នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

សម្តេចតេជោ នឹងអញ្ជើញចូលរួមកិច្ចប្រជុំកំពូល គណៈកម្មការទន្លេមេគង្គលើកទី៤នៅឡាវ នាថ្ងៃទី៥ ខែមេសា ខាងមុខនេះ

2023/03/31 07:29:42 pm        373
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី នឹងអញ្ជើញទៅចូលរួមកិច្ចប្រជុំកំពូលគណៈកម្មការ ទន្លេមេគង្គលើកទី៤ នៅប្រទេសឡាវ នាថ្ងៃទី៥ ខែមេសា ឆ្នាំ២០២៣ខាងមុខនេះ ។យោងតាមសេចក្តីប្រកាសព័ត៌មានរបស់ក្រសួងការបរទេស​ និងសហប្រតិបត្តិការអន្តរជាតិ ​បានឲ្យ ដឹងនៅថ្ងៃទី៣១ ខែមីនា ឆ្នាំ២០២៣នេះថា ​តបតាមការអញ្ជើញរបស់ឯកឧត្តម សនសៃ ស៊ីផាន់ដន នាយករដ្ឋមន្រ្តី នៃសាធារណរដ្ឋប្រជាមានិតឡាវ ​សម្តេចតេជោ ហ៊ុន សែន នាយករដ្ឋមន្រ្តី​នឹង​ដឹក​នាំគណៈប្រតិភូជាន់ខ្ពស់ អញ្ជើញចូលរួមកិច្ចប្រជុំកំពូលគណៈកម្មាធិការទន្លេមេគង្គលើកទី៤ ក្រោម​មូលបទ«នវានុវត្តន៍ និង​កិច្ចសហប្រតិបត្តិការសម្រាប់អាងទន្លេមេគង្គ ​ដែល​មានសន្តិសុខទឹក និង​ប្រកប​ដោយចីរភាព» ដែលនឹងប្រព្រឹត្តទៅនៅថ្ងៃទី៥ ខែមេសា​ ឆ្នាំ២០២៣នេះ នៅទីក្រុងវៀងចន្ទន៍ ប្រទេសឡាវ។សេចក្តីប្រកាសព័ត៌មាន បានបន្តទៀតថា អញ្ជើញអមដំណើរសម្តេចតេជោ ហ៊ុន សែន​ រួមមាន៖ ឯកឧត្ដម លឹម គានហោ រដ្ឋមន្រ្តីក្រសួងធនធានទឹក និងឧតុនិយម និងជាប្រធានគណៈកម្មាធិការ​ទន្លេមេគង្គកម្ពុជា ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន ​និងព្រមទាំងមន្រ្តីជាន់ខ្ពស់​ដទៃទៀតនៃរាជរដ្ឋាភិបាល។សេចក្តីជូនដំណឹងដដែល បាន​បញ្ជាក់បន្ថែមទៀតថា​ កិច្ចប្រជុំកំពូល​ខាងលើ ​នឹង​ពិនិត្យឡើងវិញ អំពី​វឌ្ឍនភាព ​និង​សមិទ្ធផល​សំខាន់ៗ​ដែល​គណៈកម្មការ​ទន្លេមេគង្គ​សម្រេច​បាន​តាម​រយៈការ​លើក​កម្ពស់ កិច្ចខិតខំប្រឹងប្រែងរួមគ្នា ​និងភាពជាដៃគូឆ្ពោះទៅសម្រេច​បាន​នូវ​គោលដៅ​អភិវឌ្ឍន៍​ប្រកប​ដោយចីរភាព​ ក្នុងអាងទន្លេមេគង្គ។ ចាប់តាំងពីកិច្ចប្រជុំកំពូលគណៈកម្មការទន្លេមេគង្គលើកទី៣ ​កាលពីឆ្នាំ២០១៨ នៅ​ប្រទេសកម្ពុជា និង​ពិភាក្សា​អំពីបញ្ហាប្រឈម​ដែលកំពុង​កើត​មាន​នៅក្នុងអាងទន្លេមេគង្គ ​ឲ្យកាន់តែមាន ​ប្រសិទ្ធភាព​ព្រមទាំងបន្តជំរុញកិច្ច​សហប្រតិបត្តិការ​ និងភាពជាដៃគូក្នុងតំបន់ ​សម្រាប់ចីរភាពទន្លេមេ គង្គ៕អត្ថបទ៖ បាន ចក់

កិច្ចប្រជុំគណៈរដ្ឋមន្ត្រីបានអនុម័តទាំងស្រុង" សេចក្តីព្រាងស្ដីពីលទ្ធកម្មសាធារណៈ"

