នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
អតីតសកម្មជនគណបក្សប្រឆាំងចំនួន ៨៧នាក់ ចូលរួមជីវភាព​នយោបាយ​ជាមួយ​គណបក្ស​ប្រជាជន​កម្ពុជា នៅក្នុងស្រុកស្អាង និងស្រុកកោះធំ
ក្រុមការងារគណបក្សចុះមូលដ្ឋានស្រុកលើកដែកណែនាំយុវជនរក្សាជាកម្លាំងសាមគ្គី
ប្រធានក្រុមការងារចុះមូលដ្ឋាន៖ បក្សប្រជាជនប្រកាន់ខ្ជាប់នូវឧត្តមគតិស្នេហាជាតិ និងការអភិវឌ្ឍ
សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

នយោបាយ​ និង ការអភិវឌ្ឍន៍

មូលនិធិជាតិជំនួយសង្គម នឹងដាក់ឱ្យអនុវត្តកម្មវិធីជំនួយសង្គមថ្មីៗ នៅឆ្នាំ២០២៤

2023/08/16 01:30:18 pm        207
Facebook Telegram Linkin
ភ្នំពេញ៖ មន្រ្តីជាន់ខ្ពស់នៃមូលនិធិជាតិជំនួយសង្គម បានលើកឡើងថា កម្មវិធីជំនួយសង្គមមួយចំនួន នឹងត្រូវបញ្ចប់ ​ហើយកម្មវិធីជំនួយសង្គមថ្មីៗ ​នឹងចាប់ផ្តើមអនុវត្តនៅឆ្នាំ២០២៤​ ដើម្បីឆ្លើយតប និងជួយទ្រទ្រង់ជីវភាពជនងាយរងគ្រោះ។ ឯកឧត្តម សំហេង បុរស ប្រធានក្រុមប្រឹក្សាភិបាលមូលនិធិជាតិជំនួយសង្គម បានលើកឡើង​ក្នុង​វគ្គបណ្ដុះបណ្ដលដល់មន្រ្តីនៅថ្ងៃទី១៦ ​ខែសីហានេះថា ​ការអនុវត្តកម្មវិធីជំនួយសង្គមមួយចំនួន នឹងត្រូវបញ្ចប់​នៅឆ្នាំ ២០២៤ខាងមុខនេះ ដោយជំនួសដោយការដាក់​ចេញអនុវត្តកម្មវិធីជំនួយ​សង្គមថ្មី ​ដើម្បីជួយទ្រទ្រង់ជីវភាពជនងាយរងគ្រោះវិញផងដែរ។ កម្មវិធីដែលគ្រោងអនុវត្តឆ្នាំ ២០២៤ គឺសំដៅលើកម្មវិធី​កញ្ចប់​គ្រួសារ និងកម្មវិធី​ឧបត្ថម្ភ​សាច់​ប្រាក់​ជូន​យុវជនក្រីក្រប្រមាណ ១,៥លាននាក់ ដែលសម្ដេចនាយករដ្ឋមន្រ្តី បានលើកឡើងពីការផ្ដល់ជូន ការ​បណ្ដុះបណ្ដាលវិជ្ជាជីវៈ។មូលនិធិជាតិជំនួយសង្គម ជាស្ថាប័នថ្មីទើបបង្កើតឡើង ដែលមានភារកិច្ចពិសេសក្នុងការ​អនុវត្តកម្មវិធី​ជំនួយសង្គមនានា ​ក៏ដូចជាការបើកផ្ដល់ប្រាក់សោធនជូនមន្រ្តីរាជការស៊ីវិលចូលនិវត្ត ក៏ដូចជា​អតីតយុទ្ធជនទូទាំងប្រទេស។ កម្មវិធីជំនួយសង្គម ដែលបាននឹងកំពុងអនុវត្តនាពេលនេះ គឺមានដូចជា​ កម្មវិធីឧបត្ថម្ភសាច់ប្រាក់ជូនស្រ្តីមានផ្ទៃពោះ ​និង​កុមារ​អាយុ​ក្រោម​ពីរឆ្នាំ ​ជា​កម្មវិធីអចិន្ត្រៃយ៍​ កម្មវិធីឧបត្ថម្ភសាច់ប្រាក់ជូនគ្រួសារក្រីក្រ ​និងងាយរងគ្រោះកំឡុងពេល​ប្រយុទ្ធប្រឆាំង​ជំងឺកូវីដ-១៩ ​ជាកម្មវិធីមិនអចិន្ត្រៃយ៍៕ អត្ថបទ៖ គឹមហុក 

គណៈមេធាវី ប្ដេជ្ញាជំរុញការងារការពារក្ដីជូនពលរដ្ឋក្រីក្រជាមួយរដ្ឋាភិបាលក្នុងអាណត្តិទី៧នេះ

