BTV NEWS

ទំហំពាណិជ្ជកម្មរវាងកម្ពុជាជាមួយប្រទេសដៃគូ RCEP មានទំហំទឹកប្រាក់ជាង ៣,៧៦ ពាន់លានដុល្លារកើនជិត ១៥ភាគរយក្នុងខែមករាឆ្នាំនេះ

ក្នុងខែមករាឆ្នាំនេះ ប្រទេសអាស៊ានចំនួន៥ ស្រូបយកទំនិញពីកម្ពុជា មានទឹកប្រាក់សរុបជាង ៤៣៣លានដុល្លារ

ឧស្សាហកម្មកៅស៊ូកម្ពុជា រីកចម្រើនលឿននាំឱ្យតម្រូវការផ្គត់ផ្គងកៅស៊ូក្នុងស្រុកកើនឡើងខ្ពស់ចន្លោះពី ២០ទៅ២៥ម៉ឺនតោនក្នុងមួយឆ្នាំ

ខែមករាឆ្នាំនេះ កម្ពុជានាំទំនិញទៅចិនមានទឹកប្រាក់ជាង ១៦៤លានដុល្លារ កើនជាង ៥៩ភាគរយ

សេដ្ឋកិច្ច និង កសិកម្ម

គយពន្យាពេលបង់ពន្ធ និងអាករលើរថយន្តចង្កូតស្ដាំគ្មានពន្ធមានស្រាប់ ក្នុងប្រទេសដល់ចុងខែធ្នូ

ភ្នំពេញ៖ អគ្គនាយកដ្ឋានគយ និងរដ្ឋាករកម្ពុជាបានពន្យារពេលបង់ពន្ធ និងអាករលើរថយន្តចង្កូតស្ដាំគ្មានពន្ធមានស្រាប់ក្នុងប្រទេសដែលបានចុះបញ្ជីរួចមកបំពេញកាតព្វកិច្ចពន្ធនិងអាកររហូតដល់ ថ្ងៃទី៣១ ខែធ្នូ ឆ្នាំ២០២២។ក្នុងសេចក្តីជូនដំណឹងចេញផ្សាយកាលថ្ងៃទី១៣ អគ្គនាយកដ្ឋានគយ និងរដ្ឋាករកម្ពុជា លើកឡើងថា ដោយពិនិត្យឃើញពីស្ថានភាពលំបាកក្នុងរដូវវស្សាដែលប៉ះពាល់ដល់អាជីវកម្មរបស់ម្ចាស់រថយន្តចង្កូតស្តាំគ្មានពន្ធមានស្រាប់ក្នុងប្រទេសដែលបានមកចុះបញ្ជីរួច ប្រមុខរាជរដ្ឋាភិបាលបានផ្ដល់ការអនុញ្ញាតពន្យារពេលជូនដល់ម្ចាស់រថយន្តចង្កូតស្តាំគ្មានពន្ធមានស្រាប់ក្នុងប្រទេសដែលបានចុះបញ្ជីរួចមកបំពេញកាតព្វកិច្ចពន្ធ និងអាកររហូតដល់ ថ្ងៃទី៣១ ខែធ្នូ ឆ្នាំ២០២២។អគ្គនាយកដ្ឋានគយ និងរដ្ឋាករកម្ពុជា រំលឹកដល់ម្ចាស់រថយន្តចង្កូតស្តាំដែលបានចុះបញ្ជីរួច ប៉ុន្តែនៅមិនទាន់បានមកបំពេញកាតព្វកិច្ចពន្ធ និងអាករឱ្យប្រញាប់រួសរាន់ចូលមកបង់ពន្ធ និងអាករនៅតាមបណ្តាអង្គភាពគយ និងរដ្ឋាកររាជធានី-ខេត្ត ដែលសាមីខ្លួនបានចុះបញ្ជីរថយន្តរបស់ខ្លួន ឱ្យបានតាមការកំណត់ដូចបានជម្រាបជូនខាងលើជាកំហិត ដើម្បីចៀសផុតពីការបង្កាបដោយមន្ត្រីគយនិងរដ្ឋាករមានសមត្ថកិច្ចតាមដងផ្លូវ ការដ្ឋាន អាជីវកម្មដ្ឋាននិងតាមទីកន្លែងសាធារណៈជាយថាហេតុ។អគ្គនាយកដ្ឋានគយ និងរដ្ឋាករកម្ពុជា បញ្ជាក់ថា ក្រោយថ្ងៃទី៣១ ខែធ្នូ ឆ្នាំ២០២២ រថយន្តចង្កូតស្ដាំបានដែលពុំបានបំពេញកាតព្វកិច្ចពន្ធនិងអាករ គឺជាមុខសញ្ញានៃការបង្ក្រាបរឹបអូស ដោះជាគ្រឿងបន្លាស់ ឬកំទេចចោលតាមច្បាប់ និងបទប្បញ្ញត្តិជាធរមានដោយពុំមានការអនុគ្រោះទៀតឡើយ។បើតាមអគ្គនាយកដ្ឋានគយ និងរដ្ឋាករកម្ពុជា បច្ចុប្បន្ន គឺនៅសេសសល់រថយន្តចង្កូតស្តាំចុះបញ្ជីប្រមាណ ៤០០០គ្រឿងទៀត ដែលមិនទាន់បង់ពន្ធ។សូមរំឭកថា រាជរដ្ឋាភិបាល សម្រេចឲ្យមានការប្រមូលពន្ធអាករលើរថយន្តគ្មានពន្ធ មានស្រាប់ក្នុងប្រទេស ទាំងប្រភេទ រួមទាំងរថយន្តគ្មានពន្ធជ្រកក្រោមផ្លាកលេខផ្សេងៗ ចាប់ពីខែកញ្ញា ឆ្នាំ២០២១ ដល់ថ្ងៃថ្ងៃទី៣០ ខែមិថុនា ឆ្នាំ២០២២។ ប៉ុន្តែការបង់ពន្ធនេះ រដ្ឋក៏សម្រេចពន្យារឱ្យពលរដ្ឋ ដល់ថ្ងៃទី៨តុលា ឆ្នាំ២០២២ ដើម្បីបំពេញកាតព្វកិច្ចពន្ធ និងអាករ៕អត្ថបទ៖ វណ្ណៈ

