BTV NEWS

ក្រុមហ៊ុន TH Automotive Manufacturing Co., Ltd នឹងសម្ពោធជាផ្លូវការ រោងចក្រផ្គុំ និងដំឡើងរថយន្តរបស់ខ្លួននៅកម្ពុជា ក្នុងឆ្នាំ២០២៦នេះ

ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្តទុកដាក់បម្រើពលរដ្ឋ

សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ

សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ និង ការអភិវឌ្ឍន៍

សម្តេចតេជោ ហ៊ុន សែន កំពុងធ្វើសន្និសីទលទ្ធផលនៃកិច្ចប្រជុំកំពូលអាស៊ានលើកទី៤០-៤១ និងកិច្ចប្រជុំពាក់ព័ន្ធនៅកម្ពុជា

ភ្នំពេញ៖ នៅល្ងាចថ្ងៃទី១៣ ខែវិច្ឆិកា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងជាប្រធានអាស៊ានឆ្នាំ២០២២ បានធ្វើសន្និសីទសារព័ត៌មានពីលទ្ធផលនៃកិច្ចប្រជុំកំពូលអាស៊ានលើកទី៤០-៤១ និងកិច្ចប្រជុំពាក់ព័ន្ធនៅកម្ពុជា៕

UN អញ្ជើញគោរពវិញ្ញាក្ខន្ធជនរងគ្រោះ និងគោរពអ្នកដែលនៅរស់រានមានជីវិតពីបទឧក្រិដ្ឋកម្ម ដ៏ឃោរឃៅ នៅអំឡុងសម័យខ្មែរក្រហម

