នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

កម្ពុជា-ថៃ គ្រោងសាងសង់ស្ពានឆ្លងព្រំដែន សម្រួលការធ្វើដំណើររបស់ពលរដ្ឋ និងពាណិជ្ជកម្ម ជំនួសស្ពានចាស់ដែលតូច និងចាស់ទ្រុឌទ្រោម

2023/02/09 06:07:44 pm        232
Facebook Telegram Linkin
ប៉ៃលិន៖ ស្ពានឆ្លងព្រំដែនកម្ពុជា-ថៃ ក្នុងតំបន់ច្រកទ្វារព្រំដែនអន្តរជាតិព្រំ ខេត្តប៉ៃលិន ត្រូវបានរដ្ឋបាលខេត្តប៉ៃលិន ប្រទេសកម្ពុជា ដឹកនាំដោយលោក ហុក សុផល អភិបាលរងខេត្ត និងរដ្ឋបាលខេត្តចាន់បុរី ប្រទេសថៃ ដឹកនាំដោយលោក មុនស៊ីត ផៃសានថាណាវ៉ាត់ អភិបាលខេត្តចាន់បុរី ចុះត្រួតពិនិត្យ និងវាស់វែង ក្នុងគម្រោងសាងសង់ស្ពានថ្មី ដើម្បីសម្រួលការធ្វើដំណើរ របស់បងប្អូនប្រជាពលរដ្ឋ និងការដឹកទំនិញចេញ-ចូល តំបន់ព្រំដែន រវាងប្រទេសទាំងពីរកម្ពុជា-ថៃ ។ការចុះត្រួតពិនិត្យនេះ ធ្វើឡើងនៅរសៀលថ្ងៃទី៨ ខែកុម្ភៈ ឆ្នាំ២០២៣ ស្ថិតក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ទល់មុខស្រុកពោណាមរ៉ន ខេត្តចាន់បុរី ប្រទេសថៃ។លោក ហុក សុផល មានប្រសាសន៍ដឹងថា គម្រោងសាងសង់ស្ពានថ្មីនេះ គឺជាផែនការយុទ្ធសាស្ត្រ របស់រាជរដ្ឋាភិបាលកម្ពុជា សម្រាប់ការធ្វើពាណិជ្ជកម្មព្រំដែន រវាងប្រទេសជាប់ព្រំដែនគ្នាកម្ពុជា-ថៃ ។លោកអភិបាលរងខេត្ត បញ្ជាក់ថា រដ្ឋបាលខេត្តប៉ៃលិន មានគម្រោងសាងសង់ស្ពានឆ្លងព្រំដែននេះជាយូរមកហើយ ក្រោមការចង្អុលបង្ហាញពីលោកជំទាវ បាន ស្រីមុំ អភិបាលខេត្តប៉ៃលិន ដោយសហការជាមួយភាគីប្រទេសថៃ ដើម្បីសម្រួលដល់ការធ្វើដំណើរ របស់បងប្អូនប្រជាពលរដ្ឋកម្ពុជា-ថៃ ពិសេសការធ្វើពាណិជ្ជកម្មព្រំដែន រវាងប្រទេសទាំងពីរ។ ភាគីប្រទេសថៃ ក៏បានឯកភាពក្នុងការសាងសង់ផងដែរ ហើយគម្រោងសាងសង់ស្ពានថ្មីនេះមានទទឹង១៥ម៉ែត្រ បណ្តោយ៤០ម៉ែត្រ ជំនួសស្ពានប៉ាឡេចាស់ ដែលមានទំហំតូច ចាស់ទ្រុឌទ្រោម៕ អត្ថបទ៖ សេង សុវណ្ណារិទ្ធ

ឯកឧត្តម ហ៊ុន ម៉ានី សោកស្ដាយចំពោះជនអាក្រក់គ្មានសាសនានៅក្រៅប្រទេស ឆ្លៀតឱកាសគ្រួសារឯកឧត្តមកំពុងមានទុក្ខមកប្រមាថដើម្បីកេងចំណេញនយោបាយ

