នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ជំនាញហិរញ្ញវត្ថុ៖ ប្រសិនអាមេរិកទម្លាក់ការប្រាក់ដុល្លារ វាជាបច្ច័យល្អសម្រាប់ពិភពលោកក៏ដូចកម្ពុជា
គិតត្រឹម៣ខែដើមឆ្នាំនេះ ការផ្តល់ឥណទាន និងការទទួលប្រាក់បញ្ញើររបស់គ្រឹះស្ថានមីក្រូហិរញ្ញវត្ថុបានបន្តកើនឡើង
សមាគមជាតិ-អន្តរជាតិ៖ ទីផ្សារនាំចេញរបស់កម្ពុជា នៅតែបន្តប្រកបដោយថាមពល
កម្ពុជា-ជប៉ុនបង្ហាញពីឆន្ទៈរួម លើការកែលម្អបរិយាកាសវិនិយោគនៅកម្ពុជា

សេដ្ឋកិច្ច និង កសិកម្ម

ក្រុមហ៊ុន Hanwha របស់កូរ៉េខាងត្បូង ចុះហត្ថលេខាលើកិច្ចសន្យាការពារជាតិមានតម្លៃ២,៤ពាន់លានដុល្លារជាមួយអូស្ត្រាលី

2023/12/08 12:00:03 pm        137
Facebook Telegram Linkin
ប្រទេសអូស្ត្រាលី បាននិយាយនៅថ្ងៃសុក្រនេះថា ខ្លួនបានចុះហត្ថលេខាលើកិច្ចសន្យាជាមួយក្រុមហ៊ុន អវកាស Hanwha របស់ប្រទេសកូរ៉េខាងត្បូង ដើម្បីទទួលបានយានយន្តប្រយុទ្ធថ្មើរជើង Redbackចំនួន១២៩គ្រឿងនៅឆ្នាំ២០២៨ ក្នុងកិច្ចព្រមព្រៀងមានតម្លៃ ៣,១៦សែនកោដិ៍វ៉ុន ឬ ២,៤ ពាន់លានដុល្លារ។ការចុះហត្ថលេខានេះ ធ្វើឡើងបន្ទាប់ពីប្រទេសអូស្ត្រាលីកាលពីខែកក្កដា បានជ្រើសរើសក្រុមហ៊ុន Hanwha ជាអ្នកដេញថ្លៃដ៏ពេញចិត្តសម្រាប់គម្រោងដែលមានតម្លៃសរុបរហូតដល់ ៤,៦២ ពាន់លានដុល្លារ ដែលបង្ហាញនូវអ្វីដែលប្រទេសនេះបាននិយាយថា គឺជាការវិនិយោគធំបំផុតតែមួយគត់ នៅក្នុងសមត្ថភាពកងទ័ព មកដល់បច្ចុប្បន្ននេះ។ឧបនាយករដ្ឋមន្ត្រី លោក Richard Marles បាននិយាយនៅក្នុងសន្និសីទសារព័ត៌មាន នៅទីក្រុង Geelong ថា យានយន្តទាំងនោះនឹងមានតួយ៉ាងធំធេងក្នុងការធ្វើឲ្យប្រសើរឡើងសមត្ថភាពរបស់កងកម្លាំងការពារជាតិអូស្ត្រាលី។ក្រសួងការពារជាតិរបស់ប្រទេសអូស្ត្រាលី បាននិយាយនៅក្នុងសេចក្តីថ្លែងការណ៍ថា គម្រោងនេះត្រូវបានគេរំពឹងថានឹងគាំទ្រដល់ការងារប្រហែល ២.១០០ រួមទាំងការងារផ្ទាល់ចំនួន ១.៨០០ ដោយយានយន្តដំបូងនឹងត្រូវដឹកជញ្ជូននៅឆ្នាំ២០២៧។

នាយកប្រតិបត្តិក្រុមហ៊ុនបណ្ដាញសង្គម X និយាយថា មានមនុស្សជាង១០លាននាក់ បានចំឈ្មោះប្រើក្នុងខែធ្នូនេះ

2023/12/08 11:18:43 am        66
Facebook Telegram Linkin
នាយកប្រតិបត្តិ ក្រុមហ៊ុនបណ្ដាញសង្គម X លោកស្រី លីនដា យ៉ាការីណូ (Linda Yaccarino) បាននិយាយនៅក្នុងការបង្ហោះនៅលើប្រព័ន្ធផ្សព្វផ្សាយសង្គមកាលពីថ្ងៃព្រហស្បតិ៍ថាមនុស្សជាង ១០ លាននាក់បានចុះឈ្មោះប្រើប្រាស់បណ្ដាញសង្គម X នៅក្នុងខែធ្នូនេះ ។ យោងតាមសារព័ត៌មាន the New York Times ការប្រកាសនេះកើតឡើងនៅពេលក្រុមហ៊ុនដែលកន្លងទៅ ត្រូវបានគេស្គាល់ថា ជាក្រុមហ៊ុន Twitter ប្រឈមនឹងការបាត់បង់​ប្រាក់ចំណូល​ពីការផ្សាយពាណិជ្ជកម្ម​ចំនួន ៧៥លានដុល្លារនៅចុងឆ្នាំនេះ ខណៈក្រុមហ៊ុនល្បីៗធំៗ ផ្អាកយុទ្ធនាការទីផ្សាររបស់ពួកគេនៅលើវេទិកានេះ ។ ក្រុមហ៊ុន X ដែលពុំបានបញ្ចេញទិន្នន័យ​អ្នកប្រើប្រាស់ជាប្រចាំ មិនអាចទាក់ទងភ្លាមៗ ដើម្បីសុំការអត្ថាធិប្បាយ​អំពីរបៀបដែលការចុះឈ្មោះនៅខែធ្នូធៀបនឹងកម្រិតមធ្យម ឬមូលហេតុដែល លោកស្រីYaccarino បង្ហាញតួលេខនោះទេ។ ម្ចាស់ក្រុមហ៊ុនបណ្ដាញសង្គមយក្ស គឺលោក មហាសេដ្ឋី ElonMusk បាននិយាយកាលពីខែកក្កដា ថាបណ្ដាញសង្គមមួយនេះមានអ្នកប្រើប្រាស់ប្រចាំខែចំនួន ៥៤០ លាននាក់។ ក្រុមហ៊ុនជាច្រើនរួមទាំង Apple, Disney, Warner Bros Discovery, Comcast, Lions Gate Entertainment, Paramount Global និង IBM បាននិយាយកាលពីខែវិច្ឆិកាថា ពួកគេបានផ្អាកការព្សព្វផ្សាយ​ពាណិជ្ជកម្មរបស់ខ្លួនគេនៅលើបណ្ដាញសង្គម X ។លោក Musk បានរិះគន់បណ្ដាក្រុមហ៊ុនផ្សាយពាណិជ្ជកម្មដែលបានចាក​ចេញពីវេទិកាបន្ទាប់ពីលោកបានយល់ព្រមជាមួយអ្នកប្រើប្រាស់ដែលអះអាងខុសថា ជនជាតិជ្វីហ្វកំពុងបង្កឱ្យមានការស្អប់ខ្ពើមប្រឆាំងនឹងជនជាតិស្បែកស។របាយការណ៍ពីក្រុមឃ្លាំមើលបណ្ដាញទំនាក់ទំនងសង្គម Media Matters បានរកឃើញការផ្សាយ​ពាណិជ្ជកម្ម​ពីក្រុមហ៊ុនធំៗនៅជាប់នឹងសារបង្ហោះសង្គម X ដែលគាំទ្ររបបណាស៊ី។ក្រុមហ៊ុននេះបានដាក់ពាក្យប្ដឹងកាលពីចុងខែវិច្ឆិកាប្រឆាំង នឹងក្រុមឃ្លាំមើល Media Matters នេះ ដោយចោទប្រកាន់ពីបទបរិហារកេរ្តិ៍៕

