នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

សហគមន៍ផ្តល់ជំនួយគាំទ្រគម្រោងសម្តេចតេជោសម្រាប់សកម្មភាពមីន និងបន្តចូលរួមបោសសម្អាតមីនរហូតដល់ឆ្នាំ២០២៥

2022/07/21 07:35:23 pm        481
Facebook Telegram Linkin
ភ្នំពេញ៖ នាព្រឹកថ្ងៃទី២១ ខែកក្កដា ឆ្នាំ២០២២ នៅនិវេសនដ្ឋានទូតអង់គ្លេសឯកឧត្តម ទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន និងលោកស្រី Tina Redshaw ឯកអគ្គរាជទូតអង់គ្លេសប្រចាំនៅកម្ពុជា បានរៀបចំកិច្ចពិភាក្សា Cambodia Mine Action Coffee Briefing ជាមួយប្រទេសម្ចាស់ជំនួយ និងដៃគូអភិវឌ្ឍន៍វិស័យមីន ដើម្បីចែករំលែកព័ត៌មាន​ពាក់ព័ន្ធ​នឹងគម្រោងសម្តេចតេជោសម្រាប់សកម្មភាពមីន “ផ្តល់ដីសុវត្ថិភាព បង្កើតស្នាមញញឹម”។ក្នុងឱកាសនោះ ឯកឧត្តមទេសរដ្ឋមន្រ្តី លី ធុជ បានថ្លែងអំណរគុណដល់សហគមន៍ផ្តល់ជំនួយ និងដៃគូអភិវឌ្ឍន៍ ដែលបានចូលរួមដល់វិស័យសកម្មភាពមីនមនុស្សធម៌នៅកម្ពុជា រយៈពេល ៣០ឆ្នាំ ព្រមទាំងបានលើកឡើងអំពីបច្ចុប្បន្នភាពវិស័យសកម្មភាពមីន និងចលនាជាតិរបស់​សម្តេចតេជោ​ ក្នុងការដោះស្រាយបញ្ហាគ្រាប់មីននៅកម្ពុជា។ឯកឧត្តមទេសរដ្ឋមន្រ្តី បានជម្រាបប្រាប់សហគមន៍ម្ចាស់ជំនួយថា អាជ្ញាធរមីន បានធ្វើការសិក្សា និងរៀបចំផែនការយ៉ាងច្បាស់លាស់ ​ក្នុងការប្រើប្រាស់ថវិកាម្ចាស់ជំនួយ និងថវិការបស់គម្រោង​សម្តេចតេជោ​សម្រាប់​សកម្មភាពមីន ​ដោយមិនអោយប៉ះពាល់ ​ឬត្រួតគ្នានោះទេ ជាពិសេសការ​បែងចែក​កម្លាំងបោសសម្អាតមីន ដើម្បីឆ្លើយតបឲ្យទាន់ពេលវេលា​សម្រេចគោលដៅ​កម្ពុជា​គ្មាន​មីនឆ្នាំ២០២៥។ឯកឧត្តម ទេសរដ្ឋមន្រ្តី បានស្នើសុំសហគមន៍ផ្តល់ជំនួយទាំងអស់ ត្រូវបន្តចូលរួមគាំទ្រដល់ការងារ​បោស​សម្អាត​មីននៅតាមគោលដៅអាទិភាព​ ដែលបានកំណត់ដោយរាជរដ្ឋាភិបាលកម្ពុជា រហូតដល់ការរំដោះគ្រាប់មីនចុងក្រោយ។សហគមន៍ផ្តល់ជំនួយ បានអបអរសាទរ​ និងវាយតម្លៃខ្ពស់ចំពោះការយកចិត្តទុកដាក់របស់រាជ​រដ្ឋា​ភិបាល​កម្ពុជា ក្នុងការដោះស្រាយបញ្ហាគ្រាប់មីននៅកម្ពុជា ​និងគាំទ្រគោលដៅ “សូន្យមីនឆ្នាំ២០២៥” តាមរយៈការអនុវត្តគម្រោងសម្តេចតេជោ​សម្រាប់សកម្មភាពមីន “ផ្តល់ដីសុវត្ថិភាព បង្កើតស្នាមញញឹម”។ ជាងនេះទៅទៀត ​សហគមន៍ផ្តល់ជំនួយ បានគាំទ្រនូវការកំណត់គោលដៅអាទិភាពរបស់រាជ​រដ្ឋាភិបាល​កម្ពុជា ក្នុងការងារបោសសម្អាតមីន​ ដោយជ្រើសយកតំបន់ទីប្រជុំជន ​វប្បធម៌ ទេសចរណ៍​ និងការអភិវឌ្ឍ៕

សម្តេចពិជ័យសេនា ទៀ បាញ់ ដឹកនាំមន្រ្តីប្រជុំគណៈកម្មការADMM 2022

2022/07/21 06:49:24 pm        453
Facebook Telegram Linkin
ភ្នំពេញ៖ សម្តេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ត្រីក្រសួងការពារជាតិ នាព្រឹកថ្ងៃទី២១ ខែកក្កដា ឆ្នាំ២០២២ បានអញ្ជើញជាអធិបតីក្នុងកិច្ចប្រជុំគណៈកម្មការADMM 2022 បានរៀបចំកិច្ចប្រជុំបូកសរុបលទ្ធផលការងារធ្វើម្ចាស់ផ្ទះកិច្ចប្រជុំរដ្ឋមន្រ្តីការពារជាតិអាស៊ាន លើក​ទី១៦ “16th ADMM” កាលពីថ្ងៃទី២១-២២ ខែមិថុនា ឆ្នាំ២០២២ កន្លងទៅ ដើម្បីវាយតម្លៃ​ដកបទ​ពិសោធន៍ ដែលជាធាតុចូលបន្ថែមសម្រាប់ធ្វើម្ចាស់ផ្ទះកិច្ចប្រជុំរដ្ឋមន្រ្តី​ការពារជាតិអាស៊ាន-បូក នៅ​បំណាច់​ខែ វិច្ឆិកា​ ឆ្នាំ២០២២ខាងមុខ ឱ្យទទួលបានជោគជ័យថែមទៀត ៕