2023/03/31 06:58:08 pm        431
Facebook Telegram Linkin
ភ្នំពេញ៖ កិច្ចប្រជុំគណៈរដ្ឋមន្រ្តី នៅវិមានសន្តិភាព នៅព្រឹកថ្ងៃទី៣១មីនា ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ​ដើម្បីពិភាក្សា និងឆ្លងរបៀបវារៈមួយចំនួននោះ កិច្ចប្រជុំបានសម្រេចទាំងស្រុងលើរបៀបវារៈ"សេចក្តីព្រាងស្ដីពីលទ្ធកម្មសាធារណៈ"។បើតាមឯកឧត្តម ផៃ ស៊ីផាន រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យ​រាជ​រដ្ឋាភិបាល​បានបញ្ជាក់ប្រាប់បណ្តាញអ្នកសារព័ត៌មានថា លទ្ធកម្មសាធារណៈដំបូងនៅកម្ពុជា​ត្រូវបាន​បង្កើតឡើង​ដោយផ្អែកតាមមាត្រា៥០ ​នូវច្បាប់ស្ដីពីប្រព័ន្ធហិរញ្ញវត្ថុឆ្នាំ១៩៩៣ ​ដែលចែងថា "ចំណាយក្នុងការសាងសង់ ឬទិញសម្ភារៈផ្សេងៗ​ក្នុងថវិកាទូទៅ​របស់រដ្ឋនិង​ក្នុងគណនី​ពិសេស​រតនាគារជាតិ​ត្រូវស្ថិតក្រោមនីតិវិធីនៃការដេញថ្លៃជាសាធារណៈ។ច្បាប់ស្តីពីលទ្ធកម្មសាធារណៈឆ្នាំ២០១២ និងលិខិតបទដ្ឋានគតិយុត្តពាក់ព័ន្ធ ត្រូវបានរៀបចំនិងដាក់​ឲ្យ​អនុវត្តជាបន្តបន្ទាប់ ​ព្រមទាំងនៅជាធរមានរហូតមកដល់បច្ចុប្បន្ន។ច្បាប់ស្ដីពីលទ្ធកម្មសាធារណៈឆ្នាំ២០១២នេះ ​បាន​កំណត់​ឲ្យក្រសួងសេដ្ឋកិច្ចនិងហិរញ្ញវត្ថុដើរ​តួនាទីជា​ស្ថាប័ន​មានសមត្ថកិច្ចក្នុងការគ្រប់គ្រងលទ្ធកម្មសាធារណៈនិង​មាន​សិទ្ធិអំណាចរៀបចំ​គោលនយោ បាយលទ្ធកម្មសាធារណៈព្រមទាំង​អនុវត្តសិទ្ធិអំណាចដែល​មានក្នុងច្បាប់​និង​លិខិត​បទដ្ឋានពាក់ព័ន្ធ។ទោះជាបែបនេះក្តី ស្របតាមកម្មវិធីកែទម្រង់ការ​គ្រប់គ្រង​ហិរញ្ញវត្ថុសាធារណៈ​និងយុទ្ធសាស្ត្រនៃការ​កែទម្រង់ប្រព័ន្ធលទ្ធកម្មសាធារណៈ រាជរដ្ឋាភិបាលមានតម្រូវការចាំបាច់ក្នុងការបន្តពង្រឹងយន្តការ​គណនេយ្យភាពតាមរយៈក្របខណ្ឌនិយ័តកម្ម​ដែល​ក្នុងនោះ​ត្រូវកែប្រែតួនាទីរបស់ក្រសួង​សេដ្ឋកិច្ច ​និងហិរញ្ញវត្ថុ ​ជានិយ័តករ ​និងជាអ្នកធ្វើសវនកម្មកិច្ចលទ្ធកម្ម ​ចំណែកឯស្ថាប័នអនុវត្តលទ្ធកម្ម​ត្រូវ​ទទួលខុសត្រូវនិងមានគណនេយ្យភាពចំពោះការអនុវត្តកិច្ចលទ្ធកម្មរបស់ខ្លួន។គោលបំណងនៃសេចក្តីព្រាងច្បាប់នេះ ​ធ្វើឡើងក្នុងគោលដៅធានាបាន ​នូវភាពជឿទុកចិត្ត តម្លាភាព ប្រសិទ្ធភាព​ការប្រកួតប្រជែង ​និងការសន្សំសំចៃព្រមទាំង​ស្របតាម​ឧត្តមានុវត្តន៍អន្តរជាតិ​ដោយប្រែក្លាយតួនាទីរបស់ក្រសួងសេដ្ឋកិច្ចនិងហិរញ្ញវត្ថុទៅជានិយ័តករនិងជាអ្នកធ្វើសវនកម្មកិច្ចលទ្ធកម្ម។ចំណែកក្រសួងស្ថាប័ននឹងត្រូវបានផ្ដល់សិទ្ធិអំណាច និងការទទួលខុសត្រូវជាមួយ​នឹង​គណនេយ្យភាព​ពេញលេញក្នុងការអនុវត្តកិច្ចលទ្ធកម្មរបស់ខ្លួន។សេចក្តីព្រាងច្បាប់ស្ដីពី​លទ្ធកម្ម​សាធារណៈបានកំណត់គោលការណ៍សំខាន់ៗ​អំពីមុខងារនិងការទទួលខុសត្រូវឲ្យដាច់ពីគ្នា​រវាង​ស្ថាប័នគ្រប់គ្រងលទ្ធកម្មនិងស្ថាប័នអនុវត្តលទ្ធកម្ម ការផ្ទេរសិទ្ធិអំណាចនិងការទទួលខុសត្រូវ​លើកិច្ចលទ្ធកម្មជូនស្ថាប័នអនុវត្តលទ្ធកម្មការពង្រឹង និងការកែលម្អយន្តការនៃការទទួលនិង​ដោះស្រាយ​បណ្ដឹង​តវ៉ា​លទ្ធកម្មឲ្យមាន​ឯករាជ្យ​ភាព​ជាមួយ​នឹង​ការបង្កើត​ឲ្យមានរបប​ដាក់​ទោសទណ្ឌ។សេចក្តីព្រាងច្បាប់ស្ដីពីលទ្ធកម្មសាធារណៈត្រូវបានអនុម័ត ​និងចូលជាធរមាន ច្បាប់នេះនឹងក្លាយ​ជាក្របខណ្ឌ​គតិយុត្តគោលដ៏សំខាន់មួយ សម្រាប់​ពង្រឹង​ប្រព័ន្ធ​លទ្ធកម្ម​សាធារណៈនៅ​ព្រះរាជា​ណាចក្រកម្ពុជា​លើការគ្រប់គ្រង ​និងការអនុវត្តកិច្ចលទ្ធកម្មឲ្យកាន់តែមានភាពជឿទុកចិត្ត ប្រសិទ្ធភាព ​តម្លាភាព ការប្រកួតប្រជែង ​និងការសន្សំសំចៃស្របតាមឧត្តមានុវត្តន៍​អន្តរជាតិព្រមទាំង​រួមចំណែកដល់ការសម្រេចបាននូវទិសដៅនៃការកែទម្រង់ការគ្រប់ប្រុសហិរញ្ញវត្ថុសាធារណៈ ក្នុង​រយៈពេលវែង។ដើម្បីទ្រទ្រង់ស្ថិរភាពម៉ាក្រូសេដ្ឋកិច្ចកំណើន​សេដ្ឋកិច្ច ​និងសមធម៌សង្គម៕

