នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម
សម្ដេចតេជោ អំពាវនាវដល់រាជរដ្ឋាភិបាលយកចិត្តទុកដាក់សាងសង់កន្លែងស្នាក់នៅសម្រាប់សិស្សជាស្ត្រី

នយោបាយ​ និង ការអភិវឌ្ឍន៍

មនុស្ស៥នាក់បានស្លាប់ ក្នុងចំហេះព្រៃនៅប្រទេសប៉េរូ និងបូលីវី

2023/08/24 08:02:12 pm        163
Facebook Telegram Linkin
បូលីវី៖ ចំហេះព្រៃដ៏កាចសាហាវ បាននិងកំពុងរីករាលដាលនៅក្នុងប្រទេសបូលីវី និងប្រទេសប៉េរូ ដែលប៉ះពាល់ដល់អ្នករស់នៅក្នុងប្រទេសទាំងពីរ ដោយមានអ្នកស្លាប់យ៉ាងហោចណាស់៥នាក់ ត្រូវបានរាយការណ៍នៅក្នុងប្រទេសប៉េរូ។ នៅតំបន់ Cochabamba និងតំបន់ La Paz ចំហេះបានដុតបំផ្លាញរុក្ខជាតិ និងសត្វព្រៃដែលជិតផុតពូជជាច្រើន។ ទោះបីជាយ៉ាងណាក៏ដោយ អនុរដ្ឋមន្ត្រីការពារជនស៊ីវិលប្រទេសបូលីវី លោក Juan Carlos Calvimontes (វ៉ាន់ កាឡូស ខាលវីម៉ូនតេ) បានរាយការណ៍ថា តំបន់បេនី (Beni) គឺជាតំបន់ដែលមានចំហេះព្រៃច្រើនជាងគេ។យោងតាមលោក Calvimontes បានឲ្យដឹងថា កងកម្លាំងប្រដាប់អាវុធជាង៥០០នាក់ ត្រូវបានបញ្ជូនទៅកាន់តំបន់ដែលរងផលប៉ះពាល់ដោយចំហេះនេះផងដែរ។ ទន្ទឹមនឹងនេះដែរ ប្រទេសប៉េរូ ប្រឈមមុខនឹងការលំបាកស្រដៀងគ្នានេះ ខណៈដែលភ្លើងបានឆាបឆេះតំបន់ Apurimac ដែលមនុស្សប្រាំនាក់បានស្លាប់។ ប្រព័ន្ធផ្សព្វផ្សាយក្នុងស្រុកបានរាយការណ៍ថា ផ្ទៃដីយ៉ាងហោចណាស់២០០ហិចតាត្រូវបានបំផ្លាញដោយចំហេះព្រៃនេះផងដែរ៕

