BTV NEWS

រយៈពេល៤ខែឆ្នាំនេះ CDC ទទួលបានការវិនិយោគ ១៨៤ គម្រោង មានទុនសរុប ២,៦ ពាន់លានដុល្លារ

អនុប្រធានទី១ CDC ៖ វិស័យភស្ភុភារកម្មជាឆ្អឹងខ្នង នៃសេដ្ឋកិច្ច និងការទាក់ទាញវិនិយោគិនពីបរទេស

រាជរដ្ឋាភិបាលវាយតម្លៃសារជាថ្មីលើវិស័យចម្បងៗដែលទ្រទ្រង់កំណើនសេដ្ឋកិច្ចឆ្នាំ២០២៦

កម្ពុជានាំចេញបន្ទះសូឡាក្នុងត្រីមាសទី១ មានទឹកប្រាក់សរុបជាង ៥,៧លានដុល្លារ កើនជិត ៧៥%

សេដ្ឋកិច្ច និង កសិកម្ម

ពលរដ្ឋចាត់ទុកដំណាំទុរេន ជាផលិតផលយុទ្ធសាស្ត្រ នឹងអាចមានទីផ្សារនាំចេញនាពេលខាងមុខ

កែប ៖ ប្រជាពលរដ្ឋខ្មែរលើកទឹកចិត្ត និងគាំទ្រដល់អ្នកមានលទ្ធភាព ឬអ្នកកំពុងដាំដុះទុរេន សូមឲ្យពង្រីកការដាំដុះដំណាំនេះ ឲ្យបានច្រើន ព្រោះទុរេនជាផលិតផលយុទ្ធសាស្ត្រថ្មីមួយ សម្រាប់ការផ្គត់ផ្គង់ក្នុងស្រុក ក៏ដូចជាទីផ្សារនាំចេញដ៏សំខាន់ ខណៈបច្ចុប្បន្នរាជរដ្ឋាភិបាលកំពុងយកចិត្តទុកដាក់ និងពង្រីកចាប់ដៃគូពាណិជ្ជកម្មក្រៅប្រទេស ដើម្បីបម្រើទីផ្សារនាំចេញ ។ប្រជាពលរដ្ឋដែលនិយមពិសារទុរេន បានលើកឡើងស្រដៀងគ្នា ក្នុងកិច្ចសម្ភាសន៍ជាមួយភ្នាក់ងារអ្នកយកព័ត៌មាន BTV នៅកសិដ្ឋានដាំទុរេន របស់លោកស្រី ហ៊ឹម ស៊ីវន នៅស្រុកដំណាក់ចង្អើរ ខេត្តកែប នៅថ្ងៃទី២៣ ខែឧសភានេះថា ចំពោះការដាំ ដុះដំណាំហូបផ្លែ នៅក្នុងរយៈពេលប៉ុន្មានឆ្នាំនេះ ប្រជាពលរដ្ឋដែលមានលទ្ធភាព ឬ មានផ្ទៃដីដាំដុះ បានពង្រីកការដាំដុះជាបន្តបន្ទាប់ ហើយផលិតផលមួយចំនួនបាននាំចេញទៅកាន់ទីផ្សារក្រៅប្រទេសជាបណ្តើៗផងដែរដូចជា ៖ ការនាំចេញ ស្រូវ ចេក និងក្នុងពេលថ្មីៗនេះ កម្ពុជា បានចុះកិច្ចព្រមព្រៀងនៃការនាំចេញស្វាយទៅកាន់ទីផ្សារចិនផងដែរ។ប្រជាពលរដ្ឋទាំងនោះ បានបន្ត ក្រៅពីការនាំចេញផលិតផលផ្នែកកសិកម្មខាងលើ កម្ពុជានៅមានដំណាំសក្ដានុពលជាច្រើនទៀត ដែលកំពុងចាប់អារម្មណ៍ ក៏ដូចជាដាំណាំ ម្រេច មៀន និងទុរេនជាដើម ក្នុងនោះចំពោះផលិតផលទុរេន ប្រជាពលរដ្ឋសង្ឃឹមថា នាថ្ងៃខាងមុខ ផលិតផលទុរេននិងក្លាយផលិតផលយុទ្ធសាស្ត្រថ្មីមួយទៀត សម្រាប់ការផ្គត់ផ្គង់ក្នុងស្រុក និងសម្រាប់ទីផ្សារនាំចេញដ៏សំខាន់ ខណៈដែលរាជរដ្ឋាភិបាលបានកំពុងយកចិត្តទុកដាក់ ពង្រឹងលើកកម្ពស់ការដាំដុះ ដើម្បីឆ្លើយតបតាមតម្រូវការ ។ជុំវិញការដាំដុះនេះ, លោកស្រី ហ៊ឹម ស៊ីវន ម្ចាស់កសិដ្ឋានដាំដុះទុរេន នៅជើងភ្នំវល្លិ៍ ក្នុងស្រុកដំណាក់ចង្អើរ ខេត្តកែប បានលើកឡើងថា ក្រៅពីអាជីពជាអ្នកចម្រៀង លោកស្រីបានយកពេលវេលា មកធ្វើកសិកម្ម ដាំដុះដំណាំទុរេន បច្ចុប្បន្ននៅក្នុងកសិដ្ឋានរបស់លោកស្រី មានទុរេន ចំនួនជាង ៤ពាន់ដើម រួមជាមួយដំណាំរួមផ្សំផ្សេងៗទៀតជាច្រើន កំពុងហុចផលផ្លែផ្កាជាបន្តបន្ទាប់ផងដែរ ។ ទាក់ទងទិន្នផលទុរេន លោកស្រី បានបន្តថា ក្នុងមួយឆ្នាំៗ លោកស្រីទទួលបានផលជាច្រើន នឹងបាននាំផលិតផលនេះ ទៅចែកចាយនៅតាមទីផ្សារក្នុងស្រុកមួយចំនួន ក្នុងនោះចំពោះបងប្អូនដែលបានស្គាល់ តែងតែចូលទិញដល់កសិដ្ឋានដោយផ្ទាល់ ព្រោះទុរេន របស់លោកស្រី គឺបានដាំដុះតាមធម្មជាតិ ១០០ ភាគរយ និងបានចុះបញ្ជីនៅក្រសួងកសិកម្ម រុក្ខាប្រមាញ់ និងនេសាទយ៉ាងត្រឹមត្រូវ ជាទុរេនដែលមានរស់ជាតិឆ្ងាញ់ និងមិនធ្វើឲ្យប៉ះពាល់ដល់បញ្ហាសុខភាពសម្រាប់អ្នកពិសារផងដែរ ។ចំណែកទីផ្សារនាំចេញផលិតផល, ឯកឧត្តម ប៉ែន សុវិជាតិ អ្នកនាំពាក្យនិងជាអនុរដ្ឋលេខាធិការក្រសួងពាណិជ្ជកម្ម ថ្លែងថា ចំពោះការដាំដុះដំណាំឈើហូបផ្លែ កម្ពុជាបានចាត់ទុកជាដំណាំសក្ដានុពលសម្រាប់បម្រើទីផ្សារនាំចេញ ក្នុងនោះ បន្ទាប់ពីផ្លែចេក និងស្វាយ,យើងនៅមានដំណាំសក្ដានុពលផ្សេងៗទៀតជាច្រើនដូចជា ៖ ម្រេច មៀន និងដំណាំទុរេន ជាដើម ដោយបច្ចុប្បន្នផលិតកម្មដំណាំទាំងអស់នេះ បានកំពុងចរាចរក្នុងស្រុក នឹងអាចមានលទ្ធភាពគ្រប់គ្រាន់ សម្រាប់ពង្រីកផ្ទៃដីដាំដុះបម្រើទីផ្សារនាំចេញផងដែរ ៕អត្ថបទ៖ សុន រ៉ាឌី

