BTV NEWS

សម្ដេចតេជោផ្ដល់អនុសាសន៍បីចំណុចដល់ទូតថ្មីអារ៉ាប៊ីសាអូឌីត ដើម្បីជំរុញទំនាក់ទំនង និងវិនិយោគប្រទេសទាំងពីរ

សម្តេចតេជោ ហ៊ុន សែន អនុញ្ញាតឱ្យឯកអគ្គរាជទូតអារ៉ាប៊ីសាអូឌីត ប្រចាំកម្ពុជា (ថ្មី) ចូលជួបសម្តែងការគួរសម

រដ្ឋមន្រ្តី៖ ផ្លូវ៣ខ្សែជិត ១០០គីឡូម៉ែត្រនៅខេត្តក្រចេះ បើកច្រកថ្មីសម្រាប់ការតភ្ជាប់ និងជំរុញសេដ្ឋកិច្ច-សង្គម

សម្តេចតេជោ ហ៊ុន សែន អនុញ្ញាតឱ្យ ឯកឧត្តម Andrey RUDENKO អនុរដ្ឋមន្ត្រីការបរទេស នៃសហព័ន្ធរុស្ស៊ី ចូលជួបសម្តែងការគួរសម

នយោបាយ និង ការអភិវឌ្ឍន៍

ជប៉ុនផ្តល់ជំនួយប្រមាណ ៤១លានដុល្លារ សម្រាប់អនុវត្តគម្រោងបោសសម្អាតមីន និងទឹកស្អាត

ភ្នំពេញ៖ ឯកឧត្ដម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ និងឯកឧត្ដម មិកាមិ ម៉ាសាហ៊ីរ៉ូ ឯកអគ្គរាជទូតជប៉ុនប្រចាំកម្ពុជា នៅថ្ងៃនេះ បានចុះហត្ថលេខាលើលិខិតប្ដូរសារ និងឯកសារពាក់ព័ន្ធ ស្ដីពីការផ្ដល់ហិរញ្ញប្បទានឥតសំណងរបស់ជប៉ុន ដើម្បីអនុវត្តគម្រោងចំនួន ០២ដែលមានតម្លៃប្រមាណ ៤១លានដុល្លារអាមេរិក។នៅថ្ងៃទី ០២ ខែមីនា ឆ្នាំ២០២២ ឯកឧត្ដម ប្រាក់ សុខុន ឧបនាយករដ្ឋមន្រ្តី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ និងឯកឧត្ដម មិកាមិ ម៉ាសាហ៊ីរ៉ូ (MIKAMI Masahiro) ឯកអគ្គរាជទូតជប៉ុនប្រចាំកម្ពុជា បានអញ្ជើញចុះហត្ថលេខាលើលិខិតប្ដូរសារ និងឯកសារពាក់ព័ន្ធស្ដីពីការផ្ដល់ហិរញ្ញប្បទានឥតសំណងរបស់ជប៉ុនដើម្បីអនុវត្តគម្រោងចំនួន ២ ទី១,ជាការបោសសម្អាតមីនប្រកបដោយសមាហរណកម្ម និងសង្រ្គោះជនពិការដោយសារមីនដំណាក់កាលទី២ ដែលមានទឹកប្រាក់ចំនួន ២.០០០ លានយ៉េន (ប្រមាណ ១៧ លានដុល្លារអាមេរិក) និងទី២, ការពង្រីកប្រព័ន្ធផ្គត់ផ្គង់ទឹកស្អាត នៅខេត្តស្វាយរៀង ដែលមានទឹកប្រាក់ចំនួន ២.៧៨៦ លានយ៉េន (ប្រមាណ ២៤ លានដុល្លារអាមេរិក)។នាឱកាសនោះ ឯកឧត្តម ប្រាក់ សុខុន បានថ្លែងអំណរគុណដល់រដ្ឋាភិបាលជប៉ុនចំពោះការផ្តល់ជំនួយនាពេលនេះ ដែលបង្ហាញថាជប៉ុនជាប្រទេសមានកិច្ចសហប្រតិបត្តិការល្អ និងសិទ្ធស្នាលលើគ្រប់វិស័យជាមួយកម្ពុជា សំដៅបន្ដដល់ទំនាក់ទំនងប្រទេសទាំងពីរ បើទោះបីស្ថិតក្នុងវិបត្តិកូវីដ១៩។ឯកឧត្ដម មិកាមិ ម៉ាសាហ៊ីរ៉ូ ឯកអគ្គរាជទូតជប៉ុនប្រចាំកម្ពុជា បានបង្ហាញក្តីសង្ឃឹមយ៉ាងមុតមាំថា គម្រោងនេះ នឹងរួមចំណែកដល់ការសម្រេចបាននូវគោលដៅជាតិស្តីពីកម្ពុជាគ្មានមីននៅឆ្នាំ២០២៥។បន្ថែមពីលើនេះ ឯកឧត្ដម ឯកអគ្គរាជទូតជប៉ុន ក៏បានសម្តែងការ គោរពដោយ ស្មោះចំពោះ កម្ពុជាដែល បានចាត់វិធានការយ៉ាងសកម្មក្នុងការកែលម្អស្ថានការណ៍ ក្នុងប្រទេសមីយ៉ាន់ម៉ា ។ក្នុងនោះ ឯកអគ្គរាជទូតជប៉ុន ប្តេជ្ញាថា ជប៉ុននឹងបន្តគាំទ្រដល់ការខិតខំប្រឹងប្រែងរបស់កម្ពុជាក្នុងការកែលម្អស្ថានការណ៍ ក៏ដូចជាការរក្សាឯកភាពនិង ភាពជាកណ្តាលរបស់អាស៊ាន ក្នុងការស្វែងរកដំណោះស្រាយឲ្យជូនមីយ៉ាន់ម៉ា ជាពិសេសតាមរយះការបំពេញទស្សនកិច្ចរបស់ឯកឧត្តម ប្រាក់ សុខុន នៅមីយ៉ាន់ម៉ានាពេលខាងមុខនេះ៕អត្ថបទ សេក ឧត្តម

កុមារមានពិការភាពនៅ បុរីទារក និងកុមារជាតិ ទទួលបានការចាក់វ៉ាក់សាំងនៅទីតាំងដោយផ្ទាល់

