BTV NEWS

ឆមាសទី១ឆ្នាំ២០២៦ កម្ពុជានាំចេញគ្រាប់ស្វាយចន្ទី មានទឹកប្រាក់ជាង ១,១ ពាន់លានដុល្លារអាមេរិក

មូលនិធិអភិវឌ្ឍន៍ EDFមើលឃើញថា ធុរកិច្ចបណ្តុះបណ្ដាលថ្មី និងSME ជាក្បាលម៉ាស៊ីនជំរុញកំណើនសេដ្ឋកិច្ចកម្ពុជា

លំហូរទឹកប្រាក់វិនិយោគចូលកម្ពុជានៅឆមាសទី១ ឆ្នាំ២០២៦ មាន ៤.៣ ប៊ីលានដុល្លារ កើនឡើង ៧ដង

កម្ពុជាមានរោងចក្រ-សហគ្រាសក្នុងវិស័យកម្មន្តសាលកំពុងដំណើរការ បានកើនដល់ ៤៧,៧ ពាន់

សេដ្ឋកិច្ច និង កសិកម្ម

វិនិយោគបង្កើតកំពង់ផែ និងមណ្ឌលភស្តុភារកម្ម នឹងជួយលើកកម្ពស់និងប្រសិទ្ធិភាពនាំចេញ-នាំចូល

ភ្នំពេញ៖ ក្រុមហ៊ុន KAMPOT LOGISTICS AND PORT COMPANY LIMITED ត្រូវបានក្រុមប្រឹក្សាអភិវឌ្ឍន៍កម្ពុជា(CDC) អនុម័តឱ្យបង្កើតមណ្ឌលភស្តុភារកម្ម និងកំពង់ផែពហុបំណង នៅក្នុងទឹកដីខេត្តកំពត កាលពីពេលថ្មីៗនេះ។ វត្តមាននៃគម្រោងនេះ នឹងជួយលើកកម្ពស់ និងប្រសិទ្ធិភាពសកម្មភាពនាំចេញ និងនាំចូលរបស់កម្ពុជា។ក្រុមប្រឹក្សាអភិវឌ្ឍន៍កម្ពុជា(CDC) បានអនុញ្ញាតឱ្យ ក្រុមហ៊ុនKAMPOT LOGISTICS AND PORT COMPANY LIMITED វិនិយោគលើការអភិវឌ្ឍមណ្ឌលភស្តុភារកម្ម និងកំពង់ផែពហុបំណង នៅភូមិចង្ហោន សង្កាត់ព្រែកត្នោត ក្រុងបូកគោ ខេត្តកំពត ក្នុងទំហំទឹកប្រាក់ ១៣០០លានដុល្លារ។ លោក ស៊ិន ចន្ធី ប្រធានសមាគមភស្តុភារកម្មកម្ពុជា លើកឡើងថា គម្រោងអភិវឌ្ឍលើវិស័យដឹកជញ្ជូនរបស់ក្រុមហ៊ុនខាងលើនេះ គឺជាការរួមចំណែកមួយយ៉ាងធំ ក្នុងការសម្រួលដល់ថ្លៃ និងល្បឿននៃការដឹកជញ្ជូនរបស់កម្ពុជា ទាំងក្នុងនិងក្រៅស្រុក។ ប្រព័ន្ធហេដ្ឋារចនាសម្ព័ន្ធនេះ នឹងត្រូវបានតភ្ជាប់យ៉ាងល្អប្រសើរ សម្រាប់កម្ពុជាក្នុងការជំរុញការនាំចេញទំនិញនានា ជាពិសេសផលិតផលកសិកម្ម។ស្រដៀងគ្នានេះដែរ ឧកញ៉ា លឹម ហេង អនុប្រធានសភាពាណិជ្ជកម្ម បានលើកឡើងថា មណ្ឌលភស្តុភារកម្ម និងកំពង់ផែពហុបំណងនៅខេត្តកំពតនេះ នឹងសម្រួលដល់ការដឹកជញ្ជូនទំនិញរបស់កម្ពុជាទៅទីផ្សារបរទេសបានកាន់តែច្រើនជាពិសេសគឺទីផ្សារប្រទេសចិន។ឧកញ៉ា លឹម ហេង បន្តថា ប្រសិនបើមានការវិនិយោគលើផ្នែកដឹកជញ្ជូននេះនៅកម្ពុជាច្រើន នោះវាធ្វើឱ្យថ្លៃ តម្លៃប្រកួតប្រជែងទំនិញក្នុងនិងក្រៅប្រទេសគឺកាន់តែទាប៕អត្ថបទ៖ វណ្ណៈ