2023/02/09 04:24:23 pm        658
Facebook Telegram Linkin
ភ្នំពេញ៖ ៖ឯកឧត្តម ហ៊ុន ម៉ានី បង្ហាញការហួសចិត្ត និងសោកស្ដាយ ចំពោះក្រុមជនអាក្រក់នៅក្រៅប្រទេស ដែលគ្មានសីលធម៌ វប្បធម៌ និងសាសនា នៅក្នុងខ្លួន ឆ្លៀតឱកាសដែលគ្រួសារឯកឧត្ដមកំពុងមានទុក្ខធ្វើពិធីបុណ្យសព មកធ្វើការប្រមាថ និងកេងចំណេញនយោបាយទៅវិញ។ ឯកឧត្ដម ហ៊ុន ម៉ានី បានសរសេរនៅលើបណ្ដាញសង្គមហ្វេសប៊ុកផ្លូវការនាថ្ងៃទី៩ ខែកុម្ភៈនេះថា កាលដែលគ្រួសាររបស់ជនអាក្រក់នៅក្រៅប្រទេសមានទុក្ខ ឯកឧត្ដម បានតំណងឱ្យក្រុមគ្រួសារ ទៅចូលរួមគោរពវិញ្ញាណខន្ធ និងរំលែកទុក្ខ។ ប៉ុន្ដែក្នុងអំឡុពេលគ្រួសារឯកឧត្ដមមានទុក្ខ បែរជាក្រុមជនអាក្រក់នៅក្រៅប្រទេសបានយកឱកាសនេះប្រមាថដើម្បីតែកេញចំណេញនយោបាយទៅវិញ។  ឯកឧត្ដមបានសរសេរថា៖«ពេលគ្រួសារគេមានទុក្ខ ខ្ញុំតំណាងអោយក្រុមគ្រួសារខ្ញុំ ចូលរួមគោរពវិញ្ញាណក្ខន្ធ និងរំលែកទុក្ខ។ តែពេលក្រុមគ្រួសារខ្ញុំមានទុក្ខ គេប្រមាថ និងយកចំណេញនយោបាយ។ វប្បធម៌ សីលធម៌ សាសនា និងទំនៀមទម្លាប់ប្រពៃណី ជាអ្វីដែលក្រុមគ្រួសារខ្ញុំប្រកាន់ខ្ជាប់ មិនមែនអ្វីៗសុទ្ធតែនយោបាយនោះទេ»។ទាក់ទងនឹងការប្រមាថ និងការឆ្លៀតឱកាសដោយគ្មានសីលធម៌របស់ជនអាក្រក់ នៅក្រៅប្រទេសនេះសម្ដេចតេជោ ហ៊ុន សែន នាយករដ្ឋមន្រ្ដីនៃកម្ពុជា ក៏បានសរសេរលើហ្វេសប៊ុក ប្រាប់ទៅក្រុមជនអាក្រក់ទាំងនោះឱ្យរក្សាខ្លួនជាមនុស្ស និងខិតខំរក្សាសុខភាពជាជាងមករករឿងគ្រួសាររបស់សម្ដេច។ សម្ដេចតេជោបានសរសេរថា៖ខ្ញុំចង់ប្រាប់ទៅជនអាក្រក់ថា បើមេរបស់អ្នកអាក្រក់សូមអ្នករក្សាខ្លួនជាមនុស្សនិង ខិតខំរក្សាសុខភាពរបស់អ្នកជាជាងមករករឿងគ្រួសារខ្ញុំ»។   សម្ដេចតេជោ ចាត់ទុកការប្រមាថ និងឆ្លៀតឱកាសរបស់ក្រុមជនអាក្រក់ក្រៅប្រទេសនេះ ពិតជាអាក្រក់កែមិនបានទាំងមេទាំងកូនដែលគ្មានសារជាតិជាមនុស្សសោះឡើយ៕

មន្រ្តីនាំពាក្យ៖ ការបោះឆ្នោតជ្រើសរើសក្រុមប្រឹក្សាក្រុង/ស្រុកទើបបង្កើតថ្មី នឹងធ្វើឡើងជាអសកល

2023/02/08 08:39:25 pm        324
Facebook Telegram Linkin
ភ្នំពេញ៖ ការបោះឆ្នោតជ្រើសរើសក្រុមប្រឹក្សាក្រុង/ស្រុក ទើបបង្កើតថ្មី ក្នុងខេត្តចំនួន៣ នៅក្នុងប្រទេសកម្ពុជា នឹងធ្វើឡើងនៅអំឡុងខែមេសា ឆ្នាំ២០២៣ ដោយការបោះឆ្នោតធ្វើជាអសកល។ នេះបើតាមមន្រ្តីនាំពាក្យគ.ជ.ប។មានប្រសាសន៍ក្នុងកិច្ចសម្ភាសជាមួយBTV នៅថ្ងៃទី០៨ខែកុម្ភៈនេះ ឯកឧត្តម ហង្ស ពុទ្ធា សមាជិក និងជាអ្នកនាំពាក្យគណៈកម្មាធិការជាតិរៀបចំការបោះឆ្នោត(គ.ជ.ប) បានថ្លែងថា តាមការគ្រោងទុក ការបោះឆ្នោតជ្រើសរើសក្រុមប្រឹក្សាក្រុង/ស្រុក លើកទី១ ទើបបំបែក និងបង្កើតថ្មី រួមមាន៖ក្រុងអរិយក្សត្រ ក្រុងសំពៅពូន នៃខេត្តកណ្តាល ក្រុងឧដុង្គម៉ែជ័យ​ ស្រុកសាមគ្គីមុនីជ័យ នៃកំពង់ស្ពឺ និងស្រុកអូរគ្រៀងសែនជ័យ នៃខេត្តក្រចេះ ​នឹងធ្វើឡើងនៅថ្ងៃទី០៩ ខែមេសា ឆ្នាំ២០២៣ ​ដោយការបោះឆ្នោតធ្វើជាអសកល ​ពោលគឺក្រុមប្រឹក្សាឃុំ/សង្កាត់ ជាអ្នកតំណាង​ឱ្យប្រជាពលរដ្ឋ​មានសិទ្ធទៅបោះឆ្នោត។ ឯកឧត្តម បន្តថា សម្រាប់ការបោះឆ្នោតនេះ គឺ​មានគណបក្សនយោបាយ​ចំនួន៣ប៉ុណ្ណោះ ដែលបាន​ចុះឈ្មោះបញ្ជីគណបក្ស និង​ដាក់បេក្ខជនឈរឈ្មោះប្រកួតប្រជែង ​ដែលគណបក្សទាំង៣នោះ រួមមាន៖ ​គណបក្សប្រជាជនកម្ពុជា ​គណបក្សហ៊្វុនស៊ិនប៉ិច និងគណបក្សភ្លើងទៀន។ ហើយ គ.ជ.ប បានត្រៀមល្ខណៈខ្លួនរួចរាល់ទៅតាមប្រតិទិនការបោះឆ្នោតជ្រើសរើសក្រុមប្រឹក្សាក្រុង/ស្រុក ទើបបង្កើតថ្មីនេះ។នៅថ្ងៃទី៥ខែមករា កន្លងទៅ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បាន​ចេញអនុក្រឹត្យ ​កំណត់ចំនួនសមាជិកក្រុមប្រឹក្សាក្រុង/ ស្រុក​ ដែលបំបែក ​និងបង្កើតថ្មី ស្ថិតនៅ​ក្នុងខេត្តកណ្ដាល ខេត្តកំពង់ស្ពឺ ​និងខេត្តក្រចេះ សម្រាប់អាណត្តិទី១។ក្នុងអនុក្រឹត្យនោះ បានបញ្ជាក់ថា ក្រុងអរិយក្សត្រ ​មានសមាជិកក្រុមប្រឹក្សាចំនួន១៩នាក់ និង​ក្រុងសំពៅពូន នៃខេត្តកណ្តាល មានសមាជិកក្រុមប្រឹក្សាចំនួន១៩នាក់។​ ក្រុងឧដុង្គម៉ែជ័យ មានសមាជិកក្រុមប្រឹក្សា១៧នាក់​ និងស្រុកសាមគ្គីមុនីជ័យ នៃខេត្កកំពង់ស្ពឺ មាន​សមាជិក​ក្រុមប្រឹក្សាចំនួន១៩នាក់។ដោយឡែកស្រុកអូរគ្រៀងសែនជ័យ នៃខេត្តក្រចេះ ត្រូវមានចំនួនសមាជិកក្រុមប្រឹក្សា ១៥នាក់៕អត្ថបទ៖ទូច សោភ័ណ

