នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក
សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ
សម្ដេ​ចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»
សម្តេចតេជោ ហ៊ុន សែន ថ្លែងថា អាវក្រោះ និងសម្ភារយោធាម៉ាក DSS សុទ្ធតែមានគុណភាពហើយអាវការពារនេះនាយករដ្ឋមន្រ្តីបានសាករួចហើយ

នយោបាយ​ និង ការអភិវឌ្ឍន៍

ទីម័រខាងកើតថ្កោលទោសមីយ៉ាន់ម៉ា ជុំវិញការបណ្ដេញប្រមុខការទូតជាន់ខ្ពស់របស់ខ្លួន

2023/08/28 12:54:53 pm        192
Facebook Telegram Linkin
ទីម័រខាងកើត៖ រដ្ឋាភិបាលនៃប្រទេសទីម័រខាងកើត ដែលជាអ្នករិះគន់ដ៏លេចធ្លោលើការដឹកនាំរបស់សហភាពមីយ៉ាន់ម៉ា បាននិយាយក្នុងសេចក្តីថ្លែងការណ៍ថ្កោលទោសសកម្មភាពដ៏កម្រនេះថា រដ្ឋភិបាលយោធាមីយ៉ាន់ម៉ា បានបញ្ជាឲ្យប្រមុខការទូតរបស់ទីម័រខាងកើត ចាកចេញពីប្រទេសនេះ។ រដ្ឋាភិបាលមីយ៉ាន់ម៉ា ដែលបានកាន់អំណាចក្នុងរដ្ឋប្រហារឆ្នាំ២០២១ មិនបានចេញសេក្ដីប្រកាសណាមួយអំពីបញ្ហានេះទេ ហើយអ្នកនាំពាក្យក៏មិនទាន់បានធ្វើអត្ថាធិប្បាយនោះដែរ។រដ្ឋាភិបាលទីម័រខាងកើតបាននិយាយកាលពីល្ងាចថ្ងៃសៅរ៍ថា ខ្លួនបានបញ្ជាក់សារជាថ្មីអំពីសារៈសំខាន់នៃការគាំទ្ររាល់កិច្ចខិតខំប្រឹងប្រែងសម្រាប់ការវិលត្រឡប់នៃសណ្តាប់ធ្នាប់ប្រជាធិបតេយ្យនៅក្នុងសហភាពមីយ៉ាន់ម៉ា និងបង្ហាញពីសាមគ្គីភាពរបស់ខ្លួនជាមួយប្រជាជនមីយ៉ាន់ម៉ា ខណៈពេលដែលជំរុញឱ្យរបបសឹករបស់ប្រទេសនេះ គោរពសិទ្ធិមនុស្ស និងស្វែងរកដំណោះស្រាយដោយសន្តិវិធី និងស្ថាបនាចំពោះវិបត្តិផ្សេងៗក្នុងប្រទេសនេះ។ បណ្ដាអ្នកនយោបាយទីម័រខាងកើត បាននិយាយរិះគន់រដ្ឋាភិបាលយោធាមីយ៉ាន់ម៉ា ហើយលោកប្រធានាធិបតីទីម័រខាងកើត លោក Jose Ramos-Horta បានជួបជាមួយអ្នកតំណាងជាន់ខ្ពស់មកពីរដ្ឋាភិបាលរួបរួមជាតិស្រមោលរបស់មីយ៉ាន់ម៉ា (NUG) ដែលប្រឆាំងនឹងការគ្រប់គ្រងដោយយោធា។ គួររម្លឹកផងដែរថា រដ្ឋមន្ត្រីសិទ្ធិមនុស្សមីយ៉ាន់ម៉ា លោក NUG Aung Myo Min បាននិយាយនៅលើបណ្ដាញសង្គមហ្វេសប៊ុកថា អ្នកការទូតទទួលបន្ទុកកិច្ចការប្រទេសទីម័រខាងកើត ត្រូវតែចាកចេញពីប្រទេសមីយ៉ាន់ម៉ាត្រឹមថ្ងៃទី១ ខែកញ្ញា ខាងមុខនេះ៕

