BTV NEWS

ទំហំពាណិជ្ជកម្មរវាងកម្ពុជាជាមួយប្រទេសដៃគូ RCEP មានទំហំទឹកប្រាក់ជាង ៣,៧៦ ពាន់លានដុល្លារកើនជិត ១៥ភាគរយក្នុងខែមករាឆ្នាំនេះ

ក្នុងខែមករាឆ្នាំនេះ ប្រទេសអាស៊ានចំនួន៥ ស្រូបយកទំនិញពីកម្ពុជា មានទឹកប្រាក់សរុបជាង ៤៣៣លានដុល្លារ

ឧស្សាហកម្មកៅស៊ូកម្ពុជា រីកចម្រើនលឿននាំឱ្យតម្រូវការផ្គត់ផ្គងកៅស៊ូក្នុងស្រុកកើនឡើងខ្ពស់ចន្លោះពី ២០ទៅ២៥ម៉ឺនតោនក្នុងមួយឆ្នាំ

ខែមករាឆ្នាំនេះ កម្ពុជានាំទំនិញទៅចិនមានទឹកប្រាក់ជាង ១៦៤លានដុល្លារ កើនជាង ៥៩ភាគរយ

សេដ្ឋកិច្ច និង កសិកម្ម

ពលរដ្ឋ និងយុវជនអាស៊ានសម្ដែងការគាំទ្រចំពោះការរៀបចំពិព័រណ៍អាស៊ាន-ឥណ្ឌា

ភ្នំពេញ៖ ប្រជាពលរដ្ឋ និងយុវជនក្នុងតំបន់អាស៊ាន ដែលបាននាំយកនូវបច្ចេកវិទ្យាច្នៃប្រឌិតថ្មីៗ មកចូលរួមដាក់តាំងបង្ហាញ ក្នុងពិព័រណ៍ឫសគល់នវានុវត្តន៍អាស៊ាន-ឥណ្ឌា បានសម្ដែងការគាំទ្រការរៀបចំពិព័រណ៍នេះ ដែលបានផ្ដល់ជាប្រយោជន៍ដល់ច្រើនដល់យុវជន ពិសេស អ្នកកំពុងសិក្សាលើគំនិតច្នៃប្រឌិតបង្កើត ឧបករណ៍ ឬផលិតផលថ្មីៗ ។ប្រជាពលរដ្ឋ និងយុវជនក្នុងតំបន់អាស៊ាន បានលើកឡើងថា វេទិកាស្តីពីឫសគល់នវានុវត្តន៍ អាស៊ាន-ឥណ្ឌា រួមទាំងមានការរៀបចំនូវពិព័រណ៍បង្ហាញនូវបច្ចេកវិទ្យាច្នៃប្រឌិតថ្មីៗ របស់ប្រទេសឥណ្ឌា និងរដ្ឋជាសមាជិកអាស៊ាន បានជួយឲ្យសិស្សនិស្សិត យុវជន និងពលរដ្ឋ បានយល់ដឹងបន្ថែម ពីប្រពៃណី វប្បធម៌ នៃប្រទេសក្នុងតំបន់ ដែលពួកគេមានគំនិតច្នៃប្រឌិតអ្វីខ្លះ ក៏ដូចជាដកស្រង់នូវបទពិសោធន៍ ពីពួកគេ ដែលបានធ្វើបទបង្ហាញក្នុងវេទិកា ឬនៅតាមស្ដង់ពិព័រណ៍នីមួយៗ អត្ថប្រយោជន៍ នៃឧបករណ៍ ឬ ផលិតផលអ្វីមួយ ដែលទើបង្កើតថ្មីនោះ ។ពួកគេ បានបន្តថា ក្នុងរយៈប៉ុន្មានថ្ងៃ នៃការរៀបចំព្រឹត្តិការណ៍នេះ ពួកគេទទួលបាននូវ ចំណេះដឹង បន្ថែមទៀតលើគំនិតច្នៃប្រឌិតថ្មី ពីប្រទេសជាសមាជិកអាស៊ានទាំងអស់ រួមទាំងឥណ្ឌា ហើយយុវជន និង ពលរដ្ឋអាស៊ានទាំងអស់នោះ ក៏មានចង់ឲ្យមានការរៀបចំវេទិកា និងពិព័រណ៍បែបជារៀងរាល់ឆ្នាំ ដើម្បីឲ្យ ពួកគេបានផ្លាស់ប្តូរបទពិសោធន៍ ដល់គ្នាទៅ វិញទៅមកលើវិស័យបច្ចេកវិទ្យានេះ ។សម្រាប់សម្ភារ ឧបករណ៍ ឬផលិតផលបច្ចេកវិទ្យាច្នៃប្រឌិត ដែលប្រទេសក្នុងតំបន់អាស៊ាន និង ឥណ្ឌា នាំយកមកបង្ហាញក្នុងពិព័រណ៍នវានុវត្តន៍អាស៊ាន-ឥណ្ឌា មានដូចជា រ៉ូបូត ការកែច្នៃផលកសិកម្ម ឧបករណ៍ជួយដល់វិស័យបរិស្ថាន កសិកម្ម និងផលិតផលថែរក្សាសុខភាពជាដើម ។គួរបញ្ជាក់ថា ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានរៀបចំវេទិកា ស្តីពី ឫសគល់នវានុវត្តន៍ អាស៊ាន-ឥណ្ឌា រយៈពេល៣ថ្ងៃ គឺចាប់ពីថ្ងៃទី១៩ ដល់ទី២១ ខែធ្នូ នៅវិទ្យាស្ថានបច្ចេក វិទ្យាកម្ពុជា (សាលាតិចណូ) រាជធានីភ្នំពេញ ដែលវេទិកានេះ មានការប្រកួតប្រជែងឫសគល់នវានុវត្តន៍ ការប្រកួតប្រជែងនវានុវត្តន៍របស់សិស្ស និងការតាំងពិព័រណ៍នវានុវត្តន៍ ៕អត្ថបទ៖ បាន សុខរិទ្ធិ

អ្នកជំនាញសេដ្ឋកិច្ច៖ វិធានការជាច្រើនរបស់រាជរដ្ឋាភិបាល នឹងរុញកំណើនសេដ្ឋកិច្ចកម្ពុជាឆ្នាំ ២០២៣

