BTV NEWS

នៅត្រីមាសទី១ ឆ្នាំនេះកម្ពុជានាំចេញផលិតផលសម្លៀកបំពាក់ ស្បែកជើង និងសម្ភារៈធ្វើដំណើរ មានទឹកប្រាក់ជាង ៣.៨០០ លានដុល្លារ

រដ្ឋសម្រេចលុបបំបាត់កម្រៃស្កែនកុងតឺន័រទាំងស្រុងចាប់ពីខែឧសភាតទៅ ដើម្បីសម្រួលពាណិជ្ជកម្មក្នុងស្រុក

កូនផ្សោតទន្លេមេគង្គទើបកើតថ្មី ១ក្បាលទៀត នាំមកក្តីសង្ឃឹមសម្រាប់ការអភិរក្សនៅដើមឆ្នាំ២០២៦

ធនាគារជាតិ ដាក់ឱ្យប្រើប្រាស់ប្រព័ន្ធវដ្តករសាស្រ្តហិរញ្ញវត្ថុ ដើម្បីបង្កើនការយល់ដឹងដល់ភាគីពាក់ព័ន្ធ

សេដ្ឋកិច្ច និង កសិកម្ម

បច្ចេកវិទ្យាឌីជីថល បានកំពុងជួយដល់សហគ្រិនស្រ្តីសម្រាប់ការធ្វើអាជីវកម្ម

ភ្នំពេញ៖ ប្រធានសមាគមសហគ្រិនស្រ្តីកម្ពុជាថា នៅក្នុងបរិបទភាវូបនីយកម្មឌីជីថលនេះ សហគ្រិនស្រ្តីដែលប្រើប្រាស់នូវបច្ចេកវិទ្យាឌីជីថល បានកំពុងលេចធ្លោក្នុងអាជីវកម្ម ទាំងដំណើរការផលិត ការវេចខ្ចប់ និងការចែកចាយទំនិញរបស់ខ្លួនលើទីផ្សារ ។លោកជំទាវ កែវ មុំ ប្រធានសមាគមសហគ្រិនស្រ្តីកម្ពុជា លើកឡើងថា នៅក្នុងបរិបទភាវូបនីយកម្មឌីជីថលនេះ យើងសង្កេតឃើញអាជីវកម្មរបស់សហគ្រិនជាស្រ្តី មានការផ្លាស់ប្តូរយ៉ាងច្រើន នៃការចាប់យកបច្ចេកវិទ្យាឌីជីថល មកប្រើប្រាស់ក្នុងអាជីវកម្ម និងពាណិជ្ជកម្ម ក្នុងចំពោះសហគ្រិនដែលចាប់យកនូវបច្ចេកវិទ្យា បានកំពុងដំណើរការខ្សែច្រវ៉ាក់ផលិតកម្មយ៉ាងល្អ ទាំងដំណើរការផលិត ការវេចខ្ចប់ និងការចែកចាយទំនិញរបស់ខ្លួនលើទីផ្សារក្នុងស្រុក និងរំពឹងថា តាមរយៈការប្រើប្រាស់បច្ចេកវិទ្យានេះ និងធ្វើឲ្យម្ចាស់អាជីវកម្មមានការទំនាក់ទំនងកាន់តែល្អថែមទៀត ដើម្បីពង្រីក និងការស្វែងសម្រាប់នាំចេញទំនិញទៅក្រៅស្រុកជាដើម។ ជុំវិញការប្រើប្រាស់បច្ចេកវិទ្យាឌីជីថលនេះផងដែរ លោកជំទាវ កែវ មុំ លើកឡើងឲ្យដឹងថា សមាគមសហគ្រិនស្រ្តីកម្ពុជា តែងតែស្រាវជ្រាវ និងស្វែងរកនូវបញ្ហាផ្សេងៗ ដើម្បីជួយដោះស្រាយដល់សហគ្រិនជាស្រ្តី ក្នុងនោះប្រសិនមានបញ្ហាដោះស្រាយមិនរួច សមាគមនិងលើកទៅក្រសួង-ស្ថាប័នពាក់ព័ន្ធ ឬទៅរាជរដ្ឋាភិបាល ដើម្បីជួយសម្រួល ដោះស្រាយនូវរាល់បញ្ហាដែលវិស័យឯកជនជួបប្រទះ។ បើតាមក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា បានកំណត់យកនូវចក្ខុវិស័យ គឺការកសាងសេដ្ឋកិច្ច និងសង្គមឌីជីថលរស់រវើក ដើម្បីជំរុញសន្ទុះកំណើនសេដ្ឋកិច្ចថ្មី និងលើកកម្ពស់សុខុមាលភាពសង្គម ផ្អែកលើប្រក្រតីភាពតាមគន្លងថ្មី៕ អត្ថបទ៖ សុន រ៉ាឌី

