នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ឆមាសទី១ឆ្នាំ២០២៦ កម្ពុជានាំចេញគ្រាប់ស្វាយចន្ទី មានទឹកប្រាក់ជាង ១,១ ពាន់លានដុល្លារអាមេរិក
មូលនិធិអភិវឌ្ឍន៍ EDFមើលឃើញថា ធុរកិច្ចបណ្តុះបណ្ដាលថ្មី និងSME ជាក្បា​ល​ម៉ាស៊ីន​ជំរុញ​កំណើន​សេដ្ឋកិច្ច​កម្ពុជា
លំហូរទឹកប្រាក់វិនិយោគចូលកម្ពុជានៅឆមាសទី១ ឆ្នាំ២០២៦ មាន ៤.៣ ប៊ីលានដុល្លារ កើនឡើង ៧ដង
កម្ពុជាមានរោងចក្រ-សហគ្រាសក្នុងវិស័យកម្មន្តសាលកំពុងដំណើរការ បានកើនដល់ ៤៧,៧ ពាន់

សេដ្ឋកិច្ច និង កសិកម្ម

កម្ពុជានាំចេញផ្លែចេកស្រស់ជិត ៤០ម៉ឺនតោនកើនឡើងជាង ៣០ភាគរយ

2021/12/02 06:52:06 pm        469
Facebook Telegram Linkin
ភ្នំពេញ៖ ផ្លែចេកស្រស់របស់កម្ពុជា បាននាំចេញមានបរិមាណសរុបជិត ៤០ម៉ឺនតោន កើនឡើងប្រមាណជាង ៣១% ដោយបាននាំចេញ ទៅកាន់ទីផ្សារសំខាន់ៗចំនួន ៤ និងរំពឹងថា ផលិតផលនេះ នឹងនាំចេញទៅកាន់ទីផ្សារថ្មីៗបន្ថែមទៀតដូចជា កូរ៉េនិងទីផ្សារអឺរ៉ុប។យោងតាមប្រព័ន្ធទិន្នន័យគ្រឹះភូតគាមអនាម័យជាតិ បានឲ្យដឹងថា ក្នុងរយៈពេល ១១ខែ ឆ្នាំ២០២១នេះ ការនាំចេញកសិផលទៅក្រៅប្រទេស ក្នុងនោះចំពោះការនាំចេញផ្លែចេកស្រស់ បាននាំចេញមានចំនួនជិត ៤០ម៉ឺនតោន កើនឡើងជាង ៣១% បាននាំចេញទៅកាន់ទីផ្សារធំៗចំនួន ៤ ក្នុងនោះការនាំចេញទៅប្រទេសចិន មានចំនួនជិត ៣៥ម៉ឺនតោន, ប្រទេសវៀតណាមជាង ៤៥ពាន់តោន ជប៉ុនជាង ៥៣៣តោន និងប្រទេសសិង្ហបុរីមានចំនួនជាង ៤៨០តោន ។ទាក់ទងទីផ្សារនាំចេញលោកឧកញ៉ា ហ៊ុន ឡាក់ នាយកក្រុមហ៊ុន Longmate Agriculture Co., Ltd ដែលវិនិយោគលើចម្ការចេកនៅខេត្តកំពត បានថ្លែងឲ្យដឹងថា ចេកអំបូងលឿង គឺជាដំណាំវិល​ជុំមិន​ប្រកាន់រដូវ ​អាចធ្វើឲ្យយើងទទួលផល និងនាំចេញជាបន្តបន្ទាប់ ក្នុងនោះក្រៅពីទីផ្សារនាំចេញ​ខាងលើ យើងរំពឹងថា ផ្លែចេកស្រស់របស់កម្ពុជា នឹងអាចនាំចេញទៅកាន់ទីផ្សារកូរ៉េបន្ថែមទៀត បន្ទាប់ពីកិច្ចព្រមព្រៀងពាណិជ្ជកម្មសេរីកម្ពុជា-កូរ៉េចូលជាធរមាន ។ ចំពោះការនាំចេញទៅកាន់ទីផ្សារអឺរ៉ុបវិញ បច្ចុប្បន្នទីផ្សារ ចេកស្រស់របស់កម្ពុជា បាននាំចេញ​សាកល្បងទៅកាន់ប្រទេសអាល្លឺម៉ង់ និងរុស្សី នឹងទៅពេលអនាគតយើងក៏រំពឹងថានឹងទទួលបាន ទីផ្សារ​មួយចំណែកបន្ថែមទៀត ​សម្រាប់ការនាំចេញចេកស្រស់របស់កម្ពុជា។សូមបញ្ជាក់ថា៖ ក្នុងរយៈពេល ១១ខែ ឆ្នាំ២០២១នេះ ការនាំចេញកសិផលទៅក្រៅប្រទេស មាន​បរិមាណ​សរុបជាង ៧លានតោន ទៅកាន់ទិសដៅ ៦៨ប្រទេស បានកើនឡើងជាង ៣,៤លានតោន ស្មើជាង ៨៧% បើធៀបនឹងរយៈពេលដូចគ្នាក្នុងឆ្នាំ២០២០ ក្នុងនោះតាមការប៉ាន់ស្មានតម្លៃនៃការនាំ​ចេញ​កសិផល​​មាន​ទំហំទឹកប្រាក់ប្រមាណជាង ៤ ៤៣៥លានដុល្លារអាមេរិក៕ អត្ថបទ៖ វណ្ណៈ