ភ្នំពេញ៖ អ្នកជំនាញសេដ្ឋកិច្ច មើលឃើញថា នូវគោលនយោបាយគាំទ្រ ការអនុវត្តកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងហានិភ័យ ជាពិសេសការទប់ស្កាត់នៃការកើនឡើងអតិផរណាជាដើមរបស់រាជរដ្ឋាភិបាល នឹងចូលរួមជំរុញកំណើនសេដ្ឋកិច្ចកម្ពុជានៅឆ្នាំ ២០២៣។ឯកឧត្តមបណ្ឌិត គី សេរីវឌ្ឍន៍ អ្នកស្រាវជ្រាវសេដ្ឋកិច្ច នៃរាជបណ្ឌិត្យសភាកម្ពុជា លើកឡើង នៅថ្ងៃទី២០ ខែធ្នូ ឆ្នាំ២០២២នេះថា ផ្អែកតាមការខិតខំប្រែងប្រែងរបស់រាជរដ្ឋាភិបាល ចាប់តាំងពីពេលមានវិបត្តិនៃការរីករាលដាលជំងឺកូវីដ១៩ រាជរដ្ឋាភិបាលបានដាក់ចេញនូវយន្តការដឹកនាំ ត្រួតពិនិត្យ និងវាយតម្លៃយ៉ាងច្បាស់លាស់ ទាំងកម្រិតគោលនយោបាយ និងយុទ្ធសាស្រ្ត ជាពិសេសការទប់ស្កាត់ និងចាក់វ៉ាក់សាំងបង្ការបានទាន់ពេលវេលា និងគ្រប់គ្រាន់ បានអនុញ្ញាតឲ្យកម្ពុជាបើកប្រទេសឡើងវិញ និងធ្វើសកម្មភាពសេដ្ឋកិច្ចក្នុងស្រុកជាប្រក្រតី។ជាមួយនឹងវិធានការជាច្រើនទៀតរបស់រាជរដ្ឋាភិបាល ការរៀបចំធនធានឆ្ពោះទៅបន្តរក្សាលំនឹងជីវភាពរស់នៅរបស់ប្រជាជន ក៏ដូចជាលំនឹងនៃសង្គម និងតម្រង់ការវិភាគថវិកា សម្រាប់អនុវត្តសកម្មភាពអាទិភាពគោលនយោបាយសំខាន់ផ្សេងៗទៀត ការទប់ស្កាត់នៃការកើនឡើងអតិផរណា ជាពិសេសការទប់ស្កាត់នៃការឡើងថ្លៃប្រេងឥន្ធនៈជាដើម ជាកត្តាចម្បង នៃការជួយជ្រោមជ្រែងដល់សកម្មសេដ្ឋកិច្ចក្នុងស្រុក នឹងអាចធ្វើឲ្យសេដ្ឋកិច្ចកម្ពុជាមានកំណើនកើនឡើង។សេដ្ឋកិច្ចកម្ពុជាឆ្នាំ២០២៣ ត្រូវបានព្យាករថា នឹងសម្រេចបានអត្រាកំណើនក្នុងរង្វង់ ៦,៦% ដែលគាំទ្រដោយវិស័យសំខាន់ៗរួមមាន៖ វិស័យឧស្សាហកម្ម វិស័យសេវាកម្ម និងវិស័យកសិកម្ម ៕អត្ថបទ៖ សុន រ៉ាឌី

កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយរវាងកម្ពុជា-អារ៉ាប់រួម រំពឹងសម្រេចនាពេលខាងមុខ

ភ្នំពេញ៖ រដ្ឋាភិបាលកម្ពុជា និងភាគីអេមីរ៉ាតអារ៉ាប់រួម បានបើកកិច្ចប្រជុំជាមួយគ្នា ដើម្បីចចារគ្នាក្នុងការបង្កើតកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយ ជាជុំទី២ហើយ ដែលភាគីទាំងពីរំពឹងថា ក្រោយកិច្ចព្រមព្រៀងនេះចូលជាធរមាន នឹងជំរុញការនាំចេញមុខទំនិញអទិភាព សម្រាប់បំពេញតម្រូវការឱ្យគ្នាទៅវិញទៅមក។ក្រសួងពាណិជ្ជកម្ម នៅល្ងាចថ្ងៃទី១៩ ធ្នូ ឆ្នាំ២០២២នេះ បានលើកឡើងថា ការចរចាជុំទី២ បានប្រារព្ធធ្វើឡើងនៅរាជធានីភ្នំពេញ ប្រទេសកម្ពុជា ក្រោមអធិបតីភាពរបស់ ឯកឧត្ដម ប៉ាន សូរស័ក្ដិ រដ្ឋមន្រ្តីក្រសួងពាណិជ្ជកម្មកម្ពុជា ដោយមានការអញ្ជើញចូលរួមពីឯកឧត្តម ជូម៉ា ម៉ូហាមេដ អាល់ កាត (Juma Mohammed Al Kait) អនុរដ្ឋមន្ត្រីទទួលបន្ទុកពាណិជ្ជកម្មអន្តរជាតិ និងជាប្រធានក្រុមចរចាសម្រាប់ភាគីអេមីរ៉ាតអារ៉ាប់រួម ព្រមជាមួយមន្រ្តីជាន់ខ្ពស់តំណាងអន្តរក្រសួងនៃប្រទេសទាំងពីរ សរុបប្រមាណ ៦០រូប។ឯកឧត្តមរដ្ឋមន្រ្តី បានមានប្រសាសន៍ថា កិច្ចព្រមព្រៀងនេះ មានលក្ខណៈពិសេសសម្រាប់ប្រទេសទាំងពីរ ដោយសារកិច្ចព្រមព្រៀង នឹងបន្តពង្រឹងមិត្តភាពដែលមានស្រាប់ជាប្រពៃណី រវាងប្រទេសទាំងពីរ និងលើកកម្ពស់ទំនាក់ទំនងដែលកំពុងរីកចម្រើនរវាងពិភពអារ៉ាប់ និងអាស៊ាន ដែលមានថាមវន្តសេដ្ឋកិច្ចខ្លាំងលើពិភពលោក ព្រមទាំងផ្តល់នូវកាលានុវត្តភាពជាច្រើនទៀតដែលភាគីទាំងពីរអាចច្បាមយកសម្រាប់ការអភិវឌ្ឍខឿនសេដ្ឋកិច្ចជាតិ។ក្រសួងពាណិជ្ជកម្ម បញ្ជាក់ថា ការចរចាកិច្ចព្រមព្រៀងនេះ អាចនឹងត្រូវការរយៈពេល៦ខែទៀត ដើម្បីបញ្ចប់កិច្ចចរចាទាំងស្រុង ដើម្បីឈានទៅដាក់ឆ្លងគណៈរដ្ឋមន្រ្តី រដ្ឋសភា ព្រឹទ្ធសភា និងព្រះមហាក្សត្រ នាពេលខាងមុខ។ឯកឧត្តមរដ្ឋមន្រ្តី លើកឡើងថា ប្រទេសអេមីរ៉ាតអារ៉ាប់រួម ជាទីផ្សារដ៏មានសក្តានុពលសម្រាប់ការនាំចេញរបស់កម្ពុជានាពេលមុខ ដោយសារប្រជាជនប្រទេសនេះ មានចំណូលខ្ពស់ ដែលក្នុងមួយឆ្នាំប្រជាជនម្នាក់មានចំណូល ប្រមាណ ៤២ ៨៨០ដុល្លារអាមេរិក។នៅពេលកិច្ចព្រមព្រៀងនេះ ចូលជាធរមាន ភាគីទាំងពីររំពឹងថា នៅរយៈពេល៥ឆ្នាំខាងមុខ ទំហំពាណិជ្ជកម្មរវាងប្រទេសទាំងពីរ នឹងឡើងដល់១ពាន់លានដុល្លារ។តាមការបញ្ជាក់របស់ក្រសួងពាណិជ្ជកម្ម បានឲ្យដឹងថា ក្នុងអង្គប្រជុំខាងលើ ភាគីទាំងពីរ បានគូសបញ្ជាក់ពីការប្តេជ្ញាចិត្ត ដើម្បីសម្រេចឱ្យបាននូវកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយកម្ពុជា-អេមីរ៉ាតអារ៉ាប់រួម នាពេលឆាប់ៗនេះ សំដៅលើកកម្ពស់ទំនាក់ទំនងពាណិជ្ជកម្មទ្វេភាគី តាមរយៈការធ្វើពិពិធកម្មទីផ្សារសម្រាប់នាំចេញទំនិញ និងសេវាកម្ម ព្រមទាំងការបង្កើតកាលានុវត្តភាពសម្រាប់ការវិនិយោគ និងពង្រឹងកិច្ចសហការសម្រាប់វិស័យអាទិភាព៕អត្ថបទ៖ បូរ៉ាវី

