BTV NEWS

នៅត្រីមាសទី១ ឆ្នាំនេះកម្ពុជានាំចេញផលិតផលសម្លៀកបំពាក់ ស្បែកជើង និងសម្ភារៈធ្វើដំណើរ មានទឹកប្រាក់ជាង ៣.៨០០ លានដុល្លារ

រដ្ឋសម្រេចលុបបំបាត់កម្រៃស្កែនកុងតឺន័រទាំងស្រុងចាប់ពីខែឧសភាតទៅ ដើម្បីសម្រួលពាណិជ្ជកម្មក្នុងស្រុក

កូនផ្សោតទន្លេមេគង្គទើបកើតថ្មី ១ក្បាលទៀត នាំមកក្តីសង្ឃឹមសម្រាប់ការអភិរក្សនៅដើមឆ្នាំ២០២៦

ធនាគារជាតិ ដាក់ឱ្យប្រើប្រាស់ប្រព័ន្ធវដ្តករសាស្រ្តហិរញ្ញវត្ថុ ដើម្បីបង្កើនការយល់ដឹងដល់ភាគីពាក់ព័ន្ធ

សេដ្ឋកិច្ច និង កសិកម្ម

អគ្គិសនីកម្ពុជាផ្គង់ផ្គង់អគ្គិសនីគ្រប់គ្រាន់ដល់ វិស័យឧស្សាហកម្ម រោងចក្រ សហគ្រាស

ភ្នំពេញ៖ មន្រ្តីជាន់ខ្ពស់អគ្គិសនីកម្ពុជា បានបង្ហាញនូវគោលជំហររឹងមាំ នៃការផ្គត់ផ្គង់ថាមពលនៅកម្ពុជា និងសូមកុំឲ្យមានការព្រួយបារម្ភ នៅលើតម្រូវការថាមពល ជាពិសេសអ្នកធ្វើធុរកិច្ច និងវិនិយោគិន ដែលមានបំណងមកបណ្តាក់ទុននៅព្រះរាជាណាចក្រកម្ពុជា ។ឯកឧត្តម កែវ រតនៈ រដ្ឋមន្រ្តីប្រតិភូអមនាយករដ្ឋមន្រ្តី និងជាប្រតិភូរាជរដ្ឋាភិបាល ទទួលបន្ទុកជាអគ្គនាយកអគ្គិសនីកម្ពុជា លើកឡើងក្នុងកិច្ចសម្ភាសន៍ជាមួយភ្នាក់ងារសារព័ត៌មាន ថា ការអភិវឌ្ឍវិស័យអគ្គិសនីនៅកម្ពុជា មកដល់បច្ចុប្បន្នមានភាពគ្រប់គ្រាន់ មិនមានការខ្វះខាតនោះឡើយ ចំណែកបញ្ហាដាច់ភ្លើងមួយចំនួន គឺមិនមែនកើតឡើងដោយសារបញ្ហាកង្វះភ្លើងនោះឡើយ គឺការកើតឡើងនៃការរំខានដូចជាការជីក គាស់ បណ្តាលឲ្យប៉ះខ្សែភ្លើងជាដើម ។ឯកឧត្តម បន្តឲ្យដឹងថា បច្ចុប្បន្នការផ្គង់ផ្គង់អគ្គិសនីរបស់រាជរដ្ឋាភិបាលកម្ពុជា បានឆ្លើយតបទៅនឹងតម្រូវនៃចរន្តការអភិវឌ្ឍ គ្រប់គ្រាន់ ជាពិសេសការផ្គត់ផ្គង់លើវិស័យឧស្សាហកម្ម រោងចក្រ សហគ្រាស និងការប្រើប្រាស់ប្រជាពលរដ្ឋជាដើម ដូច្នេះចំពោះ អ្នកធ្វើធុកិរច្ច និងវិនិយោគិន ដែលមានបំណងមកបណ្តាក់ទុនរកស៊ីទទួលទាននៅកម្ពុជា ក៏ដូចអ្នកកំពុងធ្វើការវិនិយោគនៅក្នុងស្រុក និង ប្រជាពលរដ្ឋផងដែរ ប្រសិនមានតម្រូវការលើវិស័យថាមពល សូមកុំមានការព្រួយបារម្ភណ៍នៅលើតម្រូវការថាមពល ដោយកម្ពុជាបច្ចុប្បន្ន មានអគ្គិសនីគ្រប់គ្រាន់ អាចទាក់ទងបានគ្រប់ពេលវេលា ក្នុងការភ្ជាប់បណ្តាញទៅកាន់គម្រោងអភិវឌ្ឍន៍នានា។ឯកឧត្តម កែវ រតនៈ បានបង្ហាញនូវគោលជំហរនៃការមិនឡើងថ្លៃលើវិស័យអគ្គិសនី គឺរាជរដ្ឋាភិបាលចង់ដោះ ស្រាយជូនប្រជាពលរដ្ឋ និងអ្នកវិនិយោគដែលកំពុងដំណើរការអាជីវកម្មនៅក្នុងស្រុក ។ជាក់ស្តែងនៅក្នុងវិបត្តិនៃការរីករាលដាលជំងឺកូវីដ ១៩ រួមជាមួយ សង្គ្រាម រុស្សី-អ៊ុយក្រែន រាជរដ្ឋាភិបាលបានឧបត្ថម្ភធុនជំនួសលើវិស័យអគ្គិសនី រាប់រយលានដុល្លារ ចំណែកនៅក្នុងឆ្នាំ ២០២៣ នេះ រាជរដ្ឋាភិបាលនិងឧបត្ថម្ភធុន ចំនួន ១៥០ លានដុល្លារអាមេរិកបន្ថែម ដើម្បីគាំទ្រដល់ការស្តារសេដ្ឋកិច្ចឡើងវិញ សម្រាប់ស្ថិរភាព សេដ្ឋកិច្ច-សង្គម និងជីវភាពរស់នៅរបស់ប្រជាជនយើង៕អត្ថបទ៖ សុន រ៉ាឌី