កម្ពុជាផ្តល់ជំនួយមនុស្សធម៌មួយសែនដុល្លារអាមេរិកដល់តួកគី ដើម្បីប្រតិបត្តិការសង្គ្រោះករណីរញ្ជួយដីដ៏កំណាច បណ្តាលឱ្យមានអ្នកស្លាប់រាប់ពាន់នាក់ និងរបួសរាប់ម៉ឺននាក់

2023/02/08 07:31:35 pm        236
Facebook Telegram Linkin
ភ្នំពេញ៖ កម្ពុជាប្រកាសផ្តល់ជំនួយមនុស្សធម៌ចំនួនមួយសែនដុល្លារអាមេរិក ដល់តួកគី បន្ទាប់ពីប្រទេសនេះរងនូវសោកនាថកម្មដោយគ្រោះរញ្ជួយដីដ៏កំណាច បណ្តាលឱ្យមានអ្នកស្លាប់រាប់ពាន់នាក់ និងរបួសរាប់ម៉ឺននាក់។

លោកតាអាយុជាង៨០ឆ្នាំ សម្រេចក្តីបំណងប្រាថ្នាចង់ជួបសម្តេច និងប្រគល់វត្ថុបុរាណអាយុជិត៣០០ឆ្នាំ ជូនសម្តេចតេជោ ហ៊ុន សែន ជាវត្ថុអនុស្សារវីយ៍

2023/02/08 06:39:50 pm        636
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៅព្រឹកថ្ងៃទី០៨ ខែកុម្ភៈ ឆ្នាំ២០២៣នេះ បានអញ្ញាតឱ្យកុងទ្រី និងក្រុមគ្រួសារជួបសម្តែងការគួរសម តាមបំណងប្រាថ្នារបស់លោកតា ដែលចង់ជួបសម្តេចដោយផ្ទាល់ និងប្រគល់វត្ថុបុរាណ(ប៉ាន់តែ)អាយុជិត៣០០ឆ្នាំ ជូនសម្តេចតេជោ ហ៊ុន សែន ជាវត្ថុអនុស្សាវរីយ៍។លោកតាកុងទ្រី ដែលមានអាយុ ៨២ឆ្នាំ រស់នៅសង្កាត់ចោមចៅ រាជធានីភ្នំពេញ ក៏មានបំណងអរគុណដល់សម្តេចតេជោ ហ៊ុន សែន ដែលបានលះបង់កម្លាំងកាយចិត្ត ដើម្បីបុព្វហេតុជាតិតាំងពីបាតដៃទទេ រហូតមានការរីកចម្រើន មានសុខសន្តិភាពក្នុងប្រទេសកន្លងជាង ៤០ឆ្នាំមកនេះ។សម្តេចតេជោ ហ៊ុន សែន បានថ្លែងអំណរគុណដល់លោកតា និងក្រុមគ្រួសារ ដែលបានជូនវត្ថុអនុស្សាវរីយ៍ដ៏មានតម្លៃមិនអាចកាត់ថ្លៃបានដល់សម្តេច។ សម្តេចតេជោបានប្រគល់វត្ថុបុរាណ(ប៉ាន់តែ) ដែលមានអាយុកាលជិត៣០០ឆ្នាំនោះ ជូនទៅក្រសួងវប្បធម៌ និងវិចិត្រសិល្បៈ ដើម្បីអភិរក្ស និងជាមូលដ្ឋានសម្រាប់សិក្សាស្រាវជ្រាវនាពេលក្រោយ៕

ជប៉ុនបន្តជួយជំរុញការវិនិយោគទេសចរណ៍ និងគាំទ្រកម្ពុជាដែលទទួលជាម្ចាស់ផ្ទះស៊ីហ្គេម ២០២៣

