នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក
សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ
សម្ដេ​ចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»
សម្តេចតេជោ ហ៊ុន សែន ថ្លែងថា អាវក្រោះ និងសម្ភារយោធាម៉ាក DSS សុទ្ធតែមានគុណភាពហើយអាវការពារនេះនាយករដ្ឋមន្រ្តីបានសាករួចហើយ

នយោបាយ​ និង ការអភិវឌ្ឍន៍

មន្រ្ដីឃុំ-សង្កាត់ចុះស្រង់ទិន្នន័យអ្នកបម្រើការតាមសេវាកម្សាន្តក្រៅប្រព័ន្ធ ដើម្បីផ្ដល់បណ្ណសមធម៌

2023/08/23 11:17:13 am        860
Facebook Telegram Linkin
ភ្នំពេញ ៖មន្រ្តី ឃុំ-សង្កាត់ នៅទូទាំងប្រទេស កំពុងចុះស្រង់ទិន្នន័យអ្នកបម្រើការនៅតាមសេវាកម្សាន្តក្រៅប្រព័ន្ធ ក្នុងមូលដ្ឋាន ដើម្បីកត់ត្រាចំនួនជាក់លាក់ ត្រៀមធ្វើការចុះសម្ភាសន៍ផ្ដល់បណ្ណសមធ៌មជូនពួកគេ។ក្រោយពីបើកយុទ្ធនាការសម្ភាសន៍ផ្ដល់បណ្ណសមធម៌ជូនអ្នកបម្រើការងារនៅតាមសេវាកម្សាន្ត​ក្រៅប្រព័ន្ធ ​កាលពីថ្ងៃទី១១និងថ្ងៃទី១២ខែសីហា កន្លងទៅនេះ អាជ្ញាធរតាមឃុំ-សង្កាត់នីមួយៗ ក៏បន្តចុះស្រង់ទិន្នន័យក្រុមគោលដៅទាំងនោះនៅតាមទីតាំងសេវាកម្សាន្តនានាដោយផ្ទាល់នៅទូទាំងប្រទេស។ ជាក់ស្ដែងសម្រាប់អាជ្ញាធរសង្កាត់ ស្ទឹងមានជ័យទី ២ ក៏បានដឹកនាំក្រុមការងារចុះផ្សព្វផ្សាយពីយុទ្ធនាការ និងស្រង់ទិន្នន័យអ្នកបម្រើការងារនៅតាម រង្គសាល ឌីស្កូតែត ខារ៉ាអូខេ បៀរហ្កាឌិន កន្លែងម៉ាស្សា និងស្ប៉ា ក្នុងមូលដ្ឋានរបស់ខ្លួនផងដែរ។លោក ទូច សំអុល ជាចៅសង្កាត់ស្ទឹងមានជ័យទី ២ ថ្លែងថា នេះជាការងារសំខាន់ដើម្បី​ប្រាកដថា​អ្នកបម្រើការងារនៅតាមសេវាកម្សាន្តក្រៅប្រព័ន្ធ អាចទទួលបាននូវអត្ថប្រយោជន៍​ដែលរាជរដ្ឋាភិបាលផ្ដល់ជូន។ លោកបន្តថា ក្នុងនាមជាអាជ្ញាធរមូលដ្ឋាននឹងជួយលើការងារធ្វើឯកសារនានា ពិសេស​ឯកសារបញ្ជាក់​ទីលំនៅ រឺបញ្ជាក់អត្តសញ្ញាណជាដើម ដើម្បីសម្រួលដល់ការធ្វើសម្ភាសន៍​ផ្ដល់បណ្ណក្រីក្រនាពេលខាងមុខ។បើតាមឯកឧត្តម កែវ អ៊ូលី ប្រធាននាយកអត្តសញ្ញាណកម្មគ្រួសារក្រីក្រ នៃក្រសួងផែនការ បានឱ្យដឹងថា​ ការសម្ភាសន៍ផ្ដល់បណ្ណសមធម៌ ជូនអ្នកបម្រើការងារនៅតាមសេវាកម្សាន្ត​សេដ្ឋកិច្ច​ក្រៅប្រព័ន្ធ គឺអាចចាប់ផ្ដើមក្នុងអំឡុងចុងខែ សីហា​ ឬដើមខែ​ កញ្ញាខាងមុខនេះ។ សូមជម្រាបថា រាជរដ្ឋាភិបាលថ្មីៗនេះបានដាក់ចេញរបបថែទាំសុខភាពសម្រាប់​បុគ្គលបម្រើការ​ក្នុងសេវាកម្សាន្តទេសចរណ៍នៃសេដ្ឋកិច្ចក្រៅប្រព័ន្ធ។ ការដាក់ចេញអន្តរាគមន៍នេះ គឺដើម្បី​ធានា​សន្តិសុខប្រាក់ចំណូល កាត់បន្ថយភាពងាយរងគ្រោះផ្នែកសេដ្ឋកិច្ច ​ សំដៅរក្សាលំនឹងជីវភាព និងទប់ស្កាត់ឱ្យបានជាអតិបរមា​ កុំឱ្យពលរដ្ឋគោលដៅធ្លាក់ចូលក្នុងភាពក្រីក្រ ដោយសារការធ្លាក់ខ្លួនឈឺជាដើម៕ អត្ថបទ៖គឹមហុក

