នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

ប្រទេសក្នុងតំបន់អាស៊ី-ប៉ាស៊ីហ្វិក ជ្រើសយកកម្ពុជាធ្វើជាម្ចាស់ផ្ទះរៀបចំវេទិកាសម្រាប់កិច្ចសន្ទនា ស្តីពីសន្តិភាព

2022/07/05 09:47:43 pm        669
Facebook Telegram Linkin
ភ្នំពេញ៖ ប្រទេសនៅក្នុងតំបន់អាស៊ី-ប៉ាស៊ីហ្វិក និងប្រធានមូលនិធិបណ្ឌិតសភាយ៉ូជឹង បានសម្រេចជ្រើសរើសកម្ពុជាឲ្យធ្វើជាម្ចាស់ផ្ទះរៀបចំវេទិកាពិសេសស្តីពី «ការទូតសភាស្ថាប័នអ្នកស្រាវជ្រាវ និងទំនាក់ទំនងរវាងប្រជាជន និងប្រជាជនដើម្បីសន្តិភាព» វេទិកានេះ បានផ្លាស់ប្តូរបទពិសោធន៍គ្នាទៅវិញទៅមកទាក់ទងនឹងសន្តិភាព ខណៈសន្តិភាព គឺជាតម្រូវការដំបូងបំផុត សម្រាប់ការអភិវឌ្ឍ និងលទ្ធិប្រជាធិបតេយ្យ។វេទិកា ស្តីពី«ការទូតសភាស្ថាប័នអ្នកស្រាវជ្រាវ និងទំនាក់ទំនងរវាងប្រជាជននិងប្រជាជនដើម្បី​សន្តិភាព»​នេះបានធ្វើឡើងរយៈពេលពីរថ្ងៃគឺថ្ងៃទី៤-៥ ខែកក្កដា ឆ្នាំ២០២២ នៅវិមានរដ្ឋសភាកម្ពុជា ដោយ​មានការចូលរួមពីលោក ឯក ណាតដាកាល់ ប្រធាន UPF ប្រចាំតំបន់អាស៊ី-ប៉ាស៊ីហ្វិក លោកសាស្រ្តាចារ្យបណ្ឌិត ជីន ស៊ុងប៊ែ ប្រធានមូលនិធិបណ្ឌិតសភាយ៉ូជឹង និងសមាជិករដ្ឋសភាប្រទេសជាច្រើនទៀត។ថ្លែងនៅក្នុងពិធីបិទវេទិកានេះលោកជំទាវកិត្តិសង្គហបណ្ឌិត ឃួន សុដារី អនុប្រធានទី២ នៃរដ្ឋសភា និងជាប្រធានក្រុមប្រឹក្សាវប្បធម៌អាស៊ី បានលើកឡើងថាក្នុងនាមលោកជំទាវជាសមាជិករដ្ឋសភា កម្ពុជាមានសេចក្តីសោមនស្សរីករាយដោយបានឃើញ​បញ្ញវន្ត​មកពីប្រទេសផ្សេងៗជាច្រើន មក​ចូលរួម​យ៉ាង​សកម្មនាពេលនេះ ​ដើម្បីបង្ហាញយ៉ាងច្បាស់ពីឆន្ទៈ និងកិច្ចខិតខំប្រឹងប្រែងរួមផ្នែក​នយោបាយ របស់យើងក្នុងការលើកកម្ពស់សន្តិភាព ដែលបច្ចុប្បន្នកំពុងស្ថិតក្នុងភាព​តានតឹង​ដោយសារការប្រកួត​ប្រជែង​ភូមិសាស្ត្រនយោបាយ​ និងភាពមិនច្បាស់លាស់ដែលបណ្តាល​មក​ពីសណ្តាប់ធ្នាប់ពិភពលោកថ្មីដែលកំពុងវិវត្តយ៉ាង​ឆាប់រហ័ស។លោកជំទាវ បានលើកឡើងទៀតថា «សន្តិភាព គឺជាតម្រូវការដំបូងបំផុត សម្រាប់ការអភិវឌ្ឍ និងលទ្ធិប្រជាធិបតេយ្យ។ យើងមិនអាចលើកកម្ពស់លទ្ធិប្រជាធិបតេយ្យ ​សិទ្ធិមនុស្ស និង​វិបុលភាព​បានទេ​ លុះត្រា​តែ​សន្តិភាព​ត្រូវបានធានា។ ដូច្នេះយើងទាំងអស់គ្នាត្រូវថែរក្សាពូន​ជ្រុំសន្តិភាព។ នៅកម្ពុជា​ សន្តិភាពគឺជាអាទិភាពចម្បងនៃដំណើរការកសាងប្រទេសជាតិរបស់យើង។ ឃ្លាថា “អរគុណសន្តិភាព” បានក្លាយជាយុទ្ធនាការជាតិរបស់យើង ដើម្បីរំលឹកប្រជាជនអំពីតម្លៃនៃសន្តិភាព និងសារៈសំខាន់នៃការចូលរួមរបស់ប្រជាជនដើម្បីការពារថែរក្សាសន្តិភាព»។លោកជំទាវ ឃួន សុដារី ក៏បានថ្លែងអំណរគុណផងដែរ ចំពោះការជ្រើសរើសប្រទេសកម្ពុជា​ធ្វើជា​វេទិការសម្រាប់កិច្ចសន្ទនាស្តីពីសន្តិភាព។ ក្នុងនាមជាប្រទេសជាតិមួយ ដែលស្រឡាញ់សន្តិភាព កម្ពុជាបាននឹងកំពុងប្រឹងប្រែងអស់ពីសមត្ថភាពរបស់ខ្លួន ដើម្បីចូលរួមចំណែកដល់​សន្តិភាព​ពិភពលោក។ លោកជំទាវ បន្ថែមទៀតថា យើងត្រូវធ្វើការ​ជិតស្និទ្ធ​ជាមួយគ្នា ដើម្បី​ធ្វើឱ្យមាននិរន្តភាពនៃសន្តិភាព។ជាមួយគ្នានោះដែរ លោកជំទាវក៏បានធ្វើការលើកទឹកចិត្តដល់អ្នកពាក់ព័ន្ធទាំងឡាយ ឱ្យពិចារណា​លើ​អនុសាសន៍ដែលកើតចេញពីសន្និសីទនេះ​ដោយ​បញ្ចូលធាតុ​ចូលទាំងនេះ ទៅក្នុងការអភិវឌ្ឍ​គោល​នយោបាយ និងធ្វើឱ្យក្លាយជាប្រភពនៃការ​បំផុសគំនិត និងការណែនាំសម្រាប់​ផែនការ​សកម្មភាព ដែលរឹងមាំ ​និងពិតជាក់ស្តែង ​ដើម្បីលើកកម្ពស់សន្តិភាពសកលដោយផ្អែកលើ​មនុស្ស​ជាតិផងដែរ៕អត្ថបទ៖ បាន ចក់រូបភាព

