នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

ជំហររបស់អាមេរិកចំពោះមីយ៉ាន់ម៉ាមិនផ្លាស់ប្តូរទេ ទោះបីមានការលើកលែងទោសមួយផ្នែកដល់លោកស្រី អ៊ុងសាន ស៊ូជី ក៏ដោយ

2023/08/02 07:20:25 pm        110
Facebook Telegram Linkin
លោក Matthew Miller អ្នកនាំពាក្យក្រសួងការបរទេស បានប្រាប់អ្នកយកព័ត៌មានថា ជំហររបស់ទីក្រុងវ៉ាស៊ីនតោន លើសហភាពមីយ៉ាន់ម៉ា មិនត្រូវបានផ្លាស់ប្តូរដោយសារការលើកលែងទោសមួយផ្នែករបស់យោធាដែលកំពុងកាន់អំណាច ចំពោះអតីតមេដឹកនាំលោកស្រី អ៊ុងសាន ស៊ូជី ដែលជាប់ពន្ធនាគារ កាលពីថ្ងៃអង្គារ (១ សីហា) ទេ។លោក Miller បានប្រាប់សន្និសីទសារព័ត៌មានថា នៅតែមាន "វិធានការមួយចំនួន" ដែលយោធាកំពុងកាន់អំណាចរបស់ប្រទេសនេះ "ត្រូវអនុវត្តបន្ថែមទៀត" មុនពេលសហរដ្ឋអាមេរិកអាចផ្លាស់ប្តូរឥរិយាបថរបស់ខ្លួន។ លោក Miller បានជំរុញម្តងទៀតនូវការអំពាវនាវរបស់ក្រុងវ៉ាស៊ីនតោន ដែលទាមទារឲ្យដោះលែង លោកស្រីស៊ូជី ភ្លាមៗ។ប្រព័ន្ធផ្សព្វផ្សាយរដ្ឋ និងប្រភពព័ត៌មានជាច្រើនបាននិយាយថា យោធាដែលកំពុងកាន់អំណាចរបស់ សហភាពមីយ៉ាន់ម៉ា បានលើកលែងទោសកាលពីថ្ងៃអង្គារដល់លោកស្រី ស៊ូជី លើបទចោទចំនួន៥ករណី ក្នុងចំណោមបទចោទសរុបចំនួន១៩ករណីដែលលោកស្រីត្រូវបានកាត់ទោស ប៉ុន្តែលោកស្រីនឹងនៅតែស្ថិតនៅក្រោមការឃុំខ្លួនក្នុងផ្ទះ។ ការលើកលែងទោសនេះមានន័យថា រយៈពេលជាប់ទោស៦ឆ្នាំនឹងត្រូវកាត់ចេញពីការជាប់ពន្ធនាគាររយៈពេល៣៣ឆ្នាំរបស់លោកស្រីស៊ូជី។សហភាពមីយ៉ាន់ម៉ាបានស្ថិតក្នុងភាពចលាចលយ៉ាងបង្ហូរឈាមចាប់តាំងពីដើមឆ្នាំ២០២១មក នៅពេលដែលយោធាបានផ្តួលរំលំរដ្ឋាភិបាលជាប់ឆ្នោតរបស់លោកស្រី ស៊ូជី និងបានដាក់ការបង្រ្កាបលើក្រុមអ្នកប្រឆាំងនៃការគ្រប់គ្រងដោយយោធា ដែលប្រទេសនេះបានឃើញមនុស្សរាប់ពាន់នាក់ត្រូវជាប់គុក ឬត្រូវបានសម្លាប់៕