កម្ពុជានាំចេញផលិតផលកាត់ដេរមានតម្លៃ ១០.២៥ ពាន់លានដុល្លារ ក្នុងរយៈពេល៩ខែ

ភ្នំពេញ៖ ការនាំចេញផលិតផលកាត់ដេរ មានតម្លៃសរុប ១០.២៥ពាន់លានដុល្លារ ក្នុងរយៈពេល៩ខែ ឆ្នាំ២០២២នេះ មានកំណើន ២៤.៥ភាគរយ ធៀបនឹងរយៈពេលដូចគ្នាកាលពីឆ្នាំមុន។យោងតាមរបាយការណ៍របស់អគ្គនាយកដ្ឋានគយ និងរដ្ឋាករ ការនាំចេញផលិតផលកាត់ដេរ រួមមាន៖ សំលៀកបំពាក់ ស្បែកជើង និងផលិតផលធ្វើដំណើរ រួមចំណែក ៥៩ភាគរយ នៃការនាំចេញេសរុប ១៧.២៥ពាន់លានដុល្លារក្នុងរយៈពេល ចាប់ពីខែមករា ដល់ខែកញ្ញាឆ្នាំនេះ។របាយការណ៍ដដែល បង្ហាញថា ការនាំចេញផលិតផលវិនិយោគមិនមែនកាត់ដេរ (ដូចជា គ្រឿងបំណែកអេឡិចត្រូនិក បង្គុំខ្សែភ្លើង កង់ គ្រឿងបន្លាស់រថយន្ត អំពូលលម្អ ផលិតផលពីឈើ កុងផ្លាកេ ផលិតផលពីប្លាស្ទិក ស្បែកសត្វកែច្នៃ និងផលិតផលផ្សេងៗទៀត) មានចំនួន ៤ ១៨៧,៥ លានដុល្លារអាមេរិក កើនឡើងប្រមាណ ៨០៨,២ លានដុល្លារអាមេរិក ស្មើនឹង ២៣,៩%។ដោយឡែក ការនាំចេញកសិផលមានចំនួន ២ ២២៧,៥ លានដុល្លារអាមេរិក កើនឡើងប្រមាណ ១២២,៣ លានដុល្លារអាមេរិក ស្មើនឹង ៥,៨% ដែលក្នុងនោះ ស្រូវនាំចេញមានតម្លៃ ៥០៣,៦ លានដុល្លារអាមេរិក ការនាំចេញអង្ករមានតម្លៃ ២៩១,៥ លានដុល្លារអាមេរិក កៅស៊ូនាំចេញមានតម្លៃ ២៧២,៨ លានដុល្លារអាមេរិក និងកសិផលផ្សេងទៀតមានតម្លៃ ១ ១៥៩,៧ លានដុល្លារអាមេរិក ។សូមបញ្ជាក់ថា ទំហំនៃការនាំចេញក្នុងរយៈពេល ៩ខែ ឆ្នាំ២០២២ សម្រេចបាន ១៧.២៥ ពាន់លានដុល្លារ កើនឡើង ២២.១ភាគរយ ធៀបនឹងរយៈពេលដូចគ្នាក្នុង ឆ្នាំ២០២១។របាយការណ៍ នាំចេញនេះ ត្រូវបានបង្ហាញ ក្នុងកិច្ចប្រជុំបូកសរុបលទ្ធផលការងារគយនិងរដ្ឋាកររយៈពេល ៩ខែ ឆ្នាំ២០២២ ក្រោមអធិបតីភាពរបស់ ឯកឧត្តមបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា កាលពីថ្ងៃទី១២ ខែតុលា ឆ្នាំ២០២២ នៅអគ្គនាយកដ្ឋានគយ និងរដ្ឋាករកម្ពុជា៕ អត្ថបទ៖ វណ្ណៈ

រដ្ឋាភិបាលកម្ពុជា ត្រៀមអន្តរាគមន៍ជួយកម្មករនិយោជិតក្នុងករណីបិទរោងចក្រ ឬព្យួរការងារ

ភ្នំពេញ៖ ក្រសួងការងារ និងបណ្ដុះបណ្ដាលវិជ្ជាជីវៈ លើកឡើងថា រាជរដ្ឋាភិបាល ត្រៀមធ្វើការអន្តរគមន៍ ជួយកម្មករកម្មការិនី ក្នុងវិស័យវាយនភណ្ឌកាត់ដេរ ប្រសិនបើមានការបិទរោងចក្រ ឬព្យួរការងារ ដោយសារវិបត្តិពីខាងក្រៅ គឺសង្គ្រាមនៅអ៊ុយក្រែន ។នៅក្នុងសន្និសីទសារព័ត៌មាន កាលពីថ្ងៃទី១២ តុលា ឆ្នាំ២០២២កន្លងទៅឯកឧត្តម ហេង សួរ រដ្ឋលេខាធិការក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍ថា ដោយសារវិបត្តិសង្គ្រាមនៅរវាងរុស្ស៉ី និងអ៊ុយក្រែន បានធ្វើឲ្យប៉ះពាល់ដល់វិស័យកាត់ដេរនៅកម្ពុជា ដោយនៅត្រីមាសទី៤នេះ ការនាំចេញវិស័យកាត់ដេរមានការថយចុះ ហើយបើធៀបឆ្នាំនិងឆ្នាំ អាចថយចុះប្រហែល ១០ភាគរយ។ឯកឧត្តម លើកឡើងថា វិបត្តិសង្គ្រាមអ៊ុយក្រែន និងរុស្ស៊ី ធ្វើឱ្យមានការកាត់បន្ថយការប្រើប្រាស់សំលៀកបំពាក់ និងប៉ះពាល់ដល់ការបញ្ជាទិញផងដែរនៅកម្ពុជា ព្រោះវិបត្តិនេះ ធ្វើឲ្យមានអត្រាអតិផរណាកើនឡើងនៅអាមេរិក និងអឺរ៉ុប ដូច្នេះការចំណាយរបស់ពលរដ្ឋ ផ្តោតសំខាន់ទៅលើប្រេងឥន្ធនៈ ថាមពល និងអគ្គិសនី។ឯកឧត្តម បានអះអាងថា គិតមកដល់ពេលនេះ ករណីការបិទរោងចក្រ ឬព្យួរ មានតិចតួចបំផុត។ បើសិនមានការបិទ ឬព្យួរការងារ ខាងក្រសួងនឹងត្រៀមដោះស្រាយជូនកម្មករតាមភាពជាក់ស្តែង និងយោងទៅតាមច្បាប់ការងារ ដើម្បីកាត់បន្ថយផលប៉ះពាល់ដល់ជីវភាពរបស់បងប្អូនកម្មករ។គិតត្រឹមខែកក្កដា ឆ្នាំ២០២២នេះ កម្ពុជាមានរោងចក្រកាត់ដេរប្រមាណ ១ ២៩១រោងចក្រ កំពុងដំណើរការនិងបានបង្កើតការងារដោយផ្ទាល់ជាង ៨៣ម៉ឺននាក់ និងដោយប្រយោលជិត ១លាននាក់។ សូមបញ្ជាក់ថា ក្នុងអំឡុងការរីករាលដាលនៃជំងឺកូវីដ១៩ ដែលមានការបិទរោងចក្រ រាជរដ្ឋាភិបាលបានផ្តល់ប្រាក់ជំនួយដល់កម្មករនិយោជិតវិស័យកាត់ដេរចំនួន ៤០ដុល្លារក្នុងមួយខែ និងភាគីនិយោជករោងចក្រ ក៏បានផ្តល់ចំនួន ៤០ដុល្លារ ដើម្បីទ្រទ្រង់ជីវភាពរស់នៅប្រចាំថ្ងៃដល់ពួកគាត់ផងដែរ៕ អត្ថបទ៖ ឈិត បូរ៉ាវី