2023/08/16 01:24:37 pm        178
Facebook Telegram Linkin
ភ្នំពេញ៖ គណៈមេធាវីនៃព្រះរាជាណាចក្រកម្ពុជា បានប្រកាសប្ដេជ្ញាសហការ​ជាមួយរាជ​រដ្ឋា​ភិបាលថ្មី​ក្នុងអាណត្តិទី៧នេះ ​ដើម្បីជំរុញការងារការពារក្ដីជូន​ប្រជាពលរដ្ឋក្រីក្រ ដែលមាន​តម្រូវការមេធាវីការពារក្ដីនៅទូទាំង​ប្រទេសកម្ពុជា ​ខណៈគិតចាប់ពីខែមករាដល់ថ្ងៃទី ១៦​ ខែសីហា ឆ្នាំ២០២៣នេះ​ ក្រោមគម្រោងជំនួយរបស់រាជរដ្ឋាភិបាល គណៈមេធាវីបានការពារក្ដីជូន​ជនក្រីក្របានជាង ៣៧០០ករណី។ លោកមេធាវី គឹម រ័ត្នណារុង ប្រធាននាយកដ្ឋានការពារក្តីជូនជនក្រីក្រនៃគណៈមេធាវី​នៃព្រះរាជា​ណា​ចក្រ​កម្ពុជា បានថ្លែងប្រាប់ BTV នាថ្ងៃទី១៦ ខែសីហា ឆ្នាំ ​២០២៣នេះថា ​គណៈមេធាវី ក្រោមការដឹកនាំ​ដោយឯកឧត្ដម លី ច័ន្ទតុលា ​ប្រធានគណៈមេធាវីនៃព្រះរាជាណាចក្រកម្ពុជា បានដាក់​ចេញនូវយន្តការការពារក្ដីជូនជនក្រីក្រនៅទូទាំងប្រទេសកម្ពុជា​ដោយក្នុងនោះ​មាន​មេធាវីស្ម័គ្រ​ចិត្តជាង ៥០០ នាក់បានស្ម័គ្រចិត្តចូលរួមការពារក្ដីជូនប្រជាពលរដ្ឋនៅទូទាំង​ប្រទេសកម្ពុជា។ លោកមេធាវី គឹម រ័ត្នណារុង បានថ្លែងអបអរសាទរចំពោះឯកឧត្ដមកិត្តិទេសាភិបាលបណ្ឌិត ហ៊ុន ម៉ាណែត ដែលព្រះមហាក្សត្រ ​ចេញព្រះរាជក្រឹត្យចាត់តាំងជានាយករដ្ឋមន្រ្ដីនៃព្រះរាជាណាចក្រ​កម្ពុជា។ លោកបន្តថា ​គណៈមេធាវីប្ដេជ្ញាសហការជាមួយរដ្ឋាភិបាលក្នុងជំរុញការងារការពារក្ដី​ជូន​ប្រជាពលរដ្ឋក្រីក្រឱ្យកាន់តែមានប្រសិទ្ធភាពបន្ថែមទៀតក្នុងអាណត្តិទី៧នេះ។សូមជម្រាបថា តាមរយៈគម្រោងការពារក្ដីជូនជនក្រីក្ររបស់រាជរដ្ឋាភិបាលគិត​ចាប់ពីខែមករា ដល់​ថ្ងៃទី ១៦ ​ខែសីហា ឆ្នាំ២០២៣នេះ ​គណៈមេធាវី​បានការពារក្ដីជូន​ជនក្រីក្រ​បានជាង ៣៧០០ ករណី៕អត្ថបទ៖ វ៉ន ដារ៉ា

ក្រសួងអប់រំ បើកការប្រកួតប្រជែងភាពច្នៃប្រឌិត លើការរចនាផលិតផល ​មេកាត្រ​និចកម្រិត​មធ្យមសិក្សា

