នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក
សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ
សម្ដេ​ចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»
សម្តេចតេជោ ហ៊ុន សែន ថ្លែងថា អាវក្រោះ និងសម្ភារយោធាម៉ាក DSS សុទ្ធតែមានគុណភាពហើយអាវការពារនេះនាយករដ្ឋមន្រ្តីបានសាករួចហើយ

នយោបាយ​ និង ការអភិវឌ្ឍន៍

ចំនួនអ្នកស្លាប់ពីចំហេះព្រៃនៅរដ្ឋហាវ៉ៃ កើនឡើងដល់១១៥នាក់ ខណៈមនុស្សរាប់រយនាក់ទៀតនៅបាត់ខ្លួននៅឡើយ

2023/08/23 10:14:55 am        213
Facebook Telegram Linkin
អាមេរិក៖ ចំនួនអ្នកស្លាប់ដោយសារចំហេះព្រៃកោះម៉ូអ៊ី ក្នុងរដ្ឋហាវ៉ៃ របស់សហរដ្ឋអាមេរិក បានកើនឡើងដល់១១៥នាក់ គិតត្រឹមថ្ងៃចន្ទ (២១សីហា) នេះបើយោងតាមទិន្នន័យចំនួនអ្នកស្លាប់ពីតំបន់កោះម៉ូអ៊ី។ រហូតមកដល់ពេលនេះ ទីតាំងលំនៅឋានមួយជាន់ទាំងអស់នៅក្នុងតំបន់គ្រោះមហន្តរាយ ត្រូវបានធ្វើការស្វែងរក។ យោងតាមទីភ្នាក់ងារតំបន់បានឲ្យដឹងថា ក្រុមសង្គ្រោះ នឹងចាប់ផ្តើមស្វែងរកទីតាំងលំនៅដ្ឋាន និងពាណិជ្ជកម្ម ដែលមានច្រើនជាន់បន្តទៀត។ទីភ្នាក់ងារតំបន់នេះ បានចេញសេចក្តីជូនដំណឹងអំពីបញ្ហាទឹកដែលមិនមានសុវត្ថិភាពនៅទីក្រុងឡាហេណា និងតំបន់ Upper Kula ដោយស្នើឱ្យប្រជាពលរដ្ឋប្រើប្រាស់តែទឹកដប ឬទឹកស្អាតដែលផ្តល់ដោយរថយន្តផ្ទុកទឹក សម្រាប់ផឹក ដុសធ្មេញ ធ្វើទឹកកក រៀបចំអាហារ និងសម្រាប់ការប្រើប្រាស់ផ្សេងៗទៀត។អភិបាលកោះម៉ូអ៊ី លោក Richard Bissen បាននិយាយកាលពីថ្ងៃចន្ទថា មនុស្សចំនួន៨៥០នាក់នៅតែបាត់ខ្លួន បន្ទាប់ពីចំហេះព្រៃបានឆាបឆេះពេញកោះកាលពីដើមខែនេះ ខណៈដែលកិច្ចខិតខំប្រឹងប្រែងស្វែងរក និងជួយសង្គ្រោះនៅតែបន្ត។ ដំបូងឡើយមនុស្សជាង២.០០០នាក់ ត្រូវបានរាយការណ៍ថាបានបាត់ខ្លួន។ ចំហេះព្រៃនៅកោះម៉ូអ៊ី គឺជាចំហេះដ៏មហន្តរាយបំផុតនៅក្នុងសហរដ្ឋអាមេរិក ក្នុងរយៈពេលជាងមួយសតវត្ស និងជាគ្រោះធម្មជាតិដ៏អាក្រក់បំផុតនៅក្នុងប្រវត្តិសាស្រ្តរបស់រដ្ឋហាវ៉ៃ ផងដែរ៕

ប៉ាគីស្ថាន បានបញ្ចប់ការសង្រ្គោះជនរងគ្រោះក្នុងឧបទ្ទវហេតុយានខ្សែកាប្លិ៍ ដែលភាគច្រើនជាកុមារ

