នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

សម្តេចតេជោ ហ៊ុន សែន​ អញ្ជើញដឹកនាំប្រជុំពេញអង្គគណៈរដ្ឋមន្ត្រី

2023/01/13 04:03:51 pm        779
Facebook Telegram Linkin
ភ្នំពេញ៖​​ នៅព្រឹកថ្ងៃទី១៣ ខែមករា ឆ្នាំ២០២៣នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានដឹកនាំប្រជុំពេញអង្គគណៈរដ្ឋមន្ត្រី ដើម្បីពិភាក្សា និងឆ្លងរបៀបវារៈសំខាន់ៗមួយចំនួន ៖១- សេចក្តីព្រាងច្បាប់ស្តីពីប្រព័ន្ធហិរញ្ញវត្ថុសាធារណៈ ២- សេចក្តីព្រាងច្បាប់ស្តីពីការគ្រប់គ្រងទឹកស្អាត៣-សេចក្តីព្រាងគោលនយោបាយគ្រប់គ្រង និងប្រើប្រាស់ដីធ្លី ដើម្បីអភិវឌ្ឍខេត្តព្រះសីហនុ ទៅជាតំបន់សេដ្ឋកិច្ចពិសេសគំរូពហុបំណង ឆ្នាំ២០២២-២០៣៨៤- សេចក្តីព្រាងគោលនយោបាយជាតិស្តីពីស្វាយចន្ទី ឆ្នាំ២០២២-២០២៧៥-បញ្ហាផ្សេងៗ៕សេចក្តីព្រាងច្បាប់ស្តីពី “ប្រព័ន្ធហិរញ្ញវត្ថុសាធារណៈ (ថ្មី)”ដែលមានខ្លឹមសារសង្ខេបដូចខាងក្រោម៖- សាវបានច្បាប់ស្តីពីប្រព័ន្ធហិរញ្ញវត្ថុសាធារណៈដំបូងរបស់កម្ពុជា ត្រូវបានប្រកាសឱ្យប្រើនៅឆ្នាំ១៩៩៣ ដើម្បីរៀបចំឱ្យមានជាក្របខណ្ឌគតិយុត្តសម្រាប់របបគ្រប់គ្រងប្រព័ន្ធហិរញ្ញវត្ថុ ដែលផ្តោតជាសំខាន់លើប្រព័ន្ធថវិកាផ្អែកលើធាតុចូល ។ នៅឆ្នាំ២០០៤ បានប្រកាសដាក់ឱ្យអនុវត្តជាផ្លូវការនូវ “កម្មវិធីកែទម្រង់ ការគ្រប់គ្រងហិរញ្ញវត្ថុសាធារណ” ដោយមានគោលដៅផ្លាស់ប្តូរប្រព័ន្ធថវិកាផ្អែកលើធាតុចូល និងមជ្ឈការ ឆ្ពោះទៅប្រព័ន្ធថវិកាផ្អែកលើសមិទ្ធកម្ម និងវិមជ្ឈការ ពោលគឺសំដៅប្រែក្លាយជាជំហានៗនូវប្រព័ន្ធគ្រប់គ្រងហិរញ្ញវត្ថុសាធារណៈកម្ពុជា ឱ្យទៅជាប្រព័ន្ធមួយស្របតាមបទដ្ឋាននិងឧត្តមានុវត្តអន្តរជាតិ។- គោលបំណងនៃសេចក្តីព្រាងច្បាប់សេចក្តីព្រាងច្បាប់ស្តីពីប្រព័ន្ធហិរញ្ញវត្ថុសាធារណៈ(ថ្មី) ត្រូវបានរៀបចំក្នុងគោលបំណងដើម្បីកសាងក្របខណ្ឌគតិយុត្តគោល និងចាំបាច់សម្រាប់ការអនុវត្តប្រព័ន្ធថវិកាព័ត៌មានសមិទ្ធកម្ម ឬហៅកាត់ ថា “ថវិកាសមិទ្ធកម្ម” ដែលជាម៉ូដែលសមស្របសម្រាប់កម្ពុជា ស្របតាមយុទ្ធសាស្រ្តនៃការកែទម្រង់ប្រព័ន្ធ ថវិកាឆ្នាំ២០១៨-២០២៥ ដែលជាស្នូលនៃការកែទម្រង់ការគ្រប់គ្រងហិរញ្ញវត្ថុសាធារណៈ។លើសពីនេះ ភាពជឿទុកចិត្តថវិកា គណនេយ្យភាពហិរញ្ញវត្ថុ ការផ្សារភ្ជាប់ថវិកាទៅនឹងគោលនយោបាយ និង គណនេយ្យសមិទ្ធកម្ម ដែលសសរស្តមទាំង៤ នៃការគ្រប់គ្រងហិរញ្ញវត្ថុសាធារណៈ ត្រូវបានគិតគូរបញ្ចល គ្រប់ជ្រុងជ្រាយ សំដៅធានាប្រសិទ្ធភាព និងចីរភាពនៃការគ្រប់គ្រងហិរញ្ញវត្ថុសាធារណៈ ក៏ដូចជាការ ទ្រទ្រង់ស្ថិរភាពម៉ាក្រូសេដ្ឋកិច្ច កំណើនសេដ្ឋកិច្ច និងសមធម៌សង្គម។- ដំណើរការនៃការរៀបចំសេចក្តីព្រាងច្បាប់សេចក្តីព្រាងច្បាប់ស្តីពីប្រព័ន្ធហិរញ្ញវត្ថុសាធារណៈ(ថ្មី) ធ្វើឡើងដោយស្របតាមយុទ្ធសាស្រ្តនៃការ កែទម្រង់ប្រព័ន្ធថវិកាឆ្នាំ២០១៨-២០២៥ ដែលបានកំណត់យកម៉ូដែល “ប្រព័ន្ធថវិកាព័ត៌មានសមិទ្ធកម្ម” ដែលជាប្រព័ន្ធសមស្របសម្រាប់កម្ពុជា បន្ទាប់ពីថ្នាក់ដឹកនាំ និងមន្រ្តីជំនាញជាន់ខ្ពស់នៃក្រសួងសេដ្ឋកិច្ច។

