នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម
សម្ដេចតេជោ អំពាវនាវដល់រាជរដ្ឋាភិបាលយកចិត្តទុកដាក់សាងសង់កន្លែងស្នាក់នៅសម្រាប់សិស្សជាស្ត្រី

នយោបាយ​ និង ការអភិវឌ្ឍន៍

ទីភ្នាក់ងារប្រេស៊ីល៖ រុស្ស៊ីនឹងមិនស៊ើបអង្កេតការធ្លាក់យន្តហោះរបស់លោក Prigozhin ក្រោមច្បាប់អន្តរជាតិ

2023/08/30 08:44:05 pm        441
Facebook Telegram Linkin
រុស្ស៊ី៖ ទីភ្នាក់ងារប្រេស៊ីល កាលពីថ្ងៃអង្គារ (ទី២៩ ខែសីហា) បានប្រាប់ទីភ្នាក់ងារសារព័ត៌មាន Reuters ថា ប្រទេសរុស្ស៊ីបានជូនដំណឹងដល់អាជ្ញាធរស៊ើបអង្កេតយន្តហោះរបស់ប្រទេសប្រេស៊ីលថា ខ្លួននឹងមិនស៊ើបអង្កេតការធ្លាក់យន្តហោះ Embraer ផលិតនៅប្រទេសប្រេស៊ីល ដែលបានសម្លាប់មេដឹកនាំរបស់ក្រុមទាហានស៊ីឈ្នួល លោក Yevgeny Prigozhin ក្រោមច្បាប់អន្តរជាតិ នាពេលនេះនោះទេ។សូមបញ្ជាក់ថា លោក Prigozhin អនុសេនីយ៍ឯក ២រូបនៃក្រុមទាហានស៊ីឈ្នួល Wagner របស់លោក និងអង្គរក្ស ៤នាក់ សុទ្ធតែស្ថិតនៅក្នុងចំណោមមនុស្ស ១០នាក់ ដែលបានបាត់បង់ជីវិត នៅពេលដែលយន្តហោះ Embraer Legacy 600 បានធ្លាក់នៅភាគខាងជើងទីក្រុងម៉ូស្គូ កាលពីសប្តាហ៍មុន។មរណភាពរបស់មេដឹកនាំរូបនេះ កើតមានឡើងក្នុងរយៈពេល ២ខែ មកទល់នឹងថ្ងៃកើតហេតុនោះ ពោលគឺបន្ទាប់ពីមានការបះបោររយៈខ្លីមួយប្រឆាំងនឹងស្ថាប័នការពារជាតិរុស្ស៊ី ដែលការរំជើបរំជួលមួយវឹបនោះ បានបង្កជាបញ្ហាប្រឈមដ៏ធំបំផុត ចំពោះការគ្រប់គ្រងរបស់ប្រធានាធិបតីរុស្សី លោក វ្លាឌីមៀរ ពូទីន (Vladimir Putin) ចាប់តាំងពីលោកបានឡើងកាន់អំណាច ក្នុងឆ្នាំ១៩៩៩។ពាក់ព័ន្ធនឹងការធ្លាក់យន្តហោះនោះ ក្នុងគោលបំណងធ្វើឲ្យសុវត្ថិភាពអាកាសចរណ៍ប្រសើរឡើង មជ្ឈមណ្ឌលស្រាវជ្រាវ និងការពារឧបទ្ទវហេតុផ្លូវអាកាសរបស់ប្រទេសប្រេស៊ីល ហៅកាត់ថា CENIPA បាននិយាយថា ខ្លួននឹងចូលរួមការស៊ើបអង្កេតដែលដឹកនាំដោយរុស្ស៊ី ប្រសិនបើមានការអញ្ជើញ ហើយការស៊ើបអង្កេតធ្វើឡើងក្រោមច្បាប់អន្តរជាតិ។បន្ទាប់ពីមជ្ឈមណ្ឌល បានផ្ញើសារអេឡិចត្រូនិក កាលពីសប្តាហ៍មុន ដោយសួរទៅប្រទេសរុស្ស៊ីថា តើខ្លួននឹងបើកការស៊ើបអង្កេតដែរ ឬទេ នាយក CENIPA លោក Marcelo Moreno បានប្រាប់ទីភ្នាក់ងារសារព័ត៌មាន Reuters ថា៖ «អាជ្ញាធររុស្ស៊ីមិនមានកាតព្វកិច្ច ក្នុងការស៊ើបអង្កេតនោះឡើយ ដោយនេះគ្រាន់តែជាការផ្តល់អនុសាសន៍ឲ្យមានសកម្មភាពបែបនេះប៉ុណ្ណោះ»។យ៉ាងណាក្ដី CENIPA បានឲ្យដឹងនៅក្នុងសេចក្តីថ្លែងការណ៍តាមរយៈសារអេឡិចត្រូនិកថា បជ្ឈមណ្ឌលទទួលបានការឆ្លើយតបពីគណៈកម្មាធិការអាកាសចរណ៍អន្តររដ្ឋ ដែលជាគណៈកម្មការស៊ើបអង្កេតឧប្ទវហេតុ (IAC) កាលពីថ្ងៃអង្គារ (ទី២៩ ខែសីហា) ដោយអាជ្ញាធររុស្ស៊ី បានប្រាប់ថា ខ្លួននឹងមិនបើកឲ្យមានការស៊ើបអង្កេតនាពេលនេះនោះទេ តាមឧបសម្ព័ន្ធទី១៣ (Annex 13)៕