2023/08/23 10:09:57 am        232
Facebook Telegram Linkin
ប៉ាគីស្ថាន​៖ ក្រុមអ្នកសង្រ្គោះប៉ាគីស្ថាន បានទាញកុមារចំនួន៧នាក់ និងបុរសម្នាក់ ដោយសុវត្ថិភាព បន្ទាប់ពីយានខ្សែកាប្លិ៍របស់ពួកគេ បានជាប់គាំងសំកាំងលើអាកាសនៅលើជ្រោះនៅតំបន់ដាច់ស្រាយាលមួយកន្លែង កាលពីថ្ងៃអង្គារ ទី២២សីហា ដោយបានបញ្ចប់ប្រតិបត្តិការសង្រ្គោះរយៈជាង១៥ម៉ោង។   ប្រតិបត្តិការនៅលើអាកាសដ៏គ្រោះថ្នាក់ នៅក្នុងភាគខាងជើងរបស់ប្រទេសប៉ាគីស្ថាន  ត្រូវបានបញ្ចប់នៅកាលពីយប់មិញ បន្ទាប់ពីយានខ្សែកាប្លិ៍នេះ បានគាំងនៅពេលព្រឹក ដែលបណ្ដាលយានខ្សែកាប្លិ៍នេះសំកាំងលើអាកាសពេញមួយថ្ងៃ។លោកនាយករដ្ឋមន្ត្រៅចាំផ្ទះ អាន់វ៉ាអាល់ ហាក កាកា (Anwaar-ul-Haq Kakar) បាននិយាយនៅក្នុងសារបង្ហោះនៅលើបណ្ដាញសង្គម X ថា កុមារទាំងអស់ ត្រូវបានជួយសង្រ្គោះប្រកបដោយសុវត្ថិភាពនិងជោគជ័យ ។ ប្រតិបត្តិការសង្រ្គោះពីឧទ្ទម្ភាគចក្រយោធាមួយគ្រឿង ត្រូវបានលុបចោល នៅពេលយប់ បន្ទាប់ពីកុមារ២នាក់ ត្រូវបានយកចេញពីយានខ្សែកាប្លិ៍ដោយសុវត្ថិភាព។ ក្រុមមន្ត្រីបាននិយាយថា មួយក្នុងចំនៅយានខ្សែកាប្លិ៍ជាច្រើន ដែលដឹកទូយានខ្សែកាប្លិ៍ បានគាំងនៅម៉ោងប្រហែល ៧ ព្រឹក ខណៈសិស្សកំពុងធ្វើដំណើរទៅសាលារៀននៅតំបន់ភ្នំដាច់ស្រយាលមួយក្នុងក្រុងបាត់តាក្រាម (Battagram) ចម្ងាយប្រហែល ២០០ គីឡូម៉ែត្រ ភាគខាងជើងនៃទីក្រុងអ៊ីស្លាម៉ាបាដ។ មន្ត្រីជួយសង្គ្រោះមួយរូបនៅកន្លែងកើតហេតុបានប្រាប់សារព័ត៌មានរ៉យទ័រថា យានខ្សែកាប្លិ៍នេះ បានជាប់គាំងពាក់កណ្តាលផ្លូវឆ្លងកាត់ជ្រោះដែលមានកម្ពស់ប្រហែល ២៧៥ ម៉ែត្រ ពីលើដី៕

លោកមេធាវី ផាត់ ពៅស៊ាង អបអរសាទរ ឯកឧត្តម អង្គ វង្សវឌ្ឍានា ត្រូវបានរដ្ឋសភាបោះឆ្នោត តែងតាំងជាប្រធានគណៈកម្មការនីតិកម្ម និងយុត្តិធម៌ នៃរដ្ឋសភា

2023/08/23 09:03:46 am        222
Facebook Telegram Linkin
ភ្នំពេញ៖ លោកមេធាវី ផាត់ ពៅស៊ាង ផ្ញេីលិខិតអបអរសាទរ ឯកឧត្តម អង្គ វង្សវឌ្ឍានា ត្រូវបានរដ្ឋសភាបោះឆ្នោត តែងតាំងជាប្រធានគណៈកម្មការនីតិកម្ម និងយុត្តិធម៌ នៃរដ្ឋសភាសម្រាប់អាណត្តិទី៧។លោកមេធាវី ផាត់ ពៅស៊ាង ព្រមទាំងក្រុមគ្រួសារសូមជូនពរឯកឧត្តម អង្គ វង្សវឌ្ឍានា​ ទទួលបាននូវសុខភាព ល្អបរិបូរណ៍ កម្លាំងខ្លាំងក្លា ប្រាជ្ញាឈ្លាសវៃ អាយុយឺនយូរ ព្រមទាំងសម្រេចបានជោគជ័យគ្រប់ភារកិច្ច ដើម្បីរួមចំណែកដឹកនាំការពារ និងកសាងមាតុភូមិកម្ពុជាប្រកបដោយសុខសន្តិភាព និងអភិវឌ្ឍន៍លើគ្រប់វិស័យ ។ ឆ្លៀតក្នុងឱកាសដ៏ថ្លៃថ្លានេះ លោកសូមបួងសួងដល់វត្ថុស័ក្កិសិទ្ធិទាំងអស់ក្នុងលោក សូមប្រសិទ្ធពរបវរមហាប្រសើរជូនចំពោះឯកឧត្តម និងលោកជំទាវ ព្រមទាំងបុត្រាបុត្រី ចៅប្រុសចៅស្រីជាទីស្រលាញ់ទាំងអស់ សូមប្រកបដោយពុទ្ធពរទាំងបួនប្រការ គឺ អាយុ វណ្ណៈ សុខៈ និងពលៈ កុំបីឃ្លៀងឃ្លៀតឡើយ៕