កម្ពុជាជំរុញការទូទាត់ប្រាក់ឆ្លងដែន ដើម្បីផ្តល់ភាពងាយស្រួលដល់ទេសចរណ៍ និងវិនិយោគិន

ភ្នំពេញ៖ កម្ពុជាបានខិតប្រឹងប្រែង បង្កើតនូវប្រព័ន្ធទូទាត់ប្រាក់ឆ្លងដែន ដើម្បីផ្តល់ភាពងាយស្រួលក្នុងការទូទាត់ ជាពិសេសការទូទាត់ជាមួយប្រទេសចិន ខណៈដែលទេសចរណ៍ និងវិនិយោគិនចិន បានហូរចូលមកកាន់កម្ពុជាមានជាបន្តបន្ទាប់ និងក៏ជាផ្នែកមួយជំរុញការប្រើប្រាស់ ប្រាក់រៀល ឱ្យកាន់តែទូលំទូលាយ។លោកជំទាវបណ្ឌិត ជា សិរី ទេសាភិបាលរងធនាគារជាតិនៃកម្ពុជា លើកឡើងនៅក្នុងជំនួបជាមួយសារព័ត៌មាន ស្តីពីប្រព័ន្ធទូទាត់ ឆ្លងដែន ថា រាជរដ្ឋាភិបាលចង់បង្ហាញឲ្យឃើញថា ស្ថានប័នរដ្ឋ និងឯកជន អាចធ្វើ ការជាមួយគ្នាបាន ដើម្បីផ្តល់ភាពងាយស្រួលក្នុងការទូទាត់។ នេះជាចំណុចល្អដែលកន្លងមករាជរដ្ឋាភិបាលកំពុងជំរុញផងដែរ អំពីភាពជា ដៃគូសាធារណៈនិងឯកជន (PPP) ដោយរាជរដ្ឋាភិបាលចង់ឲ្យមានកិច្ចសហការគ្នា ការជជែកពិភាក្សា និងការដោះស្រាយបញ្ហានានា ជាពិសេសតម្រូវការដែលវិស័យឯកជនត្រូវការ ជាក់ស្តែងការចុះហត្ថលេខាលើអនុស្សរណៈ នៃការយោគយល់គ្នា រវាងធនាគារជាតិនៃ កម្ពុជា និងក្រុមហ៊ុន UnionPay International ស្ដីពីកិច្ចសហប្រតិបត្តិការទូទាត់សងប្រាក់ឆ្លងដែន តាមឃូអរកូត (QR Code)។លោកជំទាវបណ្ឌិត បញ្ជាក់ឲ្យដឹងថា ចំពោះការទូទាត់ប្រាក់ឆ្លងដែននេះ កម្ពុជាបានអនុវត្តជាមួយបណ្តាប្រទេសរួមមាន៖ ការទូទាត់ឆ្លង ដែនរវាងកម្ពុជា និងថៃ ចំណែកប្រទេសចិន បានចុះអនុស្សារណៈជាមួយគ្នាហើយ និងមានប្រទេសឥណ្ឌាផងដែរ ក្នុងនោះប្រទេសឡាវបានកំពុងធ្វើការទំនាក់ទំនង នៃការបង្កើតកិច្ចសហប្រតិបត្តិការឆ្លងដែននេះផងដែរ៕អត្ថបទ៖ សុន រ៉ាឌី

