នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម
សម្ដេចតេជោ អំពាវនាវដល់រាជរដ្ឋាភិបាលយកចិត្តទុកដាក់សាងសង់កន្លែងស្នាក់នៅសម្រាប់សិស្សជាស្ត្រី

នយោបាយ​ និង ការអភិវឌ្ឍន៍

ឯកឧត្តម ចាយ បូរិន អរគុណជប៉ុន ផ្តល់ជំនួយដ៏សំបូរបែបលើគ្រប់វិស័យមិនថាវិស័យពុទ្ធចក្រ និងអាណាចក្រ

2023/09/15 07:59:08 pm        86
Facebook Telegram Linkin
ភ្នំពេញ៖ ឯកឧត្តម ចាយ បូរិន រដ្ឋមន្រ្តីក្រសួងធម្មការ និងសាសនា បានអនុញ្ញាតឲ្យឯកឧត្តម UENO Atsushi ឯកអគ្គរាជទូតវិសាមញ្ញ និងពេញសមត្ថភាព នៃប្រទេសជប៉ុន ប្រចាំព្រះរាជាណាចក្រកម្ពុជា ចូលជួបសម្តែងការគួរសម និងពិភាក្សាការងារ នៅទីស្តីការក្រសួង នាព្រឹកថ្ងៃទី១៥ ខែកញ្ញា ឆ្នាំ២០២៣នេះ។ជាកិច្ចចាប់ផ្តើម ឯកឧត្តម ឯកអគ្គរាជទូតវិសាមញ្ញ និងពេញសមត្ថភាពជប៉ុនប្រចាំព្រះរាជាណាចក្រកម្ពុជា សូមអបអរសាទរចំពោះឯកឧត្តម ចាយ បូរិន ដែលត្រូវបានការផ្តល់សេចក្តីទុកចិត្តពីរដ្ឋសភាអាណត្តិទី៧ និងព្រះមហាក្សត្រ នៃព្រះរាជាណាចក្រកម្ពុជា ប្រោសព្រះរាជទានត្រាស់បង្គាប់តែងតាំងជារដ្ឋមន្ត្រីក្រសួងធម្មការ និងសាសនា ​នៃព្រះរាជាណាចក្រកម្ពុជា ​និងបានកោតសរសើរនៅស្នាដៃដឹកនាំ របស់​សម្តេចតេជោ ហ៊ុន សែន អតីតនាយករដ្ឋមន្រ្តី ដែលបានដឹកនាំកម្ពុជា ប្រទេសកាន់នៅសាសនា​ព្រះពុទ្ធ​ជាសាសនា​របស់រដ្ឋ ប៉ុន្តែបានបើកយ៉ាងទូលាយនៅគ្រប់សាសនាទាំងអស់ ព្រមទាំងគ្រប់គ្រង​បានយ៉ាងល្អលើសាសនាទាំងអស់​ មិនឲ្យមានកើតវិវាទ ​នឹងគ្នា ។ ក្នុងជំនួបដដែលនេះ ឯកឧត្តម ឯកអគ្គរាជទូត មានគោលបំណងបន្តពង្រឹងកិច្ចសហប្រតិបត្តិការ​ដែល​មានស្រាប់ បើទោះបីជាប្រទេសជប៉ុន ពុំមានព្រះពុទ្ធសាសនា ជាសាសនារបស់រដ្ឋក៏ដោយ ប៉ុន្តែមានអង្គការចាត់តាំង និងសមាគមមួយចំនួននៅប្រទេសជប៉ុន បានកាន់សាសនាព្រះពុទ្ធ កន្លងមកធ្លាប់បានផ្តល់ជំនួយ ជួយដល់ប្រទេសកម្ពុជា ​លើវិស័យសេដ្ឋកិច្ច។ក្នុងនោះក៏មានការជួយលើវិស័យព្រះពុទ្ធសាសនា ដោយជប៉ុនធ្លាប់បានចូលរួមជួយបោះពុម្ព​នៅគម្ពីរ​ព្រះត្រៃបិដកចំនួន១១០ក្បាល ​ជូនមកក្រសួងធម្មការ និងសាសនា ដើម្បីចែកចាយដល់​វត្តអារាម និងបណ្ណាល័យមួយចំនួនរបស់ប្រទេសកម្ពុជា។ ដោយឡែកឯកឧត្តម ឯកអគ្គរាជទូត ជប៉ុន ក៏បានជម្រាបជូនឯកឧត្តមរដ្ឋមន្ត្រីពីកម្មវិធី​ព្រះពុទ្ធសាសនា​អន្តរជាតិ​ ដែលប្រារព្ធធ្វើនៅឆ្នាំ២០២៥ខាងមុខនេះ​ ដោយមានការចូលរួមពីអង្គការ សមាគម ​ពិសេសពុទ្ធសាសនិក ​ដែលកាន់នៅព្រះពុទ្ធសាសនាទាំងនៅអាស៊ី ​និងអឺរ៉ុប។ជាការឆ្លើយតប ​ឯកឧត្តម ចាយ បូរិន បានថ្លែងអំណរគុណដល់រដ្ឋាភិបាល ​និងប្រជាជនជប៉ុន ដែល​កន្លងមកតែងតែផ្តល់នៅជំនួយដ៏សំបូរបែបលើគ្រប់វិស័យ​ មិនថាវិស័យពុទ្ធចក្រ ​និងអាណាចក្រ ចាប់តាំង​ពីអាណត្តិដែលដឹកនាំដោយសម្តេចអគ្គមហាសេនាបតីតេជោ​ ហ៊ុន សែន រហូតមកដល់អាណត្តិទី៧ ​ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា។ ឯកឧត្តម សង្ឃឹមថា តាមរយៈកិច្ចសហប្រតិបត្តិការយ៉ាងស្អិតរមួតដែល​មានស្រាប់ជាដៃគូ​យុទ្ធសាស្រ្ត និងចំណងមិត្តភាពរវាងព្រះរាជាណាចក្រកម្ពុជា ​និងប្រទេសជប៉ុន និងបន្តគាំទ្រគ្នា​ទៅវិញ​ទៅមកកាន់តែរីកចម្រើនឡើងថែមទៀត ពិសេសលើកិច្ចសហប្រតិបត្តិការ​យ៉ាងជិតស្និត​ជាមួយក្រសួងធម្មការ និងសាសនា ​ដែលជាសេនាធិការបស់រដ្ឋាភិបាលកម្ពុជា ​និងប្រទេសជប៉ុន៕អត្ថបទ រដ្ឋា

