នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គណៈប្រតិភូសមាជិកសភាសហរដ្ឋអាម៉េរិក នឹងបន្តគាំទ្ររដ្ឋាភិបាលសហរដ្ឋអាម៉េរិក ក្នុងការជំរុញកិច្ចសហប្រតិបត្តិការ កម្ពុជា-សហរដ្ឋអាម៉េរិក ឱ្យកាន់តែរីកចម្រើន និងទូលំទូលាយបន្ថែមទៀត
សម្ដេចតេជោប្រាប់មេដឹកនាំ ISC-2 ថា ជោគវាសនាប្រជាជាតិយើងមិនត្រូវស្ថិតលើចុងប៊ិចមហាអំណាចទេ
សម្តេចតេជោ ហ៊ុន សែន ថ្លែង​ទៅកាន់ ISC-2 ថា ស្ថាប័ននីតិប្បញ្ញត្តិត្រូវរួមគ្នាប្រឆាំង «ច្បាប់ព្រៃ» អ្នកខ្លាំងឈ្នះ
សម្តេចតេជោ ៖ អង្គុយមើលសង្គ្រាមផ្សែងហុយក៏ធ្វើឱ្យថប់ដង្ហើមដែរ ព្រោះមិនមែនជាបញ្ហាដាច់ដោយឡែក

នយោបាយ​ និង ការអភិវឌ្ឍន៍

គណបក្សនយោបាយទាំងអស់ នឹងត្រូវបានធានាសុវត្ថិភាពបង្ករលក្ខណៈងាយស្រួល ក្នុងពេល​ចុះ​មូលដ្ឋាន

2022/02/08 06:38:56 pm        450
Facebook Telegram Linkin
ភ្នំពេញ៖ សម្តេចក្រឡាហោម ស ខេង ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃ បានស្នើ​ដល់អាជ្ញាធរគ្រប់ លំដាប់ថ្នាក់ នៃរាជធានី-ខេត្តទាំងអស់ត្រូវធានាសុវត្ថិភាព និងបង្ករ​លក្ខណៈ​ងាយ​ស្រួល​ដល់គ្រប់គណបក្សនយោបាយទាំងអស់ ដែលបានចុះបញ្ជី​នៅក្នុងក្រសួងមហាផ្ទៃ ដើម្បី​ធ្វើយ៉ាង​ណា​ស្របតាមគោលការណ៍​លទ្ធិប្រជាធិបតេយ្យ សេរីពហុបក្ស។យោងតាមសេចក្តីណែនាំរបស់សម្តេចក្រឡាហោ ស ខេង ជូនដល់អភិបាលនៃគណៈអភិបាលរាជ​ធានី-ខេត្ត ដែលទូរទស្សន៍BTV ទទួលបាននាថ្ងៃទី៨ ខែកុម្ភៈ ឆ្នាំ២០២២នេះ បានលើកឡើងថា ដើម្បី បង្ករលក្ខណៈងាយស្រួលដល់គណកប្សនយោបាយដែលបានចុះបញ្ជីត្រឹមត្រូវតាមច្បាប់ ចូលរួម​ប្រកួតប្រជែង​ក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ឆ្នាំ២០២២ និង​ការបោះឆ្នោតជ្រើសរើសតំណាងរាស្រ្ត អាណត្តិទី៧ឆ្នាំ២០២៣ ខាងមុខ ប្រកបដោយលក្ខណៈ សេរី ត្រឹមត្រូវ និងយុត្តិធម៌ សម្របតាមគោលការណ៍លទ្ធិប្រជាធបតេយ្យ សេរីពហុបក្ស និង​ដើម្បី​ធានា​ការ​អនុវត្តឲ្យបានត្រឹមត្រូវតាម ​ច្បាប់ស្តីពីគណបក្សនយោបាយ ច្បាប់ស្តីពីការបោះឆ្នោតជ្រើសរើស​ក្រុម​ប្រឹក្សាឃុំ-សង្កាត់ និងសកលនោះ ក្រសួងមហាផ្ទៃ«សូមស្នើឲ្យរដ្ឋបាលរាជធានី-ខេត្ត និង​អាជ្ញាធរ​មានសមត្ថកិច្ចពាក់ព័ន្ធនៅថ្នាក់ក្រោមជាតិ ត្រូវបង្ករលក្ខណៈងាយស្រួល​ដល់គ្រប់គណបក្ស​នយោបាយ​ដែល​បានចុះបញ្ជីរួចហើយនៅក្រសួងមហាផ្ទៃ ក្នុងការធ្វើសកម្មភាពនានាស្របតាម​ច្បាប់​ដែលបានអនុញ្ញាត»។តាមរយៈសេចក្តីណែនាំនេះ សម្តេចក្រឡាហោម ស ខេង បានលើកឡើងថា ការបើកទីស្នាក់ការ គណបក្សការលើកផ្លាកសញ្ញាគណបក្ស ការជួបប្រជុំនយោបាយ ឬការជួបជុំមន្រ្តីគណបក្ស នៅ​តាមមូលដ្ឋានឯកជន ឬក៏ទីតាំងឯកជននានា​ ត្រូវមានការយល់ព្រមជាមុនពីម្ចាស់កម្មសិទ្ធទាំងនោះ ដោយមានកិច្ចសន្យាជួល ឬកិច្ចព្រមព្រៀងជាលាយលក្ខណ៍អក្សរ។ទន្ទឹមនេះសាមីគណបក្សនយោបាយនីមួយៗគ្រាន់ តែជូនដំណឹងជាលាយលក្ខណ៍អក្សរទៅ​អាជ្ញាធរ​ឃុំ សង្កាត់អំពីការបើកទីស្នាក់ការ ការដាក់តាំងផ្លាក់សញ្ញា គណបក្ស ឬការប្រជុំតែប៉ុណ្ណោះ ដោយ​មិនតម្រូវ​ឲ្យ​សុំការ​អនុញ្ញាត​ជាមុនពីអាជ្ញាធរនោះឡើយ។ បន្ទាប់ពីទទួលបានលិខិតជាលាយ​លក្ខណ៍​អក្សររបស់​គណបណបក្សរួចហើយ ​អាជ្ញាធរឃុំ សង្កាត់ ត្រូវ​រាយការណ៍ ជូនអាជ្ញាធរក្រុង ​ខណ្ឌ រាជធានី ​ខេត្តដើម្បី​សម្របសម្រួល​ជាមួយ​សមត្ថកិច្ចពាក់ព័ន្ធ​ក្នុង​ការគាំទ្រ និងសហការអនុវត្តតាមសមត្ថកិច្ចរៀងៗខ្លួន។យ៉ាងណាក៏ដោយគ្រប់គណបក្សនយោបាយ ​ម្ចាស់លំនៅដ្ឋាន ឬម្ចាស់ទីតាំងឯកជន ត្រូវផ្តល់​នូវ​កិច្ច​សហការជាមួយអាជ្ញាធរមានសមត្ថកិច្ចប្រកបដោយការយោគយល់អំពីវិធានការសន្តិសុខ សណ្តាប់​ធ្នាប់ ​និងសុវត្ថិភាពសាធារណៈ ដោយគ្រប់គណបក្សនយោបាយទាំងអស់ត្រូវ​ពិគ្រោះយោបល់​ជា​មួយអាជ្ញាធរដោយមានការយោគយល់គ្នាទៅវិញទៅមក អំពីបញ្ហាសន្តិសុខ សណ្តាប់ធ្នាប់ សុវត្ថិភាព​សាធារណៈ និងអនាម័យសាធារណៈ ​រួមទំាង​វិធាន​ការ​សុខាភិបាល​ជាដើម៕អត្ថបទ៖ បាន ចក់