នាយករដ្ឋមន្រ្តីអូស្រ្តាលី ប្រកាសកាលបរិច្ឆេតសម្រាប់ការធ្វើប្រជាមតិជនជាតិដើមភាគតិច

2023/08/30 08:41:45 pm        422
Facebook Telegram Linkin
អូស្រ្តាលី៖  នៅថ្ងៃពុធនេះ នាយករដ្ឋមន្រ្តីអូស្រ្តាលីលោក Anthony Albanese និយាយថា ការធ្វើប្រជាមតិជាប្រវត្តិសាស្រ្ត ដើម្បីផ្លាស់ប្តូររដ្ឋធម្មនុញ្ញទទួលស្គាល់ជនជាតិដើមភាគតិចរបស់ប្រទេសមួយនេះ នឹងត្រូវព្រព្រឹត្តទៅនៅថ្ងៃទី ១៤ ខែតុលា ខាងមុខនេះ ។  ប្រជាពលរដ្ឋអូស្រ្តាលី នឹងត្រូវគេសួរឲ្យបោះឆ្នោតថាតើពួកគេគាំទ្រការផ្លាស់ប្តូររដ្ឋធម្មនុញ្ញឬយ៉ាងណា ឲ្យរួមបញ្ចូល “សំឡេងសភា” ដែលជាគណៈកម្មាធិការជនជាតិដើមភាគតិច ដើម្បីណែនាំសភាសហព័ន្ធលើបញ្ហាប៉ះពាល់ជនជាតិភាគតិច អាប៊័ររិចនី និងប្រជាពលរដ្ឋរស់នៅលើកោះ Torres Strait ។  ទោះបីជាយ៉ាងណាក៏ដោយ អូស្រ្តាលី គ្មានសន្ធិសញ្ញាជាមួយជនជាតិដើមភាគតិចនោះទេ ដែលមានចំនួនស្មើនឹង ៣,២ភាគរយនៃចំនួនប្រជាពលរដ្ឋជិត ២៦លាននាក់របស់ពួកគេ ហើយនិងស្ថិតនៅពីក្រោមមធ្យមភាគជាតិនៃវិធានការសេដ្ឋកិច្ចសង្គមភាគច្រើន ។   ជនជាតិភាគតិចទាំងអស់នេះ មិនត្រូវបានអះអាងនៅក្នុងរដ្ឋធម្មនុញ្ញនោះឡើយ បើទោះបីជាពួកគេបានរស់នៅលើទឹកដីអូស្រ្តាលីអស់រយៈពេលជាង ៦ម៉ឺនឆ្នាំក៏ដោយ ។  គួរឲ្យដឹងថា ការផ្លាស់ប្តូររដ្ឋធម្មនុញ្ញណាមួយនៅអូស្រ្តាលី ត្រូវការការធ្វើប្រជាមតិថ្នាក់ជាតិ ហើយការផ្លាស់ប្តូររដ្ឋធម្មនុញ្ញនៅប្រទេសអូស្រ្តាលី ពិតជាពិបាកខ្លាំងណាស់ ។   កាលពីមុន មាននូវសំណើរចំនួន ៤៤សម្រាប់ការផ្លាស់ប្តូររដ្ឋធម្មនុញ្ញ អំឡុងការធ្វើប្រជាមតិ ១៩លើក ហើយមានតែសំណើរចំនួន ៨ប៉ុណ្ណោះ នៅក្នុងចំណោមសំណើរទាំងអស់នេះ បានអនុម័ត ៕

រដ្ឋមន្រ្តីក្រសួងពាណិជ្ជកម្មសហរដ្ឋអាមេរិក ជំរុញឲ្យមានទំនាក់ទំនងកាន់តែច្រើនជាងនេះជាមួយចិន