ជើងហោះហើរជាច្រើន បាននិងកំពុងតភ្ជាប់មកកាន់កម្ពុជាឡើងវិញ ខណៈចំនួនអ្នកធ្វើដំណើរហក់ឡើងខ្ពស់

ភ្នំពេញ៖ ចំនួនអ្នកធ្វើដំណើរតាមជើងយន្តហោះ បានហក់កើនឡើងជាងបណ្តើរៗ ស្របពេលជើងហោះហើរក៏បានកំពុងមានការកើនឡើងផងដែរ។ ជាមួយគ្នា ជើងហោះហើរមួយចំនួនផ្សេងទៀតបានកំពុងតភ្ជាប់ជើងហោះហើរឡើងវិញជាបណ្តើរៗផងដែរ។ឯកឧត្តម ស៊ិន ចាន់សេរីវុធថា អនុរដ្ឋលេខាធិការ នៃរដ្ឋលេខាធិការដ្ឋានអាកាសចរណ៍ស៊ីវិល លើកឡើងក្នុងសិក្ខាសាលាកាលពីថ្ងៃទី ១២ ដល់ថ្ងៃទី ១៤ខែតុលា នេះថា បន្ទាប់ពីរាជរដ្ឋាភិបាល បានខិតខំប្រឹងប្រែងទប់ស្កាត់នៃវិបត្តិនេះ ជាពិសេសបន្ទាប់ពីមានការបើកប្រទេសឡើងវិញ ជើងហោះហើរបានចាប់ផ្តើមភ្ជាប់ឡើងវិញជាបណ្តើរៗ ដោយមកទល់នឹងពេលបច្ចុប្បន្ននេះ ក្រុមហ៊ុនមួយចំនួន បាននិងកំពុងតភ្ជាប់ជើងហោះហើររបស់ខ្លួនឡើងវិញផងដែរ។ឯកឧត្តម បន្តឲ្យដឹងថា ចំនួនអ្នកធ្វើដំណើរតាមជើងយន្តហោះ បានកើនឡើងជាលំដាប់ ជាក់ស្តែងនៅក្នុងខែតុលា បើធៀបនឹងខែកញ្ញា ឆ្នាំ២០២២ នេះ ចំនួនអ្នកធ្វើដំណើរតាមយន្តហោះ បានកើនឡើងជិត ៣០ ភាគរយ។ ចំណែកចំនួនជើងយន្តហោះ បានកើនឡើងក្នុងមួយខែៗ ចន្លោះ ៣០ ទៅ ៣៥ ភាគរយ។ បន្ទាប់ពីរាជរដ្ឋាភិបាលដកចេញនូវវិធានការ ដែលតម្រូវឱ្យអ្នកដំណើរមកពីបរទេសទាំងអស់ ទាំងច្រកផ្លូវគោក ផ្លូវទឹក និងផ្លូវអាកាស បង្ហាញសេចក្តីប្រកាសសុខភាពរបស់អ្នកដំណើរ និងបណ្ណ ឬវិញ្ញាបនបត្រចាក់វ៉ាក់សាំងកូវីដ-១៩ ពេញលេញ ពេលមកកម្ពុជា ឯកឧត្តម រំពឹងថា ចំនួនអ្នកដំណើរតាមជើងយន្តហោះ និងការតភ្ជាប់ជើងហោះហើរ នឹងកើនឡើងកាន់តែច្រើន។ឯកឧត្តម ថ្លែងថា ជុំវិញការបើកជើងហោះហើរនេះ រាជរដ្ឋាភិបាលក្រោមចក្ខុវិស័យរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី សម្តេចតេជោ បានយកចិត្តទុកដាក់យ៉ាងខ្លាំង ជាក់ស្តែងព្រលានយន្តហោះ ដែលទើបកើតឡើងចំនួន ២ គឺជាសមិទ្ធផលថ្មី ប្រកបដោយស្តង់ដារខ្ពស់ដែលអាចធ្វើឲ្យជើងយន្តហោះធំៗចុះចតបាន ដែលតាមរយៈនេះ ឯកឧត្តម រំពឹងថា នៅថ្ងៃខាងមុខ បន្ទាប់ពីបើកឲ្យដំណើរព្រលានទាំងពីរនេះ កម្ពុជានឹងទទួលបានជើងហោះថ្មីៗបន្ថែមទៀត៕អត្ថបទ៖ សុន រ៉ាឌី

