រទេសចិន ក្នុងប៉ុន្មានខែថ្មីៗនេះ បានលើកទឹកចិត្តពលរដ្ឋឱ្យចូលរួមក្នុងសកម្មភាពប្រឆាំងចារកម្ម និងបានណែនាំច្បាប់ថ្មីដែលពង្រីកនិយមន័យនៃចារកម្មពីក្រៅប្រទេសផងដែរ៕

កូរ៉េ អាមេរិក ជប៉ុន ដំឡើងខ្សែទូរស័ព្ទទំនាក់ទំនងបន្ទាន់ត្រីភាគី ចំពេលមានបញ្ហាប្រឈមជាមួយកូរ៉េខាងជើង និងចិន

មន្ត្រីជាន់ខ្ពស់ទីក្រុងសេអ៊ូល បាននិយាយកាលពីថ្ងៃចន្ទថា កូរ៉េខាងត្បូង សហរដ្ឋអាមេរិក និងជប៉ុន បានបង្កើតបណ្តាញទំនាក់ទំនងត្រីភាគី ដែលជាសញ្ញាមួយផ្សេងទៀតនៃវឌ្ឍនភាពក្នុងកិច្ចសហប្រតិបត្តិការសន្តិសុខបីភាគីរបស់ពួកគេ ចំពេលមានការគំរាមកំហែងផ្នែកយោធាដែលកំពុងវិវឌ្ឍន៍របស់ប្រទេសកូរ៉េខាងជើង និងភាពអារិភាពកាន់តែកើនឡើងរបស់ចិន។ការបង្កើតបណ្តាញទូរស័ព្ទទំនាក់ទំនងបន្ទាន់នេះ បានកើតឡើងបន្ទាប់ពី លោកប្រធានាធិបតី Yoon Suk Yeol និងសមភាគីអាមេរិក និងជប៉ុនរបស់លោកគឺ លោក ចូ បៃដិន និង លោក ហ្វូមីអូ គីស៊ីដា ម្នាក់ៗ បានយល់ព្រមលើ «ការប្តេជ្ញាចិត្ត ដើម្បីពិគ្រោះ» គ្នាទៅវិញទៅមក នៅក្នុងព្រឹត្តិការណ៍នៃការគំរាមកំហែងជាទូទៅក្នុងអំឡុងពេលកិច្ចប្រជុំកំពូលរបស់ពួកគេនៅឯវិមានលំហែកម្សាន្ត Camp David នៅជាយក្រុងវ៉ាស៊ីនតោន ក្នុងខែសីហា។ខ្សែទូរស័ព្ទទំនាក់ទំនងបន្ទាន់នេះ ត្រូវបានគេនិយាយថា ដើម្បីភ្ជាប់ក្រុមប្រឹក្សាសន្តិសុខជាតិរបស់ប្រទេសទាំងបី ដោយអនុញ្ញាតឲ្យមានការទំនាក់ទំនងជាសំឡេង និងវីដេអូក្នុងចំណោមមេដឹកនាំ និងមន្ត្រីសន្តិសុខជាន់ខ្ពស់ របស់ពួកគេ នៅពេលណាក៏បាន។មន្ត្រីរូបនេះ បានប្រាប់ទីភ្នាក់ងារព័ត៌មាន Yonhap តាមទូរស័ព្ទ ដោយសុំមិនបញ្ចេញឈ្មោះថា៖«បណ្តាញទូរស័ព្ទទំនាក់ទំនងបន្ទាន់ក្នុងចំណោមប្រទេសទាំងបី ត្រូវបានបង្កើតឡើង ហើយការធ្វើតេស្តក្នុងចំណោមអ្នកបច្ចេកទេសរបស់ប្រទេសទាំងនេះ ក៏ត្រូវបានបញ្ចប់ហើយ ដែរ។

