នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម
សម្ដេចតេជោ អំពាវនាវដល់រាជរដ្ឋាភិបាលយកចិត្តទុកដាក់សាងសង់កន្លែងស្នាក់នៅសម្រាប់សិស្សជាស្ត្រី

នយោបាយ​ និង ការអភិវឌ្ឍន៍

ក្រសួងសាធារណការ និងដឹកជញ្ជូន រកឃើញយានយន្តលើសទម្ងន់ជាង៧១ម៉ឺនគ្រឿង គិតត្រឹមខែកញ្ញា ឆ្នាំ២០២៣

2023/09/29 10:59:15 pm        684
Facebook Telegram Linkin
ភ្នំពេញ៖ របាយការណ៍ក្រសួងសាធារណការ និងដឹកជញ្ជូន ដែលBTVទទួលបាននៅថ្ងៃទី២៩ ខែកញ្ញា ឆ្នាំ២០២៣នេះ បានឱ្យដឹងថា គិតត្រឹមខែកញ្ញា ឆ្នាំ២០២៣ លេខាធិការដ្ឋានគណៈកម្មាធិការសម្របសម្រួលអចិន្ត្រៃយ៍ នៃគណៈកម្មាធិការដឹកនាំត្រួតពិនិត្យយានយន្តលើសទម្ងន់បានចំនួន ៧១៥,៥៣៤ គ្រឿង ក្នុងចំណោមរថយន្តដែលត្រូវត្រួតពិនិត្យសរុបចំនួន ២,២៤៦,១៤០គ្រឿង។របាយការណ៍ក្រសួងសាធារណការដដែល បានបន្ថែមទៀតថា ក្នុងការចុះត្រួតពិនិត្យមន្ដ្រីជំនាញរកឃើញ រថយន្តផ្ទុកមិនលើសទម្ងន់ចំនួន ១,៥២៨,៨៤០គ្រឿង,រថយន្តផ្ទុកលើសទម្ងន់ចំនួន៧១៧,៣០០ គ្រឿង ស្មើនឹង ៣១.៩៣% ក្នុងនោះមាន៖ រថយន្តផ្ទុកលើសទម្ងន់ ក្រោម ៥% ចំនួន ៧១៥,៥៣៤ គ្រឿង ស្មើនឹង៣១.៨៦% , រថយន្តផ្ទុកលើសទម្ងន់ ពី ៥% ទៅ ១០ % ចំនួន ២៨គ្រឿង , រថយន្តផ្ទុកលើសទម្ងន់ ១០% ទៅ ២០% ចំនួន ១,៣២៣គ្រឿង ស្មើនឹង០.០៦% , រថយន្តផ្ទុកលើសទម្ងន់លើសពី ២០% ចំនួន ៤១៥ គ្រឿង ស្មើនឹ ០.២% ។ក្រសួងសាធារណការ បានបន្ដទៀតថា ពាក់ព័ន្ធនឹងវិធានការករណីខាងលើគណៈកម្មាធិការ សម្របសម្រួលអចិន្ត្រៃយ៍ នៃ គណៈកម្មាធិការដឹកនាំ ត្រួតពិនិត្យយានយន្តលើសទម្ងន់ បានពិន័យរថយន្តដឹកលើទម្ងន់សរុបចំនួន១,៧៦៦គ្រឿង មានទឹកប្រាក់សរុបចំនួន ២,៧១០,៥០៩,០០០រៀល (ពីរប៊ីលាន ប្រាំពីររយដប់លាន ប្រាំរយប្រាំបួនពាន់រៀលគត់)។ ទន្ទឹមនឹងនោះ រថយន្តត្រូវ បាន ឃាត់ទុក ១ឆ្នាំ គិតត្រឹមថ្ងៃទី ២៥ខែកញ្ញា ឆ្នាំ២០២៣សរុបចំនួន ៣៥៦ គ្រឿង។ រថយន្តបានឃាត់ទុកមិនទាន់គ្រប់១ឆ្នាំ ដែលត្រូវដោះលែងមានចំនួន៩៦ គ្រឿង ៕

ឯកឧត្តម គន់ គីម ណែនាំអាជ្ញាធរពាក់ព័ន្ធបន្តអនុវត្តន៍តាមបទបញ្ជាសម្តេចធិបតី ឱ្យបានម៉ឺងម៉ាត់ជួយពលរដ្ឋពីគ្រោះទឹកជំនន់

