នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

ក្រុមអ្នកភូមិយាមប៉ុស្តិ៍នៅលេណដ្ឋានធ្វើឡើងខ្លួនឯង នៅរដ្ឋញំាំញីដោយអំពើហិង្សា Manipur ប្រទេសឥណ្ឌា

2023/08/07 09:10:26 pm        125
Facebook Telegram Linkin
 ឥណ្ឌា៖  ប្រជាពលរដ្ឋរស់នៅក្នុងភូមិ Phayengស្ថិតនៅរដ្ឋភាឦសាន Manipurប្រទេសឥណ្ឌា ដែលភាគច្រើនមកពីសហគមន៍កុលសម្ព័ន្ធជនជាតិដើមភាគតិច Meitei បានធ្វើលេណដ្ឋានដើម្បីការពារក្រុមគ្រួសាររបស់ពួកគេ ស្របពេលដែលមនុស្សរាប់ពាន់នាក់ រស់នៅដោយការភ័យខ្លាច ក្រោយតំបន់មួយនេះ រងភាពរង្គោះរង្គើរដោយសារការប៉ះទង្គិចគ្នាជនជាតិដើមភាគតិចស្លាប់មនុស្សជាបន្តបន្ទាប់ ។  ភូមិ Phayengដែលស្ថិតនៅក្នុងស្រុក West Imphal គឺជាភូមិព្រំប្រទល់សម្រាប់សហគមន៍ជម្លោះទាំង ២ ដែលរួមមានសហគមន៍កុលសម្ព័ន្ធជនជាតិដើមភាគតិច Meitei និងសហគមន៍កុលសម្ព័ន្ធជនជាតិដើមភាគតិច Kuki ។  ក្រុមអ្នកភូមិ បានរៀបចំលេណដ្ឋាន ហើយនិងការពារភូមិរបស់ពួកគេនៅគ្រប់ម៉ោងនៃវេនយាមកាមរបស់ពួកគេ ។  គួរឲ្យដឹងថា អំពើហិង្សា បានផ្ទុះឡើងកាលពីថ្ងៃទី ៣ ខែឧសភា នៅរដ្ឋ Manipurក្រោយតុលាការបញ្ជាឲ្យរដ្ឋមួយនេះ ពិចារណាលើការបន្តអត្ថប្រយោជន៍សេដ្ឋកិច្ចពិសេសដល់សហគមន៍ Meitei និងកូតាការងាររដ្ឋ និងការអប់រំ ដែលមកទល់នឹងពេលបច្ចុប្បន្ននេះ ត្រូវបានគេបម្រុងទុកសម្រាប់កុលសម្ព័ន្ធ Kuki ។  មនុស្សជាង ១៨០នាក់ ត្រូវបានសម្លាប់ និងមនុស្សរាប់ពាន់នាក់ផ្សេងទៀត បានរត់ភៀសខ្លួនចេញពីផ្ទះសម្បែងរបស់ពួកគេ ចាប់តាំងពីអំពើហិង្សាចាប់ផ្តើមនៅរដ្ឋ Manipur ដែលជារដ្ឋមានពលរដ្ឋ ៣,២លាននាក់ ជាប់ព្រំដែនសហភាពមីយ៉ាន់ម៉ា ។  លោក Devinដែលជាឆ្មាំលេណដ្ឋានម្នាក់ និយាយថា កុលសម្ព័ន្ធផ្សេងទៀត ចាប់ផ្តើមវាយប្រហារមកលើសហគមន៍កុលសម្ព័ន្ធ Meiteiរបស់ពួកយើង ហើយក្រោយមកពួកយើងក៏ចាប់ផ្តើមការពារខ្លួន ពួកយើងការពារភូមិរបស់ពួកយើង ពួកយើងធ្វើលេណដ្ឋាននៅលើដីព្រៃ ដើម្បីសុវត្ថិភាពរបស់ពួកយើង ៕

ឯកឧត្តម ហ៊ុន ម៉ានី៖ នាយករដ្ឋមន្រ្តីថ្មី នឹងដឹកនាំនាវាកម្ពុជាបន្តឆ្ពោះទៅមុខយ៉ាងស្វាហាប់ ក្រោមម្លប់នៃសន្តិភាព

