BTV NEWS

BREAKING NEWS!! តុលាការកំពូលរបស់ប្រទេសថៃ ចេញសាលក្រមសម្រេចឱ្យលោក ថាក់ស៊ីន ត្រូវតែជាប់ពន្ធនាគារ ១ឆ្នាំ

ឯកឧត្តម សុខ ចិន្តាសោភា៖«ខ្ញុំមានមហិច្ឆតាចង់ឱ្យក្មួយៗនៅស្រុកអង្គស្នួលមានអ្វីៗមិនចាញ់យុវជននៅភ្នំពេញជាពិសេសក្នុងវិស័យអប់រំ និងកីឡា»

សម្ដេចធិបតី៖ ២ថ្ងៃព្រះរាជពិធីបុណ្យអុំទូក ប្រព្រឹត្តទៅដោយរលូន សុខសុវត្ថិភាព និងសប្បាយរីករាយដល់មហាគ្រួសារខ្មែរ និងភ្ញៀវបរទេស

សម្តេចតេជោ ហ៊ុន សែន ៖ បើគ្មានធនធានមនុស្សទេ កុំរំពឹងអភិវឌ្ឍន៍ប្រទេសឱ្យរីកចម្រើនឱ្យសោះ

ព័ត៍មានសំខាន់ប្រចាំថ្ងៃ

ឧត្តមសេនីយ៍ឯកចៅ តុល ចុះចែកអំណោយជូនប្រជាពលរដ្ឋ៤០០គ្រួសារ នៅស្រុកកោះធំ ខេត្តកណ្ដាល

កណ្ដាល៖ ឧត្តមសេនីយ៍ឯក ចៅ តុល នាយករងខុទ្ទកាល័យសម្ដេចតេជោ ហ៊ុន សែន នាយករដ្ឋមន្ដ្រី នៃកម្ពុជា និងជាមេបញ្ជាការរង បញ្ជាការដ្ឋានអង្គរក្ស នៅរសៀលថ្ងៃទី៣០ ខែមករា ឆ្នាំ២០១៩នេះ បានចុះចែកអំណោយជូនដល់ប្រជាពលរដ្ឋភាគច្រើនជាបងប្អូនខ្មែរឥស្លាម៤០០គ្រួសារ នៅក្នុងឃុំព្រែកថ្មីស្រុកកោះធំ ខេត្តកណ្ដាល។ពិធីចែកអំណោយនេះក៏មានការចូលរួមពី លោក វ៉ាអែល រ៉ូម៉ាស៊ី តំណាងប្រធានសមាគមសម្របសម្រួលនិងអភិវឌ្ឍន៍សង្គមនៃប្រទេសស៊ុយអែត ដែលជាម្ចាស់អំណោយខាងលើនេះផងដែរ។ថ្លែងក្នុងឱកាសនោះ ឯកឧត្តមឧត្តមសេនីយ៍ឯក ចៅ តុល បានបញ្ជាក់ប្រាប់ប្រជាពលរដ្ឋថា អំណោយទាំងនេះសបញ្ជាក់ឲ្យឃើញពីទឹកចិត្តជ្រះថ្លារបស់សប្បុរសជនក្នុងការជួយដល់បងប្អូនប្រជាពលរដ្ឋ ដែលមានជីវភាពរស់នៅលំបាកពិតប្រាកដ ហើយស្របទៅតាមគោលនយោបាយរបស់រាជរដ្ឋាភិបាលសម្តេចតេជោ ហ៊ុន សែន នឹងមិនបណ្តោយឲ្យបងប្អូនណាស្លាប់ដោយសារអត់បាយនោះឡើយ។ជាមួយគ្នានេះឯកឧត្តមឧត្តមសេនីយ៍ ចៅ តុល ក៏បានជម្រាបជូនពីស្ថានភាពនយោបាយដែលកំពុងតែវិវឌ្ឍន៍នៅក្នុងប្រទេសកម្ពុជា និងពិភពលោកផងដែរ។ ដោយឯកឧត្តមបានអំពាវនាវដល់ពលរដ្ឋថា កុំជឿតាមការញុះញង់អុជអាលរបស់ជនអគិតមួយចំនួនដែលគិតអាក្រក់មកលើរាជរដ្ឋាភិបាល ដែលកើតចេញពីការបោះឆ្នោតគាំទ្រពីប្រជាពលរដ្ឋយ៉ាងពិតប្រាកដនោះ។ឯកឧត្តមបានប្រាប់ដល់បងប្អូនទាំងនោះទៀតថាសម្តេចតេជោ ហ៊ុន សែននាយករដ្ឋមន្រ្តីប្រៀបបានដូចជាកូនសោមួយដើម្បីចាក់ផ្ទុកនៅសន្តិភាពហើយ គ្មានពេលណាដែលប្រទេសកម្ពុជា មានសុខសន្ដិភាព ដូចពេលបច្ចុប្បន្ននេះឡើយ ដូច្នេះសូមចូលរួមថែរក្សាសន្ដិភាពដែលរកបានដោយលំបាកនេះទាំងអស់គ្នា។ ត្រូវប្រឆាំងដាច់ខាតចំពោះជនអគតិ ណាដែលចង់ធ្វើព្យុះភ្លៀងបំផ្លាញសុខសន្តិភាពនៅកម្ពុជានាពេលនេះ៕