គណៈរដ្ឋមន្ត្រីអនុម័តទាំងស្រុងគម្រោងវិនិយោគវិស័យថាមពលចំនួន ៥គម្រោង

2023/03/31 06:25:48 pm        213
Facebook Telegram Linkin
កិច្ចប្រជុំពេញអង្គគណៈរដ្ឋមន្រ្តី ក្រោមអធិបតីភាពដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នៅព្រឹកថ្ងៃទី៣១មីនានេះ បានពិភាក្សាលើរបៀបវារៈស្តីពី “សំណើសុំពិនិត្យសម្រេចលើគម្រោងវិនិយោគវិស័យថាមពលចំនួន ៥គម្រោង គឺ គម្រោងវារីអគ្គិសនីស្ទឹងឬស្សីជ្រុំកណ្ដាល និងវារីអគ្គិសនីស្ទឹងវាយថ្មកំបុតផ្គួបគ្នា ១គម្រោង និងគម្រោងស្ថានីយអគ្គិសនីពន្លឺព្រះអាទិត្យ ៤គម្រោង (នៅខេត្តពោធិ៍សាត់ ១គម្រោង ខេត្តកំពង់ឆ្នាំង ១គម្រោង ខេត្តស្វាយរៀង ១គម្រោង និងខេត្តព្រៃវែង ១គម្រោង)។ គម្រោងទាំងនេះត្រូវបានអង្គប្រជុំអនុម័តទាំងស្រុងហើយ។បើតាមឯកឧត្ដម ផៃ ស៊ីផាន រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្ភភាពអ្នកនាំពាក្យរាជរដ្ឋាភិបាល គម្រោងវិនិយោគក្នុងវិស័យអគ្គិសនីថ្មីចំនួន ៥គម្រោងបន្ថែមទៀតគឺ៖ (១)គម្រោងវារីអគ្គិសនី ស្ទឹងឬស្សីជ្រុំកណ្ដាលទំហំ ៧០មេហ្គាវ៉ាត់ និងគម្រោងវារីអគ្គិសនីស្ទឹងវាលថ្មកំបុតអានុភាព ១០០មេហ្គាវ៉ាត់ផ្គួបបញ្ចូលគ្នា (២)គម្រោងស្ថានីយអគ្គិសនីពន្លឺព្រះអាទិត្យ នៅខេត្តពោធិ៍សាត់ ទំហំ១៥០មេហ្គាវ៉ាត់ (៣)គម្រោងស្ថានីយអគ្គិសនីពន្លឺព្រះអាទិត្យ នៅខេត្តកំពង់ឆ្នាំង ទំហំ ៦០មេហ្កាវ៉ាត់ (៤)គម្រោងស្ថានីយ អគ្គិសនីពន្លឺព្រះអាទិត្យ នៅខេត្តស្វាយរៀង ទំហំ ៦០មេហ្កាវ៉ាត់ (៥)គម្រោងស្ថានីយអគ្គិសនីពន្លឺ ព្រះអាទិត្យ នៅខេត្តព្រៃវែង ទំហំ ៨០មេហ្កាវ៉ាត់។ ដើម្បីធានានិរន្តភាព នៃការរៀបចំអភិវឌ្ឍគម្រោង វិស័យថាមពលអគ្គិសនីបន្តទៀត ទៅតាមពេលវេលាដែលបានគ្រោងក្នុងផែនការមេ ធ្វើយ៉ាងណាឱ្យការផ្គត់ផ្គង់ថាមពលមានគ្រប់គ្រាន់។ យោងទៅតាមស្ថានភាពនៃការរៀបចំគម្រោង និងពេលវេលា ដែលត្រូវ ការគម្រោងក្រសួងរ៉ែ និងថាមពល រៀបចំនៅពេលនេះនូវការអភិវឌ្ឍគម្រោងចំនួន ៥ ដែលមាននៅក្នុង កញ្ចប់គម្រោងចំនួន ២កញ្ចប់ ដូចខាងក្រោម ក្នុងចំណោមគម្រោង ៤កញ្ចប់ដែលអភិវឌ្ឍ តាមយន្តការចាស់៖- កញ្ចប់គម្រោងវារីអគ្គិសនីភូមិភាគនិរតី : គម្រោងវារីអគ្គិសនីស្ទឹងឬស្សីជ្រុំកណ្ដាល(៧០ មេហ្កាវ៉ាត់) និងគម្រោងវារីអគ្កិសនីស្ទឹងវាលថ្មកំបុត (១០០មេហ្កាវ៉ាត់)នៅខេត្តកោះកុង ផ្គួបបញ្ចូលគ្នាជាគម្រោងតែមួយ។- កញ្ចប់គម្រោងស្ថានីយពន្លឺព្រះអាទិត្យ : គម្រោងអភិវឌ្ឍស្ថានីយអគ្គិសនីពន្លឺព្រះអាទិត្យ នៅខេត្តពោធិ៍សាត់ ១៥០មេហ្កាវ៉ាត់ ១គម្រោង នៅខេត្តកំពង់ឆ្នាំង ៦០មេហ្កាវ៉ាត់ ១គម្រោង នៅខេត្តស្វាយរៀង ៦០មេហ្កាវ៉ាត់ ១គម្រោង និងខេត្តព្រៃវែង ៨០មេហ្កាវ៉ាត់ ១គម្រោង។ផលប្រយោជន៍នៃការអភិវឌ្ឍគម្រោងទាំង ៥- ទទួលបានអគ្គិសនីពីប្រភពថាមពលស្អាត កាត់បន្ថយការប្រើប្រាស់ឥន្ធនៈដែលបញ្ចេញឧស្ម័នកាបូនច្រើន និងធានារក្សាបាននូវបរិស្ថាន ធនធានធម្មជាតិ និងការប្រែប្រួលអាកាសធាតុ។- ផ្ដល់បន្ថែមប្រភពអគ្គិសនីដោះស្រាយបង្គប់កង្វះខាត តាមពេលវេលាដែលបានសិក្សានៅក្នុងផែនការមផង ជាមួយគ្នានោះ វារីអគ្គិសនីស្ទឹងឬស្សីជ្រុំកណ្តាលដែលមានអាងស្តុកទឹកធំនឹងជួយស្ដុកប្រភពទឹកភ្លៀងនៅរដូវវស្សាទុកនៅក្នុងអាងទឹកនេះ ជួយកាត់បន្ថយមិនឱ្យមានការហៀរទឹកចោលនិងការពិន័យដោយមិនបានផលិតអគ្គិសនីនៅវារីអគ្គិសនីស្ទឹងឬស្សីជ្រុំក្រោមនៅរដូវវស្សា និងស្តុកទឹកនេះទុកសម្រាប់ការផលិតអគ្គិសនីនៅវារីអគ្គិសនីស្ទឹងឬស្សីជ្រុំកណ្តាលនៅរដូវប្រាំង និងបង្ហូរចុះមកឱ្យអាងវារីអគ្គិសនីស្ទឹងឬស្សីជ្រុំក្រោមនៅខាងក្រោម ដើម្បីផលិតអគ្គិសនីបន្ថែមនៅរដូវប្រាំងចំនួន ១២២លានគីឡូវ៉ាត់ម៉ោងក្នុង១ឆ្នាំបន្ថែមទៀត ។- ធានាបានអត្រាថ្លៃប្រភពអគ្គិសនីមួយ ដែលថេរ ២០ឆ្នាំ សម្រាប់គម្រោងថាមពលពន្លឺព្រះអាទិត្យ និង ៤០ឆ្នាំសម្រាប់គម្រោងវារីអគ្គិសនី។- នាំមកនូវបច្ចេកវិទ្យាថ្មី ផ្តល់ការងារជូនប្រជាពលរដ្ឋ ទាំងក្នុងពេលសាងសង់ និងដំណើរការ។- លើមូលដ្ឋាននៃច្បាប់ស្តីពីសារពើពន្ធដែលមានជាធរមាន រាជរដ្ឋាភិបាលនឹងទទួលបានចំណូលពន្ធសរុបប្រមាណ ៣២២ ៨៨០ ៣៨២ដុល្លារអាមេរិកក្នុងរយ:ពេលអាជីវកម្មនៃគម្រោងទាំង ៥ ដោយមិនទាន់គិតបញ្ចូលចំណូលពន្ធមួយចំនួនទៀត ដូចជា ពន្ធលើប្រាក់បៀវត្សរ៍ ពន្ធកាត់ទុកលើការជួលនានា និងពន្ធដោយប្រយោលដ៏ទៃទៀត ព្រមទាំងពន្ធដ៏ទៃទៀតដែលអគ្គិសនីកម្ពុជា និងអ្នកចែកចាយអគ្គិសនីដទៃទៀតត្រូវបង់នៅឡើយ៕