មនុស្ស៦នាក់ស្លាប់ក្នុងការបាញ់ប្រហារលើក្បួនព្យុហយាត្រាបុណ្យឯករាជ្យជាតិជិតទីក្រុង Chicago

2022/07/05 03:26:45 pm        1886
Facebook Telegram Linkin
អាមេរិក៖ នគរបាលកំពុងតាមស្វែងរកខ្មាន់កាំភ្លើងលើដំបូលអគារដែលបានបាញ់សម្លាប់មនុស្ស៦នាក់ នៅក្នុងក្បួនព្យុហយាត្រាបុណ្យឯករាជ្យជាតិជិតទីក្រុង Chicago សហរដ្ឋអាមេរិក។ព្រឹត្តិការណ៍នៅក្នុងទីក្រុង Highland Park រដ្ឋ Illinois ត្រូវបានផ្អាកភ្លាមៗ បន្ទាប់ពីម៉ោងដល់១០:០០ម៉ោងនៅសហរដ្ឋអាមេរិក នៅពេលគេបានលឺស្នូរគ្រាប់កាំភ្លើងជាច្រើនគ្រាប់។ ក្រុមមន្ត្រីនិយាយថា មនុស្ស២៤នាក់ ត្រូវបានបញ្ជូនទៅកាន់មន្ទីរពេទ្យ។  ជនសង្ស័យត្រូវបានគេស្គាល់ឈ្មោះថា Robert E Crimo III វ័យ២២ឆ្នាំ ។ នគរបាលនិយាយថា ជនល្មើសនោះ ត្រូវបានចាត់ទុកថា ជាមនុស្សមានអាវុធក្នុងដៃ និងគ្រោះថ្នាក់ ។នគរបាលបាននិយាយថា ជនសង្ស័យទំនងជាមានគោលបំណងដាក់គោលដៅទៅលើក្រុមមនុស្សដែលកំពុងចូលរួមនៅក្នុងព្យុហយាត្រាដោយប្រើអាវុធវែងសម្រាប់បាញ់ស៊ីប។  ជនសង្ស័យជាខ្មាន់កាំភ្លើង បានបើកការបាញ់ប្រហារ លើក្បួនព្យុហយាត្រា នៅម៉ោងប្រមាណ ១០:១៥ នាទីម៉ោងនៅសហរដ្ឋអាមេរិក ត្រឹមប៉ុន្មាននាទីបន្ទាប់ពីពិធីចាប់ផ្ដើម។ អ្វីដែលគួរជាថ្ងៃដ៏រីករាយបំផុតមួយក្នុងចំណោមពេលវេលាដ៏រីករាយបំផុតជាច្រើននៅឆ្នាំនេះ បានប្រែក្លាយយ៉ាងលឿនទៅជាការភ័យស្លន់ស្លោរ ដោយច្រានកៅអីចោល រត់ចោលការបូប និងកៅអីអង្គុយលើវាលស្មៅ ត្រូវបោះបង់ចោលរាយប៉ាយនៅតាមដងផ្លូវ ខណៈហ្វូងមនុស្សរត់គេចចេញពីហេតុការណ៍នេះ។ ជនសង្ស័យត្រូវគេជឿថាបានបាញ់ពីលើដំបូលប្លុកអគារសាធារណៈនៃហាងលក់ទំនិញដែលនៅក្បែរនោះ ជាទីដែលនគរបាលនិយាយថា ពួគេបានរកឃើញភស្តុតាងនៃការប្រើប្រាស់អាវុធ។ មនុស្សពេញវ័យចំនួន៥នាក់ បានស្លាប់នៅនឹងកន្លែង ព្រមទាំងជនរងគ្រោះម្នាក់ទៀតដែលអាជ្ញាធរក្នុងតំបន់និយាយថា បានស្លាប់នៅមន្ទីរពេទ្យក្បែរនោះ។ គួររម្លឹកថា ថ្ងៃទី៤ខែកក្កដា គឺជាថ្ងៃឈប់សម្រាកទូទាំងប្រទេស រម្លឹកដល់ការប្រកាសឯករាជ្យរបស់សហរដ្ឋអាមេរិកពីអាណានិគមចក្រភពអង់គ្លេសក្នុងឆ្នាំ ១៧៧៦៕

អាជ្ញាធរមីនបើកកិច្ចប្រជុំជាមួយជាមួយផ្នែកពាក់ព័ន្ធ កំណត់គោលដៅអាទិភាព រៀបចំផែនការ និងបែងចែកកម្លាំងបោសសម្អាត ក្រោម “គម្រោងសម្តេចតេជោសម្រាប់សកម្មភាពមីន_ផ្តល់ដីសុវត្ថិភាព បង្កើតស្នាមញញឹម”ដំណាក់កាលដំបូង