ភ្នំពេញ៖ កុមារមានពិការភាព ក៏ដូចជាកុមារកំព្រា ដែលកំពុងស្នាក់នៅទទួលការថែទាំនៅទីតាំង បុរីទារក និងកុមារជាតិ ទទួលបានការចាក់វ៉ាក់សាំងត្រឹមត្រូវតាមការកំណត់ផ្អែក លើកម្រិតអាយុរបស់ពួកគាត់។ ការចាក់វ៉ាក់សាំងនេះ គឺមានការសម្រួលដោយក្រុមគ្រូពេទ្យ ដោយចុះចាក់នៅទីតាំងដោយផ្ទាល់ ដើម្បីបង្កភាពងាយស្រួល។យុទ្ធនាការចាក់វ៉ាក់សាំង គឺបើកទូលាយសម្រាប់គ្រប់ប្រជាពលរដ្ឋដែលគ្រប់អាយុ ដោយអាចស្ម័គ្រចិត្តទៅទទួលការចាក់សាំងនៅគ្រប់ទីកន្លែង ស្របពេលដែលមានការពង្រីកទីតាំងចាក់វ៉ាក់សាំងកាន់តែច្រើនទូទាំងប្រទេសកម្ពុជា។ លើសពីនេះ ក៏មានការចុះចាក់វ៉ាក់សាំងដល់ខ្នងផ្ទះ សម្រាប់ប្រជាពលរដ្ឋដែលពិបាកក្នុងការបំលាស់ទីផងដែរ។ជាក់ស្ដែងសម្រាប់កុមារមានពិការភាព និងកំមារកំព្រាប្រមាណ ១៦០នាក់ ដែលរស់នៅទទួលការថែទាំនៅទីតាំងបុរីទារកនិងកុមារជាតិ ក៏ទទួលបានការចុះទៅចាក់វ៉ាក់សាំងនៅទីតាំងដោយផ្ទាល់ពីក្រុមគ្រូពេទ្យផងដែរ។ នេះជាការបញ្ជាក់របស់លោកស្រី ថោ ពៅ ប្រធានបុរីទារកនិងកុមារជាតិ។លោកស្រី មានប្រសាសន៍ថា មកទល់ពេលនេះ មានទាំងអ្នកដែលទទួលបានការចាក់វ៉ាក់សាំងលើកទី២ លើកទី៣ និងមានទាំងក្រុមគោលដៅថ្មី ដែលនឹងទទួលបានការចាក់វ៉ាក់សាំងក្នុងពេលឆាប់ៗខាងមុខផងដែរ។ពាក់ព័ន្ធនឹងការចាក់វ៉ាក់សាំងសម្រាប់ក្របខណ្ឌទូទាំងប្រទេស គឺមានដំណើរការល្អប្រសើរ ដោយរាជរដ្ឋាភិបាលកម្ពុជា ក៏បានសម្រេចចាក់វ៉ាក់សាំងដូសទី ៤ផងដែរ។តាមរបាយការណ៍របស់ក្រសួងសុខាភិបាល គិតត្រឹមថ្ងៃទី១ខែមីនា ឆ្នាំ២០២២ កម្ពុជា សម្រចបានការចាក់វ៉ាក់សាំងចំនួន ៩១,៣៩% បើធៀបនឹងចំនួនប្រជាពលរដ្ឋសរុប ១៦លាននាក់។ថ្មីនេះៗរាជរដ្ឋាភិបាលកម្ពុជា ក៏បានសម្រេចឱ្យមានការចាក់វ៉ាក់សាំងបង្ការកូវីដ-១៩ ជូនកុមារអាយុចាប់ពី ៣ឆ្នាំដល់ក្រោម ៥ឆ្នាំផងដែរ ក្រោយពីការមានការរកឃើញនូវករណីឆ្លងវីរុសបំប្លែងថ្មី អូមីក្រុង ជាច្រើនរយករណីរៀងរាល់ថ្ងៃ៕ អត្ថបទ៖ គឹមហុក

WHOនឹងបញ្ជូនអ្នកជំនាញមកកម្ពុជា ចងក្រងឯកសារបញ្ចប់យុទ្ធសាស្រ្តជាតិលុបបំបាត់ជំងឺគ្រុនចាញ់