ព្រះច័ន្ទពេញវង់ដ៏ធំបានរះឡើងនៅលើប្រាសាទ Poseidon របស់ប្រទេសក្រិក

2023/08/02 07:11:38 pm        109
Facebook Telegram Linkin
ព្រះច័ន្ទពេញវង់របស់ខែសីហា ដែលជា «ព្រច័ន្ទពេញវង់ដ៏ធំ» បានរះឡើងនៅខាងក្រោយប្រាសាទ Poseidon នៃវិហារ Cape Sounion ក្នុងប្រទេសក្រិកកាលពីថ្ងៃអង្គារ (១ សីហា) ដែលជាថ្ងៃដំបូងនៃព្រះច័ន្ទដ៏អស្ចារ្យចំនួនពីរក្នុងខែនេះ។ ក្រុមអ្នកមើលផ្កាយជាច្រើនបានប្រមូលផ្តុំគ្នាជុំវិញប្រាសាទថ្មម៉ាបបុរាណនេះ ដែលមានទីតាំងនៅចំណោតថ្មពីលើសមុទ្រភាគខាងត្បូងនៃទីក្រុងអាថែន ដើម្បីមើលទស្សនីយភាពនេះ។ទីភ្នាក់ងារអង្កេតតារាសាស្រ្ត The Old Farmer's Almanac បានដកស្រង់ឈ្មោះជាច្រើនដែលបានដាក់ឱ្យព្រះច័ន្ទ ដោយក្រុមជនជាតិដើមអាមេរិក ដែលជាធម្មតាពួកគេពណ៌នាអំពីព្រឹត្តិការណ៍នៅក្នុងធម្មជាតិ ឬទាក់ទងនឹងសត្វព្រៃ។ ព្រះច័ន្ទពេញវង់នៃខែសីហានេះឈ្មោះថា 'Sturgeon'( ស្ទើជិន) ត្រូវបានគេដាក់ឈ្មោះតាមត្រី sturgeon ដ៏ធំ ដែលចាប់បាននៅក្នុងបឹងនៃអាមេរិកខាងជើងនៅរដូវក្តៅ។ព្រះច័ន្ទ Sturgeon គឺជាព្រះច័ន្ទដំបូងបង្អស់ក្នុងចំណោមព្រះច័ន្ទពេញវង់ដ៏ធំចំនួនពីរនៅក្នុងខែសីហានេះ ដោយព្រះច័ន្ទពេញវង់មួយដួងរំពឹងថានឹងកើតមាននៅថ្ងៃទី៣០ ខែសីហា ខាងមុខនេះ។ ព្រះច័ន្ទពេញវង់ដ៏ធំ គឺជាព្រះច័ន្ទពេញវង់ដែលខិតមកជិតគន្លងផែនដីបំផុត ដែលធ្វើឱ្យព្រះច័ន្ទទាំងនោះហាក់ដូចជាមានទំហំធំជាង និងភ្លឺជាងធម្មតា៕

អាមេរិក៖ រុស្ស៊ី អាចត្រៀមខ្លួនជាស្រេចសម្រាប់ការពិភាក្សាកិច្ចព្រមព្រៀងគ្រាប់ធញ្ញជាតិសមុទ្រខ្មៅ ប៉ុន្តែគ្មានភស្តុតាង

2023/08/02 07:03:50 pm        75
Facebook Telegram Linkin
បេសកជនពិសេសសហរដ្ឋអាមេរិកប្រចាំអង្គការសហប្រជាជាតិ បាននិយាយកាលពីថ្ងៃអង្គារថា សហរដ្ឋអាមេរិក ត្រូវបានគេប្រាប់ថា រុស្ស៊ីបានត្រៀមខ្លួនដើម្បីត្រឡប់មករកកិច្ចចរចាស្តីពីកិច្ចព្រមព្រៀងដែលបានអនុញ្ញាតឲ្យមានការនាំចេញគ្រាប់ធញ្ញជាតិអ៊ុយក្រែននៅសមុទ្រខ្មៅ ប៉ុន្តែយើងពុំបានមើលឃើញ ភស្តុតាងណាមួយនៅឡើយ។ រុស្ស៊ីបានបោះបង់ចោលកិច្ចព្រមព្រៀងកាលពីថ្ងៃទី១៧ ខែកក្កដា ។ ឯកអគ្គរដ្ឋទូតសហរដ្ឋអាមេរិក ប្រចាំអង្គការសហប្រជាជាតិ លោកស្រី Linda Thomas-Greenfield បាននិយាយថា ប្រសិនបើរុស្ស៊ី ចង់ឲ្យផលិតផលជីរបស់ខ្លួនទៅកាន់ទីផ្សារពិភពលោក និងបង្កើតអន្តរការកសិកម្ម ពួកគេនឹងត្រូវវិលត្រលប់មករកកិច្ចព្រមព្រៀងនេះវិញ។ លោកស្រីបាននិយាយនៅក្នុងសន្និសីទសារព័ត៌មានថា យើងបានមើលឃើញការបញ្ជាក់ថា ពួកគេអាចចាប់អារម្មណ៍ក្នុងការវិលត្រឡប់មករកកិច្ចពិភាក្សា។ ទីក្រុងមូស្គូ និយាយថា ប្រសិនបើការទាមទារបស់ខ្លួននឹងធ្វើឲ្យប្រសើរឡើងការនាំចេញគ្រាប់ធញ្ញជាតិ និងជីផ្ទាល់របស់ខ្លួនត្រូវបានបំពេញ ដែលខ្លួននឹងពិចារណាការចាប់ផ្តើមឡើងវិញកិច្ចព្រមព្រៀងសមុទ្រខ្មៅ។ អ្នកនាំពាក្យវិមានក្រឹមឡាំងលោក Dmitry Peskov បាននិយាយបញ្ជាក់ជាថ្មីថា ទីក្រុងមូស្គូ ត្រៀមខ្លួនជាស្រេចដើម្បីវិលត្រឡប់ដោយគ្មានការពន្យាពេលមករកកិច្ចព្រមព្រៀងគ្រាប់ធញ្ញជាតិ ប៉ុន្តែបន្ទាប់ពីលក្ខខណ្ឌនានាសម្រាប់ប្រទេសរុស្ស៊ីត្រូវបានបំពេញ។ ការនាំចេញគ្រាប់ធញ្ញជាតិ និងជីរបស់រុស្ស៊ី ពុំមែនជាគោលដៅចំពោះទណ្ឌកម្មរបស់ប្រទេសលោកខាងលិចនោះទេ ប៉ុន្តែទីក្រុងមូស្គូបាននិយាយថា ការរឹតត្បិតលើការបង់ប្រាក់ ភ័ស្តភារ និងការធានារ៉ាប់រង គឺជារបាំងនៃការដឹកជញ្ជូន។ អគ្គលេខាធិការអង្គការសហប្រជាជាតិ លោក Antonio Guterres បានជួបជាមួយអនុរដ្ឋមន្ត្រីការបរទេសរុស្ស៊ី លោក Sergei Vershinin កាលពីមួយសប្តាហ៍កន្លងទៅនេះ ជាអ្នកដែលបានដឹកនាំការចរចារបស់ទីក្រុងមូស្គូដើម្បីដើម្បីយល់ព្រមកិច្ចព្រមព្រៀងនៅសមុទ្រខ្មៅនៅក្រៅកិច្ចប្រជុំកំពូលប្រព័ន្ធស្បៀងអាហារអង្គការសហប្រជាជាតិ នៅក្នុងទីក្រុងរ៉ូម។