2023/08/30 08:39:25 pm        433
Facebook Telegram Linkin
អាមេរិក៖រដ្ឋមន្រ្តីក្រសួងពាណិជ្ជកម្មសហរដ្ឋអាមេរិកលោកស្រី Gina Raimondo និយាយនៅថ្ងៃពុធនេះថា ការទំនាក់ទំនងបន្ថែមទៀត ត្រូវការចាំបាច់រវាងចិន និងសហរដ្ឋអាមេរិក ហើយប្រទេសទាំង ២ បានយល់ព្រមចាប់ផ្តើមឲ្យក្រុមការងារបញ្ហាពាណិជ្ជកម្មជួបគ្នាច្រើនលើកនៅក្នុងឆ្នាំនេះ ។  ពេលផ្តល់អនុសាសន៍នៅកិច្ចប្រជុំសភាពាណិជ្ជកម្មអាមេរិកក្នុងទីក្រុងសៀងហៃ លោកស្រី Raimondo បន្តថា សហរដ្ឋអាមេរិក និងចិន មាននូវទំនាក់ទំនងសេដ្ឋកិច្ចដ៏សំខាន់ និងទ្រង់ទ្រាយធំ ។   លោកស្រី Raimondo គឺជារដ្ឋមន្រ្តីក្រសួងពាណិជ្ជកម្មលើកដំបូងគេបំពេញទស្សនកិច្ចមកកាន់ចិនក្នុងរយៈពេល ៥ឆ្នាំកន្លងមកនេះ ហើយនិងជាមន្រ្តីចុងក្រោយគេរបស់រដ្ឋបាលលោកប្រធានាធិបតី Joe Biden ធ្វើដំណើរមកកាន់ប្រទេសមួយនេះ ដើម្បីពង្រឹងទំនាក់ទំនង ជាពិសេសលើវិស័យសេដ្ឋកិច្ច និងវិស័យការពារជាតិ ស្របពេលដែលជម្លោះរវាងប្រទេសមហាអំណាចសេដ្ឋកិច្ចធំបំផុតទាំង ២របស់ពិភពលោក ធ្វើឲ្យរង្គោះរង្គើរដល់ទំនាក់ទំនងពាណិជ្ជកម្ម ។  លោកស្រី Raimondoនឹងបញ្ចប់ដំណើរទស្សនកិច្ចរយៈពេល ៤ថ្ងៃរបស់លោកស្រីទៅកាន់ប្រទេសចិន ហើយកាលពីថ្ងៃចន្ទ លោកស្រីបានជួបជាមួយសមភាគីចិនលោក Wang Wentao នៅក្នុងទីក្រុងប៉េកាំង ៕

ក្រុមជួយសង្រ្គោះបង្កើនកិច្ចខិតខំជម្លៀសខ្លួន ពេលភ្លៀងធ្លាក់ខ្លាំងបង្កជាទឹកជំនន់នៅតំបន់ភាគខាងកើត និងភាគកណ្តាលប្រទេសចិន

2023/08/30 08:37:17 pm        311
Facebook Telegram Linkin
ចិន៖  ទូរទស្សន៍ CCTV រាយការណ៍ថា ក្រុមជួយសង្រ្គោះ បានបង្កើនកិច្ចខិតខំជម្លៀសខ្លួនមនុស្សរបស់ពួកគេនៅតំបន់ភាគខាងកើត និងតំបន់ភាគកណ្តាលប្រទេសចិន ស្របពេលដែលភ្លៀងធ្លាក់ខ្លាំង បង្កភាពវឹកវរ និងធ្វើឲ្យកើតមានទឹកជំនន់ដ៏គំហក់ ។  រូបភាពវីដេអូឃ្លីបពី CCTV ឃើញក្រុមឆ្លើយតបសង្រ្គោះបន្ទាន់នៅក្នុងខេត្តហ៊ូប៉ី និងខេត្តជាំងហ្ស៊ី ដើរលុកទឹកដែលមានទឹកជំនន់ខ្ពស់ ទៅកាន់ប្រជាពលរដ្ឋដែលជាប់ខ្លួន មុនពេលជម្លៀសពួកគេតាមទូកពោង ហើយនិងតាមខ្សែពួរ ។  ប្រទេសចិន ទទួលរងការភ្លៀងធ្លាក់ខ្លាំង និងទឹកជំនន់អស់រយៈពេលជាច្រើនសប្តាហ៍មកហើយ ស្របពេលដែលមានរដូវក្តៅសើមខុសពីធម្មតា ។ កាលពីចុងខែកក្កដា ព្យុះទីហ្វុង Dokusriបណ្តាលមានភ្លៀងធ្លាក់ខ្លាំងបំផុត មិនធ្លាប់ដែលមានក្នុងរយៈពេលជាង ១ទសវត្សរ៍កន្លងមកនេះ ក្នុងនោះទីក្រុងប៉េកាំង មានភ្លៀងធ្លាក់ខ្លាំងបំផុត ក្នុងរយៈពេល ១៤០ឆ្នាំ ។  រដ្ឋាភិបាលចិន បានអំពាវនាវផងដែរឲ្យមានការប្រុងប្រយ័ត្នបន្ថែមទៀតចំពោះទឹកជំនន់ ស្របពេលដែលព្យុះទីហ្វុង Saola បច្ចុប្បន្នបោកបក់ឆ្លងកាត់សមុទ្រចិនខាងត្បូង ហើយការព្យាករណ៍ បង្ហាញវានឹងបោកបក់មកដល់ដីគោកខេត្តក្វាងទុងនៅថ្ងៃសុក្រខាងមុខនេះ ៕

