នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

សម្តេចតេជោ៖ គណបក្សប្រជាជនកម្ពុជានៅកាន់អំណាច គឺធានាស្ថិរភាព សន្ដិភាព និងការអភិវឌ្ឍ

2023/04/03 05:52:20 pm        243
Facebook Telegram Linkin
ត្បូងឃ្មុំ៖ សម្តេចតេជោ ហ៊ុន សែន នាយករដ្ឋមន្រ្ដីនៃកម្ពុជា មានប្រសាសន៍បញ្ជាក់ថា «ឱ្យតែគណបក្សប្រជាជនកម្ពុជា ឈ្នះឆ្នោត បន្តដឹកនាំរាជរដ្ឋាភិបាល គឺធានានូវស្ថិរភាព សុខសន្ដិភាព និងការអភិវឌ្ឍរបស់ប្រទេសកម្ពុជា និងផ្ដល់ផលប្រយោជនដល់ប្រជាជនជារៀងរហូត។សម្ដេចតេជោ ហ៊ុន សែន នាយករដ្ឋមន្ត្រី បញ្ជាក់បែបនេះ ក្នុងឱកាសអញ្ជើញជាអធិបតីភាពក្នុងពិធីសម្ពោធដាក់ឲ្យប្រើប្រាស់ជាផ្លូវការ «មន្ទីរពេទ្យបង្អែកស្រុកក្រូចឆ្មារ» ខេត្តត្បូងឃ្មុំ នៅព្រឹកថ្ងៃទី៣ ខែមេសា ឆ្នាំ២០២៣នេះ។សម្ដេចតេជោ បានថ្លែងថា សម្ដេចតេជោបានអរគុណដល់ប្រជាជននៅទូទាំងប្រទេសដែល​បានបោះឆ្នោតគាំទ្រដល់គណបក្សប្រជាជនកម្ពុជា និងជឿទុកខិត្តចំពោះការដឹកនាំរបស់សម្ដេច ក៏ដូចជារាជរដ្ឋាភិបាល។សម្ដេចតេជោ បន្តបញ្ជាក់ថា ការបោះឆ្នោតនៅក្នុងប្រទេសកម្ពុជា គឺធ្វើឡើងប្រកបដោយ​បរិយាកាស​អព្យាក្រឹត្យ ​គ្មានការគំរាមកំហែង និងប្រកបទៅដោយប្រជាធិបតេយ្យសេរីពហុបក្ស៕អត្ថបទ៖ វ៉ន ដារ៉ា

រដ្ឋត្រៀមឡានក្រុងជាង ៣០០គ្រឿង ដឹកប្រជាពលរដ្ឋទៅលេងស្រុកកំណើតក្នុងឱកាសបុណ្យចូលឆ្នាំថ្មីដោយមិនគិតប្រាក់

2023/04/03 05:38:40 pm        189
Facebook Telegram Linkin
ភ្នំពេញ៖ រដ្ឋបាលរាជធានីភ្នំពេញរៀបចំរថយន្តក្រុងចំនួន ៣៤៥គ្រឿង សម្រាប់បម្រើសេវាដឹកជញ្ជូនសាធារណៈរយៈពេល ០៥ថ្ងៃ ចាប់ពីថ្ងៃទី១៣-១៧ ខែមេសា ឆ្នាំ២០២៣ ដោយមិនបង់ប្រាក់ ដើម្បីសម្រួលដល់ការធ្វើដំណើរ និងការចំណាយរបស់បងប្អូនប្រជាពលរដ្ឋ ទៅលេងស្រុកកំណើត ជួបជុំគ្រួសារ ក្នុងឱកាសបុណ្យលចូលឆ្នាំថ្មី ប្រពៃណីជាតិខ្មែរ។

សម្តេចតេជោជំរុញគ្រូពេទ្យបន្តពង្រឹងសមត្ថភាពពិសេសបច្ចេកវិទ្យាទំនើបៗ ដើម្បីជួលព្យាបាលអ្នកជំងឺ