ប្រទេសនីហ្សេ ត្រូវបានផ្អាកពីសមាជិកសហភាពអាហ្រ្វិក

2023/08/23 08:42:37 am        164
Facebook Telegram Linkin
នីហ្សេ៖ ក្រុមប្រឹក្សាសន្តិភាព និងសន្តិសុខរបស់ប្លុកសហភាពអាហ្វ្រិក បាននិយាយនៅក្នុងសេចក្តីថ្លែងការណ៍មួយ ចេញផ្សាយកាលពីថ្ងៃអង្គារ (២២សីហា)ថា ប្រទេសនីហ្សេ ត្រូវបានផ្អាកភ្លាមៗពីសកម្មភាពទាំងអស់របស់សហភាពអាហ្វ្រិក (AU) បន្ទាប់ពីរដ្ឋប្រហារកាលពីថ្ងៃទី២៦ ខែកក្កដា។ ប្លុកក្នុងតំបន់បានរំលឹកឡើងវិញនូវការអំពាវនាវរបស់ខ្លួនឱ្យមេដឹកនាំរដ្ឋប្រហារ ដោះលែងប្រធានាធិបតីនីហ្សេ លោក Mohamed Bazoum ហើយត្រឡប់ទៅបន្ទាយរបស់ពួកគេវិញ។រដ្ឋប្រហារនេះ បានបង្កឱ្យមានការភ្ញាក់ផ្អើលក្នុងចំណោមសម្ព័ន្ធមិត្តលោកខាងលិច និងបណ្ដារដ្ឋអាហ្វ្រិកប្រជាធិបតេយ្យ ដែលមានការព្រួយបារម្ភថា ការធ្វើរដ្ឋប្រហារនេះអាចអនុញ្ញាតឱ្យក្រុមអ៊ីស្លាមនិយមនៅក្នុងប្រទេសតំបន់ Sahel អាហ្វ្រិកមួយនេះ ពង្រីកវិសាលភាពរបស់ពួកគេ និងផ្តល់ឱ្យរុស្ស៊ីនូវជំហរបង្កើនឥទ្ធិពលរបស់ខ្លួន។ក្រុមប្រឹក្សាសន្តិភាព និងសន្តិសុខសហភាពអាហ្វ្រិក AU បាននិយាយថា ខ្លួនបានកត់សម្គាល់ការសម្រេចរបស់សហគមន៍សេដ្ឋកិច្ចនៃរដ្ឋអាហ្រ្វិកខាងលិច (ECOWAS) ដើម្បីដំណើរការកងកម្លាំងត្រៀម សម្រាប់អន្តរាគមន៍យោធាដែលអាចកើតមាន ហើយបានស្នើឱ្យគណៈកម្មការ AU វាយតម្លៃផលប៉ះពាល់សេដ្ឋកិច្ច សង្គម និងសន្តិសុខ នៃការដាក់ពង្រាយកម្លាំងបែបនេះផងដែរ៕

នាយករដ្ឋមន្ត្រីជាប់ឆ្នោតថ្មីថៃ លោកសេដ្ឋា (Srettha) សន្យាធ្វើជានាយករដ្ឋមន្ត្រីរបស់ប្រជាជន ខណៈរង់ចាំការឡាយព្រះហស្តលេខាពីព្រះមហាក្សត្រ

2023/08/23 08:18:37 am        201
Facebook Telegram Linkin
ថៃ៖ នាយករដ្ឋមន្ត្រី ទើបជាប់ឆ្នោតរបស់ប្រទេសថៃលោកសេដ្ឋា ថាវីស៊ីន បានក្លាយជាមេដឹកនាំសម្រាប់ប្រជាជន កាលពីថ្ងៃអង្គារ ២២ សីហា បន្ទាប់ពីទទួលបានតំណែងនាយករដ្ឋមន្ត្រីដោយជោគជ័យពីសភា។ ជ័យជម្នះរបស់លោក សេដ្ឋា វ័យ ៦០ឆ្នាំ ត្រួសត្រាយផ្លូវសម្រាប់បង្កើតរដ្ឋាភិបាលចម្រុះថ្មី ដោយបញ្ចប់ ភាពមិនច្បាស់លាស់ និងភាពជាប់គាំងនៅក្នុងសភារយៈពេលជាង៣ខែ បន្ទាប់ពីការបោះឆ្នោតកាលពីជាង១០០ ថ្ងៃមុន ដែលគំរាមកំហែងធ្វើឲ្យឥទ្ធិពលនយោបាយរបស់យោធាដ៏មានឥទ្ធិពលរបស់ប្រទេសចុះខ្សោយ។លោកសេដ្ឋា ដែលត្រូវបានចាប់អារម្មណ៍ខ្លាំងកាលពីប៉ុន្មានខែមុន ដោយគណបក្សភឿថៃ ប្រជានិយម (Pheu Thai) បានទទួលការគាំទ្រពីសភាពីរភាគបីនៅក្នុងការបោះឆ្នោតមួយដែលធ្វើឡើងប៉ុន្មានម៉ោងបន្ទាប់ពីអារម្មណ៍អន្ទះសារក្នុងប្រទេសថៃ ជុំវិញការវិលត្រឡប់មកវិញរបស់លោកថាក់ស៊ីនដែលរង់ចាំជាយូរមកហើយ បន្ទាប់ពីការនិរទេសខ្លួន ជាង១៥ឆ្នាំ។ លោក សេដ្ឋា បានត្រឹមតែធ្វើអត្ថាធិប្បាយខ្លីៗទៅកាន់អ្នកសារព័ត៌មាន ហើយបាននិយាយថា លោកនឹងធ្វើសន្និសីទសារព័ត៌មាន បន្ទាប់ពីលោកបានទទួលការឡាយព្រះហស្តលេខាពីព្រះមហាក្សត្រថៃ។ កាលបរិច្ឆេទសម្រាប់ការអនុម័តមិនទាន់ត្រូវបានកំណត់ពេលនៅឡើយទេ៕

លោកស្រី ផាត់ សុគន្ធា អបអរសាទរ និងជូនពរជូនឯកឧត្តមសន្តិបណ្ឌិត ម៉ៅ ច័ន្ទតារា ត្រូវបានព្រះមហាក្សត្រប្រោសព្រះរាជទានតែងតាំងជារដ្ឋលេខាធិការក្រសួងមហាផ្ទៃ