ឆ្នាំ២០២៣នេះ ពូជស្រូវIR និងOM មានតម្លៃល្អប្រសើរច្រើន

ភ្នំពេញ៖ ក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា នៅឆ្នាំ២០២៣នេះ តម្លៃស្រូវនៅទីវាល ជាពិសេសប្រភេទពូជស្រូវប្រាំង IR និង OM មានតម្លៃខ្ពស់មិនធ្លាប់មាន នៅក្នុងរយៈពេល៣ឆ្នាំចុងក្រោយនេះ។យោងតាមតម្លៃស្រូវនៅទីវាលដែលប្រមូលដោយសហព័ន្ធស្រូវអង្ករកម្ពុជា បានបញ្ជាក់នៅក្នុងសេចក្ដីប្រកាសព័ត៌មានចេញផ្សាយនៅព្រឹកថ្ងៃទី២២ ខែកក្កដានេះថា នៅក្នុងឆ្នាំ២០២៣នេះ ស្រូវប្រភេទ IR មានតម្លៃ ១ ០៤៧រៀល/គ.ក្រ ខណៈស្រូវប្រភេទ OM មានតម្លៃ ១ ០២៩រៀល/គ.ក្រ។ ចំណែកឯប្រភេទពូជស្រូវសែនក្រអូបវិញ គឺមានតម្លៃខ្ពស់ជាងគេ បើធៀបនឹងប្រភេទពូជស្រូវ IR និង OM ប៉ុន្តែតម្លៃស្រូវសែនក្រអូបមិនសូវមានការប្រែប្រួលទេ ក្នុងរយៈពេលបីឆ្នាំចុងក្រោយនេះ ដោយជាមធ្យម មានតម្លៃចន្លោះពី ១០០០-១២៦០រៀល/គ.ក្រ។ក្រសួងកសិកម្ម បានឲ្យដឹងទៀតថា ក្រៅតែពីថ្លៃស្រូវមានស្ថានភាពល្អប្រសើរ តម្លៃជីកសិកម្ម ចាប់តាំងពីខែមករា ឆ្នាំ២០២៣ រហូតមក ទល់ពេលនេះ មានការធ្លាក់ចុះជាបន្តបន្ទាប់ ក្នុងនោះ ជីអ៊ុយរ៉េ ធ្លាក់ថ្លៃពី ៣៥ដុល្លារ/បាវ មកនៅត្រឹម ២៣,៥ដុល្លារ/បាវ ខណៈជីដេអាប៉េ (DAP: 18-46-0) ធ្លាក់ថ្លៃពី ៤២ដុល្លារ/បាវ មកនៅត្រឹម ៣៦ដុល្លារ/បាវ ។ លើសពីនេះទៀត តម្លៃថ្នាំកសិកម្មមួយចំនួនក៏ថយចុះផងដែរ ដូចជា ថ្នាំកម្ចាត់ស្មៅឈ្មោះ Atrazine 80% WP បានថយចុះ ៣៥% ថ្នាំកម្ចាត់ស្មៅឈ្មោះ Glyphosate 48% SL និង 2.4. D 72% SL បានថយចុះក្នុងកម្រិតពី ២១% ដល់ ២៣% ថ្នាំកម្ចាត់ជំងឺឈ្មោះ Mancozeb 80% WP បានថយចុះ ១៤% ថ្នាំសម្លាប់សត្វល្អិត ឈ្មោះ Acephate បានថយចុះប្រមាណ ៦% ខណៈពេលដែលប្រភេទថ្នាំកសិកម្មផ្សេងទៀតមានការប្រែប្រួលតម្លៃតិចតួច។ លទ្ធផលនេះកើតចេញពីការចូលរួមចំណែក និងកិច្ចខិតខំប្រឹងប្រែងរបស់ក្រសួងកសិកម្ម រុក្ខាប្រមាញ់ និងនេសាទ ព្រមទាំងស្ថាប័នពាក់ព័ន្ធ ដោយមានការគាំទ្រពីរាជរដ្ឋាភិបាលកម្ពុជា តាមរយៈការទម្លាក់ថវិកាទាន់ពេលវេលា សម្រាប់អន្តរាគមន៍ទប់ទល់នឹងការធ្លាក់ចុះតម្លៃស្រូវក្នុងរដូវប្រមូលផល ការសម្រួលការនាំចេញស្រូវ-អង្ករ និងការបើកឱកាសប្រកួតប្រជែងលើទីផ្សារសម្រាប់ជី និងថ្នាំកសិកម្មដែលមានគុណភាព៕

លោក Biden ប្រកាសកិច្ចព្រមព្រៀងយុទ្ធសាស្ត្រសុវត្ថិភាពបញ្ញាសប្បនិម្មិតជាមួយក្រុមហ៊ុនបច្ចេកវិទ្យា