នៅដើមខែធ្នូ តម្លៃ​ប្រេងឥន្ធនៈ​មានការធ្លាក់ចុះតម្លៃលក់ចំនួន៤២០០រៀលទៀតក្នុង១លីត្រ

2021/12/01 10:56:22 pm        543
Facebook Telegram Linkin
ភ្នំពេញ៖ ក្រសួងពាណិជ្ជកម្ម បានឲ្យដឹងថា តម្លៃលក់រាយប្រេងឥន្ធនៈ គិតចាប់ពីថ្ងៃទី១ ដល់ទី១៥ ខែធ្នូ ឆ្នាំ២០២១ បានចុះថ្លៃ២៥០រៀលទៀត ក្នុង១លីត្រ ដោយសារតែតម្លៃប្រេងឆៅនៅលើទីផ្សារ​អន្តរជាតិធ្លាក់ចុះដូចគ្នា។សេចក្តីជូនដំណឹងស្តីពីថ្លៃលក់រាយប្រេងឥន្ធនៈនៅតាមស្ថានីយដែលទទួលបាននៅថ្ងៃទី១ ខែធ្នូ ឆ្នាំ ២០២១នេះ បានបញ្ជាក់ថា សម្រាប់ប្រេងសាំងធម្មតាក្នុងរយៈពេល២ សប្តាហ៍ទៅមុខទៀតពោលគឺ ពីថ្ងៃទី១ ដល់ ថ្ងៃទី១៥ ខែធ្នូឆ្នាំ២០២១ ។ជុំវិញតម្លៃលក់ប្រេងឥន្ធនៈនេះក្រសួងពាណិជ្ជកម្ម បានបញ្ជាក់ថា ក្រសួងមិនមែនជាអ្នកកំណត់ថ្លៃ​លក់រាយ​ប្រេងឥន្ធនៈនៅកម្ពុជាទេ ពោលគឺក្រសួងគ្រាន់តែស្រង់តម្លៃឡើង-ចុះ នៃ ប្រេងតាមទីផ្សារ​អន្តរជាតិ​មកគណនា តាមប្រកាសដូចមានក្នុងឯកសារ ។សេចក្តីជូនដំណឹងរបស់ក្រសួងពាណិជ្ជកម្ម បានបន្តថា នាពេលបច្ចុប្បន្ននេះ តម្លៃប្រេងឆៅ​នៅ​លើទីផ្សារអន្តរជាតិ ​តម្លៃលក់រាយប្រេងឥន្ធនៈ ក្នុង​រយៈពេលដូចគ្នា​ខាងលើ​នឹងត្រូវលក់ សម្រាប់​ប្រេងសាំងស៊ុបពែរ តម្លៃ៤៧០០ រៀលក្នុង១លីត្រ សម្រាប់ប្រេងសាំងធម្មតាតម្លៃ៤២០០ រៀល ក្នុង១លីត្រ និងសម្រាប់ប្រេងម៉ាស៊ូត តម្លៃ៣៨៥០រៀល។ ប៉ុន្តែដើម្បីជួយសម្រួល​ដល់​ជីវភាព​របស់​ប្រជាជន និងដោយមានការរួមចំណែកពីក្រុមហ៊ុនចែកចាយប្រេងនៅកម្ពុជា​ សម្តេចតេជោ នាយករដ្ឋមន្ត្រី បានសម្រេច​បញ្ចុះតម្លៃលក់រាយប្រេងឥន្ធនៈនៅកម្ពុជាចំនួន៤សេនដុល្លារ ក្នុង១លីត្រ​ ទើប​តម្លៃចុះមកត្រឹម៤២០០ រៀល​ ក្នុង១លីត្រ ​សម្រាប់ប្រេងសាំងធម្មតា និងតម្លៃ៣៨៥០រៀលក្នុង១លីត្រ សម្រាប់ប្រេងម៉ាស៊ូត ៕អត្ថបទ៖ កុម្ភះ

កម្ពុជានាំចេញកសិកផលសរុបទៅទីផ្សារបរទេស មានតម្លៃជាង៤,៤ប៊ីលានដុល្លារ ក្នុងរយៈពេល១១ខែ

2021/12/01 05:24:04 pm        571
Facebook Telegram Linkin
ភ្នំពេញ៖ ការនាំចេញកសិផលរបស់កម្ពុជា​ទៅកាន់គោលដៅទីផ្សារ ៦៨ប្រទេស ក្នុងរយៈពេល១១ខែ មានតម្លៃសរុបជាង ៤,៤ប៊ីលានដុល្លារ ដោយមានបរិមាណ​សរុប​ចំនួន ៧,១លានតោន ។យោងតាមលទ្ធផលនៃការនាំចេញកសិផលរបស់កម្ពុជា ក្នុងរយៈពេល១១ខែ ឆ្នាំ២០២១ ដោយ ឯកឧត្តម វេង សាខន រដ្ឋមន្រ្តីក្រសួងកសិកម្មរុក្ខាប្រមាញ់ និងនេសាទ បានបញ្ជាក់ថា ការនាំចេញអង្ករមានតម្លៃជាង ៤៥៤លានដុល្លារអាមេរិក ស្រូវ​មានចំនួនជាង ៥៤៦លានដុល្លារអាមេរិក និងការនាំចេញកសិផលក្រៅពីស្រូវ-អង្ករមានចំនួនជាង២ ៩៩០លានដុល្លារអាមេរិក។ដោយឡែកការនាំចេញកៅស៊ូធម្មជាតិមានចំនួនជាង ៤៤៣លានដុល្លារអាមេរិក (ក្នុងរយៈពេល១០ខែ ឆ្នាំ២០២១)។ឯកឧត្តម វេង សាខុន បញ្ជាក់ថា យោងតាមប្រព័ន្ធទិន្នន័យគ្រឹះភូតគាមអនាម័យជាតិ ទទួល​បាន​ពីអគ្គនាយកដ្ឋាន​កសិ​កម្ម បានឲ្យដឹងថា ក្នុងរយៈពេល១១ខែ ឆ្នាំ២០២១នេះ ការនាំចេញ​កសិផល​ទៅក្រៅប្រទេស ​មានបរិមាណ​សរុប​ចំនួន ៧,១លានតោន ​ទៅកាន់ទិសដៅ ​៦៨ ប្រទេស គឺមាន​ការកើន​ឡើងចំនួន ៣,៤តោនស្មើនឹង ៨៧,៥៣% ​បើធៀប​នឹង​រយៈពេលដូចគ្នាក្នុងឆ្នាំ២០២០ ដែលទទួលបានត្រឹមតែ ៣,៦។របាយការណ៍​ដដែល​បង្ហាញ​ថា បរិមាណអង្ករនាំចេញមានចំនួន ​៥៣២ ១៧៩តោន មានការ​ថយ​ចុះ​ចំនួន ៦៨ ៨៦៦​តោន ឬ ១១,៤៦% បើធៀបនឹងបរិមាណនាំចេញ ក្នុងរយៈពេល១១ខែឆ្នាំ២០២០ ដែល​មានចំនួន ៦០១ ០៤៥​តោន ខណៈការនាំចេញស្រូវមាន​ចំនួន ៣,១តោន ក្នុងរយៈពេល ​១១ខែ​ឆ្នាំ២០២១ ​ទៅកាន់ប្រទេសវៀតណាម (មាន​​វិញ្ញាបនបត្រ​ភូតគាមអនាម័យចំនួន ​១ ៩៨៦ ០៨៥,០២តោន) ​ដែល​មានការកើនឡើងចំនួន ១ ៣៤៦ ១៣៥​តោន (៧៥,៧៥%) បើធៀប​នឹង​រយៈពេលដូចគ្នា​នៅឆ្នាំ២០២០ ​ដែល​មានចំនួន ​១ ៧៧៧ ១០៧តោន។ចំណែកការនាំចេញកសិផលក្រៅពីស្រូវ-អង្ករ មានចំនួន ៤ ៦១៣ ៦៥១,០២តោន កើនឡើងចំនួន ១ ៥២៧ ០៦៩,១៦តោន ស្មើនឹង ៤៩,៤៧% បើធៀបនឹងរយៈពេលដូចគ្នាក្នុងឆ្នាំ២០២០ ដែល​មាន​ចំនួន ៣ ០៨៦ ៥៨១,៨៦​តោន៕អត្ថបទៈ វណ្ណៈ

