BTV NEWS

សម្ដេចតេជោផ្ដល់អនុសាសន៍បីចំណុចដល់ទូតថ្មីអារ៉ាប៊ីសាអូឌីត ដើម្បីជំរុញទំនាក់ទំនង និងវិនិយោគប្រទេសទាំងពីរ

សម្តេចតេជោ ហ៊ុន សែន អនុញ្ញាតឱ្យឯកអគ្គរាជទូតអារ៉ាប៊ីសាអូឌីត ប្រចាំកម្ពុជា (ថ្មី) ចូលជួបសម្តែងការគួរសម

រដ្ឋមន្រ្តី៖ ផ្លូវ៣ខ្សែជិត ១០០គីឡូម៉ែត្រនៅខេត្តក្រចេះ បើកច្រកថ្មីសម្រាប់ការតភ្ជាប់ និងជំរុញសេដ្ឋកិច្ច-សង្គម

សម្តេចតេជោ ហ៊ុន សែន អនុញ្ញាតឱ្យ ឯកឧត្តម Andrey RUDENKO អនុរដ្ឋមន្ត្រីការបរទេស នៃសហព័ន្ធរុស្ស៊ី ចូលជួបសម្តែងការគួរសម

នយោបាយ និង ការអភិវឌ្ឍន៍

រោងចក្រដំឡើងគ្រឿងបរិក្ខារអគ្គិសនីតំលៃ ២,៥ លានដុល្លា ក្នុងខេត្តពោធិ៍សាត់ បើកដំណើរការ

ពោធិ៍សាត់៖ រោងចក្រដំឡើងគ្រឿងបរិក្ខារអគ្គិសនីតំលៃ ២,៥ លានដុល្លា ស្ថិតក្នុងស្រុកក្រគរ ខេត្តពោធិ៍សាត់ បើកដំណើរការជាផ្លូវការ រួមចំណែកដល់ការអភិវឌ្ឍវិស័យថាមពលរបស់រាជរដ្ឋាភិបាលកម្ពុជា។ពិធីសម្ពោធបើកអោយដំណើរការរោងចក្រនេះ ធ្វើឡើងនៅថ្ងៃទី២៨ ខែកម្ភៈ ឆ្នាំ២០២២ ក្រោមអធិបតីភាពឯកឧត្តម ស៊ុយ សែម រដ្ឋមន្ត្រីក្រសួងរ៉ែ និងថាមពល និងដោយមានការអញ្ជើញចូលរួមពីឯកឧត្តម កែវ រតនៈ អគ្គនាយកអគ្គិសនីកម្ពុជា និងឯកឧត្តម ជាវ តាយ អភិបាលនៃគណៈអភិបាលខេត្តពោធិ៍សាត់ ។រោងចក្រថ្មីនេះ មានឈ្មោះថា ស្នេថេក ឈីន (SchneiTec CHINT) ដែលត្រូវបានបង្កើតឡើង ពីការបណ្តាក់ទុនរួមគ្នារវាងក្រុមហ៊ុនស្រុក ស្នេថេកគ្រុប (SchneiTec Group)និងក្រុមហ៊ុនចិន ឈីនគ្រុប (CHINT Group) ដោយសាងសង់នៅលើផ្ទៃដីទំហំ ២០ ០០០ ម៉ែត្រការ៉េ។ក្នុងជំហានទី១ រោងចក្រនេះ ផ្តោតទៅលើការផលិតសម្ភារៈអគ្គិសនីតង់ស្យុងកំរិតមធ្បមគ្រប់ប្រភេទ និងសម្ភារៈប្រព័ន្ធសូឡាដើរដោយថាមពលពន្លឺព្រះអាទិត្យខ្នាតតូច ។ថ្លែងក្នុងពិធីនោះ ឯកឧត្តម ស៊ុយ សែម ការបណ្ដាក់ទុនរួមគ្នារវាងក្រុមហ៊ុនក្នុងស្រុក និងក្រុមហ៊ុនដែលមានបទពិសោធន៍គ្រឿងបរិក្ខារអគ្គីសនីមកពីប្រទេសចិន បានជួយលើកមុខមាត់ខេត្តអោយមានសន្ទុះនៃការអភិវឌ្ឍប្រកួតប្រជែងកាន់តែខ្លាំងនៅតំបន់ និងបានផ្តល់ឱកាសការងារក្នុងស្រុកបានកាន់តែច្រើនផងដែរ។ ក្នុងឱកាសនោះ ឯកឧត្តម កែវ រតនៈ ក្នុងនាមជាប្រធានក្រុមការងាររាជរដ្ឋាភិបាលចុះជួយស្រុកក្រគរ និងស្រុកកណ្តៀង បានលើកឡើងថា ពិធីសម្ពោធបើកអោយដំណើរការរោងចក្រក្នុងថ្ងៃនេះជា សេចក្តីរីករាយសម្រាប់ប្រជាជនកម្ពុជាទាំងមូល ជាពិសេសគឺសម្រាប់ប្រជាជនក្នុងស្រុកក្រគរ ខេត្តពោធិ៍សាត់ ដោយសារតែប្រទេសកម្ពុជាពីមុនពោពេញដោយសង្គ្រាម តែដោយសារមាននយោបាយឈ្នះរបស់សម្តេចតេជោ បានធ្វើអោយកម្ពុជាមានសន្តិភាព ទើបមានការអភិវឌ្ឍជាហូរហែ នៅតាមតំបន់អស្ថេរភាពពីមុន ៕អត្ថបទ៖ ពៅ ភិរុណ