ភ្នំពេញ៖ មន្រ្តីជំនាញ នៃក្រសួងសុខាភិបាល បានឱ្យដឹងថា តាមការគ្រោងទុក នៅអំឡុងខែកញ្ញា ឆ្នាំនេះ WHO នឹងបញ្ចូនអ្នកជំនាញមកកម្ពុជា ដើម្បីសិក្សាចងក្រងឯកសារផ្សេងៗ ពាក់ព័ន្ធនឹងការបញ្ចប់យុទ្ធសាស្រ្តជាតិលុបបំបាត់ជំងឺគ្រុនចាញ់២០២៥។ ឯកសារ ដែលកម្ពុជាចងក្រងរួច នឹងបញ្ជូលទៅWHO ដើម្បីស្នើសុំវិញ្ញាបនបត្រ ក្រោយពេល៣ឆ្នាំ បន្ទាប់ពីកម្ពុជា លុបបំបាត់ជំងឺគ្រុនចាញ់នៅឆ្នាំ២០២៥។លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល នៅថ្ងៃទី០២ ខែមីនា នេះ ក្នុងជំនួបជាមួយគណៈប្រតិភូអង្គការសុខភាពពិភពលោក នៃទីស្នាក់ការកណ្តាលនៅទីក្រុង ហ្សឺណែវ ប្រទេសស្វីស ក្នុងគោលបំណងពិភាក្សាលើការងារលុបបំបាត់ជំងឺគ្រុនចាញ់ នៅក្នុងព្រះរាជាណាចក្រកម្ពុជា បានឱ្យដឹងថា ដោយមានការយកចិត្តទុកដាក់ខ្ពស់បំផុតដល់សុខភាព និងសុខុមាលភាពប្រជាជនកម្ពុជា សម្តេចតេជោ ហ៊ុន សែន នាយករដ្ឋមន្ត្រី បានផ្ដួចផ្ដើមនិងអនុម័ត ដាក់ឲ្យប្រើប្រាស់ជាផ្លូវការនូវយុទ្ធសាស្ត្រជាតិលុបបំបាត់ជំងឺគ្រុនចាញ់ នៅព្រះរាជាណាចក្រកម្ពុជា ឆ្នាំ២០១១-២០២៥ ដែលយុទ្ធសាស្ត្រជាតិនេះ ត្រូវបានយកមកប្រើប្រាស់ និងដាក់ចេញនូវសកម្មភាព និងគោលការណ៍ណែនាំផ្សេងៗ សំដៅជំរុញការងារលុបបំបាត់ជំងឺគ្រុនចាញ់យ៉ាងសកម្ម សម្រាប់ក្រុមការងារដៃគូ និងភ្នាក់ងារផ្តល់មូលនិធិនានា។លោកជំទាវ បានបញ្ជាក់ថា ជាលទ្ធផលរយៈពេល១០ឆ្នាំ នៃការអនុវត្តយុទ្ធសាស្រ្តនេះ ពីឆ្នាំ២០១១ ដល់ឆ្នាំ២០២១ គឺសូចនាករអត្រាស្លាប់ដោយជំងឺគ្រុនចាញ់ ត្រូវបានបញ្ចប់ គឺគ្មានអ្នកស្លាប់ដោយ ជំងឺនេះចាប់តាំងពីឆ្នាំ២០១៨មក។ នេះបញ្ជាក់ថា កម្ពុជា សម្រេចបានជោគជ័យ០៣ឆ្នាំមុនគោលដៅកំ ណត់។ ចំពោះសូចនាករការគ្មានជំងឺគ្រុនចាញ់ (Zero malaria) ក្នុងឆ្នាំ២០២៥ ក៏ជាកិច្ចការដែលត្រូវតែ ប្រឹងប្រែងរួមគ្នាជាបន្តទៀតដោយមិនបន្ធូរដៃ នៅក្នុងដំណាក់កាលចុងក្រោយ ដើម្បីឈានទៅសម្រេចបាន នូវគោលដៅនេះ។លោកវេជ្ជបណ្ឌិត ប៉េដ្រូ អេឡនសូ ប្រធានគណៈប្រតិភូអង្គការសុខភាពពិភពលោក (WHO) បានបង្ហាញនូវការកោតសរសើរនូវសមិទ្ធផល ដែលកម្មវិធីលុបបំបាត់ជំងឺគ្រុនចាញ់នៅកម្ពុជា សម្រេចបានកន្លងមក ព្រមទាំងបានប្តេជ្ញាចិត្តក្នុងការផ្តល់ការគាំទ្រផ្នែកបច្ចេកទេស និងរិះរកថវិកាបន្ថែមទៀត ដើមី្បជួយដល់កិច្ចខិតខំប្រឹងប្រែងរបស់កម្ពុជា ក្នុងការលុបបំបាត់ជំងឺគ្រុនចាញ់ នៅឆ្នាំ២០២៥៕អត្ថបទ៖ ទូច សោភ័ណ

កម្ពុជាអំពាវនាវឱ្យសមាជិកអាស៊ានរួមគ្នាទប់ស្កាត់បញ្ហាឧក្រិដ្ឋកម្មឆ្លងដែនដោយមិនរើសអើងគ្នា

ភ្នំពេញ៖ ខណៈបញ្ហាបទល្មើសឧក្រិដ្ឋឆ្លងដែន នៅតែបន្តកើតមានក្នុងតំបន់ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ក្នុងនាមរាជរដ្ឋាភិបាលកម្ពុជា បានអំពាវនាវទៅកាន់ប្រទេសជាសមាជិកអាស៊ានទាំងអស់ ឱ្យរួមគ្នាទប់ស្កាត់បញ្ហាឧក្រិដ្ឋកម្មឆ្លងដែន ដោយមិនមានការរើសអើងគ្នា រួមទាំងការ ផ្ដល់នូវបទពិសោធន៍ទៅគ្នាទៅវិញទៅមក និងការពង្រឹងផ្នែកធនធានមនុស្សផងដែរ ។ក្នុងឱកាសអញ្ជើញបើកសន្និសីទអាស៊ានណាប៉ូល លើកទី៤០ នៅថ្ងៃទី២ ខែមីនានេះ សម្ដេចក្រឡាហោម ស ខេង មានប្រសាសន៍ថា នាពេលបច្ចុប្បន្ននេះ មានការប្រយុទ្ធប្រឆាំងយ៉ាងតឹងតែងលើបទឧក្រិដ្ឋមិនប្រពៃណី និងបទឧក្រិដ្ឋប្រពៃណី រួមទាំងវិបត្តិជាបន្តបន្ទាប់ ដែលបង្កឡើងដោយជំងឺរាតត្បាត ក៏ដូចជាគ្រោះធម្មជាតិ និងបម្រែបម្រួលធាតុអាកាស ។សម្ដេច បានបន្តថា ស្ថានភាពពោរពេញដោយសម្ពាធអវិជ្ជមានបែបនេះ អាស៊ាន មានភាពចាំបាច់ ត្រូវតែបន្តលើកកម្ពស់ស្មារតីសាមគ្គីភាព និងត្រូវធ្វើការជាមួយគ្នា ដើម្បីសម្របសម្រួលឆ្លើយតបជាសកល ចំពោះបញ្ហា ដែលកំពុងកើតឡើងនេះ ។សម្ដេចក្រឡាហោម បានជំរុញគណៈកម្មការក្នុងសន្និសីទណាប៊ូលនេះ មានកិច្ចពិភាក្សារិះរកនូវ មធ្យោបាយ ឬវិធីសាស្ត្រសំដៅលើកកម្ពស់ការប្រយុទ្ធប្រឆាំងនឹងបទល្មើសឆ្លងដែនគ្រប់ប្រភេទ គ្រប់ទម្រង់ និងគ្រប់រូបភាពដើម្បីរក្សាស្ថិរភាពសន្តិសុខ និងសុវត្ថិភាពសង្គម នាំមកនូវវិបុលភាពសម្រាប់សហគមន៍ ពិសេសបង្កើតនូវបរិយាកាសអំណោយផលគាប់ប្រសើរ សម្រាប់គាំទ្រដល់ការស្ទុះងើបឡើង នៃប្រទេសនីមួយៗ ក៏ដូចជាតំបន់ទាំងមូល បន្ទាប់ពីការញាំញីដោយជំងឺកូវីដ-១៩៕ អត្ថបទ៖ បាន សុខរិទ្ធិ