កម្ពុជាទាក់ទាញវិនិយោគិនឥណ្ឌូនេស៊ី មកវិនិយោគលើវិស័យកសិកម្ម

2021/11/30 06:29:42 pm        441
Facebook Telegram Linkin
ភ្នំពេញ៖ ក្រសួងកសិកម្មរុក្ខាប្រមាញ់ និងនេសាទ បានផ្សព្វផ្សាយពីសក្តានុពលកសិកម្ម ដល់ទូតឥណ្ឌូនេស៊ី ដើម្បីទាក់ទាញវិនិយោគិនឥណ្ឌូនេស៊ី មកវិនិយោគលើវិស័យកសិកម្ម ដើម្បីឆ្លើយតបនឹងកំណើននៃតម្រូវការក្នុងស្រុក និងនាំចេញទៅក្រៅប្រទេស ខណៈវិស័យកសិកម្មកំពុងមានវឌ្ឍនភាពជាបន្តបន្ទាប់ ពិសេសចាប់តាំងពីការផ្ទុះឡើងជំងឺកូវីដ១៩។នេះជាការលើកឡើង​របស់ ឯកឧត្តម វេង សាខុន រដ្ឋមន្ត្រីក្រសួង​កសិកម្មរុក្ខាប្រមាញ់ និង​នេសាទ ក្នុងជំនួប​ជាមួយ​ឯកអគ្គរដ្ឋទូត​នៃ​សាធារណរដ្ឋ​ឥណ្ឌូនេស៊ី​ប្រចាំ​កម្ពុជា ​ឯកឧត្តម Sudirman Haseng កាលពី​ពេលថ្មីៗនេះ ​។ឯកឧត្តម វេង សាខុន បានលើកឡើងថា ដោយមាន​ការ​យកចិត្ត​ទុកដាក់ និង​ការ​ជំរុញ​ពី​រដ្ឋាភិបាល វិស័យ​កសិកម្ម​កម្ពុជា​ត្រូវ​បាន​គេ​ដឹងថា​ កំពុង​មាន​ការរីកចម្រើន​ពី​ ១ ​ថ្ងៃ​ទៅ​ ១ ​ថ្ងៃ​។ សកម្មភាព​នេះ ​ធ្វើ​ឱ្យ​កម្ពុជា​មិន​ត្រឹមតែ​អាច​ផ្គត់ផ្គង់​តាម​តម្រូវការ​ទីផ្សារ​ក្នុងស្រុក​ប៉ុណ្ណោះ​ទេ ​ប៉ុន្តែ​ថែមទាំង​អាច​នាំទៅ​លក់​នៅ​ទីផ្សារ​អន្តរជាតិ​បាន​កាន់​តែច្រើន​ផងដែរ​។ឯកឧត្តម ​បន្ថែមថា ​ជាមួយ​នឹង​កិច្ច​សហប្រតិបត្តិការ​ល្អ​រវាង​កម្ពុជា និង​ឥណ្ឌូនេស៊ី ​កម្ពុជា​សង្ឃឹមថា ក្នុង​ពេល​ឆាប់ៗ​នេះ​នឹង​មាន​វិនិយោគិន​ឥណ្ឌូនេស៊ី ចូលមក​វិនិយោគ​វិស័យ​កសិកម្ម រួមទាំង​ការកែច្នៃ​កសិផល និង​ខ្សែចង្វាក់​តម្លៃ​នៅ​កម្ពុជា​។ឯកឧត្តម ថ្លែងថា ​ស្ថានភាព​នៃ​វិស័យ​កសិកម្ម​នៅ​កម្ពុជា​កំពុង​មាន​ការវិវឌ្ឍ​រីកចម្រើន​យ៉ាង​ឆាប់រហ័ស ជាពិសេស​ក្នុង​ដំណាក់កាល​នៃ​វិបត្តិ​កូវីដ​ ១៩​។ យើង​រង់ចាំ​ស្វាគមន៍​ជានិច្ច​ចំពោះ​វិស័យ​ឯកជន​ឥណ្ឌូនេស៊ី​ដែល​មាន​បំណង​ធ្វើការ​វិនិយោគ​លើ​វិស័យ​កសិកម្ម​នាពេល​អនាគត​​។ឯកអគ្គរដ្ឋទូត​សាធារណរដ្ឋ​ឥណ្ឌូនេស៊ី ឯកឧត្តម Sudirman Haseng បាន​និយាយថា ​ឯកឧត្តម ​នឹង​ខំ​ពង្រឹង​និង​ពង្រីក​បន្ថែម​ទៀត​នៅក្នុង​ការ​ផ្សព្វផ្សាយ​ពី​សក្តានុពល​នៃ​វិស័យ​កសិកម្ម​កម្ពុជា​ទៅ​វិនិយោគិន​ឥណ្ឌូនេស៊ី​។ទិន្នន័យ​ក្រសួងកសិកម្មរុក្ខាប្រមាញ់ និង​នេសាទ បាន​ឱ្យ​ដឹងថា ក្នុង​រយៈពេល​ ១០ ​ខែ ឆ្នាំ​ ២០២១ កម្ពុជា​នាំចេញ​កសិផល​ទៅ​ទីផ្សារ​ក្រៅ​ប្រទេស​សរុប ៦ ៣៦៤ ៦០៧,២៤ ​តោន កើនឡើង ៨៧,៥៣ ​ភាគរយ​ធៀប​នឹង​រយៈពេល​ដូចគ្នា​ក្នុង​ឆ្នាំ​ ២០២០ ដែលមាន​ចំនួន ៣ ៣៩៣ ៩១៥,៦៤ ​តោន​៕ អត្ថបទ៖ វណ្ណៈ