ប្រធានាធិបតីសហរដ្ឋអាមេរិក លោក Joe Biden បានប្រកាសពីកិច្ចព្រមព្រៀងដែលបានឈានដល់ជាមួយក្រុមហ៊ុនបញ្ញាសប្បនិម្មិត(AI) ដើម្បីបង្កើតគោលការណ៍ណែនាំសុវត្ថិភាពសម្រាប់បញ្ញាសិប្បនិមិត្ត កាលពីថ្ងៃសុក្រ។រដ្ឋបាលលោក Biden បាននិយាយថា ក្រុមហ៊ុនជាច្រើនរួមមានក្រុមហ៊ុន OpenAI, Alphabet និង Meta Platforms បានធ្វើការប្តេជ្ញាចិត្តដោយស្ម័គ្រចិត្តមកកាន់សេតវិមាន ដើម្បីអនុវត្តវិធានការ ដូចជាការកំណត់សម្គាល់ខ្លឹមសារដែលបង្កើតឡើងដោយបញ្ញាសម្បនិម្មិត(AI) ដើម្បីជួយធ្វើឱ្យបច្ចេកវិទ្យាកាន់តែមានសុវត្ថិភាព។ក្រុមហ៊ុនជាច្រើនរួមមានក្រុមហ៊ុនអាន់ស្រូភិក(Anthropic), អ៊ីនវ្លិកសិន(Inflection), Amazon.com និងក្រុមហ៊ុន OpenAI ដែលជាដៃគូរបស់ក្រុមហ៊ុន Microsoft បានសន្យាថានឹងធ្វើតេស្តប្រព័ន្ធឱ្យបានហ្មត់ចត់ មុនពេលបញ្ចេញពួកវា និងចែករំលែកព័ត៌មានអំពីរបៀបកាត់បន្ថយហានិភ័យ និងវិនិយោគលើសុវត្ថិភាពអ៊ីនធឺណិត។ សហរដ្ឋអាមេរិក អូសបន្លាយពេលសហភាពអឺរ៉ុប ក្នុងការដោះស្រាយច្បាប់បញ្ញាសិប្បនិម្មិត។ កាលពីខែមិថុនា សមាជិកសភាសហភាពអឺរ៉ុបបានព្រមព្រៀងលើសំណុំនៃច្បាប់ពង្រៀងដែលប្រព័ន្ធដូចជា ChatGPT ត្រូវតែបង្ហាញខ្លឹមសារដែលបង្កើតឡើងដោយបញ្ញាសប្បនិម្មិត(AI) ជួយបង្ហាញភាពខុសគ្នាអ្វីដែលគេហៅថារូបភាពក្លែងក្លាយខ្លាំងពីរូបភាពពិត និងធានានូវការការពារប្រឆាំង ខ្លឹមសារខុសច្បាប់។

ក្រុមធុរកិច្ចថៃបង្កើតបរិយាកាសជួបជុំគ្នា ដើម្បីជំរុញការធ្វើពាណិជ្ជកម្មនៅកម្ពុជាឲ្យកាន់តែប្រសើរ

ភ្នំពេញ៖ ក្រុមធុរកិច្ចថៃប្រមាណជាង ៥០នាក់ មកពីក្រុមហ៊ុន អាជីវកម្មផ្សេងៗគ្នា បង្កើតកម្មវិធីជួបជុំសំណេះសំណាល ពិភាក្សា និងផ្លាស់ ប្តូរនូវបទពិសោធន៍គន្លឹះមួយចំនួន រវាងគ្នាទៅវិញទៅមក ដើម្បីជំរុញបរិយាកាសការធ្វើធុរកិច្ចនៅកម្ពុជាឲ្យកាន់តែរីកចម្រើន។លោកស្រី ជិរៈណាន់ វង្សមង្គល ប្រធានសមាគមធុរកិច្ចថៃនៅកម្ពុជា បានលើកឡើងនៅក្នុងពិធីជួបជុំសំណេះសំណាល និងពិសារអាហារសាមគ្គី ជាមួយសមាជិកសមាគមថៃ ធ្វើធុរកិច្ចនៅកម្ពុជា នៅថ្ងៃទី ១៩ ខែ កក្កដា ឆ្នាំ២០២៣ នេះថា បន្ទាប់ពីស្ថានភាពនៃ វិបត្តិជំងឺកូវីដ ១៩ មានភាពល្អប្រសើរ ធុរកិច្ចថៃជាច្រើន បានចូលមកសិក្សាស្វែងយល់អំពីសក្តានុពលទីផ្សារពាណិជ្ជកម្ម នៅព្រះរាជាណាក្រកម្ពុជា ការស្វែងរកដៃគូរពាណិជ្ជកម្ម និងឱកាសវិនិយោគនានាជាដើម ខណៈក្រុមហ៊ុនថៃជាច្រើន ដែលកំពុងអាជីវកម្មនៅកម្ពុជា បានដំណើរការប្រកបដោយបរិយាកាសល្អប្រសើរ។លោកស្រី បានបន្តថា ស្របពេលនៅក្នុងស្ថានភាពល្អប្រសើរនេះដែរ ធុរកិច្ចថៃ នៅតែបន្តការជួបជុំ ពិភាក្សា ពិគ្រោះយោបល់រវាងគ្នាទៅវិញទៅមក និងក៏ការផ្លាស់ប្តូរបទពិសោធន៍ផ្សេងៗ ដើម្បីស្ថាបនាលើចំណុចខ្វះខាតមួយចំនួន សម្រាប់ជាគន្លឹះអភិវឌ្ឍន៍ខ្លួន ឲ្យចំគោលដៅ និងឆ្លើយតបទៅនិងតម្រូវការទីផ្សារបច្ចុប្បន្ន ដើម្បីជំរុញការធ្វើអាជីវកម្មឲ្យកាន់តែរីកចម្រើន ជាក់ស្តែងនាពេលនេះ គឺជាការជួបជុំលើកទី៣ ហើយ ចំពោះធុរកិច្ចថៃដែលកំពុងធ្វើអាជីវកម្មនៅក្នុងប្រទេសកម្ពុជា។លោកស្រី ជិរៈណាន់ វង្សមង្គល លើកឡើងបន្តថា ជុំវិញការធ្វើណិជ្ជកម្មទ្វេភាគីរវាងកម្ពុជា និងថៃ, នៅមុនវិបត្តិនៃការរីករាលដាលជំងឺកូវីដ ១៩ ស្ថានភាពនៃការធ្វើអាជីវកម្មប្រទេសទាំងពីរ មានកំណើនកើនឡើងជាបន្តបន្ទាប់ ប៉ុន្តែនាប៉ុន្មានឆ្នាំចុងក្រោយនេះ វិបត្តិកូវីដ, រួមជាមួយសង្គ្រាមរុស្សី អ៊ុយក្រែនផងដែរនោះ បានធ្វើឲ្យទំហំពាណិជ្ជកម្មប្រទេសទាំងពីរ ធ្លាក់ចុះខុសពីការរំពឹងទុក ។ តាមរយៈនេះ ធុរកិច្ចថៃនូវតែបន្តខិតខំប្រឹងប្រែង ស្តារ និងអភិវឌ្ឍន៍អាជីវកម្មឲ្យកាន់តែប្រសើរ ដើម្បីជំរុញការធ្វើពាណិជ្ជកម្មទ្វេភាគីរវាងប្រទេសទាំងពីរសម្រេចបានតាមការគ្រោងទុក៕អត្ថបទ៖ សុន រ៉ាឌី