រដ្ឋមន្ត្រីក្រសួងព័ត៌មាន៖ សម្ដេចតេជោ ហ៊ុន សែន ប្រកាសមិនឲ្យយកលុយពីទូរទស្សន៍បរទេសនានាដែលផ្សាយពីស៊ីហ្គេម នៅកម្ពុជាទេ

2023/03/31 04:44:07 pm        393
Facebook Telegram Linkin
ភ្នំពេញ៖ ឯកឧត្ដម ខៀវ កាញារីទ្ធ រដ្ឋមន្ត្រីក្រសួងព័ត៌មានបានប្រកាសតាមFacebookផ្ទាល់ខ្លួន នៅព្រឹកថ្ងៃទី៣១ ខែមីនា ឆ្នាំ២០២៣នេះថា សម្តេចតេជោ ហ៊ុន សែន នាយករដ្ឋមន្ត្រី បានប្រកាសមិនឱ្យយកលុយសម្រាប់ការផ្សាយបន្តទៅក្រៅប្រទេស ក្នុងព្រឹត្តិការណ៍ប្រកួតកីឡាស៊ីហ្គេម លើកទី៣២ ដែលនឹងប្រព្រឹត្តិទៅនៅកម្ពុជានាពេលខាងមុខនេះទេ។ការសម្រេចរបស់សម្តេចដូច្នេះ បានធ្វើឡើងក្នុងសម័យប្រជុំពេញអង្គគណៈរដ្ឋមន្ត្រីនាព្រឹកថ្ងៃទី៣១ ខែមីនា ឆ្នាំ២០២៣នេះ នៅវិមានសន្តិភាព។ឯកឧត្ដម រដ្ឋមន្ត្រីក្រសួងព័ត៌មានបានសរសេរថា សម្ដេចតេជោ បានប្រកាសឲ្យទាំងប្រជាជនខ្មែរ ទាំងជនជាតិបរទេស មានសិទ្ធិចូលទស្សនាកីឡាស៊ីហ្គេម ដោយមិនបង់លុយអីទាំងអស់ ។ សហព័ន្ធកីឡាដែលចូលរួមក៏មិនត្រូវបង់លុយដែរ។ ឯការសផ្សាយរបស់ទូរទស្សន៍បរទេសនានាត្រូវទម្លាក់ថ្លៃ ឬក៏ឲ្យផ្សាយបន្ត ដោយមិនយកលុយតែម្ដង ព្រោះសំខាន់គឺផ្សាយពីប្រទេសកម្ពុជាយើង។សម្តេចតេជោ ហ៊ុនសែន បានប្រកាសថា «ពិតមែនតែចូលមើលស៊ីហ្កេមមិនយកលុយ តែសំបុត្រត្រូវតែមាន ដើម្បីដឹងកន្លែងអង្គុយ និងច្រកចេញចូល»៕

សម្តេចតេជោ ហ៊ុន សែន អញ្ជើញដឹកនាំប្រជុំគណៈរដ្ឋមន្ត្រីពេញអង្គដើម្បីឆ្លងរបៀបវារៈមួយចំនួន

2023/03/31 03:56:27 pm        585
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៅព្រឹកថ្ងៃទី៣១ ខែមីនា ឆ្នាំ២០២៣នេះ បានដឹកនាំប្រជុំពេញអង្គគណៈរដ្ឋមន្រ្តី ដើម្បីពិភាក្សា និងឆ្លងរបៀបវារៈដូចខាងក្រោម៖១. សេចក្តីព្រាងផែនការជាតិទសវត្សរ៍សកម្មភាពសុវត្ថិភាពចរាចរណ៍ផ្លូវគោក ឆ្នាំ២០២១-២០៣០២. សេចក្តីព្រាងច្បាប់ស្តីពីសារពើពន្ធ៣. សេចក្តីព្រាងច្បាប់ស្តីពីលទ្ធកម្មសាធារណៈ៤. ការអភិវឌ្ឍគម្រោងវារីអគ្គិសនីស្ទឹងឬស្សីជ្រុំកណ្ដាលអានុភាព ៧០មេហ្គាវ៉ាត់ នៅស្រុកមណ្ឌលសីមា និងគម្រោងវារីអគ្គិសនីស្ទឹងវាលថ្មកំបុតអានុភាព ១០០មេហ្គាវ៉ាត់ នៅស្រុកថ្មបាំង ខេត្តកោះកុង ផ្គួបគ្នា៥. គម្រោងវិនិយោគស្ថានីយផលិតអគ្គិសនីដើរដោយថាមពលពន្លឺព្រះអាទិត្យអានុភាព១៥០មេហ្គាវ៉ាត់ ខេត្តពោធិ៍សាត់, អានុភាព៦០មេហ្គាវ៉ាត់ ខេត្តកំពង់ឆ្នាំង, អានុភាព ៦០មេហ្គាវ៉ាត់ ខេត្តស្វាយរៀង និងអានុភាព ៨០មេហ្គាវ៉ាត់ ខេត្តព្រៃវែង៦. បញ្ហាផ្សេងៗ សំណើសុំការយល់ព្រមពីគណៈរដ្ឋមន្រ្តី ដើម្បីសុំការអនុម័តពីស្ថាប័ននីតិប្បញ្ញត្តិលើសេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀងស្តីពីពាណិជ្ជកម្មតាមព្រំដែន រវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃសាធារណរដ្ឋសង្គមនិយមវៀតណាម៕