ប្រទេសអាល្លឺម៉ង់ បារាំង ឥណ្ឌូនេស៊ី ស្ថិតក្នុងចំណោមប្រទេស ដែលត្រូវបានអញ្ជើញឲ្យចូលរួមកិច្ចប្រជុំកំពូល Amazon នៅប្រទេសប្រេស៊ីល

2023/08/02 06:46:30 pm        102
Facebook Telegram Linkin
មន្ត្រីតំបន់ម្នាក់ បាននិយាយកាលពីថ្ងៃអង្គារ (ទី១ ខែសីហា)ថា ប្រទេសប្រេស៊ីល បានអញ្ជើញប្រទេសមកពីអឺរ៉ុប អាស៊ី និងអាហ្រ្វិកកណ្តាល ដើម្បីចូលរួមក្នុងកិច្ចប្រជុំកំពូលAmazon (អាម៉ាហ្សូន) ដែលនឹងចាប់ផ្តើមនៅសប្តាហ៍ក្រោយ នៅទីក្រុងបេឡែម(Belem)។ ប្រធាននាយកដ្ឋានបរិស្ថានរបស់ប្រទេសប្រេស៊ីល លោកស្រី ម៉ារៀ អែនជេលីកា អ៊ីកេដា (Maria Angelica Ikeda) បាននិយាយថា កិច្ចប្រជុំកំពូលនេះ ត្រូវបានគេរំពឹងថា នឹងមានការចូលរួមពីតំណាងរដ្ឋាភិបាលនៃប្រទេសឥណ្ឌូនេស៊ី សាធារណរដ្ឋកុងហ្គោ សាធារណរដ្ឋប្រជាធិបតេយ្យកុងហ្គោ ន័រវែស អាល្លឺម៉ង់ បារាំង និងប្រទេសកោះសមុទ្រការ៉ាអ៊ីព សង់ វីនសិនធ៍ (St Vincent) និងហ្គ្រេណាឌីន ( Grenadines) ក្នុងអំឡុងពេលធ្វើសន្និសីទសារព័ត៌មាន កាលពីថ្ងៃអង្គារ ក្នុងទីក្រុងប្រាស៊ីលីយ៉ា(Brasilia)។កិច្ចប្រជុំកំពូលនាពេលខាងមុខនេះ គឺជាការកិច្ចខិតខំប្រឹងប្រែង ដើម្បីផ្លាស់ប្តូរបណ្តាប្រទេស នៃអង្គការ​សន្ធិសញ្ញាសហប្រតិបត្តិការអាម៉ាហ្សូន (ACTO) ឲ្យធ្វើសកម្មភាពរួមគ្នា ដើម្បីការពារ​ព្រៃឈើ និងលើកកម្ពស់ការអភិវឌ្ឍ​ប្រកបដោយនិរន្តរភាព នៅក្នុងតំបន់ដែលត្រូវបាន​គំរាមកំហែង​ដោយ​អ្នកកាប់ឈើខុសច្បាប់ និងអ្នករុករករ៉ែមាស​ អ្នករត់ពន្ធសត្វ ​និងអ្នកជួញដូរគ្រឿងញៀន។ ACTO ត្រូវបានចាប់ផ្តើម នៅឆ្នាំ ១៩៧៨ ដោយបូលីវី ប្រេស៊ីល កូឡុំប៊ី អេក្វាឌ័រ ហ្គីយ៉ាណា ប៉េរូ ស៊ូរីណាម និងវ៉េណេហ្ស៊ុយអេឡា។កិច្ចប្រជុំកំពូលអាម៉ាហ្សូន នឹងប្រមូលផ្តុំក្រុមមេដឹកនាំនៃប្រទេសនៃតំបន់នេះ​ នៅថ្ងៃទី ៨ និង៩ ខែសីហា ​នៅទីក្រុងបេឡែម ប្រទេសប្រេស៊ីលភាគខាងជើង។