អាជ្ញាធរស្រុកសាមគ្គីមានជ័យ បានជម្លៀសប្រជាពលរដ្ឋចំនួន៨២គ្រួសារ ចេញជំនន់ទឹកភ្លៀងធ្លាក់ពីអាងអន្លង់ជ្រៃ

2023/01/13 03:57:00 pm        156
Facebook Telegram Linkin
កំពង់ឆ្នាំង៖ នៅយប់ថ្ងៃទី១៣ ខែមករា ឆ្នាំ២០២៣នេះ កំណាត់ផ្លូវជាតិលេខ៥ ចំណុចស្ទឹងក្រាំងពន្លៃ ព្រំប្រទល់ស្រុកឧត្តុង្គ និងស្រុកសាមគ្គីមានជ័យ បានរងការជន់លិចផ្លូវសារជាថ្មីដោយសារជំនន់ទឹកភ្លៀងដែលហូរធ្លាក់ពីអាងស្តុកទឹកអន្លង់ជ្រៃ ស្រុកសាមគ្គីមានជ័យ។ មកដល់ពេលនេះ ស្ថានភាពទឹកនៅជន់លិចនៅឡើយ។ តាមការបញ្ជាក់ពីលោក ឈួន ចាន់ណា អភិបាលស្រុកសាមគ្គីមានជ័យ អោយដឹងថា ផលប៉ះពាល់វិញ គឺបានប៉ះទៅលើឃុំឈានឡើង ស្រុកសាមគ្គីមានជ័យ ត្រូវជម្លៀសប្រជាពលរដ្ឋ៦២គ្រួសារ ឃុំពាម ស្រុកសាមគ្គីមានជ័យ ជម្លៀសព្រះសង្ឃវត្តតាំងខ្មៅ ឃុំស្វាយជុក ស្រុកសាមគ្គីមានជ័យ ១៩គ្រួសារ និងវត្តរលាំងមាស ឃុំត្បែងខ្ពស់ និងឃុំស្វាយ ស្រុកសាមគ្គីមានជ័យក៏ទឹកកំពុងជន់លិចផងដែរ៕

ACU បើកការស៊ើបអង្កេតករណីលោក គង់ គាំ បន្លំឯកសារយកកម្មសិទ្ធិក្រសួងការបរទេស

2023/01/12 11:31:58 pm        480
Facebook Telegram Linkin
ភ្នំពេញ៖ បន្ទាប់ពីទទួលបានបទបញ្ជាពីសម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ​នៅថ្ងៃទី១២ ខែមករានេះ អង្គភាពប្រឆាំងអំពើពុករលួយ (ACU) បាន​បើកដំណើរការស៊ើបអង្កេតករណី លោក គង់ គាំ ​ដែលបានធ្វើឯកសារបន្លំយកដី និងផ្ទះ ដែលជា​កម្មសិទ្ធិរបស់ក្រសួងការបរទេស ធ្វើជាកម្មសិទ្ធិឯកជន ។ឯកឧត្តម សយ ច័ន្ទវិចិត្រ អ្នកនាំពាក្យអង្គភាពប្រឆាំងអំពើពុករលួយ ​បានប្រាប់BTV នៅព្រឹកថ្ងៃទី ១២ ខែមករានេះថា ​នៅពេលនេះ​ អង្គភាពប្រឆាំងអំពើពុករលួយ បាននឹងកំពុងធ្វើការងារ​ស៊ើប​អង្កេតលើ ​ករណីសំណុំរឿងរបស់លោក គង់ គាំ ​ជុំវិញភាពមិនប្រក្រតីនានា នៃការលួចបន្លំធ្វើបណ្ណ​សម្គាល់សិទ្ធិកម្ម សិទ្ធិ លើដី និងផ្ទះ ដែលជាកម្មសិទ្ធិរបស់ក្រសួងការបរទេស ។តាមការបញ្ជាក់ពីឯកឧត្តម ឱម យិនទៀង ប្រធានអង្គភាពប្រឆាំងអំពើពុករលួយ ​មកដល់ពេលនេះ អង្គភាព ​បានរៀបចំក្រុមការងារមួយហើយ ដើម្បីស៊ើបអង្កេតស្រាវជ្រាវករណីនេះ ៕អត្ថបទ៖ ស៊ុម សុខជា