រដ្ឋប្រមូលចំណូលសរុបថ្នាក់ជាតិសម្រេចបាន ១០ ៩២៩ ប៊ីលានរៀល ក្នុងរយៈពេល៥ខែ ឆ្នាំនេះ

ភ្នំពេញ៖ រាជរដ្ឋាភិបាលប្រមូលចំណូលសរុបថ្នាក់ជាតិ ក្នុងរយៈពេល៥ខែឆ្នាំ ២០២៣ នេះ សម្រេចបានចំនួនប្រមាណ ១០ ៩២៩ ប៊ីលាន រៀល ខណៈការអនុវត្តចំណាយសរុបថ្នាក់ជាតិ មានចំនួន ១១ ៥០៩ ប៊ីលានរៀល បានធ្វើឲ្យថវិកាជាតិមានឱនភាពសរុប ៥៧៩ ប៊ីលានរៀល។ក្រសួងសេដ្ឋកិច្ច និងហិរញ្ញវត្ថុ បានលើកឡើងថា ក្នុងខែ ឧសភា ឆ្នាំ ២០២៣ នេះ ក្នុងរយៈពេល ៥ខែ នេះ ចំពោះការប្រមូលចំណូលពន្ធ សម្រេចបានប្រមាណជាង ១០ ១២៨ ប៊ីលាន រៀល ក្នុងនោះការប្រមូលចំណូលពន្ធក្នុងស្រុក សម្រេចបាន ៩ ១៧៤ ប៊ីលានរៀល, ចំណូលលើការធ្វើពាណិជ្ជកម្មក្រៅប្រទេសប្រមូលបានជាង ៩៥៤ ប៊ីលានរៀល។ ក្រៅពីនេះ រដ្ឋបានប្រមូលមិនមែនសារពើរពន្ធ បានចំនួនប្រមាណជាង ៧៨៣ ប៊ីលានរៀល និងការ ចំណូលលើមូលធនប្រមូលបាន ១៧ ប៊ីលានរៀលផងដែរ។ការប្រមូលចំណូលសរុបថ្នាក់ជាតិ សម្រេចបាន ១ ៧៩២ ប៊ីលានរៀល ស្មើជជិត ៧ ភាគរយ នៃច្បាប់ហិរញ្ញវត្ថុឆ្នាំ ២០២៣ ក្នុងនោះចំពោះ ចំណាយរដ្ឋបានអនុវត្តលើថវិកាសរុប ចំនួន ២ ៨២២ ប៊ីលានរៀល ស្មើជាង ៨ ភាគរយ នៃច្បាប់ហិរញ្ញវត្ថុឆ្នាំ ២០២៣, ជាលទ្ធផល ក្នុងខែ ឧសភា នេះ ការអនុវត្តថវិការដ្ឋមានឱនភាព ១ ០២៩ ប៊ីលានរៀល៕អត្ថបទ៖ សុន រ៉ាឌី

ក្រុមហ៊ុន Twitter បាត់បង់ចំណូលពីការផ្សាយពាណិជ្ជកម្មជិតពាក់កណ្តាលចាប់តាំងពីលោក Elon Musk កាន់កាប់មក

អាមេរិក៖ ក្រុមហ៊ុន Twitter បានបាត់បង់ប្រាក់ចំណូលស្ទើរតែពាក់កណ្តាលពីការផ្សាយពាណិជ្ជកម្មរបស់ខ្លួនចាប់តាំងពីក្រុមហ៊ុននេះត្រូវបានទិញយកដោយលោក Elon Musk ក្នុងតម្លៃ ៤៤ពាន់លានដុល្លារ កាលពីខែតុលាឆ្នាំមុនមក។ លោកបាននិយាយថា ក្រុមហ៊ុននេះមិនបានឃើញកំណើនចំណូលដែលត្រូវបានគេរំពឹងទុកកាលពីខែមិថុនានោះទេ ប៉ុន្តែលោកបានបន្ថែមថា ខែកក្កដា គឺជា «ខែរកចំណូលបានគ្រាន់បើជាងខែមុន»។បន្ទាប់ពីការបញ្ឈប់បុគ្គលិករាប់ពាន់នាក់ និងកាត់បន្ថយសេវាកម្មផ្សេងៗមក លោក Musk បាននិយាយថាក្រុមហ៊ុន Twitter មានប្រាក់ចំណូលចំនួន ៣ពាន់លានដុល្លារនៅក្នុងឆ្នាំ២០២៣នេះ ដោយធ្លាក់ចុះពីចំនួន ៥,១ពាន់លានដុល្លារកាលពីឆ្នាំ២០២១។លោកស្រី Linda Yaccarino ដែលពីមុនជាប្រធានផ្នែកផ្សាយពាណិជ្ជកម្មនៅក្រុមហ៊ុន NBCUniversal ត្រូវបានតែងតាំងជានាយកប្រតិបត្តិរបស់ក្រុមហ៊ុន Twitter កាលពីខែមិថុនា ដែលជាការផ្លាស់ប្តូរដើម្បីបង្ហាញថា ការផ្សាយពាណិជ្ជកម្មនៅតែជាអាទិភាពសម្រាប់ក្រុមហ៊ុន Twitter ។ លោកស្រី Yaccarino បាននិយាយថា ក្រុមហ៊ុន Twitter គ្រោងនឹងផ្តោតលើវីដេអូ អ្នកបង្កើតមាតិកា និងដៃគូពាណិជ្ជកម្មផងដែរ៕