រដ្ឋមន្រ្តីការបរទេសអាស៊ាន និងដៃគូជិត ៤០ប្រទេស នឹងមកកម្ពុជាចូលរួមកិច្ចប្រជុំរដ្ឋមន្រ្តី ការបរទេសអាស៊ាន

2022/07/21 06:41:39 pm        603
Facebook Telegram Linkin
ភ្នំពេញ៖ ស្របពេលកម្ពុជានឹងដឹកនាំកិច្ចប្រជុំរដ្ឋមន្រ្តីការបរទេសអាស៊ានលើកទី៥៥ និងកិច្ចប្រជុំពាក់ព័ន្ធជាមួយប្រទេសជាដៃគូ នឹងមានរដ្ឋមន្រ្តីការបរទេសអាស៊ាន និងរដ្ឋមន្រ្តីការបរទេសប្រទេសជាដៃគូជិត ៤០ប្រទេសអញ្ជើញចូលរួមក្នុងកិច្ចប្រជុំនាពេលខាងមុខ។ថ្លែងប្រាប់BTV News ឯកឧត្តម គង់ ភោគ រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ បានឲ្យដឹងថា ចំពោះដំណើរការរៀបចំកិច្ចប្រជុំរដ្ឋមន្រ្តី​ការបរទេស​អាស៊ាន​លើកទី៥៥ ​និងកិច្ចប្រជុំពាក់ព័ន្ធ ​ដែលនឹងប្រព្រឹត្តទៅនាដំណាច់ខែកក្កដានេះ នឹងត្រូវ​ធ្វើឡើង​នៅ​សណ្ឋាគារ​សុខាភ្នំពេញ ​ដោយគិតត្រឹមថ្ងៃនេះ​ដំណើរការរៀបចំបាន​ប្រព្រឹត្តទៅ​ដោយ​រលូន និងទៅតាមផែនការ ទាំងទីតាំង​ និងទីកន្លែងប្រជុំនីមួយៗ។ ឯកឧត្តម ​បន្តថា ​ក្រសួងការបរទេស ​និងសហប្រតិបត្តិការអន្តរជាតិ​ បានអញ្ជើញរដ្ឋមន្រ្តីការបរទេស​អាស៊ាន​ និងរដ្ឋមន្រ្តីការបរទេសជាដៃគូរួចរាល់ ​ខណៈមានរដ្ឋមន្រ្តីការបរទេសអាស៊ាន​ និងប្រទេស​ជា​ដៃគូ​ចំនួន​ជិត ៤០ប្រទេសបានឆ្លើយតបនឹងចូលរួមកិច្ចប្រជុំនាពេលខាងមុខ។ សម្រាប់ព្រឹត្តិការណ៍នៃកិច្ចប្រជុំរដ្ឋមន្រ្តីការបរទេសអាស៊ានលើកទី៥៥​ និងកិច្ចប្រជុំពាក់ព័ន្ធ ក៏ដូចជា​ក្នុងនាម​កម្ពុជាជាប្រធានអាស៊ាន ​ឯកឧត្តម គង់ ភោគ បញ្ជាក់ថា​ នេះបង្ហាញថា ​កម្ពុជាមានលទ្ធភាព និង​សមត្ថភាពក្នុងការរៀបចំកិច្ចប្រជុំទ្រង់ទ្រាយធំ ទោះស្ថិតក្នុងបរិបទកូវីដ១៩។ ឯកឧត្តម ​បានលើកឡើងថា កិច្ចប្រជុំនាពេលខាងមុខ ផ្តល់អត្ថប្រយោជន៍៤យ៉ាង រួមមាន ទី១,ការ​បង្ហាញ​អំពីកម្ពុជាមានសមត្ថភាពគ្រប់គ្រាន់ក្នុងការដើរតួនាទីរបស់ខ្លួន ​មិនត្រឹមតែក្នុងតំបន់ ទី២,​ជាការផ្តល់អាទិភាពដល់កម្ពុជា ដើម្បីជំរុញការគិតសម្រាប់តំបន់ ​និងពិភពលោកដែលកំពុងប្រឈម ទី៣, ជាឱកាសសម្រាប់កម្ពុជា​បង្កើតបរិយាកាសឲ្យមាន​ការសហការគ្នាឈានទៅ​រកការដោះស្រាយ​បញ្ហាប្រឈមក្នុងពេលបច្ចុប្បន្ន និងទី៤,គឺការដាក់ចេញគោលនយោបាយ​ និងគោលជំហរ ដើម្បី​អនុញ្ញាតឲ្យទៅរកការដោះស្រាយបញ្ហានានា។កិច្ចប្រជុំរដ្ឋមន្ត្រីការបរទេសអាស៊ានលើកទី៥៥ និងកិច្ចប្រជុំពាក់ព័ន្ធ នឹងធ្វើឡើងពីថ្ងៃទី៣១ ខែ​កក្កដា​ រហូតដល់ថ្ងៃទី៦​ ខែសីហា​ ឆ្នាំ២០២២ នៅ​រាជធានីភ្នំពេញ​ តាមទម្រង់ដោយផ្ទាល់​ក្រោម​មូលបទ ការដោះស្រាយបញ្ហាប្រឈមរួមគ្នា ​ដោយបញ្ហានោះរួមមានទាំងវិបតិ្តសកលកូវីដ១៩ បញ្ហា​ធ្លាក់ចុះសេដ្ឋកិច្ចសកល ​បញ្ហាសង្គ្រាម ក៏ដូចជាអស្ថិរភាពមួយចំនួនទាំងក្នុងតំបន់ និង​ក្រៅ​តំបន់ ខណៈមូលបទនេះ​ជាស្នូលទាមទារឲ្យមានការរួមគ្នា​ដើម្បីដោះស្រាយ​តាមរយៈការពិភាក្សា​រវាង​សមាជិកអាស៊ាន ​និងអាស៊ានជាមួយប្រទេសជាដៃគូ៕ អត្ថបទ៖ សេក ឧត្តម 

