BTV NEWS

ទំហំពាណិជ្ជកម្មរវាងកម្ពុជាជាមួយប្រទេសដៃគូ RCEP មានទំហំទឹកប្រាក់ជាង ៣,៧៦ ពាន់លានដុល្លារកើនជិត ១៥ភាគរយក្នុងខែមករាឆ្នាំនេះ

ក្នុងខែមករាឆ្នាំនេះ ប្រទេសអាស៊ានចំនួន៥ ស្រូបយកទំនិញពីកម្ពុជា មានទឹកប្រាក់សរុបជាង ៤៣៣លានដុល្លារ

ឧស្សាហកម្មកៅស៊ូកម្ពុជា រីកចម្រើនលឿននាំឱ្យតម្រូវការផ្គត់ផ្គងកៅស៊ូក្នុងស្រុកកើនឡើងខ្ពស់ចន្លោះពី ២០ទៅ២៥ម៉ឺនតោនក្នុងមួយឆ្នាំ

ខែមករាឆ្នាំនេះ កម្ពុជានាំទំនិញទៅចិនមានទឹកប្រាក់ជាង ១៦៤លានដុល្លារ កើនជាង ៥៩ភាគរយ

សេដ្ឋកិច្ច និង កសិកម្ម

ក្រសួងពាណិជ្ជកម្ម បន្ថែមពេលបីថ្ងៃទៀត សម្រាប់ការចុះញ្ជីពាណិជ្ជកម្មតាមប្រព័ន្ធអេឡិចត្រូនិក

ភ្នំពេញ៖ ក្រសួងពាណិជ្ជកម្ម សម្រេចពន្យារកាលបរិច្ឆេទការផាកពិន័យ ចំពោះការដាក់ពាក្យស្នើសុំលិខិតអនុញ្ញាត ឬអាជ្ញាប័ណ្ណពាណិជ្ជកម្មតាមប្រព័ន្ធអេឡិចត្រូនិក រហូតដល់ថ្ងៃទី៣ ខែកក្កដា ដើម្បីផ្តល់ពេលវេលាដល់ក្រុមហ៊ុន និងអាជីវកម្ម មកស្នើសុំចុះបញ្ជី ឬលិខិតអនុញ្ញាតអាជីវកម្ម និងពាណិជ្ជកម្មតាមប្រព័ន្ធអេឡិចត្រូនិក។យោងតាមសេចក្តីជូនដំណឹងស្ដីពី ការពន្យារពេលការផាកពិន័យចំពោះការដាក់ពាក្យស្នើសុំលិខិតអនុញ្ញាត ឬអាជ្ញាប័ណ្ណពាណិជ្ជកម្មតាមប្រព័ន្ធអេឡិចត្រូនិក ចុះថ្ងៃទី៣០ ខែមិថុនា ក្រសួងពាណិជ្ជកម្ម បានលើកឡើងថា ដោយសង្កេតឃើញថា អាជីវករ សហគ្រាសឯកបុគ្គល និងក្រុមហ៊ុនជាច្រើនលើសលប់ បានមកក្រសួងពាណិជ្ជកម្ម ដើម្បីដាក់ពាក់ស្នើសុំលិខិតអនុញ្ញាត ឬអាជ្ញាប័ណ្ណពាណិជ្ជកម្មតាមប្រព័ន្ធអេឡិចត្រូនិក ក្រសួងពាណិជ្ជកម្ម សម្រេចពន្យារកាលបរិច្ឆេទការផាកពិន័យ រហូតដល់ថ្ងៃទី៣ ខែកក្កដា ឆ្នាំ២០២២ វេលាម៉ោង ១៧:00 នាទី។រូបវន្តបុគ្គល សហគ្រាសឯកបុគ្គល ឬក្រុមហ៊ុនអាចមកទទួលលេខរៀង ដើម្បីដាក់ពាក្យស្នើសុំនៅនាយកដ្ឋានចុះបញ្ជីពាណិជ្ជកម្ម នៃអគ្គនាយកដ្ឋានសេវាពាណិជ្ជកម្ម ឬនៅមន្ទីរពាណិជ្ជកម្មខេត្តដែលរូបវន្តបុគ្គល សហគ្រាសឯកបុគ្គល ឬក្រុមហ៊ុនតាំងនៅ រៀងរាល់ម៉ោងធ្វើការ ចាប់ពីថ្ងៃជូនដំណឹងនេះតទៅ។ក្រសួងពាណិជ្ជកម្ម បញ្ជាក់ផងដែរថា ចំពោះអាជីវកម្មដែលធ្វើប្រតិបត្តិការពាណិជ្ជកម្មតាមប្រព័ន្ធអេឡិចត្រូនិក ដោយមិនមានការអនុញ្ញាតពីក្រសួងពាណិជ្ជកម្ម អាជីវកម្មនោះនឹងត្រូវទទួលការផាកពិន័យជាប្រាក់ និងអាចមានការផ្តន្ទាទោសដូចមានចែងក្នុងច្បាប់ស្តីពីពាណិជ្ជកម្មតាមប្រព័ន្ធអេឡិចត្រូនិក។ ក្រសួងពាណិជ្ជកម្ម កាលពីខែមីនា ឆ្នាំ២០២២ បានពន្យាពេលម្តង លើការផាកពិន័យចំពោះការយឺតយ៉ាវសម្រាប់ការដាក់ពាក្យស្នើសុំលិខិតអនុញ្ញាត ឬអាជ្ញាប័ណ្ណពាណិជ្ជកម្មតាមប្រព័ន្ធអេឡិចត្រូនិក ដល់ ថ្ងៃទី១ ខែកក្កដា ឆ្នាំ២០២២៕អត្ថបទ៖ ឈិត បូរ៉ាវី

សាំងធម្មតាតម្លៃ ៥.៨០០រៀល/លីត្ររក្សាតម្លៃដដែល និងម៉ាស៊ូត ចុះថ្លៃ១០០រៀល

ភ្នំពេញ៖ ក្រសួងពាណិជ្ជកម្មប្រកាសពីតម្លៃលក់រាយប្រេងឥន្ធនៈតាមស្ថានីយប្រេងនានាទូទាំងប្រទេស ចាប់ពីថ្ងៃទី០១-១០ ខែកក្កដា ឆ្នាំ២០២២ ដោយតម្លៃប្រេងសាំងធម្មតាត្រូវលក់តម្លៃ ៥.៨០០រៀល/លីត្រ(រក្សាតម្លៃដដែល) និងប្រេងម៉ាស៊ូតត្រូវលក់តម្លៃ ៦.២០០រៀល/លីត្រ(ចុះថ្លៃ ១០០រៀល។