2023/04/03 05:36:16 pm        228
Facebook Telegram Linkin
ត្បូងឃ្មុំ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានផ្ដល់អនុសាសន៍ណែនាំ និងជំរុញ​ដល់គ្រូពេទ្យ ត្រូវបន្តខិតខំបង្កើនសមត្ថភាពរបស់ខ្លួន ដើម្បីព្យាបាលប្រជាពលរដ្ឋ​ឱ្យមាននិរន្តរភាព ខណៈពេលដែលមន្ទីរពេទ្យបច្ចុប្បន្នមានបំពាក់ទៅដោយបរិក្ខារទំនើបៗ និងប្រព័ន្ធឌីជីថលផងដែរ។ សម្ដេចតេជោ ហ៊ុន សែន នាយករដ្ឋមន្ត្រី បញ្ជាក់បែបនេះ ក្នុងឱកាសអញ្ជើញ​ជាអធិបតីភាព​ក្នុងពិធី​សម្ពោធដាក់ឲ្យ​ប្រើប្រាស់​ជាផ្លូវការ «មន្ទីរពេទ្យបង្អែកស្រុកក្រូចឆ្មារ» ខេត្តត្បូងឃ្មុំ នៅព្រឹកថ្ងៃទី៣ ខែមេសា ឆ្នាំ២០២៣នេះ។សម្តេចតេជោ ហ៊ុន សែន បានបង្ហាញក្ដីរីករាយ និងអបអរសាទរចំពោះសមិទ្ធផលថ្មីបន្ថែម នៃ​មន្ទីរពេទ្យ​បង្អែកស្រុកក្រូចឆ្មារ ដែលមន្ទីរពេទ្យនេះ នឹងអាចជួយដោះស្រាយទុក្ខលំបាកដល់​ប្រជាពលរដ្ឋបានយ៉ាងច្រើន ​ជាពិសេសពលរដ្ឋនៅស្រុកក្រូចឆ្នា និងស្រុកស្ទឹងត្រង់ នៃខេត្តត្បូងឃ្មុំ និងខេត្តកំពង់ចាម។សម្ដេចតេជោ ជំរុញឱ្យគ្រូពេទ្យត្រូវបន្តពង្រឹងការយកចិត្តទុកដាក់ខ្ពស់ក្នុងការពង្រឹងសមត្ថភាព ពាក់ព័ន្ធ​ទៅ​នឹងបច្ចេកវិទ្យាទំនើបៗ ដើម្បីបង្កើនប្រសិទ្ធភាព និងពន្លឿននូវការផ្ដល់សេវាសុខាភិបាល​ដល់ប្រជាពលរដ្ឋជាពិសេស ​ទាក់ទងនឹងការពិនិត្យសុខភាព​ និងពិគ្រោះជំងឺផ្សេងៗ។សម្តេចតេជោ ហ៊ុន សែន មានប្រសាសន៍ថា បញ្ហាសុខភាពសារធារណៈសាកល បានដាក់តឿតឱ្យ​រាជរដ្ឋាភិបាលគ្រប់ប្រទេសទាំងអស់នៅទូទាំងពិភពលោក ​មានការប្រុងប្រយ័ត្ន និងយកចិត្តទុក​ដាក់ខ្លាំង​បន្ថែមទៀតលើបញ្ហាសុខភាពសាធារណៈនៅក្នុងប្រទេសរបស់ខ្លួន ក្នុងនោះប្រទេសកម្ពុជា​ក្នុងរយៈពេលប៉ុន្មានឆ្នាំចុងក្រោយនេះបានស្ថាបនាហេដ្ឋារចនាសម្ព័ន្ធ មន្ទីរពេទ្យជាច្រើនទាំង​នៅ​រាជធានីភ្នំពេញ និងតាមបណ្ដាខេត្ត រួមទាំងប្រឹងប្រែងបង្កើនសមត្ថភាពគ្រូពេទ្យដើម្បីឆ្លើយ​តបទៅ​នឹងសភាពការបន្ទាន់ និងដោះស្រាយបញ្ហាពាក់ពន្ធនឹងសុខភាពសាធារណៈរបស់ប្រជាពលរដ្ឋ៕អត្ថបទ៖ វ៉ន ដារ៉ា

សម្តេចតេជោសង្ឃឹមថាថ្ងៃ២៣កក្កដាខាងមុខ ប្រជាជនមិនភ្លេចចូលរួមបោះឆ្នោត និងគាំទ្រគណបក្សប្រជាជនកម្ពុជា