2022/07/05 02:47:20 pm        605
Facebook Telegram Linkin
ភ្នំពេញ៖ ថ្ងៃទី០៤ ខែកក្កដា ឆ្នាំ២០២២ ឯកឧត្តមទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន បានដឹកនាំកិច្ចប្រជុំជាមួយបញ្ជាការដ្ឋានកងទ័ពជើងគោក, មជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាព បោសសម្អាតមីន និងកាកសំណល់សង្រ្គាម (NPMEC) និងមជ្ឈមណ្ឌលសកម្មភាពកំចាត់មីនកម្ពុជា (CMAC) ដើម្បីកំណត់គោលដៅអាទិភាព រៀបចំផែនការ និងបែងចែកកម្លាំងបោសសម្អាត ក្រោម “គម្រោងសម្តេចតេជោសម្រាប់សកម្មភាពមីន_ផ្តល់ដីសុវត្ថិភាព បង្កើតស្នាមញញឹម” ដំណាក់កាលដំបូង។ ឯកឧត្តទេសរដ្ឋមន្រ្តី បានបញ្ជាក់ថា អង្គប្រជុំបានឯកភាពដូចខាងក្រោម ៖ ១. បញ្ជាការដ្ឋានកងទ័ពជើងគោក ៖ បោសសម្អាតផ្ទៃដីក្នុងស្រុក/ក្រុងចំនួន ០៨ និងប្រកាសជាស្រុក/ក្រុងអស់មីនរួមមាន ៖ ស្រុកស្រែអំបិល (ខេត្តកោះកុង) ស្រុកឆ្លូង ស្រុកចិត្របុរី (ខេត្តក្រចេះ) ក្រុងព្រះវិហារ ស្រុកត្បែងមានជ័យ (ខេត្តព្រះវិហារ) ស្រុកឧត្តុង្គ (ខេត្តកំពង់ស្ពឺ) និងក្រុងសេរីសោភ័ណ្ឌ ស្រុកមង្គលបុរី (ខេត្តបន្ទាយមានជ័យ)។ ២. មជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាព បោសសម្អាតមីន និងកាកសំណល់ សង្រ្គាម (NPMEC) ៖ បោសសម្អាតផ្ទៃដីក្នុងខេត្តត្បូងឃ្មុំ និងប្រកាសជាខេត្តអស់មីន។ ៣. មជ្ឈមណ្ឌលសកម្មភាពកំចាត់មីនកម្ពុជា (CMAC) ៖ បោសសម្អាតផ្ទៃដីក្នុងខេត្តតាកែវ និងខេត្តកំពត និងប្រកាសជាខេត្តអស់មីន បន្ថែមលើធនធានដែល CMAC មានស្រាប់។ ជាមួយគ្នានេះ CMAC នឹងធ្វើការបោសសម្អាតផ្ទៃដីក្នុងស្រុកចុងកាល់ (ខេត្តឧត្តរមានជ័យ) និងប្រកាសជាស្រុកអស់មីន ដោយប្រើកម្លាំងចម្រុះជាមួយបញ្ជាការដ្ឋានកងទ័ពជើងគោក ក្នុងគោលបំណងផ្លាស់ប្តូរបទពិសោធន៍រវាងប្រតិបត្តិករទាំងពីរ។ឯកឧត្តមទេសរដ្ឋមន្រ្តី បានបន្តទៀត ផែនការបន្ត ត្រូវអនុវត្តន៍ស្របតាមនីតិវិធីនៃការងារបោសសម្អាតមីន និងស្តង់ដាសកម្មភាពកំចាត់មីនកម្ពុជា ដោយតម្រូវឲ្យក្រុមការងារបច្ចេកទេសត្រូវចុះពិនិត្យវាយតម្លៃលើស្ថានភាពរាល់គ្រប់ចម្ការមីនជាក់ស្តែង (ទំហំ ប្រភេទចម្ការមីន និងស្ថានភាពភូមិសាស្រ្ត) ដើម្បីលើកគម្រោងថវិកា និងពង្រាយកម្លាំងបោសសម្អាត។ ដំណើរការអនុវត្តតំបន់អស់មីន ដូចខាងក្រោម ៖ ១/. ជ្រើសរើសតំបន់អាទិភាព២/. វិភាគកម្លាំងក្រុមស្រាវជ្រាវមិនបច្ចេកទេស (Non-Technical Survey_NTS) ជាមួយប្រតិបត្តិករ៣/. ធ្វើផែនការពង្រាយកម្លាំងក្រុមស្រាវជ្រាវមិនបច្ចេកទេសរបស់ប្រតិបត្តិករ ដោយមានការអនុម័តពីអាជ្ញាធរមីន៤/. ពង្រាយកម្លាំងកម្លាំងក្រុមស្រាវជ្រាវមិនបច្ចេកទេសតាមការណែនាំរបស់អាជ្ញាធរមីន៥/. កំណត់តំបន់បោសសម្អាត៦/. វិភាគសមត្ថភាពបោសសម្អាតជាមួយប្រតិបត្តិករ៧/. បែងចែកតំបន់បោសសម្អាតដល់ប្រតិបត្តិករ៨/. ប្រតិបត្តិករពិនិត្យចម្ការមីន និងរៀបចំផែនការថវិកា បញ្ជូនមកអាជ្ញាធរមីន៩/. ពិនិត្យ និងផ្តល់គម្រោងបោសសម្អាតដល់ប្រតិបត្តិករ១០/. ការបោសសម្អាតមីន និងត្រួតពិនិត្យគុណភាព ត្រូវបានអនុវត្ត១១/. ការប្រគល់ដីដែលបានបោសសម្អាតរួច និងការប្រកាសតំបន់អស់មីន  សូមបញ្ជាក់ថា កម្ពុជានៅសល់ ២២ រាជធានី-ខេត្ត បន្តរងផលប៉ះពាល់ដោយសារមីន (មិនរាប់បញ្ចូលគ្រាប់បែកចង្កោម និងសំណល់ជាតិផ្ទុះពីសង្រ្គាមផ្សេងទៀត) ក្នុងទំហំផ្ទៃដីសរុប ៧១៦.០៣៩.៧១២ ម៉ែត្រក្រឡា (៧១.៦០៣,៩ ហិកតា)៕