អាជីវករច្រើនយ៉ាងកុះករទៅចុះបញ្ជីអាជីវកម្មតាមអនឡាញនៅក្រសួងពាណិជ្ជកម្ម

ភ្នំពេញ៖ នៅសល់តែមួយថ្ងៃទៀតប៉ុណ្ណោះ ការអនុវត្តការផាកពិន័យចំពោះអាជីវកម្មតាមប្រព័ន្ធអេឡិចត្រូនិក (អនឡាញ) ដែលមិនបានចុះបញ្ជីពាណិជ្ជកម្មស្របច្បាប់ជាមួយក្រសួងពាណិជ្ជកម្ម។ ជាមួយនេះបានកត់សម្គាល់ឃើញថា រយៈពេលចុងក្រោយនេះឃើញមានអាជីវករយ៉ាងច្រើនកុះករ នាំគ្នាដាក់ពាក្យស្នើសុំលិខិតអនុញ្ញាត ឬអាជ្ញាប័ណ្ណ ដើម្បីបន្តពាណិជ្ជកម្មដោយស្របច្បាប់។ក្រុមអាជីវករដែលកំពុងរងចាំដាក់ពាក្យស្នើសុំចុះបញ្ជីនៅក្រសួងពាណិជ្ជកម្ម បាននិយាយប្រាប់ទូរទស្សន៍ព័ត៌មាន ប៊ីធីវី កាលពីរសៀលថ្ងៃទី២៩ មិថុនា ឆ្នាំ២០២២នេះថា ព័ត៌មានដែលរដ្ឋតម្រូវឱ្យចុះបញ្ជីនៅក្រសួងពាណិជ្ជកម្មនេះ គឺបានដឹងយូរហើយដែរ ប៉ុន្តែពួកគាត់មិនទាន់បានត្រៀមខ្លួនទេ ព្រោះនៅពេលមានការចុះបញ្ជី រដ្ឋនឹងតម្រូវឱ្យមានការបង់ពន្ធផ្សេងៗ ខណៈការលក់ដូររបស់ពួកគាត់ មិនមានភាពច្បាស់លាស់ ហើយលក់តែពេលណាទំនេរប៉ុណ្ណោះ។ ដោយឡែក ការសម្រេចមកដាក់ពាក្យស្នើរសុំចុះបញ្ជីក្នុងពេលនេះ ពួកគាត់បានលើកឡើងថា ដោយសារចង់បន្តអាជីវកម្មដោយស្របច្បាប់ និងគ្មានបញ្ហាទើសទាល់ផងដែរចំពោះថ្លៃសេវាក្នុងការចុះបញ្ជីនេះ។ឯកឧត្តម ប៉ែន សុវិជាតិ អនុរដ្ឋលេខាធិការ និងជាមន្រ្តីអ្នកនាំពាក្យនៃក្រសួងពាណិជ្ជកម្ម មានប្រសាសន៍ថា ការតម្រូវឲ្យអ្នករកស៊ីតាមប្រព័ន្ធអនឡាញចុះបញ្ជីឈ្មោះនេះ ក្នុងគោលបំណងគ្រប់គ្រងពាណិជ្ជកម្មតាមប្រព័ន្ធអេឡិចត្រូនិក (អនឡាញ) ក្នុងប្រទេសកម្ពុជា និងជាមួយអន្តរជាតិ ក៏ដូចជាដើម្បីបង្កើតភាពប្រាកដប្រជាផ្នែកគតិយុត្តប្រតិបត្តិការពាណិជ្ជកម្ម និងរដ្ឋប្បវេណីតាមប្រព័ន្ធអេឡិចត្រូនិក។ ឯកឧត្តម បានបញ្ជាក់បន្ថែមថា ការតម្រូវនេះដែរ មិនដាច់ខាតទាំងអស់ទេ ក្នុងនោះក៏មានលើកលែងសម្រាប់មុខរបរមួយចំនួនផងដែរ ដូចជាការលក់ទំនិញជាស្នាដៃសិល្បៈ, ការបង្ហាត់បង្រៀនសិស្សតាមប្រព័ន្ធអនឡាញជាឯកជន ឬការបង្ហាត់បង្រៀនជាសិក្ខាសាលា និងការកក់បម្រុងទុកនូវសេវាដែលមិនមានការកក់ប្រាក់ គឺអាចផ្ដល់ព័ត៌មានផ្សេងៗសម្រាប់អតិថិជន ឬអ្នកប្រើប្រាស់របស់អ្នកជាដើម។សូមជម្រាបថា តម្លៃសេវាចុះបញ្ជីពាណិជ្ជកម្មសម្រាប់អ្នករកស៊ីអនឡាញ មានតម្លៃសេវាសាធារណៈត្រឹមតែ ២០ម៉ឺនរៀលប៉ុណ្ណោះ សម្រាប់រូបវន្តបុគ្គល និង៤០ម៉ឺនរៀលសម្រាប់នីតិបុគ្គល ដែលមានសុពលភាពរយៈពេល២ឆ្នាំ។ គិតរហូតមកដល់ពេលនេះ ជាលើកទី៣ហើយ ដែលក្រសួងពាណិជ្ជកម្ម បានសម្រេចពន្យារពេលការផាកពិន័យដល់អ្នកប្រកបអាជីវកម្មតាមប្រព័ន្ធអេឡិចត្រូនិក ក្នុងការដាក់ពាក្យស្នើសុំលិខិតអនុញ្ញាត ឬអាជ្ញាប័ណ្ណពាណិជ្ជកម្មតាមប្រព័ន្ធអេឡិចត្រូនិកទាំងអស់ ដោយកន្លងមកក្រសួងធ្លាប់បានកំណត់ឱ្យមានមុនថ្ងៃទី១ ខែធ្នូ ឆ្នាំ២០២១, លើកទី២ ឱ្យបានមុនថ្ងៃទី១ ខែមីនា ឆ្នាំ ២០២២ និងលើកទី៣ ត្រឹមថ្ងៃទី១ ខែកក្កដា ឆ្នាំ២០២២។សូមបញ្ជាក់ទៀតថា ការអនុវត្តច្បាប់ស្តីពី ពាណិជ្ជកម្មតាមប្រព័ន្ធអេឡិចត្រូនិក បានចាប់ផ្តើមក្នុងឆ្នាំ២០១៩មកម្ល៉េះ៕ អត្ថបទ ឈិត បូរ៉ាវី