ស៊ីរីរិះគន់ការចោទប្រកាន់របស់បារាំង និងអាមេរិក ពីបទប្រើប្រាស់អាវុធគីមី

2023/08/28 12:52:23 pm        142
Facebook Telegram Linkin
ស៊ីរី៖ កាលពីថ្ងៃសៅរ៍ ប្រទេសស៊ីរី បានបដិសេធការចោទប្រកាន់របស់សហរដ្ឋអាមេរិក និងបារាំងដែលថាប្រទេសនេះ ប្រើប្រាស់អាវុធគីមីនៅជិតទីក្រុង Damascus ក្នុងឆ្នាំ២០១៣។ ក្រសួងការបរទេសស៊ីរី បានថ្កោលទោសយ៉ាងខ្លាំងចំពោះសេចក្តីថ្លែងការណ៍ថ្មីៗរបស់ក្រសួងការបរទេសបារាំង និងអ្នកនាំពាក្យក្រុមប្រឹក្សាសន្តិសុខជាតិសហរដ្ឋអាមេរិក អំពីការជាប់ពាក់ព័ន្ធរបស់កងកម្លាំងរដ្ឋាភិបាលស៊ីរីក្នុងការវាយប្រហារគីមីនៅលើទឹកដីស៊ីរី ដោយហៅការចោទប្រកាន់ទាំងនោះថា «ជារឿងមិនពិត និងជាឧប្បត្តិហេតុប្រឌិតឡើង»។ក្រសួងបាននិយាយថា ការប្រកាសទាំងនោះមានទំនាក់ទំនងយ៉ាងស៊ីជម្រៅជាមួយនឹងប្រវត្តិនៃព័ត៌មានមិនពិត និងការបោកប្រាស់ ហើយគ្រាន់តែជាការប៉ុនប៉ងបង្វែរការយកចិត្តទុកដាក់ពីពិរុទ្ធជនពិតប្រាកដប៉ុណ្ណោះ។ ក្រសួងបានថ្កោលទោសសហរដ្ឋអាមេរិក និងបារាំង «ថាបានឃុបឃិតគ្នា» ជាមួយអង្គការភេរវករ និងបានដាក់ទណ្ឌកម្មឯកតោភាគីប្រឆាំងនឹងស៊ីរី ដោយធ្វើឱ្យជីវភាពរស់នៅរបស់ប្រជាជនស៊ីរីធ្លាក់ក្នុងបញ្ហា ព្រមទាំងរំលោភលើច្បាប់អន្តរជាតិ និងធម្មនុញ្ញអង្គការសហប្រជាជាតិផងដែរ។ក្រសួងនោះបានលើកឡើងពីឧប្បត្តិហេតុឆ្នាំ២០១៣ នៅក្នុងតំបន់ Ghouta ភាគខាងកើតនៃទីក្រុង Damascus ហើយបានចោទប្រកាន់ប្រទេសបារាំង និងសហរដ្ឋអាមេរិកថា បានព្យាយាមបិទបាំងតួនាទីរបស់ពួកគេនៅក្នុងបញ្ហានេះ។ ក្រសួងការបរទេសនេះបានបន្ថែមថា សហរដ្ឋអាមេរិក និងសម្ព័ន្ធមិត្តលោកខាងលិច បានឈានទៅដល់ការផ្គត់ផ្គង់សម្ភារៈ និងអាវុធគីមី ដែលត្រូវបានគេរាយការណ៍ថា បានប្រើប្រាស់ក្នុងឧប្បត្តិហេតុផ្សេងៗនៅទូទាំងទឹកដីស៊ីរី ផងដែរ៕

ជប៉ុនផ្អាកការបាញ់យានចម្លងផ្ទុកយានស្រាវជ្រាវឋានព្រះចន្ទ ដោយសារតែមានខ្យល់ខ្លាំង

2023/08/28 12:49:23 pm        125
Facebook Telegram Linkin
ជប៉ុន៖ យោងតាមប្រតិបត្តិករក្រុមហ៊ុនឧស្សាហកម្មធុនធ្ងន់ Mitsubishi បានឲ្យដឹងថាទីភ្នាក់ងារអវកាស ជប៉ុន បានផ្អាកការបាញ់បង្ហោះយានចម្លង H-IIA តាមផែនការនៅថ្ងៃចន្ទនេះ ដែលមានផ្ទុកយានស្រាវជ្រាវទៅកាន់ឋានព្រះចន្តចូលទៅកាន់អវាកាស។អង្គភាពសេវាបាញ់យានចម្លងរបស់ក្រុមហ៊ុនឧស្សាហកម្មធុនធ្ងន់ Mitsubishi បាននិយាយនៅក្នុងការបង្ហោះលើគេហទំព័របណ្តាញផ្សព្វផ្សាយសង្គម X ដែលគេស្គាល់ជាផ្លូវការថា Twitter រយៈពេល២៤ម៉ោងមិនពេលវេលាបាញ់បង្ហោះតាមផែនការថា ការបាញ់បង្ហោះត្រូវបានលុបចោល ដោយសារតែស្ថានភាពខ្យល់មិនអំណោយផល នៅក្នុងបរិយាកាសខ្ពស់ ។យានចម្លង H-IIA No. 47 ត្រូវបានបាញ់បង្ហោះពីមជ្ឈមណ្ឌលអវកាស Tanegashima របស់ទីភ្នាក់ងាររុករកក្នុងអវកាសជប៉ុន នៅប្រទេសជប៉ុនភាគខាងត្បូង នៅម៉ោង៩:២៦នាទីព្រឹកថ្ងៃចន្ទនេះ។ទីភ្នាក់ងាររុករកក្នុងអវកាសជប៉ុន (JAXA) និយាយអំឡុងពេលផ្សាយផ្ទាល់តាមបណ្តាញ Youtube ថា ក្រុមហ៊ុនឧស្សាហកម្មធុនធ្ងន់ Mitsubishi នឹងផ្តល់ព័ត៌មានលម្អិតបន្ថែមទៀត។យានចម្លងនេះ នឹងផ្ទុកយានស្រាវជ្រាវឡើងឋានព្រះចន្ទដ៏ឆ្លាតវៃរបស់ទីភ្នាក់ងាររុករកក្នុងអវកាសជប៉ុន (JAXA) សម្រាប់ការស៊ើបអង្កេតនៅឋានព្រះចន្ទ ដែលជាយានអវកាសជប៉ុនដំបូង ដែលនឹងចុះចតនៅឋានព្រះចន្ទ។ទីភ្នាក់ងាររុករកក្នុងអវកាសជប៉ុន (JAXA)មានផែនការចាប់ផ្តើម ការចុះចតនៅឋានព្រះចន្ទរបស់យានស្រាវជ្រាវឋានព្រះចន្ទដ៏ឆ្លាតវៃរបស់ទីភ្នាក់ងាររុករកក្នុងអវកាសជប៉ុន (JAXA) សម្រាប់ការស៊ើបអង្កេតនៅឋានព្រះចន្ទ នៅខែមករាដល់ខែកុម្ភះឆ្នាំ២០២៤ បន្ទាប់ពីការបាញ់បង្ហោះនៅថ្ងៃចន្ទនេះ ក្នុងគោលបំណងដើម្បីអនុញ្ញាតភាពជោគជ័យ នៃបេសកកម្មរុករកនៅឋានព្រះចន្ទរបស់យាន Chandrayaan-3 របស់ប្រទេសឥណ្ឌា នៅខែនេះ៕

