BTV NEWS

ទំហំពាណិជ្ជកម្មរវាងកម្ពុជាជាមួយប្រទេសដៃគូ RCEP មានទំហំទឹកប្រាក់ជាង ៣,៧៦ ពាន់លានដុល្លារកើនជិត ១៥ភាគរយក្នុងខែមករាឆ្នាំនេះ

ក្នុងខែមករាឆ្នាំនេះ ប្រទេសអាស៊ានចំនួន៥ ស្រូបយកទំនិញពីកម្ពុជា មានទឹកប្រាក់សរុបជាង ៤៣៣លានដុល្លារ

ឧស្សាហកម្មកៅស៊ូកម្ពុជា រីកចម្រើនលឿននាំឱ្យតម្រូវការផ្គត់ផ្គងកៅស៊ូក្នុងស្រុកកើនឡើងខ្ពស់ចន្លោះពី ២០ទៅ២៥ម៉ឺនតោនក្នុងមួយឆ្នាំ

ខែមករាឆ្នាំនេះ កម្ពុជានាំទំនិញទៅចិនមានទឹកប្រាក់ជាង ១៦៤លានដុល្លារ កើនជាង ៥៩ភាគរយ

សេដ្ឋកិច្ច និង កសិកម្ម

រដ្ឋមន្ត្រីទេសចរណ៍៖ កំណើនទេសចរជាតិអន្តរជាតិ បានចូលរួមបង្កើតការងារផ្ទាល់ជាង៣ម៉ឺននាក់

ភ្នំពេញ៖ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ មានប្រសាសន៍ថា កំណើនភ្ញៀវទេសចរជាតិអន្តរជាតិបច្ចុប្បន្ន បានជំរុញអាជីវកម្មទេសចរណ៍ជាង ២៧០០ទីតាំងបានបើកដំណើរការឡើងវិញ និងបានបង្កើតការងារឡើងបានប្រមាណជាង ៣ម៉ឺននាក់។ថ្លែងក្នុងពិធីបើកពិព័រណ៍ស្តីពីវិស័យផ្គត់ផ្គង់ម្ហូបអាហារ សណ្ឋាគារ និងសំណង់ខ្នាតអន្តរជាតិ” នៅមជ្ឈមណ្ឌលសន្និបាតកោះពេជ្រ នៅព្រឹកថ្ងៃទី១៦ខែវិច្ឆិកានេះ ឯកឧត្តមរដ្ឋមន្ត្រី ថោង ខុន លើកឡើងថា ក្នុងអំឡុងពេលដែល កម្ពុជាកំពុងជួបវិបត្តិការររាតត្បាតមេរោគកូវីដ១៩ នៅក្នុងឆ្នាំ២០២០ មានអាជីវកម្មទេសចរណ៍ដែលទទួលរងផលប៉ះពាល់ និងបានបិទ-ផ្អាកសរុបប្រមាណ ៣ ៩១៥ ទីតាំង ស្មើនឹងប្រមាណ ៤១% នៃចំនួនអាជីវកម្មសរុប និងប៉ះពាល់បុគ្គលិកប្រមាណ ៥៣ ៥៣៤ នាក់ ស្មើនឹងប្រមាណ ៤៥% នៃចំនួនបុគ្គលិកសរុប។ រហូតមកដល់ខែវិច្ឆិកា ឆ្នាំ២០២២នេះ មានអាជីវកម្មទេសចរណ៍ប្រមាណ ២,៧០៨ទីតាំង បានបើកឡើងវិញ និងបុគ្គលិកធ្លាប់រងប៉ះពាល់ ទទួលបានការងារវិញប្រមាណ ៣១,១០៥នាក់ និងបង្កើតការងារដោយប្រយោលក្នុងវិស័យទេសចរណ៍រាប់ម៉ឺនកន្លែងទៀត។ឯកឧត្តម ថោង ខុន ក៏បានរំលឹកឡើងវិញដែរថា អាជីវកម្មទេសចរណ៍ក្រោមការគិតគូយ៉ាងយកចិត្តទុកដាក់ពីប្រមុខ្ថថ្នាក់ដឹកនាំរាជរដ្ឋាភិបាល គិតត្រឹមថ្ងៃទី២១ ខែតុលា ឆ្នាំ២០២២ បានបើកប្រាក់ឧបត្ថម្ភ ៤០ដុល្លារ ពីរាជរដ្ឋាភិបាលមានចំនួន ២៣,០១០ នាក់ ស្មើនឹង ជាង ៩លានដុល្លាអាម៉េរិក និងបានអនុវត្តគម្រោងសហហិរញ្ញប្បទានស្តារ និងជំរុញកំណើនក្នុងវិស័យទេសចរណ៍កម្ពុជា ដែលរាជរដ្ឋាភិបាលទំហំទឹកប្រាក់សហហិរញ្ញប្បទាន ១៥០លានដុល្លារអាមេរិក ដែលមកដល់ថ្ងៃទី១៧ ខែតុលា ឆ្នាំ២០២២ គ្រឹះស្ថានហិរញ្ញវត្ថុបានអនុម័តកម្ចីជូនអាជីវកម្មទេសចរណ៍ចំនួន ២០៧ទីតាំង មានទំហំទឹកប្រាក់ចំនួន ២៧,២៤លានដុល្លារអាមេរិក ស្មើនឹង១៨,១៦% នៃទំហំឥណទានសរុប។ឯកឧត្តម ថោង ខុន ថ្លែងដែរថា មានកត្តាជោគជ័យ ដែលបានរុញច្រានវិស័យទេសចរណ៍កម្ពុជាឱ្យឆ្លងផុតដំណាក់កាលដ៏លំបាក់នេះ ជោគជ័យយុទ្ធសាស្ត្រផ្ការីក ចាក់ស្រោចវ៉ាក់សាំងដើម្បីបង្កើតភាពស៊ាំក្នុងសហគមន៍ បន្ថែមពីលើគោលនយោបាយគាំទ្រសេដ្ឋកិច្ច និងសង្គមសម្រាប់វិស័យទេសចរណ៍បានចំនួន១០ជុំ ដែលបានគាំទ្រលើបញ្ហាពន្ធដារ ការបង់ប្រាក់សោធននិវត្ត និងជំនួយប្រាក់ឧបត្ថម្ភដោយផ្ទាល់ដល់បុគ្គលិកដែលរងផលប៉ះពាល់ពីអាជីវកម្មដែលបានផ្អាកសកម្មភាពជាដើម៕ អត្ថបទ៖ ស៊ុមសុខជា