ការធ្វើទំនើបកម្មវិស័យកសិកម្ម ជួយកាត់បន្ថយថ្លៃដើមផលិត និងអាចប្រកួតប្រជែងលើទីផ្សារ

ភ្នំពេញ៖ អ្នកជំនាញកសិកម្មចង់ឲ្យប្រជាពលរដ្ឋដាំដុះបន្លែ តាមរយៈការធ្វើទំនើបកម្ម ដោយប្រើផ្ទះសំណាញ់ ដោយអាចធ្វើឲ្យកសិករចំណេញពេលក្នុងការដាំដុះ តម្លៃលក់ចេញខ្ពស់ អាចប្រកួតប្រែងជែង និងដើម្បីកាត់បន្ថយនៃការនាំចូលបន្លែពីក្រៅប្រទេស។លោកឧកញ៉ា ហ៊ុន ឡាក់ អគ្គនាយកក្រុមហ៊ុន Tropicam Fruit and Vegetable លើកឡើងក្នុងសិក្ខាសាលាពិគ្រោះយោបល់ ស្តីពីការតម្រង់ទិសអាទិភាពនយោបាយ សម្រាប់ការស្តារ និងពង្រឹងកិច្ចអភិវឌ្ឍន៍សង្គម សេដ្ឋកិច្ចកម្ពុជា ក្នុងគន្លងប្រក្រតីភាពថ្មីឆ្នាំ ២០២៣ ដោយរៀបចំដោយក្រសួងសេដ្ឋកិច្ច និងហិរញ្ញវត្ថុថា លោកឧកញ៉ាបានរៀបចំសាកល្បង មជ្ឈមណ្ឌលបន្លែសុវត្ថិភាពគំរូនៅ នៅស្ថានីយពិសោធន៍កសិកម្មបន្ទាយដែក ស្របតាមស្តង់ដាការអនុវត្តកសិកម្មល្អ ហៅថា (GAP) ដើម្បីជម្រុញខ្សែសង្វាក់ផលិតកម្មនៃការដាំដុះបន្លែក្នុងស្រុក ដោយប្រើផ្ទះសំណាញ់។ តាមរយៈនៃការដាំដុះរបៀបនេះ បានបង្ហាញឲ្យឃើញថា ក្នុងមួយឆ្នាំការដាំដុះក្នុងផ្ទះសំណាញ់ អាចដាំដុះ បាន ៨ ទៅ៩ ដងក្នុងមួយឆ្នាំ ។លោកឧកញ៉ា បន្តថា ចំណែកការដាំដុះរបស់ប្រជាពលរដ្ឋនៅតាមទីវាល កសិករអាចដាំដុះបាន ៣ ទៅ ៤ក្នុងមួយឆ្នាំ និងជួបបញ្ហា ជាច្រើនដូចជា ថ្លៃដើមផលិតខ្ពស់ បន្លែគ្មានសុវត្ថិភាព និងការលក់តាមទីផ្សារមានតម្លៃថោក។ បញ្ហានេះ កសិករគួរងាយមកធ្វើទំនើបកម្ម គឺការដាំដុះដោយប្រើផ្ទះសំណាញ់ គឺអាចជួយឲ្យកសិករធ្វើការដាំដុះបានច្រើនដង បន្លែមានសុវត្ថិភាព តម្លៃលក់ចេញខ្ពស់ និងអាចបំពេញតម្រូវការបន្លែទីផ្សារក្នុងស្រុក ជាពិសេសចូលរួមកាត់បន្ថយនៃការនាំចូលបន្លែពីក្រៅប្រទេសផងដែរ។ចំណែក, ឯកឧត្តម ស្រី វុឌ្ឍី អគ្គលេខាធិការក្រសួងកសិកម្ម រុក្ខាប្រមាញ់ និងនេសាទ លើកឡើងថា ក្រសួងកសិកម្ម រុក្ខាប្រមាញ់ និងនេសាទ បានអនុវត្តវិធានការជាច្រើន ក្នុងនោះសម្រាប់ការដាំដុះ និងបានជម្រុញលើកទឹកចិត្តដល់អ្នកវិនិយោគ ត្រូវធ្វើទំនើបកម្ម ដើម្បីលើកកម្ពស់ខ្សែច្រវ៉ាក់ផលិតកម្មប្រកបដោយភាពប្រកួតប្រជែង ដោយផ្តោតលើការប្រើប្រាស់នូវបច្ចេកវិទ្យាវ័យឆ្លាត ក្នុងគោលដៅធ្វើឲ្យមានកំណើនប្រកបដោយចីរភាព និងការបង្កើនភាពធុនទៅនឹងការប្រែប្រួលអាកាសធាតុជាដើម ដើម្បីគាំទ្រដល់ការដាំដុះប្រកបដោយចីរភាព។សូមបញ្ជាក់ថា ក្នុងរយៈកន្លងមកនេះ ក្រសួងកសិកម្ម រុក្ខប្រមាញ់ និងនេសាទ បានចុះអនុស្សរណៈយោគយល់គ្នា (MoU) ជាមួយក្រុមហ៊ុន សមាគម ឯកជននានាមួយចំនួន លើការអភិវឌ្ឍមជ្ឈមណ្ឌលបន្លែសុវត្ថិភាពគំរូ និងជំរុញខ្សែចង្វាក់ តម្លៃបន្លែសុវត្ថិភាពតាមស្តង់ដាការអនុវត្តកសិកម្មល្អ (GAP) ដើម្បីបំពេញតម្រូវការបន្លែក្នុងស្រុក និងឆ្ពោះទៅនាំចេញ ក្នុងនោះចំពោះ គម្រោងក្រុមហ៊ុន Tropicam Fruit and Vegetable គឺមានគម្រោងអភិវឌ្ឍន៍មជ្ឈមណ្ឌលបន្លែសុវត្ថិភាព ដើម្បីជួយជំរុញផលិតកម្មបន្លែ ស្លឹក ផ្លែឈើ មើម ប្រកបដោយសុវត្ថិភាពតាមស្តង់ដា GAP នឹងគាំទ្រដល់ការប្រើប្រាស់បច្ចេកវិទ្យាកសិកម្មទំនើបបម្រើឱ្យវិស័យបន្លែសុវត្ថិភាព៕ អត្ថបទ៖ សុន រ៉ាឌី