សាជីវកម្មធានាឥណទាន ផ្តល់ការធានាឥណទានដល់ អាជីវកម្មមានទឹកប្រាក់ ១៣០ លានដុល្លារ

ភ្នំពេញ៖ សាជីវកម្មធានាឥណទានកម្ពុជា បានផ្តល់ការធានាឥណទានទំហំទឹកប្រាក់កម្ចីប្រហាក់ប្រហែល ១៣២ លានដុល្លារ ជូនដល់ជាង ១ ៥០០ ក្រុមហ៊ុន/អាជីវកម្ម ដែលគ្មានលទ្ធភាពដាក់ទ្រព្យបញ្ចាំ ដើម្បីទទួលបាននូវកម្ចី សម្រាប់ស្តារ និងពង្រីកអាជីវកម្មក្នុង និងក្រោយដំណាក់កាលរីករាលដាលជំងឺកូវីដ១៩។តាមព្រឹត្តិបត្រវឌ្ឍនភាពនៃការធានាឥទានរបស់សាជីវកម្មធានាឥណទានកម្ពុជាបង្ហាញថា មានអាជីវកម្ម សរុបចំនួន ក្រុមហ៊ុន ១ ៥៦៦ ទទួលបានការធានាឥណទានពីសារជីវកម្មធានាឥណទានកម្ពុជា ដែលស្មើនឹងទឹកប្រាក់ធានាសរុបចំនួនជិត ១៣២លានដុល្លារ ក្នុងនោះប្រភេទអាជីវកម្មខ្នាតមីក្រូ តូច និងមធ្យម មានចំនួន ១ ៤៣២ ក្រុមហ៊ុន និងអាជីវកម្មខ្នាតធំចំនួន ១៣៤ ក្រុមហ៊ុន។ ទន្ទឹមនេះ ក្នុងចំណោម ក្រុមហ៊ុនអាជីវកម្មទាំងអស់ មានក្រុមហ៊ុនគ្រប់គ្រងដោយស្ត្រីចំនួន ៦៤០ ក្រុមហ៊ុន និង ក្រុមហ៊ុនប្រភេទកម្ចីមានទ្រព្យធានា ៦៤២ ក្រុមហ៊ុន និង ក្រុមហ៊ុនប្រភេទកម្ចីគ្មានទ្រព្យបញ្ចាំចំនួន ៩២៦ ក្រុមហ៊ុន។របាយការណ៍ដដែលបន្តថា គោលបំណងកម្ចីក្រោមការធានាឥទានរបស់សាជីវកម្មធានាឥណទានកម្ពុជា សម្រាប់ជាទុនបង្វិល មាន ១ ២០១ ក្រុមហ៊ុន/អាជីវកម្ម សម្រាប់វិនិយោគពង្រីកអាជីវកម្ម ៣៦០ និងពង្រីកអាជីវកម្ម គម្រោង FGS ចំនួន៥។សូមជម្រាបថា សាជីវកម្មធានាឥណទានកម្ពុជា គឺជាស្ថាប័នធានាឥណទានដំបូងបង្អស់នៅកម្ពុជា ដែលត្រូវបានបង្កើតឡើង នៅខែសីហា ឆ្នាំ២០២០ នៅក្នុងអំឡុងពេលវិបត្តិជំងឺកូវីដ១៩ កំពុងវាយលុកយ៉ាងខ្លាំងលើកម្ពុជា ក្រោមការប្តេជ្ញាខ្ពស់របស់រាជរដ្ឋាភិបាល ក្នុងការដាក់ឱ្យដំណើរការគម្រោងធានាឥណទានឱ្យបានទាន់ពេលវេលា ដើម្បីគាំទ្រដល់ការស្តារ និងការធានានិរន្តភាពរបស់ក្រុមហ៊ុនអាជីវកម្មក្នុងស្រុក៕អត្ថបទ៖ វណ្ណៈ