វិនិយោគចិននៅតែជាអ្នកវិនយោគផ្ទាល់ពីបរទេសច្រើនជាងគេ នៅកម្ពុជា

ភ្នំពេញ៖ វិនិយោគចិន បានបន្តឈរលើកំពូលតារាង ជាអ្នកបោះទុនវិនិយោគផ្ទាល់ពីបរទេសច្រើនជាងគេនៅកម្ពុជា។ មន្រ្តីជាន់ខ្ពស់រាជរដ្ឋាភិបាល លើកឡើងថា ទំនាក់ទំនងជិតស្និតរវាងរដ្ឋាភិបាលទាំងពីរ និងកិច្ចព្រមព្រៀងពាណិជ្ជកម្មសេរី បានកសាងទំនុកចិត្តដល់វិនិយោគិនចិន បន្តចូលមកបោះទុនរកស៊ីនៅកម្ពុជា។យោងតាមរបាយផ្លូវការ វិនិយោគផ្ទាល់បរទេសនៅកម្ពុជា (FDI) មានទឹកប្រាក់ជាង ៤៥,៨ ប៊ីលានដុល្លារអាមេរិក គិតត្រឹមត្រីមាសទី១ ឆ្នាំ២០២៣នេះ ដែលមានប្រភពទុនចម្បង មកពីប្រទេសចិន កូរ៉េខាងត្បូង សិង្ហបុរី ជប៉ុន វៀតណាម ម៉ាឡេស៊ី ថៃ និងចក្រភពអង់គ្លេស។របាយការណ៍របស់ធនាគារជាតិនៃកម្ពុជា បង្ហាញថា ក្នុងចំណោមការវិនិយោគផ្ទាល់បរទេស គឺប្រទេសចិនឈរនៅចំណាត់ថ្នាក់ទី១លើកំពូលតារាង ដែលមានទំហំទុនវិនិយោគ ៨៣,៥ទ្រីលានរៀល ឬស្មើនឹងប្រមាណ២០,៥៩ប៊ីលានដុល្លារអាមេរិក។ឯកឧត្តម ហេង សុខគង់ រដ្ឋលេខាធិការក្រសួងឧស្សាហម្ម វិទ្យាសាស្រ្ត បច្ចេកវិទ្យា និងនវានុវត្តន៍ បានមានប្រសាសន៍ថា ទំនាក់ទំនងរវាងរាជរដ្ឋាភិបាលកម្ពុង និងរដ្ឋាភិបាលចិន បានកសាងទំនុកចិត្តដល់វិនិយោគិនចិន ចូលមកបណ្តាក់ទុននៅកម្ពុជាកាន់តែច្រើន។បើតាមរបាយការណ៍ដដែល លំហូរវិនិយោគ FDI នេះ គ្របដណ្តប់លើវិស័យធំៗដូចជា វិស័យហិរញ្ញវត្ថុ កម្មន្តសាល អចលនទ្រព្យ សណ្ឋាគារ និងរមណីយដ្ឋាន កសិកម្ម វារីអគ្គិសនី និងសំណង់។ វិស័យអចលនទ្រព្យ និងសំណង់ មានទុនវិនិយោគ FDI ប្រមាណ ២១,៥ទ្រីលានរៀល និង៩,៨ទ្រីលានរៀល រៀងគ្នា៕ អត្ថបទ៖ វណ្ណៈ

ធនាគារជាតិ បកស្រាយការទូទាត់រវាងប្រាក់រៀល និងប្រាក់យ័នចិន តាមការស្កេន KHQR

ភ្នំពេញ៖ មន្រ្តីជាន់ខ្ពស់ធនាគារជាតិនៃកម្ពុជា បកស្រាយការទូទាត់ប្រាក់ឆ្លងដែន រវាងប្រាក់រៀលខ្មែរ និងប្រាក់យ័នចិន បន្ទាប់ពីមានការស្រាយខុសបច្ចេកទេស ដែលធ្វើឲ្យប្រជាជនមួយចំនួនមានការព្រួយបារម្ភ ។ ការទូទាត់តាមបែបឌីជីថលនេះ គឺអនុញ្ញាតឱ្យប្រជាជនចិន ធ្វើការទូទាត់តាមរយៈស្កេន QR Code ប៉ុណ្ណោះ ដោយមិនឱ្យអនុញ្ញាតឱ្យមានការចរចាលុយយ័នចិននៅកម្ពុជា។លោកជំទាវបណ្ឌិត ជា សិរី ទេសាភិបាលរងធនាគារជាតិនៃកម្ពុជា និងមន្ត្រីជំនាញនៅថ្ងៃទី១៦ ខែកក្កដាឆ្នាំ២០២៣នេះ បានលើកឡើងក្នុងជំនួបជាមួយសារព័ត៌មានថា កន្លងមកធនាគារជាតិនៃកម្ពុជា ឃើញសារព័ត៌មានមួយចំនួនតូច បានបកស្រាយខុសបច្ចេកទេសនៃគោលបំណងស្នូល បន្ទាប់ពីធនាគារជាតិនៃកម្ពុជា បានចុះអនុស្សរណៈយោគយល់គ្នា ជាមួយក្រុមហ៊ុន UnionPay របស់ប្រទេសចិន ក្នុងនោះបានធ្វើប្រជាជនមួយចំនួនមានការព្រួយបារម្ភ ខ្លាចលុយចិនមកចរាចរវាយលុកប្រទេសកម្ពុជា។ លោកជំទាវបណ្ឌិត បន្តថា ពាក់ព័ន្ធនិងគោលបំណងនៃអនុស្សរណ:យោគយល់គ្នា រវាងធនាគារជាតិនៃកម្ពុជា និងក្រុមហ៊ុន UnionPay International ស្ដីពី “កិច្ចសហប្រតិបត្តិការទូទាត់សងប្រាក់ឆ្លងដែន តាមឃូអរកូត" នាពេលថ្មីៗកន្លងមកនេះ ធនាគារជាតិ នៃកម្ពុជា មិនមែនឱ្យទេសចរចិនយកធនប័ត្រចិន ឬហៅសាមញ្ញក្រដាសលុយយ័នចិន មកចាយនៅកម្ពុជានោះឡើយ។ ជាក់ស្តែងកន្លងមក ធនាគារជាតិនៃកម្ពុជា តែងតែជំរុញការប្រើប្រាស់ប្រាក់រៀលឱ្យកាន់តែទូលំទូលាយ ក៏ដូចជាជំរុញការប្រើប្រាស់ការទូទាត់តាមប្រព័ន្ធ អេឡិចត្រូនិក ដោយធនាគារជាតិនៃកម្ពុជា មិនធ្វើអ្វីឱ្យខុសពីគោលការណ៍ខាងលើឡើយ។លោកជំទាវបណ្ឌិត ជា សិរី បញ្ជាក់ថា នៅក្រោមអនុស្សារណៈនេះ ធនាគារជាតិនៃកម្ពុជា មានគោលបំណងជំរុញឱ្យ ទេសចរចិន ដែលមកលេងស្រុកខ្មែរ អាចទូទាត់តាមទូរស័ព្ទ mobile app ដោយប្រើប្រាស់សេវាទូទាត់របស់ UnionPay ស្កេនលើ KHQR អ្នកលក់នៅស្រុកខ្មែរ។ ដូច្នេះធនាគារស្រុកចិន ត្រូវធ្វើការប្តូរប្រាក់ពីលុយយ៉ន់មកលុយរៀលសិន ទើបផ្ញើមកគណនីអ្នកលក់នៅស្រុក ខ្មែរ។ ប្រតិបត្តិការនេះធ្វើទៅបាន លុះត្រាតែអ្នកលក់ស្រុកខ្មែរ ទទួលការទូទាត់ជាប្រាក់រៀលទើបធ្វើបាន។ ចំពោះទេសចរខ្មែរទៅស្រុកចិនវិញ ពួកគេអាចចាយដូចទេសចរចិនមកចាយនៅកម្ពុជាបាន ដោយប្រើ app Bakong ស្កេនលើ QR អ្នក លក់នៅស្រុកចិន។ ការណ៍នេះក៏នឹងជំរុញប្រជាពលរដ្ឋខ្មែរ ដែលមិនមានប្រាក់ សន្សំជាប្រាក់រៀល ឱ្យទៅបើកប្រាក់សន្សំជាប្រាក់រៀល ដើម្បីទទួលផលប្រយោជន៍នៃអនុស្សរណៈនេះ ហើយវិធានធ្វើឡើង ក៏ដើម្បីលើក កម្ពស់ប្រាក់រៀល និងលើកកិត្យានុភាពប្រាក់រៀល និងមុខមាត់ប្រទេសកម្ពុជា ក្នុងវិស័យទូទាត់អេឡិចត្រូនិកលើឆាកអន្តរជាតិ៕អត្ថបទ៖ សុន រ៉ាឌី