គយប្រមូលចំណូលបានជាង ២ពាន់លានដុល្លារ ក្នុងរយៈពេល៩ខែ ឆ្នាំ២០២២នេះ

ភ្នំពេញ៖ អគ្គនាយកដ្ឋានគយ និងរដ្ឋាករប្រមូលចំណូលបានចំនួន ៨ ២៥៨,៧ ប៊ីលានរៀល ស្មើនឹង ២ ០២៦,៨ លានដុល្លារអាមេរិក ដែលតួលេខនេះត្រូវជាប្រមាណ ៧៨,៨% នៃផែនការកំណត់ដោយច្បាប់ស្ដីពីហិរញ្ញវត្ថុសម្រាប់ការគ្រប់គ្រងឆ្នាំ២០២២។របាយការណ៍ចំណូលពន្ធគយត្រូវបានបង្ហាញ ក្នុងកិច្ចប្រជុំបូកសរុបលទ្ធផលការងារគយ និងរដ្ឋាកររយៈពេល ៩ខែឆ្នាំ២០២២ ក្រោមអធិបតីភាពរបស់ឯកឧត្តមបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា ថ្ងៃទី១២ ខែតុលា ឆ្នាំ២០២២។កិច្ចប្រជុំនេះ មានការចូលរួមរបស់លោក-លោកស្រីអគ្គនាយករង លោកនាយកសាលាជាតិគយ ប្រធាននាយកដ្ឋាន លោក លោកស្រីប្រធាន អនុប្រធានអង្គភាពគយនិងរដ្ឋាករក្រោមឱវាទ និងមន្ត្រីជំនាញមួយចំនួន។ក្នុងរយៈពេល ៩ខែ ឆ្នាំ២០២២ នេះគយនិងរដ្ឋាករប្រមូលចំណូលបានចំនួន ៨ ២៥៨,៧ ប៊ីលានរៀល ស្មើនឹង ២ ០២៦,៨ លានដុល្លារអាមេរិក ដែលតួលេខនេះត្រូវជាប្រមាណ ៧៨,៨% នៃផែនការកំណត់ដោយច្បាប់ស្ដីពីហិរញ្ញវត្ថុសម្រាប់ការគ្រប់គ្រងឆ្នាំ២០២២។បើប្រៀបធៀបនឹងរយៈពេលដូចគ្នាក្នុងឆ្នាំ២០២១ លទ្ធផលចំណូលនេះកើនឡើង ១ ៣៧៧,៣ ប៊ីលានរៀលដែលត្រូវជាប្រមាណ ២០%។ ផ្អែកតាមចំណូលតាមប្រភេទពន្ធនិងអាករ ចំណូលអាករពិសេស រួមចំណែក ៣៨,១% នៃចំណូលសរុប) ចំណូលអាករលើតម្លៃបន្ថែម ៣៧,៦% នៃចំណូលសរុប) និងចំណូលពន្ធគយ១៨,៩% នៃចំណូលសរុប)។ចំពោះចំណូលតាមក្រុមទំនិញ ឃើញថា យានយន្តនិងគ្រឿងចក្រមានចំនួន ៣ ៨៨៩,៦ ប៊ីលានរៀល (ត្រូវជា ៤៧,១% នៃចំណូលសរុប), ទំនិញចម្រុះមានចំនួន ២ ២០៦,៩ ប៊ីលានរៀល (ត្រូវជា ២៦,៧% នៃចំណូលសរុប), ផលិតផលតេលសិលាមានចំនួន ១ ៦៨៣,៦ ប៊ីលានរៀល (ត្រូវជា ២០,៤% នៃចំណូលសរុប), និងសម្ភារសំណង់និងកម្រៃផ្សេងៗមានចំនួន ៤៧៨,៥ ប៊ីលានរៀល (ត្រូវជា ៥,៨% នៃចំណូលសរុប)៕ អត្ថបទ៖ សុន រ៉ាឌី

ក្រសួងពាណិជ្ជកម្មពិភាក្សា លើនីតិវិធីនៃការត្រួតពិនិត្យនិងការស៊ើបអង្កេត ក្រោមច្បាប់ស្តីពីការប្រកួតប្រជែង

ភ្នំពេញ៖ ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម និងជាប្រធានគណៈកម្មាធិការប្រកួតប្រជែងកម្ពុជា «គ.ប.ក.» កាលពីថ្ងៃទី១១ ខែតុលា ឆ្នាំ២០២២ បានដឹកនាំកិច្ចប្រជុំលើកទី២ របស់គណៈកម្មាធិការប្រកួតប្រជែងកម្ពុជា ដើម្បីពិនិត្យ ពិភាក្សា និងអនុម័ត លើរបៀបវារៈសំខាន់ៗចំនួន៣ បន្ថែមទៀត ដើម្បីផ្តល់ធាតុចូលសំខាន់ៗលើឯកសារទាំងនេះ ដើម្បីធានាឱ្យមានលក្ខណៈគ្រប់ជ្រុងជ្រោយ និងសមស្របតាមលិខិតបទដ្ឋានគតិយុត្តជាធរមាន។ យោងតាមក្រសួងពាណិជ្ជកម្ម របៀបវារៈសំខាន់ៗចំនួន៣រួមមាន៖ ១.សេចក្តីព្រាងផែនការសកម្មភាពរបស់គណៈកម្មាធិការប្រកួតប្រជែងកម្ពុជា ឆ្នាំ២០២២-២០២៧ ២.) សេចក្តីព្រាងប្រកាសស្តីពីបែបបទ និងនីតិវិធីនៃការត្រួតពិនិត្យនិងការស៊ើបអង្កេត ក្រោមច្បាប់ស្តីពីការប្រកួតប្រជែងនិង៣.សេចក្តីព្រាងប្រកាសស្តីពីលក្ខខណ្ឌនិងនីតិវិធីនៃការដោះស្រាយតាមការចរចាចំពោះបទល្មើស ក្រោមច្បាប់ស្តីពីការប្រកួតប្រជែង។នៅក្នុងកិច្ចប្រជុំនេះ ឯកឧត្តមរដ្ឋមន្រ្តី បានមានប្រសាសន៍ថា សមិទ្ធផលសំខាន់ៗក្រោមកិច្ចប្រឹងប្រែងរួមគ្នាជាមួយនឹង អគ្គនាយកដ្ឋាន ក.ប.ប. គឺបានសម្រេចជាផ្លែផ្កាជាច្រើននិងល្អប្រសើរ ជាពិសេសការដាក់សម្ពោធឱ្យចាប់ផ្តើមនូវការចរចាសម្រាប់កិច្ចព្រមព្រៀងក្របខណ្ឌអាស៊ាន ស្តីពីការប្រកួតប្រជែង (AFAC – ASEAN Framework Agreement on Competition Negotiation) ដែលកិច្ចព្រមព្រៀងនេះ នឹងក្លាយជាកិច្ចព្រមព្រៀងថ្នាក់តំបន់ ក្នុងការជួយសម្រួលដល់កិច្ចសហប្រតិបត្តិការអន្តរជាតិ និងការសម្របសម្រួលលើគោលនយោបាយនិងច្បាប់ស្តីពីការប្រកួតប្រជែង ក្នុងចំណោមសមាជិកអាស៊ានទាំងអស់ ក្នុងកិច្ចប្រជុំរដ្ឋមន្ត្រីសេដ្ឋកិច្ចអាស៊ាន លើកទី៥៤។អង្គប្រជុំបានឯកភាពជារួមលើខ្លឹមសារនៃឯកសារទាំង៣នេះ ព្រមទាំងឯកភាពក្នុងការទទួលធាតុចូលបន្ថែមលើឯកសារទាំងនេះ ពីសមាជិកទាំងអស់ ត្រឹមថ្ងៃទី១៩ ខែតុលា ឆ្នាំ២០២២ តាមរយៈការបញ្ជូនធាតុចូលទាំងនោះមក លេខាធិការដ្ឋាន ក្នុងការសម្របសម្រួលនិងកែសម្រួល ដើម្បីដាក់ជូន ឯកឧត្តមប្រធាន គ.ប.ក. ចុះហត្ថលេខា៕អត្ថបទ៖ឈិត បូរ៉ាវី