2023/08/16 01:06:10 pm        670
Facebook Telegram Linkin
ភ្នំពេញ៖ មូលនិធិការស្រាវជ្រាវ គំនិតច្នៃប្រឌិត និងនវានុវត្តន៍​ នៃក្រសួងអប់រំ​ យុវជន​ និងកីឡា ដោយមានកិច្ចសហការជាមួយ ​អង្គការស្ទែមកម្ពុជា ​នឹងរៀបចំព្រឹត្តិការណ៍ប្រកួតប្រជែង "ភាពច្នៃប្រឌិតលើការរចនាផលិតផលមេកាត្រូនិចកម្រិតមធ្យមសិក្សា”។ព្រឹត្តិការណ៍ប្រកួតប្រជែង "ភាពច្នៃប្រឌិតលើការរចនាផលិតផលមេកាត្រូនិចកម្រិតមធ្យមសិក្សា” នេះផ្ដល់​ឱកាសដល់សិស្សានុសិស្សសិក្សានៅគ្រឹះស្ថានមធ្យមសិក្សាសាធារណៈ និងឯកជន​ទាំងអស់ អាចបញ្ចេញស្នាដៃ​ និងសមត្ថភាព ​ឬភាពប៉ិនប្រសប់របស់ខ្លួនជាសាធារណៈ។ ការរចនាផលិតផលមេកាត្រូនិច ត្រូវផ្សាភ្ជាប់ប្រធានបទណាមួយដែលទាក់ទង​នឹងការជួយ​ដល់​ការរស់នៅប្រចាំថ្ងៃ ឬអាចជួយដល់សង្គម។ការប្រកួតប្រជែង បើកឱកាសឱ្យសិស្សានុសិស្សអាចចូលរួមជាក្រុម​ដែលមានសមាជិកយ៉ាងច្រើន​ចំនួន៥នាក់។​ការប្រកួតមួយនេះ ​ក៏ជាវេទិកាដែលអាចឱ្យសិស្សានុសិស្សបង្ហាញអំពីភាពវៃឆ្លាត (ingenuity) ​ភាពច្នៃប្រឌិត (creativity) គុណប្រយោជន៍សំរាប់ប្រើប្រាស់​ (utility) រូបរាង សណ្ឋាន ឬទម្រង់ (form) និងការបង្កើតមុខងារ (Function)។ក្រុមសិស្សានុសិស្សដែលជាជ័យលាភីនឹង​ទទួល​បានថវិកា​គាំទ្រ​សម្រាប់ផលិតស្នាដៃការរចនា​ផលិត​ផល​មេកាត្រូនិច​ ព្រមទាំងថវិកាលើកទឹកចិត្តក៏ដូចជា​ទទួលបានការផ្សព្វផ្សាយ និង​ការតាំងបង្ហាញជាសាធារណៈផងដែរ។នីតិវិធីនៃការប្រកួតប្រជែងការឌីហ្សាញផលិតផលមេកាត្រនិច ​នឹងប្រព្រឹត្តិទៅជា ​៧ ដំណាក់កាល។ដំណាក់កាលទី ១ ​សិស្សានុសិស្សត្រូវធ្វើការចុះឈ្មោះ ​និងសរសេរពិព័ណ៌នាសង្ខេបពីគម្រោងរបស់ខ្លួនចាប់​ពីថ្ងៃបើកការប្រកួតជាផ្លូវការរហូតដល់ថ្ងៃទី​ ២៧ ខែសីហា ឆ្នាំ២០២៣។ដំណាក់កាលទី២ ​ការប្រកាសលទ្ធផលលើអ្នកឈ្នះចំនួន ៣០ក្រុម នៅថ្ងៃទី១ ខែកញ្ញា ឆ្នាំ២០២៣។ដំណាក់កាលទី ៣ ក្រុមសិស្សានុសិស្សដែលត្រូវបានជ្រើសរើសពីដំណាក់កាលទី២​ នឹងទទួលបានកញ្ចប់ថវិកា ​និងមានរយៈពេល ៣ សប្តាហ៍ដើម្បីរៀបចំវត្ថុគំរូតាមរយៈការធ្វើវីដេអូសម្រាប់គណៈកម្មការវាយតម្លៃនៅថ្ងៃទី ៨ ​ខែកញ្ញា ​ដល់ថ្ងៃទី​ ១ ខែតុលា ​ឆ្នាំ២០២៣។ ​ដំណាក់កាលទី ៤ ការប្រកាសលទ្ធផលលើអ្នកឈ្នះចំនួន ៥ -១០ ក្រុម នៅថ្ងៃទី៩ ខែតុលា ឆ្នាំ២០២៣ ។ដំណាក់កាលទី ៥ ក្រុមសិស្សានុសិស្សដែលបានជាប់ពីដំណាក់កាលទី៤ ​នឹងទទួល​បានការ​បណ្តុះ​បណ្តាល​បន្ថែមពីអ្នកជំនាញ ​និង​ទទួល​បាន​កញ្ចប់​ថវិកា​បន្ថែម ​ដំណាក់​កាលទី ៦ ​ការធ្វើវេទិកា​សាធារណៈ និងប្រកាសលទ្ធផល​នៃក្រុមជ័យលាភីនៅថ្ងៃទី ២៣ ខែតុលា ឆ្នាំ២០២៣។ដំណាក់កាលទី៧ ក្រុមទទួលបានជ័យលាភីចំនួន៣អាចត្រៀមខ្លួន ដើម្បីចូលរួមព្រឹត្តិការណ៍"បំណងប្រាថ្នា ”។ដូច្នេះសិស្សានុសិស្សដែលមានចំណាប់អារម្មណ៍​ចំពោះកម្មវិធីប្រកួតខាងលើ​អាចធ្វើការចុះ​ឈ្មោះតាម​រយៈតំណភ្ជាប់ https://shorturl.at/frxOW ​ចាប់ពីថ្ងៃនេះរហូតដល់ថ្ងៃទី ​២៧ ខែសីហា ឆ្នាំ២០២៣។​បើសិស្សានុសិស្សមានចម្ងល់ឬមានបំណងចង់សាកសួរព័ត៌មានបន្ថែមទាក់ទងទៅនឹងនីតិវិធីនិង ដំណើរ​ការនៃព្រឹត្តិការណ៍​ សិស្សានុសិស្សអាចធ្វើការទាក់ទងដោយផ្ទាល់តាមរយៈតេឡេក្រាមលេខ ០១៤៣៨១ ២៧១ ។ អត្ថបទ៖ គឹមហុក

ប្រទេសអ៊ីរ៉ង់កាត់ទោសផលិតករភាពយន្តជុំវិញខ្សែភាពយន្តដែលត្រូវជ្រើសរើសដោយទីក្រុងCannes

