នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គណៈកម្មាធិការវិនិយោគ ពិនិត្យសំណើសុំចុះបញ្ជីចំនួនគម្រោងវិនិយោគចំនួន ៨ មានទុន ៤៩០លានដុល្លារ
ក្នុងត្រីមាសទី១ ឆ្នាំ២០២៦ កម្ពុជានាំចេញមុខទំនិញ​ស្ទើរ​គ្រប់​ប្រភេទ​មាន​កំណើន​កើន​ឡើង​ល្អ​ប្រសើរ
ត្រីមាសទី១ឆ្នាំនេះ CDC ចុះបញ្ជីគម្រោងវិនិយោគចំនួន ១៤៦ មានទុនប្រមាណ ២,៥ ប៊ីលានដុល្លារ
រយៈពេល៣ខែឆ្នាំ២០២៦នេះ ទីផ្សារអាមេរិកស្រូបយកទំនិញកម្ពុជា មានទឹកប្រាក់ជាង ៣,៣ ពាន់លានដុល្លារ

សេដ្ឋកិច្ច និង កសិកម្ម

អាជ្ញាធរខេត្តកែបជំរុញលើកទឹកចិត្តសហគមន៍ឱ្យពង្រីកការចិញ្ចឹមត្រីឆ្ពង់ ដើម្បីផ្តត់ផ្គង់​តម្រូវ​ការ​ទេសចរ

2025/10/07 12:11:45 pm        589
Facebook Telegram Linkin
អាជ្ញាធរខេត្តកែប បានលើកទឹកចិត្តដល់សហគមន៍នេសាទទាំង៥ ឱ្យបន្តខិតខិតសិក្សាស្រាវជ្រាវ ពង្រីក​ការ​ចិញ្ចឹមត្រីឆ្ពង់នៅតាមសហគមន៍របស់ខ្លួនឱ្យបានច្រើន ដើម្បីឆ្លើយតបតម្រូវ​ការ​របស់​ភ្ញៀវ​ទេសចរ មកលេងខេត្តកែប និងបានណែនាំដល់មន្ទីរជំនាញពាក់ព័ន្ធ ឲ្យបន្តជួយជ្រោម​ជ្រែក​គាំ​ទ្រ ​ទាំងស្មារតី និង សម្ភារបច្ចេកទេសដល់សហគមន៍នីមួយៗ។នៅក្នុងដំណើរចុះពិនិត្យការចិញ្ចឹមត្រីឆ្ពង់នៅសហគមន៍នេសាទអូរក្រសារ នាពេលថ្មីៗនេះ លោក ហ៊ួរ មិថុនា អភិបាលរងខេត្តកែប ទទួលបន្ទុក វិស័យកសិកម្ម និងពាណិជ្ជកម្ម បានលើកឡើងថា ត្រីឆ្ពង់ ជាមុខម្ហូបដែលទទួលបានការនិយមចូលចិត្តពីពលរដ្ឋ និងអ្នកទេសចរ ហើយកន្លងមក ឯកឧត្តម​ ឧបនាយករដ្ឋមន្រ្តី សាយ សំណាល់ ប្រធានក្រុមការងាររាជរដ្ឋាភិបាលចុះ ជួយ​មូល​ដ្ឋាន​​ខេត្ត​កែប ក៏បានជំរុញអាជ្ញាធរ ខេត្តឱ្យខិតខំពង្រឹង និងពង្រីកការធ្វើវារីវប្បកម្ម ដើម្បី​លើក​កម្ពស់​ជីវភាពប្រជាពលរដ្ឋ ស្របពេលកំណើន ទេសចរក្នុងខេត្តបន្តកើនឡើង។លោកបានបន្តថា បច្ចុប្បន្ននេះ សហគមន៍នេសាទ៥នៅខេត្តកែប ទើបឃើញ​សហគមន៍​នេសាទ​អូរក្រសារ​មួយប៉ុណ្ណោះ ដែលបាននឹងកំពុងចិញ្ចឹមត្រីឆ្ពង់ ទទួលបានលទ្ធផលឆ្លើយតបល្អប្រសើរ។ លោកជំរុញលើកទឹកចិត្តដល់មន្ត្រីជំនាញ មន្ទីរអង្គភាពពាក់ព័ន្ធ សូមបង្កើនការយកចិត្តទុកដាក់ បន្ត​សិក្សា និងពង្រីកការចិញ្ចឹមត្រីឆ្ពង់នៅសហគមន៍៤ផ្សេងទៀតឲ្យបានល្អប្រសើរ ព្រោះតម្រូវការទីផ្សារក្នុងខេត្ត មិន ទាន់អាចផ្គត់ផ្គង់គ្រប់នៅឡើយទេ។ លោក ថឹង បូរិន ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តកែប បានបញ្ជាក់ថា មន្ទីរបាន នឹងកំពុង​ជំរុញការចិញ្ចឹមត្រីឆ្ពង់ នៅគ្រប់សហគមន៍នេសាទទូទាំងខេត្ត ព្រោះមន្ទីរ បាន​មើល​ឃើញ​​ពី​សក្តានុពល នៃវារីវប្បកម្មនៅតាមតំបន់ឆ្នេរ ពិសេសការចិញ្ចឹមត្រីឆ្ពង់ វាជាផ្នែកមួយ​ជួយ​ដល់​ការ​ងារអភិរក្សឱ្យមានស្ថិរភាព។ លោក នួន សុភ័ក្រ ប្រធានសហគមន៍នេសាទអូរក្រសារ បានឱ្យដឹងថា បច្ចុប្បន្ន មានប្រជាសហ គមន៍​បួន​គ្រួសារ​ប៉ុណ្ណោះដែលបាននឹងកំពុងចិញ្ចឹមត្រីឆ្ពង់ ដោយក្នុងមួយគ្រួសារ មានត្រីត្រឹម​តែ​ជាង​មួយពាន់ក្បាល។ ត្រីឆ្ពង់ដែលប្រមូលផលបាន យកទៅផ្គត់ផ្គង់​ឱ្យ​បណ្តា​ភោជនីយ​ដ្ឋាន​នៅក្នុ​ង​ខេត្ត​ និងមួយចំ នួនទៀតឲ្យភ្ញៀវទេសចរដែលមកលេងផ្ទាល់ ក្នុងតម្លៃ​២៥,០០០​រៀល​ក្នុង​មួយ​គីឡូ៕ អត្ថបទ៖ សារឹម

ADB បានអនុម័តដំណាក់កាលទីពីរ​នៃ​កម្មវិធី​អភិវឌ្ឍន៍​អន្តរកម្ម​ថាមពល​នៅ​កម្ពុ​ជា​ដោយ​មាន​ទឹក​ប្រាក់​ជាង ៨២លានដុល្លារ