2023/02/08 06:25:40 pm        275
Facebook Telegram Linkin
ភ្នំពេញ៖ ឯកឧត្តម អ៊ូអិណុ អាត់ស៊ូស៊ី (UENO Atsushi) ឯកអគ្គរាជទូតថ្មីរបស់ប្រទេសជប៉ុនប្រចាំកម្ពុជា បានបានអះអាងថា នឹងបន្តគាំទ្រជួយដល់កម្ពុជា ក្នុងការជំរុញវិនិយោគទេសចរណ៍ ជាពិសេសនៅក្នុងព្រឹត្តិការណ៍ដែលកម្ពុជាធ្វើជាម្ចាស់ផ្ទះនៃការប្រកួតស៊ីហ្គេមលើកទី៣២និងប៉ារ៉ាហ្គេមលើកទី១២ តាមរយៈការជួយឱ្យមានអ្នកទេសចរណ៍ជប៉ុនមកទស្សនានៅកម្ពុជា និងកិច្ចការចំពោះមុខមួយចំនួនទៀត។នៅក្នុងជំនួបសំដែងការគួរសម រវាងទូតថ្មីជប៉ុនប្រចាំកម្ពុជា និងសម្តេចតេជោ ហ៊ុន សែន នៅវិមានសន្តិភាព នាព្រឹកថ្ងៃទី៨កុម្ភៈនេះ ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោ បានបញ្ជាក់ឱ្យដឹងថា ជាមួយនឹងការចូលរួមសំដែងនូវការគោរពរំលែកមរណទុក្ខយ៉ាងក្រៀមក្រំជាទីបំផុត ចំពោះការបាត់បង់ប្អូនស្រីរបស់សម្ដេច និងសូមឱ្យវិញ្ញាណក្ខន្ធរបស់គាត់បានទៅកាន់សុគតិភព។ឯកឧត្តម អាត់ ស៊ូស៊ី បានគោរពជម្រាបជូនសម្ដេចតេជោថា ឯកឧត្តមបានមកកាន់កម្ពុជាកាលពីឆ្នាំ១៩៩២ហើយនៅពេលនេះកម្ពុជាមានការអភិវឌ្ឍយ៉ាងខ្លាំងមានស្ថិរភាព និងមានសន្តិភាព។ក្នុងន័យនេះ ឯកឧត្តមសូមសំដែងនូវការគោរពជូនចំពោះសម្ដេចតេជោចំពោះភាពដឹកនាំជាទីគោរព ហើយក៏បានសាទរចំពោះសម្ដេចដែលបានដឹកនាំកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធនានាក្នុងភាពជាប្រធានអាស៊ានទទួលបានជោគជ័យ។ជាការឆ្លើយតបសម្ដេចតេជោបានសំដែងនូវការស្វាគមន៍ និងអបអរសាទរជូនចំពោះឯកឧត្តមដែលត្រូវបានតែងតាំងជាឯកអគ្គរាជទូតវិសាមញ្ញ និងពេញសមត្ថភាពរបស់ជប៉ុនមកកាន់កម្ពុជា និងបានថ្លែងអំណរគុណជូនចំពោះឯកឧត្តម អាត់ស៊ូស៊ី ចំពោះការចូលរួមរំលែកមរណទុក្ខហើយសម្ដេចក៏បានថ្លែងអំណរគុណ និងយល់ស្របជាមួយការលើកឡើងរបស់ឯកឧត្តម អាត់ស៊ូស៊ីអំពីទំនាក់ទំនងរវាងប្រទេសទាំងពីរ ជាមួយនឹងការប្ដេជ្ញាចិត្តរបស់ឯកឧត្តមក្នុងការអំអាងជួយដល់កម្ពុជា។សម្ដេចតេជោបានមានប្រសាសន៍ថា ជប៉ុនអាចជួយគាំទ្រដំណើរការ sea games របស់កម្ពុជាតាមរយៈឲ្យមានអ្នកមកទស្សនានិងរៀបចំឲ្យមានការហោះហើរត្រង់មកកាន់កម្ពុជា ។ដោយឡែកលើវិស័យសេដ្ឋកិច្ចនិងវិនិយោគសម្ដេចបានសុំឲ្យឯកអគ្គរាជទូតជប៉ុនជួយជំរុញកំណើនទំហំពាណិជ្ជកម្មរវាងប្រទេសទាំងពីរ និងជួយជំរុញឲ្យអ្នកវិនិយោគមកកាន់កម្ពុជាកាន់តែច្រើនឡើងថែមទៀត៕(ដោយ៖ មុត សុទ្ធ)