ជប៉ុន ស្នើឲ្យប្រទេសចិនជំរុញឲ្យពលរដ្ឋបញ្ឈប់ការរំខានបន្ទាប់ពីការចាប់ផ្តើមបញ្ចេញទឹកសំណល់

2023/08/30 08:34:55 pm        256
Facebook Telegram Linkin
ជប៉ុន៖ នាយករដ្ឋមន្ត្រីជប៉ុនលោក Fumio Kishida បានស្នើសុំឲ្យប្រទេសចិនជំរុញឲ្យពលរដ្ឋរបស់ខ្លួនបញ្ឈប់សកម្មភាពរំខាន រួមមានការហៅទូរស័ព្ទពុំទំនង និងការគប់ដុំថ្មទៅលើអគារការទូតនិងសាលារៀនជប៉ុន ក្នុងការឆ្លើយតបទៅនឹងការបញ្ចេញទឹកមានសារធាតុវិទ្យុសកម្មធ្វើប្រព្រឹត្តិកម្មរួច ពីរោងចក្រថាមពលនុយក្លេអ៊ែរ Fukushima ដែលត្រូវបានបំផ្លាញ។ លោក Kishida និយាយថា «ខ្ញុំត្រូតែនិយាយថា «វាជារឿងគួឲ្យសោកស្តាយ»។លោក បាននិយាយថា អនុរដ្ឋមន្ត្រីការបរទេសលោក Masataka Okano បានកោះហៅឯកអគ្គរដ្ឋទូតចិនលោក Wu Jianghao ដើម្បីស្នើសុំថា ពលរដ្ឋចិនគួធ្វើសកម្មភាពស្ងប់ស្ងាត់ និងទទួលខុសត្រូវ។ ការបញ្ចេញទឹកធ្វើប្រព្រឹត្តិកម្មរួចចូលទៅក្នុងសមុទ្រ បានចាប់ផ្តើមកាលពីថ្ងៃព្រហស្បតិ៍កន្លងទៅនេះ ហើយត្រូវបានគេរំពឹងថានឹងបន្តជាច្រើនទសវត្សរ៍ ដែលត្រូវបានជំទាស់យ៉ាងខ្លាំងដោយក្រុមអ្នកនេសាទ និងបណ្តាប្រទេសជិតខាង។ ប្រទេសចិន បានដាក់បម្រាមភ្លាមៗលើការនាំចូលអាហារសមុទ្រជប៉ុនទាំងអស់ជាការឆ្លើយតប។នៅក្នុងប្រទេសកូរ៉េខាងត្បូង មនុស្សរាប់ពាន់នាក់ បានចូលរួមប្រមូលផ្តុំគ្នាកាលពីចុងសប្តាហ៍កន្លងទៅនេះ ដើម្បីថ្កោលទោសការបញ្ចេញទឹកសំណល់នេះ។ប្រព័ន្ធផ្សព្វផ្សាយសាធារណៈរបស់ប្រទេសជប៉ុន NHK បាននិយាយថាការហៅទូរស័ព្ទរំខានរាប់ពាន់លើកមកពីប្រទេសចិន បានដាក់គោលដៅលើការិយាល័យរដ្ឋាភិបាលខេត្ត Fukushima និងប្រតិបត្តិកររោងចក្រនុយក្លេអ៊ែរ។ ប្រព័ន្ធផ្សព្វផ្សាយនេះនិយាយថាអ្នកហៅទូរស័ព្ទ បានស្រែកជាភាសាចិន ហើយមួយចំនួនទៀតនិយាយខ្លាំងៗថា «ល្ងង់ណាស់» និងពាក្យជេប្រមាថផ្សេងៗទៀត៕

ទីភ្នាក់ងារអវកាសឥណ្ឌា បញ្ចេញរូបភាពយានរុករករបស់យានចម្លងចន្រ្តាយាន-៣ស្វែងរកមាត់ភ្នំភ្លើងលើផ្ទៃឋានព្រះច័ន្ទ