កម្ពុជា អំពាវនាវឱ្យប្រើប្រាស់វិធីសាស្ត្រចរចា ដើម្បីបញ្ចប់ការប្រយុទ្ធគ្នារវាងរុស្ស៊ី និងអ៊ុយក្រែន

តាកែវ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានធ្វើការអំពាវនាវឱ្យប្រើប្រាស់វិធីសាស្ត្រ ចរចាដើម្បីបញ្ចប់ការប្រយុទ្ធគ្នា រវាងរុស្ស៊ី និងអ៊ុយក្រែន ដោយសម្តេចតេជោ បានបញ្ជាក់ថា មានតែការចរចាមួយគត់ ដែលអាចបញ្ចប់សង្គ្រាមបាន គឺមិនអាចយកសង្គ្រាមទៅបញ្ចប់សង្គ្រាមបានឡើយ។នៅក្នុងឱកាសអញ្ជើញជាអធិបតីក្នុងពិធីសម្ពោធបើកឱ្យប្រើប្រាស់ជាផ្លូវការផ្លូវជាតិលេខ៣ (ភ្នំពេញ-ខេត្តកំពត) នៅព្រឹកថ្ងៃទី២ ខែមីនានេះ សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានបញ្ជាក់អំពីជំហរផ្ទាល់ខ្លួនសម្តេចថា ការប្រយុទ្ធគ្នារវាងរុស្ស៊ី និងអ៊ុយក្រែន គឺសម្តេចមិនគាំទ្រការប្រើប្រាស់កម្លាំងទៅគំរាមកំហែងចំពោះប្រទេសណាមួយឡើយ។ ទាំងសម្តេច និងមិត្តចិន គឺសុទ្ធតែពិបាកក្នុងការបង្ហាញជំហរ ប៉ុន្តែទោះជាយ៉ាងណាក៏ដោយសម្តេច បានស្នើឱ្យភាគីទាំងពីរ ធ្វើការសន្ទនាគ្នា ព្រោះមានតែការសន្ទនាគ្នាទេ ដែលអាចបញ្ចប់សង្គ្រាមបាន។ សម្តេចតេជោ មិនគាំទ្រចំពោះការផ្តល់អាវុធ ឬជំនួយយោធាទៅភាគីណាមួយទេ ដែលវានាំឱ្យសង្គ្រាមផ្ទុះកាន់តែធំ។ការប្រយុទ្ធគ្នារវាងរុស្ស៊ី និងអ៊ុយក្រែន បានផ្ទុះឡើងចាប់តាំងពីថ្ងៃទី២៤ ខែកុម្ភៈ ដែលមកដល់ពេលនេះ មានរយៈពេល១សប្តាហ៍ហើយ៕អត្ថបទ៖ មុត សុទ្ធ

សម្តេចតេជោ អំពាវនាវដល់អ្នកបើកបរទាំងអស់ត្រូវប្រុងប្រយ័ត្ន និងគោរពច្បាប់ចរាចរណ៍

តាកែវ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអំពាវនាវទៅកាន់ប្រជាពលរដ្ឋទាំង អស់សូមមានការប្រុងប្រយ័ត្ន និងគោរពច្បាប់ចរាចរណ៍ ខណៈសព្វថ្ងៃចំនួនអ្នករងគ្រោះ និងបាត់បង់ជីវិតដោយសារ គ្រោះថ្នាក់ចរាចរណ៍នៅតែមានចំនួនច្រើន។ថ្លែងក្នុងឱកាសអញ្ជើញជាអធិបតីដ៏ខ្ពង់ខ្ពស់រួមគ្នាជាមួយឯកឧត្តម វ៉ាង វិនធៀន ឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំកម្ពុជា ក្នុងពិធីសម្ពោធបើកឱ្យប្រើប្រាស់ជាផ្លូវការ ផ្លូវជាតិលេខ៣ប្រវែងជិត១៣៥គីឡូម៉ែត្រពីភ្នំពេញ(ចោមចៅ) ទៅដល់ក្រុងកំពត ដែលប្រារព្ធធ្វើនៅឃុំត្រាំខ្នារ ស្រុកបាទី ខេត្តតាកែវ នាព្រឹកថ្ងៃទី២មីនានេះ ។សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានអំពាវនាវជាថ្មីទៅកាន់ប្រជាពលរដ្ឋទាំងអស់ជាអ្នកបើកបរ បង្កើនការប្រុងប្រយ័ត្ន និងគោរពច្បាប់ចរាចរណ៍ទាំងអស់គ្នា ដើម្បីកាត់បន្ថយគ្រោះថ្នាក់ចរាចរណ៍ដែលនៅតែមានជារៀងរាល់ថ្ងៃនិងបើកបរកុំដឹកលើសទម្ងន់ដែលនាំទៅដល់ការខូចផ្លូវស្ពានជាដើម។សូមបញ្ជាក់ថា៖ ការបាត់បង់ជីវិតដោយសារគ្រោះថ្នាក់ចរាចរណ៍គឺ កើតមានជារៀងរាល់ថ្ងៃ។ សម្តេចបានបង្ហាញថា បើតាមរបាយការណ៍ពីសម្តេចក្រឡាហោម ស ខេង សម្រាប់ថ្ងៃម្សិលមិញ មានអ្នកស្លាប់ដោយសារគ្រោះថ្នាក់ចរាចរណ៍រហូតដល់៧នាក់ ហើយបើប្រៀបធៀបនឹងអ្នកស្លាប់ដោយសារកូវីដ-១៩ កាលពីថ្ងៃម្សិលមិញនេះពុំមានទេ ពោលគឺ២ថ្ងៃជាប់គ្នាហើយដែលកម្ពុជាពុំមានអ្នកស្លាប់ដោយសារកូវីដ-១៩ ប៉ុន្តែអ្នកស្លាប់និងរបួសដោយសារគ្រោះថ្នាក់ចរាចរណ៍គឺកើតមានជារៀងរាល់ថ្ងៃ។ សម្តេចបន្តថា ដូច្នេះបើគ្រាន់តែដើម្បីសប្បាយ១ពេល គឺមិនគួរគប្បីឱ្យមានគ្រោះថ្នាក់ចរាចរណ៍ដែលនាំឱ្យមានគ្រោះថ្នាក់ចរាចរណ៍ដែលបង្ករឱ្យមានបួសពិការនិងបាត់បង់ជីវិតផ្ទាល់ខ្លួននិងអ្នកដទៃ, ដូច្នេះត្រូវគោរពច្បាប់ចរាចរណ៍ទាំងអស់គ្នា ៕ អត្ថបទ៖ មុត សុទ្ធ