ពន្ធដារប្រមូលពន្ធគ្រប់ប្រភេទកើនឡើងជិត ២ ៧០០ លានដុល្លាររយៈពេល ៩ខែ

ភ្នំពេញ៖ អគ្គនាយកដ្ឋានពន្ធដារ ប្រមូលចំណូលពន្ធអាករគ្រប់ប្រភេទ តាមប្រព័ន្ធគ្រប់គ្រងទិន្នន័យអនឡាញ អនុវត្តបានចំនួនជិត ១១ ពាន់ប៊ីលានរៀល ត្រូវប្រមាណជាង ២ ៦៩៣ លានដុល្លារ ក្នុងរយៈពេល៩ខែឆ្នាំ២០២២ កើនឡើង ២៧ ភាគរយ ធៀបនឹងរយៈពេលដូចគ្នាកាលពីឆ្នាំមុន។អគ្គនាយកដ្ឋានពន្ធដារ បានបង្ហាញរបាយការណ៍ ក្នុងកិច្ចប្រជុំបូកសរុបលទ្ធផលប្រមូលចំណូលពន្ធប្រចាំ ខែកញ្ញា និងសម្រាប់រយៈពេល ៩ខែ ឆ្នាំ ២០២២ ព្រមទាំងទិសដៅសម្រាប់អនុវត្តបន្ត នៅថ្ងៃទី ១១ ខែតុលា ឆ្នាំ ២០២២។លទ្ធផលនៃការគ្រប់គ្រងប្រមូលចំណូលពន្ធ ក្នុងខែកញ្ញា ឆ្នាំ២០២២ នេះ ចំណូលពន្ធអាករគ្រប់ប្រភេទ ដែលអគ្គនាយកដ្ឋានពន្ធដារប្រមូលបានជាក់ស្ដែង តាមប្រព័ន្ធគ្រប់គ្រងទិន្នន័យចំណូលអនឡាញ បានចំនួនជាង ១ ពាន់ប៊ីលានរៀល ត្រូវប្រមាណជាង ២៥៤ លានដុល្លារ ស្មើ ៩ ភាគរយ នៃផែនការច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ ២០២២, ប្រៀបធៀបនឹងចំណូលពន្ធ-អាករប្រចាំខែ កញ្ញា ឆ្នាំ២០២១ ឃើញថាកើនឡើងជាង ២១២ ប៊ីលានរៀល ត្រូវជាង ៥២ លានដុល្លារ ស្មើជិត ២៦ ភាគរយ។ចំណែកសរុបការប្រមូលចំណូលក្នុងរយៈពេល ៩ខែ ឆ្នាំ២០២២ ចំណូលពន្ធ-អាករ ដែលអគ្គនាយកដ្ឋានពន្ធដារប្រមូលបានជាក់ស្តែងតាមប្រព័ន្ធគ្រប់គ្រងទិន្នន័យចំណូលអនឡាញ មានចំនួន ១០ ៩០៨ ប៊ីលានរៀល ត្រូវប្រមាណជាង ២ ៦៩៣ លានដុល្លារ ស្មើជាង ៩៥ ភាគរយ នៃផែនការច្បាប់ស្តីពីហិរញ្ញវត្ថុប្រចាំឆ្នាំ២០២២ បើធៀបនឹងចំណូលពន្ធ-អាករ ក្នុងរយៈពេលដូចគ្នា ឆ្នាំ២០២១ ឃើញថា កើនឡើងជាង ២ ៣៥១ ប៊ីលានរៀល ត្រូវប្រមាណជាង ៥៨០ លានដុល្លារស្មើជាង ២៧ ភាគរយ។ដើម្បីធានាបាននូវប្រសិទ្ធភាព ក្នុងការអនុវត្តការគ្រប់គ្រងប្រមូលចំណូលពន្ធបានគ្រប់តាមផែនការច្បាប់ហិរញ្ញវត្ថុសម្រាប់ការគ្រប់គ្រង ក្នុងចំនួនជាង ១១ ៤១៩ ប៊ីលានរៀល ត្រូវជាង ២ ៨១៩ លានដុល្លារ, អគ្គនាយកដ្ឋានពន្ធដារ នឹងបន្តពង្រឹងការអនុវត្តនូវវិធានការគោលនយោបាយ និងរដ្ឋបាលសារពើពន្ធ ដែលរួមមានវិធានការសំខាន់ៗមួយចំនួន ៕ អត្ថបទ៖ សុន រ៉ាឌី

កម្ពុជានិងដៃគូពាក់ព័ន្ធ រួមគ្នាជំរុញការនាំចេញវិស័យកាត់ដេរឲ្យកាន់តែប្រសើរបន្ថែមទៀត