2023/08/07 09:08:36 pm        622
Facebook Telegram Linkin
ភ្នំពេញ៖ ឯកឧត្តម ហ៊ុន ម៉ានី បានសរសេរលើបណ្តាញសង្គមថា នាថ្ងៃទី៧ ខែសីហា ឆ្នាំ២០២៣ ឯកឧត្តមបណ្ឌិត ហ៊ុន ម៉ាណែត ត្រូវបានព្រះករុណាជាអម្ចាស់ជីវិតលើត្បូង ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ទ្រង់ចាត់តាំងជានាយករដ្ឋមន្រ្តីដើម្បីរៀបចំគណៈរដ្ឋមន្រ្តីស្របតាមរដ្ឋធម្មនុញ្ញនៃព្រះរាជាណាចក្រកម្ពុជា។ ថ្ងៃនេះជាទិវាប្រវត្តិសាស្រ្តថ្មីមួយទៀតសម្រាប់ព្រះរាជាណាចក្រកម្ពុជា ក្នុងការបើកទំព័រថ្មីសម្រាប់រាជរដ្ឋាភិបាល ក្រោយការបោះឆ្នោត។ ការទទួលការប្រោសព្រះរាជទានដ៏ខ្ពង់ខ្ពស់បំផុតនេះ គឺជាការផ្តល់នូវព្រះរាជហឬទ័យជឿជាក់ និង​ទុកព្រះទ័យមកលើឯកឧត្តមបណ្ឌិត ហ៊ុន ម៉ាណែត និងក៏ដូចជាការប្រោះព្រុំពរជ័យ​បវរមហា​ប្រសើរ​ដល់នាយករដ្ឋមន្រ្តី និងគណៈរដ្ឋមន្រ្តីថ្មីនេះផងដែរ។ឯកឧត្តម ហ៊ុន ម៉ានី បានបញ្ជាក់ថា "ការផ្ទេរអំណាចដែលបានប្រព្រឹត្តទៅនាពេលនេះ ពិតណាស់ គឺជាការបន្តនិរន្តរភាព និងការប្រព្រឹត្តទៅជាប្រកតីនៃស្ថាប័នកំពូលរបស់ជាតិ​ដោយរលូន​ក្នុងសុខសន្តិភាព។ គណបក្សប្រជាជនកម្ពុជា ក្នុងនាមជាគណបក្សដែលមាន​អាសនៈច្រើនជាងគេ​ក្នុងរដ្ឋសភា ដែលត្រូវដឹកនាំរាជរដ្ឋាភិបាល បានឈ្វេងយល់ច្បាស់ពីសារៈសំខាន់ និងភាព​ចាំបាច់នៃការបន្តវេន និងបានរៀបចំកិច្ចការនេះតាំងពីមុនស្រេចទៅហើយ។ អ្នកបន្តវេនរបស់គណបក្សសុទ្ធតែបានត្រៀមខ្លួនរួចជាស្រេច ដើម្បីទទួលអម្រែកទំនួលខុសត្រូវដ៏ធំមួយនេះ។​យើងខ្ញុំទាំងអស់គ្នាជាកម្មាភិបាលនៃគណបក្សប្រជាជនកម្ពុជា សូមគោរពថ្លែងអំណរគុណ​យ៉ាង​ជ្រាលជ្រៅដល់ថ្នាក់ដឹកនាំគណបក្សដែលបានផ្តល់ការយកចិត្តទុកដាក់ ​និងផ្តល់ឱកាស​សម្រាប់​យុវជនជំនាន់ក្រោយក្រេបជញ្ជក់​យកចំណេះដឹង ​និងបទពិសោធន៍ ​បណ្តុះមនសិការស្នេហាជាតិ ព្រមទាំងបង្ហាញផ្លូវសម្រាប់ការបន្តកិច្ចការបម្រើជាតិមាតុភូមិ។ឯកឧត្តម ហ៊ុន ម៉ានី បន្តថា ឯកឧត្តមបណ្ឌិត ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រ​កម្ពុជា នឹងដឹកនាំនាវាកម្ពុជាបន្តឆ្ពោះទៅមុខយ៉ាងស្វាហាប់ ក្រោមម្លប់នៃសន្តិភាពដែល​បាន​ត្រួសត្រាយ ពូនជ្រុំដោយថ្នាក់ដឹកនាំជំនាន់មុន៕ 

អគ្គិភ័យនៅរោងចក្រកែច្នៃប្លាស្ទិកនៅរដ្ឋ New Mexico សហរដ្ឋអាមេរិក បង្ខំឲ្យមានការប្រកាសអាសន្នពីបញ្ហាសុខភាព