ឯកឧត្តម ហ៊ុន ម៉ាណែត៖ វិស័យឯកជន ​គឺជាក្បាលម៉ាស៊ីននៃការរីកចម្រើន​របស់​ជាតិ

2021/11/29 01:08:24 pm        723
Facebook Telegram Linkin
ភ្នំពេញ ៖ ឯកឧត្តម ហ៊ុន ម៉ាណែត បញ្ជាក់ថា ក្រៅពីការវិនិយោគសាធារណៈ ការកសាង និងអភិវឌ្ឍន៍ប្រទេសមកដល់បច្ចុប្បន្ន គឺមានការចូលរួមមួយផ្នែកធំពីវិស័យឯកជន ដែលជាក្បាលម៉ាស៊ីន នៃការរីកចម្រើនរបស់ជាតិ។ក្នុង​ពិធីសម្ពោធ​គម្រោងថ្មីនៃបុរីមេគង្គលែន ខណ្ឌជ្រោយចង្វារ រាជធានីភ្នំពេញថ្មីៗនេះ ឯកឧត្តម ហ៊ុន ម៉ាណែត បានបញ្ជាក់ទៀតថា ការលើកទឹកចិត្តឱ្យ​វិស័យ​ឯក​ជន​រីកចម្រើន នឹង​ផ្តល់លទ្ធភាព​ឱ្យ​គាត់ចែករំលែកការរីកចម្រើនទៅគ្រប់មជ្ឈដ្ឋាន ​ក៏ដូចជាការធ្វើឱ្យមានការ​កែប្រែ​លើក​កម្ពស់​មុខមាត់ប្រទេសជាតិ ​តាមរយៈ​សមិទ្ធផល​ធំៗ ហេដ្ឋារចនាសម្ព័ន្ធរូបវ័ន្តនានា ដែល​សម្រេច​បាននៅក្នុង​គម្រោង​ឯក​ជន។ នេះគឺ​ការ​និន្នាការ​រួមនៃការអភិវឌ្ឍរបស់​បណ្តាប្រទេស​នានា​លើ​សាកលលោក។ឯកឧត្តម បានបន្ថែមទៀតថា តាមរយៈការពង្រីក​គម្រោងថ្មីនេះ​ក៏បានឆ្លុះបញ្ចាំងឱ្យឃើញ​ផងដែរ​អំពីស្ថិរភាព, ភាពធន់ និងសក្តានុពលទីផ្សារ​នៃ​វិស័យ​អចលន​ទ្រព្យ ​និងសំណង់នៅកម្ពុជា។ ម្យ៉ាងវិញទៀត ក៏អាចត្រូវបានចាត់ទុកបានថា ជាសញ្ញាវិជ្ជមានមួយ​នៃ​ការ​ចាប់​ផ្តើម​ស្ទុះងើ​បឡើងវិញ​នៃវិស័យអចលនទ្រព្យ និងសំណង់​ បន្ទាប់ពីទទួលរងផលប៉ះពាល់ពីការរាត​ត្បាត​សាកល​នៃ​ជំងឺ​កូវីដ​-១៩ ក្នុងរយៈពេលជិត០២ ឆ្នាំកន្លងមកនេះ និងស្របពេលដែលប្រទេសយើង​កំពុង​ត្រូវបាន​បើកដំណើរ​ការ​ពេញ​លេញ​ឡើង​វិញ​ លើគ្រប់វិស័យ ហើយដំណើរការស្តារឡើងវិញ​ក៏កំពុងមានសន្ទុះទៅមុខយ៉ាងល្អ។ឯកឧត្តម ហ៊ុន ម៉ាណែត បានបន្ថែមថា អ្វីដែលពិសេស គឺការអភិឌ្ឍទាំងនេះ កើតឡើងពីការ​ចូលរួម​របស់សហគ្រិនក្នុងស្រុក៖ "ខ្មែរ​អាច​ធ្វើបាន" តាមរយៈការវិនិយោគកសាងដោយខ្មែរ សម្រាប់ប្រជាជនខ្មែរ ដើម្បីសុខសុភមង្គលប្រជាជនខ្មែរ រួម​បង្កើត​បាន​ជា​មោទនភាព​នៃការ​រីកចម្រើន​របស់ជាតិ។ឯកឧត្តម បានសង្កត់ធ្ងន់ថា ក្នុងឆ្នាំ២០២០ សេដ្ឋកិច្ចមានកំណើនអវិជ្ជមាន ដោយ​សារការរាតត្បាត​នៃជំងឺកូវីដ-១៩ ហើយវិស័យអចលនទ្រព្យក៏មានការប៉ះពាល់ខ្លះ ប៉ុន្តែអាច​រក្សាលំនឹងបាន​ និង​មិនថយក្រោយ ហើយថែម​ទាំង​បាន​ជួយ​ទប់​ស្កាត់ផលប៉ះពាល់​លើ​សេដ្ឋកិច្ចជាតិផងដែរ តាម​រយៈការធានាបាននូវការផ្តល់ការងារ​សម្រាប់​ប្រជាពលរដ្ឋ​ក្នុង​ដំណាក់​កាល​វិបត្តិនេះ។ ​លំនឹងនេះ ក៏បានបង្ហាញអំពីលទ្ធភាពរឹងមាំ និងស្ថិរភាពនៃជីវភាពរបស់ប្រជាពល​រដ្ឋ​ភាគ​ច្រើន​ដែល​បាន​ទិញ និងវិនិយោគអចនទ្រព្យ ក្រោមបរិយាកាសសុខសន្តិភាព​ ស្ថិរភាពនយោបាយ​ និងម៉ាក្រូសេដ្ឋកិច្ច ក្នុង​រយៈ​កាល​កន្លងមកនេះ៕ អត្ថបទ ៖ ហួត​ រដ្ឋា