[BREAKING NEWS] សម្ដេចតេជោ ហ៊ុន សែន​ ដាក់ចេញបទបញ្ជាមិនឲ្យមានការលក់សំបុត្រចូលទស្សនាក្នុងព្រឹត្តិការណ៍ស៊ីហ្គេម

2023/03/30 11:46:18 pm        364
Facebook Telegram Linkin
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នារសៀលថ្ងៃទី៣០ ខែមីនា ឆ្នាំ ២០២៣នេះ បានដាក់ចេញបទបញ្ជា មិនឱ្យមានការលក់សំបុត្រចំពោះការចូលទស្សនាការប្រកួតកីឡាស៊ីហ្គេម លើកទី៣២ នោះឡើយ គឺអនុញ្ញាតឱ្យប្រជាពលរដ្ឋចូលទស្សនាដោយសេរី។

សម្តេចតេជោ ចាត់ទុកជនអាក្រក់នៅក្រៅប្រទេសផ្សព្វផ្សាយ កាឡៃការពិតពីកម្ពុជា ជាក្មេងពាលកែមិនឡើង

2023/03/30 08:22:44 pm        245
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានវាយបកទៅក្រុមប្រឆាំង​នៅក្រៅប្រទេស​ដោយចាត់ទុកជនអាក្រក់ ដែលផ្សព្វផ្សាយកាឡៃការពិតពីកម្ពុជា ទាំងនោះថា ជាក្មេងពាលកែមិនឡើង។សម្តេចតេជោ ប្រមុខរាជរដ្ឋាភិបាល​បានលើកឡើងពី​បញ្ហានយោបាយវាយបក​ទៅក្រុមប្រឆាំង​នៅ​ក្រៅប្រទេសយ៉ាងដូច្នេះ ក្នុងឱកាសអញ្ជើញជាអធិបតីដ៏ខ្ពង់ខ្ពស់ក្នុងពិធីប្រគល់វិញ្ញាបនបត្រ និងសញ្ញាបត្រជូនដល់សិក្ខាកាម ​និងនិស្សិតវិទ្យាស្ថានជាតិពាណិជ្ជសាស្ត្រជាង ៦ពាន់នាក់​នៅកោះពេជ្រ នាព្រឹកថ្ងៃទី ៣០មីនានេះ។សម្តេចតេជោ នាយករដ្ឋមន្ត្រី បានមានប្រសាសន៍បែបនេះ ដោយសារជានិច្ចកាល​ក្រុមប្រឆាំង​នៅក្រៅប្រទេស តែងតែងវាយប្រហារមកលើសម្តេច​ ដោយ​មិន​មាន​ការ​ពិតទាំង​អស់​ជាពិសេស ក្នុងពេលដែលលោក​នាយករដ្ឋមន្ត្រីម៉ាឡេស៊ី បានមកបំពេញទស្សនកិច្ចនៅកម្ពុជាថ្មីៗ ពួកគេ​បានបំភ្លៃការពិតថា លោកនាយករដ្ឋមន្ត្រីម៉ាស៊ី ដាតុ ស៊េរី ប៊ីនប្រាហ៊ីម មកណែនាំសម្តេច។គួរបញ្ជាក់ថា ដំណើរទស្សនកិច្ចផ្លូវការលើកដំបូង​ របស់នាយករដ្ឋមន្ត្រីម៉ាឡេស៊ីនៅ ព្រះរាជាណា​ចក្រ​កម្ពុជា កាលពីថ្ងៃទី២៧ ​ខែមីនា ឆ្នាំ២០២៣ ​ក្នុងគោលបំណងបន្តធ្វើឲ្យស៊ីជម្រៅ បន្ថែមទៀត​នូវទំនាក់ទំនងទ្វេភាគីដ៏យូរអង្វែង ​និងរឹងមាំលើគ្រប់វិស័យ ​រវាងប្រទេសទាំងពីរ៕អត្ថបទ៖ មុត​ សុទ្ធ