ILO បញ្ជាក់ថា អត្រាភាពគ្មានការងារធ្វើជារួមនៅកម្ពុជាគឺ ១,២ ភាគរយ

2023/09/15 07:52:59 pm        180
Facebook Telegram Linkin
ភ្នំពេញ៖ អង្គការអន្តរជាតិខាងការងារ (ILO) នៅថ្ងៃទី១៥ ខែកញ្ញា ឆ្នាំ ២០២៣នេះ បានចេញសេចក្តីថ្លែងការណ៍ បញ្ជាក់ថា អត្រាភាពគ្មានការងារធ្វើជារួម (ដែលត្រូវបានកំណត់ជាអ្នកគ្មានការងារធ្វើគិតជាភាគរយនៃកម្លាំងពលកម្មសរុប) គឺ ១,២ ភាគរយ តាមរបាយការណ៍អង្កេតកម្លាំងពលកម្មកម្ពុជាឆ្នាំ២០១៩។យោងតាមសេចក្តីថ្លែងការណ៍របស់អង្គការអន្តរជាតិខាងការងារ (ILO) ស្តីពីស្ថិតិភាពមានការងារធ្វើ និង​ភាពគ្មានការងារធ្វើ ក្នុងប្រទេសកម្ពុជា ដែលផ្ដល់មកទូរទស្សន៍ BTV ​នាថ្ងៃទី១៥ ខែកញ្ញា ឆ្នាំ ២០២៣នេះ បានបំភ្លឺចំពោះស្ថិតិដែលបាន​បោះពុម្ពផ្សាយ​ក្នុងមូលដ្ឋាន​ទិន្នន័យ​ស្ថិតិកម្លាំង​ពលកម្មរបស់អង្គការអន្តរជាតិ​ខាងការងារនាពេកកន្លងទៅនេះ ​និងបំភ្លឺព័ត៌មានទាក់ទង​នឹង​ស្ថិតិភាព​មានការងារធ្វើ និងភាពគ្មានការងារធ្វើ ​ក្នុងប្រទេសកម្ពុជា។សេចក្តីថ្លែងការណ៍ បានឱ្យដឹងថា ស្ថិតិស្តីពីភាពមានការងារធ្វើដែលបានបោះពុម្ពផ្សាយ​ក្នុងមូលដ្ឋានទិន្នន័យស្ថិតិកម្លាំងពលកម្មរបស់អង្គការអន្តរជាតិខាងការងារ (ILOSTAT) ប្រើនិយមន័យផ្អែកទៅតាមសន្និសីទអន្តរជាតិលើកទី១៣ ​នៃអ្នកជំនាញស្ថិតិការងារ (ICLS ឆ្នាំ១៩៨២)។សេចក្តីថ្លែងការណ៍បញ្ជាក់ថា នៅប្រទេសកម្ពុជា តួលេខថ្មីបំផុតនៃអត្រាភាពមានការងារធ្វើធៀប​នឹងប្រជាជន (employment-to-population ratio) ដែលស្របតាមបទដ្ឋានអន្តរជាតិ គឺបានមកពី​របាយការណ៍អង្កេតកម្លាំងពលកម្មកម្ពុជាឆ្នាំ២០១៩ ហើយអត្រាភាព​មានការងារធ្វើធៀប​នឹង​ប្រជាជនមាន ៦៨,៦ ភាគរយ (ក្នុងនោះ ៧៦,៣ ភាគរយសម្រាប់បុរស និង ៦១,៨ ភាគរយ សម្រាប់ស្ត្រី)។អត្រាភាពមានការងារធ្វើធៀបនឹងប្រជាជនផ្តល់នូវសូចនាកម្ម (ការបង្ហាញ) ​កាន់តែប្រសើរអំពីទំហំ​នៃចំនួន​ប្រជាជនដែលស្ថិតក្នុងភាពមានការងារធ្វើ ​ពីចំណោមប្រជាជន​ក្នុងអាយុធ្វើការសរុប។ នេះជាសូចនាករប្រសើរបំផុតសម្រាប់វាស់វែងថាតើទីផ្សារការងារកំពុងផ្តល់ឱ្យប្រជាជននូវភាពមានការងារធ្វើ បានយ៉ាងណាខ្លះ។ នេះបើតាមសេចក្តីថ្លែងការណ៍ដដែល។សេចក្ដីថ្លែងការណ៍បញ្ជាក់ថា អង្គការអន្តរជាតិខាងការងារ (ILO) មិនបោះពុម្ពផ្សាយនូវអ្វីដែលជួន​កាលគេហៅថា «អត្រាភាពមានការងារធ្វើ» ពីព្រោះវាមិនមែនជាសូចនាករដែល​ត្រូវបានទទួល​ស្គាល់​ជាអន្តរជាតិ និងមិនបន្ថែមព័ត៌មាន​អ្វីក្រៅពីអត្រាភាពគ្មាន​ការងារធ្វើដែលមានរួច​ហើយនោះទេ៕ អត្ថបទ៖ វ៉ន ដារ៉ា