អាជីករផ្សារ និងអ្នករកប្រាក់ចំណូលផ្ទាល់ខ្លួន ត្រៀមទៅស្នើសុំធ្វើបណ្ណ ប.ស.ស

នៅខាងមុខឆាប់ៗនេះ ប្រជាពលរដ្ឋរកប្រាក់ចំណូលផ្ទាល់ខ្លួន ដូចជា អាជីករ និងអ្នករត់ម៉ូតូឌុបជាដើម នឹងនាំគ្នាទៅស្នើសុំធ្វើប័ណ្ណ ប.ស.ស. ក្រោយទទួលដំណឹងថា ពួកគាត់អាចធ្វើប័ណ្ណនេះបាន តាមរយៈរបបភាគទានដោយស្ម័គ្រចិត្ត។ក្រុមអាជីករផ្សារឈូកមាស ស្ថិតនៅខណ្ឌសែនសុខ រាជធានីភ្នំពេញ បានឲ្យទូរទស្សន៍ព័ត៌មាន ប៊ីធីវី ដឹងនៅព្រឹកថ្ងៃទី១៥ កក្កដា ឆ្នាំ២០២៣នេះថា ពួកគាត់សប្បាយរីករាយណាស់ នៅពេលដែលរដ្ឋាភិបាលប្រកាសអនុញ្ញាតឲ្យពួកគាត់ ដែលអ្នករកចំណូលផ្ទាល់ខ្លួន អាចធ្វើប័ណ្ណ ប.ស.ស បានដូចអ្នកធ្វើការដែរ។ ពួកគាត់ បានឲ្យដឹងស្រដៀងគ្នាទៀតថា យ៉ាងយូរបំផុតក្រោយចប់ការបោះឆ្នោត នឹងទៅស្នើសុំធ្វើបណ្ណ ប.ស.ស ដើម្បីទទួលបានរបបថែទាំសុខភាព។ពលរដ្ឋប្រកបរបរក្នុងវិស័យសាឡន និងរត់ម៉ូតូឌុប បាននិយាយថា ដំណឹងនេះពិតជាល្អណាស់ សម្រាប់ពួកគាត់ដែលរកប្រាក់ចំណូលដោយខ្លួនឯង ជាពិសេសក្នុងពេលនេះកំពុងជួបវិបត្តិសេដ្ឋកិច្ចក្នុងគ្រួសារដែរ ដោយសាររកប្រាក់ចំណូលមិនបានច្រើនដូចមុន ហើយពេលខ្លះក៏ជួបនូវបញ្ហាសុខភាពខ្លះទៀត ដែលបង្ខំចិត្តត្រូវចំណាយក្នុងការថែទាំសុខភាព។ឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ កាលពីកន្លងទៅនេះ បានបញ្ជាក់ថា ដើម្បីទទួលបណ្ណសមាជិក ប.ស.ស. ប្រជាពលរដ្ឋ អាជីវករ អ្នករត់ម៉ូតូឌុប រត់កង់បី និងបងប្អូនអ្នករកចំណូលផ្ទាល់ខ្លួនគ្រប់ប្រភេទ ត្រូវអនុវត្តតាមលក្ខខណ្ឌដូចជា៖ ត្រូវមានមុខរបរមានប្រាក់ចំណូលផ្ទាល់ខ្លួន មិនពាក់ព័ន្ធ និងប្រាក់ឈ្នួល, ធ្វើការងារ ឬប្រកបរបរអាជីវកម្មផ្ទាល់ខ្លួន ដោយមិនប្រើប្រាស់បុគ្គលិក និងត្រូវមានអាយុមិនលើសពី៦០ឆ្នាំ គិតត្រឹមកាលបរិច្ឆេទស្នើចុះបញ្ជីនៅបេឡាជាតិសន្តិសុខសង្គម (ប.ស.ស.)។ បន្ថែមពីនេះទៀត សាមីខ្លួនត្រូវអញ្ជើញមកស្នើសុំធ្វើបណ្ណ ប.ស.ស. ដោយផ្ទាល់ និងភ្ជាប់ជាមួយនូវអត្តសញ្ញាណបណ្ណសញ្ជាតិខ្មែរច្បាប់ដើម (មានសុពលភាព)។ សូមបញ្ជាក់ទៀតថា ការស្នើសុំធ្វើបណ្ណ ប.ស.ស. តាមរយៈរបបភាគទានដោយស្ម័គ្រចិត្តនេះ ប្រជាពលរដ្ឋ តម្រូវបង់ប្រាក់ចំនួន ១៥ ៦០០រៀល ក្នុង១ខែ។ សេវាដែលនឹងទទួលបានតាមរយៈបណ្ណ ប.ស.ស.នេះ គឺសេវាព្យាបាល និងថែទាំ រួមទាំងប្រាក់បំណាច់មាតុភាព៕ អត្ថបទ៖ ឈិត បូរ៉ាវី