ប្រទេសចិនធ្វើជាម្ចាស់ផ្ទះវេទិកាសេដ្ឋកិច្ចអន្តរជាតិខ្សែក្រវ៉ាត់ និងផ្លូវ

ប្រទេសកំពុងធ្វើជាម្ចាស់ផ្ទះវេទិកាអន្តរជាតិស្តីពីគំនិតផ្តួចផ្តើមខ្សែក្រវ៉ាត់និងផ្លូវ ដែលចាប់ផ្តើមនៅថ្ងៃអង្គារនេះ ក្នុងទីក្រុងប៉េកាំង។ ប្រធានាធិបតីចិន លោក Xi Jinping និងប្រធានាធិបតីរុស្ស៊ី លោក Vladimir Putin ត្រូវបានកំណត់ជួបពិភាក្សា នៅក្រៅវេទិកានេះ។ រដ្ឋាភិបាលចិន បាននិយាយថាព្រឹត្តិការណ៍រយៈពេល២ថ្ងៃត្រូវបានគេរំពឹងថាទទួលគណៈប្រតិភូមកពីបណ្តាប្រទេសជាង១៤០ប្រទេស។ កាលបរិច្ឆេទនៅថ្ងៃអង្គារនេះរួមមានវេទិកាធុរកិច្ច និងពិធីជប់លៀងសម្រាប់មេដឹកនាំរដ្ឋ។ លោក Xi នឹង ថ្លែងសុន្ទរកថា នៅថ្ងៃពុធ។ ការិយាល័យប្រធានាធិបតីរុស្ស៊ី និយាយថា ជំនួបរវាងលោក Xi និងលោក Putin ត្រូវបានកំណត់ពេលនៅថ្ងៃពុធ។ លោក Putin ធ្វើដំណើរទស្សនកិច្ចទៅកាន់ប្រទេសចិន គឺជាលើកដំបូងចាប់តាំងពីការវាយលុករបស់រុស្ស៊ី លើអ៊ុយក្រែន។ វិមានក្រឹមឡាំង និយាយថាមេដឹកនាំទាំងពីរ នឹងពិភាក្សាអំពីបញ្ហាអន្តរជាតិ និងបញ្ហាតំបន់នាពេលបច្ចុប្បន្ន។ វិមានក្រឹមឡាំងនិយាយផងដែរ ថា រដ្ឋាភិបាលចិន និងរុស្ស៊ី មានជំហរដូចគ្នាលើបញ្ហាសកលដ៏មានសារៈសំខាន់។មេដឹកនាំទាំងពីរនឹងមានកិច្ចពិភាក្សាសម្រាប់លើកដំបូង ចាប់តាំងពីមេដឹកនាំទាំងពីរបានជួបគ្នា ក្នុងទីក្រុងមូស្គូកាលពីខែមីនា។ ក្រុមអ្នកអង្កេតការណ៍កំពុងយកចិត្តទុកដាក់ថាតើមេដឹកនាំទាំងពីរ នឹងពិភាក្សាពីការប្រយុទ្ធគ្នា រវាងអ៊ីស្រាអែលនិងក្រុមសកម្មប្រយុទ្ធហាម៉ាស់ប៉ាឡេស្ទីន និងការឈ្លានពានដែលនៅបន្តរបស់រុស្ស៊ី នៅអ៊ុក្រែនដែរឬយ៉ាងណា ។

បណ្ដាញសង្គម

ព័ត៌មានថ្មីៗ

បញ្ជូនជនជាតិចិន ៤នាក់ទៅសាលាដំបូងខេត្តព្រះសីហនុ ពាក់ព័ន្ធករណី ONLINE SCAMS

ចំនួនមនុស្សស្លាប់សរុបដោយសារគ្រោះមហន្តរាយលិចនាវាចម្លងនៅហ្ស៊ីមបាវ៉េ កើនឡើងដល់ ៧២នាក់

យន្តហោះចម្បាំងរបស់អង្គការណាតូបាញ់ទម្លាក់យានដ្រូនដែលរំលោភលើដែនអាកាសរបស់ប្រទេសរ៉ូម៉ានី

កាតាច្រានចោលការអះអាងរបស់ទីក្រុងតេអេរ៉ង់ថា ពួកគេបានឃាត់ខ្លួនអ្នកបើកបរយន្តហោះទម្លាក់គ្រាប់បែកអ៊ីរ៉ង់

មេដឹកនាំក្រុមហាម៉ាស ធ្វើដំណើរទៅកាន់ទីក្រុងគែ ប្រទេសអេហ្ស៊ីប សម្រាប់កិច្ចប្រជុំស្តីពីតំបន់ហ្កាហ្សា

សម្ដេចតេជោ ហ៊ុន សែន សរសើរលោកស្រី កឹម មនោវិទ្យា ថាពិតជាធនធានដ៏ល្អសម្រាប់ជាតិ

នាយករដ្ឋមន្រ្តីជប៉ុន សន្យាមិនឲ្យកើតមានម្តងទៀតជាដាច់ខាតសោកនាដកម្មសង្រ្គាម

ប្រជាពលរដ្ឋមានបញ្ហាជំងឺភ្នែកមកពីខេត្តកំពង់ធំ ទទួលបានការពិនិត្យ និងព្យាបាលឥតគិតថ្លៃ នៅមន្ទីរពេទ្យរុស្ស៉ី