2025/10/07 11:29:06 am        147
Facebook Telegram Linkin
ធនាគារអភិវឌ្ឍន៍អាស៊ី ដែលហៅកាត់ថា ADB បានអនុម័តដំណាក់កាលទីពីរនៃ កម្ម​វិធី​អភិវឌ្ឍន៍​វិស័យ​សម្រាប់​អន្តរកម្ម​ថាមពល(ETSDP) របស់កម្ពុជា ដែលមានទឹកប្រាក់ ៨២,៥ លាន​ដុល្លារ​អាម៉េរិក ហើយនឹងបន្តដំណាក់កាលទីបីទៀត នៅឆ្នាំ២០៣០។ នេះបើតាម​ផេក​ហ្វេស​បុក​ផ្លូវ​ការ​របស់​ ADB។យោងតាមផេកហ្វេសបុករបស់ធនាគារអភិវឌ្ឍន៍អាស៊ី ដែលបានចេញនៅថ្ងៃទី៧ ខែតុលា ឆ្នាំ​២០២៥​នេះ​បានបញ្ជាក់ថា ធនាគារអភិវឌ្ឍន៍អាស៊ី (ADB)បានអនុម័តដំណាក់កាលទីពីរនៃ កម្ម​វិធី​អភិវឌ្ឍន៍វិស័យសម្រាប់អន្តរកម្មថាមពល (ETSDP) របស់កម្ពុជាដែលមានទឹកប្រាក់ ៨២,៥ លាន​ដុល្លារ​។ ដោយមានសហហិរញ្ញប្បទានពីមូលនិធិហេដ្ឋារចនាសម្ព័ន្ធអាស៊ាន (ASEAN Infrastructure Fund), មូលនិធិហិរញ្ញវត្ថុអាកាសធាតុអាស៊ីប៉ាស៊ីហ្វិក (Asia-Pacific Climate Finance Fund), មូលនិធិអាកាសធាតុបៃតង(Green Climate Fund), និងចក្រភពអង់គ្លេស តាមរយៈ មូលនិធិហរញ្ញវត្ថុបៃតងដើម្បីជំរុញសេដ្ឋកិច្ចអាស៊ាន (ASEAN Catalytic Green Finance Facility) កម្មវិធីនេះមានគោលបំណង ផ្តល់ការគាំទ្រទូលំទូលាយ សម្រាប់​អន្តរ​កម្ម​ថា​មព​ល​ស្អាត របស់ប្រទេស ដោយរួមបញ្ចូល​គ្នា​នូវ​កំណែ​ទម្រង់​គោល​នយោបាយ​ជាមួយ​នឹង​គម្រោង​វិនិយោគបច្ចេកវិទ្យាថ្មីៗ។ តាមរយៈផេកហ្វេសបុកនេះ បានបញ្ជាក់បន្ថែមទៀតថា កម្មវិធីដំណាក់​កាល​ទីមួយ​ដែល​ត្រូវ​បាន​អនុម័ត​ក្នុង​ឆ្នាំ២០២២ បានដាក់ចេញនូវវិធានការ គោលនយោបាយសំខាន់ៗ ដែលដឹកនាំ​វិស័យ​ថាមពល ឆ្ពោះទៅរកការអភិវឌ្ឍថាមពលកកើតឡើងវិញប្រកបដោយប្រសិទ្ធភាព។ ផ្អែក​លើ​មូល​ដ្ឋាន​នេះ កម្មវិធីដំណាក់កាលទីពីរ ជំរុញកំណែទម្រង់លិខិតបទដ្ឋានគតិយុត្ត ដើម្បីពង្រឹង​ក្រប​ខ័ណ្ឌ​ប្រសិទ្ធភាពថាមពល និងបង្កើនភាពច្បាស់លាស់ នៃគោលនយោបាយ សំដៅទាក់​ទាញ​ការ​វិនិយោគ​ពី​វិស័យឯកជន។ សមិទ្ធផលសំខាន់នៃកម្មវិធីនេះគឺ ការបង្កើតសំណុំ​បទ​ប្បញ្ញត្តិ​ដំបូង​របស់​កម្ពុជា​សម្រាប់បង្កើត ស្តង់ដារប្រសិទ្ធភាពថាមពលអប្បបរមា (Minimum Energy Performance Standards) សម្រាប់ឧបករណ៍អគ្គិសនី ដោយចាប់ផ្តើមពី ម៉ាស៊ីនត្រជាក់ ដែល​រួម​ចំណែក​ធំបំផុតក្នុងការប្រើប្រាស់ថាមពលក្នុងវិស័យលំនៅដ្ឋាន។កម្មវិធីដំណាក់កាលទីពីរនេះ ក៏នឹងបង្កើតមូលនិធិបង្វិលសម្រាប់ប្រសិទ្ធភាពថាមពល (Energy Efficiency Revolving Fund) ផងដែរ ក្នុងគោល​បំណង​សម្រប​សម្រួល​លទ្ធភាព​ទទួល​បាន​ហិរញ្ញ​វត្ថុ​សម្រាប់សហគ្រាសធុនតូចនិងមធ្យមក្នុងស្រុក ដើម្បីវិនិយោគ​លើ​បច្ចេក​វិទ្យា​សន្សំ​សំចៃ​ថាមពល​។ មូលនិធិបង្វិលនេះ នឹងត្រូវបានបង្កើតឡើងតាមរយៈរចនាសម្ព័ន្ធអន្តរការីហិរញ្ញវត្ថុ ដើម្បី​ឱ្យ​ធនាគារក្នុងស្រុកអាចបង្កើនប្រាក់កម្ចីដល់សហគ្រាសធុនតូច និងមធ្យម សម្រាប់​ការ​វិនិយោគ លើប្រសិទ្ធភាពថាមពល។ តាមរយៈការបញ្ចូលស្ថាប័នហិរញ្ញវត្ថុក្នុងស្រុក និងការ​គាំទ្រ​ដល់​សហគ្រាសធុនតូច និងមធ្យម មូលនិធិបង្វិលនេះត្រូវបាន​រំពឹងថា​នឹង​ពន្លឿន​ការ​វិនិយោគ​លើ​ប្រសិទ្ធ​ភាព​ថាមពលនៅទូទាំងប្រទេសកម្ពុជា។ជាមួយគ្នានេះនាយកស្តីទីធនាគារអភិវឌ្ឍន៍អាស៊ីប្រចាំកម្ពុជា លោក Anthony Gill មាន​ប្រសាសន៍​ថា «ADB មាន​កិត្តិយស​ក្នុង​ការ​ជួយ​ដល់​ប្រទេស​កម្ពុជា​ក្នុង​ដំណើរ​ប្រកប​ដោយ​មហិច្ឆិតា​ និងការផ្លាស់ប្តូរ ក្នុងវិស័យថាមពល។ តាមរយៈកញ្ចប់ហិរញ្ញប្បទានកំណែទម្រង់ដ៏ទូលំទូលាយ ដែលរួមបញ្ចូលគ្នានូវការគាំទ្រ គោល​នយោបាយ​ជាមួយនឹងការវិនិយោគជាយុទ្ធសាស្ត្រ កម្មវិធីអភិវឌ្ឍន៍វិស័យសម្រាប់អន្តរកម្មថាមពល នឹង​គាំទ្រ​ការប្រែក្លាយចក្ខុវិស័យរបស់រាជរដ្ឋាភិបាល ឱ្យទៅជាលទ្ធផលជាក់ស្តែង។ ការងារនេះ​រួម​បញ្ចូល​ទាំង​គោលដៅនៃការសម្រេចបាននូវថាមពលកកើតឡើងវិញចំនួន ៧0% ក្នុងល្បាយ​ថាមពល នៅត្រឹមឆ្នាំ ២០៣០ ជាមួយនឹងកា​រ​ប្តេជ្ញា​ចិត្ត​យ៉ាង​មុតមាំ​ក្នុង​ការ​ជំរុញ​ប្រសិទ្ធ​ភាព​ថាមពល​ប្រកប​ដោយតម្លៃសមរម្យ ដែលជាកត្តាចាំបាច់​ដើម្បី​ធានា​ថា​កំណើន​របស់​កម្ពុជា​នៅ​តែ​មាន​និរន្តរភាព។»កម្មវិធីដំណាក់កាលទីពីរនេះ នឹងត្រូវបន្តដោយដំណាក់កាលទីបីទៀតនៅឆ្នាំ ២០២៧ ដែល​នឹង​ធ្វើ​ឱ្យ​កំណែទម្រង់កាន់តែស៊ីជម្រៅបន្ថែមទៀត តាមរយៈកា​រ​ពង្រី​ក​ក្រប​ខ័ណ្ឌ​បទ​ប្បញ្ញត្តិ​ប្រសិទ្ធ​ភាព​ថាមពល និងការបង្កើតស្តង់ដារបច្ចេកទេសសម្រាប់ថាមពលកកើតឡើងវិញសម្រាប់ អគារ និង​ឧស្សាហកម្ម ដើម្បីទាក់ទាញការវិនិយោគពីវិស័យឯកជនបន្ថែមទៀត៕ 

រាជរដ្ឋាភិបាល ប្រកាសប្រើប្រាស់ថ្នាលគាំពារសង្គមឌីជីថល ដើម្បីផ្តល់​សេវាកាន់តែ​ងាយ​ស្រួល​ជូន​ពលរដ្ឋ