ក្រុមហ៊ុន Twitter ត្រូវបានប្តឹងម្តងទៀតជុំវិញប្រាក់សំណង និងភាពអយុត្តិធម៌ អំឡុងការកាត់បុគ្គលិក

អាមេរិក៖ ក្រុមហ៊ុន Twitter កាលពីថ្ងៃអង្គារបានទទួលរងដោយបណ្តឹងជាលើកទី២នៅខែនេះ ដើម្បីទាមទាថា ក្រុមហ៊ុនជាប់ជំពាក់ចំនួន៥០០លានដុល្លារក្នុងសំណងក្រោយឈប់ធ្វើការចំពោះអតីតបុគ្គលិក ជាករណីចុងក្រោយដែលមានជាបន្តបន្ទាប់ ដែលកើតឡើងពីការទទួលយករបស់លោក Elon Musk នូវក្រុមហ៊ុនប្រព័ន្ធផ្សព្វផ្សាយសង្គម។ សកម្មភាពដែលបានស្នើឡើង ត្រូវបានប្តឹងនៅតុលាការសហព័ន្ធទីក្រុង Delaware ដោយអតីតវិស្វករជាន់ខ្ពស់ក្រុមហ៊ុន Twitter លោក Chris Woodfield ដែលបានចោទប្រកាន់ថា ក្រុមហ៊ុន បានដាក់គោលដៅលើបុគ្គលិកចាស់សម្រាប់ការកាត់រំសាយ ជាការអះអាងមួយដែលពុំត្រូវបានធ្វើឡើងនៅក្នុងករណីនៅសល់ដ៏ទៃទៀតឡើយ។លោក Woodfield ដែលបានបម្រើការឲ្យក្រុមហ៊ុន Twitter នៅក្រៅទីក្រុង Seattle និយាយថា ក្រុមហ៊ុន បានប្រាប់បុគ្គលិកដដែលៗថា ពួកគេនឹងទទួលបានប្រាក់ខែ២ខែ និងប្រាក់ត្រូវបង់ដ៏ទៃទៀត ប្រសិនបើពួកគេត្រូវបានកាត់រំសាយ ប៉ុន្តែនេះ លោក និងបុគ្គលិកដ៏ទៃទៀត ពុំបានទទួកប្រាក់នោះទេ។ក្រុមហ៊ុន Twitter បានកាត់រំសាយ កម្លាំងការងាររបស់ខ្លួន ជាងពាក់កណ្តាល ជាវិធានការកាត់បន្ថយការចំណាយ បន្ទាប់ពីលោក Musk បានទទួលយកក្រុមហ៊ុនកាលពីខែតុលារ។ បណ្តឹងដូចគ្នានេះ ត្រូវបានប្តឹងកាលពីសប្តាហ៍មុន នៅក្នុងតុលាការសហព័ន្ធរដ្ឋកាលីហ្វរនីញ៉ា ដោយអះអាងថា ក្រុមហ៊ុន Twitter ជំពាក់ប្រាក់អតីតបុគ្គលិក ជាង៥០០លានដុល្លារ ក្នុងការកាត់រំសាយបុគ្គលិក។ ក្រុមហ៊ុន Twitter ពុំបានឆ្លើយតបចំពោះបណ្តឹងនោះទេ ដែលបញ្ជាក់ថាក្រុមហ៊ុន បំពានច្បាប់សហព័ន្ធ ដែលត្រូវធ្វើឲ្យស្របច្បាប់ផែនការអត្ថប្រយោជន៍របស់បុគ្គលិក ដែលពុំបានអនុវត្តតាមលក្ខខណ្ឌនៃផែនការកាត់រំសាយ ដែលបានបង្កើតឡើងមុនពេលលោក Musk ទទួលយកក្រុមហ៊ុន៕

វៀតណាមអនុម័តផែនការតម្លៃ៣១.៧ ពាន់លានដុល្លារដើម្បីពង្រីកសមត្ថភាពស្តុកប្រេង នៅឆ្នាំ២០៣០

វៀតណាម៖ ប្រទេសវៀតណាម បានអនុម័តផែនការមួយដើម្បីពង្រីកសមត្ថភាពស្តុកប្រេងឥន្ធនៈរបស់ខ្លួន នៅត្រឹមឆ្នាំ២០៣០ ជាមួយនឹងការវិនិយោគរហូតដល់៣១,៧ពាន់លានដុល្លារ។ យោងតាមផែនការដែលត្រូវបានចុះហត្ថលេខាដោយលោក Tran Hong Ha ( ត្រឹង ហុង ហា) ឧបនាយករដ្ឋមន្ត្រីបានឲ្យដឹងកាលពីថ្ងៃអង្គារថា ការវិនិយោគនឹងបង្កើនសមត្ថភាពស្តុកទុកប្រេងឥន្ធនៈចម្រាញ់រួច និងប្រេងឆៅរបស់ប្រទេស រហូតដល់៧៥ ទៅ៨០ថ្ងៃនៃការនាំចេញសរុប។