2023/09/29 09:59:40 pm        233
Facebook Telegram Linkin
ពោធិ៍សាត់៖ ទឹកភ្លៀងធ្លាក់ជាប់ៗគ្នាប្រមាណជាពីរថ្ងៃកន្លងមកនេះ បានបង្កជាទឹកជំនន់លិចនៅតំបន់មួយ ចំនួនក្នុងស្រុកវាលវែង ស្រុកកណ្តៀង និងក្រុងពោធិ៍សាត់ផងដែរ។ ដោយអនុវត្តន៍តាមបទបញ្ជារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ឯកឧត្តមទេសរដ្ឋមន្ត្រី គន់ គីម ណែនាំដល់អាជ្ញាធរពាក់ព័ន្ធបន្តអនុវត្តន៍​តាមបទបញ្ជា​សម្តេចធិបតី នាយករដ្ឋមន្ត្រី ឱ្យបានម៉ឺងម៉ាត់ជួយប្រជាពលរដ្ឋរងគ្រោះដោយទឹកជំនន់​ក្នុងរដូវវស្សានេះ។ ខណៈអាជ្ញាធរពាក់ព័ន្ធទាំងនៅថ្នាក់ជាតិ និងថ្នាក់ក្រោមជាតិបានស្រាក់ដៃគ្នាចុះជួយប្រជាពលរដ្ឋ និងដោះស្រាយផលប៉ះពាល់បណ្តាលមកពីជំនន់ទឹកភ្លៀងនេះ។ស្រុកវាលវែង ស្រុកកណ្តៀង និងក្រុងពោធិ៍សាត់ ស្ទើរតែរៀងរាល់ឆ្នាំនៅក្នុងរដូវវស្សាពេលមានភ្លៀងធ្លាក់ខ្លាំង តែង បង្ក ទៅជាទឹកជំនន់ជន់លិចនៅតាមតំបន់មួយចំនួនស្ថិតតាមបណ្តោយមាត់ស្ទឹងក្នុងខេត្តពោធិ៍សាត់។ អភិបាលខេត្តពោធិ៍សាត់ឯកឧត្តម ខូយ រីដា បានចុះដល់ទីតាំងរងគ្រោះ និងដាក់ចេញវិធានការនានា បង្ការ គ្រោះដល់អាយុជីវិតពលរដ្ឋ។ ជាពិសេសដឹកនាំអាជ្ញាធរ និងកងកម្លាំងរៀបចំទប់ទឹកមាត់ស្ទឹងក្រុងពោធិ៍សាត់ បញ្ចៀសផលប៉ះពាល់ធ្ងន់ធ្ងរដល់លំនៅឋានរបស់ប្រជាពលរដ្ឋ។នៅព្រឹកថ្ងៃទី២៩ ខែកញ្ញា ឆ្នាំ២០២៣នេះឯកឧត្តម ទេសរដ្ឋមន្ត្រី គន់ គីម អនុប្រធានទី១នៃគណៈ កម្មាធិការជាតិគ្រប់គ្រងគ្រោះមហន្តរាយ និងឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល និងជាប្រធានក្រុមការងាររាជរដ្ឋាភិបាលចុះជួយខេត្តពោធិ៍សាត់ បានចុះទៅដល់ខេត្តពោធិ៍សាត់ ដើម្បីពិនិត្យស្ថានភាពដោយផ្ទាល់ និងរួមគ្នាដាក់ចេញវិធានការជួយពលរដ្ឋរងគ្រោះ។ឯកឧត្តម ខូយ រីដា បានឱ្យដឹងថា ការជន់លិចនៅស្រុកកណ្តៀង និងក្រុងពោធិ៍សាត់នេះ ដោយសារកាលពីពីរថ្ងៃ មុនភ្លៀងបានធ្លាក់ខ្លាំងនៅជួរភ្នំក្រវាញ ហើយទឹកក៏បានលិច​នៅ​ស្រុកវាលវែង។ បន្ទាប់ពីភ្លៀងរាំង ទឹកស្រក នៅផ្នែកខាងលើ ទឹកក៏ហូរទាក់មកស្ទឹងពោធិ៍សាត់ និងលិចផ្នែកខ្លះក្នុងក្រុងពោធិ៍សាត់ និងស្រុកកណ្តៀង។ឯកឧត្តម ទេសរដ្ឋមន្ត្រី គន់ គីម បានវាយតម្លៃថា ប្រសិនបើមិនមានភ្លៀងធ្លាក់ផ្នែកខាងលើទៀត​ទេនោះ ស្ថានភាពនៃការ ជន់លិច ក្នុងក្រុងពោធិ៍សាត់ និងស្រុកកណ្តៀង នឹងធូរស្រាលក្នុង​ពេលឆាប់ៗ​ខាងមុខនេះ។ ទោះបីយ៉ាងណា ​ក្រោមបទបញ្ជារបស់សម្តេចធិបតី នាយករដ្ឋមន្ត្រីកម្ពុជា រូបលោកផ្ទាល់ ​និងអាជ្ញាធរពាក់ព័ន្ធទាំងអស់បន្ត តាមដានស្ថានការណ៍ ហើយដាក់ចេញវិធានការ​មួយចំនួនបញ្ចៀសផលប៉ះពាល់កុំឱ្យធ្ងន់ធ្ងរ។ ជាពិសេសការពារ អាយុជីវិតរបស់ប្រជាពលរដ្ឋ។ឯកឧត្តម ទេសរដ្ឋមន្ត្រី គន់ គីម បានអរគុណដល់អាជ្ញាធរ និងកងកម្លាំងប្រដាប់អាវុធ ដែលបាន​រួមគ្នាយ៉ាង សស្រាក់សស្រាំជួយដល់ប្រជាពលរដ្ឋរងគ្រោះ។ ឯកឧត្តម ទេសរដ្ឋមន្ត្រី ក៏បានណែនាំដល់អាជ្ញាធរពាក់ព័ន្ធបន្ត អនុវត្តន៍តាមបទបញ្ជាសម្តេចធិបតី នាយករដ្ឋមន្ត្រីឱ្យបានម៉ឺងម៉ាត់ជួយប្រជាពលរដ្ឋរងគ្រោះដោយទឹកជំនន់ក្នុងរដូវវស្សានេះ៕