ក្រុមហ៊ុនថៃជាច្រើន ត្រៀមខ្លួនចាប់យកឱកាសវិនិយោគនៅកម្ពុជា

ភ្នំពេញ៖ ក្រុមវិនិយោគិនថៃធំៗជាច្រើន ភាគច្រើនមានបំណងវិនិយោគលើវិស័យសហគ្រាសធុនតូច និងមធ្យម និងវិស័យឧស្សាហកម្ម បានពន្យាពេលនៃការចុះសិក្សាគម្រោងវិនិយោគរបស់ខ្លួននៅក្នុងព្រះរាជាណាចក្រកម្ពុជា ខណៈមេរោគបំលែងថ្មី អូមីក្រុងបានផ្ទុះឡើង ។លោក សម្បត្តិ សុធា ប្រធានសមាគមក្រុមប្រឹក្សាធុរកិច្ចកម្ពុជា ប្រចាំនៅព្រះរាជាណាចក្រថៃ ថ្លែងលើកឡើងនៅក្នុងកិច្ចសម្ភាសន៍ជាមួយភ្នាក់ងារអ្នកយកព័ត៌មាន BTV នៅថ្ងៃទី២០ ខែ មករា នេះថា តាមរយៈ ក្រុមប្រឹក្សា ធុរកិច្ចកម្ពុជា គឺមានសមាគមធំៗរបស់ថៃចំនួនពីរ បានត្រៀមខ្លួនដើម្បីចុះមកសិក្សាគម្រោងវិនិយោគនៅកម្ពុជា ដែលគ្រោង នឹងចុះមក នៅក្នុងខែមករា ឆ្នាំ ២០២២ នេះ ប៉ុន្តែដោយសារការផ្ទុះឡើងនៃមេរោគបំលែងខ្លួន (អូមីក្រុង) ក្រុមធុរកិច្ច ទាំងនោះត្រូវបានពន្យា ពេលទៅវិញ ។លោក បន្តថា ក្រុមធុរកិច្ចថៃទាំងនោះ នៅតែរង់ចាំពេលវេលាចុះមកកម្ពុជា ដើម្បីសិក្សាអំពីគម្រោងវិនិយោគរបស់ខ្លួន ជាពិសេសការវិនិយោគលើវិស័យសហគ្រាសធុនតូច និង មធ្យម, វិស័យឧស្សាហកម្ម និងការពង្រីកបន្ថែមលើអាជីវកម្មដែលមានស្រាប់ ដើម្បីជម្រុញលើកកម្ពស់កិច្ចសហប្រតិបត្តិការ និងការពង្រីកបណ្តាញអាជីវកម្មរបស់គូភាគី, ការលើកស្ទួយឱកាសធុរកិច្ច ដើម្បីបង្កើនការធ្វើពាណិជ្ជកម្មរវាងប្រទេសទាំងពីរ ឲ្យមានភាព ប្រសើរឡើងវិញ ។ជុំវិញការធ្វើពាណិជ្ជកម្មរវាងកម្ពុជា-ថៃវិញ, នាពេលកន្លងមកនេះ លោកស្រី ជីរ៉ាណាន់ វង្សមង្គល ប្រធានសមាគមពាណិជ្ជកម្មថៃនៅកម្ពុជា លើកឡើងថា ការធ្វើពាណិជ្ជកម្មរវាងកម្ពុជា-ថៃ មានកំណើនកើនឡើងគួរជាទីកត់សម្គាល់, ក្នុងនោះចំពោះលំហូរទំនិញ នៃប្រទេសទាំងពីរ បានកំពុងប្រព្រឹត្តទៅដោយរលូន។សូមបញ្ជាក់ថា៖ ទំហំពាណិជ្ជកម្មទ្វេភាគីរវាងកម្ពុជា-ថៃ នៅក្នុងរយៈពេល ១១ ខែ ឆ្នាំ ២០២១ មានទំហំទឹកប្រាក់ប្រមាណជាង៣ ៤០០ លានដុល្លារអាមេរិក កើនឡើងជាង ៧ភាគរយ ដោយក្នុងនោះកម្ពុជា បាននាំចេញ មានតម្លៃជាង ៣១៩ លានដុល្លារ ថយចុះជាង ៤៨ភាគរយ ខណៈការនាំចូលមានទំហំទឹកប្រាក់ជាង ៣ ០០០ លានដុល្លារ កើនឡើង ជាង ២០ភាគរយ បើធៀបរយពេលដូចគ្នាឆ្នាំ២០២០៕ អត្ថបទ៖ សុន រ៉ាឌី

មន្ត្រីជំនាញ រំពឹងថា វិស័យទេសចរណ៍នៅខេត្តមណ្ឌលគិរី នឹងកាន់តែទាក់ទាញនៅក្នុងឆ្នាំ២០២២នេះ

មណ្ឌលគិរី៖ វិស័យទេសចរណ៍នៅខេត្តមណ្ឌលគិរី ត្រូវបានគេមើលឃើញថា កាន់តែមានភាពល្អប្រសើរខ្លាំងឡើង បន្ទាប់ពីមានអ្នកទេសចរខ្ទង់ជិត ១ម៉ឺននាក់ ឬ១ម៉ឺននាក់តែម្ដង ចូលមកលេងកម្សាន្តជារៀងរាល់សប្ដាហ៍ ហើយនាឱកាសបុណ្យទានដែលមានថ្ងៃឈប់សម្រាកច្រើនទៀតនោះ មណ្ឌលគិរីអាចទាក់ទាញអ្នកទេសចរច្រើនសន្ធឹកសន្ធាប់រហូតផ្ទះសំណាក់ សណ្ឋគារ រីសតពេញបន្ទប់អស់តែម្ដង ។ប្រធានមន្ទីរទេសចរណ៍ខេត្តមណ្ឌលគិរី លោក ងិន សុវិមាន បានប្រាប់តាមទូរស័ព្ទថា នៅក្នុងឆ្នាំ២០២២នេះ មណ្ឌលគិរីនឹងមានអ្នកទេសចរកាន់តែច្រើនចូលមកទស្សនាកកម្សាន្ត ព្រោះជំងឺកូវីដ១៩ បានថមថយច្រើនខ្លាំងណាស់ ពិសេសនោះគឺក្រោមការដឹកនាំប្រកបដោយសុខសន្តិភាពរបស់សម្ដេចតេជោ បានធ្វើឲ្យប្រជាពលរដ្ឋមានជីវភាពល្អ មានលទ្ធភាពគ្រប់គ្រាន់សម្រាប់ដើរលេងកម្សាន្ត គួបផ្សំជាមួយខេត្តមណ្ឌលគិរី មានកន្លែងកម្សាន្តស្អាតៗជាច្រើន អាកាលធាតុត្រជាក់ និងជាតំបន់ប្រជុំភ្នំ ដែលទាក់ទាញខ្លាំងបំផុត ។លោកប្រធានមន្ទីរទេសចរណ៍ខេត្តមណ្ឌលគិរី បន្ថែមថា នៅក្នុងឆ្នាំ២០២២ខេត្តមណ្ឌលគិរីក៏មានផែនការពីថ្នាក់ក្រសួងឲ្យអភិឌ្ឍន៍លើវិស័យទេសចណ៍ឲ្យកាន់តែប្រសើរជាងនេះទៀត ប៉ុន្តែគោលដៅនឹងត្រូវអភិវឌ្ឍន៍តំបន់ណាមុនគេនោះមិនទាន់ដឹងច្បាស់នោះទេ ព្រោះរងចាំជជែកជាមួយដៃគូរវិនិយោគសិន ។ លោកបន្តថា ទោះជាបច្ចុប្បន្នជំងឺកូវីដ១៩បានធូរស្រាលហើយក្ដី ប៉ុន្តែមន្ត្រីជំនាញនៅតែមានការបារម្ភ និងនៅតែពង្រឹងវិធានការ ៣កុំ ៣ការពារ យ៉ាងខ្ជាប់ខ្ជួនដដែល ។សូមរម្លឹកថា កាលពីឱកាសបុណ្យឆ្លងឆ្នាំសកលកន្លងទៅ ខេត្តមណ្ឌលគិរីមានអ្នកទេសចរមកលេងយ៉ាងច្រើន ក្នុងនោះនៅថ្ងៃទី៣១ធ្នូ២០២១ ទេសចរដែលបានមកទស្សនាកម្សាន្តតាមគោលដៅទេសចរណ៍នានា សរុបប្រមាណ ១៨,៩៩៦នាក់ កើន៧៧,៣០% ។ ចំណែកនៅថ្ងៃទី០១មករា២០២២ មានទេសចរប្រមាណ ១៩,៦៤០នាក់ឯណ្ណោះ ។ គោលដៅទេសចរណ៍ដែលភ្ញៀវនិយមទៅកម្សាន្ត មានភ្នំអណ្ដូងស្នេហ៍ ទឹកធ្លាក់លែងអងលែងឃិន ទឹកជ្រោះប៊ូស្រា ភ្នំណាមលៀ សមុទ្រឈើ ភ្នំដោះក្រមុំ និងតំបន់ទេសចរណ៍ជាច្រើនទៀត ៕ អ៊ិត ភីរុណ