រដ្ឋសភា សម្រេចអនុម័តសេចក្តីព្រាងច្បាប់ស្តីពីសន្ធិសញ្ញាកំណត់ព្រំដែនកម្ពុជា-ឡាវ

2023/03/30 06:34:24 pm        201
Facebook Telegram Linkin
ភ្នំពេញ៖ នៅថ្ងៃនេះ រដ្ឋសភានៃព្រះរាជាណាចក្រកម្ពុជា​បានសម្រេចអនុម័តសេចក្តីព្រាងច្បាប់ស្តីពីសន្ធិសញ្ញាកំណត់ព្រំដែនកម្ពុជា-ឡាវ ក្រោយភាគីទាំងពីរសម្រេចលទ្ធផលប្រមាណ៨៦ភាគរយ។ ការអនុម័តនេះធ្វើឡើងក្នុងសម័យប្រជុំលើកទី៩ នីតិកាលទី៦ នៅថ្ងៃទី៣០ ខែមីនា ឆ្នាំ២០២៣ ក្រោមអធិបតីភាពសម្តេចពញាចក្រី ហេង សំរិន ប្រធានរដ្ឋសភា និងមានការអញ្ជើញចូលរួម​ពីសមាជិក-សមាជិការដ្ឋសភាចំនួន ១០៥រូប។ការអនុម័តលើសេចក្តីព្រាងច្បាប់នេះ មានសមាជិក-សមាជិកា គាំទ្រចំនួន ១០៥/១០៥សំឡេង។មុនការអនុម័តនេះ ឯកឧត្តម វ៉ា គឹមហុង ទេសរដ្ឋមន្រ្តីទទួលបន្ទុកកិច្ចការព្រំដែន និងជាប្រធានគណៈកម្មាធិការចម្រុះកិច្ចការព្រំដែន និងជាតំណាងរាជរដ្ឋាភិបាល មានប្រសាសន៍ថា រាជរដ្ឋាភិបាលកម្ពុជា បានប្តេជ្ញាចិត្តដ៏មោះមុតបំផុត ក្នុងសុឆន្ទៈដើម្បីសម្រេចបានព្រំដែនកម្ពុជា ជាមួយប្រទេសជិតខាង ដោយឈរលើមូលដ្ឋានគោរពឯករាជ្យ អធិបតេយ្យភាព និងបូរណភាព​ដែនដី រវាងព្រះរាជាណាចក្រកម្ពុជានិងសាធារណរដ្ឋប្រជាធិបតេយ្យប្រជាមានិតឡាវ ដើម្បី​សុភមង្គល​និងភាពរុងរឿងរបស់ប្រជាជាតិ និងប្រជាជននៃប្រទេសទាំងពីរ ដើម្បីបង្កើនទំនាក់​ទំនងជិតខាងល្អ សាមគ្គីភាពជាប្រពៃណី ដែលនាំមកនូវព្រំដែនសន្តិភាព ស្ថិរភាព មិត្តភាព សហប្រតិបត្តិការ និងការអភិវឌ្ឍរឹងមាំ ស្របតាមគោលការណ៍ច្បាប់ និងការអនុវត្តជាអន្តរជាតិ​ស្តីពីខ្សែព្រំដែនមិនកែប្រែនៅពេលដែលកម្ពុជាទទួលបានឯករាជ្យ។ឯកឧត្តមទេសរដ្ឋមន្រ្តី មានប្រសាសន៍ទៀតថា ឈរលើមូលដ្ឋានគោរពឯករាជ្យ អធិបតេយ្យភាព បូរណភាពទឹកដី គោរពផលប្រយោជន៍គ្នាទៅវិញ ទៅមក ប្រែក្លាយតំបន់ព្រំដែនឱ្យទៅជាតំបន់​សន្តិភាពនិងការអភិវឌ្ឍគ្រប់វិស័យ ដើម្បីធានាបានស្ថិរភាពនិង ភាពសុខសាន្តរបស់ប្រជាពលរដ្ឋ​ដែលរស់នៅតាមបណ្ដោយព្រំដែននៃប្រទេសទាំងពីរកម្ពុជានិងឡាវ ខិតខំជម្នះ កំណត់ឱ្យបាន​ខ្សែព្រំដែនផ្លូវការដើម្បីរក្សាទុកប្រើប្រាស់ជាផ្លូវការ និងទុកជាអចិន្ត្រៃយ៍រវាងប្រទេសទាំងពីរ។ ឯកឧត្តមទេសរដ្ឋមន្រ្តី បញ្ជាក់ថា សន្ធិសញ្ញាកំណត់ព្រំដែនរដ្ឋ រវាងកម្ពុជា-ឡាវ គឺជាកំណត់ត្រា​ទទួល​យកលទ្ឋផលនៃការត្រួតពិនិត្យខ្សែព្រំដែនរួម ប្រមាណ៨៦% ដែលប្រទេសទាំងពីរ​សម្រេច​បានលើការងារព្រំដែន បន្ទាប់ពីប្រមុខរដ្ឋាភិបាលនៃប្រទេសទាំងពីរបានចុះហត្ថលេខា កាលពីខែកុម្ភៈកន្លងទៅនៅប្រទេសឡាវ។ គិតចាប់ពីឆ្នាំ១៩៩៥-២០០៩ ភាគីទាំងពីរសម្រេចបានការត្រួតពិនិត្យខ្សែព្រំដែន​បានប្រមាណជា៨៦% ស្មើនឹង៤៦៥ គីឡូម៉ែត្រនៃខ្សែព្រំដែនរួម ដែលមានប្រវែងប្រមាណជា ៥៤០គីឡូម៉ែត្រ ក្នុងនោះ ភាគីទាំងពីរបោះបង្គោល ព្រំដែនបានចំនួន១២១បង្គោលនៅ​លើដីជាក់ស្តែង នៅខេត្តព្រះវិហារ ខេត្តស្ទឹងត្រែង និងខេត្តរតនគិរី ខណៈគិតមកដល់ពេលនេះ គណៈកម្មការចម្រុះព្រំដែននៃប្រទេសទាំងពីរបានជួបប្រជុំគ្នាចំនួន១៨៨លើក។ ក្រៅពីទទួលយកសមិទ្ធផលដែលសម្រេចបានខាងលើ សន្ធិសញ្ញានេះក៏ជាឯកសារផ្លូវការ​ដ៏មានសារៈសំខាន់បំផុត ដែលនឹងយកធ្វើជាមូលដ្ឋានក្នុងការបន្តចរចារកដំណោះស្រាយ​តំបន់ព្រំដែនដែលនៅសល់ ប្រមាណជាង១៤%ទៀត ដែលភាគីទាំងពីរមិនទាន់សម្រេចបាន។ ចំពោះតំបន់ដែលនៅសល់មិនទាន់ឯកភាពគ្នា ភាគីទាំងពីរឯកភាពបន្តការចរចានិងដោះស្រាយ​ដោយយកជាមូលដ្ឋានគោលការណ៍ទាំងឡាយដែលភាគីទាំងពីរបានអនុវត្តកន្លងមក ដើម្បី​បន្តរកដំណោះស្រាយនៅតំបន់ទាំងនោះឱ្យបានឆាប់ផងដែរ។ សន្ធិសញ្ញានេះ គឺជាឯកសារផ្លូវច្បាប់ប្រវត្តិសាស្ត្រដ៏មានសារៈសំខាន់បំផុត ដែលកម្ពុជា និងឡាវ បានចុះហត្ថលេខា​ទទួល​ស្គាល់ជាផ្លូវការនូវខ្សែព្រំដែន ក្រោយអាណានិគមបន្សល់​ទុកឱ្យ​បន្ទាប់ពីប្រទេសទាំងពីរបានឯករាជ្យ ជាឯកសារផ្លូវការមូលដ្ឋានដ៏សំខាន់បំផុតក្នុង ការបន្តរក​ដំណោះស្រាយតំបន់ព្រំដែនដែលនៅសល់ប្រមាណជាង១៤%ទៀត ដែលភាគីទាំងពីរមិនទាន់​សម្រេចបាន និងជាឯកសារគ្រឹះការពារបានបូរណភាពទឹកដីកម្ពុជា ដោយមានខ្សែព្រំដែនមួយ​ច្បាស់លាស់ មិនឱ្យប្រែប្រួល ថែរក្សាបាននូវព្រំដែនសុខសន្តិភាព ស្ថេរភាព មិត្តភាព សហប្រតិបត្តិការ និងការអភិឌ្ឍលើ គ្រប់វិស័យ ដើម្បីភាពសុខសាន្តរបស់ប្រជាពលរដ្ឋកម្ពុជា៕