ការសាងសង់វិមានរដ្ឋធម្មនុញ្ញសម្រេចបាន ៣៥ភាគរយ

2023/09/15 07:46:36 pm        254
Facebook Telegram Linkin
ភ្នំពេញ៖ ឯកឧត្តមកិត្តិនីតិកោសលបណ្ឌិត អ៊ឹម ឈុនលឹម ប្រធានក្រុមប្រឹក្សាធម្មនុញ្ញ បានឲ្យដឹងថា គិតមកទល់ពេលនេះការសាងសង់វិមានរដ្ឋធម្មនុញ្ញដែលជានិមិត្តរូបប្រវត្តិសាស្រ្តសម្រេចបាន៣៥ភាគរយ។ នៅថ្ងៃទី១៥ ខែកញ្ញា ឆ្នាំ២០២៣ ឯកឧត្តមកិត្តិនីតិកោសលបណ្ឌិត អ៊ឹម ឈុនលឹម បានអញ្ជើញ​ពិនិត្យវឌ្ឍនភាព​នៃការសាងសង់វិមានរដ្ឋធម្មនុញ្ញ ​ដែលជាសំណង់​សាងសង់ឡើង​ជានិមិត្តរូប​ប្រវត្តិសាស្រ្តរម្លឹកដល់ភាពជោគជ័យនៃការបង្កើតរដ្ឋធម្មនុញ្ញ ​ដែលមានអាយុកាល៣០ឆ្នាំ។ ក្រោយចុះពិនិត្យការសាងសង់ឯកឧត្តមកិត្តិនីតិកោសលបណ្ឌិត អ៊ឹម ឈុនលឹម បានឲ្យដឹងថា ចំពោះវឌ្ឍនភាពរយៈពេលជាង ៩០ថ្ងៃនៃដំណើរការសាងសង់វិមានរដ្ឋធម្មនុញ្ញ ក្រុមការងារបាន​បញ្ចប់​លើការសាងសង់អគារនៃវិមានទាំងមូលហើយ ខណៈសំណង់នេះ​សេសសល់ទៅ​លើ​ការសាងសង់បុស្សបុក ​ការរចនាស្ពាននៃអគារវិមាន ​និងរៀបចំសួនច្បារជុំវិញវិមាននេះ។ ឯកឧត្តម បន្តថា ​ការសាងសង់វិមានរដ្ឋធម្មនុញ្ញអាចនឹងបញ្ចប់មុនការគ្រោងទុក​នាពាក់កណ្តាល​ឆ្នាំ២០២៤ខាងមុខ។ ឯកឧត្តម អ៊ឹម ឈុនលឹម បញ្ជាក់ថា ការសាងសង់វិមានរដ្ឋធម្មនុញ្ញនេះឡើង ក្នុងគោលដៅឲ្យយុវជន​ជំនាន់​ក្រោយបានចងចាំ និងស្វែងយល់ពីតម្លៃរដ្ឋធម្មនុញ្ញ ​ដែលរដ្ឋធម្មនុញ្ញ​នេះបង្កើតមកដោយ​សារសន្ធិសញ្ញាសន្តិភាពទីក្រុងប៉ារីស ​ភាគីពាក់ព័ន្ធ ជាពិសេសភាពប៉ិនប្រសព្វរបស់​រាជរដ្ឋាភិបាលក្រោមការដឹកនាំដ៏ឈ្លាសវៃរបស់សម្តេចតេជោ ហ៊ុន សែន ទើបអាចធានាឲ្យកម្ពុជាអនុវត្តរដ្ឋធម្មនុញ្ញដោយជោគជ័យ។ គួរបញ្ជាក់ថា វិមានរដ្ឋធម្មនុញ្ញ ត្រូវបានស្ថាបត្យកររៀបចំពាក់ព័ន្ធនឹងការរចនា​នៅ​លើ​សន្លឹកទ្វារទាំង៤ ​ដែល​ឆ្លុះបញ្ចាំង​ទៅលើទស្សនៈគុណតម្លៃ​នៃរដ្ឋធម្មនុញ្ញនិយមទំនើប ​ដូចជា គុណតម្លៃនីតិរដ្ឋ, គុណតម្លៃប្រជាធិបតេយ្យ, គុណតម្លៃ​នៃការបែងចែក​អំណាចដាច់ពីគ្នា​នៃ​អំណាចទាំង៣ និងគុណ​តម្លៃនៃសិទ្ធិមនុស្ស៕ 

កម្ពុជា-អាស៊ែបៃហ្សាន សន្យាបន្តសហការគ្នាបណ្តុះបណ្តាលធនធានមនុស្ស លើកកម្ពស់ពាណិជ្ជកម្ម និងទេសចរណ៍

