នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម
សម្ដេចតេជោ អំពាវនាវដល់រាជរដ្ឋាភិបាលយកចិត្តទុកដាក់សាងសង់កន្លែងស្នាក់នៅសម្រាប់សិស្សជាស្ត្រី

នយោបាយ​ និង ការអភិវឌ្ឍន៍

អតីតនាយករដ្ឋមន្ត្រីថៃ ស្នើសុំការលើកលែងទោសពីព្រះមហាក្សត្រ

2023/09/01 07:21:03 pm        98
Facebook Telegram Linkin
ថៃ៖ រដ្ឋមន្ត្រីរដ្ឋាភិបាល បាននិយាយកាលពីថ្ងៃព្រហស្បតិ៍ថា អតីតនាយករដ្ឋមន្ត្រីដែលជាប់ពន្ធនាគាររបស់ប្រទេសថៃ លោក ថាក់ស៊ីន ស៊ីណាវ៉ាត (Thaksin Shinawatra ) បានស្នើសុំការលើកលែងទោសពីព្រះមហាក្សត្រ ជាពាក្យចចាមអារ៉ាមនៃកិច្ចព្រមព្រៀសម្ងាត់សម្រាប់ការផ្លាស់ប្តូរការសុំលើកលែងទោស។ មហាសេដ្ឋីដែលមានអាយុ៧៤ឆ្នាំរូបនេះ ជានាយករដ្ឋមន្ត្រីជាប់ឆ្នោត២ដង ហើយត្រូវបាន បណ្តេញចេញក្នុងរដ្ឋប្រហារយោធាកាលពីឆ្នាំ២០០៦ ត្រូវបានបញ្ជូនទៅកាន់ពន្ធនាគារកាលពីសប្តាហ៍មុនភ្លាមៗបន្ទាប់ពីការវិលត្រលប់មកកាន់ព្រះរាជាណាចក្រមួយនេះវិញពីការនិរទេសខ្លួនរយៈពេល១៥ឆ្នាំ។ការវិលត្រលប់មកកាន់ប្រទេសវិញស្របពេលជាមួយការវិលត្រឡប់មកវិញរបស់គណបក្សភឿថៃរបស់លោក មកដឹកនាំរដ្ឋាភិបាលក្នុងសម្ព័ន្ធភាពជាមួយគណបក្សនានាគាំទ្រដោយយោធា ដែលបង្កឲ្យមានមន្ទិលសង្ស័យការរាលដាលថា កិច្ចព្រមព្រៀងត្រូវបានធ្វើឡើងដើម្បីកាត់បន្ថយពេលវេលាជាប់ពន្ធនាគាររបស់លោក។ រដ្ឋមន្ត្រីក្រសួងយុត្តិធម៌ចាំផ្ទះ លោក Wissanu Krea-ngam ( វិសានុ គ្រឿង៉ាម) បាននិយាយថា លោក Thasin បានស្នើសុំការលើកលែងទោសពីការជាប់ពន្ធនាគាររយៈពេល៨ឆ្នាំ ពីបទអំពើពុករលួយ និងការបំពានអំណាច។ដោយត្រូវបាសួរថាតើដំណើរការមានរយៈពេលយូរប៉ុណ្ណា លោក Wissanu និយាយថា វាពិតជាអាស្រ័យលើ ការអនុគ្រោះពីព្រះមហាក្សត្រ។ នីតិវិធីពីរដ្ឋាភិបាលមិនយូរនោះទេ ប៉ុន្តែអាស្រ័យរយៈពេលព្រះតម្រិះរបស់ព្រះមហាក្សត្រ។ ស្ថិតនៅក្រោមច្បាប់របស់ប្រទេសថៃ អ្នកជាប់ទោស អាចដាក់ពាក្យស្នើសុំលើកលែងទោស ដែលត្រូវបានអនុម័តពីរដ្ឋមន្ត្រីក្រសួងយុត្តិធម៌ ឆ្លងកាត់នាយករដ្ឋមន្ត្រី ទៅកាន់ឧត្តមក្រុមប្រឹក្សារាជបល្ល័ង្កមុនពេលទៅដល់ព្រះមហាក្សត្រ Maha Vajiralongkorn ៕