កម្ពុជា​សោកស្តាយ​ដែល​អាមេរិក​ដាក់​ចំណាត់ថ្នាក់​លេខ​៣ ​ចូលក្នុង​បញ្ជី​ខ្មៅ​នៃ​ការជួញដូរ​មនុស្ស

2022/07/21 06:11:38 pm        969
Facebook Telegram Linkin
​ភ្នំពេញ​៖ លោកជំទាវ ជូ ប៊ុន​អេង រដ្ឋលេខាធិការ​ក្រសួងមហាផ្ទៃ និង​ជា​អនុប្រធាន​អចិន្ត្រៃយ៍​នៃ​គណៈកម្មាធិការ​ជាតិ​ប្រយុទ្ធ​ប្រឆាំង​អំពើ​ជួញដូរ​មនុស្ស បាន​សម្តែង​ការខកចិត្ត និង​សោកស្តាយ​បំផុត​ បន្ទាប់ពី​អាមេរិក​បាន​ដាក់​កម្ពុជា​ជាប់​ចំណាត់ថ្នាក់​លេខ​៣ ជា​ប្រទេស​ចូល​ក្នុង​បញ្ជីខ្មៅ​នៃ​ការ​ជួញដូរ​មនុស្ស ខណៈ​កម្ពុជា​បាន​ខិតខំ​យ៉ាងសកម្ម​ក្នុង​ការ​ប្រយុទ្ធ​ប្រឆាំង​ការ​ជួញដូរ​មនុស្ស បើ​ទោះ​បី​ជា​កម្ពុជា​ជួប​វិបត្តិ​កូ​វីដ​-១៩​ នា​ពេល​កន្លងទៅ​យ៉ាងណាក៏ដោយ​។​​ថ្លែងប្រាប់​ទូរទស្សន៍ BTV នា​ព្រឹក​ថ្ងៃ​ទី​២១ ខែកក្កដា ឆ្នាំ​២០២២​នេះ លោកជំទាវ ជូ ប៊ុន​អេង បាន​មាន​ប្រសាសន៍ថា ខណៈ​កម្ពុជា​ជួប​នូវ​វិបត្តិ​កូ​វីដ​-១៩ ប៉ុន្មាន​ឆ្នាំ​ចុងក្រោយ​ក៏ដោយ​ ក៏​រាជរដ្ឋាភិបាល​កម្ពុជា​បាន​ខិតខំ​យ៉ាង​ខ្លាំង ក្នុងការ​ប្រយុទ្ធប្រឆាំង​ការជួញដូរ​មនុស្ស​ដោយ​គ្មាន​ការ​រុញ​រា និង​ក៏​មាន​ការ​សហការ​គ្នា​ជាមួយ​សហរដ្ឋអាមេរិក និង​ដៃគូ​ផ្សេងៗ​ទៀត​ផងដែរ ​រហូតដល់​កម្ពុជា​សម្រេច​ឲ្យ​អាមេរិក​ដាក់​ស្នាក់ការ​របស់​ខ្លួន សម្រាប់​ពិគ្រោះ​យោបល់ និង​ពិភាក្សា​គ្នា​ទាក់ទង​នឹង​ការ​ជួញ​ដូរ​មនុស្ស​នៅ​អគ្គស្នងការដ្ឋាន​នគរ​បាល​ជាតិ​កម្ពុជា​ផង​ដែរ​។​​លោកជំទាវ​ ជូ ប៊ុន​អេង បាន​បញ្ជាក់​ឲ្យ​ដឹង​ផង​ដែរ​ថា សហរដ្ឋអាមេរិក​បាន​ដាក់​កម្ពុជា​ជា​ចំណាត់​ថ្នាក់​លេខ​២ ​អស់​រយៈពេល​ពីរ​ឆ្នាំ​មក​ហើយ ខណៈ​ចំណាត់ថ្នាក់​លេខ​២ ​នេះ​គឺជា​ប្រទេស​មានការ​ខិតខំ​ប្រឹងប្រែង និង​មានការ​ឆ្លើយតប និង​មាន​ភាព​ចន្លោះប្រហោង​ដែល​ត្រូវ​បំពេញ​បន្ថែម ​ក្នុង​កិច្ចការ​ប្រយុទ្ធ​ប្រឆាំង​ការ​ជួញ​ដូរ​មនុស្ស​នេះ​។ ប៉ុន្តែ​សម្រាប់​ឆ្នាំ​២០២២ ​នេះដែល​អាមេរិក​សម្រេច​ដាក់​កម្ពុជា​ជា​ប្រទេស​ជាប់​ចំណាត់ថ្នាក់​លេខ​៣ គឺ​គេ​ចង់​និយាយ​ថា ​កម្ពុជា​មាន​ភាព​ប្រងើយ​កន្តើយ គ្មាន​ការ​យក​ចិត្តទុកដាក់ និង​គ្មាន​ការ​ខ្វាយខ្វល់​ ចំពោះ​កិច្ចការ​ប្រយុទ្ធ​ប្រឆាំង​ការ​ជួញដូរ​មនុស្ស រហូត​ដល់​គេ​អាច​សម្រេច​ដាក់ទណ្ឌកម្ម​ដល់​ប្រទេស​កម្ពុជា​ផង​ដែរ​នោះ​។​យ៉ាងណាក៏ដោយ​លោកជំទាវ ជូ ប៊ុន​អេង បាន​សម្តែង​ការ​ខកចិត្ត​យ៉ាងខ្លាំង ​ចំពោះ​ការសម្រេច​របស់​ក្រសួង​ការបរទេស​អាមេរិក​ដាក់​កម្ពុជា​ចូល​ក្នុង​បញ្ជីខ្មៅ​នេះ ដោយ​ការដាក់​នេះ​គឺ​ចង់​មានន័យថា អាមេរិក​ពុំបាន​ធ្វើការ​សហការ​ជាមួយ​កម្ពុជា​នោះ​ទេ ពោលគឺ​អាមេរិក​ធ្វើការ​នេះ​តែ​ឯកឯង​មាន​លក្ខណៈ​បែប​ផ្សេង ខណៈ​អាមេរិក​បាន​ផ្តល់ជំនួយ​ដល់​កម្ពុជា​រហូត​មក​ក្នុងការ​ប្រយុទ្ធ​ប្រឆាំង​ការ​ជួញដូរ​មនុស្ស​នេះ តែ​បែរ​ជា​ដាក់​ប្រទេស​ដែល​ខ្លួន​កំពុង​ជួយ​នេះ​ចូល​ក្នុង​បញ្ជី​ខ្មៅ​ទៅវិញ​នោះ​៕អត្ថបទ​៖ បាន ចក់