អគ្គិសនីកម្ពុជា ហាមបោះយុថ្កានៅទីតាំងគន្លងខ្សែបណ្តាញអគ្គិសនីកប់បាតសមុទ្រ ក្នុងភូមិសាស្រ្តខេត្តកោះកុង

2023/08/02 06:26:59 pm        874
Facebook Telegram Linkin
កោះកុង៖ អគ្គនាយកអគ្គិសនីកម្ពុជា បានជូនដំណឹងទៅកាន់ម្ចាស់ទូកនេសាទ កាណូត និងកប៉ាល់ធំៗ ហាមឱ្យមិនបោះយុថ្កានៅទីតាំងគន្លងខ្សែបណ្តាញអគ្គិសនីកប់ក្រោមបាតសមុទ្រ ដោយតម្រូវឱ្យរក្សាគម្លាត២០០ម៉ែត្រ។លោក ង៉ែត សុខន អគ្គនាយកស្តីទីអគ្គិសនីកម្ពុជា កាលពីថ្ងៃទី២៨ ខែកក្កដា ឆ្នាំ២០២៣ កន្លងមក បាន ជូនដំណឹងមកកាន់រដ្ឋបាលខេត្តកោះកុង អំពីការងារតភ្ជាប់បណ្តាញអគ្គិសនី​តង់ស្យុង២២គីឡូវ៉ុល និង៣៥គីឡូវ៉ុល ​ក្នុងតំបន់ខេត្តកោះកុង ​និងខេត្តព្រះសីហនុ ក្រោមបាតសមុទ្របញ្ចប់ជាស្ថាពរ។អគ្គនាយកស្តីទីអគ្គិសនីកម្ពុជា បានបន្តថា តំបន់ដែលសាងសង់ខ្សែបណ្តាញអគ្គិសនី មានជាលើអាកាស ​និងខ្សែកប់ក្រោមបាតសមុទ្រឆ្លងកាត់កោះទទឹង ​កោះស្តេច កោះសាមិត កោះអំពិលតូច កោះអំពិលធំ កោះស្មាច់ កោះស្រមោច កោះម្នាស់ កោះតាទាម និងកោះរ៉ុង ដោយបាន​សម្ពោធដាក់ឱ្យជាផ្លូវការកាលពីថ្ងៃទី២១ ខែមិថុនា​ ឆ្នាំ២០២៣កន្លងទៅ។ដើម្បីថែរក្សាការពារសុវត្ថិភាព និងទប់ស្កាត់គ្រោះហានិភ័យប្រការណាមួយនោះ អគ្គិសនីកម្ពុជា បានស្នើសុំលោកជំទាវ មិថុនា ភូថង អភិបាលខេត្តកោះកុង​ ជួយផ្សព្វផ្សាយ និងជូនដំណឹង​ដល់ម្ចាស់ទូកនេសាទធំៗ និងក្រុមហ៊ុនដែលមានកាណូត កប៉ាល់ ដែលធ្វើដំណើរឆ្លងកាត់​តាមបណ្តាកោះមួយចំនួនខាងលើក្នុងខេត្តដោយហាមមិនឱ្យបោះយុទ្ធការនៅទីតាំងគន្លងខ្សែ និងរក្សាគម្លាតប្រមាណ២០០ម៉ែត្រពីគន្លងខ្សែកប់ក្រោមបាតសមុទ្រ ដើម្បីបញ្ចៀសផល​ប៉ះពាល់លើខ្សែដែលអាចបង្កគ្រោះថ្នាក់ជាយថាហេតុ។ទាក់ទិននឹងការជូនដំណឹងរបស់អគ្គិសនីកម្ពុជានេះដែរ ត្រូវបានលោក ចេង មុនីរិទ្ធ អភិបាលស្រុកគិរីសាគរ អះអាង នៅព្រឹកថ្ងៃទី២ ខែសីហា ឆ្នាំ២០២៣ថា​ មកទល់ពេលនេះ លោកមិនទាន់​ទទួលបានលិខិតជូនដំណឹងពីអគ្គិសនីកម្ពុជានោះទេ អំពីការ​ហាមប្រាម​មិនឱ្យ​បោះយុថ្កា​លើខ្សែបណ្តាញអគ្គិសនីកប់ក្រោមបាតសមុទ្រ ក្នុងភូមិសាស្រ្តរបស់លោក។ប៉ុន្តែប្រសិនបើមានទទួលការណែនាំពីស្ថាប័នជំនាញ និងលោកជំទាវអភិបាលខេត្ត លោកនឹងចុះទៅផ្សព្វផ្សាយទៅកាន់ម្ចាស់ទូកនេសាទ កាណូត និងកប៉ាល់ ​ដើម្បីជ្រាបជាព័ត៌មាន ហើយចូលរួមអនុវត្តឱ្យមានប្រសិទ្ធភាពខ្ពស់បំផុត៕ អត្ថបទ ឈឹម មករា