2023/08/07 08:45:49 pm        281
Facebook Telegram Linkin
 អាមេរិក៖ អគ្គិភ័យដ៏ធំមួយ បានឆាបឆេះឡើងនៅរោងចក្រកែឆ្នៃប្លាស្ទិក ស្ថិតក្នុងរដ្ឋ New Mexico សហរដ្ឋអាមេរិក កាលពីរសៀលថ្ងៃអាទិត្យ ក្នុងនោះក្រុមឆ្លើយតបសង្រ្គោះបន្ទាន់ ត្រូវបានបញ្ជូនទៅកាន់កន្លែងកើតហេតុ ហើយក្រុមមន្រ្តី បានចេញការព្រមានពីបញ្ហាសុខភាព ។  ក្រុមភ្នាក់ងារពន្លត់អគ្គិភ័យ មកពីក្រុមជួយសង្រ្គោះអគ្គិភ័យក្រុង Albuquerque ( អាល់ប៊ូគើគី)ក្រុមជួយសង្រ្គោះអគ្គិភ័យស្រុក Bernalillo និងកងកម្លាំងរបស់មូលដ្ឋានកងទ័ពអាកាស Kirtland កំពុងព្យាយាមពន្លត់អណ្តាតភ្លើងនៅតំបន់ភាគខាងត្បូងទីក្រុង Albuquerque ស្របពេលដែលស្ថានភាពប្រែក្លាយឧបទ្ទេវហេតុអាសន្នជាច្រើន ។  រូបភាពវីដេអូឃ្លីបពីនាយកដ្ឋានពន្លត់អគ្គិភ័យក្រុង ឃើញរោងចក្រហ៊ុព័ទ្ធដោយអណ្តាតភ្លើង និងផ្សែងខ្មៅដ៏ក្រាស់ឃ្មឹក ។  គ្មានអ្នករងរបួសត្រូវបានរាយការណ៍នោះទេ ប៉ុន្តែក្រុមមន្រ្តីក្រុង បានចេញសេចក្តីប្រកាសអាសន្នពីបញ្ហាសុខភាព នៅក្នុងតំបន់ ដោយសារតែការកខ្វក់ខ្យល់ដ៏គ្រោះថ្នាក់បង្កឡើងពីផ្សែងភ្លើងឆេះប្លាស្ទិក ។  ដោយឡែក ខ្យល់បក់ខ្លាំង បាននាំផ្សែងទៅកាន់តំបន់ជាច្រើននៅភាគអាគ្នេយ៍ទីក្រុង Albuquerque និងជ្រលងភ្នំខាងត្បូង ជាទីដែលក្រុមមន្រ្តីណែនាំឲ្យរឹតត្បិតសកម្មភាពខាងក្រៅ ដើម្បីចៀសផុតពីគ្រោះថ្នាក់ ៕

យ៉ាងហោចណាស់ ២នាក់ បានស្លាប់ និងជាង ៣០នាក់ បាត់ខ្លួន បន្ទាប់ពីទូកជនអន្តោប្រវេសន៍ លិចនៅសមុទ្រម្ដុំកោះ Lampedusa របស់អ៊ីតាលី

2023/08/07 08:43:22 pm        283
Facebook Telegram Linkin
អ៊ីតាលី៖ សាកសពស្ត្រីម្នាក់ និងកុមារម្នាក់ត្រូវបានស្រង់ឡើងដោយឆ្មាំល្បាតឆ្នេរសមុទ្ររបស់ប្រទេសអ៊ីតាលី បន្ទាប់ពីទូកដឹកជនអន្តោប្រវេសន៍ចំនួន២ បានលិចនៅសមុទ្រម្ដុំកោះ Lampedusa ភាគខាងត្បូងនៃប្រទេសអ៊ីតាលី កាលពីថ្ងៃអាទិត្យ (ទី៦ ខែកក្កដា) ហើយជាមួយគ្នានេះ ឆ្មាំល្បាតឆ្នេរ បាននិយាយថា មនុស្សប្រមាណជា ៥៧នាក់ ត្រូវបានជួយសង្គ្រោះ ហើយជាង ៣០នាក់ត្រូវបានគេជឿថា បានបាត់ខ្លួន ក្នុងសមុទ្រ គិតត្រឹមថ្ងៃអាទិត្យ បន្ទាប់ពីមានហេតុការណ៍លិចទូកនោះ។ដោយឡែក សេវាសង្គ្រោះតាមតំបន់ភ្នំ នៅអ៊ីតាលី បាននិយាយថា ក្នុងប្រតិបត្តិការមួយ ជនអន្តោប្រវេសន៍ ៣៤នាក់ ត្រូវបានយោងឡើងដោយឧទ្ធម្ភាគចក្រពីច្រាំងថ្មចោទនៅកោះ Lampedusa ដែលពួកគេបានជាប់នៅទីនោះ តាំងពីល្ងាចថ្ងៃសុក្រ បន្ទាប់ពីមានការលិចកប៉ាល់មួយទៀត។ សេវាសង្គ្រោះបានបន្ថែមទៀតថា កុមារម្នាក់ និងស្ត្រីមានផ្ទៃពោះ ២នាក់ ក៏ស្ថិតក្នុងចំណោមអ្នកត្រូវបានជួយសង្គ្រោះនោះដែរ។សារព័ត៌មាន Guardian បានរាយការណ៍ថា ដោយដកស្រង់ការរៀបរាប់ដំណើររឿងពីអ្នកនៅរស់រានមានជីវិត ប្រព័ន្ធផ្សព្វផ្សាយអ៊ីតាលី បានឲ្យដឹងថា ទូកទាំង ២នេះ បានចាកចេញពីទីក្រុង Sfax ក្នុងប្រទេសទុយនីស៊ី ហើយបានលិចនៅក្នុងសមុទ្រ ដែលមានការលំបាក ក្នុងការធ្វើដំណើរ។ក្រសួងមហាផ្ទៃអ៊ីតាលី បាននិយាយកាលពីថ្ងៃសុក្រសប្ដាហ៍មុនថា ប្រទេសនេះកំពុងជួបប្រទះការកើនឡើងនៃការធ្វើដំណើររបស់ជនអន្តោប្រវេសន៍តាមសមុទ្រ ដោយមានអ្នកចូលមកដល់ជិត ៩២.០០០នាក់មកទល់ពេលនេះ នៅឆ្នាំនេះ ធៀបនឹងចំនួនប្រហែល ៤៣.០០០នាក់ ក្នុងរយៈពេលដូចគ្នា កាលពីឆ្នាំ២០២២។ របាយការណ៍មួយ បានឲ្យដឹងថា មនុស្សជាង ២.០០០នាក់ បានមកដល់កោះ Lampedusa ក្នុងរយៈពេលប៉ុន្មានថ្ងៃចុងក្រោយនេះ៕