ផ្លូវ៤ខ្សែ ឆ្ពោះទៅកាន់ពហុកីឡដ្ឋានជាតិមរតកតេជោ សម្រេចការស្ថាបនាជិតរួចរាល់ហើយ

2023/02/08 06:01:11 pm        443
Facebook Telegram Linkin
ភ្នំពេញ៖ ផ្លូវចំនួន ៤ខ្សែ មានមហាវិថីឈ្ន ឈ្នះ ផ្លូវជាតិលេខ៦ ផ្លូវស្របមាត់ទន្លេសាប និងផ្លូវតភ្ជាប់ ពីផ្លូវជាតិលេខ ៦ត្រង់ចំណុច ក្បែរបុរី អ័រគីដេ ឆ្ពោះទៅកាន់ពហុកីឡដ្ឋានជាតិមរតកតេជោ កំពុងត្រូវបានរដ្ឋបាលរាជធានីភ្នំពេញធ្វើការជួសជុល កែលម្អ និងស្ថាបនាថ្មី ដេីម្បីសម្រួលដល់ការធ្វើចរាចរាចរណបស់ប្រជាពលរដ្ឋ និងឆ្ពោះទៅព្រឹត្តិការណ៍ស៊ីហ្គេមលើកទី៣២ និងប៉ារ៉ាហ្គេមលើកទី១២ នាខែឧសភា។មន្ត្រីមន្ទីរសាធារការ និងដឹកជញ្ជូនរាជធានីភ្នំពេញបានឲ្យដឹងថា ការដ្ឋានផ្លូវទាំង៤ខ្សែ ដែលស្ថាបនាឆ្ពោះទៅពហុកីឡាដ្ឋានជាតិមរតកតេជោ សម្រេចការងារបានប្រមាណជាជិត៩០ភាគរយហើយ។ ចំពោះមុខកំពុងធ្វើការជួសជុលគ្រឹះ អ៊ុតកៅស៊ូ ដាក់លូ រៀបការឺឡា គូសគំនូសចរាចរណ៍ ជាមួយនិងការដាំដើមឈើ តាមបណ្តោយផ្លូវជាតិលេខ៦ឲ្យបានរួចរាល់នៅមុនខែមីនា ឆ្នាំ២០២៣។មន្ត្រីបន្ថែមថា កំណាត់ផ្លូវជាតិលេខ៦នេះ ជាផ្លូវមេធំមួយក្នុងចំណោមផ្លូវទាំង៤ខ្សែ ដែល រដ្ឋបាលរាជធានីភ្នំពេញបាននឹងកំពុងជួសជុស និងស្ថាបនា ឆ្ពោះទៅកាន់ការប្រកួតកីឡាស៊ីហ្គេមលើកទី៣២ និងប៉ារ៉ាហ្គេមលើកទី១២ ដោយចាប់ផ្តើមស្ថាបនាពីខែកញ្ញា ឆ្នាំ២០២២ និងគ្រោងបញ្ចប់នៅខែមីនា ឆ្នាំ២០២៣ ដែលមានប្រវែង១៧គីឡូម៉ែត្រកន្លះ ជាមួយនឹងការដាក់លូសងខាងផ្លូវទំហំមុខកាត់១ម៉ែត្រប្រវែង៣៥គីឡូម៉ែត្រ រៀបការឺឡា គូសគំនូសចរាចរណ៍ និងដាំដើមឈើ រហូតដល់ព្រំប្រទល់ខេត្តកណ្តាល ។ ការងារមួយទៀត គឺកែលម្អរមហាវិថី ឈ្នះ ឈ្នះ ចាប់ពីចំណុចប្រសព្វផ្លូវជាតិលេខ៦ រហូតដល់ស្ពានព្រែកព្នៅ ដែលមានការកែលម្អរទ្រង់ទ្រាយធំ ដូចជាជួសជុលផ្លូវដែលមានការខូចខាត ដោយចាក់បេតុងឡើងវិញ រៀបចំចិញ្ចើមផ្លូវ ផ្លូវថ្មើរជើង និងផ្លូវជិះកង់ រីឯនៅសងខាងផ្លូវធំមានដាក់ប្រព័ន្ធលូធំៗឡើងវិញ មានការរៀបចំសួនច្បារ និងដាំដើមឈើធំៗជាច្រើន រួមទាំងដាំដើមផ្កា។ បន្ទាប់ពីចាក់បេតុងរួចរាល់មហាវិថី ឈ្នះ ឈ្នះ ត្រូវបានអ៊ុតកៅស៊ូបន្ថែម ដើម្បីឲ្យផ្លូវមានភាពងាយស្រួលដល់ការធ្វើដំណើរ និងមានតុបតែងភ្លើងពណ៌បន្ថែមទៀត ដើម្បីឲ្យមានសោភ័ណភាពសាកសមជាទីតាំងដែលប្រារព្ធព្រឹត្តិការណ៍កីឡាដ៏ធំនាពេលខាងមុខ ហើយការដ្ឋានពេលនេះសម្រេចបានប្រមាណជិត៩០ភាគរយហើយ។មន្ត្រីបានបន្ថែមថា ជាមួយគ្នានេះផងដែរ រដ្ឋបាលរាជធានីភ្នំពេញក៏បានស្ថាបនាផ្លូវថ្មីទាំងស្រុងចំនួន ២ខ្សែទៀត ដើម្បីសម្រួលដល់ការធ្វើចរាចរណ៍ទូទៅផង និងការធ្វើដំណើរក្នុងព្រឹត្តិការណ៍កីឡាស៊ីហ្គេម និងអាស៊ានប៉ារ៉ាហ្គេមផងដែរ។ ផ្លូវថ្មីទាំង២ខ្សែនេះ គឺស្ថាបនាស្របតាមទន្លេសាបផ្នែកខាងកើត បែកខ្នែងជា២ផ្នែកឆ្ពោះឡើងមហាវិថី ឈ្នះ ឈ្នះ គឺខ្សែទី១ផ្លូវស្របមាត់ទន្លេ ចាប់ពីផ្លូវជាតិលេខ៦ ដល់មហាវិថី ឈ្នះ ឈ្នះ មានទទឹងផ្លូវ២០ម៉ែត្រ ប្រវែងជាង៨គីឡូម៉ែត្រ ដែលសម្រេចការសាងសង់បាន១០០ភាគរយទាំងការងារធ្វើផ្លូវបេតុង ដាក់លូ របាពុះចែកទ្រូងផ្លូវ និងបំពាក់ភ្លើងបំភ្លឺសាធារណៈ។ ខ្សែផ្លូវទី២ គឺចាប់ពីផ្លូវសម្តេច ជា ស៊ីម ជ្រោយចង្វារ ដល់មហាវិថី ឈ្នះ ឈ្នះ មានទទឹងផ្លូវ២០ម៉ែត្រ ប្រវែងជាង៥គីឡូម៉ែត្រ ដោយសម្រេចការសាងសង់បានជិត៩០ភាគរយហើយ ។បន្ទាប់ពីស្ថាបនាកែលម្អផ្លូវទាំង៤ខ្សែនេះរួច មន្ត្រីជំនាញបានអំពាវនាវឲ្យប្រជាពលរដ្ឋជួយថែរក្សាការ៉ឺឡាថ្មើរជើង ដោយកុំដាក់តាំងលក់ឥវ៉ាន់ ការចតយានយន្តជាដើមលើការឺឡា ដែលធ្វើឲ្យប៉ះពាល់ដល់អ្នកដំណើរថ្មើជើង និងសោភណ្ឌភាព៕ អត្ថបទ៖ ប្រាក់ វ៉ាន់ដា