អាជ្ញាធរជាតិអប្សរា កំពុងដំណើរការជួសជួលព្រះពុទ្ធ​បដិមា​ចំនួន៣អង្គ នៅរួតបាកាណ នៃប្រាសាទអង្គរវត្ត

2022/02/07 10:06:42 pm        1033
Facebook Telegram Linkin
សៀមរាប៖ អាជ្ញាធរជាតិអប្សរា បាននឹងកំពុងដំណើរការជួសជុលព្រះពុទ្ធបដិមា ចំនួន៣អង្គបន្ថែមទៀត នៅរួតបាកាណនៃប្រាសាទអង្គរវត្ត ខណៈមួយអង្គបានធ្វើការជួសជុលរួចរាល់។លោក សយ សុភារិន្ទ មន្រ្តីបច្ចេកទេសនាយកដ្ឋានអភិរក្សប្រាសាទក្នុងឧទ្យានអង្គរ និងបុរាណ​វិទ្យាបង្ការនៃអាជ្ញាធរជាតិអប្សរា បានឱ្យដឹងនៅថ្ងៃទី ៧ខែកុម្ភៈនេះថា ដំណើរការ​ជួសជុល​ព្រះពុទ្ធបដិមាគឺ ​ធ្វើឡើងនៅដើមខែកុម្ភៈ ​ឆ្នាំ២០២២នេះ គ្រោងនឹង​ប្រើប្រាស់​ពេលវេលា​ជួសជុល​ចំនួន៥ខែ។លោក បានបញ្ជាក់ថា មូលហេតុ ដែលនាំឱ្យព្រះពុទ្ធបដិមានៅរួតបាកាណរងការខូចខាត​ទ្រុឌទ្រោម ដោយ​សារកត្តាធម្មជាតិ ​ទីកន្លែងមានជ្រាបទឹក ​ទឹកហូរច្រោះ មានទឹកនោម និង​លាមកសត្វ​ប្រចៀវ​ច្រើន​ ដូច្នេះក្រុមការងារធ្វើការ​រើ​សំណាញ់​ចាស់ចោល ​ដើម្បី​ជំនួស​នូវ​សំណាញ់ថ្មី ​ដែល​សង្ឃឹមថា​ ប្រចៀវ​នឹង​មិនអាចចូលទៅទុំនៅទីតាំងខាងលើបានទៀតឡើយ។សូមបញ្ជាក់ថា ​កាលពីអំឡុងខែ​វិច្ឆិកា ​ឆ្នាំ២០២០​កន្លងទៅ​ អ្នកជំនាញ​អភិរក្សចម្លាក់ នៃ​អាជ្ញាធរជាតិ​អប្សរា​ បាន​ធ្វើការ​ជួសជុល​រួចរាល់​ជា​ស្ថាពរ​នូវ​ព្រះពុទ្ធ​បដិមា​មួយ​អង្គ​នៅ​ទិស​ខាងត្បូង​នៃ​រួត​បាកាណ​ ដែល​មាន​ការ​ខូចខាត​ទ្រុឌទ្រោម៕

បណ្តាផ្សារនៅរាជធានីភ្នំពេញ និងក្រុងតាខ្មៅ ពង្រឹងវិធានការទប់ស្កាត់ការឆ្លងរាលដាលអូមីក្រុង

2022/02/07 09:14:58 pm        565
Facebook Telegram Linkin
កណ្ដាល៖ បន្ទាប់ពីក្រសួងសុខាភិបាល បានប្រកាសពីករណីឆ្លងCovid Omicron ក្នុងរង្វង់ជាង១០០នាក់ ក្នុងមួយថ្ងៃកាលពីថ្ងៃម្សិលមិញ និងថ្ងៃនេះដែលភាគច្រើនជាករណីឆ្លងក្នុងសហគមន៍ , មកដល់ពេលនេះ បណ្តាអាជ្ញាធរមូលដ្ឋានបង្កើនការរឹតបន្តឹងអនុវត្តវិធានការ៣កុំ៣ការពារ ក្នុងនោះពាក់ម៉ាស់ និងការលាងដៃទឹកអាកុលជែលជាដើម និងអាជ្ញាធរតាមផ្សារសាធារណៈនានា នៅរាជធានីភ្នំពេញ និងក្រុងតាខ្មៅ ណែនាំឲ្យពលរដ្ឋអនុវត្តជាចាំបាច់វិធានសុខាភិបាល ដើម្បីកាត់ផ្តាច់ខ្សែចម្លងOmicronនិងធ្វើអោយសហគមន៍យើងមានសុវត្ថិភាពឡើងវិញ។អាជ្ញាធរតាមផ្សារនៅក្នុងតាខ្មៅ ក៏ដូចនៅរាជធានីភ្នំពេញដែរ នៅពេលពេលនេះ បាននឹងកំពុង​បង្កើន​ការរឹតបន្តឹងជម្រុញអោយពលរដ្ឋចេញចូលផ្សារគឺត្រូវពាក់ម៉ាស់ជាចាំបាច់ និងមិនត្រូវចូលទិញ​ទំនិញ​ប្រជ្រៀតគ្នា ​ដែលបង្ក​ហានិភ័យ​នៃការចំលងមេរោគកូវីដ១៩ ​និងកូវីដប្រភេទថ្មីOmicron ហើយ​គ្រប់គ្រង​ការរឹតបន្តឹងផ្សារនោះ​ គឺបានអនុវត្តតាមគោលការណែនាំ​របស់រាជរដ្ឋាភិបាល ​ជាពិសេស អនុវត្តនីតិវិធីស្តង់ដារអប្បបរមា ​SOP ​តាមគន្លងប្រក្រតីភាពថ្មីរបស់សម្រាប់ផ្សារសាធារណៈ។បើតាមពលរដ្ឋនៅរាជធានីភ្នំពេញ ​និងក្រុងតាខ្មៅថ្លែងថា​ នៅពេលនេះ យើងមានការភ័យខ្លាច​ចំពោះ​ការ​ឆ្លងមេរោគកូវីដអូមីក្រុង ខណៈមេរោគកូវីដប្រភេទថ្មីនេះ​បាននឹងកំពុងមាន​ឆ្លងក្នុង​សហគមន៍​ច្រើន បើទោះយើងសំគាល់ឃើញថា ​នៅទូទាំង​ប្រទេស​មាន​ពលរដ្ឋច្រើន​លើសលប់​បាន​ចាក់វ៉ាក់សាំងកូវីដ១៩ រួចហើយក៏ដោយ។សូមបញ្ជាក់ថា រាជធានីភ្នំពេញ និងខេត្តកណ្តាល​មានលំហូរចេញចូលពលរដ្ឋប្រកបរបររកស៊ី ធ្វើការ​ងារជា​ច្រើន​ឥតដាច់​ ដែលបញ្ហានេះ​បានធ្វើអោយខេត្តកណ្តាល​ មកដល់ពេលនេះ គឺ​បាន​រកឃើញ​អ្នកឆ្លង​មេរោគកូវីដអូមីក្រុងកើនដល់២៤នាក់ តែត្រូវបានព្យាបាលជាសះស្បើយ​អស់ហើយ ខណៈទូទាំង​ប្រទេសក្នុងមួយថ្ងៃៗ ត្រូវបានក្រសួងសុខាភិបាល​បន្តរកឃើញ​ករណីឆ្លងកូវីដ​អូមីក្រុង​ និង២ថ្ងៃជាប់មកនេះ​ ករណីឆ្លងថ្មីតួលេខដល់ជាង១០០នាក់ក្នុងមួយថ្ងៃ បើគិតទាំងករណីនាំចូល និងឆ្លងក្នុងសហគមន៍៕ អត្ថបទ ស៊ុម សុខជា