ភ្នំពេញ៖ លោក António Guterres អគ្គលេខាធិការអង្គការសហប្រជាតិ រួមនឹងគណៈប្រតិភូ ព្រឹកថ្ងៃទី១៣ ខែវិចិ្ឆកា ឆ្នាំ២០២២នេះ បានធ្វើទស្សនកិច្ចនៅសារមន្ទីរឧក្រិដ្ឋកម្មប្រល័យពូជសាសន៍ទួលស្លែង និងគោរពវិញ្ញាក្ខន្ធជនរងគ្រោះ និងគោរពអ្នកដែលនៅរស់រានមានជីវិតពីបទឧក្រិដ្ឋកម្មដ៏ឃោរឃៅ ដែលប្រព្រឹតិ្តនៅទូទាំងប្រទេសកម្ពុជា នៅអំឡុងសម័យខ្មែរក្រហម។លោក António Guterres បានលើកឡើងថា ទុក្ខវេទនាដែលបានកើតឡើងនៅចន្លោះជញ្ជាំងទាំងនេះ គឺជារឿងសោកសង្រែក ដ៏សែនរន្ធត់ និងគួរឲ្យភ្ញាក់ផ្អើលរឿងរ៉ាវនៃការរស់រានមានជីវិត និងភាពធន់ គឺជារឿងរ៉ាវដ៏សែនរំជួលចិត្ត និងផ្តល់ជាកម្លាំងចិត្តផងដែរ។ លោកក៏សូមថ្លែងអំណរគុណដល់សារមន្ទីរឧក្រិដ្ឋកម្មប្រល័យពូជសាសន៍ទួលស្លែង សម្រាប់ការងារដ៏អស្ចារ្យរបស់ខ្លួន ដើម្បីលើកកម្ពស់ការយល់ដឹងអំពីឧក្រិដ្ឋកម្មដ៏សាហាវទាំងនេះ ដែលជាផ្នែកមួយ នៃកិច្ចខិតខំប្រឹងប្រែង ដើម្បីធានាថាអំពើទាំងនេះ មិនត្រូវកើតឡើងម្តងទៀតឡើយ។អង្គជំនុំជម្រះវិសាមញ្ញក្នុងតុលាការកម្ពុជា បានទាមទារឲ្យមេដឹកនាំខ្មែរក្រហមជាច្រើននាក់ទទួលខុសត្រូវ ចំពោះអំពើព្រៃផ្សៃទាំងនេះ និងបានផ្តល់ជាសំឡេងដល់ជនរងគ្រោះ និងអ្នកដែលនៅរស់ពីរបបនេះ។ សំឡេងរបស់ពួកគេមានសារសំខាន់ជាងពេលណាៗទាំងអស់ នៅពេលដែលការនិយាយនាំឲ្យមានការស្អប់គ្នា ការរំលោភបំពាន ការរើសអើង និងការយាយីកំពុងកើតឡើងនៅគ្រប់តំបន់នៃពិភពលោក។ សារមន្ទីរឧក្រិដ្ឋកម្មប្រល័យពូជសាសន៍ទួលស្លែង ជាកន្លែងក្រើនរំលឹកដ៏ចាំបាច់សម្រាប់យើងទាំងអស់គ្នា ឥដ្ឋ និងការ៉ូ ដែលប្រឡាក់ដោយឈាមនៅទីនេះ គឺជាការព្រមានដល់យើងទាំងអស់គ្នា នេះគឺជាអ្វីដែលកើតឡើង នៅពេលដែលការស្អប់គ្នា កើនឡើងយ៉ាងខ្លាំង។ ហើយនេះគឺជាអ្វីដែលបានកើតឡើងនៅពេលដែលមនុស្សត្រូវបានគេធ្វើទុក្ខបុកម្នេញ ហើយសន្ធិមនុស្ស ត្រូវបានបដិសេធ។លោក បានបន្ថែមទៀតថា ការរក្សាទុក ការចងចាំអ្នកដែលបានរងទុក្ខ និងស្លាប់នៅទួលស្លែង ជួយធានាថាអំពើឃោរឃៅបែបនេះ និងមិនកើតឡើងម្តងទៀតនោះឡើយ។ លោក នឹងយករឿងរ៉ាវ ដែលបានស្តាប់លឺពីអ្នក រួចរស់នៅក្នុងរបបខ្មែរក្រហមនេះ ទៅប្រាប់ចៅស្រីរបស់លោក ដើម្បីឲ្យចៅស្រីរបស់លោក អាចយករឿងរ៉ាវទាំងនេះ ទៅប្រាប់ដល់ចៅៗរបស់ពួកគេផ្សេងទៀត ហើយការចងចាំនៅទីនេះ គឺជាអ្វីដែលយើងមិនត្រូវបំភ្លេចជាដាច់ខាត។លោក António Guterres បានបញ្ជាក់ថា តាមរយៈការរៀនទទួលស្គាល់ ពីសញ្ញាព្រមានដំបូងៗ នៃអំពើប្រល័យពូជសាសន៍ និងឧក្រិដ្ឋកម្មឃោរឃៅដ៏ទៃទៀត និងទទួលស្គាល់ពីតម្លៃបរិយាបន្ន និងសេចកី្តថ្លៃថ្នូរ យើងអាចកសាងមូលដ្ឋានគ្រឹះ សម្រាប់អនាគតដែលភាពរន្ធត់បែបនេះ នឹងមិនអាចកើតឡើងម្តងទៀត៕អត្ថបទ រដ្ឋា

នាយករដ្ឋមន្ត្រីនៃសាធារណរដ្ឋប្រជាធិបតេយ្យ ប្រជាមានិតឡាវ បានចាកចេញពីប្រទេសកម្ពុជាហើយ

ភ្នំពេញ៖ គណៈប្រតិភូឡាវ ដឹកនាំឯកឧត្ដម ផនខាំ វីផាវ៉ាន់ (Phankham Viphavanh) នាយករដ្ឋមន្ត្រីនៃសាធារណរដ្ឋប្រជាធិបតេយ្យ ប្រជាមានិតឡាវ បានចាកចេញពីប្រទេសកម្ពុជាហើយ នៅរសៀលថ្ងៃទី១៣ ខែវិច្ឆិកា ឆ្នាំ២០២២នេះ បន្ទាប់ពីចប់កិច្ចកំពូលអាស៊ាន និងកិច្ចប្រជុំកំពូលពាក់ព័ន្ធនានានៅកម្ពុជា ។

រយៈពេលមួយឆ្នាំជាប្រធានអាស៊ាន ជារយៈពេលពោរពេញដោយអនុស្សាវរីយ៍ និងជាប្រវត្តិសាស្ត្ររបស់កម្ពុជា