2023/08/30 08:32:39 pm        275
Facebook Telegram Linkin
ឥណ្ឌា៖  ទីភ្នាក់ងារអវកាសឥណ្ឌា បានបញ្ចេញរូបភាពថ្មីនូវការរកឃើញចុងក្រោយគេរបស់យានរុករក Pragyaan នៃយានអវកាសចន្រ្តាយាន-៣(Chandrayaan-3) នៅលើផ្ទៃប៉ូលខាងត្បូងរបស់ឋានព្រះច័ន្ទកាលពីថ្ងៃចន្ទ ។  យោងតាមយានរបស់អង្គការស្រាវជ្រាវអវកាសឥណ្ឌា(ISRO) យានរុករកនេះ ស្ថិតនៅក្នុងដំណើររបស់វារកឃើញមាត់ភ្នំភ្លើងដែលមានរង្វាស់ប្រវែង ៤ម៉ែត្រ ហើយយានរុករកនេះ ឈរលើទីតាំងចម្ងាយ ៣ម៉ែត្រនៅមុខទីតាំងរបស់វា ។  ទីភ្នាក់ងារអវកាសមួយនេះ និយាយថា យានរុករកដែលត្រូវបានបញ្ជាឲ្យស្វែងរកផ្លូវដោយ ISRO បច្ចុប្បន្នកំពុងធ្វើដំណើរដោយសុវត្ថិភាពឆ្ពោះទៅកាន់ផ្លូវថ្មី ។  បេសកកម្មនេះ ត្រូវបានគេយល់ព្រមឲ្យពិសោធន៍លើទីតាំងជាច្រើនកន្លែង ដែលការតាមដានកម្តៅផ្ទៃឋានព្រះច័ន្ទ ត្រូវបានបញ្ជូនទៅកាន់ ISRO ។  គួររំឭកថា យានអវកាស Chandrayaan -3បានចុះចតនៅតំបន់ប៉ូលខាងត្បូងដែលមិនទាន់រុករកនៅលើឋានព្រះច័ន្ទ ធ្វើឲ្យប្រទេសឥណ្ឌាក្លាយជាប្រទេសលើកដំបូងគេ សម្រេចបានជោគជ័យធំមួយនេះ រយៈពេលប៉ុន្មានថ្ងៃប៉ុណ្ណោះ ក្រោយបេសកកម្ម Luna-25របស់រុស្ស៊ី បរាជ័យនៅក្នុងបេសកកម្មស្រដៀងគ្នា ៕

UN អំពាវនាវចំពោះបម្រាមសាកល្បងនុយក្លេអ៊ែរ ក្នុងក្តីបារម្ភកើនឡើងក្នុងការបែងចែកពិភពលោក

2023/08/30 08:29:54 pm        234
Facebook Telegram Linkin
UN៖ អង្គការសហប្រជាជាតិកាលពីថ្ងៃអង្គារ បានអំពាវនាវឲ្យមានបម្រាមចំណងផ្លូវច្បាប់សម្រាប់ការសាកល្បងនុយក្លេអ៊ែរ និងបានព្រមានពីមហន្តរាយពិភពលោកនាំមកដោយអាវុធនុយក្លេអ៊ែរ។ នៅក្នុងសារមួយ នៅថ្ងៃទិវាអន្តរជាតិប្រឆាំងការសាកល្បងនុយក្លេអ៊ែរកាលពីថ្ងៃទី២៩ ខែសីហា អគ្គលេខាធិការអង្គការសហប្រជាជាតិលោក Antonio Guterres និយាយថាបម្រាមសាកល្បងនុយក្លេអ៊ែរ ជាជំហានជាមូលដ្ឋានឆ្ពោះទៅរកពិភពលោកគ្មានអាវុធនុយក្លេអ៊ែរ។ សន្ធិសញ្ញាបម្រាមសាកសល្បងនុយក្លេអ៊ែរគ្រប់ជ្រុងជ្រោយ ទោះបីជាពុំទាន់ចូលជាធរមានក៏ដោយ នៅតែជាភស្តុតាងដ៏មានឥទ្ធិពលចំពោះឆន្ទៈមនុស្សជាតិ ដើម្បីដកចេញ មោលនៃមហន្តរាយនុយក្លេអ៊ែរពីពិភពលោករបស់យើងនិងជាស្ថាពរ។លោកបានព្រមានថា នៅឆ្នាំនេះ យើងប្រឈមមុខការកើនឡើងក្តីបារម្ភក្នុងមន្ទិលសង្ស័យ និងការបែងចែងពិភពលោក។ នៅពេលដែលមានអាវុធនុយក្លេអ៊ែរជិត១៣.០០០គ្រឿងត្រូវបានស្តុកទុកនៅជុំវិញពិភពលោក ហើយប្រទេសជាច្រើនកំពុងធ្វើការដើម្បីធ្វើឲ្យប្រសើរឡើងភាពជាក់លាក់របស់ពួកគេ នូវការឈានដល់និងឥទ្ធិពលបំផ្លាញ ដែលនេះជារូបមន្តសម្រាប់ការធ្វើឲ្យសាបសូន្យ។ប្រធានមហាសន្និបាតអង្គការសហប្រជាជាតិ លោក Csaba Korosi បានដឹកនាំកិច្ចប្រជុំពេញអង្គកម្រិតខ្ពស់ដើម្បីប្រារព្ធទីវាអន្តរជាតិប្រឆាំងការសកល្បងនុយក្លេអ៊ែរ ដែលគាំទ្រដោយសាររបស់លោក Guterres និងបានព្រមានអំពីមហន្តរាពិភពលោក នាំមកដោយអាវុធនុយក្លេអ៊ែរ៕

