នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី
ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា
សម្តេចធិបតីផ្ញើសារច្បាស់លាស់ និងយ៉ាងម៉ឺងម៉ាត់​ដល់អាជ្ញាធរមូលដ្ឋានឱ្យ​បង្ក្រាប​ Online Scams ឱ្យទាល់តែអស់​ជាដាច់ខាត​ប្រកបដោយស្មារតីទទួលខុសត្រូវខ្ពស់បំផុត
គណៈរដ្ឋមន្ត្រី​ អនុម័តលើសេចក្តីព្រាងរបាយការណ៍តាមដាន និងត្រួតពិនិត្យការអនុវត្តយុទ្ធសាស្ត្របញ្ចកោណដំណាក់កាលទី១ ឆ្នាំ២០២៥

នយោបាយ​ និង ការអភិវឌ្ឍន៍

រុស្ស៊ី៖ គ្មានកិច្ចចរចាសន្តិភាពទេនៅពេលនេះ ខណៈនាយករដ្ឋមន្ត្រីឥណ្ឌានឹងទៅកាន់អ៊ុយក្រែន

2024/08/20 11:45:36 am        401
Facebook Telegram Linkin
ជំនួយការប្រធានាធិបតីរុស្សីម្នាក់ បាននិយាយថា ទីក្រុងមូស្គូ នឹងមិនចរចាសន្តិភាពជាមួយទីក្រុងគីវនោះទេ បន្ទាប់ពីការវាយលុករបស់អ៊ុយក្រែនឆ្លងកាត់ព្រំដែន ចូលទៅភាគខាងលិចប្រទេសរុស្ស៊ី។ លោក Yury Ushakov បាននិយាយកាលពីថ្ងៃចន្ទថា ការចរចានាពេលនេះ មិនអាចធ្វើទៅបាននោះទេ ដោយសារតែស្ថានភាពនៅក្នុងតំបន់ ឃើស(Kursk)។លោកនិយាយថា សំណើសម្រាប់ការចាប់ផ្តើមការចរចាសន្តិភាព ដែលបង្ហាញដោយលោកប្រធានាធិបតី វ្ល៉ាឌីមៀ ពូទីន នៅតែមានសុពលភាព។ កាលពីខែមិថុនា លោកពូទីន បានដាក់លក្ខខណ្ឌសម្រាប់ការចរចាសន្តិភាព ដែលរួមមានការដកទ័ពអ៊ុយក្រែនចេញពីតំបន់ទាំងបួន ដែលរុស្ស៊ី បានដាក់បញ្ចូលជាឧបសម្ព័ន្ធជាឯកតោភាគី។លោក Ushakov និយាយថា លទ្ធភាពនៃកិច្ចពិភាក្សាដ៏មានសក្តានុពលណាមួយ «អាស្រ័យលើស្ថានភាព រួមទាំងនៅសមរភូមិផងដែរ»។ កងកម្លាំងអ៊ុយក្រែន បានចេញផ្សាយវីដេអូ កាលពីថ្ងៃសុក្រ និងថ្ងៃអាទិត្យ បង្ហាញពីអ្វីដែលពួកគេអះអាងថាជាស្ពានចំនួនពីរកន្លែងនៅលើទន្លេ Seym ត្រូវបានបំផ្លាញ។ ពួកគេ និយាយថា ការវាយប្រហារនេះកំពុងធ្វើឲ្យប៉ះពាល់ដល់ការដឹកជញ្ជូនរបស់យោធារុស្ស៊ី។អាជ្ញាធររុស្ស៊ី បាននិយាយកាលពីថ្ងៃចន្ទថា ស្ពានទីបីត្រូវបានបំផ្លាញក្នុងការវាយប្រហាររបស់អ៊ុយក្រែន។ ទន្ទឹមនឹងនេះ រដ្ឋាភិបាលប្រទេសឥណ្ឌា និងអ៊ុយក្រែន បានប្រកាសថា នាយករដ្ឋមន្ត្រីឥណ្ឌា លោក Narendra Modi នឹងទៅធ្វើទស្សនកិច្ចជាផ្លូវការនៅអ៊ុយក្រែននៅថ្ងៃសុក្រ ដើម្បីជួបជាមួយប្រធានាធិបតីអ៊ុយក្រែន លោក Volodymyr Zelenskyy។ មន្ត្រីជាន់ខ្ពស់ក្រសួងការបរទេសឥណ្ឌាម្នាក់ បាននិយាយនៅក្នុងសន្និសីទសារព័ត៌មានថា «ឥណ្ឌាបានត្រៀមខ្លួនរួចជាស្រេចដើម្បីផ្តល់ការគាំទ្រ និងការរួមចំណែកដែលអាចធ្វើទៅបាន ដើម្បីស្វែងរកដំណោះស្រាយដោយសន្តិវិធី។

សម្ដេចធិបតី ហ៊ុន ម៉ាណែត អនុញ្ញាតឲ្យប្រតិភូក្រុមហ៊ុនវិនិយោគចិនចូលជួបសម្ដែងការគួរសម និងពិភាក្សាការងារ

2024/08/20 11:05:21 am        433
Facebook Telegram Linkin
ភ្នំពេញ៖ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅព្រឹកថ្ងៃទី២០ ខែសីហា ឆ្នាំ២០២៤នេះ បានអនុញ្ញាតឲ្យប្រតិភូក្រុមហ៊ុនវិនិយោគចិន តំណាងដោយ លោក Zhao Yudong ប្រធានក្រុមហ៊ុន Everbright Group Everbright Sunshine Asset Management Co.,Ltd ចូលជួបសម្ដែងការគួរសម និងពិភាក្សាការងារនៅវិមានសន្តិភាព។ប្រតិភូក្រុមហ៊ុនវិនិយោគចិនបាននឹងកំពុងចាប់អារម្មណ៍ចំពោះសក្តានុពល និងបរិយាកាសវិនិយោគលើវិស័យសំខាន់ៗមួយចំនួននៅកម្ពុជា ជាពិសេសលើវិស័យហេដ្ឋារចនាសម្ព័ន្ធ ឧស្សាហកម្ម ហិរញ្ញវត្ថុ និងថាមពល ស្របពេលដែលកម្ពុជាបានត្រៀមខ្លួនរួចជាស្រេចសម្រាប់ទទួលការវិនិយោគ ធ្វើពាណិជ្ជកម្ម ដែលជាដង្ហើមដ៏ចាំបាច់បំផុត សម្រាប់ជំរុញខឿនសេដ្ឋកិច្ចជាតិ។

សម្ដេចធិបតី អរគុណដល់កងកម្លាំងគ្រប់ប្រភេទ ក្នុងការរក្សាសន្តិសុខ សណ្ដាប់ធ្នាប់សាធារណៈ និងស្ថិរភាពសង្គមជាតិកម្ពុជា

2024/08/19 03:15:16 pm        937
Facebook Telegram Linkin
ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា នារសៀលថ្ងៃទី១៩ ខែសីហានេះ អរគុណដល់កងកម្លាំងគ្រប់ប្រភេទ និងអាជ្ញាធរពាក់ព័ន្ធទាំងអស់ ដែលបាន ខិតខំ​ប្រឹងប្រែង​​ប្រកបដោយ​ ការទទួលខុសត្រូវខ្ពស់ ដើម្បីរក្សាសន្តិសុខ ​សណ្ដាប់ធ្នាប់សាធារណៈ និងស្ថិរភាពសង្គមជាតិកម្ពុជា។សម្ដេចធិបតី នាយករដ្ឋមន្រ្តីមានប្រសាសន៍ថា សូមអរគុណដល់កងកម្លាំងគ្រប់ប្រភេទ និងអាជ្ញាធរពាក់ព័ន្ធទាំងអស់ ​ដែលបានខិតខំប្រឹងប្រែងប្រកបដោយ ការទទួលខុសត្រូវខ្ពស់ ដើម្បីរក្សាសន្តិសុខ សណ្ដាប់ធ្នាប់សាធារណៈ និងស្ថិរភាពសង្គមជាតិកម្ពុជា។ សម្ដេចបញ្ជាក់ថា រាជរដ្ឋាភិបាល មានកាតព្វកិច្ចក្នុងការធានាឱ្យបាននូវសុខសន្តិភាព សន្តិសុខ និងសុវត្ថិភាពជូនប្រជាពលរដ្ឋគ្រប់រូប ទោះក្នុងតម្លៃណាក៏ដោយ ដើម្បីរក្សាបាននូវប្រក្រតីភាព​នៃការប្រកបរបរប្រចាំថ្ងៃរបស់ប្រជាជន​ និងភាពចម្រុងចម្រើនរបស់ប្រទេសជាតិ ដោយមិនអនុញ្ញាត​ឱ្យជនណាមួយមកបំផ្លិចបំផ្លាញសន្តិភាព និងបង្កចលាចលសង្គមបានឡើយ។

រដ្ឋមន្ត្រីសហភាពអឺរ៉ុប នឹងពិភាក្សាអំពីលទ្ធភាពផ្គត់ផ្គង់យោធាដល់ទីក្រុងគីវ នៅថ្ងៃទី ២៩-៣០ ខែសីហា

2024/08/19 02:52:44 pm        888
Facebook Telegram Linkin
ប្រភពការទូតនៅទីក្រុងប្រ៊ុចសែល បានប្រាប់សារព័ត៌មានTASSថា រដ្ឋមន្ត្រីការបរទេស និងការពារជាតិនៃសហភាពអឺរ៉ុប នឹងពិភាក្សាអំពីលទ្ធភាពផ្គត់ផ្គង់យោធាថ្មីដល់ទីក្រុងគីវ ក្នុងកិច្ចប្រជុំក្រៅផ្លូវការនៃក្រុមប្រឹក្សាសហភាពអឺរ៉ុប នៅទីក្រុងប្រ៊ុចសែល នាខែសីហា ឆ្នាំ ២០៣០ ចំពេលមានការខាតបង់យ៉ាងខ្លាំងនៃកងកម្លាំងអ៊ុយក្រែន ដោយសារការវាយឆ្មក់នៅក្នុងតំបន់ Kursk។ លោក បាននិយាយថា៖«ការគាំទ្រដល់អ៊ុយក្រែន រួមទាំងលទ្ធភាពការផ្គត់ផ្គង់ផ្នែកយោធាថ្មី គឺជាបញ្ហាដ៏សំខាន់ នៅក្នុងរបៀបវារៈ ដែលមានសារៈសំខាន់ជាពិសេស ចំពេលមានសកម្មភាពយោធាដ៏តានតឹងនៅក្នុងតំបន់ Kursk» ដោយបន្ថែមថា អ៊ុយក្រែន«ជាពិសេសត្រូវការគ្រឿងយុទ្ធោបករណ៍ និងសម្ភារៈផ្គត់ផ្គង់បន្ថែមទៀត»នៅពេលនេះ ដោយសារ«ការខាតបង់យ៉ាងច្រើន»របស់កងទ័ព ដែលបានវាយប្រហារចូលទៅក្នុងទឹកដីរុស្ស៊ី។ប្រភពបានបន្ថែមថា រដ្ឋមន្ត្រីក៏នឹងពិភាក្សាផងដែរអំពីដំណើរការនៃការជំរុញផលិតកម្មយោធា នៅក្នុង បណ្តាប្រទេសសហភាពអឺរ៉ុប «ដែលមានគោលបំណងបំពេញបន្ថែមគ្រឿងយុទ្ធោបករណ៍នៃប្រទេសសហភាព និងធានាដល់តម្រូវការរបស់ប្រទេសអ៊ុយក្រែន»។កាលពីថ្ងៃទី៦ ខែសីហា តំបន់ Kursk ដែលជាខ្សែបន្ទាត់ព្រំដែនរបស់រុស្ស៊ី បានរងការវាយប្រហារដ៏ធំពីអ៊ុយក្រែន។ យោងតាមរបាយការណ៍ចុងក្រោយ ជនស៊ីវិលចំនួន ១២នាក់ ត្រូវបានសម្លាប់ ខណៈដែលមនុស្ស ១៤០នាក់ រួមទាំងកុមារ ១០នាក់ បានរងរបួស។ យោងតាមក្រសួងការពារជាតិរុស្ស៊ី ទីក្រុងគីវ បានបាត់បង់ទាហានរហូតដល់ ៣.១៦០នាក់ រថក្រោះចំនួន ៤៤ គ្រឿង និងរថពាសដែកចំនួន ៤៣ គ្រឿង ចាប់តាំងពីការប្រយុទ្ធ បានចាប់ផ្តើមនៅក្នុងតំបន់ Kursk។

កូរ៉េខាងត្បូង អាមេរិក និងជប៉ុន អះអាងជាថ្មីនូវការប្តេជ្ញាចិត្តចំពោះកិច្ចសហប្រតិបត្តិការសន្តិសុខត្រីភាគី

2024/08/19 02:49:52 pm        770
Facebook Telegram Linkin
មេដឹកនាំកូរ៉េខាងត្បូង សហរដ្ឋអាមេរិក និងជប៉ុន បានសាទរចំពោះសមិទ្ធិផលនៃកិច្ចសហប្រតិបត្តិការសន្តិសុខត្រីភាគីរបស់ពួកគេ ចាប់តាំងពីកិច្ចប្រជុំកំពូលជាប្រវត្តិសាស្ត្រនៅរមនីយដ្ឋានលំហែកម្សាន្ត Camp David របស់ពួកគេកាលពីមួយឆ្នាំមុន ហើយបានប្តេជ្ញាពង្រឹងទំនាក់ទំនងរបស់ពួកគេ នៅទូទាំងតំបន់ដ៏ធំទូលាយ។ប្រធានាធិបតីកូរ៉េខាងត្បូង លោក យុន សុក យ៉ូល ( Yoon Suk Yeol) ប្រធានាធិបតីសហរដ្ឋអាមេរិក ចូ បៃដិន ( Joe Biden) និងនាយករដ្ឋមន្ត្រីជប៉ុន ហ្វូមីអូ គីស៊ីដា ( Fumio Kishida) បានចេញសេចក្តីថ្លែងការណ៍រួមមួយដោយអបអរសាទរការរីកចម្រើនក្នុងកិច្ចសហប្រតិបត្តិការត្រីភាគីរបស់ពួកគេ ចាប់តាំងពីកិច្ចប្រជុំកំពូលដែលមិនធ្លាប់មានជាលើកដំបូងរបស់ពួកគេ នៅឯរមនីយដ្ឋានកម្សាន្ត Camp David របស់ប្រធានាធិបតីសហរដ្ឋអាមេរិក កាលពីមួយឆ្នាំកន្លងទៅនេះ។សេចក្តីថ្លែងការណ៍ បាននិយាយថា៖«យើងកំពុងធ្វើការរួមគ្នា ដើម្បីសម្រេចបាននូវគោលដៅរួមរបស់យើងក្នុងការជំរុញសន្តិសុខ និងវិបុលភាពសម្រាប់តំបន់ និងពិភពលោក»។ «យើងប្តេជ្ញាចិត្តក្នុងការពិគ្រោះយោបល់លើបញ្ហាប្រឈមក្នុងតំបន់ ការបង្កហេតុ និងការគំរាមកំហែងដែលប៉ះពាល់ដល់ផលប្រយោជន៍និងសន្តិសុខរួមរបស់យើង»។

ឯកឧត្តម ប៉ែន បូណា៖ រាជរដ្ឋាភិបាលកម្ពុជាមានយុទ្ធសាស្ត្ររឹងមាំណាស់​ក្នុងការការពារសុខសន្តិភាព

2024/08/19 02:22:53 pm        909
Facebook Telegram Linkin
ឯកឧត្តម ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធាន​ក្រុមអ្នកនាំពាក្យ​រាជ​រដ្ឋាភិបាលកម្ពុជា បានបញ្ជាក់អះអាងថា រាជរដ្ឋាភិបាលថ្មី ក្នុងរយៈ​ពេល​ត្រឹម១ឆ្នាំនេះ ​សម្រេច​បាន​សមិទ្ធផលជាច្រើន ជាពិសេស ការរក្សាបានទាំងស្រុងនូវសុខសន្តិភាព និងស្ថិរភាព​នយោបាយ​​យ៉ាងរឹងមាំ។នៅក្នុងសន្និសីទសារព័ត៌មាន ស្តីពីសមិទ្ធផលរយៈពេល១ឆ្នាំ រាជរដ្ឋាភិបាលនីតិកាលទី៧នៃ ដឹកនាំដោយសម្តេចមហាបវរធិបតី ហ៊ុន ម៉ាណែត,​ ឯកឧត្តម ប៉ែន បូណា បានមាន​ប្រសាសន៍​លើក​ឡើងថា ប្រវត្តិរបស់កម្ពុជា នៅពេលមានការផ្លាស់ប្តូរ​មេដឹក​នាំម្ត​ងៗ ​គឺតែង​តែមាន​សង្គ្រាម​កើត​ឡើង ប៉ុន្តែរាជរដ្ឋាភិបាលកម្ពុជា តាំងពីជំនាន់សម្តេចតេជោ ហ៊ុន សែន អតីតនាយករដ្ឋមន្ត្រី និង​​រហូតមកដល់សម្តេចធិបតី ហ៊ុន ម៉ាណែត ដែលដឹកនាំដោយគណបក្សប្រជាជនកម្ពុជា មាន​យុទ្ធ​សាស្ត្រ​រឹង​មាំ​ណាស់ ទាំងនៅលើការ អភិវឌ្ឍវិស័យសេដ្ឋកិច្ច-សង្គម និងការការពារ​អធិបតេយ្យ​ភាព បូរណភាពដឹកដី មិនឱ្យមាន​ការបាត់​បង់​ ។ឯកឧត្តម ប៉ែន បូណា បានបន្តថា យុទ្ធសាស្ត្រការពារទឹកដី ទី១ គឺចាប់ផ្តើមពី​ជំហរ​ម៉ឺង​ម៉ាត់ ច្បាស់លាស់ដាច់ខាតរបស់ថ្នាក់ដឹកនាំសម្តេចតេជោអតីតនាយករដ្ឋមន្ត្រី ដែលឥឡូវនេះ សម្តេច​ធិបតី ហ៊ុន ម៉ា ណែត ជានាយករដ្ឋមន្ត្រី​ដែល​ប្រជាពលរដ្ឋទាំង​អស់​គ្នា​បាន​ដឹង​ឮ​ច្បាស់​ពី​ជំហរ​ម៉ឺង​ម៉ាត់​ណាស់​​ក្នុងការការពារ​បូរណភាពទឹកដី ការពារអធិបតេយ្យភាពជាតិ៕ អត្ថបទ៖ មុត សុទ្ធ  

ទោះប្រទេសតូច តែកម្ពុជាមានជំហររឹងមាំច្បាស់លាស់លើបញ្ហាពិភពលោក និងមានបទពិសោធន៍ធំ

2024/08/19 02:08:37 pm        245
Facebook Telegram Linkin
ឯកឧត្តម តាន់ ហ្សង់ហ្វ្រង់ស័រ រដ្ឋមន្ត្រីប្រតិភូអមនាយករដ្ឋមន្ត្រីទទួលបន្ទុកកិច្ចការការបរទេស និងសហប្រតិបត្តិការអន្តរជាតិ បានអះអាងថា ប្រទេសកម្ពុជាទោះបីជាតូច ប៉ុន្តែមានភាពថ្លៃថ្នូរ បានប្រកាន់យ៉ាងខ្ជាប់ខ្ជូននូវជំហរឥតងាករេរបស់ខ្លួន ចំពោះបញ្ហាអន្តរជាតិ ហើយកម្ពុជាមានបទពិសោធន៍ដ៏ធំ គឺសោកនាដកម្មនៃសង្គ្រាម ។ក្នុងវេទិកាសារព័ត៌មាន លើកទី៤ ដំណើរឆ្ពោះទៅសម្រេចចក្ខុវិស័យកម្ពុជា ឆ្នាំ២០៥០ ក្លាយជា​ប្រទេសមានចំណូលខ្ពស់ នៅថ្ងៃទី១៩ ខែសីហា ឆ្នាំ២០២៤ ឯកឧត្តម តាន់ ហ្សង់ហ្វ្រង់ស័រ មាន​ប្រសាសន៍ថា ក្នុងរយៈពេល១ឆ្នាំ នៅក្នុងវិស័យការទូត សម្ដេចធិបតី ហ៊ុន ម៉ាណែត នាយករដ្ឋមន្ត្រី នៃ​កម្ពុជា បានដាក់ចេញនូវគោលការណ៍ពង្រឹងមិត្តភាពចាស់ ពង្រីកមិត្តភាពថ្មី ពង្រឹង​ជំហរកម្ពុជាលើឆាកអន្តរជាតិ ជាពិសេសពង្រឹងការងារការទូតសេដ្ឋកិច្ច ។ឯកឧត្តមបានបន្តថា ក្នុងរយៈពេលនេះ រាជរដ្ឋាភិបាល នីតិកាលទី៧ បានបង្ហាញនូវជំហរ​របស់​ខ្លួននៅលើឆាកតំបន់ និងឆាកអន្តរជាតិ ទៅលើអ្វីដែលខ្លួន បានបង្ហាញកន្លងមក តាំងពីរាជ​រដ្ឋាភិបាល​ក្រោម​ការដឹកនាំរបស់សម្តេចតេជោ ហ៊ុន សែន អតីតនាយករដ្ឋមន្ត្រី ជាពិសេសសេចក្តី​សម្រេច​ក្នុង​ជំហរ​រួមរបស់អាស៊ាន ។ឯកឧត្តម តាន់ ហ្សង់ហ្វ្រង់ស័រ បានបន្ថែមថា ជាមួយនឹងការដឹកនាំ និងមានជំហរច្បាស់លាសនេះ ទើប​ធ្វើ​ឲ្យប្រទេសជាតិមិត្ត មានដូចជាប្រទេសចិន ជប៉ុន កូរ៉េ ថៃ និងឡាវជាដើម បានបង្ហាញ​នូវ​ទំនុក​ចិត្ត ជាមួយនឹងការបង្កើននូវចំណងការទូតថ្មី ក្នុងនោះមានអារ៉ាប៊ីសាអ៊ូឌីត និងប្រេស៊ីលជា​ដើម​។គួរបញ្ជាក់ថា ក្នុងរយៈពេល១ឆ្នាំនេះ សម្ដេចធិបតី ហ៊ុន ម៉ាណែត បានធ្វើដំណើរ​ទស្សនកិច្ច​ជា​ច្រើន​លើក​ទៅ​កាន់បរទេស ដែលមានទាំងការចូលរួមកិច្ចប្រជុំធំៗ របស់ពិភពលោក ដំណើរ​ទស្សន​កិច្ច​ផ្លូវការទៅកាន់ប្រទេសមួយចំនួន រួមទាំងមានការជំរុញ​កម្រិត​កិច្ច​សហប្រតិបត្តិការ​ផងដែរ៕ អត្ថបទ បាន សុខរិទ្ធិ

មេដឹកនាំចិន និងវៀតណាម ជួបប្រជុំគ្នានៅទីក្រុងប៉េកាំង ក្នុងទស្សនកិច្ចផ្លូវរដ្ឋលើកដំបូង

2024/08/19 01:29:30 pm        170
Facebook Telegram Linkin
ប្រព័ន្ធផ្សព្វផ្សាយផ្លូវការរបស់ចិន ស៊ីនហួរ (Xinhua) បាននិយាយថា ប្រធានាធិបតីចិន លោក ស៊ី ជីនពីង (Xi Jinping) បានជួបពិភាក្សានៅថ្ងៃចន្ទ (១៩ សីហា) នេះជាមួយមេដឹកនាំថ្មីរបស់វៀតណាម លោក តូ ឡឹម (To Lam) នៅទីក្រុងប៉េកាំង ក្នុងដំណើរទស្សនកិច្ចផ្លូវរដ្ឋលើកដំបូងចាប់តាំងពីលោកចូលកាន់តំណែង។ កិច្ចប្រជុំនេះបង្ហាញអំពីទំនាក់ទំនងជិតស្និទ្ធរវាងប្រទេសជិតខាងទាំងពីរ ដែលមានទំនាក់ទំនងសេដ្ឋកិច្ច និងពាណិជ្ជកម្មយ៉ាងល្អ បើទោះបីជាមានការប៉ះទង្គិចគ្នាតាមព្រំដែនម្តងម្កាលនៅក្នុងសមុទ្រចិនខាងត្បូងក៏ដោយ។ចិន បានបង្ហាញភាពរីករាយដែលលោក ឡឹម រើសយកប្រទេសចិនសម្រាប់ការធ្វើដំណើរទស្សនកិច្ចផ្លូវការលើកដំបូងរបស់ខ្លួន ហើយបាននិយាយកាលពីសប្តាហ៍មុនថា «នេះឆ្លុះបញ្ចាំងយ៉ាងពេញលេញនូវសារៈសំខាន់ដ៏អស្ចារ្យដែលមេដឹកនាំវៀតណាមយកចិត្តទុកដាក់ចំពោះការអភិវឌ្ឍទំនាក់ទំនងរវាងប្រទេសទាំងពីរ»។ លោក ឡឹម បានទៅដល់ខេត្តក្វាងចូវ (Guangzhou) ភាគខាងត្បូងប្រទេសចិន កាលពីថ្ងៃអាទិត្យ (២៨ សីហា) សម្រាប់ដំណើរទស្សនកិច្ចរយៈពេលបីថ្ងៃ ដែលនឹងរួមបញ្ចូលកិច្ចប្រជុំជាមួយនាយករដ្ឋមន្ត្រីចិន លោក លី ឈាំង (Li Qiang) និងមន្ត្រីជាន់ខ្ពស់របស់ចិនផ្សេងទៀត។ កាលពីខែធ្នូកន្លងទៅ ចិន និងវៀតណាមបានចុះហត្ថលេខាលើកិច្ចព្រមព្រៀងជាច្រើននៅពេលលោក Xi ធ្វើទស្សនកិច្ចនៅវៀតណាម។កិច្ចព្រមព្រៀង ដែលសេចក្ដីលម្អិតមិនត្រូវបានប្រកាសនេះ គ្របដណ្តប់លើការពង្រឹងកិច្ចសហប្រតិបត្តិការ និងការអភិវឌ្ឍផ្លូវដែក ការវិនិយោគលើវិស័យផ្សេងៗ និងការបង្កើតទំនាក់ទំនងដើម្បីដោះស្រាយឧប្បត្តិហេតុដែលមិននឹកស្មានដល់នៅសមុទ្រចិនខាងត្បូងរវាងភាគីទាំងពីរ៕

ឯកឧត្ដម ប៉ែន បូណា បង្ហាញសមិទ្ធផលធំសំខាន់ៗ ៦ចំណុច ដែលរាជរដ្ឋាភិបាល អាណត្តិទី៧ សម្រេចបានក្នុងរយៈពេល១ឆ្នាំនេះ

2024/08/19 01:09:14 pm        270
Facebook Telegram Linkin
ថ្លែងនៅក្នុងសន្និសីទសារព័ត៌មាន ស្តីពីសមិទ្ធផលរយៈពេល១ឆ្នាំ រាជរដ្ឋាភិបាលនីតិកាលទី៧នៃ រដ្ឋសភា ដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃ​ព្រះរាជាណា​ចក្រ​កម្ពុជា​​ (២២សីហា ឆ្នាំ២០២៣-២២សីហា ឆ្នាំ ២០២៤) ឯកឧត្តម ប៉ែន ប៉ូណា រដ្ឋមន្រ្តី​ប្រតិភូ​អម​នាយករដ្ឋមន្រ្តី និងជាអ្នកនាំពាក្យរបស់រាជរដ្ឋាភិបាលកម្ពុជា បានបញ្ជាក់ថា ក្នុង​រយៈពេល១២ខែមកនេះ រាជរដ្ឋាភិបាលបានដាក់ ចេញនូវ​យុទ្ធសាស្រ្តជា​ច្រើន ដើម្បី​លើក​កម្ពស់​ជីវភាពរបស់បងប្អូនប្រជាពលរដ្ឋ និងសេដ្ឋកិច្ចរបស់ជាតិ តាមរយៈយុទ្ធសាស្រ្ត​បច្ចកោណ​ដំណាក់​កាលទី១។ ឯកឧត្ដម ប៉ែន បូណា បានថ្លែងថា​ចាប់តាំង​ពី​សម្ដេច​ធិបតី ហ៊ុន ណែត នាយករដ្ឋមន្ត្រីកម្ពុជា បានដឹកនាំប្រទេសក្នុងរយៈពេល១ឆ្នាំ សម្រេចបានសមិទ្ធ​ផលធំៗជូន​ជាតិ​ជា​ច្រើន​ដូចជា៖  សមិទ្ធផលទី១៖ ការថែរក្សាបានសុខសន្តិភាពស្ថេរភាពនយោបាយ លទ្ធផលសន្តិភាពមា​ន​តម្លៃ​ណាស់​យើង​ត្រូវការពារឲ្យបាន ទោះស្ថិតក្នុងតម្លៃណាក៏ដោយ។សមិទ្ធផលទី២៖ ការការពារអធិបតេយ្យភាពជាតិនិងបូរណភាពទឹកដី ក្រោមការដឹកនាំ​របស់​សម្ដេច​តេជោរហូតដល់សម្ដេចមហាបវរធិបតីបានខិតខំការពារទឹកដីរក្សាបានបូរណភាពទឹកដី ១៨១ ០៣៥គីឡូម៉ែត្រកូរ៉េក្នុងប្រវត្តិសាស្ត្រ ៥០០ឆ្នាំកន្លងមកមិនដែលមាន។សមិទ្ធផលទី៣៖ ការបើកការដ្ឋានព្រែកជីកហ្វូណនតេជោ​ប្រជាពលរដ្ឋ​ទូទាំង​ប្រទេស​បាន​អបអរ​និង​គាំទ្រ​ការបើកការដ្ឋានព្រែកជីកហ្វូណនតេជោជាប្រវត្តិសាស្ត្រ។សមិទ្ធផលទី៤៖ ការផ្ដល់សេវាសុខាភិបាល រដ្ឋាភិបាលធានាសុខភាពប្រជាពលរដ្ឋ។ អ្នកបាន​ប្រើ​ប្រាស់​សេវាសុខភាពបសសមានជាង ២លាន៤​សែននាក់។ សរុប​មក​អ្នក​កាន់​ប័ណ្ណ​បសស មាន​ចំនួនជាង ៧លាននាក់ ។ ការបណ្ដុះបណ្ដាលជំនាញវិជ្ជាជីវៈដល់យុវជន ១លាន៥ សែននាក់​គោល​បំណង​រដ្ឋាភិបាល គឺថារៀនអោយចេះរៀនឲ្យចប់និងមានការងារធ្វើ ។ កម្ម​វិធី​ជាតិ​ជំនួយ​សង្គម​ក្នុង​កញ្ចប់គ្រួសារ ។ ជួយដល់កសិកម្មរកទីផ្សារជូនដល់កសិកររដ្ឋាភិបាលបានត្រៀមថវិកា ១០០លានដុល្លារអាមេរិកសម្រាប់ជួយដល់វិស័យកសិកម្ម។សមិទ្ធផលទី៥៖ វិធានការទីមួយកំណែរទម្រង់ស៊ីជម្រៅរបស់ក្រសួងមុខងារសាធារណៈ ការ​ដាក់​ឲ្យ​ដំណើរ​ការជ្រើសរើសមន្ត្រីប្រកបដោយគុឌ្ឍណ្ណាធិបតេយ្យអ្នកចេះគឺជាប់។សមិទ្ធផលទី៦៖ សម្ដេចមហាបវរជានាយករដ្ឋមន្ត្រី​របស់​ប្រជាពលរដ្ឋ​ខ្មែរ​សម្ដេច​នៅ​ជាប់​ជាមួយ​ប្រជា​ពលរដ្ឋក្នុងមួយឆ្នាំ១៥២លើក។ឯកឧត្តម ប៉ែន ប៉ូណា បានថ្លែងបញ្ជាក់ផងដែរថា សម្ដេចធិបតី នាយករដ្ឋមន្ត្រី​ជាមេដឹក​នាំ​ចុះ​ដោះ​ស្រាយ​ផ្ទាល់​ជាមួយប្រជាពលរដ្ឋច្រើនជាងគេបើប្រៀបធៀបមេដឹកនាំនៅលើពិភពលោក។ 

រោងចក្រដំឡើងរថយន្តអគ្គិសនីដឹកទំនិញដំបូងគេនៅកម្ពុជា បានបើកការដ្ឋានសាងសង់​នៅស្រុកក្រគរ

2024/08/19 12:49:39 pm        532
Facebook Telegram Linkin
កាលថ្ងៃទី១៨ ខែសីហា ឆ្នាំ២០២៤ គឺជាព្រឹត្តិការណ៍ថ្មីមួយទៀតសម្រាប់កម្ពុជា ពោល​គឺរោងចក្រ​ដំឡើង​រថយន្តអគ្គិសនីប្រភេទដឹកទំនិញ របស់ក្រុមហ៊ុន ZO MOTORS (CAMBODIA) CO.,LTD ​បានបើកការដ្ឋានសាងសង់ជាផ្លូវការ នៅលើផ្ទៃដីអភិវឌ្ឍន៍ប្រមាណ១០ហិកតា នៅតំបន់​សេដ្ឋកិច្ចពិសេសក្រគរ ស្ថិតក្នុងភូមិសារវ័ន ឃុំស្នាអន្សា ស្រុកក្រគរ ខេត្តពោធិ៍សាត់ ក្រោម​អធិបតីភាព ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល។នាឱកាសនោះដែរ ឯកឧត្តមរដ្ឋមន្ត្រី កែវ រតនៈ បានលើកឡើងថា សមិទ្ធផលថ្ងៃនេះ គឺទទួល​បាន​ក្រោម​ដំបូល​សុខសន្តិភាព បើគ្មានសន្តិភាពនោះមិនអ្នកវិនិយោគិនមកបណ្តាក់ទុននៅក្នុងប្រទេស ដែល​លឺ​តែសំឡេងគ្រាប់បែក គ្រាប់កាំភ្លើងនោះទេ។ ឯកឧត្តមរដ្ឋមន្ត្រីបានឱ្យដឹងថា នេះគឺជា​រោងចក្រ​ដំឡើង​រថយន្តអគ្គិសនីលើកទី១នៅកម្ពុជា អាចមានសមត្ថភាព    ផលិតរថយន្ត​៣ពាន់​គ្រឿង សម្រាប់នាំចេញ និងផ្គត់ផ្គង់ក្នុងស្រុក ហើយនេះក៏មិនមែនជារោងចក្រចុងក្រោយនោះដែរ កម្ពុជា​នឹង​មានរោងចក្រដំឡើងរថយន្តអគ្គិសនី ម៉ូតូអគ្គិសនី Tuk Tuk អគ្គិសនី ជាបន្ត​បន្ទាប់​ទៀត​លើ​ទឹកដីកម្ពុជា។ឯកឧត្តមរដ្ឋមន្ត្រី កែវ រតនៈ បានថ្លែងអំណរគុណក្រុមហ៊ុន Zo Moters ដែលសម្រេច​ចិត្ត​ជ្រើស​រើស​កម្ពុជាធ្វើការវិនិយោគមុនគេនៅក្នុងតំបន់អាស៊ាន និងជ្រើសយកខេត្តពោធិ៍សាត់ សម្រាប់ជា​ទីតាំង​ដំឡើង​រថយន្តអគ្គិសនីនេះ។ ឯកឧត្តមរដ្ឋ មន្ត្រីបានបញ្ជាក់ថា ការកសាងជាតិ គឺមាន​ការ​លំបាក​ខ្លាំង​ណាស់ ដូច្នេះសូមបងប្អូនប្រជាពលរដ្ឋទាំងអស់ត្រូវខិតខំចូលរួមរក្សាសុខសន្តិភាព ស្ថេរភាពនយោបាយ ក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ដើម្បី​បន្តការអភិវឌ្ឍលើគ្រប់វិស័យ។ ការចូលបំបែកបំបាក់ជាតិ នឹងនាំឱ្យសង្គម​ជាតិ​មិន​មាន​ការ​អភិវឌ្ឍបែកបាក់សាមគ្គីជាតិនោះទេ។ជាមួយគ្នានេះឯកឧត្តម ខូយ រីដា អភិបាលខេត្តពោធិ៍សាត់បានថ្លែងថា ដោយសារ​សុខ​សន្តិបាន​ផ្តល់​ឱកាសដល់អ្នកវិនិយោគិនជាតិ និងអន្តរជាតិជាច្រើនមកបណ្តាក់ទុននៅក្នុងខេត្តពោធិ៍សាត់ ក្នុង​នោះមានរោងចក្រ សហគ្រាសចំនួន ៣១៥កន្លែងហើយ និងបាន​បង្កើត​ការងារ​ច្រើន​កន្លែង​ជូន​ប្រជាពលរដ្ឋក្នុងខេត្តនេះមានការងារធ្វើ។បើតាមតំណាង​ក្រុមហ៊ុន ZO MOTORS (Cambodia) សេដ្ឋកិច្ចកម្ពុជាកំពុង​ស្ថិត​នៅ​ក្នុង​ដំណាក់​កាល​ដែល​រីកលូតលាស់ឆាប់រហ័ស ហើយបច្ចុប្បន្នក៏​ជា​ប្រទេស​ដែល​មាន​សេដ្ឋកិច្ច​សកម្មជាង​គេ​មួយ ក្នុងចំណោមប្រទេសផ្សេងៗក្នុងតំបន់អាស៊ាន។ លើសពីនេះទៅទៀត ក្រោមការ​ដឹកនាំ​ដ៏​ឈ្លាស​វៃរ​បស់រាជរដ្ឋាភិបាលអាណត្តិថ្មី ដែលដឹកនាំដោយសម្តេចធិបតី ហ៊ុន ម៉ាណែត យន្តការ​នៃ​ការ​គ្រប់​គ្រងការប្រើប្រាស់ថាមពល ក៏ដូចជាការអភិវឌ្ឍវិស័យថាមពលស្អាតនៅកម្ពុជា មាន​ភាព​ឈាន​មុខ​ជាងប្រទេសនានាក្នុងតំបន់។សូមជម្រាបជូនថា ក្រុមហ៊ុន ZO Motors Co., Ltd. គឺជាក្រុមហ៊ុន​ផលិត​រថយន្ត​ពាណិជ្ជ​កម្ម​ថាមពល ជំនាន់ក្រោយ របស់ប្រទេសជប៉ុន-ចិន។ ក្រុមហ៊ុនបានប្តេជ្ញានឹងសហការជាមួយ ក្រសួងរ៉ែ និងថាមពល អគ្គីសនីកម្ពុជា ក៏ដូចជាអាជ្ញាធរជាតិអគ្គិសនី ដើម្បី​ជំរុញការ​សាង​សង់​ហេដ្ឋា​រចនាសម្ព័ន្ធ សម្រាប់ថាមពលស្អាតឱ្យបានឆាប់រហ័ស និងប្រកបដោយប្រសិទ្ធិភាព។ ដូច្នេះ​ក្នុងរយៈពេលខ្លីខាងមុខនេះកម្ពុជា នឹងអាចកែប្រែការដឹកជញ្ជូនបែបប្រពៃណី មក​ជា​ការ​ដឹក​ជញ្ជូន​ដោយថាមពលបៃតង ព្រមទាំងបង្កើតឱកាសការងារ ជូនប្រជាពលរដ្ឋជាង២ពាន់កន្លែង ដើម្បី​ចូលរួមចំណែកលើកកម្ពស់សេដ្ឋកិច្ចកម្ពុជា ជាមួយ​រាជរដ្ឋាភិបាល​ក្រោម​ដំបូល​នៃ​សុខសន្តិភាព៕ អត្ថបទៈ សំ ងីម 

បណ្ដាញសង្គម

ព័ត៌មានថ្មីៗ

ប្រមុខការទូតកម្ពុជាថ្លែងចំពោះមុខកិច្ចប្រជុំកម្រិតខ្ពស់ UNSC ថា ជម្លោះត្រូវតែដោះស្រាយដាច់ខាតតាមរយៈការសន្ទនា ការទូត និងការគោរពច្បាប់អន្តរជាតិ
05/27/2026 08:05 AM
Facebook Telegram Linkin
អ៊ីរ៉ង់ចោទប្រកាន់អាមេរិកពីបទរំលោភបទឈប់បាញ់ និងគំរាមសងសឹកបន្ទាប់ពីការវាយប្រហារថ្មី
05/27/2026 08:05 AM
Facebook Telegram Linkin
សម្តេចតេជោ ហ៊ុន សែន ជួបសំណេះសំណាលជាមួយក្រុមប្រឹក្សា មន្ត្រីនៃមន្ទីរអង្គភាព ក្នុងខេត្តកំពង់ឆ្នាំង
05/27/2026 07:05 AM
Facebook Telegram Linkin
ពលរដ្ឋលីបង់ជម្លៀសខ្លួន ព្រួយបារម្ភពីការកើនឡើងភាពតានតឹងជាមួយអ៊ីស្រាអែល
05/26/2026 08:05 PM
Facebook Telegram Linkin
ពលរដ្ឋអ៊ីរ៉ង់មិនទុកចិត្តបទឈប់បាញ់ ខណៈអាមេរិកថា កិច្ចព្រមព្រៀងត្រូវការពេលប៉ុន្មានថ្ងៃទៀត
05/26/2026 08:05 PM
Facebook Telegram Linkin
ពលរដ្ឋអ៊ុយក្រែននៅទីក្រុងគីវនិយាយថា ការព្រមានវាយប្រហារជាប្រព័ន្ធរបស់រុស្ស៊ី គ្មានអ្វីថ្មីនោះទេ
05/26/2026 08:05 PM
Facebook Telegram Linkin
អ៊ីរ៉ង់ទាមទារឲ្យ​បញ្ចេញ​ទ្រព្យបង្កក ១២ពាន់លានដុល្លារ ក្នុងកិច្ចព្រមព្រៀងដែលអាចមានជាមួយអាមេរិក
05/26/2026 08:05 PM
Facebook Telegram Linkin
ជប៉ុនគ្រោងដាក់ចេញថវិកា ១៩ពាន់លានដុល្លារបន្ថែមទៀត ខណៈវិបត្តិថាមពលអ៊ីរ៉ង់ បង្កការគំរាមកំហែង
05/26/2026 07:05 PM
Facebook Telegram Linkin
អ្នករួចជីវិត និង​មន្ត្រី៖ ការវាយប្រហារដោយយានដ្រូន​ សម្លាប់មនុស្សយ៉ាងតិច ១៤នាក់ នៅ​​ក្រុងព្រំដែន​របស់​ស៊ូដង់
05/26/2026 07:05 PM
Facebook Telegram Linkin
ក្រសួងការបរទេសអ៊ីរ៉ង់ ប្រកាស​ថា សហរដ្ឋអាមេរិកបានរំលោភបទឈប់បាញ់
05/26/2026 07:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.