នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
រដ្ឋមន្រ្តី៖ ផ្លូវ៣ខ្សែជិត ១០០គីឡូម៉ែត្រនៅខេត្តក្រចេះ បើកច្រកថ្មីសម្រាប់ការតភ្ជាប់ និង​ជំរុញ​សេដ្ឋកិច្ច​-សង្គម
សម្តេចតេជោ ហ៊ុន សែន អនុញ្ញាតឱ្យ ឯកឧត្តម Andrey RUDENKO អនុរដ្ឋមន្ត្រីការបរទេស នៃសហព័ន្ធរុស្ស៊ី ចូលជួបសម្តែងការគួរសម
ឯកអគ្គរាជទូតអារ៉ាប៊ីសាអូឌីតថ្មី​ ប្ដេជ្ញាជំរុញទំនាក់ទំនងជាមួយកម្ពុជា ឱ្យឈានដល់កម្រិតថ្មីមួយទៀត
កម្ពុជា-រុស្ស៊ី ឯកភាពបន្តជំរុញទំនាក់ទំនង និងកិច្ចប្រតិបត្តិការរវាងប្រទេសទាំងពីរឱ្យកាន់តែរីកចម្រើនបន្ថែមទៀត

នយោបាយ​ និង ការអភិវឌ្ឍន៍

ទឹកឃ្មុំព្រៃមណ្ឌលគិរី នឹង​សម្ពោធ​ដាក់​ឱ្យ​ប្រើប្រាស់​ជាផ្លូវការ​ម៉ាក​សម្គាល់​ភូមិសាស្រ្ត​ទំនិញ​នៅថ្ងៃស្អែកនេះ

2022/03/26 09:08:48 pm        1241
Facebook Telegram Linkin
មណ្ឌលគិរី៖ នៅថ្ងៃស្អែកនេះ ក្រសួងពាណិជ្ជកម្ម នឹងចុះបញ្ជីម៉ាកសម្គាល់ភូមិសាស្រ្តទំនិញ ទឹកឃ្មុំព្រៃមណ្ឌលគិរី ក្នុងគោលបំណងផ្តល់កិច្ចការពារកម្មសិទ្ធិបញ្ញា ដល់សមាគមអភិរក្សឃ្មុំព្រៃខេត្តមណ្ឌលគិរី ដែលជាម្ចាស់ម៉ាកសម្គាល់ភូមិសាស្រ្តទំនិញ ក្រោមច្បាប់ស្តីពីម៉ាកសម្គាល់ភូមិសាស្រ្តទំនិញនៃកម្ពុជា។ក្រសួងពាណិជ្ជកម្មកម្ពុជា បានបញ្ជាក់ថា នៅថ្ងៃស្អែកទី២៧ ខែមីនា ឆ្នាំ២០២២ នឹងសម្ពោធដាក់ឱ្យប្រើប្រាស់ជាផ្លូវការម៉ាកសម្គាល់ភូមិសាស្រ្តទំនិញ ដែលនឹងប្រារព្ធធ្វើឡើងនៅសួនច្បារសែនមនោរម្យ ក្រុងសែនមនោរម្យ ខេត្តមណ្ឌលគិរី ក្រោមអធិបតីភាពឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម និងមានការចូលរួមពី ឯកឧត្តមអភិបាលខេត្ត តំណាងអង្គទូតប្រចាំកម្ពុជា អង្គការដៃគូអភិវឌ្ឍន៍ថ្នាក់ជាតិ និងអន្តរជាតិ សមាជិកសមាគមអភិរក្សឃ្មុំព្រៃខេត្តមណ្ឌលគិរី ដែលមានអ្នកចូលរួមប្រមាណ ៣០០រូប។នាយកដ្ឋានកម្មសិទ្ធិបញ្ជា នៃក្រសួងពាណិជ្ជកម្ម កាលពីថ្ងៃទី២៥ ខែមីនាកន្លងទៅ បានឲ្យដឹងថា ការចុះបញ្ជីម៉ាកសម្គាល់ភូមិសាស្រ្តទំនិញ ទឹកឃ្មុំព្រៃមណ្ឌលគិរី គឺដើម្បីទប់ស្កាត់ការក្លែងបន្លំម៉ាកសម្គាល់ភូមិសាស្រ្តទំនិញ ទឹកឃ្មុំព្រៃមណ្ឌលគិរីនៅលើទីផ្សារជាតិ និងអន្តរជាតិ, អភិរក្សចំណេះដឹង-ចំណេះធ្វើ និងទេពកោសល្យតាមបែបប្រពៃណីរបស់ប្រជាកសិករ និងសហគមន៍ជនជាតិពូនងក្នុងខេត្តមណ្ឌលគិរី តាមរយៈការរៀបចំចងក្រងសៀវភៅបន្ទុក «ទឹកឃ្មុំព្រៃមណ្ឌលគិរី», លើកកម្ពស់គុណភាពសំបកវេចខ្ចប់ ផ្សព្វផ្សាយអំពីកេរ្តិ៍ឈ្មោះម៉ាកសម្គាល់ភូមិសាស្រ្តទំនិញ «ទឹកឃ្មុំព្រៃមណ្ឌលគិរី» និងចូលរួមថែរក្សាតំបន់ព្រៃការពារ ជាគោលដៅទេសចរណ៍ និងបង្កើនច្រវ៉ាក់តម្លៃ បង្កើតការងារ និងលើកកម្ពស់ជីវភាពប្រជាកសិករក្នុងតំបន់។ប្រភពដដែល បានលើកឡើងបន្តថា រួមជាមួយនឹងព្រឹត្តិការណ៍សម្ពោធនេះ នឹងមាន​ពិធី​ប្រារព្ធ​ទិវា​មួយម៉ោង​សម្រាប់ភពផែនដី​ (Earth Hour) ឆ្នាំ២០២២​ និងមាន​ស្តង់​សម្រាប់ដាក់តាំងបង្ហាញ និង​លក់ផលិតផលម៉ាកសម្គាល់ភូមិសាស្រ្តទំនិញ​ “ទឹកឃ្មុំព្រៃមណ្ឌលគិរី” “ម្រេចកំពត” “ស្ករត្នោតកំពង់ស្ពឺ” និង “ក្រូចថ្លុងកោះទ្រង់” និងផលិតផលម៉ាកសមូហភាព “អង្ករព្រះវិហារ” និង“អំបុកកំពង់ធំ” ព្រមទាំងផលិតផលផ្សេងៗទៀតចាប់ពីថ្ងៃ២៦ ​រហូតដល់២៨ ខែមីនា ឆ្នាំ២០២២ផងដែរ។ក្រសួងពាណិជ្ជកម្ម ដែលមាននាយកដ្ឋានកម្មសិទ្ធិបញ្ញាជាសេនាធិការ ​បានចុះបញ្ជីម៉ាកសម្គាល់​ភូមិសាស្រ្តទំនិញ “ទឹកឃ្មុំព្រៃមណ្ឌលគិរី” នៅថ្ងៃទី១០ ខែធ្នូ ឆ្នាំ២០២០​ ដោយបានរៀបចំចងក្រង និងតម្កល់សៀវភៅបន្ទុក “ទឹកឃ្មុំព្រៃមណ្ឌលគិរី” ក្រោមកិច្ចគាំទ្ររបស់អង្គការមូលនិធិសកល​សម្រាប់​អភិរក្សធម្មជាតិ (WWF) វិទ្យាស្ថានស្រាវជ្រាវ ​និងអភិវឌ្ឍន៍​ជនបទកម្ពុជា (CIRD) និងសមាគមអភិរក្សឃ្មុំព្រៃខេត្តមណ្ឌលគិរី ​ក្រោមជំនួយពីពលរដ្ឋអាមេរិក USAID, សហភាពអឺរ៉ុប និងស៊ីដា (EU/Sida), ក្រសួងសហព័ន្ធអាល្លឺម៉ង់សម្រាប់កិច្ចសហប្រតិបត្តិការ​ និងអភិវឌ្ឍន៍សេដ្ឋកិច្ច (BMZ), ធនាគាអភិវឌ្ឍន៌អាស៊ី (ADB) ​តាមរយៈក្រសួងបរិស្ថាន ​និងក្រសួងកសិកម្ម រុក្ខាប្រមាញ់ និងនេសាទ និងមូលនិធិ October Hill Foundation៕ អត្ថបទ ឈិត បូរ៉ាវី