2025/10/06 03:41:16 pm        328
Facebook Telegram Linkin
នៅថ្ងៃទី៦ ខែតុលានេះ ឯកឧត្តម អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រី​​ក្រសួងសេដ្ឋកិច្ច និងហិរញ្ញវត្ថុ បានប្រកាសដាក់ឲ្យដំណើរការ ថ្នាលគាំពារ​សង្គម​ឌីជីថល​ក​ម្ពុជា DSPP ហើយតាមរយៈការប្រព័ន្ធនេះនឹងបង្កើនប្រសិទ្ធភាពការគ្រប់គ្រង ការ​ផ្តល់​សេវា​គាំ​ពារ​សង្គម ​និងការផ្តល់អត្ថប្រយោជន៍ ការបើក​ឧបត្ថម្ភ​សាច់​ប្រាក់​ជូនពលរដ្ឋ​កាន់​តែ​មាន​ភាព​ងាយ​ស្រួល​ជាង​មុន​។ឯកឧត្តម ឧបនាយករដ្ឋមន្ត្រី អូន ព័ន្ធមុនីរ័ត្ន ក្នុងនាម ប្រធានក្រុមប្រឹក្សាជាតិគាំពារសង្គម បាន​ថ្លែង​ថា ​ការធ្វើទំនើបកម្ម ថ្នាលគាំពារសង្គមឌីជីថលកម្ពុជា DSPP ជំនាន់២.០ ដែលមិន​ធ្លាប់​មាន​ពីមុន​មក​នេះ នឹងរួមចំណែកការសម្រេចបាននូវថ្នាលរដ្ឋាភិបាលឌីជីថល ជាពិសេសការ​បង្កើន​ប្រសិទ្ធ​ភាព​ការផ្តល់សេវាគាំពារសង្គមសំដៅកាត់បន្ថយជាអតិបរមានូវប្រតិបត្តិការចុះបញ្ជី និង​បើក​ផ្តល់​អត្ថ​ប្រយោជន៍​ដោយស្ទួន ដែលឆ្លើយតបទាន់ពេល​ការ​ជួយ​គ្រោះ​អាសន្ន​ជូន​ដល់​ពលរដ្ឋ​។ក្នុងឱកាសនេះឯកឧត្តម ឧបនាយករដ្ឋមន្ត្រី បានណែនាំដល់គ្រប់ភាគីពាក់ព័ន្ធនានា រៀបចំ​ទស្សនា​ទាន​រួមដើម្បីពង្រឹងការរៀបចំបើកកញ្ចប់អត្ថប្រយោជន៍ តាមថ្នាលគាំពារ​សង្គម​ឌីជីថល​នេះ​ឲ្យ​មាន​ប្រសិទ្ធភាព និងងាយស្រួលជូនពលរដ្ឋដែលជាអ្នកទទួលផល និងធនាសន្តិសុខ ទិន្នន័យ​ឯក​ជនភាពឲ្យបានត្រឹមត្រូវជាដើម។ឯកឧត្តម ចន ណារិទ្ធ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអគ្គលេខាធិការ​ក្រុម​ប្រឹក្សា​ជាតិ​គាំពារសង្គម បានបញ្ជាក់បន្ថែមថា ថ្នាលគាំពារសង្គមឌីជីថលកម្ពុជា ក្នុងអំឡុង​ពេ​ល​នេះ ​គឺបាននិងកំពុងដាក់ដំណើរការនៅតាមឃុំសង្កាត់ចំនួន៤ ហើយនៅពេលដ៏ខ្លីនេះ ថ្នាល​គាំ​ពារ​សង្គម​ឌីជីថល នឹងដាក់ដំណើរប្រើប្រាស់តាម នៅទូទាំងប្រទេស ដើម្បីផ្តល់​ភាព​កាន់​តែ​ងាយ​ស្រួល​ជូន​ពលរដ្ឋដែលជាអ្នកទទួលផល។សូមបញ្ជាក់ថា បច្ចុប្បន្ននៅទូទាំប្រទេស មានពលរដ្ឋ ដែលស្ថិតនៅក្នុងប្រព័ន្ធគាំពារសង្គម រួម​មាន​ ​ពលរដ្ឋស្ថិតក្នុងគ្រួសារក្រីក្រមានប្រមាណជាង២លាននាក់ ពលរដ្ឋ​ស្ថិត​ក្នុង​គ្រួសារ​ងាយ​រង​ហានីភ័យ មានប្រមាណ១លាន៨សែននាក់ ពលរដ្ឋជាសមាជិក ប.ស.ស មានប្រមាណ​ជាង​២​លាន​នាក់ ហើយពលរដ្ឋទាំងអស់នេះ គឺត្រូវបានចុះបញ្ជី កំណត់ទិន្នន័យ​នៅ​ក្នុង​ថ្នាល​គាំពារ​សង្គម​ឌីជីថល​កម្ពុជា​ទាំងអស់៕ អត្ថបទ៖ ស៊ុម សុខជា

កម្ពុជានឹងរៀបចំប្រព័ន្ធអេកូឡូស៊ីឌីជីថល គ្រប់គ្រងគម្រោងវិនិយោគសាធារណៈ ដើម្បីធានា​ប្រសិទ្ធភាព វិស័យពាក់ព័ន្ធ

2025/10/06 11:10:16 am        233
Facebook Telegram Linkin
អគ្គនាយកដ្ឋានជំនាញនៃក្រសួងសេដ្ឋកិច្ច និងហិរញ្ញវត្ថុ គ្រោងនឹងរៀបចំប្រព័ន្ធអេកូឡូស៊ីឌីជីថល លើ​ការគ្រប់គ្រងគម្រោងវិនិយោគសាធារណៈ សំដៅធានាប្រសិទ្ធភាព តម្លាភាព និងចីរភាព ដើម្បី​រួម​ចំណែក​ដល់​ការ​អភិវឌ្ឍសេដ្ឋកិច្ច និងសមធម៌សង្គម ក្នុងព្រះរាជាណាចក្រកម្ពុជា។ជុំវិញគម្រោងវិនិយោគសារធារណៈ, រាជរដ្ឋាភិបាលមានចក្ខុវិស័យ បង្កើតឱ្យ​បាន​នូវ​ប្រព័ន្ធ​គ្រប់​គ្រង​ការ​វិនិយោគសាធារណៈរួម មួយរបស់ជាតិ ដែលធានាបាននូវភាពឆ្លើយតប ប្រសិទ្ធភាព ស័ក្តិ​សិទ្ធ​ភាព តម្លាភាព គណនេយ្យភាព និងចីរភាពនៃការបែងចែក និង ការប្រើប្រាស់​ធន​ធាន​សាធារណៈ ស្របតាមឧត្តមានុវត្តន៍ជាអន្តរជាតិ និងបរិការណ៍ជាក់ស្តែងរបស់កម្ពុជា សំដៅ​ចូលរួម​ចំណែក​ដល់​ការអភិវឌ្ឍសេដ្ឋកិច្ច និងសមធម៌សង្គម ក្នុងព្រះរាជាណាចក្រកម្ពុជា។លោក អៀច សេដ្ឋា អគ្គនាយករងនៃអគ្គនាយកដ្ឋានសេដ្ឋកិច្ចឌីជីថល ក្រសួងសេដ្ឋកិច្ច និង​ហិរញ្ញ​វត្ថុ​លើកឡើងថា អគ្គនាយក ដ្ឋានសេដ្ឋកិច្ចឌីជីថល ត្រូវបានបង្កើតឡើងក្នុងកំឡុងឆ្នាំ២០២៣ គឺ​ជា​សេនា​ធិការរបស់ក្រសួងសេដ្ឋកិច្ច និងហិរញ្ញវត្ថុ ដើម្បីចូលរួមចំណែក ក្នុងការអភិវឌ្ឍ​សេដ្ឋកិច្ច​ឌីជីថល ​ក្នុងនោះអ្វីដែលការចាប់ផ្តើមដំបូងរបស់អគ្គនាយកដ្ឋាន គឺការអភិវឌ្ឍ​ប្រព័ន្ធ​វិក្ក័យ​បត្រក​ម្ពុជា និងមួយទៀត គឺបានអនុវត្តហេដ្ឋារចនាសម្ព័ន្ធគ្រឹះទិន្នន័យ ដែលបា​ន​ឆ្លើយ​តប​ទៅ​និ​ង​និន្នា​ការ​បរិបទ​នេះផងដែរ។ ចំណែកជំហ៊ានបន្ទាប់ អគ្គនាយកដ្ឋាន បាននិងកំពុងសម្របសម្រួល រៀប​ចំ​ប្រព័ន្ធ​អេកូឡូស៊ីឌីជីថល នៃការគ្រប់គ្រងគម្រោងវិនិយោគសាធារណៈ ឆ្លើយតប​ទៅ​និង​តម្រូ​វកា​រ​ជា​ក់ស្តែង ក្រៅពីនេះគឺការរៀបចំនូវគោលនយបាយ បទដ្ឋានគតិយុទ្ធ និងកិច្ច​សហ​ប្រតិបត្តិការ​នានា​ក្នុ​ងតំបន់ និងអន្តរជាតិផងដែរ។សូមបញ្ជាក់ថា ទាក់ទងគម្រោងវិនិយោគសាធារណៈនេះ នៅក្នុងឆ្នាំ២០២០, រាជ​រដ្ឋាភិបាល​បាន​ចេញ​អនុក្រិត្យ ស្តីពីការគ្រប់គ្រងការ វិនិយោគ ដោយអនុក្រិត្យ​នេះ​មាន​គោល​បំណង​ធានា​នូវ​ប្រសិទ្ធ​ភាព ស័ក្តសិទ្ធភាព តម្លាភាព គណនេយ្យភាព និងចីរភាពនៃការគ្រប់គ្រង គម្រោងវិ​និយោគ​សាធារណៈ នៅតាមដំណាក់កាលនៃវដ្តគម្រោងពីគ្រប់ប្រភពហិរញ្ញប្បទាន និងនៅ​គ្រប់​កម្រិត​រដ្ឋបាល សំដៅចូលរួម ចំណែកការអភិវឌ្ឍសេដ្ឋកិច្ច-សង្គម។ អនុក្រិត្យនេះ មាន​វិសា​លភាព​គ្រប​ដណ្តប់លើការគ្រប់គ្រងដូចជា៖ គម្រោងហិរញ្ញប្បទានដោយថវិកា ជាតិ, គម្រោង​ហិរញ្ញប្បទាន​ក្រៅ​ប្រទេស, គម្រោងវិនិយោគសាធារណៈ​តាម​យន្ត​ការ​ភាពជា​ដៃគូ​រវាងរដ្ឋ និង​ឯកជន, គម្រោងវិនិយោគ សាធារណៈដោយប្រភពហិរញ្ញប្បទានចម្រុះ, គម្រោងវិនិយោគ​សាធារណៈ​ហិរញ្ញប្បទាន ដោយការធ្វើឯកជនភាវូបនីយកម្មទ្រព្យសម្បត្តិរដ្ឋ, គម្រោង​វិនិយោគ​សាធារណៈ​ដោយ​សហគ្រាសសាធារណៈ គ្រឹះស្ថានសាធារណៈរដ្ឋបាល និងអង្គភាព​សាធារណៈ​ប្រហាក់​ប្រហែល​ដ៏ទៃទៀត, និងគម្រោងវិនិយោគសាធារណៈហិរញ្ញប្បទាន ដោយឥណទាន​ពាណិជ្ជក​ម្ម​៕ អត្ថបទ៖ សុន រ៉ាឌី