អាជ្ញាធរព្រមានអនុវត្តវិធានការច្បាប់ ចំពោះអតីតបុគ្គលិកណាហ្គាវើល ជុំវិញការបន្តប្រមូលផ្តុំនៅសាធារណៈ

2022/02/07 09:07:21 pm        452
Facebook Telegram Linkin
ភ្នំពេញ៖ លោក កើត ឆែ អភិបាលរងរាជធានីភ្នំពេញ បានធ្វើការព្រមានអនុវត្តវិធានការរដ្ឋបាល និងវិធានការច្បាប់ជាកំហិតទៅលើអតីតបុគ្គលិកណាហ្គាវើល ក្នុងករណីបន្តប្រមូលផ្តុំ និងមិនអនុវត្តការធ្វើចត្តាឡីស័កត្រឹមត្រូវ ខណៈការអនុវត្តនេះ ជាការធានាការពារដល់សុខភាពសាធារណៈពីការរីករាលជំងឺកូវីដ១៩។ថ្លែងប្រាប់BTV នៅថ្ងៃទី៧ ខែកុម្ភៈ ឆ្នាំ២០២២ លោក កើត ឆែ អភិបាលរងរាជធានីភ្នំពេញ បាន​ឲ្យដឹង​ថា យោងតាមសេចក្តីណែនាំរបស់រដ្ឋបាលរាជធានីភ្នំពេញ ស្តីពីការចាត់វិធាន​ការជាបន្ទាន់​ចំពោះការរកឃើញវិជ្ជមានកូវីដ១៩ បំប្លែងថ្មីជាបន្តបន្ទាប់លើលក្រុមបាតុករអតីតបុគ្គលិក Naga World គិតត្រឹមថ្ងៃទី៦ ម្សិលមិញ ក្រុមគ្រូពេទ្យធ្វើតេស្តអ្នកវិជ្ជមានកូវីដ១៩ ដែលជាបាតុករ​អតីត​បុគ្គលិក Naga World ​កើនឡើងចំនួន២៩នាក់។ លោក បន្តថា តាមរយៈវិធានការរបស់រដ្ឋបាលរាជធានីភ្នំពេញ ឆ្លើយតប ដើម្បីទបស់ស្កាត់ការ​រីក​រាលដាល​ជំងឺកូវីដ១៩ បាន​តម្រូវឲ្យក្រុមបាតុករ​ដែល​អវិជ្ជមានទាំងអស់​ត្រូវអនុវត្ត​ដោយធ្វើ​ចត្តាឡីស័ក​នៅមណ្ឌលចត្តាឡីស័ករាជធានីភ្នំពេញ ​ស្ថិតក្នុងខណ្ឌព្រែកព្នៅ ឬធ្វើចត្តាឡីស័ក​តាមផ្ទះរបស់ខ្លួនតាមនីវិវិធី ​និងវិធានការប្រតិបត្តិស្តង់ដារ ​(SOP) ​ដែលបានកំណត់ ខណៈ​ក្រុម​បាតុករ​ទាំងអស់​ត្រូវបានចាត់ទុកជាអ្នកប៉ះពាល់ផ្ទាល់តាមរយៈសកម្មភាពប្រមូលផ្តុំនៅសាធារណៈ។ឆ្លើយតបចំពោះការតាមដាន ​និងពិនិត្យការធ្វើចត្តាឡីស័កតាមផ្ទះ​ លោក កើត ឆែ បានបញ្ជាក់ថា មន្ទីរការងារ និងបណ្តុះបណ្តាលវិជ្ជាជីវៈរាជធានីភ្នំពេញ នឹងសហការជាមួយរដ្ឋបាល​ខណ្ឌទាំង១៤ ក្នុងរាជធានីភ្នំពេញ ​ដើម្បីកំណត់អាស័យដ្ឋាន ​និងចុះពិនិត្យឲ្យបានម៉ត់ចត់ធានាថាការអននុវត្ត​ធ្វើចត្តាឡីស័ក​របស់ពូកគាត់ត្រឹមត្រូវ ខណៈក្នុង​ករណីមិន​បានអននុវត្តការធ្វើចត្តាឡីក​ត្រឹមត្រូវ​នឹងប្រឈមវិធានការដ្ឋបាល និងវិធានការច្បាប់។ជុំវិញការប្រមូលផ្តុំរបស់បាតុករអតីតបុគ្គលិក Naga Worldនេះ លោក កើត ឆែ បានព្រមាន​អនុវត្ត​វិធាន​ការច្បាប់ប្រសិន​ជាក្រុមបាតុករបន្តប្រមូលផ្តុំ ដោយហេតុផលអាជ្ញាធរមិនអាចបណ្តែត​បណ្តោយ​ឲ្យក្រុមបាតុករយកវិវាទរបស់ខ្លួនទៅបង្កជាការបំផ្លាញ​សុខភាព​សាធារណៈដោយ​ការ​បន្ត​រីករាល​ដាលជំងឺកូវីដ១៩បានឡើយ។លោក កើត ឆែ បានទទូចសូមប្រជាពលរដ្ឋជាបាតុករអនុវត្តវិធានការសុខាភិបាលឲ្យបានគ្រប់ៗគ្នា ក៏ដូជាប្រជាពលរដ្ឋដែលតែងចូលរួមគ្រប់សកម្មភាពទប់ស្កាត់ការរីករាលដាលជំងឺកូវីដ១៩ ឬ​ព្រឹត្តិការណ៍២០កុម្ភៈកន្លងទៅ ​សូមបងប្អូនបន្តចូលរួមទប់ស្កាត់បន្តទៀត ជាពិសេសបើ​ប្រជា​ពលរដ្ឋរក​ឃើញ​ក្រុម​បាតុករអតីតបុគ្គលិកណាហ្គាវើល​ត្រូវរាយការណ៍​ទៅអាជ្ញា ដើម្បី​ទប់ស្កាត់​ការរីករាលដាលជាទ្រង់ទ្រាយធំចូល​ក្នុងសហគមន៍៕ អត្ថបទ៖ ឧត្តម