មនី្ទរសុខាភិបាលរាជធានី ផ្តល់ថ្នាំអាបែតចំនួន១០តោន (Abate) ដល់ការិយាល័យសុ្រកប្រតិបតិ្ត ដើម្បីទប់ស្កាត់ការរាតត្បាតដោយជំងឺគ្រុនឈាម

2023/08/23 11:01:57 am        374
Facebook Telegram Linkin
ភ្នំពេញ៖ ឯកឧត្តមវេជ្ជបណ្ឌិត ងី មានហេង ប្រធានមនី្ទសុខាភិបាលរាជធានីភ្នំពេញ ​ថ្លែងប្រាប់BTV ព័ត៌មាន នាថ្ងៃនេះថា មកដល់ពេលនេះ មនី្ទរសុខាភិបាលនៃរដ្ឋបាលរាជធានីភ្នំពេញ បានបែងចែកថ្នាំ​អាបែត ចំនួន១០តោន ទៅការិយាល័យស្រុកប្រតិបតិ្តចំនួន៦ ​និងសារអប់រំសុខភាព ដើម្បីទប់ស្កាត់ការរាតត្បាតដោយជំងឺគ្រុនឈាម។ជាធម្មតាក្នុងប្រទេសកម្ពុជាយើង ករណីជំងឺគ្រុនឈាម តែងកើតមានជាប្រចាំ។ ខែណាក៏មានដែល ហើយកើតឡើងជារៀងរាល់ឆ្នាំ ជំងឺគ្រុនឈាមកើតឡើងដោយសារមូសខ្លា។ ដូច្នេះរដូវគ្រុនឈាម ប្រភពនៃការកកើតមូស វាកើនឡើង វាក៏ធ្វើឲ្យជំងឺគ្រុនឈាម មានការកើនឡើងផងដែរ។ ជាមួយគ្នានោះឯកឧត្តម ប្រធានមនី្ទរសុខាភិបាលរាជធានីភ្នំពេញ បានលើកឡើងថា សកម្មភាពជាប្រចាំថ្ងៃរបស់មន្រី្តសុខាភិបាលនៅតាមការិយាល័យស្រុកប្រតិបតិ្ត និង​មណ្ឌលសុខភាព បានចុះអប់រំផ្សព្វផ្សាយ​ និងយកថ្នាំអាបែត ដាក់ក្នុងពាងទឹក អាងទឹក ដើម្បីលុបបំបាត់ជម្រកមូសខ្លា។ ព្រោះថាមូសខ្លា វាពងក្នុងទឹកដក់ថ្លា វាមិនពង ដាក់ក្នុងទឹកលូ ទឹកស្អុយនោះទេ។ ព្រោះថាទឹកលូ ទឹកស្អុយ វាកើតឡើងជាប្រភេទមូសធម្មតា។បើតាមលោកស្រី ហ៊ាង មករា ប្រធានមណ្ឌលសុខភាពស្ទឹងមានជ័យ បានឲ្យដឹងថា ថ្ងៃនេះ​មន្រ្តីសុខាភិបាល បានចុះផ្សព្វផ្សាយអប់រំ និងដាក់ថ្នាំអាបែតតាមខ្នងផ្ទះប្រជាពលរដ្ឋ នៅ​សហគមន៍​ភូមិព្រែកទាល់១ សង្កាត់ស្ទឹងមានជ័យ២ ខណ្ឌមានជ័យ ​ដើម្បីចលនាឲ្យបងប្អូនប្រជាពលរដ្ឋ អនុវត្តវិធានការបង្ការ ​ដូចជាលុបបំបាត់ជម្រកមូស ​អនាម័យភូមិដ្ឋាន ផ្ទះសម្បែង និង​ទីសាធារណៈនានា និងយល់ដឹងពីរោគសញ្ញាបឋមសំខាន់ៗ នៃជំងឺគ្រុនឈាម ដែលត្រូវសែង​រកសេវាព្យាបាលទាន់ពេលវេលា និងចេះថែទាំអ្នកជំងឺគ្រុនឈាម។ជាចុងក្រោយឯកឧត្តមវេជ្ជបណ្ឌិត ងី មានហេង បានអំពាវនាវដល់មាតាបិតា​ អាណាព្យាបាល និង​សហគមន៍ដែលមានកូនៗ ​ត្រូវតែចូលរួមទប់ស្កាត់ជំងឺគ្រុនឈាមទាំងអស់គ្នា៕ អត្ថបទ រដ្ឋា