2023/04/03 04:54:50 pm        187
Facebook Telegram Linkin
ត្បូងឃ្មុំ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា មានប្រសាសន៍ទាក់ទិននឹងការ​បោះឆ្នោត​ដែលនឹងមកដល់នៅពេលខាងមុខ សូមឱ្យបងប្អូន​ប្រជាពលរដ្ឋត្រៀមខ្លួនទៅបោះឆ្នោតជូន​គណបក្សប្រជាជនកម្ពុជាឱ្យបានគ្រប់ៗគ្នា ហើយសម្តេចក៏បានបញ្ជាក់ជាថ្មីថា ការការពារសន្តិភាពជាកិច្ចការរបស់យើងទាំងអស់គ្នា។ក្នុងឱកាសអញ្ជើញជាអធិបតីពិធីសម្ពោធដាក់ឱ្យប្រើប្រាស់ជាផ្លូវការអគារ​មន្ទីរពេទ្យ​បង្អែក​ស្រុកក្រូចឆ្មារ ខេត្តត្បូងឃ្មុំ សម្តេចតេជោ ក៏បានអរគុណដល់អ្នកខេត្តត្បូងឃ្មុំ​ជារួមនិងដោយឡែក​សម្រាប់អ្នកស្រុកក្រូចឆ្មារ និងនិយាយជារួមសម្រាប់ប្រជាជនទូទាំងប្រទេស​ដែលបានបោះឆ្នោត​គាំទ្រ​គណបក្សប្រជាជន ហើយសម្តេចក៏សង្ឃឹមថា ថ្ងៃ២៣ខែកក្កដាឆ្នាំ២០២៣ខាងមុខ មិនភ្លេច​ការចូលរួមបោះឆ្នោតក្នុងបរិយាកាសមួយដែលអព្យាក្រិត្យគ្មានការគំរាមកំហែង និងសង្ឃឹមថា មិនភ្លេចគណបក្សប្រជាជនកម្ពុជាឡើយ។សម្តេចតេជោ បានរំលឹកផ្តាំផ្ញើឱ្យប្រជាពលរដ្ឋរបស់យើងទាំងអស់គ្នា រួមគ្នាថែរក្សាសន្តិភាព​ព្រោះថា​ដូចជានៅប្រទេសអ៊ីរ៉ាក់ មាន​សោកនាដកម្ម​នៃសង្គ្រាម នៅលីប៊ី នៅស៊េរី ឥឡូវដល់នៅអ៊ុយក្រែនទៀត តើអ្នកណាប៉ាន់ស្មានបានថា មានសង្គ្រាមនោះ។អ៊ីចឹងការការពារសន្តិភាពសម្រាប់បម្រើឲ្យការអភិវឌ្ឍជាតិជាកិច្ចការរបស់យើងទាំងអស់គ្នា៕

ប្រធានាធិបតី ទីម័រខាងកើត José Ramos-Horta នឹងចូលរួមរត់គប់ភ្លើង ស៊ីហ្គេម អាស៊ានប៉ារ៉ាហ្គេម ២០២៣

2023/04/03 04:45:08 pm        119
Facebook Telegram Linkin
ភ្នំពេញ៖ យោងប្រភពព័ត៌មានពីប្រតិភូដង្ហែអគ្គិភ័យ និងគប់ភ្លើងស៊ីហ្គេម បានឱ្យដឹងថា ឯកឧត្តម José Ramos-Horta នឹងចូលរួមរត់គប់ភ្លើង ស៊ីហ្គេម អាស៊ានប៉ារ៉ាហ្គេម ២០២៣ ពេលកម្មវិធីដំណើរការព្រឹកថ្ងៃទី៤ ខែមេសា ឆ្នាំ២០២៣។ប្រភពបន្តថា អំឡុងស្ថិតនៅទីម័រខាងកើត ថ្ងៃនេះ ឯកឧត្តម ប្រធានាធិបតី អនុញ្ញាតឱ្យប្រតិភូកម្ពុជាដែលដឹកនាំដោយ ឯកឧត្តម ហោ សារុន បេសកជនពិសេស CAMSOC ចូលជួបសម្តែងការគួរសមនៅវិមានរដ្ឋាភិបាល។ក្រៅពីឯកឧត្តមប្រធានាធិបតី ការរត់គប់ភ្លើង នៅទីក្រុងឌីលីស្អែកនេះ ក៏មានការចូលរួមពីកីឡាករ កីឡាការិនីខ្លាំងៗ និងសិស្សនិស្សិត ប្រមាណ៨០០នាក់ចូលរួម។ទីម័រខាងកើតជាប្រទេសទី៤ហើយ ដែលអគ្គិជ័យ និងគប់ភ្លើងស៊ីហ្គេម អាស៊ានប៉ារ៉ាហ្គេម ២០២៣ ធ្វើដំណើរដល់ បន្ទាប់ពីដំណើរការជោគជ័យ និងសាទរខ្លាំងនៅទីក្រុងហាណូយ ប្រទេសវៀតណាម ទីក្រុង Tagaytay ប្រទេសហ្វីលីពីន និងទីក្រុងហ្សាកាតា ប្រទេសឥណ្ឌូនេស៊ី។បន្ទាប់ពីទីម័រខាងកើត អគ្គិជ័យកីឡា និងគប់ភ្លើង បន្តទៅកាន់ប្រទេសទី៥ គឺម៉ាឡេស៊ី ហើយបន្ត​​ទៅ​ប្រទេសអាស៊ានផ្សេងទៀត មុនចូលកម្ពុជាវិញ ចុងខែមេសា និងរត់ជុំវិញបឹងទន្លេសាប រហូតដល់យប់ថ្ងៃទី៥ ខែឧសភា មកដល់ពហុកីឡដ្ឋានជាតិមរតកតេជោ ចំថ្ងៃបើកការប្រកួត៕

ប្រសាសន៍សំខាន់ៗរបស់​សម្តេចតេជោ ហ៊ុន សែន ក្នុងឱកាស​អញ្ជើញសម្ពោធដាក់ឲ្យប្រើប្រាស់ជាផ្លូវការ មន្ទីរពេទ្យបង្អែក ស្រុកក្រូចឆ្មារ