ការវិនិយោគដោយផ្ទាល់របស់ចិននៅកម្ពុជា សម្រេចបានក្នុងទំហំទឹកប្រាក់២០៦លានដុល្លា ត្រីមាសទី១

ភ្នំពេញ៖ ការវិនិយោគដោយផ្ទាល់របស់ចិននៅកម្ពុជា សម្រេចបានក្នុងទំហំទឹកប្រាក់ ២០៦លានដុល្លា ត្រីមាសទី១ ស្របពេលដែលកិច្ចសហប្រតិបត្តិការសេដ្ឋកិច្ច និងពាណិជ្ជកម្មរវាងចិន-កម្ពុជា មានកំណើនលំនឹងថេរ និងមានសុខុមមាលភាពជាលំដាប់។ឯកឧត្តម វ៉ាង វិនធាន អគ្គរដ្ឋទូតចិនប្រចាំនៅកម្ពុជា ក្នុងសិក្ខាសាលាស្តីពី ការទូតសេដ្ឋកិច្ចក្រោមគន្លងថ្មី ធ្វើឡើងកាលពីដើមសប្តាហ៍នេះ ថ្លែងថា ចាប់តាំងពីដើមឆ្នាំនេះ លទ្ធផលនៃកិច្ចសហប្រតិបត្តិការសេដ្ឋកិច្ច និងពាណិជ្ជកម្មរវាងប្រទេសទាំងពីរមានលក្ខណៈល្អប្រសើរ។ឯកឧត្តម វ៉ាង វិនធាន លើកឡើងថា ក្នុងត្រីមាសទី១ ការវិនិយោគផ្ទាល់មិនមែនហិរញ្ញវត្ថុរបស់ចិននៅកម្ពុជា មានចំនួន ២០៦លានដុល្លារ មានកំណើន៣៥.២ភាគរយ ធៀបនឹងរយៈពេលដូចគ្នាកាលពីឆ្នាំ២០២១។ឯកឧត្តម បន្តទៀតថា ទំហំពាណិជ្ជកម្មរវាងចិន និងកម្ពុជា ក្នុងរយៈពេល៥ខែដំបូង បានឈានដល់ ៤ ៩៩០ លានដុល្លារ មានកំណើន ២៦.១ភាគរយ ធៀបនឹងរយៈពេលដូចគ្នាកាលពីឆ្នាំ២០២១ ដែលឆ្លុះបញ្ចាំងថា ចិននៅតែបន្តជាដៃគូពាណិជ្ជកម្មធំបំផុតសម្រាប់កម្ពុជា។ បន្ទាប់ពីមានការនាំចូលកសិកផលកម្ពុជាចូលទៅកាន់ទីផ្សារចិនដែលក្នុងនោះមានដូចជា ចេក ស្វាយ និងជលផលជាដើម ត្រីប្រាកម្ពុជា គ្រោងនឹងបញ្ចប់និតីវិធីសម្រាប់ការនាំចេញទៅកាន់ប្រទេសចិនជាផ្លូវការនាពេលខាងមុខនេះ។ថ្លែងនៅចំពោះមុខអ្នកចូលរួម ជាមន្រ្តីរាជរដ្ឋាភិបាល វិស័យឯកជន និងមន្រ្តីទូតកម្ពុជាប្រចាំនៅប្រទេសនានា ឯកឧត្តម វ៉ាង វិនធាន លើកឡើងថា កិច្ចសហប្រតិបត្តិការផ្តល់ផលប្រយោជន៍ទៅវិញទៅមកក្នុងវិស័យកសិកម្មនៃប្រទេសទាំងពីរ ទទួលបានសមិទ្ធផលជាក់ស្តែងថ្មីមួយទៀត ដែលឆ្លុះបញ្ជាំងពីភាពធន់ដ៏រឹងមាំ និងការបំពេញឱ្យគ្នាទៅវិញទៅមកលើកិច្ចសហប្រតិបត្តិការសេដ្ឋកិច្ច និងពាណិជ្ជកម្មរវាងប្រទេសទាំងពីរ បានក្លាយជាផ្នែកមួយដ៏សំខាន់ និងជាប្រភពកម្លាំងរស់រវើកក្នុងការស្តារសេដ្ឋកិច្ចឡើងវិញ និងកំណើនសេដ្ឋកិច្ចក្នុងតំបន់។សូមបញ្ជាក់ថា ក្នុងឆ្នាំ២០២១ ទំហំពាណិជ្ជកម្មររវាងកម្ពុជា ចិន សម្រេចបាន ១១.១៩ប៊ិលានដុល្លារ កើនឡើង៣៨ភាគរយធៀបនឹងឆ្នាំ២០២០ ខណៈកម្ពុជាបានទាក់ទាញការវិនិយោគចិនមានចំនួន ២.៣២ប៊ីលានដុល្លារ មានកំណើនជិត៧០ភាគរយ ធៀបនឹងឆ្នាំ២០២០ ដែលការវិនិយោគចិន តំណាងឱ្យ ៥៣.៤ភាគរយនៃការវិនិយោគសរុប ធ្វើឱ្យចិនបន្តក្លាយជាប្រភពវិនិយោគធំជាងគេនៅប្រទេសកម្ពុជា៕អត្ថបទ៖ វណ្ណៈ

ក្រុមប្រឹក្សាធុរកិច្ចអាស៊ានបើកកិច្ចប្រជុំពង្រឹងកិច្ចសហប្រតិបត្តិការឡើងវិញក្រោយកូវីដ១៩ធូរស្រាល

