BTV NEWS

រយៈពេល៤ខែឆ្នាំនេះ CDC ទទួលបានការវិនិយោគ ១៨៤ គម្រោង មានទុនសរុប ២,៦ ពាន់លានដុល្លារ

អនុប្រធានទី១ CDC ៖ វិស័យភស្ភុភារកម្មជាឆ្អឹងខ្នង នៃសេដ្ឋកិច្ច និងការទាក់ទាញវិនិយោគិនពីបរទេស

រាជរដ្ឋាភិបាលវាយតម្លៃសារជាថ្មីលើវិស័យចម្បងៗដែលទ្រទ្រង់កំណើនសេដ្ឋកិច្ចឆ្នាំ២០២៦

កម្ពុជានាំចេញបន្ទះសូឡាក្នុងត្រីមាសទី១ មានទឹកប្រាក់សរុបជាង ៥,៧លានដុល្លារ កើនជិត ៧៥%

សេដ្ឋកិច្ច និង កសិកម្ម

ការបើកដំណើរការសកម្មភាពសង្គម-សេដ្ឋកិច្ចឡើងវិញ នឹងជ្រោងកំណើនសេដ្ឋកិច្ចខ្ពស់ឡើង

ភ្នំពេញ ៖ វិស័យឯកជន ថ្លែងនូវការសាទរ និងរីករាយបំផុត ចំពោះប្រមុខរាជរដ្ឋាភិបាល បានប្រកាសបើកដំណើរការប្រទេសឡើងវិញគ្រប់វិស័យ ដើម្បីស្តារ និងអភិវឌ្ឍន៍ប្រទេស ជាពិសេសធ្វើឲ្យអាជីវកម្ម និងអាជីវករគ្រប់វិស័យ រួមជាមួយប្រជាពលរដ្ឋមានចំណូលឡើងវិញ ដែលជាផ្នែកមួយយ៉ាងសំខាន់ ក្នុងការជម្រុញកំណើនសេដ្ឋកិច្ចជាតិឲ្យងើបឡើងវិញផងដែរ។លោកឧកញ៉ា លឹម ហេង អនុប្រធានសភាពពាណិជ្ជកម្មកម្ពុជា ថ្លែងថា បន្ទាប់ពីពិភពលោកផ្ទុះនៃការរីករាលដាលជំងឺកូវីដ ១៩ មក ប្រមុខរាជរដ្ឋាភិបាល ដែលមានសម្តេចតេជោ នាយករដ្ឋមន្រ្តី សម្តេចបានខិតខំប្រឹងប្រែងនូវគ្រប់ឧបសគ្គ ប្រយុទ្ធប្រឆាំង និងបង្ការទប់ស្កាត់ ជាពិសេសសម្តេចបានជម្រុញការចាក់វ៉ាក់បង្ការជម្ងឺកូវីដ ១៩ បានលើសផែនការរំពឹងទុក ពោលគឺរាជរដ្ឋាភិបាល បានគិតគូរយ៉ាងខ្លាំងដល់សុខុមាលភាព និងការរស់រាន្តរបស់ប្រជាពលរដ្ឋ។លោកឧកញ៉ា ថ្លែងនូវការសាទរ និងសម្តែងនូវការរីករាយ ដោយលើកឡើងថា វិស័យឯកជនជាច្រើន បានកំពុងទន្ទឹងរង់ចាំ ជាពិសេសវិស័យឧស្សាហកម្ម អាជីវកម្ម រោងចក្រ សហគ្រាស និងអាជីវករនៅគ្រប់វិស័យ នឹងអាចបើកដំណើរការអាជីវកម្មឡើងវិញ ដែលធ្វើឱ្យប្រជាពលរដ្ឋ មានចំណូលកាន់តែច្រើន នឹងជម្រុញកំណើនសេដ្ឋកិច្ចជាតិឲ្យងើបឡើងវិញ ។ចំណែក លោក មៀវ សុខទ្រី ប្រធានសមាគមអ្នកផលិតចំណីអាហារកម្ពុជា និងតំណាងឲ្យសមាជិកសមាគមអ្នកផលិតចំណីអាហារទាំងអស់ ក៏បានថ្លែងនូវការសាទរយ៉ាងពេញទំហឹង ចំពោះការប្រកាសបើកប្រទេសឡើងវិញរបស់រាជរដ្ឋាភិបាល ដែលនឹងធ្វើឲ្យវិស័យក្នុងស្រុកងើបឡើងវិញ ជាពិសេសវិស័យផលិតចំណីអាហារ។ សូមរំលឹកថា នៅក្នុងពិធីប្រកាសបិទយុទ្ធនាការចាក់វ៉ាក់សាំងដល់កុមារអាយុចាប់ពី ០៦ឆ្នាំ និងបើកយុទ្ធនាការចាក់វ៉ាក់សាំងដល់កុមារអាយុ ៥ ឆ្នាំ នាព្រឹកថ្ងៃទី០១ ខែវិច្ឆិកា ឆ្នាំ២០២១ នេះ, សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រកាសបើកដំណើរការប្រទេសឡើងវិញគ្រប់វិស័យ និងការរស់នៅជាមួយកូវីដ-១៩ តាមគន្លងថ្មី ដោយអនុវត្ត ចាប់ពីថ្ងៃទី១ ខែវិច្ឆិកា ឆ្នាំ ២០២១ នេះ។ ការប្រកាសបើកសង្គម-សេដ្ឋកិច្ចពេញលេញនេះ គឺបន្ទាប់ពីការអាក់ខានដោយសារការឆ្លង រីករាលដាលនៃជំងឺកូវីដ-១៩ ក្នុងរយៈពេល ប្រមាណជិត ០២ឆ្នាំ ដែលជាការឆ្លុះបញ្ចាំងពីភាពជោគជ័យរបស់កម្ពុជា ក្នុងការទប់ស្កាត់ការឆ្លងរីករាលដាលនៃជំងឺកូវីដ-១៩៕អត្ថបទ៖ សុន រ៉ាឌី