ក្រុមប្រឹក្សាEU ពង្រីកការការពារបណ្តោះអាសន្នដល់ជនភៀសខ្លួនអ៊ុយក្រែន រហូតដល់ឆ្នាំ ២០២៥

2023/09/29 09:16:13 pm        204
Facebook Telegram Linkin
ក្រុមរដ្ឋមន្ត្រីក្រសួងមហាផ្ទៃនៃរដ្ឋជាសមាជិករបស់ក្រុមប្រឹក្សាសហភាពអឺរ៉ុប បានយល់ព្រមបន្តយន្តការការពារបណ្តោះអាសន្នសម្រាប់ជនភៀសខ្លួនពីអ៊ុយក្រែនសម្រាប់រយៈពេល មួយឆ្នាំ ចាប់ពីថ្ងៃទី៤ ខែមីនា ឆ្នាំ ២០២៤ ដល់ថ្ងៃទី៤ ខែមីនា ឆ្នាំ ២០២៥។សេវាកម្មសារព័ត៌មាន បានឲ្យដឹងថា៖«ដើម្បីផ្តល់ភាពប្រាកដប្រជាសម្រាប់ជនភៀសខ្លួនអ៊ុយក្រែនជាង ៤ លាននាក់ ដែលកំពុងរស់នៅក្នុងសហភាពអឺរ៉ុប ក្រុមប្រឹក្សានេះ បានយល់ព្រមបន្តការការពារបណ្តោះអាសន្នសម្រាប់មនុស្ស ដែលភៀសខ្លួនពីសង្គ្រាមឈ្លានពានរបស់រុស្ស៊ីប្រឆាំងនឹងអ៊ុយក្រែន»។លោក Fernando Grande-Marlaska Gómez រដ្ឋមន្ត្រីស្តីទីក្រសួងមហាផ្ទៃអេស្ប៉ាញដែលបច្ចុប្បន្នកាន់តំណែងជាប្រធានក្រុមប្រឹក្សាសហភាពអឺរ៉ុប បាននិយាយថា៖«សហភាពអឺរ៉ុប នឹងគាំទ្រប្រជាជនអ៊ុយក្រែនឲ្យបានយូរតាមដែលប្រទេសនេះត្រូវការ។ ការអូសបន្លាយស្ថានភាពការពារ ផ្តល់នូវភាពប្រាកដប្រជាដល់ជនភៀសខ្លួនជាង៤លាននាក់ដែលបានរកឃើញជម្រកសុវត្ថិភាពនៅក្នុងសហភាពអឺរ៉ុប»។បន្ទាប់ពីកិច្ចព្រមព្រៀងនយោបាយថ្ងៃនេះ ក្រុមប្រឹក្សាសហភាពអឺរ៉ុប នឹងត្រូវសម្រេចជាផ្លូវការលើការបន្តការការពារបណ្តោះអាសន្ន។ កិច្ចព្រមព្រៀងនេះ នឹងត្រូវអនុវត្ត នៅពេលដែលនីតិវិធីតាមច្បាប់ និងការបកប្រែទៅជាភាសាសហភាពអឺរ៉ុបទាំងអស់ ត្រូវបានបញ្ចប់។យន្តការការពារបណ្តោះអាសន្ន ត្រូវបានធ្វើឲ្យដំណើរការ នៅថ្ងៃទី៤ ខែមីនា ឆ្នាំ ២០២២ ហើយត្រូវបានបន្តដោយស្វ័យប្រវត្តិសម្រាប់រយៈពេលមួយឆ្នាំ។

ការផលិតអាវុធនៅរុស្ស៊ី និងអ៊ីរ៉ង់៖ ទួរគី ឥណ្ឌា និងប្រទេសដទៃ ទៀតទទួលបានការព្រមានជាបន្តបន្ទាប់