ពិភពលោករំពឹងថា នឹងមានចំនួនអ្នកដំណើរតាមយន្តហោះ៤,៧ពាន់លាននាក់នៅឆ្នាំក្រោយ ខណៈឧស្សាហកម្មអាកាសចរណ៍ងើបឡើងវិញ

2023/12/07 11:04:28 am        108
Facebook Telegram Linkin
សមាគមពាណិជ្ជកម្មឧស្សាហកម្មបាននិយាយកាលពីថ្ងៃពុធទី៦ខែធ្នូសប្ដាហ៍នេះថា ក្រុមហ៊ុនអាកាសចរណ៍នានាគួរតែដឹកជញ្ជូនចំនួនអ្នកដំណើរឲ្យបានច្រើនបំផុតនៅឆ្នាំក្រោយខណៈវិស័យនេះបានធូរស្រាលឡើងវិញក្រោយការរាតត្បាតវីរុសសកល COVID-19 ទោះបីជាកម្រិតនៃប្រាក់ចំណេញនៅតែជាក្ដីបារម្ភក៏ដោយ។ សមាគមដឹកជញ្ជូនផ្លូវអាកាសអន្តរជាតិ (IATA) នៅក្នុងការពិនិត្យឡើងវិញជាប្រពៃណីរបស់ខ្លួនអំពីនិន្នាការឧស្សាហកម្មនៅពេលដែលឆ្នាំថ្មីខិតជិតមកដល់ បាននិយាយថា គំរូកំណើនធម្មតាបន្ថែមទៀតត្រូវបានគេរំពឹងថានឹងចាប់ផ្តើមពីទីនេះនៅពេលវិស័យនេះបានងើបឡើងវិញដល់កម្រិតមុនការរាតត្បាតជំងឺ COVID-19។ ប្រធានសមាគមដឹកជញ្ជូនផ្លូវអាកាសអន្តរជាតិ លោក វីលី វ៉ាល់ស៍ ( Willie Walsh) បាននិយាយថា មនុស្សចូលចិត្តធ្វើដំណើរ ហើយបានជួយក្រុមហ៊ុនអាកាសចរណ៍ឱ្យត្រលប់ទៅកម្រិតមុនមានជំងឺរាតត្បាត ខណៈស្ថាប័ននេះបានព្យាករណ៍ថាមនុស្ស៤,៧ពាន់លាននាក់នឹងធ្វើដំណើរតាមក្រុមហ៊ុនអាកាសចរណ៍នៅឆ្នាំ២០២៤។ សមាគមនេះ បានកត់សម្គាល់ថានេះគឺជាកម្រិតខ្ពស់ជាប្រវត្តិសាស្ត្រដែលលើសពីកម្រិតមុនការរាតត្បាតជំងឺសកលដែលមានកម្រិត៤,៥ពាន់លាននាក់ ដែលបានកត់ត្រាកាលពីឆ្នាំ ២០១៩។សម្រាប់ឆ្នាំនេះ សមាគមនេះ រំពឹងថានឹងមានអ្នកដំណើរចំនួន៤,២៩ ពាន់លាននាក់ ដែលជាការធ្លាក់ចុះតិចតួចពីការព្យាករណ៍ខែមិថុនារបស់ខ្លួនចំនួន៤,៣៥ ពាន់លាននាក់។ ក្រុមហ៊ុនអាកាសចរណ៍ទូទាំងពិភពលោកបានរងផលប៉ះពាល់យ៉ាងខ្លាំងពីការរឹតបន្តឹងការធ្វើដំណើរដែលប្រទេសនានាបានអនុវត្តន៍ក្នុងគោលបំណងទប់ស្កាត់ការឆ្លងរាលដាលវីរុស COVID-19 ដោយក្រុមហ៊ុនអាកាសចរណ៍មួយចំនួនបានបញ្ឈប់អាជីវកម្ម ហើយក្រុមហ៊ុនផ្សេងទៀតត្រូវបានធានា ខណៈឧស្សាហកម្មនេះបានខាតបង់រហូតដល់១៨៣ ពាន់លានដុល្លារក្នុងអំឡុងឆ្នាំ ២០២០ រហូតដល់ឆ្នាំ២០២២៕