កម្ពុជា រំពឹងការនាំចេញផលិតផលមិនមែនកាត់ដេរ បានល្អប្រសើរនៅក្នុងឆ្នាំ២០២២

ភ្នំពេញ៖ អ្នកជំនាញសេដ្ឋកិច្ចថា ក្នុងឆ្នាំ២០២២នេះ កម្ពុជានឹងមានឱកាសច្រើនក្នុងការនាំចេញ អនុវិស័យកម្មន្តសាលមិនមែនកាត់ដេរ ដោយសារការបន្តកើនឡើងនៃតម្រូវការខាងក្រៅ និងកិច្ចព្រមព្រៀងពាណិជ្ជកម្មរបស់កម្ពុជា និងប្រទេសដៃគូពាណិជ្ជកម្ម ដែលជាផ្នែកមួយជួយដល់កម្ពុជា ក្នុងការជម្រុញផលិតកម្មក្នុងស្រុក និងជួយដល់កំណើនសេដ្ឋកិច្ចរឹងមាំ។លោកបណ្ឌិត គី សេរីវឌ្ឍន៍ អ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជា ថ្លែងលើកឡើងក្នុងកិច្ចសម្ភាសន៍ជាមួយភ្នាក់ងារអ្នកយកព័ត៌មាន BTV នៅថ្ងៃ១៨ ខែមករា ឆ្នាំ២០២២នេះថា នៅក្នុងស្ថានភាពនៃវិបត្តិជំងឺកូវីដ១៩ ប្រទេសមួយចំនួននៅមិនទាន់អាចគ្រប់គ្រងបានល្អប្រសើរនៅឡើយ ចំណែកទីផ្សារនាំចេញគឺនៅមានកម្រិត។ នេះគឺជាឱកាសរបស់កម្ពុជា ក្នុងការជម្រុញខ្សែច្រវ៉ាក់ ផលិតកម្ម ដើម្បីបម្រើទីផ្សារនាំចេញ ស្របពេលកម្ពុជាបានទប់ស្កាត់ និងចាក់វ៉ាក់សាំងបានយ៉ាងច្រើនលើសលប់ ធ្វើឲ្យស្ថិរភាពក្នុងស្រុកអាចគ្រប់គ្រងបាន។ចំណែកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា លើកឡើងថា ជុំវិញការខិតខំប្រឹងប្រែងគៀងគរអ្នកវិនិយោគ របស់រាជរដ្ឋាភិបាល បច្ចុប្បន្នកម្ពុជាទទួលរោងចក្រ សហគ្រាស អភិវឌ្ឍន៍លើវិស័យកម្មន្តសាលមិនមែនការកាត់ដេរបានកំពុងដំណើរការយ៉ាងផុលផុសនៅក្នុងប្រទេស ដែលជាគ្រឹះយ៉ាងសំខាន់សម្រាប់ការអភិវឌ្ឍន៍ ហើយអនុវិស័យនេះនឹងអាចពង្រីកខ្លួនកាន់ធំ សម្រាប់ជួយជ្រោមជ្រែងដល់កំណើនសេដ្ឋកិច្ច។អនុវិស័យកម្មន្តសាលមិនមែនកាត់ដេរ រួមមាន៖ គ្រឿងសង្ហារិម, ស្បែកសត្វមានរោម, ក្តារកុងផ្លាកេ, ឈើមូល ឬឈើអារ និងឈើ veneer, វត្ថុសម្រាប់ជាងសំណង់ធ្វើពីប្លាស្ទិក, សូឡា, គ្រឿងអេឡិចត្រូនិក និងភាគបំណែក, ខ្សែភ្លើង និងបង្គុំខ្សែភ្លើង, កៅស៊ូ, ចេក, ស្ករស, ដំឡូងមី, ស្វាយ និងកសិផលផ្សេងៗជាដើម៕ អត្ថបទ៖ សុន រ៉ាឌី