កម្ពុជា នាំចេញកសិផលបានជាង៦លានតោន មានតម្លៃជាង៤ពាន់លានដុល្លារ រយៈពេល១០ខែ

ភ្នំពេញ ៖ កម្ពុជា នាំចេញកសិផលបានជាង ៦,៣លានតោន ទៅកាន់៦៨ប្រទេស ដែលមានតម្លៃជាង ៤ពាន់លានដុល្លារ នារយៈពេល១០ខែ ឆ្នាំ២០២១នេះ កើនឡើង ៨៧ភាគរយ បើធៀបនឹងរយៈពេលដូចគ្នាកាលពីឆ្នាំ២០២០។របាយការណ៍របស់ឯកឧត្តម វេង សាខុន រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទ ក្នុងរយៈពេល១០ខែ ឆ្នាំ២០២១ កម្ពុជានាំចេញកសិផលបានចំនួន ៦,៣លានតោន ទៅ៦៨ប្រទេស។ ឯកឧត្តម មន្ត្រីក្រសួងកសិកម្ម បានបញ្ជាក់ថា កសិផលសរុបដែលនាំចេញ គឺមានតម្លៃប្រមាណ៤ពាន់លានដុល្លារអាម៉េរិក។យោងតាមរបាយការណ៍ដដែល ក្នុងចំណោមចំណូល ជាង៤ពាន់លានដុល្លារនេះ គឺមាន ៣៩២,៩ លានដុល្លារ បានពីការនាំចេញអង្ករ, ៤៦៥,៤ លានដុល្លារ បានពីការនាំចេញស្រូវ។ ចំណែកទឹកប្រាក់ ៣៧៩,៣លានដុល្លារ ទៀតបានពីការនាំចេញកៅស៊ូ ខណៈការនាំចេញកសិផលផ្សេងៗមានជាង ២ ៨០០ លានដុល្លារ។ប្រទេសគោលដៅដែលនាំចូលកសិផលពីកម្ពុជា មានវៀតណាម, ថៃ, ចិន, សហភាពអឺរ៉ុប, តំបន់អាស៊ាន, អ៊ីតាលី, ហូឡង់, ឥណ្ឌា, ជប៉ុន សាធារណរដ្ឋកូរ៉េ, អារ៉ាប់, បង់ក្លាដែស, ស្វីស និងប្រទេសតូហ្គោជាដើម។ចំណែកការនាំចេញអង្ករ ទៅកាន់ទីផ្សារអន្តរជាតិ ក្នុងរយៈពេល១០ខែ ឆ្នាំនេះ មានចំនួន ៤៦០ ១៦៩ តោន មានការថយចុះចំនួន -១៤,២០% ។ ការថយចុះត្រូវបាន ឯកឧត្តម វេង សាខុន ពន្យល់ថា ដោយសារ តម្លៃនៃការដឹកជញ្ជូនទៅកាន់គោលដៅមានការកើនឡើងទ្វេដង និងជួបប្រទះបញ្ហានឹងកង្វះទូរកុងតឺន័រ ទំហំ២០ហ្វិត សម្រាប់ផ្ទុកអង្ករ នាំចេញ។ក្នុងនោះ អង្ករក្រអូបគ្រប់ប្រភេទមានចំនួន ៣២៧ ០៣២ តោន ស្មើនឹង ៧១,០៧% អង្ករស គ្រប់ប្រភេទមានចំនួន ១២៤ ៧១៤ តោន ស្មើនឹង ២៧,១០% និងអង្ករចំហុយមានចំនួន ៨ ៤២៣ តោន ស្មើនឹង ១,៨៣% ៕អត្ថបទ ៖ វណ្ណៈ

ពាណិជ្ជកម្មទ្វេភាគីកម្ពុជា-ចិន មានទំហំទឹកប្រាក់ជិត៨ ពាន់លានដុល្លារ កើន៣៨ ភាគរយ

ភ្នំពេញ ៖ ទំហំពាណិជ្ជកម្មទ្វេភាគីរវាងកម្ពុជា-ចិន រយៈពេល ៩ខែ ដើមឆ្នាំ២០២១ សរុបការមានទំហំទឹកប្រាក់ប្រមាណជិត ៨ពាន់លានដុល្លារអាមេរិក កើនឡើងប្រមាណជាង ៣៨ ភាគរយ។របាយការណ៍ក្រសួងពាណិជ្ជកម្ម បង្ហាញថា ចាប់ពីខែមករា ដល់ខែកញ្ញាឆ្នាំក្នុង២០២១ កម្ពុជា បាននាំចេញទីកាន់ទីផ្សារចិន មានទំហំទឹកប្រាក់ប្រមាណជាង ១ ពាន់លានដុល្លារអាមេរិក កើនប្រមាណ៥២ ភាគរយ។ ដោយឡែក កម្ពុជានាំចូលពីប្រទេសចិន មានទំហំទឹកប្រាក់ប្រមាណជាង ៦ ៨០០ លានដុល្លារអាមេរិក កើនឡើងប្រមាណ ៣៦ ភាគរយ។ ទំហំពាណិជ្ជកម្មទ្វេភាគីប្រទេសទាំងពីរ សម្រេចបាន ៧ ៩០០ លានដុល្លារអាមេរិក កើនឡើង ៣៨ភាគរយ បើធៀបរយៈពេលដូចគ្នានិងឆ្នាំ ២០២០ ។លោកឧកញ៉ា លឹម ហេង អនុប្រធានសភាពពាណិជ្ជកម្មកម្ពុជា ថ្លែងថា ទំហំពាណិជ្ជកម្មទ្វេភាគីកម្ពុជា-ចិន នឹងមានកំណើនងើបឡើងកាន់តែល្អថែមទៀត ការនាំចេញផលិតផលរបស់កម្ពុជាទៅកាន់ទីផ្សារចិនកាន់តែច្រើន ជាពិសេសបន្ទាប់ពីកិច្ចព្រមព្រៀងពាណិជ្ជកម្មសេរីកម្ពុជា-ចិន បានចូលជាធរមាន ។លោកឧកញ៉ា ថា កម្ពុជា អាចនឹងក្លាយទៅជាមជ្ឈមណ្ឌលចែកចាយ ឬបោះដុំទំនិញរបស់ចិន នៅក្នុងទីផ្សារអាស៊ាន ព្រោះតាមរយៈនៃកិច្ចព្រមព្រៀងនេះ ប្រភេទទំនិញជាច្រើននិងរួចពន្ធ ដែលអាចឲ្យយើងលក់តម្លៃធូរថ្លៃនៅក្នុង ទីផ្សារអាស៊ានបាន។ទាក់ទងការធ្វើពាណិជ្ជកម្មអន្តរជាតិ, ថ្មីៗនេះ ឯកឧត្តម ប៉ែន សុវិជាតិ អ្នកនាំពាក្យ និងជាអនុរដ្ឋលេខាធិការ ក្រសួងពាណិជ្ជកម្ម ថ្លែងលើកឡើង ទីផ្សារនាំចេញផលិតផល ជាពិសេសទីផ្សារនាំចេញកសិផលរបស់កម្ពុជា បានជ្រៀតចូលអន្តរជាតិជាបណ្តើរៗ ជាក់ស្តែងការនាំចេញអង្ករទៅកាន់ទីផ្សារប្រទេសចិន គឺបានកំពុងពេញនិយម និងមានការគាំទ្រយ៉ាងខ្លាំង៕អត្ថបទ៖ សុន រ៉ាឌី

ក្រសួងពាណិជ្ជកម្ម និងហាវេស រៀបចំពិព័រណ៍ផលិតផលកែច្នៃកសិកម្មបញ្ជ្រាបក្នុងផ្សារទំនើប និងទីផ្សារអន្តរជាតិ