សម្តេចតេជោ៖ សំឡេងបណ្តាប្រទេសខាងត្បូងលេចឡើងក្នុងឆ្នាំនេះ រួមគ្នាដោះស្រាយបញ្ហាប្រឈម

2023/01/12 09:06:42 pm        732
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានបង្ហាញនូវការរីករាយ​និងគាំទ្រ​ចំពោះ​ការ​ផ្ដួចផ្ដើម​ឡើង​ដោយ​នាយករដ្ឋមន្ត្រីឥណ្ឌាឱ្យមានកិច្ចប្រជុំកំពូលស្តីពី​សំឡេង​នៃ​បណ្ដា​ប្រទេស​ខាងត្បូង ដោយ​សម្តេចថា សំឡេងនេះបានលេចឡើងនៅក្នុងឆ្នាំ២០២៣ និងតទៅ​មុខទៀត ដើម្បីយើងរួមគ្នាដោះស្រាយបញ្ហាប្រឈមជាសកល​ដែលកំពុងកើតមានជាច្រើន។តាមរយៈប្រព័ន្ធវីដេអូពីភូមិគ្រឹះក្រុងតាខ្មៅ នាព្រឹកថ្ងៃទី១២ ខែមករា ជាមួយនឹងសេចក្ដីសោមនស្ស​ដែល​បានចូលរួមក្នុងកិច្ចប្រជុំកំពូល​ស្តីពី​សម្លេង​បណ្តា​ប្រទេស​ខាងត្បូង​ដែលជាវេទិកា​ដ៏មាន​សារៈសំខាន់​សម្រាប់ការពិភាក្សា និងចែករំលែកទស្សនៈអំពីបញ្ហានិងកាលានុវត្តភាព​សំដៅ​ស្វែងរក​ដំណោះស្រាយក្នុងការកសាងអនាគតប្រកប​ដោយវិបុលភាព​ សម្តេចក៏បានអគុណ​ដល់​នាយករដ្ឋ​មន្ត្រី​ឥណ្ឌាដែល​បាន​អញ្ជើញសម្ដេចចូលរួមនៅក្នុងវេទិកា​ដែល​មានសារៈសំខាន់នេះ​ហើយ​ក៏បានអបអរ សាទរចំពោះឯកឧត្តមនាយករដ្ឋមន្ត្រីឥណ្ឌាក្នុងឋានៈជាប្រធាន G២០ ផងដែរ ហើយសម្ដេចថា សំឡេងនៃបណ្ដាប្រទេសខាងត្បូងត្រូវបានលេចឡើងនៅក្នុងឆ្នាំ ២០២៣​និង​តទៅមុខទៀត ដោយសម្តេចបញ្ជាក់ថា ប្រទេសខាងត្បូងយើងនេះ​គឺជាជនរងគ្រោះ មិនមែន​ជាអ្នកបង្កទេ ហើយ​បច្ចុប្បន្នបញ្ហា​បាន​ក្តៅគគុក​ជាមួយ​នឹង​និន្នាការ​អវិជ្ជមាន​ដែលបានកើត​មានជាច្រើន រាប់ទាំងបញ្ហាសង្ក្រាមរុស្ស៊ី និងអ៊ុយក្រែន។សម្តេចបន្តថា ជាមួយបញ្ហាប្រឈមខាងលើ កិច្ចការអទិភាពរបស់យើង​ដើម្បីកសាងអនាគត​ប្រកប​ដោយវិបុលភាពគឺការស្ដារនិងជំរុញចលនាសកម្មភាពសេដ្ឋកិច្ច និងពាណិជ្ជកម្មអន្តរជាតិ​ឲ្យមានភាព​រលូននិងរស់រវើកឡើងវិញតាមរយៈការពន្លឿនការធ្វើសមាហរណកម្ម និង​ការតភ្ជាប់​ច្រវ៉ាក់ផ្គត់ផ្គង់​ការពង្រឹងប្រព័ន្ធពាណិជ្ជកម្មពហុប៉ូល និងពហុភាគីនិយម ​និងពន្លឿនការធ្វើបដិវត្តន៍ឌីជីថល​ដែល​ជា​ប្រភពកំណើតថ្មីប្រកបដោយថាមពល។ក្នុងស្មារតីនេះ សម្ដេចបញ្ជាក់ថា ​ការពង្រឹងកិច្ចសហប្រតិបត្តិការឲ្យកាន់​តែស៊ីជម្រៅពេញ​លេញរវាង​ប្រទេសខាងត្បូងប្រទេសដៃគូនិងប្រទេសអភិវឌ្ឍន៍ទាំងក្នុងក្របខណ្ឌតំបន់​និងក្រៅតំបន់​ព្រមទាំង​ស្ថាប័នអន្តរជាតិនានា​គឺជាយន្តការដ៏ចាំបាច់ដើម្បីស្វែងរក​យុទ្ធសាស្ត្រឈ្នះឈ្នះ​និង​ទាញប្រយោជន៍​ជា​អតិបរមាពីការវិវត្តនៃសង្គមសេដ្ឋកិច្ចថ្មីៗផងដែរ។ សម្ដេចថា ខណៈនិន្នាការ​ពហុប៉ូល​និងការបែងចែកប្លុកកំពុង​លេច​ឡើងកាន់​តែច្បាស់ ការ​គោរព​ឯករាជ្យ អធិបតេយ្យនិងសិទ្ធិស្វ័យសម្រេចក្នុងការជ្រើសរើស​សម្រាប់ការអភិវឌ្ឍរបស់ប្រទេស​នីមួយៗ​ជាកិច្ចការដែលយើងទាំងអស់គ្នាជាប្រទេសកំពុង​អភិវឌ្ឍន៍​ត្រូវបន្តប្រកាន់ជំហ។ទន្ទឹមនេះយើងទាំងអស់គ្នាត្រូវបន្តជំរុញយន្តការពហុភាគីនិយម​ និងវប្បធម៌សន្ទនាក្នុងការ​ដោះ​ស្រាយ​បញ្ហាប្រឈមនានាសំដៅទប់ស្កាត់ការបែងចែកសេដ្ឋកិច្ច​និងប្លុកពាណិជ្ជកម្មព្រមទាំង​បញ្ជៀស​នូវការប៉ះទង្គិចយោធាណាមួយដែលអាចកើតឡើងជាយថាហេតុដើម្បីថែរក្សាសន្តិភាព សន្តិសុខ​និងស្ថេរភាពតំបន់ ​ហើយផ្ដោត​លើការអភិវឌ្ឍ​ប្រព័ន្ធសុខាភិបាល ការលើកកម្ពស់សេវា​សុខភាព​សាធារណៈ​និង​ការគាំពារ​សង្គមពិតជាមានសារៈសំខាន់​ដើម្បីត្រៀមទប់ទល់ការ​ប៉ះទង្គិច​ផ្សេងៗ​ទៀតនាពេលអនាគត។អនុវត្តធនធានមនុស្សនិងផ្ដោតលើកាលានុវត្តភាពនៃបម្រែបម្រួលវិទ្យាសាស្ត្រ ​តម្រូវការទីផ្សារ​ការងារ ​និងការអភិវឌ្ឍ ​ខណៈបច្ចេកវិទ្យាឌីជីថលបានក្លាយ​ជាកម្លាំងចលករនិងរឹងមាំ​ក្នុងការ​លើកកម្ពស់ ពិពិធកម្មនិងកំណើនសេដ្ឋកិច្ច ​ពង្រឹងភាពប្រកួតប្រជែងនិងភាពធន់។ទោះជាយ៉ាងណាក្តី ការចាប់យកបច្ចេកវិទ្យាឌីជីថលនៅក្នុងប្រទេសកំពុង​អភិវឌ្ឍន៍នៅតែបន្ត​មានគម្លាត។ ក្នុងថ្ងៃនេះយើងពិតជាមានការចាំបាច់ក្នុងការចែករំលែកនូវបច្ចេកវិទ្យាថ្មីៗ បទ​ពិសោធន៍​និងការបណ្ដុះបណ្ដាល​ក៏ដូចជា​ការ​ទាក់ទាញ​នូវការវិនិយោគការផ្ដល់​ជំនួយ​ហិរញ្ញវត្ថុ​និងបច្ចេកទេសពីប្រទេសអភិវឌ្ឍន៍។សម្តេចថា ការលើកកម្ពស់ ​ការអភិវឌ្ឍ​សេដ្ឋកិច្ចបៃតងក៏ជាផ្នែកមួយមិនអាចខ្វះបានសម្រាប់​ទ្រទ្រង់​កិច្ចអភិវឌ្ឍន៍សង្គមសេដ្ឋកិច្ចប្រកបដោយចីរភាព​តាម​រយៈការ​គាំទ្រ ការពង្រីក ​កិច្ចសហប្រតិបត្តិការ​លើការ​កសាង​ហេដ្ឋារចនាសម្ព័ន្ធបៃតង ​ការជំរុញធ្វើអន្តរកាលថាមពល​និងការប្រើប្រាស់​បច្ចេកវិទ្យា​បៃតងជាដើម៕