វិស័យមីក្រូហិរញ្ញវត្ថុ មានសុខភាពល្អប្រសើរ ទោះបីមានឥណទានមិនដំណើរការកើនឡើង

ភ្នំពេញ៖ អ្នកជំនាញហិរញ្ញវត្ថុ មើលឃើញថា នៅក្នុងឆ្នាំ ២០២៣ នេះ ត្បិតការផ្តល់ឥណទាន ឬប្រាក់កម្ចីមិនដំណើរការ នៅក្នុងគ្រឹះស្ថានមីក្រូហិរញ្ញវត្ថុ អាចនឹងកើនឡើងក្នុងរង្វង់ប្រមាណជិត ៤ ភាគរយ វិស័យមីក្រូហិរញ្ញវត្ថុក្នុងពេលបច្ចុប្បន្ន មានសុខភាពល្អប្រសើរ។លោក សុខ វឿន ប្រធានក្រុមប្រឹក្សាភិបាលសមាគមមីក្រូហិរញ្ញវត្ថុកម្ពុជា លើកឡើងនៅក្នុងកិច្ចសម្ភាសន៍ជាមួយសារព័ត៌មាន ស្តីពីកិច្ចប្រតិបត្តិការអាជីវកម្ម និងការផ្តល់ឥណទាន របស់គ្រឹះស្ថានមីក្រូហិរញ្ញវត្ថុ ថា នៅក្នុងឆមាសទី១ ឆ្នាំ ២០២៣ ការផ្តល់ឥណទាន របស់គ្រឹះស្ថានមីក្រូហិរញ្ញវត្ថុជូនអតិថិជន មានផលប័ត្រឥណទានកំណើនកើនក្នុងរង្វង់ប្រមាណ ៤ ភាគរយ បើធៀបរយៈពេលដូចគ្នា ក្នុងឆ្នាំ ២០២២។ ចំពោះការកើនឡើងនេះ បង្ហាញឲ្យឃើញថា វិស័យមីក្រូហិរញ្ញវត្ថុក្នុងពេលបច្ចុប្បន្ន មានសុខភាពល្អប្រសើរជាធម្មតា លើកិច្ចដំណើរអាជីវកម្មផ្តល់សេវាហិរញ្ញវត្ថុជាផ្លូវការជូនដល់អតិថិជន។លោក សុខ វឿន បន្តថា នៅក្នុងបំណាច់ឆ្នាំ ២០២៣ នេះវិញ បើតាមការព្យាករណ៍ អាចនៅកើនឡើងបន្តិច បន្ទួចថែមទៀត តែការកើនឡើងនោះមិនប៉ះពាល់ដល់ប្រតិបត្តិការហិរញ្ញវត្ថុ របស់គ្រឹះស្ថានមីក្រូហិរញ្ញវត្ថុឡើយ ពោលគឺវាស្ថិតនៅឆ្ងាយ ពីបន្ទាប់ក្រហមដែលត្រូវប្រកាសអាសន្ន។យោងតាមរបាយការណ៍ប្រចាំឆមាសទី ១ និងទិសដៅឆមាសទី ២ ឆ្នាំ ២០២២ របស់ធនាគារជាតិនៃកម្ពុជា ក្នុងនោះ គ្រឹះស្ថានមីក្រូហិរញ្ញវត្ថុនៅកម្ពុជា បានផ្តល់ប្រាក់កម្ចីឥណទាន ក្នុងរង្វង់ ៨,៨ ពាន់លានដុល្លារ មានអតិថិជន ១,៩ លានគណនី។ ចំណែកនៅក្នុងឆមាសទី ១ ឆ្នាំ ២០២៣ នេះ គ្រឹះស្ថានមីក្រូហិរញ្ញវត្ថុ បានផ្តល់ឥណទាន មានកំណើនកើនឡើងក្នុងរង្វង់ប្រមាណ ១ ៥០០ លានដុល្លារអាមេរិក បើធៀបរយៈពេលដូចគ្នាក្នុងឆ្នាំ ២០២២ ៕អត្ថបទ៖ សុន រ៉ាឌី