ពិព័រណ៍ឧស្សាហកម្មសំណង់កម្ពុជា-អន្តរជាតិ​ ជាឱកាសបង្ហាញផលិតផលស្នាដៃកូនខ្មែរអាចធ្វើបាន

2023/12/07 10:37:10 am        191
Facebook Telegram Linkin
ភ្នំពេញ៖ តាមរយៈពិព័រណ៍ឧស្សាហកម្មសំណង់កម្ពុជា-អន្តរជាតិលើកទី១០ នៅអគារមជ្ឈមណ្ឌលពិព័រណ៍កោះពេជ្រ បានមើលឃើញថា មានក្រុមហ៊ុនចូលរួមជាច្រើនទាំងជាតិ និងអន្តរជាតិ បានដាក់តាំងបង្ហាញផលិតផល ក៏ដូចជាផ្នែកសេវាកម្ម ដើម្បីឆ្លើយតបតម្រូវការអ្នកប្រើប្រាស់នៅកម្ពុជាក្នុងវិស័យសំណង់ និងជាឱកាសដ៏ល្អបំផុតក្នុងការចូលរួមតាំងបង្ហាញផលិតផលស្នាដៃកូនខ្មែរ ដែលមានសមត្ថភាពអាចធ្វើបាន និងមិនចាញ់ផលិតផលដែលនាំចូលនោះទេ។ លោក ភួន ដារ៉ាវុឌ្ឍ ប្រធានផ្នែកលក់រាយផលិតផលក្បឿង ដែលជាផលិតផលក្នុងស្រុក របស់ក្រុមហ៊ុន វីគី ត្រេដ បានឲ្យទូរទស្សន៍ព័ត៌មាន ប៊ីធីវី ដឹងថា សម្រាប់ពិព័រណ៍សំណង់ ក្រុមហ៊ុន​លោកតែងតែចូលរួមតាំងបង្ហាញជារៀងរាល់ឆ្នាំ ដោយសារទទួលបានអត្ថប្រយោជន៍​យ៉ាង​ច្រើនពីអ្នកចូលរួមទស្សនា និងពីដៃគូអាជីវកម្មនានាក្នុងព្រឹត្តិការណ៍នេះ។ លោកបានចាត់ទុកកម្មវិធីនេះថា គឺជាឱកាសដ៏ល្អបំផុតក្នុងការចូលរួមតាំងបង្ហាញផលិតផល ជាពិសេសចង់បង្ហាញពីស្នាដៃកូនខ្មែរ ដែលមានសមត្ថភាពអាចធ្វើបាន និងមិនចាញ់ផលិតផល​ដែល​នាំចូលនោះទេ។លោក ស៊ុ ចាន់ថា វិស្វករផ្នែកលក់ក្រុមហ៊ុន ផែបស្ទីល (Pebsteel) ដែលផ្តោតលើសេវាកម្មសាងសង់​ចេញពីដែក ដូចជា សាងសង់ឃ្លាំង ផ្សារ និងរោងចក្រជាដើម បានលើកឡើងថា នេះជាលើក​៤ហើយ​ ដែលក្រុមហ៊ុនចូលរួមកម្មវិធីពិព័រណ៍​នេះ ហើយលោកពិតជាសប្បាយ​ចិត្តដែល​មានអតិថិជនជាច្រើនចាប់អារម្មណ៍ ​និងគាំទ្រកន្លងមក។ លោករំពឹងខ្ពស់ថា ឆ្នាំនេះនឹងអាចទទួលបានអតិថិជនកាន់តែច្រើនថែមទៀត​បន្ទាប់ពីការដាក់​តាំងចំនួន ៣ថ្ងៃនេះ ហើយសង្ឃឹមទៀតថា ​អតិថិជនផ្សេងៗទៀត យ៉ាងហោចក៏បានស្គាល់ និងយល់ដឹងអំពីសេវាកម្មក្រុមហ៊ុនរបស់លោកផងដែរ។សូមបញ្ជាក់ថា ពិព័រណ៌ឧស្សាហកម្មសំណង់កម្ពុជា-អន្តរជាតិ លើកទី១០នេះ មានរយៈពេល ៣ថ្ងៃ ពីថ្ងៃទី៦ ដល់៨ ខែធ្នូ ឆ្នាំ២០២៣ ​ដែលមានការក្រុមហ៊ុនចូលរួមចំនួន ១៣៣ក្រុមហ៊ុន ស្មើនឹង ២៣៩ស្តង់ និងមានផលិតផលជាង ១ពាន់មុខ និង៥០ប្រភេទនៃសេវាកម្ម ​ហើយផលិតផលទាំងនេះ មួយចំនួនជាផលិតផលក្នុងស្រុក ​និងមួយចំនួនផ្សេងទៀត ជាផលិតផល ដែលនាំចូលមកពីបណ្តា​ក្រៅប្រទេស មានដូចជា មកពីប្រទេសវៀតណាម ចិន ឌូបៃ អាល្លឺម៉ង់ អាម៉េរិក និងអ៊ីតាលីជាដើម។ កម្មវិធីនេះដែរ ​នឹងឲ្យក្រុមហ៊ុនដែលនាំចូលនូវសម្ភារៈ បរិក្ខារ ឧបករណ៍ និងគ្រឿងចក្រសំណង់គ្រប់​ប្រភេទ ជាពិសេសអ្នកមានតម្រូវការទិញដូចជា ​ម្ចាស់គម្រោងសាងសង់ និងក្រុមហ៊ុនសាងសង់ ងាយស្រួល​ធ្វើការប្រៀបធៀបគុណភាព និងបញ្ជាទិញ ដោយពុំចាំបាច់ធ្វើដំណើរទៅក្រៅ​ប្រទេសទៀតឡើយ៕អត្ថបទ ឈិត បូរ៉ាវី 