ភ្នំពេញ ៖ ក្នុងគោលណងធំ ជួយលើកស្ទួយផលិតផលក្នុងស្រុកក្រសួងពាណិជ្ជកម្ម និងគម្រោងកម្ពុជាហាវេស២ បានរៀបចំតាំងពិព័រណ៍ផ្សព្វផ្សាយផលិតផលកែច្នៃ ពីផលកសិកម្មមួយចំនួន ដើម្បីបញ្ជ្រាបទៅក្នុងផ្សារទំនើបទូទាំងប្រទេស រួមទាំងឈានដល់ចាប់យកទីផ្សារអន្តរជាតិ នាពេលខាងមុខ ។ក្នុងពេលរៀបចំធ្វើពិព័រណ៍នៅផ្សាម៉ាក្រូ នាថ្ងៃទី៣០ ខែតុលា ឆ្នាំ២០២១ លោក ជុំ ប៊ុនលី អ្នកសម្របសម្រួលផ្នែកទីផ្សារ នៃគម្រោងកម្ពុជាហាវេស២ បានលើកឡើងថា ពិព័រណ៍នេះ ធ្វើឡើង ដើម្បីលើកស្ទួយផលិតផលខ្មែរ ឲ្យមានសមត្ថភាពពេញលេញក្នុងការប្រកួតប្រជែងនៅលើទីផ្សារ ហើយក៏បានបង្ហាញនូវអ្វីដែលខ្មែរអាចធ្វើបាន មិនចាញ់ផលិតផលរបស់បរទេស ខណៈហាវេស បានជួយពួកគាត់មានទាំងការដាំដុះ បច្ចេកទេសកែច្នៃ រហូតដល់ការរៀបចំទីផ្សារនេះ ។លោក បានបន្តថា សម្រាប់ផលិតផលកសិកម្ម ត្រូវបានយកមកតាំងពិព័រណ៍នេះ មានដូចជា ដំណាប់ ធ្វើពីស្វាយ ម្នាស់ ល្ហុងជាដើម, ភេសជ្ជៈ ឱសថ ម្រេច គ្រាប់ស្វាយចន្ទី ផ្លែឈើកំប៉ុង ធ្វើពីផ្លែមៀនប៉ៃលិន ផ្លែឈើស្រស់ រួមទាំងរបស់មួយចំនួនទៀត ដែលពួកគាត់យកទៅកែច្នៃ ។សម្រាប់តំណាងសិប្បកម្ម និងរោងចក្រកែច្នៃផលិតនីមួយៗ បានលើកឡើងថា ការរៀបចំពិព័រណ៍នេះ គឺល្អណាស់សម្រាប់ពួកគេ ដើម្បីបានផ្សព្វផ្សាយផលិតផលក្នុងស្រុក ទៅកាន់ប្រជាពលរដ្ឋ ឬភ្ញៀវបរទេស នូវស្នាដៃថ្មីៗ ដែលយើងចាប់ផ្ដើមមាន ដើម្បីបង្ហាញទៅកាន់ទីផ្សារអន្តរជាតិ ខណៈទាំងគុណភាព ការវេចខ្ចប់ជាដើម សុទ្ធសឹងតែអនុវត្តទៅតាមស្ដង់ដារ ។ពួកគេ បានបន្តថា សម្រាប់ផលិតផល ដែលយកមកតាំងពិព័រណ៍ មួយចំនួនគឺពលរដ្ឋបានស្គាល់ និងគាំទ្រច្រើន ហើយផលិតផលទាំងអស់នេះ ក៏មានលក់នៅតាមផ្សារធម្មតា ផ្សារទំនើប និងមាននាំទៅទីផ្សារសឹង្ហបុរី និងជប៉ុនជាដើម តែគោលដៅបន្ត គឺការនាំទៅទីផ្សារអន្តរជាតិ ឲ្យបានគ្រប់មុខទំនិញ នៅពេលទទួលបានជោគជ័យ វាក៏បានបង្កើតការងារជាច្រើនដល់ពលរដ្ឋ ។ គួរបញ្ជាក់ថា ពិព័រណ៍នេះ បានចាប់ផ្ដើមបើកពីថ្ងៃទី២៥ ខែតុលា ដល់ថ្ងៃទី១ ខែវិច្ឆិកា ឆ្នាំ២០២១ ៕ អត្ថបទ បាន សុខរិទ្ធិ

កសិករខេត្តឧត្តរមានជ័យ ចាប់ផ្តើមប្រមូលផលស្រូវរដូវប្រាំងបណ្ដើរៗហើយ

ឧត្តរមានជ័យ ៖ មន្ទីរកសិកម្មខេត្តឧត្តរមានជ័យ បានឲ្យដឹងថា ផលដំណាំស្រូវរដូវប្រាំងរបស់ប្រជាកសិករឆ្នាំ២០២១នេះ ក្នុងភូមិសាស្រ្តខេត្តឧត្តរមានជ័យ ទទួលបានទិន្នល្អប្រសើរ នឹងចាប់ផ្តើមប្រមូលផលច្រូតកាត់បណ្តើរៗខ្លះហើយ នៅតាមតំបន់មួយចំនួន។ប្រធានមន្ទីរកសិកម្មរុក្ខាប្រមាញ់ និងនេសាទខេត្តឧត្តរមានជ័យលោក សូត្រ ស៊ីសុខឃាង បានបន្ដទៀតថា ផលដំណាំស្រូវរដូវប្រាំងរបស់ប្រជាកសិករឆ្នាំ២០២១នេះ ក្នុងភូមិសាស្រ្ត ក្រុងស្រុកទាំងប្រាំរបស់ខេត្តឧត្តរមានជ័យ សំរាប់ឆ្នាំ២០២១នេះ នឹងទទួលបានទិន្នល្អប្រសើរច្រើនជាងបណ្តាឆ្នាំមុន ដោយសារតែឆ្នាំនេះ ដំណាំស្រូវរបស់ប្រជាកសិករមានប្រភពទឹកភ្លៀងដែលបង្ករឲ្យមានជំនន់ទឹកចូលស្រែរបស់កសិករបានគ្រប់គ្រាន់នៅចុងឆ្នាំ មិនបង្ករឲ្យមានមានខូចខាតដោយសារជំនន់ទឹកភ្លៀងនោះឡើយ ផ្ទុយទៅវិញពេលទឹកបានស្រកបែរហុចផ្លែផ្កាឲ្យដំណាំស្រូវមានការដុះបែកគុម្ពល្អប្រសើរ។លោកបន្តទៀតថា សំរាប់ការងារកសិកម្ម ចុងឆ្នាំ២០២១នេះប្រជាកសិករអនុវត្តបានលើផ្ទៃដីគ្រប់ដណ្តប់លើវិស័យកសិកម្មស្រូវរដូវវស្សាសរុបចំនួន ៩៧,២២០ហិកតា។ក្នុងនោះ រួមមានប្រភេទស្រូវស្រាល ២៧៥៥ហិកតា ស្រូវកណ្តាល៨៨៦៩៥ ហិកតាស្រូវធ្ងន់ ៥៥៧០ ហិកតាស្រូវចំការ ២៦០ ហិកតា។ ភាគច្រើនកសិករអាចផលិតស្រូវក្នុងមួយឆ្នាំបានរហូតទៅដល់២ដងប្រសិនបើភូមិសាស្រ្តទីតាំងកន្លែងរបស់គាត់នៅជិតប្រព័ន្ធប្រឡាយធារាសាស្រ្តនោះ។យ៉ាងណាម៉ិញចំពោះតម្លៃស្រូវវិញនោះ គឺមានតម្លៃថេរសមរម្យកសិករអាចទទួលយកបានដោយសារតែកសិករមួយចំនួនបានចង់ក្រងជាមួយសហគមន៍ស្រូវអង្ករស្រូវជាមួយក្រុមហ៊ុនដោយតម្លៃស្រូវចាប់ឆាយ កសិករអាចលក់បានតម្លៃលើទីផ្សារក្នុង១គីឡូប្រមាណ៨០០រៀល រីឯស្រូវល្អអាចលក់បានលើតម្លៃជាង១០០០រៀល ផងដែរ៕អត្ថបទ ៖ ឃិនសារិទ្ធ