អាជ្ញាធរមីន​អនុញ្ញាត​ឲ្យ​នាយក​ ISU-​APMBT ចូល​ជួប​ពិភាក្សា​ការ​ងារ​ពីវិស័យមីន

2022/02/07 08:01:05 pm        56
Facebook Telegram Linkin
ភ្នំពេញ៖ ឯកឧត្តម​ទេស​រដ្ឋមន្រ្តី​ លី ធុជ អនុប្រធានទី១ អាជ្ញាធរមីន​ នៅ​ព្រឹក​ថ្ងៃទី០៧ ខែ​កុម្ភៈនេះ អនុញ្ញាត​ឲ្យ​ លោក​ Juan Carlos Ruan នាយកអង្គ​ភា​ព​គាំទ្រ​ការ​អនុវត្ត (Implementation Support Unit_ISU)​​ នៃ​អនុសញ្ញា​ស្តីពី​ការ​ហាម​ប្រាម​ ការ​ប្រើ​ប្រាស់​ ការ​រក្សា​ទុក​ កា​រ​ផលិត​ និង​ការ​ផ្ទេរ​គ្រាប់​មីន​ប្រឆាំង​មនុស្ស​​ និង​ការ​បំផ្លាញ​គ្រាប់​មីន​ចោល (អនុសញ្ញា​អូតាវ៉ា​​_APMBC) និង​លោក Gregory Cathcart មន្រ្តី​ជាន់​ខ្ពស់ ISU​ ដែល​មាន​ទី​ស្នាក់នៅ​ប្រទេស​ស្វីស​​ ចូល​ជួប​ពិភាក្សា​ការ​ងារ​ស្តីពី​ការ​​​ពង្រឹង​ភាព​ដៃ​គូរ​​ និង​កិច្ច​សហ​ប្រតិបត្តិការ​លើ​ការ​ងារ​បោសសម្អាត​មីន​នៅ​កម្ពុជា​ នៅ​ទីស្នាក់ការ​អាជ្ញាធរមីន។ លោក​ Juan Carlos Ruan បាន​បម្រើ​ការ​ងារ​ជា​នាយក​ ISU តាំង​ពី​ឆ្នាំ​២០១៦ និង​បានជួយគាំ​ទ្រ​ដល់​ការ​អនុវត្តខ្លឹមសារ​​អនុសញ្ញា​អូតាវ៉ា​ទៅ​គ្រប់​សមាជិក​រដ្ឋភាគី​ទាំង​អស់​។គណៈ​ប្រតិភូ ISU-APMBC ​បំពេញ​បេសកកម្ម​នៅ​កម្ពុជា​ ​រយៈពេល ០៥ថ្ងៃ ​ចាប់ពីថ្ងៃទី០៦-១០ ខែ​កុម្ភៈ ឆ្នាំ​២០២២ ក្នុង​គោល​បំណង​តាម​ដាន​​​​ការ​អនុវត្តការ​ងារ​​បោស​សម្អាត​​មីន​របស់​​កម្ពុជា ឲ្យស្រប​ទៅ​នឹង​ផែនការ​ដែល​បាន​អនុម័ត​ឲ្យ​កម្ពុជា​ពន្យារពេល​លើក​ទី២ នៅ​ទី​ក្រុង​អូស្លូ ប្រទេស​ន័រវេស្ស​ និង​ជួយ​គាំ​ទ្រ​កម្ពុជា​ក្នុង​ការ​រៀបចំ​ផែនការ​បោសសម្អាត​មីន​ឲ្យ​សម្រេច​ទៅ​តាម​​មាត្រា៥ នៃ​អនុសញ្ញា​​អូតាវ៉ា​។គណៈ​ប្រតិភូ ISU-APMBC គ្រោង​នឹង​​ជួយ​ពិភាក្សា​ជាមួយថ្នាក់​ដឹកនាំ​អាជ្ញាធរមីន, គណៈកម្មការ​​ JBC កម្ពុជា​-ថៃ,​​ មន្រ្តី​ UNDP នៃគម្រោង​បោស​សម្អាត​​មីនដើម្បី​លទ្ធផល,​​ CMAC, NPA, Halo Trust, MAG, ​មជ្ឈមណ្ឌល​តំបន់​អាស៊ាន​សម្រាប់​សកម្មភាព​មីន(ARMAC) និង​ភាគីពាក់ព័ន្ធដទៃ​ទៀត​។ជាមួយគ្នានោះដែរ ឯកឧត្តម ទេស​រដ្ឋមន្រ្តី លី ធុជ បាន​ទទួល​ស្វាគមន៍​យ៉ាង​កក់​ក្តៅ​ចំពោះ​បេសកកម្ម​របស់​គណៈប្រតិភូ​ ISU-APMBC នៅ​កម្ពុជា​ ព្រមទាំង​​បាន​ថ្លែង​អំណរ​យ៉ាង​ជ្រាល​ជ្រៅ​ជូន​ចំពោះ ​អង្គភាព​ ISU-APMBC ដែល​បាន​ជួយ​គាំទ្រដល់​កម្ពុជា​ក្នុង​​ការ​ផ្តល់​​ប្រឹក្សា​យោបល់ និង​ជំនួយ​បច្ចេកទេស​ដល់​ការ​ងារ​បោសសម្អាត​មីន​​ ក្នុង​នាម​កម្ពុជា​ជា​រដ្ឋភាគី​នៃ​អនុសញ្ញាអូតាវ៉ា​ ជា​ពិសេ​ស​​លើ​សំណើ​សុំ​ពន្យា​ពេល​បោសសម្អាត​មីនរបស់​កម្ពុជា​​លើកទី១ និង​លើក​ទី២។ឯកឧត្តមទេស​រដ្ឋមន្រ្តី បាន​បញ្ជាក់​ទៀតថា ក្នុង​នាម​ជា​រដ្ឋភាគី​នៃ​អនុសញ្ញា​អូតាវ៉ា​​ កម្ពុជា​ ធ្លាប់​បាន​ស្នើ​សុំ​ពន្យារ​ពេល​បោសសម្អាត​មីន​លើក​ទី១ រយៈពេល​ ១០​ឆ្នាំ​​ ចាប់ពីឆ្នាំ​២០១០ ដល់​ឆ្នាំ​២០១៩ ដើម្បី​ធ្វើការ​បោស​សម្អាត​ផ្ទៃដី​ដែល​ដឹង​ថា​មាន​គ្រាប់​មីន​ទាំងអស់​ឲ្យ​រួច​រាល់​ត្រឹម​ឆ្នាំ​២០១៩ ហើយ​ក្នុង​រយៈពេល​១០​ឆ្នាំនោះ​​​ ផ្ទៃដី​ប្រមាណជាង​ ៥៧៧ ម៉ែត្រ​ក្រឡា សរុប​ចំនួន​ ៨,២៩០ ​ចម្ការមីន​​ បាន​បោស​សម្អាត​​រួច មីន​ប្រឆាំង​មនុស្ស​ ១០១,៤២៤ គ្រាប់ មីន​ប្រឆាំង​រថក្រោះ ១,៥៦០ គ្រាប់ និង​សំណល់​ជាតិ​ផ្ទុះពីសង្រ្គាម​ ៧៣,២៣១ គ្រាប់ ប៉ុន្តែ​ផ្អែក​តាម​កា​រ​វាយ​តម្លៃ​លទ្ធភាព