សម្តេចតេជោ ហ៊ុន សែន នឹងអញ្ជើញប្រគល់វិញ្ញាបនបត្រ និងសញ្ញាបត្រជូនសិក្ខាកាម និងនិស្សិតវិទ្យាស្ថានជាតិពាណិជ្ជសាស្ត្រជាង ៦ពាន់នាក់ នៅព្រឹកស្អែកនេះ

2023/03/30 05:36:47 am        136
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នឹងអញ្ជើញជាអធិបតីក្នុងពិធីប្រគល់វិញ្ញាបនបត្រ និងសញ្ញាបត្រជូនដល់សិក្ខាកាម និងនិស្សិតវិទ្យាស្ថានជាតិពាណិជ្ជសាស្ត្រជាង ៦ពាន់នាក់ នៅមជ្ឈមណ្ឌលសន្និបាត និងពិព័រណ៍កោះពេជ្រ នៅព្រឹកថ្ងៃទី៣០ ខែមីនាស្អែកនេះ។ សិក្ខាកាម និងនិស្សិតដែលទទួលវិញ្ញាបនបត្រ និងសញ្ញាបត្រនេះ មានចំនួនសរុប​ចំនួន ៦,០៥១នាក់ ស្រី ៣,៨៩៥នាក់។ វិទ្យាស្ថានជាតិពាណិជ្ជសាស្ដ្រ ត្រូវបានបង្កើតឡើងក្នុង​ឆ្នាំ​១៩៧៩ មានឈ្មោះថា «សាលាបច្ចេកទេសពាណិជ្ជកម្មមជ្ឈិម» ស្ថិតក្រោមឱវាទ​ក្រសួង​ពាណិជ្ជកម្ម។ នៅឆ្នាំ១៩៨៥ ត្រូវបានប្ដូរឈ្មោះមកជាសាលាមធ្យម​សិក្សា​ឯក​ទេសពាណិជ្ជកម្ម។ នៅឆ្នាំ១៩៩៤ ត្រូវបានផ្ទេរមកនៅក្រោម​ការគ្រប់គ្រង​របស់​ក្រសួង​អប់រំ យុវជន និងកីឡា ហើយនៅឆ្នាំ២០០១ បានប្តូរឈ្មោះមកជា វិទ្យាស្ថានជាតិ​ពាណិជ្ជសាស្ដ្រ។ចាប់ពីឆ្នាំ២០០៤ វិទ្យាស្ថានជាតិពាណិជ្ជសាស្រ្ត ត្រូវបានផ្ទេរមកស្ថិតនៅក្រោម​ការ​គ្រប់​គ្រងរបស់ក្រសួងការងារ និងបណ្តុះបណ្តាលវិជ្ជាជីវៈ។ វិទ្យាស្ថាននេះ មានភារកិច្ច​បណ្តុះ​បណ្តាលសិក្ខាកាម សិស្ស និស្សិត លើផ្នែកធុរកិច្ច និងសេវាកម្ម ចាប់ពីរយៈពេលខ្លី រហូត​ដល់រយៈពេលវែង ទាំងនិស្សិតអាហារូបករណ៍របស់រដ្ឋ និងនិស្សិតបង់ថ្លៃសិក្សា។ វិទ្យាស្ថានមានគណៈគ្រប់គ្រងសាស្រ្តាចារ្យ និងបុគ្គលិកខ្មែរ-បរទេសជាប់កិច្ចសន្យា សរុបចំនួន ១៤៥នាក់ ស្រី ៣៧នាក់ ដែលក្នុងនោះមានកម្រិតថ្នាក់បណ្ឌិតចំនួន​០៣នាក់ ស្រី ១នាក់ កម្រិតថ្នាក់បរិញ្ញាបត្រជាន់ខ្ពស់ចំនួន​​ ៩០នាក់ ស្រី ១៧នាក់ កម្រិតថ្នាក់​បរិញ្ញាបត្រ/វិស្វករ ចំនួន ២២នាក់ ស្រី ៦នាក់ និងកម្រិតក្រោមបរិញ្ញាបត្រ ចំនួន ៣០នាក់ ស្រី១៣នាក់។ចាប់តាំងពីឆ្នាំ១៩៨៥ ដល់បច្ចុប្បន្ន វិទ្យាស្ថានបានបណ្តុះបណ្តាលសិក្ខាកាម សិស្ស និស្សិត បានសរុបចំនួន ២៣,៨៨៣នាក់ នារី ១០,១៦៣នាក់។ ក្នុងនោះមាននិស្សិត​អាហារូបករណ៍​របស់សម្តេចតេជោមានចំនួន ៨៣០នាក់។ សិស្ស និស្សិតកំពុងសិក្សាមានសរុបចំនួន ៥,០៦១នាក់ នារី ៣,៤៦៨នាក់។ សិក្ខាកាម សិស្ស និស្សិត ដែលបានបញ្ចប់ការសិក្សាទទួលបានការងារធ្វើ ៩៩,៣៦ភាគរយ៕

ឯកឧត្តម វេង សាខុន ចាត់ក្រុមការងារនាំយកថវិកា និងអំណោយសម្តេចតេជោ និងសម្តេចកិត្តិព្រឹទ្ធបណ្ឌិត ផ្តល់ជូនគ្រួសារប្រជាពលរដ្ឋរងគ្រោះដោយខ្យល់កន្ត្រាក់នៅស្រុកតំបែរ