កម្ពុជាចាប់ផ្ដើមធ្វើជំរឿនសេដ្ឋកិច្ចជាលើកទីពីរ ក្នុងប្រវត្តិសាស្រ្តរបស់ខ្លួន

ភ្នំពេញ៖ កម្ពុជា បានចាប់ផ្ដើមការធ្វើជំរឿនសេដ្ឋកិច្ចដោយចាប់ផ្ដើមពី ថ្ងៃទី១ខែមីនា ដល់ថ្ងៃ៣១ ខែមីនា ឆ្នាំ២០២២។ ការធ្វើជំរឿនសេដ្ឋកិច្ចក្នុងឆ្នាំ ២០២២នេះ គឺជាលើកទី ២ ដែលកម្ពុជារៀបចំឡើង ហើយក៏ជាជំរឿនដែលប្រើប្រាស់ថវិការបស់រាជរដ្ឋាភិបាលកម្ពុជា។ក្រសួងផែនការ បានចាប់ផ្ដើម ការធ្វើជំរឿនសេដ្ឋកិច្ចឆ្នាំ ២០២២ ដោយចាប់ផ្ដើមពីថ្ងៃទី ១ ខែមីនា ដល់ថ្ងៃទី ៣១ ខែមីនា ឆ្នាំ២០២២ខាងមុខ សម្រាប់ការចុះសម្ភាសន៍ប្រមូលទិន្នន័យពីអង្គភាពសេដ្ឋកិច្ចទាំងអស់ទូទាំងប្រទេស។ សម្រាប់ជំរឿនសេដ្ឋកិច្ចនេះ គឺធ្វើឡើងក្នុងរយៈពេល ១០ ឆ្នាំម្ដង ដូចជាជំរឿនប្រជាជនផងដែរ គ្រាន់តែក្រុមគោលដៅត្រូវសម្ភាសន៍ផ្សេងពីគ្នា។ ជំរឿនសេដ្ឋកិច្ចឆ្នាំ ២០២២នេះ ជាលើកទី ២ ដែលបានធ្វើឡើង។ នៅថ្ងៃចាប់ផ្ដើមដំបូងនេះ ឯកឧត្តមទេសរដ្ឋមន្រ្តី ឆាយ ថន រដ្ឋមន្រ្តីក្រសួងផែនការ មានប្រសាសន៍ថា ការងារជំរឿនសេដ្ឋកិច្ចនេះ ជាកិច្ចការសំខាន់ ដើម្បីដឹងពីកំណើនសេដ្ឋកិច្ចពិតប្រាកដ ហើយលទ្ធផលដែលទទួលបានគឺមានសារៈសំខាន់សម្រាប់រាជរដ្ឋាភិបាលរៀបចំគោលនយោបាយ។ជំរឿនសេដ្ឋកិច្ចឆ្នាំ ២០២២នេះ តាមការប៉ាន់ប្រមាណ គឺមានទីតាំងត្រូវចុះសម្ភាសន៍ចំនួន ជាង ៧៤ម៉ឺនទីតាំង។ សម្រាប់ជំរឿនសេដ្ឋកិច្ចនេះ គឺសម្ភាសន៍ម្ចាស់អាជីវកម្ម សហគ្រាសធ្វើសកម្មភាពផលិតកម្ម និងសេវាកម្មទូទាំងប្រទេស ស្ថិតក្នុងវិស័យផ្នែកអាជីវកម្មរ៉ែ កម្មន្តសាល អគ្គិសនី និងឧស្ម័នផលិតទឹកស្អាតអនាម័យ និងសេវាកម្មដទៃទៀតដែលត្រូវបានកំណត់តាមចំណាត់ថ្នាក់ស្តង់ដារអន្តរជាតិ នៃវិស័យសេដ្ឋកិច្ចរបស់អង្គការសហប្រជាជាតិ៕ អត្ថបទ៖ គឹមហុក

ប្រធានសមាគមស៊ីក្លូ ក្រើនរម្លឹកអ្នកប្រកបរបរធាក់ស៊ីក្លូឱ្យរួសរាន់ ទៅចាក់វ៉ាក់សាំងដូសជំរុញ

ភ្នំពេញ៖ ប្រធានសមាគមស៊ីក្លូ នៅថ្ងៃទី១ ខែមីនានេះ បានក្រើនរម្លឹកដល់អ្នកប្រកបរបរធាក់ស៊ីក្លូនៅភ្នំពេញ ឱ្យរួសរាន់ទៅទទួលការចាក់វ៉ាក់សាំងបង្កាជំងឺកូវីដ-១៩ ដូសជំរុញទី៣ និងទី៤ ដើម្បីបង្កើនអង់ទីគ័រ ទប់ទល់ នឹងការវាយលុកពីជំងឺនេះ ។នៅថ្ងៃទី១ខែមីនានេះ លោក អ៊ឹម សម្បត្តិ ប្រធានសមាគមស៊ីក្លូ បានឱ្យដឹងថា បច្ចុប្បន្នការប្រកបរបរអ្នកធ្លាក់ស៊ីក្លូ ដែលមានជាង ២០០នាក់នៅភ្នំពេញ ដំណើរការធម្មតា ប៉ុន្តែការរកចំណូលមិនសូវកាក់កបដូចមុននោះទេ ពោលដោយសារការរីករាលដាលសកលនៃជំងឺកូវីដ-១៩។ ក្រៅពីនេះ លោកបានក្រើនរម្លឹកដល់អ្នកប្រកបរបរធាក់ស៊ីក្លូ សូមរួសរាន់ទៅទទួលការចាក់វ៉ាក់សាំងបង្កាជំងឺកូវីដ-១៩ ដូសជំរុញទី៣ និងទី៤ ដើម្បីបង្កើនអង់ទីគ័រទប់ទល់នឹងការវាយលុកពីជំងឺកូវីដ-១៩ ជាពិសេសមេរោគបំប្លែងថ្មី អូមីក្រុង។សម្រាប់អ្នកធាក់ស៊ីក្លូ ដែលបានចាក់វ៉ាក់សាំងកូវីដរួច បានប្រាប់BTV ឱ្យដឹងដែរថា បន្ទាប់ពីចាក់វ៉ាក់សាំងដូសទី៤រួច បានជួយបង្កើនទំនុកចិត្តជាងមុន ក្នុងពេលប្រកបរបរប្រចាំថ្ងៃ។បើទោះបីចាក់វ៉ាក់សាំងរួច ពួកគាត់នៅតែបន្តអនុវត្តវិធានសុខាភិបាល ៣កុំ ៣ការពារ។ការចាក់វ៉ាក់សាំងបង្ការជំងឺកូវីដ-១៩ ជូនប្រជាពលរដ្ឋ គឺជាយុទ្ធសាស្រ្តចម្បងមួយ ដែលរាជរដ្ឋាភិបាលកម្ពុជា បានដាក់ចេញដើម្បីប្រយុទ្ធប្រឆាំងនឹងការរាតត្បានៃជំងឺកូវីដ-១៩ ។បច្ចុប្បន្នកម្ពុជា រកវ៉ាក់សាំងកូវីដ-១៩ បានជាង៤៣ លានដូស រាប់បញ្ជូលទាំងការបញ្ជាទិញពីប្រទេសចិន ជំនួយតាមរយៈយន្តការកូវ៉ាក់ និងបណ្តាប្រទេសផ្សេងៗមួយចំនួនទៀត សម្រាប់ប្រើប្រាស់ក្នុងយុទ្ធនាការចាក់វ៉ាក់សាំងបង្ការជំងឺកូវីដ-១៩។ពលរដ្ឋមិនទាន់ចាក់វ៉ាក់សាំងបង្កាជំងឺកូវីដ-១៩ ចាប់ពីដូសទី១ ដល់ដូសទី៤ អាយុពី៣ឆ្នាំឡើង អាចទៅទទួលការចាក់វ៉ាក់សាំងកូវីដបាន នៅទីតាំងសុខាភិបាលសាធារណៈ ដោយភ្ជាប់ទៅជាមួយ សំបុត្រកំណើត អត្តសញ្ញាណប័ណ្ណ កាត់ចាក់វ៉ាក់សាំង ឫឯកសារពាក់ព័ន្ធផ្សេងៗមួយចំនួនទៀត៕ អត្ថបទ៖ទូច សោភ័ណ

