នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

ខ្យល់ព្យុះដ៏ខ្លាំងបង្កឲ្យមានភាពចលាចល តាមដងផ្លូវ ក្នុងរដ្ឋញូវយ៉ក ដោយធ្វើឲ្យអ្នកបើកបរជាប់ទៅណាមិនរួច

2023/07/10 06:27:46 pm        115
Facebook Telegram Linkin
អាមេរិក៖ ក្រុមមន្ត្រីបាននិយាយថា ភ្លៀងធ្លាក់ខ្លាំងនៅផ្នែកខ្លះនៃប៉ែកខាងជើងនៃរដ្ឋញូវយ៉ក (New York) សហរដ្ឋអាមេរិក បានបង្កផលប៉ះពាល់យ៉ាងធ្ងន់ធ្ងរដល់ផ្លូវថ្នល់ទូទាំងតំបន់ រហូតដល់នាំឲ្យមានការជួយសង្គ្រោះដល់អ្នកបើកបរជាច្រើននាក់ ដែលជាប់នៅលើផ្លូវនោះទៅណាមិនរួច កាលពីថ្ងៃអាទិត្យ (ទី៩ ខែកក្កដា)។ទឹកជំនន់ភ្លាមៗ បានជន់លិចទីប្រជុំជន និងភូមិនានា នៅតាមបណ្តាផ្នែកជាច្រើននៃរដ្ឋរបស់សហរដ្ឋអាមេរិកមួយនេះ ដោយសារភ្លៀងធ្លាក់យ៉ាងខ្លាំង កាលពីថ្ងៃអាទិត្យ (ទី៩ ខែកក្កដា) ខណៈដែលក្រុមមន្ត្រី បានជំរុញឲ្យអ្នកបើកបរឲ្យចៀសវាងពីការបើកបរលើដងផ្លូវនានា។នៅក្នុងសេចក្តីថ្លែងការណ៍មួយ អ្នកនាំពាក្យនគរបាលរដ្ឋញូវយ៉ក បានបញ្ជាក់ថា មានអ្នកបើកបរជាច្រើន ដែលជាប់នៅផ្លូវនៅសង្កាត់រ៉កឡែន (Rockland) ខណៈដែលក្រុមមន្ត្រីបានផ្តល់នូវរូបថតរថយន្ត ដែលលិចទឹក ឬដែលព្យាយាមបើកបរឆ្លងកាត់ទឹកជំនន់ដ៏ធំនោះ។អ្នកនាំពាក្យម្នាក់ បាននិយាយថា៖ «នគរបាលរដ្ឋ រួមជាមួយនាយកដ្ឋានពន្លត់អគ្គិភ័យក្នុងតំបន់ និងបុគ្គលិកសេវាសង្គ្រោះបន្ទាន់ (EMS) កំពុងប្រើប្រាស់បុគ្គលិក និងឧបករណ៍ ដើម្បីជួយអ្នកបើកបររថយន្តទាំងនេះ និងនាំពួកគេទៅកាន់សុវត្ថិភាពឲ្យបានលឿនតាមដែលអាចធ្វើទៅបាន»។សេវាអាកាសធាតុជាតិ សម្រាប់តំបន់រថភ្លើងក្រោមដីក្រុងញូវយ៉ក បានបង្ហោះសារនៅលើបណ្ដាញសង្គម Twitter កាលពីថ្ងៃអាទិត្យថា អង្គភាពបានទទួលរបាយការណ៍ជាច្រើនពី «ទឹកជំនន់ធំ និងមនុស្សដែលជាប់នៅក្នុងយានយន្ត» នៅតំបន់ Orange County ភាគខាងកើត ជាពិសេសនៅតាមបណ្តោយផ្លូវ 9W។ការសង្គ្រោះគ្រាអាន្ន និងការព្រមានពីគ្រោះទឹកជំនន់ភ្លាមៗ ត្រូវបានចេញដោយសេវាអាកាសធាតុជាតិ នៅទូទាំងផ្នែកនៃតំបន់ Westchester County, Rockland, Putnam និង Orange រហូតដល់ល្ងាចថ្ងៃអាទិត្យ ខណៈដែលកត្តាធម្មជាតិ បានបន្តឲ្យមានភ្លៀងធ្លាក់ខ្លាំង នៅក្នុងតំបន់។យោងតាមប្រព័ន្ធផ្សព្វផ្សាយ Fox Weather បានឲ្យដឹងថា ប្រជាជនជិត ៥៣លាននាក់ នៅតាមបណ្តោយឆ្នេរសមុទ្រភាគខាងកើត ប្រឈមនឹងហានិភ័យនៃគ្រោះទឹកជំនន់ រហូតដល់ព្រឹកថ្ងៃចន្ទ (ទី១០ ខែកក្កដា) នេះ៕

នូវ៉ែលហ្សេឡង់ និងសហភាពអឺរ៉ុប ចុះកិច្ចព្រមព្រៀងពាណិជ្ជកម្ម ដែលទំនងជាចូលជាធរមាន នៅឆ្នាំ២០២៤