2023/09/29 09:11:49 pm        193
Facebook Telegram Linkin
ទីក្រុងប្រ៊ុចសែល បាននិយាយថា មានការហាមឃាត់ដ៏សំខាន់ទៅលើការលក់ទំនិញមួយចំនួនទៅឲ្យ ប្រទេសទួរគី ឥណ្ឌា និងប្រទេសចំនួនបួនផ្សេងទៀតដែលអ៊ីរ៉ង់ និងរុស្ស៊ីផ្គត់ផ្គង់គ្រឿងបន្លាស់សម្រាប់យានដ្រូន និងអាវុធផ្សេងទៀត ដែលបាននិងកំពុងវាយប្រហារទីក្រុងនានានរបស់អ៊ុយក្រែន។ ការអត្ថាធិប្បាយរបស់គណៈកម្មាការអ៊ឺរ៉ុប ធ្វើឡើង បន្ទាប់ពីឯកសារកម្រាស់៤៧ទំព័ររបស់កាសែត The Guardian ដែលរដ្ឋាភិបាលអ៊ុយក្រែន បានរៀបរាប់លម្អិតអំពីការប្រើប្រាស់បច្ចេកវិទ្យារបស់លោកខាង លិច។ឯកសាររបស់អ៊ុយក្រែន ដែលត្រូវបានបង្ហាញដល់រដ្ឋាភិបាល G7 ក្នុងខែសីហា បានបញ្ជាក់ថា ការវាយប្រហារចំនួន៦០០លើកលើទីក្រុងអ៊ុយក្រែនក្នុងរយៈពេលបីខែមុននេះ ត្រូវបានធ្វើឡើងដោយយានអាកាសដែលគ្មានមនុស្សបើក(UAVs) ដែលប្រើបច្ចេកវិទ្យាលោកខាងលិច។ព័ត៌មានគយបង្ហាញថា ការនាំចូលស្ទើរតែទាំងអស់ទៅកាន់ប្រទេសអ៊ីរ៉ង់ មានប្រភពមកពីប្រទេសទួរគី ឥណ្ឌា កាហ្សាក់ស្ថាន អ៊ូសបេគីស្ថាន វៀតណាម និងកូស្តារីកា។ក្រុមហ៊ុនអឺរ៉ុបចំនួន៥រួមទាំងក្រុមហ៊ុនបុត្រសម្ព័ន្ធរបស់ប៉ូឡូញនៃក្រុមហ៊ុនពហុជាតិរបស់អង់គ្លេស ត្រូវបានគេដាក់ឈ្មោះថា ជាក្រុមហ៊ុនមេដែលផលិតសមាសធាតុ ដែលត្រូវបានកំណត់អត្តសញ្ញាណ។

មន្ដ្រីក្រសួងរ៉ែ និងថាមពល ចុះពិនិត្យក្រុមហ៊ុនអាជីកម្មរ៉ែមាស នៅតំបន់ភ្នំជី ពាក់ព័ន្ធករណីមានជំលោះរវាងពលរដ្ឋ និងក្រុមហ៊ុន

2023/09/29 08:55:41 pm        285
Facebook Telegram Linkin
កំពង់ធំ៖ កាលពីថ្ងៃទី២៧ ខែកញ្ញា ឆ្នាំ២០២៣កន្លងទៅ ក្រុមមន្រ្តីជំនាញរបស់ អគ្គនាយកដ្ឋានរ៉ែ និងថាមពល នៃក្រសួងរ៉ែ និងថាមពល បានចុះពិនិត្យ និងសិក្សាពីដំណើរការ នៅទីតាំងក្រុមហ៊ុន​ស្រាវជ្រាវ គឺក្រុមហ៊ុន ឡេត ចេង ម៉ាញនីង ឌីវេឡុបម៉ិន ឯ.ក (LATE CHENG MINING DEVELOPMENT CO.,LTD.) ​ពាក់ព័ន្ធករណីលេចលឺមានជំលោះដីធ្លីរវាងពលរដ្ឋ និងក្រុមហ៊ុន។ការចុះពិនិត្យដឹកនាំ​ដោយ លោក អ៊ុច បូរ៉ា រដ្ឋលេខាធិការក្រសួងរ៉ែ និងថាមពល លោក អ៊ឹង ឌីប៉ូឡា អគ្គនាយក នៃអគ្គនាយកដ្ឋានរ៉ែ និងថាមពល ​ព្រមទាំងមានការចូលរួមពីអាជ្ញាធរភូមិ ឃុំ ស្រុក ភាគីពាក់ព័ន្ធ និងតំណាងក្រុមហ៊ុន។ក្នុងដំណើរការនេះ លោក អ៊ុច បូរ៉ា រដ្ឋលេខាធិការក្រសួងរ៉ែ និងថាមពល ​បញ្ជាក់ថា ក្រុមការងារ​បាន​បែងចែកជាពីរក្រុម គឺ ក្រុមទី១.ចុះសិក្សាទាក់ទងនឹងបច្ចេកទេសរបស់ក្រុមហ៊ុន និង ក្រុមទី២.ចុះសិក្សាស្រាវជ្រាវ​ទាក់ទង នឹងការដោះស្រាយគោល​នយោបាយជាមួយ​ប្រជាពលរដ្ឋ។តំណាងក្រុមហ៊ុនអាជីកម្មរ៉ែមាសលោក សម្បត្តិ ដែលជាប្រធានផ្នែកសម្របសម្រួលផល ប៉ះពាល់​រវាងក្រុមហ៊ុន ឡេត ចេង ម៉ាញនីង ឌីវេឡុបម៉ិន បញ្ជាក់ថា ​ក្រុមហ៊ុនបានទទួលអាជ្ញាបណ្ណ​អាជីវកម្មស្របច្បាប់ពីរាជរដ្ឋាភិបាល។ បច្ចុប្បន្ននេះ គឺក្រុមហ៊ុនកំពុងធ្វើអាជីវកម្មលើផ្ទៃដី​ដែល​រាជរដ្ឋាភិបាល​ផ្តល់អាជ្ញាបណ្ណ ​ឲ្យធ្វើអាជីវកម្ម ​និងបានគិតគូរពីផលប៉ះពាល់​លើ​ប្រជាពលរដ្ឋ​ដែលរស់នៅក្នុងតំបន់ទាំង​សុខភាពសាធរណៈ និងសុវត្ថិភាព​ជុំវិញមូលដ្ឋានផងដែរ។ករណីដែលមានការចុះផ្សព្វផ្សាយ​ពីស្ថាប័នសារព័ត៌មានមួយចំនួនកាលពីពេល ​កន្លងទៅថ្មីៗ​នេះថា ​មានករណីវិវាទដីធ្លីរវាងក្រុមហ៊ុន ​ជាមួយ​ប្រជាពលរដ្ឋ ​គឺករណីមិនពិតនោះទេ៕