ឥណ្ឌូនេស៊ីដាក់ឲ្យប្រើប្រាស់ផ្លូវរថភ្លើងល្បឿនលឿន LRTក្រោយការពន្យាពេលជាបន្តបន្ទាប់

2023/08/28 12:46:47 pm        111
Facebook Telegram Linkin
ឥណ្ឌូនេស៊ី៖ ប្រទេសឥណ្ឌូនេស៊ី បានដាក់ឲ្យប្រើប្រាស់ផ្លូវរថភ្លើងល្បឿនលឿន បន្ទាប់ពីការពន្យាពេលជាបន្តបន្ទាប់ និងបញ្ហាសន្តិសុខ ដែលបានរំខានដល់គម្រោងផ្តល់មូលនិធិដោយចិនមួយនេះ ។  ដំបូងឡើយ គម្រោងមួយនេះដែលជាផ្នែកមួយនៃបណ្តើមគំនិតផ្លូវមួយក្រវាត់មួយរបស់ចិន គ្រោងនឹងបញ្ចប់នៅឆ្នាំ ២០១៩ ប៉ុន្តែត្រូវបានគេកំណត់ពេលឡើងវិញ ដោយសារបញ្ហាមួយចំនួន រួមទាំងការចំណាយលើសគម្រោង ១,២ពាន់លានដុល្លារ និងការពន្យាពេលប្រតិបត្តិការពាណិជ្ជកម្មរបស់វា ។  ប្រធានាធិបតីឥណ្ឌូនេស៊ីលោក Joko Widodo និយាយថា នៅថ្ងៃនេះ ផ្លូវរថភ្លើងល្បឿនលឿន LRTរួចរាល់សម្រាប់ប្រតិបត្តិការចេញពីទីក្រុង Harjamukti, Cibubur និងទីក្រុង Bekasi ទៅកាន់ទីក្រុងហ្សាកាតា សម្រាប់ចម្ងាយ ៤១,២គ.ម និងចំណាយថវិកាអស់ ៣២,៦សែនកោដិរូពីយ៉ាឥណ្ឌូនេស៊ី ។  លោកបន្តថា ពួកយើងតែងតែត្រូវបានគេបញ្ចូលជាទីក្រុងកកស្ទះចរាចរណ៍ខ្លាំងបំផុតកំពូលទាំង ១០នៅលើពិភពលោក ។ ជារៀងរាល់ថ្ងៃ រថយន្ត ៩៩៦.០០០គ្រឿង បានបើកចូលទីក្រុងហ្សាកាតា ។ ហេតុដូច្នេះហើយ មាននូវការកកស្ទះចរាចរណ៍ ហើយការបំពុលតែងតែកើតមាននៅទីនេះ នៅក្នុងទីក្រុងហ្សាកាតា ។  គួររំឭកថា ប្រធានាធិបតីចិនលោក Xi Jinpingនិយាយប្រាប់ លោក Widodo អំឡុងដំណើរទស្សនកិច្ចរបស់មេដឹកនាំឥណ្ឌូនេស៊ីម្នាក់នេះ ទៅកាន់ចិនកាលពីខែមុនថា ប្រទេសទាំង ២ត្រូវតែធានាថា គម្រោងត្រូវតែប្រកាន់ភ្ជាប់កម្រិតស្តង់ដាខ្ពស់ ពេលដែលវាជិតបញ្ចប់ ៕

ក្រសួងប្រៃសណីយ៍ និង GIZ សហការបង្កើតមជ្ឈមណ្ឌលបរិវត្តន៍កម្មឌីជីថល ដើម្បីបម្រើដល់ការធ្វើបរិវត្តកម្មឌីជីថលនៅកម្ពុជា