រាជរដ្ឋាភិបាលកម្ពុជា សម្រេចបន្តជួយដល់វិស័យកាត់ដេរ វិស័យទេសចរណ៍ និងអាកាសចរណ៍ ៣ខែបន្ថែមទៀត

ភ្នំពេញ ៖ រាជរដ្ឋាភិបាលកម្ពុជា សម្រេចបន្តជួយដល់វិស័យកាត់ដេរ វិស័យទេសចរណ៍ និងអាកាសចរណ៍ សម្រាប់រយៈពេល៣ខែបន្ថែមទៀត ចាប់ពីខែតុលា ដល់ធ្នូឆ្នាំ២០២១ ដើម្បីជួយឲ្យមានការស្តារឡើងវិញនៃសេដ្ឋកិច្ច ។ប្រាក់ឧបត្ថម្ភ នឹងផ្តល់ដល់កម្មករ និយោជិត ដែលបានព្យួរកិច្ចសន្យាការងារ សម្រាប់វិស័យកាត់ដេរ និងការអនុគ្រោះផ្នែកពន្ធសម្រាប់វិស័យទេសចរណ៍ បន្តលើកលែងការបង់ពន្ធអប្បបរមា សម្រាប់រយៈពេល ៣ខែបន្ថែមទៀត ដល់ក្រុមហ៊ុនអាកាសចរណ៍ចុះបញ្ជីនៅកម្ពុជា។សេចក្ដីណែនាំអំពីវិធានការបន្ថែម ដើម្បីបន្តគ្រប់គ្រងផលប៉ះពាល់ លើវិស័យសំខាន់ៗនៃសេដ្ឋកិច្ច នៅក្នុងបរិការណ៍នៃវិបត្តិ, ការស្ដារ និងជំរុញកំណើនសេដ្ឋកិច្ចកម្ពុជា ក្រោយពីវិបត្តិនៃជំងឺកូវីដ-១៩ (ជុំទី១០) របស់រាជរដ្ឋាភិបាលកម្ពុជា នៅថ្ងៃទី២៨ ខែតុលានេះ រាជរដ្ឋាភិបាលកម្ពុជា បានសម្រេចជួយដល់វិស័យទាំង២ ដូចខាងក្រោម បន្តផ្តល់ប្រាក់ឧបត្ថម្ភ៤០ដុល្លារអាមេរិក ក្នុងមួយខែ សម្រាប់កម្មករ-និយោជិត១នាក់ ដែលបំពេញការងារក្នុងវិស័យកាត់ដេរ-វាយនភណ្ឌ, ស្បែកជើង, ផលិតផលធ្វើដំណើរ និងកាបូប សម្រាប់រយៈពេល៣ ខែបន្ថែមទៀត ពីខែតុលា ដល់ខែធ្នូ ឆ្នាំ២០២១។ ម្ចាស់រោងចក្រ-សហគ្រាសក្នុងវិស័យនេះ ត្រូវបន្ថែមចំនួន៣០ដុល្លារអាមេរិក សម្រាប់កម្មករ-និយោជិត១ នាក់ (ជាសរុបកម្មករ-និយោជិត១នាក់ ទទួលបាន៧០ដុល្លារអាមេរិក ក្នុងមួយខែ)។ក្នុងមួយខែ ជូនកម្មករ-និយោជិត ០១ នាក់ ដែលបំពេញការងារ ក្នុងវិស័យទេសចរណ៍ ដូចជា៖ សណ្ឋាគារ, ផ្ទះសំណាក់, ភោជនីយដ្ឋាន និងភ្នាក់ងារទេសចរណ៍ សម្រាប់រយៈពេល ៣ខែបន្ថែមទៀត ពីខែតុលា ដល់ខែធ្នូ ឆ្នាំ២០២១ នឹងទទួលប្រាក់ឧបត្ថម្ភ៤០ដុល្លារអាមេរិក។ ចំណែក សហគ្រាស និងអាជីវកម្មក្នុងវិស័យទេសចរណ៍ ត្រូវរួមចំណែកតាមគោលការណ៍ស្ម័គ្រចិត្ត និងតាមលទ្ធភាពជាក់ស្តែង បន្ថែមលើអ្វីដែលរាជរដ្ឋាភិបាលបានផ្តល់ជូន។បន្ថែមពីលើនេះ រាជរដ្ឋាភិបាល សម្រេចលើកលែង ការបង់ពន្ធប្រចាំខែគ្រប់ប្រភេទ ចំពោះសណ្ឋាគារ, ផ្ទះសំណាក់, ភោជនីយដ្ឋាន និងក្រុមហ៊ុនភ្នាក់ងារទេសចរណ៍ ដែលបានចុះបញ្ជី ជាមួយអគ្គនាយកដ្ឋានពន្ធដារ និងមានសកម្មភាពអាជីវកម្ម នៅក្នុងរាជធានីភ្នំពេញ, ខេត្តសៀមរាប, ខេត្តព្រះសីហនុ, ខេត្តកែប, ខេត្តកំពត, ក្រុងបាវិត និងក្រុងប៉ោយប៉ែត សម្រាប់រយៈពេល៣ ខែបន្ថែមទៀត ពីខែតុលា ដល់ខែធ្នូ ឆ្នាំ២០២១។ អាជីវកម្មទាំងនេះ នៅតែមានកាតព្វកិច្ចដាក់លិខិតប្រកាសពន្ធអាករ និង ប្រើប្រាស់ប្រព័ន្ធអនឡាញ សម្រាប់គ្រប់គ្រងអាករលើតម្លៃបន្ថែម (E-VAT) ជារៀងរាល់ខែ ក្នុងអំឡុងពេលនៃការលើកលែងនេះ។រដ្ឋាភិបាលកម្ពុជា បានប្រកាសបន្តលើកលែងការបង់ពន្ធអប្បបរមា សម្រាប់រយៈពេល ៣ខែបន្ថែមទៀត ជូនដល់ក្រុមហ៊ុនអាកាសចរណ៍ ដែលបានចុះបញ្ជីនៅកម្ពុជា ខណៈដែលវិស័យនេះបាននឹងកំពុងរងគ្រោះ ដោយសារការរីករាលដាល នៃជំងឺកូវីដ១៩ អស់រយៈជិត២ឆ្នាំ៕អត្ថបទ ៖ វណ្ណៈ