ភ្នំពេញ៖ រយៈពេលមួយឆ្នាំដែលកម្ពុជាទទួលធ្វើជាប្រធានអាស៊ាន ជារយៈពេលពេញមួយឆ្នាំដែលពោរពេញដោយអនុស្សាវរីយ៍ និងជាប្រវត្តិសាស្ត្រសម្រាប់រូបខ្ញុំផ្ទាល់ និងកម្ពុជា ដែលមានកិត្តិយសដ៏ឧត្ដុង្គឧត្ដម បានទទួលតំណែងជាប្រធានប្ដូរវេនរបស់អាស៊ាន។ នេះជាការលើកឡើងរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងជាប្រធានអាស៊ាន ក្នុងពិធីបិទកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធនៅថ្ងៃទី១៣ ខែវិច្ឆិកា ឆ្នាំ២០២២។សម្ដេចតេជោ មានប្រសាសន៍បន្តថា ក្នុងឋានៈជាប្រធានអាស៊ានរបស់កម្ពុជា យើងពិតជាអនុវត្តបានតាមមូលបទ «អាស៊ានរួមគ្នាធ្វើ៖ ដោះស្រាយបញ្ហាប្រឈមទាំងអស់គ្នា»។ អាស៊ានបានបញ្ចូលអ៊ុយក្រែន និងប្រទេស ៦ ទៀតរួមមាន ដាណឺម៉ាក, ក្រិក, ហូឡង់, អូម៉ាន, កាតា និងអេមីរ៉ាតអារ៉ាប់រួម ក្នុងសន្ធិសញ្ញាមិត្តភាព និងសហប្រតិបត្តិការនៅអាស៊ីអាគ្នេយ៍(TAC) នៅក្នុងកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធនៅកម្ពុជា ដែលធ្វើឱ្យប្រទេសជាសមាជិកនៃសន្ធិសញ្ញានេះ បានកើនឡើងដល់ ៥០ ប្រទេស។អំឡុងកិច្ចប្រជុំកំពូលនេះ អាស៊ានបានចេញនូវសេចក្ដីថ្លែងការណ៍រួមនៃខួបអនុស្សាវរីយ៍លើកទី២០ នៃ សេចក្ដីថ្លែងការណ៍ ស្ដីពីការប្រតិបត្តិរបស់បណ្ដាភាគីនៅសមុទ្រចិនខាងត្បូង(DOC) ដើម្បីប្រារព្ធពិធីរម្លឹកខួបអនុស្សាវរីយ៍លើកទី២០ នៃការចុះហត្ថលេខាលើសេចក្ដីថ្លែងការណ៍ស្ដីពីការប្រតិបត្តិនេះ នាឆ្នាំ ២០០២។អំឡុងកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធនៅកម្ពុជានាពេលនេះ កិច្ចប្រជុំសម្រេចបាននូវកិច្ចសន្ទនាគ្រប់ជ្រុងជ្រោយ និងប្រកបដោយផ្លែផ្កា។ កិច្ចប្រជុំក៏បានអនុម័ត និងកត់សម្គាល់នូវឯកសារ សមិទ្ធផល និងសេចក្ដីប្រកាសចំនួន ៧០ ដែលគ្របដណ្ដប់លើសសរស្ដម្ភទាំង ៣ របស់សហគមន៍អាស៊ាន និងបានអនុម័តក្របខណ្ឌកិច្ចសហប្រតិបត្តិការមួយចំនួន ជាមួយនឹងដៃគូសន្ទនារបស់អាស៊ាន។អាស៊ានក៏បានអនុម័តសេចក្ដីថ្លែងការណ៍ចក្ខុវិស័យរបស់ថ្នាក់ដឹកនាំអាស៊ានស្ដីពី«អាស៊ានរួមគ្នាធ្វើ៖ ដោះស្រាយបញ្ហាប្រឈមទាំងអស់គ្នា», សេចក្ដីថ្លែងការណ៍របស់ថ្នាក់ដឹកនាំអាស៊ាន ស្ដីពីខួបលើកទី ៥៥ របស់អាស៊ាន និងសេចក្ដីថ្លែងការណ៍របស់ថ្នាក់ដឹកនាំអាស៊ានស្ដីពីរបៀបវារៈនៃការតភ្ជាប់អាស៊ាន ក្រោយឆ្នាំ២០២៥ ផងដែរ។ក្នុងពិធីបិទកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធនៅថ្ងៃទី១៣ ខែវិច្ឆិកានេះដែរ សម្ដេចតេជោ បានបញ្ជាក់បន្ថែមថា ឆ្នាំនេះយើងអាចដោះស្រាយ និងទប់ស្កាត់បញ្ហាប្រឈមជាច្រើននៅក្នុងតំបន់យើង ដែលនាំឱ្យយើងមានលទ្ធភាព ក្នុងការរក្សានូវសន្តិភាព វិបុលភាព និងសុខដុមរមនា សម្រាប់គ្រួសារអាស៊ានរបស់យើង។ មជ្ឈភាពអាស៊ាន គឺជាកម្លាំងចលករចម្បងសម្រាប់កិច្ចសន្ទនា និងកិច្ចសហប្រតិបត្តិការជាមួយនឹងដៃគូខាងក្រៅ តាមរយៈយន្តការដែលដឹកនាំដោយអាស៊ាន៕ ដោយ៖ គង់ ឌិន