2023/04/03 03:25:17 pm        507
Facebook Telegram Linkin
ភ្នំពេញ៖ ប្រសាសន៍សំខាន់ៗរបស់​សម្ដេចតេជោ ហ៊ុន សែន នាយករដ្ឋមន្ត្រី ក្នុងឱកាសអញ្ជើញជាអធិបតីភាពក្នុងពិធីសម្ពោធដាក់ឲ្យប្រើប្រាស់ជាផ្លូវការ មន្ទីរពេទ្យបង្អែកស្រុកក្រូចឆ្មារ ខេត្តត្បូងឃ្មុំ នៅព្រឹកថ្ងៃទី៣ ខែមេសា ឆ្នាំ២០២៣នេះ។សម្ដេចតេជោ ហ៊ុន សែន មានប្រសាសន៍ថា មន្ទីរពេទ្យបង្អែកស្រុកក្រូចឆ្មារ ខេត្តត្បូងឃ្មុំ គឹជាមន្ទីរពេទ្យដ៏ធំមួយនៅក្នុងតំបន់ ដែលអាចនិយាយថា «ធំជាងមន្ទីរពេទ្យមួយចំនួននៅរាជធានីភ្នំពេញទៅទៀត» ដែលអាចដាក់គ្រែអ្នកជំងឺបានជាង៤០០គ្រែ និងមានសម្ព័ន្ធភាពជាច្រើនជាមួយមន្ទីរពេទ្យធំៗ និងឯកទេសជាច្រើន។សម្តេចតេជោ ហ៊ុន សែន បានបង្ហាញក្ដីរីករាយ និងអបអរសាទរចំពោះសមិទ្ធផលថ្មីបន្ថែម នៃមន្ទីរពេទ្យបង្អែកស្រុកក្រូចឆ្មារ ដែលមន្ទីរពេទ្យនេះនឹងអាចជួយដោះស្រាយទុក្ខលំបាកដល់ប្រជាពលរដ្ឋបានយ៉ាងច្រើនទាំងនៅស្រុកក្រូចឆ្នា និងស្រុកស្ទឹងត្រង់ នៃខេត្តត្បូងឃ្មុំ និងខេត្តកំពង់ចាម។សម្តេចតេជោ ហ៊ុន សែន បានបញ្ជាក់ថា កូវីដ-១៩បានដាស់តឿនយើងឱ្យប្រុងប្រយ័ត្នជាប់ជានិច្ច ពាក់ព័ន្ធនឹងសុខុមាលភាពប្រជាជន និងពង្រឹងវិស័យសុខាភិបាលជាប់ជានិច្ច ដើម្បីឆ្លើយតបនឹងជំងឺឆ្លងនានា មិនត្រឹមតែកូវីដ-១៩នោះទេ។សម្តេចតេជោ បានបញ្ជាក់ថា មន្ទីរពេទ្យបង្អែកស្រុកក្រូចឆ្មារ មានសមត្ថភាពផលិតអុកស៊ីហ្សែនបានដោយខ្លួនឯង និងផលិតបានក្នុងចំនួនច្រើនថែមទៀត ដើម្បីផ្តល់ជូនដល់អ្នកជំងឺ និងបែងចែកទៅកាន់មណ្ឌលសុខភាព ឬមន្ទីរពេទ្យនានាផងដែរ។សម្តេចតេជោ ហ៊ុន សែន បានប្រកាសថា ភាពខុសគ្នារវាងជាតិសាសន៍ និងសាសនា ព្រមទាំង​និន្នាការ​នយោបាយ មិនមែនជាកត្តារាំងស្ទះដល់ការអភិវឌ្ឍនោះឡើយ ព្រោះយើងម្នាក់ៗមានកត្តាតម្រូវការរួមនោះគឺ«កត្តាសុខសន្តិភាព»។សម្តេចតេជោ ហ៊ុន សែន បានបញ្ជាក់ថា មន្ទីរពេទ្យធំហើយ, សម្ភារៈបរិក្ខាទំនើបហើយ តែអ្វីដែលសំខាន់នោះ គឺនិរន្តរភាពរបស់មន្ទីរពេទ្យ ដោយក្រុមគ្រូពេទ្យទាំងអស់ត្រូវចំណេះជំនាញច្បាស់លាស់ និងមានក្រមសីលធម៌ខ្ពស់សម្រាប់អ្នកជំងឺ។សម្តេចតេជោ បានណែនាំ និងជំរុញដល់គ្រូពេទ្យបន្តពង្រឹងការយកចិត្តទុកដាក់ខ្ពស់ ក្នុងការពង្រឹងសមត្ថភាព ជាពិសេសពាក់ព័ន្ធទៅនឹងបច្ចេកវិទ្យាទំនើបៗសម្រួលដល់ការព្យាបាលអ្នកជំងឺ។សម្តេចតេជោ ហ៊ុន សែន បានជំរុញឱ្យគ្រប់សាលារៀនទាំងអស់ រួមទាំងស្ថានប័ននានា ពេលគោរពទង់ជាតិ ត្រូវច្រៀងដោយផ្ទាល់តែម្តង ដើម្បីបង្ហាញពីការគោរពដ៏ជ្រៀលជ្រៅ និងបង្កើនស្មារតី ចំណេះដឹងដល់សិស្សពាក់ព័ន្ធនឹងចម្រៀងជាតិផងដែរ។សម្តេចតេជោ ហ៊ុន សែន ប្រកាសមិនអត់ឱនដាច់ខាតចំពោះពួកជនដែលចង់ផ្ដួលរំលំរាជរដ្ឋាភិបាល និងប្រមាថព្រះមហាក្សត្រ ហើយសម្ដេចប្ដេជ្ញារក្សាឱ្យបាននូវសុខសន្ដិភាពរបស់កម្ពុជា ដោយមិនឱ្យអ្នកណាម្នាក់មកបំពានបានឡើយ។សម្តេចតេជោ ហ៊ុន សែន បានបញ្ជាក់ថា «ឱ្យតែគណបក្សប្រជាជនកម្ពុជាឈ្នះឆ្នោត បន្តដឹកនាំរាជរដ្ឋាភិបាល គឺធានានូវស្ថិរភាព សុខសន្ដិភាព និងការអភិវឌ្ឍដល់ប្រជាជនជារៀងរហូត»។សម្តេចតេជោ ហ៊ុន សែន បានប្រកាសគាំទ្រ និងឯកភាពទាំងស្រុងចំពោះប្រសាសន៍ឯកឧត្តម អាន់វ៉ា អ៊ីប្រាហីម ((Anwar Ibrahim))នាយករដ្ឋមន្ត្រីម៉ាឡេស៊ី ដែលបានថ្លែងសារទៅកាន់ប្រទេសធំៗ និងមហាអំណាច មិនគួរលូកដៃចូលកិច្ចការផ្ទៃក្នុង និងអធិបតេយ្យភាពប្រទេសដទៃឡើយ។សម្ដេចតេជោ បានប្រកាសថា ឯកឧត្តម អាន់វ៉ា អ៊ីប្រាហីម ((Anwar Ibrahim) នាយករដ្ឋមន្ត្រីម៉ាឡេស៊ី គឺជាមិត្តដ៏ល្អមួយទៀតនៅក្នុងតំបន់អាស៊ាន ដែលមានទស្សនៈដូចគ្នាជាមួយសម្តេច។