កម្ពុជានាំទំនិញទៅប្រទេសសមាជិក RCEP មានទឹកប្រាក់ជាង ៤ពាន់លានដុល្លារ ក្នុងឆមាសទី១

ភ្នំពេញ៖ កម្ពុជាបាននាំចេញទំនិញមានតម្លៃជាង ពាន់លានដុល្លារទៅកាន់ប្រទេសសមាជិកកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) ក្នុងឆមាសទី១ ឆ្នាំ២០២៣ ពោលគឺកើនឡើង ២៤ ភាគរយធៀបនឹងរយៈពេលដូចគ្នា ឆ្នាំ២០២២។របាយការណ៍របស់ក្រសួងពាណិជ្ជកម្មចេញផ្សាយនៅថ្ងៃទី ១៨ ខែកក្កដា បានបង្ហាញថា ការនាំចូលរបស់កម្ពុជា ពីប្រទេស RCEP មានទឹកប្រាក់សរុប ជាង១០,៧ ពាន់លានដុល្លារអាមេរិក ថយចុះ ១៧ ភាគរយធៀបនឹងរយៈពេលដូចគ្នាឆ្នាំមុន។ទីផ្សារធំបំផុតសម្រាប់ការនាំចេញទៅទំនិញរបស់កម្ពុជា ក្នុងរយៈពេល៦ខែដំបូងឆ្នាំ២០២៣នេះ គឺប្រទេសវៀតណាម ដោយមានទំហំទឹកប្រាក់នាំចេញ ១ ៤២៩ លានដុល្លារ ប្រទេសថៃ ៥២៧ លានដុល្លារ និងនិងប្រទេសសិង្ហបុរី ៤១៥លានដុល្លារ។RCEP បានចូលជាធរមាននៅថ្ងៃទី ១ ខែមករា ឆ្នាំ ២០២២ ដោយកិច្ចព្រមព្រៀងពាណិជ្ជកម្មដ៏ធំមួយនេះ មានប្រទេសចំនួន ១៥ នៅអាស៊ីប៉ាស៊ីហ្វិក រួមទាំងប្រទេសសមាជិកអាស៊ានចំនួន ១០ និងដៃគូពាណិជ្ជកម្មចំនួនប្រាំ គឺ ចិន ជប៉ុន កូរ៉េខាងត្បូង អូស្ត្រាលី និងនូវែលសេឡង់ ជាសមាជិក។ក្នុងនាមជាប្លុកពាណិជ្ជកម្មធំបំផុតរបស់ពិភពលោក RCEP មានទំហំអត្រាផលិតផលក្នុងស្រុកសរុបជាង ២៦ពាន់ពាន់លានដុល្លារ ដែលតំណាងឱ្យប្រហែល ៣០ភាគរយនៃផលិតផលក្នុងស្រុកសរុបពិភពលោក ២៨ ភាគរយនៃពាណិជ្ជកម្មពិភពលោក និងជាង៣២ ភាគរយនៃការវិនិយោគពិភពលោក។ឯកឧត្តម ប៉ែន សុវិជាតិ រដ្ឋលេខាធិការ និងជាអ្នកនាំពាក្យនៃក្រសួងពាណិជ្ជកម្ម ធ្លាប់បានលើកឡើងថា កម្ពុជា គឺជាខ្សែសង្វាក់ផ្គត់ផ្គង់មួយក្នុងចំណោមខ្សែសង្វាក់ផ្គត់ផ្គង់នៅលើពិភពលោក ដូចជា ការនាំចេញសម្លៀកបំពាក់ ស្បែកជើង គ្រឿងអេឡិចត្រូនិក និងអគ្គិសនី និងកសិកម្ម ដែលជាកត្តាចម្បងដែលជំរុញការនាំចេញទៅកាន់បណ្តាប្រទេស RCEP កើនឡើង។ឯកឧត្តម បានមានប្រសាសន៍ថា ចាប់តាំងពីចូលជាធរមានកាលពីដើមឆ្នាំមក ការនាំចេញរបស់កម្ពុជាទៅទីផ្សារអន្តរជាតិ ជាពិសេសទៅប្រទេស RCEP បានកើនឡើងគួរឱ្យកត់សម្គាល់៕ អត្ថបទ៖ វណ្ណៈ

រដ្ឋមន្ត្រីកសិកម្មជួបសមាជិកសភាអាល្លឺម៉ង់ ដើម្បីលើកម្ពស់ដល់ការអភិវឌ្ឍវិស័យកសិកម្មនៅកម្ពុជា

