នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

ផ្ទុះភាពរំជើបរំជួលថ្មីទាក់ទងនឹងនគរបាលបាញ់សម្លាប់យុវជនម្នាក់ និងប្រតិកម្មរបស់ប្រធានាធិបតីបារាំង

2023/06/29 05:03:54 pm        208
Facebook Telegram Linkin
បារាំង៖ កងកម្លាំងសន្តិសុខដែលបានដាក់បន្ថែមរាប់ពាន់នាក់ កំពុងប្រឈមនឹងភាពរំជើបរំជួលនៅយប់ទី២ ក្នុងប្រទេសបារាំង បន្ទាប់ពីអ្នកបើកបររថយន្តជាយុវជនវ័យ១៧ឆ្នាំម្នាក់ ត្រូវបានបាញ់សម្លាប់ដោយនគរបាលជិតទីក្រុងប៉ារីស កាលពីថ្ងៃអង្គារ អំឡុងការត្រួតពិនិត្យសណ្ដាប់ធ្នាប់ចរាចរណ៍។យុវជនដែលមានឈ្មោះថា ណាហេល អឹម (Nahel M)ត្រូវបានបាញ់នៅចំណុចត្រួតពិនិត្យមួយ ខណៈដែលជនរងគ្រោះបានបើករត់គេច និងបានប៉ះទង្គិចគ្នាភ្លាមៗ។ នគរបាលក្រុងប៉ារីស និយាយថា ពួកគេបានទប់ទល់នឹងអំពើហិង្សាថ្មីរយៈពេលខ្លី ។ នៅក្នុងទីក្រុង ទូលូស (Toulouse) ក្រុមអ្នកតវ៉ាបានដុតបំពួកភ្លើង និងគប់ដុំថ្មទៅលើក្រុមអ្នកពន្លត់អគ្គិភ័យ ស្របពេលពួកគេព្យាយាមពន្លត់ភ្លើង។  ក្រុមអ្នកតវ៉ាក៏បានប៉ះទង្គិចគ្នាជាមួយនគរបាលផងដែរ នៅភាគខាងជើងនៃទីក្រុងលីល(Lille) ។សារព័ត៌មានក្នុងស្រុកបានរាយការណ៍ថា នៅក្នុងភាគខាងជើងទីក្រុង រ៉ែន (Rennes) មនុស្សប្រហែល៣០០នាក់ បានប្រមូលផ្ដុំគ្នាគោរពវិញ្ញាណក្ខន្ធយុវជនរងគ្រោះរូបនេះ ដោយភាគច្រើនក៏បានដុតបំពួកភ្លើង និងត្រូវបានបំបែកដោយនគរបាលដើម្បីឲ្យក្រុមអ្នកពន្លត់អគ្គិភ័យពន្លត់ភ្លើង ផងដែរ ។ លោកប្រធានាធិបតីបារាំង អេម៉ានុយអែល ម៉ាក្រុង (Emmanuel Macron) បាននិយាយថា ការបាញ់សម្លាប់យុវជន ណាហេល គឺជារឿងមិនអាចអត់ឱនឲ្យបាន ។ ប៉ុន្តែការអត្ថាធិប្បាយរបស់លោក បានបង្កឲ្យផ្ទុះកំហឹងពីក្រុមសហជីពនគរបាល ដែលបានចោទប្រកាន់រូបលោកពីបទរុញឲ្យតុលាការស្វែងរកក្រុមមន្ត្រីជាប់ពាក់ព័ន្ធករណីនេះ មកកាត់ទោស។  មនុស្សយ៉ាងហោចណាស់៧៧នាក់ ត្រូវបានចាប់ខ្លួន ក្នុងប្រទេសបារាំងអំឡុងការតវ៉ានៅយប់ទី២ ដែលបង្កឡើងដោយសារការបាញ់សម្លាប់យុវជនវ័យ១៧ឆ្នាំ ពី សំណាក់នគរបាល ៕