ពលរដ្ឋបូលីវី ព្យាយាមតម្រង់ជួរដ៏វែងដើម្បីទទួលបានប្រេងឥន្ធនៈ

2023/11/29 09:58:34 am        207
Facebook Telegram Linkin
ប្រជាជនបូលីវី ដែលត្អូញត្អែរបានមកតម្រង់ជួរដើម្បីទទួលបានប្រេងឥន្ធនៈនៅទូទាំងទីក្រុង La Paz កាលពីថ្ងៃអង្គារ ខណៈអាជ្ញាធរបានបដិសេធការខ្វះខាត និងបានដាក់កំហុសតម្លៃប្រេងឥន្ធនៈហក់ឡើងខ្ពស់ ទៅលើលើសង្រ្គាមពិភពលោកដែលកំពុងបន្ត។ រថយន្តក្រុង រថយន្តដឹកទំនិញ និងរថយន្តអ្នកដំណើររាប់សិបគ្រឿង បានចូលមកតាមដងផ្លូវ និងស្ថានីយ៍បម្រើសេវាកម្មមួយចំនួននៅក្នុងទីក្រុង La Paz ។យោងតាមអ្នកបើកបរក្នុងតំបន់ លោក Ramiro បាននិយាយថា បន្ថែមពីលើប្រេងឥន្ធនៈដែលពិបាកទទួលបាន វាមានការកំណត់លើបរិមាណប្រេងឥន្ធនៈ ដែលលោកអាចទិញបាននៅស្ថានីយ៍។ប្រធានាធិបតី លោក Luis Arce បាននិយាយកាលពីថ្ងៃចន្ទថា ប្រទេសបូលីវី ចំណាយខ្ពស់មិនធម្មតា សម្រាប់ការនាំចូលប្រេងឥន្ធនៈ ហើយត្រូវបានសន្និដ្ឋានថាការកើនឡើងតម្លៃនេះបណ្តាលមកពីផលប៉ះពាល់នៃសង្គ្រាមដែលកំពុងបន្តរវាងរុស្ស៊ី-អ៊ុយក្រែន និងសង្គ្រាមរវាងអ៊ីស្រាអែល-ប៉ាឡេស្ទីន។ប្រធានាធិបតី លោក Luis Arce បាននិយាយកាលពីថ្ងៃចន្ទថា ប្រទេសបូលីវី ចំណាយខ្ពស់មិនធម្មតា សម្រាប់ការនាំចូលប្រេងឥន្ធនៈ ហើយត្រូវបានសន្និដ្ឋានថាការកើនឡើងតម្លៃនេះបណ្តាលមកពីផលប៉ះពាល់នៃសង្គ្រាមដែលកំពុងបន្តរវាងរុស្ស៊ី-អ៊ុយក្រែន និងសង្គ្រាមរវាងអ៊ីស្រាអែល-ប៉ាឡេស្ទីន។

ប្រជាពលរដ្ឋខេត្តត្បូងឃ្មុំបន្តប្រមូលផលស្រូវវស្សា ជាមួយតម្លៃប្រសើរជាងឆ្នាំមុន

2023/11/22 10:14:24 am        170
Facebook Telegram Linkin
ត្បូងឃ្មុំ ៖ គិតមកដល់សប្តាហ៍ទី៣ នៃខែវិច្ឆិកានេះប្រជាពលរដ្ឋដែល​ប្រកបរបរ​ធ្វើ​ស្រែក្នុ​ង​ខេត្ត​ត្បូងឃ្មុំ​ បានបន្ត​ប្រមូល​ផល​ស្រូវ​វស្សា​ជាមួយ​តម្លៃ​ប្រសើ​រ​ជាង​ឆ្នាំ​មុន​ពោល​គឺ​១​គីឡូក្រាម​សើម​ថ្លៃ​ចន្លោះ​ពី​១១០០រៀល ទៅ១២២០ រៀល ខណៈប្រជាពលរដ្ឋរស់នៅតាមដងទន្លេមេគង្គ ក្នុង​ភូមិ​សាស្ត្រ​ស្រុក​ត្បូងឃ្មុំ និងស្រុកក្រូចឆ្មារ ក៏កំពុងញ៉ាប់ដៃជើង សាបព្រោះ​ក្រោយ​ទឹក​ស្រក​ទៅ​វិញ​ផង​ដែរ​។លោក ផល ផៃ រស់នៅឃុំមង់រៀវ ស្រុកត្បូងឃ្មុំ ខេត្តត្បូងឃ្មុំ បានរៀបរាប់ឲ្យដឹងថា ជាទូទៅ​គ្រួសារ​របស់​គាត់​ធ្វើ​ស្រូវ​ធ្ងន់​ពោល​គឺ​១ឆ្នាំធ្វើតែម្តងនោះទេ ព្រោះប្រភេទ​ស្រូវ​ដែល​គាត់​ធ្វើ​គឺ​មាន​អាយុ​កាល ៦ខែ ទើបប្រមូលផល។ លោកថា សម្រាប់ឆ្នាំនេះស្រូវមានតម្លៃថ្លៃជាងឆ្នាំមុនបន្តិច ពោល​ប្រភេទ​ស្រូវ​ធ្ងន់​១​គីឡូក្រាមសើមលក់បាន ១២២០ ប្រភេទស្រូវចម្រុះធម្មតា និង​មាន​តម្លៃ​ខ្ពស់​ ឬ​ទាប​ជាង​នេះ​តាមប្រភេទស្រូវ ។លោកបន្តថា ឆ្នាំនេះស្រូវរបស់លោក ក៏ដូចជាបងប្អូនផ្សេងៗទៀតមិនសូវបានទិន្នផលល្អនោះទេ ដោយ​សារចុងរដូវវស្សានេះមានភ្លៀងធ្លាក់ច្រើន ទឹកដក់ក្នុងស្រែ ធ្វើឳ្យស្រូវដួល ពិបាក់ច្រូតកាត់ បាត់​ទិន្នផលច្រើន ។ តែយ៉ាងណាតម្លៃនេះលោកថា ទទួល​បាន​ប្រាក់​ចំណេញ​តិច​តួច​ប៉ុណ្ណោះ​ព្រោះការងារ​ធ្វើស្រែសព្វថ្ងៃត្រូវចំណាយច្រើន លើជី ថ្នាំ ថ្លៃឈ្នួលភ្ជួររាស់ ច្រូតកាត់ ជាដើម ។ជាមួយគ្នានោះ ប្រជាពលរដ្ឋផ្សេងទៀត ក៏បានរៀបរាប់ឱ្យដឹងដែថា ឆ្នាំនេះមាន​ភ្លៀង​ធ្លាក់​ច្រើន​ពេក​ ពិសេសពេលស្រូវទុំតែម្តង ធ្វើឱ្យស្រូវដួលពិបាកច្រូត និងធ្វើឱ្យបាត់បង់ទិន្នផលខ្លះ តែ​យ៉ាង​ណា​ឆ្នាំ​នេះស្រូវមានតម្លៃខ្ពស់ជាងឆ្នាំមុន ដែលធ្វើឱ្យពួកគាត់ អាចទទួល​បាន​ប្រាក់​ចំណេញ​ខ្លះស​ម្រាប់​ដោះ​ស្រាយជីវភាពគ្រួសារ ។បើតាមរបាយការរបស់មន្ទីកសិកម្មរុក្ខាប្រម៉ាញ់ និងនេសាទ ខេត្តត្បូងឃ្មុំ បានឲ្យ​ដឹងថា គិត​ត្រឹម​ថ្ងៃ​ទី១៧ ខែវិច្ឆិកា ឆ្នាំ២០២៣ ក្នុងខេត្តត្បូងឃ្មុំទាំងមូលស្រូវស្រាលបានចំនួន ៣៩៨០ តោន ដែល​ទិន្នផល ជាមធ្យមក្នុង១ហិកតាបាន ៤,៤៥ តោន , ស្រូវកណ្តាលបានចំនួន ២៥,៥៨០ តោន ដែលទិន្នផល ជាមធ្យមក្នុង១ហិកតាបាន ៣,៣៨ តោន៕