កម្ពុជាកំពុងទាញយកប្រយោជន៍ពីប្រព័ន្ធបច្ចេកវិទ្យា លើការតភ្ជាប់ទំនាក់ទំនង ពាណិជ្ជកម្ម និងការធ្វើអាជីវកម្ម

ភ្នំពេញ៖ ប្រធានសមាគមបច្ចេកវិទ្យាឌីជីថលនៃកម្ពុជាថា កម្ពុជាកំពុងក្តោបយកវិស័យបច្ចេកវិទ្យាជាយាន នឹងមានកំណើនប្រើប្រាស់កាន់តែច្រើន នៃការតភ្ជាប់ការទំនាក់ទំនង ពាណិជ្ជកម្ម និងការធ្វើអាជីវកម្ម ដែលរបត់ថ្មីមួយនេះ កំពុងទាញយកប្រយោជន៍ជាអតិបរមា ពីការ ប្រើប្រាស់បច្ចេកវិទ្យាឌីជីថល និងកាត់បន្ថយនូវផលប៉ះពាល់ជាអវិជ្ជមានពីបច្ចេកវិទ្យា។លោកឧកញ៉ា ឈិន កេន ប្រធានសមាគមបច្ចេកវិទ្យាឌីជីថលនៃកម្ពុជា លើកឡើងថា ចំពោះការប្រើប្រាស់ប្រព័ន្ធបច្ចេកវិទ្យាពិតជាមានសារៈសំខាន់ណាស់ ជាក់ស្តែងនៅក្នុងវិបត្តិនៃជម្ងឺកូវីដ-១៩ បានផ្លាស់ប្តូរទម្លាប់និងរបៀបរបរនៃការធ្វើអាជីវកម្មជាច្រើន និងបានកំពុងផ្សារភ្ជាប់រវាង អ្នកផ្គត់ផ្គង់ ទៅអតិថិជនបានល្អប្រសើរ។ ចំណែកការប្រើប្រាស់លើពាណិជ្ជកម្មវិញ បច្ចេកវិទ្យាបានកំពុងតភ្ជាប់សម្រាប់បម្រើក្នុងអាជីវកម្ម ពាណិជ្ជកម្ម និងការផ្សារភ្ជាប់ទៅខ្សែសង្វាក់ផលិតកម្មក្នុងតំបន់ និងសកលផងដែរ។ជុំវិញបច្ចេកវិទ្យានេះ, លោកឧកញ៉ា សង្កេតឃើញថា ការប្រើប្រាស់ បច្ចេកវិទ្យាសម្រាប់អាជីវកម្មវិញ បានកំពុងហក់ឡើងយ៉ាងខ្លាំងផងដែរ សម្រាប់កិច្ចដំណើរការពាណិជ្ជកម្ម និងអាជីវកម្ម ដោយបញ្ជាក់បានថា កម្ពុជាកំពុងក្តោបយកវិស័យបច្ចេកវិទ្យា ជាយាន សម្រាប់តភ្ជាប់ការទំនាក់ទំនង ពាណិជ្ជកម្ម និងការធ្វើអាជីវកម្ម និងទៅនឹងខ្សែច្រវ៉ាក់ផលិតកម្ម។សូមបញ្ជាក់ថា នៅក្នុងឆ្នាំ ២០២១ រាជរដ្ឋាភិបាលកម្ពុជាបានជំរុញអនុវត្តក្របខ័ណ្ឌយុទ្ធសាស្ត្រ និងកម្មវិធីស្តារ និងជំរុញកំណើន សេដ្ឋកិច្ចកម្ពុជា ក្នុងការរស់នៅជាមួយកូវីដ-១៩ តាមគន្លងប្រក្រតីភាពថ្មី សម្រាប់ឆ្នាំ ២០២១-២០២៣” ក្នុងគោលបំណងស្តារ នឹង ពង្រឹងសក្តានុពលនៃចន្ទល់កំណើនសេដ្ឋកិច្ចឱ្យរស់រវើក និងត្រឡប់ទៅកំណើនសក្តានុពល ប្រកបដោយចីរភាព និងបរិយាបន្ន, ចាប់យកឱ្យបាននូវកាលានុវត្តភាពថ្មីៗដែលកំពុងលេចឡើង ស្របនឹងនិន្នាការតំបន់ និងសកល និងកសាងភាពធន់នៃសង្គម-សេដ្ឋកិច្ច៕ អត្ថបទ៖ សុន រ៉ាឌី