ឯកឧត្តម លី ធុជ ៖ សម្អាតមីន១គ្រាប់ គឺជួយសង្គ្រោះមនុស្សមួយគ្រួសារ,ដីបោសសម្អាតរួចក្លាយទៅជាទ្រព្យសម្បត្តិសម្រាប់សហគមន៍

ភ្នំពេញ៖ ព្រឹកថ្ងៃទី ២៦ ខែវិច្ឆិកា ឆ្នាំ២០១៩ នៅក្នុងពិធីបើកសន្និសីទត្រួតពិនិត្យឡើងវិញលើកទី៤ ក្នុងទីក្រុងអូស្លូ ប្រទេសន័រវេស្ស ឯកឧត្តមទេសរដ្ឋមន្ត្រី លី ធុជ ក្នុងនាមរាជរដ្ឋាភិបាលកម្ពុជា បានសំដែងនូវការអបអរសាទរដល់ប្រទេសន័រវេស្ស ដែលយកចិត្តទុកដាក់ខ្ពស់បំផុត ក្នុងការរៀបចំឲ្យសន្និសីទដ៏មានសារសំខាន់នេះ អាចប្រព្រឹត្តទៅបានដូចការរំពឹងទុក។នៅចំពោះមុខសមាជិកនៃរដ្ឋភាគី អ្នកសង្កេតការណ៍ អង្គការជាតិ អន្តរជាតិ ប្រមាណ៥០០នាក់ ឯកឧត្តមទេសរដ្ឋមន្ត្រី បានថ្លែងថា ការបោសសម្អាតមីនគឺជាទម្រង់នៃការអភិវឌ្ឍន៍ប្រកបដោយនិរន្តភាព-បោសសម្អាតមីន១គ្រាប់គឺជួយសង្គ្រោះមនុស្សមួយគ្រួសារ-ដីបោសសម្អាតរួចបានក្លាយទៅជាទ្រព្យសម្បត្តិសម្រាប់សហគមន៍សម្រាប់ប្រើប្រាស់ដូចជាសាលារៀន មន្ទីរពេទ្យ ស្ពាន ថ្នល់ ប្រឡាយទឹក និងការប្រកបរបរចិញ្ចឹមជីវិត-មិនមានអនុសញ្ញាអូតាវ៉ាយើងនឹងមិនមានថ្ងៃនេះទេ។ក្នុងនាមសម្តេចតេជោ នាយករដ្ឋមន្ត្រីនៃព្រះរាជាណាចក្រកម្ពុជា ឯកឧត្តមទេសរដ្ឋមន្ត្រី បានថ្លែងអំណរគុណប្រទេសម្ចាស់ជំនួយទាំងអស់សម្រាប់ការផ្តល់នូវការគាំទ្រទាំងបច្ចេកទេស និងថវិកា ដែលអាចឲ្យប្រទេសរដ្ឋភាគីនៃអនុសញ្ញាអាចបំពេញបាននូវកាតព្វកិច្ចបោសសម្អាតមីនឲ្យអស់ពីទឹកដី ជួយសង្រ្គោះជីវិតពលរដ្ឋ និងបង្កើនការអភិវឌ្ឍន៍៕