សម្ដេចធិបតី៖ អំឡុងពិភពលោកប្រឈមខ្លាំង នឹងវិបត្តិស្បៀងអាហារ កម្ពុជាបាននាំចេញជាងប្រាំមួយលានតោន

2023/11/20 10:23:37 am        218
Facebook Telegram Linkin
ភ្នំពេញ៖ មានប្រសាសន៍ក្នុងពិធីប្រកាសដាក់ឱ្យដំណើរការជាផ្លូវការនូវកម្មវិធីគោលនយោបាយអាទិភាពទី៥ និងទី៦ ដែលជាគោលនយោបាយចុងក្រោយរបស់រាជរដ្ឋាភិបាលកម្ពុជា អាណត្តិទី៧ នៅថ្ងៃទី២០ ខែវិ ច្ឆិកា ឆ្នាំ២០២៣ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានថ្លែងឱ្យដឹងថា នៅប៉ុន្មានឆ្នាំ ចុងក្រោយនេះ ពិភពលោកបានប្រឈមច្រើននឹងវិបត្តិនានា ជាពិសេសបញ្ហាអាកាសធាតុ និងសង្គ្រាម ជាដើម។សម្ដេចធិបតីនាយករដ្ឋមន្ត្រី បន្តថា ការប្រឈមនេះបានបណ្ដាលឱ្យប្រទេសនានា មានការបារម្ភព្រួយ ខ្លាំងចំពោះបញ្ហាសន្តិសុខស្បៀងនៅក្នុងប្រទេសរៀងៗខ្លួន។សម្ដេចធិបតី ហ៊ុន ម៉ាណែត បញ្ជាក់បន្ថែមថា នៅអំឡុងពេលដែលពិភពលោកកំពុងប្រឈមនឹងវិបត្តិស្បៀងអាហារនោះ កម្ពុជាមិនត្រឹមតែធានាបាននូវសន្តិសុខស្បៀងសម្រាប់ប្រទេសខ្លួនប៉ុណ្ណោះនោះទេ ប៉ុន្តែបានសល់ផលកសិកម្ម និងបាននាំចេញជាងប្រាំមួយលានតោន ក្នុងរយៈពេល ១០ ខែនៃឆ្នាំ២០២៣ នេះថែមទៀត។សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី រម្លឹកឱ្យដឹងថា នៅក្នុងពិភពលោកបច្ចុប្បន្នទោះបី ជាបច្ចេកវិទ្យាមានការចម្រើនរីកក្ដី ក៏កសិកម្មនៅតែដើរតួនាទីសំខាន់នៅក្នុងជីវភាពប្រចាំថ្ងៃរបស់មនុ ស្សទូទៅជាដដែល៕ ដោយ៖ គង់ ឌិន