ផ្សាររដ្ឋចាប់ផ្តើមបើកដំណើរការឡើងវិញ ដោយអនុវត្តម៉ឺងម៉ាត់វិធានការណែនាំសុខាភិបាល

ភ្នំពេញ ៖ ផ្សាររដ្ឋទាំងអស់ក្នុងរាជធានីភ្នំពេញ នៅព្រឹកថ្ងៃទី២៤ ខែឧសភា ឆ្នាំ២០២១នេះ បានចាប់ផ្តើមបើកដំណើរការឡើងវិញហើយ ក្រោយត្រូវបានបិទបណ្តោះអាសន្នមួយរយៈ។ ការបើកដំណើរការផ្សារឡើងវិញនេះ អនុវត្តតែចំពោះការលក់ដូរចាំបាច់ប៉ុណ្ណោះ ដូចជា គ្រឿងឧបភោគបរិភោគជាដើម ដោយគោរពតាមវិធានណែនាំរបស់អាជ្ញាធរ។សាលារាជធានីភ្នំពេញ បានបញ្ជាក់ថា ការអនុញ្ញាតបើកផ្សាររដ្ឋឡើងវិញនេះ អនុវត្តតែចំពោះអាជីវករលក់ម្ហូបអាហារ គ្រឿងឧបភោគបរិភោគតែប៉ុណ្ណោះ និងត្រូវចូលរួមអនុវត្តតាមការណែនាំដូចជា ការពាក់ម៉ាស រក្សាគម្លាត និងកំណត់ចំនួនអតិថិជនចេញ-ចូលផ្សារក្នុងបរិមាណសមរម្យសមាមាត្រទៅនឹងទំហំផ្សារ។ទាក់ទងការបើកដំណើរការផ្សារឡើងវិញនេះដែរ អាជីវករផ្សារធំថ្មី បានបង្ហាញអារម្មណ៍សប្បាយរីករាយ និងសង្ឃឹមថា អាជីវករផ្សារ និងប្រជាពលរដ្ឋចូលរួមគោរពតាមការណែនាំវិធានការសុខាភិបាលទាំងអស់គ្នា ដើម្បីចៀសវាងការឆ្លងជំងឺកូវីដ១៩ ដែលនាំដល់ការបិទ ឬផ្អាកអាជីវកម្មម្តងទៀត។ប្រធានគ្រប់គ្រងនៃផ្សារធំថ្មី បានបញ្ជាក់ថា ជាការកត់សម្គាល់ក្នុងថ្ងៃបើកដំណើរការថ្ងៃដំបូងនេះ ឃើញថា ទាំងបងប្អូនអាជីវករ និងអតិថិជន បានគោរពតាមការណែនាំបានយ៉ាងល្អ ពិសេសគោរពតាមប្រសាសន៍ណែនាំរបស់ប្រមុខរាជរដ្ឋាភិបាល ៣ការពារ និង៣កុំ។ ចំពោះការអនុវត្តវិធានសុខាភិបាល លោកស្រី បានឲ្យដឹងទៀតថា ចំនួនអតិថិជនដែលអនុញ្ញាតឲ្យចូលផ្សារដើម្បីទិញទំនិញក្នុងមួយលើកតែចំនួនជាង៤០០នាក់ប៉ុណ្ណោះ ដើម្បីទប់ស្កាត់ការឆ្លងរាលដាលជំងឺកូវីដ១៩នេះ។ សូមជម្រាបថា ក្នុងអំឡុងពេលនៃចាប់ផ្តើមបើកដំណើរផ្សាររដ្ឋទាំងអស់ឡើងវិញនេះ សាលារាជធានីភ្នំពេញបានក្រើនរម្លឹកថា អាជីវករ សន្តិសុខ បុគ្គលិក កម្មករ អតិថិជន និងជនឡាំងឡាយដែលមានវត្តមានក្នុងបរិវេណផ្សារត្រូវមានកាតព្វកិច្ចពាក់ម៉ាស និងរក្សាគម្លាតសុវត្ថិភាពជាចាំបាច់ ដើម្បីទប់ស្កាត់ការឆ្លងរាលដាលនៃជំងឺកូវីដ១៩ ប្រសិនបើករណីពួកគាត់មិនចូលរួមសហការនោះទេ នឹងទទួលរងការផាកពិន័យជាទឹកប្រាក់ និងសេចក្តីប្រកាសអន្តរក្រសួងចំពោះជនល្មើសដែលមិនគោរពតាមការណែនាំ៕អត្ថបទ ៖ បូរ៉ាវី

ស្វាយស្រស់កម្ពុជា ត្រូវបានស្វាគមន៍នៅប្រទេសចិន

ភ្នំពេញ ៖ ឯកឧត្តមរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា ការនាំស្វាយស្រស់របស់កម្ពុជា ចេញទៅកាន់ចិន ត្រូវបានស្វាគមន៍ពីសំណាក់មន្ត្រីអគ្គរដ្ឋបាលគយ មន្ត្រីពាក់ព័ន្ធ និងពាណិជ្ជករចិន ជាច្រើននៅខេត្តហ្គ័ងស៊ី នៅកំពុងផែឈីងចូវ ខេត្តហ្គ័ងស៊ី នៃសាធារណរដ្ឋប្រជាមានិតចិន កាលពីថ្ងៃទី២០ ខែឧសភា កន្លងទៅនេះ។នៅក្នុងបណ្តាញសង្គមហ្វេសប៊ុក ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានមានប្រសាសន៍ថា ជាមួយដំណឹងស្វាយស្រស់របស់កម្ពុជាបានទៅដល់គោលដៅហើយនោះ ភាគីចិន នឹងរៀបចំការសម្ពោធជាផ្លូវការ ការទទួលផ្លែស្វាយស្រស់របស់កម្ពុជា នៅទីក្រុងប៉េកាំង នៅថ្ងៃទី២៥ ខែឧសភា ខាងមុន ក្រោមអធិបតីភាពពីមន្ត្រីតំណាងក្រសួង កសិកម្ម និងកិច្ចការជនបទ និងក្រសួងពាណិជ្ជកម្មចិន រួមនឹងអគ្គរដ្ឋបាលគយចិន ជាមួយនិងតំណាងស្ថានអគ្គរាជទូតកម្ពុជាប្រចាំទីក្រុងប៉េកាំងផងដែរ។ ក្នុងនោះ មានផ្លែស្វាយស្រស់ចំនួន ២ទូរកុងធែន័រ ដែលជារបស់ក្រុមហ៊ុន រីចហ្វាម អេស៊ា ឯ.ក និងក្រុមហ៊ុន ឡុងវ៉ូ អាហ្គ្រីខាធើរ ខេមបូឌា(Long Wo Agricalture (Cambodia) Co.,Ltd) ។សូមបញ្ជាក់ថា ក្រសួងកសិកម្ម រុក្ខប្រមាញ់ និងនេសាទ បានសហការជាមួយស្ថានអគ្គរដ្ឋទូតសាធារណរដ្ឋប្រជាមានិតចិនប្រចាំនៅកម្ពុជា បានរៀបចំពិធីសម្ពោធជាផ្លូវការក្នុងការនាំផ្លែស្វាយស្រស់ចេញពីកម្ពុជា នៅថ្ងៃទី៧ ខែឧសភា ឆ្នាំ២០២១កន្លងទៅ ដោយត្រូវប្រើប្រាស់រយៈពេលនៃការដឹកជញ្ជូនចំនួន ១៣ថ្ងៃ ទើបទៅដល់គោលដៅ៕អត្ថបទ ឈិត បូរ៉ាវី

មជ្ឈមណ្ឌលក្រុមប្រឹក្សាធុរកិច្ចកម្ពុជាប្រកាសដាក់ឲ្យដំណើរផ្លូវការហើយ ចាប់ពីថ្ងៃនេះតទៅ

ភ្នំពេញ ៖ មជ្ឈមណ្ឌលក្រុមប្រឹក្សាធុរកិច្ចកម្ពុជា (CBC) ដែលមាននាទីក្នុងការជួយសម្របសម្រួលដល់ការដោះដូរពាណិជ្ជកម្ម និងវិនិយោគរវាងប្រទេសកម្ពុជា និងថៃ ត្រូវបានប្រកាសដាក់ឲ្យដំណើរការជាផ្លូវការហើយ នៅថ្ងៃទី២០ ខែឧសភា ឆ្នាំ២០២១នេះ។នៅក្នុងកិច្ចប្រជុំវិសាមញ្ញលើកដំបូង ឯកឧត្តម អ៊ូក សោភ័ណ ឯកអគ្គរាជទូតកម្ពុជាប្រចាំប្រទេសថៃ បានចាត់ទុក វត្តមានមជ្ឈមណ្ឌលក្រុមប្រឹក្សាធុរកិច្ចកម្ពុជា គឺជាការបើកទំព័រសករាជថ្មីសម្រាប់ការពង្រឹងទំនាក់ទំនងពាណិជ្ជកម្ម និងវិនិយោគកម្ពុជា-ថៃ ក្រោយវិបត្តិជំងឺកូវីដ១៩ ដែលបានបំផ្លិចបំផ្លាញកំណើនសេដ្ឋកិច្ចប្រទេសទាំងពីររយៈពេលជាង ១ឆ្នាំកន្លងមកនេះ។ក្នុងឱកាសនោះ ឯកឧត្តមបានជម្រាបពីកិច្ចប្រឹងប្រែងរបស់រាជរដ្ឋាភិបាលកម្ពុជា ក្នុងការទប់ទល់វិបត្តិជំងឺកូវីដ១៩ សំដៅកសាងភាពធន់នៃសេដ្ឋកិច្ចឡើងវិញ តាមរយៈការដាក់ចេញយុទ្ធសាស្ត្រការទូតសេដ្ឋកិច្ចឆ្នាំ២០២១-២០២៣ ការបង្កើត និងចូលរួមប្លុកពាណិជ្ជកម្មសេរីទ្វេភាគី និងពហុភាគី ដើម្បីធ្វើពិពិធកម្មទីផ្សារនាំចេញ ព្រមទាំងការធ្វើវិសោធនកម្មច្បាប់វិនិយោគ និងកំណែទម្រង់ផ្សេងៗ ដើម្បីលើកកម្ពស់បរិយាកាសធុរកិច្ចនៅក្នុងប្រទេស។ វត្តមានក្រុមប្រឹក្សាធុរកិច្ចកម្ពុជា មានកាតព្វកិច្ចចូលរួមជំរុញផ្សព្វផ្សាយសកម្មភាពសេដ្ឋកិច្ច និងពាណិជ្ជកម្មទ្វេភាគីកម្ពុជា-ថៃ ព្រមទាំងផ្លាស់ប្តូរព័ត៌មាន និងចំណេះដឹងផ្សេងៗរវាងសមាជិក រាប់តាំងពីការធ្វើអាជីវកម្ម ការលើកកម្ពស់គុណភាពទំនិញ-សេវាកម្ម ការជំរុញផលិតកម្ម និងផ្គត់ផ្គង់ទីផ្សារ ព្រមទាំងការសម្របសម្រួល និងចរចាជាមួយស្ថាប័នរដ្ឋទាំងក្នុងប្រទេសថៃ និងកម្ពុជា ដើម្បីដោះស្រាយបញ្ហាប្រឈមផ្សេងៗរបស់សមាជិក។យោងតាមទិន្នន័យរបស់នាយកដ្ឋានចរចាពាណិជ្ជកម្មនៃក្រសួងពាណិជ្ជកម្មថៃ បានឲ្យដឹងថា ការដោះដូរពាណិជ្ជកម្មទ្វេភាគីកម្ពុជា-ថៃ ក្នុងឆ្នាំ២០២០កន្លងទៅ មានតម្លៃ ៧,៥ពាន់លានដុល្លារអាម៉េរិក ធ្លាក់ចុះ ២៣% ធៀបនឹងឆ្នាំ២០១៩ ដែលមានទឹកប្រាក់ ៩,៤ពាន់លានដុល្លារ។ ក្នុងនោះ ការនាំចេញរបស់កម្ពុជាទៅថៃ មានតម្លៃ ១,១៥ពាន់លានដុល្លារ។ ដោយឡែក ការនាំចូលពីថៃ មកកម្ពុជា មានតម្លៃ ៦,១ពាន់លានដុល្លារ។ មុខទំនិញដែលកម្ពុជា នាំចេញទៅទីផ្សារថៃ ភាគច្រើនជាផលិតផលកសិកម្ម ខណៈផលិតផលនាំចូលពីថៃ មានដូចជា រថយន្ត ប្រេងឥន្ធនៈ ជីកសិកម្ម ផលិតផលចំណីអាហារ និងគ្រឿងថែសម្រស់ជាដើម៕អត្ថបទ ៖ ឈិត បូរ៉ាវី