រាជធានី-ខេត្ត បើកយុទ្ធនាការចាក់វ៉ាក់សាំងកូវីដ-១៩ ដូសជំរុញទី៣ និងទី៤

2022/03/26 08:27:26 pm        768
Facebook Telegram Linkin
ភ្នំពេញ៖ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការជាអ្នកនាំពាក្យក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស ប្រាប់BTV ព័ត៌មាន កាលពីរសៀលថ្ងៃទី២៥ ខែមីនា ឆ្នាំ២០២២ថា បណ្តារាជធានី-ខេត្តទាំង២៥ ទទួលបានវ៉ាក់សាំងចំនួន០២ប្រភេទ ពីគ.វ.ក-១៩ បើកយុទ្ធនាការចាក់វ៉ាក់សាំងបង្ការជំងឺកូវីដ-១៩ជូនពលរដ្ឋ។លោកជំទាវវេជ្ជបណ្ឌិត ឱ វណ្ណឌីន បានបន្តទៀតថា មកដល់ពេលនេះ គ.វ.ក-19 បានបែង​ចែក​នូវវ៉ាក់សាំងប្រភេទPfizer ក៏ដូចជាវ៉ាក់សាំងប្រភេទ AstraZeneca ដែលយើងទទួល​បានពី​ប្រទេស​ប៉ូឡូញកន្លងមកនេះ ធ្វើការបែងចែកជូនទៅកាន់បណ្តារាជធានី-ខេត្តទាំង២៥ ​រួចរាល់​អស់​ហើយ ដើម្បី​បើកយុទ្ធនាការចាក់វ៉ាក់សាំងបង្ការជំងឺកូវីដ-១៩ដូសជំរុញទី៣ ​និងទី៤​ ជូនប្រជាពលរដ្ឋ។ជាចុងក្រោយលោកជំទាវវេជ្ជបណ្ឌិត ឱ វណ្ណឌីន ​ក៏សូមអំពាវនាវដ៏ទទូចដល់បងប្អូន​ប្រជាពលរ​ដ្ឋ​ទាំងអស់ ​អញ្ជើញមកទទួលនូវវ៉ាក់សាំងបង្ការជំងឺកូវីដ-១៩ ​ដូសជំរុញទី៣ ​និងទី៤​ ឲ្យបានគ្រប់ៗគ្នា ពិព្រោះបើយើងគិតមកដល់ពេលនេះ ​មានបងប្អូនប្រជាពលរដ្ឋមួយចំនួន​ដល់​ពេល​វេ​លា​ដែល​ត្រូវ​ចាក់វ៉ាក់សាំងកូវីដ-១៩ហើយ។ ដូច្នេះសូមអញ្ជើញមកទទួលយកវ៉ាក់សាំង ពិព្រោះវ៉ាក់សាំងរបស់យើង​មិនខ្វះនោះទេ គឺយើងមាន​វ៉ាក់សាំង​ប្រភេទ AstraZeneca និងPfizer ដែល​គណៈកម្មការចំពោះកិច្ច ​ចាក់វ៉ាក់សាំងកូវីដ-១៩ ក្នុង​ក្របខណ្ឌទូទាំងប្រទេស ​កំពុងណែនាំឲ្យមានការប្រើប្រាស់នៅទូទាំង ព្រះរាជាណាចក្រកម្ពុជា៕ អត្ថបទ រដ្ឋា

ឯកឧត្តម ហ៊ុន ម៉ានី៖ ខ្មែរមួយចំនួនសម្ដីខ្លាំងដាក់តែរដ្ឋាភិបាលខ្លួន តែមួយបរទេសវិញឱនជ្រុល