អ៊ីស្រាអែលបញ្ចុះសពទាហានល្បាតម្នាក់ ដែលត្រូវបានសម្លាប់ ក្នុងការបាញ់ប្រហារនៅទីក្រុង Tel Aviv

2023/08/07 08:37:37 pm        313
Facebook Telegram Linkin
អ៊ីស្រាអែល៖ ប្រជាជនអ៊ីស្រាអែល កាលពីថ្ងៃអាទិត្យ (ទី៦ ខែសីហា) បានធ្វើពិធីបញ្ចុះសពអ្នកល្បាតក្រុង ដែលត្រូវបានសម្លាប់ ដោយខ្មាន់កាំភ្លើងប៉ាឡេស្ទីនកាលពីថ្ងៃមុន។មិត្តភ័ក្តិ និងក្រុមគ្រួសារ បានកាន់ទុក្ខសពលោក Chen Amir ដែលបានស្លាប់ បន្ទាប់ពីត្រូវបានបាញ់ ដោយជនជាតិប៉ាឡេស្ទីន នៅលើផ្លូវមួយ នាកណ្តាលទីក្រុង Tel Aviv។ ហើយបន្ទាប់មកអភិបាលក្រុង Tel Aviv បាននិយាយថា ជនសង្ស័យដែលជាខ្មាន់កាំភ្លើងនោះ ត្រូវបានបាញ់សម្លាប់ដោយមន្ត្រីល្បាតក្រុង។សេចក្តីថ្លែងការណ៍របស់នគរបាលអ៊ីស្រាអែលបានឲ្យដឹងថា អ្នកបាញ់ប្រហារនោះ គឺជាអ្នកស្រុកវ័យ ២៧ឆ្នាំម្នាក់ នៅទីក្រុង Jenin របស់ប៉ាឡេស្ទីន ក្នុងតំបន់កាន់កាប់ West Bank។ ក្រុមសកម្មប្រយុទ្ធប៉ាឡេស្ទីនហាម៉ាស់ (Hamas) បានសរសើរពីភាពក្លាហាននៃការវាយប្រហារនេះ ប៉ុន្តែមិនទទួលខុសត្រូវចំពោះហេតុការណ៍នេះឡើយ។សូមបញ្ជាក់ថា ការបាញ់ប្រហារនេះកើតឡើងមួយថ្ងៃបន្ទាប់ពីក្មេងជំទង់ជនជាតិប៉ាឡេស្ទីនម្នាក់ ត្រូវបានសម្លាប់ក្នុងការវាយប្រហារដោយជនស៊ីវិលអ៊ីស្រាអែលលើភូមិប៉ាឡេស្ទីនមួយនៅតំបន់ West Bank ហើយទីក្រុងវ៉ាស៊ីនតោនបានសម្តែងកង្វល់ពីការកើនឡើងនៃការវាយប្រហារ ដោយអ្នកតាំងលំនៅជនជាតិជ្វីហ្វលើភូមិប៉ាឡេស្ទីននៅតំបន់ West Bank ជាកន្លែងដែលអំពើហិង្សាមានសភាពកាន់តែអាក្រក់ទៅៗ ចាប់តាំងពីឆ្នាំមុន ដោយការវាយឆ្មក់របស់អ៊ីស្រាអែលកាន់តែកើនឡើង ក្នុងពេលដែលការវាយប្រហារតាមដងផ្លូវពីសំណាក់ប៉ាឡេស្ទីនលើជនជាតិអ៊ីស្រាអែលក៏កាន់តែកើតមានដែរ៕