កាកបាទក្រហមកម្ពុជា ទូលថ្វាយអំណរព្រះរាជគុណចំពោះព្រះមហាក្សត្រ នូវព្រះរាជទ្រព្យចំនួន ១០០០ដុល្លារ

2023/09/29 08:19:45 pm        138
Facebook Telegram Linkin
កាកបាទក្រហមកម្ពុជាមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែនជាប្រធាន សូមក្រាបបង្គំទូលថ្វាយព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត។ សម្តេចកិត្តិ និងសហការី នៃកាកបាទក្រហមកម្ពុជា មានសេចក្តីរីករាយឥតឧបមា ដោយបានទទួលនូវ ព្រះរាជទ្រព្យ ចំនួន ១០០០ USD (មួយពាន់ដុល្លារអាមេរិក) អំពី ព្រះករុណាជាអម្ចាស់ ជីវិតលើត្បូង ព្រះមហាក្សត្រ នៃ ព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យ ប្រោសព្រះរាជូបត្ថម្ភចំពោះ កាកបាទក្រហមកម្ពុជា សម្រាប់ ខែកញ្ញា ឆ្នាំ២០២៣ តាមរយៈ សម្ដេចចៅហ្វាវាំង គង់ សំអុល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង ។ក្នុងនាមកាកបាទក្រហមកម្ពុជា សូមព្រះបរមរាជានុញ្ញាតដ៏ខ្ពង់ខ្ពស់ ក្រាបបង្គំទូលថ្វាយ អំណរព្រះរាជ គុណដ៏ខ្ពង់ខ្ពស់បំផុត ថ្វាយ ព្រះករុណាជាអម្ចាស់ជីវិតលើត្បូង ជាទីគោរព​សក្ការៈដ៏ខ្ពង់ខ្ពស់បំផុត ចំពោះព្រះរាជ ទានព្រះរាជទ្រព្យនេះ ដើម្បីទ្រទ្រង់សកម្មភាព​មនុស្សធម៌ របស់កាក បាទក្រហមកម្ពុជា ​សម្រាប់ជួយសង្គ្រោះប្រជារាស្ត្រ ​កម្ពុជាក្រីក្រទទួលរងគ្រោះដោយ គ្រោះមហន្តរាយផ្សេងៗ ។សម្តេចកិត្តិព្រឹទ្ធបណ្ឌិត ប្រធាន សូមបួងសួងគុណបុណ្យព្រះរតនត្រ័យ តេជះបារមីនៃវត្ថុ​ស័ក្ដិសិទ្ធិ​នានាក្នុងលោក ព្រះបារមី ទេវតារក្សា ព្រះមហាស្វេតច្ឆត្រ និងព្រះបារមីនៃព្រះវិញ្ញាណក្ខន្ធ​អតីតព្រះមហាក្សត្រ ព្រះមហាក្សត្រិយានីខ្មែរគ្រប់ព្រះអង្គ សូមព្រះ មេត្តាប្រោសព្រះរាជទាន​ព្រះពរជ័យបវរមហាប្រសើរ ថ្វាយ ព្រះករុណាជាអម្ចាស់ជីវិតលើត្បូង ជាទីគោរព សក្ការៈដ៏ខ្ពង់ខ្ពស់​បំផុត សូមព្រះអង្គប្រកបដោយ ព្រះបរមសុខគ្រប់ប្រការ គង់ប្រថាប់​ក្នុងព្រះមហាសិរីរាជសម្បត្តិ ជាម្លប់ ដ៏ត្រជាក់ត្រជំ សម្រាប់ប្រជា រាស្ត្រកម្ពុជាជ្រកកោនតរៀងទៅ៕ អត្ថបទ៖ សំ ងីម

ពលរដ្ឋចាប់ផ្ដើមនាំគ្នាទៅផ្សារទិញគ្រឿងធ្វើចង្ហាន់យកទៅវត្ត ខណៈថ្ងៃកាន់បិណ្ឌទី១ នឹងចាប់ផ្ដើមថ្ងៃស្អែក