ពិព័រណ៍ផ្សារភាគហ៊ុនកម្ពុជាបើកតាំងបង្ហាញរយៈពេល ៤ថ្ងៃ នៅផ្សារទំនើបអ៊ីអន ភ្នំពេញ

2023/11/16 04:51:55 pm        126
Facebook Telegram Linkin
ភ្នំពេញ៖ គិតមកដល់ពេលនេះ គឺជាលើកទី៦ ដែលពិព័រណ៍ផ្សារភាគហ៊ុនកម្ពុជា “My First Stock” បានរៀបចំឡើង ក្នុងគោលបំណងបង្កើនការយល់ដឹងវិស័យមូលបត្រ និងដើម្បីទាក់ទាញការបើកគណនីថ្មី ជំរុញការជួញដូរ អប់រំ ណែនាំពីបច្ចុប្បន្នភាពទីផ្សារ និងបណ្តុះគំនិតវិនិយោគលើភាគហ៊ុន។ពិព័រណ៍ផ្សារភាគហ៊ុនកម្ពុជា ឆ្នាំ២០២៣នេះ បានប្រព្រឹត្តទៅក្រោមអធិបតីភាព ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការនៃក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាភិបាលនៃផ្សារមូលបត្រកម្ពុជា ដោយមានការអញ្ជើញចូលរួមពីឯកឧត្តម ស៊ូ សុជាតិ អគ្គនាយកនិយ័តករមូលបត្រកម្ពុជា, ឯកឧត្តម ហុង សុហួរ អគ្គនាយកផ្សារមូលបត្រកម្ពុជា តំណាងក្រសួង ស្ថាប័ន វិស័យឯកជន ក្រុមហ៊ុនជាតិ អន្តរជាតិ វិនិយោគិនស្ថាប័ន ភ្ញៀវជាតិ និងអន្តរជាតិជាច្រើនរូបផ្សេងទៀត។ ពិព័រណ៍នេះ មានរយៈពេល ៤ថ្ងៃ ចាប់ថ្ងៃទី១៦ ដល់១៩ ខែវិច្ឆិកា ឆ្នាំ២០២៣ នៅផ្សារទំនើបអ៊ីអន ម៉ល ភ្នំពេញ។ក្នុងពិធីបើកកម្មវិធីនាឱកាសនោះ ឯកឧត្តមបណ្ឌិតសភាចារ្យ ហ៊ាន សាហ៊ីប បានមានប្រសាសន៍ឲ្យដឹងថា ក្នុងរយៈពេលជាងមួយទស្សវត្សរ៍មកនេះ វិស័យមូលបត្រនៅកម្ពុជាមានការរីកចម្រើនគួរឲ្យកត់សម្គាល់ បើទោះបីជាមិនទាន់មានការរីកចម្រើនដូចប្រទេសមួយចំនួននៅអាស៊ាន ក៏ប៉ុន្តែយើងកំពុងតែបោះជំហានទៅមុខយ៉ាងលឿន។ ឯកឧត្តមបានបញ្ជាក់ថា គិតត្រឹមត្រីមាសទី៣ ឆ្នាំ២០២៣នេះ យើងមានក្រុមហ៊ុនចំនួន១១ បានចុះបញ្ជីលក់មូលបត្រកម្មសិទ្ធិ និងក្រុមហ៊ុនចំនួន៩ផ្សេងទៀត បានចុះបញ្ជីលក់មូលបត្របំណុល។ ឯកឧត្តមបន្តថា សរុបក្រុមហ៊ុនទាំង២០នេះ បានប្រមូលសាច់ប្រាក់ពីទីផ្សារប្រមាណជា ៣២៨,២៤លានដុល្លារអាម៉េរិក។ឯកឧត្តម ស៊ូ សុជាតិ លើកឡើងថា ទីផ្សារមូលបត្រ គឺជាច្រកវិនិយោគដ៏សំខាន់មួយផ្សេងទៀត ដែលផ្តល់ឱកាសដល់ប្រជាជនកម្ពុជា ក្នុងការវិនិយោគជាមួយនឹងដើមទុនតិចតួច ប៉ុន្តែអាចពង្រីកនូវសំណុំវិនិយោគរបស់ខ្លួន ដើម្បីបង្កើនចំណូលអកម្មបន្ថែម ប្រកបដោយជំនឿទុកចិត្ត ។ ដូច្នេះ យើងគួរគប្បីរៀន និងចាប់ផ្តើមធ្វើការវិនិយោគ ចាប់ពីថ្ងៃនេះតទៅ ក៏ប៉ុន្តែត្រូវប្រើប្រាស់ប្រាក់សន្សំ យកមកវិនិយោគ ចៀសវាងប្រើប្រាស់កញ្ចប់ថវិកាប្រើប្រាស់ប្រចាំថ្ងៃ យកមកវិនិយោគ ។តាមការឲ្យដឹងរបស់ ឯកឧត្តម ហុង សុហួរ គិតមកដល់បច្ចុប្បន្ននេះ ផ្សារមូលបត្រកម្ពុជា មានគណនីជួញដូរចំនួនប្រមាណជាង ៤ម៉ឺន ៤ពាន់គណនី។ រីឯទំហំជួញដូរជាមធ្យមប្រចាំថ្ងៃ មានប្រមាណជាង ២០ម៉ឺនដុល្លារក្នុងមួយថ្ងៃ បើគិតពីដើមឆ្នាំ២០២៣មក។ ផ្សារមូលបត្រកម្ពុជា សង្ឃឹមថា នៅឆ្នាំ២០២៤ខាងមុខ នឹងមានការបើកគណនីកើនឡើងដល់ ៥ម៉ឺនគណនីថ្មី ឬស្មើនឹង១០០%នៃចំនួនគណនី ដែលបានបើកជាង១០ឆ្នាំមកនេះ៕ អត្ថបទ ៖ ឈិត បូរ៉ាវី

អ្នកជំនាញ៖ យន្តការបរធនបាលកិច្ច បានរួមចំណែកធ្វើឱ្យវិស័យអចលនទ្រព្យអាចងើបឡើងវិញ

2023/11/14 02:26:05 pm        1376
Facebook Telegram Linkin
ភ្នំពេញ៖ តាមរយៈបរធនបាលកិច្ច បានរួមចំណែកធ្វើឱ្យវិស័យ​អចលនទ្រព្យមានលំនឹង និងអាចងើបឡើងវិញ បានជាបណ្តើរៗ​ ជំនះរាល់​ឧបសគ្គបញ្ហានិន្នាការ​ជាសាកលដែលបាន​កើតឡើងបីផ្ទួនៗគ្នា។ នេះបើតាមការឱ្យដឹងពីអ្នកជំនាញវិស័យអចលនទ្រព្យ​លើកឡើង​ក្នុងកម្មវិធីជែកអំពីបរធនបាលកិច្ច។និយ័តករបរធនបាលកិច្ច និងសមាគមអ្នកអភិវឌ្ឍលំនៅឋានកម្ពុជា នៅថ្ងៃទី១៤ ខែវិច្ឆិកានេះ បានរៀបចំកម្មវិធីជជែកអំពីបរធនបាលកិច្ចស្តីពី‍ «យន្តការសម្រាប់ការវិនិយោគលើអចលនទ្រព្យ​ប្រកប​ដោយទំនុកចិត្ត» ដោយមានការចូលរួមជា​អធិបតីពី​ឯកឧត្តម សុខ ដារ៉ា អគ្គនាយក​នៃនិយ័តករ​បរធនបាលកិច្ច និងអ្នកឧកញ៉ា លី ហួរ ប្រធានសមាគមអ្នកអភិវឌ្ឍន៍​លំនៅឋានកម្ពុជា។នៅក្នុងឱកាសនោះ អ្នកឧកញ៉ា លីហួរ បានឱ្យដឹងថា កម្មវិធីខាងលើធ្វើឡើងក្នុងគោលបំណង​ដើម្បី​ជំរុញការអភិវឌ្ឍវិស័យបរធនបាលកិច្ចអោយមានប្រសិទ្ធភាព ​និងភាពរស់រវើក ក៏ដូចជាការ​ចូលរួម​ក្នុងការលើកកម្ពស់ការយល់ដឹងជាសាធារណៈពីវិស័យបរធនបាលកិច្ចនៅប្រទេសកម្ពុជា។ លើសពីនេះ​អ្នកឧកញ៉ា លី ហួរ ​បន្តថា ​តាមរយៈបរធនបាលកិច្ចបានរួមចំណែកធ្វើឱ្យវិស័យ​អចលនទ្រព្យមានលំនឹង​និងអាចងើបឡើងវិញបានជាបណ្តើរៗ ជំនៈរាល់ឧបសគ្គបញ្ហានិន្នាការ​ជា​សាកលដែលបានកើតឡើងបីផ្ទួនៗគ្នារួមមាន៖ បញ្ហាជំងឺកូវីដ-១៩ សង្គ្រាមប្រទេសរុស្ស៊ី​ជាមួយប្រទេស​អ៊ុយក្រែន ​និងសង្គ្រាមរវាប្រទេសអ៊ីស្រាអែលជាមួយក្រុមហាម៉ាសប៉ាឡេស្ទីន។ឯកឧត្តម សុខ ដារ៉ា ​អគ្គនាយកនៃនិយ័តករបរធនបាលកិច្ច ​បានឱ្យដឹងដែរថា យន្តការបរធន​បាលកិច្ចជាយន្តការមួយជួយសម្រួល ​ជួយទាក់ទាញ ​និងជួយបង្កើនទំនុកចិត្តដល់អ្នកវិនិយោគិន​ទាំងឡាញជាពិសេសវិនិយោគិនបរទេសដែលមានបំណងចង់វិនិយោគលើវិស័យអចនទ្រព្យនៅកម្ពុជា។ ​ហើយយន្តការនេះមានសារៈសំខាន់​មួយ​ចំនួនក្នុងការចូលរួម​ចំណែកជំរុញការ​អភិវឌ្ឍសេដ្ឋកិច្ចជាតិ។គិតត្រឹមថ្ងៃទី១៤ ខែវិច្ឆិកា ឆ្នាំ២០២៣នេះ ​បរធនបាលកិច្ចបានចុះបញ្ជីរហូតដល់ជាង៦០០ករណី ដែលធ្វើឱ្យទំហំ​បរធនមានការកើនឡើងគួរឱ្យកត់សំគាល់។នេះ​បើតាមរបាយការណ៍របស់និយ័តករ​បរធនបាលកិច្ច៕ អត្ថបទ៖ទូច សោភ័ណ 

វិស័យឯកជនថា កម្មវិធីបណ្ដុះបណ្ដាលជំនាញដល់យុវជន១លាន៥សែននាក់ នឹងធ្វើឲ្យកម្លាំងពលកម្មល្អខ្លាំងជាងមុន

2023/11/13 12:46:30 pm        238
Facebook Telegram Linkin
ភ្នំពេញ៖ លោក ឧកញ៉ា ណាង សុធី តំណាងក្រុមការងារអង្គការវិជ្ជាជីវៈ បានសម្តែងក្តីរំពឹងថា ក្រោយយុវជនកម្ពុជាចំនួន ១លាន៥សែននាក់ ទទួលបានការបណ្តុះបណ្តាលជំនាញ, បច្ចេកទេស, និងវិជ្ជាជីវៈដែលបាន​ផ្តួចផ្តើម​ដោយរាជរដ្ឋាភិបាលនោះ​ នឹងធ្វើឲ្យកម្លាំងពលកម្មនៅកម្ពុជាកាន់​តែល្អប្រសើរជាងមុន ​។ក្នុងឱកាសចូលរួមបើកវេទិការាជរដ្ឋាភិបាល-ផ្នែកឯកជន លើកទី១៩ នៅវិមានសន្តិភាព នាថ្ងៃទី ១៣ ខែវិច្ឆិកា ឆ្នាំ២០២៣នេះ ​ក្រោមអធិបតីភាព សម្តេចមហាបវរធិបតី ហ៊ុន ម៉ាណែត នាយករដ្ឋនៃព្រះ រាជាណាចក្រកម្ពុជា លោក ឧកញ៉ា ណាង សុធី បានលើកឡើងថា វិស័យឯកជន ​ប្រកាសចូលរួម និងគាំទ្រនូវគោលនយោបាយជាអាទិភាពរបស់រាជរដ្ឋាភិបាលអាណត្តិទី៧នេះ ដែលបានដាក់ចេញ​នូវកម្មវិធីបណ្ដុះបណ្ដាលជំនាញបច្ចេកទេស​ និងវិជ្ជាជីវៈ ​ដល់យុវជនមកពីគ្រួសារក្រីក្រ និង​ងាយរងហានិភ័យ។ សូមបញ្ជាក់ថា កម្មវិធីបណ្តុះបណ្តាលជំនាញវិជ្ជាជីវៈ បច្ចេកទេស នឹងត្រូវប្រកាសជាផ្លូវការ នៅថ្ងៃទី១៤ ​ខែវិច្ឆិកា ឆ្នាំ ២០២៣ស្អែកនេះ ក្រោមអធិបតីភាពរបស់សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។ ​កម្មវិធីបណ្តុះបណ្តាលជំនាញរបស់រាជរដ្ឋាភិបាលសម្រាប់ផ្តល់ជូន យុវជន​មកពីគ្រួសារក្រីក្រ និងងាយរងហានិភ័យនេះ ​តាមការគ្រោងទុករាជរដ្ឋាភិបាលបានត្រៀម​លក្ខណៈសម្បត្តិរួចរាល់ ក្នុងការអនុវត្តកម្មវិធីវិស័យសំខាន់ៗចំនួន១០ ​និងមុខជំនាញចំនួន ៣៨ ដែល​សុទ្ធសឹង​តែជាតម្រូវការទីផ្សារ ​និងមានឱកាសការងារខ្ពស់សម្រាប់យុវជន យុវនារីកម្ពុជានាពេលខាងមុខ។ទាក់ទងនឹងកម្មវិធីបណ្តុះបណ្តាលជំនាញនេះ លោកឧកញ៉ា ណាង ​សុធី ​បានលើកឡើងទៀតថា វិស័យឯកជន​ គាំទ្ររាជរដ្ឋាភិបាល ​ក្នុងការលើកលក្ខខណ្ឌ ​និងបរិយាកាសការងារ ឲ្យកាន់តែ​ប្រសើរហើយ ក្នុងនាមផ្នែកឯកជន ​ពិតមានមោទនភាព ​ដែលបានចូលរួមជាមួយរាជរដ្ឋាភិបាល ក្នុងការ​អនុវត្តកម្មវិធីនយោបាយខាងលើនេះ​ ដែលជាជំហានទីមួយ គឺតាមរយៈការចុះ​អនុស្សារណៈយោគយល់គ្នា ​ជាមួយក្រសួងការងារ ​និងបណ្ដុះបណ្ដាលវិជ្ជាជីវៈ ស្ដីពីកិច្ច​សហប្រតិបត្តិការលើការហាត់ការ​ និងកម្មសិក្សា ដើម្បីគាំទ្រ​ដល់ការបណ្ដុះបណ្ដាលជំនាញ​បច្ចេកទេស ​និងវិជ្ជាជីវៈទាំងអស់នេះ៕អត្ថបទបាន ចក់