ការនាំចេញវិស័យវាយនភណ្ឌរបស់កម្ពុជា ក្នុងឆ្នាំកន្លងទៅមានចំនួនជិត១០ពាន់លានដុល្លារ

ភ្នំពេញ៖ មន្ត្រីជាន់ខ្ពស់នៃក្រសួងការងារ និងបណ្តុះបណ្តាលវិជ្ជាជីវៈ បានឲ្យដឹងថា នៅក្នុងឆ្នាំ២០២១ ទឹកប្រាក់នាំចេញសរុបនៃវិស័យវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរ និងកាបូបមានចំនួនប្រមាណជិត ១០ពាន់លានដុល្លារអាម៉េរិក ឬប្រមាណ ៦៣ភាគរយ នៃទឹកប្រាក់នាំចេញសរុបរបស់កម្ពុជា។ឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ កាលពីសប្តាហ៍កន្លងទៅនេះ នៅក្នុងសន្និបាតលើកទី១៥ របស់សមាគមរោងចក្រកាត់ដេរនៅកម្ពុជា(GMAC) បានមានប្រសាសន៍ថា វិស័យវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរនិងកាបូប មានរោងចក្រ សហគ្រាស និងកម្មករនិយោជិតតិចតួច នៅពេលកម្ពុជាបានចាប់ផ្តើមបើកសេដ្ឋកិច្ច និងទទួលវិនិយោគចាប់ពីឆ្នាំ១៩៩៣ និងបានបន្តកើនឡើងជាបន្តបន្ទាប់រហូតមក ជាពិសេសចាប់ពីឆ្នាំដែលកម្ពុជាទទួលបានសន្តិភាពពេញលេញដោយសារនយោបាយ ឈ្នះ-ឈ្នះ របស់សម្តេចតេជោនាយករដ្ឋមន្រ្តី ហើយបន្ទាប់មកគឺនៅក្រោយឆ្នាំ១៩៩៩ ពេលដែលរដ្ឋាភិបាលបានចុះកិច្ចព្រមព្រៀងពាណិជ្ជកម្មជាមួយសហរដ្ឋអាមេរិក ដោយផ្សាភ្ជាប់ពាណិជ្ជកម្មជាមួយបទដ្ឋានការងារអន្តរជាតិ។ឯកឧត្តម បានលើកឡើងបន្តថា ទោះបីជាមានការធ្លាក់ចុះបន្តិចបន្តួចនៅក្នុងឆ្នាំ២០២០ និងបានងើបឡើងវិញយ៉ាងល្អក្នុងឆ្នាំ២០២១ ដោយការនាំចេញក្នុងរយៈពេល១០ខែដំបូងមានកំណើនគួរឲ្យកត់សម្គាល់ ក្នុងនោះការនំាចេញសម្លៀកបំពាក់មានទឹកប្រាក់ជាង ៦ ៥០០លានដុល្លារ កើនឡើង៦ភាគរយ ធៀបនឹងឆ្នាំកន្លងទៅ ការនាំចេញផលិតស្បែកជើងមានទឹកប្រាក់ជាង ១ ១០០លានដុល្លារ កើនឡើង២០ភាគរយ ការនាំចេញផលិតផលធ្វើដំណើរមានទឹកប្រាក់ជាង ១.១០០លានដុល្លារ កើនឡើង៤៩ភាគរយ។ឯកឧត្តម បានបញ្ជាក់ថា គិតត្រឹមចុងឆ្នាំ២០២១ រោងចក្រ សហគ្រាសដែលបានចុះបញ្ជីផ្លូវការក្នុងវិស័យនេះ បានកើនដល់ប្រមាណជាង ១ ២០០រោងចក្រ ដែលផ្តល់ការងារក្នុងប្រព័ន្ធ ដល់កម្មករនិយោជិតប្រមាណជិត ១លាននាក់។ វិស័យមួយនេះ ជាវិស័យទ្រទ្រង់សេដ្ឋកិច្ចដ៏សំខាន់ និងនៅតែជាវិស័យនាំចេញសំខាន់ជាងគេរបស់កម្ពុជា ដោយកំណើនប្រចាំឆ្នាំជាមធ្យមក្នុងរយៈពេល ១០ឆ្នាំចុងក្រោយនេះ មានអត្រាប្រហែល១០ភាគរយ៕ អត្ថបទ៖ ឈិត បូរ៉ាវី

ក្រសួងកសិកម្ម ជំរុញការវិនិយោគចិញ្ចឹមត្រីក្នុងលំហសមុទ្រ

ភ្នំពេញ៖ ក្រសួងកសិកម្មរុក្ខាប្រមាញ់ និងនេសាទ ជំរុញលើកទឹកចិត្តឱ្យមានការវិនិយោគចិញ្ចឹមត្រីក្នុងលំហសមុទ្រ ដែលអាចទាញប្រយោជន៍ជាសេដ្ឋកិច្ចបានយ៉ាងច្រើន ទាំងអ្នកវិនិយោគ និងប្រជាសហគមន៍នេសាទ។ឯកឧត្តម វេង សាខន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានលើកឡើងថាតាមរយៈ បទពិសោធន៍នៃបណ្តាប្រទេស មួយចំនួននៅក្នុងតំបន់ ការចិញ្ចឹមត្រីក្នុងលំហសមុទ្រ ដែលអាចទាញអត្ថប្រយោជន៍ ជាសេដ្ឋកិច្ច បានយ៉ាងច្រើន ទាំងអ្នកវិនិយោគ និងប្រជាសហគមន៍នេសាទ តាមកំណើននៃត្រីធម្មជាតិដែលចូលមក រកចំណីពីតំបន់ចិញ្ចឹម ។កាលពីសប្តាហ៍កន្លងទៅ ឯកឧត្តមរដ្ឋមន្ត្រី គាំទ្រចំពោះផែនការវិនិយោគវារីវប្បកម្មសមុទ្រ របស់ក្រុមហ៊ុន ដែលផែន ការវិនិយោគវារីវប្បកម្មសមុទ្ររបស់ក្រុមហ៊ុន ក្រុមហ៊ុន ជីន យូ តាំង (ខេមបូឌា) ហ្វីសឺរី។ឯកឧត្តមរដ្ឋមន្ត្រី បញ្ជាក់ថា គឺពិតជាសំខាន់សម្រាប់ជួយដល់ការអភិវឌ្ឍដល់វិស័យជលផលនៅកម្ពុជា និងជាពិសេសចូលរួមបង្កើតការងារជូនប្រជាពលរដ្ឋ បង្កើនទាំងផលត្រីសមុទ្រធម្មជាតិ និងផលត្រីចិញ្ចឹមសម្រាប់ផ្គត់ផ្គង់ក្នុងស្រុក។តបឯកឧត្តមរដ្ឋមន្ត្រី ក៏បានណែនាំបន្ថែមដល់ក្រុមហ៊ុនឲ្យបញ្ជូនឯកសារវាយតម្លៃលើផលប៉ះពាល់ បរិស្ថាន និងសង្គមលើគម្រោងវិនិយោគវារីវប្បកម្មសមុទ្រនេះមកក្រសួង និងជាពិសេសត្រូវធ្វើការស្នើសុំ និងមានការអនុម័តពីក្រុមប្រឹក្សាអភិវឌ្ឍន៍កម្ពុជាជាមុនសិន ទើបក្រសួងកសិកម្ម រុក្ខាប្រមាញ់ និងនេសាទអាចចុះកិច្ចព្រមព្រៀងលើការអនុវត្តគម្រោងនេះ ជាមួយក្រុមហ៊ុនបាន។សូមបញ្ជាក់ថា ក្រុមហ៊ុន ជីន យូ តាំង (ខេមបូឌា) ហ្វីសឺរី បានចុះហត្ថលេខាលើអនុស្សារណៈនៃការយោគយល់គ្នារវាងក្រសួង និងក្រុមហ៊ុនកាលពីថ្ងៃទី៣១ ខែមករា ឆ្នាំ២០១៧ និងបានធ្វើការពិនិត្យ សិក្សា និងពិភាក្សា ជាមួយក្រសួងពាក់ព័ន្ធ ជាពិសេសលើការសិក្សាវាយតម្លៃលើផលប៉ះពាល់ បរិស្ថាន និងសង្គម ទទួលបានលទ្ធផល យ៉ាងល្អប្រសើរ ដោយក្រសួងពាក់ព័ន្ធបានសម្រេចកំណត់យកតំបន់កោះថាស ជាតំបន់សាកសម និងមានសក្ដានុពលបំផុតសម្រាប់ក្រុមហ៊ុនធ្វើការវិនិយោគ៕ អត្ថបទ៖ វណ្ណៈ