កម្ពុជានិងចិន សម្រេចពាណិជ្ជកម្មទ្វេរភាគីរហូត ១១ពាន់លានដុល្លារ កើនឡើង៣៧%

ភ្នំពេញ៖ កិច្ចសហប្រតិបត្តិការរវាងកម្ពុជា និងចិន កាន់តែមានភាពល្អប្រសើរ ដែលមានការរីកចម្រើនជាបន្តបន្ទាប់ ធ្វើឱ្យប្រទេសទាំងពីរ កា្លយជាមិត្តភាព ដែកថែប ដែលបានជំរុញឲ្យពាណិជ្ជកម្មទ្វេភាគីកើនឡើងផងដែរ រហូតដល់ចំនួនប្រមាណ ១១ពាន់លានដុល្លារអាម៉េរិក ក្នុងឆ្នាំ២០២១ ដែលគិតជាភាគរយមានការកើនឡើង ៣៧% បើធៀបទៅនឹងឆ្នាំ២០២០។ថ្លែងក្នុងពិធីទទួលពានរង្វាន់សមិទ្ធផលពេញមួយជីវិតរបស់មេដឹកនាំឆ្នើមពិភពលោកប្រគល់ជូនដោយវិទ្យាសាស្រ្តសម្រាប់អាស៊ីប៉ាស៊ីហ្វិក ស្តីពីការបង្កើនទំនាក់ទំនងអាស៊ាន-ចិន នៅព្រឹកថ្ងៃទី១៩ ធ្នូ ឆ្នាំ២០២២នេះ នៅវិមានសន្តិភាពសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា មានប្រសាសន៍ថា ភាពល្អប្រសើរនេះ ក្នុងកិច្ចសហប្រតិបត្តិការរវាងប្រទេសកម្ពុជា និងចិន មានការរីកចម្រើនទាំងផ្នែកនយោបាយ សេដ្ឋកិច្ច និងសង្គម ត្រូវបានឆ្លុះបញ្ចាំងតាមរយៈដំណើរទស្សនកិច្ចទៅវិញទៅមកកាន់តែញឹកញាប់ កំណើនពាណិជ្ជកម្ម វិនិយោគ ទេសចរណ៍ និងកំណើននៃការប្រាស្រ័យទាក់ទង រវាងប្រជាជន និងប្រជាជនផងដែរ។សម្តេចតេជោ បានថែ្លងបញ្ជាក់ទៀតថា រហូតមកដល់ពេលនេះ កម្ពុជាតែងទទួលបានការជួយគាំទ្រ និងជ្រោមជ្រែងជាបន្តបន្ទាប់ពីមិត្តចិន ទាំងហិរញ្ញវត្ថុ និងមិនមែនហិរញ្ញវត្ថុ ជាពិសេសក្នុងពេលវេលាដ៏លំបាកបំផុតបណ្តាលមកពីវិបត្តិជំងឺកូវីដ១៩ ដែលបានចូលរួមបង្កលក្ខណៈឲ្យកម្ពុជា មានលទ្ធភាពគ្រប់គ្រងស្ថានភាពឆ្លងរីករាលដាលបានល្អប្រសើរ និងជាពិសេសចូលរួមដល់ការកាត់បន្ថយផលប៉ះទង្គិចសង្គម-សេដ្ឋកិច្ចផងដែរ៕អត្ថបទ៖ ឈិត បូរ៉ាវី

សម្តេចតេជោ៖ កិច្ចសហប្រតិបត្តិការល្អជាមួយប្រទេសចិន ផ្តល់សន្ទុះដល់កំណើនសេដ្ឋកិច្ច នៅកម្ពុជានិងតំបន់

ភ្នំពេញ៖ សម្តេចតេជោ ហ៊ុន សែន បានវាយតម្លៃខ្ពស់ ចំពោះកិច្ចសហប្រតិបត្តិការល្អជាមួយប្រទេសចិន ដែលបានផ្តល់កំណើនលើផ្នែកសេដ្ឋកិច្ច នយោបាយ និងសង្គម នៅប្រទេសកម្ពុជា និងតំបន់អាស៊ាន។ថ្លែងក្នុងពិធីប្រគល់ និងទទួលពានរង្វាន់ «សមិទ្ធផលពេញមួយជីវិតរបស់មេដឹកនាំឆ្នើមពិភពលោក» ដោយវិទ្យាស្ថានយុទ្ធសាស្ត្រសម្រាប់តំបន់អាស៊ី-ប៉ាស៊ីហ្វិក នៅព្រឹកថ្ងៃចន្ទ ទី១៩ ខែធ្នូ ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា មានប្រសាសន៍ថា ការអភិវឌ្ឍរបស់សាធារណរដ្ឋប្រជាមានិត គឺជាសមិទ្ធផលដ៏អាស្ចារ្យ ដែលបានផ្តល់ផលប្រយោជន៍ជាច្រើន មិនត្រឹមតែប្រជាជនចិនប៉ុណ្ណោះទេ ប៉ុន្តែផ្តល់បច្ច័យវិជ្ជមានយ៉ាងច្រើនសម្រាប់អាស៊ាន និងកម្ពុជា ទាំងក្នុងទិដ្ឋភាពសេដ្ឋកិច្ច សង្គម និងភូមិសាស្រ្តនយោបាយ។កិច្ចសហប្រតិបត្តិការរវាងប្រទេសទាំងពីរ មានការរីកចម្រើន ទាំងផ្នែកនយោបាយ សេដ្ឋកិច្ច និងសង្គម ដែលឆ្លុះបញ្ជាំងតាមរយៈដំណើរទស្សនកិច្ចទៅវិញទៅមក កាន់តែញឹកញាប់ កំណើនពាណិជ្ជកម្ម វិនិយោគ ទេសចរណ៍ និងកំណើននៃការប្រាស្រ័យទាក់ទងរវាងប្រជាជន និងប្រជាជនផងដែរ។សម្តេចតេជោ បញ្ជាក់ថា កម្ពុជា តែងតែទទួលបានការជួយគាំទ្រ និងជ្រោមជ្រែងជាបន្តបន្ទាប់ពីមិត្តចិនទាំងហិរញ្ញវត្ថុ និងមិនមែនហិរញ្ញវត្ថុ ជាពិសេស ក្នុងពេលវេលាដ៏លំបាកបំផុតបណ្តាលមកពីវិបត្តិជំងឺកូរីដ១៩ ដែលបានចូលរួមបង្កលក្ខណៈឱ្យកម្ពុជា មានលទ្ធភាពគ្រប់គ្រងស្ថានភាពឆ្លងរីករាលដាលបានល្អប្រសើរ និងជាពិសេសចូលរួមដល់ការកាត់បន្ថយផលប៉ះទង្គិចសង្គម សេដ្ឋកិច្ចផងដែរ។ចិនជាដៃគូពាណិជ្ជកម្មធំបំផុតទី១ របស់អស៊ាន ដោយពាណិជ្ជកម្មទំនិញសរុប បានកើនឡើងរហូតដល់ប្រមាណ ៦៦៩ ពាន់លានដុល្លារអាមេរិក ក្នុងឆ្នាំ២០២១ កើនឡើង ២៨ ភាគរយ ខណៈដែលរំហូរនៃការវិនិយោគផ្ទាល់ពីបរទេស ពីចិនមកអាស៊ាន មានចំនួន ១៣,៦ ពាន់លានដុល្លារអាមេរិក ក្នុងឆ្នាំ២០២១ កើនឡើងទ្វេដងធៀបនឹងឆ្នាំ២០២០៕អត្ថបទ៖ វណ្ណៈ