ភ្នំពេញ៖ រាជរដ្ឋាភិបាលកម្ពុជា សមាគមរោងចក្រកាត់ដេរនៅកម្ពុជា (GMAC) និងអង្គការអន្តរជាតិខាងការងារ (ILO) បានបន្តចុះហត្ថលេខាលើអនុស្សរណៈនៃការយោគយល់រយៈពេល ៥ឆ្នាំបន្ថែមទៀត ដើម្បីអនុវត្តគម្រោងរោងចក្រកាន់តែប្រសើរនៅកម្ពុជា សំដៅជំរុញការនាំចេញវិស័យឧស្សាហកម្មកាត់ដេរនៅកម្ពុជាកាន់តែប្រសើរថែមទៀត។ពិធីចុះហត្ថលេខាលើអនុស្សរណៈនៃការយោគយល់គ្នា ស្តីពីគម្រោងរោងចក្រកាន់តែប្រសើរនៅកម្ពុជា សម្រាប់ឆ្នាំ ២០២៣-២០២៧ បានប្រារព្ធធ្វើឡើង នៅថ្ងៃទី១០ ខែតុលា រវាងឯកឧត្តមបណ្ឌិត អ៊ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ, ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម, លោកឧកញ៉ា គង់ សាង ប្រធានសមាគមរោងចក្រកាត់ដេរនៅកម្ពុជា និងលោក Graeme Buckley នាយកការិយាល័យអង្គការអន្តរជាតិខាងការងារប្រចាំប្រទេសថៃ កម្ពុជា ឡាវ កាលពីរសៀលថ្ងៃទី១០ ខែតុលា ឆ្នាំ២០២២ នៅរាជធានីភ្នំពេញ។ឯកឧត្តមបណ្ឌិត អ៊ិត សំហេង បានមានប្រសាសន៍ថា គម្រោងរោងចក្រកាន់តែប្រសើរនៅកម្ពុជា ពិតជាបានចូលរួមចំណែកយ៉ាងសំខាន់ក្នុងការជំរុញការនាំចេញក្នុងឧស្សាហកម្មកាត់ដេររបស់កម្ពុជា ដែលជាផ្នែកមួយក្នុងការជំរុញកំណើនសេដ្ឋកិច្ចជាតិ។ ឯកឧត្តម បន្តថា កម្មករនិយោជិត និងនិយោជកនៃរោងចក្រកាត់ដេរ ដែលធ្វើការនាំចេញផលិតផលទៅក្រៅប្រទេសបានទទួលនូវអត្ថប្រយោជន៍ជាច្រើនអំពីការអនុវត្តគម្រោងនេះ ដោយអាចរក្សាបាននូវការងារ ដែលមានលក្ខខណ្ឌល្អប្រសើរ និងទទួលប្រាក់ចំណេញអាជីវកម្ម តាមរយៈការទទួលបានការបញ្ជាទិញពីអ្នកបញ្ជាទិញអន្តរជាតិ ដែលមានកំណើនជាប្រចាំជាមួយនឹងអនុលោមភាពតាមច្បាប់មានកម្រិតខ្ពស់។នៅក្នុងពិធីនេះ ភាគីអង្គការអន្តរជាតិខាងការងារ បានលើកឡើងថា ក្នុងរយៈពេល ២០ឆ្នាំចុងក្រោយនេះឃើញថា ការអនុលោមតាមច្បាប់ជារួមនៅក្នុងប្រទេសកម្ពុជាមានភាពប្រសើរឡើងមួយផ្នែកដោយសារការរាយការណ៍ប្រកបដោយតម្លាភាពរបស់ គម្រោងរោងចក្រកាន់តែប្រសើរនៅកម្ពុជា លើបញ្ហាសំខាន់ៗ។ គម្រោងរោងចក្រកាន់តែប្រសើរនៅកម្ពុជា នឹងបន្តដើរតួជាអ្នកសម្របសម្រួលនៃភាគីពាក់ព័ន្ធក្នុងឧស្សាហកម្ម រួមទាំងអ្នកទិញអន្តរជាតិ ដែលដើរតួយ៉ាងសំខាន់ផងដែរក្នុងការកែលម្អវិស័យនេះ តាមរយៈការអនុវត្តអាជីវកម្មប្រកបដោយការទទួលខុសត្រូវរបស់ពួកគេ៕អត្ថបទ៖ ឈិត បូរ៉ាវី

ក្រុមហ៊ុននាំចេញអង្ករសរីរាង្គធំៗចំនួន២ បានចុះកិច្ចសន្យាបញ្ជាទិញស្រូវសរីរាង្គពីសហគមន៍កសិកម្មចំនួន១០ នៃខេត្តព្រះវិហារ

ព្រះវិហារ៖ ក្រុមហ៊ុនស៊ីកនេតឈ័រ អហ្វអេស៊ា និងក្រុមហ៊ុនហ្គោលដិនរ៉ាយស៍ ដែលជាក្រុមហ៊ុនកែច្នៃនាំចេញអង្ករទៅទីផ្សារអន្ដរជាតិ មានផែនការទិញស្រូវសរីរាង្គ ឱ្យបានចំនួន ២៥០០តោន ក្នុងឆ្នាំ២០២២នេះ ពីសហគមន៍ចំនួន១០ ក្នុងខេត្តព្រះវិហារ តាមរយៈការធ្វើផលិតកម្មកសិកម្ម តាមកិច្ចសន្យា។ ការចុះកិច្ចសន្យាទិញ-លក់ស្រូវសរីរាង្គ រវាងក្រុមហ៊ុនបញ្ជាទិញ និងសហគមន៍ កសិករក្នុងខេត្តព្រះវិហារនេះ ត្រូវបានធ្វើឡើង នាថ្ងៃទី១០ ខែតុលា ឆ្នាំ២០២២ ម្សិលមិញនេះ នៅមន្ទីរកសិកម្ម រុក្ខាប្រមាញ់ និងនេសាទខេត្ត ក្រោមអធិបតីភាព ឯកឧត្តម គីម រិទ្ធី អភិបាលនៃគណៈអភិបាល ខេត្តព្រះវិហារ។ក្នុងនោះដែរប្រធានមន្ទីរកសិកម្ម រុក្ខាប្រមាញ់ និងនេសាទខេត្តលោក ពឹង ទ្រីដា បានឱ្យដឹងថា ការ អនុវត្តន៍ផលិតកម្មកសិកម្មតាមកិច្ចសន្យា លើកសិផលសរីរាង្គក្នុងឆ្នាំ២០២២នេះ សរុបជិត ៨ម៉ឺនតោន ក្នុងនោះមានស្រូវសរីរាង្គ ១៥,៣៥០តោន, ដំឡូងមីសរីរាង្គ ៥៥,០០០តោន ស្វាយ ចន្ទីសរីរាង្គ ៥០០តោន និងសណ្ដែកដីសរីរាង្គ ៣០តោន ដែលធ្វើឡើងរវាងសហគមន៍កសិកម្ម ចំនួន ៣២ក្នុងខេត្តព្រះវិហារ និងក្រុមហ៊ុនដៃគូរសហការទាំងអស់។ លោក បន្ថែមថាសម្រាប់ ក្រុមហ៊ុនចំនួន២នាពេលនេះផ្ទាល់ បានបន្ដកិច្ចសន្យាបញ្ជាទិញ ស្រូវសរីរាង្គពីសហគមន៍ កសិកម្ម១០ ដែលមានអ្នកផលិត ១,៥១៤គ្រួសារ លើកសិផលសរីរាង្គសរុប ២,៥០០តោន។ជាមួយនោះដែរលោកស្រី សៅ សុនិតា អគ្គនាយករង ក្រុមហ៊ុនហ្គោលដិនរ៉ាយស៍ ដែលជាក្រុមហ៊ុននាំ ចេញអង្ករសរីរាង្គទៅទីផ្សារអន្ដរជាតិ បានបញ្ជាក់ថា នេះជាឆ្នាំទី៤ហើយ ដែលក្រុមហ៊ុនបាន ចាប់ដៃគូរសហការជាមួយកសិករខេត្តព្រះវិហារ ក្នុងការបញ្ជាទិញស្រូវសរីរាង្គសម្រាប់កែច្នៃនាំ ចេញទៅទីផ្សារអន្ដរជាតិ ដែលក្នុងនោះមានទាំងទីផ្សារក្នុងប្រទេសអាស៊ី ទីផ្សារអឺរ៉ុប និងអាមេរិកជាដើម។ ពោលគឺនៅឆ្នាំទី១ ក្រុមហ៊ុនបានចុះកិច្ចសន្យាទិញក្នុងបរិមាណ ៤,០០០តោន, ឆ្នាំទី២ ចំនួន ៣៥០០តោន ឆ្នាំទី៣ ១៥០០តោន និងឆ្នាំទី៤នេះ ក្រុមហ៊ុននៅតែបន្ដបញ្ជាទិញក្នុងបរិមាណមិនប្រប្រួល ក្នុង១៥០០តោនដដែល ហើយសម្រាប់ឆ្នាំ២០២៣ខាងមុខ ក្រុមហ៊ុនមាន ផែនការថានឹងពង្រីកបរិមាណឱ្យបានកាន់តែខ្ពស់ជាងនេះបន្ថែមទៀត។ក្នុងឱកាសនោះឯកឧត្តម គីម រិទ្ធី អភិបាលនៃគណៈអភិបាលខេត្តព្រះវិហារ បានធ្វើការវាយតម្លៃខ្ពស់ ចំពោះកិច្ចខិតខំប្រឹងប្រែងសហការគ្នាបានយ៉ាងល្អ ពីគ្រប់ភាគីពាក់ព័ន្ធ ដោយមានការសម្របសម្រួលពីមន្ទីរកសិកម្ម រហូតឈានដល់ការសម្រេចបានជាបន្ដបន្ទាប់នូវកិច្ចសន្យាមួយដែល អាចចាត់ទុកថាជាខ្សែបន្ទាត់ ឬជានិតិវិធីសម្រាប់ឲ្យភាគីអ្នកផលិត និងអ្នកបញ្ជាទិញដើរព្រម គ្នាឆ្ពោះទៅទិសដៅមួយយ៉ាងជាក់លាក់ ពិតប្រាកដ តម្លាភាព សច្ចភាព និងជំនឿទុកចិត្តគ្នា ដោយឈរលើគោលការណ៍សំខាន់ ៣គឺ៖ ធានាបាននូវបរិមាណផ្គត់ផ្គង់ប្រកបដោយនិរន្តរភាព គុណភាពផលិតផល ធានាបាននូវតម្លៃ សាមគ្គីភាព កិច្ចសហការ ជំនឿទុកចិត្ត និងផ្ដល់ផល ប្រយោជន៍ឱ្យគ្នាទៅវិញទៅមក ដោយសេចក្ដីរំពឹងទុកសម្រាប់ពេលអនាគត វិស័យកសិកម្ម នៅ ក្នុងខេត្តព្រះវិហារ នឹងក្លាយជាកសិកម្មបែបសរីរាង្គចាប់ពីមូលដ្ឋាន រហូតដល់ទីផ្សារចរាចរ ផលិតផល៕អត្ថបទ៖ សាវី