សម្តេចតេជោ អំពាវនាវពលរដ្ឋបន្តប្រយុទ្ធប្រឆាំងកូវីដ-១៩ តាមរយៈការទទួលយកវ៉ាក់សាំងដូសជំរុញ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានអំពាវនាវទៅកាន់ប្រជាពលរដ្ឋទាំង អស់ឱ្យរួមគ្នាបន្តប្រយុទ្ធប្រឆាំងនឹងកូវីដ-១៩ តាមរយៈការទៅទទួលយកនូវវ៉ាក់សាំងដូសជំរុញ។ក្នុងឱកាសអញ្ជើញជាអធិបតីដ៏ខ្ពង់ខ្ពស់ក្នុងពិធីសម្ពោធបើកឱ្យប្រើប្រាស់ជាផ្លូវការ ផ្លូវជាតិលេខ៣ (ភ្នំពេញ-កំពត) នៅព្រឹកថ្ងៃទី២ ខែមីនានេះ សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានអំពាវនាវជាថ្មីម្តងទៀត ទៅកាន់ប្រជាពលរដ្ឋទាំងអស់ សូមបន្តការប្រយុទ្ធប្រឆាំងនឹងជំងឺកូវីដ-១៩ តាមរយៈការទៅទទួលយកវ៉ាក់សាំងដូសជំរុញឱ្យបានគ្រប់ៗគ្នា។ សម្តេចតេជោ បានអំពាវនាវឱ្យប្រជាពលរដ្ឋបន្តប្រយុទ្ធប្រឆាំងនឹងកូវីដ-១៩ តាមរយៈវិធានការ៣កុំ និង៣ការពារ ជាពិសេសការទទួលយកវ៉ាក់សាំងឱ្យគ្រប់ដូសទៅតាមការកំណត់។បើតាមក្រសួងសុខាភិបាល កំណើនអត្រា នៃការចាក់វ៉ាក់សាំងកូវីដ-១៩ នៅកម្ពុជា គិតត្រឹមថ្ងៃទី០១ ខែមីនានេះ ធៀបនឹងចំនួនប្រជាជនសរុប១៦លាន នាក់ សម្រេចបានជាង៩១ភាគរយហើយ៕អត្ថបទ៖ មុត សុទ្ធ

ប្រតិភូរុស្ស៊ី ធ្វើទស្សនកិច្ចពង្រឹងកិច្ចសហប្រតិបត្ដិការសេដ្ឋកិច្ច វប្បធម៌ និងចងសម្ព័ន្ធភាពទីក្រុង និងទីក្រុង

ព្រះសីហនុ៖ ថ្ងៃទី២៨ ខែកុម្ភៈ ម្សិលមិញនេះ អនុប្រធានទី១ គណៈកម្មាធិការកិច្ចការអន្តរជាតិ សភាសហព័ន្ធរុស្ស៊ី បានដឹកនាំប្រតិភូចូលជួបសម្ដែងការគួរសម ពិភាក្សាការងារ អភិបាលនៃគណៈអភិបាលខេត្តព្រះសីហនុ និងធ្វើទស្សនកិច្ចខេត្ដព្រះសីហនុ ដើម្បីបង្កើនទំនាក់ទំនងកិច្ចសហប្រតិបត្តិការ សេដ្ឋកិច្ច និងវប្បធម៌ឱ្យកាន់តែល្អប្រសើរ។ឯកឧត្តម Alexey Chepa អនុប្រធានទី១ គណៈកម្មាធិការកិច្ចការអន្តរជាតិសភាសហព័ន្ធរុស្ស៊ី មានប្រសាសន៍ថា ជំនួបសម្ដែងការគួរសម និងពិភាក្សាការងារថ្ងៃនេះ ដើម្បីបង្កើនទំនាក់ទំនងកិច្ចសហប្រតិបត្តិការ សេដ្ឋកិច្ច និងវប្បធម៌ឱ្យកាន់តែល្អថែមទៀត ឯកឧត្តម បានកោតសរសើរដល់ការរីកចម្រើន យ៉ាងឆាប់រហ័សរបស់ខេត្តជាពិសេសការអភិវឌ្ឍហេដ្ឋារចនាសម្ព័ន្ធសម្បូរបែប និងសំណង់ អគារខ្ពស់ជាច្រើន។ កាលពីប៉ុន្មានឆ្នាំមុន ខេត្តព្រះសីហនុ មិនសូវឃើញ មានជនជាតិរុស្ស៊ីច្រើនទេ បន្ទាប់ពីការផ្សព្វផ្សាយរបស់ទេសចររុស្ស៊ីបង្ហាញពីការស្វាគមន៍រាក់ទាក់របស់ប្រជាជនកម្ពុជា ធ្វើឱ្យ អ្នកទេសចរណ៍រុស្ស៊ី ចង់មកកម្ពុជាកាន់តែច្រើន។ឯកឧត្តម សង្ឃឹមថា ទេសចរណ៍រុស្ស៊ី នឹងបង្វែរមកកាន់កម្ពុជា ពិសេស ខេត្តព្រះសីហនុកាន់តែច្រើនឡើង ដោយគាំទ្រការហោះហើរត្រង់មកកាន់ខេត្តព្រះសីហនុ និងខេត្តសៀមរាប។ ក្នុងដំណើរទស្សនកិច្ចនាពេលនេះ ក៏មានបំណងអញ្ជើញប្រតិភូខេត្តព្រះសីហនុ ទៅទស្សនកិច្ចនៅប្រទេសរុស្ស៊ី និងប្រតិភូរុស្ស៊ី មកទស្សនកិច្ចខេត្តព្រះសីហនុ ដើម្បីចងសម្ព័ន្ធភាព ទីក្រុងព្រះសីហនុ និងទីក្រុង Veliky Novgorod នៃប្រទេសរុស្ស៊ីនៅពេលខាងមុខ។ឯកឧត្តម គួច ចំរើន អភិបាលខេត្តព្រះសីហនុ បានលើកឡើងថា រដ្ឋាភិបាលរុស្ស៊ី បានបន្សល់ទុកនូវស្នាដៃជាច្រើនសម្រាប់កម្ពុជា ដែលកម្ពុជានៅចងចាំនូវអ្វីដែលរុស្ស៊ីបានជួយកម្ពុជាក្នុងការកសាងប្រទេសឡើងវិញនៅ ក្រោយថ្ងៃរំដោះ ឆ្នាំ១៩៧៩ ដោយបានជួយសម្ភារៈ បច្ចេកទេស និងការអភិវឌ្ឍធនធានមនុស្សដល់កម្ពុជា កន្លងមក ក៏មានរដ្ឋមន្ត្រី និងអភិបាលខេត្តមួយចំនួន បានទៅទទួលបណ្តុះបណ្តាលនៅប្រទេសរុស្ស៊ីផងដែរ។ ខេត្តព្រះសីហនុ មានសក្ដានុពល ធម្មជាតិសម្បូរបែប មានកោះតូចធំ ៣២កោះ ឆ្នេរខ្សាច់សមុទ្រ មានការអភិវឌ្ឍរីកចម្រើន ជាមួយនិងប្រព័ន្ធគមនាគមន៍ច្រើន ដូចជាកំពង់ផែទឹកជ្រៅ អាកាសយានដ្ឋានអន្តរជាតិ ផ្លូវដែក ផ្លូវល្បឿនលឿន (ភ្នំពេញ-ខេត្តព្រះសីហនុ) ដែលបានផ្តល់ ឱកាសដល់អ្នកវិនិយោគមកបណ្តាក់ទុននៅខេត្តព្រះសីហនុ ក្នុងនោះក៏មានអ្នកវិនិយោគរុស្សីដែរ ជាពិសេសការវិនិយោគនៅ កោះក្របី ក្នុងឃុំរាម ស្រុកព្រៃនប់ ដែលមានភាពល្បីល្បាញដោយបានរៀបចំយ៉ាងប្រណិត និងការថែទាំបរិស្ថានជាគំរូក្នុងការ វិនិយោគនៅខេត្តព្រះសីហនុ។ ទេសចររុស្ស៊ី ដែលមកកាន់ខេត្តព្រះសីហនុ ជាប់ចំណាត់ថ្នាក់លេខ៣ បន្ទាប់ពីទេសចរចិន និងវៀតណាម សូមឯកឧត្តម ជួយជំរុញទេសចរណ៍រុស្ស៊ីមកកាន់កម្ពុជា ពិសេសខេត្តព្រះសីហនុ៕