ផ្សារបន្លែចុងសប្តាហ៍នៅខេត្តកណ្តាល ទទួលគាំទ្រទិញច្រើនពីសំណាក់ពលរដ្ឋគិតគូរពីបញ្ហាសុខភាព

កណ្ដាល៖ ដោយមានការគាំទ្រពីមន្ទីរពាណិជ្ជកម្មខេត្តកណ្តាល និងគម្រោងAIMS របស់ក្រសួងពាណិជ្ជកម្ម បណ្តាពលរដ្ឋតាមសហគមន៍ បាននាំគ្នារៀបចំស្តង់ដាក់លក់បន្លែ ត្រីសាច់ ផ្លែឈើ សុវត្ថិភាព គ្មានសារធាតុគីមី នៅសួនច្បារក្រុងតាខ្មៅ ខេត្តកណ្តាល នៅរៀងរាល់ចុងសប្តាហ៍។បើតាមលោកស្រី យ៉ែម ណារី តំណាងអាជីវករផ្សារចុងសប្តាហ៍ប្រចាំខេត្តកណ្តាល បានថ្លែងថា ការលក់ត្រីសាច់ បន្លែផ្លែឈើសុវត្ថិភាព គ្មានសារធាតុគីមី នៅផ្សារចុងសប្តាហ៍នេះ គឺយើងទទួលបានការគាំទ្រច្រើនពីសំណាក់ប្រជាពលរដ្ឋដែលមានការគិតគូខ្លាំងអំពីបញ្ហាសុខភាព ខណៈ គ្រប់សាច់ត្រីសាច់ បន្លែផ្លែឈើរបស់ប្រជាសហគមន៍ដែលយកមកដាក់តាំងលក់នៅទីនេះ គឺមានត្រួតពិនិត្យខ្លាំងពីមន្ត្រីជំនាញរបស់មន្ទីរពាណិជ្ជកម្មខេត្ត ។បើតាមបណ្តាពលរដ្ឋ បានថ្លែងថា នៅរៀងរាល់ចុងសប្តាហ៍ ជាទូទៅយើងតែងតែនាំគ្នាមកទិញបន្លែត្រីសាច់នៅទីនេះ ហើយការទិញ ហូបប្រចាំថ្ងៃ ធ្វើឲ្យយើងមានទំនុកចិត្ត ពេលហូបហើយមិនព្រួយពីបញ្ហាការប៉ះពាលសុខភាព លើបញ្ហាសារធាតុគីមី។សូមបញ្ជាក់ថា ផ្សារចុងសប្តាហ៍ក្រុងតាខ្មៅ ខេត្តកណ្តាលជាផ្សារប្រមូលផ្តុំនៅកសិផលនានាសហគមន៍ផលិតបាន ហើយយកមកដាក់លក់តាំងបង្ហាញក្នុងគោលបំណង បង្កើតឱកាសដល់ក្រុមកសិករ ផ្សព្វផ្សាយ និងលក់ផលិតផលកសិកម្មដែលមានសុវត្ថិភាពផ្សព្វផ្សាយលក់ដល់ពលរដ្ឋនៅទូទាំងខេត្តផង និងផ្សារភ្ជាប់ទំនាក់ទំនងទីផ្សាររវាងកសិករ អ្នកផលិត អ្នកប្រើប្រាស់ចុងក្រោយនៅក្នុងតំបន់ ក្រៅតំបន់ផង ព្រមទាំងកៀរគរដៃគូ អង្គការ និងស្ថាប័នពាក់ពាក់ បង្កើតកិច្ចសហប្រតិបត្តិការ ចូលរួមទិញ លក់ ផលិតផលកសិពាណិជ្ជកម្មបានច្រើន៕ អត្ថបទ ស៊ុម សុខជា