2023/08/28 12:46:43 pm        190
Facebook Telegram Linkin
ភ្នំពេញ៖ ក្រសួងប្រៃសណីយ៍ និងទូរគមនាគមន៍ បានសហការបង្កើតមជ្ឈមណ្ឌលបរិវត្តន៍កម្មឌីជីថល ដែលនឹងចូលរួមជួយគាំទ្រដល់សកម្មភាពនៃការធ្វើបរិវត្តកម្មឌីជីថល នៅតាមក្រសួងស្ថាប័ន សាកលវិទ្យាល័យ សហគ្រាស និងការលើកកម្ពស់ការចូលរួមរបស់ស្រ្តីក្នុងផ្នែកបច្ចេកវិទ្យា។ គម្រោងនេះ ត្រូវបានជួយឧបត្ថម្ភគាំទ្រពីអង្គការ GIZ នៃប្រទេសអាល្លឺម៉ង់ ក្នុងទំហំទឹកប្រាក់​ប្រមាណ ១.៤លានអឺរ៉ូ ក្នុងរយៈពេល២ឆ្នាំដំបូង ហើយក៏មានការគ្រោងកៀគរថវិកាពីប្រភពផ្សេងៗ​ទៀតក្នុងការរួមចំណែកអនុវត្តន៍គម្រោងសកម្មភាពនានា។ក្នុងពិធីចុះហត្ថលេខា លើកិច្ចព្រមព្រៀង (MOU) អនុវត្តគម្រោងកិច្ចសហប្រតិបត្តិការបច្ចេកទេស​មជ្ឈមណ្ឌលបរិវត្តកម្មឌីជីថលកម្ពុជា ​នៅថ្ងៃទី២៨ ខែសីហា ឆ្នាំ២០២៣​ ឯកឧត្តម ខូវ មករា រដ្ឋលេខាធិការ​ក្រសួងប្រៃសណីយ៍ ​និងទូរគមនាគមន៍ និងជាប្រធានក្រុមប្រឹក្សាភិបាល នៃបណ្ឌិតសភាបច្ចេកវិទ្យា​ឌីជីថលកម្ពុជា មានប្រសាសន៍ថា​ មជ្ឈមណ្ឌលនេះ នឹងចូលរួមជួយទាំង​ការអភិវឌ្ឍធនធានមនុស្ស បច្ចេកវិទ្យាផ្សេងៗពាក់ព័ន្ធនឹងឌីជីថល ដែលមានទាំងផ្នែករឹង (Hardware) និងផ្នែកទន់ (Software) ។ឯកឧត្តមបានបន្តថា សម្រាប់ការជួយបង្កើតមជ្ឈមណ្ឌលបរិវត្តកម្មឌីជីថលនេះ គឺភាគី GIZ នឹងមាន​ទាំងធនធាន​មនុស្សមកជួយ និងគាំទ្រផ្នែកបច្ចេកវិទ្យា ហើយរៀបចំឲ្យមានបណ្ដាញទំនាក់ទំនង​ក្នុងការគាំទ្រការធ្វើបរិវត្តន៍កម្មឌីជីថលរវាងអ្នកជំនាញកម្ពុជា ​និងអ្នកជំនាញអាល្លឺម៉ង់។ សកម្មភាពនានាដែលអនុវត្តក្នុងមជ្ឈមណ្ឌលនេះ ​ក៏នឹងចូលរួមចំណែក ក្នុងការអនុវត្តយុទ្ធសាស្ត្រ​បញ្ចកោណរបស់រាជរដ្ឋាភិបាល នៃអាណត្តិទី៧នេះ ។លោក Gunter Riethmacher ប្រធានអង្គការ GIZ ប្រចាំនៅកម្ពុជា លើកឡើងថា ឌីជីថលភាវូបនីយកម្ម ជាផ្នែកដ៏សំខាន់មួយ ដែលអាល្លឺម៉ងព្យាយាមគាំទ្រដល់រដ្ឋាភិបាលនៅជុំវិញពិភពលោក ដើម្បី​ធ្វើឱ្យប្រសើរឡើងយុទ្ធសាស្ត្រឌីជីថល​ ខណៈនៅកម្ពុជា​ គឺបានជួយគាំទ្រដល់រាជរដ្ឋាភិបាលកម្ពុជា និងប្រជាជនក្នុងវិស័យផ្សេងៗ ​ដែលមានទាំងវិស័យឌីជីថលភាវូបនីយកម្មនេះដែរ ដើម្បីតភ្ជាប់​ទៅផ្នែក​ផ្សេងៗទៀត ។លោកបានបន្តថា ការជួយបង្កើតមជ្ឈមណ្ឌល DTC គឺជាកម្មវិធីថ្មីនៅកម្ពុជា របស់រដ្ឋាភិបាល​អាល្លឺម៉ង់ ដោយវាជាកម្មវិធីសកល និងផ្តល់ហិរញ្ញប្បទានដល់ក្រសួង ដូច្នេះអត្ថប្រយោជន៍​នៃកម្មវិធីសកលនេះ គឺបទពិសោធន៍ពីប្រទេសផ្សេងៗ ត្រូវបានផ្តល់ដល់ការអនុវត្តសកម្មភាព​នៅទីនេះ ​និងបទពិសោធនៅកម្ពុជា ក៏នឹងត្រូវបានចែករំលែកទៅកាន់ប្រទេសផ្សេងៗដែរ ។ក្នុងឱកាសនោះ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ ​និងទូរគមនាគមន៍ បាន​សម្ដែងនូវការគាំទ្រ ចំពោះគម្រោងនេះ ​ហើយបានថ្លែងអំណរគុណដល់អង្គការ GIZ ដែលបានគាំទ្រ និងចូលរួមជាមួយរាជរដ្ឋាភិបាលកម្ពុជា ​លើការងារអភិវឌ្ឍន៍វិស័យឌីជីថល ៕ អត្ថបទ បាន សុខរិទ្ធិ