2023/07/10 06:19:37 pm        99
Facebook Telegram Linkin
នូវ៉ែលហ្សេឡង់៖ ប្រទេសនូវ៉ែលហ្សេឡង់ និងសហភាពអឺរ៉ុប បានចុះហត្ថលេខាលើកិច្ចព្រមព្រៀងពាណិជ្ជកម្មសេរី អំឡុងពេលពេញមួយយប់ថ្ងៃអាទិត្យ (ទី៩ ខែកក្កដា) បន្ទាប់ពីកិច្ចចរចា ត្រូវបានបញ្ចប់ កាលពីឆ្នាំ២០២២ ដោយមានការរំពឹងទុកថា កិច្ចព្រមព្រៀងនេះនឹងចូលជាធរមាន នៅក្នុងឆមាសទី១ នៃឆ្នាំ២០២៤។លោក Damien O'Connor រដ្ឋមន្ត្រីក្រសួងពាណិជ្ជកម្ម និងនាំចេញរបស់ប្រទេសនូវ៉ែលហ្សេឡង់ បាននិយាយថា កិច្ចព្រមព្រៀងពាណិជ្ជកម្ម នឹងកាត់បន្ថយការចំណាយ និងគាំទ្រដល់ក្រុមហ៊ុននាំចេញឲ្យមានភាពរីកចម្រើន និងធ្វើពិពិធកម្មពាណិជ្ជកម្មរបស់ពួកគេ។លោក O'Connor បានបន្ថែមថា៖ «ឱកាសថ្មីនេះ នឹងជួយឲ្យការងើបឡើងវិញក្រោយការរាតត្បាតនៃជំងឺ COVID-19 មានសន្ទុះកាន់តែកើនឡើង ខណៈដែលផ្តល់នូវការជំរុញដល់តំបន់របស់យើង នៅពេលដែលតំបន់ទាំងនោះ កំពុងប្រឹងប្រែងរកមធ្យោបាយដោះស្រាយនឹងផលប៉ះពាល់រយៈពេលវែងនៃព្យុះស៊ីក្លូន Gabrielle»។កិច្ចព្រមព្រៀងនេះ ត្រូវបានចុះហត្ថលេខា នៅទីក្រុងប្រ៊ុចសែល ប្រទេសបែលហ្ស៊ិក ដោយលោក O'Connor និងលោក Valdis Dombrovskis ដែលជាអនុប្រធានប្រតិបត្តិ និងជាស្នងការពាណិជ្ជកម្មរបស់សហភាពអឺរ៉ុប (EU)។នៅក្នុងសេចក្តីថ្លែងការណ៍របស់ខ្លួន ភាគីទាំង២ បានឲ្យដឹងថា មានការរំពឹងថា កិច្ចព្រមព្រៀងពាណិជ្ជកម្មសេរីរបស់ប្រទេសនូវ៉ែលហ្សេឡង់ និងសហភាពអឺរ៉ុប (NZ-EU FTA) នឹងចូលជាធរមាននៅឆមាសទី១នៃឆ្នាំ២០២៤ នៅពេលដែលភាគីទាំង២ បញ្ចប់សព្វគ្រប់នូវជំហានផ្លូវច្បាប់ ដែលត្រូវការចុងក្រោយ៕

ការដេញថ្លៃគម្រោងមូលនិធិអភិវឌ្ឍន៍សង្កាត់ទាំង១១ ឆ្នាំ២០២៣របស់ខណ្ឌដូនពេញ មាន១៦គម្រោង មានតម្លៃជាង១៦៤៩ លានរៀល