ពលរដ្ឋមកចាក់វ៉ាក់សាំងបង្ការជំងឺកូវីដ-១៩ នៅមណ្ឌលសុខភាពស្ទឹងមានជ័យ ក្នុងចន្លោះពី៧០០នាក់ ទៅ១០០០នាក់ក្នុងមួយថ្ងៃ

ភ្នំពេញ៖ កុមារ យុវវ័យ ប្រជាពលរដ្ឋ ក្នុងចន្លោះពី ៧០០នាក់ រហូតដល់ទៅ ១០០០នាក់ ក្នុងមួយថ្ងៃ បានមកទទួលការចាក់វ៉ាក់សាំងបង្ការជំងឺកូវីដ-១៩ ដូសទី១ ដូសទី២ ដូសទី៣ និងដូសទី៤ នៅមណ្ឌលសុខភាពស្ទឹងមានជ័យ ខណ្ឌមានជ័យ រាជធានីភ្នំពេញ។បើតាមលោកស្រីវេជ្ជបណ្ឌិត ហ៊ាង មករា ប្រធានមណ្ឌលសុខភាពស្ទឹងមានជ័យ ប្រាប់BTV ព័ត៌មាន នាព្រឹកថ្ងៃទី១ ខែមីនា ឆ្នាំ២០២២នេះថា បច្ចុប្បន្នមណ្ឌលសុខភាពស្ទឹងមានជ័យ ដោយមានការសហការពីអាជ្ញាធរមូលដ្ឋាន ភូមិ សង្កាត់ ខណ្ឌបានដំណើរការចាក់វ៉ាក់សាំងការពារជំងឺកូវីដ១៩ គ្រប់ដូសទាំងអស់ ជូនប្រជាពលរដ្ឋ ដោយរលូន។ ទន្ទឹមនឹងនោះស្ថិតក្នុងសម័យកូវីដ-១៩ យើងទាំងអស់ត្រូវមកទទួលការចាក់វ៉ាក់សាំងឲ្យបានគ្រប់ៗគ្នា សម្រាប់ប្រជាពលរដ្ឋដែលបានចាក់វ៉ាក់សាំងគ្រប់ដូសហើយកី្ត ក៏ត្រូវតែការពារខ្លួន ៣កុំ ៣ការពារ រក្សាគម្លាត លាងដៃជាមួយសាប៊ូ ឬអាល់កុល ឬជែល ឲ្យបានញឹកញាប់ និងសូមនៅផ្ទះប្រសិនបើអ្នកមានគ្រុនក្តៅ ឬសង្ស័យថា បានឆ្លងជំងឺកូវីដ-១៩ និងសូមស្វែងរកជំនួយសុខាភិបាលភ្លាមៗ។ជាមួយគ្នានោះដែរ អាណាព្យាបាលនាំកូនអាយុ៣ឆ្នាំ រហូតដល់ក្រោម៥ឆ្នាំ មកទទួលការចាក់វ៉ាក់សាំងបង្ការជំងឺកូវីដ-១៩ ដូសមូលដ្ឋាននិងយុវវ័យ ប្រជាពលរដ្ឋ មកទទួលការចាក់វ៉ាក់សាំងដូសទី២ ដូសទី៣ និងដូសទី៤ នៅមណ្ឌលសុខភាពស្ទឹងមានជ័យ បានលើកឡើងស្រដៀងគ្នាថា ពួកគាត់ពិតជាមានមោទនភាពជាទីបំផុត ដោយមានប្រមុខដឹកនាំ ដុតដៃដុតជើងរកវ៉ាក់សាំងមកចាក់ការពារអាយុជីវិតរបស់ប្រជាពលរដ្ឋទូទាំងប្រទេស។ជាចុងក្រោយលោកស្រីវេជ្ជបណ្ឌិត ហ៊ាង មករា បានបញ្ជាក់ថា សព្វថ្ងៃលោកគ្រូពេទ្យ អ្នកគ្រូពេទ្យ ក្នុងមណ្ឌលសុខភាពស្ទឹងមានជ័យ មានចំនួន ១៤នាក់ មមាញឹកក្នុងការចាក់វ៉ាក់សាំងបង្ការជំងឺកូវីដ១៩ ជូនប្រជាពលរដ្ឋមកពីគ្រប់ទិសទី និងផ្តល់សេវាសុខាភិបាលផ្សេងៗជូនប្រជាពលរដ្ឋ ក្រៅពីការចាក់វ៉ាក់សាំង ដូចជាការពិនិត្យជំងឺទូទៅ ពិនិត្យផ្ទៃពោះ ពន្យាកំណើត និងសម្រាលកូនតាមធម្មជាតិ និងចាក់វ៉ាក់សាំងជូនកុមារទើបនឹងកំណើតអាយុចាប់ពី១ខែកន្លះ រហូតដល់១៨ខែផងដែរ៕ អត្ថបទ រដ្ឋា

ACU ទទួលពាក្យបណ្តឹងពីពលរដ្ឋចំនួន៤៦ បណ្ដឹង នៅក្នុងខែកុម្ភៈ

ភ្នំពេញ៖ ប្រធានអង្គភាពប្រឆាំងអំពើពុករលួយ បានឱ្យដឹងថា នៅក្នុងខែកុម្ភៈ អង្គភាពប្រឆាំងអំពើពុករលួយACU បានទទួលពាក្យប្តឹងសរុបចំនួន ៤៦ បណ្ដឹង ក្នុងនោះបណ្តឹងពីជនអនាមិកចំនួន ២៣ បណ្ដឹង។ក្រុមប្រឹក្សាជាតិប្រឆាំងអំពើពុករលួយ បានបើកកិច្ចប្រជុំលើកទី៩ អាណត្តិទី៣ បានដំណើរការក្រោមអធិបតីភាព ឯកឧត្តម តុប សំ ប្រធានក្រុមប្រឹក្សាជាតិប្រឆាំងអំពើពុករលួយ។នៅក្នុងកិច្ចប្រជុំឯកឧត្តមទេសរដ្ឋមន្ត្រី ឱម យិនទៀង ប្រធានអង្គភាពប្រឆាំងអំពើពុករលួយ ACU បានរាយការណ៍ថា នៅក្នុងខែកុម្ភៈនេះ ក្រុមអ្នកច្បាប់របស់ACU បានប្រជុំពិនិត្យ វិភាគ និងមានចំណាត់ការលើពាក្យប្តឹង ជារៀងរាល់ព្រឹក នៃថ្ងៃបន្ទាប់ដែលទទួលបានពាក្យបណ្តឹង។នៅកិច្ចប្រជុំក្រុមប្រឹក្សាភិបាលនេះដែរ ឯកឧត្តមទេសរដ្ឋមន្ត្រី ឱម យិនទៀង ក៏បានរាយការណ៍ដែរថា គិតត្រឹមខែកុម្ភៈនេះ ដើម្បីបញ្ជាក់ពីភាពស្អាតស្អំរបស់ថ្នាក់ដឹកនាំ មន្ត្រីរាជការស៊ីវិលនៅថ្នាក់ជាតិ និងថ្នាក់មូលដ្ឋាន និងកងកម្លាំងប្រដាប់អាវុធមួយចំនួន បានដាក់ឯកសារប្រកាសទ្រព្យសម្បត្តិ និងបំណុលតាមរបប២ឆ្នាំម្តង ឆ្នាំ២០២២នៅអង្គភាពប្រឆាំងអំពើពុករលួយចំនួន ១៥ ០៤៨ រូប ស្មើនឹង ៩៩.៩៩% នៃចំនួនត្រូវប្រកាសសរុប ១៥ ០៥០ រូប។នៅក្នុងដំណើរការប្រកាសឯកសារប្រកាសទ្រព្យសម្បត្តិ និងបំណុលនេះដែរ មានមន្ត្រីសាធារណៈតែងតាំងថ្មី ១៥៥ រូប - លាឈប់រួចប់អាណត្តិពីការងារ ៤២ រូប ចូលនិវត្តន៍ ៦៦ រូប និងបានបញ្ឈប់ពីការងារ ១១រូប ខណៈអង្គភាពប្រឆាំងអំពើពុករលួយ បានបើកស្រោមសំបុត្រពិនិត្យទ្រព្យសម្បត្តិ និងបំណុលដែលជាប់ការសង្ស័យចំនួន ១៦នាក់ និងបើកតាមសំណូមពរក្រុមអ្នកស៊ើបអង្កេតចំនួន ៧ ករណី។ក្នុងដំណើរការប្រឆាំងអំពើពុករលួយនៅកម្ពុជានេះដែរ ឯកឧត្តម ទេសរដ្ឋមន្ត្រី ឱម យិនទៀង បានពិនិត្យឃើញថា មហាជនបានទទួលស្គាល់ច្បាស់ថា ACU ជាអង្គភាពស្អាត៕អត្ថបទ ស៊ុម សុខជា