2022/03/26 05:18:20 pm        635
Facebook Telegram Linkin
ភ្នំពេញ៖ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក) បានថ្លែងថា មានខ្មែរមួយចំនួនបានតែសម្ដីខ្លាំងលើរាជរដ្ឋាភិបាលខ្លួនឯង និងនិយាយថាយ៉ាងនេះ យ៉ាងនោះ ប៉ុន្តែជាមួយបរទេសវិញ គឺឱនដាក់គេជ្រុល ។ក្នុងឱកាសអញ្ជើញជា​អធិបតី​បិទសន្និបាត​បូកសរុបលទ្ធផលការងារ ឆ្នាំ២០២១ និងលើកទិសដៅ​ការងារឆ្នាំ២០២២ ​របស់ក្រុមប្រឹក្សាយុវជនគ្រឹះស្ថានឧត្តមសិក្សានៃ ​ស.ស.យ.ក នៅថ្ងៃទី២៥ ខែមីនា ឆ្នាំ២០២២ ឯកឧត្តម ហ៊ុន ម៉ានី បានមានប្រសាសន៍ថា​ នៅលើឆាកអន្តរជាតិ ​ពេលយើងតំណាងខ្មែរ ទៅនិយាយជាមួយបរទេសទាំងទ្វេរភាគី ឬពហុភាគី គេមិនខ្វល់យើងធ្វើអ្វីនៅក្នុងប្រទេសនោះទេ គេគៀបយើងតែសមត្ថភាពមួយគត់ ។ឯកឧត្តម បានបន្តថា ពេលខ្លះមានខ្មែរមួយចំនួន ដោយសារចង់ឲ្យគេជួយពេក ហើយខ្លាច​គេ​មិនជួយ​ ទាល់តែដើរតួនាទីឱនបន្តិច ឬពេលខ្លះឱនជ្រុល តែមកដល់ខ្មែរវិញធ្វើខ្លាំងណាស់ ជា​មួយរាជរដ្ឋាភិបាល ខ្លាំងណាស់ជាមួយខ្មែរគ្នាឯង ប៉ុន្តែជាមួយបរទេសអត់ហ៊ានមួយគេ ។ឯកឧត្តម ហ៊ុន ម៉ានី បន្ថែមថា ចំណុចដែលត្រូវចងចាំមិនភ្លេច ទី១. នៅលើឆាកអន្តរជាតិ គឺ​ទទួលភាពគោរពដោយស្មើមុខស្មើមាត់ ទី២. អាចការពារថែរក្សា និងអាចទាញផល​ប្រយោជន៍​ដើម្បី​ប្រទេសជាតិបាន​ ហើយចង់ឲ្យបរទេសឲ្យតម្លៃខ្មែរ ​ភាពជាតំណាង ​ក្នុងនាម​ជាប្រទេសអធិបតេយ្យ និងឯករាជ្យ ​មានតែសមត្ថភាពមួយគត់​ទៅនិយាយជាមួយគេ ។ប្រធាន ស.ស.យ.ក បាន​សង្កត់ធ្ងន់ថា ​យើងត្រូវមានភាពច្បាស់លាស់​ ត្រូវ​ស្គាល់​ខ្លួនឯង ​ថា​មក​ពីណា​ ស្ថិតនៅទីណា ​ចំណុចខ្លាំងនៅទីណា ​ចំណុចដែលប្រឈម ​និងត្រូវកែនៅចំណុចណា តែទោះ​យ៉ាងណាក៏ដោយ​ មិនឱនក្បាលមុខគេ ត្រូវខិតខំប្រឹងប្រែងពុះពារទៅមុខ​ ដើម្បីដឹកនាំ ទទួល​ខុសត្រូវចំពោះជោគវាសនាប្រទេសជាតិ ៕ អត្ថបទ៖ បាន សុខរិទ្ធិ

គ.ជ.ប៖ ការលុបបញ្ជីឈ្មោះបេក្ខជនបក្សភ្លើងទៀន នៅសង្កាត់ទទួលស្វាយព្រៃទី១ គឺស្របតាមច្បាប់