រដ្ឋមន្ត្រីការពារជាតិអង់គ្លេស លាលែងពីតំណែង

2023/09/01 07:18:44 pm        86
Facebook Telegram Linkin
អង់គ្លេស៖ រដ្ឋមន្ត្រីការពរាជាតិចក្រភពអង់គ្លេស លោក Ben Wallace ( បេន វ៉លលីស) បានប្រកាសថា លោកនឹងលាលែងពីតំណែង ដែលលោកបានដាក់ស្នើការលាលែងរបស់លោកទៅកាន់នាយករដ្ឋមន្ត្រីលោក Rishi Sunak កាលពីថ្ងៃព្រហស្បតិ៍ ដោយនិយាយថា វាដល់ពេលវេលាដើម្បីវិនិយោគនៅក្នុងក្រុមគ្រួសាររបស់លោកនិងខ្លួនលោកផ្ទាល់។ លោក Wallace គឺជាយោធាម្នាក់ ដែលបានឡើងជាមេបញ្ជាការកងទ័ព។ លោកត្រូវបានតែងតាំងជារដ្ឋមន្ត្រីការពារជាតិរយៈពេល៤ឆ្នាំមកហើយ ដោយអតីតនាយករដ្ឋមន្ត្រីលោក Boris Johnson និងបានគ្រប់គ្រងការដកទ័ពចេញពីប្រទេសអាហ្វហ្គានីស្ថាន។លោក Wallace បានកាន់តួនាទីដឹកនាំមួយ ក្នុងការគាំទ្រការរៀបចំសម្រាប់ប្រទេសអ៊ុយក្រែន។ លោកគឺជាមនុស្សម្នាក់ដំបូងគេក្នុងចំណោមអ្នកមានឋានៈស្មើលោកក្នុងការការពារការដឹកជញ្ជូនមីស៊ីលតម្រង់គោលដៅរយៈចម្ងាយឆ្ងាយ និងរថក្រោះ។ លោក Wallace បានសរសេរនៅលើលិខិតលាលែងរបស់លោកថាចក្រភពអង់គ្លេស មិនត្រូវវិលត្រលប់ដូចសព្វថ្ងៃនេះនៅពេលការចំណាយផ្នែកការពារជាតិត្រូវបានចាត់ទុកថាជាការគ្មានព្រំដែនកំណត់។ លោកបាននិយាយថា ពិភពលោកនឹងកាន់តែគ្មានសុវត្ថិភាព និងមានអស្ថិរភាពនៅទសវត្សរ៍បន្ទាប់ទៀត។លោក Wallace ត្រូវបានគេមើលឃើញថាជាបេក្ខជនម្នាក់ក្នុងការដឹកនាំសម្ព័ន្ធយោធាNATO។ ទោះជាយ៉ាងណាអគ្គលេខាធិការលោក Jens Stoltenberg បានព្រមព្រៀងកាលពីខែកក្កដាថានឹងបន្តនៅរយៈពេល១ឆ្នាំទៀត។ ក្រោយមក លោក Wallace បានប្រកាសថា លោកបានត្រៀមជាស្រេចដើម្បីចេញពីសមាជិកសភាក្នុងបំណងបន្តឱកាសថ្មី។លោក Wallace នឹងត្រូវបានដាក់ជំនួសដោយលោក Grant Shapps អតីតរដ្ឋមន្ត្រីថាមពល។ លោក Shapps បានសន្យាដាក់គំនាបនៅពេលខាងមុខក្នុងការប្រយុទ្ធប្រឆាំងចំពោះអ្វីដែលលោកហៅថា ការឈ្លានពានដ៏ឃោឃៅរបស់លោក Putin៕

ប្រមុខUN ផ្ញើទៅឲ្យរុស្ស៊ី នូវសំណើស្រោចស្រង់កិច្ចព្រមព្រៀងគ្រាប់ធញ្ញជាតិនៅសមុទ្រខ្មៅ