2023/09/15 07:40:13 pm        57
Facebook Telegram Linkin
ភ្នំពេញ៖ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា បានអនុញ្ញាតឱ្យឯកឧត្តម ស៊ូវគី មេឌីហ្សាដា (Shovgi Mechdizade) ឯកអគ្គរដ្ឋទូតនៃសាធារណរដ្ឋអាស៊ែបៃហ្សាន ដែលទើបតែងតាំងថ្មីប្រចាំកម្ពុជា ដែលមាននិវេសនដ្ឋាននៅទីក្រុងហាណូយ ប្រទេសវៀតណាម ចូលជួបសម្តែងការគួរសម និងពិភាក្សាការងារ នៅវិមានរដ្ឋសភា នាព្រឹកថ្ងៃសុក្រ ទី១៥ ខែកញ្ញា ឆ្នាំ២០២៣នេះ។សម្តេចមហារដ្ឋសភាធិការធិបតី ឃួន សុដារី មានក្តីសោមនស្សរីករាយ និងសូមស្វាគមន៍យ៉ាងកក់ក្តៅចំពោះវត្តមានរបស់ ឯកឧត្តម ស៊ូវគី មេឌីហ្សាដា ដែលត្រូវបានរដ្ឋាភិបាលអាស៊ែបៃហ្សាន ផ្តល់សេចក្តីទុកចិត្ត តែងតំាងជាឯកអគ្គរដ្ឋទូត ប្រចាំកម្ពុជា។ សម្តេចរដ្ឋសភាធិបតី បានបញ្ជាក់ថា រដ្ឋសភាកម្ពុជាត្រៀមខ្លួនជាស្រេច ដើម្បីផ្តល់ការគាំទ្រ និងកិច្ចសហការពេញលេញជាមួយឯកឧត្តម ដើម្បីជួយឱ្យបេសកកម្មរបស់ឯកឧត្តមទទួលបានជោគជ័យ។ ជាមួយគ្នានេះ សម្តេចរដ្ឋសភាធិបតី សង្ឃឹមថា ក្រោមអាណត្តិការទូតរបស់ ឯកឧត្តម ស៊ូវគី មេឌីហ្សាដា ទំនាក់ទំនង និងកិច្ចសហប្រតិបត្តិការទ្វេភាគីរវាងកម្ពុជា និងអាស៊ែបៃហ្សាន នឹងបន្តរីកលូតលាស់បន្ថែមទៀត។ សម្តេចរដ្ឋសភាធិបតី បានស្នើរាជរដ្ឋាភិបាល ក៏ដូចជារដ្ឋសភា អាស៊ែបៃហ្សាន បន្តជួយបណ្តុះបណ្តាលធនធានមនុស្សដល់កម្ពុជា ទំាងខាងនីតិប្បញ្ញត្តិ និងនីតិប្រតិបត្តិ ពិសេសដើម្បីរដ្ឋសភាកម្ពុជា ធ្វើទំនើបកម្មស្ថាប័ន ស្របតាមយុទ្ធសាស្រ្តបញ្ចកោណ​ដំណាក់​កាលទី១ របស់រាជរដ្ឋាភិបាលនីតិកាលទី៧នៃរដ្ឋសភា។ សម្តេចរដ្ឋសភាធិបតី ឃួន សុដារី បានលើកឡើងថា អាស៊ែបៃហ្សាន ជាប្រទេសដែលបានជួយ​បណ្តុះបណ្តាល​ធនធានមនុស្សដល់កម្ពុជា ​ក្នុងសម័យសហភាពសូវៀត​ ហើយបញ្ញាវន្តខ្មែរដែល​ទទួល​បានការបណ្តុះបណ្តាលពីអាស៊ែបៃហ្សាន​ បានក្លាយជាធនធានមនុស្សដ៏សំខាន់​ក្នុងការអភិវឌ្ឍប្រទេសជាតិបច្ចុប្បន្ននេះ។ឯកឧត្តម ស៊ូវគី មេឌីហ្សាដា បានថ្លែងអំណរគុណយ៉ាងជ្រាលជ្រៅ ​ដែលសម្តេចរដ្ឋសភាធិបតី បាន​អនុញ្ញាត​ឱ្យឯកឧត្តម ​បានចូលជួបសម្តែងការគួរសម ​និងពិភាក្សាការងារនាពេលនេះ។ ឯកឧត្តមឯកអគ្គរដ្ឋទូត​ បានអបអរសាទរចំពោះជោគជ័យធំធេង ដែលកម្ពុជាបានរៀបចំ​ការបោះឆ្នោតសកលនាពេលថ្មីៗ​ និងបានអបអរសាទរចំពោះ សម្តេចរដ្ឋសភាធិបតី ដែលត្រូវបានរដ្ឋសភាបោះឆ្នោតជ្រើសតំាងជាប្រធានរដ្ឋសភា នៅក្នុងនីតិកាលទី៧នេះ។ ឯកឧត្តម ស៊ូវគី មេឌីហ្សាដា បានទទួលយកសំណើរបស់ ​សម្តេចរដ្ឋសភាធិបតី និងបានប្តេជ្ញាចិត្តថា នឹងខិតខំលើកកម្ពស់ទំនាក់ទំនងប្រទេសទំាងពីរឱ្យកាន់តែរឹងមាំឡើង ​ទំាងខាងស្ថាប័ននីតិប្បញ្ញត្តិ និងនីតិប្រតិបត្តិ។ ជាមួយគ្នានេះ ឯកឧត្តម ក៏បានអរគុណរដ្ឋសភាកម្ពុជា ដែលបានគំាទ្រដល់សភាប្រទេស​អាស៊ែបៃហ្សង់ ​បានក្លាយជាអ្នកសង្កេតការណ៍អន្តរសភាអាស៊ាន ​កាលពីឆ្នាំកន្លងទៅ នៅពេលសភាកម្ពុជា​ធ្វើជាម្ចាស់ផ្ទះនៃមហាសន្និបាត​AIPA លើកទី៤៣នោះ។ឯកឧត្តម ស៊ូវគី មេឌីហ្សាដា នឹងពំានាំសំណូមពរ និងសំណើរ​ព្រមទំាងសារជូនពររបស់ សម្តេចប្រធានរដ្ឋសភា ​ជូនថ្នាក់ដឹកនាំអាស៊ែបៃហ្សាន។​ ជាថ្មីម្តងទៀត ឯកឧត្តមសន្យាថា នឹងខិតខំជំរុញលើកកម្ពស់ទំនាក់ទំនងពាណិជ្ជកម្ម ទេសចរណ៍ឱ្យមានការរីកម្រើនឡើង ដើម្បីផលប្រយោជន៍ប្រទេសទំាងពីរ។ឯកឧត្តមបានលើកឡើងនូវគំនិត​ផ្តួចផ្តើម​ការបង្កើតសមាគមអតីតនិស្សិតកម្ពុជា​និងអាស៊ែបៃហ្សាន ដើម្បីពួកគេបានផ្សារភ្ជាប់ទំនាក់ទំនងជាមួយគ្នា ​និងបានសិក្សាពីភាសា ប្រវត្តិសាស្រ្ត វប្បធម៌ ពីគ្នាទៅវិញទៅមកផងដែរ៕