សាលសហសិក្សាតេជោសែន នឹងចូលរួមលើកស្ទួយការបណ្តុះបណ្តាលធនធាន ក្នុងវិស័យសាធារណការ

2023/06/29 04:49:23 pm        149
Facebook Telegram Linkin
ភ្នំពេញ៖ ក្រសួងសាធារណការ និងដឹកជញ្ជូន បានសម្ពោធដាក់ឲ្យប្រើប្រាស់ នូវសាលសហសិក្សាតេជោសែន ដែលជាអគារសម្រាប់ជួយរៀបចំវគ្គបណ្តុះបណ្តាលបន្ថែម ទៅលើជំនាញបច្ចេកទេស និងជំនាញពាក់ព័ន្ធផ្សេងៗ ជូនដល់ថ្នាក់ដឹកនាំ និងបុគ្គលិកមន្ត្រីរាជការ ព្រមទាំងនិស្សិត នៃវិទ្យាស្ថានតេជោសែនសាធារណការ និងដឹកជញ្ជូន ។ក្នុងពិធីសម្ពោធដាក់ឲ្យប្រើប្រាស់សាលសហសិក្សាតេជោសែន នៅថ្ងៃរសៀលថ្ងៃទី២៨ ខែមិថុនា ឆ្នាំ២០២៣ ក្រោមអធិបតីភាពសម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន មានប្រសាសន៍ថា រាជរដ្ឋាភិបាលបានចាត់ទុកការអភិវឌ្ឍធនធានមនុស្ស គឺជាវិស័យអាទិភាពមួយនៅក្នុងចំណោមវិស័យអាទិភាពចម្បងៗ និងសំខាន់ៗ ក្នុងនោះការអភិវឌ្ឍធនធានមនុស្ស ពាក់ព័ន្ធនឹងវិស័យសាធារណការ និងដឹកជញ្ជូន គឺជាតម្រូវការចាំបាច់ដែលត្រូវយកចិត្តទុកដាក់ខ្ពស់ ។ ឯកឧត្តមទេសរដ្ឋមន្ត្រី បន្តថា ការបង្កើនសមត្ថភាពធនធានមនុស្ស នៅក្នុងវិស័យមួយនេះ ជាកិច្ចការអាទិភាពដ៏ចម្បងមួយរបស់ក្រសួង ដែលថ្នាក់ដឹកនាំគ្រប់រូប ចង់ឃើញកូនខ្មែរមាន​សមត្ថភាពអាចសាងសង់ ផ្លូវថ្នល់ ស្ពានធំៗ និងបណ្តាញហេដ្ឋារចនាសម្ព័ន្ធដឹកជញ្ជូន​គ្រប់ប្រភេទបានដោយខ្លួនឯង នាពេលអនាគត។ឯកឧត្តម ស៊ុន ចាន់ថុល បានបញ្ជាក់ថា ការបង្កើនសមត្ថភាពធនធានមនុស្សនេះ ត្រូវបានអនុវត្តដោយវិទ្យាស្ថានតេជោសែន សាធារណការ និងដឹកជញ្ជូន ដែលបានដាក់ចេញកម្មវិធីបណ្តុះបណ្តាលចំនួន ៣កម្រិត រួមមានទី១. កម្រិតវិស្វករ និងបណ្ឌិត, ទី២. កម្រិតអ្នកជំនាញមធ្យមបច្ចេកទេសជាន់ខ្ពស់ និងការបណ្ដុះបណ្តាលជំនាញខ្លីៗ និងទី៣. ការបណ្តុះបណ្តាលជំនាញផ្នែកទន់ ។ក្នុងឱកាសនោះ សម្ដេចពិជ័យ ជំរុញក្រសួងសាធារណការ ឱ្យខិតខំបន្តអនុវត្តនូវគម្រោងធំៗ និងគម្រោង​ជាប្រវត្តិសាស្ត្រទាំងឡាយ ដែលបានប្រកាសដាក់ចេញ ជាពិសេសគម្រោង​ផ្លូវនាវាចរណ៍ថ្មី “ព្រែកជីកហ្វូណនតេជោ” ដែលជាគំនិតផ្តួចផ្តើមមួយដ៏ល្អ និងមានសារៈប្រយោជន៍​ដ៏ធំធេងទាំងផ្នែកនយោបាយ សេដ្ឋកិច្ច និងសង្គមពីគម្រោងជាប្រវត្តិសាស្ត្រ ។ សម្ដេច ក៏បានស្នើឱ្យបន្តខិតខំអភិវឌ្ឍន៍ធនធានមនុស្សរបស់ក្រសួង ដើម្បីរួមចំណែកក្នុងការលើកកម្ពស់​សមត្ថភាព ចំណេះដឹង និងជំនាញឱ្យកាន់តែច្បាស់លាស់​លើការកសាងហេដ្ឋារចនា សម្ព័ន្ធផ្លូវ-ស្ពានគ្រប់ប្រភេទ ។គួរបញ្ជាក់ថា សាលសហសិក្សាតេជោសែន មានបណ្តោយ ៣១,៣ម៉ែត្រ និងទទឹង ១៨ម៉ែត្រ មានលទ្ធភាពអាចផ្ទុកអ្នកចូលរួមបានប្រមាណ ២៣០នាក់ ។ នៅចំកណ្តាលស្លាបជញ្ជាំងផ្នែកខាងកើតនៃសាល ដែលបំពាក់ទៅដោយឧបករណ៍បច្ចេកវិទ្យាទំនើបៗមួយនេះ មានការតម្លើងនូវ LED Screen ដែលមានបណ្ដោយ៧ម៉ែត្រ និងទទឹង៤ម៉ែត្រ (ស្មើនឹង ៣២៥អ៊ីញ) ។ ការសាងសង់សាលសហសិក្សានេះ បានចំណាយថវិកាអស់ប្រមាណជាង ៦៥ម៉ឺនដុល្លារអាមេរិក ដែលជាប្រភពមូលនិធិចូលរួមពីសប្បុរសជននានា ៕អត្ថបទ បាន សុខរិទ្ធិ

ព្រឹទ្ធសភាជាតិបញ្ចប់ការពិនិត្យ ហើយឲ្យយោបល់លើវិសោធនកម្មច្បាប់បោះឆ្នោត និងឯកភាពទាំងស្រុង