សម្តេចតេជោ ហ៊ុន សែន អញ្ជើញសម្ពោធដាក់ឲ្យប្រើប្រាស់ជាផ្លូវការ មន្ទីរពេទ្យបង្អែក ស្រុកក្រូចឆ្មារ

2023/04/03 02:23:37 pm        412
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី បានអញ្ជើញជាអធិបតីភាពក្នុងពិធីសម្ពោធដាក់ឲ្យប្រើប្រាស់ជាផ្លូវការ មន្ទីរពេទ្យបង្អែកស្រុកក្រូចឆ្មារ ខេត្តត្បូងឃ្មុំ នៅព្រឹកថ្ងៃទី៣ ខែមេសា ឆ្នាំ២០២៣នេះ។មន្ទីរពេទ្យបង្អែកស្រុកក្រូចឆ្មារថ្មី ដែលដាក់សម្ពោធឲ្យប្រើប្រាស់ជាផ្លូវការ មានអគារធំៗចំនួន ២ ដែលបានចាប់ផ្ដើមបើកការដ្ឋានសាងសង់ កាលពីថ្ងៃទី ២៧ ខែកក្កដា ឆ្នាំ២០២០កន្លងទៅ ស្ថិតនៅភូមិខ្សាច់ប្រឆេះលើ ឃុំក្រូចឆ្មារ ស្រុកក្រូចឆ្មារ ខេត្តត្បូងឃ្មុំ ដោយមានទំហំប៉ុនគ្នាកម្ពស់ ៤ជាន់ ស្មើ ៥,១០ ម៉ែត្រ រួមមាន៖ ជាន់ផ្ទាល់ដី ជាន់ទី ១ ជាន់ទី ២ ជាន់ទី ៣។មន្ទីរពេទ្យបង្អែកស្រុកក្រូចឆ្មារថ្មីនេះ សាងសង់ក្នុងទីតាំងមន្ទីរពេទ្យបង្អែកចាស់ និងមានការបំពាក់សម្ភារៈបរិក្ខារពេទ្យទំនើបៗ ដែលជាអំណោយដ៏ថ្លៃថ្លារបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រានី ហ៊ុនសែន ហើយដឹកនាំការសាងសង់ដោយឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តត្បូងឃ្មុំ។ពាក់ព័ន្ធនឹងសមិទ្ធផលថ្មីធំស្កឹមស្កៃ លើវិស័យសុខាភិបាលនេះ ប្រជាពលរដ្ឋក្នុងខេត្តត្បូងឃ្មុំ ជាពិសេសក្នុងស្រុកក្រូចឆ្មារ បានបង្ហាញអារម្មណ៍សប្បាយរីករាយ ចំពោះការទទួលបានសេវាសុខាភិបាលកម្រិតស្តង់ដារខ្ពស់ សម្ភារៈទំនើប និងក្រុមគ្រូពេទ្យជំនាញៗមកព្យាបាល ដោយមានទីតាំងនៅកៀកជិតនឹងផ្ទះរបស់ពួកគាត់ ព្រមទាំងជួយកាត់បន្ថយថវិកា និងពេលវេលា ក្នុងការធ្វើដំណើរ និងពិនិត្យព្យាបាល ក្រោមការគិតគូរបំផុតពីសំណាក់ប្រមុខរាជរដ្ឋាភិបាល និងក្រោមម្លប់នៃសន្តិភាព៕