ពន្ធដារប្រមូលចំណូលពន្ធបានជិត ៣ ពាន់លានដុល្លារ ក្នុងរយៈពេល ១០ខែ

ភ្នំពេញ៖ អគ្គនាយកដ្ឋានពន្ធដារ ប្រមូលចំណូលគ្រប់ប្រភេទតាមប្រព័ន្ធគ្រប់គ្រង បានចំនួនជាង ១១ ពាន់ប៊ីលានរៀល ត្រូវប្រមាណជិត ៣ ពាន់លានដុល្លារអាមេរិក ក្នុងរយៈពេល ១០ខែ កើនជិត ២៧ ភាគរយ បើធៀបរយៈពេលដូចគ្នាឆ្នាំ ២០២១។ឯកឧត្តម គង់ វិបុល រដ្ឋមន្ត្រី ប្រតិភូអមនាយករដ្ឋមន្ត្រី និងជាប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារ លើកឡើងនៅក្នុងសិក្ខាសាលាបូកសរុបលទ្ធផលប្រមូលចំណូលពន្ធប្រចាំខែ តុលា និងសម្រាប់រយៈពេល ១០ ខែ ឆ្នាំ ២០២២ នៅថ្ងៃទី ១៥ ខែ វិច្ឆិកា ឆ្នាំ ២០២២។ក្នុងរយៈពេល ១០ ខែ ឆ្នាំ ២០២២ ចំណូលពន្ធ-អាករ ដែលអគ្គនាយកដ្ឋានពន្ធដារប្រមូលបានជាក់ស្តែងតាមប្រព័ន្ធគ្រប់គ្រងទិន្នន័យចំណូលអនឡាញ មានចំនួនជាង ១១ ៩៣១ ប៊ីលានរៀល ត្រូវប្រមាណជាង ២ ៩៤៥ លាន ដុល្លារ ស្មើជាង ១០៤ ភាគរយ នៃផែនការច្បាប់ស្តីពីហិរញ្ញវត្ថុប្រចាំឆ្នាំ២០២២ បើធៀបនឹងចំណូលពន្ធអាករក្នុងរយៈពេលដូចគ្នា ឆ្នាំ២០២១ ឃើញថា បានកើនឡើងជាង ២ ៥៣០ ប៊ីលានរៀល ត្រូវជាង ៦២៤ លានដុល្លារ ស្មើជិត ២៧ ភាគរយ ក្នុងនោះចំពោះការប្រមូលចំណូលពន្ធពីប្រតិបត្តិការពាណិជ្ជកម្មតាមប្រព័ន្ធអេឡិចត្រូនិក (E-Commerce) ក្នុងរយៈពេល ១០ ខែ ឆ្នាំ២០២២ នេះ អគ្គនាយកដ្ឋានពន្ធដារប្រមូលបានជាង ១២៩ ប៊ីលានរៀល ត្រូវប្រមាណជាង ៣២ លានដុល្លារ។គួរបញ្ជាក់ផងដែរថា តាមរយៈសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ ២០២៣ រាជរដ្ឋាភិបាលបានអនុម័ត តម្រូវឱ្យអគ្គនាយកដ្ឋានពន្ធដារ ប្រមូលចំណូលពន្ធផ្ទៃក្នុង ក្នុងចំនួនប្រមាណជាង ១៤ ពាន់ប៊ីលានរៀល ត្រូវជាង ៣ ៥៧១ លានដុល្លារ កើនឡើងជាង ២៦ ភាគរយ ធៀបនឹងផែនការច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ ២០២២ ដែលកំណត់ឱ្យពន្ធដារប្រមូលចំណូលក្នុងរង្វង់ជាង ១១ ពាន់ប៊ីលានរៀល ត្រូវជាង២ ៨១៩ លានដុល្លារ។ជុំវិញការប្រមូលចំណូលនៅឆ្នាំ ២០២៣ ខាងមុខនេះ ឯកឧត្តម គង់ វិបុល បញ្ជាក់ពីការប្តេជ្ញាចិត្តថា នឹងព្យាយាមឱ្យអស់ពីលទ្ធភាព ដើម្បីបំពេញបេសកកម្មប្រមូលចំណូលពន្ធ អនុវត្តភារឲ្យបានល្អ ដើម្បីបន្តគាំទ្រ ចំពោះការអនុវត្តគោលនយោបាយនានារបស់រាជរដ្ឋាភិបាល ក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា៕អត្ថបទ៖ សុន រ៉ាឌី

ក្រសួងកសិកម្មកំពុងដោះស្រាយបញ្ហាតម្លៃស្រូវធ្លាក់ថ្លៃនៅខេត្តបាត់ដំបង និងបន្ទាយមានជ័យ