2023/08/16 12:37:55 pm        175
Facebook Telegram Linkin
អ៊ីរ៉ង់៖ ប្រព័ន្ធផ្សព្វផ្សាយក្នុងស្រុក បានរាយការណ៍កាលពីថ្ងៃអង្គារថា តុលាការមួយនៅក្នុងប្រទេសអ៊ីរ៉ង់ បានកាត់ទោសអ្នកដឹកនាំភាពយន្តដ៏ល្បីល្បាញ លោក Saeed Roustaee ឲ្យជាប់ពន្ធនាគាររយៈពេល ៦ខែជុំវិញ ការចាក់បញ្ចាំងខ្សែភាពយន្តរបស់គាត់គឺរឿង «Leila's Brothers» នៅមហោស្រពភាពយន្តCannes កាលពីឆ្នាំមុន។រឿង «Leila's Brothers»ដែលជារឿងនិទានដ៏សម្បូរបែបនិងស្មុគស្មាញនៃគ្រួសារមួយ ដែលកំពុងតស៊ូជាមួយនឹងការលំបាកផ្នែកសេដ្ឋកិច្ចនៅក្នុងទីក្រុងតេអេរ៉ង់ ត្រូវបានហាមឃាត់នៅក្នុងប្រទេសអ៊ីរ៉ង់ ចាប់តាំងពីការចេញផ្សាយរបស់ខ្លួន កាលពីឆ្នាំមុន។ខ្សែភាពយន្តនេះ បានប្រកួតប្រជែងដណ្តើមពានរង្វាន់ Palme d'Or នៅមហោស្រពCannes កាលពីឆ្នាំមុន។ វាបានខកខានមិនបានទទួលពានរង្វាន់កំពូល ប៉ុន្តែបានឈ្នះពានរង្វាន់របស់សហព័ន្ធអន្តរជាតិនៃអ្នករិះគន់ភាពយន្ត (FIPRESCI)។កាលពីថ្ងៃអង្គារ សារព័ត៌មានអ្នកកំណែទម្រង់ Etemad ប្រចាំថ្ងៃ បាននិយាយថា លោក Roustaee រួមជាមួយនឹងផលិតករភាពយន្ត លោក Javad Noruzbegi ត្រូវបានកាត់ទោសឲ្យជាប់ពន្ធនាគាររយៈពេល៦ខែ សម្រាប់ការបញ្ចាំងភាពយន្តនៅមហោស្រពភាពយន្តCannes។

ប្រទេសអ៊ុយក្រែនបានប្រើយានដ្រូនពិសោធន៍វាយប្រហារលើស្ពានរបស់រុស្ស៊ី

2023/08/16 12:19:01 pm        153
Facebook Telegram Linkin
អ៊ុយក្រែន៖ សេវាកម្មសន្តិសុខអ៊ុយក្រែន (SBU) បានចេញផ្សាយវីដេអូផ្តាច់មុខដល់សារព័ត៌មានCNN ដែលបង្ហាញពីពេលវេលា នៅក្នុងខែកក្កដា នៅពេលដែលពួកគេ បានប្រើយានដ្រូនសមុទ្រពិសោធន៍ ដើម្បីវាយប្រហារស្ពានរបស់រុស្ស៊ី ទៅកាន់តំបន់គ្រីម៉េដែលបានដាក់បញ្ចូលក្នុងឧបសម្ព័ន្ធរបស់ក្រុងមូស្គូ ដោយផ្តល់ព័ត៌មានលម្អិតថ្មីអំពីការវាយប្រហារ និងការព្រមានថានឹងមានការវាយប្រហារបន្ថែមទៀត។នេះគឺជាលើកទីមួយហើយដែលSBUបានប្រកាសទទួលខុសត្រូវដោយបើកចំហចំពោះប្រតិបត្តិការនេះ។ការវាយប្រហារកាលពីថ្ងៃទី១៧ ខែកក្កដា បានបណ្តាលឲ្យខូចខាតដល់គន្លងផ្លូវនៃស្ពាននោះ ហើយយោងទៅតាមក្រុមមន្រ្តីរុស្ស៊ី បានបណ្តាលឲ្យជនស៊ីវិលពីរនាក់ស្លាប់។ វាគឺជាការវាយប្រហារលើកទីពីរលើផ្លូវឆ្លងកាត់ដ៏សំខាន់ ហើយបានបង្ហាញពីការលំបាកក្នុងការការពារបណ្តាញតភ្ជាប់ឯករាជ្យតែមួយគត់របស់រុស្ស៊ីទៅកាន់ឧបទ្វីបនេះ។ស្ពាននេះ ត្រូវបានបើកដោយមានពិធីដ៏អធឹកអធមរបស់លោកប្រធានាធិបតីរុស្ស៊ី វ្ល៉ាឌីមៀ ពូទីន ក្នុងឆ្នាំ ២០១៨ ហើយជានិមិត្តរូបនៃបំណងប្រាថ្នារបស់លោកក្នុងការកាន់កាប់អ៊ុយក្រែន និងភ្ជាប់វាជាមួយប្រទេសរុស្ស៊ីជារៀងរហូត។ វាក៏ជាបណ្តាញផ្គត់ផ្គង់ដ៏សំខាន់សម្រាប់ប្រតិបត្តិការយោធារបស់រុស្ស៊ីនៅគ្រីម៉េផងដែរ៕