ប្រធានគណៈកម្មាធិការនាយកស្ដីទី បក្សប្រជាធិបតេយ្យមូលដ្ឋាន សុំចូលរួមជាមួយបក្សប្រជាជន

2023/04/03 02:20:57 am        1005
Facebook Telegram Linkin
ភ្នំពេញ៖ “ មុននេះបន្តិចខ្ញុំបានទទួលលិខិតពីបណ្ឌិត សាម អ៊ីន ស្នើសុំចូលរួមជីវភាពជាមួយគណបក្សប្រជាជនកម្ពុជា”។ “ក្នុងនាមគណបក្សប្រជាជនកម្ពុជា ខ្ញុំសូមស្វាគមន៍យ៉ាងកក់ក្តៅចំពោះបណ្ឌិត សាម អ៊ីន ដើម្បីចូលរួមជាមួយគណបក្សប្រជាជនកម្ពុជា”។ នេះបើតាមសាររបស់សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្ត្រី ផ្សព្វផ្សាយនៅក្នុងប្រព័ន្ធតេលេក្រាមផ្ទា ល់របស់សម្ដេច។សាររបស់សម្ដេចតេជោដដែលបន្តថា ក្នុងនាមរាជរដ្ឋាភិបាលខ្ញុំនឹងស្នើសុំព្រះរាជ្យក្រឹត្យតែងតាំងបណ្ឌិ ត សាម អ៊ីន ជារដ្ឋលេខាធិការក្រសួងបរិស្ថាន ដើម្បីឱ្យស្របតាមជំនាញដែលគាត់មាន និងអាចធ្វើបាន។បណ្ឌិត សាម អ៊ីន គឺជាអតីតប្រធានគណៈកម្មាធិការនាយកស្ដីទី របស់គណបក្សប្រជាធិបតេយ្យមូលដ្ឋាន។ បណ្ឌិត សាម អ៊ីន នៅថ្ងៃទី២ ខែមេសា ឆ្នាំ២០២៣ បានប្រកាសលាលែងពីតំណែង រួមទាំងជា សមាជិកភាពរបស់គណបក្សប្រជាធិបតេយ្យមូលដ្ឋាន ហៅកាត់ថា GDP។ការប្រកាសលាលែងពីតំណែង និងសមាជិកភាពរបស់បក្ស GDP ត្រូវបានបណ្ឌិត សាម អ៊ីន ផ្សព្វផ្សាយឱ្យដឹងតាមរយៈបណ្ដា ញសង្គមហ្វេសប៊ុកផ្ទាល់របស់លោក៕ ដោយ៖ គង់ ឌិន

ពិធីក្រុងពាលីសម្ពោធឆ្លងមហាចេតិយ សម្រាប់តម្កល់អដ្ឋិធាតុយុទ្ធជនកងកម្លាំងប្រដាប់អាវុធសាមគ្គីសង្រ្គោះជាតិកម្ពុជា ៤៩រូបនៅ X 16

2023/04/01 11:14:11 pm        816
Facebook Telegram Linkin
ត្បូងឃ្មុំ៖ នៅតំបន់ប្រវត្តិសាស្ត្រយោធាតេជោកោះថ្ម X-16 ស្ថិតនៅភូមិកោះថ្ម ឃុំទន្លូង ស្រុកមេមត់ ខេត្តត្បូងឃ្មុំ ឯកឧត្តមនាយឧត្ដមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស និងជាប្រធានក្រុមការងារ​សាងសង់សមិទ្ធផលតំបន់ប្រវត្តិសាស្ត្រយោធា X 16 នៅរសៀលថ្ងៃសៅរិ៍ទី១ ខែមេសា ឆ្នាំ២០២៣ នេះបានរៀបចំពិធីក្រុងពាលីសម្ពោធឆ្លងមហាចេតិយសម្រាប់តម្កល់អដ្ឋិធាតុយុទ្ធជនកងកម្លាំងប្រដាប់អាវុធ សាមគ្គីសង្រ្គោះជាតិកម្ពុជា ៤៩រូប។ កម្មវិធីសម្ពោធឆ្លងជាផ្លូវការនឹងរៀបចំឡេីងនៅថ្ងៃទី០២ ខែមេសា ឆ្នាំ២០២៣ ស្អែកនេះ ក្រោមអធិបតីភាព សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ តំណាងដ៏ខ្ពង់ខ្ពស់សម្តេច​តេជោ ហ៊ុន សែន នាយករដ្ឋមន្ត្រី។