សម្តេចតេជោ ហ៊ុន សែន អនុញ្ញាតឱ្យទូតថ្មីរបស់ជប៉ុន ចូលជួបសម្តែងការគួរសម និងពិភាក្សាការងារ

2023/02/08 04:52:00 pm        292
Facebook Telegram Linkin
ភ្នំពេញ៖ នាព្រឹកថ្ងៃទី៨ ខែកុម្ភៈ ឆ្នាំ២០២៣ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានអនុញ្ញាតឱ្យឯកឧត្តម UENO Atsushi ឯកអគ្គរាជទូតជប៉ុន តែងតាំងថ្មីប្រចាំព្រះរាជាណាចក្រកម្ពុជា ចូលជួបសំដែងការគួរសម និងពិភាក្សាការងារ នៅវិមានសន្តិភាពទីស្តីការនាយករដ្ឋមន្ត្រី។

អ្នកស្លាប់​ដោយសារ​ការរញ្ជួយ​ដី​នៅ​ទួរគី​ និង​ស៊ី​រី​កើនឡើង​ជិត ​៨​ពាន់​នាក់ ​ខណៈ​ក្រុម​អុ្នក​សង្គ្រោះ​ប្រឈម​អាកាសធាតុ​ត្រជាក់

2023/02/08 03:05:30 pm        355
Facebook Telegram Linkin
ស៊ីរី៖ ក្រុម​អ្នក​សង្គ្រោះ​នៅក្នុង​ប្រទេស​ទួរគី និង​ស៊ី​រី​បាន​តស៊ូ​ទប់ទល់​អាកាសធាតុ​ត្រជាក់​ខ្លាំង​កាល​ពី​ថ្ងៃ​អង្គារ ប្រជែង​ពេលវេលា​ដើម្បី​ស្វែងរក​អ្នក​នៅ​រស់​រាន​មាន​ជីវិត ​ក្រោម​អគារ​ដែល​បាក់​រលំ​រាប​ដល់​ដី​ដោយសារតែ​ការ​រញ្ជួយ​ដី ​ដែល​បាន​សម្លាប់​មនុស្ស​ជាង ​៧.៨០០​នាក់​។​ការរញ្ជួយ​ដែល​បាន​បង្ក​ការ​រង​ទុក្ខ​កាន់​តែខ្លាំង​លើ​តំបន់​ព្រំដែន ដែល​ត្រូវ​បាន​ញាំញី​ដោយ​ជម្លោះ​រួច​ទៅ​ហើយ​ បាន​បណ្ដាល​ឲ្យ​មនុស្ស​ចេញទៅ​អាំងភ្លើង​នៅ​លើ​គំនរ​ថ្ម​ដែល​កំពុង​ឆេះ ដើម្បី​ព្យាយាម​កំដៅ​ខ្លួន​ក្នុង​ពេល​រងា​ខ្លាំង ខណៈ​ជំនួយ​អន្តរជាតិ​បាន​ចាប់ផ្ដើម​ទៅដល់​បណ្ដើរៗ​។ ​អ្នក​នៅ​រស់​រាន​មានជីវិត​ត្រូវ​បាន​រកឃើញ​ជា​បន្តបន្ទាប់ រួមទាំង​ទារិកា​ទើប​កើត​ម្នាក់​ត្រូវបាន​យកចេញ​ពី​គំនរ​ថ្ម​ ទាំង​នៅមាន​ជីវិត​នៅក្នុង​ប្រទេស​ស៊ី​រី ចំណែកឯ​ម្ដាយ និង​ក្រុម​គ្រួសារ​ទាំងអស់​របស់​គេ​បាន​ស្លាប់​ក្នុងការ​រញ្ជួយ​ដី​ក្នុង​ទីក្រុង Jindayris ​ដែល​គ្រប់គ្រង​ដោយ​ក្រុម​ឧទ្ទាម​កាលពី​ថ្ងៃ​ចន្ទ​។​ការ​រញ្ជួយ​ដី​កម្រិត ៧.៨​រ៉ិ​ច​ទ័​រ​ដែល​បាន​វាយប្រហារ​កាលពី​ថ្ងៃ​ចន្ទ​ ស្រប​ពេល​មនុស្ស​កំពុង​លង់លក់​ក្នុង​ដំណេក បាន​ផ្ដួលរំលំ​សំណង់​អគារ​រាប់ពាន់​បាក់​រាប​ដល់​ដី និង​មនុស្ស​ជាច្រើន​ដែល​គេ​ពុំ​បាន​ដឹង​ច្បាស់​កំពុង​ជាប់​ក្នុង​គំនរ​កម្ទេច​ថ្ម និង​ប៉ះពាល់​យ៉ាងខ្លាំង​ដល់​មនុស្ស​រាប់​លាន​នាក់​។ ​ការ​បំផ្លិច​បំផ្លាញ​ដ៏​មហាសាល​នេះ​កាលពី​ថ្ងៃ​អង្គារ ​បាន​ជំរុញ​ឲ្យ​លោក​ប្រធានាធិបតី​ទួរគី Recep Tayyip Erdogan ប្រកាស​ដាក់​រដ្ឋ​ក្នុង​គ្រាអាសន្ន​រយៈពេល​ ៣​ខែ​នៅ​ក្នុង​ខេត្ត​ចំនួន​១០​ នៅ​ភាគ​អាគ្នេយ៍​។ ​ទិន្នន័យ​ចុងក្រោយ​បង្ហាញ​ថា ​អ្នក​ស្លាប់​សរុប​នៅ​ទួរគី​ឡើង​ដល់ ​៥.៨៩៤​នាក់ និង​នៅ​ស៊ី​រី​មាន​ចំនួន ១.៩៣២​នាក់​ ដែល​ធ្វើ​ឲ្យ​ចំនួន​អ្នក​ស្លាប់​សរុប​ក្នុង​ប្រទេស​ទាំង​២​ ឡើង​ដល់ ​៧.៨២៦​នាក់​៕ អត្ថបទ៖ សុខមាន