ក្រុមភ្នាក់ងារពន្លត់អគ្គិភ័យ កំពុងព្យាយាមពន្លត់ភ្លើងនៅកោះ Sardinia ប្រទេសអ៊ីតាលី

2023/08/07 07:39:41 pm        282
Facebook Telegram Linkin
អ៊ីតាលី៖ យោងតាមសេចក្តីរាយការណ៍ពីសារព័ត៌មានក្នុងស្រុក បានឲ្យដឹងថា ក្រុមភ្នាក់ងារពន្លត់អគ្គិភ័យ បានព្យាយាមទប់ស្កាត់ភ្លើងឆេះព្រៃនៅកោះ Sardinia ប្រទេសអ៊ីតាលី កាលពីថ្ងៃអាទិត្យ ស្របពេលដែលប្រជាពលរដ្ឋប្រហែល ៦០០នាក់ ត្រូវបានជម្លៀសចេញពីតំបន់នោះភ្លាមៗ ។  សារព័ត៌មានក្នុងស្រុក រាយការណ៍ថា ការជម្លៀសខ្លួនមនុស្ស បានធ្វើឡើងនៅសង្កាត់ Podasa និងសង្កាត់ San Giovanni ជាវិធានការប្រការទុកជាមុន ។  រូបភាពវីដេអូឃ្លីបដែលបញ្ចេញដោយកងពន្លត់អគ្គិភ័យអ៊ីតាលី ឃើញក្រុមភ្នាក់ងារពន្លត់អគ្គិភ័យ ព្យាយាមពន្លត់ភ្លើងឆេះព្រៃនៅទីក្រុង Cagliari ហើយយន្តហោះពន្លត់អគ្គិភ័យ បានដឹកទឹកពីតំបន់ឆ្នេរសង្កាត់ Monte Longu ដើម្បីពន្លត់ភ្លើងឆេះព្រៃនៅលើកោះមួយនេះ ។  យន្តហោះពន្លត់អគ្គិភ័យ ៧គ្រឿង បានចូលរួមប្រតិបត្តិការពន្លត់ភ្លើងឆេះព្រៃ ដោយទម្លាក់ទឹកលើអណ្តាតភ្លើង ។  វីដេអូថតបានផងដែរការឆេះបន្លែ និងរបងនៅតាមផ្លូវនៅសង្កាត់ Posada ។  ខ្យល់បក់ខ្លាំង បានរួមចំណែកនាំឲ្យភ្លើងឆេះព្រៃរីករាលដាលយ៉ាងឆាប់រហ័ស ។ សេវាកម្មពន្លត់អគ្គិភ័យនៅលើកោះ បានបិទផ្លូវហាយវ៉េចម្ងាយ ៤០គ.ម រវាងទីក្រុង Siniscola និងទីក្រុង Olbia ។  សូមបញ្ជាក់ថា តំបន់ភាគខាងត្បូងប្រទេសអ៊ីតាលី ជាពិសេសកោះធំបំផុត និងជាកោះមានប្រជាពលរដ្ឋច្រើនបំផុត Sicilyបានរងផលប៉ះពាល់ដោយសារភ្លើងឆេះព្រៃកាលពីខែកក្កដាកន្លងទៅ ៕

ប្រទេសចិន និងរុស្សី បញ្ជូននាវាចម្បាំងទៅជិតរដ្ឋអាឡាស្កា អាមេរិកឆ្លើយតបជាមួយនាវាពិឃាតរបស់កងទ័ពជើងទឹក