បាត់ដំបង៖ ក្រសួងកសិកម្មរុក្ខាប្រមាញ់ និងនេសាទ បានចាត់បញ្ចូនក្រុមការងារចំនួនគោលដៅចុះមូលដ្ឋានខេត្តបាត់ដំបង និងខេត្តបន្ទាយមានជ័យ ដើម្បីចុះទៅពិនិត្យជាក់ស្ដែង និងរកដំណោះស្រាយសមស្របនៅនឹងកន្លែងជូនប្រជាកសិករ ក្នុងឱកាសប្រមូលផលស្រូវ។សេចក្តីប្រកាសព័ត៌មានដែលបណ្តាញព័ត៌មាន ថ្ងៃទី១៥ ខែវិច្ឆិកា ឆ្នាំ២០២២នេះ បានបញ្ជាក់ថា បន្ទាប់បានដឹងពីការធ្លាក់ចុះនៃថ្លៃស្រូវនៅខេត្តបាត់ដំបង និងខេត្តបន្ទាយមានជ័យ នាពេលថ្មីៗនេះ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានសម្រេចចាត់បញ្ចូនអនុរដ្ឋលេខាធិការ ចំនួន២រូបគឺឯកឧត្តម ឃី កុសល និង ឯកឧត្តម ឈុំ ឆុនលី ព្រមទាំងក្រុមការងារនៃអគ្គនាយកដ្ឋានកសិកម្ម ដើម្បីពិនិត្យជាក់ស្តែងក្នុងមូលដ្ឋានខេត្តទាំងពីរតែម្តង។ក្រសួង បញ្ជាក់ថា ពេញមួយខែវិច្ឆិកា រហូតដល់ពាក់កណ្ដាលខែធ្នូ គឺជាពេលវេលាប្រមូលផលស្រូវរដូវវស្សាជាពិសេសប្រភេទពូជស្រូវផ្ការំដួល ដែលជាហេតុធ្វើឱ្យរោងម៉ាស៊ីនកិនស្រូវកំពុងកកស្ទះ និងជះឥទ្ធិពលដល់ថ្លៃស្រូវដូចកាលពីឆ្នាំកន្លងទៅដែរ។ នៅក្នុងខេត្តបាត់ដំបង និងខេត្តបន្ទាយមានជ័យ រោងម៉ាស៊ីនកិនស្រូវជាច្រើនកំពុងមមាញឹកក្នុងការប្រមូលទិញ សម្ងួត និងកិនស្រូវប្រភេទផ្ការំដួលនេះ ទៅតាមសមត្ថភាព និងលទ្ធភាពរៀងៗខ្លួន។បើទោះបីជាដំណាំស្រូវត្រូវរងផលប៉ះពាល់ដោយសារទឹកជំនន់ក៏ដោយ ឆ្នាំនេះក៏ការប្រមូលផលនៅតែមានច្រើន និងសម្រុកធ្វើឡើងព្រមៗគ្នាចាប់ពីដើមខែវិច្ឆិកាមក។ ក្រសួងកសិកម្ម រុក្ខាប្រមាញ់ និងនេសាទ សូមអំពាវនាវដល់បងប្អូនប្រជាកសិករដែលជួបបញ្ហាជាក់ស្តែង ឱ្យទាក់ទងផ្ទាល់មកក្រុមការងាររបស់ក្រសួងតាមរយៈទូរស័ព្ទលេខ ០៩៥ ៩៥១ ១១១ (សម្រាប់ខេត្តបាត់ដំបង) និងលេខ ០១២ ៨៣៨ ៩៣៧ (សម្រាប់ខេត្តបន្ទាយមានជ័យ) ដើម្បីឱ្យក្រុមការងារក្រសួងអាចទទួលបានព័ត៌មានពេញលេញ និងធ្វើការសម្របសម្រួលជាមួយរោងម៉ាស៊ីនកិនស្រូវនៅក្នុងតំបន់។កម្ពុជាបាននាំចេញអង្ករមានបរិមាណសរុប ៥០ម៉ឺនតោន ក្នុងរយៈពេល១០ខែ ឆ្នាំ២០២២នេះ កើនឡើង ១០,៦ ភាគរយ ធៀបនឹងរយៈពេលដូចគ្នាកាលពីឆ្នាំមុន៕អត្ថបទ៖ វណ្ណៈ

អគ្គនាយកដ្ឋានពន្ធដារ ក្រើនរំលឹកដល់ម្ចាស់យានយន្ដទាំងអស់ រួសរាន់បង់ពន្ធឱ្យទាន់ពេលវេលាត្រឹមថ្ងៃទី៣០ ខែវិច្ឆិកា

ភ្នំពេញ៖ អគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ បានប្រកាសក្រើនរំលឹកដល់ម្ចាស់យានយន្ដទាំងអស់ ដែលមិនទាន់បានបំពេញកាតព្វកិច្ចបង់ពន្ធ មេត្ដារួសរាន់មកដាក់លិខិតប្រកាសបង់ពន្ធឱ្យទាន់ពេលវេលាត្រឹមថ្ងៃទី៣០ ខែវិច្ឆិកា ឆ្នាំ២០២២ ខាងមុខ នឹងត្រូវបិទបញ្ចប់ជាស្ថាពរ។

ពន្ធដារប្រមូលចំណូលពន្ធបានជិត ៣ ពាន់លានដុល្លារ ក្នុងរយៈពេល ១០ខែ

អគ្គនាយកដ្ឋានពន្ធដារ ប្រមូលចំណូលគ្រប់ប្រភេទតាមប្រព័ន្ធគ្រប់គ្រង បានចំនួនជាង ១១ ពាន់ប៊ីលានរៀល ត្រូវប្រមាណជិត ៣ ពាន់លានដុល្លារអាមេរិក ក្នុងរយៈពេល ១០ខែ កើនឡើងជិត ២៧ ភាគរយ បើធៀបរយៈពេលដូចគ្នាឆ្នាំ ២០២១។ លទ្ធផលការប្រមូលចំណូលពន្ធដារនេះ ត្រូវបានធ្វើឡើងនៅក្នុងកិច្ចបូកសរុបលទ្ធផលប្រមូលចំណូលពន្ធប្រចាំខែ តុលា និងសម្រាប់រយៈពេល ១០ ខែ ឆ្នាំ ២០២២ នៅថ្ងៃទី ១៥ ខែ វិច្ឆកា ដឹកនាំដោយឯកឧត្តម គង់ វិបុល រដ្ឋមន្ត្រី ប្រតិភូអមនាយករដ្ឋមន្ត្រី និងជាប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារ។ឯកឧត្តម គង់ វិបុល បញ្ជាក់ពីការប្តេជ្ញាចិត្តថា អគ្គនាយកដ្ឋាន នឹងព្យាយាមឱ្យអស់ពីលទ្ធភាព ដើម្បីបំពេញបេសកកម្មប្រមូលចំណូលពន្ធ អនុវត្តភារឲ្យបានល្អ ដើម្បីបន្តគាំទ្រ ចំពោះការអនុវត្តគោលនយោបាយនានារបស់រាជរដ្ឋាភិបាល៕