កសិករមមាញឹកនិងសប្បាយចិត្ដក្នុងការប្រមូលផលដំឡូងមី ខណៈតម្លៃដំឡូងមីឆ្នាំនេះមានទីផ្សារល្អ

ព្រះវិហារ៖ ប្រជាកសិករក្នុងខេត្តព្រះវិហារ បានសប្បាយរីករាយនិងមមាញឹកក្នុងការប្រមូលផលដំណាំដំឡូងមី ខណៈដែលដំឡូងប្រភេទនេះ មានទិន្នផលល្អ និងមានទីផ្សារខ្ពស់ជាងឆ្នាំមុនគួរឱ្យកត់សំគាល់។លោក ឆែម អួត ប្រធានសហគមន៍កសិកម្មសាមគ្គីភ្នំពេជ្របុរី ស្ថិតនៅស្រុកគូលែន ខេត្តព្រះវិហារ បានឱ្យដឹងថា បច្ចុប្បន្ននេះប្រជាសហគមន៍កសិកម្មរបស់លោក បាននិងកំពុងមមាញឹកខ្លាំងក្នុងការប្រមូលផលដំឡូងមីសរីរាង្គជាបណ្ដើរៗហើយ សម្រាប់ផ្គត់ផ្គង់លក់ជូនក្រុមហ៊ុន តាមរយៈការធ្វើកសិកម្មតាមកិច្ចសន្យា លើបរិមាណសរុបជាង ៩,១៨៧តោន។លោកបន្ដថា ការធ្វើកសិកម្មលើដំណាំដំឡូងនេះ មានសមាជិកផលិតសរុប២៩២គ្រួសារ លើផ្ទៃដីដាំដុះប្រមាណជាង ៥១៨ហិកតា។លោកថា បងប្អូនប្រជាកសិករសហគមន៍មានភាពសប្បាយរីករាយយ៉ាងក្រៃលែង គ្រាដែលទិន្នផលឆ្នាំនេះមានការកើនឡើង រីឯតម្លៃដែលបានព្រមព្រៀងជាមួយក្រុមហ៊ុនទទួលទិញក៏មានតម្លៃខ្ពស់។.លោក ពឹង ទ្រីដា ប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រះវិហារ បានបញ្ជាក់ឱ្យដឹងថា ផ្ទៃដីដាំដុះដំណាំដំឡូងមីនៅក្នុងភូមិសាស្ដ្រខេត្តព្រះវិហារ ពីមួយឆ្នាំទៅមួយឆ្នាំ មានការកើនឡើងគួរឱ្យកត់សម្គាល់ ដោយបច្ចុប្បន្នផ្ទៃដីដាំដុះនៅទូទាំងខេត្ត មានចំនួនប្រមាណជាង ២៩,៥៨៣ហិកតា បើធៀបកាលពីឆ្នាំ២០២០កន្លងទៅ ផ្ទៃដីដាំដុះមានប្រមាណជាង ២៥,០០០ហិកតាប៉ុណ្ណោះ។ លោកថា គិតមកត្រឹមជិតពាក់កណ្ដាលខែមករានេះ ការប្រមូលផលដំណាំដំឡូងមីរបស់កសិករនៅទូទាំងខេត្ត សម្រេចបានប្រមាណជា ២៥%ហើយ ហើយប្រជាសហគមន៍បាន និងកំពុងសម្រុកប្រមូលផលលដំឡូងមីសរីរាង្គលក់ជូនក្រុមហ៊ុនទៅតាមកិច្ចសន្យាក្នុងតម្លៃ ៣៧៥រៀល ក្នុងមួយគីឡូក្រាម។ប្រធានមន្ទីរកសិកម្ម ក៏បានបញ្ជាក់ថាក្នុងរដូវប្រមូលផលឆ្នាំ២០២១នេះ សម្រាប់ខេត្តព្រះវិហារ មានសហគមន៍ចំនួន០៩ ដែលមានសមាជិកសរុបជាង ១៣០០គ្រួសារ បានចុះកិច្ចសន្យាផលិត និងផ្គត់ផ្គង់ដំឡូងមីសរីរាង្គស្រស់លក់ទៅអោយក្រុមហ៊ុនសាជីវកម្មកសិកម្មកម្ពុជា (CACC) ដែលមានក្រុមហ៊ុនថៃវ៉ាជាដៃគូរ លើបរិមាណសរុបជាង ៣៤,០០០តោន។ជាមួយនេះលោកក៏បានផ្ដាំផ្ញើ ជម្រុញលើកទឹកចិត្តទៅដល់បងប្អូនប្រជាកសិករទាំងអស់ ឱ្យចុះឈ្មោះចូលជាសមាជិកសហគមន៍ ដើម្បីងាយស្រួលក្នុងការលក់ផលិតផលកសិកម្មដូចជាដំឡូងមីជាដើម ដោយក្នុងនោះកសិករមិនត្រឹមតែទទួលបាននូវនិរន្ដរភាពទីផ្សារ បង្កើនប្រាក់ចំណូលដល់សមាជិក និងសហគមន៍ មិនមានការកាត់ភាគរយទម្ងន់ ដោយក្នុង១តោន ក្រុមហ៊ុនគិតលុយជូន ១០០០គីឡូពេញ ប៉ុន្ដែបើធៀបជាមួយកសិករខាងក្រៅ ក្រមឈ្មួញបានកាត់ចាប់ពី១០ ទៅ២០% ។បន្ថែមពីនេះ កសិករក៏អាចទទួលបានពូជ និងការបណ្ដុះបណ្ដាលពីក្រុមហ៊ុនលើជំនាញបច្ចេកទេសកសិកម្ម និងការអនុវត្តជាក់ស្តែង ដើម្បីឱ្យទិន្នផលរបស់កសិករមានការកើនឡើង ព្រមទាំងទទួលបានធនធាន ក្នុងការអភិវឌ្ឍសហគមន៍របស់ពួកគាត់ នៅនឹងកន្លែងផ្ទាល់ទៀតផង៕