ក្រសួងរ៉ែ ប្រមូលចំណូលមិនមែនសារពើរពន្ធពីវិស័យរ៉ែ ជិត១០០ ពាន់លានរៀល

2021/11/29 06:15:19 pm        445
Facebook Telegram Linkin
ភ្នំពេញ ៖ ​ក្រសួងរ៉ែ និងថាមពលប្រមូលចំណូលមិនមែនសារពើរពន្ធពីវិស័យរ៉ែបានជិត ១០០ពាន់ លានរៀល សមមូលនឹង ២៤,៦លានដុល្លារ ក្នុងរយៈពេល ៩ខែ ឆ្នាំ២០២១ កើនឡើង១២៧% បើធៀបទៅឆ្នាំ ២០២០។ក្រសួងរ៉ែ និងថាពមល បានបង្ហាញរបាយណ៍ ការប្រមូលចំណូលមិនមែនសារពើរពន្ធ លើវិស័យរ៉ែ បើគិតរយៈពេល ៩ខែ ឆ្នាំ២០២១ ក្រសួងអនុវត្តការប្រមូលចំណូលសូយសារពីវិស័យនេះ ដែលមិន​ចំណូល​សារពើពន្ធ ​សរុបបានចំនួនជាង ៩៨ពាន់លានរៀល ត្រូវប្រមាណ ៩៦%នៃផែនការ ដែល​បាន​កំណត់ក្នុងរង្វង់ប្រមាណជាង ១០២ពាន់លានរៀល ក្នុងនោះបើធៀបទៅឆ្នាំ២០២០ បាន​កើនឡើងក្នុងរង្វង់ ១២៧% ​ខណៈការប្រមូលសូយសារពីផ្នែកនេះបានជាង ៧៧ពាន់លានរៀល ប៉ុណ្ណោះ ។ចំណែកនៅក្នុងឆ្នាំ២០២២, រាជរដ្ឋាភិបាលកំណត់ការប្រមូលចំណូលមិនមែនសារពើរពន្ធពីវិស័យរ៉ែ ឲ្យបានក្នុង រង្វង់ជាង ១៤០ ពាន់លានរៀល ​បើធៀបនឹងផែនការឆ្នាំ ២០២១ នេះ ​គឺកើនឡើង ១៣៧% ​ចំពោះការកំណត់ចំនួន​ នៃការប្រមូលចំណូលមានការកើនឡើងនេះ អាចវាយតម្លៃបានថា ចំណូលមិនមែនសារពើរពន្ធពីវិស័យរ៉ែ នឹងមានកំណើនកើនឡើងនៅក្នុងឆ្នាំ ២០២២ នឹង​កើនឡើង​ជាបន្តបន្ទាប់ទៀត ​ដោយសាររ៉ែសំណង់​ ក្នុងវិស័យសំណង់មានការកើនឡើង ​នឹងស្រប ពេលដែល​រ៉ែមាស​ផលិតពេញលេញទៅតាមផែនការ ​រួមជាមួយការនាំចេញថ្មអារ ​ដែលអាចព្យាករណ៍ថា នឹងមានការកើនឡើង ផងដែរ។ទាក់ទងចំណូលពីវិស័យរ៉ែ, ចំពោះប្រតិបត្តិការនៃការធ្វើអាជីវកម្មរ៉ែមាស បើគិតត្រឹមថ្ងៃទី ១៨ ខែវិច្ឆិកា ឆ្នាំ២០២១ ដែលមានរយៈពេលជិត ៥ខែ, ក្រុមហ៊ុន រឺនីសង់ (Renaissance) បានបង់​សូយសារ​ចូល​ថវិការរដ្ឋ ​មានទឹកប្រាក់ប្រមាណជាង ១ ​លានដុល្លារអាមេរិក នឹងរួមជាមួយការ​ប្រមូល​ចំណូល​ពីរ៉ែសំណង់ផ្សេងៗទៀត​ ខណៈវិស័យនេះកំពុងមាន​ តម្រូវការ នឹងបានកើនឡើង​ជា​បន្តបន្ទាប់​ផងដែរ ។ជុំវិញហិរវត្ថុសាធារណៈនេះ, នៅក្នុងរយៈពេល ៦ខែ ឆមាសទី១ ឆ្នាំ ២០២១, រាជរដ្ឋាភិបាល​ប្រមូល​ចំណូល​មិនមែន​សារពើរ​ ពន្ធសរុបបានចំនួនជាង ២៥៥ ប៊ីលានរៀល ​ថយចុះជាង ១៥% បើធៀប​ទៅឆ្នាំ ២០២០ ដែលនៅក្នុងឆ្នាំនោះ​ ការប្រមូល ​ចំណូលប្រភេទនេះ ​បានចំនួនជាង ៣០០ ប៊ីលានរៀល៕អត្ថបទ៖ សុន រ៉ាឌី

កម្ពុជាទាក់ទាញវិនិយោគផ្ទាល់ពីបរទេសមានតម្លៃសរុប ៣៩ប៊ីលានដុល្លារ ក្នុងឆមាសទី១

2021/11/29 06:06:28 pm        470
Facebook Telegram Linkin
ភ្នំពេញ ៖ កម្ពុជា​ទទួល​បានការ​វិនិយោគ​ផ្ទាល់​ពី​បរទេស(FDI) ​សរុប ​៣៩​ប៊ី​លាន​ដុល្លារ​ គិតត្រឹមចុងឆមាសទីមួយ ឆ្នាំ​២០២១ ។ ទំហំវិនិយោគទាំងនេះ ​ផ្ដោតលើ​វិស័យហិរញ្ញវត្ថុ អចលនទ្រព្យ​ កសិកម្ម កម្មន្តសាល និងសណ្ឋាគារ និង​​ជាដើម​។យោងតាមរបាយការណ៍របស់ធនាគារជាតិនៃកម្ពុជាចេញផ្សាយ​លើ​ទំព័រ​ហ្វេ​ស​ប៊ុ​ក​របស់ខ្លួន​ នាថ្ងៃទី២៧វិច្ឆិកាថា ការវិនិយោគផ្ទាល់ពីបរទេសនៅកម្ពុជា​ មានក្នុង​ទំហំ​ទឹកប្រាក់ ​៣៩ប៊ីលានដុល្លារ ត្រឹម​ចុង​ឆមាសទីមួយ​ ឆ្នាំ២០២១ កើនឡើង ប្រមាណ៩,៦ភាគរយធៀប​នឹងរយៈពេលដូចគ្នា​កាល​ពីឆ្នាំមុន​។បើ​តាមធនាគារជាតិ ទំហំទឹកប្រាក់ទាំងនេះ​ បានពីការវិនិយោគរបស់ប្រទេសចិន ​កូរ៉េខាងត្បូង វៀតណាម សិង្ហ​បុរី ជប៉ុន ម៉ាឡេស៊ី ថៃ អង់គ្លេស និង​កាណាដា​។លំហូរ​វិនិយោគ​នេះ​ គ្របដណ្ដប់​លើ​វិស័យ​កសិកម្ម កម្មន្តសាល ហិរញ្ញវត្ថុ សណ្ឋាគារ​និង​រមណីយដ្ឋាន ​សំណង់ វា​រី​អគ្គិសនី និង​អចលនទ្រព្យ ជាដើម​។ ​សម្រាប់​ផ្នែក​ហិរញ្ញវត្ថុ​មានការ​វិនិយោគ​ប្រមាណ​២១​ភាគរយ ​កម្មន្តសាល​២០​ភាគរយ ​អចលនទ្រព្យ​១២​ភាគរយ សណ្ឋាគារ​១១​ភាគរយ និង​កសិកម្ម​១០​ភាគរយ​។ ឧកញ៉ា លឹម ហេង អនុប្រធាន​សភាពពាណិជ្ជកម្មកម្ពុជា ​យល់ឃើញថា កម្ពុជា នឹងបន្តទាក់ទាញ​បាន​វិនិយោគ​បរទេសបន្ថែមទៀត ​ដោយសារកម្ពុជា ​មាន​សក្តានុពលខ្ពស់​នៃការនាំចេញផលិតផល នៅ​ក្រោមកិច្ចព្រមព្រៀងពាណិជ្ជកម្មសេរី ​ទ្វេភាគី តំបន់ និងប្រព័ន្ធ​អនុគ្រោះពន្ធដទៃទៀត។ឯកឧត្តម អូន ព័ន្ធមុនីរ័ត្ន រដ្ឋមន្ត្រីក្រសួង​សេដ្ឋកិច្ច និង​ហិរញ្ញវត្ថុ​ បាន​បញ្ជាក់ថា ​ទោះបីជា​កម្ពុជា​កំពុង​ប្រឈម​នឹង​ជំងឺ​កូ​វីដ​-១៩​ និង​បន្ត​សម្រប​ខ្លួន​ទៅ​នឹង​ប្រក្រតី​ភាព​ថ្មី​ក្តី ​ក៏ប៉ុន្តែ​វិស័យ​អចលនទ្រព្យ​នេះ គឺ​នៅ​មាន​សក្ដានុពល​ក្នុងការ​វិនិយោគ​។ឯកឧត្តម អូន ព័ន្ធមុនីរ័ត្ន​ថា​ ​អត្រា​នេះ គឺ​បាន​ដោយសារ​ការ​កើន​ឡើង​សន្សឹមៗ ​នៃ​លំហូរ​ទុន​វិនិយោគ​ពី​បរទេស ខណៈ​ការ​វិនិយោគ​និង​តម្រូវការ​ស្រុកលើ​វិស័យ​អចលនវត្ថុ​ដែល​មាន​តម្លៃ​ទាប​និង​មធ្យម នឹង​បន្ត​រក្សា​កំណើន​ល្អប្រសើរ​​៕អត្ថបទ ៖ វណ្ណៈ