ប្រធានាធិបតីអ៊ុយក្រែន នឹងទៅទស្សនកិច្ចនៅអាមេរិក ខណៈសភាពិភាក្សាអំពីជំនួយ២៤ពាន់លានដុល្លារ

2023/09/15 07:27:23 pm        95
Facebook Telegram Linkin
ប្រធានាធិបតីអ៊ុយក្រែន លោក វ៉្លូឌីមី ហ្ស៊េលែនស្គី (Volodymyr Zelenskiy) ត្រូវបានគេរំពឹងថា នឹងទៅកាន់សេតវិមាន និងវិមានកាពីតូល នៅសប្តាហ៍ក្រោយ ខណៈលោកធ្វើដំណើរទស្សនកិច្ចនៅសហរដ្ឋអាមេរិក ក្នុងអំឡុងពេលមហាសន្និបាតអង្គការសហប្រជាជាតិ។ ដំណើរទស្សនកិច្ចរបស់លោក ហ្ស៊េលែនស្គី កើតឡើងខណៈសភាកំពុងពិភាក្សាលើសំណើរបស់លោកប្រធានាធិបតី ចូ បៃដិន ក្នុងការផ្តល់ជំនួយយោធា និងមនុស្សធម៌ចំនួន២៤ពាន់លានដុល្លារ សម្រាប់ប្រទេសអ៊ុយក្រែន ស្របពេលដែលប្រទេសនេះកំពុងប្រយុទ្ធនឹងការឈ្លានពានរបស់រុស្ស៊ី។មន្ត្រីរដ្ឋបាលម្នាក់ បាននិយាយក្នុងលក្ខខណ្ឌមិនបញ្ចេញឈ្មោះថា លោក ហ្ស៊េលែនស្គី នឹងជួបជាមួយលោក បៃដិន នៅសេតវិមាននៅថ្ងៃព្រហស្បតិ៍សប្តាហ៍ក្រោយនេះ ហើយដំណើរទស្សនកិច្ចទៅកាន់វិមានកាពីតូលនេះ ក៏ត្រូវបានបញ្ជាក់ដោយជំនួយការសភាពីររូប ដែលសុំមិនបញ្ចេញផងដែរ។ព័ត៌មានលម្អិតនៃដំណើរទស្សនកិច្ចរបស់លោក ហ្ស៊េលែនស្គី នៅសប្តាហ៍ក្រោយ មិនទាន់ត្រូវបានបង្ហាញជាសាធារណៈនៅឡើយទេ ហើយក្រុមប្រឹក្សាសន្តិសុខជាតិសេតវិមាន បានបដិសេធមិនធ្វើអត្ថាធិប្បាយលើគម្រោងទស្សនកិច្ចរបស់លោក Zelenskiy នេះ រួមទាំងថាតើលោកនឹងជួបជាមួយលោក បៃដិន នៅសេតវិមានដែរឬយ៉ាងណា៕

អង្គការកម្មករនៅអាហ្សង់ទីនសម្តែងក្តីបារម្ភ ខណៈបេក្ខជនប្រធានាធិបតីសេរីនិយមនាំមុខក្នុងការស្ទង់មតិ

2023/09/15 07:24:12 pm        89
Facebook Telegram Linkin
បណ្ដាអង្គការកម្មករឆ្វេងនិយមអាហ្សង់ទីន បានដើរដង្ហែតាមដងផ្លូវនៃទីក្រុង ប៊ុយណូ ស៊ែរ (Buenos Aires) កាលពីថ្ងៃព្រហស្បតិ៍ (១៤ កញ្ញា) ដើម្បីតវ៉ាប្រឆាំងនឹងបេក្ខជនប្រធានាធិបតី ដែលនាំមុខក្នុងការបោះឆ្នោត គឺលោក Javier Milei។ ក្រុមអ្នកតវ៉ាបានសម្តែងការភ័យខ្លាចរបស់ពួកគេ ទាក់ទងនឹងនយោបាយរបស់បេក្ខជនសេរីនិយមជ្រុលរូបនេះ ដែលបានឈ្នះការបោះឆ្នោតជុំទីមួយ ហើយបានបន្ថែមថា ពួកគេនឹងប្រឆាំងនឹងការឡើងកាន់អំណាចរបស់លោក Milei ប្រសិនបើលោកបានឈ្នះក្នុងការបោះឆ្នោតសកល ខែតុលាខាងមុខនេះ។លោក Milei ដែលទទួលបានកេរ្តិ៍ឈ្មោះ ដោយសារធ្លាប់ធ្វើជាអ្នកអត្ថាធិប្បាយទូរទស្សន៍ដ៏មានប្រជាប្រិយភាព បានទទួលការរិះគន់ពីអ្នកបោះឆ្នោតអាហ្សង់ទីន ដែលខឹងសម្បានឹងបញ្ហាអតិផរណាចំនួន ១២៤% ដោយសារការជាប់គាំងបញ្ហាសាច់ប្រាក់របស់រដ្ឋាភិបាល សេដ្ឋកិច្ចធ្លាក់ចុះ និងមនុស្ស៤នាក់ក្នុងចំណោម១០នាក់ក្នុងស្ថិតក្នុងភាពក្រីក្រនៅក្នុងប្រទេសនេះផងដែរ។អង្គការកម្មករទាំងនោះ ក៏បានតវ៉ាចំពោះវិធានការរបស់រដ្ឋាភិបាលលោក Alberto Fernandez ដែលប៉ះពាល់ដល់ប្រាក់សោធននិវត្តរបស់កម្មករចូលនិវត្តន៍ ពលរដ្ឋគ្មានការងារធ្វើ ការទម្លាក់តម្លៃប្រាក់ប៉េសូ អតិផរណាកើនឡើងខ្ពស់ និងកិច្ចព្រមព្រៀងជាមួយមូលនិធិរូបិយវត្ថុអន្តរជាតិផងដែរ៕