2023/07/10 06:19:01 pm        145
Facebook Telegram Linkin
ភ្នំពេញ៖ ការដេញថ្លៃគម្រោងមូលនិធិអភិវឌ្ឍន៍សង្កាត់ ឆ្នាំ២០២៣ សម្រាប់១១សង្កាត់ របស់ខណ្ឌដូនពេញ មានចំនួន១៥គម្រោង មានតម្លៃប៉ាន់ស្មានប្រមាណជាង១៦៤៩លានរៀល ដែលគម្រោងទាំងនេះ មានទាំងការ ,ការស្តារប្រព័ន្ធលូចាស់ ,ការជួសជុលផ្លូវបេតុងគ្មានសសៃដែក ដាក់បង្គោលភ្លើងសូឡា បំភ្លឺផ្លូវ ជួសជុលទ្វារដែកសុវត្ថិភាព និងជួសជុលការ៉ូឡាចិញ្ជើមផ្លូវ។ពិធីដេញថ្លៃគម្រោងមូលនិធិអភិវឌ្ឍន៍សង្កាត់ ក្នុងឆ្នាំ២០២៣នេះ បានធ្វើឡើង នាព្រឹកថ្ងៃទី១០ ខែកក្កដា ឆ្នាំ២០២៣ក្រោមវត្ដមានលោក សុខ ពេញវុធ អភិបាលរងរាជធានីភ្នំពេញ តំណាងអោយ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ លោក គឹម ច័ន្ទឌីណា ប្រធានមន្ទីរផែនការរាជធានីភ្នំពេញ និងលោក ជា ខេមា អភិបាលនៃគណៈអភិបាលខណ្ឌដូនពេញ ដែលធ្វើនៅសាលាដូនពេញ។លោក ជា ខេមា អភិបាលខណ្ឌដូនពេញ បានលើកឡើងថា ការដេញថ្លៃគម្រោងមូល​និធិអភិវឌ្ឍន៍​សង្កាត់ ឆ្នាំ២០២៣នេះ ក្រុមហ៊ុនដែលដេញថ្លៃទាបជាងគេពេក ​ដែលមិនអាចទទួលយកបាន គឺមិន​អនុញ្ញាតឲ្យទទួលយកគម្រោងឡើយ ​ជាក់ស្ដែងគឺក្រោម៤០% ។លោក អភិបាលខណ្ឌបានបញ្ជាក់ថា សម្រាប់សង្កាត់ទាំង១១ ​របស់ខណ្ឌដូនពេញ មាន​ចំនួន១៥គម្រោង ​តម្លៃប៉ាន់ប្រមាណជាង ១៦៤៩លានរៀល ក្នុងនោះរួមមាន៖ សង្កាត់ផ្សារថ្មីទី១ មាន១គម្រោង ។ សង្កាត់ផ្សារថ្មីទី២ មាន១គម្រោង ។សង្កាត់ផ្សារថ្មីទី៣ មាន១គម្រោង ។សង្កាត់បឹងរាំង មាន១គម្រោង។ សង្កាត់ផ្សារកណ្ដាលទី១ មាន១គម្រោង ។ សង្កាត់ផ្សារកណ្ដាលទី២ មាន២ គម្រោង ។ សង្កាត់ចតុមុខ មាន២គម្រោង ។ សង្កាត់ជ័យជំនេះមាន១ គម្រោង។ សង្កាត់ផ្សារចាស់ មាន២គម្រោង ។សង្កាត់ស្រះចក មាន២គម្រោង និងសង្កាត់វត្តភ្នំ មាន ១គម្រោង ។ សរុបទាំង១១សង្កាត់ ក្នុងចំនួន១៥គម្រោងនេះ មានទឺកប្រាក់ប៉ាន់ស្មានប្រមាណជាង១៦៤៩លានរៀល។លោក សុខ ពេញវុធ អភិបាលរងរាជធានីភ្នំពេញ ​បានលើកឡើងផងដែរថា ការដេញថ្លៃគម្រោង​មូលនិធិអភិវឌ្ឍន៍សង្កាត់ វាជាការចូលរួមរបស់វិស័យឯកជនតាមរបៀបប្រកួត​ប្រជែងប្រកប​ដោយ​យុត្តិធម៌ តម្លាភាព ​គណនេយ្យភាព ​និងអាចជឿទុកចិត្តបាន ពីគ្រប់ភាគីពាក់ព័ន្ធទាំងអស់ ដែល​ជាមូលដ្ឋានគ្រឹះនៃអភិបាលកិច្ចល្អ ក្នុងការចូលរួមអភិវឌ្ឍន៍មូលដ្ឋាន ដើម្បីឆ្លើយតបតម្រូវការ​ប្រជាពលរដ្ឋ​នៅតាមគោលដៅរបស់គម្រោង។ ដូច្នេះ រាល់ការសាងសង់ ត្រូវធ្វើឱ្យមានគុណភាព ស្របតាមបទដ្ឋានបច្ចេកទេស មានសោភ័ណភាព ​និងមានតម្លៃសមស្រប មិនប៉ះពាល់​បរិស្ថានសង្គម ធានាបានសុវត្ថិភាពសាធារណៈ និងប្រើប្រាស់បានយូរអង្វែង និងយុតិធម៌។ក្នុងឱកាសនោះ លោក សុខ ពេញវុធ ក៏បានស្នើអោយគណៈកម្មការគ្រប់គ្រងគម្រោងសង្កាត់ត្រូវ​មានការតាមដាន​ត្រួតពិនិត្យការអនុវត្តគម្រោងជាប្រចាំ ជាពិសេសគឺការពិនិត្យផ្ដល់យោបល់​ដោយ​សរសេរចូលក្នុងសៀវភៅការដ្ឋានជាប្រចាំ ​មានការទទួលខុសត្រូវចំពោះលទ្ធផលគម្រោង ជា​ពិសេសត្រូវធានាសុវត្ថិភាព​ ទីតាំងការដ្ឋានអនុវត្តគម្រោង។ ផ្តល់យោបល់កែលម្អជាផ្លូវការ​ក្នុងសៀវភៅការដ្ឋាន នៅពេលចុះពិនិត្យការដ្ឋាន​អនុវត្ត​គម្រោង​។លោកបានបន្តទៀតថា អ្នករៀបចំលទ្ធកម្មគម្រោងមូលនិធិសង្កាត់ ​មិនត្រូវដេញថ្លៃ​បាន​ហើយធានាថា​ធ្វើបាន ហើយធ្វើមិនបាន ត្រូវមានការទទួលខុសត្រូវ៕អត្ថបទ៖ កុម្ភះ

ឯកឧត្តម វេង សាខុន និងឯកឧត្តម ឌិត ទីណា សំណេះសំណាល និងណែនាំអំពីរបៀបគូសសន្លឹកឆ្នោតឱ្យបានត្រឹមត្រូវដល់ប្រជាពលរដ្ឋនៅឃុំស្រក និងឃុំអូរស្វាយ ស្រុកកំពង់សៀម