កម្ពុជាបានបញ្ជូនឯកសារពាក់ព័ន្ធបន្ថែមលើពាក្យបណ្តឹង ដើម្បីទាមទារប្រេងឆៅត្រឡប់មកវិញ

ភ្នំពេញ ៖ រាជរដ្ឋាភិបាល បានកំពុងពន្លឿន និងបានរៀបចំឯកសារលិខិតស្នាមពាក់ព័ន្ធផ្សេងៗ លើពាក្យបណ្តឹង បញ្ជូនទៅតុលាការឥណ្ឌូនេស៊ីបន្ថែម ដើម្បីទាមទារប្រេងឆៅត្រឡប់មកវិញ លើករណីការលួចប្រេងឆៅរបស់កម្ពុជា នាកាលកន្លងមកនេះ។ពាក់ព័ន្ធករណីការលួចប្រេងឆៅរបស់កម្ពុជា កាលពីខែ មិថុនា ឆ្នាំ២០២១ កន្លងមកនេះ បន្ទាប់ពីអាជ្ញាធរប្រទេសឥណ្ឌូនេស៊ី បានឃាត់កប៉ាល់ និងនាវិកដែលដឹកប្រេងកាលពីថ្ងៃទី ២៥ ខែសីហានោះ រដ្ឋាភិបាលកម្ពុជា ក្រោមកិច្ចសហការជាអន្តរក្រសួងរួមមាន ៖ ក្រសួងរ៉ែ និងថាមពល ក្រសួងយុត្តិធម៌ និងក្រសួងកាបរទេស និងសហប្រតិបត្តិការអន្តរជាតិកម្ពុជា គឺបានពន្លឿនការចរចរជាមួយអាជ្ញាធរកណ្តាលប្រទេសឥណ្ឌូនេស៊ី ដើម្បីស្នើរសុំបញ្ជូនទាំងប្រេង នាវា និងនាវិកទាំងនោះមកកាន់កម្ពុជា ដើម្បីដោះស្រាយបញ្ហាទាំងនេះទៅតាមផ្លូវច្បាប់។ក្រសួងរ៉ែ និងថាមពល កាលពីពេលថ្មីៗនេះ បានរៀបចំលិខិតស្នាម និងឯកសារពាក់ព័ន្ធផ្សេងៗនៅលើសុំណុំរឿងបណ្តឹង បញ្ជូនទៅតុលាការប្រទេសឥណ្ឌូនេស៊ីបន្ថែមទៀត តបតាមការសំណើរសុំនៃភាគីប្រទេសឥណ្ឌូនេស៊ី ដើម្បីទាមទារយកប្រេងឆៅរបស់កម្ពុជាត្រឡប់មកវិញ ។ចំណែកពាក់ព័ន្ធក្រុមហ៊ុន KrisEnergy វិញ, នាពេលកន្លងមកនេះ ឯកឧត្តម ជៀប សួរ អ្នកនាំពាក្យ និងជាអគ្គនាយកនៃអគ្គនាយកដ្ឋានប្រេងកាត បានថ្លែងថា ក្រសួងរ៉ែ និងថាមពល បានចេញលិខិតព្រមានដល់ក្រុមហ៊ុន KrisEnergy រួចហើយ ក្នុងករណីធ្វេសប្រហែស ដែលបណ្តោយឲ្យក្រុមនាវិកទាំងនោះលួចទាំងប្រេង និងកប៉ាល់ ដោយគ្មានការអនុញ្ញាតពីរាជរដ្ឋាភិបាលកម្ពុជា ក្នុងនោះក្រសួងក៏បានស្នើរឲ្យក្រុមហ៊ុនមេ របស់ក្រុមហ៊ុន KrisEnergy ចេញមុខធ្វើការទូទាត់សំណង ដូចជា ប្រេង និងបំណុលហិរញ្ញវត្ថុមួយចំនួន ដែលក្រុមហ៊ុនបានជំពាក់រាជរដ្ឋាភិបាលកម្ពុជា។ឯកឧត្តម ស៊ុយ សែម រដ្ឋមន្ត្រីក្រសួងរ៉ែ និងថាមពល លើកឡើងថា ក្រុមហ៊ុន KrisEnergy បានប្រកាសក្ស័យធុនលើការធ្វើអាជីវកម្មរបស់ខ្លួន ប៉ុន្តែក្រុមហ៊ុន KrisEnergy គឺមិនទាន់បានដោះស្រាយចប់សព្វគ្រប់នៅឡើយ ។ បើយោងតាមផ្លូវច្បាប់ ក្រសួង នឹងដកអាជ្ញារបណ្ណពីក្រុមហ៊ុននោះមកវិញ ដើម្បីស្វែងរកអ្នកវិនិយោគថ្មីជាបន្ត ៕អត្ថបទ៖ សុន រ៉ាឌី

ធនាគារជាតិកម្ពុជា បង្ហាញវឌ្ឍនភាពការអភិវឌ្ឍប្រព័ន្ធទូទាត់ទំនើបសម្រួលការទូទាត់ទាំងក្នុងស្រុក និងក្នុងតំបន់