ឯកឧត្តម ឈាង វុន ជួបពិភាក្សាការងារជាមួយប្រតិភូសហគមន៍អឺរ៉ុប

2022/07/04 07:58:52 pm        666
Facebook Telegram Linkin
ភ្នំពេញ៖ នាព្រឹកថ្ងៃទី៤ ខែកក្កដា ឆ្នាំ២០២២ នៅសាលសន្និសីទបាយ័ន នៃវិមានរដ្ឋសភា ឯកឧត្ដម ឈាង វុន ប្រធានគណៈកម្មការសេដ្ឋកិច្ចហិរញ្ញវត្ថុ ធនាគារ និងសវនកម្ម បានអនុញ្ញាតិ្តឱ្យគណៈប្រតិភូសហគមន៍អឺរ៉ុប ដឹកនាំដោយលោក Fabrizio SENESI ចូលជួបពិភាក្សាការងារ។កិច្ចពិភ្សានេះ មានក៏ការអញ្ជើញចូលរួមពីសំណាក់ឯកឧត្តម លោកជំទាវ សមាជិក សមាជិការដ្ឋសភា នៃគណៈកម្មការជំនាញនានាអញ្ជើញចូលរួម។ឯកឧត្តម ឈាង វុន បានមានប្រសាសន៍ថាគោលបំណង នៃកិច្ចប្រជុំពិភ្សានាពេលនេះ គឺផ្ដោត​លើរបៀបវារៈចំនួន២គឺ ទី១-សមិទ្ធផល និងបញ្ហាប្រឈមការងារលើការកែទម្រង់ការគ្រប់គ្រង​ហិរញ្ញវត្ថុ​សាធារណៈ។ ទី២-ការផ្លាស់ប្ដូរ​ទស្សនៈលើតួនាទី ​និងការរួមចំណែករបស់សហគមន៍អឺរ៉ុប លើកការងារកែទម្រង់ការគ្រប់គ្រងហិរញ្ញវត្ថុសាធារណៈ។ឯកឧត្តម ឈាង វុន មានប្រសាសន៍បន្ថែមថា ​ស្ថិតក្នុងម្លប់សុខសន្តិភាពឯកភាពជាតិ ឯកភាពទឹកដី ស្ថិរភាពនយោបាយរឹងមាំ ​ការប្រកាន់ភ្ជាប់នូវគោលនយោបាយសិទ្ធប្រជាធិបតេយ្យ នីតិរដ្ឋ និង​ការគោរព​សិទ្ធិមនុស្ស​នៅក្រោម​ដំបូល​​រដ្ឋធម្មនុញ្ញ​ និងច្បាប់រាជរដ្ឋាភិបាលនីតិកាលទី៦​ នៃរដ្ឋសភា ក្រោមការដឹកនាំដ៏ខ្ពង់ខ្ពស់ដោយ​គតិបណ្ឌិត​របស់​សម្ដេចតេជោ ហ៊ុន សែន នាយករដ្ឋមន្រ្តី បានធានាជាប្រចាំនូវប្រក្រតីភាព ​នៃដំណើរការទៅមុខ នៃការអភិវឌ្ឍសង្គម សេដ្ឋកិច្ច ស្រប​តាមកម្មវិធី និងយុទ្ធសាស្រ្តចតុកោណដំណាក់កាលទី៤ ​ដើម្បីកំណើនការងារ សមធម៌ និង​ប្រសិទ្ធភាព​នៅកម្ពុជា។ ចាប់តាំងពីឆ្នាំ២០១៣មក រាជរដ្ឋាភិបាល​ បាន​បន្តជំរុញការកែ ទម្រង់ស្ថាប័ន​ឱ្យ​មាន​ចរន្តថ្មីមុតស្រួច ​និង​កាន់តែស៊ីជម្រៅ​លើ​គ្រប់ផ្នែក ​និង​គ្រប់វិស័យ​ព្រមទាំងបានផ្តល់​អាទិភាព​និងចាត់ទុកភាព​រឹងមាំ​នៃប្រព័ន្ធ​គ្រប់គ្រង​ហិរញ្ញវត្ថុ​សាធារណប្រកប​ដោយប្រសិទ្ធិភាព​​គឺជាមូលដ្ឋាន​គ្រឹះដ៏ចាំបាច់មិនអាចខ្វះបាន សម្រាប់ការជំរុញការអភិវឌ្ឍប្រទេសជាតិ និងការកាត់​បន្ថយ​ភាពក្រីក្រ ជាពិសេសធានានូវកំណើនសេដ្ឋកិច្ច​ និងការបង្កើនប្រសិទ្ធភាព​នៃការផ្តល់សេវាសាធារណៈជូន​ប្រជាពលរដ្ឋ។ដោយឡែកយុទ្ធសាស្រ្តអឺរ៉ុប​ស្តីពីកិច្ចសហប្រតិបត្តិការនៅព្រះរាណាចក្រកម្ពុជាចាប់ពីឆ្នាំ២០២១-២០២៧ដោយមានការចូលរួមពីប្រទេសប៊ែលហ្សិក សាធារណៈរដ្ឋឆែក សភាពអឺរ៉ុប ធានាគារវិនិយោគអឺរ៉ុប ប្រទេសបារាំង ( ទីភ្នាក់ងារបារាំង AFD ) ប្រទេសអាល្លឺម៉ង់ (រួមទាំង​សហប្រតិបត្តិការអាល្លឺម៉ង់ GIZ និងធានាគារអភិវឌ្ឍអាល្លឺម៉ង់AFW) ប្រទេសហុងគ្រី សាធារណរដ្ឋអៀរឡង់ ប្រទេសស៊ុយអែត ​និងប្រទេសស្វីស ដើម្បីលើកកម្ពស់សង្គតិភាពនៃគោល​នយោបាយ​អឺរ៉ុប និងភាពជាដៃគូរជាមួយប្រទេសកម្ពុជា។ ឯកឧត្តម បានបន្តថា កិច្ចសហប្រតិបត្តិការអឺរ៉ុប ​នៅកម្ពុជាគឺកម្មវិធីកែទម្រង់ការគ្រប់គ្រងហិរញ្ញវត្ថុ​សាធារណៈក្នុងអាទិភាពទី១​ ពង្រឹង​គណនេយ្យភាព ប្រជាធិបតេយ្យ ​សុចរិតភាព ​និងប្រសិទ្ធភាព នៃប្រព័ន្ធ និងសេវាស្ថាប័នសាធារណៈ របស់​កម្ពុជា​នៅគ្រប់លំដាប់ថ្នាក់​ដោយផ្តោត​លើកម្មវិធីកែ​ទម្រង់​និងអភិបាលកិច្ចសំខាន់ៗរួមទាំងប្រឆាំងអំពើពុករលួយ៕ អត្ថបទ ចក់