ចំហេះព្រៃដ៏ធំ បានបិទច្រកសមុទ្រ Dardanelles ប្រទេសទួរគី ជំរុញឲ្យមានការជម្លៀសពលរដ្ឋ

2023/08/23 11:00:14 am        257
Facebook Telegram Linkin
ទួរគី៖ ក្រសួងនិងទីភ្នាក់ងារដឹកជញ្ជូន បាននិយាយកាលពីថ្ងៃអង្គារថា ការដឹកជញ្ជូនទំនិញពីសមុទ្រអេហ្សេ(Aegean) ទៅកាន់សមុទ្រ Marmara ត្រូវបានផ្អាកដោយសារតែចំហេះព្រៃនៅឆេះរាលដាលបន្ត នៅក្នុងខេត្ត Canakkale ភាគពាយព្យប្រទេសទួរគី។ច្រកសមុទ្រ Dardanelles គឺជាច្រកឆ្លងកាត់សំខាន់ប្រវត្តិសាស្ត្រ និងតូចចង្អៀត ភ្ជាប់សមុទ្រ Aegean ទៅកាន់សមុទ្រខ្មៅ បម្រើជាផ្លូវដឹកជញ្ជូនដ៏សំខាន់ សម្រាប់នាវាធ្វើដំណើររវាងសហភាពអឺរ៉ុប និងទ្វីបអាស៊ី។រដ្ឋមន្ត្រីក្រសួងកសិកម្មនិងរុក្ខាប្រម៉ាញ់ លោក Ibrahim Yumakli បាននិយាយថាចំហេះព្រៃ បានជំរុញឲ្យមានការជម្លៀសពលរដ្ឋនៅក្នុងភូមិចំនួន៦ក្នុងផ្លូវចំហេះព្រៃរាលដាល ដែលមានមជ្ឈមណ្ឌលទីបញ្ជាការទ័ពអាកាស Canakkale និងបរិវេណសាកលវិទ្យាល័យក្នុងតំបន់។ អាជ្ញាធរនិយាយថា យន្តហោះចំនួន៨គ្រឿង ឧទ្ធម្ភាគចក្រ២៦គ្រឿង ទូកតូចៗ១៨០គ្រឿង និងក្រុមអ្នកពន្លត់អគ្គិភ័យប្រមាណ១១០០នាក់ ត្រូវបានបញ្ជូនទៅកាន់តំបន់នោះ៕

មនុស្ស២នាក់ស្លាប់ និងរាប់ពាន់នាក់ត្រូវបានជម្លៀស នៅក្នុងប្រទេសឈីលី បន្ទាប់ពីភ្លៀងធ្លាក់ខ្លាំង

2023/08/23 10:57:48 am        261
Facebook Telegram Linkin
ឈីលី៖ បុគ្គលិកជួយសង្គ្រោះ បានជម្លៀសពលរដ្ឋដែលរងផលប៉ះពាល់ដោយទឹកជំនន់ នៅតំបន់ Maule ភាគខាងត្បូងប៉ែកកណ្តាលប្រទេសឈីលី កាលពីថ្ងៃអង្គារ។មនុស្សយ៉ាងហោចណាស់២នាក់បានស្លាប់ដោយសារទឹកជំនន់ខណៈមនុស្សមនុស្សរាប់ពាន់នាក់ត្រូវបានជម្លៀសខ្លួន ឬត្រូវចាកចេញពីលំនៅឋាន។ នៅក្នុងតំបន់ដែលរងផលប៉ះពាល់ បុគ្គលិកជួយសង្គ្រោះបានប្រើប្រាស់ទូកដើម្បីជួយជម្លៀសពលរដ្ឋនៅតាមដងផ្លូវដែលជន់លិច នៅកន្លែងដែលកម្រិតទឹកនៅក្នុងតំបន់ពិតប្រាកដបានឡើងដល់កំពូលដំបូលលំនៅឋាន។ប្រធានាធិបតីលោក Gabriel Boric បានប្រកាសរដ្ឋក្នុងគ្រាមហន្តរាយកាលពីថ្ងៃចន្ទ ខណៈចុះពិនិត្យតំបន់រងផលប៉ះពាល់ខ្លាំងបំផុតមួយកន្លែង មានចម្ងាយប្រមាណ២៥០គីឡូម៉ែត្រ ភាគខាងត្បូងរដ្ឋធានី Santiago៕