និស្សិតកសិកម្មថា នឹងនាំគ្នាប្រឡងចូលបម្រើការបច្ចេកទេសកសិកម្មតាមឃុំសង្កាត់

2023/08/24 08:00:21 pm        2546
Facebook Telegram Linkin
ភ្នំពេញ៖ ខណៈរាជរដ្ឋាភិបាលអាណត្តិទី៧ បានប្រកាសជ្រើសរើសមន្ត្រីក្របខណ្ឌបច្ចេកទេសកសិកម្ម ដាក់ពង្រាយតាមបណ្តាឃុំសង្កាត់​នានា​ទូទាំងប្រទេស នៅពេលនេះ បណ្តានិស្សិតនានាកំពុងសិក្សា និងខ្លះកំពុងហាត់ការជំនាញ​កសិកម្មខ្លួន​តាមឃុំសង្កាត់ស្រាប់ ​គឺបានសម្តែងរីករាយខ្លាំង ហើយបានត្រៀម​ខ្លួនដាក់ពាក្យ​ប្រឡងចូលក្របខ័ណ្ឌ និងស្ម័គ្រចិត្តចូលបម្រើការងារបច្ចេកទេសកសិកម្ម​នៅតាមឃុំសង្កាត់នានា។បើតាមបណា្តនិស្សិតនៅសកលវិទ្យាល័យភូមិន្ទកសិកម្មចំការដូង ​បានថ្លែងប្រាប់ BTV​ នៅថ្ងៃទី២៤ ខែសីហានេះថា​ ការអនុវត្តគោល​នយោបាយជាអាទិភាពរបស់រាជរដ្ឋាភិបាលក្នុង​អាណត្តិ៧នេះ លើការដាក់ពង្រាយមន្ត្រីបច្ចេកទេសកសិកម្មទៅតាមឃុំសង្កាត់នេះ ​គឺជាឱកាសដ៏ល្អខ្លាំងបំផុត និងជំរុញទឹកចិត្តនិស្សិតទាំងអស់នាំគ្នាខំប្រឹងរៀន ត្រៀមប្រឡងចូលក្របខណ្ឌមន្ត្រីបច្ចេកទេស​កសិកម្មទៅបម្រើការនៅតាមឃុំសង្កាត់។បើតាមប្រជាកសិករប្រកបរបរបណ្តុះកូនរុក្ខជាតិនៅសង្កាត់តាក្តុល ក្រុងតាខ្មៅ ខេត្តកណ្តាល បានថ្លែងថា បច្ចុប្បន្ន​ ការប្រកបរបរដាំដំណាំ ​បណ្តុះកូនឈើលក់នេះ ​គឺនៅមានកម្រិត និងចេះដាំ​តៗគ្នា និងមិនមានបច្ចេកទេសដាំបង្កាត់ពូជណានោះទេ ហើយបើមានមន្ត្រីបច្ចេកទេស​កសិកម្មមកដឹកនាំដាំ នឹងជំរុញវិស័យកសិកម្មនៅកម្ពុជាបន្តការរីកចម្រើន។លោក ម៉ៅ មីនា ប្រធាននាយកដ្ឋានផ្សព្វផ្សាយកសិកម្ម រុក្ខាប្រមាញ់ និងនេសាទ នៃក្រសួងកសិកម្ម បានថ្លែងថា បច្ចុប្បន្នខាងនាយកដ្ឋានបុគ្គលិកក្រសួងកសិកម្មកំពុង​សហការ​ជាមួយ​ក្រសួងមុខងារសាធារណៈ ដើម្បីរៀបចំជ្រើសរើសមន្ត្រីបច្ចេកទេសកសិកម្ម ​១៦០០នាក់ ដើម្បី​ដាក់ពង្រាយ នៅតាមឃុំសង្កាត់ នៅក្នុងឆ្នាំ២០២៤នេះ ​ខណៈបច្ចុប្បន្ន ក្រសួងកសិកម្ម រុក្ខាប្រមាញ់​នេសាទ បាននិងកំពុងរៀបចំសាកល្បង ដាក់ពង្រាយមន្ត្រីជាប់កិច្ចសន្យា​ធ្វើការ​ផ្នែកបច្ចេក​ទេសកសិម្ម ចុះធ្វើការស្ម័គ្រចិត្តនៅតាមបណ្តាសង្កាត់ឃុំ ​បានចំនួន១០ឃុំ នៅក្នុងស្រុកជើងព្រៃ​ខេត្តកំពង់ចាម ស្របតាមគោលនយោបាយរាជរដ្ឋាភិបាល​នៅក្នុងអាណត្តិទី៧។ បច្ចុប្បន្ននេះដែរ ក៏មាននិស្សិតសិក្សាបញ្ចប់ឆ្នាំទី៤នៅសកលវិទ្យាល័យ​ភូមិន្ទកសិកម្មប្រមាណ ២០០នាក់ដែរ ​បានស្ម័គ្រចិត្តចុះហាត់ការធ្វើការងារនៅតាមឃុំសង្កាត់តាមខេត្តចំនួន១៣ ហើយ​គ្រប់និស្សិតទាំងនោះ ក៏បានត្រៀមខ្លួនប្រឡង​ចូលក្របខណ្ឌក្រសួងកសិកម្ម ដើម្បីចូល​បម្រើការស្ម័គ្រចិត្តនៅតាមឃុំសង្កាត់ផងដែរ។ អត្ថបទ ស៊ុម សុខជា 

អ្នកជម្លៀសខ្លួនរាប់ពាន់នាក់ត្រឡប់ទៅលំនៅឋានវិញ ខណៈចំហេះព្រៃកោះថេណេរីហ្វនៅអេស៉្បាញបានធូរស្រាល