កម្ពុជានាំចេញកង់មានតម្លៃជាង៣៣០លានដុល្លារ ក្នុងឆមាសទី១ឆ្នាំ២០២៣

ភ្នំពេញ៖ កម្ពុជាបាននាំចេញកង់ដែលមានតម្លៃ ៣៣១ លានដុល្លារទៅទីផ្សារបរទេស ក្នុងឆមាសទី១ ឆ្នាំ២០២៣ ធ្លាក់ចុះ៣០,៥ភាគរយ ធៀបនឹងរយៈពេលដូចគ្នាឆ្នាំមុន។របាយការណ៍របស់ក្រសួងពាណិជ្ជកម្ម បង្ហាញថា កម្ពុជា បាននាំចេញកង់ទៅសហភាពអឺរ៉ុប សហរដ្ឋអាមេរិក អង់គ្លេស កាណាដា ជប៉ុន និងចិន ក្នុងចំណោមប្រទេសដទៃទៀត។ កម្ពុជាជាប្រទេសនាំចេញកង់ កំពូលមួយក្នុងចំណោមប្រទេសទាំងប្រាំក្នុងពិភពលោក បន្ទាប់ពីប្រទេសចិន ហូឡង់ និងអាល្លឺម៉ង់។ កង់បានក្លាយជាផលិតផលផលិតដ៏សំខាន់មួយរបស់កម្ពុជាបន្ទាប់ពីផលិតផលសំលៀកបំពាក់ ស្បែកជើង ទំនិញធ្វើដំណើរ គ្រឿងអេឡិចត្រូនិក និងផលិតផលកសិកម្ម។ឯកឧត្តម ហេង សុខគង់ រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ធ្លាប់បានលើកឡើងថា ការធ្វើពិពិធកម្មផលិតផលឧស្សាហកម្មកំពុងត្រូវបានធ្វើឡើងគួរឱ្យកត់សម្គាល់ ខណៈដែលតម្រូវការ និងការបញ្ជាទិញផលិតផលមិនមែនកាត់ដេរមានការកើនឡើង។ឯកឧត្តម បានមានប្រសាសន៍ថា ផលិតកង់ ត្រូវបាននាំចេញយ៉ាងច្រើនទៅកាន់ទីផ្សារអន្តរជាតិ ជាពិសេសទៅសហភាពអឺរ៉ុប ដែលកង់ផលិតនៅកម្ពុជា កំពុងពេញនិយម”។ បច្ចុប្បន្នមានរោងចក្រកង់ ស្ថិតនៅក្នុងតំបន់សេដ្ឋកិច្ចពិសេសក្នុងក្រុងបាវិត ខេត្តស្វាយរៀ។ សូមបញ្ជាក់ថា ទីផ្សារសំខាន់ៗសម្រាប់កង់ផលិតនៅកម្ពុជា មានដូចជា អាល្លឺម៉ង់ អង់គ្លេស ជប៉ុន ចិន បណ្តាប្រទេសអាស៊ាន និង កូរ៉េខាងត្បូង ជាដើម ៕ អត្ថបទ៖ វណ្ណៈ

ក្រសួងពាណិជ្ជកម្ម បញ្រ្ជាបការយល់ដឹង ច្បាប់ស្តីពីការប្រកួតប្រជែង ដល់ក្នុងវិស័យធនាគារ និងហិរញ្ញវត្ថុ