អគ្គិសនីមានតម្លៃទាបលើវិស័យកសិកម្ម នឹងជួយលើកកម្ពស់ការប្រកួតប្រជែងផលិតកសិកម្មលើទីផ្សារ

ភ្នំពេញ៖ បន្ទាប់ពីមានរៀបចំឲ្យមានកិច្ចសន្ទនាគ្នា រវាងស្ថាប័នរដ្ឋ និងឯកជន ដើម្បីរម្លឹកឡើងវិញអំពីសវតា និងគោលនយោបាយថាមពលអគ្គិសនី ក៏ដូចជាលក្ខខណ្ឌនានាក្នុងការទទួលបានការអនុគ្រោះថ្លៃអគ្គិសនីសម្រាប់វិស័យកសិកម្ម។ ភាគីទាំងពីរ បានបង្ហាញក្តីរំពឹងទុកថា នឹងការយោគយល់ច្រើនជាងមុន លើតម្លៃអគ្គិសនីដែលប្រើប្រាស់ក្នុងវិស័យកសិកម្ម។ក្នុងកិច្ចសម្ភាសន៍ជាមួយទូរទស្សន៍ព័ត៌មាន ប៊ីធីវី កាលពីល្ងាចថ្ងៃទី១៤ វិច្ឆិកា ឆ្នាំ២០២២នេះ លោកឧកញ៉ា ហ៊ុន ឡាក់ ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា និងជាអ្នកវិនិយោគក្នុងវិស័យកសិកម្ម បានលើកឡើងថា ការកាត់បន្ថយចំណាយថ្លៃអគ្គិសនី ផ្តល់ប្រយោជន៍ជាច្រើនទាំងវិស័យរដ្ឋ និងវិស័យឯកជន ដើម្បីរួមគ្នាសម្រេចបាននូវគោលដៅអភិវឌ្ឍន៍សេដ្ឋកិច្ចជាតិឲ្យកាន់តែរីកចម្រើនថែមទៀត។លោក បានបន្តថា ថ្លៃដើមនៃការផលិត និងទាំងការប្រើប្រាស់ថាមពលអគ្គិសនីក្នុងការប្រើប្រាស់សម្រាប់ការកែច្នៃផលិតផលកសិកម្ម បើប្រៀបធៀបជាមួយបណ្តាប្រទេសគេបានដើរជឿនលឿនរួចហើយនៅក្នុងវិស័យកសិកម្ម ក៏ដូចជាឧស្សាហកម្មកែច្នៃនាំចេញជាដើម គឺតម្លៃយើងបូកទាំងអស់ គឺនៅខ្ពស់ជាងគេ។ឯកឧត្តម កែវ រតនៈ រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកអគ្គិសនីកម្ពុជា បានមានប្រសាសន៍ថា ចំពោះនីតិវិធីដើម្បីទទួលបានការអនុគ្រោះថ្លៃអគ្គិសនីខាងលើនេះ អ្នកប្រើប្រាស់កសិកម្មទាំងអស់ ត្រូវតែមកដាក់ពាក្យទៅអ្នកលក់ភ្លើង ដែលជាទីតាំងបងប្អូនរស់នៅ ហើយបើសិនជាក្រុមសហគមន៍ ត្រូវមាននរណាម្នាក់ជាតំណាង ដែលទទួលស្គាល់ពីអាជ្ញាធរមូលដ្ឋាន ដើម្បីប្រាកដច្បាស់ទាំងអស់គ្នាក្នុងការដាក់ពាក្យស្នើសុំយោគយល់តម្លៃអគ្គិសនីឲ្យបានសមរម្យ៕អត្ថបទ៖ បូរ៉ាវី