ឯកឧត្តម ប្រាក់ សុខុន៖ «សហគមន៍អាស៊ាននឹងបន្តដើរតួនាទីដ៏សំខាន់ក្នុងនិមាបនកម្មតំបន់និងសកល»

2023/02/07 10:00:29 pm        461
Facebook Telegram Linkin
ភ្នំពេញ៖ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិថ្លែង តទៅមុខសហគមន៍អាស៊ាននឹងបន្តដើរតួនាទីដ៏សំខាន់ ក្នុងនិមាបនកម្មតំបន់ និងសកល ដែលមានកាលានុវត្តភាពផ្នែកសេដ្ឋកិច្ចច្រើនដែលបាន និងបន្តកើតឡើង ពីកិច្ចព្រមព្រៀងពាណិជ្ជកម្មសេរី ក្នុងចំណោមប្រទេសជាសមាជិកអាស៊ាន, រវាងអាស៊ាន និងដៃគូសន្ទនា, កិច្ចព្រមព្រៀង RCEP ព្រមទាំងកិច្ចព្រមព្រៀងពាណិជ្ជកម្ម​សេរីរវាង​កម្ពុជា និងចិន និងកម្ពុជា និងសាធារណរដ្ឋកូរ៉េ។ឯកឧត្តម ប្រាក់ សុខុន បានបញ្ជាក់បែបនេះ ក្នុងសិក្ខាសាលាស្តីពី «វឌ្ឍនភាពការងារការទូត​សេដ្ឋកិច្ច​ឆ្នាំ២០២១-២០២៣» នាថ្ងៃទី៧ ខែកុម្ភៈ ឆ្នាំ២០២៣នេះនៅសណ្ឋាគារ Hyatt Regency រាជធានីភ្នំពេញ។ឯកឧត្ដម ថ្លែងថា ក្នុងរយៈកាល៥ឆ្នាំ ចុងក្រោយមកនេះ ស្ថានភាពតំបន់ និងអន្តរជាតិ រួមទាំង​ក្នុងតំបន់អាស៊ី-ប៉ាស៊ីហ្វិក បានបន្តវិវត្តយ៉ាងជ្រាលជ្រៅ ឆាប់រហ័ស​ ពិបាកប៉ាន់ស្មាន និងប្រកប​ដោយគ្រោះថ្នាក់ ដោយសារតែការកើនឡើងនៃការប្រកួតប្រជែងយ៉ាងស្រួចស្រាល់ រវាង​ប្រទេសមហាអំណាច​ ការផ្លាស់ប្តូរតុល្យភាពកម្លាំង (Balance of Power) ​អស្ថិរភាព​សេដ្ឋកិច្ច និងសង្គម រួមទាំងការផ្លាស់ប្តូរនូវនយោបាយការបរទេសរបស់ប្រទេសអំណាចមធ្យម និងប្រទេសតូចៗ​ ដើម្បីឆ្លើយតបទៅនឹងការប្រែប្រួលទាំងនេះ។ ឯកឧត្តម បន្តថា តំបន់អាស៊ី-ប៉ាស៊ីហ្វិក បានក្លាយជាសង្វៀនដណ្តើមឧត្តមភាព និងផលប្រយោជន៍​របស់មហាអំណាចធំ​ និងមធ្យម និងជាទីតាំងនៃភាពតានតឹងជាច្រើន ដោយសារតែសារៈសំខាន់​នៃតំបន់នេះ ទាំងផ្នែកសេដ្ឋកិច្ច​ ពាណិជ្ជកម្ម ការតភ្ជាប់​ ពិសេសខាងផ្លូវសមុទ្រ យុទ្ធសាស្ត្រ និងនយោបាយ។ ចិន ឥណ្ឌា ជប៉ុន និងសហគមន៍អាស៊ាន នឹងបន្តរីកចម្រើន លូតលាស់ ព្រមទាំង​បង្កើនទំងន់ និងសារៈសំខាន់ខាងនយោបាយ ​សេដ្ឋកិច្ច និងយោធា។ ឯកឧត្ដមបញ្ជាក់ថា៖«ទំនាក់ទំនងល្អខាងផ្នែកសេដ្ឋកិច្ច ពាណិជ្ជកម្ម និងវិនិយោគ មិនត្រឹម​តែរួមចំណែក​ដល់ការអភិវឌ្ឍសេដ្ឋកិច្ច-សង្គម​ ក្នុងស្រុកយើងប៉ុណ្ណោះទេ ប៉ុន្តែថែមទាំង​បង្ខិតប្រទេសយើងជាមួយប្រទេសដៃគូឱ្យកាន់តែជិតស្និទ្ធ ​ខាងផ្នែកនយោបាយទៀតផង។ យុទ្ធសាស្ត្រការទូតសេដ្ឋកិច្ច ​ដែលត្រូវបានប្រកាសឱ្យប្រើនៅដើមឆ្នាំ២០២១ នឹងរួមចំណែក​យ៉ាងសំខាន់ក្នុងការសម្រេចគោលដៅខាងលើនេះ ​ដោយជំរុញការទាក់ទាញវិនិយោគ ស្វែងរក​ទីផ្សារសំរាប់ផលិតផល និងគាំទ្រដល់ឧស្សាហកម្មនាំចេញ លើកស្ទួយវិស័យទេសចរណ៍ និងវប្បធម៌ខ្មែរ ​ដោយផ្អែកលើប្រៀបខ្លាំងនៃសក្តានុពលសេដ្ឋកិច្ច និង​បេតិកភណ្ឌ​ប្រវត្តិសាស្ត្រសម័យ​អង្គររបស់យើង៕ អត្ថបទ៖ វ៉ន ដារ៉ា