ទស្សនៈមិត្តអ្នកអាន៖«គុណបំណាច់ និងការលះបង់ដ៏ធំធេងរបស់សម្តេចតេជោ ហ៊ុន សែន ចំពោះកម្ពុជា»

2023/08/23 10:56:31 am        416
Facebook Telegram Linkin
បើនិយាយអំពីសន្តិភាព និងការអភិវឌ្ឍយើងមិនអាចបំភ្លេចមគ្គុទេសន៍ជាតិដ៏ឆ្នើមរបស់កម្ពុជាម្នាក់ បាននោះទេ នោះគឺ សម្តេចអគ្គមហាសេនាបតីតេជោ ហ៊ុន សែន ជាសត្យានុម័តបន្ថែមទៀតនោះ គឺការលះបង់សាច់ស្រស់ ឈាមស្រស់ ជាង៤០ឆ្នាំមកនេះរបស់សម្តេចក្នុងការ ការពារទឹកដី ការពារសាសនា ការពាររាជបល្ល័ង្ក និងការពារប្រជាជនខ្មែរ ទោះបីក្នុងតម្លៃណាក៏ដោយក៏មគ្គុទេសន៍ឯករូបនេះមិនរុញរាឡើយ។

មនុស្ស១៦នាក់ត្រូវបានរាយការណ៍ថា បានស្លាប់ក្នុងគ្រោះថ្នាក់ចរាចរណ៍នៅម៉ិកស៊ិកភាគកណ្តាល

2023/08/23 10:55:09 am        253
Facebook Telegram Linkin
ម៉ិកស៊ិក៖ មន្ត្រីមកពីវិទ្យាស្ថានអន្តោប្រវេសន៍INM ប្រទេសម៉ិកស៊ិក បាននិយាយនៅក្នុងសេចក្តីថ្លែងការណ៍ថាពលរដ្ឋម៉ិកស៊ិក១៥នាក់ និងជនជាតិវ៉េណេស៊ុយអេឡាម្នាក់បានស្លាប់ ក្នុងគ្រោះថ្នាក់ចរាចរណ៍ នៅប្រទេសម៉ិកស៊ិកភាគកណ្តាល កាលពីថ្ងៃអង្គារ។វិទ្យាស្ថានអន្តោប្រវេសន៍ INM បាននិយាយថា អ្នកដំណើរចំនួន៥២នាក់កំពុងធ្វើដំណើរនៅលើរថយន្តក្រុងមួយគ្រឿងលើផ្លូវហាយវ៉េ Miahuatlan-Coixtlahuaca( មីយ៉ាវ៉ាតឡាន-ខយត្លាវ៉ាកា) ប្រទេសម៉ិកស៊ិក រួមមានអ្នកដំណើរ១០នាក់មកពីប្រទេសវ៉េណេស៊ុយអេឡា ដែលពួកគេទាំងអស់មានការណាត់ជួបដើម្បីស្វែងរកការចូលដោយស្របច្បាប់ទៅកាន់សហរដ្ឋអាមេរិក។អ្នកដំណើរចំនួន៣៦នាក់ផ្សេងទៀត បានរងរបួស ហើយត្រូវបាននាំទៅកាន់មន្ទីរពេទ្យបន្ទាប់ពីរថយន្តក្រុងបានបុកជាមួយរថយន្តសណ្តោងមួយគ្រឿង។ យោងតាមវិទ្យស្ថាន INM បានឲ្យដឹងថា អ្នករងរបួស៩នាក់គឺជាជនជាតិវ៉េណេហ្ស៊ុយអេឡា ហើយក្នុងចំណោមអ្នកទាំងនេះ៣នាក់នៅតែសម្រាកនៅក្នុងមន្ទីរពេទ្យ ហើយនឹងមានការជួយគាំទ្រដើម្បីបញ្ជូនត្រលប់សាកសពអ្នកស្លាប់ទៅកាន់ប្រទេសវ៉េណេស៊ុយអេឡាវិញ៕

សហជីពនិងកម្មករកាត់ដេរជឿជាក់ថា ប្រាក់ឈ្នួលអប្បបរមាឆ្នាំ២០២៤ អាចកើនឡើងលើស២០០ដុល្លារ