ប្រទេសចិនចង់ពង្រឹងទំនាក់ទំនងការពារជាតិជាមួយអ៊ីរ៉ង់ និងបេឡារុស

2023/08/16 12:16:39 pm        227
Facebook Telegram Linkin
ចិន៖ រដ្ឋមន្ត្រីការពារជាតិចិន លោក លី សាងហ្វី (Li Shangfu) បាននិយាយកាលពីថ្ងៃអង្គារថា ទីក្រុងប៉េកាំងបានប្តេជ្ញាចិត្តក្នុងការធ្វើឲ្យស៊ីជម្រៅនូវកិច្ចសហប្រតិបត្តិការការពារជាតិរបស់ខ្លួនជាមួយប្រទេសអ៊ីរ៉ង់ និងបេឡារុស ជាសម្ព័ន្ធមិត្តរុស្ស៊ីទាំងពីរ ដែលកំពុងដើរតួនាទីយ៉ាងសំខាន់ក្នុងការជួយដល់កិច្ចខិតខំប្រឹងប្រែងរបស់វិមានក្រឹមឡាំងនៅអ៊ុយក្រែន។ការអធិប្បាយនេះ ត្រូវបានធ្វើឡើងក្នុងអំឡុងពេលសន្និសីទក្រុងមូស្គូស្តីពីសន្តិសុខអន្តរជាតិ ដែលបានកើតឡើងភ្លាមៗ បន្ទាប់ពីសារព័ត៌មាន Semafor បានរាយការណ៍ថា ទីក្រុងតេអេរ៉ង់ កំពុងរៀបចំសាងសង់រោងចក្រផលិតយានដ្រូនៅក្នុងប្រទេសបេឡារុស ដែលជាការសម្រេចមួយ ដែលអាចបង្កើនសមត្ថភាពរបស់រុស្ស៊ីក្នុងការវាយប្រហារអ៊ុយក្រែន។ប្រទេសចិន កំពុងប្រឹងប្រែងយ៉ាងពេញទំហឹងក្នុងការពង្រីកភាពជាដៃគូយោធារបស់ខ្លួនជាសកល ដើម្បីប្រកួតប្រជែងជាមួយសហរដ្ឋអាមេរិក ហើយភាគច្រើននៃការផ្តោតអារម្មណ៍នេះ គឺផ្តោតលើអាស៊ី អឺរ៉ាស៊ី និងចុងប៉ាស៊ីហ្វិក។អង្គការសហប្រតិបត្តិការសៀងហៃដែលដឹកនាំដោយប្រទេសចិន ដែលប្រទេសអ៊ីរ៉ង់ថ្មីៗនេះ បានក្លាយជាសមាជិក គឺជាយានមួយក្នុងចំណោមយានសំខាន់ៗរបស់ទីក្រុងប៉េកាំង ដើម្បីពង្រីកលទ្ធភាពរបស់ខ្លួន។ នៅក្នុងសុន្ទរកថារបស់គាត់ លោក លី បានពណ៌នាបេឡារុសថា នឹងក្លាយជា«សមាជិកនៅពេលឆាប់ៗរបស់អង្គការនេះ៕

ប្រទេសប៉ូឡូញ បង្ហាញសាច់ដុំយោធាក្នុងក្បួនព្យុហយាត្រាដ៏ធំ ផ្ញើសារទៅរុស្ស៊ី ខណៈសង្រ្គាមកាន់តែខ្លាំងនៅអ៊ុយក្រែន

2023/08/16 12:13:45 pm        97
Facebook Telegram Linkin
ប៉ូឡូញ៖ ប្រទេសប៉ូឡូញ បានប្រារព្ធក្បួនព្យុហយាត្រាយោធាដ៏ធំបំផុតរបស់ខ្លួន ចាប់តាំងពីសង្រ្គាមត្រជាក់ បានកើតឡើង នៅទីក្រុងវ៉ាសូវី (Warsaw) កាលពីថ្ងៃអង្គារទី១៥សីហា ស្របពេលប្រទេសសមាជិកសម្ព័ន្ធយោធាណាតូមួយនេះ បានបង្ហាញសាច់ដុំយោធារបស់ខ្លួន ជាអ្វីដែលរដ្ឋាភិបាលនេះសង្ឃឹមថា នឹងជាសារមួយទាំងទៅកាន់ទីក្រុងមូស្គូ ទាំងអ្នកបោះឆ្នោតមុនការបោះឆ្នោតនៅខែតុលាឆ្នាំនេះ ។  ការវាយលុករបស់រុស្ស៊ីលើអ៊ុយក្រែន បានធ្វើឲ្យការពង្រឹងកងកម្លាំងប្រដាប់អាវុធ ក្លាយជាអាទិភាពមួយសម្រាប់គណបក្សច្បាប់និងយុត្តិធម៌ក្រុមជាតិនិយម(PiS) ដែលកំពុងកាន់អំណាចរបស់ប្រទេសប៉ូឡូញ ទន្ទឹមនឹងយុទ្ធនាការបោះឆ្នោតដ៏ពេញទំហឹង ជាការបង្ហាញនូវអាវុធធុនធ្ងន់ដ៏សម្បើមនេះ បានហុចឱកាសមួយក្នុងការបំផ្លាញអត្តសញ្ញាណសន្តិសុខរបស់ខ្លួន។ក្បួនដង្ហែនៃទិវាព្យុហយាត្រាកងកម្លាំងប្រដាប់អាវុធ នៅថ្ងៃខួបជ័យជម្នះរបស់ប្រទេសប៉ូឡូញលើកងទ័ពក្រហម ក្នុងសមរភូមិនៃរដ្ឋធានីវ៉ាសូវី កាលពីឆ្នាំ១៩២០ មានទាហានចំនួន២ពាន់នាក់ មកពីប្រទេសប៉ូឡូញ និងបណ្ដាប្រទេសផ្សេងទៀតនៃសមាជិកសម្ព័ន្ធយោធាណាតូ អមដោយគ្រឿងយុទ្ធោបករណ៍ចំនួន២០០ ប្រភេទ និងយន្តហោះចំនួន៩២គ្រឿង។ គ្រឿងយុទ្ធោបរករណ៍ដែលបានដាក់បង្ហាញ នោះ រាប់បញ្ចូលទាំង រថក្រោះអាប្រាហាំ M1A1 ទិញពីសហរដ្ឋអាមេរិក រថក្រោះ K2 និងកាំភ្លើងធំK9 ទិញពីកូរ៉េខាងត្បូង ក៏ដូចជាជើងទម្របាញ់គ្រាប់រ៉ូកែតចល័តទីរហ័សឬ HIMARS ប្រព័ន្ធការពារដែនអាកាសប៉ាទ្រីយ៉ូត ( Patriot) និងយានប្រយុទ្ធថ្មើរជើងបូស៊ុក (Borsuk ) ផលិតនៅប្រទេសប៉ូឡូញ៕