2023/06/29 04:41:45 pm        229
Facebook Telegram Linkin
ភ្នំពេញ៖ ព្រឹទ្ធសភាជាតិ នៃព្រះរាជាណាចក្រកម្ពុជា ក្នុងសម័យប្រជុំលើកទី១០ ព្រឹទ្ធសភា នីតិកាលទី៤ នៅថ្ងៃទី២៩ ខែមិថុនា ឆ្នាំ២០២៣នេះ បានបញ្ចប់ការពិនិត្យ ហើយឲ្យយោបល់ ទៅ​លើសេចក្តីព្រាងវិសោធនកម្មច្បាប់បោះឆ្នោត ហើយក៏បានឯកភាពទាំងស្រុង លើការវិសោធនកម្មច្បាប់នេះ ក្នុង៥៩សំឡេង នៃសមាជិកព្រឹទ្ធសភាទាំងមូល ។ ឯកឧត្តម ម៉ម ប៊ុននាង សមាជិកនៃគណៈកម្មាធិការអចិន្ត្រៃយ៍ និងជាអ្នកនាំពាក្យព្រឹទ្ធសភា មាន​ប្រសាសន៍ថា ការធ្វើវិសោធនកម្មច្បាប់បោះឆ្នោត គឺជាការលើកស្ទួយគុណតម្លៃលទ្ធិប្រជាធិបតេយ្យ សេរីពហុបក្ស ដែលបានចារឹកទុកក្នុងរដ្ឋធម្មនុញ្ញ ​ដែលជាច្បាប់កំពូលរបស់ជាតិ ជាពិសេស ជួយ​ពង្រឹង​ការទទួលខុសត្រូវរបស់អ្នកដឹកនាំនយោបាយ ​ដែលត្រូវជ្រើសរើសតាមរយៈការបោះឆ្នោត តាមបែបប្រជាធិបតេយ្យ សេរី ពហុបក្ស ទាំងនៅថ្នាក់ជាតិ និងថ្នាក់ក្រោមជាតិ ដែលចាំបាច់ត្រូវ​ធ្វើការកែទម្រង់សិទ្ធិឈរឈ្មោះឲ្យគេបោះឆ្នោត ។ឯកឧត្តមបានបន្តថា ក្នុងន័យនេះ ពលរដ្ឋដែលមានគោលបំណង ឲ្យគេបោះឆ្នោតត្រូវមានការ​ទទួល​ខុសត្រូវខ្ពស់ ចំពោះជាតិមាតុភូមិ និងប្រជាជន ដោយត្រូវផ្ដើមចេញពីការអនុវត្តឲ្យបានខ្ជាប់ខ្ជួន នូវសិទ្ធិបោះឆ្នោតរបស់ខ្លួន ដោយចេញទៅបោះឆ្នោត ដែលនេះជាករណីកិច្ចចំបងរបស់ពលរដ្ឋល្អ ដែលមានការទទួលការខុសត្រូវខ្ពស់ ក្នុងសង្គមប្រជាធិបតេយ្យ ។ឯកឧត្តម ម៉ម ប៊ុននាង បានបន្ថែមថា វិសោធនកម្មនេះ ក៏បានកំណត់ផងដែរថា បុគ្គលណាដែល​បានធ្វើសកម្មភាពប៉ះពាល់ដល់សិទ្ធិបោះឆ្នោត ​ឬប្រជាពលរដ្ឋ ​ក៏ដូចជាធ្វើសកម្មភាពប៉ះពាល់ ឬធ្វើឲ្យខូចខាត​ដល់កិច្ចដំណើរការ នៃការបោះឆ្នោត ក៏ត្រូវប្រឈមមុខនឹងការដកហូត​ជា​បណ្ដោះអាសន្ន​សិទ្ធិឈរឈ្មោះឲ្យគេបោះឆ្នោត ​ឬការហាមឃាត់ចូលរួមក្នុងការបោះឆ្នោតផងដែរ ។ឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌ និងតំណាងរាជរដ្ឋាភិបាល លើកឡើងថា ការវិសោធនកម្ម​ច្បាប់​បោះឆ្នោតនេះ មិនមានការខុសច្បាប់អ្វីនោះទេ ​គឺធ្វើឡើងស្របតាមច្បាប់រដ្ឋធម្មនុញ្ញ នៃព្រះរាជាណា​ចក្រកម្ពុជា ​លើកគុណតម្លៃស្នូល ​នៃលទ្ធិប្រជាធិបតេយ្យ និងការពារដំណើរការ នៃការបោះឆ្នោតនាពេលខាងមុខផងដែរ ។ឯកឧត្តមបានបន្តថា ​នៅពេលច្បាប់នេះ ចូលជាធរមានរាជរដ្ឋាភិបាល និងចូលរួមសហការ​អនុវត្តមាន​ប្រសិទ្ធភាពខ្ពស់ និងភាពម៉ឺងម៉ាត់ ជាមួយនឹងស្ថាប័នដែលមានការពាក់ព័ន្ធ ទៅតាមមុខងារ ​និងភារកិច្ចរៀងខ្លួន ដែលមានកំណត់ក្នុងច្បាប់ ដើម្បីជាផលរបស់ប្រយោជន៍ជាតិ​មាតុភូមិ និងប្រជាជនកម្ពុជា ៕ អត្ថបទ បាន សុខរិទ្ធិ

ប្រសាសន៍សំខាន់ៗរបស់សម្តេចតេជោ ក្នុងឱកាសអញ្ជើញចុះជួបសំណេះសំណាលជាមួយកម្មករ-កម្មការិនីប្រមាណ២ម៉ឺននាក់ ជាបន្ដទៀតនៅស្រុកអង្គស្នួល