សុន្ទរកថាទាំងស្រុង សម្តេចតេជោ ហ៊ុន សែន ក្នុងពិធីបិទបញ្ចប់កិច្ចប្រជុំកំពូលអាស៊ាន លើកទី៤០ -៤១និងកិច្ចប្រជុំកំពូលពាក់ព័ន្ធ

ភ្នំពេញ៖ នៅរសៀលថ្ងៃទី១៣ ខែវិច្ឆិកានេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានអាស៊ានឆ្នាំ២០២២ បានអញ្ជើញជាអធិបតីក្នុងពិធីបិទកិច្ចប្រជុំកំពូលអាស៊ានលើកទី៤០-៤១ និងកិច្ចប្រជុំពាក់ព័ន្ធនៅកម្ពុជា ។សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា និងជាប្រធានអាស៊ានឆ្នាំ២០២២ បានប្រគល់ញញួរប្រធានអាស៊ានឆ្នាំ២០២៣ ជូនដល់ ឯកឧត្តម Joko Widodo ប្រធានាធិបតី នៃសាធារណរដ្ឋឥណ្ឌូណេស៊ី។ សូមអានសុន្ទរកថាទាំងស្រុងដូចខាងក្រោម៖

សម្តេចតេជោ ហ៊ុន សែន ផ្តល់ញញួរប្រធានអាស៊ានឆ្នាំ២០២៣ជូនឯកឧត្តម Joko Widodo ប្រធានាធិបតីឥណ្ឌូណេស៊ី

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា និងជាប្រធានអាស៊ានឆ្នាំ២០២២ បានប្រគល់ញញួរប្រធានអាស៊ានឆ្នាំ២០២៣ ជូនដល់ ឯកឧត្តម Joko Widodo ប្រធានាធិបតី នៃសាធារណរដ្ឋឥណ្ឌូណេស៊ី។

ពិធីបិទកិច្ចប្រជុំកំពូលអាស៊ានលើកទី៤០-៤១ និងកិច្ចប្រជុំពាក់ព័ន្ធនៅកម្ពុជា

ភ្នំពេញ៖ រសៀលថ្ងៃទី១៣ ខែវិច្ឆិកា ឆ្នាំ២០២២នេះ កិច្ចប្រជុំកំពូលអាស៊ានលើកទី៤០-៤១ និងកិច្ចប្រជុំកំពូលពាក់ព័ន្ធនានានៅកម្ពុជា បានប្រារព្ធពិធីបិទ បន្ទាប់ពីដំណើរការប្រជុំដោយជោគជ័យ រយៈពេល៤ថ្ងៃមកនេះ ក្រោមអធិបតីភាពសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានអាស៊ាន និងប្រទេសសមាជិកអាស៊ាន ព្រមទាំងប្រទេសដៃគូនានា។

លោក ចូ បៃឌិន កោតសរសើរចំពោះជំហរកម្ពុជាទាក់ទងនឹងសង្រ្គាមនៅអ៊ុយក្រែន និងការបាញ់មីស៊ីលពីសំណាក់កូរ៉េខាងជើង