បក្សនយោបាយនានា ចាប់ផ្តើមការឃោសនាបោះឆ្នោតជ្រើសរើសក្រុមប្រឹក្សាថ្មី ក្នុងក្រុង-ស្រុកទាំង៥

2023/03/31 07:58:01 pm        481
Facebook Telegram Linkin
ភ្នំពេញ៖ នៅថ្ងៃទី៣១ ខែមីនានេះ បណ្តាគណបក្សនយោបាយ ចូលរួមប្រកួតប្រជែងការបោះឆ្នោត​ជ្រើសរើស​ក្រុមប្រឹក្សាក្រុង-ស្រុកដែលទើបបំបែក និងបង្កើតថ្មី ចាប់ផ្តើមយុទ្ធនាការឃោសនា​រក​សំឡេងឆ្នោត ​ខណៈការឃោសនាបោះឆ្នោតមានរយៈពេល៨ថ្ងៃ។នៅថ្ងៃទី៣១ ខែមីនា ឆ្នាំ២០២៣នេះ ជាថ្ងៃដំបូងនៃដំណើរការយុទ្ធនាការឃោសនាបោះឆ្នោត​ជ្រើសរើស​ក្រុមប្រឹក្សាក្រុង-ស្រុកទាំង៥ ​ក្នុងខេត្តចំនួនបី ​ជាក់ស្តែង ​សង្កេតឃើញ ក្រុមការងារ​របស់​គណបក្សប្រជាជនកម្ពុជា ​នៅក្រុងឧត្តុងម៉ែជ័យ ខេត្តកំពង់ស្ពឺ ​បានធ្វើការជួបជុំ និង​ណែនាំ​អំពី​កម្មវិធីឃោសនា​ដល់សមាជិក-សមាជិកា​គណបក្សរបស់ខ្លួន ដើម្បីធ្វើ​សកម្មភាព​ផ្សព្វផ្សាយ​ពីគោលនយោបាយសំខាន់ៗរបស់គណបក្សប្រជាជនកម្ពុជា។លោក លី ច័ន្ទតុលា អនុប្រធានក្រុមការងារគណបក្សប្រជាជនកម្ពុជា ចុះជួយក្រុងឧត្តុងម៉ែជ័យ បានឲ្យដឹងថា ​អំឡុងយុទ្ធនាការឃោសនាបោះឆ្នោត សមាជិក-សមាជិកា​ទាំងអស់ត្រូវបានបែងចែក ដោយ​ចុះតាមមូលដ្ឋានរបស់ខ្លួននីមួយៗ​ ដើម្បីធ្វើយ៉ាងណាឲ្យការបោះឆ្នោតនាពេលខាង​មុខ​ទទួលបានជោគជ័យ។ជាមួយគ្នានេះ សមាជិក-សមាជិកាក្រុមប្រឹក្សាឃុំ-សង្កាត់ លើកឡើងថា ពួកគាត់​បានត្រៀម​ខ្លួន​រួចរាល់ ដើម្បីចូលរួមការបោះឆ្នោតជ្រើសរើស​ក្រុមប្រឹក្សាក្រុង ដែលនឹងរួមចំណែកដល់​ការអភិវឌ្ឍ​សម្រាប់​ជាប្រយោជន៍​ជូនប្រជាពលរដ្ឋ។ជាការកត់សម្គាល់ ក្រៅពីគណបក្សប្រជាជនកម្ពុជា សង្កេតឃើញមានគណបក្សហ៊្វុនស៊ិនប៉ិច ចាប់ផ្តើម​មានសកម្មភាពឃោសនាព្រមគ្នា នៅក្រុងអរិយក្សត្រ ខេត្តកណ្តាល។ ​យ៉ាងណាមិញ សកម្មភាព​ឃោសនានាពេលនេះ​ ពុំមានការរៀបចំជាទ្រង់ទ្រាយ​ធំឡើយ ដោយសារតែ​ជា​ការ​បោះឆ្នោត​អសកល ​ហើយអង្គបោះឆ្នោតជា​សមាជិកក្រុមប្រឹក្សាឃុំ-សង្កាត់តែប៉ុណ្ណោះ។ការឃោសនាបោះឆ្នោតជ្រើសរើសក្រុមប្រឹក្សាក្រុង-ស្រុក មានរយៈពេល៨ថ្ងៃ គិតចាប់ពីថ្ងៃទី៣១ មីនា ដល់ថ្ងៃទី៧ ​ខែមេសា ឆ្នាំ២០២៣ ហើយការបោះឆ្នោត​ជ្រើសរើស​ក្រុមប្រឹក្សាក្រុង-ស្រុកនោះ រួមមាន​ ក្រុងអរិយក្សត្រ ​និងស្រុកសំពៅពូននៃខេត្តកណ្តាល, ក្រុងឧត្តុងម៉ែជ័យ និងស្រុកសាមគ្គីមុនីជ័យ​នៃខេត្តកំពង់ស្ពឺ ​និងស្រុកអូរគ្រៀងសែនជ័យនៃខេត្តក្រចេះ។ការបោះឆ្នោតនេះ មានគណបក្សនយោបាយបី​ដែលចូលរួមប្រកួតប្រជែងជ្រើសរើស​ក្រុម​ប្រឹក្សាក្រុង-ស្រុក មានដូចជា ​គណបក្សប្រជាជនកម្ពុជា, គណបក្ស​ហ៊្វុនស៊ិនប៉ិច និង​គណបក្សភ្លើងទៀន ​ខណៈអង្គបោះឆ្នោតជាសមាជិកក្រុមប្រឹក្សាឃុំ-សង្កាត់ ​ចំនួន ១៤៦រូប៕អត្ថបទ៖ សេក ឧត្តម 