ទឹកក្នុងបឹងតាម៉ុកបានហក់ឡើងបន្ថែមទៀតដោយសារមានភ្លៀងធ្លាក់នៅតំបន់ជួរភ្នំដងរែក

2022/07/21 05:05:22 pm        1134
Facebook Telegram Linkin
​ឧ​ត្ត​រ​មានជ័យ​៖ ស្ថានភាព​កម្រិត​កម្ពស់​ទំនប់​អាង​ស្តុក​ទឹក​បឹង​តា​ម៉ុក ស្ថិតនៅ​ឃុំ​អន្លង់វែង ស្រុក​អន្លង់វែង ខេត្ត​ឧ​ត្ត​រ​មានជ័យ គិត​ត្រឹម​វេលា​ម៉ោង​៩ និង​៣០​នាទី​ព្រឹក​ថ្ងៃទី​២១ ខែកក្កដា ឆ្នាំ​២០២២​នេះ កម្រិត​កម្ពស់​ទឹកបាន​ហក់​ឡើង​បន្ថែមទៀត​បន្តិចមាន​កម្រិត​កម្ពស់​ទឹក ៣,៣៧ម៉ែត្រ បើ​ធៀប​ទៅ​ថ្ងៃ​ម្សិលមិញ​កម្រិ​ត​កម្ពស់​ទឹក​ស្រក​នៅត្រឹម ​៣.៣៥ម៉ែត្រ​។​​លោក ញឺ​ន កួន ប្រធាន​មន្ទីរ​ធនធាន​ទឹក និង​ឧតុនិយម​ខេត្ត​ឧ​ត្ត​រ​មានជ័យ​បាន​ឲ្យ​ដឹងថា ករណី​អាកាសធាតុ បើ​ភ្លៀង​នៅតែ​បន្ត​ធ្លាក់​នៅ​ផ្នែក​ខាងលើ​នៃ​តំបន់​ជួរ​ភ្នំ​ដងរែក វា​នឹង​អាច​បណ្តាល​ឲ្យ​បឹង​ទឹក​តា​ម៉ុក​ទទួល​បាន​ប្រភព​ទឹក​ពេញ​ប្រៀប​អាង​ស្តុក​បាន ​ដោយសារតែ​ប្រភពទឹក​ភ្លៀង​បាន​ធ្លាក់​មកពី​ផ្នែក​ខាងលើ​ភ្នំ​៕