កម្ពុជាបង្ហាញលើឆាកអន្តរជាតិ ពីដំណើរឆ្ពោះទៅរបត់ថ្មី នៃការប្រើប្រាស់ប្រព័ន្ធបច្ចេកវិទ្យា

2021/11/27 07:24:44 pm        640
Facebook Telegram Linkin
ភ្នំពេញ ៖ កម្ពុជាបានបង្ហាញលើឆាកអន្តរជាតិ នៃការអភិវឌ្ឍន៍វិស័យវិទ្យាសាស្រ្ត បច្ចេកវិទ្យា នាវានុវត្តន៍ និងការអភិវឌ្ឍ៍វិស័យឧស្សាហកម្ម ដែលកំពុងដើរស្របតាមបរិបថថ្មី ដើម្បីឈានទៅសម្រេចតាមចក្ខុវិស័យ ប្រែក្លាយជាប្រទេសមានចំណូលមធ្យមកម្រិតខ្ពស់ នៅឆ្នាំ ២០៣០ ។ឯកឧត្តម ហេង សុខគង់ អ្នកនាំពាក្យ និងជារដ្ឋលេខាធិការក្រសួងឧស្សហកម្មវិទ្យាសាស្រ្ត បច្ចេកវិទ្យា និងនវានុវត្តន៍ បានថ្លែងប្រាប់ភ្នាក់ងារអ្នកយកព័ត៌មាន BTV ស្តីពីការចូលរួមប្រជុំកំពូល​កម្មន្តសាលកម្ម ​និងឧស្សាហូបនីយកម្មសកល នៅទីក្រុងឌូបៃ នា​ពេល​ថ្មីៗនេះថា ឯកឧត្តមកត្តិសេដ្ឋាបណ្ឌិត ចម ប្រសិទ្ធ រដ្ឋមន្រ្តី ក្រសួងឧស្សហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ តំណាងដ៏​ខ្ពង់​ខ្ពស់សម្តេចតេជោ ហ៊ុន សែន នាយករដ្ឋមន្រ្តី បានដឹកនាំប្រតិភូកម្ពុជា ដោយ​កម្ពុជា​បាន​ធ្វើ​បទ​បង្ហាញ​ចំណុច សំខាន់ៗរួមមាន៖ ការអភិវឌ្ឍន៍វិស័យឧស្សាហកម្ម វិស័យ​វិទ្យាសាស្រ្ត បច្ចេកវិទ្យា និងនវានុវត្តន៍ បានកំពុងដើរតាមបរិបថថ្មី និង​បានលើកឡើង​អំពី​គោល​នយោបាយ​អភិវឌ្ឍន៍វិស័យឧស្សាហកម្មកម្ពុជាឆ្នំា ​២០១៥-២០២៥ ក៏ដូចគោលនយបាយ​វិទ្យាសាស្រ្ត ​បច្ចេកវិទ្យា ​និងនវានុវត្តន៍ ២០២០-២០៣០ ​និងការផ្តោត​ទៅ​លើ​សរសរស្តម្ភ​សំខាន់ៗ​ចំនួន ៥ ដើម្បីឈានទៅសម្រេចតាមចក្ខុវិស័យ​ ប្រែ​ក្លាយ​ជា ​ប្រទេសមានចំណូលមធ្យមកម្រិតខ្ពស់ នៅឆ្នាំ ២០៣០របស់រាជរដ្ឋាភិបាល។ឯកឧត្តម បន្តថា ពាក់ព័ន្ធកិច្ចប្រជុំកំពូលកម្មន្តសាលកម្ម ​និងឧស្សាហូបនីយកម្មសកល នៅ​ទីក្រុងឌូបៃ គឺជាឱកាសដ៍ល្អមួយ នៅ​កម្ពុជា ក្រោយពេលដែលកម្ពុជាបានកំពុង​ជម្រុញអភិវឌ្ឍន៍​យ៉ាងខ្លាំងក្លា ​ទៅលើផ្នែកឧស្សាហកម្ម ​កម្មន្តសាល​ ក៏ដូចជាវិទ្យាសាស្រ្ត ​បច្ចេក​វិទ្យា និងនវានុវត្តន៍ និង​វិស័យឌីជីថល ដែលវិស័យនេះ ​រាជរដ្ឋាភិបាលបានដាក់ចេញនូវក្របខណ្ឌរយៈ ពេលវែង​សំដៅ​ជំរុញ និង​តម្រង់​ទិស​បរិវត្តកម្មឌីជីថលនៅកម្ពុជា ​ឱ្យទទួលបានជោគជ័យ ​តាមរយៈការកំណត់ និង​ការ​អនុវត្តវិធានការគោលនយោបាយ ​ដែល​ឆ្លុះបញ្ចាំង និងឆ្លើយតបទៅ​នឹងស្ថានភាពបច្ចុប្បន្ន​របស់​កម្ពុជា ​ព្រមទាំងស្របតាមនិន្នា ការតំបន់ ​និងសកល ​និងពង្រីកបន្ថែម ដើម្បី​គាំទ្រដល់ធុរកិច្ច និងប្រជាពលរដ្ឋ។សូមបញ្ជាក់ថា៖ វិទ្យាសាស្រ្ត បច្ចេកវិទ្យា និងនវានុវត្តន៍ មានសារៈសំខាន់ដើម្បីសម្រេច​បាននូវ​គោល​បំណង ដែល​រាជ​រដ្ឋា​ភិបាល​កម្ពុជា បានកំណត់សម្រាប់គោលដៅ​អភិវឌ្ឍន៍ជាតិរបស់​ខ្លួន​នៅឆ្នាំ២០៣០ និង២០៥០ ​ហើយវិស័យនេះ​ ជាមូលដ្ឋាន​គ្រឹះ​ដែល​មិន​អាចខ្វះ បាន សម្រាប់ប្រទេសកម្ពុជាក្នុងការដោះស្រាយបញ្ហាប្រឈមនានានៅកម្រិតជាតិ តំបន់ និងអន្តរជាតិ៕ អត្ថបទ៖ សុន រ៉ាឌី