ភ្នំពេញ ៖ ធនាគារជាតិនៃកម្ពុជា បានគាំទ្រការអភិវឌ្ឍប្រព័ន្ធទូទាត់ទំនើប និងបានដាក់ចេញប្រព័ន្ធទូទាត់បាគង ដោយប្រើប្រាស់បច្ចេកវិទ្យា Blockchain សម្រាប់ជាប្រព័ន្ធទូទាត់កន្លោង ដើម្បីលើកកម្ពស់បរិយាបន្នហិរញ្ញវត្ថុ តម្លាភាព គណនេយ្យភាព និងអាចទូទាត់ឆ្លងគ្រឹះស្ថានបាន (interoperability) ដើម្បីសម្រួលការទូទាត់ទាំង ក្នុងស្រុក និងសមាហរណកម្មទៅក្នុងតំបន់។ឯកឧត្តម ស៊ុ សន្និសិទ្ធ ទេសាភិបាលរង ធនាគារជាតិនៃកម្ពុជា បានលើកឡើងបែបនេះ ថ្ងៃទី២៦ ខែតុលា ឆ្នាំ២០២១ បានចូលរួមវេទិកា ប្រចាំឆ្នាំរបស់ធនាគារពិភពលោក ស្តីពី ភាពជាដៃគូនៃការគ្រប់គ្រង និងប្រឹក្សាលើទុនបម្រុងអន្តរជាតិ (RAMP) ដែលបានចូលរួមដោយថ្នាក់ដឹកនាំធនាគារកណ្ដាល នាយកប្រតិបត្តិផ្នែកហិរញ្ញវត្ថុ និងមន្ត្រីជំនាញ គ្រប់គ្រងទុនបម្រុងអន្តរជាតិ។ គោលបំណងនៃការរៀបចំវេទិកានេះ គឺដើម្បីផ្តល់ជាឱកាសពិភាក្សាលើស្ថានភាពសេដ្ឋកិច្ចពិភពលោក បទពិសោធន៍នៃការគ្រប់គ្រងទុនបម្រុងអន្តរជាតិ និងទស្សនវិស័យនាពេលខាងមុខ។ វេទិកានេះ បានលើកយកបទពិភាក្សានូវប្រធានបទបច្ចុប្បន្នភាពសំខាន់ៗ រួមមាន ៖ ការកើនឡើងនៃអត្រា អតិផរណាក្នុងប្រទេសអភិវឌ្ឍន៍ ការធ្វើប្រក្រតីកម្មនយោបាយរូបិយវត្ថុ ការកើនឡើងកម្រិតបំណុល ការប្រែប្រួល អាកាសធាតុ និងបច្ចេកវិទ្យាហិរញ្ញវត្ថុ។ អត្រាអតិផរណានៅសហរដ្ឋអាមេរិក បានកើនឡើងខ្ពស់ក្នុងរយៈពេល ប៉ុន្មានទសវត្សរ៍កន្លងមកនេះ។ កិច្ចពិភាក្សា ក៏បានលើកឡើងពីសារៈសំខាន់នៃការបញ្ចូលបញ្ហាផ្លាស់ប្តូរអាកាសធាតុទៅក្នុងនយោបាយរូបិយវត្ថុ និងការគ្រប់គ្រងទុនបម្រុង ដែលនឹងជួយដល់កិច្ចខិតខំប្រឹងប្រែងទប់ទល់នឹងការប្រែប្រួលអាកាសធាតុ ដែលអាចនាំឱ្យប៉ះពាល់ដល់កំណើន និងការអភិវឌ្ឍ។ ជាមួយនឹងការរីកចម្រើនផ្នែកបច្ចេកវិទ្យា កិច្ចពិភាក្សាបានលើកឡើងពីការកើនឡើងនូវការប្រើប្រាស់បច្ចេកវិទ្យាហិរញ្ញវត្ថុ ដែលជំរុញឱ្យមានការបង្កើតនូវរូបិយប័ណ្ណអេឡិចត្រូនិក ជាពិសេសផ្អែកលើបច្ចេកវិទ្យា Blockchain ដូចជា Crytocurrencies និងរូបិយវត្ថុអេឡិចត្រូនិករបស់ធនាគារកណ្ដាល (CBDC) ដែលកំពុងក្លាយជាជំហានថ្មីនៃការវិវត្តនៃរូបិយប័ណ្ណ។គួរបញ្ជាក់ថា ធនាគារជាតិនៃកម្ពុជាមានកិច្ចសហប្រតិបត្តិការល្អ ជាមួយធនាគារពិភពលោក ដែលក្នុងនោះ មានការគ្រប់គ្រងទុនបម្រុងអន្តរជាតិផងដែរ ហើយធនាគារពិភពលោក បានផ្តល់ជំនួយបច្ចេកទេស និងកសាងសមត្ថភាពជំនាញ ដល់មន្ត្រីធនាគារជាតិនៃកម្ពុជា។ បច្ចុប្បន្ន ទុនបម្រុងអន្តរជាតិរបស់កម្ពុជាមានចំនួនប្រមាណ ២១ ប៊ីលានដុល្លារអាមេរិក ដែលជាកម្រិតខ្ពស់ជាងកម្រិតអប្បបរមាដែលប្រទេសកំពុងអភិវឌ្ឍន៍គួរមាន។ ធនាគារជាតិនៃកម្ពុជា ក៏បានយកចិត្តទុកដាក់លើការប្រែប្រួលអាកាសធាតុ ដោយបានវិនិយោគទុនបម្រុងមួយផ្នែកលើវិស័យដែលគិតគូរពីបរិស្ថាន សង្គម និងអភិបាលកិច្ច (ESG) និងបានបញ្ចូល ESG ទៅក្នុងការណែនាំនៃការវិនិយោគ៕អត្ថបទ៖ យ៉ាម៉ង់

កម្ពុជានាំចេញកសិផលទៅទីផ្សារកូរ៉េខាងត្បូងជាងមួយពាន់តោន ក្នុងរយៈពេលបីត្រីមាសឆ្នាំនេះ

ភ្នំពេញ ៖ ក្រៅពីផលិតឧស្សាហកម្ម មានសំលៀកបំពាក់ និងគ្រឿងបង្គុំអគ្គិសនី កម្ពុជាបាននាំចេញផលិតផលកសិកម្មក្នុងបរិមាណ ១ ២០០ តោន ទៅទីផ្សារប្រទេសកូរ៉េខាងត្បូង ក្នុងរយៈពេល ៩ខែឆ្នាំ២០២១នេះ ។ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានបង្ហាញរបាយការណ៍លទ្ធផលនៃការនាំចេញកសិផលទៅកាន់សាធារណរដ្ឋកូរ៉េ នៅឆ្នាំ២០១៩ ឆ្នាំ២០២០ និង ៩ខែឆ្នាំ២០២១។សម្រាប់ការនាំចេញក្នុងរយៈពេល៩ខែ ឆ្នាំ២០២១ បរិមាណផលិតផលកសិកម្មទៅទីផ្សារប្រទេសកូរ៉េខាងត្បូង កើនឡើង ប្រមាណ ១០៦ភាគរយ ធៀបនឹងរយពេលដូចគ្នាកាលពីឆ្នាំមុន។ផលិតផលកសិកម្មដែលនាំមុខគេ ទៅទីផ្សារប្រទេសកូរ៉េខាងត្បូង គឺជ័រកៅស៊ូ និងស្វាយស្រស់ ដែលមានបរិមាណ ៩៥០តោន និង១២៩តោន។ ផលិតផលកសិកម្មដទៃទៀត មានដូចជា ស្ករត្នោត គ្រាប់ស្វាយចន្ទី ពោត ដំណាប់ស្វាយ ជាដើម។ដោយឡែកសម្រាប់ការនាំចេញសរុប នៃផលិតផលកសិកម្ម កាលពីឆ្នាំ២០២០កន្លងទៅ សម្រេចបានប្រមាណតែជា៥០០តោនប៉ុណ្ណោះ ធ្លាក់ចុះពីបរិមាណនៃការនាំចេញសរុប កាលពីឆ្នាំ២០១៩ ដែលមានសម្រេចបាន ជាង៦ពាន់តោន។ទាំងរាជរដ្ឋាភិបាល និងវិស័យឯកជន បានដាក់ក្តីរំពឹងថា បរិមាណនៃនាំការនាំចេញរបស់កម្ពុជា នឹងកើនឡើង ដោយសារកម្ពុជានិងប្រទេសកូរ៉េខាងត្បូង ទើបតែបានចុះហត្ថលេខាលើកិច្ចព្រមព្រៀងពាណិជ្ជកម្មសេរីទ្វេភាគី។ ក្នុងរយៈពេល៩ខែ ឆ្នាំ២០២១នេះ ទំហំពាណិជ្ជកម្មទ្វេភាគីកម្ពុជាកូរ៉េ មានចំនួនទឹកប្រាក់ជាង ៥៧៨ លានដុល្លារអាមេរិក កើនឡើងជាង១១ភាគរយ ក្នុងនោះទីផ្សារនាំចេញរបស់កម្ពុជាមានចំនួនជិត ១៤៤ លានដុល្លារអាមេរិក កើនឡើងជិត ៤ ភាគរយ ខណៈការនាំចូលមានចំនួនជាង ៤៣៤ លានដុល្លារអាមេរិក កើនឡើងជាង ១៤ភាគរយ បើរយៈពេលដូចគ្នាឆ្នាំ ២០២០ ៕អត្ថបទ៖ វណ្ណៈ