2023/06/29 02:57:15 pm        392
Facebook Telegram Linkin
កណ្ដាល៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បន្តអញ្ជើញចុះជួបសំណេះសំណាល ជាមួយកម្មករ-កម្មការិនីសរុបប្រមាណ២ម៉ឺននាក់ជាបន្ដទៀត មកពីរោងចក្រសហគ្រាសចំនួន១១ ក្នុងស្រុកអង្គស្នួល ខេត្តកណ្តាល នៅថ្ងៃទី២៩ ខែមិថុនា ឆ្នាំ២០២៣នេះ។ប្រសាសន៍សំខាន់ៗរបស់សម្តេចតេជោ ហ៊ុន សែន ដែលបានខ្លឹមសារដូចខាងក្រោម៖សម្តេចតេជោ ហ៊ុន សែន បញ្ជាក់ថា សម្ដេចមានការសប្បាយរីករីកចំពោះសមិទ្ធផលនានា ដែលសម្រេចបានចំពោះបងប្អូនកម្មករនិយោជិតដែលរាជរដ្ឋាភិបាលបានធ្វើនាពេលកន្លងមក ជាពិសេសការទប់ស្កាត់ការឆ្លង់រីករាលដាលជំងឺកូវីដ-១៩ នៅក្នុងរោងចក្រ ដោយបងប្អូនកម្មករនិយោជិតបានចាក់វ៉ាក់សាំងកូវីដ-១៩ គ្រប់ៗគ្នា។សម្តេចតេជោ ហ៊ុន សែន បានបញ្ជាក់ជាថ្មីថា ក្នុងអំឡុងពេលឃោសនាបោះឆ្នោត សម្តេចនឹងផ្អាកធ្វើការចុះជួបសំណេះសំណាលជាមួយបងប្អូនកម្មករនិយោជិតមួយរយៈ ដើម្បីកុំឲ្យមានបញ្ហាជាមួយនឹងច្បាប់របស់គ.ជ.ប. ហើយក្រោយការបោះឆ្នោតសម្តេចនឹងបន្តជួបទៀត ​ដើម្បីពិនិត្យមើលវឌ្ឍនភាពនៅតាមរោងចក្រ សហគ្រាស់នានា។សម្តេចតេជោ ហ៊ុន សែន បញ្ជាក់ថា សម្ដេចមានការសប្បាយរីករីកចំពោះសមិទ្ធផលនានាដែលសម្រេចបានចំពោះបងប្អូនកម្មករនិយោជិតដែលរាជរដ្ឋាភិបាលបានធ្វើនាពេលកន្លងមក ជាពិសេសការទប់ស្កាត់ការឆ្លង់រីករាលដាលជំងឺកូវីដ-១៩ នៅក្នុងរោងចក្រ ដោយបងប្អូនកម្មករនិយោជិតបានចាក់វ៉ាក់សាំងកូវីដ-១៩ គ្រប់ៗគ្នា។សម្តេចតេជោ ហ៊ុន សែន ប្រកាសឧបត្ថម្ភដល់ មន្រ្ដីរាជការ មន្រ្ដីកម្មសិក្សា និងជាប់កិច្ចសន្យាទាំងអស់ ឱ្យទទួលបានអត្ថប្រយោជន៍ការឧបត្ថម្ភ លើកម្មវិធីឧបត្ថម្ភសាច់ប្រាក់ជូនស្រ្ដីមានផ្ទៃពោះ និងកុមារអាយុក្រោម២ឆ្នាំដូចកម្មការិនីរោងចក្រដែរ។ រីឯស្រ្ដីដែលជាកងទ័ពសម្ដេចតេជោ ក៏ប្រកាសឧបត្ថម្ភផងដែរ ប៉ុន្ដែចំណុចនេះសម្ដេចត្រូវពិភាក្សាបន្ថែមនាពេលខាងមុខនេះ។សម្តេចតេជោ ហ៊ុន សែន បានប្រកាសថា គោលនយោបាយគាំពារសង្គមត្រូវបានរាជរដ្ឋាភិបាលដាក់ចេញជាបន្តបន្ទាប់ ដើម្បីការពារនូវសុខុមាលភាពរបស់បងប្អូនប្រជាពលរដ្ឋ។សម្តេចតេជោ ហ៊ុន សែន បញ្ជាក់ថា អ្វីដែលសម្ដេចចង់បានបំផុត គឺធ្វើយ៉ាងម៉េចឱ្យរោងចក្រមួយក្លាយទៅជាសហគមន៍សុខសាន្តមួយ។ ដោយការអនុវត្តបែបនេះបាន គឺត្រូវធ្វើយ៉ាងម៉េចកុំឱ្យក្នុងរោងចក្រមានហិង្សា កុំឱ្យមានការចែកចាយគ្រឿងញៀន ហើយបើមានបញ្ហាអ្វីត្រូវពន្លឿនក្នុងការដោះស្រាយ។សម្តេចតេជោ ហ៊ុន សែន បានប្រកាសអាសន្នឡើងវិញ ចំពោះការផ្ទុះឡើងវិញនូវជំងឺអេដស៍នៅកម្ពុជានាពេលបច្ចុប្បន្ន ដោយសម្តេចសូមធ្វើការអំពាវនាវដល់អ្នកស្រលាញ់ភេទដូចគ្នាមានការប្រុងប្រយ័ត្នបន្ថែម ខណៈការផ្ទុះជំងឺអេដស៍ឡើងវិញនេះគឺកើតចេញពីបុរសស្រលាញ់បុរសដូចគ្នា។សម្តេចតេជោ ហ៊ុន សែន ផ្ដាំផ្ញើទៅអ្នកលេងហ្វេសប៊ុកទាំងអស់ ហាមដាច់ខាតយករឿងសន្ដិសុខជាតិមកបង្ហោះលេងលើហ្វេសប៊ុក។ ការបញ្ជាក់របស់សម្ដេចបែបនេះ បន្ទាប់ពីមានអ្នកលេងហ្វេសប៊ុកមួយចំនួនបានយកករណីយន្តហោះគ្មានមនុស្សបើកចូលឈ្លានពានដែនដីកម្ពុជានេះ មកភ្ជាប់ជាមួយរូបភាពយន្តហោះពាណិជ្ជកម្មនៅលើបណ្ដាញសង្គម។សម្តេចតេជោ ហ៊ុន សែន ប្រកាសយកបណ្ដាញតេឡេក្រាម (telegram) ជាបណ្ដាញផ្សព្វផ្សាយផ្លូវការចំបងលើការផ្សាយចេញនូវព័ត៌មាន រាប់ទាំងការផ្សាយផ្ទាល់ផងដែរ ខណៈពេលនេះមានពលរដ្ឋចូលចិត្ត និងចូលគាំទ្រជាង ៨៥ ម៉ឺននាក់បានភ្ជាប់ចូលរួចហើយ។ ការប្រកាសរបស់សម្ដេចតេជោ បែបនេះបន្ទាប់ពីសម្ដេចពិនិត្យឃើញថាការប្រើប្រាស់ បណ្តាញទំនាក់ទំនងសង្គម telegram មានប្រសិទ្ធភាពខ្ពស់ជាងប្រៀបធៀបជាមួយ Facebook។សម្តេចតេជោ ហ៊ុន សែន បន្តអំពាវនាវដល់ប្រជាពលរដ្ឋ កម្មករកម្មការិនី និងមន្រ្ដីរាជការទាំងអស់ទៅចូលរួមបោះឆ្នោត នៅថ្ងៃទី២៣ ខែកក្កដា ឆ្នាំ២០២៣ខាងមុខនេះ ខណៈរាជរដ្ឋាភិបាលបានអនុញ្ញាតឱ្យឈប់សម្រាករយៈពេល៣ថ្ងៃ ដោយមានប្រាក់ឈ្នួល។សម្តេចតេជោ ហ៊ុន សែន ជម្រាបជូនចំពោះប្រជាពលរដ្ឋគ្រប់ទីកន្លែងទាំងអស់ថា បន្ទាប់ពីមានបទពិសោធន៍ពីការឆ្លងរីករាលដាលជំងឺកូវីដ-១៩ រាជរដ្ឋាភិបាលបានកសាងមន្ទីរពេទ្យមួយដែលមានសមត្ថភាពទទួលអ្នកជំងឺរហូតដល់១ម៉ឺនគ្រែ សម្រាប់១ម៉ឺននាក់ គឺមន្ទីរពេទ្យ «តេជោសន្ដិភាព» ដែលនេះជាគោលនយោបាយរបស់រាជរដ្ឋាភិបាល ដោយមិនទុកប្រជាពលរដ្ឋណាម្នាក់ចោលឡើយ។សម្តេចតេជោ ហ៊ុន សែន ប្រកាសអញ្ជើញកម្មករ-កម្មការិនីទៅទទួលពិនិត្យព្យាបាលជំងឺនៅមន្ទីរពេទ្យថ្មីដែលរាជរដ្ឋាភិបាលទើបសាងសង់រួច គឺ «មន្ទីរពេទ្យតេជោសន្ដិភាព» ដែលមិនគិតថ្លៃ ខណៈមន្ទីរពេទ្យនេះមានសមត្ថភាពទទួលអ្នកជំងឺ១ម៉ឺនគ្រែ។សម្តេចតេជោ ហ៊ុន សែន បញ្ជាក់ទៅអ្នកលេងហ្វេសប៊ុកទាំងឡាយបញ្ឈប់ជាបន្ទាន់ ចំពោះការយកបញ្ហាសន្ដិសុខជាតិ (ករណីយន្តហោះដ្រូនចូលឈ្លានពានដែនដីកម្ពុជា) មកបង្ហោះលេងលើហ្វេសប៊ុក។ បើនៅបន្តបង្ហោះរូបភាពពីសន្ដិសុខជាតិបែបនេះ សមត្ថកិច្ចប្រឆាំងបទល្មើសបច្ចេកវិទ្យានឹងអនុវត្តច្បាប់ស្វែងរកឃើញភ្លាមចំពោះក្រុមអ្នកបង្ហោះទាំងនោះ។