ក្រុមការងារជំរុញការវិនិយោគខេត្តព្រះសីហនុ សម្រេចផ្តល់គម្រោងវិនិយោគចំនួន១៧ មានទុនសរុប ២៨០លានដុល្លារ

2025/10/01 10:59:42 am        216
Facebook Telegram Linkin
ក្រុមការងារជំរុញការវិនិយោគក្នុងខេត្តព្រះសីហនុ បានសម្រេចផ្តល់ការលើកទឹកចិត្តការអនុគ្រោះ និង​ការ​សម្រួល​នីតិវិធីដល់ គម្រោងចំនួន១៧ មានអគារជាប់គាំងចំនួន១០គម្រោង គម្រោងថ្មីចំនួន៥ និង​គម្រោងមានស្រាប់ចំនួន២ ដោយមានទុនវិនិយោគ ប៉ាន់ស្មានសរុប ២៨០ លានដុល្លារអាម៉េរិក។ ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និង​ជា​ប្រធាន​ក្រុម​ការងារ​ជំរុញការ វិនិយោគក្នុងខេត្តព្រះសីហនុ លើកឡើងក្នុងកិច្ចប្រជុំក្រុមការងារ ពិនិត្យលើការ​ស្នើ​ការ​លើក​ទឹក​ចិត្ត​ការអនុគ្រោះ ការសម្រួលនីតិវិធី និង ការសម្របសម្រួលដោះ​ស្រាយ​វិវាទ​របស់​គម្រោង​វិនិយោគ និងធុរកិច្ចក្នុងខេត្តព្រះសីហនុ នៅថ្ងៃទី៣០ ខែកញ្ញា ឆ្នាំ២០២៥ នេះថា បន្ទាប់ពី​​ទទួល​បាន​គោលការណ៍លើកទឹកចិត្ត ក្រុមការងារ និងក្រសួង-ស្ថាប័ន ត្រូវជួយ​សម្រ​ប​សម្រួល​ដោះ​ស្រាយ​បញ្ហា ​សំណូមពរ សម្រួលនីតិវិធី និងផ្តល់ការលើកទឹកចិត្តជាក់ស្តែងដូចជា ការលើកទឹក​ចិត្ត​ផ្នែក​ពន្ធដារ ផ្នែកគយ និងការផ្តល់អាជ្ញាបណ្ណ លិខិត អនុញ្ញាត និងវិញ្ញាបនបត្រ រួមទាំងការ​ចុះ​បញ្ជី​ក្រុម​ហ៊ុន និងការចេញប្រកាសបើករោងចក្រជាដើម ដើម្បីឱ្យវិនិយោគិនអាចដំណើរ ការវិនិយោគ​ដោយ​រលូន មានរំហូរសាច់ប្រាក់ក្នុងសេដ្ឋកិច្ច បង្កើតប្រាក់ចំណូល និងបង្កើតការងារធ្វើជូនប្រជាជន។ឯកឧត្តមបណ្ឌិតសភាចារ្យ បញ្ជាក់បន្ថែមថា សម្រាប់ការងារដំបូងរបស់ក្រុមការងារ គឺ​ការ​ផ្តល់​គោល​ការណ៍លើ​ក​ទឹកចិត្ត ដោយផ្តោតការយកចិត្តទុកដាក់ ធ្វើឱ្យគោលការណ៍​នោះ​ក្លាយ​ជា​ការ​ផ្តល់​ការ​លើក​ទឹក​ចិត្ត​ជាក់​ស្តែង។ ក្រុមការងារត្រូវផ្តោតការយក ចិត្តលើការជំរុញ​ការ​ប្រើប្រាស់​កម្លាំង​ពលកម្ម​ក្នុង​ស្រុក​ឱ្យ​បាន​ជាអតិបរិមា ដើម្បីផ្ទេរចំណេះដឹង និងជំនាញ និងការប្រើប្រាស់វត្ថុធាតុ ដើមក្នុងស្រុក សំដៅ​ឈានទៅភាពម្ចាស់ការដោយកម្ពុជាខ្លួនឯង នូវសមត្ថភាពផលិតក្នុងស្រុកឱ្យបានជាអតិបរិមា ទាំង​បរិមាណ គុណភាព និងប្រភេទទំនិញ។ជាលទ្ធផល, អង្គប្រជុំបានសម្រេចជាគោលការណ៍ ផ្តល់ការលើកទឹកចិត្តការអនុគ្រោះ និង​ការ​សម្រួល​នីតិ​វិធី​ដល់គម្រោង ចំនួន១៧រួមមាន៖ គម្រោងពាក់ព័ន្ធនឹងអគារកំពុងជាប់គាំងចំនួន ១០, គម្រោង​ថ្មី​ចំនួន​៥, និងគម្រោងមានស្រាប់ចំនួន ២ ដែលមាន ទុនវិនិយោគប៉ាន់ស្មានសរុបប្រមាណ ២៨០ លាន​ដុល្លារ​អាមេរិក និងអាចបង្កើតការងារប្រមាណ២ ពាន់កន្លែង។ គម្រោងទាំង១៧នេះ មានជាអាទិ៍​គម្រោង​មជ្ឈ​មណ្ឌលពាណិជ្ជកម្មចម្រុះ, គម្រោងរោងចក្រកែច្នៃអាលុយមីញ៉ូម, គម្រោងបង្កើត រោង​ចក្រ​ផលិត​សម្ភារៈ សម្រាប់សត្វចិញ្ចឹម, គម្រោងអគារពហុមុខងារ និងគម្រោងសណ្ឋាគារ។សូមជម្រាបជូនថា ចាប់ពីឆ្នាំ២០២៤ រហូតដល់ខែកញ្ញា ឆ្នាំ២០២៥, ក្រុមការងារបានសម្រេច ជា​គោល​ការណ៍ ផ្តល់ការលើកទឹក ចិត្តដល់គម្រោងចំនួន ៣៩២ គម្រោង មានទុនវិនិយោគ​ប៉ាន់ស្មាន​សរុប​ជិត៨ពាន់លានដុល្លារអាមេរិក អាចបង្កើតការងារជាង ៥ ម៉ឺនកន្លែង ក្នុងនោះគម្រោង​វិនិយោគ​ពាក់​ព័ន្ធ​អគារជាប់គាំងចំនួន ១៨៦ គម្រោង, គម្រោងវិនិយោគថ្មី ១៦៦ គម្រោង, គម្រោងពង្រីក ២៥ គម្រោង និងគម្រោងវិនិយោគមានស្រាប់១៥គម្រោង៕ អត្ថបទ៖ សុន រ៉ាឌី