អ្នកជំនាញស្នើដល់រដ្ឋាភិបាលជួយសម្រួលលក្ខខណ្ឌមួយចំនួន ដើម្បីជំរុញការនាំចេញម្រេច

ភ្នំពេញ៖ ដើម្បីជំរុញការនាំចេញម្រេចទៅទីផ្សារបរទេស ជាពិសេសប្រទេសចិន អ្នកជំនាញបានស្នើដល់រាជរដ្ឋាភិបាលជួយសម្រួលលក្ខខណ្ឌមួយចំនួន។លោក វុង ជាង សមាជិកសហព័ន្ធម្រេច និងគ្រឿងទេសកម្ពុជា នៅថ្ងៃទី១៦ ខែធ្នូម្សិលមិញ បានប្រាប់BTVឲ្យដឹងថា បន្ទាប់ពីរាជរដ្ឋាភិបាលកម្ពុជា និងរដ្ឋាភិបាលចិន បានចុះហត្ថលេខាអនុស្សារណៈយោគយល់គ្នាស្តីពីលក្ខខណ្ឌតម្រូវភូតគាមអនាម័យ សម្រាប់ការនាំចេញម្រេច ពីប្រទេសកម្ពុជាទៅកាន់ប្រទេសចិនរួចហើយនោះ នឹងជួយឲ្យទីផ្សារម្រេចកម្ពុជាកាន់តែប្រសើរជាងមុន។ លើសពីនេះលោកបានស្នើដល់រាជរដ្ឋាភិបាលជួយសម្រួលលក្ខខណ្ឌមួយចំនួន ដើម្បីជំរុញការនាំចេញម្រេចទៅទីផ្សារបរទេសកាន់តែច្រើន។បើតាមទិន្នន័យពីក្រសួងកសិកម្មរុក្ខាប្រមាញ់ និងនេសាទ ចេញផ្សាយនាពេលកន្លងទៅ បានបង្ហាញថា ការនាំចេញផលិតផលម្រេច GI និងម្រេចមិនមែន GI របស់កម្ពុជាទៅកាន់ទីផ្សារអន្តរជាតិ ក្នុងឆមាសទី១ ឆ្នាំ២០២២ បានជាង៦ពាន់តោន ធ្លាក់ចុះ៥៧ភាគរយ បើធៀបនឹងរយៈពេលដូចគ្នាកាលពីឆ្នាំមុន។ទិន្នន័យដដែល បានបង្ហាញថា ក្នុងអំឡុងពេលនេះ ប្រទេសវៀតណាមនៅតែជាទីផ្សារនាំចូលផលិតផលម្រេចធំជាងគេពីកម្ពុជាក្នុងបរិមាណជាង ៥ពាន់តោន បន្ទាប់មកទីផ្សារនៅប្រទេសប្រទេសអាល្លឺម៉ង់ មានចំនួនជាង ៥០០តោន និងទីផ្សារប្រទេសមួយចំនួនទៀត ដូចជា កោះតៃវ៉ាន់ ម៉ាឡេស៊ី បារាំង ប៊ែលហ្ស៊ិក សាធារណរដ្ឋឆេក ស៊ុយអ៊ែត ជប៉ុន កាណាដា សហរដ្ឋអាមេរិក និងប្រទេសកូរ៉េខាងត្បូងជាដើម។នៅកម្ពុជាដំណាំម្រេច ជាដំណាំកសិក-ឧស្សាហកម្មសំខាន់សម្រាប់បង្កើនប្រាក់ចំណូលក្នុងគ្រួសារ និងសេដ្ឋកិច្ចជាតិ។បច្ចុប្បន្នដំណាំនេះ មានការដាំដុះនៅតាមបណ្តាខេត្តមួយចំនួនក្នុងប្រទេសកម្ពុជារួមមាន៖ ខេត្តកំពត ព្រះសីហនុ កោះកុង កំពង់ចាម និងខេត្តមណ្ឌលគិរីជាដើម៕ អត្ថបទ៖ទូច សោភ័ណ

ពាណិជ្ជកម្មឆ្លងដែនកម្ពុជា-ថៃ តាមច្រកព្រំដែនខេត្តកោះកុង ផ្តើមងើបឡើងវិញគួរឱ្យកត់សម្គាល់

កោះកុង៖ អាជ្ញាធរខេត្តកោះកុងថា ការធ្វើពាណិជ្ជកម្មឆ្លងដែន នៃលំហូរទំនិញរវាងកម្ពុជា-ថៃ បានងើបឡើងជាបណ្តើរៗវិញហើយ ដោយរំពឹងថា ការធ្វើពាណិជ្ជកម្មរវាងប្រទេសទាំងពីរ ក្នុងឆ្នាំនេះ ឬឆ្នាំបន្តបន្ទាប់កាន់តែមានភាពល្អប្រសើរ ដែលជាផ្នែកមួយជួយដល់សកម្មភាពអាជីវកម្ម ក្នុងខេត្ត ឲ្យដំណើរការមកវិញជាធម្មតា។លោកជំទាវ ភូថង មិថុនា អភិបាលនៃគណៈអភិបាលខេត្តកោះកុង លើកឡើងនៅក្នុងកិច្ចសម្ភាសន៍ជាមួយភ្នាក់ងារអ្នកយកព័ត៌មាន ក្នុងកម្មវិធីចែកអំណោយរបស់ក្រុមហ៊ុន R.M.A (Cambodia) នៅថ្ងៃទី ១៥ ខែ ធ្នូឆ្នាំ ២០២២នេះថា កម្ពុជាក្រោមការដឹកនាំប្រកដោយគតិបណ្ឌិត ឈ្លៀសវ៉ៃ ម៉ឺងម៉ាត់ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី បានប្រយុទ្ធប្រឆាំង ទប់ស្កាត់ជំងឺរាតត្បាត COVID-19 មានភាពលេចធ្លោ ដោយកម្ពុជាបានគ្របដណ្តប់លើការចាក់វ៉ាក់សាំងស្ទើរទាំងស្រុង ហើយបានធ្វើឲ្យកម្ពុជាបើកប្រទេសឡើងវិញ និងបើកគ្រប់វិស័យ។ ក្នុងរយៈពេលជាងមួយឆ្នាំមកនេះ ការប្រកបរបរអាជីវកម្មនៅក្នុងខេត្តកោះកុងទាំងមូល បានដំណើរការឡើងវិញជាធម្មតា ជាពិសេសការធ្វើពាណិជ្ជកម្មឆ្លងដែនកម្ពុជា-ថៃ លំហូរទំនិញនៃប្រទេសទាំងពីរ មានសកម្មភាពគួរផ្លាស់ប្តូរគួរឲ្យកត់សម្គាល់ នឹងរំពឹងថា ក្នុងឆ្នាំនេះ ឬឆ្នាំបន្តបន្ទាប់ នឹងមានសកម្មភាពកាន់តែប្រសើរ។កាលពីពេលថ្មីៗនេះ លោកស្រី ជីរ៉ាណាន់ វង្សមង្គល ប្រធានសមាគមពាណិជ្ជកម្មថៃនៅកម្ពុជា បានថ្លែងថា ទំហំពាណិជ្ជកម្មទ្វេរភាគីកម្ពុជា-ថៃ ក្នុងឆ្នាំ ២០២២ នេះ បានងើបល្អប្រសើរឡើងវិញហើយ ខណៈកម្ពុជាបានបើកប្រទេសគ្មានការរឹតត្បិត និងស្របពេលប្រទេសថៃបើកច្រកព្រំដែនឡើងវិញផងដែរ ជាក់ស្តែងនៅក្នុងរយៈពេល ១០ ខែ ឆ្នាំ ២០២២ នេះ បើតាមទិន្នន័យក្រសួងពាណិជ្ជកម្មថៃ ការធ្វើការធ្វើពាណិជ្ជកម្មកម្ពុជា-ថៃ មានទំហំសរុបជាង ៨ ៥០០ លានដុល្លាសហរដ្ឋអាមេរិក ក្នុងនោះកម្ពុជានាំចេញទៅប្រទេសថៃ មានទំហំជិត ១ ពាន់លានដុល្លារ និងថៃនាំចូលមកវិញ មានចំនួនជាង ៧ ពាន់លានដុល្លារ៕អត្ថបទ៖ សុន រ៉ាឌី