ការមកដល់របស់ជនអន្តោប្រវេសន៍ដ៏ច្រើនមិនធ្លាប់មានពីមុនមក បានដាក់សម្ពាធលើប្រទេសអ៊ីតាលី

2023/08/28 12:44:26 pm        59
Facebook Telegram Linkin
អ៊ីតាលី៖ ប្រមុខនគរបាលរដ្ឋនៃខេត្ត Agrigento លោក Emanuele Ricifari បានប្រាប់សារព័ត៌មាន រ៉យទ័រ កាលពីថ្ងៃអាទិត្យ (២៧ សីហា)ថា យ៉ាងហោចណាស់ជនអន្តោប្រវេសន៍ប្រមាណ៤.២០០នាក់ បានទៅដល់ដល់ទីក្រុង Lampedusa ប្រទេសអ៊ីតាលី កាលពីចុងសប្តាហ៍ ដែលជាចំនួនច្រើនបំផុតក្នុងកំណត់ត្រានៃការមកដល់របស់ជនអន្តោប្រវេសន៍។ទិន្នន័យរបស់ក្រសួងមហាផ្ទៃបង្ហាញថា ប្រទេសអ៊ីតាលី ដែលជាផ្លូវដ៏សំខាន់មួយទៅកាន់ទ្វីបអឺរ៉ុបសម្រាប់អ្នកស្វែងរកសិទ្ធិជ្រកកោន និងជនអន្តោប្រវេសន៍រាប់រយរាប់ពាន់នាក់ផ្សេងទៀត បានមើលឃើញការមកដល់នៃជនអន្តោប្រវេសន៍ចំនួន១០៧.៥៣០នាក់ តាមសមុទ្ររហូតមកទល់ពេលនេះ ដោយកើនឡើងប្រហែល៤៥.០០០នាក់ក្នុងរយៈពេលដូចគ្នាកាលពីឆ្នាំមុន។លោក Ricifari បាននិយាយថា ការមកដល់ចុងក្រោយបំផុតនៃជនអន្តោប្រវេសន៍ កំពុងដាក់សម្ពាធយ៉ាងខ្លាំងលើកោះ Lampedusa និងក្រុមអាជ្ញាធរ ប៉ុន្តែពួកគេកំពុងដោះស្រាយបញ្ហានេះហើយ។ ទីភ្នាក់ងារព័ត៌មាន Ansa របស់ប្រទេសអ៊ីតាលីបាននិយាយថា ក្រុមអាជ្ញាធរកំពុងខិតខំប្រឹងប្រែងដើម្បីពន្លឿនការផ្ទេរអ្នកមកដល់ថ្មីពីកោះនេះទៅកាន់តំបន់ Porto Empedocle នៅលើដីគោកនៃកោះស៊ីស៊ីលី៕

ការវាយប្រហារតាមអាកាសរបស់អាមេរិក បណ្តាលឲ្យសកម្មប្រយុទ្ធ al Shabaab ១៣នាក់ស្លាប់នៅសូម៉ាលី