2023/08/22 09:18:11 pm        279
Facebook Telegram Linkin
ភ្នំពេញ៖ លោកស្រី ផាត់ សុគន្ធា ព្រះរាជអាជ្ញារង នៃអយ្យការអមសាលាដំបូងខេត្តកណ្តាល ផ្ញើសារលិខិតអបអរសាទរ និងជូនពរជូនឯកឧត្តមសន្តិបណ្ឌិត ម៉ៅ ច័ន្ទតារា ត្រូវបានព្រះមហាក្សត្រប្រោសព្រះរាជទានតែងតាំងជារដ្ឋលេខាធិការនៃក្រសួងមហាផ្ទៃ។ ក្នុងនាមលោកស្រី ជាព្រះរាជអាជ្ញារង នៃអយ្យការអមសាលាដំបូងខេត្តកណ្តាល ព្រមទាំងក្រុមគ្រួសារសូមជូនពរឯកឧត្តមសន្តិបណ្ឌិតទទួលបាននូវសុខភាព ល្អបរិបូរណ៍ កម្លាំងខ្លាំងក្លា ប្រាជ្ញាឈ្លាសវៃ អាយុយឺនយូរ ព្រមទាំងសម្រេចបានជោគជ័យគ្រប់ភារកិច្ច ដើម្បីរួមចំណែកដឹកនាំការពារ និងកសាងមាតុភូមិកម្ពុជាប្រកបដោយសុខសន្តិភាព និងអភិវឌ្ឍន៍លើគ្រប់វិស័យ ។ ឆ្លៀតក្នុងឱកាសដ៏ថ្លៃថ្លានេះ នាងខ្ញុំសូមបួងសួងដល់វត្ថុស័ក្កិសិទ្ធិទាំងអស់ក្នុងលោក សូមប្រសិទ្ធពរបវរមហាប្រសើរជូនចំពោះឯកឧត្តម និងលោកជំទាវ ព្រមទាំងបុត្រាបុត្រី ចៅប្រុសចៅស្រីជាទីស្រលាញ់ទាំងអស់ សូមប្រកបដោយពុទ្ធពរទាំងបួនប្រការ គឺ អាយុ វណ្ណៈ សុខៈ និងពលៈ កុំបីឃ្លៀងឃ្លៀតឡើយ៕

សហគមន៍ខ្មែរនៅជប៉ុន៖ នាយករដ្ឋមន្ត្រីនិងគណៈរដ្ឋមន្ត្រីថ្មីមានសមត្ថភាពក្នុងការកាន់ចង្កូតនាវាកម្ពុជា

2023/08/22 07:40:07 pm        574
Facebook Telegram Linkin
ភ្នំពេញ៖ សមាគមពលរដ្ឋខ្មែរនៅប្រទេសជប៉ុន បានចេញមកសាទរចំពោះកាន់តំណែងជាផ្លូវការចំពោះគណៈរដ្ឋមន្ត្រីកម្ពុជាថ្មីដែលដឹកនាំដោយលោកបណ្ឌិត ហ៊ុន ម៉ណែត។ ក្នុងនោះពលរដ្ឋទាំងអស់បានអបអរសាទរ និងសប្បាយចិត្តជាខ្លាំងចំពោះរដ្ឋាភិបាលអាណត្តិទី៧នេះដែលមានថ្នាក់ដឹកនាំសុទ្ធតែវ័យក្មេងមានបទពិសោធន៍ និងសមត្ថភាពពេញលេញ។ លោកស្រី ស៊ន់ ដាណេ ពលរដ្ឋខ្មែររស់នៅប្រទេសជប៉ុននៅថ្ងៃទី២២ ខែសីហានេះ បានគូសបញ្ជាក់ពីសមត្ថភាពរបស់លោកបណ្ឌិតហ៊ុន ម៉ាណែតដែលមេដឹកនាំអាណត្តិទី៧នេះ។ លោកស្រីថា នាយករដ្ឋមន្ត្រីកម្ពុជារូបនេះ នឹងអាចដឹកនាំកម្ពុជាទៅកាន់ភាពរីកចម្រើន និងសុខសន្តិភាពដូចបណ្តាអារយ្យប្រទេសជឿនលឿន។ ទន្ទឹមនឹងនេះ និស្សិតខ្មែរដែលកំពុងសិក្សានៅជប៉ុនក៏បានចេញមកគាំទ្រ និងអបអរសាទរផងដែរ។ លោក ឃុត សុខា និស្សិតនៅសកលវិទ្យាល័យHiroshima ក៏បានកត់សម្គាល់ពីសមត្ថភាព និងចំណេះដឹងរបស់នាយករដ្ឋមន្ត្រីវ័យក្មេងដែលលោកប្រៀបទៅនឹងកម្លាំងថ្មីដែលស្វាហាប់។ សម្រាប់លោកវត្តមានរបស់នាយករដ្ឋមន្ត្រីថ្មីរូបនេះ គឺជាអ្វីដែលពលរដ្ឋចង់បានមកដឹកនាំបន្តថែរក្សា និងអភិវឌ្ឍនកម្ពុជាឱ្យកាន់តែខ្លាំងបន្ថែមទៀត។សិក្ខាកាមធ្វើការនៅប្រទេសជប៉ុន១រូបទៀត លោក ភុន ផាន់ណា បានជឿជាក់លើនាយករដ្ឋមន្ត្រីថ្មីថា នឹងអាចនាំនាវាកម្ពុជាទៅកាន់ការអភិវឌ្ឍន៍យ៉ាងពិតប្រាកដព្រោះតែសមត្ថភាព លទ្ធភាព និងឥរិយាមាយាទរបស់ឥស្សរជននយោបាយរូបនេះ។ ក្រៅពីនេះក៏នៅមានពលរដ្ឋកម្ពុជាផ្សេងៗទៀតដែលបង្ហាញពីសមាណចិត្តគាំទ្រ និងសប្បាយចិត្តនៅពេលកម្ពុជាផ្លាស់ប្តូរនាយករដ្ឋមន្ត្រីថ្មីដែលជាអ្នកស្នងមរតកជាអ្នកការពារសន្តិភាព ស្ថេរភាព និងការអភិវឌ្ឍន៍ដែលពលរដ្ឋគ្រប់រូបចង់បាន។ ក្នុងព្រឹត្តិការណ៍ប្រវត្តិសាស្ត្រមួយនេះ ពលរដ្ឋគ្រប់គ្នាមានក្តីសោមន្សនិងសប្បាយចិត្តក្រៃលែងដោយសារតែកម្ពុជារើសបាននាយករដ្ឋមន្ត្រីដ៏ល្អ។ នេះជាការបញ្ជាក់ពីសហគមន៍ខ្មែរនៅជប៉ុន។ការប្រកាសគាំទ្រពីសំណាក់សហគមន៍ខ្មែរនៅជប៉ុននេះ គឺធ្វើឡើងនៅចំពេលដែលរដ្ឋសភាជាតិអាណ្តតិទី៧ បានប្រកាសផ្តល់សុពលភាពជូនគណៈរដ្ឋមន្ត្រីថ្មីដែលដឹកនាំដោយកិត្តិទេសាភិបាលបណ្ឌិត ហ៊ុន ម៉ាណែតជាប្រមុខ។ ពិធីប្រកាសនេះ គឺធ្វើឡើងនៅវិមានរដ្ឋសភានាព្រឹកថ្ងៃទី២២ ខែសីហា។ ក្នុងពិធីផ្តល់សុពលភាពដល់គណៈរដ្ឋមន្ត្រីថ្មីនេះ សម្តេចហ៊ុន សែនដែលជានាយករដ្ឋមន្ត្រីអាណត្តិទី៦ បានគូសបញ្ជាក់ថា ការរុះរើគណៈរដ្ឋមន្ត្រីចាស់ដាក់គណៈរដ្ឋមន្ត្រីភាគច្រើនសុទ្ធតែថ្មីមួយរយភាគរយនេះ គឺការផ្លាស់ប្តូរជាយុទ្ធសាស្ត្រក្នុងការដឹកនាំប្រទេសកម្ពុជាឱ្យបន្តរីកចម្រើនបន្ថែមទៀតព្រោះតែសមាជិកគណៈរដ្ឋមន្ត្រីមានការអប់រំខ្ពស់ លទ្ធភាពការងារខ្ពស់ និងសមត្ថភាព រួមទាំងមានបទពិសោធន៍ច្រើន។ ប្រការនេះ កម្ពុជានឹងអាចសម្រេចបាននូវគោលដៅក្នុងការកាត់បន្ថយភាពក្រីក្រឱ្យដល់ក្បែរសូន្យ និងប្រែក្លាយកម្ពុជាទៅជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងប្រទេសដែលមានចំនូលខ្ពស់នៅឆ្នាំ២០៥០ដែលជាគោលបំណងដ៏ពិសិដ្ឋរបស់ប្រជាជាតិកម្ពុជាទាំងមូល៕ 