អ្នកនាំពាក្យ គ.ជ.ប៖ គិតត្រឹមព្រឹកនេះ ពុំទាន់មានបណ្ដឹងតវ៉ាលទ្ធផលបណ្ដោះអាសន្ន នៃការបោះឆ្នោត

2023/08/02 06:16:43 pm        198
Facebook Telegram Linkin
ភ្នំពេញ៖ ឯកឧត្តម ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានឲ្យដឹងថា គិតត្រឹមព្រឹកថ្ងៃទី២ ខែសីហា ឆ្នាំ២០២៣នេះ ពុំទាន់មានបណ្ដឹងតវ៉ា ពី​គណបក្ស​នយោបាយណាមួយ លើលទ្ធផលបណ្ដោះអាសន្ន ​នៃការបោះឆ្នោតជ្រើសតាំង​តំណាងរាស្ត្រ នីតិកាលទី៧ នៅឡើយទេ ។ឯកឧត្តម ហង្ស ពុទ្ធា បានថ្លែងប្រាប់ BTV នៅព្រឹកថ្ងៃទី២ ខែសីហានេះថា បន្ទាប់ពីការប្រកាស​លទ្ធផល​បណ្ដោះអាសន្ន កាលពីព្រឹកម្សិលមិញ ដោយគណបក្សនយោបាយអាចដាក់ពាក្យ​បណ្ដឹងតវ៉ាមក គ.ជ.ប ឬក្រុមប្រឹក្សាធម្មនុញ្ញ ក្នុងរយៈពេល៧២ម៉ោងយ៉ាងយូរ ។ឯកឧត្តម បានបន្តថា តាមនីតិវិធី បើមានបណ្ដឹងត្រូវប្ដឹងមក គ.ជ.ប ឬក្រុមប្រឹក្សាធម្មនុញ្ញ ប៉ុន្តែអ្វី​ដែល​គួរឲ្យកត់សម្គាល់នោះ ​មិនមាន​ភស្តុតាង​បណ្ដឹង ​នៅតាមការិយាល័យបោះឆ្នោតនោះទេ ដូចនេះ​ទំនងគ្មានបណ្ដឹងនោះទេ ​ហើយបើគ្មានបណ្ដឹង គ.ជ.ប នឹងប្រកាសលទ្ធផលផ្លូវការនៅថ្ងៃទី៤ ឬទី៥ ខែសីហា ឆ្នាំ២០២៣ខាងមុខ ។ឯកឧត្តម ហង្ស ពុទ្ធា បានបន្ថែមថា ការមិនមានបណ្ដឹងតវ៉ា ​ពីលទ្ធផលបណ្ដោះអាសន្ន នៃការ​បោះឆ្នោតនេះ បានបង្ហាញផងដែរ ​ពីភាពចាស់ទុំរបស់គណបក្សនយោបាយ ហើយមានការជឿជាក់​លើការរៀបចំសេវាបោះឆ្នោត ​របស់គណៈកម្មាធិការជាតិរៀបចំការបោះឆ្នោត ។អ្នកនាំពាក្យ គ.ជ.ប បានបញ្ជាក់ថា ​ពាក់ព័ន្ធសំណុំរឿងបុគ្គល ​ដែលបានគូសបំផ្លាញសន្លឹកឆ្នោត កាលពីការបោះឆ្នោតជ្រើសតាំងតំណាងរាស្ត្រ ​អាណត្តិទី៧​កន្លងទៅនេះ ក៏ត្រូវបាន​ជំនុំជម្រះរួចរាល់ហើយដែរ ​គឺនៅតែ ​គ.ជ.ប ​ដាក់សេចក្តីជូនដំណឹងទៅបុគ្គលទាំងនោះ បង់នូវប្រាក់ពិន័យប៉ុណ្ណោះ ។កាលពីព្រឹកថ្ងៃទី១ ខែសីហាម្សិលមិញ គ.ជ.ប បានប្រកាស​លទ្ធផល​បណ្ដោះអាសន្ន ឃើញថា គណបក្សប្រជាជនកម្ពុជា​ទទួលបានសំឡេងគាំទ្រ​ ច្រើនជាងគណបក្សនយោបាយផ្សេងៗ ដែលមាន​ចំនួនជាង ៦លានសំឡេង ​ខណៈគណបក្សហ៊្វុនស៊ិនប៉ិច ​ឈរលេខរៀងទី២ មានជាង ៧០ម៉ឺនសំឡេង ៕ អត្ថបទ បាន សុខរិទ្ធិ 

រដ្ឋមន្ត្រីក្រសួងបរិស្ថាន អញ្ជើញសម្ពោធដាក់ឱ្យប្រើប្រាស់ជាផ្លូវការស្នាក់ការឧទ្យានុរក្ស និងផ្ទះស្នាក់ "កេសរកូល"