ភ្នំពេញ៖ នៅព្រឹកថ្ងៃទី២៩ ខែមិថុនានេះ សភាពាណិជ្ជកម្មកម្ពុជា បានធ្វើជាម្ចាស់ផ្ទះរៀបចំកិច្ចប្រជុំក្រុមប្រឹក្សាពិគ្រោះយោបល់ធុរកិច្ចអាស៊ានលើកទី៩៣ នៅរាជធានីភ្នំពេញ។ នៅក្នុងឱកាសបើកកិច្ចប្រជុំនេះ ប្រធានសភាពាណិជ្ជកម្មកម្ពុជា បានថ្លែងថា នៅក្នុងប្រជុំនេះ សមាជិកក្រុមប្រឹក្សាធុរកិច្ចអាស៊ាននេះ គឺមានគោលដៅសំខាន់ ពង្រឹងកិច្ចសហប្រតិបត្តិការធុរជនអាស៊ានឡើងវិញក្រោយស្ថានការកូវីដ១៩ធូរស្រាលវិញ។អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ាន បានមានប្រសាសន៍ថា នៅក្នុងកិច្ចប្រជុំនេះ សមាជិកក្រុមប្រឹក្សាធុរកិច្ចអាស៊ាន នឹងពិភាក្សាប្រមូលធាតុចូល និងរបាយការណ៍អនុសាសន៍របស់វិស័យឯកជន ដើម្បីជួយជំរុញដល់កិច្ចប្រឹងប្រែងរបស់អាស៊ានឆ្ពោះទៅកាន់សមាហរណកម្មសេដ្ឋកិច្ច។អ្នកឧកញ៉ា បន្តថា យ៉ាងក៏ដោយ នៅក្នុងប្រជុំធុរកិច្ចអាស៊ានលើកទី៩៣ ដែលមានសមាជិកក្រុមប្រឹក្សាពិគ្រោះយោបល់ធុរកិច្ចទាំង១០ប្រទេស ដែលបានអញ្ជើញចូលរួមដោយផ្ទាល់នៅកម្ពុជាផង និងចូលរួមតាមប្រព័ន្ធអនឡាញផង នឹងធ្វើការពិនិត្យពិភាក្សាលើរបៀបវារៈមួយចំនួន រួមមាន៖ ការធ្វើបច្ចុប្បន្នភាពសមាជិកក្រុមប្រឹក្សាគ្រោះយោបល់ធុរកិច្ចអាស៊ាន. អនុម័តលើកំណត់ហេតុកិច្ចប្រជុំលើកទី៩២. ធ្វើបច្ចុប្បន្នភាពនៃគម្រោងនានារបស់ក្រុមប្រឹក្សាពិគ្រោះយោបល់ធុរកិច្ចអាស៊ាន ពង្រឹងកិច្ចសហប្រតិបត្តិការអនុវត្តវិនិយោគគម្រោងថ្មី និងពិនិត្យវឌ្ឍនភាពនៃក្រុមការងារ និង គម្រោងជាកេរ្តិ៍តំណែលជាដើម។ អ្នកឧកញ៉ា គិត ម៉េង បន្តថា ក្រៅពីនេះ ក្រុមប្រឹក្សានេះ ក៏នឹងលើកជាមតិយោបល់ផងដែរអំពីការអនុវត្តកិច្ចសហប្រតិបត្តិសេដ្ឋកិច្ចអាស៊ាន និងដាក់ស្នើនូវវិស័យអាទិភាពជូនថ្នាក់ដឹកនាំអាស៊ានពិចារណា។ អ្នកឧកញ៉ា បន្តថា នៅក្នុងកិច្ចប្រជុំនេះដែរ ការងារជាចម្បងៗរបស់ក្រុមប្រឹក្សាពិគ្រោះយោបល់ធុរកិច្ចអាស៊ាន ផ្តោតលើ ការពិនិត្យ និងការកំណត់ បញ្ហាប្រឈមនានា សំដៅសម្រួលនិងជំរុញកិច្ចសហប្រតិបត្តិការនិងសមាហរណកម្មសេដ្ឋកិច្ច។សូបញ្ជាក់ថា ក្រុមប្រឹក្សាពិគ្រោះយោបល់ធុរកិច្ចអាស៊ាន ត្រូវបានបង្កើតឡើងក្នុងឆ្នាំ២០០១ ដោយប្រមុខរដ្ឋ ប្រមុខរដ្ឋាភិបាលអាស៊ាន ដែលមានសកម្មភាពជាចម្បងៗ ការពិនិត្យ និងការកំណត់ បញ្ហាប្រឈមនានា សំដៅសម្រួលនិងជំរុញកិច្ចសហប្រតិបត្តិការនិងសមាហរណកម្មសេដ្ឋកិច្ចអាស៊ាន ចូលទៅកាន់មជ្ឈដ្ឋានអន្តរជាតិ៕ អត្ថបទ ស៊ុម សុខជា.

ក្រសួងពាណិជ្ជកម្ម បើកសិក្ខាសាលាថ្នាក់ជាតិស្តីពីការយល់ដឹងអំពីកិច្ចព្រមព្រៀង អាសិប

ភ្នំពេញ៖ ក្រសួងពាណិជ្ជកម្មនៅថ្ងៃទី២៩ ខែមិថុនានេះ បានបើកសិក្ខាសាលាថ្នាក់ជាតិលើកទីមួយនា ស្តីពី “ការយល់ដឹងអំពីកិច្ចព្រមព្រៀងអាសិប និងនីតិវិធីសម្រាប់ការស្នើសុំវិញ្ញាបនបត្របញ្ជាក់ដើមកំណើតទំនិញតាមរយៈប្រព័ន្ធស្វ័យប្រវត្តិកម្ម” ក្រោមអធិបតីភាព ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងមានការចូលរួមពីវិស័យឯកជនតាមវិស័យ ដែលពាក់ព័ន្ធ។សិក្ខាសាលានេះ មានគោលបំណងលើកកម្ពស់ការយល់ដឹង និងផ្សព្វផ្សាយអំពីនីតិវិធីនៃការនាំចេញដល់វិស័យឯកជន ដើម្បីជំរុញការនាំចេញ និងបញ្ជ្រាបការយល់ដឹងអំពីនីតិវិធីនៃការស្នើសុំវិញ្ញាបនបត្រ ដើមកំណើតទំនិញតាមរយៈប្រព័ន្ធស្វ័យប្រវត្តិកម្ម ព្រមទាំងនីតិវិធីប្រតិបត្តិនៃការបញ្ជាក់ដើមកំណើតទំនិញ (Operational Certification Procedures។ សូមបញ្ជាក់ថា ក្រោយការចរចាអស់រយៈពេល១០ឆ្នាំ កិច្ចព្រមព្រៀង អាសិប បានចូលជាធរមាននៅថ្ងៃទី០១ ខែមករា ឆ្នាំ២០២២ ដែលគ្របដណ្ដប់លើ ២០ជំពូក រួមមាន៖ ពាណិជ្ជកម្មទំនិញ វិធានដើមកំណើតទំនិញ ពាណិជ្ជកម្មសេវា វិធានអនាម័យ និងភូតគាម អនាម័យ ស្តង់ដារ បទប្បញ្ញត្តិបច្ចេកទេស និងនីតិវិធីវាយតម្លៃអនុលោមភាព (STRACAP) ពាណិជ្ជកម្មអេឡិចត្រូនិកជាដើម។កិច្ចព្រមព្រៀងអាសិបនេះ មានសមាជិកចំនួន ១៥ប្រទេសរួមមាន ប្រទេសទាំង១០ដែលជាសមាជិកអាស៊ាន បូករួម ជាមួយប្រទេសសេដ្ឋកិច្ចជឿនលឿនចំនួន ៥ប្រទេសគឺ អូស្ត្រាលី ចិន ជប៉ុន កូរ៉េខាងត្បូង និង នូវែលហ្សេឡង់ ដែលតំណាងឱ្យ ៣០% នៃផលិតផលក្នុងស្រុកសរុបពិភពលោក និង ២៨% នៃពាណិជ្ជកម្មពិភពលោក (គិតត្រឹមឆ្នាំ២០១៩)៕ អត្ថបទ៖ បូរ៉ាវី