2023/08/23 10:52:15 am        1077
Facebook Telegram Linkin
ភ្នំពេញ៖ ក្រុមសហជីព និងកម្មករនិយោជិតក្នុងវិស័យកាត់ដេរ បានបង្ហាញ ជំនឿជឿជាក់ថា ក្រោមការដឹកនាំរបស់ឯកឧត្ដមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្រ្តីថ្មីនៃកម្ពុជា​ក្នុងអាណិត្តទី៧នេះ ប្រាក់ឈ្នួលអប្បបរមាសម្រាប់ឆ្នាំ២០២៤ ខាងមុខនឹងអាចកើនឡើង​ដូចរៀងរាល់​ឆ្នាំ និងអាចកើនលើសពីចំនួន ២០០ ដុល្លារផងដែរ។លោក អន សាខន អនុប្រធានសហព័ន្ធសហជីពសំឡេងយុវជនខ្មែរ ថ្លែងប្រាប់ ទូរទស្សន៍ព័ត៌មាន ប៊ីធីវី នៅព្រឹកថ្ងៃទី២៣ សីហា ឆ្នាំ២០២៣នេះថា កម្មវិធី និងជាគោលនយោបាយរបស់គណបក្ស​ប្រជាជនកម្ពុជា ​តែងតែយកចិត្តទុកដាក់ចំពោះប្រជាពលរដ្ឋ ​ក៏ដូចជាកម្មករនិយោជិត។​ដូច្នេះសហជីព ​និងកម្មករនិយោជិតសង្ឃឹមថា ​រាជរដ្ឋាភិបាលថ្មីដែលដឹកនាំដោយ ​ឯកឧត្តមបណ្ឌិត ហ៊ុន ម៉ាណែត ​នឹងអនុវត្តបានរឹតតែប្រសើរថែមទៀតចំពោះកម្មវិធីនយោបាយ ​ដែលបានដាក់ចេញ និងតាមមាគ៌ាដឹកនាំរបស់សម្តេចតេជោ ​ហ៊ុន សែន​ ដែលអនុវត្តកន្លងមក។ ជាពិសេសការយកចិត្ត​ទុកដាក់ក្នុងការបន្តដំឡើងប្រាក់ឈ្នួលអប្បបរមា និងការពារប្រាក់អត្ថប្រយោជន៍ផ្សេងទៀត​ចំពោះកម្មករ និយោជិត។ស្រដៀងគ្នាខាងលើនេះ​ កម្មករ កម្មការិនី រោងចក្រកាត់ដេរ​សំលៀកបំពាក់ ស៊ីជី ក្លូរី ស្ថិតនៅ​ខណ្ឌមានជ័យ រាជធានីភ្នំពេញលើកឡើងថា ក្រោមការដឹកនាំរបស់គណបក្សប្រជាជនកម្ពុជា ពួកគេនៅតែទទួលបានការមើលថែលើគ្រប់ផ្នែករួមទាំងសុខុមាលភាព និងការរស់នៅ។ កម្មករកម្មការិនី ជឿជាក់ទៀតថា តាមរយៈកិច្ចចចារប្រាក់ឈ្នួលអប្បបរមាសម្រាប់ឆ្នាំ២០២៤ នឹង​មានឱកាសទទួលបានក្នុងការដំឡើងថែមទៀត ​ដោយសារការដឹកនាំរបស់នាយករដ្ឋមន្រ្តីថ្មី គឺចេញពីគណបក្សប្រជាជនកម្ពុជា។សូមជម្រាបថា កាលពីព្រឹកថ្ងៃទី២២ ខែសីហានេះ​ ក្នុងកិច្ចប្រជុំនៃរដ្ឋសភានីតិកាលទី៧ ឯកឧត្តមកិត្តិទេសាភិបាលបណ្ឌិត​ ហ៊ុន ម៉ាណែត ​នាយករដ្ឋមន្រ្តីថ្មីនៃកម្ពុជាបានប្ដេជ្ញា បន្តជំរុញ​ការដំឡើង​ប្រាក់ឈ្នួលអប្បបរមា ​និងប្រាក់អត្ថប្រយោជន៍ផ្សេងទៀត ព្រមជាមួយនឹងការកែ​លម្អលក្ខខណ្ឌការងារ ​និងការការពារអាជីពជូនកម្មករ និយោជិតផងដែរ៕ អត្ថបទ៖ឈិត បូរ៉ាវី ,

ប្រទេសកូរ៉េខាងត្បូង គ្រោងធ្វើសមយុទ្ធការពារទូទាំងប្រទេសជាលើកដំបូងក្នុងរយៈពេល៦ឆ្នាំ ចំពេលមានការគំរាមកំហែងពីកូរ៉េខាងជើង