កម្ពុជានាំចេញទំនិញក្រោមប្រព័ន្ធអនុគ្រោះពាណិជ្ជកម្មទៅបរទេសកើនជាង ២៤ភាគរយ រយៈពេល៩ខែ

ភ្នំពេញ៖ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានបញ្ជាក់ថា គិតក្នុងរយៈពេល ៩ខែ ឆ្នាំ២០២២ កម្ពុជាបាននាំចេញទំនិញក្រោមប្រព័ន្ធអនុគ្រោះពាណិជ្ជកម្មទៅកាន់ទីផ្សារបរទេសមានទំហំទឹកប្រាក់សរុបជាង ១៧ពាន់លានដុល្លារអាម៉េរិក កើនជាង ២៤ភាគរយ ប្រៀបធៀបនឹងរយៈពេលដូចគ្នា នៅឆ្នាំ២០២១កន្លងទៅ។នៅក្នុងពិធីចុះហត្ថលេខាលើអនុស្សារណៈនៃការយោគយល់គ្នាស្តីពី កម្មវិធីគម្រោងរោងចក្រកាន់តែប្រសើរនៅកម្ពុជា សម្រាប់ឆ្នាំ២០២៣-២០២៧ កាលពីរសៀលថ្ងៃទី១០ ខែតុលាកន្លងទៅនេះ នៅរាជធានីភ្នំពេញ ឯកឧត្តមរដ្ឋមន្រ្តីពាណិជ្ជកម្ម មានប្រសាសន៍ថា ការនាំចេញរបស់កម្ពុជាក្រោមប្រព័ន្ធអនុគ្រោះពាណិជ្ជកម្មទៅបរទេសនៅឆ្នាំ២០០១ មានត្រឹមតែជាង ១ ១៨០លានដុល្លារ ចំនួននេះ មានការកើនឡើងដល់ជាង ១៩ពាន់លានដុល្លារអាមេរិក នៅឆ្នាំ២០២១ ក្នុងនោះការនាំចេញសំលៀកបំពាក់វាយនភណ្ឌ មានទឹកប្រាក់ចំនួនជាង ៦ ៧០០លានដុល្លារអាមេរិក និងការនាំចេញផលិតផលធ្វើដំណើរ និងកាបូប មានទឹកប្រាក់ចំនួនជាង ១ ១៨០លានដុល្លារអាមេរិក។ឯកឧត្តមរដ្ឋមន្រ្តី បានលើកឡើងបន្តថា ក្នុងរយៈពេល៩ខែ ឆ្នាំ២០២២នេះ ការនាំចេញរបស់កម្ពុជាក្រោមប្រព័ន្ធអនុគ្រោះពាណិជ្ជកម្មទៅបរទេសមានទំហំទឹកប្រាក់ជាង ១៧ ៥០០ លានដុល្លារអាមេរិក កើនឡើងជាង ២៤ភាគរយ បើធៀបទៅនឹងរយៈពេល៩ខែដូចគ្នា ឆ្នាំ២០២១ ក្នុងនោះការនាំចេញសំលៀកបំពាក់វាយនភណ្ឌ កើនឡើងជាង ២៣ភាគរយ និងការនាំចេញផលិតផលធ្វើដំណើរ និងកាបូបមានការកើនឡើងជាង ៣៦ភាគរយ។ឯកឧត្តម ប៉ាន សូរស័ក្តិ បានបញ្ជាក់បន្ថែមថា ក្រសួងពាណិជ្ជកម្ម ក្នុងនាមជាសេនាធិការមួយរបស់រដ្ឋាភិបាលកម្ពុជា បានខិតខំប្រឹងប្រែងដោយស្មារតីទទួលខុសត្រូវខ្ពស់ និងបន្តធ្វើសមាហរណកម្មសេដ្ឋកិច្ចនៅក្នុងតំបន់ និងពិភពលោក ជាពិសេសតាមរយៈការចចារពាណិជ្ជកម្មសេរីពហុភាគី ទ្វេរភាគី និងប្រទេសជាដៃគូផ្សេងៗទៀត។ ចុងក្រោយនេះ ក្រសួងពាណិជ្ជកម្មសម្រេចបាននូវកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) កិច្ចព្រមព្រៀងពាណិជ្ជកម្មសេរីកម្ពុជា-ចិន និងកិច្ចព្រមព្រៀងពាណិជ្ជកម្មសេរីរវាងកម្ពុជា-កូរ៉េ៕អត្ថបទ៖ឈិត បូរ៉ាវី