2023/08/24 07:57:37 pm        130
Facebook Telegram Linkin
អេស៉្បាញ៖ ក្រុមអាជ្ញាធរបាននិយាយកាលពីថ្ងៃពុធថា អ្នកជម្លៀសខ្លួនជាង៨.០០០នាក់ពីចំហេះព្រៃ ដែលបានបំផ្លិចបំផ្លាញព្រៃឈើនៅលើកោះថេណេរីហ្វ (Tenerife) របស់អេស្ប៉ាញ អស់រយៈពេលជាងមួយសប្តាហ៍មក អាចត្រឡប់ទៅលំនៅឋានវិញបាន ខណៈដែលចំហេះត្រូវបានគ្រប់គ្រង។ចំហេះដែលបានចាប់ផ្តើមកាលពីថ្ងៃទី១៥ ខែសីហា មកទល់ពេលនេះ បានបំផ្លាញព្រៃឈើជិត១៥.០០០ហិចតា នៅក្នុងឧទ្យានជាតិជុំវិញតំបន់ភ្នំភ្លើង Mount Teide ដែលជាកំពូលភ្នំខ្ពស់បំផុតរបស់ប្រទេសអេស្ប៉ាញ។ អ្នកស្រុកប្រហែល៣.០០០នាក់ នៅតែមិនទាន់អាចទៅផ្ទះរបស់ពួកគេវិញបានទេ។ចំហេះត្រូវបានគ្រប់គ្រងមួយផ្នែកធំ លើកលែងតែក្នុងតំបន់មួយក្នុងភូមិ Guimar ប៉ុណ្ណោះ។ ក្រុមអាជ្ញាធរបាននិយាយថា ទោះបីជាយ៉ាងណាក៏ដោយ មានចំហេះជាច្រើនដែលអាចដំណើរការឡើងវិញ ក្នុងអំឡុងពេលម៉ោងក្តៅបំផុត ហើយអាចឆ្លងកាត់ខ្សែគ្រប់គ្រងម្តងទៀត។រហូតមកដល់ពេលនេះ ចំហេះព្រៃបានបំផ្លាញផ្ទៃដីចំនួន៦៥.១២៧ហិចតានៅក្នុងប្រទេសអេស្ប៉ាញ ស្របតាមមធ្យមភាគនៃទសវត្សរ៍ចុងក្រោយ ប៉ុន្តែទាបជាងចំនួន ២២៨.៨៦៣ហិចតា ដែលបានឆេះក្នុងរយៈពេលដូចគ្នាក្នុងឆ្នាំ២០២២ ដែលជាឆ្នាំដ៏អាក្រក់បំផុត ក្នុងរយៈពេលមួយទសវត្សរ៍ នេះបើយោងតាមទិន្នន័យផ្លូវការ៕

ចំនួនអ្នកស្លាប់ដោយការបាក់រលំស្ពាននៅរដ្ឋ Mizoram ប្រទេសឥណ្ឌាកើនឡើងដល់២៦នាក់

2023/08/24 07:54:48 pm        176
Facebook Telegram Linkin
ឥណ្ឌា៖ ក្រុមនគរបាលបានបញ្ជាក់ថា ចំនួនអ្នកស្លាប់ ក្នុងឧបទ្ទវហេតុបាក់ស្ពានផ្លូវរថភ្លើងនៅរដ្ឋ Mizoram ភាគឦសានប្រទេសឥណ្ឌា បានកើនឡើងដល់២៦នាក់។ ស្ពានមួយកន្លែងដែលកំពុងស្ថិតក្រោមការសាងសង់បានបាក់រលំ នៅក្រុង Sairang មានចម្ងាយប្រមាណ២១គីឡូម៉ែត្រភាគពាយព្យ រដ្ឋធានី Aizawl ។នគរបាលនិយាយថា ខណៈអ្នកស្លាប់១៩នាក់ ត្រូវបានរកឃើញ ហើយការងារជួយសង្គ្រោះដើម្បីស្រង់យកសាកសពដែលនៅសេសសល់ បន្តនៅថ្ងៃព្រហស្បតិ៍នេះ។ អ្នកស្លាប់ទាំងអស់គឺជាកម្មករ ដែលកំពុងធ្វើការនៅការដ្ឋាននោះ។រដ្ឋមន្ត្រីប្រចាំរដ្ឋ Mizoram លោក Zoramthanga បានសំដែងទុក្ខសោកចំពោះអ្នកស្លាប់ និងសំដែងភាពសោកស្តាយជាមួយក្រុមគ្រួសារជនរងគ្រោះ។មូលហេតុនៃការបាក់ស្ពាន ពុំទាន់បានដឹងភ្លាមៗនៅឡើយនោះទេ។ ទន្ទឹមនឹងនេះ រដ្ឋមន្ត្រីអយៈស្ម័យានរបស់ប្រទេស លោក Ashwini Vaishnaw បានចេញបញ្ជាឲ្យមានការស៊ើបអង្កេតក្នុងឧបទ្ទវហេតុនេះ និងបានប្រកាសសំណងសម្រាប់ជនរងគ្រោះ។ នាយករដ្ឋមន្ត្រី លោក Narendra Modi បានសំដែងភាពសោកសង្រេងរបស់លោកជុំវិញឧបទ្ទវហេតុនេះ នៅក្នុងសារមួយពីទីក្រុង Johannesburg ប្រទេសអាហ្វ្រិកខាងត្បូងអំឡុងកិច្ចប្រជុំកំពូលប្រទេស BRICS៕