មជ្ឈមណ្ឌលជាតិផ្តល់ឈាម បានផ្គត់ផ្គង់ឈាមឆ្លើយតបនឹងស្ថានភាពបច្ចុប្បន្ន

ភ្នំពេញ៖ មន្រ្តីជំនាញនៃមជ្ឈមណ្ឌលជាតិផ្តល់ឈាមថា ស្ថានភាពនៃការផ្គត់ផ្គង់ឈាម ទៅដល់មន្ទីរពេទ្យនានាទូទាំងប្រទេស ក្នុងការជួយសង្គ្រោះជីវិតមនុស្ស អាចទប់ទល់នឹងស្ថានភាពតម្រូវការបច្ចុប្បន្នបាន ខណៈការបរិច្ចាកឈាមពីសប្បុរសជន នៅបន្តចូលរួមបរិច្ចាកជាធម្មតា ទោះបីស្ថានភាពនៃជំងឺកូវីដ-១៩ នៅបន្តក៏ដោយ។លោកវេជ្ជបណ្ឌិត លី សាវិត្យ អនុប្រធានមជ្ឈមណ្ឌលជាតិផ្តល់ឈាម បានលើកឡើងនៅក្នុងកម្មវិធីបរិច្ឆាកឈាម របស់ក្រសួងរ៉ែ និងថាមពល នៅថ្ងៃទី២៨ ខែកុម្ភៈ ឆ្នាំ២០២២ នេះថា បច្ចុប្បន្នការផ្គត់ផ្គង់ឈាម នៅតែមានតម្រូវយ៉ាងខ្លាំង ជាក់ស្តែងក្នុងមួយថ្ងៃៗ តម្រូវការនៃការផ្គត់ផ្គង់ មានចាប់ពី ១៥០ ទៅ ៣០០ប្លោក បើធៀបទៅនឹងការបរិច្ចាកឈាម ដែលទទួលបានពីការចូលរួមបរិច្ចាកឈាមពីសប្បុរសជន នៅតាមក្រសួង មន្ទីរ ស្ថាប័ន ទាំងវិស័យរដ្ឋ និងឯកជន គឺមានលក្ខណៈប្រហាក់ប្រហែលគ្នា ។លោកវេជ្ជបណ្ឌិត បន្តថា ជុំវិញការបរិច្ចាកឈាម ទោះបីនៅក្នុងស្ថានភាពនៃវិបត្តិជម្ងឺកូវីដ ១៩ បានបង្ករឡើងយ៉ាងណាក៏ដោយ មជ្ឈមណ្ឌលជាតិផ្តល់ឈាម នៅតែទទួលបានការចូលរួមពីសប្បុរសជនជាបន្តបន្ទាប់ ដែលធ្វើឲ្យការផ្គត់ផ្គង់ឈាម អាចឆ្លើយតបទៅនឹងស្ថានភាពបច្ចុប្បន្នបាន ក្នុងនោះដើម្បីបន្តនិរន្តភាពនៃការផ្គត់ផ្គង់ លោកវេជ្ជបណ្ឌិត បានអំពាវនាវដល់សប្បុរសជនទាំងអស់ ជួយគាំទ្រ និងផ្តល់ការបច្ចាកឈាមជាបន្តបន្ទាប់ទៀត ដើម្បីជួយសង្គ្រោះជីវិតមនុស្ស។នៅក្នុងការបរិច្ចាកឈាមនេះដែរ ឯកឧត្តម ស៊ុយ ឌីម៉ង់ រដ្ឋលេខាធិការក្រសួងរ៉ែ និងថាមពល បានថ្លែងនូវការកោតសរសើរ ចំពោះមន្រ្តីរបស់ក្រសួង ដែលបានចំណាយពេលវេលា ជាពិសេសការបរិច្ឆាកឈាមរបស់ខ្លួន ចូលរួមជាមួយសង្គម និងជួយដល់ជនកំពុងរងគ្រោះ ដែលកំពុងត្រូវការឈាម ក្នុងនោះដើម្បីចូលរួមចំណែកតាមរយៈនៃការបរិច្ចាកឈាមនេះ ឯកឧត្តម បានអំពាវដល់មន្រ្តីទាំងអស់ បន្តវប្បធម៌នៃការចូលរួមជាមួយសកម្មភាពបរិច្ចាកឈាមលើកក្រោយៗទៀត ដើម្បីធ្វើការបរិច្ចាកឈាម ជូនទៅដល់មជ្ឈមណ្ឌលជាតិផ្តល់ឈាម ដែលកំពុងមានតម្រូវការ ៕ អត្ថបទ៖ សុន រ៉ាឌី