ប្រទេសឥណ្ឌនេស៊ី ចាប់ខ្លួនជនសកម្មប្រយុទ្ធជុំវិញផែនការវាយប្រហារទីបញ្ជាការនគរបាល

2023/08/16 12:11:00 pm        103
Facebook Telegram Linkin
ឥណ្ឌនេស៊ី៖ អង្គភាពប្រឆាំងភេរវកម្មរបស់ប្រទេសឥណ្ឌូនេស៊ីកាលពីថ្ងៃអង្គារ បានប្រកាសពីការចាប់ខ្លួនជនភក្តីភាពរដ្ឋឥស្លាម (IS) ដែលត្រូវបានសង្ស័យថា បានរៀបចំផែនការវាយប្រហារលើទីបញ្ជាការនៃកងសន្តិសុខរបស់នគរបាល។បុរសនេះ ត្រូវបានគេឃុំខ្លួននៅក្នុងការវាយឆ្មក់លើផ្ទះរបស់ខ្លួននៅខាងក្រៅរដ្ឋធានីហ្សាការតា កាលពីថ្ងៃចន្ទ ក្នុងអំឡុងពេលនោះ ទង់IS គ្រាប់រំសេវ និងអាវុធចំនួន១៦ដើម ត្រូវបានរកឃើញ ដែលភាគច្រើនជាកាំភ្លើងខ្លី និងកាំភ្លើងខ្យល់ឆ្នៃ នេះបើយោងតាមលោក Aswin Siregar អ្នកនាំពាក្យនៃកងកម្លាំងប្រឆាំងភេរវកម្ម Densus 88 របស់ប្រទេសឥណ្ឌូនេស៊ី។ លោកAswinបាននិយាយថា ជនសង្ស័យដែលជាបុគ្គលិកក្រុមហ៊ុនផ្លូវដែករបស់រដ្ឋមួយ បានប្រាប់អាជ្ញាធរអំពីផែនការរបស់គាត់ក្នុងការវាយលុកស្នាក់ការនគរបាល ប៉ុន្តែមិនបានផ្តល់ពេលវេលា ឬហេតុផលអ្វីនោះទេ។លោកបានបន្ថែមថា ជនសង្ស័យដែលធ្លាប់ជាសមាជិកនៃអង្គការសកម្មប្រយុទ្ធដែលលែងដំណើរការ បានបង្ហោះខ្លឹមសារគាំទ្រក្រុមរដ្ឋឥស្លាម (IS) នៅលើប្រព័ន្ធផ្សព្វផ្សាយសង្គម ហើយបានស្វែងរកការរៃអង្គាសមូលនិធិសម្រាប់អំពើជ្រុលនិយមតាមរយៈកម្មវិធីផ្ញើសារTelegram៕

នាយករដ្ឋមន្ត្រីនីហ្សេនៅក្នុងប្រទេសឆាដខណៈអាមេរិកនិងរុស្ស៊ីជំរុញឱ្យមានជម្រើសការទូតក្នុងវិបត្តិនេះ