កម្ពុជា​នៅតែ​មិន​អាច​សម្រេច​បាន​តាម​គោល​ដៅ​ឆ្នាំ​២០១៩។ ឯកឧត្តម​បន្ត​ថា​ បន្ទាប់ពី​ការ​ពិនិត្យ​ឡើង​វិញ​ និង​ស្រប​តាម​ស្មារតី​នៃ​ “​សេចក្តី​ថ្លែង​ការណ៍​ម៉ាពុយតូ+១៥”​ កាលពី​ឆ្នាំ​២០១៤ កម្ពុជា​បាន​ស្នើសុំ​ពន្យារពេល​បោសសម្អាតមីនលើក​ទី២​ រយៈពេល​០៦ឆ្នាំ​បន្ថែម​ទៀត ចាប់ពីឆ្នាំ​២០២០​ ដល់ឆ្នាំ​២០២៥ សំដៅ​ធ្វើការ​បោសសម្អាត​មីន​ឲ្យ​អស់​ត្រឹម​ឆ្នាំ២០២៥។ក្នុង​ឱកាស​នោះ ឯកឧត្តម ទេស​រដ្ឋមន្រ្តី បាន​ជម្រាប​ប្រាប់​ដល់​គណៈប្រតិភូ​អំពី​បញ្ហា​មីន​នៅ​កម្ពុជា​ ថា “​ប្រទេស​កម្ពុជា ប្រឈមនឹងបញ្ហាជាច្រើនពាក់ព័ន្ធនឹងមីន​ និង​សំណល់ជាតិផ្ទុះ​ពីសង្គ្រាម ដែលជាលទ្ធផល​នៃ​សង្គ្រាម​រ៉ាំរ៉ៃ​អូស​បន្លាយ​នៅ​ក្នុង​ប្រទេស ចាប់តាំងពី​ដើមទសវត្សរ៍ឆ្នាំ១៩៦០ រហូតមកដល់ចុងឆ្នាំ​១៩៩៨។​ ក្រោម​នយោបាយ ឈ្នះឈ្នះ របស់ សម្តេច​​អគ្គមហាសេនាបតីតេជោ ហ៊ុន សែន នាយក​រដ្ឋមន្ត្រី នៃព្រះរាជាណាចក្រកម្ពុជា ចុង​​ឆ្នាំ​ ១៩៩៨ កម្ពុជា ទទួល​បាន​​សន្តិភាពពេញលេញទូទាំងប្រទេស ដែល​អនុញ្ញាត​ឲ្យ​រាជរដ្ឋាភិបាល​​កម្ពុជា មាន​លទ្ធភាព​គ្រប់​គ្រាន់​ដោះស្រាយ​ការ​គំរាម​កំហែង​ដោយ​សារ​មីន​ និង​យុទ្ធភ័ណ្ឌមិនទាន់ផ្ទុះ​ទាំងនោះ ប្រកបដោយប្រសិទ្ធភាព និង​គ្មាន​ការ​ភ័យខ្លាច​។​​ជាមួ​យ​គ្នានេះ​ ឯកឧត្តម ទេស​រដ្ឋមន្រ្តី បាន​លើ​កឡើង​អំពី​សមិទ្ធផល​រយៈពេលជិត​ ​​៣០​ឆ្នាំ ​នៃ​ការ​ងារ​​បោស​សម្អាត​មីន​មនុស្ស​ធម៌​​នៅ​កម្ពុជាចាប់​ពី​ឆ្នាំ​១៩៩២​ ក្រោម​ការ​ដឹកនាំរបស់ ​សម្តេ​ច​តេជោ នាយក​រដ្ឋមន្រ្តី ​និងមាន​​ការ​ចូលរួម​ចំណែក​គាំទ្រ​ពី​ដៃ​គូ​អភិវឌ្ឍន៍​ ប្រទេស​ជា​មិត្ត​ និង​ភាគី​ពាក់ព័ន្ធ​ដទៃ​ទៀត​​ ដោយ​គិត​ត្រឹម​ខែ​ធ្នូ ឆ្នាំ​២០២១ កម្ពុជា​ បាន​បោសសម្អាតផ្ទៃដីចំនួន ២,៣២៨ គីឡូម៉ែត្រក្រឡា បានបំផ្លាញចោលគ្រាប់មីនប្រឆាំងមនុស្ស ១,១១៨,៨១០ គ្រាប់ មីនប្រឆាំងរថក្រោះ ២៥,៩៥២ គ្រាប់ និង​សំណល់​ជាតិផ្ទុះពីសង្រ្គាមរាប់​បញ្ចូល​ទាំង​គ្រាប់បែកចង្កោម ​២,៩៨៣,៤១៦ គ្រាប់ ដោយមានអ្នកទទួលផល ៧,៧៣២,៥៣៦ នាក់។​ ទោះបីជាមានការខិតខំប្រឹងប្រែងយ៉ាងណាក៏ដោយ ប្រទេសកម្ពុជា នៅតែមានបញ្ហាប្រឈម​ដ៏​ធំធេង​លើផ្ទៃដី ២,០១៧ គីឡូម៉ែត្រ​ក្រឡា ​ដែលក្នុងនោះ​ ៧៨៨ គីឡូម៉ែត្រក្រឡា រងផល​ប៉ះពាល់​ដោយគ្រាប់មីន។ ឯកឧត្តម​ បន្តទៀត​ថា​ ឆ្នាំ​២០២២នេះ​ កម្ពុជា​មាន​បំណង​រៀបចំ​​ពិធី​អបអរ​សាទរ​រំលឹក​ខួប​ទី៣០ឆ្នាំ​ នៃ​ការ​ងារ​បោស​សម្អាត​មីន​មនុស្សធម៌​នៅ​កម្ពុជា (១៩៩២-២០២២) ក្នុង​នាម​រាជរដ្ឋាភិបាល​កម្ពុជា​ ឯកឧត្តម ទេស​រដ្ឋមន្រ្តី បាន​ស្នើសុំ​ឲ្យ​អង្គភាព ​ISU-APMBC ជួយគាំ​ទ្រ​ដល់​ការ​ងារ​បច្ចេកទេស​សម្រាប់​ការ​រៀបចំ​ព្រឹត្តិការ​ណ៍​នេះ​ ព្រម​ទាំង​បាន​ស្នើសុំ​ អង្គភាព ​ISU-APMBC ជួយ​កៀរ​គរ​ធន​ធាន​បន្ថែម​ពី​​សហគមន៍​ផ្តល់​​ជំនួយ គាំទ្រ​ដល់​ការ​ងារ​បោសសម្អាតមីន​នៅកម្ពុជា​ឲ្យ​អស់​ទាំង​ស្រុង​នៅ​ត្រឹម​ឆ្នាំ​២០២៥។​លោក​ Juan Carlos Ruan បាន​អប​អរ​សាទរ​ និង​កោត​សរសើរដល់​រាជរដ្ឋាភិបាលកម្ពុជា​​ ដែលបាន​យក​ចិត្ត​ទុក ចាត់​ចែង​​ និង​រៀបចំ​ឲ្យ​មាន​រចនា​សម្ព័ន្ធយ៉ាង​ច្បាស់លាស់​សម្រាប់​ការ​ងារ​សម្រប​សម្រួល​ និ​ងគ្រប់​គ្រង​វិស័យ​សកម្មភាព​មីន​កម្ពុជា​​ ព្រម​ទាំង​បាន​វាយ​តម្លៃ​ខ្ពស់​ចំពោះ​សមិទ្ធផល​សម្រេច​បាន​លើ​ការ​ងារ​បោសសម្អាត​មីន​នា​ពេលកន្លង​មក​ ទោះ​បី​មាន​រីករាល​ជា​សកល​នៃ​ជំងឺ​កូវីដ​-១៩ ក៏​ដោយ​៕