ភ្នំពេញ៖ កម្ពុជាបញ្រ្ជាបការយល់ដឹងដល់ភាគីពាក់ព័ន្ធ ជាពិសេសដល់ធុរជន ក្នុងវិស័យធនាគារ និងហិរញ្ញវត្ថុ អំពីច្បាប់ស្តីពីការប្រកួតប្រជែង និងបទប្បញ្ញត្តិពាក់ព័ន្ធ ជាពិសេសអនុក្រឹត្យស្ដីពីលក្ខខណ្ឌ និងនីតិវិធីអំពីការរួមបញ្ចូលគ្នានៃធុរកិច្ច ក៏ដូចជួយជំរុញឱ្យធុរជន ដែលធ្វើធុរកិច្ច ប្រកួតប្រជែងគ្នាប្រកបដោយសមធម៌ ស្មោះត្រង់ និងការពារផលប្រយោជន៍របស់អ្នកប្រើប្រាស់ជាដើម។សិក្ខាសាលាផ្សព្វផ្សាយស្តីពី «ការអនុវត្តច្បាប់ស្តីពីការប្រកួតប្រជែង និងអនុក្រឹត្យស្តីពីលក្ខខណ្ឌនិងនីតិវិធីអំពីការរួមបញ្ចូលគ្នានៃធុរកិច្ច» ត្រូវបានរៀបចំឡើងននៅថ្ងៃទី១៣ ខែកក្កដា ដោយសហការរៀបចំដោយអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ នៃក្រសួងពាណិជ្ជកម្ម និង ធនាគារជាតិនៃកម្ពុជា និងសមាជិក ធុរជន ក្នុងវិស័យធនាគារ និងហិរញ្ញវត្ថុ។សិក្ខាសាលានេះ បានដើរតួជាវេទិកាមួយក្នុងការផ្សព្វផ្សាយ បញ្រ្ជាបការយល់ដឹងដល់ភាគីពាក់ព័ន្ធ ជាពិសេសដល់ធុរជនក្នុងវិស័យធនាគារ និងហិរញ្ញវត្ថុ ឱ្យបានទូលំទូលាយ អំពីច្បាប់ស្តីពីការប្រកួតប្រជែង និងបទប្បញ្ញត្តិពាក់ព័ន្ធ ជាពិសេសអនុក្រឹត្យស្ដីពីលក្ខខណ្ឌ និងនីតិវិធីអំពីការរួមបញ្ចូលគ្នានៃធុរកិច្ច ដែលរាជរដ្ឋាភិបាលទើបអនុម័តនាពេលថ្មីៗនេះ នឹងចាប់អនុវត្តពីថ្ងៃទី ៦ ខែកញ្ញា ឆ្នាំ២០២៣ ខាងមុខ ដោយក្នុងអនុក្រឹត្យនេះ បានកំណត់នូវកាតព្វកិច្ចសំខាន់ៗចំនួន ០៣ ដែលធុរជនក្នុងវិស័យធនាគារ និងហិរញ្ញវត្ថុ ត្រូវតែដឹងអំពីកាតព្វកិច្ចទាំងនេះរួមមាន៖ ការជូនដំណឹងជាមុនអំពីការរួមបញ្ចូលគ្នានៃធុរកិច្ច, ការជូនដំណឹងជាក្រោយអំពីការរួមបញ្ចូលគ្នានៃធុរកិច្ច និងការចុះបញ្ជីការរួមបញ្ចូលគ្នានៃធុរកិច្ច។ ក្រៅពីគោលការណ៍ខាងលើ សិក្ខាសាលាផ្សព្វផ្សាយនេះ ក៏ជួយជំរុញឱ្យធុរជន ដែលធ្វើធុរកិច្ចក្នុងវិស័យនេះ ប្រកួតប្រជែងគ្នាប្រកបដោយសមធម៌ ព្រមទាំងការធ្វើធុរកិច្ចដោយស្មោះត្រង់ និងសុចរិត ការពារផលប្រយោជន៍របស់អ្នកប្រើប្រាស់ និងលើកកម្ពស់ការអនុវត្តច្បាប់ស្ដីពីការប្រកួតប្រជែង អនុក្រឹត្យស្ដីពីលក្ខខណ្ឌ និងនីតិវិធីអំពីការរួមបញ្ចូលគ្នា នៃធុរកិច្ចប្រកបដោយប្រសិទ្ធភាព ក្នុងវិស័យធនាគារ និងហិរញ្ញវត្ថុ ព្រមទាំងជួយឱ្យធុរជនក្នុងវិស័យនេះ មានមូលដ្ឋានគតិយុត្តក្នុងការស្នើសុំរួមបញ្ចូលគ្នា នៃធុរកិច្ចរបស់ខ្លួនតាមនីតិវិធីជាធរមាន៕ អត្ថបទ៖ សុន រ៉ាឌី