កសិកររស់នៅស្រុកបន្ទាយអំពឹល កំពុងតែមមាញឹកក្នុងការដាំដុះដំណាំដំឡូងមីដើម្បីផ្គត់ផ្គង់ឲ្យទាន់ទីផ្សារ

ឧត្តរមានជ័យ៖ ប្រជាកសិករភាគច្រើនរស់នៅស្រុកបន្ទាយអំពឹល ក្នុងភូមិសាស្រ្តខេត្តឧត្តរមានជ័យ បច្ចុប្បន្នកំពុងតែមមាញឹកងាកមកក្នុងការបង្ករបង្កើនផលដាំដំណាំដំឡូងមី បន្ទាប់ពីធ្វើស្រែ ខណៈតម្លៃដំឡូមីបច្ចុប្បន្នមានតម្លៃហក់ឡើងខ្ពស់ នៅលើទីផ្សារ នឹងមានការប្រកួតប្រជែងខ្លាំងពីក្រុមឈ្មួញក្នុងស្រុកនឹងក្រៅស្រុក មកចាំទទួលទិញដល់ទីតាំង។កសិករម្នាក់ឈ្មោះ អ៊ុ ផល្លី វ័យជាង៦០ឆ្នាំ រស់នៅស្រុកបន្ទាយអំពឹល បានរៀបរាប់ឲ្យដឹងថា កន្លងមកក្រួសារគាត់ធ្លាប់តែធ្វើស្រែ ប៉ុន្តែបច្ចុប្បន្នតម្លៃស្រូវមានការធ្លាក់ចុះធ្វើហើយពេលប្រមូលផលម្តងៗ មិនរួចខ្លួនរូបគាត់សម្រេចចិត្តងាកមកបង្កើនការដាំដំណាំដំឡូងមីបន្ថែមទៀតដោយសារតែតម្លៃដំឡូងមីក្នុងអំឡុងពេលវិបត្តិជំងឺកូវីដ-១៩ រយៈពេលជិត២ឆ្នាំមកនេះ ក្រុមឈ្មួញទាំងក្នុងស្រុកនឹងក្រៅស្រុកមកទទួលចាំទិញ ក្នុងតម្លៃខ្ពស់ហើយមានការប្រកួតប្រជែងតម្លៃនៅលើទីផ្សារផងដែរ។យ៉ាងណាម៉ិញលោក សូត្រ ស៊ីសុខឃាង ប្រធានមន្ទីរកសិកម្មរុក្ខាប្រមាញ់ នឹងនេសាទខេត្តឧត្តរមានជ័យ បានឲ្យដឹងថា ក្នុងអំឡុងពេលវិបត្តិកូវីដ-១៩នេះយើងសង្កេតឃើញថា ប្រជាកសិករមួយចំនួនធំងាកមកធ្វើការដាំដំណាំដំឡូងមីវិញ ច្រើនជាងការធ្វើស្រែដោយសារតម្លៃដំឡូងមីនៅខេត្តជាប់ព្រំដែនមួយនេះ មានក្រុមឈ្មួញមកពីប្រទេសថៃ នឹងវៀតណាម មកទទួលទិញនឹងបានធ្វើការប្រកួតប្រជែងគ្នាឲ្យតម្លៃខ្ពស់ផងដែរ។កត្ដាទាំងអស់នេះ ដោយសារតែស្ថានភាពសេដ្ឋកិច្ចក្នុងប្រទេសកម្ពុជា ទោះបីស្ថិតក្នុងស្ថានភាពកូវីដ-១៩ យ៉ាងណាក្តីក៏ផ្នែកដំណាំកសិកម្មផ្នែកដំណាំដំឡូងមីនេះ ដូចជាមិនសូវមានការប្រឈមអ្វីនោះទេ ៕អត្ថបទ៖ ឃិនសារិទ្ធ