សម្តេចតេជោ ហ៊ុន សែន អញ្ជើញចុះជួបសំណេះសំណាលជាមួយកម្មករ-កម្មការិនីសរុបប្រមាណ២ម៉ឺននាក់ជាបន្ដទៀត នៅស្រុកអង្គស្នួល

2023/06/29 01:56:37 pm        200
Facebook Telegram Linkin
កណ្ដាល៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បន្តអញ្ជើញចុះជួបសំណេះសំណាល ជាមួយកម្មករ-កម្មការិនីសរុបប្រមាណ២ម៉ឺននាក់ជាបន្ដទៀត មកពីរោងចក្រសហគ្រាសចំនួន១១ ក្នុងស្រុកអង្គស្នួល ខេត្តកណ្តាល នៅថ្ងៃទី២៩ ខែមិថុនា ឆ្នាំ២០២៣នេះ។

ព្រះអង្គម្ចាស់ នរោត្តម ចក្រាវុធ អំពាវនាវឲ្យប្រជារាស្ត្រខ្មែររួមសាមគ្គីគ្នា និងបន្តរក្សាសុខសន្តិភាព

2023/06/28 09:46:18 pm        412
Facebook Telegram Linkin
សៀមរាប៖ ព្រះអង្គម្ចាស់នរោត្តម ចក្រា វុធ ព្រះប្រធានគណបក្សហ៊្វុនស៊ិនប៉ិច បានអំពាវនាវ​ដល់​ប្រជារាស្រ្តខ្មែរទាំង អស់រួមសាមគ្គីគ្នា ​និងបន្តរួមគ្នាថែរក្សា និងការពារនូវ​សុខសន្តិភាពដែលកំពុង​មានសព្វថ្ងៃនេះឲ្យបាន ខណៈសន្តិភាពនេះ គឺជាមធ្យោបាយនាំផ្លូវឲ្យមានការអភិវឌ្ឍ​សេដ្ឋកិច្ចជាតិ​កាន់តែរីកចំរើនទៅមុខទៀត។ក្នុងឱកាសជួបសំណេះសំណាលជាមួយសហជីវិន-សហជីវិនី សកម្មជនគាំទ្រជិតមួយពាន់នាក់ នៅខេត្តសៀមរាប នាថ្ងៃទី២៧ ខែមិថុនា ឆ្នាំ២០២៣នេះ ព្រះអង្គម្ចាស់នរោត្តម ចក្រា វុធ បានមានបន្ទូលថា ខណៈមានការសាមគ្គីគ្នា នឹងធ្វើឲ្យសេដ្ឋកិច្ចជាតិកាន់តែរីកលួតលាស់ ហើយ​ជីវភាពរបស់ពលរដ្ឋកាន់ ​តែរីកចម្រើផងដែរ ដូច្នេះសូមបងប្អូនជាសមាជិក-សមាជិកា​ សហជីវិន ជីវនីទាំងអស់ត្រូវរក្សាសន្តិភាពនេះ ​ឲ្យខាងតែបានគ្រប់ពេលវេលាទាំងអស់។ក្នុងពិធីសំណេះសំណាលនោះដែរ ព្រះអង្គម្ចាស់នរោត្តម ចក្រាវុធ ​ក៏បានលើកឡើងអំពីគោល នយោបាយ​របស់គណបក្សហ៊្វុនស៊ិនប៉ិច​ប្រាប់បន្ថែមដល់សមាជិក-សមាជិកាគណបក្សហ៊្វុនស៊ិនប៉ិច​ផងដែរ ខណៈនយោបាយដែលបានដាក់ចេញនោះនឹងជួយរកដំណោះស្រាយ​ជូនដល់បងប្អូន​ប្រជាពលរដ្ឋ ​ក្រោយគណបក្សហ៊្វុនស៊ិនប៉ិចមានសំឡេងក្នុងរដ្ឋសភាឡើងវិញនោះ។ថ្លែងនៅក្នុងឱកាសនោះដែរ លោក សាយ ហាក់ ប្រធានក្រុមការងារបោះឆ្នោតប្រចាំខេត្តសៀមរាប នៃគណបក្សហ៊្វុនស៊ិនប៉ិច ​បានលើកឡើងផងដែរថា ​នាពេលបច្ចុប្បន្នសមាជិក-សមាជិកា និង​សហជីវិន ​និងសហជីវនីរបស់គណបក្សហ៊្វុនស៊ិនប៉ិច​នៅខេត្តសៀមរាប បានកំពុងយក​ចិត្តទុកដាក់ខ្ពស់​ក្នុងការចុះផ្សព្វផ្សាយអំពីគោលនយោបាយរបស់គណបក្ស​ហ៊្វុនស៊ិនប៉ិច ហើយក្នុង​នាមតំណាងឲ្យសមាជិកបក្សទាំង អស់នៃខេត្តសៀមរាបប្តេជ្ញាបោះឆ្នោតជូនដល់​គណបក្ស​ហ៊្វុនស៊ិនប៉ិច ​និងជូនដល់ព្រះអង្គម្ចាស់នរោត្តម ចក្រា វុធ ដែលជាប្រធានគណបក្សគ្រប់រាល់ការ​បោះឆ្នោតទាំងអស់។ជាមួយគ្នានោះដែរ លោកសាយ ហាក់ ក៏បានអំពាវដល់បងប្អូនប្រជាពលរដ្ឋ ​នៅខេត្តសៀមរាបទាំង អស់អញ្ជើញ​ទៅបោះឆ្នោតដែលនឹងប្រព្រឹត្តទៅ នាថ្ងៃទី២៣ ខែកក្កដា ឆ្នាំ២០២៣ខាងមុខនេះ ឲ្យបានគ្រប់ៗគ្នាផងដែរ ដើម្បីបំពេញ​កតព្វកិច្ច​ជាពលរដ្ឋល្អ ដោយកុំស្តាប់តាមការ​ញុះញង់ពី​បុគ្គលមួយក្តាប់តូច ​ដែល​មាន​ចេតនា​ទុច្ចរិត​ រារាំង​មិន​ឲ្យបងប្អូន​ទៅបោះឆ្នោតនោះ៕អត្ថបទ៖ បាន ចក់