សមាគម​អ្នកចិញ្ចឹមសត្វ និងអគ្គនាយកដ្ឋានសុខភាពសត្វ ធ្វើ​សិក្ខា​សាលា​ពង្រឹង​ផលិត​កម្ម​ចិញ្ចឹម​សត្វ​ឱ្យ​កាន់​តែរីកចម្រើន

2025/09/30 01:31:22 pm        187
Facebook Telegram Linkin
សមាគមអ្នកចិញ្ចឹមសត្វកម្ពុជា សហការជាមួយអគ្គនាយកដ្ឋានសុខភាពសត្វ និងផលិតកម្មសត្វ នៃ​ក្រសួងកសិកម្ម រួមទាំងកសិករ ក្រុមហ៊ុន និងម្ចាស់កសិដ្ឋាននានា បានមកជួយជុំគ្នា បើក​សិក្ខា​សាលា ​ស្តីពី៖ “ការពង្រឹងផលិតកម្មចិញ្ចឹមសត្វ” នៅកម្ពុជាឱ្យកាន់តែប្រសើរដើម្បីឆ្ពោះទៅការ នាំ​ចេញ​ទៅ​ក្រៅ​ប្រទេស​ឱ្យ​បាន​កាន់តែច្រើនថែមទៀត។ សិក្ខាសាលានេះ បានធ្វើឡើង នៅសណ្ឋាគារសាន់វ៉េភ្នំពេញ ព្រឹកថ្ងៃទី៣០ ខែកញ្ញា ឆ្នាំ២០២៥ ចាប់​ពី​ម៉ោង ៨៖០០ព្រឹក ដល់ ១២៖០០ថ្ងៃត្រង់។ លោក ស្រ៊ុន ពៅ ប្រធានសមាគមអ្នកចិញ្ចឹមសត្វកម្ពុជា បានថ្លែងក្នុងឱកាសនោះថា​ លោក​សូម​ការ​កោត​សរសើរយ៉ាងខ្លាំងចំពោះការខិតខំ​ប្រឹងប្រែងរបស់ក្រុមហ៊ុន និងម្ចាស់កសិដ្ឋាននានា ដែល​បាន​ប្រឹង​អភិវឌ្ឍខ្លួន ដែលភាគច្រើនចាប់តាំងីចិញ្ចឹមលក្ខណៈគ្រួសារ រហូត​បាន​ក្លាយ​ជា​កសិដ្ឋាន និងក្រុមហ៊ុនធំៗ ដោយបានរីកចម្រើន​រហូត​មាន​ការ​នាំ​ចេញ​។ ចំណែក​សិក្ខា​សាលា​ថ្ងៃ​នេះ ​សង្ឃឹមថា ទាំងមន្ត្រីជំនាញ ក្រសួងកសិកម្ម និងអ្នកចិញ្ចឹម សត្វទាំងអស់ នឹងទទួលបានបទ​ពិសោធន៍​ថ្មីៗ​ តាមរយៈ​ការផ្លាស់ប្តូរបទពិសោធន៍ល្អៗដល់គ្នា​ទៅវិញទៅមកនៅថ្ងៃនេះ​ ធ្វើ​យ៉ាង​ណា​ដើម្បីភាពរីកចម្រើនឱ្យ​កាន់ខ្លាំងជាមួយគ្នា ពិសេសការធានាការផ្គត់ផ្គង់ ការនាំចេញ​ការ​ប្រកួត​ប្រជែង​ និងការធ្វើឱ្យកាន់តែ​មានសុវត្ថិភាព​ចំណី​អាហារ៕ អត្ថបទ៖ ពៅយី