ក្រសួងពាណិជ្ជកម្ម ជំរុញការពង្រឹងគុណភាពផលិតផលខ្មែរ ដើម្បីនាំចេញទៅក្រៅប្រទេស

ភ្នំពេញ៖ ក្រសួងពាណិជ្ជកម្ម នៅព្រឹកថ្ងៃទី១៦ ធ្នូ ឆ្នាំ២០២២នេះ បានរៀបចំសិក្ខាសាលាស្តីពី ការពង្រឹងគុណភាពផលិតផលខ្មែរ និងសេវាកម្ម ដើម្បីជំរុញការនាំចេញ ដោយមានការអញ្ជើញចូលរួមពីមន្រ្តីជំនាញអន្តរក្រសួង តំណាងក្រុមហ៊ុន សហគ្រាស និងតំណាងផ្សារទំនើបជាដើម សរុបចំនួនប្រហែលជិត ១០០នាក់។ឯកឧត្តម កៅ កោសល អគ្គនាយកនៃអគ្គនាយកដ្ឋានជំរុញពាណិជ្ជកម្ម នៃក្រសួងពាណិជ្ជកម្ម បានឲ្យដឹងថា គោលបំណងសំខាន់នៃអង្គពិធីនេះ គឺដើម្បីចង់បំផុសចលនាមហាជន ពិសេសប្រជាជនកម្ពុជាឲ្យងាកមក គាំទ្រការប្រើប្រាស់ផលិតផលខ្មែរឲ្យបានច្រើន។សិក្ខាសាលានេះ គឺធ្វើអមជាមួយព្រឹត្តិការណ៍ ពិព័រណ៍ផលិតផលខ្មែរ និងទំនិញនាំចេញ-នាំចូល លើកទី១៥ សម្រាប់ប្រជាពលរដ្ឋខ្មែរជាទូទៅ ឲ្យបានឃើញ និងស្គាល់ផលិតផលរបស់ខ្មែរឲ្យកាន់តែទូលំទូលាយ។ ឯកឧត្តម បានឲ្យដឹងទៀតថា គោលបំណងមួយទៀតនោះ ដើម្បីជំរុញអ្នកផលិត និងអ្នកនាំចេញទាំងអស់ឲ្យពង្រឹងគុណភាព ពង្រឹងសេវាលើផលិតផលខ្មែរឲ្យមានគុណភាពខ្ពស់ ការវេចខ្ចប់បានត្រឹមត្រូវ លក់ក្នុងតម្លៃសមស្រប ដើម្បីអាចជំរុញដល់ការនាំចេញផលិតផលខ្មែរទៅកាន់ទីផ្សារនៅក្រៅប្រទេស។យោងតាមបទបង្ហាញ ការលើកកម្ពស់ផលិតផលខ្មេរស្របតាមតម្រូវការទីផ្សារ របស់លោក ហ៊ឹង ចក់ អនុប្រធាននាយកដ្ឋានអភិវឌ្ឍន៍ទីផ្សារ បានឲ្យដឹងថា មកដល់ពេលនេះ ក្រសួងពាណិជ្ជកម្ម បាននិងកំពុងរៀបចំគោលនយោបាយ និងយុទ្ធសាស្រ្តចរចាបើកទីផ្សារ ដើម្បីទាញយកឲ្យបាននូវកិច្ចព្រមព្រៀងពាណិជ្ជកម្មសេរីជាមួយប្រទេសធំៗ និងតំបន់ចំនួន៨ នៅទូទាំងពិភពលោក រួមមាន៖ប្រទេសចិន, កូរ៉េខាងត្បូង, ជប៉ុន, អង់គ្លេស, អាម៉េរិក, ឥណ្ឌា, ម៉ុងហ្គោលី និងសហភាពសេដ្ឋកិច្ចអឺរ៉ាស៊ាន។សូមបញ្ជាក់ថា ពាក់ព័ន្ធពិព័រណ៍ផលិតផលខ្មែរ និងទំនិញនាំចេញ-នាំចូល លើកទី១៥ ដែលរៀបចំឡើងនៅអគារពិព័រណ៍កោះពេជ្រ រាជធានីភ្នំពេញ គឺមានរយៈពេល ៤ថ្ងៃ ចាប់ពីថ្ងៃទី១៥ ដល់១៨ ខែធ្នូ ឆ្នាំ២០២២ ដោយមានស្តង់សរុបចំនួន ២៦៨ស្តង់ ក្នុងនោះមានស្តង់ពីស្ថានទូតបរទេសប្រចាំនៅកម្ពុជា ស្តង់មកពីរាជធានី-ខេត្ត សភាពាណិជ្ជកម្មកម្ពុជា សហព័ន្ធស្រូវអង្ករ អង្គការ សមាគមអាជីវកម្ម ក្រុមហ៊ុន សហគ្រាសក្នុងស្រុក និងមកពីបរទេសដែលមានក្រុមហ៊ុន សហគ្រាសសរុបចំនួន ១៨១ក្រុមហ៊ុន៕ អត្ថបទ៖ ឈិត បូរ៉ាវី

បណ្ដាញសង្គម

ព័ត៌មានថ្មីៗ

លោក TRUMP៖ ប្រេងរបស់វ៉េណេស៊ុយអេឡាចំនួន ៥០លានបារ៉ែល កំពុងធ្វើដំណើរទៅកាន់អាមេរិក

សមាជិកសភាអាមេរិក មានគម្រោងបង្ខំឱ្យបោះឆ្នោតលើអំណាចសង្គ្រាម ជុំវិញបញ្ហាអ៊ីរ៉ង់

ប្រភព៖ គណៈកម្មការអឺរ៉ុបរៀបចំមូលដ្ឋានច្បាប់ ដើម្បីស្ទាក់ចាប់នាវាដឹកប្រេងរបស់រុស្ស៊ី