ទូតរុស្សីប្រចាំកម្ពុជា កោតសរសើរការបំពេញតួនាទីរបស់កម្ពុជាក្នុងនាមជាប្រធានអាស៊ាន

2022/07/20 10:39:43 pm        784
Facebook Telegram Linkin
ភ្នំពេញ៖ ស្ថានទូតរុស្សីប្រចាំកម្ពុជា បានកោតសរសើរចំពោះការបំពេញតួនាទីរបស់កម្ពុជា ក្នុងនាមជាប្រធានអាស៊ាន និងការរៀបចំព្រឹត្តិការណ៍នៃកិច្ចប្រជុំសំខាន់នានា ក្នុងនាមជាម្ចាស់ផ្ទះ។ថ្លែងប្រាប់អ្នកសារព័ត៌មានតាមរយៈសន្និសីទសារព័ត៌មានដែលរៀបចំដោយស្ថានទូតរុស្សីប្រចាំកម្ពុជាតាមប្រព័ន្ធវីដេអូ នៅថ្ងៃទី២០ ខែកក្កដា ឆ្នាំ២០២២នេះ លោក រ៉ាហ្វាល់អ៊ែល អាន់រ៉ាហ្គាវ អនុព័ន្ធ​ព័ត៌មាន​នៃស្ថានទូតរុស្សី បានឲ្យដឹងថា បន្ទាប់ពីកម្ពុជា បានទទួលភារៈ ធ្វើជាប្រធាន​អាស៊ាន​ឆ្នាំ២០២២ សកម្មភាពនៃការដឹកនាំកិច្ចប្រជុំសំខាន់ៗ និងបំពេញតួនាទីរបស់កម្ពុជា​បាន​អនុវត្តជាបន្តបន្ទាប់ ។ ក្នុងនោះ លោក បន្តថា ជាមួយនឹងការត្រៀមរៀបចំកិច្ចប្រជុំរបស់អាស៊ាន និងកិច្ចប្រជុំពាក់ព័ន្ធ​នាពេលកន្លងទៅ មានលទ្ធផលល្អប្រសើរ​ដោយសារមាន​ការចូលរួមពី​បណ្តា​ជា​សមាជិករបស់អាស៊ាន។លោក រ៉ាហ្វាល់អ៊ែល អាន់រ៉ាហ្គាវ បានបញ្ជាក់ថា សម្រាប់កិច្ចប្រជុំនានា​របស់កម្ពុជាជាប្រធាន​ដឹកនាំ​អាស៊ាន ឬកិច្ចប្រជុំដៃគូពាក់ព័ន្ធនានា គឺភាគីរុស្សីត្រៀមនឹងចូលរួមតាមការរៀបចំ និងការស្នើរបស់​កម្ពុជា។ ជាមួយគ្នានេះ​ លោក បានកោតសរសើរអំពីការបំពេញតួនាទីរបស់កម្ពុជាក្នុងនាម​ជាប្រធានអាស៊ាន ដែលបានធ្វើឲ្យមានផ្លៃផ្កា ​និងភាពល្អប្រសើរសម្រាប់បណ្តាប្រទេសជាសមាជិកអាស៊ាន។ លោក បានបន្ថែមថា ​រុស្សីប្តេជ្ញាប្រកាន់យកទំនាក់ទំនង​ទ្វេភាគីជាប្រវត្តិសាស្រ្ត ​និងយូរអង្វែង​ជាមួយ​កម្ពុជា ដើម្បីជំរុញឲ្យទំនាក់ទំនងជាប្រវត្តិសាស្រ្តនេះ បានរួមចំណែកពង្រឹងកិច្ច​សហប្រតិបត្តិរវាង​ប្រទេសទាំងពីរ រួមទាំងអភិវឌ្ឍប្រទេសកម្ពុជា៕ អត្ថបទ៖ សេក ឧត្តម 

មជ្ឈមណ្ឌលត្រៀមបង្ការគ្រោះមហន្តរាយអាស៊ីបានក្លាយខ្លួនជាមជ្ឈមណ្ឌលអន្តរជាតិ

2022/07/20 06:08:32 pm        543
Facebook Telegram Linkin
ភ្នំពេញ៖សម្តេចតេជោ ហ៊ុន សែន នាយករដ្ឋមន្រ្តី បានអនុញ្ញាតឱ្យលោកសាស្រ្តាចារ្យបណ្ឌិត Krasae Chanawongse សាកលវិទ្យាធិការនៃ សាកលវិទ្យាល័យ  Krirk និងជាសមាជិកក្រុមប្រឹក្សាភិ បាលមជ្ឈមណ្ឌលត្រៀមបង្ការគ្រោះមហន្តរាយអាស៊ី ចូលជួបសម្តែងការគួរសម និងពិភាក្សាការងារ នៅវិមានសន្តិភាព រាជធានីភ្នំពេញ នាព្រឹកថ្ងៃទី២០ ខែកក្កដា ឆ្នាំ២០២២ ។ក្រោយជំនួបបញ្ចប់ ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោ ហ៊ុន សែន បានប្រាប់ដល់ក្រុមអ្នកសារព័ត៌មានថា លោកសាស្រ្តាចារ្យបណ្ឌិត Krasae Chanawongse បានគោរពជំរាបជូនសម្តេចថា ក្នុងឱកាសនេះលោកមានគោលបំណង ៣ ទី១គឺគោរពរាយការណ៍ជូនសម្តេចពីវឌ្ឍន ភាពនៃមជ្ឈមណ្ឌលគ្រប់គ្រងគ្រោះមហន្តរាយអាស៊ីដែលបានក្លាយជាមជ្ឈមណ្ឌលអន្តរជាតិ ។ ទី២ គោរពជូនអាហារូបករណ៍ ៤០កន្លែងដល់និស្សិតកម្ពុជា និងទី៣ សុំការអនុញ្ញាតសុំជួបសម្តេចម្តងទៀតនៅឆ្នាំក្រោយ។ឯកឧត្តម អ៊ាង សុផល្លែត បានបញ្ជាក់ថា ជាការឆ្លើយតប សម្តេចតេជោបានសម្ដែងនូវការអបអរសាទរ រីករាយដែលមជ្ឈមណ្ឌលត្រៀមបង្ការគ្រោះមហន្តរាយអាស៊ី ត្រូវបានក្លាយជាមជ្ឈមណ្ឌលអន្តរជាតិ។ សម្ដេចតេជោ ហ៊ុន សែន បានផ្ដល់អនុសាសន៍ថា គប្បីធ្វើយ៉ាងណាជំរុញឲ្យអង្គការនេះ មានសកម្មភាពដោះស្រាយទប់ស្កាត់គ្រោះបានជាក់លាក់ ហើយបានថ្លែងអំណរគុណ ជូនចំពោះឯកឧត្តម Krasae ដែលបានផ្តល់អាហារូបករណ៍ដាក់ឈ្មោះសម្ដេចតេជោសម្រាប់សិស្សកម្ពុជាទៅសិក្សានៅប្រទេសថៃហើយសម្ដេចបានសុំឲ្យឯកឧត្តមបន្តពិភាក្សាជាមួយឯកឧត្តមហង់ ជួនណារ៉ុន រដ្ឋមន្ត្រីក្រសួងអប់រំយុវជននិងកីឡាដើម្បីជ្រើសរើសសិស្សកម្ពុជាទៅសិក្សានៅប្រទេសថៃ។ដោយឡែកចំពោះការស្នើសុំជួបសម្ដេចសារជាថ្មីនៅឆ្នាំក្រោយនោះ សម្ដេចបានសម្ដែងនូវសេចក្តីរីករាយនឹងជួបឯកឧត្តមនៅរាល់ពេលអញ្ជើញមកព្រះរាជាណាចក្រកម្ពុជា៕