កម្ពុជាប្រកាសខេត្តកែប ជាខេត្តទី១អស់មីន

កែប៖ កម្ពុជាបានប្រកាសខេត្តកែប ជាខេត្តទី១អស់មីន ហើយគ្រោងនឹងប្រកាសរាជធានី-ខេត្តចំនួន០៧ទៀត អស់មីនជាបន្តបន្ទាប់ ក្នុងឆ្នាំនេះ រួមមាន រាជធានីភ្នំពេញ ខេត្តព្រៃវែង កណ្តាល កំពង់ចាម ព្រះសីហនុ រតនគិរី និងខេត្តតាកែវ។ឯកឧត្តមទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន ក្នុងពិធីអបអរសាទរការប្រកាសខេត្តកែប ជាខេត្តទី១ អស់មីន នៅថ្ងៃទី២៨ ខែកុម្ភៈនេះ នៅខេត្តកែប បានលើកឡើងថា ក្នុងឆ្នាំ២០២១ ដោយបានទទួលនូវការអនុញ្ញាតពីសម្តេចតេជោ ហ៊ុន សែន សម្រេចជ្រើសរើសយកខេត្តកែប ដែលមានផលប៉ះពាល់តិចតួច ធ្វើការបោសសម្អាត និងរៀបចំប្រកាសជាខេត្តអស់មីនដំបូងគេបង្អស់ ក្រោមការចូលរួមឧបត្ថម្ភគាំទ្រហិរញ្ញវត្ថុប្រទេសន័រវេស្ស និងប្រទេសហុងគ្រី ដោយជ្រើសរើសយកមជ្ឈមណ្ឌលសកម្មភាពកម្ចាត់មីនកម្ពុជា (CMAC) ជាអ្នកបោសសម្អាត។ឯកឧត្តម បានបញ្ជាក់ថា “កម្ពុជា បានទទួលរងគ្រោះដោយសារសង្រ្គាមរ៉ាំរ៉ៃ ចាប់តាំងពីទសវត្សរ៍ឆ្នាំ១៩៦០ មានទាំងបញ្ហាមីន និងបញ្ហាយុទ្ធភណ្ឌមិនទាន់ផ្ទុះ។ ហើយថា ភូមិអស់មីន ឬខេត្តអស់មីន មិនមែនជាភូមិ ឬជាខេត្តអស់បញ្ហាយុទ្ធភណ្ឌមិនទាន់ផ្ទុះដទៃទៀត មានដូចជា គ្រាប់បែកទម្លាក់ពីលើយន្តហោះ គ្រាប់បែកចង្កោម និងគ្រាប់មិនទាន់ផ្ទុះគ្រប់ប្រភេទជាដើមនោះទេ។ ខេត្តកែប អស់មីន តែមិនទាន់អស់បញ្ហាគ្រាប់មិនទាន់ផ្ទុះពីសង្រ្គាមទេ ដូច្នេះប្រជាពលរដ្ឋ ត្រូវតែបន្តប្រុងប្រយ័ត្ន និងរួមគ្នាបន្តចាត់វិធានការដោះស្រាយ និងឆ្លើយតបទៅនឹងគ្រាប់មិនទាន់ផ្ទុះ ឲ្យទាន់ពេលវេលា និងមានប្រសិទ្ធភាពខ្ពស់”។ឯកឧត្តម បានបញ្ជាក់ថា ដើម្បីគាំទ្រដល់ផែនការអាទិភាពរបស់រាជរដ្ឋាភិបាល និងឈានទៅសម្រេចបាននូវចក្ខុវិស័យ “កម្ពុជាមួយ គ្មានមីនឆ្នាំ២០២៥” អាជ្ញាធរមីន បានរៀបចំនូវគោលការណ៍ណែនាំស្តីពីការអនុវត្តយន្តការភូមិអស់មីន ដែលនឹងធានាថា រាល់ចម្ការមីនទាំងអស់ ដែលមាននៅក្នុងភូមិ ត្រូវបានបោសសម្អាត ក្នុងគោលដៅជួយពន្លឿនដល់ការបោសសម្អាតមីន និងទាក់ទាញនូវការចូលរួមគាំទ្រពីម្ចាស់ជំនួយថ្មីៗ និងវិស័យឯកជនបន្ថែមទៀត។ គិតត្រឹមឆ្នាំ២០២១ កម្ពុជា នៅសល់ផ្ទៃដីមានមីន និងយុទ្ធភណ្ឌមិនទាន់ផ្ទុះសរុបចំនួន២០១៧គីឡូម៉ែត្រក្រឡា ក្នុងនោះផ្ទៃដីមានមីន ៧៨៨គីឡូម៉ែត្រក្រឡា ដែលកម្ពុជា ត្រូវបោសសម្អាតឲ្យអស់ត្រឹមឆ្នាំ២០២៥ កំពុងនៅសល់ក្នុងរាជធានី-ខេត្តចំនួន២៣ ទៀត។លោក សោម ពិសិដ្ឋ អភិបាលខេត្តកែប បានឱ្យដឹងថា ខេត្តកែប ជាតំបន់សមរភូមិ ដែលមានការប្រយុទ្ធគ្នាយ៉ាងខ្លាំង រវាងកងទ័ពរដ្ឋាភិបាល និងកងទ័ពខ្មែរក្រហម ជាពិសេសនៅតំបន់ភ្នំវល្លិ៍ គឺជាតំបន់ក្តៅមួយ ក្នុងចំណោមតំបន់ក្តៅទាំងឡាយ នៃប្រទេសកម្ពុជា។ក្រោយពីសង្គ្រាមត្រូវបានបញ្ចប់ តំបន់មួយចំនួន បានបន្សល់ទុកនូវគ្រាប់មីន និងយុទ្ធភណ្ឌមិនទាន់ផ្ទុះជាច្រើន បណ្តាលឲ្យមានអ្នកគ្រោះថ្នាក់ដោយសារមីន និងសំណល់ជាតិផ្ទុះពីសង្រ្គាម ដែលគិតត្រឹមឆ្នាំ២០២១ ចំនួន២២១នាក់ ក្នុងនោះស្រុកដំណាក់ចង្អើរ មាន១៩៨នាក់ និងក្រុងកែប មាន២៣នាក់ ៕អត្ថបទ៖ អន សារឹម

ពលរដ្ឋក្នុងឃុំព្រះរំកឹល លែងប្រឈមនឹងការពិបាកធ្វើដំណើរទៀតហើយបន្ទាប់ពីទទួលបានផ្លូវក្រាលគ្រួសក្រហម១ខ្សែ