2023/08/07 07:37:14 pm        347
Facebook Telegram Linkin
ចិន៖ សមាជិកព្រឹទ្ធសភាអាមេរិកពីររូបរបស់រដ្ឋអាឡាស្កា បាននិយាយថា នាវាយោធាចំនួន ១១ គ្រឿងមកពីប្រទេសចិន និងរុស្ស៊ីដែលត្រូវបានរកឃើញប្រតិបត្តិការនៅជិតកោះ Aleutian( អាលូស្ហិន) កាលពីសប្តាហ៍មុន ត្រូវបានជួបដោយនាវាពិឃាតចំនួន៤គ្រឿង របស់កងទ័ពជើងទឹកអាមេរិក។ សមាជិកព្រឹទ្ធសភាមកពីគណបក្សសាធារណរដ្ឋទាំងពីររូប គឺលោក ដានស៊ុលលីវ៉ាន់ (Dan Sullivan) និង លោក លីសា មឺណូស្គី (Lisa Murkowski) បានចេញសេចក្តីប្រកាសព័ត៌មានរួមគ្នាមួយកាលពីយប់ថ្ងៃសៅរ៍ ដោយនិយាយថា ពួកគេបានទទួលព័ត៌មានសង្ខេបអំពីប្រតិបត្តិការនេះ។លោក មឺណូស្គី បាននិយាយថា៖«យើងបានទាក់ទងយ៉ាងជិតស្និទ្ធជាមួយថ្នាក់ដឹកនាំមកពីទីបញ្ជាការ អាឡាស្កា អស់រយៈពេលជាច្រើនថ្ងៃហើយ ហើយបានទទួលការព័ត៌មានសង្ខេបសម្ងាត់លម្អិតអំពីនាវាបរ ទេសទាំងនោះ។លោកស៊ុលលីវ៉ាន បាននិយាយថា៖«ការលុកលុយរបស់នាវាចម្បាំងចិន និងរុស្ស៊ីចំនួន ១១គ្រឿង ដែលប្រតិបត្តិការជាមួយគ្នា នៅឆ្នេរសមុទ្រអាឡាស្កា គឺជាការរំលឹកមួយទៀតថា យើងបានឈានចូលយុគសម័យថ្មីនៃការឈ្លានពានផ្តាច់ការដែលដឹកនាំដោយពួកផ្តាច់ការនៅទីក្រុងប៉េកាំង និងទីក្រុងមូស្គូ»។សង្គ្រាមនៅអ៊ុយក្រែន និងភាពតានតឹងចិន-តៃវ៉ាន់ បានធ្វើឲ្យទំនាក់ទំនងអាមេរិកជាមួយប្រទេសទាំងពីរមានភាពតានតឹង។លោក Brent Sadler ដែលជាប្រធានក្រុមកងទ័ពជើងទឹកចូលនិវត្តន៍ និងជាអ្នកស្រាវជ្រាវជាន់ខ្ពស់នៅអង្គការមូលនិធិ Heritage Foundation បាននិយាយប្រាប់កាសែត Wall Street Journal ថា៖«ចំណាត់ការ គឺជាការបង្កហេតុយ៉ាងខ្លាំង»៕

លំនៅឋានមួយខ្នងនៅរដ្ឋអាឡាស្កា បានបាក់ចូលក្នុងទន្លេ

2023/08/07 07:34:37 pm        272
Facebook Telegram Linkin
អាមេរិក៖ វីដេអូពីយានដ្រូនថតផ្ទាល់ ថតបានពេលភ្លាមៗដែលលំនៅឋានមួយខ្នងបានបាក់ចូលទៅក្នុងទន្លេ Mendenhall ក្នុងរដ្ឋធានីរដ្ឋអាឡាស្កា បន្ទាប់ពីទឹកជំនន់ពីការរលាយទឹកកកកាលពីថ្ងៃសៅរ៍។ ការជនលិចក្នុងកំណត់ត្រា បានវាយប្រហារមកក្នុងទីក្រុង Juneau កាលពីថ្ងៃសៅរ៍ បន្ទាប់ពីទំនប់ទឹកកកបានបាក់ធ្លាយ បំផ្លាញយ៉ាងហោចណាស់រចនាសម្ព័ន្ធមួយកន្លែង និងកំពុងជំរុញឲ្យមន្ត្រីទីក្រុងចេញបទបញ្ជាជម្លៀសប្រជាជន សម្រាប់អ្នករស់នៅលើដងផ្លូវមួយកន្លែង។ ទឹកជំនន់ផ្ទុះឡើងដោយការរលាយទឹកកក បានកើតឡើងនៅពេលដែលទឹកដែលជាប់គាំង បានលេចចេញតាមស្នាមប្រេះ នៅទំនប់ទឹកកកតូចមួយ ជាបាតុភូតដែលបានកើនឡើងនៅជុំវិញពិភពលោក បណ្តាលមកពីបម្រែបម្រួលអាកាសធាតុ។យោងតាមការិយាល័យអាកាសធាតុជាតិបានឲ្យដឹងថា កម្រិតទឹកនៅទន្លេ Mendenhall បានឈានដល់ជិត៤.៦ម៉ែត្រ កាលពីព្រឹកថ្ងៃអាទិត្យ ដែលកើនឡើង៩១សង់ទីម៉ែត្រលើកំណត់ត្រាមុន ដែលបានកំណត់នៅក្នុងឆ្នាំ២០១៦ និង១.៥ម៉ែត្រលើកម្រិតទឹកជំនន់មធ្យម៕

ការផ្ទុះជាច្រើនបានវាយប្រហារផ្លូវស្ពានរវាងតំបន់គ្រីម៉េ និងផ្នែកខ្លះនៃតំបន់ Kherson ដែលរុស្ស៊ីកាន់កាប់