ភ្នំពេញ៖ ប្រធានាធិបតីសហរដ្ឋអាម៉េរិក លោក ចូ បៃឌិន បានថ្លែងចំពោះមុខសម្តេចតេជោ ហ៊ុន សែននាយករដ្ឋមន្រ្តី នៃព្រះរាជាណាចក្រកម្ពុជា ដោយបានកោតសរសើរអំពីជំហររបស់កម្ពុជាទាក់ទងលើបញ្ហាសង្រ្គាមនៅអ៊ុយក្រែន ការបាញ់ស៊ីលរបស់ប្រទេសកូរ៉េខាងជើង និងខិតខំស្វែងរកដំណោះស្រាយវិបត្តិនៅប្រទេសមីយ៉ាន់ម៉ា ជាដើម។យោងតាមសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ ស្តីពីលទ្ធផលនៃកិច្ចជំនួបទ្វេភាគីរវាងសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងលោក ចូ បៃឌិន ប្រធានាធិបតីអាម៉េរិក កាលពីថ្ងៃទី១២ ខែវិច្ឆិកា ឆ្នាំ២០២២ម្សិលមិញនេះ បានឲ្យដឹងថា លោកប្រធានាធិបតីអាម៉េរិក ចូ បៃឌិន «បានកោតសរសើរកម្ពុជាចំពោះតួនាទីប្រកបដោយការស្ថាបនារបស់ខ្លួន ក្នុងឋានៈជាប្រធានអាស៊ាន ក្នុងការដោះស្រាយវិបត្តិនៅមីយ៉ាន់ម៉ា និងបានវាយតម្លៃខ្ពស់ចំពោះជំហរកម្ពុជាលើបញ្ហាសង្រ្គាមនៅអ៊ុយក្រែន និងការបាញ់មីស៊ីលបាលីស្ទិកថ្មីៗនេះរបស់កូរ៉េខាងជើង»។តាមសេចក្តីប្រកាសព័ត៌មាន បានឲ្យដឹងទៀតថា ក្នុងកិច្ចជំនួបនោះលោកប្រធានាធិបតីអាម៉េរិក បានអបអរសាទរកម្ពុជាចំពោះភាពជោគជ័យដ៏ត្រចះត្រចង់ក្នុងការធ្វើជាម្ចាស់ផ្ទះ និងជាប្រធានអាស៊ាននៅឆ្នាំនេះ និងចំពោះការគាំទ្ររបស់កម្ពុជា ក្នុងការពង្រីកកម្រិតទំនាក់ទំនងអាស៊ាន-សហរដ្ឋអាម៉េរិក ទៅជា «ភាពជាដៃគូយុទ្ធសាស្ត្រគ្រប់ជ្រុងជ្រោយ» ក្នុងអំឡុងពេលនៃការធ្វើជាប្រធានអាស៊ានរបស់ខ្លួននោះ។ថ្លែងនៅក្នុងកិច្ចជំនួបនោះដែរសម្តេចតេជោ ហ៊ុន សែន នាយករដ្ឋមន្រ្តី បានសម្តែងនូវអំណរគុណយ៉ាងជ្រាលជ្រៅចំពោះកិច្ចខិតខំប្រឹងប្រែងដ៏ល្អរបស់រដ្ឋាភិបាលសហរដ្ឋអាម៉េរិក ក្នុងការប្រគល់ត្រឡប់ មកកម្ពុជាវិញនូវវត្ថុបុរាណកម្ពុជាដែលត្រូវបានលួច។ ពាក់ព័ន្ធនឹងការដោះមីន, សម្តេចតេជោ បានអំពាវនាវឱ្យមានការរួមចំណែកបន្ថែមទៀតពីសហរដ្ឋអាម៉េរិក ដើម្បីជួយកម្ពុជាសម្រេចបាន «កម្ពុជា គ្មានមីនត្រឹមឆ្នាំ២០២៥»។ ដោយឡែកពាក់ព័ន្ធនឹងការធ្វើមាតុភូមិនិវត្តន៍របស់ពលរដ្ឋខ្មែរអាម៉េរិក សម្តេចតេជោ បានលើកឡើងពីគោលជំហររបស់កម្ពុជាក្នុងការទទួលយកពលរដ្ឋខ្មែរដែលត្រូវបានបណ្ដេញចេញពីសហរដ្ឋអាម៉េរិក ដោយគិតគូរពីកត្តាមនុស្សធម៌ និងមេត្តាធម៌ និងបានបញ្ជាក់ពីការបន្តកិច្ចសហប្រតិបត្តិការរបស់កម្ពុជា ជាមួយសហរដ្ឋអាម៉េរិក យោងតាមអនុស្សារណៈនៃការយោគយល់គ្នាឆ្នាំ២០០២ ដែលមានស្រាប់ តាមរយៈការសម្ភាសន៍ពលរដ្ឋកម្ពុជាដោយផ្ទាល់ និងតាមប្រព័ន្ធវីដេអូ ដូចដែលធ្លាប់បានធ្វើនាពេលកន្លងមកនោះ។សម្តេចតេជោ នាយករដ្ឋមន្តី ក៏បានគូសបញ្ជាក់អំពីជំហរដ៏រឹងមាំរបស់កម្ពុជាប្រឆាំងនឹងការគំរាមកំហែង ដោយប្រើអាវុធនុយក្លេអ៊ែរ។ សម្តេចតេជោ ក៏បានជម្រាបជូន លោកប្រធានាធិបតីចូ បៃឌិន អំពីកិច្ចសហការរវាងកម្ពុជា និងជប៉ុន តាមរយៈមជ្ឈមណ្ឌលសកម្មភាពកំចាត់មីនកម្ពុជា (CMAC) និងទីភ្នាក់ងារសហប្រតិបត្តិការអន្តរជាតិជប៉ុន (JICA) ក្នុងការបញ្ចូនក្រុមអ្នកដោះមីនកម្ពុជាទៅជួយបណ្តុះបណ្តាលក្រុមដោះមីនអ៊ុយក្រែន នៅប្រទេសប៉ូឡូញ និងអំពីសំណើរបស់អ៊ុយក្រែន ដល់ជប៉ុន ក្នុងការផ្តល់ឧបករណ៍ដោះមីនផងដែរ៕អត្ថបទ៖ បាន ចក់