2023/08/23 10:51:48 am        246
Facebook Telegram Linkin
កូរ៉េខាងត្បូង៖  ប្រទេសកូរ៉េខាងត្បូងគ្រោងធ្វើសមយុទ្ធការពារដែនអាកាសទូទាំងប្រទេសជាលើកដំបូងក្នុងរយៈពេល៦ ឆ្នាំ នៅថ្ងៃពុធនេះ ចំពេលមានការគំរាមកំហែងនុយក្លេអ៊ែរ និងមីស៊ីលរបស់កូរ៉េខាងជើង ដោយមានអ្នកថ្មើរជើងតម្រូវឲ្យជ្រកក្នុងជម្រក ហើយក្រុមអ្នកបើកបរបានស្នើឲ្យដកខ្លួនចេញពីតំបន់មួយចំនួន។សមយុទ្ធនេះ គឺជាធាតុសំខាន់នៃសមយុទ្ធការពារស៊ីវិលប្រចាំឆ្នាំ ឈ្មោះថា Ulchi (អ៊ុលឈី) ដែលធ្វើឡើងរួមជាមួយនឹងសមយុទ្ធ Ulchi Freedom Shield ដែលកងទ័ពកូរ៉េខាងត្បូង និងសហរដ្ឋអាមេរិក បានចាប់ផ្តើមកាលពីថ្ងៃចន្ទ ដើម្បីកែលម្អការឆ្លើយតបចំពោះការវាយប្រហាររបស់កូរ៉េខាងជើង ឬស្ថានការណ៍ផ្សេងៗទៀត។នៅវេលាម៉ោង២រសៀល សំឡេងស៊ីរ៉ែនវាយប្រហារតាមអាកាសនឹងបន្លឺឡើង ដោយអំពាវនាវឲ្យប្រជាពលរដ្ឋចេញពីផ្លូវប្រហែល១៥នាទី មុនពេលការជូនដំណឹងពីការប្រុងប្រយ័ត្ន ត្រូវបានបន្ធូរបន្ថយ នេះបើយោងតាមក្រសួងមហាផ្ទៃ និងសុវត្ថិភាព។ក្រុមអ្នកថ្មើរជើងត្រូវទៅដោយផ្ទាល់នូវទីជម្រកដែលបានកំណត់ ឬកន្លែងក្រោមដីនៅក្បែរនោះ ខណៈពេលដែលអ្នកបើកបរនៅក្នុងតំបន់ប្រហែល២០០នាក់នៅទូទាំងប្រទេស ត្រូវតែទាញទៅម្ខាងនៃផ្លូវ។ មនុស្សនៅក្នុងផ្សារទំនើបជិត ៥០០ រោងភាពយន្ត និងកន្លែងសាធារណៈផ្សេងទៀត នឹងត្រូវបានណែនាំឲ្យជម្លៀសចេញ៕

រដ្ឋតិចសាស់សាងសង់របងបន្លាលួសនៅតាមព្រំដែនអាមេរិក -ម៉ិកស៊ិក ដើម្បីបញ្ឈប់ជនអន្តោប្រវេសន៍