2023/08/28 12:42:08 pm        64
Facebook Telegram Linkin
សូម៉ាលី៖ យោធាសហរដ្ឋអាមេរិកបាននិយាយថា ខ្លួនបានជឿថា បានសម្លាប់ក្រុមអ្នកប្រយុទ្ធ al Shabaab ១៣នាក់ នៅប្រទេសសូម៉ាលីភាគខាងត្បូង ជាអ្វីដែលខ្លួនបានចាត់ទុកថាជាការវាយប្រហារតាមអាកាសស្វ័យការពាររួម តាមសំណើរបស់រដ្ឋាភិបាលប្រទេសសូម៉ាលី។ រដ្ឋាភិបាលប្រទេសសូម៉ាលី និងកងកម្លាំងសម្ព័ន្ធមិត្ត បានចាប់ផ្តើមយុទ្ធនាការមួយរយៈពេលមួយឆ្នាំមកហើយដែលយុទ្ធនាការនេះ បានរុញច្រានក្រុម al Shabaab ជាក្រុមមានទំនាក់ទំនងជាមួយក្រុមអាល់កៃដា នៅខាងក្រៅផ្នែកនៃមជ្ឈមណ្ឌលរបស់ប្រទេស ទោះបីជាក្រុមនេះ បន្តអនុវត្តការវាយប្រហារទ្រង់ទ្រាយធំៗក៏ដោយ។ទីបញ្ជាការអាហ្វ្រិកអាមេរិកបាននិយាយថា ខ្លួនបានធ្វើការវាយប្រហារតាមអាកាសកាលពីយប់ថ្ងៃសៅរ៍ លើក្រុម al Shabaab នៅជិតទីក្រុង Seiera មានចម្ងាយប្រមាណ៤៥គីឡូម៉ែត្រភាគពាយព្យទីក្រុង Kismayo តាមសំណើរបស់រដ្ឋាភិបាល។ទីបញ្ជាការអាហ្វ្រិកអាមេរិកបាននិយាយនៅក្នុងសេចក្តីថ្លែងការណ៍ថា ដោយធ្វើការជាមួយកងទ័ពជាតិសូម៉ាលី ការវាយតម្លៃបឋមរបស់ទីបញ្ជាការអាហ្វ្រិកអាមេរិក ការវាយប្រហារតាមអាកាស បានសម្លាប់ក្រុមអ្នកប្រយុទ្ធ al Shabaab ១៣នាក់ ហើយគ្មានជនស៊ីវិលណាម្នាក់រងរបួសឬស្លាប់នោះទេ។ កងទ័ពនិង ក្រុមអ្នកប្រយុទ្ធសម្ព័ន្ធមិត្ត របស់ប្រទេសសូម៉ាលី កាលពីថ្ងៃសុក្រដណ្តើមយកបានទីក្រុង El Buur ជាទីតាំងលាក់ខ្លួនធំរបស់ជីវពលក្រុម al Shabaab នៅក្នុងតំបន់ភាគកណ្តាលរបស់ប្រទេស ជាការទម្លាយភាពទាល់ច្រកដ៏សំខាន់នៅក្នុងយុទ្ធនាការនេះ។ទោះជាយ៉ាងណា អ្នកវិភាគយោធាភាគច្រើន និងអ្នកដែលពាក់ព័ន្ធនៅក្នុងយូទ្ធនាការ បាននិយាយថា ការប្តេជ្ញារបស់រដ្ឋាភិបាលដើម្បីលុបបំបាត់ក្រុមនេះ មិនប្រាកដប្រជានៅឡើយ៕

លោកZelenskyy៖ លោកនឹងស្នើសុំវិធានការប្រឆាំងអំពើពុករលួយកាន់តែតឹងរ៉ឹងនៅសប្តាហ៍នេះ

2023/08/28 12:39:31 pm        77
Facebook Telegram Linkin
អ៊ុយក្រែន៖ ប្រធានាធិបតីអ៊ុយក្រែន លោក Volodymyr Zelenskyy បាននិយាយនៅក្នុងបទសម្ភាសន៍តាមទូរទស្សន៍ ដែលបានចែករំលែកនៅលើបណ្តាញតេឡេក្រាមរបស់លោក កាលពីថ្ងៃអាទិត្យថា រូបលោក នឹងស្នើសុំសភានៅសប្តាហ៍ខាងមុខនេះ ឲ្យបង្កើនទណ្ឌកម្ម សម្រាប់អ្នកទាំងឡាយណាដែលត្រូវបានរកឃើញកំហុសពីអំពើពុករលួយ អំឡុងពេលសង្គ្រាមនេះ។ លោក និយាយថា«ខ្ញុំបានកំណត់នូវភារកិច្ចមួយ សម្រាប់និតិបញ្ញតិ និងសមាជិកសភាអ៊ុយក្រែនដែលនឹងត្រូវផ្តល់ឲ្យនូវសំណើរបស់ខ្ញុំដើម្បីចាត់ទុកអំពើពុករលួយជាអំពើក្បត់ជាតិខ្ពស់ ក្នុងពេលសង្គ្រាម»។លោក និយាយថា «ខ្ញុំគិតថា សភានឹងទទួលសំណើនេះហើយបន្ទាប់មកការជួបប្រជុំគ្នា នឹងធ្វើឡើងនៅក្នុងតុលាការរបស់សភា។លោក Zelenskyy ជាអ្នកដែលបាននិយាយថាការបញ្ចប់អំពើពុករលួយ គឺជាគន្លឹះដើម្បីធ្វើឲ្យរុស្ស៊ីបរាជ័យ ហើយសង្ឃឹមថា តាមរយៈការប្រយុទ្ធប្រឆាំងអំពើពុករលួយ លោកនឹងធ្វើឲ្យវាកាន់តែងាយស្រួលសម្រាប់ដៃគូនានាដើម្បីជួយគាំទ្រកិច្ចប្រឹងប្រែងស្តារឡើងវិញ ដែលនឹងចំណាយប្រាក់រាប់ពាន់លានដុល្លារ។ ភាពរង្គោះរង្គើរបស់រដ្ឋាភិបាលជាបន្តបន្ទាប់ជុំវិញអំពើពុករលួយ រួមមានទាំងការដកចេញមេបញ្ជាការជ្រើសរើសយោធាប្រចាំតំបន់ទាំងអស់នៅខែនេះរបស់លោក Zelenskyy បន្ទាប់ពីការធ្វើសវនកម្មនៅទូទាំងប្រទេស។ ប្រទេសអ៊ុយក្រែនមានចំណាត់ថ្នាក់ទី១១៦ ក្នុងចំណោមប្រទេសចំនួន១៨០ប្រទេស ស្ថិតនៅលើសន្ទស្សន៍វាយតម្លៃអំពើពុករលួយចុងក្រោយរបស់អង្គការតម្លាភាពក្រុមយុទ្ធនាការអន្តរជាតិ។ឧបនាយករដ្ឋមន្ត្រីលោកស្រី Iryna Vereshchuk បាននិយាយនៅលើកម្មវិធីតេឡេក្រាមកាលពីថ្ងៃអាទិត្យថាយើងកំពុងខិតទៅជិតយ៉ាងឆាប់រហ័ស នៅចំណុចដែលវានឹងជាយើងឬពួកគេ។ កត្តាខាងក្នុងនិងខាងក្រៅ មានមាន័យថា ការធ្វើឲ្យរស់រានរដ្ឋ កំពុងចាប់ផ្តើមពឹងផ្អែកលើសមត្ថភាពរបស់អ៊ុយក្រែនដើម្បីបំផ្លាញយ៉ាងពិតបា្រកដអំពើពុករលួយ ជាក្រុមសង្គម។លោក Zelenskyy និយាយថា អ្នកទាំងឡាយណាដែលត្រូវបានរកឃើញកំហុសត្រូវតែប្រឈមមុខចំពោះតុលាការ។ ប្រសិនបើមានភស្តុតាង អ្នកនោះត្រូវតែជាប់ពន្ធនាគារ៕