ក្រុមយុវជន កំពុងដំណើរការរៀបចំជំរំរៀងៗខ្លួន សម្រាប់ការបោះជំរំសាកលលើកទី៦

ភ្នំពេញ ៖ ការបោះជំរំយុវជនជាសាកលលើកទី៦ នឹងចាប់ផ្តើមពីថ្ងៃទី៨ ដល់ថ្ងៃទី១៣ ខែធ្នូ នេះ គឺសមាជិកបោះ ជំរំ ប្រមាណ៣០០នាក់ បានមកដល់ទីតាំងបោះជំរំ និងកំពុងដំណើរការជំរំរៀងៗខ្លួន។ខណៈមកដល់ជំរំ ឯកឧត្តម ចឹក លីម អនុប្រធានគណៈកម្មការបោះជំរំជាសាកលលើកទី៦ បានឱ្យ ដឹងថា ប្រតិភូបោះជំរំទាំងអស់ បានមកដល់ និងកំពុងដំណើរការបោះជំរំរបស់ខ្លួន ក្នុងនោះ ទាំងការរៀបចំ បោះជំរំ រៀបចំប្រមូលចានឆ្នាំង និងសម្ភារជំរំ។លោក ប្រាក់ ចិត្រា សមាជិកប្រតិបត្តិផ្ទាល់ នៃគណៈកម្មការបោះជំរំ បានបញ្ជាក់ថា ការបោះជំរំនេះ គឺមានរយៈពេលខ្លី ដើម្បីប្រមូលមនុស្សឱ្យមករស់នៅលត់ដំ និងដើម្បីឱ្យមនុស្សចេះធ្វើការងាររួមគ្នា ដើម្បី បង្កើតអ្វី ដែលថ្មី សម្រាប់កសាងប្រទេសជាតិនៅថ្ងៃខាងមុខ។កាលពីយប់មិញ នៅទីតាំងជំរំ ក្នុងបរិវេណវរសេនាតូច៣៨២ ស្ថិតក្នុងឃុំបង្គោល៨ ស្រុកជាំក្សាន្ត ខេត្តព្រះវិហារ និងនៅចម្ងាយប្រមាណជាង១០គីឡូម៉ែត្រពីប្រាសាទព្រះវិហារ ប្រមាណជា១០គីឡូម៉ែត្រ សីតុណ្ហភាពចុះត្រជាក់ដល់ជាង១០អង្សា ៕

មន្រី្តជាន់ខ្ពស់ក្រសួងសុខាភិបាល ស្នើមន្រី្តរបស់ខ្លួន ពង្រឹងការផ្តល់សេវាសុខាភិបាលសាធារណៈ