កម្ពុជា ផលិតថាមពលប្រមាណជាង ៤ ២០០មេហ្កាវ៉ាត់ លើសតម្រូវការប្រើប្រាស់នាពេលបច្ចុប្បន្ន

ភ្នំពេញ៖ មន្រ្តីជាន់ខ្ពស់ក្រសួងរ៉ែ និងថាមពល បានបញ្ជាក់ថា គិតមកដល់បច្ចុប្បន្ននេះ កម្ពុជាផលិតបានថាមពលចំនួនប្រមាណជាង ៤.២០០មេហ្កាវ៉ាត់ ក្នុងមួយឆ្នាំ ហើយតម្រូវការប្រើប្រាស់ថាមពលសព្វថ្ងៃ មានប្រមាណតែ ២.១០០មេហ្កាវ៉ាត់ប៉ុណ្ណោះ ។ឯកឧត្តម ស៊ុយ សែម រដ្ឋមន្រ្តីក្រសួងរ៉ែ និងថាមពល លើកក្នុងកិច្ចសន្ទនាពិសេសមួយ រវាងវិស័យរដ្ឋ និងវិស័យឯកជន ស្តីពីការប្រើប្រាស់ថាមពលអគ្គិសនីសម្រាប់វិស័យកសិកម្ម កាលពីថ្ងៃទី១៤ ខែវិច្ឆិកា។ឯកឧត្តម បញ្ជាក់ថា រាជរដ្ឋាភិបាល បាននិងកំពុង ស្វះស្វែងរកប្រភពថាមពលដើម្បីបំពេញតម្រូវការ ដើម្បីត្រៀមផ្គត់ផ្គង់នៅពេលណាដែលមានតម្រូវថាមពលកើនឡើង និងឆ្លើយតបនឹងការអភិវឌ្ឍន៍យ៉ាងឆាប់រហ័សរបស់កម្ពុជា និងសម្រាប់ការប្រើប្រាស់របស់ប្រជាពលទូទៅ កសិកម្ម និងឧស្សហកម្ម៕

កម្ពុជា-កូរ៉េ សហការអភិវឌ្ឍន៍ជំនាញបច្ចេកវិទ្យាដល់ SME សម្រាប់ការផលិត និងជំរុញការនាំចេញ

ភ្នំពេញ៖ សម្ព័ន្ធសមាគមសហគ្រាសធុនតូច និងមធ្យមកម្ពុជា និងទីភ្នាក់ងារលើកកម្ពស់អាជីវកម្មខ្នាតតូចរបស់ប្រទេសកូរ៉េ បង្កើតភាពដៃគូរសហការគ្នា ជំរុញអភិវឌ្ឍន៍ជំនាញបច្ចេកវិទ្យាដល់ SME ក្នុងស្រុក លើកកម្ពស់ដល់ការផលិត និងជំរុញការនាំចេញផលិតផលទៅប្រទេសកូរ៉េ និងប្រទេសផ្សេងៗទៀតនៅលើពិភពលោក។សម្ព័ន្ធសមាគមសហគ្រាសធុនតូច និងមធ្យមកម្ពុជា និងទីភ្នាក់ងារលើកកម្ពស់អាជីវកម្មខ្នាតតូចរបស់ប្រទេសកូរ៉េ (KSMBPA) បានចុះហត្ថលេខាលើអនុស្សារណនៃការយោគយល់គ្នាស្តីពីការអភិវឌ្ឍន៍ជំនាញក្នុងការផលិត និងជំរុញការនាំចេញនៃ SMEs នៅថ្ងៃទី ១៤ ខែ វិច្ឆកា។តាមរយៈអនុស្សារណនៃការយោគយល់គ្នានេះ ម្ចាស់សហគ្រាសកម្ពុជានឹងទទួលបានចំណេះដឹងថ្មីៗកាន់តែច្រើនបន្ថែមទៀត ក្នុងការផលិត និងកែច្នៃផលិតផលរបស់ខ្លួន ឲ្យស្របតាមទីផ្សារកូរ៉េ និងទីផ្សារផ្សេងៗទៀត ហើយ រំពឹងថា នៅថ្ងៃខាងមុខ ផលិតផលរបស់ខ្មែរ នឹងអាចនាំចេញទៅលក់ទៅក្នុងទីផ្សារប្រទេសកូរ៉េកាន់តែច្រើន៕