មន្ត្រីជំនាញ៖ តម្លៃស្រូវធ្លាក់ថ្លៃ ព្រោះទីផ្សារនាំចេញអង្ករទៅក្រៅប្រទេសមានការថយចុះ

2021/11/27 06:54:34 pm        510
Facebook Telegram Linkin
ភ្នំពេញ ៖ មន្រ្តីជំនាញនៃសហព័ន្ធស្រូវអង្ករកម្ពុជា បានឲ្យដឹងថា បច្ចុប្បន្នតម្លៃស្រូវមានការធ្លាក់ថ្លៃជាងមុនបន្តិច ព្រោះទីផ្សារនាំចេញអង្ករទៅក្រៅមានការថយចុះ។លោក លន់ យ៉េង អគ្គលេខាធិការសហព័ន្ធស្រូវអង្ករកម្ពុជា នៅថ្ងៃទី២៧ខែវិច្ឆិកានេះ បានប្រាប់BTVឲ្យដឹងថា បច្ចុប្បន្នទីផ្សារអង្ករអន្តរជាតិមានការធ្លាក់ថ្លៃ ដែលជាហេតុធ្វើឲ្យតម្លៃស្រូវនៅប្រទេសកម្ពុជា និងបណ្តាប្រទេសមួយចំនួនទៀតមានការធ្លាក់ថ្លៃផងដែរ។ទីផ្សារកម្ពុជានាំចេញទៅបរទេសច្រើនជាងគេគឺប្រទេសចិន ដែលជួយទិញអង្ករកម្ពុជា ក្នុង​តម្លៃ​ខ្ពស់​ជាងបណ្តាប្រទេសមួយចំនួនទៀត។លើសពីនេះ​ លោកបន្តថា អ្វីដែលកសិករកម្ពុជា​មាន​ការ​ព្រួយបារម្ភនោះ ​គឺ​តម្លៃ​ផលិត​របស់ពួកគាត់មានការកើនឡើង​ ពោលដូចជាជី ថ្នាំកសិកម្ម និង​ការចំណាយផ្សេងៗ​មួយចំនួនទៀត។យោងតាមរបាយការណ៍របស់សហព័ន្ធស្រូវអង្ករ បានបញ្ជាក់ថា ក្នុងរយៈពេល១០ខែ ឆ្នាំ២០២១នេះ កម្ពុជា​បាន​នាំ​ចេញ​អង្ករគ្រប់ប្រភេទចំនួនជាង៤៦ម៉ឺនតោន ដែលគិតជាទឹកប្រាក់មាន​ចំនួន ៣២៣.៤៧លានដុល្លារសហ​រដ្ឋ​អាមេរិក ​ទៅ​គោលដៅទីផ្សារចំនួន៥៥ប្រទេស​ និងតំបន់ស្វយ័ត ដែលក្នុងនោះរួមមាន៖ ប្រទេសចិន តំបន់ស្វយ័តហុងកុង ម៉ាកាវ ជា​ទីផ្សារនាំចេញទៅច្រើនជាងគេ បន្ទាប់មានប្រទេសបារាំង​ ប្រទេសហ្កាលប៊ុង​ និងប្រទេសម៉ាឡេស៊ីជាដើម។ចំពោះការនាំចេញស្រូវវិញមានចំនួនជាង ២លានតោន ដែលគិតជាទឹកប្រាក់ប៉ាន់ស្មានប្រមាណជា ៦៣៣.៨២ លាន​ដុល្លារសហរដ្ឋអាមេរិក។ទឹកប្រាក់សរុបទាំងការនាំចេញស្រូវ និងអង្ករមាន​ចំនួន​ក្នុង​រយៈពេល ១០ខែ​នៃ​ឆ្នាំ២០២១​នេះ ​មានចំនួនប្រមាណជា ៩៥៧.៣០លានដុល្លាសហរដ្ឋអាមេរិក។បច្ចុប្បន្ននេះ វិស័យកសិកម្មកំពុងក្លាយជាវិស័យមួយក្នុងចំណោមវិស័យបីផ្សេងទៀតក្នុងការនាំ​កំណើន​ដល់​សេដ្ឋ​កិច្ច​ជាតិ​ ក្រោយពីរាជរដ្ឋាភិបាល​ ដែលដឹកនាំដោយសម្តេចតេជោ ហ៊ុន សែន​នាយករដ្ឋមន្រ្តីកម្ពុជា ​បានដាក់ចេញ​នូវ​គោល​នយោបាយ​ស្រូវ​អង្ករកាលពីខែសីហា ​ឆ្នាំ ២០១០។ បន្ទាប់ប្រកាសជាផ្លូវការនោះទាំងវិស័យរដ្ឋ ​ឯកជន និងប្រជាពលរដ្ឋ​រួម​ទាំង​អន្តរ​ជាតិផង​ដែលនោះ មានការសាទរយ៉ាងខ្លាំង​ ហើយខិតខំបំពេញការងាររៀងខ្លួន ​និងសហការគ្នា ដើម្បីលើក​កម្ពស់វិស័យកសិកម្ម៕អត្ថបទ៖ទូច សោភ័ណ 

រដ្ឋសភាអនុម័តសេចក្តីព្រាងច្បាប់ ស្តីពីពិធីសារអាស៊ានស្តីពីការពង្រឹងយន្តការដោះស្រាយវិវាទ