សម្តេចតេជោ នឹងជួបសំណេះសំណាលជាមួយសិស្សនិទ្ទេសAទូទាំងប្រទេសនៅចុងខែនេះ

2022/02/07 07:44:21 pm        515
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី បានប្រកាសថា នៅថ្ងៃទី២៨ ខែកុម្ភៈ ខាងមុខនេះ សម្តេចនឹងជួបសំណេះសំណាលជាមួយសិស្សនិទ្ទេសAនៅទូទាំងប្រទេសហើយសម្តេចបានស្នើសុំឲ្យអាជ្ញាធរខេត្ត ដែលមានសិស្សនិទ្ទេសAទាំងអស់សម្រួលដល់ការធ្វើដំណើរ និងសម្រាកជូនដល់ពួកគេ និងក្រុមគ្រួសារផងដែរ។ក្នុងឱកាសអញ្ជើញសម្ពោធដាក់ឱ្យប្រើប្រាស់ជាផ្លូវការកំណាត់ផ្លូវជាតិលេខ៧ ពីចំណុចរង្វង់​មូលខ្លាស្ទុះ ក្រុងក្រចេះ ទៅភូមិរមាត ឃុំអូរគ្រៀង ស្រុកសំបូរ ខេត្តក្រចេះ​ ប្រវែងប្រមាណ ៩៣.៥៦គីឡូម៉ែត្រ ក្រោមជំនួយឧបត្ថម្ភរបស់រដ្ឋាភិបាលចិន នាព្រឹកថ្ងៃទី៧ ខែកុម្ភៈ ឆ្នាំ២០២២នេះ សម្តេចតេជោ​ ហ៊ុន សែន បានលើកឡើងថា​ សិស្សនិទ្ទេសA សម្រាប់ឆ្នាំសិក្សា២០២០-២០២១ទាំងអស់​រួមទាំងឪពុកម្តាយ​អាណាព្យាបាល​របស់ពួកគេ ​នឹងត្រូវ​អនុញ្ញាត ឲ្យចូលជួប​ជាមួយ​សម្តេចនៅរាជធានីភ្នំពេញ ​នាថ្ងៃទី២៨ ខែ កុម្ភៈ​ខាងមុខនេះ ​ខណៈកិច្ចជំនួបនោះនឹង មាន​រង្វាន់លើកទឹកចិត្តដល់ពួកគេផងដែរ។សូមបញ្ជាក់ថា ការ​ប្រឡង​សញ្ញាបត្រមធ្យមសិក្សាទុតិយភូមិ ​សម្រាប់ឆ្នាំ២០២០-២០២១កន្លង ទៅនេះ​មានចំនួន ១១៤.១៨៧នាក់ ហើយ​បាន​ប្រឡង​ជាប់ចំនួន ៧២ ០១៦នាក់​ស្មើនិង ៦៥,៦៥ភាគរយ ​ដោយក្នុងនោះបេក្ខជនដែលទទួលបាននិទ្ទេសA មានចំនួន១៧៥៣នាក់៕អត្ថបទ៖ បាន ចក់រូបភាព៖ ឯកសារ

សម្ដេចតេជោ៖ កម្ពុជាកំពុងកាត់បន្ថយគម្លាតរវាងអ្នកទីក្រុង និងអ្នកជនបទតាមរយៈការអភិវឌ្ឍ

2022/02/07 12:36:03 pm        392
Facebook Telegram Linkin
ក្រចេះ៖ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងថា បច្ចុប្បន្ននេះកម្ពុជា កំពុងអនុវត្តការកាត់បន្ថយគម្លាត រវាងអ្នកក្រុង និងអ្នកជនបទ តាមរយៈការអភិវឌ្ឍនូវហេដ្ឋារចនាសម្ព័ន្ធនានា រួមទាំងការកសាងនូវធនធានមនុស្ស ។ក្នុងពិធីសម្ពោធដាក់ឲ្យប្រើប្រាស់ជាផ្លូវការកំណាត់ផ្លូវជាតិលេខ៧ នៅថ្ងៃទី៧ ខែកុម្ភៈនេះ ក្នុងខេត្ត ក្រចេះ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ​បានថ្លែងបញ្ជាកថា ការ​កសាងនូវសាលារៀន ហេដ្ឋារចនា​សម្ព័ន្ធ​ផ្លូវថ្នល់​ខ្វាត់ខ្វែង​តភ្ជាប់ពីខេត្តមួយទៅខេត្តមួយ ភ្ជាប់​ទៅ​ដល់ទីជនបទ ​ការតភ្ជាប់បណ្ដាញអគ្គិសនី ​និងទឹកស្អាតនេះហើយ គឺជាការកាត់បន្ថយនូវ​គម្លាត​ទីក្រុង និងជនបទ ​ដោយរាជរដ្ឋាភិបាល ​មិនទុកឲ្យទីជនបទគ្មានការអភិវឌ្ឍនោះទេ ។ឯកឧត្តម វ៉ា ថន អភិបាលខេត្តក្រចេះ បានបញ្ជាក់ថា រហូតមកដល់ពេលនេះ នៅខេត្តក្រចេះ មាន ការតភ្ជាប់បណ្ដាញអគ្គិសនី បានប្រមាណជា៨០ភាគរយ ដោយភូមិនៅសេសសល់ គឺជាភូមិនៅដាច់ ស្រយាល ឬភូមិតូចៗទើបបង្កើតថ្មី។ ខេត្តក្រចេះ មាន៥ស្រុក, ៤៣ឃុំសង្កាត់ និង២៩៥ភូមិ ហើយមាន សកលវិទ្យាល័យ១កន្លែង, វិទ្យាល័យចំនួន១២កន្លែង អនុវិទ្យាល័យចំនួន៤៣កន្លែង មានបឋមសិក្សា ចំនួន ២៨៦កន្លែង និងមានមត្ដេយ្យសិក្សាចំនួន ១០២កន្លែង ៕អត្ថបទ​៖ បាន សុខរិទ្ធ

សម្ដេចតេជោ បញ្ជាក់ជាថ្មីថា បើមិនជ្រើសយកការចរចាទេ បញ្ហាមីយ៉ាន់ម៉ា មិនអាចបញ្ចប់បានទេ