ប្រទេសព្រុយណេ ជំរុញការសហប្រតិបត្តិការកសិកម្ម និងនាំចូលអង្ករផ្កាម្លិះពីកម្ពុជា

ភ្នំពេញ៖ ព្រះចៅស៊ុលតង់ ហាជី ហាសិនណល់ ប៊ូលហ្កះ ព្រះមហាក្សត្រ នៃប្រទេសប្រ៊ុយណេ ដារូសាឡឹម បានស្នើបង្កើតកិច្ចសហប្រតិបត្តិកាលើវិស័យកសិកម្ម ជាមួយប្រទេសកម្ពុជា និងការនាំចូលអង្ករផ្កាម្លិះទៅកាន់ប្រទេសព្រុយណេ។ព្រះចៅស៊ុលតង់ ហាជី ហាសិនណល់ ប៊ូលហ្កះ ព្រះមហាក្សត្រ នៃប្រទេសប្រ៊ុយណេ ដារូសាឡឹម លើកឡើងបែបនេះ ក្នុងជំនួបជាមួយសម្តេចតេជោ ហ៊ុន សែន នាយករដ្ឋមន្ត្រី នៅថ្ងៃទី១៤ ខែវិច្ឆិកា នៅវិមានសន្តិភាព។ព្រះចៅស៊ុលតង់ ក៏បានសម្តែងការសព្វព្រះរាជហឫទ័យ ចំពោះទំនាក់ទំនង និងកិច្ចសហប្រតិបត្តិការរវាងកម្ពុជា និងព្រុយណេ និងលើកទឹកចិត្តឱ្យមានកិច្ចសហប្រតិបត្តិការលើគ្រប់វិស័យបន្ថែមពីលើកិច្ចសហប្រតិបត្តិការដែលមានស្រាប់។ព្រះមហាក្សត្រព្រុយណេ បានណែនាំ ឱ្យរដ្ឋមន្ត្រីកសិកម្មកម្ពុជា និងព្រុយណេ សហការលើវិស័យកសិកម្ម និងនាំអង្ករផ្កាម្លិះទៅព្រុយណេ។ព្រះចៅស៊ុលតង់ យាងបំពេញព្រះរាជទស្សនកិច្ចជាផ្លូវការ ក៏ដូចជាចូលរួមកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធនៅកម្ពុជា។កម្ពុជា បាននាំចេញអង្ករសរុប ៥០ម៉ឺនតោន ក្នុងរយៈពេល១០ខែ ឆ្នាំ២០២២នេះ កើនឡើង១០ ភាគរយធៀបនឹងរយៈពេលដូចគ្នាកាលពីឆ្នាំមុន៕ អត្ថបទ៖ វណ្ណៈ

ការនាំចេញរបស់កម្ពុជា កើនឡើងជិត ២០ភាគរយ ក្នុងរយៈពេល១០ខែ

ភ្នំពេញ៖ កម្ពុជា នាំចេញទំនិញទៅក្រៅប្រទេស មានតម្លៃសរុប ១៨,៧ ពាន់លានដុល្លារ ក្នុងរយៈពេល ១០ខែ ឆ្នាំ២០២២ មានកំណើន ១៩,២ ភាគរយ ធៀបនឹងរយៈពេលដូចគ្នាកាលពីឆ្នាំមុន។យោងតាមទិន្នន័យដែលកត់ត្រាដោយអគ្គនាយកដ្ឋានគយ និងរដ្ឋាករកម្ពុជា នៃក្រសួងសេដ្ឋកិច្ច និងហិរញ្ញវត្ថុ ទីផ្សារអាមេរិកនៅតែជាទីផ្សារធំបំផុតរបស់កម្ពុជា ដែលបាននាំចូលទំនិញពីកម្ពុជាមានតម្លៃសរុប ៧,៦ពាន់លានដុល្លារ ស្មើនឹងប្រមាណ ៤០ភាគរយ នៃតម្លៃនាំចេញសរុប។ប្រទេសវៀតណាម ជាទីផ្សារធំបំផុតទីពីរ នាំចូលទំនិញពីកម្ពុជាមានតម្លៃសរុប ១,៦ ពាន់លានដុល្លារ។ការផ្លាស់ប្តូរពាណិជ្ជកម្មកម្ពុជាជាមួយនឹងទីផ្សារអន្តរជាតិ ចាប់ពីខែមករា ដល់ខែតុលា ឆ្នាំ២០២២នេះ មានទឹកប្រាក់សរុប ៤៤,៥ ពាន់លានដុល្លារ មានកំណើន ១៤,៩ ភាគរយ ធៀបនឹងរយៈពេលដូចគ្នាកាលពីឆ្នាំមុន។