ស្ទឹងត្រែង៖ ផ្លូវក្រាលគ្រួសក្រហម១ខ្សែ ត្រូវបានកសាងរួចរាល់ជាស្ថាបពរ ជូនដល់ប្រជាពលរដ្ឋនៅក្នុងព្រះរំកិល ស្រុកបូរីអូរស្វាយសែនជ័យ ខេត្តស្ទឹងត្រែង ដើម្បីបញ្ចប់ភាពលំបាកនៃការធ្វើដំណើររបស់ប្រជាពលរដ្ឋនៅទីនោះ។ឯកឧត្តម ឈាង ឡាក់ ប្រធានក្រុមប្រឹក្សាខេត្តស្ទឹងត្រែង និងឯកឧត្តម ស្វាយ សំអ៊ាង អភិបាលខេត្ត កាលពីម្សិលមិញ បានដឹកនាំមន្ត្រីរាជការ ចុះពិនិត្យមើលផ្លូវមួយខ្សែ ដែលបានស្ថាបនាឡើងដោយមន្ទីរអភិវឌ្ឍន៍ជនបទខេត្តស្ទឹងត្រែង ក្នុងឃុំព្រះរំកឹល ស្រុកបុរីអូស្វាយសែនជ័យ ខេត្តស្ទឹងត្រែង។លោក ព្រំ ចាន់ថា ប្រធានមន្ទីរអភិវឌ្ឍន៍ជនបទខេត្តស្ទឹងត្រែង បានឲ្យដឹងថា ផ្លូវមួយខ្សែនេះ ជាប្រភេទផ្លូវក្រាលគ្រួសក្រហម មានទទឹង៦ម៉ែត្រ ប្រវែង១២ពាន់ម៉ែត្រ ដែលជាគម្រោងសាងសង់ដោយមន្ទីរអភិវឌ្ឍន៍ជនបទខេត្ត ដើម្បីជួយសម្រួលការធ្វើដំណើររបស់ប្រជាពលរដ្ឋក្នុងឃុំព្រះរំកឹល និងអ្នកដំណើរឆ្លងកាត់។លោកបានបញ្ជាក់ថា ពីមុនប្រជាពលរដ្ឋនៅក្នុងតំបន់នេះ មានការលំបាកក្នុងកាធ្វើដំណើរ ដឹកកសិផលទៅកាន់ទីផ្សារ ពីព្រោះគ្មានផ្លូវឆ្លងកាត់ឡើយ តែពេលនេះ មន្ទីអភិវឌ្ឍន៍ជនបទ បានស្ថាបនាផ្លូវខ្សែនេះរួចរាល់ហើយ។ក្នុងឱកាសចុះពិនិត្យផ្លូវ ឯកឧត្តម ស្វាយ សំអ៊ាង អភិបាលខេត្ត បានកោតសរសើដល់មន្ទីរអភិវឌ្ឍន៍ជនបទ និងក្រុមការងារស្ថាបនាផ្លូវ ដែលបានខិតខំប្រឹងប្រែងក្នុងការស្ថាបនាផ្លូវ១ខ្សែនេះ ឲ្យបានរួចរាល់ ស្របតាមតម្រូវការរបស់ប្រជាពលរដ្ឋក្នុងមូលដ្ឋាន ហើយនេះជាផ្នែកមួយ ក្នុងការជួយដោះស្រាយបញ្ហាទុក្ខលំបាករបស់ប្រជាពលរដ្ឋ ។ឯកឧត្តម បានស្នើដល់ប្រជាពលរដ្ឋ ដែលប្រើប្រាស់ផ្លូវមួយខ្សែនេះ មេត្តាចូលរួមថែរក្សាផ្លូវនេះឲ្យ ល្អ ដើម្បីប្រើប្រាស់បានយូរអង្វែង និងសម្រាប់បម្រើជាផលប្រយោជន៍សាធារណៈផងដែរ៕អត្ថបទ៖ មាស ផល្លា

រដ្ឋមន្ត្រីការងារ បញ្ជាក់ថា ម្ចាស់អាជីវកម្ម និងអ្នកធ្វើជំនួញនៅកម្ពុជា ៦១ភាគរយជាស្រ្តី

ភ្នំពេញ៖ ឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានបញ្ជាក់ថា បច្ចុប្បន្នការអភិវឌ្ឍសហគ្រាសធុនតូច និងមធ្យម (SME) បានក្លាយជាជន្ទល់ និងប្រភពកំណើនសេដ្ឋកិច្ចរយៈពេលវែង និងការបង្កើតការងារ។ ក្នុងនោះ សម្រាប់ស្រ្តីមានប្រមាណ ៦១% ដែលជាម្ចាស់អាជីវកម្ម និងអ្នកធ្វើជំនួញ ដែលជាអត្រាខ្ពស់មួយសម្រាប់កម្ពុជា។ នៅក្នុងពិធីសំណេះសំណាលជាមួយមន្ត្រីរាជការជានារីរបស់ក្រសួងការងារ និងបណ្តុះបណ្តាលវិជ្ជាជីវៈ ដើម្បីចូលរួមអបអរសាទរខួបលើកទី១១១ នៃទិវាអន្តរជាតិនារី ៨មីនា ឆ្នាំ២០២២ ក្រោមប្រធានបទ “សមភាពយេនឌ័រថ្ងៃនេះ ដើម្បីចីរភាពនាពេលអនាគត” កាលពីព្រឹកថ្ងៃទី២៨ ខែកុម្ភៈនេះ ឯកឧត្តមរដ្ឋមន្រ្តី បានមានប្រសាសន៍ថា តាមការសិក្សាស្រាវជ្រាវនានាបានបង្ហាញថា ការរីករាលដាលនៃជម្ងឺកូវីដ-១៩ បានបង្កផលប៉ះពាល់ អវិជ្ជមានលើស្រ្តីច្រើនជាងបុរស ទាំងក្នុងវិស័យសេដ្ឋកិច្ច និងសង្គម ជាពិសេសស្រ្តីនៅក្នុងប្រទេសកំពុងអភិវឌ្ឍន៍ ដែលកំពុងរងផលប៉ះពាល់យ៉ាងធ្ងន់ធ្ងរ ដោយសារស្រ្តីភាគច្រើនមានការងារនៅក្នុងវិស័យសេវាកម្ម និងវិស័យសេដ្ឋកិច្ចក្រៅប្រព័ន្ធ។ ឯកឧត្តម បានបន្ត ក្នុងបរិការនេះ រដ្ឋាភិបាលកម្ពុជាបានដាក់ចេញនូវវិធានការនានាដែលបានឆ្លើយតប និងផ្តល់នូវអត្ថប្រយោជន៍ ដោយផ្ទាល់ដល់ស្រ្តី និងក្រុមជនងាយរងគ្រោះ ពិសេសតាមរយៈគោលនយោបាយគាំពារសង្គម ការដាក់ចេញវិធានការអន្តរាគមន៍ជំនួយសង្គម ការបង្កើនមូលធន ថវិកា “សាច់ប្រាក់ពលកម្ម” ដើម្បីជួយកម្មករនិយោជិតដែលបានព្យួរការងារ កម្មវិធីជំនួយសង្គម ពិសេសជួយស្តារលទ្ធភាព និងលើកកម្ពស់អាជីវកម្មសហគ្រាសធុនតូច និងមធ្យមជាដើម។ សូមបញ្ជាក់ថា យុទ្ធនាការទិវាអន្តរជាតិនារី ៨មីនា គឺជាព្រឹត្តការណ៍ជាសកល ដែលមហាសន្និបាតអង្គការសហប្រជាជាតិ បានប្រកាសជាទិវារបស់អង្គការសហប្រជាជាតិស្តីពីសិទ្ធិស្រ្តីនិងសន្តិភាពពិភពលោកនាឆ្នាំ១៩៧៧។ជារៀងរាល់ឆ្នាំ កម្ពុជាបានរៀបចំទិវានេះ ដើម្បីរំលឹកពីការតស៊ូទាមទារសិទ្ធិ សេរីភាព និងឆ្លុះបញ្ចាំងអំពីវឌ្ឍនភាព សមិទ្ធផល បញ្ហាប្រឈម ការប្តេជ្ញាចិត្ត និងវិធានការជាវិជ្ជមាននានាក្នុងការលើកកម្ពស់សមភាពយេនឌ័រ និងបង្កើនភាពអង់អាចដល់ស្រ្តី និងក្មេងស្រីគ្រប់រូប។ ដោយឡែកសម្រាប់ឆ្នាំនេះ ពិធីអបអរសាទរទិវាអន្តរជាតិនារី ៨ មីនា គឺប្រារព្ធឡើងក្នុងគោលបំណងបញ្ជាក់អំពីតម្លៃនៃការទទួលបាននូវសមភាពរវាងស្រ្តី និងបុរសសម្រាប់ការអភិវឌ្ឍគ្រប់វិស័យ និងជម្រុញឲ្យគ្រប់ដៃគូពាក់ព័ន្ធបន្តអនុវត្តវិធានការផ្នែកគោលនយោបាយ កម្មវិធី និងសកម្មភាពជាក់លាក់នានា ក្នុងការលើកកម្ពស់សមភាពយេនឌ័រ និងបង្កើនភាពអង់អាចដល់ស្រ្តី នៅក្នុងរបៀបវារៈស្តារសេដ្ឋកិច្ច សង្គមក្រោយវិបត្តិកូវីដ-១៩ និងការរស់នៅតាមបែបគន្លងប្រក្រតីភាពថ្មី ក៏ដូចជាការកសាងភាពរឹងមាំ និងការអភិវឌ្ឍប្រកបដោយចីរភាព៕អត្ថបទ៖ ឈិត បូរ៉ាវី