អគ្គលេខាធិការអង្គការសហប្រជាតិ ធ្វើសន្និសីទសារព័ត៌មាន ក្រោយបញ្ចប់ទស្សនកិច្ច នៅសារមន្ទីរឧក្រិដ្ឋកម្មប្រល័យពូជសាសន៍ទួលស្លែង

ភ្នំពេញ៖ លោក António Guterres អគ្គលេខាធិការអង្គការសហប្រជាតិ បានធ្វើសន្និសីទសារព័ត៌មាន ក្រោយបញ្ចប់ទស្សនកិច្ចនៅសារមន្ទីរឧក្រិដ្ឋកម្មប្រល័យពូជសាសន៍ទួលស្លែង នៅព្រឹកថ្ងៃទី១៣ ខែវិច្ឆិកា ឆ្នាំ២០២២នេះ។

នាយករដ្ឋមន្ត្រីវៀតណាម ដឹកនាំគណៈប្រតិភូចាកចេញពីកម្ពុជាហើយ បន្ទាប់ពីចប់កិច្ចប្រជុំកំពូលអាស៊ាន លើកទី៤០-៤១ និងកិច្ចប្រជុំកំពូលពាក់ព័ន្ធនានានៅកម្ពុជា

ភ្នំពេញ៖ នៅព្រឹកថ្ងៃទី១៣ ខែវិច្ឆិកា ឆ្នាំ២០២២ នាយករដ្ឋមន្ត្រីវៀតណាម បានដឹកនាំគណៈប្រតិភូចាកចេញពីកម្ពុជា បន្ទាប់ពីចប់កិច្ចប្រជុំកំពូលអាស៊ាន លើកទី៤០-៤១ និងកិច្ចប្រជុំកំពូលពាក់ព័ន្ធនានានៅកម្ពុជា។

បណ្ដាញសង្គម

ព័ត៌មានថ្មីៗ

ទាហានថៃ បន្តឈូសឆាយព្រៃ ធ្វើផ្លូវ លេណដ្ឋានថ្មីនៅតំបន់សង្កាត់អូរស្មាច់ ភាគខាងជើងវត្តកែវសិក្ខាគីរីស្វារៈលើដែនអធិបតេយ្យភាពកម្ពុជា

សហរដ្ឋអាមេរិក និងអ៊ីរ៉ង់ បន្តប្រើប្រាស់វោហារសាស្ត្រអរិភាពនៅមុនពេលមានទណ្ឌកម្មថ្មី

ប្រធានាធិបតីអ៊ីរ៉ង់និយាយថាដល់ពេលបញ្ចប់សង្គ្រាមហើយ ខណៈកំពុងតែស្ថិតក្នុងជំហរដ៏រឹងមាំ