មនុស្សយ៉ាងហោច ៥នាក់ស្លាប់ ក្នុងហេតុការណ៍ផ្ទុះក្នុងរោងចក្រផលិតផាវខុសច្បាប់នៅប្រទេសឥណ្ឌា

2023/08/28 12:37:12 pm        84
Facebook Telegram Linkin
ឥណ្ឌា៖ សារព័ត៌មានក្នុងស្រុករាយការណ៍ថា ហេតុការណ៍ផ្ទុះក្នុងរោងចក្រផលិតផាវខុសច្បាប់ បានសម្លាប់មនុស្សយ៉ាងហោច ៥នាក់ នៅសង្កាត់ North 24 Pargana ស្ថិតក្នុងរដ្ឋភាគខាងកើតបឹងហ្គាល់ខាងលិច ប្រទេសឥណ្ឌា កាលពីថ្ងៃអាទិត្យម្សិលមិញ ។  យោងតាមសេចក្តីរាយការណ៍បានឲ្យដឹងថា អគារផ្តល់ជាទីតាំងរោងចក្រផលិតផាវ បានបាក់ ហើយជនរងគ្រោះដោយសាររលាកភ្លើងធ្ងន់ធ្ងរត្រូវបានបញ្ជូនទៅកាន់មន្ទីរពេទ្យដើម្បីព្យាបាល ។  មូលហេតុដែលបណ្តាលឲ្យកើតមានហេតុការណ៍ផ្ទុះនេះឡើង មិនត្រូវបាននគរបាលដឹងនោះទេ ស្របពេលដែលប្រតិបត្តិការរុករក កំពុងបន្តដើម្បីស្វែងរកជនរងគ្រោះបន្ថែមទៀត ។  គួរឲ្យដឹងថា ឧបទ្ទេវហេតុឧស្សាហកម្ម មិនមែនជារឿងចម្លែកនោះទេនៅក្នុងប្រទេសឥណ្ឌា ហើយពួកគេតែងតែដាក់ការស្តីបន្ទោសលើមនុស្សដែលរំលោភបទដ្ឋានសុវត្ថិភាព ហើយនិងកង្វះខាតការអង្កេតរបស់ក្រុមមន្រ្តីរដ្ឋាភិបាល ៕