ទិវាជាតិទីក្រុងស្អាត ២៨-កុម្ភៈ ជំរុញអាជ្ញាធរ និងពលរដ្ឋចូលរួមសំអាត និងអនាម័យសហគមន៍

ភ្នំពេញ៖ នៅថ្ងៃទី២៨ ខែកុម្ភៈនេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានចេញសារលិខិត អបអរសាទរទិវាជាតិទីក្រុងស្អាតលើកទី១០ ឆ្នាំ២០២២ ក្រោមប្រធានបទ “ទីក្រុងស្អាត គាំទ្រការបើកទេសចរណ៍កម្ពុជា” អមជាមួយការប្រកាសយុទ្ធនាការ “កម្ពុជាស្អាត” ឆ្ពោះទៅស្វាគមន៍ព្រឹត្តិការណ៍កីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣។ ជារៀងរាល់ឆ្នាំកម្ពុជាតែងតែងរួមគ្នាប្រារព្វទិវាជាតិទីក្រុងស្អាតនេះ នៅថ្ងៃទី២៨ខែកុម្ភៈ ដើម្បីបំផុស និងលើកទឹកចិត្តដល់បងប្អូនជនរួមជាតិខ្មែរទាំងអស់ឱ្យបន្តយកចិត្តទុកដាក់កាន់តែខ្លាំងបន្ថែមទៀត ក្នុងកិច្ចគាំពារបរិស្ថាន និងលើកកម្ពស់ការអភិវឌ្ឍបៃតង រួមចំណែកដល់ការអភិវឌ្ឍវិស័យទេសចរណ៍ និងការរីកចម្រើននៃសង្គមជាតិយើង។ទិវាជាតិទីក្រុងស្អាតលើកទី១០ឆ្នាំ២០២២នេះ បានប្រារព្វក្នុងគោលបំណងបង្ហាញពីសារៈសំខាន់នៃ“ភាពស្អាត” សំដៅដល់ “ស្អាតដោយមានទេសភាពស្រស់ត្រកាល, ស្អាតដោយភាពប្រណិត, ស្អាតដោយមានបរិស្ថានល្អប្រសើរ, ស្អាតដោយមានអនាម័យ, ស្អាតដោយមានសុវត្ថិភាព, ស្អាតដោយមានគុណភាព និងស្អាតដោយមានឱជារសឆ្ងាញ់ពិសារ”។តាមរយៈទិវាជាតិទីក្រុងស្អាត ឆ្នាំនេះដែរ បណ្តាអាជ្ញាធរមូលដ្ឋាន និងប្រជាពលរដ្ឋ ថ្លែងថា កម្ពុជា នឹងធ្វើជាម្ចាស់ផ្ទះប្រារព្ធកីឡាស៊ីហ្គេមឆ្នាំ២០២២៣ និងប្រារព្វព្រឹត្តិការណ៍អន្តរជាតិនានាជាច្រើនទៀត ហើយនឹងមានភ្ញៀវទេសចរអន្តរជាតិជាច្រើនមកទស្សនាកម្ពុជា។ ដើម្បីទទួលភ្ញៀវអន្តរជាតិ ប្រកបដោយភាពកក់ក្តៅមានសុវត្ថិភាព និងដើម្បីមុខមាត់កិត្តិយសប្រទេសជាតិ ពលរដ្ឋទាំងអស់គួរត្រូវនាំគ្នារួមគ្នាសំអាតបរិស្ថាន សហគមន៍គ្មានសំរាម និងមានអនាម័យស្អាត អនុវត្តវិធាន៣កុំ៣ការពារគ្មានការរាតត្បាតកូវីដ១៩ ។តាមរយៈសារលិខិតរបស់ សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងជាប្រធានកិត្តិយសនៃគណៈកម្មាធិការជាតិវាយតម្លៃទីក្រុងស្អាត នៅថ្ងៃនេះដែរ បានស្នើ គ្រប់ក្រសួងស្ថាប័នរដ្ឋឯកជនគ្រប់លំដាប់ថ្នាក់ អង្គការសង្គមស៊ីវិល ដៃគូអភិវឌ្ឍន៍ សិស្សានុសិស្សប្រជាពលរដ្ឋ និងភ្ញៀវទេសចរគ្រប់រូប ត្រូវប្រកាន់ខ្ជាប់នូវការរស់នៅតាមគន្លងប្រក្រតីភាពថ្មី ពិសេសទម្លាប់នៃការរស់នៅជាមួយ “ភាពស្អាត និងអនាម័យ“ រួមជាមួយការអនុវត្តតាមវិធានសុខាភិបាល និងវិធាននានារបស់រាជរដ្ឋាភិបាល ដើម្បីចូលរួមទប់ស្កាត់ការចម្លងជំងឺកូវីដ-១៩ និងស្នើមេត្តាបន្តផ្តល់ការគាំទ្រ និងចូលរួមអនុវត្តឱ្យបានផុលផុសប្រកបដោយស្មារតីទទួលខុសត្រូវខ្ពស់នូវចលនាប្រឡងប្រណាំង “ទីក្រុងស្អាត រមណីយដ្ឋានស្អាត សេវាល្អ បដិសណ្ឋារកិច្ចល្អ” ដើម្បីឱ្យកម្ពុជាក្លាយជាគោលដៅទេសចរណ៍ប្រកបដោយគុណភាព និរន្តរភាព និងសុវត្ថិភាព សម្រាប់ការបើកទទួលស្វាគមន៍ភ្ញៀវទេសចរអន្តរជាតិឡើងវិញ៕អត្ថបទ ស៊ុម សុខជា