បណ្ដាញសង្គម

ព័ត៌មានថ្មីៗ

អនុរដ្ឋមន្ត្រីការបរទេសសហរដ្ឋអាម៉េរិក៖ អាម៉េរិកកំពុងស្វែងរកកាលានុវត្តភាពផ្នែកពាណិជ្ជកម្ម និងសេដ្ឋកិច្ច បន្ថែមទៀត ដើម្បីបន្តពង្រឹង និងពង្រីកភាពជាដៃគូសេដ្ឋកិច្ចជាមួយកម្ពុជា

អាមេរិកកំពុងចរចាជាមួយឥណ្ឌា រឿងនាំចេញប្រេងវេណេស៊ុយអេឡាទៅកាន់ទីនោះ

ការរកឃើញផ្លូវរូងក្រោមដីសម្ងាត់ផ្តល់ពន្លឺពីទីផ្សារប្រេងងងឹងរបស់ម៉ិកស៊ិក

វិចិត្រករខ្មែរនិងបរទេសគូរផ្ទាំងគំនូរបង្ហាញពីសោកនាដកម្មដោយសារសង្គ្រាមព្រំដែនកម្ពុជា-ថៃ

ទីក្រុងគីវ៖ គម្រោងផែនការសម្លាប់មន្ត្រីជាន់ខ្ពស់រៀបចំដោយរុស្ស៊ី ត្រូវបានបំផ្លាញ

លោក Trumpបញ្ជាឲ្យទីភ្នាក់ងារកំណត់អត្តសញ្ញាណ និងបញ្ចេញឯកសាររដ្ឋាភិបាលស្តីពីមនុស្សពិភពផ្កាយ

រដ្ឋមន្ត្រីការបរទេសអង់គ្លេស នឹងជួបលោក Rubio អំឡុងភាពតានតឹង ជុំវិញមូលដ្ឋានទ័ពអាកាសរួមគ្នា

មនុស្ស ៨នាក់ ត្រូវបានបារម្ភថា ស្លាប់ ក្រោយរថយន្តក្រុងដឹកអ្នកទេសចរចិនលិចក្នុងបឹង នៅរុស្ស៊ី

UNលម្អិតករណីប្រហារជីវិតស្រ្តីនៅស៊ូដង់ និងជំរុញឲ្យមានវិធានការបន្ទាន់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

គយពន្យាពេលបង់ពន្ធ និងអាករលើរថយន្តចង្កូតស្ដាំគ្មានពន្ធមានស្រាប់ ក្នុងប្រទេសដល់ចុងខែធ្នូ

កម្ពុជានាំចេញផលិតផលកាត់ដេរមានតម្លៃ ១០.២៥ ពាន់លានដុល្លារ ក្នុងរយៈពេល៩ខែ

រដ្ឋាភិបាលកម្ពុជា ត្រៀមអន្តរាគមន៍ជួយកម្មករនិយោជិតក្នុងករណីបិទរោងចក្រ ឬព្យួរការងារ

ជើងហោះហើរជាច្រើន បាននិងកំពុងតភ្ជាប់មកកាន់កម្ពុជាឡើងវិញ ខណៈចំនួនអ្នកធ្វើដំណើរហក់ឡើងខ្ពស់

គយប្រមូលចំណូលបានជាង ២ពាន់លានដុល្លារ ក្នុងរយៈពេល៩ខែ ឆ្នាំ២០២២នេះ

ពន្ធដារប្រមូលពន្ធគ្រប់ប្រភេទកើនឡើងជិត ២ ៧០០ លានដុល្លាររយៈពេល ៩ខែ

កម្ពុជានិងដៃគូពាក់ព័ន្ធ រួមគ្នាជំរុញការនាំចេញវិស័យកាត់ដេរឲ្យកាន់តែប្រសើរបន្ថែមទៀត

កម្ពុជានាំចេញទំនិញក្រោមប្រព័ន្ធអនុគ្រោះពាណិជ្ជកម្មទៅបរទេសកើនជាង ២៤ភាគរយ រយៈពេល៩ខែ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

គយពន្យាពេលបង់ពន្ធ និងអាករលើរថយន្តចង្កូតស្ដាំគ្មានពន្ធមានស្រាប់ ក្នុងប្រទេសដល់ចុងខែធ្នូ

កម្ពុជានាំចេញផលិតផលកាត់ដេរ​មានតម្លៃ ១០.២៥ ពាន់លានដុល្លារ ក្នុងរយៈពេល៩ខែ

រដ្ឋាភិបាលកម្ពុជា ត្រៀមអន្តរាគមន៍ជួយកម្មករនិយោជិតក្នុងករណីបិទរោងចក្រ ឬព្យួរការងារ

ជើងហោះហើរជាច្រើន បាននិងកំពុងតភ្ជាប់មកកាន់កម្ពុជាឡើងវិញ ខណៈចំនួនអ្នកធ្វើដំណើរហក់ឡើងខ្ពស់

គយប្រមូលចំណូលបានជាង ២ពាន់លានដុល្លារ ក្នុងរយៈពេល៩ខែ ឆ្នាំ២០២២នេះ

ពន្ធដារប្រមូលពន្ធគ្រប់ប្រភេទកើនឡើងជិត ២ ៧០០ លានដុល្លាររយៈពេល ៩ខែ

កម្ពុជានិងដៃគូពាក់ព័ន្ធ រួមគ្នាជំរុញការនាំចេញវិស័យកាត់ដេរឲ្យកាន់តែប្រសើរបន្ថែមទៀត

កម្ពុជានាំចេញទំនិញក្រោមប្រព័ន្ធអនុគ្រោះពាណិជ្ជកម្មទៅបរទេសកើនជាង ២៤ភាគរយ រយៈពេល៩ខែ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្ពុជានាំចេញផលិតផលកាត់ដេរមានតម្លៃ ១០.២៥ ពាន់លានដុល្លារ ក្នុងរយៈពេល៩ខែ