មនុស្សមួយចំនួនបានស្លាប់ និងរបួសក្នុងបាញ់ប្រហារនៅក្លិបកម្សាន្តមួយកន្លែង ក្នុងរដ្ឋកាលីហ្វ័រនីញ៉ា សហរដ្ឋអាមេរិក

2023/08/24 07:52:02 pm        157
Facebook Telegram Linkin
អាមេរិក៖ ក្រុមមន្ត្រីនគរបាលបានប្រាប់សារព័ត៌មាន Eyewitness News ថា មនុស្សយ៉ាងហោចណាស់១១នាក់ត្រូវបានបាញ់នៅក្លិបកម្សាន្តមួយកន្លែងក្នុងតំបន់ Orange County រដ្ឋកាលីហ្វ័រនីញ៉ា សហរដ្ឋអាមេរិក ដោយមនុស្សយ៉ាងហោចណាស់៥នាក់បានស្លាប់ ហើយជនសង្ស័យបានត្រូវរបួស ឬអាចស្លាប់នៅកន្លែងកើតហេតុ។ វត្តមាននៃកងកម្លាំងអនុវត្តច្បាប់ដ៏ធំមួយក្រុម កំពុងប្រតិបត្តិការឆ្លើយតបនៅទីតាំងកើតហេតុគឺក្លិបកម្សាន្ត Cook's Corner ដែលជារបារសម្រាប់អ្នកជិះម៉ូតូដ៏ល្បីមួយ នៅលើផ្លូវ Santiago Canyon ក្នុងតំបន់ Trabuco Canyon។ហេតុការណ៍នេះត្រូវបានគេរាយការណ៍កាលពីវេលាម៉ោង៧និង៣០នាទីយប់ នេះបើតាមនាយកដ្ឋានតម្រួតតំបន់ Orange County។ ជនសង្ស័យត្រូវបានគេរៀបរាប់ថានៅកន្លែងកើតហេតុ ប៉ុន្តែគេមិនច្បាស់ថា តើបុគ្គលនោះនៅមានជីវិតឬយ៉ាងណានោះ៕

មន្ទីរពេទ្យជាតិ អំពាវនាវពលរដ្ឋមានកូនបបូរមាត់ឆែប ក្រអូមឆែប មកទទួលការព្យាបាលដោយឥតគិតថ្លៃ

2023/08/24 07:49:31 pm        522
Facebook Telegram Linkin
ភ្នំពេញ៖ មន្ទីរពេទ្យកុមារជាតិ នៃក្រសួងសុខាភិបាល បានអំពាវនាវប្រជាពលរដ្ឋគ្រប់រូប ដែលមានកូនកើតជំងឺបបូរមាត់ឆែប ជំងឺឆែបក្រអូមមាត់ និងបញ្ហាមុខខុសប្រក្រតីផ្សេងទៀត និងជើងខ្វេរ សូមមកទទួលការវៈកាត់ ព្យាបាលដោយឥតគិតថ្លៃ ជៀសវាងការបោះបង់កុមារចោល។បើតាមឯកឧត្តមសាស្រ្តាចារ្យ ញឹប អង្គាបុស្ស នាយកមនី្ទរពេទ្យកុមារជាតិ បានប្រាប់BTV ព័ត៌មានថា មនី្ទរពេទ្យកុមារជាតិ គឺធ្វើការវៈកាត់ដោយមិនគិតថ្លៃ ចំពោះកុមារដែលមានបញ្ហា​ឆែបមាត់ ឆែបក្រអូមមាត់ និងជើងខ្វេរជូនដោយមិនគិតប្រាក់។ ក្នុងនោះកុមារ ដែលកើតជំងឺឆែបមាត់នេះ មាន២ប្រភេទ គឺទី១ ឆែបតែបបូរមាត់ និងទី១ ឆែបរហូតដល់ក្រអូមមាត់ ខូចអញ្ចាញធ្មេញ ហើយកុមារនោះត្រូវការព្យាបាលយូរ។ឯកឧត្តមសាស្រ្តាចារ្យ បានជម្រាបបន្ថែមថា កុមារ ដែលកើតមកមានបបូរមាត់ឆែប ឆែបក្រអូមមាត់ គឺមានបញ្ហា២។ បញ្ហាទី១៖ ហ្សេនពីកំណើត(Zen) និងបញ្ហាទី២៖ ចំណីអាហារដែលមានសារជាតិ​គីមី ឬក៏ការប្រើប្រាស់ថ្នាំ នៅពេលស្រី្តពពោះ រួចញ៉ាំអាហារទាំងអស់នេះ វាធ្វើឲ្យប៉ះពាល់ដល់​កោសិកាដើម វាអាចបណ្តាលឲ្យមានបញ្ហា នៅពេលទារកកើតមក ​ក៏ជួបជំងឺឆែបមាត់នេះផងដែរ។ ប៉ុន្តែមូលហេតុឲ្យច្បាស់លាស់នោះ គឺពិបាកសន្និដ្ឋានថាបណ្តាលមកពីមូលហេតុអ្វី? ប៉ុន្តែ​ពិសេសនោះ កុមារដែលកើតបញ្ហានេះ ​គឺមនី្ទរពេទ្យកុមារជាតិ ធ្វើការព្យាបាលឲ្យជាសៈស្បើយ និងមិនប្រាក់កម្រៃនោះទេ។បើតាមអ្នកគ្រូ លីន ទទួលបន្ទុកសម្របសម្រួលកុមារឆែបមាត់ និងឆែបក្រអូមមាត់ នៃមនី្ទរពេទ្យ​កុមារជាតិ បានឲ្យដឹងថា អគារផ្នែកវៈកាត់ ជំងឺមាត់ឆែប​ និងឆែបក្រអូមនេះ ធ្វើការវៈកាត់ ព្យាបាល មិនគិតថ្លៃជារៀងរាល់ថ្ងៃ ដោយមិនកំណត់ថ្ងៃឈប់សម្រាកឡើយ។ ក្នុងនោះរៀងរាល់ថ្ងៃសុក្រ មាតាបិតា អាណាព្យាបាល ដែលមានកូនៗឆែបមាត់ ឆែបក្រអូមមាត់ ត្រូវមកជួបជុំគ្នា ធ្វើការ​ពិភាក្សា និងពិនិត្យវាយតម្លៃចំពោះស្ថានភាពរបស់កុមារទាំងនោះ ដើម្បីផ្តល់ការវៈកាត់ព្យាបាល និងជួយឲ្យកុមារមានមុខមាត់ស្អាតដូចកុមារដទៃទៀតផងដែរ៕អត្ថបទ រដ្ឋា

ក្រុមហ៊ុន Tepcoរបស់ជប៉ុន នឹងបញ្ឈប់ការបញ្ចេញទឹកកាកសំណល់នុយក្លេអ៊ែរភ្លាមៗបើសិនរកឃើញបញ្ហា

2023/08/24 07:48:59 pm        143
Facebook Telegram Linkin
ជប៉ុន៖  ក្រុមហ៊ុនថាមពលអគ្គិសនី Tepco របស់ជប៉ុន និយាយថា ពួកគេនឹងចាប់ផ្តើមបញ្ចេញទឹកបន្សាបវិទ្យុសកម្មចេញពីរោងចក្រនុយក្លេអ៊ែរ Fukushimaចូលទៅក្នុងមហាសមុទ្រនៅថ្ងៃព្រហស្បតិ៍នេះ ដូចតាមការគ្រោងទុក ប៉ុន្តែពួកគេនឹងបញ្ឈប់ប្រតិបត្តិការភ្លាមៗ បើសិនជាបញ្ហាណាមួយត្រូវបានរកឃើញ ។  ថ្លែងទៅកាន់ក្រុមអ្នកសារព័ត៌មានតាមអនឡាញចេញពីការិយាល័យនៅទីក្រុង Fukushimaរបស់ពួកគេ ក្រុមមន្រ្តីក្រុមហ៊ុន Tepcoបាននិយាយថា ការបញ្ចេញទឹកកាកសំណល់នេះ នឹងចាប់ផ្តើមនៅវេលាម៉ោង ១រសៀល ម៉ោងក្នុងស្រុក(ត្រូវនឹងម៉ោង ៤ ម៉ោងសកល) ។  ជប៉ុនបាននិយាយការពារថា ការបញ្ចេញទឹកបន្សាបនេះ មានសុវត្ថិភាព ស្របពេលដែលទីភ្នាក់ងារថាមពលអាតូមិកអន្តរជាតិ(IAEA)ដែលជាក្រុមឃ្លាំមើលនុយក្លេអ៊ែររបស់អង្គការសហប្រជាជាតិ បានបើកភ្លើងខៀវផងដែរសម្រាប់ផែនការមួយនេះ កាលពីខែកក្កដាកន្លងទៅ ដោយពួកគេនិយាយថា ផលប៉ះពាល់លើមនុស្ស និងបរិស្ថាន មានតិចតួចបំផុត ។  ការបញ្ចេញទឹកកាកសំណល់នេះដែរ គ្រោងនឹងបញ្ចេញក្នុងបរិមាណតិចតួចប៉ុណ្ណោះអំឡុងពេលដំបូង ហើយនិងមានការត្រួតពិនិត្យបន្ថែមទៀត ។  ការបញ្ចេញទឹកកាកសំណល់ដំបូងសរុប ៧.៨០០ម៉ែត្រគូប ដែលស្មើនឹងទឹកក្នុងអាងហែលទឹកកីឡាអូឡាំពិកចំនួន ៣អាង នឹងត្រូវធ្វើឡើងរយៈពេលប្រហែល ១៧ថ្ងៃ ។  ទោះបីជាយ៉ាងណាក៏ដោយ ផែនការបញ្ចេញទឹកកាកសំណល់នុយក្លេអ៊ែរ បានរងការរិះគន់យ៉ាងខ្លាំងពីចិន ដែលបានចាត់ទុកជប៉ុនថា អាត្មានិយម និងគ្មានទំនួលខុសត្រូវ ៕