អង្គភាពអ្នកនាំពាក្យរាជរដ្ឋាភិបាលបើកកិច្ចប្រជុំពិភាក្សាអំពី «យុទ្ធសាស្រ្តនយោបាយព័ត៌មាន»

2023/01/12 07:57:28 pm        252
Facebook Telegram Linkin
ភ្នំពេញ៖ អង្គភាពអ្នកនាំពាក្យរាជរដ្ឋាភិបាល នៅថ្ងៃទី១២ ខែមករា ឆ្នាំ២០២៣នេះ​បានបើកកិច្ចប្រជុំ​ពិភាក្សា និងផ្សព្វផ្សាយអំពី «យុទ្ធសាស្រ្តនយោបាយព័ត៌មាន» ជាមួយក្រសួង ស្ថាប័ន ថ្នាក់ជារតិ និងង្នាក់ក្រោមជាតិ ពង្រឹងយន្តការ និងគោលការណ៍នយោបាយព័ត៌មានថ្នាក់ក្រោមជាតិ។ កិច្ចប្រជុំពិភាក្សា និងផ្សព្វផ្សាយអំពី «យុទ្ធសាស្រ្តនយោបាយព័ត៌មាន» បានធ្វើឡើងរយៈពេល ១ ថ្ងៃពេញនាថ្ងៃទី១២ ខែមករា ឆ្នាំ២០២៣ ក្រោមអធីបតីភាព ឯកឧត្តម ខៀវ កាញារីទ្ធ ថ្លែង​បើកបើកពិធីនេះ និង សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ធ្វើជាអបតីបិទ។ កិច្ចពិភាក្សានេះ ​ក៏មានការចូលរួមពីមន្រ្ដីនាំពាក្យ តាមបណ្ដាក្រសួង ស្ថាប័ន ថ្នាក់ជាតិ និងថ្នាក់ក្រោមជាតិជាច្រើនរូបផងដែរ។ឯកឧត្តម ផៃ ស៊ីផាន រដ្ឋមន្រ្ដីប្រតិភូអមនាយករដ្ឋមន្រ្ដី និងជាប្រធានអង្គភាពអ្នកនាំពាក្យ​រាជរដ្ឋាភិបាល ថ្លែងក្នុងកិច្ចប្រជុំពិភាក្សានេះថា កិច្ចប្រជុំនេះ​ធ្វើឡើងក្នុងកិច្ចពង្រឹងយន្តការ និង​គោលការណ៍​នយោបាយព័ត៌មានថ្នាក់ក្រោមជាតិ ដើម្បីធ្វើយុទ្ធនាការរួមគ្នាប្រមូល​ផ្ដុំផ្សព្វផ្សាយ​បំផុសឱ្យប្រជាពលរដ្ឋយល់ដឹងកាន់តែច្បាស់នូវ​សមិទ្ធផលដែលជាការប្រឹងប្រែង​របស់​រដ្ឋបាល​រាជធានី-ខេត្ត និងជំរុញការផ្តល់សេវាសាធារណៈឱ្យទៅគៀកផ្ទាល់ជូន​ប្រជាពលរដ្ឋនៅមូលដ្ឋាន​ប្រកបដោយប្រសិទ្ធភាព និងស័ក្តិសិទ្ធភាពផងដែរ៕ អត្ថបទ៖ វ៉ន់ ដារ៉ា 

ទស្សនាការផ្សាយបន្តផ្ទាល់!! សម្ដេចតេជោ ហ៊ុន សែន អញ្ជើញចូលរួមកិច្ចប្រជុំកំពូល ស្ដីពីសំឡេង នៃបណ្ដាប្រទេសខាងត្បូង

2023/01/12 06:38:35 pm        60
Facebook Telegram Linkin
នៅថ្ងៃទី១២ ខែមករា ឆ្នាំ២០២៣នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បាន​អញ្ជើញ​ចូល​រួម​កិច្ច​ប្រជុំកំពូល ស្ដីពីសំឡេង នៃបណ្ដា​ប្រទេស​ខាង​ត្បូង (Voice of South Summit) តាមបែបនិម្មិត​។ បងប្អូនជនរួមជាតិអាចទស្សនាបានលើកញ្ចក់ទូរទស្សន៍ព័ត៌មាន BTV ឬ តាមរយៈផេកផ្លូវការ BTV Cambodia (https://fb.watch/h-ic0Coe4n/)

សម្ដេចតេជោ ហ៊ុន សែន ស្នើ ACU ស្រាវជ្រាវបន្ទាន់ពីភាពមិនប្រក្រតីលើប័ណ្ណកម្មសិទ្ធិដី និងផ្ទះ លោក គង់ គាំ

2023/01/12 03:32:03 pm        414
Facebook Telegram Linkin
ភ្នំពេញ៖ តាមរយៈហ្វេសប៊ុកផ្លូវការនៅព្រឹកថ្ងៃទី១២ ខែមករា ឆ្នាំ២០២៣នេះ សម្ដេចតេជោ ហ៊ុន សែន នាយករដ្ឋមន្ត្រី បានបញ្ជាក់ថា ដើម្បី​ពន្លឿន​ដំណើរ​ការ​ស្វែង​រក​ការ​ពិត​ជុំវិញ​ការ​រៀប​ចំ​ឯកសារ​បន្លំ​យកដី និងផ្ទះរបស់​ក្រសួង​ការ​បរទេស ធ្វើជាកម្មសិទ្ធិឯកជន ដែលប្រព្រឹត្តដោយ គង់ គាំ នៅមុននេះបន្តិច សម្ដេច​បាន​ស្នើ​ទៅ​កាន់​អង្គភាព​ប្រឆាំង​អំពើ​ពុក​រលួយ ដើម្បី​ស្រាវជ្រាវ​ជា​បន្ទាន់​អំពីភា​ព​មិន​ប្រក្រតី​នានា ​នៃការ​លួច​បន្លំ​ធ្វើ​ប័ណ្ណ​សម្គាល់​សិទ្ធិ​​កម្ម​សិទ្ធិ​លើ​ដី​ និង​ផ្ទះ​ដែល​ជា​កម្មសិទ្ធិរបស់ក្រសួងការបរទេស និង​​ចាត់​​វិធាន​ការ​បន្ត​តាម​ផ្លូវ​ច្បាប់ តាមការចាំបាច់ ដោយ​ផ្អែកលើមូលដ្ឋាន នៃ​លទ្ធ​ផល​ដែល​បាន​ស្រាវ​ជ្រាវ​រកឃើញ។ សម្ដេចបន្តថា ដី និងផ្ទះដែល លោក គង់ គាំ រៀបចំឯកសារបន្លំយកនេះ គឺ​ជា​កម្មសិទ្ធិ​រប​ស់​ក្រសួង​ការ​បរទេស ហើយដី និងផ្ទះនេះ នឹងមិនត្រូវបាត់បង់ទៅណាឡើយ ដោយត្រូវយកមកវិញ តាម​គ្រប់​មធ្យោបាយ ដោយអនុវត្តទៅតាមនីតិវិធីច្បាប់ជាធរមាន។

គ.ជ.ប ប្រាប់ពលរដ្ឋឱ្យត្រៀមប្តឹងក្នុងករណីមានភាពមិនប្រក្រតីលើបញ្ជីឈ្មោះបោះឆ្នោតដំបូង

2023/01/11 07:29:34 pm        612
Facebook Telegram Linkin
ភ្នំពេញ៖ ឯកឧត្តម ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានប្រកាសឲ្យ ប្រជាពលរដ្ឋប្តឹងក្នុងករណីមានភាពមិនប្រក្រតីលើបញ្ជីឈ្មោះបោះឆ្នោតដំបូង ដែលនឹងបិទផ្សាយ នៅថ្ងៃទី១៣ ខែមករា នេះ ។បើតាម ឯកឧត្តម ហង្ស ពុទ្ធា បានឲ្យដឹងនៅថ្ងៃទី១១ ខែមករាថា គជ.ប នៅថ្ងៃទី១៣នេះ នឹងធ្វើការបិទ​ផ្សាយបញ្ជីបោះឆ្នោតដំបូង និងបញ្ជីឈ្មោះអ្នកបោះឆ្នោតដែលនឹងត្រូវលុប​ចេញ​ពីបញ្ជីបោះឆ្នោត ដើម្បីឱ្យប្រជាពលរដ្ឋទៅពិនិត្យផ្ទៀងផ្ទាត់ឈ្មោះ និងទិន្នន័យផ្សេងៗរបស់ខ្លួនក្នុង​បញ្ជី​បោះឆ្នោត ព្រមទាំងអាចសុំកែតម្រូវ តាមរយៈការប្តឹងតវ៉ា ឬ ប្តឹងជំទាស់។ ឯកឧត្តម បន្តថា ការប្តឹងតវ៉ាលើបញ្ជីឈ្មោះបោតះឆ្នោតដំបូងមានរយៈពេល១០ថ្ងៃ និងក្នុងគោល​បំណង​ឲ្យប្រជាពលរដ្ឋរូបណាដែលពិនិត្យឃើញទិន្នន័យរបស់ខ្លួនមិនត្រឹម​ត្រូវអាចប្តឹង​ទៅក្រុមប្រឹក្សាឃុំ-សង្កាត់ក្នុងមូលដ្ឋានរបស់ខ្លួន។ទន្ទឹងគ្នានេះ ប្រជាពលរដ្ឋរស់នៅក្នុងរាជធានីភ្នំពេញ លើកឡើងថា ពួកគាត់នឹងទៅពិនិត្យ​បញ្ជី​ឈ្មោះបោះឆ្នោតដំបូង ដើម្បីប្រាកដថាឈ្មោះរបស់ពួកគាត់ត្រឹមត្រូវ និងមានក្នុងបញ្ជីរបស់ គ.ជ.ប។យោងតាមរបាយការណ៍របស់ គ.ជ.ប បង្ហាញថា ចំនួនអ្នកចុះឈ្មោះបោះឆ្នោត ក្នុងបញ្ជីបោះឆ្នោតឆ្នាំ២០២២ ដែលនឹងត្រូវប្រើសម្រាប់ការបោះឆ្នោតជ្រើសតាំងតំណាងរាស្ត្រ នីតិកាលទី៧ នៅថ្ងៃទី២៣ ខែកក្កដា ឆ្នាំ២០២៣ មានជាង៩លាន៧សែននាក់ ខណៈអ្នកដែលនឹងត្រូវលុបឈ្មោះចេញពីបញ្ជីជិត ២៨ម៉ឺននាក់៕អត្ថបទ សេក ឧត្តម 

សម្តេចតេជោ ហ៊ុន សែន សម្រេចលុបចោល ស.ជ.ណ ពាក់ព័ន្ធលោកស្រី សៀង ចាន់ហេង សិន រង់ចាំការសម្រេចពេលក្រោយទៀត

2023/01/11 06:54:53 pm        434
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានសម្រេចលុបចោ ស.ជ.ណ លេខ១៨មយ ចុះថ្ងៃទី៥ ខែមករា ឆ្នាំ ២០២៣ ចាប់ពីម៉ោងនេះតទៅពាក់ព័ន្ធលោកស្រី សៀង ចាន់ហេង។យោងតាមសារសម្តេចតេជោ ហ៊ុន សែន ចេញផ្សាយនៅតាមFacebookផ្លូវការសម្តេចនៅមុននេះបន្តិចថា «១ថ្ងៃនេះ មានការផ្សាយយ៉ាងព្រោងព្រាត នូវ ស.ជ.ណទាក់ទងជាមួយលោកស្រី សៀង ចាន់ហេង តាមសំណើរ របស់សម្តេច ស ខេង និងការសម្រេចរបស់ខ្ញុំ(សម្តេចតេជោ ហ៊ុន សែន )​កាលពីថ្ងៃ២៩ ខែធ្នូ ឆ្នាំ២០២២។ នៅថ្ងៃទី៩ ខែមករា ឆ្នាំ២០២៣ តាមសំណើររបស់លោកស្រី សៀង ចាន់ហេង ខ្ញុំបានប្រគល់ជូនឯកឧត្តម ជា សុផារ៉ា ផ្តល់មតិដែលឯកសារនេះមិនត្រូវបានផ្សព្វផ្សាយទេ។ ដើម្បីបញ្ចប់នូវភាពមិនច្បាស់លាស់ មុនពេលឯកឧត្តមជា សុផារ៉ាផ្តល់មតិ ខ្ញុំសម្រេចលុបចោល ស.ជ.ណ លេខ១៨មយ ចុះថ្ងៃទី៥ ខែមករា ឆ្នាំ២០២៣ ចាប់ពីម៉ោងនេះតទៅ។ ការសម្រេចយ៉ាងណាទៀត នឹងធ្វើក្រោយពេលឯកឧត្តមជា សុផារ៉ាផ្តល់មតិ»៕

សម្តេចតេជោ លើកទឹកចិត្តឱ្យតួគីជំរុញវិនិយោគលើវិស័យកសិកម្មមកកម្ពុជា

2023/01/11 06:11:12 pm        498
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី១១ ខែមករា ឆ្នាំ២០២៣នេះ ក៏បានអនុញ្ញាតឱ្យឯកឧត្តម វ៉ាហ៊ីត គីរីសស៊ី (Vahit Kirisci) រដ្ឋមន្ត្រីក្រសួងកសិកម្ម រុក្ខាប្រមាញ់ តួកគី ចូលជួបសម្តែងការគួរសម និងពិភាក្សាការងារផងដែរ។ក្នុងជំនួបនៅវិមានសន្តិភាពនេះដែរ បើតាមឯឧ អ៊ាង សុផល្លែត ជំនួយការសម្តេចតេជោថា ឯកឧត្តមវ៉ាហ៊ីត បានគោរពពាំនាំនូវការផ្ដាំផ្ញើសួរសុខទុក្ខពី​ឯកឧត្តមប្រធានាធិបតីតួគី​ជូន​ចំពោះ​សម្ដេចតេជោ ហើយក៏បានសូមសំដែងនូវការអបអរសាទរជូនចំពោះ​សម្ដេចតេជោ ចំពោះ​ប្រជាជនកម្ពុជា​ទាំងមូលដែលទទួលបានជោគជ័យយ៉ាងត្រចះត្រចង់អំពីការរៀបចំ​និងដឹកនាំកិច្ច​ប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធកន្លងមក។​ឯកឧត្តម ក៏បានគោរពជម្រាបជូនសម្ដេចតេជោថា៖ ដំណើរទស្សនកិច្ចរបស់ឯកឧត្តមនៅពេលនេះ គឺដើម្បី​ពង្រីក​នូវ​កិច្ចសហប្រតិបត្តិការរវាងប្រទេសទាំងពីរ​លើគ្រប់វិស័យ ជាពិសេសជំរុញការអនុវត្ត​លើកិច្ចសហប្រតិបត្តិការដែលបានចុះហត្ថលេខាកន្លងមក។ឯកឧត្តម បានជម្រាបជូនសម្ដេចតេជោផងដែរថា ប្រទេសទាំងពីរកម្ពុជា តួគី គឺមានសក្តានុពល​យ៉ាង​ច្រើន​ដែលអាចធ្វើកិច្ចសហប្រតិបត្តិការ និងជំរុញទំហំពាណិជ្ជកម្ម​រវាង​ប្រទេស​ទាំង​ពីរ​ឲ្យ​បាន​កើន​ឡើង១ពាន់លានដុល្លារក្នុងមួយឆ្នាំ ​ក្នុងនោះរួមមានវិស័យកសិកម្ម ការកែច្នៃផលិតផល​កសិកម្ម​សម្រាប់ការនាំចេញ​ រួមមានវិស័យវារីវប្បកម្ម វិស័យគ្រឿងយន្តកសិកម្ម ​វិស័យសំណង់វិស័យ វិស័យអាយធី វិស័យកែច្នៃម្ហូបអាហារ និងអាហារ ហាឡាល់ វិស័យអប់រំ ការផ្ដល់អាហារូប​ករណ៍ឲ្យនិស្សិតកម្ពុជាបានទៅបន្តការសិក្សា​នៅប្រទេសតួគី ការហោះហើរត្រង់​ពី​ប្រទេសតួគីមកកម្ពុជា​និងវិស័យជាច្រើនទៀត។ជាការឆ្លើយតប សម្ដេចតេជោ ​បានថ្លែងអំណរគុណចំពោះការផ្ដាំផ្ញើសួរសុខ​ទុក្ខអំ​ពីឯកឧត្តម​ប្រធានាធិបតី តួគី និងបានផ្ដាំផ្ញើសួរសុខទុក្ខចំពោះឯកឧត្តមប្រធានាធិបតីវិញផងដែរ ហើយ​សម្ដេច​ក៏បានថ្លែងអំណរគុណ​ចំពោះការអបអរសាទរ​របស់​ឯកឧត្ដម​ចំពោះជោគជ័យភាពជាម្ចាស់ផ្ទះដែល​កម្ពុជា​បានដឹកនាំកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធបានយ៉ាងជោគជ័យ។សម្តេច ក៏បានលើកទឹកចិត្តឲ្យមានការជំរុញកិច្ច​សហប្រតិបត្តិការលើវិស័យដែល​ជាសក្តានុពលដូច​ដែលឯកឧត្តម​បានលើកឡើងខាងលើហើយក៏បានផ្ដល់​អនុសាសន៍ជូនឯកឧត្តម វ៉ាហ៊ីតថា គប្បី​ណាជំរុញ​ឱ្យមានអ្នកវិនិយោគតួគីមកវិនិយោគនៅប្រទេសកម្ពុជា​តាមរយៈការដាក់ម៉ាស៊ីនកែច្នៃ សង់ឃ្លាំង​ស្តុក​និងរៀបចំបណ្ដាញទិញផលិតផលកសិកម្មពីកសិករកម្ពុជា​យកមកកែច្នៃ ដើម្បីនាំ​ចេញ​ទៅទីផ្សារប្រទេសតួគីផង ​និងទីផ្សារដទៃទៀតផង។សម្តេចថា កម្ពុជាមានវត្ថុធាតុដើមច្រើនដែលរួមមានដូចជាស្វាយចន្ទី ដំឡូង កៅស៊ូ ស្រូវដែលអាច​កែច្នៃ​សម្រាប់ការនាំចេញ ​ហើយជាមួយគ្នានោះដែរ គប្បីណាពិចារណាឱ្យមានកិច្ចព្រមព្រៀង​មិន​មានការយកពន្ធត្រួតគ្នា​ដើម្បី​ជាការសម្រួលនិងលើកទឹក​ចិត្ត​ដល់​វិនិយោគ​រវាង​ប្រទេសទាំងពីរ៕