ក្រុមប្រឹក្សាធម្មនុញ្ញ បានអនុម័តជាឯកច្ឆន្ទ សម្រេចបែងចែកក្រុមនៃក្រុមប្រឹក្សាធម្មនុញ្ញអាណត្តិ៣ឆ្នាំ

2022/07/04 06:15:22 pm        498
Facebook Telegram Linkin
ភ្នំពេញ៖ ក្រុមប្រឹក្សាធម្មនុញ្ញ នៅថ្ងៃទី៤ ខែកក្កដា ឆ្នាំ២០២២នេះ បានអនុម័តជាឯកច្ឆន្ទ ដោយសម្រេចបែងចែកក្រុម នៃក្រុមប្រឹក្សាធម្មនុញ្ញសម្រាប់អាណត្តិ៣ឆ្នាំ លើកទី៩ (២០២២-២០២៥) រួមទាំងចាត់តាំងអ្នកនាំពាក្យចំនួន ៣រូប ។

សប្បុរសជនខ្មែរជាច្រើនរូប នៅរាជធានីកង់ប៉េរ៉ា-Canberra ប្រទេសអូស្ត្រាលី ទទួលបានគ្រឿងឥស្សរិយយស ពីព្រះករុណា ព្រះមហាក្សត្រ នៃព្រះរាជាណាចក្រកម្ពុជា

2022/07/04 05:41:10 pm        164
Facebook Telegram Linkin
ភ្នំពេញ ៖ នៅថ្ងៃអាទិត្យ ទី៣ ខែកក្កដា ឆ្នាំ២០២២ សប្បុរសជនខ្មែរជាច្រើនរូប នៅរាជធានីកង់ប៉េរ៉ា ប្រទេសអូស្ត្រាលី ទទួលបានគ្រឿងឥស្សរិយយស ពីព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ដែលបានជួយដល់សហគមពលរដ្ឋខ្មែរនៅរាជធានីកង់ប៉េរ៉ា-Canberra ប្រទេសអូស្ត្រាលីនាពេលកន្លងមក។  ពិធីប្រគល់គ្រឿងឥស្សរិយយស មេដាយថ្នាក់មហាសេនា, មេដាយថ្នាក់ធិបឌិន និងមេដាយថ្នាក់សេនា បានធ្វើឡើងនៅល្ងាចថ្ងៃទី៣ ខែកក្កដា ឆ្នាំ២០២២នេះ ក្រោមវត្តមានឯកឧត្តម ចាន់ រតនា ឯកអគ្គរាជទូត នៃព្រះរាជាណាចក្រកម្ពុជា ប្រចាំប្រទេសអូស្ត្រាលី និងនូវ៉ែលហ្សេឡង់ និងឯកឧត្តមបណ្ឌិត គឹម សន្តិភាព រដ្ឋលេខាធិការ នៃក្រសួងយុត្តិធម៌៕