2023/07/10 06:13:31 pm        124
Facebook Telegram Linkin
កំពង់ចាម៖ ឯកឧត្តម វេង សាខុន ប្រធានក្រុមការងារគណបក្សចុះមូលដ្ឋានស្រុកតំបែរ ខេត្តត្បូងឃ្មុំ និងស្រុកកំពង់សៀម ខេត្តកំពង់ចាម និងឯកឧត្តម ឌិត ទីណា អនុប្រធានក្រុមការងារគណបក្សចុះមូលដ្ឋានស្រុកតំបែរ ខេត្តត្បូងឃ្មុំ និងស្រុកកំពង់សៀម ខេត្តកំពង់ចាមបានអញ្ជើញចុះសំណេះសំណាល និងណែនាំអំពីរបៀបគូសសន្លឹកឆ្នោតឱ្យបានត្រឹមត្រូវជូនដល់លោកយាយ លោកតា លោកអ៊ុំ អ្នកមីង និងបងប្អូនសមាជិកគណបក្សនៅឃុំស្រក និងឃុំអូរស្វាយ ស្រុកកំពង់សៀម ខេត្តកំពង់ចាមចំនួន ២១១នាក់ នៅព្រឹកថ្ងៃទី១០ ខែកក្កដា ឆ្នាំ២០២៣នេះ។ក្នុងពិធីសំណេះសំណាលនេះដែរ អង្គពិធីបានសាកល្បងការគូសសន្លឹកឆ្នោតបានយ៉ាងត្រឹមត្រូវ និងបានធ្វើការប្តេជ្ញាទៅបោះឆ្នោតទាំងអស់គ្នា នៅថ្ងៃទី២៣ ខែកក្កដា ឆ្នាំ២០២៣ ខាងមុខនេះ ដោយបោះឆ្នោតជូនគណបក្សប្រជាជនកម្ពុជា គឺបោះឆ្នោតឱ្យខ្លួនឯង "ចិត្តស្មោះ បោះឆ្នោតជូនទេវតា"។ជាមួយគ្នានេះដែរ អង្គពិធីគាំទ្រយ៉ាងពេញទំហឹង សម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី និងឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្ត្រីសម្រាប់ពេលអនាគត។ ស្រឡាញ់សន្តិភាព ស្រឡាញ់ការអភិវឌ្ឍ បោះឆ្នោតជូនគណបក្សប្រជាជនកម្ពុជា នៅលេខរៀងទី១៨ ដែលមានរូបសញ្ញាទេវតាបាចផ្កា។ លើសពីនេះទៀត ឯកឧត្តម វេង សាខុន ក៏បានណែនាំដល់ក្រុមអ្នកសង្កេតការពិនិត្យតាមដានការរាប់សន្លឹកឆ្នោត សន្លឹកឆ្នោតបានការ ព្រមទាំងជំរុញដល់សមាជិកបក្ស និងប្រជាពលរដ្ឋទៅបោះឆ្នោតទាំងអស់គ្នា ហើយក្នុងនោះដែរ សកម្មជនបក្សត្រូវណែនាំសមាជិក ចាំបាច់ត្រូវយកឯកសារអត្តសញ្ញាណបណ្ណសម្រាប់ការបោះឆ្នោត ។សូមជម្រាបជូនថា គិតត្រឹមថ្ងៃ០៩ ខែកក្កដា ឆ្នាំ២០២៣នេះ ក្រុមការងារគណបក្សចុះមូលដ្ឋានស្រុក ឃុំ និងភូមិ រួមនិងមន្ត្រីគណបក្សមូលដ្ឋាន បានអញ្ជើញចុះឃោសនាផ្សព្វផ្សាយគោលនយោបាយរបស់គណបក្ស និងបង្រៀនគូសសន្លឹកឆ្នោតនៅតាមខ្នងផ្ទះរបស់សមាជិកាគណបក្សទូទាំងស្រុកកំពង់សៀម ខេត្តកំពង់ចាមបានចំនួន ៧ ៤៧៥ខ្នងផ្ទះ និងមានសមាជិកចូលរួមចំនួន ២៤ ៧៧២នាក់ ស្មើ ៤១%៕

គណបក្សនយោបាយនានាបន្តធ្វើកម្មភាពឃោសនារកសំឡេងឆ្នោតតាមលទ្ធភាព

2023/07/10 05:56:17 pm        81
Facebook Telegram Linkin
ភ្នំពេញ៖ ថ្ងៃទី១០ ខែកក្កដា ឆ្នាំ២០២៣ នេះ គឺជាថ្ងៃទី ១០ នៃយុទ្ធនាការឃោសនាបោះឆ្នោតជ្រើសតាំង តំណាងរាស្ត្រ នីតិកាលទី៧ ឆ្នាំ២០២៣ ដោយ​គណបក្ស​នយោបាយនានាបន្តធ្វើសកម្មភាពឃោសនាស្វែងរកសំឡេងឆ្នោតតាមលទ្ធភាពរបស់ខ្លួន ក្នុងនោះមានតែ គណបក្សប្រជាធិបតេយ្យមូលដ្ឋានមួយប៉ុណ្ណោះដែលធ្វើសកម្មភាព​ហែក្បួននៅរាជធានីភ្នំពេញ។ ឯកឧត្តម ហង្ស ពុទ្ធា សមាជិក និងជាអ្នកនាំពាក្យ គណៈកម្មាធិការជាតិរៀបចំការបោះឆ្នោត (គ.ជ.ប) ថ្លែងប្រាប់ BTV នាថ្ងៃទី១០ ខែកក្កដា ឆ្នាំ២០២៣នេះថា បើពិនិត្យជារួមសម្រាប់​ការ​វាយតម្លៃស្ថានភាពទូទៅនៃដំណើរការឃោសនាបោះឆ្នោត​របស់គណបក្សនយោបាយនានា គឺបាន​ប្រព្រឹត្តទៅដោយរលូន មានសន្តិសុខ សុវត្ថិភាព​ សណ្តាប់ធ្នាប់ល្អ និងគ្មាន អំពើហិង្សាណាមួយកើត​ឡើងឡើយ។ឯកឧត្ដមបន្តថា កាលពីម្សិលមិញមានគណបក្សនយោបាយចំនួន ១៥ បានធ្វើសកម្មភាពឃោសនា បោះឆ្នោតក្នុងនោះមានគណបក្សនយោបាយ ចំនួន ៨ បានហែក្បួនឃោសនា។ ​ដោយឡែកថ្ងៃនេះ​មានតែគណបក្សប្រជាធិបតេយ្យមូលដ្ឋាន​ ធ្វើការហែក្បួនឃោសនាចាប់ពីម៉ោង ៨ នៅរាជធានីភ្នំពេញ។បើតាម ឯកឧត្ដម ហង្ស ពុទ្ធា គណបក្សនយោបាយនានាបានធ្វើការឃោសនាបោះឆ្នោត​តាម​រយៈសកម្មភាពជួបប្រជុំ ចាក់មេក្រូផ្សព្វផ្សាយនៅទីស្នាក់ការ ​គណបក្ស និងចល័តតាមភូមិ ចែក​ខិត្តបណ្ណតាមខ្នងផ្ទះ បិទខិត្តបណ្ណ និងចងបដានៅទីសាធារណៈ​ ប្រគំតន្ត្រី សម្ដែងសិល្បៈ ចាក់​បញ្ចាំង ស្លាយ (Slide) វីដេអូ នៅតាមមណ្ឌលបោះឆ្នោតដែលខ្លួនឈរ ឈ្មោះ។សូមជម្រាបជូនថា​ ការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ មានរយៈពេល ២១ ថ្ងៃ ចាប់ពីថ្ងៃទី១ ដល់ថ្ងៃទី២១ ខែកក្កដា ឆ្នាំ២០២៣៕ អត្ថបទ៖ វ៉ន ដារ៉ា