រាជរដ្ឋាភិបាលលើកទឹកចិត្តដល់វិនិយោគិន ដែលធ្វើការវិនិយោគនៅភូមិភាគឦសាន

2025/09/30 11:25:24 am        226
Facebook Telegram Linkin
វិនិយោគិនដែលវិនិយោគនៅភូមិភាគឦសាន និង​ទទួល​បាន​ការ​គាំទ្រ​គ្រប់​ជ្រុង​ជ្រោយ​ពី​រាជ​រដ្ឋាភិបា​ល​ តាមរយៈការលើកទឹកចិត្ត ផ្នែកពន្ធដារ និងពន្ធគយ, ការផ្តល់​ហិរញ្ញប្ប​ទាន​ក្រោម​អត្រា​ការ​ប្រាក់​សមរម្យ, ការជួយកាត់បន្ថយថ្លៃដើមផលិតកម្ម, ការសម្រួលនីតិវិធី និងការ​គាំទ្រ​សកម្មភាព​វិនិយោគឯកជន។ ឯកឧត្តមបណ្ឌិតសភាចារ្យ ហ៊ាន សាហ៊ីប ទីប្រឹក្សាសម្តេចធិបតីនាយករដ្ឋមន្ត្រី, រដ្ឋ​លេខា​ធិការ​ក្រសួង​សេដ្ឋកិច្ច និងហិរញ្ញវត្ថុ និងជាប្រធានក្រុមការងារជំរុញការវិនិយោគ ក្នុងភូមិភាគឦសាន (ក.វ.ឦសាន) លើកឡើងក្នុងវេទិកាជំនួបរវាងក្រុមការងារ ជំរុញ ការ​វិនិយោគ​ក្នុង​ភូមិ​ភាគឦសាន និង​វិនិយោគិន នៅថ្ងៃទី២៩ ខែកញ្ញា ឆ្នាំ២០២៥ ថា កម្មវិធីពិសេស​ជំរុញ​ការ​វិនិយោគ​ក្នុង​ភូមិភាគ ឦសាន មិនត្រឹមតែជាគោលនយោបាយលើកទឹកចិត្តប៉ុណ្ណោះទេ ប៉ុន្តែ​គឺ​ជា​យុទ្ធ​សាស្ត្រ​ឆ្លើយ​តបទៅនឹងបញ្ហាប្រឈម នៅក្នុងបរិការណ៍ បច្ចុប្បន្នរបស់វិនិយោគិន ព្រមទាំង​ជំរុញ​ឱ្យ​ក្រសួង-ស្ថាប័នពាក់ព័ន្ធ ផ្ដល់ការសម្រួល និងភាពកក់ក្ដៅជាអតិបរមាជូនវិនិយោគិន។ឯកឧត្តមបណ្ឌិតសភាចារ្យ ចែករំលែកនូវអនុសាសន៍គន្លឹះមួយចំនួន ដើម្បី​ឱ្យ​កម្ម​វិធី​ពិសេស​ជំរុញ​ការ​វិ​និយោគក្នុងខេត្តនៅភូមិ ភាគឦសាន ឱ្យដំណើរការទៅមុខប្រកបដោយជោគជ័យ ស្រប​តាម​ចក្ខុ​វិស័យ​របស់​ប្រមុខរាជរដ្ឋាភិបាលរួមមាន៖ ការបន្តពង្រឹងយន្តការ «សេវា​ច្រក​ចេញ​ចូល​តែ​មួយ​» ​ដោយពង្រឹងសិទ្ធិអំណាចប្រតិភូកម្មរបស់ក្រុមការងារជំរុញការវិនិយោគក្នុងភូមិភាគឦសាន ដែល​ជាក្រុមការងារអន្តរក្រសួង ដើម្បីសម្រួលនីតិវិធីពិនិត្យ អនុម័ត និងតាមដាន​ការ​អនុវត្ត​គម្រោង​វិនិយោគ ក៏ដូចជាលុបបំបាត់ការ ចំណាយធនធានមិនចាំបាច់ និងភាពយឺត​យ៉ាវ​ខាង​ផ្នែក​នីតិ​វិធី និងរដ្ឋបាលដែលបង្កឱ្យមានភាពរារែកពីវិនិយោគិន។ ការពង្រឹង សមត្ថភាពតួអង្គពាក់ព័ន្ធ រួម​ទាំង​រដ្ឋបាល និងមន្ទីរជំនាញខេត្ត អំពីកម្មវិធីពិសេស, នីតិវិធីប្រតិបត្តិ​នានា​ពាក់​ព័ន្ធ​នឹង​ការ​វិនិយោគ និងសក្តានុពលវិនិយោគរបស់ភូមិភាគឦសាន តាមសិទ្ធិអំណាចនៃស្ថាប័នរៀងៗខ្លួន។ ការ​ជំរុញនៃការចូល រួមពីសំណាក់ភាគីពាក់ព័ន្ធ តាមរយៈការពង្រឹង និងការ​រក្សា​ទំនាក់​ទំនង​សកម្ម​រវាង ក.វ.ឦសាន, រដ្ឋបាល និងមន្ទីរជំនាញខេត្ត, សហគមន៍មូលដ្ឋាន និង វិនិយោគិនជាតិ និង​អន្តរជាតិនានា ដើម្បីបង្កើតនូវប្រព័ន្ធគាំទ្រ ដែលការពារ និងធានា​និរន្តរ​ភាព​នៃ​ការ​វិនិយោគ​នៅ​ភូមិ​ភាគ​ឦសាន សំដៅជំរុញការពង្រីកមូលដ្ឋានសេដ្ឋកិច្ច ចំពោះបណ្តា​ខេត្ត​ដែល​នៅ​ឆ្ងាយ​ពី​មជ្ឈ​មណ្ឌល​កំណើន​, ជំរុញការតភ្ជាប់នៃចរន្តសេដ្ឋកិច្ចជាតិ និងបំពេញ បន្ថែមលើយុទ្ធសាស្ត្រ និង​គោល​នយោបាយនានារបស់រាជរដ្ឋាភិបាល តាមរយៈការដាក់ចេញនូវវិធានការ និងយន្តការមាន លក្ខណៈជាកញ្ចប់ និងប្រទាក់ក្រឡា ប្រកបដោយតម្លាភាព និងប្រសិទ្ធភាព។កម្ម​វិធីពិសេសជំរុញការវិនិយោគក្នុងភូមិភាគឦសាន បានកំពុង​ទទួល​បាន​ការ​ចាប់​អារម្មណ៍​កាន់​តែ​ច្រើន​ពីសំណាក់វិនិយោ- គិន និងធុរជន តាមរយៈ​ការ​លើក​ទឹក​ចិត្ត​ពិសេស​ផ្សេង​ៗ​សម្រាប់​ការ​វិនិយោគ​ គួបផ្សំនឹងការដោះស្រាយបញ្ហាប្រឈមនានារបស់ វិនិយោគិន, ការបំពេញ​បន្ថែម​ពី​គោល​នយោបាយអភិវឌ្ឍសេដ្ឋកិច្ចរបស់រាជរដ្ឋាភិបាល ក៏ដូចជាការអភិវឌ្ឍ​ហេដ្ឋា​រចនា​សម្ព័ន្ធ​ជា​យុទ្ធ​សាស្ត្រសំខាន់ៗ រួមទាំងការកសាងផ្លូវក្រវាត់ព្រំដែន, ព្រែកជីកហ្វ៊ូណនតេជោ, កំពង់​ផែ​ពហុ​បំណង​ និងព្រលានយន្តហោះជាដើម ដែលនឹងជួយដល់កម្មវិធីពិពិធកម្មផលិតផល, ពង្រឹង​ភាព​តភ្ជាប់​ហេដ្ឋា​រចនាសម្ព័ន្ធបន្ថែមទៀត និងប្រព័ន្ធឡូជីស្ទិក ដើម្បីគាំទ្រដល់ បរិយាកាស​វិនិយោគ​ទាំង​មូល​នៅ​កម្ពុជា។ គួរបញ្ជាក់ថា ក្រោមក្របខ័ណ្ឌនៃកម្មវិធីពិសេសនេះ, វិនិយោគិនអាច​ទទួល​បាន​ការ​គាំទ្រ​គ្រប់ជ្រុងជ្រោយតាមរយៈ៖ ការលើកទឹកចិត្តផ្នែកពន្ធដារនិងពន្ធគយ, ការផ្តល់​ហិរញ្ញ​ប្ប​ទាន​ក្រោមអត្រាការប្រាក់សមរម្យ តាមរយៈ ធនាគារអភិវឌ្ឍន៍ជនបទ និងកសិកម្ម (ARDB) និង​ធនាគារសហគ្រាសធុនតូច និងមធ្យមកម្ពុជា (SME Bank), និងការជួយកាត់ បន្ថយ​ថ្លៃ​ដើម​ផលិត​កម្ម, ការសម្រួលនីតិវិធី និងការគាំទ្រសកម្មភាពវិនិយោគឯកជន៕ អត្ថបទ៖ សុន រ៉ាឌី

វិស័យឯកជនបង្កើតកិច្ចសហការស្វែងករកគន្លឹះថ្មីៗ ដើម្បីលើកកម្ពស់ការធ្វើអាជីវកម្មឱ្យខ្លាំងក្លា