បណ្ដាញសង្គម

ព័ត៌មានថ្មីៗ

អង្គការគ្រូពេទ្យគ្មានព្រំដែនថ្កោលទោសអ៊ីស្រាអែលចំពោះការបិទសំណុំរឿងការសម្លាប់បុគ្គលិកខ្លួននៅហ្កាហ្សាដោយគ្មានការស៊ើបអង្កេតព្រហ្មទណ្ឌ
08/21/2026 11:08 AM
Facebook Telegram Linkin
មនុស្ស ៥០ នាក់បានស្លាប់ ភាគច្រើនជាកុមារ ខណៈទូកដឹកលើសទម្ងន់ក្រឡាប់លិចនៅប្រទេសនីហ្សេរីយ៉ា
08/21/2026 10:08 AM
Facebook Telegram Linkin
អ្នកវិភាគ៖ ចិនមិនទំនងជាកាត់បន្ថយការនាំចូលប្រេងអ៊ីរ៉ង់ដល់ចំណុចសូន្យទេ ទោះបីជាមានហានិភ័យទណ្ឌកម្មក៏ដោយ
08/21/2026 10:08 AM
Facebook Telegram Linkin
ក្រុមហ៊ូទី កំណត់គោលដៅលើអាកាសយានដ្ឋានអារ៉ាប៊ីសាអ៊ូឌីត និងទីតាំងក្រុមហ៊ុនប្រេងAramco
08/21/2026 10:08 AM
Facebook Telegram Linkin
អ៊ុយក្រែន រិះគន់ការបរាជ័យពីសម្ព័ន្ធមិត្តក្នុងការបំពេញស្តុកមីស៊ីលការពារដែនអាកាសរបស់ខ្លួនក្រោយមីស៊ីលរុស្ស៊ីសម្លាប់មនុស្សជិត២០នាក់
08/21/2026 10:08 AM
Facebook Telegram Linkin
មេដឹកនាំសំខាន់ៗនៅអឺរ៉ុប ទាមទារឱ្យអ៊ីស្រាអែលបញ្ឈប់គម្រោងតាំងទីលំនៅឋាននៅតំបន់ West Bank
08/21/2026 10:08 AM
Facebook Telegram Linkin
ពាក់ព័ន្ធបទល្មើស Online Scams ៖ ACU នាំខ្លួនមន្រ្តីក្រសួងការបរទេសម្នាក់ និងបក្ខពួកទៅសួរចម្លើយ
08/21/2026 10:08 AM
Facebook Telegram Linkin
ព្រះមហាក្សត្រកោតស្ញប់ស្ញែងចំពោះវីរភាពវីរយុទ្ធជនកម្ពុជាគ្រប់រូបដែលបានប្រយុទ្ធតស៊ូយ៉ាងខ្លាំងក្លា អង់អាច ដើម្បីបុព្វហេតុការពារជាតិ ការពារទឹកដី និងការពារប្រជាជន
08/21/2026 10:08 AM
Facebook Telegram Linkin
ព្រះមហាក្សត្រ៖ «វិមានព្រឹទ្ធសភាថ្មី» គឺជានិមិត្តរូបនៃការតភ្ជាប់មោទនភាពបច្ចុប្បន្នទៅនឹងភាពថ្កុំថ្កើងរបស់មហាអាណាចក្រខ្មែរនាពេលអតីតកាល
08/21/2026 10:08 AM
Facebook Telegram Linkin
ក្រុមអ្នកសម្របសម្រួលហ្កាហ្សា៖ការវាយប្រហាររបស់អ៊ីស្រាអែលធ្វើឱ្យខូចកិច្ចប្រឹងប្រែងបញ្ចប់ជម្លោះនៅដំណាក់កាលដ៏សំខាន់
08/21/2026 09:08 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.