ភ្នំពេញ ៖ ក្នុងពិធីបិទសន្និបាត បូកសរុបសមិទ្ធផលសុខាភិបាល ឆ្នាំ២០១៨ និងទិសដៅការងារឆ្នាំ២០១៩ របស់មនី្ទរសុខាភិបាលរាជធានីភ្នំពេញ ល្ងាចថ្ងៃទី៤ មេសា លោកជំទាវ យក់ សម្បត្តិ រដ្ឋលេខាធិការក្រសួងសុខាភិបាល ស្នើដល់មន្រី្តរបស់ខ្លួន ពង្រឹងការផ្តល់សេវាសុខាភិបាលសាធារណៈ។លោកជំទាវ បន្តទៀតថា បើមន្រី្តគ្រប់រូបបំពេញការងារទាំងអស់នេះបាន និងអាចគ្របដណ្តប់នូវការផ្តល់សេវាជូនប្រជាពលរដ្ឋ ពង្រឹងគុណភាពសេវាសុខាភិបាល និងអាចលុបបំបាត់របាំងហិរញ្ញវត្ថុ ជាពិសេសយើងអាចកាត់បន្ថយប្រាក់ ក្នុងហោប៉ៅរបស់ប្រជាពលរដ្ឋ ក្នុងពេលមកទទួលសេវាថែទាំសុខភាព។លោកជំទាវ បន្ថែមទៀតថា រាជរដ្ឋាភិបាលកម្ពុជាដែលមានសម្តេចអគ្គមហាសេនាបតីតេជោ ហ៊ុន សែន ជាប្រមុខ បានយកចិត្តទុកដាក់លើវិស័យសុខាភិបាល ជាពិសេស សុខុមាលភាព របស់ពលរដ្ឋ។ ការអនុញ្ញាតឲ្យអនុវត្តនូវគម្រោងលើកទឹកចិត្តជាច្រើន រួមមាន ការផ្តល់ប្រាក់លាភការបន្ថែម ប្រាក់ឧបត្ថម្ភឆ្មប ដែលបានបង្កើតកូនរស់ មូលនិធិសមធម៌សម្រាប់ជួយដល់ប្រជាពលរដ្ឋក្រីក្រ ក្នុងគោលបំណង បង្កើនគុណភាព ប្រសិទ្ធភាព សំដៅធ្វើយ៉ាងណាឲ្យប្រជាពលរដ្ឋគ្រប់រូបអាចមានលទ្ធភាពចូលមកប្រើប្រាស់សេវាសុខាភិបាល សាធារណៈប្រកបដោយសមធម៌ ដើម្បីឈានទៅកាត់បន្ថយអត្រាឈឺ និងស្លាប់របស់មាតា ទារក និងកុមារ កាត់បន្ថយអត្រាឈឺ និងស្លាប់ដោយជម្ងឺឆ្លង និងបន្ថយបន្ទុកជម្ងឺមិនឆ្លង ព្រមទាំងបញ្ហាសុខភាពផ្សេងៗទៀត ដើម្បីរួមចំណែកអភិវឌ្ឍន៍សេដ្ឋកិច្ច និងសង្គមឲ្យរីកចម្រើនដូចបណ្តាអរិយប្រទេសនៅលើពិភពលោក។ទន្ទឹមគ្នានោះដែរ ឯកឧត្តម វេជ្ជបណ្ឌិត ងី មានហេង ប្រធានមនី្ទរសុខាភិបាលរាជធានីភ្នំពេញ បានឲ្យដឹងថា ការបង្កើនការប្រើប្រាស់សេវាថែទាំសុខភាពប្រជាពលរដ្ឋក្រីក្រ កម្មករ មន្រី្តរាជការ និវត្តន៍ជន ជនពិការឲ្យដល់កម្រិតមួយដែលចង់បាន និងការបង្ការ ប្រជាពលរដ្ឋដែលរស់នៅក្បែរបន្ទាត់ក្រីក្រកុំឲ្យធ្លាក់ខ្លួនទៅក្នុងអន្ទាក់ នៃភាពក្រីក្រ ដោយសារការចំណាយលើការថែទាំសុខភាព គឺជាអាទិភាពមួយដែលវិស័យសុខាភិបាលត្រូវបន្តយកចិត្តទុកដាក់នៅក្នុងអន្តរាគមរបស់ខ្លួន។ជាពិសេសមនី្ទរសុខាភិបាលរាជធានីភ្នំពេញ ចាត់ទុកថាការឧបត្ថម្ភគាំទ្រ និងកិច្ចសហការពីរដ្ឋបាលមូលដ្ឋាន និងស្ថាប័នពាក់ ព័ន្ធគ្រប់ជាន់ថ្នាក់ ការចូលរួមយ៉ាងសកម្មពីសហគមន៍ និងភាពជាដៃគូជាមួយផ្នែកឯកជន ការគាំទ្រថវិកា និងបច្ចេកទេសពីដៃគូអភិវឌ្ឍន៍ជាតិ-អន្តរជាតិ និងអង្គការក្រៅរដ្ឋាភិបាល នៅតែជាកត្តាចាំបាច់ ដែលមិនអាចខ្វះបាន ហើយវឌ្ឍនភាព នៃការអភិវឌ្ឍន៍ពីវិស័យផ្សេងទៀត ក៏បានរួមចំណែកយ៉ាងសំខាន់ដល់វឌ្ឍនភាពក្នុងវិស័យសុខាភិបាលផងដែរ៕