2023/09/29 08:11:50 pm        179
Facebook Telegram Linkin
ភ្នំពេញ៖ ប្រជាពលរដ្ឋជាច្រើននៅក្នុងមូលដ្ឋានរាជធានីភ្នំពេញ នៅថ្ងៃទី២៩ ខែកញ្ញានេះ ចាប់ផ្ដើមនាំគ្នាទៅ ផ្សារទិញគ្រឿងធ្វើចង្ហាន់យកទៅវត្ត ខណៈថ្ងៃកាន់បិណ្ឌទី១ នឹងចាប់ផ្ដើមនៅថ្ងៃស្អែក។ប្រជាពលរដ្ឋ ដែលចូលផ្សារទួលទំពូង បានប្រាប់BTVថា និងកំពុងទិញបន្លែ ត្រី សាច់ និងផ្លែឈើ ជាដើមនោះ ដើម្បីរៀបចំធ្វើចង្ហាន់យកទៅប្រគេនលោក នៅថ្ងៃស្អែក ដែលត្រូវនឹងថ្ងៃកាន់បិណ្ឌទី១ ដែលជាទំនៀមទម្លាប់ប្រពៃណីពីដូនតាមក ដើម្បីឧទ្ទិសកុសលផលបុណ្យទៅ ជូន​ញាតិសន្ដាន ដែលបានចែកឋានទៅ ។អាជីវករផ្សារទួលទំពូង បានឱ្យដឹងដែរថា មុនថ្ងៃកាន់បិណ្ឌចូលមកដល់ ការលក់ដូរមានភាព មមាញឹកជាងមុនបន្តិច និងអាចកាន់តែមមាញឹកទៀត ពេលពិធីបុណ្យកាន់បិណ្ឌ ចាប់ផ្ដើម និងរហូតដល់ ថ្ងៃភ្ជុំបិណ្ឌ ។ចាប់ពីស្អែកទៅ ពិធីបុណ្យភ្ជុំបិណ្យ ​នឹងចាប់ផ្តើម រហូតដល់ថ្ងៃទី១៥ ខែតុលា ដែលជាថ្ងៃបញ្ចប់ ។ ភ្ជុំបិណ្ឌ ជាពិធីបុណ្យមួយក្នុងចំណោមពិធីបុណ្យធំៗដទៃទៀត ​នៃព្រះរាជពិធីទា្វរទសមាស ដែលប្រជារាស្រ្តទូទាំងព្រះរាជាណាចក្រកម្ពុជា តាំងពីបុរាណរៀងមក តែងតែប្រារព្ធពិធីនេះ មិនដែលអាក់ខានឡើយ ពោលគឺចាប់ពីថៃ្ង១រោច ខែភទ្របទ រហូតដល់ថៃ្ងទី១៥រោច មានរយៈពេល១៥ថៃ្ង ។ តាមទម្លាប់ជារៀងរាល់ឆ្នាំ នៅពេលដល់ថ្ងៃខែ ដែលត្រូវប្រារព្ធពិធីបុណ្យភ្ជុំបិណ្ឌ ​គ្រប់បងប្អូនកូនចៅ សាច់ញាតិសន្ដានទាំងអស់ ទោះនៅទីជិត ឬទីឆ្ងាយ តែងតែធ្វើដំណើរទៅជួបជុំគ្នា ជា​ពិសេសឪពុកម្ដាយ ​ដើម្បីរៀបចំម្ហូបអាហារ បាយសម្លរ​ ចង្ហាន់ ​យកទៅប្រគេនព្រះសង្ឃ ដែលគង់នៅតាមទីវត្តអារាមនានា ៕អត្ថបទ៖ ទូច សោភ័ណ

ភាពបែកបាក់គ្នាកាន់តែខ្លាំងឡើងរវាងបក្សសាធារណរដ្ឋ និងបក្សប្រជាធិបតេយ្យរបស់អាមេរិក ខណៈការបោះឆ្នោតជិតមកដល់