អតីតយុទ្ធជនជឿថា នាយករដ្ឋមន្រ្ដីថ្មី នឹងតម្កល់សន្តិភាពកាន់តែយូរអង្វែង

2023/08/22 03:14:23 pm        128
Facebook Telegram Linkin
ភ្នំពេញ៖ អតីតយុទ្ធជន ជឿជាក់ថា ​ឯកឧត្តមបណ្ឌិត ហ៊ុន ម៉ាណែត ​នាយករដ្ឋមន្រ្ដីថ្មី នឹង​តម្កល់សន្តិភាព​ និងស្ថិរភាពក្នុងពេលបច្ចុប្បន្នកាន់តែយូរអង្វែង។ស្របពេលថ្ងៃនេះ រដ្ឋសភាបានបោះឆ្នោតផ្តល់សេចក្តីទុកចិត្តនៃក្បាលម៉ាស៊ីនថ្មីរបស់រាជរដ្ឋាភិបាល នីតិកាលទី៧ ដឹកនាំដោយឯកឧត្តមបណ្ឌិត ហ៊ុន ម៉ាណែត ​ជានាយករដ្ឋមន្រ្តី ​មានអតីតយុទ្ធជន បាន​លើកឡើងថា ពួកគាត់សម្តែងការពេញចិត្តចំពោះអ្នកដឹកនាំជំនាន់ថ្មី ជាពិសេស​ឯកឧត្តមបណ្ឌិត ហ៊ុន ម៉ាណែត ​ដែលសាកសមជាអ្នកបន្តវេនប្រកបដោយថាមពល និងសមត្ថភាព។ អតីតយុទ្ធជន បានបង្ហាញជំនឿលើឯកឧត្តមបណ្ឌិត ហ៊ុន ម៉ាណែត នឹងដឹកប្រទេសតាមលំនៅ​របស់សម្តេចតេជោ ហ៊ុន សែន ដោយតម្កល់សន្តិភាព ស្ថិរភាព និងការអភិវឌ្ឍយូរអង្វែង។ ជាមួយគ្នា អតីតយុទ្ធជន បន្តថា ក្រោមការដឹកនាំរបស់ឯកឧត្តមបណ្ឌិត ហ៊ុន ម៉ាណែត នឹង​បន្ត​គោលនយោបាយរបស់សម្តេចតេជោ ​ហ៊ុន សែន នាយករដ្ឋមន្រ្តី និងជាប្រធានសមាគមអតីត​យុទ្ធជនកម្ពុជា ​គិតគូរចំពោះការលះបង់ ​និងវីរភាពរបស់អតីតយុទ្ធជនគ្រប់រូប ដែលអតីតយុទ្ធជនខ្លះទទួលនូវពិការភាព។ សូមជម្រាបថា ជារៀងរាល់ឆ្នាំ រាជរដ្ឋាភិបាលបានគិតគូរដំឡើង​ប្រាក់បៀរវត្សន៍​ជូនអតីតយុទ្ធជន​ជានិច្ច និងឧបត្ថម្ភរាល់តម្រូវការចាំបាច់ ក៏ដូចជាធានាដល់ការកាត់បន្ថយ​ការចំណាយពីជីវភាព​របស់ពួកគាត់លើសុខុមាលភាពតាមរយៈប័ណ្ណសមធម៌ជាដើម​ ខណៈសមាគមអតីតយុទ្ធជនកម្ពុជា តែងតែជួបសំណេះសំណាលជាមួយអតីតយុទ្ធជនប្រភេទក១ ​និងក២ ​ដែលជួបការលំបាក ដើម្បីផ្តល់​អំណោយដី និងផ្ទះ ក្នុងគោលបំណងឆ្លើយតបចំពោះការលះបង់ និងការលំបាករបស់​អតីត​យុទ្ធជនដែលបានពលីចំពោះជាតិមាតុភូមិ ៕ អត្ថបទ៖ ឧត្តម