បណ្ដាញសង្គម

ព័ត៌មានថ្មីៗ

អនុរដ្ឋមន្ត្រីការបរទេសសហរដ្ឋអាម៉េរិក៖ អាម៉េរិកកំពុងស្វែងរកកាលានុវត្តភាពផ្នែកពាណិជ្ជកម្ម និងសេដ្ឋកិច្ច បន្ថែមទៀត ដើម្បីបន្តពង្រឹង និងពង្រីកភាពជាដៃគូសេដ្ឋកិច្ចជាមួយកម្ពុជា

អាមេរិកកំពុងចរចាជាមួយឥណ្ឌា រឿងនាំចេញប្រេងវេណេស៊ុយអេឡាទៅកាន់ទីនោះ

ការរកឃើញផ្លូវរូងក្រោមដីសម្ងាត់ផ្តល់ពន្លឺពីទីផ្សារប្រេងងងឹងរបស់ម៉ិកស៊ិក

វិចិត្រករខ្មែរនិងបរទេសគូរផ្ទាំងគំនូរបង្ហាញពីសោកនាដកម្មដោយសារសង្គ្រាមព្រំដែនកម្ពុជា-ថៃ

ទីក្រុងគីវ៖ គម្រោងផែនការសម្លាប់មន្ត្រីជាន់ខ្ពស់រៀបចំដោយរុស្ស៊ី ត្រូវបានបំផ្លាញ

លោក Trumpបញ្ជាឲ្យទីភ្នាក់ងារកំណត់អត្តសញ្ញាណ និងបញ្ចេញឯកសាររដ្ឋាភិបាលស្តីពីមនុស្សពិភពផ្កាយ

រដ្ឋមន្ត្រីការបរទេសអង់គ្លេស នឹងជួបលោក Rubio អំឡុងភាពតានតឹង ជុំវិញមូលដ្ឋានទ័ពអាកាសរួមគ្នា

មនុស្ស ៨នាក់ ត្រូវបានបារម្ភថា ស្លាប់ ក្រោយរថយន្តក្រុងដឹកអ្នកទេសចរចិនលិចក្នុងបឹង នៅរុស្ស៊ី

UNលម្អិតករណីប្រហារជីវិតស្រ្តីនៅស៊ូដង់ និងជំរុញឲ្យមានវិធានការបន្ទាន់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

រដ្ឋមន្ត្រីទេសចរណ៍៖ កំណើនទេសចរជាតិអន្តរជាតិ បានចូលរួមបង្កើតការងារផ្ទាល់ជាង៣ម៉ឺននាក់

ពន្ធដារប្រមូលចំណូលពន្ធបានជិត ៣ ពាន់លានដុល្លារ ក្នុងរយៈពេល ១០ខែ

ក្រសួងកសិកម្មកំពុងដោះស្រាយបញ្ហាតម្លៃស្រូវធ្លាក់ថ្លៃនៅខេត្តបាត់ដំបង និងបន្ទាយមានជ័យ

ពន្ធដារប្រមូលចំណូលពន្ធបានជិត ៣ ពាន់លានដុល្លារ ក្នុងរយៈពេល ១០ខែ

អគ្គិសនីមានតម្លៃទាបលើវិស័យកសិកម្ម នឹងជួយលើកកម្ពស់ការប្រកួតប្រជែងផលិតកសិកម្មលើទីផ្សារ

កម្ពុជា ផលិតថាមពលប្រមាណជាង ៤ ២០០មេហ្កាវ៉ាត់ លើសតម្រូវការប្រើប្រាស់នាពេលបច្ចុប្បន្ន

កម្ពុជា-កូរ៉េ សហការអភិវឌ្ឍន៍ជំនាញបច្ចេកវិទ្យាដល់ SME សម្រាប់ការផលិត និងជំរុញការនាំចេញ

ប្រទេសព្រុយណេ ជំរុញការសហប្រតិបត្តិការកសិកម្ម និងនាំចូលអង្ករផ្កាម្លិះពីកម្ពុជា

ការនាំចេញរបស់កម្ពុជា កើនឡើងជិត ២០ភាគរយ ក្នុងរយៈពេល១០ខែ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី