នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក
សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ
សម្ដេ​ចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»
សម្តេចតេជោ ហ៊ុន សែន ថ្លែងថា អាវក្រោះ និងសម្ភារយោធាម៉ាក DSS សុទ្ធតែមានគុណភាពហើយអាវការពារនេះនាយករដ្ឋមន្រ្តីបានសាករួចហើយ

នយោបាយ​ និង ការអភិវឌ្ឍន៍

ព្រះករុណា ព្រះមហាក្សត្រា ចេញព្រះរាជក្រឹត្យតែងតាំងគណៈរដ្ឋមន្រ្តីសម្រាប់នីតិកាលទី៧

2023/08/22 12:25:44 pm        243
Facebook Telegram Linkin
ភ្នំពេញ៖ ព្រះករុណា ព្រះបាទ សម្តេចព្រះ បរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា នៅថ្ងៃទី២២ ខែសីហា ឆ្នាំ២០២៣នេះ បានចេញព្រះរាជក្រឹត្យមួយ តែងតាំងគណៈរដ្ឋមន្រ្តី សម្រាប់អាណត្តិទី៧ ដែលមាន ឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្រ្តី។

កោះតៃវ៉ាន់ស្នើសុំថវិកាការពារជាតិច្រើនសម្រាប់ឆ្នាំ២០២៤

2023/08/22 12:15:12 pm        259
Facebook Telegram Linkin
តៃវ៉ាន់៖ អាជ្ញាធរកោះតៃវ៉ាន់ បានស្នើសុំថវិកា ការពារជាតិច្រើនសម្រាប់ឆ្នាំ២០២៤ ជាសរុបជាង៦០០ពាន់លានដុល្លារតៃវ៉ាន់ថ្មី ឬប្រមាណ១៩ពាន់លានដុល្លារអាមេរិក ខណៈប្រទេសចិន បង្កើនសម្ពាធយោធា។មេដឹកនាំលោកស្រី Tsai Ing-wen ត្រូវបានរាយការណ៍សង្ខេបស្តីពីសំណើកាលពីថ្ងៃចន្ទ ដោយក្រុមមន្ត្រីមកពីគណរដ្ឋមន្ត្រី។ ថវិកាដែលបានស្នើមានចំនួន៦០៦.៨ បាន់លានដុល្លារតៃវ៉ាន់ថ្មី កើនឡើង៤,៥ ភាគរយពីឆ្នាំបច្ចុប្បន្ន។ វារួមមានទាំងថវិកាពិសេស ដែលអ្នកវិភាគជឿថា នឹងត្រូវបានចំណាយលើការផ្គត់ផ្គង់យន្តហោះប្រយុទ្ធ F-16V ទំនើប និងមីស៊ីលដែលផលិតច្រើន និងយុទ្ធោបករណ៍ផ្សេងទៀត។ប្រសិនបើត្រូវបានអនុម័ត វានឹងជាលើកដំបូងដែលការចំណាយផ្នែកការពារជាតិ កើនដល់៦០០ពាន់លានដុល្លារតៃវ៉ាន់ថ្មី។ លោកស្រី Tsai និយាយថា វាមានចំនួន២.៥ភាគរយនៃផលិតផលក្នុងស្រុបសរុបរបស់កោះតៃវ៉ាន់។ ការរិយាល័យមេដឹកនាំកោះតៃវ៉ាន់ បានចេញផ្សាយវីដេអូបង្ហាញពីលោកស្រី Tsai កំពុងត្រូវបានគេរាយការសង្ខេបស្តីពីថវិកាដែលបានស្នើឡើង។ លោកស្រី និយាយថាកោះតៃវ៉ាន់ត្រូវតែបន្តពង្រឹងសមត្ថភាពស្វ័យការពាររបស់ខ្លួន និងបង្ហាញពីការប្តេជ្ញាចិត្តសម្រាប់ស្វ័យការពារ ដើម្បីធានាបានសន្តិសុខ និងផលប្រយោជន៍របស់ខ្លួន និងទទួលបានការគាំទ្រពីអន្តរជាតិបន្ថែមទៀត។ បន្ទុកលើកងកម្លាំងយោធាកោះតៃវ៉ាន់កំពុងកើនឡើង ខណៈពួកគេ រៀបចំយន្តហោះបន្ទាន់ និងមានវិធានការផ្សេងៗក្នុងការឆ្លើយតបចំពោះសម្ពាធដែលចេះតែកើនឡើងពីយោធាចិន។កងកម្លាំងប្រទេសចិនកំពុងបង្កើនសកម្មភាពរួមមានទាំងយន្តហោះ និងនាវា នៅជុំវិញកោះតៃវ៉ាន់។ កាលពីសប្តាហ៍មុនក្រសួងការពារជាតិកោះតៃវ៉ាន់ បាននិយាយថាក្រសួងនឹងបង្កើនការចំណាយរបស់ខ្លួន លើប្រេងឥន្ធនៈនៅឆ្នាំក្រោយប្រមាណ៥០ភាគរយ ពីឆ្នាំ២០២៣៕

ក្រុមមន្ត្រីនិយាយថា យន្តការសហប្រតិបត្តិការក្រុមប្រទេស BRICS បង្ហាញសក្តានុពលអភិវឌ្ឍន៍នៃបណ្តាប្រទេសអាហ្វ្រិក

2023/08/22 12:11:50 pm        216
Facebook Telegram Linkin
អាហ្រ្វិក៖ ក្រុមមន្ត្រីអាហ្រ្វិកសង្កត់ធ្ងន់លើសារៈសំខាន់នៃបណ្តាប្រទេស BRICS ថាជាមហាអំណាចកំពុងរីកចម្រើនដែលជំរុញឲ្យមានឯកភាពពិភពលោក កិច្ចសហប្រតិបត្តិការ និងលទ្ធផលដែលផ្តល់ផលប្រយោជន៍ទៅវិញទៅមក។ ពួកគេគូសបញ្ជាក់ពីឱកាសដែលផ្តល់ដោយក្រុមប្រទេសជាសមាជិក BRICS សម្រាប់ប្រជាជាតិអាហ្រ្វិកដើម្បីទទួលបានអត្ថប្រយោជន៍ពីការវិនិយោគ ការអភិវឌ្ឍន៍ និងជាការបង្ហាញសក្ដានុពលផ្ទាល់ខ្លួនរបស់ពួកគេសម្រាប់កំណើននៅមុនកិច្ចប្រជុំកំពូល BRICS លើកទី១៥ ដែលគ្រោងនឹងធ្វើឡើងពីថ្ងៃអង្គារដល់ថ្ងៃព្រហស្បតិ៍សប្ដាហ៍នេះ នៅទីក្រុង ចូហានណេសស្បើក (Johannesburg) ប្រទេសអាហ្វ្រិកខាងត្បូង។ក្រុមប្រទេស BRICS ដែលមានប្រទេសប្រេស៊ីល រុស្ស៊ី ឥណ្ឌា ចិន និងអាហ្វ្រិកខាងត្បូង តំណាងឲ្យប្រមាណ ៤០ ភាគរយនៃចំនួនប្រជាជនពិភពលោក និងមានចំនួនប្រហែល ២៥ ភាគរយនៃសេដ្ឋកិច្ចពិភពលោក។ភាពរំភើបរីកចំរើនក្នុងទ្វីបអាហ្រ្វិក នៅពេលដែលការចូលរួមរបស់ប្រធានាធិបតីចិន Xi Jinping នៅក្នុងកិច្ចប្រជុំកំពូល BRICS លើកទី ១៥ និងដំណើរទស្សនកិច្ចផ្លូវរដ្ឋរបស់លោកទៅកាន់អាហ្វ្រិកខាងត្បូងត្រូវបានរំពឹងទុកយ៉ាងអន្ទះសារ។  លោក គ្រេហ្គ័ររ៉េ ចាកា (Gregoire Ndjaka) នាយកប្រតិបត្តិនៃសហភាពអាហ្រ្វិកនៃការផ្សាយ (AUB) បានសាទរចំពោះតួនាទីដ៏សំខាន់របស់ប្រទេសចិននៅក្នុងទ្វីបអាហ្រ្វិកថាជាមិត្តពិត និងជាដៃគូសហប្រតិបត្តិការ៕

អាកាសធាតុត្រជាក់នាំមកនូវក្តីសង្ឃឹម ខណៈចំហេះព្រៃនៅកាណាដានៅតែបន្ត

2023/08/22 12:08:09 pm        103
Facebook Telegram Linkin
កូឡំប៊ី៖ រដ្ឋមន្ត្រីប្រចាំខេត្តប្រ៊ីដធីស កូឡំប៊ី លោក David Eby បានប្រាប់សន្និសីទសារព័ត៌មានកាលពីថ្ងៃចន្ទ (២១ សីហា) ថា ចំហេះព្រៃដែលកំពុងវាយលុកខេត្ត ប្រ៊ីដធីស កូឡំប៊ី របស់ប្រទេសកាណាដា កំពុងបង្ហាញសញ្ញាមួយចំនួននៃភាពធូរស្រាល ហើយលក្ខខណ្ឌអាកាសធាតុ នឹងប្រសើរឡើងរហូតដល់ថ្ងៃអង្គារនេះ បើទោះបីជាក្រុមពន្លត់អគិ្គភ័យ នៅតែបន្តទប់ទល់នឹងចំហេះយ៉ាងសន្ធោសន្ធៅក៏ដោយ។មនុស្សជាង៣៥.០០០នាក់ ត្រូវបានបង្ខំចាកចេញពីលំនៅឋានរបស់ពួកគេក្នុងរយៈពេល៤ថ្ងៃកន្លងមកនេះ ខណៈដែលអណ្តាតភ្លើងបានរីករាលដាលនៅក្នុងតំបន់ភាគខាងលិច ដោយបង្ខំឱ្យរដ្ឋាភិបាលសហព័ន្ធដាក់ពង្រាយកងកម្លាំងយោធា។ លោក Eby បានរិះគន់ក្រុមហ៊ុនមេរបស់បណ្ដាញសង្គម Facebook គឺក្រុមហ៊ុន Meta ចំពោះការបិទព័ត៌មាននៅលើវេទិការបស់ខ្លួន ដោយនិយាយថា លំហូរនៃព័ត៌មានទាន់ពេលវេលាមានសារៈសំខាន់ណាស់ចំពោះសុវត្ថិភាពរបស់មនុស្សក្នុងអំឡុងពេលគ្រោះមហន្តរាយធម្មជាតិ។ក្រុមអ្នកព្យាករណ៍បាននិយាយថា ខេត្តប្រ៊ីដធីស កូឡំប៊ី ដែលស្ថិតនៅលើឆ្នេរសមុទ្រប៉ាស៊ីហ្វិករបស់ប្រទេសកាណាដា អាចនឹងមានភ្លៀងធ្លាក់ខ្លះក្នុងសប្តាហ៍នេះ ពីព្យុះត្រូពិច Hilary ដែលបានបោកបក់ទៅលើរដ្ឋកាលីហ្វ័រនីញ៉ា សហរដ្ឋអាមេរិក កាលពីថ្ងៃអាទិត្យ។ផ្ទៃដីប្រហែល១៤០.០០០គីឡូម៉ែត្រក្រឡា (៥៤.០៥៤ម៉ាយល៍ក្រឡា) នៃទំហំប្រហាក់ប្រហែលនឹងរដ្ឋញូវយ៉ក របស់សហរដ្ឋអាមេរិក ត្រូវបានឆាបឆេះទូទាំងប្រទេស ជាមួយនឹងផ្សែងអ័ព្ទដែលហុយឡើងរហូតដល់ឆ្នេរខាងកើតសហរដ្ឋអាមេរិក។ ក្រុមមន្ត្រីរដ្ឋាភិបាលបានព្យាករថា រដូវចំហេះព្រៃអាចអូសបន្លាយដល់រដូវស្លឹកឈើជ្រុះ ដោយសារស្ថានភាពគ្រោះរាំងស្ងួតរីករាលដាលទូទាំងប្រទេស៕

កូរ៉េខាងជើង ប្រាប់ប្រទេសជប៉ុនពីផែនការបាញ់ផ្កាយរណបនៅចុងខែនេះ

2023/08/22 12:03:59 pm        97
Facebook Telegram Linkin
កូរ៉េខាងជើង៖ ក្រុមមន្ត្រីឆ្មាំឆ្នេរប្រទេសជប៉ុន បាននិយាយថា ពួកគេត្រូវបានប្រទេសកូរ៉េខាងជើងជូនដំណឹងពីផែនការបាញ់បង្ហោះនូវអ្វីដែលប្រទេសនេះហៅថា ជាផ្កាយរណបសិប្បនិម្មិតនៅចុងខែនេះ។ តាមសេចក្តីរាយការណ៍ អាជ្ញាធរប្រទេសកូរ៉េខាងជើង ទទួលបន្ទុកការធានាសុវត្ថិភាពពីនាវារបស់ប្រទេស បានប្រាប់ដល់មន្ត្រីឆ្មាំឆ្នេរនៅថ្ងៃអង្គារនេះថាផ្កាយរណបនឹងនឹងត្រូវបាញ់បង្ហោះនៅពេលណាមួយចន្លោះថ្ងៃទី២៤ និង៣១ ខែសីហានេះ។ផ្កាយរណបនេះ នឹងទំនងជាធ្លាក់នៅក្នុងតំបន់មួយក្នុងចំណោមតំបន់ចំនួន៣ ដែលតំបន់ចំនួន២នៅសមុទ្រលឿង ភាគនិរតីប្រទេសកូរ៉េខាងជើង និងមួយទៀតនៅមហាសមុទ្រប៉ាស៊ីហ្វិក ភាគខាងកើតប្រទេសហ្វីលីពីន។ ទាំងអស់នៅនេះសុទ្ធតែនៅខាងក្រៅតំបន់សេដ្ឋកិច្ចផ្តាច់មុខរបស់ប្រទេសជប៉ុន។ មន្ត្រីប្រទេសជប៉ុន កំពុងជំរុញឲ្យនាវាទាំងអស់ដែលកំពុងធ្វើប្រតិបត្តិការនៅលើដែនទឹក ឲ្យមានការប្រុងប្រយ័ត្នសម្រាប់ការធ្លាក់វត្ថុណាមួយ។ ប្រទេសកូរ៉េខាងជើង បានធ្វើការជូនដំណឹងស្រដៀងគ្នានេះដល់ឆ្មាំល្បាតឆ្នេរកាលពីថ្ងៃទី២៩ ខែឧសភា ហើយបានបាញ់នូវអ្វីដែលខ្លួនហៅថាផ្កាយរណបរយៈពេល២ថ្ងៃក្រោយមក។ នាយករដ្ឋមន្ត្រីជប៉ុន លោក Kishida Fumio បានណែនាំដល់ក្រសួង និងទីភ្នាក់ងារពាក់ព័ន្ធទាំងអស់ឲ្យធ្វើការរួមគ្នាដើម្បីប្រមូលនិងវិភាគព័ត៌មាន និងផ្តល់ឲ្យប្រជាជននូវព័ត៌មានក្នុងលក្ខណៈសមស្រប។ លោក Kishida បានណែនាំពួកគេ ឲ្យសហការជាមួយសហរដ្ឋអាមេរិក កូរ៉េខាងត្បូង និងប្រទេសដ៏ទៃទៀត ដែលពាក់ព័ន្ធ ក្នុងការជំរុញខ្លាំងក្លា កុំឲ្យទីក្រុងព្យុងយ៉ាងអនុវត្តការបាញ់បង្ហោះនេះ។ លោកបានប្រាប់ពួកគេឲ្យមានវិធានការចាំបាច់ដើម្បីត្រៀមសម្រាប់ភាពបន្ទាន់៕

ប្រធានាធិបតី Biden ស្ទង់មើលការបំផ្លាញដោយចំហេះព្រៃនៅកោះ Maui

2023/08/22 11:58:17 am        94
Facebook Telegram Linkin
អាមេរិក៖ ប្រធានាធិបតីសហរដ្ឋអាមេរិក លោក Joe Biden បានទៅដល់កោះ Maui កាលពីថ្ងៃចន្ទរយៈពេលជិត២សប្តាហ៍ បន្ទាប់ពីចំហេះព្រៃបានឆេះរាលដាលនៅទូទាំងកោះរបស់រដ្ឋរដ្ឋហាវ៉ៃ និងបានបណ្តាលឲ្យមនុស្ស១១៤នាក់ស្លាប់ ជាដំណើរចុះពិនិត្យរយៈពេលខ្លីនៅកន្លែងដែលលោកនឹងលួងលោមជនរងគ្រោះ និងពិភាក្សាជាមួយអាជ្ញាធរតំបន់។ លោក Biden បានមកដល់ក្នុងទីក្រុង Lahaina ដែលត្រូវបានបំផ្លាញ នៅអំឡុងពេលថ្ងៃត្រង់ បន្ទាប់ពីដំណើរពិនិត្យតាមឧទ្ធម្ភាគចក្រនៅតំបន់ភ្លើងឆេះជាមួយស្ត្រីទី១ លោកស្រី Jill Biden អភិបាលរដ្ឋហាវ៉ៃ លោក Josh Green និងព្រឹទ្ធសភា២រូបរបស់រដ្ឋហាវ៉ៃ ព្រមទាំងអ្នកតំណាងតំបន់ លោកស្រី Jill Tokuda ។ លោក Biden បានជិះយន្តហោះនៅលើទិដ្ឋភាពមានធូលី មានឆេះរោល ពីអាកាសយានដ្ឋាន Kahului និងតាមបណ្តោយឆ្នេរ ហើយបានទៅដល់សហគមន៍ Lahaina ដែលត្រូវបានឆេះបំផ្លាញ។អ្នកឈរមើលជាច្រើន បានស្វាគមន៍លោក Biden ដោយការលើកម្រាមដៃ ជាកាយវិកាមានមេដៃនិងកូនដៃ ដែលបង្ហាញសញ្ញា Aloha មានន័យថា «អ្វីទាំងអស់នឹងល្អប្រសើរ» ឬ «អរគុណ» នៅរដ្ឋហាវ៉ៃ។លោក Biden ដែលកំពុងស្វែងរកការបោះឆ្នោតជាថ្មី នៅឆ្នាំ២០២៤ ត្រូវបានរិះគន់ពីសំណាក់សមាជិកគណបក្សសាធារណៈរដ្ឋមួយចំនួន និងអ្នកដ៏ទៃទៀតសម្រាប់ការឆ្លើយតបដំបូងរបស់លោកចំពោះអគ្គិភ័យនៅកោះ Maui។ លោក Biden បាននិយាយកាលពីថ្ងៃទី១០ ខែសីហា ថា លោកនឹងបន្ថែមជំនួយសហព័ន្ធនៅរដ្ឋហាវ៉ៃ និងបានសន្យាជួយដល់អ្នកដែលត្រូវការជំនួយ៕

អតីតនាយករដ្ឋមន្ត្រីថៃលោក ថាក់ស៊ីន ស៊ីណាវ៉ាត់ បានមកដល់ប្រទេសកំណើតវិញ បន្ទាប់ពីការនិរទេសខ្លួន១៥ឆ្នាំ

2023/08/22 11:55:47 am        101
Facebook Telegram Linkin
ថៃ៖ មហាសេដ្ឋី និងជាអតីតនាយករដ្ឋមន្ត្រីរបស់ប្រទេសថៃ លោក ថាក់ស៊ីន ស៊ីណាវ៉ាត់ បានត្រលប់ទៅដល់ប្រទេសវិញនៅថ្ងៃអង្គារ(២២សីហា)នេះ បន្ទាប់ពីការនិរទេសខ្លួនឯងអស់រយៈពេលជាង១៥ឆ្នាំ។ ឥស្សរជនភៀសខ្លួនរូបនេះ បានរស់នៅក្រៅប្រទេសចាប់តាំងពីលោកត្រូវបានផ្ដួលរំលំនៅក្នុងរដ្ឋប្រហារយោធាក្នុងឆ្នាំ២០០៦មក ខណៈពេលដែលលោកចូលរួមមហាសន្និបាតអង្គការសហប្រជាជាតិ នៅទីក្រុងញូវយ៉ក សហរដ្ឋអាមេរិក។មហាសេដ្ឋីវ័យ៧៤ឆ្នាំរូបនេះ បាននិយាយជាយូរមកហើយថា រូបលោកចង់វិលត្រឡប់ទៅប្រទេសកំណើតវិញ ប៉ុន្តែនឹងត្រូវប្រឈមមុខនឹងការជាប់ពន្ធនាគាររហូតដល់១០ឆ្នាំ លើការចោទប្រកាន់ជាច្រើនពីអំពើពុករលួយ និងការរំលោភអំណាច។ លោកថា ករណីចោទប្រកាន់ទាំងនេះ មានហេតុផលនយោបាយនៅពីក្រោយ។ ពេលវេលានៃការមកដល់របស់លោក គឺត្រឹមតែប៉ុន្មានម៉ោងមុនពេលសមាជិកសភា ត្រូវកំណត់ដើម្បីបោះឆ្នោតជ្រើសរើសនាយករដ្ឋមន្ត្រីថ្មី ហើយការវិលត្រឡប់របស់លោកនេះ ជាពេលវេលាដ៏សំខាន់នៅក្នុងនយោបាយថៃ។លោកស្រី Aim Sinpeng សាស្ត្រាចារ្យជាន់ខ្ពស់ផ្នែកនយោបាយប្រៀបធៀបនៅសកលវិទ្យាល័យ ស៊ីដនី បាននិយាយថា «ខ្ញុំគិតថា ដំណើរវិលត្រឡប់មកវិញរបស់លោក ថាក់ស៊ីន នឹងក្លាយជាទំព័រប្រវត្តិសាស្ត្រដ៏សំខាន់មួយនៅក្នុងប្រទេសថៃ»៕

ទឹកជំនន់ និងកម្ទេចកម្ទី ធ្វើឲ្យប៉ះពាល់ដល់ផ្លូវថ្នល់ នៅម៉ិចស៊ិកបន្ទាប់ពីព្យុះ Hilary

2023/08/22 11:52:57 am        90
Facebook Telegram Linkin
ម៉ិចស៊ិក៖ ព្យុះត្រូពិក Hilary បានវាយបក់បណ្តាលឲ្យមានទឹកជំនន់ខ្លាំងភ្លាមៗ នៅទូទាំងឧបទ្វិប Baja California ប្រទេសម៉ិចស៊ិក បណ្តាលឲ្យមានភាពចលាចលចំពោះយានយន្ត និងការកាត់ផ្តាច់ទឹក និងអគ្គិសនីកាលពីថ្ងៃអាទិត្យនិងថ្ងៃចន្ទ។នៅទីក្រុងឆ្នេរ Rosarito យានយន្តយ៉ាងហោចណាស់៧គ្រឿង បានជាប់ក្នុងទឹកជំនន់កំពុងហូរបង្កឡើងដោយភ្លៀងធ្លាក់ខ្លាំង។ គ្រប់អ្នកដំណើររទាំងអស់ត្រូវបានជួយសង្គ្រោះដោយគ្មានរងរបួសធ្ងន់ធ្ងរឡើយ។ នៅទីក្រុង Mexicali រដ្ឋធានី Baja California ខ្យល់បក់ខ្លាំង បានបណ្តាលឲ្យផ្ទាំងប្រកាស កាប៊ីនភ្លើង និងបង្គោលភ្លើងបាក់រលំ បណ្តាលឲ្យដាច់ចរន្តអគ្គិសនី និងដាច់ទឹក។ព្យុះ បានឈានដល់កម្រិតព្យុះកួចខ្លាំងនៅប្រទេសម៉ិចស៊ិក និងបានបណ្តាលឲ្យមនុស្សយ៉ាងហោចណាស់ម្នាក់ស្លាប់ ហើយបានបក់ឆ្ពោះទៅទិសខាងជើង ដោយបន្តបំផ្លាញនៅក្នុងសហរដ្ឋអាមេរិក។ មជ្ឈមណ្ឌលទប់ទល់ព្យុះកំណាចជាតិ បាននិយាយថា សំណល់ពីព្យុះ Hilary ត្រូវបានគេរំពឹងថា នឹងមានភ្លៀងធ្លាក់ខ្លាំងនៅតំបន់ Nevada និង Utah និងចូលទៅភាគពាយព្យ ជាកន្លែងដែលមនុស្សជាង៤លាននាក់ នៅតែស្ថិតនៅក្រោមការគំរាមកំហែងពីទឹកជំនន់រហូតដល់យប់ថ្ងៃចន្ទ៕

លោក Zelenskyy ជឿជាក់ថា មានយន្តហោះ F-16 រុស្ស៊ីនឹងចាញ់សង្គ្រាម

2023/08/22 11:50:28 am        129
Facebook Telegram Linkin
អ៊ុយក្រែន៖ ប្រធានាធិបតីអ៊ុយក្រែន លោក Volodymyr Zelenskiy បាននិយាយកាលពីថ្ងៃចន្ទថា ការផ្តល់ឲ្យតាមសន្យា នូវយន្តហោះប្រយុទ្ធ F-16 ធ្វើឲ្យលោកជឿជាក់ថាអ៊ុយក្រែននឹងធ្វើឲ្យរុស្ស៊ីបរាជ័យ។ មនុស្សរាប់ពាន់នាក់បានមកប្រមូលផ្តុំគ្នានៅខាងក្រៅសភា ក្នុងទីក្រុង Copenhagen ( កូប៉េនហាក) ប្រទេសដាណឺម៉ាក ដើម្បីស្តាប់លោកនិយាយ។ លោកនិយាយថា មិត្តជាទីស្រលាញ់ ថ្ងៃនេះយើងជឿជាក់ថា រុស្ស៊ីនឹងចាញ់សង្គ្រាមនេះ។ប្រទេសដាណឺម៉ាក និងហូឡង់ បានប្រកាសកាលពីថ្ងៃអាទិត្យថា ពួកគេនឹងផ្គត់ផ្គង់យន្តហោះ F-16 ផលិតនៅអាមេរិក ជាលើកដំបូងទៅឲ្យអ៊ុយក្រែន បន្ទាប់ពីទីក្រុងវ៉ាស៊ីនតោន បានផ្តល់ការអនុញ្ញាតរបស់ខ្លួន។ យន្តហោះ៦គ្រឿងដំបូង ត្រូវបានកំណត់ពេលដឹកជញ្ជូនអំឡុងចូលឆ្នាំថ្មី។ រឿងដែលសំខាន់ គឺជាអ្វីដែលយើងត្រូវបង្ហាញជាមួយជោគជ័យរបស់យើង តាមរយៈកិច្ចសហប្រតិបត្តិការរបស់យើង អ្វីដែលអ្នកបង្ហាញ កំពុងគាំទ្រអ៊ុយក្រែន។ រួមគ្នា យើងបង្ហាញថា ជីវិតមានតម្លៃ នោះជាបញ្ហារបស់ប្រជាជន បញ្ហាសេរីភាព និងបញ្ហារបស់សហភាពអឺរ៉ុប។ រុស្ស៊ីបានព្រមានថា ការផ្គត់ផ្គង់យន្តហោះទៅឲ្យអ៊ុយក្រែន នឹងធ្វើឲ្យសង្គ្រាម ដែលបានអូសបន្លាយរយៈពេល១ឆ្នាំកន្លះមកនេះ កាន់តែរីកធំឡើង។  កងកម្លាំងទ័ពអាកាសអ៊ុយក្រែន និយាយថា យន្តហោះ មានសារៈសំខាន់ចំពោះជោគជ័យនៃការវាយបក ដែលរហូតមកដល់ពេលនេះមានសភាពយឺតយ៉ាវ ព្រោះតែខ្លួនទប់ស្កាត់យន្តហោះប្រយុទ្ធរុស្ស៊ីដែលវាយប្រហារលើកងកម្លាំងរុលទៅមុខ។ ប្រទេសដាណឺម៉ាក នឹងផ្តល់យន្តហោះសរុប១៩គ្រឿង ហើយប្រទេសហូឡង់ មានយន្តហោះហោះF-16 ចំនួន៤២គ្រឿង ប៉ុន្តែនៅមិនទាន់សម្រេចនៅឡើយថាតើត្រូវផ្តល់ឲ្យទាំអស់ឬយ៉ាងណា។ ប្រធានាធិបតីអ៊ុយក្រែន និយាយកាលពីថ្ងៃចន្ទថា ប្រទេសក្រិក នឹងជួយបណ្តុះបណ្តាលអកាសយានិកកងកម្លាំងទ័ពអាកាសអ៊ុយក្រែន ្យចេះប្រើប្រាស់យន្តហោះ F-16 ៕

ចៅហ្វាយក្រុមទាហានស៊ីឈ្នួលWagner លោកPrigozhin អះអាងថា លោកកំពុងនៅអាហ្វ្រិក ដោយសន្យាថា នឹងធ្វើឲ្យប្រទេសរុស្ស៊ី កាន់តែអស្ចារ្យនៅគ្រប់ទ្វីប

2023/08/22 11:46:53 am        111
Facebook Telegram Linkin
អាហ្វ្រិក៖ ប្រមុខក្រុមទាហានស៊ីឈ្នួលWagner និងជាឧក្រិដ្ឋជនសង្គ្រាម លោក យ៉េហ្គេនី ព្រីហ្គោហ្ស៊ីន (Yevgeny Prigozhin) បានអះអាងថា លោកស្ថិតនៅក្នុងទ្វីបអាហ្រ្វិក នៅក្នុងវីដេអូដែលបានចែករំលែក នៅថ្ងៃទី ២១ ខែសីហា តាមរយៈបណ្តាញ Telegram ឈ្មោះ Razgruzka Vagnera ដែលមានទំនាក់ទំនងនឹងក្រុមទាហានស៊ីឈ្នួលនេះ។នៅក្នុងវីដេអូនោះ លោកព្រីហ្គោហ្ស៊ីន ស្លៀកពាក់ខោអាវទាហាន ឈរនៅពីមុខដីវាលខ្សាច់ ដែលលោក អះអាងថា ស្ថិតនៅក្នុងទ្វីបអាហ្វ្រិក ដោយមានទាហានមួយចំនួនតូច នៅពីក្រោយលោក។លោកបាននិយាយនៅក្នុងវីដេអូនោះថា ក្រុមWagner ធ្វើប្រតិបត្តិការឈ្លបយកការណ៍ និងស្វែងរក ដើម្បីធ្វើឲ្យប្រទេសរុស្ស៊ីកាន់តែអស្ចារ្យនៅលើទ្វីបទាំងអស់ និងអាហ្វ្រិក កាន់តែមានសេរីភាព យុត្តិធម៌ និងសុភមង្គលសម្រាប់ប្រជាជនអាហ្រ្វិក។ សុបិនអាក្រក់ នឹងកើតឡើងសម្រាប់ក្រុមISIS អាល់កៃដា(Al-Qaida) និងក្រុមជនអន្ធពាលផ្សេងទៀត។ បន្ថែមពីលើការប្រយុទ្ធគ្នាជាមួយកងទ័ពរុស្ស៊ីដ៏ទៀងទាត់នៅអ៊ុយក្រែន មុនពេលមានការបះបោររយៈពេលខ្លីប្រឆាំងនឹងវិមានក្រឹមឡាំង ក្នុងខែមិថុនា ក្រុម Wagner ត្រូវបានចោទប្រកាន់ពីបទរំលោភសិទ្ធិមនុស្ស រួមទាំងការធ្វើទារុណកម្ម និងការសម្លាប់មនុស្សនៅក្រៅប្រព័ន្ធច្បាប់ នៅក្នុងប្រទេសម៉ាលី រួមជាមួយកងទ័ពម៉ាលីដែលកំពុងប្រយុទ្ធនឹងពួកជីហាដ ក៏ដូចជានៅប្រទេសស៊ីរី លីប៊ី សាធារណរដ្ឋអាហ្វ្រិកកណ្តាល ស៊ូដង់ និងម៉ូសំប៊ិក៕

បណ្ដាញសង្គម

ព័ត៌មានថ្មីៗ

សារព័ត៌មាន Observer៖ នាយករដ្ឋមន្ត្រីអង់គ្លេស Starmer ត្រូវគេរំពឹងថានឹងលាលែង​ពីតំណែង​នៅថ្ងៃចន្ទស្អែកនេះ
06/21/2026 10:06 AM
Facebook Telegram Linkin
រដ្ឋមន្រ្តីសុខាភិបាល ចុះពិនិត្យការបម្រើសេវា នៅមណ្ឌលសុខភាពក្បាលត្រាច ខេត្តក្រចេះ
06/21/2026 10:06 AM
Facebook Telegram Linkin
កិច្ចចរចារវាងអាមេរិក និងអ៊ីរ៉ង់នឹងចាប់ផ្តើមនៅស្វីស ខណៈទីក្រុងតេអេរ៉ង់ថា ខ្លួនបានបិទច្រកសមុទ្រហ័រមូស
06/21/2026 10:06 AM
Facebook Telegram Linkin
ក្រសួងការងារ៖ ខេត្ត ៤ នៅភូមិភាគឦសាន្ត​មាន​ឱកាស​ការ​ងារជិត ៥ពាន់​កន្លែង កំពុង​រង់​ចាំ​អតីត​ពល​ករ​ត្រឡប់​មក​ពី​ថៃ និងអ្នក​កំពុង​ស្វែ​ងរក​ការ​ងារ​ធ្វើ
06/21/2026 10:06 AM
Facebook Telegram Linkin
ក្រសួងព័ត៌មាន ណែនាំមន្ត្រីព័ត៌មានខេត្តព្រះវិហារឱ្យយកចិត្តទុកដាក់ខ្ពស់លើការងារតាមដានសភាពការណ៍ព្រំដែន និងសាធារណមតិ
06/21/2026 09:06 AM
Facebook Telegram Linkin
សម្ដេចធិបតី ហ៊ុន ម៉ាណែត សម្រេច​ដំឡើង​ភាគ​លាភ​សម្រាប់​ផ្តល់​ជូន​​សហគមន៍​អ្នក​រត់​កាណូត​ទេសចរណ៍​ចុងឃ្នៀស ដើម្បីជួយសម្រាលបន្ទុក និងបង្កើនចំណូល
06/21/2026 08:06 AM
Facebook Telegram Linkin
ឯកឧត្តម គីម សុផារុន អញ្ជើញដឹកនាំប្រជុំបច្ចេកទេសនៃគណៈកម្មការការងារលើកទី៧ VECONAC តាមប្រព័ន្ធវីដេអូ
06/20/2026 06:06 PM
Facebook Telegram Linkin
បង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams ៣ទីតាំង​ នៅ​ក្រុង​បាវិត ឃាត់ខ្លួជនបរទេស៣២នាក់
06/20/2026 06:06 PM
Facebook Telegram Linkin
មន្ត្រីជំនាញ៖ ឧក្រិដ្ឋជនប្រើប្រាស់ប្រព័ន្ធអនឡាញធ្វើជាឧបករណ៍ឆបោក លួចទិន្នន័យ បង្កវិនាសកម្មផ្នែកសេដ្ឋកិច្ច
06/20/2026 06:06 PM
Facebook Telegram Linkin
ប្រធានក្រុមការងារចុះមូលដ្ឋាន៖ គណបក្សប្រជាជនប្រកាន់ខ្ជាប់នូវឧត្តមគតិស្នេហាជាតិ និងការអភិវឌ្ឍ
06/20/2026 06:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.