រាជធានីភ្នំពេញ និងខេត្តព្រះសីហនុ គឺជាតំបន់ប៉ូលសេដ្ឋកិច្ចល្អលើផ្នែកអចលនទ្រព្យ

ភ្នំពេញ ៖ អ្នកជំនាញផ្នែកអចលទ្រព្យ ថា ចិនផ្តោតការវិនិយោគសំខាន់ជាងគេនៅកម្ពុជា មានវិស័យសំណង់ និងវិស័យ ឧស្សាហកម្មកាត់ដេរ ដែលជាផ្នែកមួយធ្វើឲ្យវិស័យដីធ្លី នៅរាជធានីភ្នំពេញ និងខេត្តព្រះសីហនុ មានការហក់ឡើងខ្ពស់ ហើយផ្នែកនេះ នៅតែបន្តមានសក្ដានុពលបន្ថែមទៀត បន្ទាប់ពីស្ថានភាពជំងឺកូវីដ-១៩ បានធូរស្រាល ។លោក លឹម សុជាតិ ប្រធានក្រុមប្រឹក្សាភិបាល សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានលើកឡើង នៅក្នុងសន្និសីទសារព័ត៌មាន ស្តីពីបច្ចុប្បន្នភាពទីផ្សារអចលនវត្ថុក្នុងកំឡុងកូវីដ-១៩ នៅថ្ងៃទី២០ខែកុម្ភៈ នេះថា ចិនគឺជាកំលាំងចលករមួយបានជំរុញការរីកចម្រើនវិស័យសេដ្ឋកិច្ច មិនមែនតែកម្ពុជាប៉ុណ្ណោះទេ គឺនៅក្នុងអាស៊ានទាំងមូល ក្នុងនោះ សម្រាប់ក្រប ខណ្ឌគោលនយោបាយដែលប្រទេសចិនបានអនុវត្តន៍ជាមួយកម្ពុជា គឺមានគ្រប់ផែនការអភិវឌ្ឍ និងគ្រប់ជ្រុងជ្រោយ ដូចជានាពេលកន្លងមកនេះ កម្ពុជា-ចិន បានចុះកិច្ចព្រមព្រៀងពាណិជកម្មសេរីបន្ថែម ដែលការចុះកិច្ចព្រមព្រៀងនេះ គឺបានជួយពេញផ្ទៃប្រទេស ដោយមិនបានកំណត់នូវតំបន់ប៉ូលណាមួយឡើយ ។លោក បន្តថា ពាក់ព័ន្ធកិច្ចសហប្រតិបត្តិការនេះ សម្រាប់ក្របខណ្ឌជាតិ ចិនមានកិច្ចសហការស្ទើរគ្រប់ប៉ូលសំខាន់ៗទាំងអស់ ប៉ុន្តែកម្រិតថ្នាក់ក្រោមជាតិ អ្នកវិនិយោគទុន គឺបានចាប់យកការវិនិយោគ ឬឱកាសណាដែលមានផលវិជ្ជមានត្រឡប់មកវិញ ដូចជា ការវិនិយោគលើវិស័យសំណង់ និងវិស័យឧស្សាហកម្មកាត់ដេរជាដើម ជាក់ស្តែងយើងសង្កេតឃើញថា តំបន់ចំនួនពីរគឺ រាជធានីភ្នំពេញ និងខេត្តព្រះសីហនុ គឺជាតំបន់ប៉ូលសេដ្ឋកិច្ចល្អលើផ្នែកអចលនទ្រព្យ ដែលកំពុងមានសន្ទុះរីកចម្រើន ។ជុំវិញអ្នកវិនិយោគចិន, លោក សន សៀប អនុប្រធានសមាគមអ្នកវាយតម្លៃនិងភ្នាក់ងារអចលនវត្ថុកម្ពុជា លើកឡើងថា បើតាមរបាយការណ៍ប្រធានប្រតិបត្តិក្រុមប្រឹក្សាភិបាលចិន-អាស៊ាន បានបង្ហាញថា ចិនមានការវិនិយោគលើគោលដៅធំៗចំនួន៥ គឺការវិនិយោគលើហេដ្ឋារចនាសម្ព័ន្ធ ខ្សែក្រវ៉ាត់មួយផ្លូវមួយ, គម្រោងវិស្វកម្ម, គម្រោងអចលនទ្រព្យ, E-commers និងឌីជីថល Economic និងផ្នែកផលិតកម្ម និងដង្គុំជាដើម, ដែលបញ្ហានេះ អ្នកវិនិយោគចិនកំពុងចាប់អារម្មណ៍ក្នុងការវិនិយោគផងដែរ, ជាក់ស្តែងនៅឆ្នាំ ២០២០ ចិនជាអ្នកទី១ សម្រាប់ការវិនិយោគនៅកម្ពុជា ហើយលោកសង្ឃឹមថា បន្ទាប់ពីស្ថានភាពជំងឺកូវីដ-១៩ បានធូរស្រាល ចិននៅតែនាំមុខគេ លើការវិនិយោគនៅកម្ពុជាដ៏ដែល ។ទាក់ទងនឹងគោលដៅវិនិយោគនេះដែរ, ឧកញ៉ា ចេង ខេង អគ្គនាយកក្រុមហ៊ុន CPL Cambodia Properties Limited, បានលើកឡើងផងដែរ ជុំវិញនិងការវិនិយោគ កម្ពុជានៅទាក់ទាញអ្នកវិនិយោគចិនបន្ថែមទៀត បន្ទាប់ពីកម្ពុជាបានចុះកិច្ចព្រមព្រៀងពាណិជ្ជកម្មសេរីជាមួយចិន, បច្ចុប្បន្នចិនក៏កំពុងសម្លឹងមើលការវិនិយោគលើផ្នែកកសិកម្មបន្ថែម សម្រាប់បម្រើទីផ្សារនាំចេញទៅកាន់ប្រទេសរបស់ខ្លួន ព្រោះទីផ្សារសេរីនៅប្រទេសចិនប្រាកដជានាំចូលបន្ថែម ចំពោះផលិតផលសក្ដានុពលដែលកម្ពុជាមាន, ខណៈដែលបច្ចុប្បន្នផលិតផលសក្ដានុពលទាំងនោះ កំពុងចាប់អារម្មណ៍ពីអ្នកវិនិយោគទុនបរទេសផងដែរ ៕អត្ថបទ៖ សុន រ៉ាឌី

វិស័យអចលនទ្រព្យរំពឹងថានឹងងើបឡើងវិញនៅចុងឆ្នាំ២០២១

ភ្នំពេញ៖ សមាគមអ្នកវាយតម្លៃនិងភ្នាក់ងារអចលនវត្ថុកម្ពុជារំពឹងថា វិស័យអចលទ្រព្យនៅកម្ពុជា នឹងងើបឡើងវិញ ជាបណ្តើរនៅចុងឆ្នាំ២០២១ ឬដើមឆ្នាំ២០២២ ដោយសារចរន្តនៃការទិញ-លក់ ចាប់ផ្តើមមានឡើងវិញ បន្ទាប់ពីកម្ពុជាទទួលបានការចាក់វ៉ាសាំងបង្ការជំងឺកូវីដ-១៩ដល់ប្រជាពលរដ្ឋ បានកាន់តែច្រើន។លោក ច្រឹក សុខនីម ប្រធានសមាគមអ្នកវាយតម្លៃនិងភ្នាក់ងារអចលនវត្ថុកម្ពុជា បានលើកឡើងនៅក្នុងសន្និសីទសារព័ត៌មាន ស្តីពីបច្ចុប្បន្នភាពទីផ្សារអចលនវត្ថុក្នុងកំឡុងកូវីដ-១៩ នៅថ្ងៃទី២០ ខែ កុម្ភៈ ឆ្នាំ២០២១ នេះថា បញ្ហាប្រឈមនៅក្នុងវិបត្តិកូវីដ១៩ គឺបានធ្វើឲ្យប៉ះពាល់ដល់សេដ្ឋកិច្ចជាតិយើង ក្នុងនោះ ចំពោះវិស័យអចលន ទ្រព្យក៏ជាផ្នែកមួយក្នុងការប៉ះពាល់ដោយសារវិបត្តិជំងឺនេះផងដែរ បានរាំងស្ទះដល់ការអភិវឌ្ឍន៍វិស័យនេះ និងបាត់បង់អ្នកវិនិយោគទុនទាំងជាតិ និងបរទេស។លោកយល់ថា ទោះបីនៅក្នុងស្ថានភាពអវត្តមាននៃវិនិយោគិនបរទេស ដោយសារការធ្វើដំណើរឆ្លងកាត់ប្រទេសពិបាក ប្រសិនអ្នកវិនិយោគទុកក្នុងស្រុកមានសកម្មភាពការធ្វើដំណើរបាន ពួគគេនឹងចាប់ផ្ដើមសម្លឹងមើល ឱកាសវិនិយោគឡើងវិញ ជាពិសេសអ្នកដែលមានធនធានហិរញ្ញវត្ថុ នឹងចាប់ផ្តើមមើលឃើញសក្តានុពល ទិញអចលនទ្រព្យ។ពាក់ព័ន្ធវិនិយោគិនក្នុងស្រុក, លោក លឹម សុជាតិ ប្រធានក្រុមប្រឹក្សាភិបាល សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លើកឡើងថា សម្រាប់ចរន្តនៃការទិញ-លក់ វិស័យអចលនទ្រព្យក្នុងពេលបច្ចុប្បន្ន យើងសង្កេតឃើញថា អ្នកវិនិយោគក្នុងស្រុកបានទិញ-លក់ មានកំណើនខ្ពស់ជាងបរទេស ក្នុងនោះ ចំពោះអចលនទ្រព្យដូចជាដីធ្លី, ផ្ទះ អ្នកវិនិយោគទុនក្នុងស្រុក មានការទិញលក់យ៉ាងច្រើន។ ចំណែកការវិនិយោគ ទិញ-លក់ ដូចជា ខុនដូ ឬអគារពាណិជ្ជកម្មផ្សេងៗ អ្នកវិនិយោគបរទេសមានការអភិវឌ្ឍន៍ និងទិញ-លក់ច្រើន ជាក់ស្តែង នៅក្នុងការរីករាលដាលនៃជំងឺកូវីដ-១៩ ឬការ Lockdown វិស័យនេះនៅតែដំណើរការទិញលក់ជាធម្មតា៕ អត្ថបទ៖ សុន រ៉ាឌី

រយៈពេល៤ខែ ការវិនិយោគវិស័យសំណង់ ក្នុងខេត្តកំពត មានទំហំទឹកប្រាក់ជិតម្ភៃលានដុល្លារ

កំពត ៖ មន្ត្រីជំនាញ បានឲ្យដឹងថា វិស័យសំណង់នៅខេត្តកំពត នៅតែបន្តរីកចម្រើនជាងឆ្នាំ២០២០កន្លងទៅ ហើយគិតត្រឹមរយៈពេល៤ខែដើមឆ្នាំ២០២១នេះ ការចេញលិខិតអនុញ្ញាតសាងសង់ និងទំហំទឹកប្រាក់វិនិយោគលើវិស័យសំណង់ស្មើ នឹងពាក់កណ្តាល ឆ្នាំ២០២០ កន្លងទៅ ដែលនេះបញ្ជាក់ថា វិស័យសំណង់ខេត្តមានសុខភាពល្អ និងមានសន្ទុះទៅមុខជានិច្ច ទោះស្ថិតក្នុងបរិបទកូវីដ១៩ក៏ដោយ។ អនុប្រធានមន្ទីររៀបចំដែនដី នគររូបនីយកម្ម សំណង់ និងសុរិយោដីខេត្តកំពត លោក ស៊ឹម សុខជា បានឲ្យដឹងថា ទោះស្ថិតក្នុងបរិបទកូវីដ១៩ វិស័យសំណង់ក្នុងខេត្តនៅតែបន្តដំណើរការមិនដាច់ និងមានអ្នកមករកស៊ីផ្នែកនេះ ជាហូរហែ។ លិខិតអនុញ្ញាតសាងសង់ពីសមត្ថកិច្ចទាំងបី ក្រុងស្រុក ខេត្ត និងក្រសួង រយៈពេល ៤ខែដើមឆ្នាំ២០២១នេះ មានចំនួន១៣៣គម្រោង គិតជាទុនវិនិយោគសរុបចំនួន ១៨លាន ដុល្លារ។ ចំណែកឆ្នាំ២០២០ ការដ្ឋានសំណង់ពេញមួយឆ្នាំ មានចំនួន ២៩៩ គម្រោង ដែលមានទុនវិនិយោគសរុប ៣៧លានដុល្លារ ។ផ្អែកតាមរបាយការណ៍នេះ គេឃើញថា ក្នុងរយៈបួនខែដើមឆ្នាំ២០២១ វិស័យសំណង់ខេត្តកំពត មានតម្លៃទុនវិនិយោគស្មើ និងពាក់កណ្ដាលឆ្នាំ២០២០ ទៅហើយ នេះបញ្ជាក់ឱ្យឃើញថា ឆ្នាំ២០២១នេះ វិស័យសំណង់ខេត្តកំពត នៅមានសុខភាពល្អ និងនៅតែបន្តរីកចម្រើនឡើងជាលំដាប់ពីមួយឆ្នាំទៅមួយឆ្នាំ ទោះស្ថិតក្នុងបរិបទកូវីដ១៩ក្តី។លោក បន្ថែមថា បច្ចុប្បន្នទោះស្ថានភាពកូវីដ១៩ហាក់មានសណ្ឋានធ្ងន់ធ្ងរក៏ពិតមែន ប៉ុន្តែការដ្ឋានសំណង់ទាំងអស់ក្នុងខេត្ត នៅតែបន្តដំណើរការជាដដែល គ្រាន់តែកម្មករ និងជាងសំណង់មិនមានចំនួនច្រើនដូចពេលមុន។ ហើយគិតមកដល់ពេលនេះ ពុំមានការដ្ឋានសំណង់ណាមួយបានផ្អាកការសាងសង់ ឬ បិទការដ្ឋានដោយសារកូវីដ១៩នោះទេ៕អត្ថបទ ៖ អន សារីម

អាជីវកម្មហាងអាហារ និងភេសជ្ជៈនៅភ្នំពេញ រំពឹងថា អាជីវកម្មនឹងដំណើរធម្មតាឡើងវិញឆាប់ៗ

ភ្នំពេញ ៖ ការអនុវត្តការលក់វេចខ្ចប់ ដោយមិនអនុញ្ញាតអតិថិជនអង្គុយក្នុងហាង កំពុងធ្វើឱ្យអាជីវកម្មអាហារ និងភេសជ្ជៈកាហ្វេ ប្រឈមនឹងការលក់ធ្លាក់ចុះ។ ជាមួយនឹងការកាត់បន្ថយបុគ្គលិកខ្លះផង ចំណូលនេះ គឺបានត្រឹមតែទប់ការចំណាយប្រតិបត្តិការប៉ុណ្ណោះ។ ទោះយ៉ាងណា ម្ចាស់អាជីវកម្មទាំងនោះ រំពឹងថា នឹងអាចដំណើរការអាជីវកម្មធម្មតាឡើងវិញ ក្នុងពេលឆាប់ៗខាងមុខ។ក្នុងកិច្ចសម្ភាសន៍ជាមួយទូរទស្សន៍ព័ត៌មាន ប៊ីធីវី កាលពីល្ងាចថ្ងៃទី១៨ ឧសភា ឆ្នាំ២០២១កន្លងទៅ លោក ជ័យ ពិសិដ្ឋ ម្ចាស់ហាងកាហ្វេ មេឌាកាហ្វេ បាននិយាយថា ប្រសិនបើករណីជំងឺឆ្លងកូវីដ១៩នៅតែបន្តអូសបន្លាយ និងចំនួនអ្នកឆ្លងថ្មីច្រើនទៀតនោះ នឹងធ្វើចំនួននៃការលក់ធ្លាក់ចុះជាបន្តបន្ទាប់ ដោយសារខាតបង់ប្រាក់ចំណូល និងគ្មានប្រាក់គ្រប់គ្រាន់សម្រាប់ទប់ថ្លៃចំណាយនានា ដូចជាថ្លៃទឹក ភ្លើង និងថ្លៃបុគ្គលិកជាដើម ខណៈដែលក្នុងមួយថ្ងៃអាចរកប្រាក់ចំណូលប្រមាណពី ២០ ទៅ២៥%ប៉ុណ្ណោះ។លោក ពិសិដ្ឋ បន្ថែមថា អ្វីដែលលោកចង់បាន និងចង់ឃើញនាពេលដ៏ខ្លីខាងមុខ គឺការវិលត្រឡប់មករកភាពប្រក្រតីឡើងវិញ និងអំពាវនាវទៅដល់ប្រជាពលរដ្ឋទាំងអស់ សូមចូលរួមទប់ស្កាត់ និងអនុវត្តន៍តាមការណែនាំរបស់រាជរដ្ឋាភិបាល៣ការពារ និង៣កុំ ពោលធ្វើយ៉ាងណាកុំឲ្យវីរុសកូវីដ១៩បន្តរាលដាលថែមទៀតនៅកម្ពុជា។ម្ចាស់ភោជនីយដ្ឋានមួយកន្លែង ស្ថិតនៅក្បែរផ្សារអូឡាំពិក យីហោ១៩៩៩ កញ្ញា រចនា បានប្រាប់ឲ្យដឹងដែរថា ការលក់ដូរធ្លាប់តែមានសភាពអ៊ូអរតាំងពីពេលល្ងាច រហូតដល់ពេលរាត្រី ដោយសារហាងលោកបណ្តុំទៅដោយម្ហូបអាហារជាច្រើនប្រភេទ។ ប៉ុន្តែក្នុងរយៈពេលប្រមាណ៣ខែមកនេះ ប្រែជាស្ងប់ស្ងាត់ ហើយការលក់សម្រាប់តែការវេចខ្ចប់ ក៏មិនសូវមានច្រើនទេ ដោយសារហាងតម្រូវបិទទ្វារមុនម៉ោង៨យប់។ចំណែកលោកស្រី ធីតា ម្ចាស់ហាងសាច់អាំង ហេង មែន បានប្តូរពីអាជីវកម្មលក់សាំងអស់សម្រាប់អតិថិជនចូលអង្គុយក្នុងហាង ទៅលក់សាច់ទារអាំងសម្រាប់តែវេចខ្ចប់។ លោកស្រី បន្តថា ការប្តូរអាជីវកម្មទៅលក់សាច់ទារអាំងខ្ទប់នេះ គឺមិនទទួលបានចំណូលច្រើននោះទេ ដោយចំណូលគឺសម្រាប់ចំណាយតែលើបុគ្គលិក៕អត្ថបទ ៖ ឈិត បូរ៉ាវី

រដ្ឋមន្ត្រីពាណិជ្ជកម្មកម្ពុជា និងអូស្ត្រាលី ពិភាក្សាគ្នាពីជំរុញការអភិវឌ្ឍវិស័យពាណិជ្ជកម្ម

ភ្នំពេញ ៖ ឯកឧត្តម ប៉ាន សូរស័ក្ដិ រដ្ឋមន្ដ្រីក្រសួងពាណិជ្ជកម្មកម្ពុជា បានទទួលជួបពិភាក្សាការងារជាមួយ ឯកឧត្តម Pablo Kang ឯកអគ្គរាជទូតអូស្ត្រាលីប្រចាំកម្ពុជា ផោ្តតលើការពង្រឹងកិច្ចសហប្រតិបត្តិការលើវិស័យពាណិជ្ជកម្មអន្តរជាតិ រវាងប្រទេសទាំងពីរ និងការបន្តជួយគាំទ្ររបស់អូស្ត្រាលីក្នុងការអភិវឌ្ឍពាណិជ្ជកម្មកម្ពុជា ក្នុងបរិបទទ្វេភាគី តំបន់ និងពហុភាគី។ក្នុងជំនួបការងារតាមរយៈប្រព័ន្ធវីដេអូ កាលពីថ្ងៃទី១៨ ឧសភា ឆ្នាំ២០២១នេះ ក្នុងក្របខ័ណ្ឌទ្វេភាគី ភាគីទាំងពីរ (កម្ពុជា-អូស្ត្រាលី) បានធ្វើការផ្លាស់ប្តូរយោបល់ និងពិភាក្សាលើការបន្តអនុវត្តគម្រោងអភិវឌ្ឍន៍ពាណិជ្ជកម្មក្រោមជំនួយរបស់អូស្រាលី រួមមាន ការពង្រឹង និងការកសាងសមត្ថភាពមន្ត្រីពាណិជ្ជកម្ម ការអភិវឌ្ឍ និងកសាងបទដ្ឋានគតិយុត្តិពាក់ព័ន្ធវិស័យពាណិជ្ជកម្ម ការបន្តអនុវត្តកម្មវិធីខ្សែសង្វាក់តំលៃកសិកម្មកម្ពុជា-អូស្ត្រាលី និងការជំរុញការធ្វើពាណិជ្ជកម្មតាមប្រព័ន្ធអេទ្បិចត្រូនិកជាដើម។ភាគីទាំងពីរ បានបញ្ជាក់សារជាថ្មីនូវការប្ដេជ្ញាចិត្ត បង្កើនទំហំពាណិជ្ជកម្មទ្វេភាគី លើកម្ពស់កិច្ចសហប្រតិបត្តិ លើវិស័យពាណិជ្ជកម្ម និងគ្រប់វិស័យពាក់ព័ន្ធ ជាពិសេសទំនាក់ទំនងជិតស្និទ្ធរវាងប្រទេសទាំងពីរ។ ភាគីទាំងពីរ បានផ្លាស់ប្តូរយោបល់លើការវិវត្តនានាក្នុងបរិបទពាណិជ្ជកម្មពហុភាគីក្រោមក្របខ័ណ្ឌអង្គការពាណិជ្ជកម្មពិភពលោក ជាពិសេសការត្រៀមចូលរួមសន្និសីទថ្នាក់រដ្ឋមន្ត្រីអង្គការពាណិជ្ជកម្មពិភពលោក លើកទី១២ នាពេលខាងមុខផងដែរ។ជាមួយគ្នានេះ ឯកឧត្តមរដ្ឋមន្ដ្រី ប៉ាន សូរស័ក្តិ បានថ្លែងអំណរគុណភាគីអូស្ត្រាលី ដែលបានបន្តគាំទ្រ និងចូលរួមចំណែកយ៉ាងសំខាន់ក្នុងការអភិវឌ្ឍវិស័យពាណិជ្ជកម្មកម្ពុជា និងវិស័យពាក់ព័ន្ធនានា។ សូមបញ្ជាក់ជូនថា ការដោះដូរពាណិជ្ជកម្មទ្វេភាគីរវាងប្រទេសកម្ពុជា និងអូស្ត្រាលី មានទំហំ២៩០លានដុល្លារ ក្នុងឆ្នាំ២០១៩ កើនឡើង ៣២ភាគរយធៀបនឹងឆ្នាំ២០១៨។ ក្នុងនោះកម្ពុជានាំចេញទៅអូស្ត្រាលីមានតម្លៃ ២០២លានដុល្លារ និងនាំចូលពីអូស្ត្រាលីមានតម្លៃ៩០លានដុល្លារ៕អត្ថបទ ៖ ឈិត បូរ៉ាវី

ពាណិជ្ជកម្មទ្វេភាគីកម្ពុជា-កូរ៉េខាងត្បូង មានទំហំទឹកប្រាក់ជាង៣១៩លានដុល្លារក្នុងរយៈពេលបួនខែដើមឆ្នាំ

ភ្នំពេញ ៖ ការដោះដូរពាណិជ្ជកម្មទ្វេភាគី រវាងប្រទេសកម្ពុជា និងកូរ៉េខាងត្បូង មានទំហំទឹកប្រាក់សរុប ៣១៩ លានដុល្លារ ក្នុងរយៈពេលបួនខែឆ្នាំ២០២០ កើនឡើង ៧,២ភាគរយធៀបនឹងរយៈពេលដូចគ្នាកាលពីឆ្នាំ២០២០។យោងតាមរបាយការណ៍ពីសមាគមពាណិជ្ជកម្មអន្តរជាតិកូរ៉េ (KOTRA) ចាប់ពីខែមករា ដល់ខែមេសា ការនាំចេញទំនិញរបស់ប្រទេសកម្ពុជា ទៅទីផ្សារកូរ៉េខាងត្បូង មានទំហំទឹកប្រាក់ ប្រមាណ ១២៤ លានដុល្លារ មានកំណើន ៨,៩ភាគរយ ធៀបនឹងរយៈពេលបួនខែឆ្នាំមុន។ ដោយឡែក កម្ពុជានាំចូលទំនិញពីកូរ៉េខាងត្បូង មានទំហំទឹកប្រាក់សរុប ១៩៤ លានដុល្លារ កើនឡើង ៦,២ ភាគរយ។យោងតាមរបាយការណ៍ពីក្រសួងពាណិជ្ជកម្ម ទំនិញដែលកម្ពុជា នាំចេញទៅទីផ្សារកូរ៉េខាងត្បូង មាន ដូចជា សំលៀកបំពាក់ ផលិតផលស្បែកជើង ផលិតធ្វើដំណើរ គ្រឿងបង្គំអគ្គិសនី និងផលិតផលកសិកម្ម។ ចំណែកផលិតផលដែលកូរ៉េខាងត្បូងនាំចូលមកកម្ពុជាវិញ មានដូចជា រថយន្ត ឧបករណ៍អេឡិចត្រូនិក ភេសជ្ជៈ ថ្នាំពេទ្យ និងផលិតផលបា្លស្ទិក។គួរបញ្ជាក់ថា ប្រទេសកម្ពុជា និងកូរ៉េខាងត្បូង រំពឹងថា នឹងកើនឡើងបន្ថែមទៀត បន្ទាប់ពីកិច្ចព្រមព្រៀងពាណិជ្ជកម្មសេរីទ្វេភាគី រវាងប្រទេសទាំងពីរ ចូលជាធរមាន។ កិច្ចព្រមព្រៀងពាណិជ្ជកម្មទ្វេភាគីនេះ គ្រោងនឹងប្រកាសដាក់ឱ្យអនុវត្តនៅក្នុងឆ្នាំ២០២១នេះ។ក្នុងឆ្នាំ២០២០កន្លងទៅ ទំហំពាណិជ្ជកម្មទ្វេភាគីរវាងប្រទេសទាំងពីរ កម្ពុជា កូរ៉េខាងត្បូង ធ្លាក់ចុះ ១៤ភាគរយ មកត្រឹម ៨៨៤លានដុល្លារ ដោយសារការរីករាលដាលជំងឺកូវីដ១៩។ ក្នុងនោះ កម្ពុជា នាំចេញទៅកូរ៉េខាងត្បូង មានទឹកប្រាក់សរុប ៣១៧ លានដុល្លារ ធ្លាក់ចុះ១៨ភាគរយ៕

បណ្ដាញសង្គម

ព័ត៌មានថ្មីៗ

ក្រសួងអប់រំ ប្រកាសដាក់ឱ្យប្រើប្រាស់ជាផ្លូវការនូវ កម្មវិធីផ្សាយផ្ទាល់ការបង្រៀនបំប៉ន (Live Teaching) ឆ្នាំ២០២៦

ប្រាក់ចំណេញត្រីមាសទី១របស់ក្រុមហ៊ុនផលិតប្រេង Saudi Aramco កើនឡើង២៥% ខណៈមានវិបត្តិច្រកសមុទ្រ Hormuz

មេដឹកនាំកូរ៉េខាងជើង លោក Kim Jong-un សន្យាយកទំនាក់ទំនងជាមួយរុស្ស៊ីជាអាទិភាពកំពូល

អនុប្រធានសមាគមអតីតយុទ្ធជន អញ្ជើញជាអធិបតីសម្ពោធអគារទីស្នាក់សមាគមអតីតយុទ្ធជន និងនិវត្តជនកម្ពុជា ខេត្តត្បូងឃ្មុំ

ចិន ជំរុញឲ្យជប៉ុន និងហ្វីលីពីន បញ្ឈប់ការប្រឈមមុខដាក់គ្នា

ប្រធានក្រុមការងារគណបក្សប្រជាជនចុះមូលដ្ឋាន ប្រកាសបញ្ចូលសមាជិកគណបក្សថ្មីជាង ១៥០០នាក់នៃឃុំចំនួន៥ ក្នុងស្រុកកំពង់សៀម ខេត្តកំពង់ចាម

ប្រធានគណៈកម្មាធិការ ណបក្សប្រជាជនកម្ពុជា ខេត្តកំពង់ស្ពឺ លើកទឹកចិត្តឱ្យក្រុមការងារបន្តយកចិត្តទុកដាក់ដោះស្រាយរាល់សំណើរពលរដ្ឋ