ព្រឹទ្ធសភាជាតិ៖ ការវិសោធនកម្មច្បាប់បោះឆ្នោតជាការលើកស្ទួយតម្លៃលទ្ធិប្រជាធិបតេយ្យ

2023/06/28 08:07:26 pm        260
Facebook Telegram Linkin
ភ្នំពេញ៖ ព្រឹទ្ធសភាជាតិ នៃព្រះរាជាណាចក្រកម្ពុជា បានចាត់ទុកការធ្វើវិសោធនកម្មច្បាប់បោះឆ្នោត គឺជាការលើកស្ទួយគុណតម្លៃលទ្ធិប្រជាធិបតេយ្យ សេរី ពហុបក្ស ដែលបាន​ចារឹក​ទុកក្នុងរដ្ឋធម្មនុញ្ញ ដែលជាច្បាប់កំពូលរបស់ជាតិ ។បន្ទាប់ពីកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា ក្រោមអធិបតីភាព របស់សម្តេចវិបុល​សេនាភក្តី សាយ ឈុំ ប្រធានព្រឹទ្ធសភា នៅថ្ងៃទី២៨ ខែមិថុនា ឆ្នាំ២០២៣​ ឯកឧត្តម ម៉ម ប៊ុននាង អ្នកនាំពាក្យព្រឹទ្ធសភា ​មានប្រសាសន៍ថា ច្បាប់នេះ គឺជួយពង្រឹងការទទួលខុសត្រូវរបស់​អ្នក​ដឹកនាំនយោបាយ ដែលត្រូវជ្រើសរើសតាមរយៈការបោះឆ្នោត ​តាមបែបប្រជាធិបតេយ្យ សេរី ពហុបក្ស ទាំងនៅថ្នាក់ជាតិ និងថ្នាក់ក្រោមជាតិ ដែលចាំបាច់ត្រូវធ្វើការកែទម្រង់សិទ្ធិឈរឈ្មោះ ឲ្យគេបោះឆ្នោត ។ឯកឧត្តមបានបន្តថា ក្នុងន័យនេះ ពលរដ្ឋដែលមានគោលបំណង ឲ្យគេបោះឆ្នោតត្រូវមានការ​ទទួល​ខុសត្រូវខ្ពស់ ចំពោះជាតិមាតុភូមិ និងប្រជាជន ដោយត្រូវផ្ដើមចេញពីការអនុវត្តឲ្យបានខ្ជាប់ខ្ជួន នូវសិទ្ធិបោះឆ្នោតរបស់ខ្លួន​ ដោយចេញទៅបោះឆ្នោត​ ដែលនេះជាករណីកិច្ចចំបងរបស់ពលរដ្ឋល្អ ដែលមានការទទួលការខុសត្រូវខ្ពស់ ​ក្នុងសង្គមប្រជាធិបតេយ្យ ។ឯកឧត្តម ម៉ម ប៊ុននាង បានបន្ថែមថា វិសោធនកម្មនេះ ក៏បានកំណត់ផងដែរថា បុគ្គលណាដែល​បានធ្វើសកម្មភាពប៉ះពាល់ដល់សិទ្ធិបោះឆ្នោត ឬប្រជាពលរដ្ឋ ក៏ដូចជាធ្វើសកម្មភាព​ប៉ះពាល់ ឬធ្វើឲ្យខូចខាតដល់កិច្ចដំណើរការ នៃការបោះឆ្នោត ក៏ត្រូវប្រឈមមុខនឹងការដកហូត​ជា​បណ្ដោះអាសន្ន សិទ្ធឈរឈ្មោះឲ្យគេបោះឆ្នោត ឬការហាមឃាត់ចូលរួមក្នុងការបោះឆ្នោតផងដែរ ។ អ្នកនាំពាក្យព្រឹទ្ធសភា បានបញ្ជាក់ថា គណៈកម្មាធិការអចិន្ត្រៃយ៍ព្រឹទ្ធសភា បន្ទាប់ពីបានពិនិត្យ​ពិភាក្សាយ៉ាងល្អិតល្អន់រួចមក លើសេចក្តីព្រាងច្បាប់នេះ គឺមានលក្ខណៈត្រឹមត្រូវតាមទម្រងច្បាប់ និងគតិច្បាប់​ ហើយសម្រេចយកសេចក្តីព្រាងច្បាប់នេះ ដាក់ក្នុងរបៀបវារៈសម័យប្រជុំលើកទី១០ ព្រឹទ្ធសភា នីតិកាលទី៤ នៅថ្ងៃទី២៩ ខែមិថុនា ឆ្នាំ២០២៣ស្អែកនេះ ។គួរបញ្ជាក់ថា ក្នុងសម័យប្រជុំនេះ ព្រឹទ្ធសភាជាង នឹងពិនិត្យ ហើយឲ្យយោបល់ផងដែរ ទៅ​លើសេចក្តីព្រាងច្បាប់ចំនួន៦ទៀត ​ពាក់ព័ន្ធនឹងការអភិវឌ្ឍវិស័យអគ្គិសនី នៅតាម​បណ្ដា​ខេត្តមួយចំនួន ៕ អត្ថបទ បាន សុខរិទ្ធិ