2023/08/16 12:08:01 pm        103
Facebook Telegram Linkin
នីហ្សេ៖ នាយករដ្ឋមន្ត្រី ដែលត្រូវបានតែងតាំងដោយយោធារបស់ប្រទេសនីហ្សេ បានធ្វើទស្សនកិច្ចដោយមិនប្រកាសទៅកាន់ប្រទេសឆាដជិតខាងកាលពីថ្ងៃអង្គារ ខណៈបណ្តារដ្ឋនៅអាហ្វ្រិកខាងលិចរៀបចំកិច្ចពិភាក្សាដើម្បីពិចារណាលើលទ្ធភាពនៃការធ្វើអន្តរាគមន៍យោធាក្នុងបំណងផ្លាស់ប្តូររដ្ឋប្រហាររបស់ប្រទេសនេះ ហើយសហរដ្ឋអាមេរិក និងរុស្ស៊ី បានជំរុញឱ្យមានដំណោះស្រាយផ្នែកការទូតចំពោះវិបត្តិ។ រដ្ឋាភិបាលឆាដ បាននិយាយនៅលើបណ្តាញសង្គម Facebook ថា លោក Ali Mahaman Lamine Zeine ជាជនស៊ីវិល ត្រូវបានតែងតាំងដោយមេដឹកនាំយោធាដែលបានបណ្តេញប្រធានាធិបតីនីហ្សេ លោក Mohamed Bazoum ចេញពីតំណែងកាលពីថ្ងៃទី ២៦ ខែកក្កដា បានមកដល់ប្រទេសឆាដ សម្រាប់ដំណើរទស្សនកិច្ចការងារ។ ។នៅក្នុងសេចក្តីថ្លែងការណ៍មួយដែលបានចេញ បន្ទាប់ពីជំនួបជាមួយប្រធានាធិបតីប្រទេសឆាដ លោក Mahamat Idriss Deby Itno លោក Zeine បាននិយាយថា លោកបាននាំយកសារនិយាយអំពី «អ្នកជិតខាងល្អ និងភាតរភាពល្អ» ពីប្រមុខរបបប្រទេសនីហ្សេ។លោកបាននិយាយថា «យើងកំពុងស្ថិតក្នុងដំណើរការនៃការផ្លាស់ប្តូរ យើងបានពិភាក្សាពីបញ្ហាផ្ទៃក្នុង និងខាងក្រៅ ហើយបាននិយាយឡើងវិញនូវលទ្ធភាពរបស់យើងដើម្បីរក្សាការបើកចំហរ និងពិភាក្សាជាមួយគ្រប់ភាគីទាំងអស់ ប៉ុន្តែបានទទូចទាមទារឯករាជ្យភាពរបស់ប្រទេសយើង។ លោក Deby ជាអ្នកមានតួនាទីសំខាន់នៅក្នុងតំបន់ Sahel ដែលមានអស្ថិរភាព បានជិះយន្តហោះទៅកាន់រដ្ឋធានី Niamey ប្រទេសនីហ្សេ រយៈពេលបួនថ្ងៃបន្ទាប់ពីរដ្ឋប្រហារ។ រូបថតជាច្រើន ក្រោយមកបានបង្ហាញរូបលោកនៅជិតលោក Bazoum ដែលត្រូវបានឃុំឃាំង ហើយដាច់ដោយឡែកជាមួយមេដឹកនាំម្នាក់នៃរបបនេះគឺឧត្តមសេនីយ Salifou Mody៕

ការស្វែងរកអ្នករស់រានមានជីវិតក្រោយទឹកជំនន់នៅឥណ្ឌា ខណៈបំណាក់ដីសម្លាប់មនុស្ស ៦៥នាក់

2023/08/16 12:04:28 pm        113
Facebook Telegram Linkin
ឥណ្ឌា៖ កាលពីថ្ងៃអង្គារ ក្រុមអ្នកជួយសង្គ្រោះបានស្វែងរក សម្រាប់អ្នកដែលត្រូវបានគេព្រួយបារម្ភថានៅបាត់ខ្លួននៅក្នុងទឹកជំនន់ និងបំណាក់ដី ដែលបានបណ្តាលឲ្យមនុស្សយ៉ាងហោចណាស់ ៦៥ នាក់ស្លាប់នៅក្នុងប្រទេសឥណ្ឌា រួមទាំង ១១ នាក់បានស្លាប់នៅក្នុងការបាក់រលំព្រះវិហារដ៏ពេញនិយមមួយកន្លែង។ ភ្លៀងធ្លាក់ខ្លាំងជាច្រើនថ្ងៃ បានវាយបក់នាំយកយានយន្ត បំផ្លាញអគារ និងបំផ្លាញស្ពានជាច្រើនកន្លែងនៅតំបន់ភ្នំហិម៉ាឡៃ។ ទឹកជំនន់ និងបំណាក់ដី ជារឿងធម្មតា ហើយបណ្តាលឱ្យមានការបំផ្លាញយ៉ាងច្រើនក្នុងអំឡុងរដូវភ្លៀងមូសុងរបស់ប្រទេសឥណ្ឌា ប៉ុន្តែអ្នកជំនាញនិយាយថា បម្រែបម្រួលអាកាសធាតុកំពុងបង្កើនភាពញឹកញាប់ និងភាពធ្ងន់ធ្ងរ។យ៉ាងហោចណាស់មនុស្ស ៥២ នាក់បានស្លាប់នៅក្នុងរដ្ឋ Himachal Pradesh ចាប់តាំងពីថ្ងៃអាទិត្យ ដោយមនុស្សរាប់ពាន់នាក់ទៀតជាប់គាំងខ្លួនបន្ទាប់ពីការកាត់ផ្តាច់ផ្លូវថ្នល់ បណ្តាញអគ្គិសនី និងបណ្តាញទំនាក់ទំនង។ រដ្ឋមន្ត្រីប្រចាំរដ្ឋ លោក Sukhvinder Singh Sukhu បាននិយាយនៅក្នុងសេចក្តីថ្លែងការណ៍កាលពីល្ងាចថ្ងៃចន្ទថា បុគ្គលិកជាច្រើនត្រូវបានដាក់ពង្រាយតាមដែលអាចធ្វើទៅបានក្នុងការងារសង្គ្រោះ និងផ្តល់ជំនួយសង្គ្រោះបន្ទាន់។ ការងារនឹងបន្តដើម្បីព្យាយាមផ្តល់ជំនួយដល់ប្រជាជន។ លោក Sukhu បាននិយាយកាលពីពេលមុនថា រហូតមនុស្សរហូតដល់២០ នាក់ផ្សេងទៀតត្រូវបានគេព្រួយបារម្ភថាជាប់នៅក្រោមគំនរបាក់បែកបន្ទាប់ពីបំណាក់ដី ហើយបានអំពាវនាវដល់ពលរដ្ឋឱ្យស្នាក់នៅក្នុងលំនៅឋាន និងជៀសវាងការធ្វើដំនើរទៅជិតទន្លេ។ប្រធានគណៈកម្មាធិការគ្រប់គ្រងគ្រោះមហន្តរាយតំបន់លោក Aditya Negi បានប្រាប់សារព័ត៌មាន AFP ថា ការងារជួយសង្គ្រោះកំពុងបន្ត ហើយរដ្ឋបានកាត់បន្ថយការប្រារព្ធពិធីប្រចាំឆ្នាំកាលពីថ្ងៃអង្គារនូវទិវាឯករាជ្យ ជាការប្រារព្ធការបញ្ចប់នៃសម័យកាលអាណានិគមចក្រភពអង់គ្លេស ដើម្បីផ្តោតលើកិច្ចខិតខំប្រឹងប្រែងជួយសង្គ្រោះ៕