2023/08/02 06:07:27 pm        145
Facebook Telegram Linkin
សៀមរាប៖ នៅព្រឹកថ្ងៃទី២ ខែសីហា ឆ្នាំ២០២៣នេះ ក្រសួងបរិស្ថាន រៀបចំពិធីសម្ពោធដាក់ឱ្យប្រើប្រាស់ជាផ្លូវការស្នាក់ការឧទ្យានុរក្ស និងផ្ទះស្នាក់ "កេសរកូល" ស្ថិតក្នុងឧទ្យានជាតិព្រះជ័យវរ្ម័ន-នរោត្តម “ភ្នំគូលែន” ភូមិសាស្ត្រភូមិស្រះខ្វាវ ឃុំត្បែង ស្រុកបន្ទាយស្រី ខេត្តសៀមរាប ក្រោមអធិបតីភាព ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន។ស្នាក់ការ និងផ្ទះស្នាក់នេះ នឹងចូលរួមផ្ដល់នូវបរិយាកាសការងារដ៏ល្អជូនមន្ត្រីឧទ្យានុរក្ស ដែលជា ភ្នាក់ងារអនុវត្តច្បាប់។ ក្នុងដំណើរការប្រចាំថ្ងៃ ជាមជ្ឈមណ្ឌលផ្ដល់ ​និងផ្លាស់ប្តូរព័ត៌មាន ទីតាំង​សម្រាប់រៀបចំកិច្ចប្រជុំនិងផ្តល់ការបណ្តុះបណ្តាលនានា និងធ្វើជាទីកន្លែងប្រកបដោយ​សុវត្ថិភាព​សម្រាប់រក្សាទុក សម្ភារៈដែលជាមធ្យោបាយបទល្មើសដែលបានរឹបអូស៕

បណ្តាប្រទេសនៅអឺរ៉ុបចាប់ផ្តើមជម្លៀសពលរដ្ឋចេញពីប្រទេសនីហ្សេ ដែលរងផលប៉ះពាល់ដោយរដ្ឋប្រហារ

2023/08/02 05:25:56 pm        100
Facebook Telegram Linkin
បារាំង៖ ប្រទេសបារាំងបានចាប់ផ្តើមជម្លៀសពលរដ្ឋបារាំង និងអឺរ៉ុបរាប់រយនាក់ចេញពីប្រទេសនីហ្សេ ប៉ុន្មានថ្ងៃបន្ទាប់ពីប្រធានាធិបតីប្រទេសនីហ្សេ លោក Mohamed Bazoum ត្រូវបានឃុំខ្លួនដោយសមាជិកនៃកងអង្គរក្សប្រធានាធិបតីរបស់ខ្លួន។ ជើងហោះហើរដំបូងក្នុងចំណោមជើងហោះហើរចំនួន៣ជើង ដើម្បីជម្លៀសពលរដ្ឋបារាំង និងអឺរ៉ុបពីប្រទេសនីហ្សេរីយ៉ា ត្រូវបានហោះចេញកាលពីល្ងាចថ្ងៃអង្គារ ហើយពលរដ្ឋចំនួន២៦២នាក់ត្រូវបានបញ្ចូនឡើងយន្តហោះបារាំងចេញពីប្រទេសនីហ្សេផងដែរ។ប្រទេសបារាំង អ៊ីតាលី និងអេស្ប៉ាញ បានប្រកាសជម្លៀសប្រជាជនចេញពីប្រទេសនីហ្សេ សម្រាប់ពលរដ្ឋរបស់ពួកគេ និងជនជាតិអឺរ៉ុបដទៃទៀត។ ក្រសួងការពារជាតិអេស្បាញបានប្រកាសពីការត្រៀមលក្ខណៈដើម្បីជម្លៀសពលរដ្ឋជាង៧០នាក់ ហើយអ៊ីតាលីក៏បាននិយាយថាខ្លួនកំពុងរៀបចំជើងហោះហើរផងដែរ។ការិយាល័យក្រសួងការបរទេសរបស់ប្រទេសអាល្លឺម៉ង់បាននិយាយថា ពលរដ្ឋរបស់ខ្លួននៅប្រទេសនីហ្សេគួរតែ "ឆ្លៀតឱកាសបន្ទាប់ដើម្បីចាកចេញ" ប្រសិនបើការស្នាក់នៅរបស់ពួកគេនៅក្នុងប្រទេសនេះមិនចាំបាច់។ នៅទីក្រុងវ៉ាស៊ីនតោន សេតវិមានបាននិយាយថា សហរដ្ឋអាមេរិកមិនបានចូលរួមជាមួយសម្ព័ន្ធមិត្តអ៊ឺរ៉ុបក្នុងការជម្លៀសពលរដ្ឋនៅពេលនេះទេ ដោយលើកឡើងពីកង្វះគ្រោះថ្នាក់ភ្លាមៗ។អ្នកនាំពាក្យក្រុមប្រឹក្សាសន្តិសុខជាតិសហរដ្ឋអាមេរិក លោក John Kirby បាននិយាយថា «ទីក្រុងវ៉ាស៊ីនតោន ពិតជាដឹងពីកិច្ចខិតខំប្រឹងប្រែងរបស់ប្រទេសបារាំង និងប្រទេសអឺរ៉ុបផ្សេងទៀត ក្នុងការជម្លៀសពលរដ្ឋរបស់ពួកគេ។ ជាមួយគ្នានេះ យើងមិនមានការចង្អុលបង្ហាញណាមួយអំពីការគំរាមកំហែងដោយផ្ទាល់ដល់ពលរដ្ឋអាមេរិក ឬចំពោះមូលដ្ឋានររបស់យើងទេ ដូច្នេះយើងមិនបានផ្លាស់ប្តូរឥរិយាបថទាក់ទងនឹងវត្តមានរបស់យើងនៅក្នុងប្រទេសនីហ្សេនៅពេលនេះទេ៕