2023/09/01 07:16:10 pm        121
Facebook Telegram Linkin
UN៖ អគ្គលេខាធិការអង្គការសហប្រជាជាតិ លោក António Guterres បាននិយាយកាលពីថ្ងៃព្រហស្បតិ៍ថាលោកបានផ្ញើនូវសំណើរជាក់លាក់មួយច្បាប់ ទៅឲ្យរដ្ឋមន្ត្រីការបរទេសរុស្ស៊ី លោក Sergei Lavrov ដែលមានគោលបំណងស្រោចស្រង់ឡើងវិញកិច្ចព្រមេព្រៀងដែលអនុញ្ញាតឲ្យមានការនាំចេញដោយសុវត្ថិភាពនូវគ្រាប់ធញ្ញាជាតិរបស់អ៊ុយក្រែន តាមសមុទ្រខ្មៅ។ រុស្ស៊ីបានបោះបង់ចោល កិច្ចព្រមព្រៀងកាលពីខែកក្កដា មានរយៈពេល១ឆ្នាំបន្ទាប់ពីកិច្ចព្រមព្រៀងនេះ ត្រូវបានសម្របសម្រួលដោយអង្គការសហប្រជាជាតិ និងប្រទេសទួរគី ដោយបានត្អូញត្អែរថា ការនាំចេញស្បៀងអាហារនិងផលិតផលជីផ្ទាល់របស់ខ្លួន ប្រឈមមុខឧបសគ្គជាច្រើន និងបាននិយាយថា គ្រាប់ធញ្ញជាតិអ៊ុយក្រែនពុំគ្រប់គ្រាន់ចូលទៅក្នុងប្រទេសនានាដែលត្រូវការនោះទេ។ លិខិត្តរបស់លោក Guterres ធ្វើឡើងមុនពេលជំនួបរវាងប្រធានាធិបតីរុស្ស៊ីលោក Vladimir Putin និងសមភាគីទួរគី លោក Tayyip Erdogan។ ប្រភពព័ត៌មានចំនួន២មកពីទួរគីបាន បានប្រាប់សារព័ត៌មាន រ៉យទ័រថា មេដឹកនាំទាំងពីរ នឹងជួបគ្នានៅថ្ងៃចន្ទ ហើយនឹងពិភាក្សាជាចម្បងពីការនាំចេញគ្រាប់ធញ្ញជាតិនៅសមុទ្រខ្មៅ។ កិច្ចព្រមព្រៀងនៅសមុទ្រខ្មៅ មានបំណងប្រយុទ្ធប្រឆាំងវិបត្តិស្បៀងអាហារសកល ដែលអង្គការសហប្រជាជាតិនិយាយថា បានធ្វើឲ្យធ្ងន់ធ្ងរដោយការឈ្លានពានរបស់រុស្ស៊ីលើអ៊ុយក្រែនកាលពីខែកុម្ភះឆ្នាំ២០២២។ រុស្ស៊ីនិងអ៊ុយក្រែន ប្រទេសទាំងពីរនេះ ជាអ្នកនាំចេញគ្រាប់ធញ្ញជាតិឈានមុខ។ លោក Guterres បានប្រាប់អ្នកសារព័ត៌មានថា «ខ្ញុំជឿថា យើងបានបង្ហាញសំណើមួយដែលអាចជាមូលដ្ឋានសម្រាប់ការបន្តថ្មី ប៉ុន្តែការបន្តថ្មីដែលមានស្ថិរភាព» ដោយគ្មានការពិភាក្សាលម្អិតពីសំណើរនោះទេ។លោកនិយាយថា យើងពុំអាចមានគំនិតផ្តួចផ្តើមសមុទ្រខ្មៅ ដែលដកចេញពីវិបត្តិទៅជាវិបត្តិ ពីការផ្អាកទៅជាការផ្អាកវិញនោះទេ។ យើងចាំបាច់ត្រូវមានអ្វីដែលដំណើរការ ហើយដំណើរការនោះផ្តល់ផលប្រយោជន៍ដល់មនុស្សគ្រប់គ្នា៕

ស្ត្រីប៉ាគីស្ថាន ដុតវិក្កយបត្រ ក្នុងការតវ៉ាប្រឆាំងការកើនឡើងតម្លៃងគ្គិសនី

2023/09/01 07:12:43 pm        82
Facebook Telegram Linkin
ប៉ាគីស្ថាន៖ ស្ត្រីរាប់រយនាក់ បានចេញធ្វើបាតុកម្ម នៅក្នុងទីក្រុងKarachi ជាទីក្រុងធំបំផុតរបស់ប្រទេសប៉ាគីស្ថាន កាលពីថ្ងៃព្រហស្បតិ៍ ដើម្បីតវ៉ាប្រឆាំងការកើនឡើងតម្លៃតម្លៃអគ្គិសនី។ ស្ត្រីប្រមាណ១ពាន់នាក់ មានកាន់បដានិងផ្ទាំងប្រកាស ហើយអ្នកតវ៉ាមួយចំនួន បានដុតវិក្កយបត្របង់ថ្លៃអគ្គិសនី បានមកប្រមូលផ្តុំគ្នានៅលើផ្លូវធំមួយនៅទីក្រុងក្នុងការតវ៉ាដែលត្រូវបានរៀបចំដោយគណបក្សអ៊ីស្លាមដ៏ធំ Jamaat-e-Islami ។មានការតវ៉ាដែលកើតឡើងយូៗម្តង នៅទូទាំងប្រទេស បន្ទាប់ពីអ្នកប្រើប្រាស់បានទទួលវិក្កយបត្របង់ថ្លៃអគ្គិសនីខែកក្កដា ខណៈមានការកើនឡើងតម្លៃអគ្គិសនីនិងពន្ធនៅពេលថ្មីៗនេះ ជាតម្រូវការសំខាន់របស់មូលនិធីរូបីយវត្ថុអន្តរជាតិ(IMF) សម្រាប់ការពិនិត្យឡើងវិញនៃកញ្ចប់ជំនួយហិរញ្ញវត្ថុដែលជាប់គាំងមកជាយូរ៕

អគ្គនាយកអគ្គិសនីកម្ពុជាថ្មី ប្ដេជ្ញាទប់តម្លៃមិនឲ្យឡើង និងខិតខំពង្រីកថាមពលអគ្គិសនី