រាជរដ្ឋាភិបាលជំរុញការអភិវឌ្ឍវិស័យកសិកម្ម ដើម្បីបង្កើនការផលិតសម្រាប់ផ្គត់ផ្គង់ និងនាំចេញ

ភ្នំពេញ៖ អន្តរក្រសួង បានបើកការពិគ្រោះយោបល់ ដើម្បីប្រមូលធាតុចូលពីស្ថាប័នពាក់ព័ន្ធ និងវិស័យឯកជន សម្រាប់ការដោះស្រាយ និងជម្រុញការផលិត វិស័យកសិកម្ម ដើម្បីរក្សាស្ថិរភាពសន្តិសុខស្បៀង និងការប្រកួតប្រជែង ខណៈដែលវិបត្តិសកលកំពុងអូសបន្លាយ។ឯកឧត្តម ស្រី វុឌ្ឍី អគ្គលេខាធិការក្រសួងកសិកម្មរុក្ខាប្រមាញ់ និងនេសាទ ថ្លែងថាលើកឡើងនៅក្នុងសិក្ខាសាលាពិគ្រោះយោបល់ ស្តីពីការតម្រង់ទិសអាទិភាពនយោបាយ សម្រាប់ការស្តារ និងពង្រឹងកិច្ចអភិវឌ្ឍន៍សង្គម សេដ្ឋកិច្ចកម្ពុជា ក្នុងគន្លងប្រក្រតីភាពថ្មីឆ្នាំ ២០២៣ និងឆ្នាំបន្តបន្ទាប់ នៅថ្ងៃទី២៨ ខែមិថុនា ឆ្នាំ២០២២ នេះថា ក្រសួងបានកំពុងអនុវត្តគោលនយោបាយសំខាន់ៗជាច្រើនដូចជា, ការដាក់វិនិយោគសម្រាប់ការធ្វើទំនើបកម្ម ខ្សែច្រវ៉ាក់តម្លៃនៃកសិកម្ម ដើម្បីលើកកម្ពស់ខ្សែច្រវ៉ាក់ផលិតកម្មប្រកដោយភាពប្រកួតប្រជែង ដោយផ្តោតលើការប្រើប្រាស់នូវបច្ចេកវិទ្យាវ័យឆ្លាត, ការវិនិយោគលើវិស័យសាធារណៈនិងវិស័យឯកជន ត្រូវបង្កើន ជាពិសេសការគាំទ្រដល់ហេដ្ឋារចនាសម្ព័ន្ធ ដើម្បីរុញឲ្យវិស័យកសិកម្មរីកលូតលាស់, ការធ្វើឲ្យមានកំណើនប្រកដោយចីរភាព និងការសម្រួចអនុវត្តច្បាប់ ការកែទម្រង់ស្ថាប័ន និងការអនុវត្តធនធានមនុស្សនៅក្នុងវិស័យកសិកម្មមានការរីកចម្រើនទៅមុខ។ឯកឧត្តម បន្តថា បច្ចុប្បន្ន វិស័យកសិកម្មបានកំពុងជួបបញ្ហាលំបាក ដោយសារម្ខាងវិបត្តិជំងឺកូវីដ ១៩ ជាពិសេសការថែមនូវវិបត្តិថ្មីមួយទៀត ដែលបានអូសបន្លាយសង្រ្គាមរុស្សី-អ៊ុយក្រែន បានធ្វើឲ្យទំនិញឡើងថ្លៃ បានធ្វើឲ្យថ្លៃដើមសម្រាប់ការផលិតឡើងថ្លៃខ្ពស់ ដែលបញ្ហានេះត្រូវកញ្ចប់ថវិកាដើម្បីដោះស្រាយ ។ជុំវិញបញ្ហានេះ,ឯកឧត្ដម វង្សី វិស្សុត រដ្ឋមន្ត្រីប្រតិភូអមនាយករដ្ឋមន្រ្តី ជារដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ថ្លែងថា ទាក់ទងសន្តិសុខស្បៀងនេះ ពិភពលោកនឹងជួបវិបត្តិម្អូបអាហារ នឹងអាចធ្វើឲ្យទំនិញកាន់តែឡើងថ្លៃបន្ថែមទៀតនៅឆ្នាំក្រោយនេះ, ប្រការទាំងនេះយើងត្រូវសហការអនុវត្តពីពេលនេះតទៅ, ក្នុងនោះរាជរដ្ឋាភិបាល ត្រូវតែជម្រុញការផលិតដើម្បីរក្សាសន្តិសុខស្បៀង ព្រោះបញ្ហាចំណីអាហារជារឿងសំខាន់បំផុត។ឯកឧត្ដម វង្សី វិស្សុត ថ្លែងថា ចំពោះទំនិញឡើងថ្លៃនេះ បានធ្វើឲ្យប៉ះពាល់ក៏ពិតមែន ប៉ុន្តែវាក៏ជាឱកាសផងដែរ ដែលបញ្ហានេះ កម្ពុជាត្រូវដោះស្រាយច្រើន និងត្រូវវិនិយោគកន្លែងដែលមានភាពប្រកួតប្រជែង ការផលិតសម្រាប់ផ្គត់ផ្គង់ និងការនាំចេញ ។ ឯកឧត្ដម បញ្ជាក់ថា រាជរដ្ឋាភិបាល មានគម្រោងតភ្ជាប់ផ្លូវពីខេត្តបាត់ដំបង ទៅខេត្តកោះកុង ខណៈដែលខេត្តកោះកុងបានកំពុងសាងសងកំពង់ផែ សម្រាប់បម្រើការនាំចេញផលិតផលកសិកម្ម, ចំណែកចំពោះការដឹកជញ្ជូនវិញ គឺយើងត្រូវគូរទាំងអស់ ដោយចាប់ផ្តើមពីកន្លែងផលិត ដល់ការនាំចេញផងដែរ៕អត្ថបទ៖ សុន រ៉ាឌី