បារាំង នឹងហាមប្រាមការស្លៀកពាក់អាបាយ៉ារបស់មូស្លីមនៅក្នុងសាលារដ្ឋ

2023/08/28 12:34:49 pm        65
Facebook Telegram Linkin
បារាំង៖រដ្ឋមន្ត្រីក្រសួងអប់រំរបស់ប្រទេសបារាំងបាននិយាយកាលពីថ្ងៃអាទិត្យ (២៧សីហា)ថា ប្រទេសបារាំង នឹងហាមឃាត់កុមារមិនឱ្យស្លៀកសម្លៀកបំពាក់អាបាយ៉ា ជាឈុតរ៉ូបរលុង នឹងវែង ដែលពាក់ដោយស្ត្រីមូស្លីមមួយចំនួននៅក្នុងសាលារៀនដែលគ្រប់គ្រងដោយរដ្ឋ។ប្រទេសបារាំង ដែលបានអនុវត្តបម្រាមដ៏តឹងរ៉ឹងលើសញ្ញាសាសនានៅក្នុងសាលារដ្ឋ ចាប់តាំងពីច្បាប់សតវត្សទី១៩ ដោយដកឥទ្ធិពលសាសនាកាតូលិកប្រពៃណីចេញពីការអប់រំសាធារណៈ បានតស៊ូធ្វើបច្ចុប្បន្នភាពគោលការណ៍ណែនាំដើម្បីដោះស្រាយជាមួយកំណើនជនជាតិភាគតិចមូស្លីមក្នុងប្រទេស។ ក្នុងឆ្នាំ២០០៤ ប្រទេសនេះ បានហាមប្រាមពាក់ស្បែរុំក្បាលនៅក្នុងសាលារៀន និងបានអនុម័តបម្រាមលើការពាក់ស្បៃគ្របលើផ្ទៃមុខទាំងមូលនៅទីសាធារណៈនៅក្នុងឆ្នាំ២០១០ ដែលធ្វើឱ្យមនុស្សមួយចំនួននៅក្នុងសហគមន៍ឥស្លាមដ៏រឹងមាំ ដែលមានប្រជាជនចំនួនប្រាំលាននាក់របស់ខ្លួននេះ ខឹងសម្បាយ៉ាងខ្លាំង។ការការពារលទ្ធិសាសនានិយម គឺជាជំនឿដ៏មុតមាំនៅក្នុងប្រទេសបារាំង ដែលកើតឡើងនៅទូទាំងវិសាលគមនយោបាយ ចាប់ពីពួកឆ្វេងនិយមដែលលើកតម្កើងតម្លៃសេរីភាពនៃភាពស្មើគ្នា រហូតដល់ក្រុមអ្នកបោះឆ្នោតស្តាំនិយមជ្រុល ដែលព្យាយាមរារាំងប្រឆាំងនឹងកំណើនតួនាទីរបស់សាសនាឥស្លាមនៅក្នុងសង្គមបារាំង៕

បណ្ដាញសង្គម

ព័ត៌មានថ្មីៗ

គិតត្រឹមត្រីមាសទី១ គ្រឹះស្ថានមីក្រូហិរញ្ញវត្ថុបានបញ្ចេញឥណទានមានទឹកប្រាក់ ៥,៤ ពាន់លានដុល្លារ
06/19/2026 09:06 PM
Facebook Telegram Linkin
មន្ត្រីអាមេរិក៖ អ៊ីស្រាអែល និងហេសបូឡា ព្រម​ព្រៀង​មាន​​បទ​ឈប់បាញ់ចាប់ពីថ្ងៃទី១៩ ខែមិថុនា
06/19/2026 08:06 PM
Facebook Telegram Linkin
លោក Trump បញ្ជាក់​ថា សង្គ្រាមធ្វើឲ្យ​អ៊ីរ៉ង់ខ្សោយ និង​បដិសេធ​ការ​រិះគន់​របស់​ក្រុម​ប្រជាធិបតេយ្យ​
06/19/2026 08:06 PM
Facebook Telegram Linkin
មនុស្ស ១៨នាក់ ត្រូវបានសម្លាប់ក្នុងការវាយប្រហាររបស់អ៊ីស្រាអែលនៅតំបន់ភាគខាងត្បូងលីបង់
06/19/2026 08:06 PM
Facebook Telegram Linkin
ទីក្រុងតំបន់ភ្នំហេមពាន្តរបស់ឥណ្ឌា ប្រែក្លាយជាគំនរសំរាម ដោយសារភ្ញៀវទេសចរច្រើន
06/19/2026 08:06 PM
Facebook Telegram Linkin
ទីភ្នាក់ងារទេសចរណ៍ចិនចាប់​ផ្ដើម​ដំណើរកម្សាន្តជាក្រុមទៅ​ជប៉ុនឡើងវិញ តែ​ខ្លះបញ្ឈប់ការលក់ក្រោយ​មក​
06/19/2026 08:06 PM
Facebook Telegram Linkin
លីបង់ថ្កោលទោសការវាយប្រហារចុងក្រោយរបស់អ៊ីស្រាអែល និងជំរុញឲ្យ​មាន «បទឈប់បាញ់គ្រប់ជ្រុងជ្រោយ​»
06/19/2026 08:06 PM
Facebook Telegram Linkin
ការបំផ្ទុះគ្រាប់បែក ២ផ្សេងគ្នា បណ្តាលឲ្យ​នគរបាល​រងរបួស ក្នុងខេត្ត Yala និង​ Pattani របស់​​ថៃ
06/19/2026 08:06 PM
Facebook Telegram Linkin
ទីភ្នាក់ងារតាមដាន៖ ការឆ្លងកាត់របស់​នាវា នៅ​ចក្រសមុទ្រ​ Hormuz កើនឡើង ក្រោយ​មាន​កិច្ចព្រមព្រៀង
06/19/2026 07:06 PM
Facebook Telegram Linkin
ពលរដ្ឋអ៊ីស្រាអែលរស់នៅតំបន់ព្រំដែន ព្រួយបារម្ភពីកិច្ចព្រមព្រៀងសន្តិភាពរវាងអាមេរិក និងអ៊ីរ៉ង់
06/19/2026 07:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.