សម្តេចតេជោ ហ៊ុន សែន អំពាវនាវឱ្យពលរដ្ឋ មន្ត្រីរាជការ កងកម្លាំងប្រដាប់អាវុធបន្តគាំទ្ររាជរដ្ឋាភិបាលថ្មី

2023/08/22 03:00:08 pm        261
Facebook Telegram Linkin
ភ្នំពេញ៖ សម្តេចតេជោ ហ៊ុន សែន អំពាវនាវឱ្យពលរដ្ឋ មន្ត្រីរាជការ កងកម្លាំងប្រដាប់អាវុធ បន្តគាំទ្ររាជរដ្ឋាភិបាលថ្មី ដើម្បីឱ្យកិច្ចការដឹកនាំរាជរដ្ឋាភិបាលរីកចម្រើនជឿនលឿនទៅមុខ ។សម្តេចតេជោ ហ៊ុន សែន ខណៈអញ្ជើញធ្វើសន្និសីទសារព័ត៌មាន​នៅឯវិមានរដ្ឋសភា នាព្រឹកថ្ងៃ ទី២២ ខែសីហា នេះ បន្ទាប់ពីសម្តេចបានអញ្ជើញចូលរួមបើកសម័យប្រជុំរដ្ឋសភា លើកទី១ សម្រាប់នីតិកាលទី៧ នៃរដ្ឋសភា ។ក្នុង​សន្និសីទសារព័ត៌មាន​សម្ដេចតេជោ ជឿជាក់ថា គណៈរដ្ឋមន្រ្ដីថ្មី គឺមានលទ្ធភាពក្នុងការ​ដឹកនាំ​ប្រទេស​កម្ពុជា ជាមួយនឹងកិច្ចការដែលនៅសេសសល់​ និងកិច្ចការងារថ្មីៗ​បន្ថែមទៀត ដែលនេះ​គឺជាអម្រែក របស់ថ្នាក់ដឹកនាំ សម្រាប់អាណត្តិទី៧នេះ។ សម្ដេចតេជោ ជឿជាក់ថា រាជរដ្ឋាភិបាលថ្មី នឹងមានភាពរហ័សរហួនទៅដល់ ​គោលដៅ ដែល​ក្នុងឆ្នាំ២០៣០ កម្ពុជានឹងក្លាយជាប្រទេស ដែលមានចំណូល មធ្យមកម្រិតខ្ពស់ និងឆ្នាំ ២០៥០ កម្ពុជានឹងក្លាយទៅជាប្រទេសមានចំណូលកម្រិតខ្ពស់តែម្ដង ។សូមបញ្ជាក់ថា ​រាជរដ្ឋាភិបាលថ្មីសម្រាប់នីតិកាលទី៧ ​នៃរដ្ឋសភា ដែលដឹកនាំដោយឯកឧត្តមកិត្តិ ទេសាភិបាលបណ្ឌិត ហ៊ុន ម៉ាណែត ត្រូវបានសម័យប្រជុំ នៃរដ្ឋសភាលើកទី១ សម្រាប់នីតិកាលទី៧ បោះ ឆ្នោតជាកញ្ចប់ផ្តល់សេចក្តីទុកចិត្ត ​ដោយសំឡេងច្រើនដាច់ខាតនៃសមាជិករដ្ឋសភាទាំងមូល ៕អត្ថបទ៖ មុត សុទ្ធ 