2021/11/26 06:27:40 pm        294
Facebook Telegram Linkin
ភ្នំពេញ ៖ ឯកឧត្តម ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម កាលព្រឹកថ្ងៃទី២៥ វិច្ឆិកា ឆ្នាំ២០២១នេះ បានដឹកនាំគណៈប្រតិភូក្រសួង ចូលរួមកិច្ចប្រជុំការពារសេចក្តីព្រាងច្បាប់ ស្តីពីការអនុម័តយល់ព្រមលើពិធីសារអាស៊ានស្តីពីការពង្រឹងយន្តការដោះស្រាយវិវាទ ក្នុងសម័យប្រជុំពេញអង្គរដ្ឋសភា លើកទី៦ នីតិកាលទី៦ ក្រោមអធិបតីភាពសម្តេចអគ្គមហាពញាចក្រី ហេង សំរិន ប្រធានរដ្ឋសភា។ក្រសួងពាណិជ្ជកម្ម ក្រោយចប់កិច្ចប្រជុំបានឲ្យទូរទស្សន៍ព័តមាន ប៊ីធីវី ដឹងថា ក្រោយស្តាប់​សេចក្តី​រាយការណ៍​នានារបស់លោកជំទាវ និន សាផុន ប្រធានគណៈកម្មការទី៩ នៃរដ្ឋសភា និងឯកឧត្តម​រដ្ឋមន្រ្តី​ពាណិជ្ជកម្ម អំពីសារៈសំខាន់ និងអត្ថប្រយោជន៍ដែលកម្ពុជា​នឹងទទួលបានពីសេចក្តី​ព្រាង​ច្បាប់ ស្តីពីការអនុម័តយល់ ​ព្រមលើពិធីសារអាស៊ានស្តីពីការពង្រឹងយន្តការដោះស្រាយវិវាទ ដែល​ក្នុងនោះ​រួមមាន ​ការទទួលបាននីតិវិធី ​ពិសេសសម្រាប់រដ្ឋសមាជិកអភិវឌ្ឍតិចតួច និងការបង្ហាញ​ពី​ការប្តេជ្ញា​ចិត្តក្នុងនាមជាប្រធានអាស៊ានឆ្នាំ២០២២ ដើម្បីរួមចំណែក​ដ៏សំខាន់ដល់ការពង្រឹងយន្តការ​ដោះស្រាយវិវាទ​ក្នុងក្របខ័ណ្ឌអាស៊ាន។ សម័យប្រជុំពេញអង្គ រដ្ឋសភា បានអនុម័តយល់ព្រមទាំងស្រុងដោយមិនមានការកែប្រែ​លើ​សេចក្តី​ព្រាង​ច្បាប់មួយនេះ​ ដោយមានសំឡេង គាំទ្រ១០៤សម្លេង។ ជាមួយគ្នានេះ ឯកឧត្តមរដ្ឋមន្ត្រីបានបញ្ជាក់ជូនអង្គប្រជុំថា រដ្ឋាភិបាលដែលមានក្រសួងពាណិជ្ជម្ម​ជា​សេនាធិការ ​តែងតែខិតខំប្រឹងប្រែងអនុវត្តនូវគោលនយោបាយ និង​អាណត្តិ​ប្រគល់ជូន​ដោយ​រាជរដ្ឋាភិបាល ​ជាពិសេសប្តេជ្ញា ខិតខំប្រឹងប្រឹងកសាងច្បាប់ និងបទដ្ឋានគតិយុត្តវិស័យពាណិជ្ជកម្ម និងសហការជាមួយអន្តរក្រសួង-ស្ថាប័ន ពាក់ព័ន្ធជាតិ និងអន្តរជាតិ ក៏ដូចជាវិស័យឯកជន សំដៅធ្វើ​ឲ្យប្រសើរឡើង​នូវបរិយាកាសធុរកិច្ច ​បង្កើតការងារ និងលើកកម្ពស់ជីវភាពប្រជាពលរដ្ឋ។ ឯកឧត្តមសង្ឃឹមថា ច្បាប់នេះ នឹងផ្តល់នូវប្រយោជន៍ជាសារវ័ន្តដល់សង្គម ជាតិទាំងមូល និង​ជាពិសេសបង្ហាញ​ពីការប្តេជ្ញាចិត្ត ​និងតួនាទីរបស់កម្ពុជា ​ក្នុងការចូលរួមចំណែកយ៉ាងសំខាន់ ក្នុងសហគមន៍​អាស៊ានផងដែរ។ក្រសួងពាណិជ្ជកម្ម បានឲ្យដឹងទៀតថា​ ពាក់ព័ន្ធសេចក្តីព្រាងច្បាប់នេះ អង្គប្រជុំបានសម្តែងការ​កោត​សរសើរ ​ចំពោះកិច្ចខិតខំប្រឹងប្រែងរបស់ក្រុមការងារក្រសួងពាណិជ្ជកម្ម ​ដែលបានកសាងច្បាប់ និង​បទដ្ឋាន​គតិយុត្តវិស័យ ពាណិជ្ជកម្ម និងវាយតម្លៃខ្ពស់ចំពោះការប្តេជ្ញាចិត្តបន្ថែមទៀតរបស់​រដ្ឋ​មន្ត្រី​ពាណិជ្ជកម្ម ក្នុងការខិតខំធ្វើឲ្យប្រសើរ​ឡើងនូវបរិយាកាសធុរកិច្ច បង្កើតការងារ និងលើក​កម្ពស់​ជីវភាព​ប្រជាពលរដ្ឋ ក៏ដូចជាការអនុវត្តកាតព្វកិច្ចនានា ​ក្រោមក្របខ័ណ្ឌតំបន់ និងសកល ស្របតាម​អាណត្តិផ្តល់​ជូនដោយប្រមុខរាជរដ្ឋាភិបាល៕អត្ថបទ ៖ ឈិត បូរ៉ាវី 

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាប​ទីតាំង​សង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់
08/01/2026 08:08 PM
Facebook Telegram Linkin
ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង
08/01/2026 06:08 PM
Facebook Telegram Linkin
ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ
08/01/2026 06:08 PM
Facebook Telegram Linkin
ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ
08/01/2026 05:08 PM
Facebook Telegram Linkin
ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ
08/01/2026 04:08 PM
Facebook Telegram Linkin
សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា
08/01/2026 04:08 PM
Facebook Telegram Linkin
រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ
08/01/2026 04:08 PM
Facebook Telegram Linkin
អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ
08/01/2026 04:08 PM
Facebook Telegram Linkin
នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា
08/01/2026 04:08 PM
Facebook Telegram Linkin
កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើ​សង្គ្រាម
08/01/2026 04:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.