កិច្ចព្រមព្រៀងពាណិជ្ជកម្មសេរីកម្ពុជា-កូរ៉េ នឹងចូលជាធរមាននៅដើមឆ្នាំ២០២២

ភ្នំពេញ ៖ ប្រទេសកម្ពុជា និងសាធារណរដ្ឋកូរ៉េ បានចុះហត្ថលេខាលើកិច្ចព្រមព្រៀងពាណិជ្ជកម្មសេរីទ្វេភាគីនៅព្រឹក ថ្ងៃទី២៦ ខែតុលានេះ។ គិតចាប់ពីចុះហត្ថលេខាជាផ្លូវការលើកិច្ចព្រមព្រៀងពាណិជ្ជកម្មសេរីរវាងកម្ពុជា-កូរ៉េ គ្រោងនឹងចូលជាធរមាន នៅដើមឆ្នាំ២០២២ខាងមុខ ពោលគឺរយៈពេល៦០ថ្ងៃ ដែលភាគីទាំងពីរត្រូវ បញ្ចប់នីតិវិធីផ្ទៃក្នុងរៀងៗខ្លួន។ពិធីចុះហត្ថលេខាលើកិច្ចព្រមព្រៀងពាណិជ្ជកម្មសេរីទ្វេភាគី កម្ពុជា កូរ៉េខាងត្បូង ត្រូវបានធ្វើឡើងតាម ប្រព័ន្ធអនឡាញ ដោយភាគីកម្ពុជា តំណាងដោយឯកឧត្តម ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្មកម្ពុជា និងឯកឧត្តម YEO Han-Koo រដ្ឋមន្ត្រីពាណិជ្ជកម្ម និងឧស្សាហកម្ម ថាមពល តំណាងសាធារណរដ្ឋកូរ៉េ។ឯកឧត្តម ប៉ែន សុវិជាតិ អនុរដ្ឋលេខាធិការ និងជាមន្រ្តីអ្នកនាំពាក្យក្រសួងពាណិជ្ជកម្ម បានមានប្រសាសន៍ ប្រាប់ទូរទស្សន៍ព័ត៌មាន ប៊ីធីវីថា កិច្ចព្រមព្រៀងនេះ មានចំនួន ១០ជំពូក និង ១៣១មាត្រា រួមទាំងបុព្វកថា និងឧបសម្ព័ន្ធដែលគ្របដណ្តប់លើ ពាណិជ្ជកម្មទំនិញ រួមមានស្តង់ដារ បទប្បញ្ញត្តិបច្ចេកទេស និងនីតិវិធីវាយ តម្លៃភាពអនុលោម វិធានការអនាម័យ និងភូតគាមអនាម័យ និងគ្របដណ្តប់ផងដែរលើឧបាស្រ័យពាណិជ្ជកម្ម វិធានដើមកំណើត នីតិវិធីគយ និងកិច្ច សម្រួលពាណិជ្ជកម្ម កិច្ចសហប្រតិបត្តិការសេដ្ឋកិច្ច តម្លាភាព យន្តការដោះ ស្រាយវិវាទ អញ្ញត្រកម្ម ការរៀបចំស្ថាប័ន និងអវសានប្បញ្ញត្តិ។ឯកឧត្តមបានបន្ថែមថា តាមរយៈកិច្ចព្រមព្រៀងនេះដែរ នឹងជំរុញកំណើននៃការនាំចេញ កំណើនផលទុន សរុបក្នុងស្រុក និងកំណើនឱកាសការងារ ព្រមទាំងជួយស្តារឡើងវិញនូវសេដ្ឋកិច្ចរបស់ប្រទេសទាំងពីរ បានឆាប់រហ័ស ដែលទទួលរងផលប៉ះពាល់ជំងឺកូវីដ-១៩។ ជាមួយគ្នានេះ ឯកឧត្តមអំពាវនាវដល់វិស័យឯកជន និងធុរកិច្ចជន ឲ្យខិតខំធ្វើយ៉ាងណាពង្រឹងសមត្ថភាពនូវការ ផលិត ជាពិសេសគុណភាពទំនិញ ពីព្រោះយើងនឹង អាចឈានទៅរកគុណភាពជាលក្ខណៈអន្តរជាតិនាពេល អនាគត។សូមបញ្ជាក់ថា កិច្ចព្រមព្រៀងពាណិជ្ជកម្មសេរីកម្ពុជា-កូរ៉េ មានគោលបំណងពង្រឹងភាពជាដៃគូសេដ្ឋកិច្ច និងពង្រីក ការធ្វើសេរីភាវូបនីយកម្មពាណិជ្ជកម្មទ្វេភាគីឲ្យកាន់តែទំលំទូលាយ ដោយផ្ដល់ប្រយោជន៍ឲ្យគ្នាទៅវិញទៅមក សំដៅ បង្កើនផលប្រយោជន៍សេដ្ឋកិច្ច និងសុខមាលភាព ប្រជាជន និងធុរកិច្ចនៃប្រទេសទាំងពីរ។គិតត្រឹមរយៈពេល ៨ខែ ឆ្នាំ២០២១នេះ ទំហំពាណិជ្ជកម្មទ្វេរភាគីកម្ពុជា-កូរ៉េ សម្រេចបានចំនួនប្រមាណជាង ៥១៤លានដុល្លារ កើនឡើងជាង ១១% ប្រៀបធៀបនឹងរយៈពេលដូចគ្នានៅឆ្នាំ២០២០ ដោយក្នុងនោះទំនិញ ដែលនាំចេញពីកម្ពុជា មានដូចជា ភេសជ្ជៈ ឱសថ រថយន្តដឹកទំនិញ គ្រឿងអេឡិកត្រូនិក គ្រឿងសំអាង គ្រឿងម៉ាស៊ីន និងផលិតផលប្លាស្ទិកជាដើម។កិច្ចព្រមព្រៀងពាណិជ្ជកម្មសេរីកម្ពុជា-កូរ៉េ ក្លាយជាកិច្ចព្រមព្រៀងពាណិជ្ជកម្មសេរីទ្វេភាគីទីពីរ របស់ប្រទេសកម្ពុជា បន្ទាប់ពីកិច្ចព្រមព្រៀងពាណិជ្ជកម្មសេរីកម្ពុជា ជាមួយនឹងសាធារណរដ្ឋប្រជាមានិតចិន ដែលទើបតែត្រូវបានផ្តល់ សច្ចាប័នកាលពីពេលថ្មីៗនេះ៕ អត្ថបទ ៖ ឈិត បូរ៉ាវី