លោក ហេង សួរ៖ មុនក្លាយជារដ្ឋមន្ត្រី បានឆ្លងកាត់ការងារតាំងពីកូនមន្ត្រីថ្នាក់តូច

2023/08/22 02:59:11 pm        1096
Facebook Telegram Linkin
  ភ្នំពេញ៖ លោក ហេង សួរ ត្រូវបានរាជរដ្ឋាភិបាលអាណត្តិទី៧ដែលដឹកនាំដោយគណបក្សប្រជាជនកម្ពុជា ផ្តល់សេចក្តីទុកចិត្តឱ្យកាន់តំណែងក្រសួងការងារ និងបណ្តុះបណ្តាលវិជ្ជាជីវៈដែលជាក្រសួងអាណាព្យាបាលកម្មករ ពលករដែលមានបញ្ហារស៊ើបខ្លាំងគ្រាន់បើដែរ។ តើលោកគឺជានរណា? ហើយផ្តើមការងារចេញពីណាមកទើបរដ្ឋាភិបាលឱ្យកាន់តំណែងកំពូលនេះ? ប្រវត្តិគ្រួសារជាកូនអ្នកទីក្រុងភ្នំពេញមានឈាមជ័រជាអ្នករកស៊ីតាំងពីដូនតា លោកគឺជាកូនច្បងក្នុងចំណោមបងប្អូនចំនួន៥នាក់ដែលភាគច្រើនជាពាណិជ្ជករ។ លោកកើតនៅថ្ងៃទី១ ខែកញ្ញាឆ្នាំ១៩៧៥ ប៉ុន្តែប្រភពមួយចំនួនថាកើតនៅឆ្នាំ១៩៧៤។ បច្ចុប្បន្ននេះ លោកគឺជាឪពុកដែលមានកូនចំនួន៣នាក់ក្នុងបន្ទុក ខណៈដែលភរិយាលោកគឺជាម្ចាស់ជំនួញអចលនទ្រព្យ និងសណ្ឋាគារ។ ហើយលោកក៏មានម្តាយនៅមានប្រជននៅឡើយ។ ជីវិតការងារដែលផ្តើមចេញពីអ្នកតូចតាចឥស្សរជននយោបាយសម្បុរស សក់ត្រង់ស្លូតរូបនេះ ដែលកំពុងអង្គុយតំណែងរដ្ឋមន្ត្រីក្រសួងការងារនេះ តាមពិតក៏ចាប់ផ្តើមចេញពីតំណែងកូនមន្ត្រីផងដែរ។ តាមឯកសារដែលរកបានពីគណបក្សប្រជាជនកម្ពុជា រដ្ឋមន្ត្រីរូបនេះ បានផ្តើមធ្វើការដំបូងជាមន្ត្រីនៃក្រសួងសេដ្ឋកិច្ច និងហិរញ្ញវត្ថុតាំងពីឆ្នាំ១៩៩៩ធ្វើការបាន៦ឆ្នាំលោកបានផ្លាស់ទៅកាន់តួនាទីជាអគ្គនាយកនៃអគ្គនាយកដ្ឋានរដ្ឋបាលនិងហិរញ្ញវត្ថុនៃក្រសួងការងារនិងបណ្តុះបណ្តាលវិជ្ជាជីវៈដែលជាទីធ្វើឱ្យលោកក្លាយជានាហ្មឺនផុតលេខក្នុងក្រសួងដល់សព្វថ្ងៃ។ ៣ក្រោយការផ្លាស់ប្តូរពោលគឺនៅឆ្នាំ២០០៨ លោកត្រូវបានព្រះមហាក្សត្រត្រាស់បង្គាប់តែងតាំងជាអគ្គនាយកនៃអគ្គនាយកដ្ឋានរដ្ឋបាល និងហិរញ្ញវត្ថុរបស់ក្រសួងការងារក្នុងសម័យលោក អ៊ិត សំហេងជារដ្ឋមន្ត្រី។ ក្រោយបំពេញការងារបាន៨ឆ្នាំលោក ក៏ត្រូវបានព្រះមហាក្សត្រត្រាស់បង្គាប់តែងតាំងជាប្រតិភូរាជរដ្ឋាភិបាលទទួលបន្ទុកជាអគ្គនាយកដ្ឋានរដ្ឋបាល និងហិរញ្ញវត្ថុ ហើយ១ឆ្នាំក្រោយមកនៅឆ្នាំ២០១៨ លោកក៏ត្រូវបានតែងតាំងជារដ្ឋលេខាធិការ និងជានាយខុទ្ទកាល័យឯកឧត្តមរដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ មុនក្លាយជារដ្ឋមន្ត្រីក្រសួងនៅអាណត្តិទី៧នេះ។ប្រវត្តិការសិក្សាឯកសាររបស់គណបក្សប្រជាជនដដែលបានគូសបញ្ជាក់ថា លោកហេង សួរ ជាអតីតសិស្សវិទ្យាល័យទូលទំពូងនៅរាជធានីភ្នំពេញ ហើយនៅឆ្នាំ១៩៩៤ លោកជានិស្សិតបានទទួលអាហាររូបករណ៍ផ្នែកគណនេយ្យពាណិជ្ជកម្ម ពីវិទ្យាស្ថានជាតិគ្រប់គ្រងដែលបច្ចុប្បន្នគឺជាសាកលវិទ្យាល័យជាតិគ្រប់គ្រង។ រដ្ឋមន្ត្រីរូបនេះ ក៏ជានិស្សិតអាហារូបករណ៍ថ្នាក់អនុបណ្ឌិតមកពីជប៉ុនផ្នែកគោលនយោបាយពន្ធដារដែលបានទៅសិក្សារយៈពេល២ឆ្នាំនៅជប៉ុនក្នុងឆ្នាំ២០០០ ដល់ឆ្នាំ២០០២។ កិច្ចការងារក្នុងជួរដ្ឋាភិបាល និងកិច្ចការគណបក្សនៅមុនការតែងតាំងជារដ្ឋមន្ត្រី លោកហេង សួរ ត្រូវបានគេដឹងថាមានតួនាទីជាច្រើនក្នុងស្ថាប័នរដ្ឋដែលបម្រើការងារជូនរាជរដ្ឋាភិបាលកម្ពុជាជាច្រើនឆ្នាំមកហើយតាំងពីមុនមកម្លេះ។ ក្នុងលោកគឺជាជំនួយការសម្តេចហ៊ុន សែន, ជាសមាជិកឧត្តមក្រុមប្រឹក្សាសេដ្ឋកិច្ចជាតិ, ជាប្រធានអង្គភាពរដ្ឋបាល និងហិរញ្ញវត្ថុនៃគណៈកម្មកាធិការបណ្តុះបណ្តាលនិងបញ្ជូនពលករទៅបរទេស, និងជាអនុប្រធានលេខាធិការដ្ឋានគណៈកម្មការប្រឹក្សាការងារជាដើម។ ដោយឡែកការងារនយោបាយក្នុងបក្សវិញ លោកមានតួនាទីចំនួន១២ផ្សេងគ្នាដូចជាសមាជិកគណៈកម្មាធិការកណ្តាលគណបក្សប្រជាជនកម្ពុជា សមាជិកគណៈអចិន្ត្រៃយ៍យុវជនគណបក្សប្រជាជនកម្ពុជាថ្នាក់កណ្តាល ប្រធានផ្នែករាជធានី-ខេត្តនៃយុវជនគណបក្សប្រជាជនកម្ពុជា ជាប្រធានក្រុមការងាររៀបចំអង្គការចាត់តាំងយុវជនគណបក្សប្រជាជនកម្ពុជានៅសាធារណរដ្ឋកូរ៉េ ជប៉ុន និងម៉ាឡេស៊ី និងអនុប្រធានក្រុមការងារកសាងពង្រឹងគណបក្សប្រចាំសាធារណរដ្ឋកូរ៉េ ថៃម៉ាឡេស៊ី និងជប៉ុនជាដើម។ យ៉ាងណាក៏ដោយ នៅក្នុងអាណត្តិទី៧នេះដែលដឹកនាំដោយកិត្តិទេសាភិបាលបណ្ឌិត ហ៊ុន ម៉ាណែត អ្នកកាន់តំណែងកៅអីកំពូលៗរបស់រដ្ឋាភិបាល គេសង្កេតឃើញមានប្រភពចេញពីកូនអ្នកសាមញ្ញដែលជាអាជីវករ និងមន្ត្រីមួយចំនួន បានក្លាយជាឥស្សរជននយោបាយកាន់តំណែងជារដ្ឋមន្ត្រី៕