2025/09/29 12:28:06 pm        277
Facebook Telegram Linkin
សមាគមពាណិជ្ជករដឹកជញ្ជូននិងខ្សែច្រវ៉ាក់ផ្គត់ផ្គង់នៅកម្ពុជា ជំរុញបង្កើតកិច្ចសហប្រតិបត្តិការ រវាង​ម្ចាស់អាជីវកម្មនាំចេញ-ចូល ក្រុមហ៊ុនដឹកជញ្ជូន និងឡូជីស្ទិក បំពេញ​សេវា​កម្ម​គ្នា​ទៅ​វិញ​ទៅ​មក​ ក្នុងគោលដៅចាប់យកកាលានុវត្តភាពថ្មីៗ ដើម្បីទាញយក ប្រយោជន៍ឱ្យបានជាអតិបរិមា ក្នុង​បរិការណ៍កំពុងប្រួលប្រែ។ លោក ជា ចាន់ដារ៉ា ប្រធានសមាគមពាណិជ្ជករដឹកជញ្ជូននិងខ្សែច្រវ៉ាក់ផ្គត់ផ្គង់នៅកម្ពុជា លើក​ឡើង​នៅ​ក្នុង​ជំនួបអាជីវកម្ម នាំចេញ-ចូល និងក្រុមហ៊ុនដឹកជញ្ជូនឡូជីស្ទិក នៅចុង​សប្តាហ៍​កន្លង​មក​ថា នាពេលប៉ុន្មានឆ្នាំចុងក្រោយនេះ កម្ពុជាបានកំពុងស្រូប យកវិនិយោគ​មក​បណ្តាក់​ទុន​នៅ​ព្រះរាជាណា​ចក្រកម្ពុជាមានជាហូរហែរ ខណៈការធ្វើពាណិជ្ជកម្មជាអន្តរជាតិ ក៏មានកំណើន​កើន​ឡើង ​ជាបន្តបន្ទាប់ផងដែរ មកដល់បច្ចុប្បន្នការធ្វើពាណិជ្ជកម្ម ជាពិសេស​ការ​នាំ​ចេញ​ទំនិញ​របស់​កម្ពុជា​បាន​កំពុងហក់ឡើងគួកត់សម្គាល់។ លោក បន្តថា ជុំវិញបញ្ហានេះ សមាគមតែងតែយកចិត្តទុកដាក់ និងបានរៀបចំ​ឡើង​កម្ម​វិធី​ជំនួប​អាជីវកម្ម​ច្រើន​លើកមកហើយ ដោយមានគោលបំណងចង់ឱ្យបណ្តាក្រុមហ៊ុន និងសហគ្រាសដឹក​ជញ្ជូន និង​ឡូជីស្ទិក រួមជាមួយអ្នកផ្គត់ផ្គង់ផ្សេងៗ បានជួបជុំ ផ្លាស់ប្តូរបទពិសោធន៍ និង​ចំណេះ​ដឹង ​ការចែករំលែកគ្នាទៅវិញមកពីព្រឹត្តិការវិវត្តថ្មីៗ ក្នុងគោលដៅលើកកម្ពស់ការធ្វើពាណិជ្ជកម្ម នៅ​កម្ពុជា​កាន់តែខ្លាំងក្លា ទាំងប្រតិបត្តិការនៅក្នុងការធ្វើអាជីវកម្ម ក៏ដូចជាការដឹកជញ្ជូន និង​ឡូជីស្ទិក និងក៏ជាការចាប់យកកាលា-នុវត្តភាពថ្មីៗបន្ថែម ដើម្បីទាញយកប្រយោជន៍​ឱ្យ​បាន​ជា​អតិបរិមា​ ក្នុងបរិការណ៍កំពុងប្រួលប្រែនេះ។ ឯកឧត្តមបណ្ឌិត លី ធុជ ទេសរដ្ឋមន្រ្តី ប្រធានគណៈកម្មាធិការជាតិសេដ្ឋកិច្ចសង្គម សម្រាប់​តំបន់​អាស៊ី និងប៉ាស៊ីហ្វិក បាន កោតសរសើរចំពោះកិច្ចខិតខំប្រឹងប្រែង របស់​សមាគម​ពាណិជ្ជករ​ដឹក​ជញ្ជូន និង​ខ្សែច្រវាក់ផ្គត់ផ្គង់នៅកម្ពុជា ដែលបានរៀបចំឱ្យមាន ជំនួបពិភាក្សានេះឡើង ក្នុង​គោល​ដៅ​កសាង​នូវបណ្តាញទំនាក់ទំនង កិច្ចសហការ និងបំពេញចន្លោះឱ្យគ្នាទៅវិញទៅមក សម្រាប់ វិស័យ​ដឹកជញ្ជូននិងឡូជីស្ទីកនៅកម្ពុជា ក៏ដូចជាសម្រាប់ការកែលម្អអាជីវកម្មដឹកជញ្ជូន និងខ្សែ​ច្រវាក់​ផ្គត់​ផ្គង់នៅកម្ពុជា ដើម្បីរួម ចំណែកលើកកម្ពស់ដល់បរិយាកាសវិនិយោគ និងពាណិជ្ជកម្ម​ប្រកប​ដោយ​ការប្រកួតប្រជែង។ ឯកឧត្តមបណ្ឌិត ក៏បានស្នើឱ្យម្ចាស់ អាជីវកម្ម សហគ្រាស និង​វិនិយោគិន​ទាំង​អស់ បន្តផ្តល់ទំនុកចិត្ត និងជឿជាក់ចំពោះការដឹកនាំរបស់រាជរដ្ឋាភិបាលកម្ពុជា ដែល​មានសម្តេចមហាបវរធិបតី ហ៊ុន ម៉ាណែត ជានាយករដ្ឋមន្រ្តី ដើម្បីរួមគ្នាកសាងប្រទេសជាតិ និង​បង្កើតភាពរឹងមាំសម្រាប់អនាគតកម្ពុជា៕ អត្ថបទ៖ សុន រ៉ាឌី

កម្ពុជាកំពុងក្លាយជាគោលដៅផលិតនូវផលិតផលពាក់កណ្តាលសម្រេច សម្រាប់បម្រើការនាំចេញ

2025/09/29 12:07:49 pm        576
Facebook Telegram Linkin
កម្ពុជាកំពុងទទួលបានឧស្សាហកម្ម ដែលផលិតនូវផលិតផលពាក់កណ្តាលសម្រេច សម្រាប់​បម្រើ​ទីផ្សារ​នាំចេញ នៃការផលិត ចេញជាផលិតផលសម្រេចផ្សេងៗ ដែលនេះ​គឺ​ជា​សញ្ញាណ​ថ្មី​មួយ​បន្ថែម​ទៀតក្នុងវិស័យឧស្សាហកម្ម និងបានកំពុងក្លាយជាគោលដៅ ដ៏រឹងមាំនៃ​ឧស្សាហកម្ម​ក្នុង​ស្រុក​។ឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា នៅថ្ងៃទី២៧ ខែកញ្ញា ឆ្នាំ២០២៥, បាន​អញ្ជើញ​ចុះ​ពិនិត្យ​វឌ្ឍនភាព​នៃ​ការ​អភិវឌ្ឍ​តំបន់​សេដ្ឋកិច្ច​ពិសេស​មួយ​ចំនួន នៅខេត្តស្វាយរៀង ក្នុងគោលបំណងក្តាប់ យកព័ត៌មានវឌ្ឍនភាព និងបញ្ហា​ប្រឈម​ផ្សេងៗ​របស់វិស័យឯកជន, ឆ្លៀតក្នុងឱកាសនេះ ឯកឧត្តម ក៏បានជួបសំណេះសំណាល ជាមួយ​អ្នកអភិវឌ្ឍន៍ តំបន់សេដ្ឋកិច្ចពិសេស និងវិនិយោគិន នៃសមាគម​សហគ្រាស​វិនិយោគ​នៅ​កម្ពុជា​។  ឯកឧត្តម បន្តថា តាមការពិនិត្យជាក់ស្តែងនេះឃើញថា តំបន់សេដ្ឋកិច្ចពិសេសទាំង ១៣ ដែល​កំពុង​ដំណើរការនៅខេត្តស្វាយរៀង បាននិងកំពុងអភិវឌ្ឍ និងបន្តរីកចម្រើនគួរជាទីកត់សម្គាល់ ជា​ពិសេសបានដើរតួនាទីជាក្បាលម៉ាស៊ីនក្នុងការស្រូបយក វិនិយោគដ៏មានប្រសិទ្ធភាព និង​បង្កើត​ការងារ​ជូន​ប្រជាពលរដ្ឋកម្ពុជា។ ចំណែកតំបន់សេដ្ឋកិច្ចពិសេសមួយចំនួន កំពុងមមាញឹកក្នុង ការ​អភិវឌ្ឍ​ហេដ្ឋា​រចនាសម្ព័ន្ធ និងការសាងសង់រោងចក្រ ដែលនឹងចាប់​ផ្តើម​ដំណើរការ​នៅ​ពេល​ឆាប់​ៗ​ខាង​មុខ​ ដោយមានតម្រូវការ កម្មករនិយោជិតរាប់ពាន់កន្លែង ជូនបងប្អូនប្រជាពលរដ្ឋ ជា​ពិសេស​ចំពោះ​បង​ប្អូន​ដែល​ទើបត្រឡប់ពីប្រទេសថៃ។ ជាមួយគ្នានោះ នៅក្នុងតំបន់​សេដ្ឋកិច្ច​ពិសេស​ថ្មី​ៗ​មួយ​ចំនួន ​ដូចជាតំបន់សេដ្ឋកិច្ចពិសេស ហ័រស៊ាង អ៊ីនធើណេសិនណល់ មានសហគ្រាស​វិនិយោគ​ខ្លះ កំពុងធ្វើការផលិត នូវផលិតផលពាក់កណ្តាលសម្រេច និងនាំចេញ​ទៅ​ប្រទេស​ចិន​វិញ ​ដើម្បីផលិតជាផលិតផលសម្រេច ដែលនេះ​ក៏​ជា​សញ្ញាណ​ថ្មី​មួយ​បន្ថែម​ទៀត​សម្រាប់​វិស័យ​ឧស្សាហ​កម្ម​នៅកម្ពុជា។ សមិទ្ធផលដែលក្រុមហ៊ុនអភិវឌ្ឍន៍តំបន់សេដ្ឋកិច្ចពិសេសសម្រេចបាននេះ សបញ្ជាក់អំពីការខិតខំ​ប្រឹង​ប្រែង​របស់ក្រុមហ៊ុន ដោយមានឆន្ទៈខ្ពស់ និងទំនុកចិត្តមកលើរាជរដ្ឋាភិបាលកម្ពុជា ក្រោម​ការ​ដឹកនាំដ៏ឈ្លាសវៃ ប្រកបដោយថាមវ័ន្ត របស់សម្តេចមហាបវរ​ធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជាណាចក្រកម្ពុជា៕ អត្ថបទ៖ សុន រ៉ាឌី