2023/09/01 07:07:52 pm        453
Facebook Telegram Linkin
ភ្នំពេញ៖ ឯកឧត្តម ប្រាំង ជលសា អគ្គនាយកអគ្គិសនីកម្ពុជា បានប្ដេជ្ញាទប់មិនឲ្យតម្លៃអគ្គិសនី​មានការ​ឡើងថ្លៃ ទោះក្នុងកាលៈទេសៈណាក៏ដោយ ​និងខិតខំពង្រីកបន្ថែមទៀត នូវ​ថាមពល​អគ្គិសនី​នៅកម្ពុជា ដើម្បីពលរដ្ឋមានភ្លើងប្រើប្រាស់គ្រប់គ្រាន់ និងឆ្ពោះទៅមានលទ្ធភាព​អាចផលិតបាន រហូតនាំចេញទៅខាងក្រៅ ។ក្នុងឱកាសទើបទទួលបានតំណែងជាអគ្គនាយកអគ្គិសនីកម្ពុជា នៅថ្ងៃទី១ ខែកញ្ញា ឆ្នាំ២០២៣ ឯកឧត្តម ប្រាំង ជលសា ​បានលើកឡើងថា នឹងបន្តផែនការយុទ្ធសាស្ត្រ របស់អគ្គីសនីកម្ពុជា ដើម្បី​បន្តភាពខ្លាំង ដោយបន្តពង្រីការគ្រប់គ្រងអគ្គិសនីឲ្យបានគ្រប់គ្រាន់ មានតុល្យភាព គុណភាព និរន្តរភាព ជូនប្រជាពលរដ្ឋ ។ឯកឧត្តម បានបន្តថា បន្តអភិវឌ្ឍន៍ប្រភពថាមពល ប្រកបដោយចីរភាព ដោយប្រើប្រាស់ជាអតិបរិមា ប្រភព​អគ្គិសនីស្អាតកកើតឡើងវិញ​ កាត់បន្ថយការពឹងផ្អែក ប្រភព​អគ្គិសនីពីក្រៅ ដោយម្ចាស់ការ​មានការ​ផលិតថាមពលដោយខ្លួនឯង​ និងឈានលទ្ធភាពនាំចេញទៅវិញ ។អគ្គនាយកអគ្គិសនីកម្ពុជា បានបន្ថែមថា នឹងខិតខំប្រឹងប្រែងរកយុទ្ធសាស្ត្របញ្ចុះតម្លៃអគ្គិសនី​តាមគោល​នយោបាយ​របស់រាជរដ្ឋាភិបាល ​ហើយក៏ត្រូវព្យាយាមគ្រប់វិធីសាស្ត្រ និងមធ្យោបាយ​ទប់ស្កាត់​ការកើនឡើងថ្លៃអគ្គិសនីដល់អ្នកប្រើប្រាស់ ទោះក្នុងកាលៈទេសៈលំបាកយ៉ាងណាក៏ដោយ ខណៈដែលប្រទេសផ្សេងៗ ពុំអាចទ្រទ្រងបាន ហើយបង្កើនតម្លៃអគ្គិសនី ។ក្នុងឱកាសនោះ ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល បានដាស់តឿនផងដែរ ទៅ​អគ្គនាយអគ្គិសនីកម្ពុជាថ្មី ត្រូវខិតខំពង្រីកវិសាលភាព ​នៃការតបណ្ដាញអគ្គិសនី ដើម្បីឲ្យ​ប្រជាពលរដ្ឋ​បានប្រើប្រាស់គ្រប់គ្រាន់​ រួមទាំងធ្វើយ៉ាងណា អនុវត្តឲ្យបានតាមគោលដៅ​របស់​រាជរដ្ឋាភិបាល ​ធ្វើឲ្យអ្នកប្រើប្រាស់ទទួលបានផលប្រយោជន៍​ និងប្រកបដោយភាពសប្បាយរីករាយ ។គួរបញ្ជាក់ថា បច្ចុប្បន្នកម្ពុជា មានទីតាំងផលិតនូវថាមពលអគ្គិសនីជាច្រើនកន្លែង រួមទាំង​កំពុងអភិវឌ្ឍន៍​បន្ថែមនៅតាមបណ្ដាខេត្តមួយចំនួន ​ហើយកាលពីពេលថ្មីៗនេះ រាជរដ្ឋាភិបាល ក៏បានអនុញ្ញាតឲ្យក្រុមហ៊ុនឯកជន អនុវត្តការកសាងនូវប្រភពអគ្គិសនីថ្មីចំនួន៥ ​ដែលមានអនុភាព ៥២០ម៉េហ្កាវ៉ាត់ ​ដែលរដ្ឋអាចនឹងទទួលបានចំណូលពន្ធប្រមាណ ​៣២២លានដុល្លារ ពីគម្រោង​ទាំងអស់នេះ ៕ អត្ថបទ បាន សុខរិទ្ធិ