ក្រុមបាល់ទាត់កែភេទរបស់អាស៊ីជួយកុមារដែលរងការប៉ះទង្គិចផ្លូវចិត្តនៅរដ្ឋ Manipur ប្រទេសឥណ្ឌា

2023/08/30 08:27:19 pm        278
Facebook Telegram Linkin
ក្លិបបាល់ទាត់កែភេទ Ya-All លើកដំបូងរបស់អាស៊ី បានរៀបចំជំរំហ្វឹកហាត់សម្រាប់កុមារនៅរដ្ឋភាគឦសាន Manipur ប្រទេសឥណ្ឌា ។ មនុស្សជាង ១៨០នាក់ ត្រូវបានសម្លាប់ ស្របពេលដែលមានការប៉ះទង្គិចជនជាតិភាគតិចរវាងសហគមន៍កុលសម្ព័ន្ធ Kuki និងសហគមន៍កុលសម្ព័ន្ធ Meitei នៅរដ្ឋ Manipur ចាប់តាំងពីខែឧសភារហូតមក ។ ក្រុមបាល់ទាត់មួយនេះ នឹងជួយកុមារងាកចេញពីភាពតានតឹងក្រោយការប៉ះទង្គិចផ្លូវចិត្ត បន្ទាប់ពីជម្លោះយ៉ាងយូររបស់ជនជាតិដើមភាគតិចនៅរដ្ឋមួយនេះ តាមរយៈការរៀបចំជំរំហ្វឹកហាត់បាល់ទាត់ក្នុងតំបន់ ។ អង្គប្រជុំរបស់សភានីតិបញ្ញត្តិរយៈពេល ១ថ្ងៃ ត្រូវបានកោះប្រជុំផងដែរ ដើម្បីពិភាក្សាលើជម្លោះដែលកំពុងកើតឡើង ។ សារព័ត៌មានក្នុងស្រុក រាយការណ៍ថា ទោះបីជាយ៉ាងណាក៏ដោយ សមាជិកសភានីតិបញ្ញត្តិជាច្រើនរបស់សហគមន៍កុលសម្ព័ន្ធ Kuki បានធ្វើពហិការអង្គប្រជុំមួយនេះ ជាការតវ៉ានឹងការសម្លាប់កុលសម្ព័ន្ធនៅក្នុងរដ្ឋ ។ លោក Sadam Hanjabam គឺជាស្ថាបនិក និងជាប្រធានប្រតិបត្តិការក្លិប និយាយថា រឿងមួយដែលពួកយើងដឹង គឺក្មេងៗចង់លេងបាល់ទាត់ ផ្តល់កន្លែងដល់ពួកគេ ដើម្បីឲ្យពួកគេមិនប្រឈមនឹងការប៉ះទង្គិចផ្លូវចិត្ត ។ ពេលដែលពួកយើងរៀបចំជំរំហ្វឹកហាត់រយៈពេល ៧ថ្ងៃកន្លងមកនេះនៅភូមិ Sagolmang ពួកយើងបានមើលឃើញការផ្លាស់ប្តូរឥរិយាប និងកាយវិការនៅក្នុងចំណោមក្មេងៗ ។ លោកបន្តថា ឪពុកម្តាយរបស់ពួកគេក៏ចេញមកគាំទ្រពួកយើង និងក្មេងៗផងដែរ ។ ដូច្នេះហើយ ចាប់ពីពេលនេះទៅ ពួកយើងមានជំរំជួយសង្រ្គោះ ៥កន្លែងផ្សេងទៀត ហើយនិងផ្តល់ការហ្វឹកហាត់ដល់ក្មេងៗ ហើយមកទល់នឹងពេលនេះ ពួកយើងបានគាំទ្រក្មេងៗជាង ២០០នាក់ តាមរយៈបាល់ទាត់ ៕

យានរុករកអវកាសរស់ឥណ្ឌា បញ្ជាក់ពីវត្តមានសារធាតុស្ពាន់ធ័រនៅលើប៉ូលខាងត្បូង របស់ព្រះចន្ទ