អាជ្ញាធរម៉ិកស៊ីករកឃើញជនអន្តោប្រវេសន៍៣៥០នាក់ កំពុងធ្វើដំណើរនៅខាងក្នុងរថយន្តសណ្តោង

2023/09/15 07:13:54 pm        69
Facebook Telegram Linkin
យោងតាមវិទ្យាស្ថានអន្តោប្រវេសន៍ជាតិ(INM) របស់ប្រទេសបានឲ្យដឹងថា ជនអន្តោប្រវេសន៍៣៥០នាក់ ត្រូវបានរកឃើញ ប្រជ្រៀតគ្នានិងខ្សោះជាតិទឹក នៅផ្នែកខាងក្រោយក្នុងរថយន្តសណ្តោង នៅប្រទេសម៉ិកស៊ិក ភាគអាគ្នេយ៍ ។ ការរកឃើញនេះ ត្រូវបានធ្វើឡើងនៅចំណតបង់ប្រាក់ នៅទីក្រុង កូសាម៉ាឡូប៉ាន(Cosamaloapan) ភាគខាងត្បូងរដ្ឋ Veracruz ជាកន្លែងដែលបុគ្គលិកវិទ្យាស្ថានអន្តោប្រវេសន៍ជាតិ និងមន្ត្រីសន្តិសុខ បានស្លាប់លឺសំឡេងយំនិងគោះទ្វារនៅផ្នែកខាងក្រោយរថយន្តសណ្តោង នៅពេលនោះពួកគេបានរកឃើញជនអន្តោប្រវេសន៍។នៅលើកន្ទុយសណ្តោងរបស់រថយន្ត មាន ស្ត្រី បុរសនិងអនីតិជន មកពីប្រទេស ហ្គាតេម៉ាឡា អេក្វាឌ័រ ហុងឌុយរ៉ាស់ និងប្រទេសអែលសាវ៉ាឌ័រ។ រថយន្ត និងអ្នកបើកបរ ត្រូវបានយកទៅទុកនៅការិយាល័យអគ្គមេធាវី។ អានិតិជននិងគ្រួសារជាច្រើនត្រូវបានរកឃើញនៅក្នុងរថយន្តសណ្តោងនឹងស្ថិតនៅក្រោមការឃុំខ្លួនរបស់ប្រព័ន្ធសុខមាលភាពគ្រួសារក្នុងតំបន់ ខណៈមនុស្សពេញវ័យ ត្រូវបាននាំទៅកាន់អគារវិទ្យាស្ថានអន្តោប្រវេសន៍ជាតិ នៅក្នុងរដ្ឋ ដើម្បីកំណត់ស្ថានភាពការធ្វើអន្តោប្រវេសន៍របស់ពួកគេនៅម៉ិកស៊ីក។

ប្រទេសកោះស៊ីប ធ្វើសមយុទ្ធយោធាជាមួយបារាំង អ៊ីតាលី និងក្រិក ដើម្បីពង្រឹងសន្តិសុខនៅសមុទ្រមេឌីទែរ៉ាណេខាងកើត

2023/09/15 07:04:18 pm        86
Facebook Telegram Linkin
ប្រធានាធិបតីកោះស៊ីប បាននិយាយកាលពីថ្ងៃព្រហស្បតិ៍ថា សមយុទ្ធយោធារួមគ្នាជាមួយរដ្ឋសមាជិកសហភាពអឺរ៉ុបចំនួនបីផ្សេងទៀត ដែលកំពុងដំណើរការនៅសមុទ្រមេឌីទែរ៉ាណេខាងកើត បញ្ជាក់ពីការត្រៀមខ្លួនរបស់ប្លុកនេះ ក្នុងការធានាសន្តិសុខ និងស្ថិរភាពនៅក្នុងតំបន់។លោកប្រធានាធិបតី នីកូស គ្រីស្តូឌូលីដែស (Nikos Christodoulides) បាននិយាយថា សមយុទ្ធជាមួយប្រទេសបារាំង អ៊ីតាលី និងក្រិក គឺមានសារៈសំខាន់ជាពិសេសសម្រាប់ប្លុកដែលមានសមាជិក ២៧ប្រទេស និងប្រទេសផ្សេងទៀត រួមទាំងសហរដ្ឋអាមេរិកផងដែរ។លោកគ្រីស្តូឌូលីដែស បាននិយាយថា រដ្ឋាភិបាលរបស់លោកកំពុង«ផ្តោតការយកចិត្តទុកដាក់ដ៏ពិសេស»លើការធ្វើឲ្យប្រសើរឡើងនូវការដំឡើងមូលដ្ឋានយោធារបស់កោះនេះ ដើម្បីទាញយកអត្ថប្រយោជន៍ពេញលេញពីទីតាំងភូមិសាស្រ្តរបស់ខ្លួន នៅជ្រុងភាគអាគ្នេយ៍នៃទ្វីបអឺរ៉ុប និងនៅជិតមជ្ឈិមបូព៌ា និងអាហ្វ្រិក។លោកបាននិយាយមុនដំណើរទស្សនកិច្ចទៅកាន់នាវាចម្បាំងបារាំង Chevalier Paul ដែលកំពុងចូលរួមក្នុងសមយុទ្ធនេះ ហើយបានសង្កត់ធ្ងន់ថា ការបង្ហាញភាពរឹងមាំមិនត្រូវបានងាកទៅប្រឆាំងនឹងប្រទេសណាមួយឡើយ ដែលជាការនិយាយសំដៅប្រទេសទួរគី ដែលប្រទេសស៊ីបមានអតីតកាលដ៏ហិង្សា រួមទាំងការឈ្លានពានរបស់ទួរគីក្នុងឆ្នាំ១៩៧៤ ដែលធ្វើឡើងដោយរដ្ឋប្រហារមួយក្នុងគោលបំណងបង្កើតសហជីពមួយជាមួយប្រទេសក្រិក។