កម្ពុជានឹងប្ដឹងទៅ UN បើរកឃើញប្រទេសណា ផ្ដល់ទីតាំងដ្រូនបំពានដែនដីកម្ពុជា

2023/06/28 07:38:45 pm        531
Facebook Telegram Linkin
ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានចាត់ទុកការបញ្ជូនយន្តហោះគ្មានមនុស្សបើកចូលបំពានដែនដីកម្ពុជា ការជាការរំលោភ​អធិបតេយ្យភាព​ទឹកដីរបស់កម្ពុជា ដូច្នេះហើកម្ពុជារកឃើញប្រទេសណាដផ្ដល់​ទីតាំង​ឱ្យធ្វើសកម្មភាពនេះ កម្ពុជានឹងប្ដឹងទៅអង្គការសហប្រជាជាតិ (UN)។សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាក់បែបនេះ ក្នុងឱកាស​អញ្ជើញចុះជួបសំណេះសំណាលជាមួយកម្មករនិយោជិត២ ម៉ឺននាក់នៅតំបន់ព្រៃស្ពឺ ខណ្ឌពោធិ៍សែនជ័យ នាព្រឹកថ្ងៃទី២៨ ខែមិថុនា ឆ្នាំ២០២៣នេះ។សម្តេចតេជោ ហ៊ុន សែន ជឿជាក់ថា យន្តហោះគ្មានមនុស្សបើកដែលចូលមកឈ្លានពាន​ប្រទេស​កម្ពុជា ​គឺមកធ្វើការ​ទំនាក់ទំនង​ជាមួយក្រុម​ភេរវករ​បាក់ទ័ពរត់ចេញ​ពី​វៀតណាម​ចូលមកដែនដីកម្ពុជា។ សម្តេច បានដាក់ការសង្ស័យថា ​យន្តហោះគ្មានមនុស្សបើក ដែល​ឈ្លានពានចូលទឹកដីកម្ពុជានេះ​ គឺអាចចេញមកពីនាវា ឬចេញពីប្រទេសមួយ។សម្តេចតេជោ ហ៊ុន សែន​ ក្នុងឱកាសជំនួបជាមួយកម្មករនិយោជិតជាង ​២ ម៉ឺននាក់ នាព្រឹកនេះ បាន​ដាក់បញ្ជាដាច់ណាត់ឱ្យដាក់សំណាញ់មេឃ ​និងបាញ់កម្ទេចយន្តហោះគ្មាន​មនុស្សបើក (ដ្រូន) ដែល​មកធ្វើសកម្មភាពឈ្លានពានកម្ពុជា ដោយគ្មានការលើកលែងឡើយ៕ អត្ថបទ៖ វ៉ន ដារ៉ា 

សម្ដេចតេជោ៖ បើពិភពលោកបន្ថយចំណាយលើការផលិតអាវុធមកផលិតអ្វីផ្សេង សម្រាប់ជួយជីវិតមនុស្សគឺប្រសើរបំផុត

2023/06/28 06:55:37 pm        260
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា មានប្រសាសន៍ទាក់ទិនទៅ​នឹង​បរិបទ​ពិភព​លោក​ដែលកំពុងតែប្រឈមមុខការរត់​ប្រណាំងសព្វាវុធ ​និងសង្គ្រាមនៅប្រទេសមួយចំនួននោះ សម្តេច បានមានប្រសាសន៍ថា ប្រសិនបើពិភពលោក បច្ចុប្បន្ន ផ្ទេរពីការផលិតអាវុធទៅ​ជា​ការផលិត​សម្ភារៈប្រើប្រាស់ មធ្យោបាយ​ដឹកជញ្ជូន ឬក៏ថ្នាំពេទ្យសម្រាប់ព្យាបាលដើម្បីជួយ​ជីវិតមនុស្ស ក្នុងតម្លៃថោក គឺជាការប្រសើរបំផុត ។ក្នុងឱកាសបន្តអញ្ជើញចុះជួបសំណេះសំណាលជាមួយកម្មករ និយោជិតសរុបជិត២ម៉ឺននាក់ នៅតំបន់ព្រៃស្ពឺ ​ខណ្ឌពោធិ៍សែនជ័យ រាជធានីភ្នំពេញ នាព្រឹកថ្ងៃទី២៨ ខែមិថុនានេះ ​សម្តេចតេជោ បាន​គូសបញ្ជាក់ថា ដើម្បីគិតគូដល់សេចក្តីសុខរីកចម្រើន​ដល់ពលរដ្ឋរឿង​សេដ្ឋកិច្ចជារឿងធំបំផុត ហើយនៅលើពិភពលោកបើសិននាំគ្នាផ្តោត​ការគិតគូរ ​លើបញ្ហានេះ ជាធំ ​ជាជាងចំណាយលើការ​ផលិត​អាវុធបង្កើតសង្គ្រាមនោះមិន​ដឹងជាល្អយ៉ាងណាទេ។សូមបញ្ជាក់ថា បច្ចុប្បន្ននេះនៅលើពិភពលោកកំពុងតែពោរពេញទៅដោយការប្រឈមមុខ ជម្លោះរវាង​មហាអំណាច ដែលសង្ឃឹមថា នឹងរកទីបញ្ចប់គ្មាន ។ ​ទោះជាយ៉ាងណាក៏ដោយ សម្តេចតេជោ ហ៊ុន សែន បានមានប្រសាសន៍ថា​ ប្រទេសរបស់យើង ប្រសិនបើមាន​សង្គ្រាម​នុយក្លេអ៊ែរ ផ្ទុះឡើងប្រហែលជាមិនមែនគោលដៅនៃការវាយប្រហារដោយអាវុធនុយក្លេអ៊ែរនោះទេ ព្រោះគេវាយគ្នាគឺតម្រង់ទៅរកប្រទេសដែលមាននុយក្លេអ៊ែរដូចគ្នា។ ដូច្នេះដំរីជល់គ្នាប្រហែលជាមិនអាចខ្ទេចស្មៅដូចស្មៅកម្ពុជា ដែលជាកន្លែងតូចតាចនេះទេ កម្ពុជា​គឺជាប្រទេសដែលគ្មាននុយក្លេអ៊ែរដូចគេ។ ​ទោះយ៉ាង​ណា​សម្ដេច បាន​បន់ស្រន់​សូមកុំឲ្យសង្គ្រាម​នុយក្លេអ៊ែរវាកើតឡើង ព្រោះសង្គ្រាមគឺគ្មានអ្នកឈ្នះ​ និងអ្នកចាញ់ពោល​គឺបរាជ័យពេញ​មួយ​ពិភពលោក៕

កោះតៃវ៉ាន់ និយាយថា ខ្លួនបានឃើញនាវាចម្បាំងរបស់រុស្ស៊ីចំនួន២គ្រឿង នៅក្បែរតំបន់ឆ្នេរភាគខាងកើតរបស់ខ្លួន