បណ្ដាញសង្គម

ព័ត៌មានថ្មីៗ

ឯកឧត្តម គីម សុផារុន អញ្ជើញដឹកនាំប្រជុំបច្ចេកទេសនៃគណៈកម្មការការងារលើកទី៧ VECONAC តាមប្រព័ន្ធវីដេអូ
06/20/2026 06:06 PM
Facebook Telegram Linkin
បង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams ៣ទីតាំង​ នៅ​ក្រុង​បាវិត ឃាត់ខ្លួជនបរទេស៣២នាក់
06/20/2026 06:06 PM
Facebook Telegram Linkin
មន្ត្រីជំនាញ៖ ឧក្រិដ្ឋជនប្រើប្រាស់ប្រព័ន្ធអនឡាញធ្វើជាឧបករណ៍ឆបោក លួចទិន្នន័យ បង្កវិនាសកម្មផ្នែកសេដ្ឋកិច្ច
06/20/2026 06:06 PM
Facebook Telegram Linkin
ប្រធានក្រុមការងារចុះមូលដ្ឋាន៖ គណបក្សប្រជាជនប្រកាន់ខ្ជាប់នូវឧត្តមគតិស្នេហាជាតិ និងការអភិវឌ្ឍ
06/20/2026 06:06 PM
Facebook Telegram Linkin
ទេសាភិបាលធនាគារជាតិ៖ រាជរដ្ឋាភិបាលបានផ្ដល់អាទិភាពខ្ពស់បំផុតដល់ការអភិវឌ្ឍធនធានមនុស្ស
06/20/2026 06:06 PM
Facebook Telegram Linkin
នាយឧត្តមសេនីយ៍ គន់ គីម អញ្ជើញជួបពិភាក្សាការងារជាមួយថ្នាក់ដឹកនាំ សមាគមធុរកិច្ចអតីតយុទ្ធជនវៀតណាម
06/20/2026 06:06 PM
Facebook Telegram Linkin
លោក Merz ៖ អ៊ុយក្រែនមិនអាចក្លាយជាសមាជិកសហភាពអឺរ៉ុបបានទេ ខណៈខ្លួនកំពុងស្ថិតក្នុង សង្គ្រាមបែបនេះ
06/20/2026 06:06 PM
Facebook Telegram Linkin
អ្នកការទូតបេឡារុស៖ លោក ហ្សេឡិនស្គី កំពុងព្យាយាមធ្វើឲ្យអឺរ៉ុបទាំងមូលធ្លាក់ចូលទៅក្នុងជម្លោះប្រដាប់អាវុធ
06/20/2026 05:06 PM
Facebook Telegram Linkin
លោក TRUMP និយាយថា ប្រតិបត្តិការដើម្បីផ្លាស់ប្តូរថ្នាក់ដឹកនាំគុយបា នៅតែអាចធ្វើទៅបាន
06/20/2026 05:06 PM
Facebook Telegram Linkin
មេដឹកនាំប្រឆាំងវ៉េណេស៊ុយអេឡា ធ្វើដំណើរទៅទស្សនកិច្ចសហរដ្ឋអាមេរិក បន្ទាប់ពីពិភាក្សាជាមួយរដ្ឋាភិបាលបណ្ដោះអាសន្ន
06/20/2026 03:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.