គណៈប្រតិភូហាម៉ាសនឹងទៅកាន់អេហ្ស៊ីបដើម្បីពិភាក្សាពីបញ្ហាសំខាន់ៗក្នុងកិច្ចព្រមព្រៀងក្រុមប្រឹក្សាសន្តិភាពហ្កាហ្សា

ប្រធានាធិបតីអ៊ីរ៉ង់ដាក់ការសម្តីបន្ទោសអតិផរណាខ្ពស់លើការបិទផ្លូវរបស់អាមេរិក និងទណ្ឌកម្មប្រេង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ចំហេះព្រៃដ៏ធំបានបំផ្លាញផ្ទៃដីតំបន់ព្រៃអាម៉ាហ្សូន រាប់ពាន់ហិចតានៅប្រទេសបូលីវី

[BREAKING NEWS] ដំណើរទស្សនកិច្ចរបស់Joe Biden ទៅកាន់ប្រទេសហ្ស៊កដានី ត្រូវបានលុបចោល

[BREAKING NEWS] មនុស្សជាង៥០០នាក់ ត្រូវបានគេរាយការណ៍ថា ស្លាប់នៅក្នុងការផ្ទុះមួយនៅមន្ទីរពេទ្យក្នុងទីក្រុង Gaza

ក្រសួងទេសចរណ៍លើកទឹកចិត្តអាជីវកម្មបន្ទប់ស្នាក់នានាបញ្ចុះតម្លៃ ដូចសណ្ឋាគារនៅខេត្តសៀមរាប

កម្ពុជាទទួលបានអ្នកដំណើរតាមផ្លូវអាកាសមានជិត៣,៧ លាននាក់ ក្នុងរយៈពេល៩ខែនេះ

រុស្ស៊ីបានចូលរួមជាមួយចិន ក្នុងការផ្អាកការនាំចូលអាហារសមុទ្រពីប្រទេសជប៉ុន

ប្រទេសចិន រឹតបន្តឹងការធ្វើដំណើរទៅបរទេសសម្រាប់មន្ត្រីរាជការ និងបុគ្គលិកក្រោមការគ្រប់គ្រងរបស់រដ្ឋ

ប្រទេសចិនធ្វើជាម្ចាស់ផ្ទះវេទិកាសេដ្ឋកិច្ចអន្តរជាតិខ្សែក្រវ៉ាត់ និងផ្លូវ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ចំហេះព្រៃដ៏ធំបានបំផ្លាញផ្ទៃដីតំបន់ព្រៃអាម៉ាហ្សូន រាប់ពាន់ហិចតានៅប្រទេសបូលីវី

[BREAKING NEWS] ដំណើរទស្សនកិច្ចរបស់Joe Biden ទៅកាន់ប្រទេសហ្ស៊កដានី ត្រូវបានលុបចោល

[BREAKING NEWS] មនុស្សជាង៥០០នាក់ ត្រូវបានគេរាយការណ៍ថា ស្លាប់នៅក្នុងការផ្ទុះមួយនៅមន្ទីរពេទ្យក្នុងទីក្រុង Gaza

ក្រសួងទេសចរណ៍លើកទឹកចិត្តអាជីវកម្មបន្ទប់ស្នាក់នានាបញ្ចុះតម្លៃ ដូចសណ្ឋាគារនៅខេត្តសៀមរាប

កម្ពុជាទទួលបានអ្នកដំណើរតាមផ្លូវអាកាសមានជិត៣,៧ លាននាក់ ក្នុងរយៈពេល៩ខែនេះ

រុស្ស៊ីបានចូលរួមជាមួយចិន ក្នុងការផ្អាកការនាំចូលអាហារសមុទ្រពីប្រទេសជប៉ុន

ប្រទេសចិន រឹតបន្តឹងការធ្វើដំណើរទៅបរទេសសម្រាប់មន្ត្រីរាជការ និងបុគ្គលិកក្រោមការគ្រប់គ្រងរបស់រដ្ឋ

ប្រទេសចិនធ្វើជាម្ចាស់ផ្ទះវេទិកាសេដ្ឋកិច្ចអន្តរជាតិខ្សែក្រវ៉ាត់ និងផ្លូវ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