2022/03/25 09:51:21 pm        874
Facebook Telegram Linkin
ភ្នំពេញ៖ ជាថ្មីម្តងទៀតគណៈកម្មការធិការជាតិរៀបចំការបោះឆ្នោត ដែលហៅកាត់ថា គ.ជ.ប នៅថ្ងៃទី២៥ ខែមីនានេះ បានបញ្ជាក់ថា ការលុបបញ្ជីឈ្មោះបេក្ខជនឈរឈ្មោះបោះឆ្នោត នៃគណបក្សភ្លើងទៀន នៅសង្កាត់ទទួលស្វាយព្រៃទី១ គឺស្របតាមច្បាប់ស្តីពីការបោះឆ្នោតជ្រើសរើស ក្រុមក្រុមប្រឹក្សាឃុំ សង្កាត់។ឯកឧត្តម សោម សូរីដា ទីប្រឹក្សាគ.ជ.ប និងជាអគ្គលេខាធិការរង គ.ជ.ប បានអះអាងថា ការលុប​បញ្ជី​ឈ្មោះបេក្ខជនឈរឈ្មោះបោះឆ្នោត​នៃគណបក្សភ្លើងទៀន ​នៅសង្កាត់ទទួលស្វាយព្រៃទី១ ខណ្ឌបឹងកេងកង ​រាជធានីភ្នំពេញ គឺស្របតាមច្បាប់ស្តីពីការបោះឆ្នោតជ្រើសរើស​ក្រុមក្រុមប្រឹក្សាឃុំ សង្កាត់​ ខណៈបក្សនេះ បានក្លែងបន្លំឯកសារ។ ការអះអាងនេះ បានធ្វើងឡើង​ក្នុង​សន្និសីទ​សារព័ត៌មាន​ស្តីពី​ការ​លុប​បញ្ជី​បេក្ខជនឈរ​ឈ្មោះបោះឆ្នោត ​បក្សភ្លើងទៀន ​នៅសង្កាត់ទទួលស្វាយព្រៃទី១។ឯកឧត្តម សោម សូរីដា បានបន្តថា​ ក្រោយពីលុបបញ្ជីឈ្មោះបេក្ខជនបក្សភ្លើងទៀន​ អង្គការជាតិ និងអន្តរជាតិ ​បំពេញការងារពាក់ព័ន្ធ​នឹងការបោះឆ្នោត ​មិនបានរិះគន់មកលើស្ថាប័ន គ.ជ.បនោះទេ ពោលគឺដោយគ.ជ.ប មាន​ភស្តុតាង​ច្បាស់លាស់​ មុននឹងមានការសម្រេច។យោងតាមសេចក្តីប្រកាសព័ត៌មានរបស់ គ.ជ.ប ស្តីពីលទ្ធផលសវនាការជាសាធារណៈ ដោះស្រាយ​ពាក្យបណ្ដឹងបដិសេធបញ្ជីបេក្ខជន ​នៃគណបក្សភ្លើងទៀន ​កាលពីថ្ងៃទី២២ ​ខែមីនា ឆ្នាំ២០២២ បាន​ឲ្យដឹងថា បន្ទាប់ពីទទួលបណ្ដឹង​របស់ពលរដ្ឋឈ្មោះ ម៉ៅ មុន្នី ​បានឆ្លើយនៅក្នុងសវនាការ គឺ​ឈ្មោះបេក្ខជន៤រូប ​ក្នុងបញ្ជីបេក្ខជននៃគណបក្សភ្លើងទៀន​ នៅសង្កាត់ទួលស្វាយព្រៃទី១ ពួកគេ​មិន​បានសរសេរ ​និងផ្ដិតមេដៃ ​ឬចុះហត្ថលេខាលើជីវប្រវត្តិសង្ខេប និងសេចក្តីប្រកាសយល់ព្រម​ឈរ​ឈ្មោះជាបេក្ខជន​ នៃគណបក្សមួយនេះ។ តាមការឆ្លើយបំភ្លឺលោក យ៉ែម សារ៉ាក់ ​តំណាងគណបក្សភ្លើងទៀន ក្នុងសវនាការ​បាន​ទទួល​ស្គាល់ថា ​បេក្ខជនទាំង៤រូបខាងលើ ពិតជាមិនបានបំពេញ​ឯកសារដូច​ការ​លើកឡើង​របស់​ដើមបណ្ដឹងចោទប្រាកដមែន។ ក្រៅពីនេះ លោក​ក៏ទទួលស្គាល់របាយការណ៍​ ស្តីពីការចុះស៊ើបអង្កេត និងស្រាវជ្រាវរបស់មន្ត្រី​អគ្គ​លេខាធិការដ្ឋាន គ.ជ.ប ​ដែលបាន​បញ្ជាក់​ចម្លើយ​របស់លោក សួន វណ្ណី ​អនុប្រធានទី២ ក្រុមការងារ​គណបក្សភ្លើងទៀន​ នៅខណ្ឌបឹងកេងកង ​ជាបេក្ខជនឈរឈ្មោះរបស់គណបក្សភ្លើងទៀន មួយ​ចំនួនមិនបាន​បំពេញ​ និងចុះហត្ថលេខាលើជីវប្រវត្តិសង្ខេប ​និងសេចក្តីប្រកាសយល់ព្រមឈរឈ្មោះ​ជាបេក្ខជន​ដោយផ្ទាល់នោះទេ​ ពោលគឺក្រុមការងារគណបក្សជាអ្នកបំពេញ និងចុះហត្ថ​លេខាជំនួស។ ការនេះគឺផ្ទុយទៅមាត្រា ៣៥ នៃច្បាប់ស្តីពី ការបោះឆ្នោតជ្រើសរើសក្រុមប្រឹក្សា/ឃុំសង្កាត់ ដែល​ត្រូវមាន​លក្ខខណ្ឌដូចជា៖ បេក្ខជនឈឈ្មោះត្រូវ​មាន​សញ្ជាតិខ្មែរពីកំណើត​ ចេះអាន និង​សរសេរអក្សខ្មែរ បាន​ចុះឈ្មោះ​ក្នុង​បញ្ជីបោះឆ្នោត​ក្នុងឃុំ/សង្កាត់ដែលខ្លួន​មានបំណង​ឈរ​ឈ្មោះ​បោះឆ្នោត ​និងមានអាយុយ៉ាងតិច២៥ឆ្នាំ ​គិតមកដល់ទល់ថ្ងៃបោះឆ្នោតជ្រើសរើស​ក្រុម​ប្រឹក្សាឃុំ/សង្កាត់៕អត្ថបទ៖ទូច សោភ័ណ

ស្ពានអាកាស និងផ្លូវក្រោមដីចោមចៅ សម្រេចស្ថាបនារួចរាល់១០០%ហើយ

2022/03/25 09:25:03 pm        821
Facebook Telegram Linkin
ភ្នំពេញ៖ ស្ពានអាកាស និងផ្លូវក្រោមដីចោមចៅ ដែលជាគម្រោងរបស់រាជរដ្ឋាភិបាលកម្ពុជា តាមរយៈរដ្ឋបាលរាជធានីភ្នំពេញ បានស្ថាបនារួចរាល់១០០%ហើយ។ស្ពានអាកាស និងផ្លូវក្រោមដីចោមចៅនេះ គ្រោងបើកសម្ពោធជាផ្លូវការ នាថ្ងៃទី៣១ ខែមីនា ខាងមុខនេះ ក្រោមអធិបតីភាពសម្ដេចតេជោ ហ៊ុន សែន នាយករដ្ឋមន្ត្រី ក្រោយពីបានដាក់ឲ្យបងប្អូនប្រជាពលរដ្ឋបានធ្វើដំណើរឆ្លងកាត់ជាបណ្តោះអាសន្នបានប្រមាណជិត១សប្តាហ៍មកនេះ៕

ខេត្តត្បូងឃ្មុំ គ្មានអ្នកស្លាប់កូវីដ-១៩ និងជាសៈស្បើយជាង ៣០០០នាក់ ​ក្នុងរយៈពេល១ខែចុង​ក្រោយនេះ