រដ្ឋមន្ត្រីក្រសួងយុត្តិធម៌កម្ពុជា-ជប៉ុនប្រកាសពង្រឹងកិច្ចសហប្រតិបត្តិការក្នុងវិស័យច្បាប់ និងយុត្តិធម៌

2022/07/20 05:55:57 pm        482
Facebook Telegram Linkin
ភ្នំពេញ៖ រដ្ឋមន្ត្រីក្រសួងយុត្តិធម៌កម្ពុជា បានទទួលជួបពិភាក្សាការងារជាមួយអនុរដ្ឋមន្ត្រីក្រសួងយុត្តិធម៌ជប៉ុន ដើម្បីពង្រឹងកិច្ចសហប្រតិបត្តិការរវាងកម្ពុជា-ជប៉ុនក្នុងវិស័យច្បាប់ និងយុត្តិធម៌។ ភាគីជប៉ុនបានបន្តផ្តល់ការគាំទ្រដល់កម្ពុជាលើការពង្រឹងសមត្ថភាព និងបណ្តុះបណ្តាលធនធានមនុស្សក្នុងវិស័យច្បាប់ និងយុត្តិធម៌ ពិសេស ការផ្តល់អាហារូបករណ៍ដល់សិស្ស និស្សិត និងមន្ត្រីរាជការកម្ពុជាក្នុងវិស័យយុត្តិធម៌បន្ថែមទៀត ដោយក្រសួងយុត្តិធម៌កម្ពុជាចាត់ទុកថា ការពង្រឹងធនធានមនុស្សក្នុងវិស័យយុត្តិធម៌ក៏ជាសរសរស្តម្ភ និងជាអាទិភាពគោលនយោបាយសម្រាប់ការងារកែទម្រង់ច្បាប់ និងយុត្តិធម៌នៅកម្ពុជា៕

ផ្លូវលេខ ១៤៦បេ ស្ថាបនារួចរាល់ហើយ តែតំបន់ខ្លះនឹងកែសម្រួលបន្តិចបន្តួចដើម្បីសុវត្ថិភាពបន្ថែម

2022/07/20 05:43:05 pm        573
Facebook Telegram Linkin
ព្រះសីហនុ៖ ផ្លូវលេខ ១៤៦បេ ដែលតភ្ជាប់ពីផ្លូវជាតិលេខ៤ ត្រង់រង្វង់មូលសម្ដេចសង្ឃ ទេព វង្ស ក្នុងស្រុកព្រៃនប់ ឆ្ពោះទៅកាន់ស្រុកស្ទឹងហាវ និងទៅភ្ជាប់ដល់កំពង់ផែក្រុងព្រះសីហនុស្ថាបនាសម្រេចបាន ៩៩ភាគរយហើយ សល់មួយភាគរយទៀត គឺជាការកែសម្រួលនិងបន្ថែមផ្លាកសញ្ញាចរាចរណ៍ជាដើម ដើម្បីសុវត្ថិភាពបន្ថែមទៀតដល់អ្នកប្រើប្រាស់ផ្លូវនេះ៕

បទអត្ថាធិប្បាយនយោបាយ៖ តើកម្ពុជាត្រូវចុះចាញ់ការគំរាមកំហែង ឬការបង្កហានិភ័យពីអាមេរិកឬទេ ?