អតីតប្រធានាធិបតីអាមេរិក លោក Donald Trump ត្រូវបានចោទប្រកាន់ ជុំវិញកិច្ចខិតខំប្រឹងប្រែងបង្វែរលទ្ធផលបោះឆ្នោតឆ្នាំ ២០២០

2023/08/02 03:27:05 pm        148
Facebook Telegram Linkin
អាមេរិក៖ លោក Donald Trump ត្រូវបានចោទប្រកាន់ពីជុំវិញកិច្ចខិតខំប្រឹងប្រែងរបស់លោកក្នុងការបង្វែរលទ្ធផលនៃការបោះឆ្នោតឆ្នាំ២០២០ ដែលជាការគំរាមកំហែងខាងផ្លូវច្បាប់ដ៏ធ្ងន់ធ្ងរបំផុតសម្រាប់អតីតប្រធានាធិបតីរូបនេះ ខណៈលោកធ្វើយុទ្ធនាការដើម្បីវិលត្រឡប់ទៅកាន់កាប់តំណែងនៅសេតវិមាន។លោក Trump ត្រូវបានចោទប្រកាន់ពីបទសមគំនិតចំនួន៣ករណី និងមួយករណីពាក់ព័ន្ធនឹងការរារាំងដំណើរការស៊ើអង្កេត។លោកTrump ត្រូវបានចោទប្រកាន់ពីបទសមគំនិតក្នុងការក្លែងបន្លំឯកសារសហរដ្ឋអាមេរិក និងការឃុបឃិតដើម្បីរារាំងដំណើរការផ្លូវការមួយ - កិច្ចប្រជុំកាលពីថ្ងៃទី ៦ខែមករា ឆ្នាំ ២០២១របស់សម័យប្រជុំរួមនៃសភាដែលធ្វើឡើងដើម្បីបញ្ជាក់ជ័យជម្នះក្នុងការបោះឆ្នោតរបស់លោកJoe Biden មកពីគណបក្សប្រជាធិបតេយ្យ ។ការចោទប្រកាន់នេះ បាននិយាយថា បំណងនៃការឃុបឃិតដើម្បីបង្វែរលទ្ធផលឆ្នោតក្នុងការបោះឆ្នោតជ្រើសរើសប្រធានាធិបតីឆ្នាំ២០២០ ដោយប្រើអំណះអំណាងក្លែងក្លាយថាមានការលួចបន្លំការបោះឆ្នោត។ លោក Trump ត្រូវបានចោទប្រកាន់ចំនួន៣ករណីពីបទឃុបឃិត និងមួយករណីពីបទរារាំងដំណើរការចោទប្រកាន់រឿងក្ដីចំនួន៤៥ទំព័រដែលត្រូវបាននាំមកដោយ រដ្ឋអាជ្ញាពិសេសលោក Jack Smith ។ លោក Smith បានដាក់សំណុំរឿងចោទប្រកាន់រួចទៅហើយប្រឆាំងនឹងលោក Trump ពីបទគ្រប់គ្រងមិនបានល្អនៃឯកសារសម្ងាត់សំខាន់ៗរបស់រដ្ឋាភិបាល ហើយអតីតប្រធានាធិបតីរូបនេះ ក៏ប្រឈមនឹងការជំនុំជម្រះក្ដីក្នុងទីក្រុង New York ពីបទបង់ប្រាក់បំបិទមាត់តារាភាពយន្តអាសអាភាសម្នាក់។  យោងតាមសារព័ត៌មានរដ្ឋអាមេរិក លោក Trump គ្រោងនឹងឡើងតុលាការនៅថ្ងៃទី៣ខែសីហា៕

[BREAKING NEWS] អតីតប្រធានាធិបតីអាមេរិក លោក Donald Trump ត្រូវបានចោទប្រកាន់ជុំវិញកិច្ចខិតខំប្រឹងប្រែងបង្វែរលទ្ធផលបោះឆ្នោតឆ្នាំ ២០២០