2022/03/25 08:35:21 pm        788
Facebook Telegram Linkin
ត្បូងឃ្មុំ៖ ប្រធានមន្ទីរសុខាភិបាលខេត្តត្បូងឃ្មុំ បានលើកឡើងថា រយៈពេល១ខែចុងក្រោយនេះ ខេត្តត្បូងឃ្មុំ គ្មានអ្នកស្លាប់ដោយសារកូវីដ-១៩នោះឡើយ និងជាសៈស្បើយជាង ៣០០០នាក់ ក្នុងចំណោមអ្នកវិជ្ជមានជាង ៤៨០០នាក់។លោកវេជ្ជបណ្ឌិត កែវ វណ្ណៈ ប្រធានមន្ទីរសុខាភិបាលខេត្តត្បូងឃ្មុំ បានបន្តទៀតថា បច្ចុប្បន្ន​ករណីឆ្លង និងស្លាប់ដោយសារមេរោគកូវីដ-១៩ មានការថយចុះ ដោយហេតុថា​ការចាក់វ៉ាក់សាំង​បង្ការជំងឺកូវីដ-១៩ គឺក្រុមការងារគ្រូពេទ្យរបស់យើងបានចុះចាក់វ៉ាក់សាំងបង្ការជំងឺកូវីដ-១៩ ស្រោចស្រព​ទៅប្រជាពលរដ្ឋតាមសហគមន៍ ​និងបានចូលរួមកាត់បន្ថយអត្រានៃការស្លាប់ ដែល​រហូតមកដល់រយៈពេល១ខែចុងក្រោយនេះ ​ខេត្តត្បូងឃ្មុំ ពុំមានអ្នកស្លាប់ដោយសារមេរោគកូវីដ-១៩នោះឡើយ។ឆ្លៀតក្នុងឱកាសនោះប្រធានមនី្ទរសុខាភិបាលខេត្តត្បូងឃ្មុំ បញ្ជាក់ថា បច្ចុប្បន្ននេះខេត្តត្បូងឃ្មុំ មាន​មណ្ឌលព្យាបាលកូវីដ-១៩ តែមួយកន្លែងប៉ុណ្ណោះ ហើយគ្រប់មនី្ទរពេទ្យបង្អែកទាំង៧ និង​មណ្ឌលសុខភាព​ក្នុងខេត្ត ត្រូវបើកដំណើរការជាធម្មតា​ ដោយចាត់ទុកអ្នកវិជ្ជមានកូវីដ១៩ ជា​អ្នកជំងឺធម្មតា​ និងត្រូវទទួលព្យាបាលគ្រប់មនី្ទរពេទ្យផងដែរ៕

រដ្ឋមន្ត្រីសុខាភិបាល ស្នើនិស្សិត​ទើប​បញ្ចប់​ការ​សិក្សា​ចូលរួម​លើក​កម្ពស់​វិស័យ​សុខាភិបាល​នៅកម្ពុជា

2022/03/25 08:05:02 pm        803
Facebook Telegram Linkin
ភ្នំពេញ៖ ឯកឧត្តមសាស្រ្តាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល ស្នើនិសិ្សតបញ្ចប់ការសិក្សានៅវិទ្យាស្ថានជាតិសុខភាពសាធារណៈ ចូលរួមលើកកម្ពស់ប្រព័ន្ធសុខាភិបាល តាមរយៈការពង្រឹងគុណភាពសេវាសុខាភិបាល និងការរៀបចំសេវាសុខភាពដែលឆ្លើយតបទៅនឹងតម្រូវការប្រជាជន ដោយប្រើប្រាស់ចំណេះដឹងដែលទទួលបានពីការសិក្សានៅទីនេះ។ការថ្លែងរបស់ឯកឧត្តមសាស្រ្តាចារ្យ ម៉ម ប៊ុនហេង យ៉ាងដូច្នេះ ក្នុងពិធីប្រគល់សញ្ញាបត្រ បរិញ្ញាបត្រ​ជាន់ខ្ពស់សុខភាពសាធារណៈ​ បរិញ្ញាបត្រជាន់ខ្ពស់វិទ្យាសាស្រ្តអេពីដេមីសាស្រ្ត បរិញ្ញាបត្រជាន់ខ្ពស់​វិទ្យាសាស្រ្តអាហារូបត្ថម្ភ ​និង​បរិញ្ញាបត្រ​ជាន់ខ្ពស់គ្រប់គ្រងរដ្ឋបាលមនី្ទរពេទ្យ ដល់និសិ្សតដែល​បញ្ចប់​ការិក្សា សរុបចំនួន៤១រូប, នារសៀលថ្ងៃទី២៤ ខែមីនា ឆ្នាំ២០២២ ​ម្សិលមិញនេះ។ឯកឧត្តម រដ្ឋមន្រី្ត បានលើកឡើងទៀតថា ក្រសួងសុខាភិបាល បានបង្កើតវិទ្យាស្ថានជាតិសុខភាព​សាធារណៈ ​ដើម្បីឲ្យធ្វើជាសេនាធិការមួយរបស់ក្រសួង ​លើការងារមនី្ទរពិសោធន៍ ការបណ្តុះ​បណ្តាល​ជំនាញសុខភាពសាធារណៈ ​និងការស្រាវជ្រាវ​ និងរៀបចំគោលនយោបាយសុខាភិបាល។ កន្លងមកវិទ្យាស្ថានជាតិសុខភាពសាធារណៈបានបំពេញតួនាទីរបស់ខ្លួនជាគ្រឹះស្ថាន​ឧត្តម​សិក្សា​ដោយ​បានបណ្តុះបណ្តាលថ្នាក់បរិញ្ញាបត្រជាន់ខ្ពស់លើជំនាញសុខភាពសាធារណៈ ប្រកបដោយ​គុណភាព ដើម្បីរួមចំណែកបង្កើនធនធានមនុស្សផ្នែក​សុខភាព​សាធារណៈនៅកម្ពុជា។ឯកឧត្តមសាស្រ្តាចារ្យ បានសង្កត់ធ្ងន់ថា ការបង្កើនធនធានមនុស្សក្នុងជំនាញ​សុខភាព​សាធារណៈ​នេះ ​គឺជាយុទ្ធសាស្រ្តរយៈពេលវែងមួយរបស់ក្រសួង សម្រាប់ឆ្លើយតបទៅ​នឹង​ចក្ខុវិស័យ​របស់​រាជរដ្ឋាភិបាលកម្ពុជា​ ក្រោមការដឹកនាំដ៏ឈ្លាសវៃ ​និង​ប្រកប​ដោយ​គតិបណ្ឌិត​របស់​សម្តេច​អគ្គ​មហា​សេនា​បតីតេជោ ហ៊ុន សែន ​នាយករដ្ឋមន្រី្ត ​ក្នុងគោលបំណង​លើកកម្ពស់​សមត្ថភាព​របស់​ប្រព័ន្ធ​សុខាភិបាល ​តាមរយៈការពង្រឹង ​និងពង្រីក​ប្រព័ន្ធ​សុខាភិបាល ​ប្រកប​ដោយចីរភាពដោយផ្តោតការ​យកចិត្តទុកដាក់ ​ជាពិសេសទៅលើគុណភាព​នៃសេវា ​និង​ការផ្តល់​សេវា​ប្រកប​ដោយ​សមធម៌៕អត្ថបទ៖ រដ្ឋា