ចិនអំពាវនាវឲ្យមានការយកចិត្តទុកដាក់ពីស្ថាប័នសិទ្ធិមនុស្សUN លើការបញ្ចេញទឹកនុយក្លេអ៊ែរជប៉ុន

2023/09/15 07:00:53 pm        92
Facebook Telegram Linkin
អ្នកការទូតជាន់ខ្ពស់របស់ប្រទេសចិន នៅក្នុងទីក្រុងហ្សឺណែវ កាលពីថ្ងៃព្រហស្បតិ៍ បានអំពាវនាវដល់ក្រុមប្រឹក្សាសិទ្ធិមនុស្សអង្គការសហប្រជាជាតិ ឲ្យយកចិត្តទុកដាក់បន្ថែមទៀតចំពោះការបញ្ចេញទឹកមានសារធាតុពុលនុយក្លេអ៊ែរចូលទៅក្នុងសមុទ្រ និងបានជំរុញឲ្យប្រទេសជប៉ុនបញ្ឈប់ការបញ្ចេញទឹកសំណល់នេះជាបន្ទាន់។លោក Chen Xu ប្រធានបេសកកម្មរបស់ប្រទេសចិន ប្រចាំនៅអង្គការសហប្រជាជាតិនៅទីក្រុងហ្សឺណែវ បាននិយាយអំឡុងកិច្ចសន្ទនាទល់មុខគ្នាទៅវិញទៅមក ជាមួយលោក Pedro Arrojo-Agudo អ្នករាយការណ៍ពិសេសរបស់អង្គការសហប្រជាជាតិស្តីពីសិទ្ធិមនុស្ស ចំពោះទឹកទទួលទានសុវត្ថិភាព និងអនាម័យ ដែលប្រសិនបើទឹកមានសារធាតុពុលនុយក្លេអ៊ែរពិតជាមានសុវត្ថិភាព ប្រទេសជប៉ុននឹងមិនត្រូវចាក់វាចូលទៅក្នុងសមុទ្រនោះទេ។ លោក Chen និយាយថា រដ្ឋាភិបាលជប៉ុនបានចាប់ផ្តើមយ៉ាងបង្ខំ និងជាឯកតោភាគី នូវការបញ្ចេញទឹកមានសារធាតុពុលនុយក្លេអ៊ែរពីរោងចក្រថាមពលនុយក្លេអ៊ែរ Fukushima ចូលទៅក្នុងសមុទ្រ ដែលបានបំពានយ៉ាងធ្ងន់ធ្ងរដល់សិទ្ធចំពោះសុខភាព ការអភិវឌ្ឍន៍និងបរិស្ថានប្រជាជន នៅបណ្តាប្រទេសតំបន់ឆ្នេរសមុទ្រប៉ាស៊ីហ្វិកនិងនៅជុំវិញពិភពលោក។លោកបានបញ្ជាក់បន្ថែមថាធម្មនុញ្ញភាព ភាពស្របច្បាប់ និងសុវត្ថិភាព នៃការបញ្ចេញទឹកសំណល់ ត្រូវបានចោទសួរដោយសហគមន៍អន្តរជាតិ និងត្រូវបានប្រឆាំងយ៉ាងខ្លាំងដោយពលរដ្ឋនៅក្នុងប្រទេសជប៉ុន និងប្រទេសកូរ៉េខាងត្បូង។

សហភាពអឺរ៉ុប បន្ទោសកូសូវ៉ូ ជុំវិញកិច្ចព្រមព្រៀងធ្វើប្រក្រតីភាពដែលជាប់គាំងជាមួយ ស៊ែរប៊ី