2023/09/29 07:39:48 pm        111
Facebook Telegram Linkin
ភាពលម្អៀងរវាងគណបក្ស គឺជាលក្ខណៈនៃនយោបាយនៅក្នុងសហរដ្ឋអាមេរិក តាំងពីយូរយារណាស់មកហើយ ក៏ប៉ុន្តែការបែកបាក់រវាងគណបក្សសាធារណរដ្ឋ និងគណបក្សប្រជាធិបតេយ្យកាន់តែស៊ីជម្រៅក្នុងប៉ុន្មានឆ្នាំថ្មីៗនេះ។ ខណៈប្រទេសនេះកំពុងឆ្ពោះទៅរកការបោះឆ្នោតប្រធានាធិបតីនៅឆ្នាំក្រោយ ស្ថានការណ៍កាន់តែអាក្រក់ទៅៗ ជាមួយនឹងការស៊ើបអង្កេតលើការចោទប្រកាន់ដើម្បីទម្លាក់តំណែងលោកប្រធានាធិបតី ចូ បៃដិន និងការចោទប្រកាន់បទឧក្រិដ្ឋរបស់លោកអតីតប្រធានាធិបតី ដូណាល់ ត្រាំ ពីបទប៉ុនប៉ងបង្វែរលទ្ធផលបោះឆ្នោត។ថ្មីៗនេះ គណបក្សសាធារណរដ្ឋនៅក្នុងសភាតំណាងរាស្រ្តអាមេរិក បានស្ថិតក្នុងភាពមិនរង្គោះរង្គើ ដោយចាប់ផ្តើមដំណើរការនីតិវិធី ដើម្បីព្យាយាមដកលោក បៃដិន ចេញពីតំណែងជុំវិញជំនួញរបស់គ្រួសារលោក។ ដោយសារគណបក្សសាធារណរដ្ឋមិនអាចបង្កើតភស្តុតាងច្បាស់លាស់ណាមួយបានមកទល់ពេលនេះ សេតវិមានបានចាត់ទុកចំណាត់ការនេះថាជា «ភាពស្រឡាំងកាំងផ្នែកនយោបាយ» និង »នយោបាយជ្រុលនិយមដ៏អាក្រក់បំផុត» ផងដែរ៕

រដ្ឋមន្ត្រីការបរទេសអាមេរិក បានជួបរដ្ឋមន្ត្រីឥណ្ឌា ប៉ុន្តែមិនបាននិយាយអំពីករណីឃាតកម្មនៅកាណាដាទេ

2023/09/29 07:36:53 pm        106
Facebook Telegram Linkin
នាយករដ្ឋមន្ត្រីកាណាដា លោក Justin Trudeau បាននិយាយថា លោកប្រាកដណាស់ថា រដ្ឋមន្ត្រីការបរទេសអាមេរិក លោក Antony Blinken នឹងលើកឡើងពីឃាតកម្មលើមេដឹកនាំផ្តាច់ខ្លួនសាសនាស៊ីក នៅពេលដែលលោកបានជួបសមភាគីឥណ្ឌា កាលពីថ្ងៃព្រហស្បតិ៍ (២៨ កញ្ញា) ប៉ុន្តែសេចក្តីថ្លែងការណ៍របស់សហរដ្ឋអាមេរិកបន្ទាប់ពីកិច្ចប្រជុំនោះ មិនបាននិយាយអំពីបញ្ហានេះទេ។លោក Trudeau បានធ្វើការលើកឡើងរបស់ខ្លួនទៅកាន់អ្នកសារព័ត៌មានក្នុងខេត្ត កេប៊ិក (Quebec) រយៈពេល១០ថ្ងៃ បន្ទាប់ពីលោកបានប្រកាសថា ប្រទេសកាណាដាសង្ស័យថាភ្នាក់ងាររដ្ឋាភិបាលឥណ្ឌាមានទំនាក់ទំនងនឹងឃាតកម្មលើមេដឹកនាំផ្តាច់ខ្លួនសាសនាស៊ីក លោក Hardeep Singh Nijjar ដែលបានកើតឡើងនៅក្នុងខេត្ត ប្រ៊ីដធីស កូឡំប៊ី ក្នុងខែមិថុនា។ លោក Nijjar ជាពលរដ្ឋកាណាដា ប៉ុន្តែឥណ្ឌាបានប្រកាសថាលោកជា «ភេរវករ»។សម្ព័ន្ធមិត្តប្រពៃណីរបស់កាណាដា រួមទាំងសហរដ្ឋអាមេរិក បានលេចចេញនូវវិធីសាស្រ្តប្រុងប្រយ័ត្នក្នុងការដោះស្រាយចំពោះបញ្ហានេះ។ ក្រុមអ្នកវិភាគនយោបាយបាននិយាយថា ការយកចិត្តទុកដាក់ជាពិសេសនេះ គឺជាផ្នែកមួយដោយសារតែទីក្រុងវ៉ាស៊ីនតោន និងតួអង្គសំខាន់ៗផ្សេងទៀតមើលឃើញថា ឥណ្ឌាជាអ្នកប្រឆាំងទៅនឹងឥទ្ធិពលដែលកំពុងកើនឡើងរបស់ចិន៕