ពលរដ្ឋសប្បាយចិត្តក្រោយស្ពានអាកាសចោមចៅបញ្ចប់ការសាងសង់ ដែលជួយកាត់បន្ថយការស្ទះចរាចរណ៍

2022/03/25 02:23:03 pm        1085
Facebook Telegram Linkin
ភ្នំពេញ៖ ប្រជាពលរដ្ឋរស់នៅធានីភ្នំពេញ បង្ហាញការសប្បាយរីករាយចំពោះភាពរីកចម្រើន​ក្នុង​រាជធានី​ភ្នំពេញ ​ជាពិសេសស្ពានអាកាសចោមចៅ​ដែល​ទើប​បញ្ចប់​ការសាងសង់​ជាស្ថាពរ។ក្រោយពីការសាងសង់ស្ពានអាកាសចោមចៅ​សម្រេច​បាន​លទ្ធផល ១០០ភាគរយ និងគ្រោង​សម្ពាធ​ដាក់​ឲ្យ​ប្រើប្រាស់ជាផ្លូវការ នាថ្ងៃទី៣១ ​ខែមីនានេះ ​ប្រជាពលរដ្ឋជាអ្នកធ្វើដំណើរ ​និងរស់នៅ​ក្បែរ​ស្ពាន​អាកាសចោមចៅ ​បាន​សម្តែងក្តីរីករាយ​ចំពោះ​សមិទ្ធផល​ថ្មីរបស់​រាជរដ្ឋាភិបាល ក្រោយ​ពី​ការ​សាងសង់​ស្ពានអាកាសចោមចៅ ក្នុងក្របខណ្ឌរាជធានីភ្នំពេញ​ដែល​នេះបង្ហាញ​ពី​សន្ទុះ​អភិវឌ្ឍន៍​ស្ពានអាកាសធំៗច្រើន ​ដើម្បី​បញ្ចៀស​ការ​កក​ស្ទះចរាចរណ៍។ប្រជាពលរដ្ឋ ​បានលើកឡើងថា ​ពួកគាត់ពិតជាសប្បាយចិត្តខ្លាំងណាស់ចំពោះការកសាង​ស្ពាន​អាកាសនេះ ​ដែលធ្វើឲ្យមាន​សោភ័ណ​ទាំងការរស់នៅ​ និងកាត់បន្ថយកកស្ទះចរាចរាណ៍​ផងដែរ។ស្ពានអាកាសចោមចៅ ​បានបើកឲ្យប្រើប្រាស់ជាបណ្តោះអាសន្ន រួមមាន ផ្លូវក្រោមដីចំនួន៣ខ្សែ៖ ខ្សែទី១ ផ្លូវក្រោមដីភ្ជាប់ចរាចរពីផ្លូវជាតិលេខ៤ ​មកមហាវិថីសហព័ន្ធរុស្សី, ខ្សែទី២ ផ្លូវក្រោមដីភ្ជាប់​ពីផ្លូវជាតិលេខ៤ ឆ្ពោះទៅ​មហាវិថីចោមចៅ ​និងខ្សែទី៣ ជាផ្លូវឯកទិសភ្ជាប់ចរាចរណ៍ពីផ្លូវជាតិ​លេខ៤​ ឆ្ពោះទៅផ្លូវជាតិលេខ៣។ដោយឡែកចំពោះស្ពានអាកាសទី១ ​ជាស្ពានអាកាសមេតភ្ជាប់ចរាចរពីមហាវិថីសហព័ន្ធរុស្ស៊ី ទៅផ្លូវជាតិលេខ៣​ មានប្រវែង សរុប ៤០៨ម៉ែត្រ ​និងស្ពានអាកាសទី២ បំបែកចេញពីស្ពាន​អាកាសមេ ​បត់ឆ្វេងតភ្ជាប់ចរាចរពីមហាវិថី​សហព័ន្ធរុស្ស៊ី ​ឆ្ពោះទៅមហាវិថីចោមចៅ។ស្ពាន​អាកាស​ចោមចៅជាគម្រោងរបស់រាជរដ្ឋាភិបាលកម្ពុជា ​តាមរយៈរដ្ឋបាលរាជធានីភ្នំពេញ ដែលសាងសង់​ដោយក្រុមហ៊ុនវិនិយោគទុនអានិកជនកម្ពុជា ​(OCIC) ហើយប្រើប្រាស់ការសាងសង់​រយៈពេល៣០ខែ ​និងចំណាយថវិការសាងសង់ប្រមាណ ២២លានដុល្លា។មកទល់ពេលបច្ចុប្បន្ន ស្ពានអាកាសក្នុងរាជធានីភ្នំពេញដែលបានសាងសង់មានចំនួន៧ រួមមាន ស្ពានអាកាសក្បាលថ្នល់ ​ស្ពានអាកាសស្ទឹងមានជ័យ ​ស្ពានអាកាស៥មករា​ ស្ពានអាកាស៧មករា ស្ពាន​អាកាសស្តុបផ្សារដីហ៊ុយ ​ស្ពានអាកាសចោមចៅ ​ និងស្ពានអាកាសឬស្សីកែវ ដែលកំពុង​ដំណើរ​ការសាងសង់ ខណៈរដ្ឋបាលរាជធានីភ្នំពេញ​ ក៏កំពុងសិក្សាគម្រោងសាងសង់​ស្ពានអាកាស​នៅចំនុបស្តុបផ្សារស៊ិនជូរីផ្លាហ្សាតាមបណ្តោយមហាវិថីសហព័ន្ធរុស្ស៊ី៕ អត្ថបទ៖ ឧត្តម