កសិករដាំដំឡូងមី រីករាយក្នុងការប្រមូលផល ដោយសារការលក់ដូរបានតម្លៃថ្លៃជាងឆ្នាំមុន

ស្ទឹងត្រែង៖ ប្រជាពលរដ្ឋនៅក្នុងស្រុកថាឡាបរិវ៉ាត់ ខេត្តស្ទឹងត្រែង ដែលបានចាប់មុខរបរដាំណាំដំឡូងមី បានសំដែងនៅភាពសប្បាយរីករាយ ក្នុងការប្រផលទទួលបានផល ហើយលក់បានតម្លៃថ្លៃជាងឆ្នាំមុនៗ។លោក ញេប សាវ៉ន ប្រជាកសិករដាំដំឡូងនៅក្នុងចម្ការលើឃុំរដែងស្រុកថាឡាបរិវ៉ាត់ ខេត្តស្ទឹងត្រែង បានឲ្យBTVដឹងថា ឆ្នាំនេះ ដំឡូងមីមានតម្លៃថ្លៃជាងឆ្នាំកន្លងមក ទាំងដំឡូងស្រស់និងតំឡូងក្រៀម។លោក បន្តថា ប្រជាកសិករដាំដំណាំដំឡូងមី ទទួលបានផលល្អ ហើយលក់ដូរក៏មានតម្លៃខ្ពស់ ជាងឆ្នាំកន្លងទៅ ដំឡូងស្រស់លក់បានក្នុងតម្លៃ ៣៩០ទៅ៤០០រៀលក្នុង១គីឡូក្រាម ចំពោះដំឡូងក្រៀមលក់បានចាប់ពី ៧២០ទៅ៧៥០ក្នុង ១គីឡូក្រាម។ប្រជាពលរដ្ឋនៅក្នុងស្រុកថាឡាបរិវ៉ាត់ជាង ៨០ភាគរយគឺប្រកបរបកសិកម្ម ហើយប្រជាកសិករទាំងអស់បានខិតខំដាំដុះនៅដំណាំគ្រប់ប្រភេទ ជាពិសេសដាំដំឡូងមី ព្រោះដំឡូងមីឆ្នាំនេះ មានហាងឆេងល្អ ។លោក សន សារឿន អភិបាលស្រុកថាឡាបរិវ៉ាត់ បានទទួលស្គាល់ថា ឆ្នាំនេះ ដំឡូងមីមានទីផ្សារល្អ ហើយលោកបានជម្រុញប្រជាកសិករ ឲ្យធ្វើការដាំដុះនៅដំណាំណាដែមានទីផ្សារល្អ ជៀសវាងការដាំដុះបានផលហើយ លក់ដូរមិនមានតម្លៃធ្វើឲ្យមានការខាតបង់៕ អត្ថបទ៖ មាស ផល្លា

ពេញមួយឆ្នាំ២០២១កម្ពុជានាំស្រូវទៅលក់នៅប្រទេសវៀតណាម ឆ្លងកាត់ខេត្តតាកែវ បានចំនួនជាង ១លានតោន

តាកែវ៖ ក្នុងរយៈពេលពេញមួយឆ្នាំ២០២១នេះ កម្ពុជានាំស្រូវយកទៅលក់នៅប្រទេសវៀតណាម ដោយឆ្លងកាត់ច្រកព្រំដែនចំនួន៣របស់ខេត្តតាកែវ បានចំនួនជាង ១លានតោន។ នេះបើយោងតាមរបាយការណ៍របស់មន្ទីរកសិកម្មរុក្ខាប្រមាញ់ និងនេសាទខេត្តតាកែវ។លោក ញិប ស្រ៊ន ប្រធានមន្ទីរកសិកម្មរុក្ខាប្រមាញ់ និងនេសាទខេត្តតាកែវ បានថ្លែងឲ្យដឹងថា គិតចាប់ពីខែថ្ងៃទី ១ខែមករា រហូតដល់ដើមខែមរា ឆ្នាំ ២០២២នេះ ស្រូវចំនួន ១លាន១៧ម៉ឺនតោន បានដឹកឆ្លងច្រកទ្វាព្រំដែនចំនួន ៣របស់ខេត្តតាកែវ គឺច្រកទ្វាបាក់ដៃ នៅក្នុងស្រុកអង្គបូរី ច្រកទ្វាកំពង់ក្រសាំង នៅស្រុកបូរីជលសារ និងតាមច្រកទ្វាព្រំដែនអន្តរជាតិភ្នំដិន របស់ស្រុកគីរីវង់ យកទៅលក់នៅប្រទេសវៀតណាម ហើយភាគច្រើនជាប្រភេទស្រូវអ៊ីអ៊ែ ដោយលក់ក្នុងតម្លៃ ១តោនបានជាង ៨០ម៉ឺនរៀល។ លោកប្រធានមន្ទីរកសិកម្ម បានថ្លែងបន្តថា ស្រូវទាំងអស់នោះ ត្រូវបាននាំយកមកលក់តាមបណ្ដាលខេត្តមួយចំនួនរបស់ប្រទេសកម្ពុជាជាពិសេសខេត្តកំពង់ស្ពឺ កណ្ដាល ពោធិ៍សាត់និងកំពង់ឆ្នាំងជាដើម ហើយបើប្រៀបធៀប និងឆ្នាំ២០២០កន្លងមក ការនាំស្រូវយកទៅលក់នៅប្រទេសវៀតណាម ក្នុងឆ្នាំ២០២១នេះ មានការកើនឡើងប្រមាណជាង ៨០០ភាគរយ ពោលកាលពីឆ្នាំ២០២០កន្លងមកការនាំស្រូវយកទៅលក់នៅប្រទេសវៀតណាម ដោយឆ្លងកាត់ខេត្តតាកែវ គឺមានចំនួនជិត ២សែនតោន តែប៉ុណ្ណោះ ហើយមូលហេតុដែលកានាំស្រូវចេញទៅលក់នៅប្រទេសវៀតណាមក្នុងឆ្នាំ២០២១ កើនឡើងខ្លាំងដោយសារតែ ច្រកទ្វាព្រំដែនបានបើកដំណើរការឡើងវិញក្រោយពីស្ថានភាពការឆ្លងរីករាលដាលជំងឺកូវីដ១៩ បានធូស្រាល។លោក ញិប ស្រ៊ន បានថ្លែងបន្តថា ក្រៅពីស្រូវកម្ពុជាយើងក៏បាននាំផ្លែស្វាយប្រមាណ ៤ម៉ឺនតោនយកទៅលក់នៅប្រទេសវៀតណាមផងដែរ ចំពោះតម្លៃស្វាយវិញគឺក្រុមឈ្មួញវៀតណាមទិញក្នុងតម្លៃ ១៧៥ដុល្លារ ឬ៧០ម៉ឺនរៀលក្នុងមួយតោន។ តម្លៃនេះ គឺប្រហាក់ប្រហែលគ្នានឹងតម្លៃលក់នៅលើទីផ្សារក្នុងស្រុករបស់កម្ពុជាយើង៕ ដោយ៖ គុជ វិភាគ