កម្ពុជា សម្រេចបានភាពជោគជ័យ ជាបន្តបន្ទាប់លើការងារយេនឌ័រ

ភ្នំពេញ ៖ ឆ្នាំ២០១៨ កន្លងទៅ កម្ពុជា ឈរនៅចំណាត់ ថ្នាក់ទី៩៣ ក្នុងចំណោមប្រទេស១៤៩ដែលមានការលើកកម្ពស់សមភាពយេនឌ័រ បើធៀបទៅនឹងឆ្នាំ២០១៧ គឺមានភាពល្អប្រសើរជាលំដាប់។កម្ពុជាមានភាពល្អប្រសើរ នៃសមភាពយេនឌ័រ ដោយឆ្នាំ២០១៨ កន្លងទៅកម្ពុជាឈរនៅ មានចំណាត់ ថ្នាក់ទី៩៣ ក្នុងចំណោមប្រទេស១៤៩ បើធៀបទៅនឹងឆ្នាំ២០១៧ មានចំណាត់ ថ្នាក់ទី៩៩ក្នុងចំណោមប្រទេស ១៤៤ និងកាល ពីឆ្នាំ ២០១៦ មានចំណាត់ថ្នាក់ទី១១២ ក្នុង ចំណោមប្រទេស១១៤។នេះបើយោងតាមរបាយការណ៍វេទិកាសេដ្ឋកិច្ចពិភពលោក ដែលជា អ្នកដាក់ចំណាត់ថ្នាក់សម្រាប់ប្រទេសនីមួយៗ ហើយត្រូវបានលើកឡើងដោយលោកជំទាវ អ៊ឹង កន្ថាផាវី រដ្ឋមន្ត្រីក្រសួងកិច្ចការនារី ក្នុងពិធីបិទសន្និបាតបូកសរុបការងារឆ្នាំ២០១៨ និង លើកទិសដៅឆ្នាំ២០១៩ នាព្រឹកថ្ងៃទី២ ខែមេសា ក្រោមអធិបតីភាពលោកជំទាវកិត្តិសង្គហ បណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច។រដ្ឋមន្ត្រីក្រសួងកិច្ចការនារី បានគូសបញ្ជាក់ថា កាលពីឆ្នាំ២០១៨ ក្រសួងធ្វើឱ្យសម្រេច បាននូវសមិទ្ធផលជាច្រើនហើយរួមមាន ការអភិវឌ្ឍធធានមនុស្សរបស់ស្ត្រី ការបង្កើនការ ចូល រួមរបស់ស្ត្រី និងក្មេងស្រីនៅក្នុងការអប់រំកម្រិតខ្ពស់ ការអភិវឌ្ឍជំនាញវិជ្ជាជីវៈដល់ស្ត្រី សហគ្រិនភាព ការលើកកម្ពស់តំណាងរបស់ស្ត្រីក្នុងថ្នាក់ធ្វើសេចក្តីសម្រេច និងបរិយាប័ន្ន ការលើក កម្ពស់សីលធម៌សង្គម សុខុមាលភាព និងកិច្ចគាំពារសង្គម។ ដោយឡែក ឆ្នាំ ២០១៩នេះ ក្រសួងត្រូវផ្តោតលើការអនុវត្តការងារស្របតាមប្រធានបទ ដែលបាន កំណត់ ក្នុង ទិវាអន្តរជាតិ នារី ៨មីនា ២០១៩ ក្នុងការលើកកម្ពស់សមភាពយេនឌ័រ និងការគាំពារ សង្គមដើម្បីអភិវឌ្ឍ ធនធានមនុស្ស។ទាក់ទងទៅនឹងបញ្ហាស្ត្រីនេះ លោកជំទាវកិត្តិសង្គហបណ្ឌិត ម៉ែន សំអន ឧបនាយក រដ្ឋមន្ត្រីមានប្រសាសន៍ថា រាជរដ្ឋាភិបាលបង្កើតលិខិតបទដ្ឋានគោលនយោបាយ និងផែន ការ សកម្មភាពជាតិដើម្បីឆ្លើយតបនឹងអំពើហិង្សាគ្រប់រូបភាពលើស្ត្រី និងក្មេងស្រី និងការ លើក កម្ពស់គុណភាពនៃការផ្តល់សេវាជាពហុវិស័យនៅតាមបណ្តាខេត្តនានា តាមរយៈក្រុម ការងារ អន្តរស្ថាប័នដោយមានកិច្ចសហការជាមួយអង្គការមិនមែនរដ្ឋាភិបាល ដើម្បីជួយជន រងគ្រោះ ឱ្យបានទាន់ពេលវេលា និងមានប្រសិទ្ធភាព ហើយកន្លងមកថ្មីៗនេះ ក្នុងកិច្ចប្រជុំ ប្រចាំឆ្នាំ របស់ក្រុមប្រឹក្សាជាតិកម្ពុជាដើម្បីស្ត្រី សម្តេចអគ្គមហាសេនាបតី តេជោ ហ៊ុន សែន នាយក រដ្ឋមន្ត្រី នៃព្រះរាជាណាចក្រកម្ពុជាបានសម្រេច បង្កើតក្រុមមេធាវី សម្តេច តេជោ ដើម្បីបំពេញ បន្ថែមការងារផ្លូវច្បាប់ ក្នុងគោលបំណងជួយស្ត្រី និងក្មេងស្រីក្រីក្រ ដែលងាយរងគ្រោះដោយ អំពើហិង្សាទាក់ទងនឹងយេនឌ័រឱ្យទទួលបាននូវយុត្តិធម៌ បានទាន់ ពេលវេលានិងប្រកបដោយប្រសិទ្ធភាព។លោកជំទាវឧបនាយករដ្ឋមន្ត្រី បានលើកឡើងផងដែរថា វាជារឿងដ៏គួរឱ្យខ្លោចផ្សាខ្លាំង ណាស់ដែលក្មេងស្រីត្រូវបានចាប់រំលោភ ហើយខ្លះត្រូវបានសម្លាប់បំបិទមាត់ថែមទៀតផងពី សំណាក់ជីតា ឪពុកចុង ឪពុកបង្កើត។ល។ ដែលទង្វើដ៏អមនុស្សធម៌នេះ វាបានកើត ចេញ ពីការ ធ្លាក់ចុះនៃសីលធម៌របស់មនុស្ស ការសេពគ្រឿងញៀន និងអំពើហិង្សា ដែលមិន អាច អត់ឱន ឱ្យបានឡើយ បើមិនដូច្នោះទេ ស្ត្រី និងក្មេងស្រីនៅតែបន្តការ រំលោភបំ ពាន ដោយ ឥតស្រាកស្រាន៕