ទ័ពមួកខៀវកម្ពុជា ទទួលការកោតសរសើរពី UN ខណៈកំពុងបំពេញបេសកកម្មនៅស៊ូដង់ខាងត្បូង

2022/07/02 09:35:21 pm        1024
Facebook Telegram Linkin
ភ្នំពេញ៖ នៅក្នុងឆមាសទី១ ឆ្នាំ២០២២នេះ ​កងទ័ពមួកខៀវកម្ពុជាដែលកំពុងឈរជើងបំពេញ​បេសកកម្មថែរក្សាសន្តិភាពអង្គការសហប្រជាជាតិUN​ នៅប្រទេសស៊ូដង់ខាងត្បូង បាននិងកំពុង​ទទួល​ការគាំទ្រ ​ការកោតសរសើរពីមេបញ្ជាការUN ​និងបណ្តាពលរដ្ឋនៅក្នុងតំបន់បេសកកម្ម​នៅ​តាមទីក្រុងរដ្ឋធានីសំខាន់ៗចំនួន៦ រួមមាន រដ្ឋធានី Juba ទីក្រុងBor , Malakal, Wau, Bentiu, និងទីក្រុងទីRumbekនៅក្នុងប្រទេស​ស៊ូដង់ខាងត្បូង។បើតាមលោកវរសេនីយ៍ឯក ទេស សីហា មេបញ្ជាការកងអនុសេនាធំអាវុធហត្ថមួកខៀវកម្ពុជា ក្នុងបេសកកម្មអង្គការ​សហប្រជាជាតិ UNនៅសាធារណរដ្ឋស៊ូដង់ខាងត្បូង អោយBTV នឹង​នៅថ្ងៃទី២​ ខែ​កក្កដា​នេះ ថា នៅក្នុងឆមាសទី១ ឆ្នាំ២០២២នេះ​ កម្លាំង​អាវុធ​ហត្ថមួកខៀវកម្ពុជា ត្រូវបាន​ដាក់​ពង្រាយកងកម្លាំងឈរបំពេញបេសកកម្មថែរក្សាសន្តិភាពUN ​នៅ​ប្រទេសស៊ូដង់​ខាងត្បូងចំនួន ៦ទីតាំង និងឈរជើងនៅ៧គោលដៅ ។លោកមេបញ្ជាការ ​បានឱ្យដឹងថា​ ភារៈកិច្ចសំខាន់​ដែលកម្លាំងអាវុធហត្ថត្រូវធ្វើ គឺ​មាន​ការការ​ពារអម​ដំណើរ​ឥស្សរជន UN និងដំណើរទស្សនកិច្ច បណ្ដាថ្នាក់ដឹកនាំប្រទេស ​បរិច្ចាគកងកម្លាំង ចុះត្រួត​ពិនិត្យសន្តិសុខ តាមច្រកចេញ-ចូល ក្នុងបន្ទាយUN ត្រួតពិនិត្យសម្ភារៈកងកម្លាំងប្ដូរវេន ត្រួតពិនិត្យ​សណ្ដាប់ធ្នាប់​ចរាចរណ៍ ​ត្រួតពិនិត្យការធ្វើចត្តាឡីស័ក ត្រួត​ពិនិត្យ​តាម​រថយន្ដពង្រឹង​​ការការ​ពារជម្ងឺកូវីដ-១៩ បានជាង៧០០០លើក ជាដើម។លោកវរសេនីយ៍ឯក ​ទេស សីហា ​បន្តថា ​ការងារបេសកកម្មសំខាន់ៗក្រៅពីនេះ គឺកងកម្លាំងអាវុធ​ហត្ថ​កម្ពុជាយើង ​បានចុះ ត្រួតពិនិត្យប័ណ្ណបើកបរ​ និងមិនពាក់មិនពាក់ខ្សែក្រវ៉ាត់ ត្រួតពិនិត្យល្បឿន​រថយន្ត អាកុល ល្បាតថ្មើរជើង​ និងចុះល្បាតនៅក្នុងបន្ទាយ​UN ល្បាតក្នុងទីក្រុង ត្រួតពិនិត្យ​កងកម្លាំងប្តូរវេន​ ត្រួតពិនិត្យសម្ភារៈកងប្តូរវេន ​សម្រួល​ចរាចរណ៍​ឱ្យ​ក្បួន​រថយន្ត​ព្រលាន​យន្តហោះ (Movcon) ​សហការត្រួតពិនិត្យស៊ើបអង្កេតឧប្បត្តិវហេតុនានា ​ជាច្រើនករណីទៀត ទទួល​ភាព​ជោគជ័យ​លើគ្រប់ភារកិច្ច។លោក បញ្ជាក់ថា បច្ចុប្បន្ន កងអនុសេនាធំអាវុធហត្ថមួកខៀវកម្ពុជា ក្នុងបេសកកម្មអង្គការ​សហប្រជាជាតិ​ នៅសាធារណរដ្ឋស៊ូដង់ខាងត្បូង មានចំនួន៧៣នាក់ ​ហើយក្រៅពីនេះកម្ពុជា​យើង​ក៏​មានមន្ត្រីទ័ពមួកខៀវជាអ្នក​សង្កេតការណ៍​ម្នាក់​ធ្វើការ​ជាមួយមេបញ្ជា​UN​នៅក្នុងប្រទេសស៊ូដង់​ផងដែរ។សូមបញ្ជាក់ឱ្យដឹងដែរថា ចាប់តាំងពិឆ្នាំ២០០៦ រហូតមកដល់បច្ចុប្បន្ន កម្ពុជា​បាន​បញ្ជូនកងទ័ព​រក្សាសន្តិភាព សរុបចំនួន៨៣០២នាក់ ​ក្នុងនោះ​កម្លាំងនារីមានចំនួន៥៨០នាក់ ទៅចូលរួមបំពេញ​បេសកកម្មចំនួន១១ នៅប្រទេសចំនួន៩ រួមមាន​ ស៊ូសង់ ស៊ូដង់ខាងត្បូង ឆាដ ស៊ីរី សាយប្រឹស ម៉ាលី លីបង់ អាហ្វ្រិកកណ្តាល និងយេម៉ែន។ បច្ចុប្បន្ន ​កងទ័ពរក្សាសន្តិភាពរបស់កម្ពុជា មានចំនួនជាង ៨០០នាក់​ កំពុងបំពេញបេសកកម្មនៅប្រទេស ​ចំនួន៥ មានស៊ូដង់ ស៊ូដង់ខាងត្បួង ម៉ាលី លីបង់ និងអាហ្វ្រិកកណ្តាល៕ អត្ថបទ ស៊ុម សុខជា

ឯកឧត្តម លី ធុជ អញ្ជើញចូលរួមពិធីអបអរសាទរជ័យជម្នះរបស់គណបក្សប្រជាជនកម្ពុជាក្រុងបាវិត