បណ្ដាញសង្គម

ព័ត៌មានថ្មីៗ

ឯកឧត្តម ហ៊ុន ម៉ានី ថ្លែងអំណរគុណចំពោះវីរភាព និងពលិកម្មរបស់កងកម្លាំងជួរមុខគ្រប់ប្រភេទ និងគ្រប់ទិសទាំងអស់ដែលកំពុងឈរជើងការពារជាតិ ការពារទឹកដី ការពារសន្តិភាព របស់កម្ពុជា
06/08/2025 10:06 PM
Facebook Telegram Linkin
ប្រមុខការពារជាតិកម្ពុជា៖ កងទ័ពកម្ពុជា-ថៃបានឯកភាពគ្នាសម្រួលកម្លាំងទ័ពចេញពីតំបន់ដែលអាចនឹងប៉ះគ្នា ដើម្បីបន្ថយភាពតានតឹង ការប្រឈមមុខគ្នា និងឱ្យមានស្ថិរភាពឡើងវិញនៅតាមបន្ទាត់ព្រំដែន
06/08/2025 10:06 PM
Facebook Telegram Linkin
BREAKING NEWS!! សម្ដេចតេជោ៖ «ការកែសម្រួលកម្លាំងកងទ័ពនៅតំបន់មានជម្លោះកម្ពុជា-ថៃ ដើម្បីបញ្ជៀសការប៉ះទង្គិចបង្ហូរឈាមទ្រង់ទ្រាយធំ»
06/08/2025 08:06 PM
Facebook Telegram Linkin
ព្រះរាជអាជ្ញារងខេត្តតាកែវ ដឹកនាំកម្លាំងចុះដកហូតបង្គាចាក់ចាហួយ ៣៧០គីឡូក្រាម
06/08/2025 06:06 PM
Facebook Telegram Linkin
មន្ទីរសង្គមកិច្ចខេត្តកំពង់ឆ្នាំងរួមជាមួយសប្បុរសជន ​ចូលរួម​បរិច្ចាគជួយគ្រួសារក្រីក្រ ១២គ្រួសារ
06/08/2025 06:06 PM
Facebook Telegram Linkin
សម្តេចធិបតី និងលោកជំទាវបណ្ឌិត អញ្ជើញដឹកនាំគណៈប្រតិភូចូលរួមសន្និសីទ UNOC3 ស្តីពីមហាសមុទ្រនៅបារាំង
06/08/2025 06:06 PM
Facebook Telegram Linkin
សម្ដេចឥស្សរវិទេសបញ្ញា ហោ ណាំហុង អញ្ជើញចុះសួរសុខទុក្ខកងទ័ពឈរជើង​នៅព្រំដែន ខេត្តឧត្តរមានជ័យ
06/08/2025 04:06 PM
Facebook Telegram Linkin
TOP STORY | ឯកឧត្តម ប្រាក់ សុខុន ផ្ញើលិខិតទៅភាគីថៃបញ្ជាក់ពីគោលជំហរកម្ពុជានាំយកវិវាទព្រំដែនទៅតុលាការ ICJ
06/08/2025 04:06 PM
Facebook Telegram Linkin
លោកជំទាវបណ្ឌិត អ៊ុក ម៉ាលី នាំយកទេយ្យវត្ថុ គ្រឿងអត្ថបរិក្ខារ បច្ច័យមួយចំនួន និង​រថយន្ត​មួយ​គ្រឿង ជាសទ្ធាជ្រះថ្លារបស់​សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ទៅវេរប្រគេន វត្តកែវសិក្ខាគិរីស្វារៈ
06/08/2025 04:06 PM
Facebook Telegram Linkin
បាតុកររាប់ពាន់នាក់បានប្រមូលផ្តុំគ្នានៅក្រុង Tel Aviv ទាមទារឲ្យបញ្ជូនចំណាប់ខ្មាំងមកវិញ
06/08/2025 03:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.