បណ្ដាអាជីវកម្មនៅអាហ្សង់ទីន ត្រូវបិទទ្វារ ដោយសារការភ័យខ្លាចពីការលួច

2023/08/24 07:46:04 pm        169
Facebook Telegram Linkin
អាហ្សង់ទីន៖ កាលពីថ្ងៃពុធ (២៣ សីហា) ម្ចាស់អាជីវកម្មនៅទីក្រុងនានា ដែលរងផលប៉ះពាល់ពីការចូលយកទំនិញនៅប្រទេសអាហ្សង់ទីន បានស្ទាក់ស្ទើរក្នុងការត្រឡប់មកបំពេញកាតព្វកិច្ចវិញ ដោយសារតែការភ័យខ្លាចនៃរលកថ្មីនៃការបំផ្លិចបំផ្លាញ។យោងតាមសាក្សីសារព័ត៌មាន រ៉យទ័រ ទូរទស្សន៍រដ្ឋ និងក្រុមមន្ត្រីបានឲ្យដឹងថា ការលួចតាមហាង និងផ្សារទំនើប ចាប់ពីទីក្រុង Patagonian ភាគខាងត្បូងតំបន់ Bariloche ទៅកាន់តំបន់ស្រា Mendoza និងជុំវិញរដ្ឋធានី Buenos Aires ប្រទេសអាហ្សង់ទីន បានឃើញមនុស្សមួយក្រុមតូចបានលួចចូលហាង លួចអាហារ និងរបស់របរផ្សេងៗទៀត។រដ្ឋមន្ត្រីក្រសួងសេដ្ឋកិច្ច លោក Sergio Massa បាននិយាយកាលពីថ្ងៃពុធ (២៣សីហា) ពីទីក្រុងវ៉ាស៊ីនតោនថា ជំនួយរដ្ឋាភិបាលរហូតដល់៧.០០០.០០០ប៉េសូ (១៩.១៥០ដុល្លារ) នឹងត្រូវបានផ្តល់ដល់ជនរងគ្រោះនៃការលួចនេះ។ក្រុមមន្ត្រីបាននិយាយថា មនុស្សជាង១០០នាក់ ត្រូវបានឃុំខ្លួននៅក្នុងតំបន់ផ្សេងៗគ្នា ហើយនគរបាលត្រូវបានប្រមូលផ្តុំដើម្បីយាមហាង។ ប្រទេសអាហ្សង់ទីន ដែលជាប្រទេសនាំចេញគ្រាប់ធញ្ញជាតិពិភពលោកដ៏សំខាន់មួយ កំពុងប្រឈមនឹងអតិផរណាប្រចាំឆ្នាំនៅកម្រិត១១៣% ដែលកំពុងបង្កឱ្យមានវិបត្តិថ្លៃចំណាយប្រចាំថ្ងៃក្នុងការរស់នៅ។ ការទម្លាក់តម្លៃរូបិយប័ណ្ណប៉េសូយ៉ាងខ្លាំងនាពេលថ្មីៗនេះ បានជំរុញឱ្យតម្លៃទំនិញប្រើប្រាស់កើនឡើងបន្ថែមទៀតក្នុងខែនេះផងដែរ៕