អ្នកជំនាញ៖ តម្លៃមាសនឹងធ្លាក់ចុះរយៈពេលខ្លី ហើយងើបឡើងវិញ បន្ទាប់ពីអាម៉េរិកកាត់អត្រាការប្រាក់ដុល្លារ

2025/09/26 10:56:19 am        267
Facebook Telegram Linkin
អ្នកជំនាញប្រឹក្សាយោបល់ផ្នែកហិរញ្ញវត្ថុ មើលឃើញថា តម្លៃហាងឆេងមាសនៅលើទីផ្សារសកល នៅក្នុងរយៈពេលខាងមុខ នឹង អាចស្រុតចុះក្នុងរយៈពេលខ្លី ក្នុងការអន្តរកាលនៃការកាត់អត្រាការប្រាក់ដុល្លារ ហើយនឹងអាចងើបឡើងវិញ ខណៈដែលវិស័យនេះ កំពុងមានការវិនិយោគទាំងរដ្ឋ និងឯកជននៅលើពិភពលោក។លោក ឈា ឆាយហេង ប្រធានផ្នែកប្រឹក្សាយោបល់ហិរញ្ញវត្ថុ PP Link Securities ថ្លែងប្រាប់ BTV អំពីតម្លៃទីផ្សារហាងឆេង មាសលើទីផ្សារបច្ចុប្បន្ន នេះថា ជុំវិញទីផ្សារហាងឆេងមាស គិតមកដល់ពេលនេះបានកំពុងបន្តហក់ឡើង ខណៈដែលអ្នកវិនិយោគ នៅលើវិស័យនេះកំពុងមានការព្រួយបារម្មណ៍ នៃការប្រួលប្រែតម្លៃមាសលើទីផ្សារលកល បន្ទាប់ពីធនាគារកណ្តាលសហរដ្ឋអាម៉េរិក កាត់អត្រាការប្រាក់ដុល្លារ ដែលគម្រោងពីប្រមាណ ៤.៥ ភាគរយ មកនៅត្រឹម ៤.២៥ ភាគរយ ក្នុងនោះធនាគារកណ្តាលសហរដ្ឋ-អាមេរិក ក៏មានគោលបំណងកាត់អត្រាការប្រាក់ជាបន្តបន្ទាប់ទៀតផងដែរ។លោក បន្តថា នៅក្នុងអន្តរកាលកណ្តាលសហរដ្ឋអាម៉េរិក មិនទាន់ប្រកាសកាត់អត្រាការប្រាក់ដុល្លារនេះ តម្លៃមាសលើទីផ្សារ សកលនឹងអាចស្រុតចុះក្នុងរយៈពេលខ្លី ក្នុងរង្វង់ប្រមាណ ៣ ៧០០ ដុល្លារអាម៉េរិក ក្នុងមួយអោន ឬក្រោមនេះបន្តិចបន្តួច ហើយ បន្ទាប់មកនឹងអាចងើបឡើងវិញ ខណៈដែលសេដ្ឋកិច្ចសកលមិនទាន់មានភាពមិនប្រាកដប្រជា ដោយសារការជះផលប៉ះពាល់នៃការ អូសបន្លាយនៃសង្គ្រាម ជាពិសេសគម្រោងកាត់អត្រាការប្រាក់ដុល្លាររបស់ធនាគារកណ្តាលសហរដ្ឋអាមេរិក ដែលនឹងធ្វើឱ្យលុយ ដុល្លារអាចធ្លាក់ថ្លៃ។ លោក បន្ថែមថា ខណៈដែលប្រាក់ដុល្លារធ្លាក់ចុះ តម្លៃហាងឆេងមាសនៅលើទីផ្សារសកលនឹងបន្តហក់ឡើង ស្រប ពេលបច្ចុប្បន្នការវិនិយោគលើវិស័យនេះ បាននិងកំពុងកើតឡើងយ៉ាងផុលផុសនៅលើពិភពលោក ទំាងវិស័យរដ្ឋ និងវិស័យឯកជន (មានទាំងក្រុមហ៊ុន និងធនាគារជាដើម)។សូមបញ្ជាក់ថា តម្លៃហាងឆេងមាសលើទីផ្សារសកល បាននិងកំពុងហក់ឡើងជាបន្តបន្ទាប់ ក្នុងនោះបើគិតត្រឹមថ្ងៃទី ២៦ ខែ កញ្ញា ឆ្នាំ ២០២៥នេះ តម្លៃមាសក្នុងមួយជី មានចំនួន ៤៥២ ដុល្លារ, មួយអោន ៣ ៧៥៥ ដុល្លារ, មួយតម្លឹង ៤ ៥២៤ ដុល្លារ និងមួយគីឡូ មានតម្លៃជាង ១២ ពាន់ដុល្លារអាម៉េរិក៕អត្ថបទ៖ សុន រ៉ាឌី,

បណ្ដាញសង្គម

ព័ត៌មានថ្មីៗ

ពលរដ្ឋអាមេរិកអ៊ីរ៉ង់ ប្រមូលផ្តុំគ្នានៅរដ្ឋកាលីហ្វ័រនីញ៉ា ជំរុញឱ្យមានបទឈប់បាញ់ជាមួយការការពារសិទ្ធិមនុស្ស
04/22/2026 11:04 AM
Facebook Telegram Linkin
អង្គភាពប្រឆាំងអំពើពុករលួយនឹងបញ្ជូនខ្លួនមន្ត្រីជាន់ខ្ពស់នគរបាល២រូប និងអ្នកពាក់ព័ន្ធ ២នាក់ទៅតុលាការរសៀលនេះ
04/22/2026 11:04 AM
Facebook Telegram Linkin
លោក Trump គំរាមទម្លាក់គ្រាប់បែកលើអ៊ីរ៉ង់ជាថ្មីទៀត បន្ទាប់ពីប្រកាសបន្ថែមពេលបទឈប់បាញ់
04/22/2026 11:04 AM
Facebook Telegram Linkin
អ្នកការទូតជាន់ខ្ពស់អឺរ៉ុប ទាត់ចោលការរិះគន់ដែលថា ប្លុកនេះខ្វះចំណាត់ការលើអ៊ីស្រាអែល និងសាមគ្គីភាពជាសកលជាមួយអ៊ុយក្រែន
04/22/2026 11:04 AM
Facebook Telegram Linkin
UN៖ ជនភៀសខ្លួនស៊ូដង់ដែលវិលត្រឡប់ទៅលំនៅឋានវិញប្រឈម«ការតស៊ូដើម្បីរស់រាន»
04/22/2026 11:04 AM
Facebook Telegram Linkin
ប៉ាគីស្ថាន៖ រង់ចាំការឆ្លើយតបជាផ្លូវការរបស់អ៊ីរ៉ង់លើការចូលរួមកិច្ចចរចាជាមួយអាមេរិក
04/22/2026 11:04 AM
Facebook Telegram Linkin
ប្រធានរៀបចំការបោះឆ្នោតនៅប៉េរូ លាលែងពីតំណែង ខណៈការរាប់សន្លឹកឆ្នោតអូសបន្លាយពេល
04/22/2026 11:04 AM
Facebook Telegram Linkin
លោកTrump ចង់ឱ្យច្រកសមុទ្រHormuz នៅតែបិទកុំឱ្យអ៊ីរ៉ង់អាចយកពន្ធលើនាវាឆ្លងកាត់ច្រកសមុទ្រនេះ ៥០០លានដុល្លារក្នុងមួយថ្ងៃ
04/22/2026 11:04 AM
Facebook Telegram Linkin
ISI ជួបម្ចាស់ផ្ទះវិសាខា ក្នុងវគ្គ ១/២ ផ្ដាច់ព្រ័ត្រ-ជើងទី១ នៃពានសម្ដេចតេជោ ហ៊ុន សែន ល្ងាចនេះ
04/22/2026 11:04 AM
Facebook Telegram Linkin
នាយករដ្ឋមន្ត្រី៖ រដ្ឋលីបង់ មិនស្វែងរកការប្រឈមមុខដាក់គ្នាជាមួយក្រុមហេសបូឡាទេ ប៉ុន្តែមិនត្រូវបានគំរាមឡើយ
04/22/2026 11:04 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.