ចំនួនពលករខ្មែរវិលមកពីថៃ តាមច្រកខេត្តបាត់ដំបងថយចុះ ខណៈមួយចំនួនវិជ្ជមានកូវីដ-១៩

បាត់ដំបង៖ ចំនួនពលករខ្មែរវិលត្រឡប់មកពីប្រទេសថៃ ចូលតាមច្រកខេត្តបាត់ដំបង ក្នុងមួយរយៈពេលចុងក្រោយនេះ មានការថយចុះជាបន្តបន្ទាប់ ខណៈពលករមួយចំនួនតូច ត្រូវបានរកឃើញឆ្លងជំងឺកូវីដ-១៩។លោក ណាត ចាន់រ៉េត ប្រធានទីស្នាក់ការត្រួតពិនិត្យច្រកទ្វារតំបន់ព្រំដែន ស៊ួនស៊ុ (អូរអន្លក់) ស្រុកកំរៀង បានឱ្យដឹងថា ពលករខ្មែរ ដែលត្រឡប់មកពីប្រទេសថៃទាំងអស់ ត្រូវបានយកសំណាកធ្វើ តេស្តរហ័សរកជំងឺកូវីដ-១៩ នៅច្រកព្រំដែន ហើយចំពោះអ្នកវិជ្ជមាន ក្រុមគ្រូពេទ្យ នឹងបញ្ជូនទៅព្យាបាល អ្នកអវិជ្ជមានគ្មានកាតចាក់វ៉ាក់សាំង ត្រូវបញ្ជូនទៅធ្វើចត្តាឡីស័ក ហើយអ្នកអវិជ្ជមាន មានកាតចាក់វ៉ាក់ សាំងពីរដូស ត្រូវបានអនុញ្ញាតឱ្យត្រឡប់ទៅផ្ទះវិញរៀងៗខ្លួន។ប្រធានច្រកព្រំដែនរូបនេះ បានបញ្ជាក់ថា មួយរយៈពេលចុងក្រោយនេះ រំហូរពលករថយចុះ ប៉ុន្តែ ក្នុងចំណោមពលករចូលមកជាង ១០០នាក់ ក្នុងមួយថ្ងៃ មានចន្លោះពី១ទៅ៥នាក់ ត្រូវបានធ្វើតេស្តរហ័ស រកឃើញឆ្លងជំងឺកូវីដ-១៩ ខណៈពេលមុនរំហូរពលករកើនឡើង តែចំនួនរកឃើញឆ្លងមេរោគកូវីដ-១៩ មានតិចតួច ឬស្ទើរតែគ្មាន។លោក បានបញ្ជាក់ថា ដើម្បីទប់ស្កាត់ការចម្លងមេរោគកូវីដ-១៩ បំប្លែងថ្មីប្រភេទអូមីក្រុង វិធានការ សុខាភិបាលនៅច្រកព្រំដែន ត្រូវបានរឹតបន្តឹងដោយគ្មានការធ្វេសប្រហែសឡើយ ទោះបីរំហូរពលករខ្មែរ វិលត្រឡប់មកពីប្រទេសថៃ មានការថយចុះ ហើយពលករភាគច្រើនមានកាតចាក់វ៉ាក់សាំងចាប់ពីពីរដូស ឡើងទៅក៏ដោយ។ក្នុងមួយរយៈពេលចុងក្រោយនេះ ការរីករាលដាលនៃជំងឺកូវីដ-១៩ ក្នុងខេត្តបាត់ដំបង មានការ ហក់ឡើងបន្តិចវិញ ក្រោយមានការស្ងប់ស្ងាត់មួយរយៈពេលធំ។ដើម្បីចូលរួមទប់ស្កាត់ការរីករាលដាលឆ្លង ជំងឺកូវីដ-១៩ កងកម្លាំងចម្រុះការពារព្រំដែនក្នុងភូមិសាស្រ្តខេត្តបាត់ដំបង បានធ្វើការទំនាក់ទំនង និងសហការយ៉ាងជិតស្និទជាមួយភាគីថៃ ដើម្បីទប់ស្កាត់មិនឲ្យប្រជាពលរដ្ឋខ្មែរលបលួចឆ្លងដែនចូលទៅក្នុង ទឹកដីថៃដោយមិនស្របច្បាប់៕ អត្ថបទ៖ នឿត សុភក្រ្ត

ខេត្តកែប ទទួលបានពានរង្វាន់ទីក្រុងនិរន្តរភាពបរិស្ថានស្អាតអាស៊ានលើកទី៤ ប្រចាំឆ្នាំ២០២១

កែប៖ ខេត្តកែប ទទួលបានពានរង្វាន់ទីក្រុងនិរន្តរភាពបរិស្ថានស្អាតអាស៊ាលើកទី៤ ប្រចាំឆ្នាំ២០២១ ដែលតាមរយៈពានរង្វាន់នេះ ត្រូវគេមើលឃើញថា ខេត្តនេះ នឹងកាន់តែមានកិតិ្តសព្ទល្បីរន្ទឺ និងអាចស្រូបទាញភ្ញៀវទេសចរមកកម្សាន្តកាន់តែច្រើន ផងដែរ។នៅព្រឹកថ្ងៃទី១ ខែមីនានេះ រដ្ឋបាលខេត្តកែប បានរៀបចំពិធីអបអរសាទរក្រុងកែប ខេត្តកែប បាន ទទួលវិញ្ញាបនបត្រទទួលស្គាល់ជាទីទីក្រុងនិរន្តរភាពបរិស្ថានស្អាតអាស៊ាលើកទី៤ ប្រចាំឆ្នាំ២០២១ ពិធីនេះ ប្រធានមន្ទីរទេសចរណ៍ខេត្ត លោក សោម ចិន្តា បានបញ្ជាក់ថា ខេត្តកែប ទទួលបានពាន រង្វាន់ច្រើន ទាក់ទងបរិស្ថាន និងអនាម័យ ។ឯកឧត្តម សោម ពិសិដ្ឋ អភិបាលខេត្តកែប បានឲ្យដឹងដែរថា ខេត្តកែប ធ្លាប់ទទួលបានពានរង្វាន់ នេះម្តងហើយ ដែលនេះគឺជាការទទួលជាលើកទី២។យុវជនខេត្តកែប បានបង្ហាញចំណាប់អារម្មណ៍សប្បាយរីករាយរបស់ខ្លួនថា ពួកគេពិតជាមាន មោទនភាពក្រៃលែង ដែលខេត្តកែប ទទួលបាពានរង្វាន់នេះ។ដើម្បីបន្តទទួលបានពានរង្វាន់នេះ និងពានរង្វាន់ផ្សេងៗទៀត ឯកឧត្តម បានស្នើដល់គ្រប់ភាគី ទាំងអស់ ចូលរួមថែរក្សាការពារបរិស្ថានអនាម័យ ហើយរាល់គម្រោងអភិវឌ្ឍន៍ទាំងអស់ ត្រូវសិក្សាផលប៉ះពាល់បរិស្ថាន និងសង្គមឲ្យបានត្រឹមត្រូវ។ រាល់មូលដ្ឋានបម្រើសេវាទេសចរណ៍ និងសិប្បកម្មនានា ដែលមានទីតាំងជាប់ឆ្នេសមុទ្រ ត្រូវមានអាងប្រព្រឹត្តកម្មទឹកកខ្វក់ ឬធុងចម្រោះទឹកកខ្វក់ផ្ទាល់ខ្លួន មុនបង្ហូរចូល ប្រព័ន្ធលូសាធារណៈគ្រប់ទីកន្លែង។ ស្ថានប័នរដ្ឋ និងឯកជនផ្ទះប្រជាពលរដ្ឋត្រូវមានធុងសំរាម និងទទួលយកសេវាប្រមូលសំរាម។ គ្រប់ការដ្ឋានយករ៉ែផ្សេងៗ ការដ្ឋានសំណង់ ផ្លូវថ្នល់ ត្រូវអុវត្តតាមបច្ចេកទេសឲ្យបានត្រឹមត្រូវ ជាពិសេស ឧទ្យានជាតិខេត្តកែប ត្រូវបន្តថែទាំដាំដើមឈើបន្ថែម ៕អត្ថបទ៖ អន សារឹម

បណ្ដាញសង្គម

ព័ត៌មានថ្មីៗ

សភាពាណិជ្ជកម្មកម្ពុជា រៀបចំវេទិកាចែករំលែកព័ត៌មានថ្មីៗ ឆ្លើយតបការវិវត្តសេដ្ឋកិច្ចតំបន់និងសកល

រដ្ឋមន្ត្រី ចក្រភពអង់គ្លេសអញ្ជើញចុះជួបក្រុមការងារដែលកំពុងអនុវត្តសកម្មភាពកំចាត់មីន ដោយមានការគាំទ្រថវិកាពីរដ្ឋាភិបាលអង់គ្លេស

រាជរដ្ឋាភិបាលជំរុញអ្នករៀបចំពិព័រណ៍នានាបង្កេីនយន្តការជំនួបពាណិជ្ជកម្មដេីម្បីពង្រីកទីផ្សារកាន់តែខ្លាំងក្នុងតំបន់

កិច្ចប្រជុំអគ្គលេខាធិការដ្ឋាន នៃសន្និសីទប្រធានសភា នៃអន្តរសភា

សមាជិកក្រុមប្រឹក្សានីតិប្បញ្ញត្តិព្រុយណេ អញ្ជើញមកដល់ប្រទេសកម្ពុជា ដើម្បីចូលរួមសន្និសីទ ISC-2

ប្រភព៖ ប៉ាគីស្ថានស្នើពេលវេលាកំណត់ថ្មី ៦០ថ្ងៃ ដើម្បីឲ្យអាមេរិក និងអ៊ីរ៉ង់ចាប់ផ្ដើមការចរចាផ្ទាល់ឡើងវិញ

លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែតអញ្ជើញជាអធិបតីក្នុងកិច្ចប្រជុំគណៈកម្មការរៀបចំការប្រឡងជ្រើសរើសនិស្សិតចូលរៀនថ្នាក់វេជ្ជបណ្ឌិតឯកទេសនៅសាកលវិទ្យាល័យវិទ្យាសាស្ត្រសុខាភិបាល (ស.វ.ស.)