2023/08/30 08:04:00 pm        397
Facebook Telegram Linkin
ទីភ្នាក់ងារអវកាសរបស់ប្រទេសឥណ្ឌាបាននិយាយថា យានស្រាវជ្រាវព្រះចន្ទរបស់ប្រទេសឥណ្ឌា បានបញ្ជាក់ពីវត្តមានរបស់សារធាតុស្ពាន់ធ័រ នៅលើប៉ូលខាងត្បូងរបស់ព្រះចន្ទ។ កាលពីសប្តាហ៍មុន ឥណ្ឌាបានក្លាយជាប្រទេសដំបូងគេដែលបានចុះចតយាននៅជិតប៉ូលខាងត្បូងដែលមិនទាន់បានរុករក ហើយជាប្រទេសទី៤ដែលបានចុះចតនៅលើឋានព្រះចន្ទ។អង្គការស្រាវជ្រាវអវកាសឥណ្ឌា (ISRO) បាននិយាយនៅក្នុងសេចក្តីថ្លែងការណ៍មួយចុះថ្ងៃច័ន្ទ (២៨ សីហា) ថា «ឧបករណ៍រុករក(LIBS) នៅលើយានរុករករបស់ចន្ត្រាយាម-៣ (Chandrayaan-3) បានធ្វើការវាស់វែងនៅក្នុងទីតាំងដំបូងគេ ហើយបញ្ជាក់ពីវត្តមានរបស់សារធាតុស្ពាន់ធ័រ នៅក្នុងតំបន់ដោយមិនច្បាស់លាស់ ជាអ្វីដែលមិនអាចធ្វើទៅរួចដោយឧបករណ៍នៅលើគន្លងគោចរ»។ការវិភាគវិសាលគម ក៏បានបញ្ជាក់ពីវត្តមានរបស់សារធាតុអាលុយមីញ៉ូម កាល់ស្យូម ដែក ក្រូមីញ៉ូម និងទីតាញ៉ូម នៅលើផ្ទៃព្រះចន្ទ ផងដែរ ដោយអង្គការ ISRO បានបន្ថែមថា ជាមួយនឹងការវាស់វែងបន្ថែមបានបង្ហាញពីវត្តមានសារធាតុម៉ង់ហ្គាណែស ស៊ីលីកូន និងអុកស៊ីហ្សែន។ កាលពីឆ្នាំ២០១៤ ឥណ្ឌាបានក្លាយជាប្រទេសអាស៊ីដំបូងគេ ដែលដាក់យានចូលទៅក្នុងគន្លងជុំវិញភពព្រះអង្គារ ហើយគ្រោងនឹងបញ្ជូនយានអង្កេតឆ្ពោះទៅកាន់ព្រះអាទិត្យក្នុងខែកញ្ញា ខាងមុខនេះផងដែរ៕

ចិន៖ ការបើកឱកាសកាន់តែទូលំទូលាយចូលក្នុងទីផ្សារ ជាការឆ្លើយតបទៅនឹងការអត្ថាធិប្បាយរបស់សហរដ្ឋអាមេរិក ពាក់ព័ន្ធនឹងការលំបាកក្នុងការវិនិយោគ

2023/08/30 08:00:32 pm        276
Facebook Telegram Linkin
ប្រទេសចិនបានការពារការអនុវត្តអាជីវកម្មរបស់ខ្លួន បន្ទាប់ពីរដ្ឋមន្ត្រីក្រសួងពាណិជ្ជកម្មអាមេរិក លោកស្រី Gina Raimondo បាននិយាយថា បណ្ដាក្រុមហ៊ុនអាមេរិកបានប្រាប់លោកស្រីថា ប្រទេសចិនបានក្លាយទៅជា ទីផ្សារដែលមិនអាចវិនិយោគបាន និងគ្រោះថ្នាក់ខ្លាំងពេក។នៅពេលសាកសួរឲ្យឆ្លើយតបទៅនឹងការអត្ថាធិប្បាយរបស់លោកស្រី Raimondo ដែលធ្វើឡើងនៅក្នុងប្រទេសចិន អ្នកនាំពាក្យស្ថានទូតចិននៅទីក្រុងវ៉ាស៊ីនតោន លោក Liu Pengyu បាននិយាយថា ក្រុមហ៊ុនអាមេរិកភាគច្រើនក្នុងចំណោម៧០.០០០ក្រុមហ៊ុន ដែលធ្វើអាជីវកម្មនៅក្នុងប្រទេសចិន ចង់បន្តនៅប្រទេសនេះតទៅទៀត ដែលក្រុមហ៊ុនជិត៩០% ទទួលបានផលចំណេញ ហើយទីក្រុងប៉េកាំងកំពុងធ្វើការដើម្បីសម្រួលដល់ការចូលទៅកាន់ទីផ្សារសម្រាប់ក្រុមហ៊ុនបរទេស។លោក Pengyu បាននិយាយថា «ប្រទេសចិនកំពុងជំរុញយ៉ាងសកម្ម ក្នុងការបើកចំហកម្រិតខ្ពស់របស់ខ្លួន និងខិតខំប្រឹងប្រែងដើម្បីផ្តល់នូវបរិយាកាសធុរកិច្ច ដែលផ្តោតលើទីផ្សារលំដាប់ពិភពលោក ដែលគ្រប់គ្រងដោយក្របខ័ណ្ឌច្បាប់ដ៏ត្រឹមត្រូវមួយ។ ប្រទេសចិន នឹងបើកទ្វារឱ្យកាន់តែទូលំទូលាយទៅកាន់ពិភពខាងក្រៅបន្ថែមទៀត»។ លោកស្រី Raimondo កំពុងស្ថិតនៅទីក្រុងសៀងហៃនៅថ្ងៃពុធ (៣០សីហា)នេះ សម្រាប់ថ្ងៃចុងក្រោយនៃកិច្ចប្រជុំមុនពេលត្រឡប់ទៅសហរដ្ឋអាមេរិកវិញ។ នៅពេលត្រូវសាកសួរថា តើលោកស្រីមានការផ្ដាំផ្ញើអ្វីទៅកាន់អាជីវកម្មរបស់សហរដ្ឋអាមេរិកនៅក្នុងប្រទេសចិននោះ លោកស្រី Raimondo បាននិយាយថា «ការផ្ដាំផ្ញើនោះគឺ អ្នកត្រូវបន្តធ្វើអ្វីដែលអ្នកកំពុងធ្វើ ហើយយើងចង់ឱ្យអ្នកនៅទីនេះដើម្បីវិនិយោគ និងរីកចម្រើនបន្តទៀត»៕