បណ្ដាញសង្គម

ព័ត៌មានថ្មីៗ

សភាពាណិជ្ជកម្មកម្ពុជា រៀបចំវេទិកាចែករំលែកព័ត៌មានថ្មីៗ ឆ្លើយតបការវិវត្តសេដ្ឋកិច្ចតំបន់និងសកល

រដ្ឋមន្ត្រី ចក្រភពអង់គ្លេសអញ្ជើញចុះជួបក្រុមការងារដែលកំពុងអនុវត្តសកម្មភាពកំចាត់មីន ដោយមានការគាំទ្រថវិកាពីរដ្ឋាភិបាលអង់គ្លេស

រាជរដ្ឋាភិបាលជំរុញអ្នករៀបចំពិព័រណ៍នានាបង្កេីនយន្តការជំនួបពាណិជ្ជកម្មដេីម្បីពង្រីកទីផ្សារកាន់តែខ្លាំងក្នុងតំបន់

កិច្ចប្រជុំអគ្គលេខាធិការដ្ឋាន នៃសន្និសីទប្រធានសភា នៃអន្តរសភា

សមាជិកក្រុមប្រឹក្សានីតិប្បញ្ញត្តិព្រុយណេ អញ្ជើញមកដល់ប្រទេសកម្ពុជា ដើម្បីចូលរួមសន្និសីទ ISC-2

ប្រភព៖ ប៉ាគីស្ថានស្នើពេលវេលាកំណត់ថ្មី ៦០ថ្ងៃ ដើម្បីឲ្យអាមេរិក និងអ៊ីរ៉ង់ចាប់ផ្ដើមការចរចាផ្ទាល់ឡើងវិញ

លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែតអញ្ជើញជាអធិបតីក្នុងកិច្ចប្រជុំគណៈកម្មការរៀបចំការប្រឡងជ្រើសរើសនិស្សិតចូលរៀនថ្នាក់វេជ្ជបណ្ឌិតឯកទេសនៅសាកលវិទ្យាល័យវិទ្យាសាស្ត្រសុខាភិបាល (ស.វ.ស.)

ប្រធានាធិបតីអ៊ីរ៉ង់៖ «សហរដ្ឋអាមេរិកនឹងមិនសម្រេចបានអ្វីឡើយ» ជាមួយនឹងសម្ពាធសេដ្ឋកិច្ច

មនុស្សយ៉ាងហោច ២២នាក់ស្លាប់ និង ៣៨៤នាក់ បាត់ខ្លួន ក្រោយទឹកជំនន់ដ៏គំហក់នៅនេប៉ាល់

លោក Netanyahu ប្ដេជ្ញាបង្កើនការតាំងទីលំនៅបន្ថែម នៅ West Bank ដោយផ្គើននឹងសម្ពាធអន្តរជាតិ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

រោងចក្រដំឡើងគ្រឿងបរិក្ខារអគ្គិសនីតំលៃ ២,៥ លានដុល្លា ក្នុងខេត្តពោធិ៍សាត់ បើកដំណើរការ

កម្ពុជាចាប់ផ្ដើមធ្វើជំរឿនសេដ្ឋកិច្ចជាលើកទីពីរ ក្នុងប្រវត្តិសាស្រ្តរបស់ខ្លួន

ប្រធានសមាគមស៊ីក្លូ ក្រើនរម្លឹកអ្នកប្រកបរបរធាក់ស៊ីក្លូឱ្យរួសរាន់ ទៅចាក់វ៉ាក់សាំងដូសជំរុញ

ACU ទទួលពាក្យបណ្តឹងពីពលរដ្ឋចំនួន៤៦ បណ្ដឹង នៅក្នុងខែកុម្ភៈ

មជ្ឈមណ្ឌលជាតិផ្តល់ឈាម បានផ្គត់ផ្គង់ឈាមឆ្លើយតបនឹងស្ថានភាពបច្ចុប្បន្ន

កម្ពុជាប្រកាសខេត្តកែប ជាខេត្តទី១អស់មីន

ពលរដ្ឋក្នុងឃុំព្រះរំកឹល លែងប្រឈមនឹងការពិបាកធ្វើដំណើរទៀតហើយបន្ទាប់ពីទទួលបានផ្លូវក្រាលគ្រួសក្រហម១ខ្សែ

រដ្ឋមន្ត្រីការងារ បញ្ជាក់ថា ម្ចាស់អាជីវកម្ម និងអ្នកធ្វើជំនួញនៅកម្ពុជា ៦១ភាគរយជាស្រ្តី

ទិវាជាតិទីក្រុងស្អាត ២៨-កុម្ភៈ ជំរុញអាជ្ញាធរ និងពលរដ្ឋចូលរួមសំអាត និងអនាម័យសហគមន៍

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

រោងចក្រដំឡើងគ្រឿងបរិក្ខារអគ្គិសនីតំលៃ ២,៥ លានដុល្លា ក្នុងខេត្តពោធិ៍សាត់ បើកដំណើរការ

កម្ពុជាចាប់ផ្ដើមធ្វើជំរឿនសេដ្ឋកិច្ចជាលើកទីពីរ ក្នុងប្រវត្តិសាស្រ្តរបស់ខ្លួន

ប្រធានសមាគមស៊ីក្លូ ក្រើនរម្លឹកអ្នកប្រកបរបរធាក់ស៊ីក្លូឱ្យរួសរាន់ ទៅចាក់វ៉ាក់សាំងដូសជំរុញ

ACU ទទួលពាក្យបណ្តឹងពីពលរដ្ឋចំនួន៤៦ បណ្ដឹង នៅក្នុងខែកុម្ភៈ

មជ្ឈមណ្ឌលជាតិផ្តល់ឈាម បានផ្គត់ផ្គង់ឈាមឆ្លើយតបនឹងស្ថានភាពបច្ចុប្បន្ន

កម្ពុជាប្រកាសខេត្តកែប ជាខេត្តទី១អស់មីន

រដ្ឋមន្ត្រីការងារ បញ្ជាក់ថា ម្ចាស់អាជីវកម្ម និងអ្នកធ្វើជំនួញនៅកម្ពុជា ៦១ភាគរយជាស្រ្តី

ទិវាជាតិទីក្រុងស្អាត ២៨-កុម្ភៈ ជំរុញអាជ្ញាធរ និងពលរដ្ឋចូលរួមសំអាត និងអនាម័យសហគមន៍

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