គ្រាប់បែកបំផ្ទុះរថយន្តច្រើនគ្រាប់ បានផ្ទុះនៅរដ្ឋធានីប្រទេសអេក្វាឌ័រ មនុស្ស៦នាក់ត្រូវបានចាប់ខ្លួន

2023/09/01 07:06:12 pm        85
Facebook Telegram Linkin
អេក្វាឌ័រ៖ អាជ្ញាធរនិយាយថា ការបំផ្ទុះរថយន្តចំនួន២លើក បានផ្ទុះនៅក្នុងរដ្ឋធានីប្រទេសអេក្វាឌ័រ កាលពីយប់ថ្ងៃពុធ និងថ្ងៃព្រហស្បតិ៍។ នគរបាលតំបន់បាននិយាយលើបណ្តាញX ដែលគេស្គាល់ពីមុន Twitter ថា ការផ្ទុះលើកដំបូងបានកើតឡើងនៅអតីតអគាររបស់ទីភ្នាក់ងារពន្ធនាគារSNAI របស់ប្រទេស ដែលបច្ចុប្បន្នជាទីតាំងរបស់ក្រសួងកិច្ចការនារី និងសិទ្ធមនុស្ស។កាលកំណត់ពេលបំផ្ទុះលើកទី២ ពុំទាន់ត្រូវបាននគរបាលបញ្ជាក់នៅឡើយនោះទេ ហើយក៏ពុំមានរបាយការណ៍បញ្ជាក់ពីអ្នករងរបួសក្នុងការផ្ទុះនេះដែរ។ មនុស្ស៦នាក់ត្រូវបាននាំទៅកាន់មន្ទីរឃុំឃាំងជាប់ពាក់ព័ន្ធទៅនឹងការបំផ្ទុះនេះ។ ៤នាក់ក្នុងចំណោមអ្នកឃុំខ្លួន តាមសេចក្តីរាយការណ៍ ធ្លាប់មានប្រវត្តិគំរាមទារប្រាក់ និងចាប់ជំរិត ហើយម្នាក់ក្នុងចំណោមជនសង្ស័យ គឺជាជនជាតិកូឡំប៊ី៕

ចំហេះព្រៃបំផ្លាញសេដ្ឋកិច្ច ដែលផ្អែកលើវិស័យទេសចរណ៍របស់កោះម៉ូអ៊ី សហរដ្ឋអាមេរិក

2023/09/01 06:53:11 pm        91
Facebook Telegram Linkin
អាមេរិក៖ ចំហេះព្រៃកោះម៉ូអ៊ី បានធ្វើឱ្យសេដ្ឋកិច្ចដែលពឹងផ្អែកលើវិស័យទេសចរណ៍នៃកោះរបស់សហរដ្ឋអាមេរិកមួយនេះចុះខ្សោយ ដែលនាំឱ្យមានការដួលរលំ និងការបញ្ឈប់ការងារជាដើម។ បន្ទាប់ពីចំហេះព្រៃដ៏មហន្តរាយបំផុតនៅក្នុងប្រទេស អស់រយៈពេលជាងមួយសតវត្សរ៍ បានវាយប្រហារទីក្រុងប្រវត្តិសាស្ត្រ ឡាហេណា នៅភាគខាងលិចកោះម៉ូអ៊ី មក អ្នកទេសចរជាច្រើនបានលុបចោលជើងហោះហើររបស់ពួកគេ ឬប្តូរទៅកាន់កោះហាវ៉ៃផ្សេងទៀត។ដោយជាកន្លែងទេសចរណ៍ដ៏ពេញនិយមបំផុតមួយនៅក្នុងសហរដ្ឋអាមេរិក កោះម៉ូអ៊ី ទទួលបានភ្ញៀវទេសចរជាមធ្យមជាង៧.០០០នាក់ក្នុងមួយថ្ងៃ។ ប៉ុន្តែឥឡូវនេះចំនួនបានធ្លាក់ចុះមកនៅត្រឹមតែជាង២.០០០នាក់ប៉ុណ្ណោះ។ ព្រឹទ្ធសមាជិករដ្ឋហាវ៉ៃ លោក Brian Schatz បាននិយាយនៅលើប្រព័ន្ធផ្សព្វផ្សាយសង្គមថា ក្រៅពីតំបន់ដែលឆេះហើយ ផ្នែកផ្សេងទៀតនៃកោះក៏កំពុងទទួលរងការធ្លាក់ចុះនៃអ្នកទេសចរផងដែរ ព្រោះមនុស្សគិតថាកោះទាំងមូលត្រូវបានបិទ។ប្រជាពលរដ្ឋក្នុងស្រុកព្រួយបារម្ភថា វិបត្តិទេសចរណ៍នឹងធ្វើឱ្យអ្នកស្រុកកាន់តែច្រើន មិនមានលទ្ធភាពជួលផ្ទះ និងការចំណាយប្រចាំថ្ងៃ ដោយបង្ខំឱ្យអ្នកដែលមិនរងផលប៉ះពាល់ផ្ទាល់ដោយចំហេះព្រៃ ចូលរួមជាមួយជំនួយសង្គ្រោះ។ រយៈពេលបីសប្តាហ៍បន្ទាប់ពីចំហេះបានបំផ្លិចបំផ្លាញសហគមន៍មាត់សមុទ្រជាប្រវត្តិសាស្ត្ររបស់កោះម៉ូអ៊ី នៃទីក្រុងឡាហេណា ដោយចំនួនអ្នកស្លាប់មានដល់ទៅ១១៥នាក់ ប៉ុន្តែមនុស្សរាប់រយនាក់ទៀតនៅតែបាត់ខ្លួននៅឡើយ៕