បណ្ដាញសង្គម

ព័ត៌មានថ្មីៗ

តំបន់គ្រីម៉េកាន់កាប់ដោយរុស្ស៊ីផ្អាកការលក់ប្រេងឥន្ធនៈទាំងស្រុងដល់ជនស៊ីវិល ខណៈការវាយប្រហារពីអ៊ុយក្រែនធ្វើឱ្យឧបទ្វីបនេះរង្គោះរង្គើ
06/22/2026 11:06 AM
Facebook Telegram Linkin
ក្រុម E-Sports កម្ពុជា ទទួលសិទ្ធិប្រកួតកីឡាអាស៊ី ក្រោយបង្កការភ្ញាក់ផ្អើលក្នុងវគ្គជម្រុះប្រចាំតំបន់អាស៊ាន
06/22/2026 11:06 AM
Facebook Telegram Linkin
ឯកអគ្គរដ្ឋទូតតួកគីយ៉េថ្មី ប្ដេជ្ញាបន្តជំរុញទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែស៊ីជម្រៅ
06/22/2026 11:06 AM
Facebook Telegram Linkin
ក្រុមអ្នកសម្របសម្រួលនិយាយថា អាមេរិក និងអ៊ីរ៉ង់ បានបញ្ចប់កិច្ចចរចាកម្រិតខ្ពស់នៅប្រទេសស្វីស
06/22/2026 11:06 AM
Facebook Telegram Linkin
ចាប់ខ្លួនជនល្មើសប្រើប្រាស់គណនីតេឡេក្រាម ដោយយករូបថ្នាក់ដឹកនាំធ្វើជាប្រូហ្វាល់ ជាមធ្យោបាយគំរាមជនរងគ្រោះជំរិតទារប្រាក់
06/22/2026 10:06 AM
Facebook Telegram Linkin
រដ្ឋសភាប្រជុំពិភាក្សាអនុម័តសេចក្តីព្រាងច្បាប់ស្តីពីវិសោធនកម្មច្បាប់ស្តីពីផ្លូវថ្នល់
06/22/2026 10:06 AM
Facebook Telegram Linkin
តេជោលីគ៖ វិសាខា បញ្ចប់កំណត់ត្រាមិនស្គាល់ចាញ់បញ្ជាការដ្ឋានអង្គរក្ស ចំពោះមុខអ្នកគាំទ្រដ៏លើសលុប
06/22/2026 10:06 AM
Facebook Telegram Linkin
រដ្ឋមន្ត្រីការបរទេសអ៊ីរ៉ង់៖ វឌ្ឍនភាពដ៏សំខាន់ត្រូវបានបង្កើតឡើងលើការបញ្ចប់សង្គ្រាមនៅលីបង់
06/22/2026 10:06 AM
Facebook Telegram Linkin
អ៊ីស្រាអែល និយាយថាកងកម្លាំងរបស់ខ្លួននឹងបន្តនៅក្នុងប្រទេសលីបង់ ប៉ុន្តែពុំបានលើកឡើងពីប្រតិបត្តិការវាយលុកទេ
06/22/2026 10:06 AM
Facebook Telegram Linkin
តម្លៃប្រេងកើនឡើងបន្ទាប់ពីអ៊ីរ៉ង់បិទច្រកសមុទ្រ Hormuz ម្តងទៀត ខណៈលោក Trump គំរាមវាយប្រហារថ្មី
06/22/2026 10:06 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.