បេក្ខជននាំមុខនាយករដ្ឋមន្ត្រីថៃរៀបចំការជួបជុំមុនថ្ងៃបោះឆ្នោតជ្រើសតាំងនាយករដ្ឋមន្ត្រីនៅសភាទី១៣ កក្កដា

2023/07/10 05:51:43 pm        140
Facebook Telegram Linkin
ថៃ៖ ក្រុមអ្នកគាំទ្របេក្ខជននាំមុននាយករដ្ឋមន្ត្រីថៃរាប់រយនាក់ របស់លោក ភីថា លីមចារើនរ៉ាត់ (Pita Limjaroenrat) បានប្រមូលផ្ដុំគ្នានៅក្នុងរដ្ឋធានីបាងកកកាលពីថ្ងៃអាទិត្យទី៩កក្កដា មុនការបោះឆ្នោតនៅសភា សម្រាប់ជ្រើសតាំងនាយករដ្ឋមន្ត្រីថ្មីនៅសប្ដាហ៍នេះ ។  លោក ភីថា  មេដឹកនាំគណបក្សឆ្ពោះទៅមុខ Move Forward Party ប្រឈមនឹងវិថីមិនច្បាស់លាស់ឈានទៅកាន់តំណែងជានាយករដ្ឋមន្ត្រី ទោះបីជាទទួលបានសំឡេងគាំទ្រច្រើនជាងបក្សដទៃក្នុងការបោះឆ្នោតកាលពីខែឧសភា ដែលបានមើលឃើញ ប្រជាជនថៃបានច្រានចោលការដឹកនាំគាំទ្រដោយរបបយោធាជិត៩ឆ្នាំមកនេះ។  ពេលនេះ លោក ចាំបាច់ត្រូវមានការគាំទ្រពេញលេញពីព្រឹទ្ធសភា ដែលពុំត្រូវបានជ្រើសរើស ដើម្បីក្លាយជានាយករដ្ឋមន្ត្រី ក្នុងការជំនួសនាយករដ្ឋមន្ត្រីចាំផ្ទះលោក Prayuth Chan-ocha ក្នុងការបោះឆ្នោតដែលគ្រោងនឹងរៀបចំឡើងនៅថ្ងៃទី១៣ខែកក្កដាសប្ដាហ៍នេះ។  ក្រុមសម្ព័ន្ធដែលមានការរួមគ្នាជាមួយគណបក្សចំនួន៨របស់លោក មានសំឡេងចំនួន៣១២អសានៈនៅក្នុងសភា ប៉ុន្តែចាំបាច់ត្រូវកាសំឡេងគាំទ្រយ៉ាងហោចណាស់៣៧៦អសានៈក្នុងការចូលរួមស័មយប្រជុំសភាពរួមគ្នា ដែលរួមទាំងសមាជិក២៥០រូបត្រូវបានតែងតាំងអំឡុងរបបគ្រប់គ្រងដោយយោធា។ លោក ភីថា បាននិយាយថា ការពិភាក្សាជាមួយក្រុមសមាជិក ព្រឹទ្ធសភា ត្រូវបានធ្វើរួចហើយ ហើយថាពួកគេមិនគួរបោះឆ្នោតប្រឆាំងឆន្ទៈរបស់ប្រជាពលរដ្ឋឡើយ៕

ការចរចាកូដកម្មកំពង់ផែកាណាដាបន្ត ដោយមានការគាំទ្រពីអ្នកសម្របសម្រួលសហព័ន្ធ

2023/07/10 05:46:33 pm        107
Facebook Telegram Linkin
កាណាដា៖ សេចក្តីថ្លែងការណ៍មួយរបស់សមាគមនិយោជកដែនសមុទ្រខេត្ត(ប៊ីរដធីសកូឡុំបៀ) British Columbia (BCMEA) កាលពីថ្ងៃសៅរ៍ បានបង្ហាញថា កិច្ចពិភាក្សានៅកាណាដាប៉ាស៊ីហ្វិករវាងកម្មករកំពង់ផែដែលកំពុងធ្វើកូដកម្ម និងនិយោជករបស់ពួកគេ បានបន្ត បន្ទាប់ពីរយៈពេល៤ថ្ងៃ មិនបានចូលតុចរចា។សេចក្តីថ្លែងការណ៍ដដែល បានឲ្យដឹងថា BCMEA និងសហជីពឆ្នេរសមុទ្រនិងឃ្លាំងស្តុកទំនិញអន្តរជាតិកាណាដា(ILWU Canada) បានជួបប្រជុំគ្នាកាលពីថ្ងៃសៅរ៍ ដែលគាំទ្រដោយក្រុមអ្នកសម្របសម្រួលសហព័ន្ធ។ កិច្ចចរចា បានជាប់គាំងកាលពីថ្ងៃអង្គារ ហើយភាគីទាំងពីរ បានកាត់ផ្តាច់ការចរចា។កម្មករកំពង់ផែប្រហែល ៧.៥០០ នាក់ បានធ្វើកូដកម្មនៅថ្ងៃទី១ខែកក្កដា ដើម្បីទាមទារប្រាក់ឈ្នួលខ្ពស់ ដោយបន្តប្រតិបត្តិការនៅកំពង់ផែ Vancouver និងកំពង់ផែ Prince Rupert ដែលជាច្រកផ្លូវសំខាន់ៗសម្រាប់ការនាំចេញធនធានធម្មជាតិ និងទំនិញរបស់ប្រទេស ក៏ដូចជាសម្រាប់ការនាំចូលវត្ថុធាតុដើមផងដែរ។រដ្ឋាភិបាលសហព័ន្ធ និងខេត្តរបស់ប្រទេសកាណាដា បានជំរុញឱ្យភាគីនានា ចាប់ផ្តើមកិច្ចចរចាឡើងវិញ ខណៈដែលកាលពីថ្ងៃសៅរ៍ ប្រមុខរដ្ឋាភិបាលខេត្ត Alberta លោកស្រី Danielle Smith បានថ្លែងនៅក្នុងសេចក្តីថ្លែងការណ៍មួយថា ខេត្តរបស់លោកស្រីគាំទ្រការកោះប្រជុំបន្ទាន់របស់សភាឲ្យពិចារណាលើច្បាប់ ដើម្បីដោះស្រាយការរាំងស្ទះការងារ។BCMEA បានឲ្យដឹងថា ខ្លួនបានដាក់សំណើកែសម្រួល ដើម្បីដោះស្រាយកង្វះខាតពាណិជ្ជកម្មជំនាញ និងដោះស្រាយតម្រូវការរបស់ ILWU Canada ដើម្បីពង្រីកយុត្តាធិការរបស់ពួកគេលើការងារថែទាំជាប្រចាំនៅចំណតនានា ដែលត្រូវបានច្រានចោលដោយILWU Canada៕

កូរ៉េខាងជើង រិះគន់ចំណាត់ការរបស់អាមេរិក នាំយកនាវាមុជទឹកបំពាក់មីស៊ីលបាលីស្ទីក មកកាន់ឧបទ្វីបកូរ៉េ

2023/07/10 05:33:39 pm        121
Facebook Telegram Linkin
កូរ៉េខាងជើង៖ កូរ៉េខាងជើង នៅថ្ងៃចន្ទនេះ បានរិះគន់ជាអ្វីដែលខ្លួនចាត់ទុកថាជាចំណាត់ការមួយធ្វើឡើងដោយសហរដ្ឋអាមេរិក ដើម្បីបង្ហាញនាវាមុជទឹកបំពាក់មីស៊ីលនុយក្លេអ៊ែរមកកាន់ដែនទឹក នៅជិតឧបទ្វិបកូរ៉េ ដោយនិយាយថា វានឹងបង្កើតស្ថានភាពមួយដែលនាំយកមកនូវជម្លោះនុយក្លេអ៊ែរខិតកាន់តែជិតការពិត។ អ្នកនាំពាក្យក្រសួងការពារជាតិនៅក្នុងសេចក្តីថ្លែងការណ៍ ដែលដកស្រង់ដោយទីភ្នាក់ងារសារព័ត៌ផ្លូវការ KCNA បានឲ្យដឹងថា ប្រទេសកូរ៉េខាងជើង បានអះអាងថា យន្តហោះស៊ើបការណ៍សហរដ្ឋអាមេរិក កាលពីពេលថ្មីៗនេះ បានបំពានដែនអកាសរបស់ខ្លួន នៅជិតឆ្នេរភាគខាងកើត។អ្នកនាំពាក្យនិយាយថា គ្មានការធានាទេថា ឧបទ្ទវហេតុដ៏ភ្ញាក់ផ្អើលនៅកន្លែងដែលយន្តហោះឈ្លបយកការណ៍ជាយុទ្ធសាស្ត្ររបស់កងកម្លាំងសហរដ្ឋអាមេរិក ត្រូវបានបាញ់ទម្លាក់នៅលើសមុទ្រខាងកើត នឹងមិនកើតឡើងនោះទេ។ សេចក្តីថ្លែងការណ៍ បានលើកឡើងថា មានឧបទ្ទវហេតុកាលពីពេលមុនៗ នៃការបាញ់ទម្លាក់ឬស្ទាក់ចាប់យន្តហោះអាមេរិក របស់ប្រទេសកូរ៉េខាងជើង នៅព្រំដែនជាមួយកូរ៉េខាងត្បូង និងនៅជិតឆ្នេរ។ ប្រទេសកូរ៉េខាងជើងតែងតែត្អូញត្អែរអំពីយន្តហោះឈ្លបយកការណ៍របស់អាមេរិក នៅជិតឧបទ្វិបនេះ។ ទីភ្នាក់ងារ KCNA បានរាយការណ៍ថា ចំណាត់ការដោយសហរដ្ឋអាមេរិក ដើម្បីណែនាំអាវុធនុយក្លេអ៊ែរយុទ្ធសាស្ត្រមកកាន់ឧបទ្វិបកូរ៉េ គឺជាការគំរាមនុយក្លេអ៊ែរពិតប្រាកដប្រឆាំងប្រទេសកូរ៉េខាងជើង និងបណ្តាប្រទេសក្នុងតំបន់ និងបង្ហាញពីការគំរាមដ៏ខ្លាំងក្លាចំពោះសន្តិភាព។នាវាមុជទឹកបំពាក់មីស៊ីលតម្រង់គោលដៅដើរដោយថាមពលនុយក្លេអ៊ែររបស់សហរដ្ឋអាមេរិក បានមកដល់កំពង់ផែ Busan ប្រទេសកូរ៉េខាងត្បូងកាលពីខែមុន៕

ក្មេងស្រីទី២ បានស្លាប់ បន្ទាប់ពីមានហេតុការណ៍រថយន្តបុកចូលសាលាបឋមសិក្សា នៅទីក្រុងឡុងដ្រ៍

2023/07/10 05:29:13 pm        84
Facebook Telegram Linkin
អង់គ្លេស៖ នគរបាល បាននិយាយកាលពីថ្ងៃអាទិត្យ (ទី៩ ខែកក្កដា) ថា ពេលនេះ ក្មេងស្រីទី២ម្នាក់ទៀត អាយុ ៨ឆ្នាំម្នាក់ បានស្លាប់ បន្ទាប់ពីមានហេតុណ៍ការណ៍រថយន្តមួយ បានបុកចូលអគារ នៅឯសាលាបឋមសិក្សា នៅភាគខាងត្បូងទីក្រុងឡុងដ៍ ប្រទេសអង់គ្លេស កាលពីថ្ងៃព្រហស្បតិ៍ (ទី៦ ខែកក្កដា)។ប្រព័ន្ធផ្សព្វផ្សាយក្នុងស្រុក បានរាយការណ៍ថា សិស្សានុសិស្ស បានរៀបចំពិធីជប់លៀងពិសាតែបញ្ចប់ឆមាសជាមួយឪពុកម្តាយ និងគ្រូបង្រៀន ក្នុងសួនច្បាររបស់សាលារៀនត្រៀម (Study Prep School) នៅសង្កាត់ Wimbledon ដែលមានចម្ងាយមិនដល់ ១ម៉ាយល៍ (ជាង ១,៦០៩គីឡូម៉ែត្រ) ពីកន្លែងនៃការប្រកួតកីឡាវាយកូនបាល់ដែលកំពុងតែប្រព្រឹត្តទៅ។នគរបាលបាននិយាយថា អ្នកបើកបររថយន្ត ភេទស្រីវ័យ ៤៦ឆ្នាំ ដែលជាអ្នករស់នៅតំបន់នោះ ត្រូវបានចាប់ខ្លួននៅកន្លែងកើតហេតុ ពីបទសង្ស័យថា បង្កហេតុឲ្យមានមនុស្សបាត់បង់ជីវិត ដោយសារការបើកបរប្រកបដោយគ្រោះថ្នាក់ តែនគរបាល បានបញ្ជាក់បន្ថែម នៅថ្ងៃព្រហស្បតិ៍នោះថា ឧបទ្ទវហេតុនេះ មិនមាន«ពាក់ព័ន្ធនឹងភេរវកម្មនោះទេ»។ពេលកើតហេតុភ្លាមៗ នោះថ្ងៃព្រហស្បតិ៍នោះ កុមារី Selena Lau ត្រូវបានបញ្ជាក់ថា ស្លាប់ដោយសាររបួសរបស់ក្មេងស្រីនោះ ហើយនគរបាលបាននិយាយថា ក្មេងស្រីទី២ ដែលមានឈ្មោះថា Nuria Sajjad បានស្លាប់ កាលពីថ្ងៃអាទិត្យ។គ្រួសាររបស់ក្មេងស្រីបានរៀបរាប់នៅក្នុងសេចក្តីថ្លែងការណ៍មួយថា ក្មេងស្រីនេះ តំណាងឲ្យក្តីរីករាយ ចិត្តល្អ និងក្ដីសប្បុរស ហើយនាងទទួលបានការស្រឡាញ់ពីអ្នកជុំវិញខ្លួននាងគ្រប់គ្នា៕