ប្រធានាធិបតីអ៊ីរ៉ង់៖ «សហរដ្ឋអាមេរិកនឹងមិនសម្រេចបានអ្វីឡើយ» ជាមួយនឹងសម្ពាធសេដ្ឋកិច្ច

មនុស្សយ៉ាងហោច ២២នាក់ស្លាប់ និង ៣៨៤នាក់ បាត់ខ្លួន ក្រោយទឹកជំនន់ដ៏គំហក់នៅនេប៉ាល់

លោក Netanyahu ប្ដេជ្ញាបង្កើនការតាំងទីលំនៅបន្ថែម នៅ West Bank ដោយផ្គើននឹងសម្ពាធអន្តរជាតិ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ជប៉ុនផ្តល់ជំនួយប្រមាណ ៤១លានដុល្លារ សម្រាប់អនុវត្តគម្រោងបោសសម្អាតមីន និងទឹកស្អាត

កុមារមានពិការភាពនៅ បុរីទារក និងកុមារជាតិ ទទួលបានការចាក់វ៉ាក់សាំងនៅទីតាំងដោយផ្ទាល់

WHOនឹងបញ្ជូនអ្នកជំនាញមកកម្ពុជា ចងក្រងឯកសារបញ្ចប់យុទ្ធសាស្រ្តជាតិលុបបំបាត់ជំងឺគ្រុនចាញ់

កម្ពុជាអំពាវនាវឱ្យសមាជិកអាស៊ានរួមគ្នាទប់ស្កាត់បញ្ហាឧក្រិដ្ឋកម្មឆ្លងដែនដោយមិនរើសអើងគ្នា

កម្ពុជា អំពាវនាវឱ្យប្រើប្រាស់វិធីសាស្ត្រចរចា ដើម្បីបញ្ចប់ការប្រយុទ្ធគ្នារវាងរុស្ស៊ី និងអ៊ុយក្រែន

សម្តេចតេជោ អំពាវនាវដល់អ្នកបើកបរទាំងអស់ត្រូវប្រុងប្រយ័ត្ន និងគោរពច្បាប់ចរាចរណ៍

សម្តេចតេជោ អំពាវនាវពលរដ្ឋបន្តប្រយុទ្ធប្រឆាំងកូវីដ-១៩ តាមរយៈការទទួលយកវ៉ាក់សាំងដូសជំរុញ

ចំនួនពលករខ្មែរវិលមកពីថៃ តាមច្រកខេត្តបាត់ដំបងថយចុះ ខណៈមួយចំនួនវិជ្ជមានកូវីដ-១៩

ខេត្តកែប ទទួលបានពានរង្វាន់ទីក្រុងនិរន្តរភាពបរិស្ថានស្អាតអាស៊ានលើកទី៤ ប្រចាំឆ្នាំ២០២១

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ជប៉ុន​ផ្តល់​ជំនួយ​ប្រមាណ ៤១លានដុល្លារ សម្រាប់អនុវត្តគម្រោង​បោសសម្អាត​មីន ​និងទឹកស្អាត

កុមារ​មាន​ពិការភាពនៅ បុរីទារក និងកុមារជាតិ ទទួលបានការចាក់វ៉ាក់សាំងនៅទីតាំងដោយផ្ទាល់

WHOនឹង​បញ្ជូន​អ្នក​ជំនាញ​មក​កម្ពុជា​ ចងក្រង​ឯកសារ​បញ្ចប់​យុទ្ធសាស្រ្ត​ជាតិ​លុបបំបាត់​ជំងឺ​គ្រុនចាញ់

កម្ពុជាអំពាវនាវឱ្យសមាជិកអាស៊ានរួមគ្នាទប់ស្កាត់បញ្ហាឧក្រិដ្ឋកម្មឆ្លងដែនដោយមិនរើសអើងគ្នា

សម្តេចតេជោ ​អំពាវនាវ​ដល់​អ្នកបើកបរទាំងអស់​ត្រូវ​ប្រុងប្រយ័ត្ន​ និងគោរពច្បាប់ចរាចរណ៍

សម្តេចតេជោ អំពាវនាវពលរដ្ឋបន្តប្រយុទ្ធប្រឆាំងកូវីដ-១៩ តាមរយៈការទទួល​យកវ៉ាក់សាំង​ដូស​ជំរុញ

ចំនួនពលករខ្មែរវិលមកពីថៃ តាមច្រកខេត្តបាត់ដំបងថយចុះ ខណៈមួយចំនួនវិជ្ជមានកូវីដ-១៩

ខេត្តកែប ទទួលបានពានរង្វាន់ទីក្រុងនិរន្តរភាពបរិស្ថានស្អាតអាស៊ានលើកទី៤ ប្រចាំឆ្នាំ២០២១

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ជប៉ុនផ្តល់ជំនួយប្រមាណ ៤១លានដុល្លារ សម្រាប់អនុវត្តគម្រោងបោសសម្អាតមីន និងទឹកស្អាត

កុមារមានពិការភាពនៅ បុរីទារក និងកុមារជាតិ ទទួលបានការចាក់វ៉ាក់សាំងនៅទីតាំងដោយផ្ទាល់

WHOនឹងបញ្ជូនអ្នកជំនាញមកកម្ពុជា ចងក្រងឯកសារបញ្ចប់យុទ្ធសាស្រ្តជាតិលុបបំបាត់ជំងឺគ្រុនចាញ់

សម្តេចតេជោ អំពាវនាវដល់អ្នកបើកបរទាំងអស់ត្រូវប្រុងប្រយ័ត្ន និងគោរពច្បាប់ចរាចរណ៍

សម្តេចតេជោ អំពាវនាវពលរដ្ឋបន្តប្រយុទ្ធប្រឆាំងកូវីដ-១៩ តាមរយៈការទទួលយកវ៉ាក់សាំងដូសជំរុញ