មនុស្ស២នាក់ស្លាប់ ៣នាក់របួស ក្នុងការបាញ់ប្រហារនៅទីក្រុង អូស្ទីន រដ្ឋតិចសាស់ សហរដ្ឋអាមេរិក

2023/09/01 06:50:06 pm        195
Facebook Telegram Linkin
អាមេរិក៖ ក្រុមមន្ត្រី និយាយថា មនុស្ស២នាក់ស្លាប់និង៣នាក់រងរបួសក្នុងការបាញ់ប្រហារមួយនៅជិតផ្សារទំនើប អាបូរ៉េធឹម (Arboretum) ក្នុងទីក្រុងអូស្ទីន (Austin)រដ្ឋតិចសាស់ (Texas)សហរដ្ឋអាមេរិក កាលពីថ្ងៃព្រហស្បតិ៍។  ស្នងការនគរបាលបណ្ដោះអាសន្ន លោក រ៉ូប៊ីន ហេនឌ័រស៊ុន (Robin Henderson ) និយាយថា មនុស្ស២នាក់ ត្រូវបានប្រកាសថាបានស្លាប់នៅនឹងកន្លែងកើតហេតុ ម្នាក់ក្នុងចំណោមអ្នកស្លាប់ទាំង២ម្នាក់ជាជនសង្ស័យជាខ្មាន់កាំភ្លើង  ។យោងតាមសេវាវេជ្ជសាស្ត្រសង្រ្គោះបន្ទាន់ប្រចាំស្រុក Austin-Travis យុវជនម្នាក់ ត្រូវបានបញ្ជូនទៅកាន់មន្ទីរពេទ្យក្នុងតំបន់ដោយសាររបួសធ្ងន់គំរាមកំហែងដល់អាយុជីវិត ។ ចំណែកយុវជន២នាក់ផ្សេងទៀត ត្រូវបានជម្លៀសចេញ តែមានរបួសស្រាល ។យោងតាមក្រុមមន្ត្រី គេនៅតែពុំទាន់បានដឹងច្បាស់នៅឡើយទេនៅពេលនេះ ពីទំនាក់ទំនងរវាងជនសង្ស័យ និងជនរងគ្រោះ។គ្មានជនសង្ស័យណាម្នាក់ត្រូវបានចាប់ឃុំខ្លួនទេ ប៉ុន្តែនគរបាលក្រុងអូស្ទីន បានធានានៅក្នុងការបង្ហោះលើបណ្ដាញសង្គម X ថា គ្មានការគំរាមកំហែងចំពោះសាធារណជននោះទេ៕

សម្តេចតេជោ ហ៊ុន សែន ទទួលជួបនាយិកាប្រតិបត្តិ និងនាយកគ្រប់គ្រងថ្មីនៃគ្រឹះស្ថានពហុសិក្សា