2023/08/23 10:49:19 am        434
Facebook Telegram Linkin
អាមេរិក៖ ក្រុមអាជ្ញាធររដ្ឋតិចសាស់របស់សហរដ្ឋអាមេរិក បានសាសង់របងបន្លាលួសកាលពីថ្ងៃចន្ទ ទី២១ខែសីហា នៅតាមបណ្ដាយព្រំដែនជាប់ជាមួយប្រទេសម៉ិកស៊ិក ដើម្បីបញ្ឈប់ក្រុមជនអន្តោប្រវេសន៍មកពីទ្វីបអាមេរិក ។ ឆ្មាំជាតិបានចងខ្សែលួសបន្លាភ្លាប់នឹងរបងព្រំដែន និងតាមបណ្តោយច្រាំងទន្លេនៃទីក្រុង អេល ផាសូ (El Paso) រដ្ឋ តិចសាស (Texas) ក្បែរទីក្រុង ស៊ីដាដ ខ្វារ៉េស (Ciudad Juarez) ប្រទេសម៉ិកស៊ិក។រដ្ឋាភិបាលរបស់រដ្ឋក្នុងរយៈពេលប៉ុន្មានខែថ្មីៗនេះ បានធ្វើរបង បិទផ្លូវ នៅតាមច្រាំងទន្លេនានា ដើម្បីទប់ស្កាត់ការជ្រៀតចូលរបស់ក្រុមជនអន្តោប្រវេសន៍ពីប្រទេសម៉ិកស៊ិក ដែលឆ្លងកាត់ទន្លេនេះ។ វិធានការចុងក្រោយបង្អស់របស់អភិបាលសាធារណរដ្ឋ លោក ក្រេក អាប៊ុត (Greg Abbott) បានពង្រីករបាំងដោយប្រើពោងបណ្ដែតទឹកពណ៌ទឹកក្រូចដ៏ធំនៅក្នុងទន្លេនេះ ។ ក្រសួងយុត្តិធម៌បានប្ដឹងរដ្ឋតិចសាស់ ជុំវិញការតវ៉ាដោយចោទថារដ្ឋតិចសាស់បានដំឡើងពោងបណ្ដែតទឹកដោយគ្មានការយល់ព្រមពីសហព័ន្ធត្រឹមត្រូវ និងការសិក្សាអំពីផលប៉ះពាល់របស់ពោងទាំងនោះលើសុវត្ថិភាពសាធារណៈ និងបរិស្ថាន។ រយៈពេលជាច្រើនឆ្នាំមកនេះ ក្រុមជនអន្តោប្រវេសន៍ បានឆ្លងកាត់ទន្លេនេះពីប្រទេសម៉ិកស៊ិក ទៅកាន់ទីក្រុង អ៊ូហ្គល ផាស (Eagle Pass) របស់សហរដ្ឋអាមេរិក ជាផ្នែកមួយនៃការកើនឡើងខ្ពស់នៃចំនួនជនអន្តោប្រវេសន៍ ដែលឆ្លងកាត់ដោយខុសច្បាប់ ក្នុងរយៈពេលប៉ុន្មានឆ្នាំថ្មីៗនេះ ៕

គណៈកម្មាធិការអចិន្ត្រៃយ៍រដ្ឋសភាពិនិត្យលើសំណើសុំជ្រើសតាំង សមាជិកក្រុមប្រឹក្សាធម្មនុញ្ញថ្មីចំនួន០១រូប

2023/08/23 10:40:05 am        469
Facebook Telegram Linkin
ភ្នំពេញ៖ គណៈកម្មាធិការអចិន្ត្រៃយ៍រដ្ឋសភា បានរៀបចំកិច្ចប្រជុំ ក្រោមអធិបតីភាពដ៏ខ្ពង់ខ្ពស់ លោកជំទាវកិត្តិសង្គហបណ្ឌិត ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា​ នាព្រឹកថ្ងៃពុធ ទី២៣ ខែសីហា ឆ្នាំ២០២៣ នៅសាលប្រជុំគណៈកម្មាធិការអចិន្រ្តៃយ៍រដ្ឋសភា ដើម្បីពិនិត្យ​លើសំណើសុំជ្រើសតំាងសមាជិកក្រុមប្រឹក្សាធម្មនុញ្ញថ្មីចំនួន ០១រូប។ គណៈកម្មាធិការអចិន្រ្តៃយ៍រដ្ឋសភា បានធ្វើការពិភាក្សានិងអនុម័តលើសំណើសុំជ្រើសតាំងសមាជិក​ក្រុមប្រឹក្សាធម្មនុញ្ញថ្មីចំនួន០១រូបនេះ ​សម្រាប់ជំនួសតំណែង ​ឯកឧត្តម សំ ព្រហ្មនា សមាជិកក្រុមប្រឹក្សាធម្មនុញ្ញ ​ដែលបានទទួលមរណភាពកាលពីពេលកន្លងមក។គណៈកម្មាធិការអចិន្រ្តៃយ៍រដ្ឋសភា ​បានប្រគល់ភារកិច្ចជូនអគ្គលេខាធិការដ្ឋានរដ្ឋសភា ធ្វើសេចក្តីជូនដំណឹងផ្សព្វផ្សាយជ្រើសរើសឥស្សរជនដែលមានលក្ខណៈសម្បត្តិសមស្រប ហើយធ្វើរបាយការណ៍ជូនគណៈកម្មាធិការអចិន្រ្តៃយ៍រដ្ឋសភាវិញ។សូមជម្រាបថា ក្រុមប្រឹក្សាធម្មនុញ្ញ​ គឺជាស្ថាប័នកំពូលមួយ ​ដែលមានចែងក្នុងរដ្ឋធម្មនុញ្ញ ឆ្នាំ១៩៩៣ សម្រាប់ការពារការគោរពរដ្ឋធម្មនុញ្ញ ​បកស្រាយរដ្ឋធម្មនុញ្ញ និងច្បាប់​ ដែលរដ្ឋសភាបានអនុម័ត និងព្រឹទ្ធសភាបាន​ពិនិត្យចប់សព្វគ្រប់ហើយ ​និងសម្រេចអំពីករណីវិវាទកម្មទាក់ទងនឹងការ​បោះឆ្នាត​ជ្រើសតាំងតំណាងរាស្ដ្រ ​និងការបោះឆ្នោតជ្រើសតាំងសមាជិកព្រឹទ្ធសភា។ ជាគោលការណ៍ ​ក្រុមប្រឹក្សាធម្មនុញ្ញមិនអាចយកបញ្ហាណាមួយ ​មកពិនិត្យដោយខ្លួនឯងបានឡើយ។មានតែព្រះមហាក្សត្រ ​ប្រធានព្រឹទ្ធសភា ​ប្រធានរដ្ឋសភា​ នាយករដ្ឋមន្ដ្រី សមាជិកព្រឹទ្ធសភា​មួយភាគបួន និងតំណាងរាស្ដ្រមួយភាគដប់ ឬតុលាការប៉ុណ្ណោះ ដែលអាចសុំទៅក្រុមប្រឹក្សាធម្មនុញ្ញ ពិនិត្យធម្មនុញ្ញភាពនៃច្បាប់បាន៕