2022/07/19 08:46:15 pm        1246
Facebook Telegram Linkin
សហរដ្ឋអាមេរិក តាមរយៈមន្ដ្រីជាន់ខ្ពស់ដែលធ្វើទស្សនកិច្ចមកកម្ពុជាថ្មីៗនេះ បានបង្ហាញពីក្ដីព្រួយបារម្ភមួយចំនួនរបស់ខ្លួន។ ក្នុងនោះមានជាអាទិ៍ ការព្រួយបារម្ភពីវត្ដមានមូលដ្ឋានកងទ័ពចិននៅសមុទ្ររាម ដែលមហាអំណាចនេះជឿថា វានឹងប៉ះពាល់ដល់សន្តិសុខក្នុងតំបន់ និងជាការបម្រើផលប្រយោជន៍ផ្ដាច់មុខរបស់ចិន។ ក្រៅពីនេះក៏មានលើកឡើងពាក់ព័ន្ធនឹងរឿងក្ដីក្ដាំរបស់លោក កឹម សុខា និងប្រព័ន្ធអនុគ្រោះពន្ធទូទៅ ឬ GSP ជាដើម។លោក Daniel J. Kritenbrink ឧបការីរដ្ឋមន្រ្តីក្រសួងការបរទេសសហរដ្ឋអាមេរិក ទទួលបន្ទុកកិច្ចការអាស៊ីបូព៌ា និងប៉ាស៊ីហ្វិក បានធ្វើទស្សនកិច្ចផ្លូវការមកកម្ពុជារយៈពេលពីរថ្ងៃ គឺកាលពីថ្ងៃទី១២-១៣ ខែកក្កដា ឆ្នាំ២០២២ ហើយនៅថ្ងៃទី១៣ ខែកក្កដា លោកក៏បានធ្វើសន្និសីទកាសែតដោយលើកឡើងពីកង្វល់មួយចំនួនខាងលើនេះ។យ៉ាងណាមិញ ក្ដីកង្វល់ដែលមន្ដ្រីអាមេរិកបានរៀបរាប់ ហាក់មិនមែនជារឿងថ្មីនោះទេសម្រាប់កម្ពុជា។ មិនមែនជារឿងថ្មី ដ្បិតអាមេរិកតែងតែព្យាយាមយកចំណុចទាំងនេះធ្វើជារបៀបវារៈ នៅពេលមន្ដ្រីរបស់ខ្លួនធ្វើទស្សនកិច្ចមកកម្ពុជា។ វាគឺជាសម្ពាធមួយដែលអាមេរិកចិញ្ចឹមចិត្ដថា កម្ពុជានឹងត្រូវតែធ្វើតាមការអំពាវនាវរបស់ខ្លួនជាមហាអំណាច តែការយល់ឃើញរបស់អាមេរិកយ៉ាងដូច្នេះពិតជាខុស ព្រោះកម្ពុជាមិនបានខ្លាចរអានឹងសម្ពាធមហាអំណាចណាមួយឡើយ។ នោះក៏ព្រោះរដ្ឋដ៏តូចមួយនេះមិនបានប្រព្រឹត្ដខុស ហើយក៏មិនត្រចៀកសជឿតាមការញាក់របស់ភាគីណាដាច់ខាត។ជាក់ស្ដែងរឿងចោទប្រកាន់ថា ចិនកំពុងសាងសង់មូលដ្ឋានយោធានៅសមុទ្ររាម​ដើម្បីដាក់​កម្លាំង​ទ័ពនៅទីនោះ កម្ពុជាបានបកស្រាយជាច្រើនលើកច្រើនសារ ហើយថែមទាំងបើក​ឱ្យមានទស្សនកិច្ច​មន្ដ្រីអាមេរិកចូលទៅកាន់មូលដ្ឋានទ័ពជើងទឹករាមផងដែរដើម្បីបំបាត់មន្ទិលសង្ស័យ។ ប៉ុន្ដែអ្វីដែលកម្ពុជាទទួលបានមកវិញ មិនត្រឹមតែមិនមែនពាក្យអរគុណ តែបែរជារង​នូវការ​មូលបង្កាច់ថា មិនអនុញ្ញាតឱ្យមន្ដ្រីអាមេរិកចូលធ្វើ​ទស្សនកិច្ចតាមការចង់បានទៅវិញ។យោងតាមសេចក្តីប្រកាសព័ត៌មានរបស់ក្រសួងការពារជាតិកម្ពុជា ចុះថ្ងៃទី១២ ខែមិថុនា ឆ្នាំ២០២១ អ្នកនាំពាក្យក្រសួងការពារជាតិ បានបំភ្លឺថា ក្រសួងការពារជាតិបានយកចិត្តទុកដាក់​រៀបចំ​ឱ្យមាន​ដំណើរទស្សនកិច្ច ដោយក្រុមការងារសម្របសម្រួលបានព្យាយាមបំពេញ​បំណង​របស់​ប្រតិភូអាមេរិក អនុលោមតាមគោលការណ៍ដែលបានកំណត់ និងការព្រមព្រៀងគ្នា។សកម្មភាពសំខាន់ៗមួយចំនួនត្រូវបានរៀបចំឡើង រួមមាន ជំនួបពិភាក្សាការងារដែលស្នើដោយ​ភាគីអាមេរិក មានរយៈពេលជាងមួយម៉ោង ការចុះទៅពិនិត្យមើលអាគារសង់ថ្មី២ខ្នង​សម្រាប់​ការ​ស្នាក់នៅរបស់កម្មករសំណង់ ដំណើរពិនិត្យមើលផែ និងនាវារបស់កងទ័ពជើងទឹក ការទស្សនារោង​ជាងដែលជាជំនួយរបស់ប្រទេសអូស្ត្រាលី ការធ្វើទស្សនកិច្ចនៅមន្ទីរពេទ្យ និងការធ្វើដំណើរទៅ​ពិនិត្យមើល​សំណង់ទីបញ្ជាការជួរមុខរបស់គណៈកម្មាធិការជាតិសន្តិសុខលម្អសមុទ្រ នៅកោះព្រាប។តែផ្ទុយទៅវិញ ក្រោយបានចូលមើលទីតាំងទាំងនេះហើយ ភាគីអាមេរិកហាក់បានបង្កើតនូវ​សេណារីយ៉ូថ្មីមួយ ដោយទាមទារចូលទៅមើលកន្លែងផ្សេងដោយពុំមានការស្នើសុំមុន។ នេះជាការទាមទារដែលមិនគោរពចំពោះអធិបតេយ្យភាពរបស់កម្ពុជា និងមានចេតនាធ្វើជាមិនយល់អំពីលាក់ការណ៍របស់កងទ័ព ហេតុនេះកម្ពុជាមិនអនុញ្ញាតជាដាច់ខាត។តាមរយៈសកម្មភាពនេះ អ្នកនាំពាក្យក្រសួងការពារជាតិកម្ពុជា ចាត់ទុកការទាមទារចង់​ទៅមើលគ្រប់កន្លែងដោយមិនបានស្នើសុំជាមុន គឺជាការព្យាយាមបង្កើតបញ្ហាថ្មី និងបំភ្លៃការពិតដែលនាំឱ្យមានភាពល្អក់កករកាន់តែខ្លាំងឡើងដល់ទំនាក់ទំនងរវាងយោធាប្រទេសទាំងពីរ។ ក្រសួងការពារជាតិកម្ពុជាក៏ស្នើសុំដោយទទូចដល់សហរដ្ឋអាមេរិក បញ្ឈប់ការបង្កើតសេណារីយ៉ូថ្មីៗដែលនាំមកនូវភាពអវិជ្ជមាន និងសូមឱ្យគោរពដល់អធិបតេយ្យភាព និងលាក់ការណ៍កងទ័ពរបស់ព្រះរាជាណាចក្រកម្ពុជា។រីឯក្រសួងការបរទេស និងសហប្រតិបត្តិការអន្តរជាតិកម្ពុជា ក៏ធ្លាប់បានប្រកាសច្រានចោលពាក់ព័ន្ធ​សំណុំរឿង “មូលដ្ឋានកងទ័ពជើងទឹករាម” ដែលថាបម្រើផលប្រយោជន៍ផ្ដាច់មុខរបស់ចិន។ ក្រសួងការបរទេសកម្ពុជាបញ្ជាក់ថា រដ្ឋាភិបាលប្រកាន់យ៉ាងខ្ជាប់ខ្ជួនចំពោះរដ្ឋធម្មនុញ្ញ ដែលមិន​អនុញ្ញាតឱ្យមានមូលដ្ឋាន ឬវត្តមានកងទ័ពបរទេសណាមួយនៅលើទឹកដីកម្ពុជាឡើយ។ចំពោះរឿងក្ដីក្ដាំរបស់លោក កឹម សុខា វិញក៏ដូចគ្នា។ វាជាការព្យាយាមរំលេចរបស់អាមេរិក ធ្វើយ៉ាងណាឱ្យអន្ដរជាតិមើលឃើញថា កម្ពុជាមានកំហុស ​ក្រោមលេសថា កម្ពុជាពន្យារពេលកាត់ក្ដី​លោក កឹម សុខា ទាំងដែលធាតុពិតតុលាការបាន ​និងកំពុងធ្វើការលើរឿងនេះជាបន្ដបន្ទាប់។ ទទូចចង់ឱ្យពន្លឿនរឿងក្ដី មិនមែនអាមេរិកមានអំណាចលើតុលាការកម្ពុជា ហើយក៏មិនមែន​អាមេរិក​ជាអ្នកកាត់ក្ដីនោះដែរ ព្រោះអ្វីៗជាសមត្ថកិច្ចរបស់តុលាការកម្ពុជា។លោក កឹម សុខា រងការចោទប្រកាន់ក្រោមបទ«សន្ទិដ្ឋិភាពជាមួយរដ្ឋបរទេស» ចង់ផ្ដួលរំលំ​រដ្ឋាភិបាលកម្ពុជា ដូច្នេះសំណុំរឿងនេះ​ បើតាមអ្នកនាំពាក្យក្រសួងយុត្ដិធម៌ធ្លាប់លើកឡើងថា មាន​ភស្តុតាងដាក់បន្ទុករឹងមាំ និងស៊ីចង្វាក់គ្នាល្អបែបនេះ ជនជាប់ចោទគួរប្រើយុទ្ធសាស្រ្ត “To plead guilty” ដើម្បីសុំឱ្យតុលាការផ្តល់ស្ថានសម្រាលទោស និងដើម្បីអោយនីតិវិធីឆាប់ចប់៕