2023/09/01 06:49:01 pm        158
Facebook Telegram Linkin
ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន បានទទួលជួប លោកស្រី អេវ៉ា មីស្លីវីក នាយិកាប្រតិបត្តិ និងលោក មហាម៉ាត់ ឌៀររ៉ា នាយកគ្រប់គ្រងថ្មីនៃគ្រឹះស្ថានពហុសិក្សា នាព្រឹកថ្ងៃទី១ ខែកញ្ញា ឆ្នាំ ២០២៣ ដើម្បីពិនិត្យលើស្ថានការណ៍ និងសមិទ្ធផល ព្រមទាំងចក្ខុវិស័យ​នៃគ្រឹះស្ថានពហុសិក្សានេះ នៅពេលអនាគត ។នៅក្នុងជំនួបសម្តេចតេជោ ហ៊ុន សែន ​បាន​សំដែង​ការពេញចិត្តចំពោះការគ្រប់គ្រងដ៏ល្អរបស់​គ្រឹះស្ថានដែល ​មានលទ្ធភាពរ៉ាប់រងលើការចំណាយដំណើរការទាំងអស់របស់ខ្លួនចាប់​តាំងពី​ឆ្នាំ២០១៨មក ដោយសារចំណូលនៃការបង់ថ្លៃសិក្សា និងសមិទ្ធផលសម្រេចបានដែលស្ថិតនៅ​ក្នុង​ចំណោមសាលាល្បីៗកំពូលទាំង៥ នៅទូទាំងប្រទេសម៉ាលី ។ ​សម្តេចតេជោ បានផ្តល់ការលើកទឹក​ចិត្តដល់គណៈគ្រប់គ្រងសាលាបន្តកិច្ចខិតខំប្រែង​ធានា​និរន្តរភាព​របស់សាលាបន្តទៅទៀត ។ ជាមួយគ្នានេះដែរ ​សម្រាប់ការ​អភិវឌ្ឍនៃគ្រឹះស្ថានពហុសិក្សានាពេលខាងមុខ ​សម្តេចតេជោ បាន​សម្រេចផ្តល់អាហាររូបករណ៍ចំនួន​ ៧០កន្លែង ដល់គណៈគ្រប់គ្រងគ្រឹះស្ថាន ​សម្រាប់រយៈពេល ១០ឆ្នាំ (២០២៣-២០៣៣) ​ក្នុងនោះ ៤០ កន្លែង ​សម្រាប់សិស្សានុសិស្សកម្រិតបឋមសិក្សា និង ៣០កន្លែង សម្រាប់ កម្រិតមធ្យមសិក្សា ។ ជាកិច្ចឆ្លើយតប លោកស្រី អេវ៉ា មីស្លីវីក និង លោក មហាម៉ាត់ ឌៀររ៉ា បានថ្លែងការដឹងគុណ​ដ៏ជ្រាលជ្រៅ ​ក្នុងនាមកុមារម៉ាលីទាំងអស់នៃគ្រឹះស្ថានពហុសិក្សា ​ចំពោះអំណោយ និងកាយវិការ​ដ៏វិសេសថ្លៃថ្លារបស់សម្តេចតេជោ ដល់វិស័យសិក្សាធិការនៃប្រទេសម៉ាលី ។ សូមបញ្ជាក់ថា ​គ្រឹះស្ថានពហុសិក្សា ​សម្តេច ហ៊ុន សែន​ នៅទីក្រុងបាម៉ាកូ ត្រូវបានបង្កើតឡើង​នៅឆ្នាំ២០១៣ ​ក្រោមជំនួយ​ឧបត្ថម្ភរបស់សម្តេចតេជោ ​និងអ្នកស្រី អេវ៉ា មីស្លីវិក និងដៃគូ​ជនជាតិ​ម៉ាលី​មួយរូបទៀត នៅក្នុងក្របខ័ណ្ឌនៃការពង្រឹងនូវសាមគ្គីភាពរវាងប្រទេសទាំង​ពីរ​នៅក្នុងក្រុមគ្រួសារហ្វ្រង់កូហ្វូន ​និងក្របខ័ណ្ឌនៃប្រទេសកំពុងអភិវឌ្ឍន៍ ​ហើយនិង កិច្ច​សហប្រតិបត្តិការភាពជាដៃគូត្បូង – ត្បូង៕ 

ការបង្កើតបណ្តាញទំនាក់ទំនងថ្មីសម្រាប់ពាណិជ្ជកម្មរវាងប្រទេសចិន និងសហរដ្ឋអាមេរិក គឺជាជំហានដ៏សំខាន់

2023/09/01 06:46:05 pm        61
Facebook Telegram Linkin
ចិន៖ លោកស្រី Shu Jueting អ្នកនាំពាក្យក្រសួងពាណិជ្ជកម្មចិន បាននិយាយនៅក្នុងសន្និសីទសារព័ត៌មានក្នុងទីក្រុងប៉េកាំងកាលពីថ្ងៃព្រហស្បតិ៍ (៣១សីហា)ថា ការបង្កើតបណ្តាញទំនាក់ទំនងថ្មីសម្រាប់ពាណិជ្ជកម្មរវាងប្រទេសចិន និងសហរដ្ឋអាមេរិក គឺជាជំហានដ៏សំខាន់មួយដើម្បីរក្សាស្ថិរភាពទំនាក់ទំនងសេដ្ឋកិច្ច និងពាណិជ្ជកម្មទ្វេភាគី។លោកស្រី Shu បាននិយាយថា វិធានការនេះនឹងផ្តល់នូវវេទិកាដ៏សំខាន់មួយសម្រាប់អាជ្ញាធរពាណិជ្ជកម្មរបស់ប្រទេសទាំងពីរ ដើម្បីអនុវត្តការពិភាក្សាលើបញ្ហាសេដ្ឋកិច្ច និងពាណិជ្ជកម្ម ដែលមានការព្រួយបារម្ភរៀងៗខ្លួនក្នុងលក្ខណៈជាស្ថាប័ន និងទៀងទាត់។លោកស្រីបានបន្ថែមថា ក្រុមការងារក៏នឹងផ្តោតលើបញ្ហាទាក់ទងនឹងវិស័យឧស្សាហកម្ម និងពាណិជ្ជកម្មនៃប្រទេសទាំងពីរ ហើយធ្វើការរួមគ្នាដើម្បីស្វែងរកដំណោះស្រាយចំពោះបញ្ហាពាណិជ្ជកម្មជាក់លាក់ផងដែរ។ លោកស្រី Shu បាននិយាយថា ភាគីទាំងពីរនឹងផ្លាស់ប្តូរព័ត៌មានទាក់ទងនឹងការត្រួតពិនិត្យការនាំចេញស្របតាមច្បាប់រៀងៗខ្លួន។ យន្តការនេះ នឹងជួយរដ្ឋាភិបាលទាំងពីរបង្កើនការយោគយល់គ្នា និងការប្រាស្រ័យទាក់ទងលើនគរបាលគ្រប់គ្រងការនាំចេញរបស់គ្នាទៅវិញទៅមក និងបង្ហាញពីកង្វល់របស់អាជីវកម្មនៃភាគីទាំងពីរផងដែរ៕