បណ្ដាញសង្គម

ព័ត៌មានថ្មីៗ

ឯកឧត្តម គីម សុផារុន អញ្ជើញដឹកនាំប្រជុំបច្ចេកទេសនៃគណៈកម្មការការងារលើកទី៧ VECONAC តាមប្រព័ន្ធវីដេអូ
06/20/2026 06:06 PM
Facebook Telegram Linkin
បង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams ៣ទីតាំង​ នៅ​ក្រុង​បាវិត ឃាត់ខ្លួជនបរទេស៣២នាក់
06/20/2026 06:06 PM
Facebook Telegram Linkin
មន្ត្រីជំនាញ៖ ឧក្រិដ្ឋជនប្រើប្រាស់ប្រព័ន្ធអនឡាញធ្វើជាឧបករណ៍ឆបោក លួចទិន្នន័យ បង្កវិនាសកម្មផ្នែកសេដ្ឋកិច្ច
06/20/2026 06:06 PM
Facebook Telegram Linkin
ប្រធានក្រុមការងារចុះមូលដ្ឋាន៖ គណបក្សប្រជាជនប្រកាន់ខ្ជាប់នូវឧត្តមគតិស្នេហាជាតិ និងការអភិវឌ្ឍ
06/20/2026 06:06 PM
Facebook Telegram Linkin
ទេសាភិបាលធនាគារជាតិ៖ រាជរដ្ឋាភិបាលបានផ្ដល់អាទិភាពខ្ពស់បំផុតដល់ការអភិវឌ្ឍធនធានមនុស្ស
06/20/2026 06:06 PM
Facebook Telegram Linkin
នាយឧត្តមសេនីយ៍ គន់ គីម អញ្ជើញជួបពិភាក្សាការងារជាមួយថ្នាក់ដឹកនាំ សមាគមធុរកិច្ចអតីតយុទ្ធជនវៀតណាម
06/20/2026 06:06 PM
Facebook Telegram Linkin
លោក Merz ៖ អ៊ុយក្រែនមិនអាចក្លាយជាសមាជិកសហភាពអឺរ៉ុបបានទេ ខណៈខ្លួនកំពុងស្ថិតក្នុង សង្គ្រាមបែបនេះ
06/20/2026 06:06 PM
Facebook Telegram Linkin
អ្នកការទូតបេឡារុស៖ លោក ហ្សេឡិនស្គី កំពុងព្យាយាមធ្វើឲ្យអឺរ៉ុបទាំងមូលធ្លាក់ចូលទៅក្នុងជម្លោះប្រដាប់អាវុធ
06/20/2026 05:06 PM
Facebook Telegram Linkin
លោក TRUMP និយាយថា ប្រតិបត្តិការដើម្បីផ្លាស់ប្តូរថ្នាក់ដឹកនាំគុយបា នៅតែអាចធ្វើទៅបាន
06/20/2026 05:06 PM
Facebook Telegram Linkin
មេដឹកនាំប្រឆាំងវ៉េណេស៊ុយអេឡា ធ្វើដំណើរទៅទស្សនកិច្ចសហរដ្ឋអាមេរិក បន្ទាប់ពីពិភាក្សាជាមួយរដ្ឋាភិបាលបណ្ដោះអាសន្ន
06/20/2026 03:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.