CDC អនុម័តគម្រោងវិនិយោគ៤៧មានទុនសរុប ជាង២,៥ប៊ីលានដុល្លារ ក្នុងត្រីមាសទី១

ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា (CDC) បានអនុម័តលើគម្រោងវិនិយោគចំនួន៤៧ ដែលមានទុនវិនិយោគសរុបជាង ២ ៥០០ លានដុល្លារ ក្នុងត្រីមាសទី១ ឆ្នាំ២០២២នេះ កើន១៤,២ភាគរយ ធៀបនឹងគ្រាដូចគ្នាកាលឆ្នាំ២០២១ ។តាមព្រឹត្តិបត្រស្ថិតិសេដ្ឋកិច្ច និងហិរញ្ញវត្ថុ របស់អគ្គនាយកដ្ឋានគោលនយោបាយនៃក្រសួងសេដ្ឋកិច្ច ក្នុងរយៈពេល៣ខែដើមឆ្នាំ២០២២ ក្រុមប្រឹក្សាអភិវឌ្ឍន៍កម្ពុជា បានអនុម័តលើគម្រោងវិនិយោគចំនួន៤៣ គម្រោង ស្ថិតនៅក្រៅតំបន់សេដ្ឋកិច្ចពិសេស ដែលមានទុនវិនិយោគ ២ ២១៩លានដុល្លារ កើនឡើង ២១០ភាគរយ ធៀបនឹងរយៈពេលដូចគ្នាកាលពីឆ្នាំមុន។ទន្ទឹមនឹងនេះ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគស្ថិតនៅក្នុងតំបន់សេដ្ឋកិច្ចពិសេសមានចំនួន ៤គម្រោង មានទុន៣០១លានដុល្លារ ថយចុះ៧៩ភាគរយធៀបនឹងរយៈពេលដូចគ្នាកាលពីឆ្នាំមុន។របាយការណ៍ដដែលបន្តថា គម្រោងវិនិយោគក្នុងត្រីមាសទី១នេះបានបង្កើតការងារ ប្រមាណជាង ៣ម៉ឺន៧ពាន់កន្លែងដល់ប្រជាពលរដ្ឋ។បើតាម CDC ការវិនិយោគទាំងនោះមានលើមណ្ឌលភ័ស្តុភារកម្ម និងកំពង់ផែពហុបំណង, វារីអគ្គិសនី, រោងចក្រផលិតសំបកកង់យានយន្ត, សណ្ឋាគារ, រោងចក្រស៊ីម៉ង់ត៍, កសិដ្ឋានដាំដំណាំចេក និងដំណាំហូបផ្លែផ្សេងៗ, រោងចក្រដំឡើងរថយន្ត និងមន្ទីរពេទ្យពហុព្យាបាល។ កំណើននៃគម្រោងវិនិយោគនេះ ឆ្លុះបញ្ចាំងពីជំនឿជឿទុកចិត្ត របស់វិនិយោគិនមកបណ្តាក់ទុននៅកម្ពុជា នៅគ្រាដែលកម្ពុជា បានប្រកាសបើកប្រទេស និងដំណើរការសកម្មភាពសេដ្ឋកិច្ច និងសង្គមឡើងវិញ ៕ អត្ថបទ៖ វណ្ណៈ