2022/02/07 07:20:52 pm        339
Facebook Telegram Linkin
ក្រចេះ៖ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា និងជាប្រធានអាស៊ាន ឆ្នាំ២០២២ បានរំលឹកជាថ្មីថា ប្រសិនបើ មិនជ្រើសយកផ្លូវចរចាទេ គឺមិនអាចបញ្ចប់បញ្ហាមីយ៉ានម៉ាបាននោះទេ ដោយសម្ដេច បានផ្ដល់បទពិសោធន៍ថា វិធីសាស្ត្ររបស់សម្តេច គឺពន្លត់ភ្លើងសង្គ្រាមជាមុនសិន ទើបដំណើរការប្រជាធិបតេយ្យ និងអ្វីៗទៅតាមក្រោយបាន។សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា និងជាប្រធានអាស៊ាន ឆ្នាំ២០២២ ខណៈអញ្ជើញ​ជាអធិបតីដ៏​ខ្ពង់ខ្ពស់​នៅក្នុង​ពិធី​សម្ពោធ​បើកឱ្យ​ប្រើប្រាស់​ជាផ្លូវការកំណាត់​ផ្លូវជាតិ​លេខ៧ នៅខេត្តក្រចេះ នៅព្រឹកថ្ងៃទី៧ ខែកុម្ភៈ នេះ​ បានលើកឡើងជាថ្មីម្ដងទៀត អំពី​បញ្ហា​មីយ៉ាន់ម៉ា និងបានរំលឹកដល់អ្នកដែលរិះគន់សម្ដេចថា​ ការដែលសម្តេចទៅ​ មីយ៉ាន់ម៉ាថា សម្តេច​គ្មាន​ផល​ប្រយោជន៍អ្វីក្រៅ​តែ​ពី​ចង់​ជួយ​មីយ៉ាន់ម៉ា​ ឱ្យចេញផុតពីសង្គ្រាមនោះទេ។ ​អ្នកពេញចិត្ត ក៏ ពេញចិត្ត ​អ្នកមិនពេញចិត្ត ​ក៏មិនពេញចិត្ត ​គឺអាស្រ័យទៅលើគេ។ តែបើមិន​ជ្រើស​យក​មធ្យោបាយចរចាទេ​ កុំសង្ឃឹមថា​ នឹងអាចដោះស្រាយបញ្ហាបានឱ្យសោះ។សម្តេចតេជោ ​បានរំលឹកដល់ប្រជាជន ​ឬពួកប្រឆាំងនៅមីយ៉ាន់ម៉ា​ ឬអ្នកណាដទៃទៀតនោះទេ គឺនឹងឃើញការប្រយុទ្ធគ្នាអត់ឈប់ ប្រសិនបើប្រកាន់យកបន្តតាមរបៀបបិទទ្វារ ហើយជួយដោះស្រាយបញ្ហាមីយ៉ាន់ម៉ា របស់សម្តេច គឺមិនមែនទៅ១ថ្ងៃ ដោះស្រាយបានទេ ខណៈមីយ៉ាន់ម៉ា​ សាំញ៉ាំ​ដោយ​បញ្ហា​យោធារាប់ឆ្នាំមក​ហើយនោះ៕ អត្ថបទ៖ មុត សុទ្ធ

សម្តេចតេជោ៖ កម្ពុជានៅតែបន្តនយោបាយចាក់វ៉ាក់សាំងជូនពលរដ្ឋដោយឥតគិតថ្លៃដដែល

2022/02/07 07:15:15 pm        398
Facebook Telegram Linkin
ក្រចេះ៖ សម្តេចតេជោ ហ៊ុន សែន នាយករដ្ឋមន្ត្រី នៅតែបន្តអះអាងអំពីនយោបាយនៃ ការចាក់ វ៉ាក់សាំងមិនយកប្រាក់ពីប្រជាពលរដ្ឋ បើទោះបីជាមានការជូនជាយោបល់ឱ្យយកប្រាក់ចាប់ពីដូសទី៣ ឬដូសជំរុញត ទៅទៀតក៏ដោយ។ក្នុងឱកាសអញ្ជើញជាអធិបតីដ៏​ខ្ពង់ខ្ពស់​ពិធី​សម្ពោធ​បើក​ឱ្យប្រើប្រាស់​ជាផ្លូវការ​កំណា​ត់ផ្លូ​វ​ជាតិលេខ​៧ នៅខេត្ត​ក្រចេះ ​នាព្រឹកថ្ងៃទី​៧ ខែកុម្ភៈ​ សម្តេចតេជោហ៊ុន សែន បានមានប្រសាសន៍​ថា ​កន្លង​មក​នេះ ​មាន​មតិខ្លះបានលើកជាយោបល់ថា ​នៅពេលចាក់ដូសទី៣​ គួរ​យកប្រាក់​ តែសម្តេច ​បាន​បញ្ជាក់ជាថ្មីថា​ សម្រាប់ប្រជាពលរដ្ឋទាំងអស់ ត្រូវចាក់ឱ្យទាំងអស់ ដោយមិនចាំបាច់​យក​ប្រាក់​ឡើយ ព្រោះ​​​បើសិនជាយកប្រាក់ចាប់ពីដូសទី៣ ឬដូសជំរុញ ​ក៏យើងមិនក្លាយទៅ​ ជាអ្នកមានដែរ។ទោះជាយ៉ាងណាក៏ដោយ សម្តេចតេជោ ​ប្រមុខរាជរដ្ឋាភិបាល​ បានលើកឡើងពីការបន្តខិតខំ​រក​វ៉ាក់សាំង ​ទាំង​ការ​បញ្ជាទិញ ហើយ​ក៏បាន​អរគុណ​ដល់​មិត្ត​​ចិន​ដែល​ជាបង្អែកយុទ្ធសាស្ត្រក្នុងការ​ផ្គត់ផ្គង់​វ៉ា​ក់សាំ​ង​ស​ម្រា​ប់ប្រជា​ជនកម្ពុជា ​ហើយ​ក៏​បានថ្លែង​អំណរ​គុណ​ដល់​ប្រភព​គាំទ្រ​ទាំងឡាយ ដែល​បានផ្តល់វ៉ាក់សាំង​មកដល់កម្ពុជា ​មាន​ដូចជា​ជប៉ុន​​ អាមេរិក អង់គ្លេស ​អូស្រ្តាលី ​ហូឡង់ និងប្រទេសប៉ូឡូញ​ ៕​អត្ថបទ៖ មុត សុទ្ធ

សម្តេចតេជោ៖ អំពាវនាវឱ្យពលររដ្ឋប្រុងប្រយ័ត្នការឆ្លងកូវីដ បើទោះបី៣០ថ្ងៃមកនេះ មិនមានអ្នកស្លាប់ក៏ដោយ