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

វិនិយោគបង្កើតកំពង់ផែ និងមណ្ឌលភស្តុភារកម្ម នឹងជួយលើកកម្ពស់និងប្រសិទ្ធិភាពនាំចេញ-នាំចូល

ក្រុមហ៊ុនថៃជាច្រើន ត្រៀមខ្លួនចាប់យកឱកាសវិនិយោគនៅកម្ពុជា

មន្ត្រីជំនាញ រំពឹងថា វិស័យទេសចរណ៍នៅខេត្តមណ្ឌលគិរី នឹងកាន់តែទាក់ទាញនៅក្នុងឆ្នាំ២០២២នេះ

កម្ពុជា រំពឹងការនាំចេញផលិតផលមិនមែនកាត់ដេរ បានល្អប្រសើរនៅក្នុងឆ្នាំ២០២២

ការនាំចេញវិស័យវាយនភណ្ឌរបស់កម្ពុជា ក្នុងឆ្នាំកន្លងទៅមានចំនួនជិត១០ពាន់លានដុល្លារ

ក្រសួងកសិកម្ម ជំរុញការវិនិយោគចិញ្ចឹមត្រីក្នុងលំហសមុទ្រ

កសិករមមាញឹកនិងសប្បាយចិត្ដក្នុងការប្រមូលផលដំឡូងមី ខណៈតម្លៃដំឡូងមីឆ្នាំនេះមានទីផ្សារល្អ

កសិកររស់នៅស្រុកបន្ទាយអំពឹល កំពុងតែមមាញឹកក្នុងការដាំដុះដំណាំដំឡូងមីដើម្បីផ្គត់ផ្គង់ឲ្យទាន់ទីផ្សារ

កសិករដាំដំឡូងមី រីករាយក្នុងការប្រមូលផល ដោយសារការលក់ដូរបានតម្លៃថ្លៃជាងឆ្នាំមុន

ពេញមួយឆ្នាំ២០២១កម្ពុជានាំស្រូវទៅលក់នៅប្រទេសវៀតណាម ឆ្លងកាត់ខេត្តតាកែវ បានចំនួនជាង ១លានតោន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

វិនិយោគបង្កើតកំពង់ផែ​ និងមណ្ឌល​ភស្តុភារកម្ម ​នឹង​ជួយ​លើក​កម្ពស់​និងប្រសិទ្ធិភាពនាំចេញ-នាំចូល

ក្រុមហ៊ុនថៃជាច្រើន ត្រៀមខ្លួនចាប់យកឱកាសវិនិយោគនៅកម្ពុជា

មន្ត្រីជំនាញ រំពឹងថា វិស័យទេសចរណ៍នៅខេត្តមណ្ឌលគិរី នឹងកាន់តែទាក់ទាញ​នៅ​ក្នុង​ឆ្នាំ២០២២​នេះ

កម្ពុជា រំពឹងការនាំចេញ​ផលិតផល​មិនមែន​កាត់ដេរ ​បាន​ល្អ​ប្រសើរ​នៅ​ក្នុង​ឆ្នាំ២០២២

ការនាំចេញវិស័យវាយនភណ្ឌរបស់កម្ពុជា ក្នុងឆ្នាំកន្លងទៅមានចំនួនជិត១០ពាន់លានដុល្លារ

ក្រសួងកសិកម្ម ជំរុញការវិនិយោគចិញ្ចឹមត្រីក្នុងលំហសមុទ្រ

កសិករ​មមាញឹក​និង​សប្បាយ​ចិត្ដ​ក្នុង​ការ​ប្រមូល​ផលដំឡូងមី ខណៈតម្លៃដំឡូងមីឆ្នាំនេះ​មាន​ទីផ្សារល្អ​

កសិករដាំដំឡូងមី រីករាយក្នុងការប្រមូលផល ដោយសារការលក់ដូរបានតម្លៃថ្លៃ​ជាងឆ្នាំមុន

ពេញមួយឆ្នាំ២០២១​កម្ពុជានាំស្រូវទៅលក់នៅប្រទេសវៀតណាម ឆ្លងកាត់ខេត្តតាកែវ បាន​ចំនួនជាង ១លានតោន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

វិនិយោគបង្កើតកំពង់ផែ និងមណ្ឌលភស្តុភារកម្ម នឹងជួយលើកកម្ពស់និងប្រសិទ្ធិភាពនាំចេញ-នាំចូល

មន្ត្រីជំនាញ រំពឹងថា វិស័យទេសចរណ៍នៅខេត្តមណ្ឌលគិរី នឹងកាន់តែទាក់ទាញនៅក្នុងឆ្នាំ២០២២នេះ

កម្ពុជា រំពឹងការនាំចេញផលិតផលមិនមែនកាត់ដេរ បានល្អប្រសើរនៅក្នុងឆ្នាំ២០២២

កសិករមមាញឹកនិងសប្បាយចិត្ដក្នុងការប្រមូលផលដំឡូងមី ខណៈតម្លៃដំឡូងមីឆ្នាំនេះមានទីផ្សារល្អ

កសិករដាំដំឡូងមី រីករាយក្នុងការប្រមូលផល ដោយសារការលក់ដូរបានតម្លៃថ្លៃជាងឆ្នាំមុន

ពេញមួយឆ្នាំ២០២១កម្ពុជានាំស្រូវទៅលក់នៅប្រទេសវៀតណាម ឆ្លងកាត់ខេត្តតាកែវ បានចំនួនជាង ១លានតោន