ទាហានអាមេរិកនិងកូរ៉េខាងត្បូង ធ្វើសមយុទ្ធសង្គ្រាមរួមគ្នានៅក្នុងទីក្រុងនិមិត្ត

2023/08/24 07:24:59 pm        171
Facebook Telegram Linkin
កូរ៉េខាងត្បូង៖ ទាហានអាមេរិក និងកូរ៉េខាងត្បូង កាលពីថ្ងៃពុធ (២៣ សីហា) បានធ្វើសមយុទ្ធហ្វឹកហ្វឺននៅក្នុងទីតាំងនានា ដែលត្រូវបានរចនាឡើងដើម្បីប្រៀបប្រដូចការពិតនៃបរិយាកាសទីក្រុងមានប្រជាជនច្រើន ដែលជាផ្នែកមួយនៃសមយុទ្ធឈ្មោះខែលការពារសេរីភាពអ៊ុលឈី (Ulchi Freedom Shield) ប្រចាំឆ្នាំ។សមយុទ្ធរួម ដែលបានចាប់ផ្តើមកាលពីថ្ងៃចន្ទ (២១ សីហា) ត្រូវបានរៀបចំឡើងដើម្បីបង្កើន និងកែលម្អការឆ្លើយតបទៅនឹងការគំរាមកំហែងមីស៊ីល ឬនុយក្លេអ៊ែររបស់កូរ៉េខាងជើង។ កងទ័ពកូរ៉េខាងត្បូងបាននិយាយថា សមយុទ្ធនេះក៏មានគោលបំណងធ្វើឱ្យប្រសើរឡើងនូវជំនាញប្រយុទ្ធជាក់ស្តែង និងបង្កើនសមត្ថភាពរបស់កងកម្លាំងរួម ក្នុងការអនុវត្តប្រតិបត្តិការបង្រួបបង្រួមក្នុងតំបន់ទីក្រុងផងដែរ។យោធាកូរ៉េខាងត្បូងបាននិយាយថា សមយុទ្ធនៅឆ្នាំនេះនឹងត្រូវបានធ្វើឡើងនៅលើ «ទ្រង់ទ្រាយធំបំផុតមិនធ្លាប់មាន» ដោយមានការចូលរួមពីទាហានរាប់ម៉ឺននាក់មកពីភាគីទាំងពីរ។ រដ្ឋធានីព្យុងយ៉ាង បានរិះគន់សមយុទ្ធយោធារបស់សម្ព័ន្ធមិត្តទាំងពីរនេះថា ជាការហាត់សមសម្រាប់សង្គ្រាមនុយក្លេអ៊ែរ៕

មនុស្សម្នានាំគ្នាដាក់បាច់ផ្កានៅទីក្រុង St.Petersburg ប្រទេសរុស្ស៊ី សម្រាប់មរណភាពមេដឹកនាំក្រុម Wagner

2023/08/24 07:21:18 pm        117
Facebook Telegram Linkin
រុស្ស៊ី៖ បាច់ផ្កាជាច្រើនត្រូវបានគេយកទៅដាក់ជាការគោរព ហើយទៀនត្រូវបានបំភ្លឺនៅជិតការិយាល័យទីក្រុង St. Petersburg នៃក្រុមទាហានស៊ីឈ្នួល Wagner នៅព្រលឹមថ្ងៃព្រហស្បតិ៍ (២៤ សីហា)នេះ បន្ទាប់ពីមានព័ត៌មានថា មេដឹកនាំក្រុមទាហានស៊ីឈ្នួលដ៏មានឥទ្ធិពលបំផុតរបស់រុស្ស៊ី លោក Yevgeny Prigozhin បានស្ថិតនៅលើយន្តហោះដែលបានធ្លាក់កាលពីល្ងាចថ្ងៃពុធ (២៣ សីហា) នៅភាគខាងជើងនៃទីក្រុងម៉ូស្គូ ដោយគ្មានអ្នករស់រានមានជីវិតនោះទេ។អាជ្ញាធរអាកាសចរណ៍ស៊ីវិលរុស្ស៊ីបាននិយាយថា មេដឹកនាំទាហានស៊ីឈ្នួលរុស្ស៊ី Yevgeny Prigozhin ស្ថិតនៅក្នុងបញ្ជីអ្នកដំណើរនៃយន្តហោះដែលបានធ្លាក់ក្នុងប្រទេសរុស្ស៊ី ដោយបានសម្លាប់មនុស្សទាំងអស់នៅលើយន្តហោះនោះ។ បណ្តាញសង្គមតេឡេក្រាមដែលភ្ជាប់ទៅតំបន់ប្រផេះក្រុម Wagner បានប្រកាសថា លោក Prigozhin បានស្លាប់ហើយ ហើយបានសាទរលោកថាជាវីរៈបុរស និងជាអ្នកស្នេហាជាតិ ដែលបានស្លាប់នៅក្នុងដៃរបស់មនុស្សមិនស្គាល់អត្តសញ្ញាណ។ការស្លាប់របស់លោក Prigozhin នឹងធ្វើឲ្យក្រុម Wagner Group ដែលបង្កការខឹងសម្បារដល់លោកប្រធានាធិបតី វ្លាឌីមៀរ ពូទីន ក្នុងខែមិថុនា ដោយរៀបចំឱ្យមានបះបោរប្រដាប់អាវុធប្រឆាំងនឹងមេដឹកនាំកំពូលរបស់កងទ័ពមួយនេះ មិនមានអ្នកដឹកនាំ និងមានការចោទជាសំណួរអំពីប្រតិបត្តិការនាពេលអនាគតរបស់ក្រុមនេះនៅអាហ្វ្រិក និងកន្លែងផ្សេងទៀតផងដែរ៕

បណ្ដាញសង្គម

ព័ត៌មានថ្មីៗ

ស្ថាតទូតចិន និងគណៈរដ្ឋមន្ត្រីធ្វើសិក្ខាសាលាអន្តរជាតិអំពី​គំរូនៃ​ការអភិវឌ្ឍរបស់ប្រទេសចិន
08/17/2026 01:08 PM
Facebook Telegram Linkin
កាមេរូនឈ្នះជើងឯកបាល់ទាត់នារីទ្វីបអាហ្វ្រិក Women’s Africa Cup of Nations ជាលើកដំបូង
08/17/2026 01:08 PM
Facebook Telegram Linkin
សហគ្រិន និងម្ចាស់អាជីវកម្ម កំពុងស្វែងយល់ពី​របាំង​បច្ចេកទេស​នាំចេញ​ផលិតផល​ទៅក្រៅប្រទេស
08/17/2026 01:08 PM
Facebook Telegram Linkin
នគរបាលកម្ពុជាអះអាងថា គ្រឿងញៀនជាង ១តោនច្រកក្នុងប៉ាវអង្ករអក្សរខ្មែរ ដែលសមត្ថកិច្ចឥណ្ឌូនេស៊ីចាប់បាន មិនមែននាំចេញពីកម្ពុជានោះទេ
08/17/2026 01:08 PM
Facebook Telegram Linkin
តំណាងសភាពាណិជ្ជកម្មកម្ពុជា ជំរុញវិស័យឯកជនពង្រឹងសមត្ថភាពលើបច្ចេកវិទ្យា និងចាប់យក​ឧស្សាហកម្ម ៤.០ ឆ្លើយតបសេដ្ឋកិច្ចរបស់កម្ពុជា
08/17/2026 01:08 PM
Facebook Telegram Linkin
ក្រុមអ្នកតវ៉ានៅទីក្រុងគីវ ប្រមូលផ្តុំគ្នាគាំទ្ររដ្ឋមន្ត្រីការពារជាតិដែលត្រូវបានបណ្តេញចេញ
08/17/2026 12:08 PM
Facebook Telegram Linkin
ប្រធានសភាអ៊ីរ៉ង់៖ សហរដ្ឋអាមេរិក និងអ៊ីស្រាអែល បរាជ័យក្នុងការសម្រេចគោលដៅសង្គ្រាម
08/17/2026 12:08 PM
Facebook Telegram Linkin
មនុស្សច្រើននាក់ស្លាប់នៅក្នុងឧបទ្ទវហេតុដូចជាការប្រជ្រៀតជាន់គ្នានៅវិហារក្នុងប្រទេសឥណ្ឌា
08/17/2026 12:08 PM
Facebook Telegram Linkin
ប្រធានាធិបតីអ៊ីរ៉ង់៖ អនុស្សរណៈនៃការយោគយល់សន្តិភាពជាមួយអាមេរិក បានបោះជំហានទៅមុខដោយភាពថ្លៃថ្នូរនិងអំណាចស្មើរភាព
08/17/2026 12:08 PM
Facebook Telegram Linkin
សហព័ន្ធទ្រីយ៉ាត្លុងត្រៀមបញ្ជូនកីឡាការិនី២រូប ចូលរួមប្រកួតកីឡាអាស៊ី នៅប្រទេសជប៉ុន ខែក្រោយ
08/17/2026 12:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.