កម្ពុជា រំពឹងទាក់ទាញក្រុមហ៊ុនបច្ចេកវិទ្យាធំៗ បង្កើតរោងចក្រលើផ្នែកបច្ចេកវិទ្យា

ភ្នំពេញ៖ ក្រុមហ៊ុនលំដាប់អន្តរជាតិធំៗ កំពុងសិក្សាលទ្ធភាព នៃការវិនិយោគបង្កើតរោងចក្រលើផ្នែកបច្ចេកវិទ្យា ជាពិសេសការបង្កើតរោងចក្រផលិតបន្ទះឈីប (CHIP) ដែលវិស័យនេះកំពុងដើរតួយ៉ាងសំខាន់ សម្រាប់បម្រើសេចក្តីត្រូវការលើពិភពលោក ក៏ដូចកម្ពុជា សម្រាប់កិច្ចដំណើរការអភិវឌ្ឍ និងការឈានឡើងនៃសេដ្ឋកិច្ច។ឯកឧត្តមបណ្ឌិត ហេង សុខគង់ រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លើកឡើងថា កន្លងងមកនេះ កម្ពុជាទទួលមានរោងចក្រខ្លះៗហើយដូចជា ក្រុមហ៊ុន Mini-bea ជាដើម បច្ចុប្បន្នបានកំពុងដំណើរការផលិតនូវបន្ទះ (CHIP) និងបាននាំចេញទៅកាន់បណ្តាប្រទេសដែលផលិតទូរស័ព្ទម៉ាក iphone មួយចំនួន។ក្រៅពីនេះក៏មានក្រុមហ៊ុនជាច្រើនបានចាប់អារម្មណ៍លើការវិនិយោគនៅកម្ពុជា។ជាក់ស្តែងថ្មីនេះ ក្រុមហ៊ុនលំដាប់អន្តរជាតិមកពីប្រទេសកូរ៉េ និងប្រទេសចិនជាដើម បានកំពុងសិក្សាលទ្ធភាព នៃការវិនិយោគបង្កើតរោងចក្រលើផ្នែកបច្ចេកវិទ្យានេះ ជាពិសេសការបង្កើតរោងចក្រផលិតបន្ទះឈីប (CHIP) នៅកម្ពុជា។ឯកឧត្តមបណ្ឌិត ហេង សុខគង់ ថ្លែងបន្ថែមថា ជុំវិញការអភិវឌ្ឍ កម្ពុជាបានកំពុងដើរលើផ្លូវត្រូវ ក្រោមការដឹកនាំដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្រ្តី ដោយបានដាក់នូវផែនការសកម្មភាពបង្ហាញផ្លូវច្បាស់លាស់ ដើម្បីកំណត់ទស្សនៈវិស័យ ក្នុងការជំរុញអភិវឌ្ឍន៍វិស័យបច្ចេកវិទ្យា ក្នុងនោះកម្ពុជាក៏មានគោលនយោបាយសម្រាប់អភិវឌ្ឍន៍វិស័យបច្ចេកវិទ្យាកម្ពុជា ឆ្នាំ២០២០-២០៣០ និងមានផែនទីបង្ហាញផ្លូវសម្រាប់វិស័យវិទ្យាសាស្រ្ត បច្ចេកវិទ្យា និងនវានុវត្តន៍ និងមានគោលនយោបាយជាច្រើនទៀត សម្រាប់ជាតម្រាយផ្លូវនៃការអភិវឌ្ឍន៍។បើតាមរបាយការណ៍អគ្គនាយកដ្ឋានគយ និងរដ្ឋាករកម្ពុជា នៅក្នុងឆមាសទី ១ ឆ្នាំ ២០២៣ នេះកម្ពុជាបាននាំចេញមានទំហំទឹកប្រាក់សរុបប្រមាណជាង ១ ៥៨៦ លានដុល្លារអាមេរិក កើនឡើងប្រមាណជាង ១០៨ ភាគរយ បើធៀបរយៈពេលដូចគ្នានិងឆ្នាំ ២០២២៕ អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

សម្ដេចកិត្តិសង្គហបណ្ឌិត ម៉ែន សំអន វាយតម្លៃខ្ពស់ចំពោះACUក្នុងការស៊ើបអង្កេត និងបំបែកសំណុំរឿងធំៗ

EU៖ ការដាក់ពង្រាយកងទ័ព នៅអឺរ៉ុប គឺ «ដើម្បីផលប្រយោជន៍របស់សហរដ្ឋអាមេរិក»

លោក Trump ៖ សហរដ្ឋអាមេរិកនឹងបញ្ចេញឯកសារមនុស្សពិភពផ្កាយក្នុងពេលដ៏ខ្លីខាងមុខនេះ

ជនជាតិជ្វីហ្វអង់គ្លេស ទាមទារកិច្ចប្រឹងប្រែងបន្ថែមទៀតពីរដ្ឋាភិបាល ក្រោយការវាយប្រហារដោយកាំបិត

កណ្តុររាតត្បាតជំរំតង់នៅតំបន់ហ្គាហ្សា ខាំក្មេងៗ និងធ្វើឲ្យរីករាលដាលជំងឺ

អធិការបតីអាល្លឺម៉ង់ អំពាវនាវឲ្យមាន «ភាពជាដៃគូឆ្លងមហាសមុទ្រអាត្លង់ទិកអាចទុកចិត្តបាន»

អាស៊ានប្ដេជ្ញាបញ្ចៀសការហាមឃាត់ការនាំចេញ និងចែករំលែកប្រេងឥន្ធនៈ ខណៈតម្លៃប្រេងហក់ឡើង

ប្រធានថាមពលអាមេរិក៖ អារ៉ាប៊ីសាអ៊ូឌីត និងអារ៉ាប់រួមនឹងបង្កើនការផលិតប្រេង ក្រោយជម្លោះអ៊ីរ៉ង់

ចិនគំរាមសងសឹក EU ប្រសិនបើប្លុកហាមឃាត់ឧបករណ៍របស់ក្រុមហ៊ុន Huawei

ក្រុមសិទ្ធិមនុស្ស៖ មនុស្សយ៉ាងតិច ៣៥៨នាក់ ត្រូវបានប្រហារជីវិត ក្រោមការដឹកនាំរបស់លោក គីម ជុងអ៊ុន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877