របាយការណ៍៖ កម្លាំងទ័ពអាកាសអាមេរិក នៅមជ្ឈិមបូព៌ាបច្ចុប្បន្ន គឺធំបំផុតមិនធ្លាប់មានក្នុងពេលជាង ២០ឆ្នាំ

អតីតនាយករដ្ឋមន្ត្រីរុស្ស៊ី៖ អឺរ៉ុបរារាំងសន្តិភាព បន្ទាប់ពីកិច្ចប្រជុំកំពូលនៅរដ្ឋអាឡាស្កា

មន្រ្តីជាន់ខ្ពស់ធនាគារជាតិ អញ្ជើញសម្ពោធដាក់ឱ្យប្រើប្រាស់អគារសិក្សាសាលាបឋមសិក្សាព្នៅ

កាសែត៖ អង់គ្លេសនឹងមិនអនុញ្ញាតឲ្យអាមេរិកប្រើប្រាស់មូលដ្ឋានរបស់ខ្លួនសម្រាប់ការវាយប្រហារអ៊ីរ៉ង់ទេ

សារព័ត៌មានWSJ៖ អាមេរិកអាចធ្វើការវាយប្រហារមានកម្រិតលើអ៊ីរ៉ង់ ដើម្បីជំរុញកិច្ចព្រមព្រៀងនុយក្លេអ៊ែរ

អ្នកតាំងលំនៅអ៊ីស្រាអែល បង្ហោះបញ្ជីនៃការវាយប្រហាររបស់ពួកគេលើប្រជាជនប៉ាឡេស្ទីន នៅតំបន់វេសបែង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

ពលរដ្ឋ និងយុវជនអាស៊ានសម្ដែងការគាំទ្រចំពោះការរៀបចំពិព័រណ៍អាស៊ាន-ឥណ្ឌា

អ្នកជំនាញសេដ្ឋកិច្ច៖ វិធានការជាច្រើនរបស់រាជរដ្ឋាភិបាល នឹងរុញកំណើនសេដ្ឋកិច្ចកម្ពុជាឆ្នាំ ២០២៣

កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយរវាងកម្ពុជា-អារ៉ាប់រួម រំពឹងសម្រេចនាពេលខាងមុខ

កម្ពុជាកំពុងទាញយកប្រយោជន៍ពីប្រព័ន្ធបច្ចេកវិទ្យា លើការតភ្ជាប់ទំនាក់ទំនង ពាណិជ្ជកម្ម និងការធ្វើអាជីវកម្ម

កម្ពុជានិងចិន សម្រេចពាណិជ្ជកម្មទ្វេរភាគីរហូត ១១ពាន់លានដុល្លារ កើនឡើង៣៧%

សម្តេចតេជោ៖ កិច្ចសហប្រតិបត្តិការល្អជាមួយប្រទេសចិន ផ្តល់សន្ទុះដល់កំណើនសេដ្ឋកិច្ច នៅកម្ពុជានិងតំបន់

ផ្សារបន្លែចុងសប្តាហ៍នៅខេត្តកណ្តាល ទទួលគាំទ្រទិញច្រើនពីសំណាក់ពលរដ្ឋគិតគូរពីបញ្ហាសុខភាព

អ្នកជំនាញស្នើដល់រដ្ឋាភិបាលជួយសម្រួលលក្ខខណ្ឌមួយចំនួន ដើម្បីជំរុញការនាំចេញម្រេច

ពាណិជ្ជកម្មឆ្លងដែនកម្ពុជា-ថៃ តាមច្រកព្រំដែនខេត្តកោះកុង ផ្តើមងើបឡើងវិញគួរឱ្យកត់សម្គាល់

ក្រសួងពាណិជ្ជកម្ម ជំរុញការពង្រឹងគុណភាពផលិតផលខ្មែរ ដើម្បីនាំចេញទៅក្រៅប្រទេស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

ពលរដ្ឋ និងយុវជនអាស៊ានសម្ដែងការគាំទ្រចំពោះការរៀបចំពិព័រណ៍អាស៊ាន-ឥណ្ឌា

អ្នកជំនាញសេដ្ឋកិច្ច៖ វិធានការជាច្រើនរបស់រាជរដ្ឋាភិបាល នឹងរុញកំណើនសេដ្ឋកិច្ចកម្ពុជាឆ្នាំ ២០២៣

កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយរវាងកម្ពុជា-អារ៉ាប់រួម រំពឹងសម្រេចនាពេលខាងមុខ

កម្ពុជានិងចិន សម្រេចពាណិជ្ជកម្មទ្វេរភាគីរហូត ១១ពាន់លានដុល្លារ កើនឡើង៣៧%

សម្តេចតេជោ៖ កិច្ចសហប្រតិបត្តិការល្អជាមួយប្រទេសចិន ផ្តល់សន្ទុះដល់កំណើនសេដ្ឋកិច្ច នៅកម្ពុជានិងតំបន់

ផ្សារបន្លែចុងសប្តាហ៍នៅខេត្តកណ្តាល ទទួលគាំទ្រទិញច្រើនពីសំណាក់ពលរដ្ឋគិតគូរពីបញ្ហាសុខភាព

អ្នកជំនាញស្នើដល់រដ្ឋាភិបាលជួយសម្រួលលក្ខខណ្ឌមួយចំនួន ដើម្បីជំរុញការនាំចេញម្រេច

ពាណិជ្ជកម្មឆ្លងដែនកម្ពុជា-ថៃ តាមច្រកព្រំដែនខេត្តកោះកុង ផ្តើមងើបឡើងវិញគួរ​ឱ្យកត់សម្គាល់

ក្រសួងពាណិជ្ជកម្ម ជំរុញការពង្រឹងគុណភាពផលិតផលខ្មែរ ដើម្បីនាំចេញទៅក្រៅប្រទេស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ពាណិជ្ជកម្មឆ្លងដែនកម្ពុជា-ថៃ តាមច្រកព្រំដែនខេត្តកោះកុង ផ្តើមងើបឡើងវិញគួរឱ្យកត់សម្គាល់