2023/06/28 06:44:25 pm        182
Facebook Telegram Linkin
តៃវ៉ាន់៖ អាជ្ញាធរការពារជាតិរបស់កោះតៃវ៉ាន់ បានឃើញនាវាចម្បាំងរបស់រុស្ស៊ី ចំនួន២គ្រឿង នៅក្បែរឆ្នេរសមុទ្រភាគខាងកើតរបស់ខ្លួន កាលពីថ្ងៃអង្គារ និងបានបញ្ជូនយន្តហោះចម្បាំង និងនាវាជាច្រើនគ្រឿងរបស់ខ្លួនដើម្បីឃ្លាំមើល ។ នៅក្នុងសេចក្ដីថ្លែងការណ៍មួយកាលពីល្ងាចថ្ងៃអង្គារ អាជ្ញាធរការពារជាតិកោះតៃវ៉ាន់ បាននិយាយថានាវា២គ្រឿង បានបើកបរនៅក្នុងគោលដៅទៅភាគខាងជើងក្បែរតំបន់ឆ្នេរភាគខាងកើតរបស់កោះតៃវ៉ាន់ ហើយក្រោយមកបានចាកចេញពីតំបន់ឆ្លើយតបរបស់យើង ក្នុងគោលដៅទៅកាន់ភាគអាគ្នេយ៍ក្បែរកំពង់ផែស៊ូអាវ (Suao) ដែលជាមូលដ្ឋានទ័ពជើងទឹកដ៏សំខាន់របស់កោះតៃវ៉ាន់។  សេចក្ដីថ្លែងការណ៍ បានបន្ថែមថា យោធាកោះតៃវ៉ាន់ បានបញ្ជូនយន្តហោះចម្បាំង និង នាវាដើម្បីតាមដាន និង ដំណើរការប្រព័ន្ធមីស៊ីលដែលមានមូលដ្ឋាននៅឆ្នេរសមុទ្រ ដោយពុំបានផ្ដល់ព័ត៌មានលម្អិតបន្ថែមនោះទេ។ ទីភ្នាក់ងារសារព័ត៌មាន Interfax របស់រុស្ស៊ី បានរាយការណ៍កាលពីថ្ងៃអង្គារថា នាវាអង្គភាពកងទ័ពជើងទឹកដែនសមុទ្រប៉ាស៊ីហ្វិករបស់រុស្ស៊ី បានចូលទៅក្នុងតំបន់ដែនទឹករបស់ហ្វីលីពីន ដើម្បីការបំពេញការតាព្វកិច្ចតាមទម្លាប់ជាផ្នែកមួយនៃការធ្វើដំណើរតាមច្រកសមុទ្រវែងឆ្ងាយ។ កោះតៃវ៉ាន់ បានចូលរួមជាមួយសហរដ្ឋអាមេរិក និងសម្ព័ន្ធមិត្តក្នុងការដាក់ទណ្ឌកម្មយ៉ាងធ្ងន់ធ្ងរលើរុស្ស៊ី ក្រោយប្រទេសនេះ បើកការវាយលុកចូលអ៊ុយក្រែន៕

បណ្ដាញសង្គម

ព័ត៌មានថ្មីៗ

រដ្ឋមន្ត្រីការបរទេសអ៊ីរ៉ង់៖ ទីក្រុងតេអេរ៉ង់ស្វះស្វែងរកការបញ្ចប់សង្គ្រាម ពុំមែនបទឈប់បាញ់បណ្ដោះអាសន្នទេ
08/19/2026 12:08 PM
Facebook Telegram Linkin
WHO៖ ការផ្ទុះឡើងជំងឺអេបូឡានៅកុងហ្គោ គឺជាគ្រាអាសន្នសកលខណៈករណីរឆ្លងបានលើសពី ៥.០០០ ករណី
08/19/2026 12:08 PM
Facebook Telegram Linkin
មនុស្ស ២៥ នាក់ស្លាប់ក្នុងការវាយប្រហារនៅប្រទេសនីហ្សេរីយ៉ា ស្របពេលមានការភ័យខ្លាចពីការសងសឹក
08/19/2026 12:08 PM
Facebook Telegram Linkin
លោក Trump និយាយថា អាមេរិក និងកាណាដា ឈានដល់កិច្ចព្រមព្រៀង និងផ្អាកដំឡើងពន្ធជាបណ្ដោះអាសន្ន
08/19/2026 12:08 PM
Facebook Telegram Linkin
រដ្ឋមន្ត្រីការពារជាតិអ៊ុយក្រែន ដែលត្រូវបានបណ្តេញចេញ អំពាវនាវឱ្យមានការបោះឆ្នោតប្រធានាធិបតី
08/19/2026 12:08 PM
Facebook Telegram Linkin
ប្រធានាធិបតីហ្វីលីពីនបញ្ជាឱ្យស៊ើបអង្កេត និងពង្រឹងសុវត្ថិភាពសាលារៀនក្រោយការបាញ់ប្រហារដ៏កក្រើក
08/19/2026 11:08 AM
Facebook Telegram Linkin
រុស្ស៊ី រាយការណ៍ថាយានដ្រូនរបស់អ៊ុយក្រែនវាយប្រហារនៅជិតរោងចក្រថាមពលនុយក្លេអ៊ែរ Zaporizhzhia
08/19/2026 11:08 AM
Facebook Telegram Linkin
ប្រទេសអារ៉ាប់រួម ចោទប្រកាន់អ៊ីរ៉ង់ពីការបាញ់មីស៊ីលបាលីស្ទីកទៅលើនាវាដឹកជញ្ជូនទំនិញ
08/19/2026 11:08 AM
Facebook Telegram Linkin
ការបាញ់ប្រហារយ៉ាងកក្រើកក្នុងសាលារៀននៅហ្វីលីពីនបង្កឱ្យមានក្ដីបារម្ភទូទាំងប្រទេស
08/19/2026 11:08 AM
Facebook Telegram Linkin
ប្រព័ន្ធផ្សព្វផ្សាយរដ្ឋកូរ៉េខាងជើងរិះគន់សមយុទ្ធរួមគ្នាអាមេរិក-កូរ៉េខាងត្បូងថាជាការគំរាមកំហែងដោយបើកចំហ
08/19/2026 11:08 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.