2022/07/02 08:08:34 pm        225
Facebook Telegram Linkin
ស្វាយរៀង៖ ឯកឧត្តម លី ធុជ ប្រធានក្រុមការងារគណបក្សចុះមូលដ្ឋានក្រុងបាវិត បានអញ្ជើញចូលរួមពិធីអបអរសាទរជ័យជម្នះរបស់គណបក្សប្រជាជនកម្ពុជាក្រុងបាវិត ដែលបានទទួលជោគជ័យក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥ ឆ្នាំ២០២២ កន្លងមកនេះ។ ក្នុងនាមសម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងលោកជំទាវកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តស្វាយរៀង ឯកឧត្តម លី ធុជ បានថ្លែងអំណរគុណយ៉ាងជ្រាលជ្រៅ និងវាយតម្លៃខ្ពស់ជូនក្រុមការងារគណបក្សចុះមូលដ្ឋានសង្កាត់ទាំង៥ និងសមាជិកគណបក្សក្នុងក្រុងបាវិតទាំងអស់ ចំពោះការលះបង់គ្រប់បែបយ៉ាងទាំងពេលវេលា និងធនធានផ្ទាល់ខ្លួន ដើម្បីឧត្តមប្រយោជន៍ប្រទេសជាតិ និងគណបក្សប្រជាជនកម្ពុជា ជាពិសេសលើកកម្ពុជាជីវភាពរបស់ប្រជាពលរដ្ឋនៅតាមមូលដ្ឋាន។ឯកឧត្តម លី ធុជ បានលើកឡើងថា “ឆ្នោតមួយសន្លឹករបស់បងប្អូនប្រជាពលរដ្ឋជូនគណបក្សប្រជាជនកម្ពុជា គឺបានឆ្លុះបញ្ចាំងអំពីការសម្រេចចិត្តដ៏ត្រឹមត្រូវក្រោមមាគ៌ាដឹកនាំដ៏ឈ្លាសវៃរបស់ថ្នាក់ដឹកនាំគណបក្សប្រជាជនកម្ពុជា ក៏ដូចជារាជរដ្ឋាភិបាលកម្ពុជា ក្នុងការស្វែងរកសុខសន្តិភាព និងការអភិវឌ្ឍជូនជាតិមាតុភូមិ។ឯកឧត្តមបញ្ជាក់ថា “គណបក្សប្រជាជនកម្ពុជាឈ្នះ សន្តិភាពឈ្នះ និងការអភិវឌ្ឍឈ្នះ”៕

សម្តេចតេជោ ហ៊ុន សែន ផ្ញើសារថ្លែងអំណរគុណសប្បុរសជននានា ដែលបរិច្ចាគថវិកាគាំទ្រសកម្មភាពបោសសម្អាតមីន និងយុទ្ធភណ្ឌនៅកម្ពុជា

2022/07/02 06:23:19 pm        1197
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី បានផ្ញើសារលិខិតថ្លែងអំណរគុណជាបន្តបន្ទាប់ដល់សប្បុរសជន ព្រមទាំងអង្គភាពក្រុមហ៊ុន អាជីវកម្មនានា ដែលបានចូលរួមចំណែកបរិច្ចាគថវិកាជូនដល់រាជរដ្ឋាភិបាល ដើម្បីគាំទ្រសកម្មភាពបោសម្អាតមីន និងយុទ្ធភណ្ឌមិនទាន់ផ្ទុះកម្ពុជា ។យោងតាមទំព័រ Facebook សម្តេចតេជោ ហ៊ុន សែន នាយករដ្ឋមន្ត្រីបានប្រកាសថា អ្វីដែលសំខាន់ គឺការឈានទៅបញ្ចប់នៅសោកនាដកម្មលើប្រជាជនកម្ពុជាដែលស្លាប់ និងរបួសដោយគ្រាប់មីន និងគ្រាប់មិនទាន់ផ្ទុះដែលជាឃាតកលាក់មុខនៅសេសសល់លើទឹកដីកម្ពុជា។ដើម្បីសម្រួលដល់ការចូលរួមទាំងនេះ សម្តេចតេជោ ហ៊ុន សេន សូមឲ្យសប្បុរសជនធ្វើទំនាក់ទំនងទៅឯកឧត្ដម សេង ទៀង រដ្ឋលេខាធិការទីស្តីការគណៈរដ្ឋមន្ត្រីតាមលេខទូរស័ព្ទ ០១២ ៩៦១៩៧១ ដែលនឹងប្រមូលថវិកានេះបញ្ចូលទៅគណនេយ្យរបស់អាជ្ញាធរមីនកម្ពុជា៕ខាងក្រោមនេះ ជាខ្លឹមសារលិខិតថ្លែងអំណរគុណរបស់សម្តេចតេជោ ហ៊ុន សែន នាយករដ្ឋមន្ត្រី៖

ប្រេសិតពិសេសប្រធាអាស៊ាន ជួបជាមួយក្រុមប្រដាប់អាវុធភាគតិចមីយ៉ានម៉ាចំនួន៧ ពិភាក្សាស្វែងរកការចចារសន្តិភាព