សហគមន៍អឺរ៉ុបផ្តល់វគ្គបណ្តុះបណ្តាលជំនាញពង្រឹងសន្តិសុខផ្លូវទឹកដល់កងទ័ពជើងទឹកកម្ពុជា

ជនជាតិថៃ ៤៤នាក់ ពាក់ព័ន្ធករណីឆបោកតាមប្រព័ន្ធបច្ចេកវិទ្យា (Online Scams) និងបទល្មើសផ្សេងៗទៀតត្រូវបានបណ្ដាញចេញពីកម្ពុជា

អាវុធហត្ថរាជធានីភ្នំពេញ កិនកម្ទេចឧបករណ៍បារីអេឡិចត្រូនិក និងសារធាតុគីមីសម្រាប់ជក់ សរុបជាង ៣៦ម៉ឺនគ្រឿង

មនុស្សជាច្រើននាក់រងរបួស អំឡុងការវាយប្រហារដោយប្រើដាវ ក្នុងវិទ្យាល័យ នៅស៊ុយអែត

កងទ័ពប៉ាគីស្ថានអះអាងថា បានសម្លាប់ «ភេរវករ» ចំនួន ៤៩នាក់ ក្នុងប្រតិបត្តិការប្រឆាំងភេរវកម្ម

ទីក្រុងសេអ៊ូល៖ សមយុទ្ធសហរដ្ឋអាមេរិក-កូរ៉េខាងត្បូង បញ្ចប់មុនកំណត់ ក្រោយលោក Trump បញ្ជា

នគរបាល៖ អគ្គិភ័យឆេះអគារផ្ទះល្វែងចំនួន ២ខ្នង នៅស្វីស បណ្តាលឱ្យមនុស្ស ៥នាក់បាត់ខ្លួន និង ១៩នាក់រងរបួស

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

នាយករដ្ឋមន្ត្រីនៃសាធារណរដ្ឋប្រជាធិបតេយ្យ ប្រជាមានិតឡាវ បានចាកចេញពីប្រទេសកម្ពុជាហើយ

រយៈពេលមួយឆ្នាំជាប្រធានអាស៊ាន ជារយៈពេលពោរពេញដោយអនុស្សាវរីយ៍ និងជាប្រវត្តិសាស្ត្ររបស់កម្ពុជា

សម្តេចតេជោ ហ៊ុន សែន ផ្តល់ញញួរប្រធានអាស៊ានឆ្នាំ២០២៣ជូនឯកឧត្តម Joko Widodo ប្រធានាធិបតីឥណ្ឌូណេស៊ី

ពិធីបិទកិច្ចប្រជុំកំពូលអាស៊ានលើកទី៤០-៤១ និងកិច្ចប្រជុំពាក់ព័ន្ធនៅកម្ពុជា

លោក ចូ បៃឌិន កោតសរសើរចំពោះជំហរកម្ពុជាទាក់ទងនឹងសង្រ្គាមនៅអ៊ុយក្រែន និងការបាញ់មីស៊ីលពីសំណាក់កូរ៉េខាងជើង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

នាយករដ្ឋមន្ត្រីនៃសាធារណរដ្ឋប្រជាធិបតេយ្យ ប្រជាមានិតឡាវ បានចាកចេញពីប្រទេសកម្ពុជាហើយ

រយៈពេលមួយឆ្នាំជាប្រធានអាស៊ាន ជារយៈពេលពោរពេញដោយអនុស្សាវរីយ៍ និងជាប្រវត្តិសាស្ត្ររបស់កម្ពុជា

សម្តេចតេជោ ហ៊ុន សែន ផ្តល់ញញួរប្រធានអាស៊ានឆ្នាំ២០២៣ជូនឯកឧត្តម Joko Widodo ប្រធានាធិបតីឥណ្ឌូណេស៊ី

ពិធីបិទកិច្ចប្រជុំកំពូលអាស៊ានលើកទី៤០-៤១ និងកិច្ចប្រជុំពាក់ព័ន្ធនៅកម្ពុជា

លោក ចូ បៃឌិន កោតសរសើរចំពោះជំហរកម្ពុជាទាក់ទងនឹងសង្រ្គាមនៅអ៊ុយក្រែន និងការបាញ់មីស៊ីលពីសំណាក់កូរ៉េខាងជើង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