2023/08/07 07:30:37 pm        338
Facebook Telegram Linkin
រុស្ស៊ី៖ ក្រុមអាជ្ញាធររុស្ស៊ីបាននិយាយថា ការបំផ្ទុះជាច្រើនបានដាក់គោលដៅវាយប្រហារលើផ្លូវស្ពានសំខាន់ៗ តភ្ជាប់តំបន់កាន់កាប់គ្រីម៉េដែលតភ្ជាប់ជាមួយផ្នែកខ្លះនៃតំបន់ Kherson ក្រោមការគ្រប់គ្រងរបស់រុស្ស៊ី ខណៈដែលអ៊ុយក្រែនបង្កើនគោលដៅរបស់ខ្លួនទៅលើហេដ្ឋារចនាសម្ព័ន្ធ និងទឹកដីរបស់រុស្ស៊ី។ការបំផ្ទុះនោះបានកើតឡើងនៅថ្ងៃដូចគ្នាដែលអភិបាលក្រុងមូស្គូ បាននិយាយថា យានដ្រូនមួយត្រូវបានបាញ់ទម្លាក់នៅជិតទីក្រុងនេះ ហើយភ្លាមៗបន្ទាប់ពីអ៊ុយក្រែនបានវាយប្រហារលើនាវាដឹកប្រេងដ៏ធំបំផុតរបស់រុស្ស៊ីដោយប្រើយានដ្រូនសមុទ្រ ក៏ដូចជាធ្វើការវាយប្រហារលើមូលដ្ឋានទ័ពជើងទឹកដ៏សំខាន់មួយរបស់រុស្ស៊ីផងដែរ។ប្រមុខស្តីទីនៃតំបន់ Kherson ដែលតែងតាំងដោយរុស្ស៊ី លោក Vladimir Saldo និយាយថា មីស៊ីលដែលបានវាយប្រហារលើស្ពានចំនួនពីរនៅតំបន់គ្រីម៉េ កាលពីថ្ងៃអាទិត្យ សុទ្ធតែជាមីស៊ីលស្រមោលព្យុះ ដែលជាមីស៊ីលរយៈចម្ងាយឆ្ងាយផ្គត់ផ្គង់ដល់អ៊ុយក្រែនដោយចក្រភពអង់គ្លេស។លោក Saldo បានបន្ថែមថា ស្ពានទាំងពីរនោះត្រូវបានប្រើប្រាស់ដោយជនស៊ីវិល និងមិនមែនជាចរាចរណ៍យោធាទេ។ ការបំផ្ទុះនោះបានប៉ះពាល់ដល់បំពង់បង្ហូរឧស្ម័នរាវដែលរត់តាមបណ្តោយស្ពាន ហើយបានកាត់ផ្តាច់ការផ្គត់ផ្គង់ដល់អ្នកស្រុកចំនួន២០.០០០នាក់នៃទីក្រុង Henichesk ក្នុងតំបន់ Kherson ផងដែរ៕

ទាហាន៤នាក់ស្លាប់ ក្នុងការវាយប្រហារនៅអ៊ីស្រាអែល ក្នុងទីក្រុងដាម៉ាស់

2023/08/07 07:28:33 pm        263
Facebook Telegram Linkin
អ៊ីស្រាអែល៖ ប្រព័ន្ធផ្សព្វផ្សាយរដ្ឋស៊ីរី បាននិយាយថា ទាហានស៊ីរី៤នាក់ ត្រូវបានសម្លាប់និង៤នាក់ផ្សេងទៀត បានរងរបួស ក្នុងការវាយប្រហារដោយមីស៊ីលរបស់អ៊ីស្រាអែលកាលពីពេលយប់។ ទីភ្នាក់ងារសារព័ត៌មាន Sana បានដកស្រង់សម្តីពីប្រភពយោធាដោយនិយាយថា ការវាយប្រហារនៅជិតរដ្ឋធានីដាម៉ាស់ បានបណ្តាលឲ្យមានការបំផ្លាញសម្ភារៈមួយចំនួនផងដែរ។ ប្រភពបានអះអាងថា មីស៊ីលរបស់អ៊ីស្រអែលមួយចំនួន ត្រូវបានបាញ់ទម្លាក់។ រហូតមកដល់ពេលនេះ អ៊ីស្រាអែលពុំទាន់បានធ្វើការអធិប្បាយណាមួយនៅឡើយ។ ជាញឹកញាប់អ៊ីស្រាអែលតែងតែដាក់គោលដៅមកលើទីតាំងយោធាក្នុងប្រទេសស៊ីរីដែលមានទំនាក់ទៅនឹងក្រុមសកម្មប្រយុទ្ធគាំទ្រដោយអ៊ីរ៉ង់។ ទីភ្នាក់ងារសារព័ត៌មាន AFP និយាយថា អ្នកឆ្លើយឆ្លងព័ត៌មានរបស់ខ្លួននៅក្នុងទីក្រុងដាម៉ាស់ បានរាយការណ័ថា បាលឺសំឡេងផ្ទុះជាច្រើន។ វីដេអូដែលបានផុសនៅលើបណ្តាញផ្សព្វផ្សាយសង្គមជាការអះអាងបង្ហាញពីពន្លឺដ៏ភ្លឺ នៅលើអាកាស នៅទីជិតខាងទីក្រុងដាម៉ាស់។ កាលពីខែកុម្ភៈ ប្រទេសស៊ីរី បានចោទប្រកាន់អ៊ីស្រាអែលពីការសម្លាប់ជនស៊ីវិល៤នាក់និងទាហានម្នាក់ ក្នុងការវាយប្រហារដោយមីស៊ីលលើទីក្រុងដាម៉ាស់។ ទន្ទឹមនឹងនេះ យោធាអ៊ីស្រាអែលកម្រទទួលស្គាល់ការវាយប្រហារជាក់លាក់លើគោលដៅក្នុងប្រទេសស៊ីរី ជាកន្លែងដែលឥទ្ធិពលរបស់អ៊ីរ៉ង់បានកើនឡើងក្នុងប៉ុន្មានឆ្នាំថ្មីៗនេះ៕