អតីតសកម្មជនគណបក្សប្រឆាំង ៦៧នាក់ នៅស្រុកស្អាង ចូលរួមជីវភាពនយោបាយជាមួយគណបក្សប្រជាជនកម្ពុជា

ការបំផ្ទុះគ្រាប់បែកក្នុងរថយន្តនៅប៉ាគីស្ថាន បានសម្លាប់នគរបាលជាង១០នាក់ និងមួយចំនួនរងរបួស

ឃុំខ្លួនឧក្រិដ្ឋជនបរទេស ២២នាក់ ដាក់ពន្ធនាគារបណ្តោះអាសន្ន ពាក់ព័ន្ធនឹងបទល្មើស Online Scams

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

ពលរដ្ឋចាត់ទុកដំណាំទុរេន ជាផលិតផលយុទ្ធសាស្ត្រ នឹងអាចមានទីផ្សារនាំចេញនាពេលខាងមុខ

ផ្សាររដ្ឋចាប់ផ្តើមបើកដំណើរការឡើងវិញ ដោយអនុវត្តម៉ឺងម៉ាត់វិធានការណែនាំសុខាភិបាល

ស្វាយស្រស់កម្ពុជា ត្រូវបានស្វាគមន៍នៅប្រទេសចិន

មជ្ឈមណ្ឌលក្រុមប្រឹក្សាធុរកិច្ចកម្ពុជាប្រកាសដាក់ឲ្យដំណើរផ្លូវការហើយ ចាប់ពីថ្ងៃនេះតទៅ

រាជធានីភ្នំពេញ និងខេត្តព្រះសីហនុ គឺជាតំបន់ប៉ូលសេដ្ឋកិច្ចល្អលើផ្នែកអចលនទ្រព្យ

វិស័យអចលនទ្រព្យរំពឹងថានឹងងើបឡើងវិញនៅចុងឆ្នាំ២០២១

រយៈពេល៤ខែ ការវិនិយោគវិស័យសំណង់ ក្នុងខេត្តកំពត មានទំហំទឹកប្រាក់ជិតម្ភៃលានដុល្លារ

អាជីវកម្មហាងអាហារ និងភេសជ្ជៈនៅភ្នំពេញ រំពឹងថា អាជីវកម្មនឹងដំណើរធម្មតាឡើងវិញឆាប់ៗ

រដ្ឋមន្ត្រីពាណិជ្ជកម្មកម្ពុជា និងអូស្ត្រាលី ពិភាក្សាគ្នាពីជំរុញការអភិវឌ្ឍវិស័យពាណិជ្ជកម្ម

ពាណិជ្ជកម្មទ្វេភាគីកម្ពុជា-កូរ៉េខាងត្បូង មានទំហំទឹកប្រាក់ជាង៣១៩លានដុល្លារក្នុងរយៈពេលបួនខែដើមឆ្នាំ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

ពលរដ្ឋ​ចាត់ទុក​ដំណាំ​ទុរេ​ន ជា​ផលិតផល​យុទ្ធសាស្ត្រ ​នឹង​អាច​មាន​ទីផ្សារ​នាំចេញ​នា​ពេលខាងមុខ

ផ្សារ​រដ្ឋ​ចាប់​ផ្តើម​បើក​ដំណើរការ​ឡើងវិញ ដោយ​អនុវត្ត​ម៉ឺងម៉ាត់​វិធានការ​ណែនាំ​សុខាភិបាល​

ស្វាយ​ស្រស់​កម្ពុជា ត្រូវបាន​ស្វាគមន៍​នៅ​ប្រទេស​ចិន

មជ្ឈមណ្ឌល​ក្រុមប្រឹក្សា​ធុរកិច្ច​កម្ពុជា​ប្រកាស​ដាក់​ឲ្យ​ដំណើរ​ផ្លូវការ​ហើយ​ ចាប់ពី​ថ្ងៃនេះ​តទៅ

រាជធានី​ភ្នំពេញ និង​ខេត្ត​ព្រះសីហនុ​ គឺជា​តំបន់​ប៉ូល​សេដ្ឋកិច្ច​ល្អ​លើ​ផ្នែក​អចលនទ្រព្យ

វិស័យ​អចលនទ្រព្យ​រំពឹងថា​នឹង​ងើបឡើង​វិញ​នៅ​ចុង​ឆ្នាំ​២០២១

រយៈពេល​៤​ខែ ​ការ​វិនិយោគ​វិស័យ​សំណង់​ ក្នុង​ខេត្តកំពត​ មាន​ទំហំ​ទឹកប្រាក់​ជិត​ម្ភៃ​លាន​ដុល្លារ

អាជីវកម្ម​ហាង​អាហារ ​និង​ភេសជ្ជៈ​នៅ​ភ្នំពេញ ​រំពឹងថា​ អាជីវកម្ម​នឹង​ដំណើរ​ធម្មតា​ឡើងវិញ​ឆាប់ៗ

រដ្ឋមន្ត្រី​ពាណិជ្ជកម្ម​កម្ពុជា ​និង​អូស្ត្រាលី ​ពិភាក្សាគ្នា​ពី​ជំរុញ​ការ​អភិវឌ្ឍ​វិស័យ​ពាណិជ្ជកម្ម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ពលរដ្ឋចាត់ទុកដំណាំទុរេន ជាផលិតផលយុទ្ធសាស្ត្រ នឹងអាចមានទីផ្សារនាំចេញនាពេលខាងមុខ

ផ្សាររដ្ឋចាប់ផ្តើមបើកដំណើរការឡើងវិញ ដោយអនុវត្តម៉ឺងម៉ាត់វិធានការណែនាំសុខាភិបាល

ស្វាយស្រស់កម្ពុជា ត្រូវបានស្វាគមន៍នៅប្រទេសចិន

មជ្ឈមណ្ឌលក្រុមប្រឹក្សាធុរកិច្ចកម្ពុជាប្រកាសដាក់ឲ្យដំណើរផ្លូវការហើយ ចាប់ពីថ្ងៃនេះតទៅ

រាជធានីភ្នំពេញ និងខេត្តព្រះសីហនុ គឺជាតំបន់ប៉ូលសេដ្ឋកិច្ចល្អលើផ្នែកអចលនទ្រព្យ

វិស័យអចលនទ្រព្យរំពឹងថានឹងងើបឡើងវិញនៅចុងឆ្នាំ២០២១

រយៈពេល៤ខែ ការវិនិយោគវិស័យសំណង់ ក្នុងខេត្តកំពត មានទំហំទឹកប្រាក់ជិតម្ភៃលានដុល្លារ

អាជីវកម្មហាងអាហារ និងភេសជ្ជៈនៅភ្នំពេញ រំពឹងថា អាជីវកម្មនឹងដំណើរធម្មតាឡើងវិញឆាប់ៗ

រដ្ឋមន្ត្រីពាណិជ្ជកម្មកម្ពុជា និងអូស្ត្រាលី ពិភាក្សាគ្នាពីជំរុញការអភិវឌ្ឍវិស័យពាណិជ្ជកម្ម