Biden ចាប់ផ្តើមដំណើរទស្សនកិច្ច៣ប្រទេសដោយមានទីឈប់ចតដំបូងនៅអង់គ្លេស

2023/07/10 05:25:44 pm        78
Facebook Telegram Linkin
អង់គ្លេស៖ ប្រធានាធិនតីសហរដ្ឋអាមេរិក លោក Joe Biden បានមកដល់ចក្រភពអង់គ្លេស ដោយចាប់ផ្តើមដំណើរទស្សកិច្ចរយៈពេល៣ថ្ងៃ ដែលនឹងត្រូវបានផ្តោតសំខាន់លើកិច្ចប្រជុំកំពូលសម្ព័ន្ធយោធាណាតូ ក្នុងប្រទេសលីទុយអានី ក្នុងគោលបំណងបង្ហាញពីសាមគ្គីភាពជាមួយប្រទេសអ៊ុយក្រែន ក្នុងការប្រយុទ្ធរបស់ខ្លួនប្រឆាំងរុស្ស៊ី ខណៈនៅមិនទាន់ទទួលទីក្រុងគីវ ជាសមាជិករបស់សម្ព័ន្ធនេះនៅឡើយ។ ប៉ុន្តែបញ្ហាប្រឈមនានានៃការកសាងសាមគ្គីភាពក្នុងចំណោមប្រទេសជាសមាជិកចំនួន៣១ប្រទេសរបស់សម្ព័ន្ធយោធាណាតូ បានបញ្ជាក់នៅក្នុងការអំពាវនាវមួយរវាងលោក Biden និងប្រធានាធិបតីទួរគី លោក Tayyip Erdogan មុនពេលកិច្ចប្រជុំកំពូលរបស់សម្ព័ន្ធមិត្តនេះនៅក្នុងប្រទេសលីទុយអានី នៅសប្តាហ៍នេះ ជាមួយនឹងបំណងរបស់ប្រទេសស៊ុយអែតសម្រាប់សមាជិកភាពក្នុងសម្ព័ន្ធមិត្តប្រទេសលោកខាងលិច ជាចំនុចបន្តនៃការមិនចុះសម្រុងគ្នា។លោក Biden នឹងជួបជាមួយនាយករដ្ឋមន្ត្រីអង់គ្លេស លោក Rishi Sunak នៅវិមាន10 Downing Street នៅថ្ងៃចន្ទនេះ។ បន្តមកលោកនឹងធ្វើដំណើរទៅកាន់ប្រសាទ Windsor Castle ដើម្បីចូលគាល់ព្រះមហាក្សត្រឆាលស៍។ ជំនួបជាមួយព្រះមហាក្សត្រឆាលស៍ ត្រូវបានគេរំពឹងថា រួមមាន គំនិតផ្តួចផ្តើមអាកាសធាតុ ដែលនឹងផ្តល់ឲ្យលោក Biden នូវគំនិតកាន់តែទូលំទូលាយពីមហាក្សត្រដែលបន្តគ្រងរាជពីមាតារបស់ព្រះអង្គ ម្ចាស់ក្សត្រី Elizabeth បន្ទាប់ពីការយាងចូលព្រះពិរាល័យ កាលពីខែកញ្ញា។លោក Biden នឹងធ្វើដំណើរទៅកាន់ ទីក្រុងវីលញូស (Vilnius ) ប្រទេសលីទុយអានី នៅយប់ថ្ងៃចន្ទ និងពិភាក្សាជាមួយមេដឹកនាំសម្ព័ន្ធយោធាណាតូ នៅទីនោះនៅថ្ងៃអង្គារ និងថ្ងៃពុធ។ លោកBiden និងសម្ព័ន្ធយោធាណាតូ មានបំណងបង្ហាញការគាំទ្រសម្រាប់អ៊ុយក្រែន និងផ្តល់ឲ្យលោក Volodymyr Zelenskiy ប្រធានាធិបតី នូវគំនិតសម្រាប់អ្វីដែលនឹងត្រូវធ្វើ ដើម្បីទទួលបានសមាជិកភាពណាតូ នៅពេលណាមួយ ក្នុងពេលអនាគត៕

បណ្ដាញសង្គម

ព័ត៌មានថ្មីៗ

កម្ពុជាចូលរួមសន្និសីទកំពូលលើកទី១៧ នៃអនុសញ្ញាសហប្រជាជាតិ ដើម្បី​ប្រយុទ្ធប្រឆាំងនឹងរហោស្ថានកម្ម (UNCCD COP17) នៅប្រទេស​ម៉ុងហ្គោលី
08/19/2026 08:08 AM
Facebook Telegram Linkin
វិចារណកថា៖ គ្មានជីវិតណាមួយរស់នៅតែឯងនោះទេ«ការរស់នៅ គឺការទទួលជំនួយពីបណ្តាញទំនាក់ទំនងមួយ ដែលយើងប្រហែលជាមិនដែលបានឃើញទាំងស្រុងផង»
08/19/2026 08:08 AM
Facebook Telegram Linkin
ជនជាតិអាមេរិកប៉ាឡេស្ទីចំណាយពេលពេញមួយយប់ជាមួយគ្រួសារក្នុងផ្ទះដែលឡោមព័ទ្ធដោយក្រុមតាំងលំនៅនិគមន៍អ៊ីស្រាអែល
08/18/2026 09:08 PM
Facebook Telegram Linkin
កាតានិយាយថា កិច្ចព្រមព្រៀងច្រកសមុទ្រ Hormuz អាចនឹងជួយឲ្យវិលត្រឡប់ទៅរកកិច្ចប្រជុំអាមេរិក-អ៊ីរ៉ង់
08/18/2026 08:08 PM
Facebook Telegram Linkin
ប្រធានាធិបតីចិន លោក Xi ជំរុញកុំ​ឱ្យ​ «បំផ្លាញ» ឋានៈជា «តំបន់សន្តិភាព» របស់អាមេរិកឡាទីន
08/18/2026 08:08 PM
Facebook Telegram Linkin
បេសកជន៖ អាមេរិក​បារម្ភយ៉ាងខ្លាំង ចំពោះការវាយប្រហារតាមអាកាសរបស់អ៊ីស្រាអែលលើមូលដ្ឋានទ័ពអាកាសស៊ីរី
08/18/2026 08:08 PM
Facebook Telegram Linkin
មនុស្សយ៉ាង​តចិច​ ២៥នាក់ ត្រូវបានសម្លាប់ អំឡុង​ការវាយប្រហារនៅរដ្ឋ​ Plateau របស់នីហ្សេរីយ៉ា
08/18/2026 07:08 PM
Facebook Telegram Linkin
មនុស្ស ៣នាក់ រងរបួស ហើយអគាររងការខូចខាតក្នុងការរញ្ជួយដីនៅភាគខាងត្បូងអេស្ប៉ាញ
08/18/2026 07:08 PM
Facebook Telegram Linkin
ពលរដ្ឋរស់នៅទីក្រុងម៉ានីល ដើរលុកទឹកតាមផ្លូវ ស្របពេលភ្លៀងវស្សាវាយប្រហារដ្ឋធានីហ្វីលីពីនមួយនេះ
08/18/2026 07:08 PM
Facebook Telegram Linkin
ទឹកជំនន់បង្ខំឲ្យមនុស្សរាប់ម៉ឺននាក់ជម្លៀសខ្លួននៅរដ្ឋ Odisha និងរដ្ឋ Assam ប្រទេសឥណ្ឌា
08/18/2026 07:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.