2022/07/02 05:55:52 pm        624
Facebook Telegram Linkin
ភ្នំពេញ៖ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ និងជាប្រេសិតពិសេសរបស់ប្រធានអាស៊ានស្ដីពីមីយ៉ាន់ម៉ា បានបន្តជួបជាមួយតំណាងអង្គការប្រដាប់អាវុធជនជាតិភាគតិចចំនួន៧ ពិភាក្សាលើបញ្ហាកំពុងកើតឡើង នៅក្នុងប្រទេសមួយនេះ ។ក្រសួងការបរទេស និងសហប្រតិបត្តិការអន្តរជាតិ បានឲ្យដឹងថា កាលពីថ្ងៃទី១ ខែកក្កដា ឆ្នាំ២០២២ បានឲ្យដឹងថា សម្រាប់តំណាងអង្គការប្រដាប់អាវុធជនជាតិភាគតិចចំនួន៧ គឺបានចុះហត្ថលេខាកិច្ចព្រមព្រៀងបទឈប់បាញ់ ជាមួយក្រុមប្រឹក្សារដ្ឋបាលរដ្ឋ (SAC) ដោយកិច្ចប្រជុំបានផ្លាស់ប្តូរទស្សនៈលើស្ថានភាពនយោបាយនៅក្នុងប្រទេស ជាពិសេសលើវិធី ដែលមីយ៉ាន់ម៉ាអាចជំរុញការចរចាសន្តិភាពទៅមុខ ដើម្បីជាប្រយោជន៍ដល់ប្រជាជនទាំងអស់នៅក្នុងប្រទេស ។ក្នុងកិច្ចប្រជុំនេះ ឯកឧត្តមឧបនាយករដ្ឋមន្រ្តី ក៏បានឆ្លៀតឱកាសពន្យល់អំពីការអនុវត្តដ៏ជោគជ័យនៃនយោបាយឈ្នះ-ឈ្នះ ផ្តួចផ្តើមដោយសម្តេចតេជោនាយករដ្ឋមន្រ្តី ហ៊ុន សែន ដែលបាននាំកម្ពុជាឲ្យទទួលបានសុខសន្តិភាព ស្ថិរភាព និងការអភិវឌ្ឍដូចសព្វថ្ងៃ ។ក្នុងថ្ងៃដដែលនេះ ឯកឧត្តម ប្រាក់សុខុន បានជួបពិភាក្សាការងារជាមួយឯកឧត្តម យ៉ា ព្យេ ប្រធានគណៈកម្មាធិការសាមគ្គីភាពជាតិ និងការបង្កើតសន្តិភាព (NSPNC) កិច្ចប្រជុំបានផ្តោតលើប្រធានបទសំខាន់ៗមួយចំនួន ទី១. ពិភាក្សាពីវឌ្ឍនភាពការងារ និងការចូលរួមចំណែករបស់អង្គការប្រដាប់អាវុធជនជាតិភាគតិច (EAOs) ក្នុងកិច្ចព្រមព្រៀងបទឈប់បាញ់ថ្នាក់ជាតិ (NCA), ទី២. ការចែករំលែកនូវបទពិសោធន៍របស់កម្ពុជា ក្នុងដំណើរអនុវត្តគោលនយោបាយឈ្នះ-ឈ្នះ របស់ សម្តេចតេជោ ហ៊ុន សែន និងទី៣. តួនាទីរបស់គណៈកម្មាធិការសាមគ្គីភាពជាតិ និងការបង្កើតសន្តិភាព (NSPNC) ក្នុងដំណើរការផ្តល់ជំនួយមនុស្សធម៌ និងការចាក់វ៉ាក់សាំងបង្ការជំងឺកូវីដ-១៩ ជូនប្រជាជនមីយ៉ាន់ម៉ា នៅតំបន់ដែលពិបាកទៅដល់ ៕(អត្ថបទ៖បាន សុខរិទ្ធិ)

បណ្ដាញសង្គម

ព័ត៌មានថ្មីៗ

ផ្ទះទេវតាទី៣៣៨ មួយខ្នងទៀតដោយមានភ្ជាប់ប្រព័ន្ធភ្លើងសូឡា និងទឹកស្អាត ត្រូវបានលោកជំទាវ ហ៊ុន ម៉ាណា ប្រគល់ជូនពលរដ្ឋខ្វះខាតជីវភាព នៅខេត្តកំពង់ធំ
08/23/2026 05:08 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញវឌ្ឍនភាព និងការចាប់ផ្តើមអនុវត្ត “កម្មវិធីលើកកម្ពស់ជីវភាពគ្រួសារយុទ្ធជន តាមរយៈគំរូផលិតកម្មកសិកម្មទំនើប”
08/23/2026 04:08 PM
Facebook Telegram Linkin
លោកជំទាវ ឌី សុខីទីឃាយុកោ ហ៊ុន ម៉ានិត អញ្ជើញប្រគល់អណ្តូងទឹកស្អាត ១០ កន្លែង ជូនប្រជាពលរដ្ឋក្នុងឃុំមានជ័យ ស្រុកឈូក ខេត្តកំពត
08/23/2026 04:08 PM
Facebook Telegram Linkin
ក្រសួងការងារ៖ ខេត្តកំពង់ស្ពឺមានឱកាសការងារជិត ២ម៉ឺនកន្លែងកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ
08/23/2026 04:08 PM
Facebook Telegram Linkin
ចង់ក្លាយជាអ្នកជំនាញអគ្គិសនី? ឱកាសអាហារូបករណ៍ រៀនជំនាញទំនើប អនុវត្តជាក់ស្តែង រៀនចប់ឆាប់មានការងារធ្វើ រៀននៅវិទ្យាស្ថានពហុបច្ចេកទេសតេជោសែនស្វាយរៀង
08/23/2026 04:08 PM
Facebook Telegram Linkin
ACU នឹងបញ្ជូនមន្ត្រីក្រសួងការបរទេសចំនួន ៣រូប ទៅតុលាការនៅរសៀលនេះ
08/23/2026 03:08 PM
Facebook Telegram Linkin
ក្រសួងការងារ៖ ខេត្ត៤ជាប់សមុទ្រមានឱកាសការងារជិត ២ពាន់កន្លែងកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ
08/23/2026 03:08 PM
Facebook Telegram Linkin
ក្រសួងការងារ៖ ខេត្តតាកែវមានឱកាសការងារជាង ៦ពាន់កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ
08/23/2026 03:08 PM
Facebook Telegram Linkin
មនុស្ស ២នាក់ ត្រូវបានសង្រ្គោះ និងមនុស្ស ២២នាក់ បាត់ខ្លួន ក្រោយនាវាដឹកទំនិញលិចនៅជិតតំបន់ឆ្នេរប្រទេសឥណ្ឌា
08/23/2026 03:08 PM
Facebook Telegram Linkin
ជនជាតិម៉ិកស៊ិក ៣៦៥នាក់ ត្រូវបាននិរទេសចេញពីអាមេរិកទៅកាន់ហុងឌូរ៉ាស
08/23/2026 03:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.