បណ្ដាញសង្គម

ព័ត៌មានថ្មីៗ

ស្ពានមិត្តភាពកម្ពុជា-ចិន មេគង្គក្រចេះ បាននិងកំពុងរួមចំណែកពង្រឹងបណ្តាញដឹកជញ្ជូនជាតិ និងការតភ្ជាប់រវាងតំបន់កណ្តាល និងភូមិភាគឦសាននៃប្រទេសកម្ពុជា
08/17/2026 09:08 AM
Facebook Telegram Linkin
រដ្ឋមន្រ្តីក្រសួងសាធារណការ ចុះពិនិត្យវឌ្ឍនភាពស្ថានីយប្រព្រឹត្តកម្មទឹកកខ្វក់ខេត្តកំពត
08/17/2026 08:08 AM
Facebook Telegram Linkin
បេសកជនលោក Trump លោក Kushner ជួបជាមួយមេដឹកនាំហាម៉ាស ដើម្បីជំរុញផែនការសន្តិភាពហ្កាហ្សា
08/17/2026 08:08 AM
Facebook Telegram Linkin
លោកTrump៖ អាមេរិកកាត់បន្ថយទំហំសមយុទ្ធយោធាជាមួយកូរ៉េខាងត្បូង ដោយលើកឡើងពីទំនាក់ទំនងល្អជាមួយលោក Kim Jong Un
08/17/2026 08:08 AM
Facebook Telegram Linkin
ប្រជាពលរដ្ឋមានបញ្ហាជំងឺភ្នែកមកពីខេត្តកំពង់ធំ ទទួលបានការពិនិត្យ និងព្យាបាលឥតគិតថ្លៃ នៅមន្ទីរពេទ្យរុស្ស៉ី
08/17/2026 08:08 AM
Facebook Telegram Linkin
រដ្ឋមន្រ្តីកសិកម្មរម្លឹកជាថ្មីដល់មន្រ្តីកសិកម្មឃុំឱ្យបន្តជួយដោះស្រាយបញ្ហាផ្នែកបច្ចេកទេសដល់កសិករដើម្បីទទួលផលចំណេញខ្ពស់
08/17/2026 08:08 AM
Facebook Telegram Linkin
មន្រ្តីជាន់ខ្ពស់ក្រសួងសង្គ្រាមអាមេរិកទៅទស្សនាប្រាសាទអង្គវត្ត បង្ហាញអំពីការគោរពគ្នាទៅវិញទៅមកចំពោះអធិបតេយ្យភាព និងបេតិកភណ្ឌវប្បធម៌កម្ពុជា និងអាមេរិក
08/17/2026 08:08 AM
Facebook Telegram Linkin
ករណីលិចទូកនៅកោះប្រាក់៖ មនុស្ស ៣នាក់បាត់ខ្លួន រកមិនទាន់ឃើញ
08/16/2026 05:08 PM
Facebook Telegram Linkin
ប្រធានក្រុមការងារចុះមូលសង្កាត់ដង្កោ ជំរុញដល់អាជ្ញាធរមូលដ្ឋាន ផ្ដល់​សេវា​ឱ្យ​បាន​ល្អ​ដល់​ប្រជាពលរដ្ឋ
08/16/2026 04:08 PM
Facebook Telegram Linkin
ប្រជានេសាទអេក្វាឌ័រ ប្រឈមគ្រោះថ្នាក់២ គឺក្រុមជួយដូរគ្រឿងញៀន និងការវាយប្រហាររបស់អាមេរិក
08/16/2026 04:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.