បណ្ដាញសង្គម

ព័ត៌មានថ្មីៗ

អ៊ីស្រាអែល ប្រគល់ការគ្រប់គ្រងតំបន់កាន់កាប់ West Bank ទៅឲ្យនគរបាលស៊ីវិល
08/17/2026 10:08 AM
Facebook Telegram Linkin
អ៊ុយក្រែន វាយប្រហាររុស្ស៊ីដោយយានដ្រូនរាប់រយគ្រឿង ជាការវាយប្រហារដ៏ធំបំផុតមួយរបស់ទីក្រុងគីវ
08/17/2026 10:08 AM
Facebook Telegram Linkin
រដ្ឋមន្ដ្រីទេសចរណ៍ កោតសរសើរឆន្ទៈកីឡាករ-កីឡាការិនីជាតិ និងអន្ដរជាតិ ក្រោយរួមគ្នាជិះកង់ដើម្បីផ្សព្វផ្សាយទេសចរណ៍ភ្នំដា
08/17/2026 10:08 AM
Facebook Telegram Linkin
អ៊ីរ៉ង់ ប្រកាសផ្តល់រង្វាន់ចំនួន ៣០.០០០ ដុល្លារអាមេរិកសម្រាប់ការសម្លាប់ និងចាប់ខ្លួនទាហានអាមេរិក
08/17/2026 10:08 AM
Facebook Telegram Linkin
សម្ដេច​ធិបតី៖ បើប្រជាពលរដ្ឋដែលអត់ដីពិតប្រាកដសូមចុះឈ្មោះជាមួយអជ្ញាធរមូលដ្ឋានដើម្បីទទួលបានដី ចៀសវាងការកាប់ទន្ទ្រានដីព្រៃដែលជាទ្រព្យសម្បត្តិរបស់រដ្ឋ
08/17/2026 09:08 AM
Facebook Telegram Linkin
ស្ពានមិត្តភាពកម្ពុជា-ចិន មេគង្គក្រចេះ បាននិងកំពុងរួមចំណែកពង្រឹងបណ្តាញដឹកជញ្ជូនជាតិ និងការតភ្ជាប់រវាងតំបន់កណ្តាល និងភូមិភាគឦសាននៃប្រទេសកម្ពុជា
08/17/2026 09:08 AM
Facebook Telegram Linkin
រដ្ឋមន្រ្តីក្រសួងសាធារណការ ចុះពិនិត្យវឌ្ឍនភាពស្ថានីយប្រព្រឹត្តកម្មទឹកកខ្វក់ខេត្តកំពត
08/17/2026 08:08 AM
Facebook Telegram Linkin
បេសកជនលោក Trump លោក Kushner ជួបជាមួយមេដឹកនាំហាម៉ាស ដើម្បីជំរុញផែនការសន្តិភាពហ្កាហ្សា
08/17/2026 08:08 AM
Facebook Telegram Linkin
លោកTrump៖ អាមេរិកកាត់បន្ថយទំហំសមយុទ្ធយោធាជាមួយកូរ៉េខាងត្បូង ដោយលើកឡើងពីទំនាក់ទំនងល្អជាមួយលោក Kim Jong Un
08/17/2026 08:08 AM
Facebook Telegram Linkin
ប្រជាពលរដ្ឋមានបញ្ហាជំងឺភ្នែកមកពីខេត្តកំពង់ធំ ទទួលបានការពិនិត្យ និងព្យាបាលឥតគិតថ្លៃ នៅមន្ទីរពេទ្យរុស្ស៉ី
08/17/2026 08:08 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.