ទេសរដ្ឋមន្រ្តី លី ធុជ៖ ការងារបោសសម្អាតមីនតម្រូវឲ្យមានជំនាញ និងវិន័យខ្ពស់ ដើម្បី​ជៀសវាង​ការគ្រោះថ្នាក់ដល់អាយុជីវិត

2022/03/25 11:38:24 am        608
Facebook Telegram Linkin
កំពង់ស្ពឺ៖ ទេសរដ្ឋមន្រ្តី លី ធុជ អនុប្រធានទី១អាជ្ញាធរមីន មានប្រសាសន៍ថា ការងារបោសសម្អាតមីនតម្រូវឲ្យមានជំនាញខ្ពស់វិន័យខ្ពស់ និងនិតីវិធីច្បាស់លាស់ដើម្បី​ជៀសវាង​ការគ្រោះថ្នាក់ដល់អាយុជីវិត ក្នុងពេលប្រតិបត្តិការ ។ឯកឧត្តម ទេសរដ្ឋមន្រ្តី លី ធុជ ថ្លែងក្នុងពិធីបិទវគ្គហ្វឹកហ្វឺនជំនាញ​បច្ចេកវិទ្យាគ្រប់គ្រងព័ត៌មាន​វិស័យ​សកម្មភាពមីន នៅវិទ្យាស្ថានមជ្ឈមណ្ឌលជាតិគ្រប់គ្រងកង​កម្លំាង​រក្សាសន្តិភាព បោស​សម្អាតមីន ​និងកាកសំណល់សង្រ្គាម ​(NPMEC) ​នៅស្រុកឧដុង្គ ខេត្តកំពង់ស្ពឺ ព្រឹកថ្ងៃទី២៥ ខែមីនា ឆ្នាំ២០២២ ។វគ្គហ្វឹកហ្វឺននេះ បានរៀបចំឡើងដោយមជ្ឈមណ្ឌលជាតិ NPMEC សហការ​ជាមួយ​ក្រុម​គ្រូបង្គោល​មកពីអាជ្ញាធរមីន ​និងសិក្ខាកាមជានាយទាហាន ​នាយទាហានរង ពលទាហាន មកពី​មជ្ឈមណ្ឌលជាតិ NPMEC, វិស្វកម្មក្រសួងកាពារជាតិ, ​វិស្វកម្មអគ្គបញ្ជាការដ្ឋាន, វិស្វកម្មទ័ព​ជើងគោក, បញ្ជាការដ្ឋានទ័ពជើងទឹក ​និងបញ្ជាការដ្ឋានទ័ពជើងគោក។ឯកឧត្តម ទេសរដ្ឋមន្រ្តី ​បានកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែង ​និង ការ​ដឹកនាំ​របស់ នាយឧត្ដមសេនីយ៍ សែម សុវណ្ណនី ​អនុប្រធានទី២ អាជ្ញាធរមីន និងជាអគ្គនាយក​មជ្ឈមណ្ឌលជាតិ NPMEC ​និងថ្នាក់ដឹកនាំគ្រប់ជាន់ថ្នាក់ ដែលបានសម្រេចនូវសមិទ្ធផល​ជា​ប្រវត្តិ​សាស្ត្រ និងនាំមកនូវកិត្តិយសកេរ្តិ៍ឈ្មោះជូន​ជាតិមាតុភូមិលើឆាកអន្តរជាតិ ក្នុងការ​ចូលរួមថែ​រក្សា​សន្តិភាពនៅតំបន់ ​និងពិភពលោក​ ក្នុងក្របខណ្ឌរបស់អង្គការសហប្រជាជាតិ ក្រោមការដឹកនាំ​ប្រកប​ដោយកិត្តិបណ្ឌិតរបស់សម្តេចតេជោ ហ៊ុន សែន នាយករដ្ឋមន្រ្តី ដែលជាស្ថាបនិក​សន្តិភាព​នៅកម្ពុជា។ឯកឧត្តម ទេសរដ្ឋមន្រ្តី បានបញ្ជាក់បន្ថែមថា ដើម្បីទទួលបានសុខសន្តិភាព ជូនជាតិមាតុភូមិ សម្តេចតេជោ ​បានពលីសាច់ស្រស់ ឈាមស្រស់ ​បញ្ចប់សង្រ្គាមរ៉ាំរ៉ៃ ព្រមទាំងបាន​កសាង​នូវ​ឱកាស​យ៉ាងច្រើន​សន្ធឹកសន្ទាប់ ​និងគ្មានដែនកំណត់ជូនជាតិមាតុភូមិ ​និង​ប្រជាជនកម្ពុជា​ទាំងអស់ សម្រាប់​ក្មេងៗ​ជំនាន់ក្រោយ ​ក្នុងនោះការងារបោសសម្អាតមីន គឺជាការងារមួយយ៉ាងសំខាន់​ក្រោយបញ្ចប់​សង្រ្គាម ​បានចូលរួមចំណែកដល់កិច្ចគាំពារសុខសន្តិភាព​ និង​ការ​អភិវឌ្ឍប្រទេសជាតិ ប៉ុន្តែ​ការងារ​បោសសម្អាតមីននេះ ​តម្រូវឲ្យមានជំនាញខ្ពស់​ វិន័យខ្ពស់ ​នីតិវិធីច្បាស់លាស់ និង​ប្រតិបត្តិការប្រកប​ដោយប្រសិទ្ធភាពខ្ពស់ ដែលរាល់ការធ្វេសប្រហែស ឬមិនបានយកចិត្តទុកដាក់ណាមួយ នឹង​នាំអោយ​ មានគ្រោះថ្នាក់ដល់អាយុជីវិត។ឆ្លៀតក្នុងឱកាសនោះ ឯកឧត្តម ទេសរដ្ឋមន្រ្តី បានថ្លែងអំណរគុណ ដល់កងទ័ពជើងគោក ដែល​បានចូលរួមយ៉ាងសកម្មជាកម្លាំងបោសសម្អាតមីន/គ្រាប់ចាប់តាំងពីឆ្នាំ១៩៧៩ ដើម្បីផ្តល់​សុវត្ថិភាព​ដល់ប្រជាជន ដែលបានវិលត្រលប់ពីរបស់ប្រល័យពូជសាស្ត្រ ​និង​ពីសេចក្តីស្លាប់​ ហើយ កង​ទ័ពជើងគោក ​នឹងចាប់ផ្តើមចូលរួមជាកងកម្លាំង​បោសសម្អាតមីន/គ្រាប់មនុស្សធម៌ ដោយ​សហការជាមួយ​អាជ្ញាធរមីន ដើម្បីពន្លឿនដល់ការងារបោសសម្អាតមីន​ឲ្យអស់ត្រឹមឆ្នាំ២០២៥​ផងដែរ៕

អគ្គលេខាធិការសមាគមអតីតយុទ្ធជនកម្ពុជា៖ រាជរដ្ឋាភិបានតែងតែយកចិត្តទុក​ដាក់​ចំពោះ​អតីត​យុទ្ធជនគ្រប់រូប

2022/03/25 11:36:04 am        586
Facebook Telegram Linkin
កំពត៖ ឯកឧត្តមទេសរដ្ឋមន្រ្តី គន់ គីម អនុប្រធាន និងជាអគ្គលេខាធិការសមាគមអតីតយុទ្ធជនកម្ពុជា បានបញ្ជាក់ថា រាជរដ្ឋាភិបានតែងតែបន្តយកចិត្តទុកដាក់ចំពោះអតីតយុទ្ធជនគ្រប់រូប មិនដែលបោះបង់នរណាម្នាក់ចោលឡើយ។ថ្លែងក្នុងពិធីសំណេះសំណាល និងចែកអំណោយជូនសមាជិកសមាគមអតីតយុទ្ធជនកម្ពុជា​ខេត្តកំពត ចំនួនប្រមាណ៥០០នាក់ នៅព្រឹកថ្ងៃទី២៥ ខែមីនានេះ ឯកឧត្តម គន់ គីម ​បានបញ្ជាក់ថា រាជរដ្ឋាភិបានតែងតែបន្តយកចិត្តទុកដាក់ចំពោះអតីតយុទ្ធជន​គ្រប់រូបជាប្រចាំ ដូចជា ការផ្តល់​ដីសម្បទានសង្គម​ និងការសាងសង់ផ្ទះ ​ការផ្តល់របបសន្តិសុខសង្គម ដោយពិនិត្យសុខភាព​ឥតគិតថ្លៃ ​និងប្រាក់សោធននិវត្តន៍ជារៀងខែ៕

បណ្ដាញសង្គម

ព័ត៌មានថ្មីៗ

កងទ័ពទទួលស្គាល់កង្វះ​កម្លាំងមនុស្ស ខណៈការរិះគន់កើនឡើង ជុំវិញការវាយប្រហារបន្តបន្ទាប់នៅភាគខាងត្បូងថៃ
08/25/2026 03:08 PM
Facebook Telegram Linkin
ក្រុមប្រដាប់អាវុធពួនស្ទាក់វាយប្រហារក្រុមល្បាតនៅស៊ូដង់ខាងត្បូងបណ្តាលឲ្យកងរក្សាសន្តិភាពUN ២នាក់ ស្លាប់
08/25/2026 03:08 PM
Facebook Telegram Linkin
ប្រធាន IMO៖ ចោរសមុទ្របានចាប់ពង្រត់អ្នកធ្វើការនៅលើនាវាជាង ៩០នាក់ នៅឈូងសមុទ្រ Aden
08/25/2026 03:08 PM
Facebook Telegram Linkin
BTV News ទទួលបានសិទ្ធផ្សាយផ្ទាល់ការប្រកួតកីឡាបាល់ទាត់ពានលំដាប់ទី២ ទ្វីបអាស៊ី (AFC Champion League II) រដូវកាល២០២៦/២០២៧
08/25/2026 03:08 PM
Facebook Telegram Linkin
បេសកជនរុស្ស៊ីប្រចាំUN ៖ ប្រទេសអឺរ៉ុបផ្តល់អាវុធឲ្យអ៊ុយក្រែននិងជំរុញឲ្យបដិសេធកិច្ចព្រមព្រៀងទីក្រុង Minsk
08/25/2026 03:08 PM
Facebook Telegram Linkin
ប្រមុខការទូតរុស្ស៊ី និងឥណ្ឌា ពិភាក្សាអំពីស្ថានការណ៍នៅអ៊ុយក្រែន អ៊ីរ៉ង់ និងអាហ្វហ្គានីស្ថាន
08/25/2026 03:08 PM
Facebook Telegram Linkin
លោក NETANYAHU អះអាងថា អ៊ីរ៉ង់បានប៉ុនប៉ងធ្វើឃាតកូនប្រុសរបស់លោក
08/25/2026 03:08 PM
Facebook Telegram Linkin
បេសកជនអារ៉ាប៊ីសាអ៊ូឌីតប្រចាំ UN ថ្កោលទោសការវាយប្រហាររបស់កងកម្លាំងគាំទ្ររហ័សលើជនស៊ីវិលស៊ូដង់
08/25/2026 03:08 PM
Facebook Telegram Linkin
អ៊ីស្រាអែលនិយាយថា ក្រុមហេសបូឡានៅតែបន្តប្រើកម្លាំងក្នុងតំបន់សន្តិសុខ នៅភាគខាងត្បូងលីបង់
08/25/2026 03:08 PM
Facebook Telegram Linkin
អ្នកស្រុកនិយាយថា មនុស្សប្រហែល ៦០០នាក់ ត្រូវបានចាប់ពង្រត់ ក្នុងការវាយប្រហារវិហារអ៊ិស្លាមនៅនីហ្សេរីយ៉ា
08/25/2026 03:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.