បណ្ដាញសង្គម

ព័ត៌មានថ្មីៗ

មេដឹកនាំ EU បង្ហាញ​ការគាំទ្រ ចំពោះ ICC បន្ទាប់ពីមាន​ទណ្ឌកម្មថ្មីរបស់សហរដ្ឋអាមេរិក
08/19/2026 08:08 PM
Facebook Telegram Linkin
ណាតូបញ្ជាក់​ថា បាន​ត្រៀមសម្រាប់ការវាយប្រហារអាចកើតមានដោយអ៊ីរ៉ង់ លើគោលដៅយោធាអាមេរិក នៅអឺរ៉ុប
08/19/2026 08:08 PM
Facebook Telegram Linkin
មនុស្ស ៧នាក់ រួមទាំងអ្នកទេសចរ ៦នាក់ ស្លាប់នៅក្នុងគ្រោះថ្នាក់ធ្លាក់​ឧទ្ធម្ភាគចក្រ នៅកេនយ៉ា
08/19/2026 08:08 PM
Facebook Telegram Linkin
របាយការណ៍៖ អ៊ីរ៉ង់ពិចារណាវាយប្រហារគោលដៅយោធាអាមេរិក នៅអឺរ៉ុប បើលោក Trump បង្កើនជម្លោះ​
08/19/2026 08:08 PM
Facebook Telegram Linkin
អធិការបតី​អាល្លឺម៉ង់ ថ្កោលទោសការអំពាវនាវរបស់​​រដ្ឋមន្ត្រីអ៊ីស្រាអែល ឲ្យសម្លាប់មនុស្សរាល់ថ្ងៃ នៅតំបន់​ហ្កាហ្សា
08/19/2026 08:08 PM
Facebook Telegram Linkin
ក្រសួងមហាផ្ទៃផ្សព្វផ្សាយប្រកាសចំនួន៣ ស្តីពីការកំណត់ចំនួនមុខតំណែងរងក្នុងរចនាសម្ព័ន្ធអង្គភាពនគរបាលជាតិ និងពន្ធនាគារ
08/19/2026 07:08 PM
Facebook Telegram Linkin
ឯកឧត្តមកិត្តិសេដ្ឋាបណ្ឌិត ជាម យៀប ទទួលជួបសម្តែងការគួរសមជាមួយ ឯកអគ្គរដ្ឋទូតសិង្ហបុរីថ្មី ដើម្បីពង្រឹងកិច្ចសហប្រតិបត្តិការទ្វេភាគី
08/19/2026 07:08 PM
Facebook Telegram Linkin
ក្រសួងបរិស្ថាននៅក្នុងខែកក្កដាឆ្នាំ២០២៦ បន្តសហការជាមួយដៃគូពាក់ព័ន្ធ ចុះពិនិត្យនិងបង្រ្កាបបទល្មើសនៅតាមតំបន់ការពារធម្មជាតិ ដើម្បីបង្កើនភាពបៃតង ធានានិរន្តរភាពបរិស្ថាន និងលើកកម្ពស់ជីវភាពសហគមន៍មូលដ្ឋាន
08/19/2026 07:08 PM
Facebook Telegram Linkin
ក្រសួងអភិវឌ្ឍន៍ជនបទ ចាត់ទុកការស្ថាបនា និងការថែទំាផ្លូវ ជារឿងដ៏ចាំបាច់សម្រាប់ការរស់នៅក្នុងសង្គម
08/19/2026 07:08 PM
Facebook Telegram Linkin
រដ្ឋមន្ត្រីការបរទេសចិន ទៅដល់​​កូរ៉េខាងត្បូង ស្របពេល​លោក Trump ជំរុញការទូតជាមួយ​កូរ៉េខាងជើងឡើង​វិញ​
08/19/2026 07:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.