2023/03/29 07:56:04 pm        86
Facebook Telegram Linkin
ត្បូងឃ្មុំ៖ ឯកឧត្តម វេង សាខុន ប្រធានក្រុមការងាររាជ​រដ្ឋាភិបាលចុះមូលដ្ឋានស្រុកតំបែរ ខេត្តត្បូងឃ្មុំ និងស្រុកកំពង់សៀម ខេត្តកំពង់ចាម ក្រោយទទួលបានព័ត៌មានពីករណីខ្យល់កន្ត្រាក់ លាយឡំជាមួយភ្លៀងផ្គររន្ទះបណ្តាលឱ្យខូលខាតផ្ទះប្រជាពលរដ្ឋជាច្រើនខ្នងនៅស្រុកតំបែរ ខេត្តត្បូងឃ្មុំ បានចាត់ឱ្យក្រុមការងារក្រុមការងាររាជ​រដ្ឋាភិបាលចុះមូលដ្ឋាន ស្រុកតំបែរចុះសួរសុខទុក្ខ និងនាំយកអំណោយសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន រួមមាន៖ ថវិកាចំនួន ២៥លានរៀល និងសម្ភារៈមួយចំនួន ផ្តល់ជូនគ្រួសារប្រជាពលរដ្ឋរងគ្រោះដោយគ្រោះធម្មជាតិនេះ។គួរបញ្ជាក់ថា នៅវេលាម៉ោង ៧យប់ ថ្ងៃទី២៨ ខែមីនា ឆ្នាំ២០២៣ម្សិលម៉ិញនេះ នៅស្រុកតំបែរ មានករណីខ្យល់កន្ត្រាក់ លាយឡំជាមួយភ្លៀងផ្គររន្ទះ បានធ្វើឲ្យប៉ះពាល់ដល់ផ្ទះប្រជាពលរដ្ឋរស់នៅក្នុងឃុំចំនួន៣ ក្នុងចំណោមឃុំទាំង ៧ក្នុងស្រុកតំបែរ ស្មើនឹង១០៥គ្រួសារ ដែលលរួមមាន៖ ឃុំចុងជាច ចំនួន៩០គ្រួសារ រងផលប៉ះពាល់ធ្ងន់ធ្ងរ ចំនួន៨គ្រួសារ មធ្យមចំនួន៣៥គ្រួសារ ស្រាលចំនួន៤០គ្រួសារ និងរងរបួសមនុស្សចំនួន៥នាក់ កម្រិតស្រាល។ ឃុំនាងទើត ចំនួន១៣គ្រួសារ រងផល់ប៉ះពាល់ធ្ងន់ធ្ងរ ចំនួន៣គ្រួសារ មធ្យមចំនួន៤គ្រួសារ និងស្រាលចំនួន៦គ្រួសារ។ ឃុំទឹកជ្រៅ ចំនួន២គ្រួសារ រងផលប៉ះពាល់មធ្យម។ឯកឧត្តម វេង សាខុន បានបញ្ជាក់ថា ថវិកាអំណោយសម្តេចតេជោ និងសម្តេចកិត្តិព្រឹទ្ធបណ្ឌិត ដើម្បីជួយធ្វើការជួសជុលជាបន្ទាន់ ដោយក្រុមការងារបានសហការជិតស្និតជាមួយអាជ្ញាមូលដ្ឋាន ដើម្បីផ្តល់លទ្ធភាពដល់ប្រជាពលរដ្ឋរងគ្រោះទទួលបានជម្រកស្នាក់នៅវិញបានទាន់ពេលវេលា។ឯកឧត្តម វេង សាខុន បញ្ជាក់ថា ក្រុមការងារចុះមូលដ្ឋាននៅឃុំទាំងបីខាងលើ បានឆ្លើយតបទាន់ពេលវេលា តបតាមសេចក្តីត្រូវការចាំបាច់របស់ប្រជាពលរដ្ឋ៕

បណ្ដាញសង្គម

ព័ត៌មានថ្មីៗ

មេដឹកនាំ EU បង្ហាញ​ការគាំទ្រ ចំពោះ ICC បន្ទាប់ពីមាន​ទណ្ឌកម្មថ្មីរបស់សហរដ្ឋអាមេរិក
08/19/2026 08:08 PM
Facebook Telegram Linkin
ណាតូបញ្ជាក់​ថា បាន​ត្រៀមសម្រាប់ការវាយប្រហារអាចកើតមានដោយអ៊ីរ៉ង់ លើគោលដៅយោធាអាមេរិក នៅអឺរ៉ុប
08/19/2026 08:08 PM
Facebook Telegram Linkin
មនុស្ស ៧នាក់ រួមទាំងអ្នកទេសចរ ៦នាក់ ស្លាប់នៅក្នុងគ្រោះថ្នាក់ធ្លាក់​ឧទ្ធម្ភាគចក្រ នៅកេនយ៉ា
08/19/2026 08:08 PM
Facebook Telegram Linkin
របាយការណ៍៖ អ៊ីរ៉ង់ពិចារណាវាយប្រហារគោលដៅយោធាអាមេរិក នៅអឺរ៉ុប បើលោក Trump បង្កើនជម្លោះ​
08/19/2026 08:08 PM
Facebook Telegram Linkin
អធិការបតី​អាល្លឺម៉ង់ ថ្កោលទោសការអំពាវនាវរបស់​​រដ្ឋមន្ត្រីអ៊ីស្រាអែល ឲ្យសម្លាប់មនុស្សរាល់ថ្ងៃ នៅតំបន់​ហ្កាហ្សា
08/19/2026 08:08 PM
Facebook Telegram Linkin
ក្រសួងមហាផ្ទៃផ្សព្វផ្សាយប្រកាសចំនួន៣ ស្តីពីការកំណត់ចំនួនមុខតំណែងរងក្នុងរចនាសម្ព័ន្ធអង្គភាពនគរបាលជាតិ និងពន្ធនាគារ
08/19/2026 07:08 PM
Facebook Telegram Linkin
ឯកឧត្តមកិត្តិសេដ្ឋាបណ្ឌិត ជាម យៀប ទទួលជួបសម្តែងការគួរសមជាមួយ ឯកអគ្គរដ្ឋទូតសិង្ហបុរីថ្មី ដើម្បីពង្រឹងកិច្ចសហប្រតិបត្តិការទ្វេភាគី
08/19/2026 07:08 PM
Facebook Telegram Linkin
ក្រសួងបរិស្ថាននៅក្នុងខែកក្កដាឆ្នាំ២០២៦ បន្តសហការជាមួយដៃគូពាក់ព័ន្ធ ចុះពិនិត្យនិងបង្រ្កាបបទល្មើសនៅតាមតំបន់ការពារធម្មជាតិ ដើម្បីបង្កើនភាពបៃតង ធានានិរន្តរភាពបរិស្ថាន និងលើកកម្ពស់ជីវភាពសហគមន៍មូលដ្ឋាន
08/19/2026 07:08 PM
Facebook Telegram Linkin
ក្រសួងអភិវឌ្ឍន៍ជនបទ ចាត់ទុកការស្ថាបនា និងការថែទំាផ្លូវ ជារឿងដ៏ចាំបាច់សម្រាប់ការរស់នៅក្នុងសង្គម
08/19/2026 07:08 PM
Facebook Telegram Linkin
រដ្ឋមន្ត្រីការបរទេសចិន ទៅដល់​​កូរ៉េខាងត្បូង ស្របពេល​លោក Trump ជំរុញការទូតជាមួយ​កូរ៉េខាងជើងឡើង​វិញ​
08/19/2026 07:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.