បណ្ដាញសង្គម

ព័ត៌មានថ្មីៗ

ក្រសួងអប់រំ ប្រកាសដាក់ឱ្យប្រើប្រាស់ជាផ្លូវការនូវ កម្មវិធីផ្សាយផ្ទាល់ការបង្រៀនបំប៉ន (Live Teaching) ឆ្នាំ២០២៦

ប្រាក់ចំណេញត្រីមាសទី១របស់ក្រុមហ៊ុនផលិតប្រេង Saudi Aramco កើនឡើង២៥% ខណៈមានវិបត្តិច្រកសមុទ្រ Hormuz

មេដឹកនាំកូរ៉េខាងជើង លោក Kim Jong-un សន្យាយកទំនាក់ទំនងជាមួយរុស្ស៊ីជាអាទិភាពកំពូល

អនុប្រធានសមាគមអតីតយុទ្ធជន អញ្ជើញជាអធិបតីសម្ពោធអគារទីស្នាក់សមាគមអតីតយុទ្ធជន និងនិវត្តជនកម្ពុជា ខេត្តត្បូងឃ្មុំ

ចិន ជំរុញឲ្យជប៉ុន និងហ្វីលីពីន បញ្ឈប់ការប្រឈមមុខដាក់គ្នា

ប្រធានក្រុមការងារគណបក្សប្រជាជនចុះមូលដ្ឋាន ប្រកាសបញ្ចូលសមាជិកគណបក្សថ្មីជាង ១៥០០នាក់នៃឃុំចំនួន៥ ក្នុងស្រុកកំពង់សៀម ខេត្តកំពង់ចាម

ប្រធានគណៈកម្មាធិការ ណបក្សប្រជាជនកម្ពុជា ខេត្តកំពង់ស្ពឺ លើកទឹកចិត្តឱ្យក្រុមការងារបន្តយកចិត្តទុកដាក់ដោះស្រាយរាល់សំណើរពលរដ្ឋ

អតីតសកម្មជនគណបក្សប្រឆាំង ៦៧នាក់ នៅស្រុកស្អាង ចូលរួមជីវភាពនយោបាយជាមួយគណបក្សប្រជាជនកម្ពុជា

ការបំផ្ទុះគ្រាប់បែកក្នុងរថយន្តនៅប៉ាគីស្ថាន បានសម្លាប់នគរបាលជាង១០នាក់ និងមួយចំនួនរងរបួស

ឃុំខ្លួនឧក្រិដ្ឋជនបរទេស ២២នាក់ ដាក់ពន្ធនាគារបណ្តោះអាសន្ន ពាក់ព័ន្ធនឹងបទល្មើស Online Scams

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

ការបើកដំណើរការសកម្មភាពសង្គម-សេដ្ឋកិច្ចឡើងវិញ នឹងជ្រោងកំណើនសេដ្ឋកិច្ចខ្ពស់ឡើង

កម្ពុជា នាំចេញកសិផលបានជាង៦លានតោន មានតម្លៃជាង៤ពាន់លានដុល្លារ រយៈពេល១០ខែ

ពាណិជ្ជកម្មទ្វេភាគីកម្ពុជា-ចិន មានទំហំទឹកប្រាក់ជិត៨ ពាន់លានដុល្លារ កើន៣៨ ភាគរយ

ក្រសួងពាណិជ្ជកម្ម និងហាវេស រៀបចំពិព័រណ៍ផលិតផលកែច្នៃកសិកម្មបញ្ជ្រាបក្នុងផ្សារទំនើប និងទីផ្សារអន្តរជាតិ

កសិករខេត្តឧត្តរមានជ័យ ចាប់ផ្តើមប្រមូលផលស្រូវរដូវប្រាំងបណ្ដើរៗហើយ

រាជរដ្ឋាភិបាលកម្ពុជា សម្រេចបន្តជួយដល់វិស័យកាត់ដេរ វិស័យទេសចរណ៍ និងអាកាសចរណ៍ ៣ខែបន្ថែមទៀត

កម្ពុជាបានបញ្ជូនឯកសារពាក់ព័ន្ធបន្ថែមលើពាក្យបណ្តឹង ដើម្បីទាមទារប្រេងឆៅត្រឡប់មកវិញ

កម្ពុជានាំចេញកសិផលទៅទីផ្សារកូរ៉េខាងត្បូងជាងមួយពាន់តោន ក្នុងរយៈពេលបីត្រីមាសឆ្នាំនេះ

កិច្ចព្រមព្រៀងពាណិជ្ជកម្មសេរីកម្ពុជា-កូរ៉េ នឹងចូលជាធរមាននៅដើមឆ្នាំ២០២២

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

ការបើកដំណើរការសកម្មភាពសង្គម-សេដ្ឋកិច្ចឡើងវិញ នឹងជ្រោងកំណើនសេដ្ឋកិច្ចខ្ពស់ឡើង

កម្ពុជា​ នាំចេញកសិផលបានជាង៦លានតោន មានតម្លៃជាង៤ពាន់លានដុល្លារ រយៈពេល១០ខែ

ពាណិជ្ជកម្មទ្វេភាគីកម្ពុជា-ចិន មានទំហំទឹកប្រាក់ជិត៨ ពាន់លានដុល្លារ កើន៣៨ ភាគរយ

កសិករខេត្តឧត្តរមានជ័យ ចាប់ផ្តើមប្រមូលផលស្រូវរដូវប្រាំងបណ្ដើរៗហើយ

រាជរដ្ឋាភិបាលកម្ពុជា សម្រេចបន្តជួយដល់វិស័យកាត់ដេរ វិស័យទេសចរណ៍ និងអាកាសចរណ៍​ ៣ខែបន្ថែមទៀត

កម្ពុជាបានបញ្ជូនឯកសារពាក់ព័ន្ធបន្ថែមលើពាក្យបណ្តឹង ដើម្បីទាមទារប្រេងឆៅត្រឡប់មកវិញ

កម្ពុជានាំចេញកសិផលទៅទីផ្សារកូរ៉េខាងត្បូងជាងមួយពាន់តោន ក្នុងរយៈពេលបីត្រីមាសឆ្នាំនេះ

កិច្ចព្រមព្រៀងពាណិជ្ជកម្មសេរីកម្ពុជា-កូរ៉េ នឹងចូលជាធរមាននៅដើមឆ្នាំ២០២២

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្ពុជា នាំចេញកសិផលបានជាង៦លានតោន មានតម្លៃជាង៤ពាន់លានដុល្លារ រយៈពេល១០ខែ

រាជរដ្ឋាភិបាលកម្ពុជា សម្រេចបន្តជួយដល់វិស័យកាត់ដេរ វិស័យទេសចរណ៍ និងអាកាសចរណ៍ ៣ខែបន្ថែមទៀត