បណ្ដាញសង្គម

ព័ត៌មានថ្មីៗ

ផ្ទះទេវតាទី៣៣៨ មួយខ្នងទៀតដោយមានភ្ជាប់ប្រព័ន្ធភ្លើងសូឡា និងទឹកស្អាត ត្រូវបានលោកជំទាវ ហ៊ុន ម៉ាណា ប្រគល់ជូនពលរដ្ឋខ្វះខាតជីវភាព នៅខេត្តកំពង់ធំ
08/23/2026 05:08 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញវឌ្ឍនភាព និងការចាប់ផ្តើមអនុវត្ត “កម្មវិធីលើកកម្ពស់ជីវភាពគ្រួសារយុទ្ធជន តាមរយៈគំរូផលិតកម្មកសិកម្មទំនើប”
08/23/2026 04:08 PM
Facebook Telegram Linkin
លោកជំទាវ ឌី សុខីទីឃាយុកោ ហ៊ុន ម៉ានិត អញ្ជើញប្រគល់អណ្តូងទឹកស្អាត ១០ កន្លែង ជូនប្រជាពលរដ្ឋក្នុងឃុំមានជ័យ ស្រុកឈូក ខេត្តកំពត
08/23/2026 04:08 PM
Facebook Telegram Linkin
ក្រសួងការងារ៖ ខេត្តកំពង់ស្ពឺមានឱកាសការងារជិត ២ម៉ឺនកន្លែងកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ
08/23/2026 04:08 PM
Facebook Telegram Linkin
ចង់ក្លាយជាអ្នកជំនាញអគ្គិសនី? ឱកាសអាហារូបករណ៍ រៀនជំនាញទំនើប អនុវត្តជាក់ស្តែង រៀនចប់ឆាប់មានការងារធ្វើ រៀននៅវិទ្យាស្ថានពហុបច្ចេកទេសតេជោសែនស្វាយរៀង
08/23/2026 04:08 PM
Facebook Telegram Linkin
ACU នឹងបញ្ជូនមន្ត្រីក្រសួងការបរទេសចំនួន ៣រូប ទៅតុលាការនៅរសៀលនេះ
08/23/2026 03:08 PM
Facebook Telegram Linkin
ក្រសួងការងារ៖ ខេត្ត៤ជាប់សមុទ្រមានឱកាសការងារជិត ២ពាន់កន្លែងកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ
08/23/2026 03:08 PM
Facebook Telegram Linkin
ក្រសួងការងារ៖ ខេត្តតាកែវមានឱកាសការងារជាង ៦ពាន់កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ
08/23/2026 03:08 PM
Facebook Telegram Linkin
មនុស្ស ២នាក់ ត្រូវបានសង្រ្គោះ និងមនុស្ស ២២នាក់ បាត់ខ្លួន ក្រោយនាវាដឹកទំនិញលិចនៅជិតតំបន់ឆ្នេរប្រទេសឥណ្ឌា
08/23/2026 03:08 PM
Facebook Telegram Linkin
ជនជាតិម៉ិកស៊ិក ៣៦៥នាក់ ត្រូវបាននិរទេសចេញពីអាមេរិកទៅកាន់ហុងឌូរ៉ាស
08/23/2026 03:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.