បណ្ដាញសង្គម

ព័ត៌មានថ្មីៗ

ជនជាតិអាមេរិកប៉ាឡេស្ទីចំណាយពេលពេញមួយយប់ជាមួយគ្រួសារក្នុងផ្ទះដែលឡោមព័ទ្ធដោយក្រុមតាំងលំនៅនិគមន៍អ៊ីស្រាអែល
08/18/2026 09:08 PM
Facebook Telegram Linkin
កាតានិយាយថា កិច្ចព្រមព្រៀងច្រកសមុទ្រ Hormuz អាចនឹងជួយឲ្យវិលត្រឡប់ទៅរកកិច្ចប្រជុំអាមេរិក-អ៊ីរ៉ង់
08/18/2026 08:08 PM
Facebook Telegram Linkin
ប្រធានាធិបតីចិន លោក Xi ជំរុញកុំ​ឱ្យ​ «បំផ្លាញ» ឋានៈជា «តំបន់សន្តិភាព» របស់អាមេរិកឡាទីន
08/18/2026 08:08 PM
Facebook Telegram Linkin
បេសកជន៖ អាមេរិក​បារម្ភយ៉ាងខ្លាំង ចំពោះការវាយប្រហារតាមអាកាសរបស់អ៊ីស្រាអែលលើមូលដ្ឋានទ័ពអាកាសស៊ីរី
08/18/2026 08:08 PM
Facebook Telegram Linkin
មនុស្សយ៉ាង​តចិច​ ២៥នាក់ ត្រូវបានសម្លាប់ អំឡុង​ការវាយប្រហារនៅរដ្ឋ​ Plateau របស់នីហ្សេរីយ៉ា
08/18/2026 07:08 PM
Facebook Telegram Linkin
មនុស្ស ៣នាក់ រងរបួស ហើយអគាររងការខូចខាតក្នុងការរញ្ជួយដីនៅភាគខាងត្បូងអេស្ប៉ាញ
08/18/2026 07:08 PM
Facebook Telegram Linkin
ពលរដ្ឋរស់នៅទីក្រុងម៉ានីល ដើរលុកទឹកតាមផ្លូវ ស្របពេលភ្លៀងវស្សាវាយប្រហារដ្ឋធានីហ្វីលីពីនមួយនេះ
08/18/2026 07:08 PM
Facebook Telegram Linkin
ទឹកជំនន់បង្ខំឲ្យមនុស្សរាប់ម៉ឺននាក់ជម្លៀសខ្លួននៅរដ្ឋ Odisha និងរដ្ឋ Assam ប្រទេសឥណ្ឌា
08/18/2026 07:08 PM
Facebook Telegram Linkin
មនុស្សម្នាក់ស្លាប់ និងច្រើននាក់ទៀតជាប់ខ្លួន ក្រោយផ្ទះចាស់បាក់រលំនៅទីក្រុង Kolkata ប្រទេសឥណ្ឌា
08/18/2026 07:08 PM
Facebook Telegram Linkin
សាកសពជនអន្តោប្រវេសន៍ ៩នាក់ ត្រូវបានរកឃើញនៅជិតតំបន់ឆ្នេរភាគខាងកើតទីក្រុង Tripoli ប្រទេសលីប៊ី
08/18/2026 07:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.