2023/09/15 06:56:27 pm        69
Facebook Telegram Linkin
ប្រធានគោលនយោបាយកិច្ចការបរទេសសហភាពអឺរ៉ុប លោក Josep Borrell បានស្តីបន្ទោសប្រទេសកូសូវ៉ូ កាលពីថ្ងៃព្រហស្បតិ៍ សម្រាប់ការដែលមិនបានអនុវត្តកិច្ចព្រមព្រៀងជាមួយប្រទេសស៊ែរប៊ី លើប្រក្រតីភាពទំនាក់ទំនងរវាងអតីតសត្រូវសម័យសង្គ្រាមទាំងពីរ។ លោក Borrell បាននិយាយនិយាយបន្ទាប់ពីកិច្ចពិភាក្សា នៅក្នុងទីក្រុង Brussels ជាមួយនាយករដ្ឋមន្ត្រីកូសូវ៉ូ លោក Albin Kurti និងប្រធានាធិបតីស៊ែប៊ី លោក Aleksandar Vucic លើផែនការ ដែលត្រូវបានព្រមព្រៀងកាលពីពេលដំបូងនៅឆ្នាំនេះ ប៉ុន្តែបានជាប់គាំងភ្លាមៗ។ លោក Borrell និយាយបន្ទាប់ពីជំនួបថា វាពុំអាចធ្វើទៅបាននោះទេដើម្បីផ្សះផ្សាភាពខ្វែងគំនិតគ្នានៅពេលបច្ចុប្បន្ននេះ។ លោកនិយាយថា លោក Kurti ពុំទាន់ត្រៀមរួចរាល់នូវចំណាត់ការឆ្ពោះទៅមុខ ជាមួយការបង្កើតសមាគមទីក្រុងភាគច្រើនរបស់ពលរដ្ឋស៊ែប៊ី ដែលនឹងផ្តល់ឲ្យពួកគេនូវស្វ័យភាពបន្ថែមទៀត និង អ្វីដែលទីក្រុង Pristine ប្រទេសកូសូវ៉ូ បានប្តេជ្ញាអំឡុងកិច្ចសន្ទនាដែលគាំទ្រដោយសហភាពអឺរ៉ុបរយៈ១០ឆ្នាំមកនេះ ជាមួយទីក្រុង Belgrade ប្រទេសស៊ែរប៊ី។ ជនជាតិភាគតិចអាល់បានី មានប្រជាជនជាង៩០ភាគរយនៅក្នុងប្រទេសកូសូវ៉ូ ដោយប្រជាជនស៊ែប៊ីភាគច្រើននៅក្នុងតំបន់ភាគខាងជើង ជាកន្លែងដែលសមាគមទីក្រុងភាគច្រើន ត្រូវបានគ្រោងទុក។ ភាពតានតឹងរវាង ភាគីទាំងពីរបានកើនឡើងកាលពីខែឧសភា នៅពេលដែលទាហានរក្សាសន្តិភាពសម្ព័ន្ធយោធាណាតូជាង៩០នាក់ និងអ្នកតវ៉ាជនជាតិស៊ែប៊ីប្រមាណ៥០នាក់ បានរងរបួសក្នុងភាពចលាចល នៅប្រទេសកូសូវ៉ូ ភាគខាងជើង។

បណ្ដាញសង្គម

ព័ត៌មានថ្មីៗ

ករណីលិចទូកនៅកោះប្រាក់៖ មនុស្ស ៣នាក់បាត់ខ្លួន រកមិនទាន់ឃើញ
08/16/2026 05:08 PM
Facebook Telegram Linkin
ប្រធានក្រុមការងារចុះមូលសង្កាត់ដង្កោ ជំរុញដល់អាជ្ញាធរមូលដ្ឋាន ផ្ដល់​សេវា​ឱ្យ​បាន​ល្អ​ដល់​ប្រជាពលរដ្ឋ
08/16/2026 04:08 PM
Facebook Telegram Linkin
ប្រជានេសាទអេក្វាឌ័រ ប្រឈមគ្រោះថ្នាក់២ គឺក្រុមជួយដូរគ្រឿងញៀន និងការវាយប្រហាររបស់អាមេរិក
08/16/2026 04:08 PM
Facebook Telegram Linkin
បញ្ជូនជនជាតិចិន ៤នាក់ទៅសាលាដំបូងខេត្តព្រះសីហនុ ពាក់ព័ន្ធករណី ONLINE SCAMS
08/16/2026 04:08 PM
Facebook Telegram Linkin
ចំនួនមនុស្សស្លាប់សរុបដោយសារគ្រោះមហន្តរាយលិចនាវាចម្លងនៅហ្ស៊ីមបាវ៉េ កើនឡើងដល់ ៧២នាក់
08/16/2026 04:08 PM
Facebook Telegram Linkin
យន្តហោះចម្បាំងរបស់អង្គការណាតូបាញ់ទម្លាក់យានដ្រូនដែលរំលោភលើដែនអាកាសរបស់ប្រទេសរ៉ូម៉ានី
08/16/2026 04:08 PM
Facebook Telegram Linkin
កាតាច្រានចោលការអះអាងរបស់ទីក្រុងតេអេរ៉ង់ថា ពួកគេបានឃាត់ខ្លួនអ្នកបើកបរយន្តហោះទម្លាក់គ្រាប់បែកអ៊ីរ៉ង់
08/16/2026 04:08 PM
Facebook Telegram Linkin
មេដឹកនាំក្រុមហាម៉ាស ធ្វើដំណើរទៅកាន់ទីក្រុងគែ ប្រទេសអេហ្ស៊ីប សម្រាប់កិច្ចប្រជុំស្តីពីតំបន់ហ្កាហ្សា
08/16/2026 03:08 PM
Facebook Telegram Linkin
សម្ដេចតេជោ ហ៊ុន សែន សរសើរ​លោកស្រី កឹម មនោវិទ្យា ថាពិតជាធនធានដ៏ល្អសម្រាប់ជាតិ
08/16/2026 03:08 PM
Facebook Telegram Linkin
នាយករដ្ឋមន្រ្តីជប៉ុន សន្យាមិនឲ្យកើតមានម្តងទៀតជាដាច់ខាតសោកនាដកម្មសង្រ្គាម
08/16/2026 02:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.