ភ្នំពេញ៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងថ្នាក់ដឹកនាំ បានជួបពិភាក្សាការងារជាមួយ លោកបណ្ឌិត គ្រីសស្តប ហប់មែន (Dr. Christoph Hoffmann) សមាជិកសភាអាល្លឺម៉ង់ និងជាអនុប្រធានគណៈកម្មាធិការសហប្រតិបត្តិការសេដ្ឋកិច្ច និងអភិវឌ្ឍន៍ នៅទីស្តីការក្រសួង។ ក្រសួងកសិកម្ម រុក្ខាប្រមាញ់ និងនេសាទ នៅរសៀលថ្ងៃទី១៨ កក្កដា ឆ្នាំ២០២៣នេះ បានឲ្យទូរទស្សន៍ព័ត៌មាន ប៊ីធីវី ដឹងថា នៅក្នុងជំនួបនាឱកាសនេះ ឯកឧត្តមរដ្ឋមន្ត្រី បានលើកឡើងមូលដ្ឋានចាំបាច់សម្រាប់ការអភវិឌ្ឍប្រទេស គឺសន្តិភាព និងស្ថិរភាពសង្គម ហើយក្នុងនាមប្រទេសប្រកាន់លទ្ធិប្រជាធិបតេយ្យ គឺស្វាគមន៍ការចូលរួមគណបក្សនយោបាយនានា និងដៃគូអភិវឌ្ឍន៍ ដើម្បីការអភិវឌ្ឍប្រទេស។ សម្រាប់ប្រទេសកម្ពុជា ធ្លាប់ឆ្លងកាត់សង្គ្រាមស៊ីវិល ដែលបានបង្កឡើងដោយក្រុមជ្រុលនិយមនៃរបប ប៉ុល ពត ឬខ្មែរក្រហម បានបង្កនូវវិនាសកម្ម និងផលប៉ះពាល់យ៉ាងខ្លាំងដល់ការអភវិឌ្ឍ ដូច្នេះយើងការពារមិនឱ្យបទពិសោធន៍ដ៏ជូរចត់នេះកើតឡើងជាថ្មីឡើយ គឺយើងត្រូវការពារសន្តិភាពទាំងអស់គ្នា។ ឯកឧត្តម បានជម្រាបជូនភ្ញៀវបន្តថា ចំពោះការអភិវឌ្ឍវិស័យកសិកម្ម គឺទាមទារការចូលរួមសហការគ្នាល្អពីគ្រប់ភាគី ដើម្បីដោះស្រាយបញ្ហាប្រឈមនានាដែលកើតមានឡើង។ ជាមួយគ្នានេះដែរ ក្រសួងបាន និងកំពុងយកចិត្តទុកដាក់លើការបង្កើតឱ្យមានអ្នកសម្របសម្រួលកសិកម្មឃុំ នៅទូទាំងប្រទេស ដើម្បីស្តាប់ពីតម្រូវការ បញ្ហារបស់កសិករ និងជួយពួកគាត់បានទាន់ពេលវេលា។ លើសពីនេះទៀត គឺការជំរុញការចងក្រងសហគមន៍កសិកម្ម ដើម្បីឆ្លើយតបនឹងតម្រូវការទីផ្សារ និងបញ្ហាប្រឈមនានាលើផលិតកម្ម ខ្សែច្រវាក់នៃការផ្គត់ផ្គង់ និងតម្លៃល្អ ដើម្បីធានាឱ្យបាននូវប្រសិទ្ធភាព និងនិរន្តរភាពសេដ្ឋកិច្ច។ ឯកឧត្តមរដ្ឋមន្ត្រី ក៏បានលើកឡើងពីបញ្ហាគម្របដី និងការទន្ទ្រានដី ដែលការងារនេះក្រសួងកំពុងយកចិត្តទុកដាក់គិតគូរ និងមានយន្តការដើម្បីដោះស្រាយឱ្យបានល្អ។ ក្រសួងបានស្នើឱ្យភាគីអាល្លឺម៉ង់ ទុកចិត្ត និងជឿជាក់កម្ពុជាលើការងារនេះ៕

បណ្ដាញសង្គម

ព័ត៌មានថ្មីៗ

សម្ដេចកិត្តិសង្គហបណ្ឌិត ម៉ែន សំអន វាយតម្លៃខ្ពស់ចំពោះACUក្នុងការស៊ើបអង្កេត និងបំបែកសំណុំរឿងធំៗ

EU៖ ការដាក់ពង្រាយកងទ័ព នៅអឺរ៉ុប គឺ «ដើម្បីផលប្រយោជន៍របស់សហរដ្ឋអាមេរិក»

លោក Trump ៖ សហរដ្ឋអាមេរិកនឹងបញ្ចេញឯកសារមនុស្សពិភពផ្កាយក្នុងពេលដ៏ខ្លីខាងមុខនេះ

ជនជាតិជ្វីហ្វអង់គ្លេស ទាមទារកិច្ចប្រឹងប្រែងបន្ថែមទៀតពីរដ្ឋាភិបាល ក្រោយការវាយប្រហារដោយកាំបិត

កណ្តុររាតត្បាតជំរំតង់នៅតំបន់ហ្គាហ្សា ខាំក្មេងៗ និងធ្វើឲ្យរីករាលដាលជំងឺ

អធិការបតីអាល្លឺម៉ង់ អំពាវនាវឲ្យមាន «ភាពជាដៃគូឆ្លងមហាសមុទ្រអាត្លង់ទិកអាចទុកចិត្តបាន»

អាស៊ានប្ដេជ្ញាបញ្ចៀសការហាមឃាត់ការនាំចេញ និងចែករំលែកប្រេងឥន្ធនៈ ខណៈតម្លៃប្រេងហក់ឡើង

ប្រធានថាមពលអាមេរិក៖ អារ៉ាប៊ីសាអ៊ូឌីត និងអារ៉ាប់រួមនឹងបង្កើនការផលិតប្រេង ក្រោយជម្លោះអ៊ីរ៉ង់

ចិនគំរាមសងសឹក EU ប្រសិនបើប្លុកហាមឃាត់ឧបករណ៍របស់ក្រុមហ៊ុន Huawei

ក្រុមសិទ្ធិមនុស្ស៖ មនុស្សយ៉ាងតិច ៣៥៨នាក់ ត្រូវបានប្រហារជីវិត ក្រោមការដឹកនាំរបស់លោក គីម ជុងអ៊ុន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877