កាហ្សាក់ស្ថាន បញ្ជាក់ពីចេតនាអនុវត្តទណ្ឌកម្មប្រឆាំង នឹងប្រទេសរុស្ស៊ី

2023/09/29 07:33:46 pm        149
Facebook Telegram Linkin
ប្រធានាធិបតីរបស់ប្រទេសនេះ លោក កាសស៊ីម ចូម៉ាត តូកាយ៉េវ(Kassym-Jomart Tokayev) បានថ្លែងនៅក្នុងសន្និសីទសារព័ត៌មាន កាលពីថ្ងៃទី ២៨ ខែកញ្ញា បន្ទាប់ពីកិច្ចពិភាក្សាជាមួយលោកអធិការបតីអាល្លឺម៉ង់ អូឡាហ្វ សូល (Olaf Scholz)ថា ប្រទេសកាហ្សាក់ស្ថាននឹងអនុវត្តរូបមន្តទណ្ឌកម្មយ៉ាងច្បាស់លាស់ប្រឆាំងនឹងប្រទេសរុស្ស៊ី។ លោកតូកាយ៉េវ ក៏បានជំរុញឲ្យបញ្ចប់យ៉ាងឆាប់រហ័សចំពោះ«អរិភាពនៅអ៊ុយក្រែន» និងការចរចាសន្តិភាព ស្របតាមធម្មនុញ្ញរបស់អង្គការសហប្រជាជាតិ។លោកបាននិយាយថា៖«យើងត្រូវបញ្ឈប់ការចោទប្រកាន់គ្នាទៅវិញទៅមក និងចរចារ ដើម្បីស្វែងរកជម្រើសដែលសមស្របសម្រាប់ភាគីទាំងពីរ» ដោយបន្ថែមថា ពេលនេះ គឺពេលវេលាសម្រាប់ ការទូតដ៏ឈ្លាសវៃ និងសមហេតុផល»។លោក តូកាយ៉េវ បានមកដល់ប្រទេសអាល្លឺម៉ង់ កាលពីព្រឹកមិញ ដើម្បីជួបពិភាក្សាជាមួយលោក សូល និងប្រធានាធិបតីអាល្លឺម៉ង់ ហ្រ្វែង វ៉លទឺ ស្ទាញម៉ៃយ៉ើ (Frank-Walter Steinmeier)។បន្ទាប់ពីកិច្ចប្រជុំរបស់ខ្លួមជាមួយលោកសូល លោកតូកាយ៉េវ បានបន្ថែមថា ប្រទេសកាហ្សាក់ស្ថាន បានត្រៀមខ្លួនរួចជាស្រេចក្នុងការបង្កើនការផ្គត់ផ្គង់ប្រេងដល់ប្រទេសអាល្លឺម៉ង់ «និងធ្វើឲ្យពួកគេប្រើប្រាស់បានយូរ»។

បណ្ដាញសង្គម

ព័ត៌មានថ្មីៗ

ករណីលិចទូកនៅកោះប្រាក់៖ មនុស្ស ៣នាក់បាត់ខ្លួន រកមិនទាន់ឃើញ
08/16/2026 05:08 PM
Facebook Telegram Linkin
ប្រធានក្រុមការងារចុះមូលសង្កាត់ដង្កោ ជំរុញដល់អាជ្ញាធរមូលដ្ឋាន ផ្ដល់​សេវា​ឱ្យ​បាន​ល្អ​ដល់​ប្រជាពលរដ្ឋ
08/16/2026 04:08 PM
Facebook Telegram Linkin
ប្រជានេសាទអេក្វាឌ័រ ប្រឈមគ្រោះថ្នាក់២ គឺក្រុមជួយដូរគ្រឿងញៀន និងការវាយប្រហាររបស់អាមេរិក
08/16/2026 04:08 PM
Facebook Telegram Linkin
បញ្ជូនជនជាតិចិន ៤នាក់ទៅសាលាដំបូងខេត្តព្រះសីហនុ ពាក់ព័ន្ធករណី ONLINE SCAMS
08/16/2026 04:08 PM
Facebook Telegram Linkin
ចំនួនមនុស្សស្លាប់សរុបដោយសារគ្រោះមហន្តរាយលិចនាវាចម្លងនៅហ្ស៊ីមបាវ៉េ កើនឡើងដល់ ៧២នាក់
08/16/2026 04:08 PM
Facebook Telegram Linkin
យន្តហោះចម្បាំងរបស់អង្គការណាតូបាញ់ទម្លាក់យានដ្រូនដែលរំលោភលើដែនអាកាសរបស់ប្រទេសរ៉ូម៉ានី
08/16/2026 04:08 PM
Facebook Telegram Linkin
កាតាច្រានចោលការអះអាងរបស់ទីក្រុងតេអេរ៉ង់ថា ពួកគេបានឃាត់ខ្លួនអ្នកបើកបរយន្តហោះទម្លាក់គ្រាប់បែកអ៊ីរ៉ង់
08/16/2026 04:08 PM
Facebook Telegram Linkin
មេដឹកនាំក្រុមហាម៉ាស ធ្វើដំណើរទៅកាន់ទីក្រុងគែ ប្រទេសអេហ្ស៊ីប សម្រាប់កិច្ចប្រជុំស្តីពីតំបន់ហ្កាហ្សា
08/16/2026 03:08 PM
Facebook Telegram Linkin
សម្ដេចតេជោ ហ៊ុន សែន សរសើរ​លោកស្រី កឹម មនោវិទ្យា ថាពិតជាធនធានដ៏ល្អសម្រាប់ជាតិ
08/16/2026 03:08 PM
Facebook Telegram Linkin
នាយករដ្ឋមន្រ្តីជប៉ុន សន្យាមិនឲ្យកើតមានម្តងទៀតជាដាច់ខាតសោកនាដកម្មសង្រ្គាម
08/16/2026 02:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.