បណ្ដាញសង្គម

ព័ត៌មានថ្មីៗ

អាកាសយានដ្ឋានTIA រៀបចំពិព័រណ៍«ភូមិខ្ញុំ ផលិតផលខ្ញុំ» ជំរុញ​ផ្សព្វ​ផ្សាយ​អត្ត​សញ្ញាណ​កម្ពុជា​ទៅ​កាន់​ពិភពលោក
08/21/2026 04:08 PM
Facebook Telegram Linkin
ក្រសួងបរិស្ថាន បានពង្រឹងការត្រួតពិនិត្យគុណភាពទឹកសាធារណៈសរុបចំនួន ៧៧ទីតាំង នៅក្នុងខែកក្កដា ឆ្នាំ​​២០២៦
08/21/2026 04:08 PM
Facebook Telegram Linkin
គណៈប្រតិភូកងទ័ពជើងទឹកអង់គ្លេស អញ្ជើញធ្វើទស្សនកិច្ច សម្តែងការគួរសម និងពិភាក្សាការងារនៅកំពង់ផែស្វយ័តក្រុងព្រះសីហនុ
08/21/2026 04:08 PM
Facebook Telegram Linkin
ជនអន្តោប្រវេសន៍ធ្វើដំណើរទៅម៉ិកស៊ិកភាគកណ្តាលនិងភាគខាងជើង បន្ទាប់ពីរង់ចាំការអន្តោប្រវេសន៍ជាច្រើនខែ
08/21/2026 04:08 PM
Facebook Telegram Linkin
និស្សិត NPIC នៃក្រសួងការងារ តំណាងឱ្យកម្ពុជាទៅប្រកួតរ៉ូបូត ABU ROBOCON 2026 នៅលើឆាកអន្តរជាតិ
08/21/2026 04:08 PM
Facebook Telegram Linkin
កងកម្លាំងរដ្ឋាភិបាលយេម៉ែន បើកប្រតិបត្តិការយោធា ៨១លើក ប្រឆាំងគោលដៅរបស់ក្រុមហ៊ូទី ក្នុងរយៈពេល ២៤ម៉ោង
08/21/2026 04:08 PM
Facebook Telegram Linkin
សន្និសីទធនាគារកម្ពុជាលើកទី៥ កំណត់អាទិភាពសម្រាប់ស្ថិរភាព ទំនុកចិត្ត និងកំណើនប្រកបដោយចីរភាព
08/21/2026 04:08 PM
Facebook Telegram Linkin
រដ្ឋមន្ត្រីការពារជាតិចិន និងឥណ្ឌូនេស៊ី ប្តេជ្ញាពង្រឹងកិច្ចសហប្រតិបត្តិការយោធាឲ្យកាន់តែស៊ីជម្រៅ
08/21/2026 04:08 PM
Facebook Telegram Linkin
មនុស្សជាង១០០នាក់ស្លាប់ក្នុងឧបទ្ទវហេតុបាក់អណ្តូងរ៉ែមាសនៅសាធារណរដ្ឋអាហ្វ្រិកកណ្តាល
08/21/2026 04:08 PM
Facebook Telegram Linkin
សប្បុរសជន ចូលរួមបរិច្ចាគយ៉ាងផុសផុសក្នុងយុទ្ធនាការ «បេះដូងសប្បុរសដើម្បីភូមិរង់ចាំ»
08/21/2026 04:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.