កម្មករ-និយោជិតសង្ឃឹមថា ប្រាក់ឈ្នួលអប្បបរមា នឹងកើនឡើងថែមទៀតក្នុងឆ្នាំ២០២៣

ភ្នំពេញ៖ ខណៈដែលកិច្ចចចារប្រាក់អប្បបរមាក្នុងវិស័យឧស្សាហ៍កម្មកាត់ដេរសម្រាប់ឆ្នាំ២០២៣ នឹងចាប់ផ្តើមនាខែកក្កដាតទៅ ក្រុមកម្មការិនីតាមរោងចក្រកាត់ដេរនៅរាជធានីភ្នំពេញ បានបង្ហាញក្តីសង្ឃឹមថា ប្រាក់ខែគោលរបស់ពួកគេ នឹងត្រូវតម្លើងថែមទៀត ទោះបីជាក្នុងចំនួនតិច ឬច្រើនក្តី ដោយសារភាពជឿជាក់លើការដឹកនាំរបស់រាជរដ្ឋាភិបាលកម្ពុជា។ក្នុងកិច្ចសម្ភាសន៍ផ្ទាល់ រវាងទូរទស្សន៍ព័ត៌មានប៊ីធីវី កម្មការនីរោងចក្រកាត់ដេរសំលៀកបំពាក់ ស្ថិតនៅសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ នៅព្រឹកថ្ងៃទី២៨ មិថុនា ឆ្នាំ២០២២នេះ បានលើកឡើងថា គិតចាប់ពីចូលបំពេញការងារក្នុងវិស័យកាត់ដេរ រហូតមកទល់បច្ចុប្បន្ននេះ ឃើញថាប្រាក់ឈ្នួលអប្បបរមា តែងតែតម្លើងជារៀងរាល់ឆ្នាំ។ពួកគាត់ បានឱ្យដឹងទៀតថា ការដំឡើងប្រាក់ឈ្នួលនេះ មិនថាមុន និងក្នុងវិបត្តិនៃការរាតត្បាតជំងឺកូវីដ១៩ទេ គឺបានកើនឡើងជាបន្តបន្ទាប់ ទោះបីចំនួននោះមិនច្រើនយ៉ាងណាក៏ដោយ ក៏នៅតែពេញចិត្ត ព្រោះក្នុងវិបត្តិកូវីដ១៩ ធ្វើឲ្យរោងចក្រមួយចំនួនបានបង្ខំចិត្តផ្អាកដំណើរការអាជីវកម្ម និងជះឥទ្ធិពលដល់កម្មករបាត់បង់ការងារផងដែរ។លោក វង្ស រដ្ឋា រដ្ឋបាលរោងចក្រកាត់ដេរសំលៀកបំពាក់ ឌូហឺស្ត ខេមបូឌា ស្ថិតនៅភូមិទួលពង្រ សង្កាត់ចោមចៅ បានមានប្រសាសន៍ប្រាប់ ប៊ីធីវីថា ការដំឡើងប្រាក់ឈ្នួលជូនដល់កម្មករនិយោជិតអាចធ្វើទៅបាន អាស្រ័យលើផលិតភាពការងារ ក៏ដូចជាផ្អែកលើការបញ្ជាទិញជាដើម ក្នុងករណីគ្មានការបញ្ជាទិញ ភាគីនិយោជកក៏មិនអាចឆ្លើយតបបានដូចគ្នាដែរ។ លោក បានបន្តថា បច្ចុប្បន្ននេះសម្រាប់ប្រាក់ឈ្នួលដែលកម្មករនិយោជិតទទួលបាន គិតទាំងប្រាក់ឈ្នួលអប្បបរមា ប្រាក់ថែមម៉ោងការងារ និងប្រាក់ឧបត្ថម្ភនានាសរុប ចន្លោះពី ៣០០ ដុល្លារ ដល់ ៣៥០ដុល្លារ ក្នុង១ខែ។យោងតាមសេចក្តីជូនដំណឹង ស្តីពីកាលវិភាគនៃការចរចាប្រាក់ឈ្នួលអប្បបរមាផ្នែកវាយនភណ្ឌ កាត់ដេរ ផលិតស្បែកជើង និងផលិតផលធ្វើដំណើរនិងកាបូប ក្រសួងការងារ និងបណ្តុះបណ្តាលវិជ្ជាជីវៈ បានបញ្ជាក់ថា នឹងចាប់ផ្តើមពីខែកក្កដា ឆ្នាំ២០២២ សម្រាប់ការពិភាក្សាជាលក្ខណៈផ្ទៃរវាងភាគីសហជីព និងភាគីនយោជក រហូតដល់ខែកញ្ញា ឆ្នាំ២០២២ នឹងបើកកិច្ចប្រជុំក្រុមប្រឹក្សាជាតិប្រាក់ឈ្នួលអប្បបរមា ដើម្បីសម្រេចប្រាក់ឈ្នួលអប្បបរមាក្នុងវិស័យឧស្សាហកម្មកាត់ដេរ សម្រាប់ឆ្នាំ២០២៣។សូមជម្រាបថា គិតត្រឹមឆ្នាំ២០២២ ប្រាក់ឈ្នួលអប្បបរមាដែលកម្មករនិយោជិតទទួលបានមានចំនួន ១៩៤ដុល្លារអាម៉េរិក ក្នុង១ខែ។ប្រាក់ឈ្នួលអប្បបរមា គឺជាឈ្នួលការងារ ឬឈ្នួលសេវាកំរិតដោយច្បាប់ជាតិ ដែលនិយោជកត្រូវបើកឱ្យកម្មករនិយោជិត។ ប្រាក់ឈ្នួលអប្បបរមាអាចត្រូវបានកំណត់តាមកំរិតប្រាក់ឈ្នួល ឬប្រាក់សេវាប្រចាំម៉ោងប្រចាំថ្ងៃ ប្រចាំសប្តាហ៍ ឬប្រចាំខែទាបបំផុត ហើយនៅកម្ពុជា ប្រាក់ឈ្នួលអប្បបរមាត្រូវបានគណនាតាមកំរិតកំណត់នៃប្រាក់ឈ្នួលប្រចាំខែ និងត្រូវបានរៀបចំឡើងសម្រាប់កម្មករនិយោជិតទាំងអស់នៅក្រោមច្បាប់ស្តីពីការងារ៕អត្ថបទ៖ ឈិត បូរ៉ាវី

បណ្ដាញសង្គម

ព័ត៌មានថ្មីៗ

លោក Zelenskiy និយាយថា អ៊ុយក្រែនមិនមែនជាឧបសគ្គចំពោះសន្តិភាពនោះទេ

លោក Trumpនិយាយថា លោកនឹងដំឡើងអត្រាពន្ធសកលពី ១០ភាគរយ ដល់ ១៥ភាគរយ

UN ជំរុញឲ្យមានដំណោះស្រាយការទូតអាមេរិក-អ៊ីរ៉ង់ ស្របពេលវោហាសាស្រ្តដ៏តានតឹង

អ៊ីរ៉ង់នឹងមិនចុះញ៉មជាមួយសម្ពាធណាមួយឡើយ ស្របពេលមានកិច្ចប្រជុំនុយក្លេអ៊ែរជាមួយអាមេរិក

សម្តេច ម៉ែន សំអន អញ្ជើញសួរសុខទុក្ខ សម្តេចឥស្សរវិទេសបញ្ញា ហោ ណាំហុង និងលោកជំទាវ

នាវាផ្ទុកយន្តហោះចម្បាំង USS Gerald R. Ford របស់អាមេរិកត្រូវបានគេប្រទះឃើញនៅជិតដែនដី Gibraltar

ឯកឧត្តម ហ៊ុន ម៉ានី អញ្ជើញជាអធិបតីប្រកាសដាក់ឱ្យអនុវត្តជាផ្លូវការផែនទីបង្ហាញផ្លូវសហភាពសហព័ន្ធយុវជនកម្ពុជា ២.០

ក្រសួងទេសចរណ៍កម្ពុជា និងស្ថានកុងស៊ុលកិត្តិយសកម្ពុជា សហការរួមគ្នាជំរុញទេសចរណ៍កម្ពុជា និងឥណ្ឌាជាមួយការតភ្ជាប់ជើងហោះហើរត្រង់រវាងខេត្តសៀមរាប និងទីក្រុង Bengaluru (Bangalore)

សមាជិកព្រឹទ្ធសភាហ្វីលីពីនអំពាវនាវឲ្យពង្រឹងសម្ព័ន្ធភាពការពារជាតិ អំឡុងទស្សនកិច្ចនៅតំបន់កោះមានជម្លោះជាមួយចិន

លោក Macron៖ សេចក្តីសម្រេចពីពន្ធរបស់តុលាការកំពូលអាមេរិក បង្ហាញពីតុល្យភាពអំណាច ក្នុងប្រទេសប្រជាធិបតេយ្យ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877