2023/08/02 02:55:36 pm        173
Facebook Telegram Linkin
អាមេរិក៖ លោក Donald Trump ត្រូវបានចោទប្រកាន់ពីជុំវិញកិច្ចខិតខំប្រឹងប្រែងរបស់លោកក្នុងការបង្វែរលទ្ធផលនៃការបោះឆ្នោតឆ្នាំ២០២០ ដែលជាការគំរាមកំហែងខាងផ្លូវច្បាប់ដ៏ធ្ងន់ធ្ងរបំផុតសម្រាប់អតីតប្រធានាធិបតីរូបនេះ ខណៈលោកធ្វើយុទ្ធនាការដើម្បីវិលត្រឡប់ទៅកាន់កាប់តំណែងនៅសេតវិមាន។លោក Trump ត្រូវបានចោទប្រកាន់ពីបទសមគំនិតចំនួន៣ករណី និងមួយករណីពាក់ព័ន្ធនឹងការរារាំងដំណើរការស៊ើបអង្កេត។លោកTrump ត្រូវបានចោទប្រកាន់ពីបទសមគំនិតក្នុងការក្លែងបន្លំឯកសារសហរដ្ឋអាមេរិក និងការឃុបឃិតដើម្បីរារាំងដំណើរការផ្លូវការមួយ - កិច្ចប្រជុំកាលពីថ្ងៃទី ៦ខែមករា ឆ្នាំ ២០២១របស់សម័យប្រជុំរួមនៃសភាដែលធ្វើឡើងដើម្បីបញ្ជាក់ជ័យជម្នះក្នុងការបោះឆ្នោតរបស់លោកJoe Biden មកពីគណបក្សប្រជាធិបតេយ្យ៕

បណ្ដាញសង្គម

ព័ត៌មានថ្មីៗ

ជនជាតិអាមេរិកប៉ាឡេស្ទីចំណាយពេលពេញមួយយប់ជាមួយគ្រួសារក្នុងផ្ទះដែលឡោមព័ទ្ធដោយក្រុមតាំងលំនៅនិគមន៍អ៊ីស្រាអែល
08/18/2026 09:08 PM
Facebook Telegram Linkin
កាតានិយាយថា កិច្ចព្រមព្រៀងច្រកសមុទ្រ Hormuz អាចនឹងជួយឲ្យវិលត្រឡប់ទៅរកកិច្ចប្រជុំអាមេរិក-អ៊ីរ៉ង់
08/18/2026 08:08 PM
Facebook Telegram Linkin
ប្រធានាធិបតីចិន លោក Xi ជំរុញកុំ​ឱ្យ​ «បំផ្លាញ» ឋានៈជា «តំបន់សន្តិភាព» របស់អាមេរិកឡាទីន
08/18/2026 08:08 PM
Facebook Telegram Linkin
បេសកជន៖ អាមេរិក​បារម្ភយ៉ាងខ្លាំង ចំពោះការវាយប្រហារតាមអាកាសរបស់អ៊ីស្រាអែលលើមូលដ្ឋានទ័ពអាកាសស៊ីរី
08/18/2026 08:08 PM
Facebook Telegram Linkin
មនុស្សយ៉ាង​តចិច​ ២៥នាក់ ត្រូវបានសម្លាប់ អំឡុង​ការវាយប្រហារនៅរដ្ឋ​ Plateau របស់នីហ្សេរីយ៉ា
08/18/2026 07:08 PM
Facebook Telegram Linkin
មនុស្ស ៣នាក់ រងរបួស ហើយអគាររងការខូចខាតក្នុងការរញ្ជួយដីនៅភាគខាងត្បូងអេស្ប៉ាញ
08/18/2026 07:08 PM
Facebook Telegram Linkin
ពលរដ្ឋរស់នៅទីក្រុងម៉ានីល ដើរលុកទឹកតាមផ្លូវ ស្របពេលភ្លៀងវស្សាវាយប្រហារដ្ឋធានីហ្វីលីពីនមួយនេះ
08/18/2026 07:08 PM
Facebook Telegram Linkin
ទឹកជំនន់បង្ខំឲ្យមនុស្សរាប់ម៉ឺននាក់ជម្លៀសខ្លួននៅរដ្ឋ Odisha និងរដ្ឋ Assam ប្រទេសឥណ្ឌា
08/18/2026 07:08 PM
Facebook Telegram Linkin
មនុស្សម្នាក់ស្លាប់ និងច្រើននាក់ទៀតជាប់ខ្លួន ក្រោយផ្ទះចាស់បាក់រលំនៅទីក្រុង Kolkata ប្រទេសឥណ្ឌា
08/18/2026 07:08 PM
Facebook Telegram Linkin
សាកសពជនអន្តោប្រវេសន៍ ៩នាក់ ត្រូវបានរកឃើញនៅជិតតំបន់ឆ្នេរភាគខាងកើតទីក្រុង Tripoli ប្រទេសលីប៊ី
08/18/2026 07:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.