2022/02/07 06:55:15 pm        440
Facebook Telegram Linkin
ក្រចេះ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបន្តផ្តាំផ្ញើឱ្យប្រជាពលរដ្ឋទាំងអស់ ត្រូវបន្តការប្រុងប្រយ័ត្នបន្ថែមទៀតអំពីការឆ្លងជំងឺកូវីដ-១៩ បើទោះបីជារយៈពេល៣០ថ្ងៃកន្លងមកនេះ មិនមានអ្នកស្លាប់ដោយសារកូវិដ-១៩ក៏ដោយ។សម្តេចតេជោ ប្រមុខនៃរាជរដ្ឋាភិបាល នៅតែបន្តផ្តាំផ្ញើយ៉ាងដូច្នេះ ខណៈអញ្ជើញជា​អធិបតី​ដ៏ខ្ពង់ខ្ពស់​ពិធី​សម្ពោធ​បើកឱ្យប្រើប្រាស់ជាផ្លូវការកំណាត់ផ្លូវជាតិលេខ៧ប្រវែង ជិត ១០០គីឡូម៉ែត្រ នៅខេត្តក្រចេះ នាព្រឹកថ្ងៃទី៧កុម្ភៈនេះ។សម្តេច បានមានប្រសាសន៍ថា អស់រយៈពេល៣០ថ្ងៃមកហើយដែលយើង​អត់មានអ្នកស្លាប់​ដោយ​កូវីដ-១៩ ​ហើយ​សេដ្ឋកិច្ចបាន​បើក​ពេញលេញ ប៉ុន្តែទោះជាយ៉ាងណាយើងមិនត្រូវភ្លេចខ្លួន​ក្នុង​ការ​ការពារ ​និងបន្តចាក់វ៉ាក់សាំង ដូសជំរុញ​ជាមួយ​នឹង​ការចាក់ជូនពលរដ្ឋដែលមិនទាន់បាន​ចាក់​ដូស​មូលដ្ឋាន​នៅឡើយ។សម្តេច បានមានប្រសាសន៍បន្តអំពីការខិតខំបន្តរកវ៉ាក់សាំង ពីមិត្តចិន ដើម្បីធានានូវភាពស៊ាំនៅក្នុងសហគមន៍ ។ប៉ុន្តែទោះជាយ៉ាងណា សម្តេចបានសូមអធ្យាស្រ័យ​ចំពោះវ៉ាក់សាំងដែលត្រូវយកមកកាន់​ខេត្តក្រចេះ ​មានភាព​យឺតបន្តិច​បើប្រៀបធៀបជាមួយ នឹងរាជធានីភ្នំពេញដែលទទួលបាន។នេះជា​វិធីដោះស្រាយក្នុងពេលដែលយើងមានវ៉ាក់​សាំងមិនទាន់គ្រប់។ឥឡូវនេះ​ វ៉ាក់សាំងបានគ្របដណ្តប់ដោយបានចាក់ជូនប្រជាពលរដ្ឋរបស់យើងដោយមិនយកប្រាក់ ខណៈ​មាន​បងប្អូនខ្លះ​បានលើកជាយោបល់ឱ្យចាក់ដូសទី១ ​ឬទី២រួចហើយ នៅពេលចាក់ដូសទី៣​គួរ​យកប្រាក់ ​សម្តេច​បាន​បញ្ជាក់ជាថ្មីថា ​សម្រាប់ប្រជាពលរដ្ឋរបស់យើងត្រូវចាក់ឱ្យទាំងអស់ ដោយ​មិនចាំបាច់​យកប្រាក់ឡើយ ​ព្រោះបើ​សិន​ជាយកប្រាក់នូវដូសទី៣ ឬដូសជំរុញ ក៏យើង​មិន​ក្លាយ​ទៅជាអ្នកមានដែរ។ ទោះជាយ៉ាងណា ​សម្រាប់​ការទិញ​វ៉ាក់សាំង​នៅលើកក្រោយនេះ ​សម្តេច​បានបញ្ជាក់ថា ​នឹងលែង ផ្តល់​ឱ្យប្រទេស​ណាដទៃ​ទៀត​ហើ​យ​ក្រៅ​ពី​បាន​ផ្តល់​ជូនទៅឡាវ ៧០ម៉ឺនដូស និងវៀតណាម​២០ម៉ឺនដូសនោះ ​ក្រៅពីនេះ​នឹងមិនផ្តល់ឱ្យប្រទេសណាទៀតទេ​ ព្រោះ​ប្រទេស​ទាំងនោះ​គេ​មាន​របស់​គេហើយ ​ដូច្នេះវ៉ាក់សាំងដែលរកបានគឺសម្រាប់ប្រើតែនៅក្នុងប្រទេសកម្ពុជាតែប៉ុណ្ណោះ ដោយ​សម្តេចបានប្រៀបធៀបថា សម្តេចនឹងមិនធ្វើជានាយទាហ៊ាន​ដែល​ឱ្យ​កង​ទ័ព​ចូល​ប្រយុទ្ធ​ដែល​គ្មាន​អាវុធ គ្មាន​គ្រាប់​នោះទេ៕អត្ថបទ៖ មុត សុទ្ធ

បណ្ដាញសង្គម

ព័ត៌មានថ្មីៗ

គណៈប្រតិភូសមាជិកសភាសហរដ្ឋអាម៉េរិក នឹងបន្តគាំទ្ររដ្ឋាភិបាលសហរដ្ឋអាម៉េរិក ក្នុងការជំរុញកិច្ចសហប្រតិបត្តិការ កម្ពុជា-សហរដ្ឋអាម៉េរិក ឱ្យកាន់តែរីកចម្រើន និងទូលំទូលាយបន្ថែមទៀត
08/27/2026 10:08 PM
Facebook Telegram Linkin
អវត្តមានរបស់មេដឹកនាំកំពូលថ្មីអ៊ីរ៉ង់ ក្លាយជាទំនួលខុសត្រូវសម្រាប់សាធារណរដ្ឋអ៊ិស្លាម
08/27/2026 08:08 PM
Facebook Telegram Linkin
ក្រសួងអប់រំ កំណត់វិស័យអាទិភាពចំនួន ៤សម្រាប់ ឆ្នាំ ២០២៧ខាងមុខ
08/27/2026 08:08 PM
Facebook Telegram Linkin
នាយករដ្ឋមន្រ្តីកាតាបំពេញដំណើរទស្សនកិច្ចទៅកាន់ទីក្រុងតេអេរ៉ង់ ដើម្បីបន្តកិច្ចខិតខំសម្របសម្រួល
08/27/2026 08:08 PM
Facebook Telegram Linkin
ភ្លៀងធ្លាក់ខ្លាំង និងការជន់លិចនៅតំបន់ភាគកណ្តាល និងភាគខាងជើងជប៉ុន បណ្តាលឲ្យជាប់ខ្លួនមនុស្ស និងរថយន្ត
08/27/2026 08:08 PM
Facebook Telegram Linkin
អង្គការ​ណាតូ អំពាវនាវជាថ្មី​ឱ្យអឺរ៉ុប និងកាណាដាកាន់តែរឹងមាំ នៅក្នុង​រង្វង់​សម្ព័ន្ធភាព
08/27/2026 08:08 PM
Facebook Telegram Linkin
[UPDATE] អ្នក​ស្លាប់​ នៅនេប៉ាល់ កើន​ឡើង​ដល់​ជាង ៣៥០នាក់ ខណៈអ្នកជំនាញព្រមានពីលទ្ធភាព​​មាន​ទឹកជំនន់ទី២
08/27/2026 08:08 PM
Facebook Telegram Linkin
មេដឹកនាំស្ថាប័ននីតិប្បញ្ញត្តិ បណ្ដាប្រទេសនានា វាយតម្លៃខ្ពស់ និងកោតសរសើរចំពោះភាពជាម្ចាស់ផ្ទះរបស់កម្ពុជា រៀបចំសន្និសីទ ISC-2
08/27/2026 08:08 PM
Facebook Telegram Linkin
រលកកម្ដៅ ក្លាយជាកត្តា​ឆក់យកជីវិតមនុស្សចំនួន ១៥.៨០០នាក់ នៅអាល្លឺម៉ង់
08/27/2026 08:08 PM
Facebook Telegram Linkin
យោធិនរុស្ស៊ីម្នាក់បានស្លាប់ ក្នុងហេតុការណ៍ផ្ទុះរថយន្តនៅទីក្រុង St. Petersburg
08/27/2026 07:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.