កាំកុងត្រូលបន្ទាយមានជ័យប្រមូលនិងដុតបំផ្លាញចោលផលិតផល ម្ហូបអាហារ ខូចគុណភាពជិត៩០០គីឡូក្រាម

បន្ទាយមានជ័យ ៖ មន្ត្រីកាំកុងត្រូលប្រមូល បានផលិតផលម្ហូបអាហារខូចគុណភាពប្រមាណជិត៩០០ គីឡូក្រាម ធ្វើការដុតបំផ្លាញចោល នាព្រឹកថ្ងៃទី១៨ខែតុលា ឆ្នាំ២០១៨ ក្នុងបរិវេណមន្ទីរពិសោធន៍។លោក សាន វិជ្ជាសារ៉ាវុធ ប្រធានសាខាកាំកុងត្រូលខេត្តបន្ទាយមានជ័យ បានឲ្យដឹងថា រយៈពេល៣ខែមកនេះ មន្ត្រីជំនាញសាខាកាំកុងត្រូលខេត្ត បានសហការជាមួយមន្ត្រីនៃមន្ទីរពាណិជ្ជកម្មក្រោមការសម្របសម្រួលពីព្រះរាជអាជ្ញា អយ្យការ ចុះអង្កេតលើទីផ្សារ និងបញ្ជរលក់តាមគេហដ្ឋាន ទូទាំងខេត្ត និងនៅតាមច្រកនានា ជាពិសេសច្រកប៉ោយប៉ោយ បានចំនួន១០លើក។ ក្នុងនោះ មន្ត្រីជំនាញ បានដកហូតផលិតផលម្ហូបអាហារ ខូចគុណភាព ហួសកាលបរិច្ឆេទ ប្រើប្រាស់ បានចំនួន៨៩៦គីឡូក្រាម ក្នុងនោះ មានដំណាប់កន្ទួត ទឹកក្រូច…..។ ល។លោក សាន វិជ្ជាសារ៉ាវុធ បានបន្តថា ផលិតផលទាំងនេះគឺ មិនមានគុណភាព អនាម័យ និងសុវត្ថិភាព សម្រាប់មនុស្សយកមកបរិភោគបានឡើយ និងគ្មានអនុលោម ភាពស្របច្បាប់ស្តីពី (ការគ្រប់គ្រងគុណភាព សុវត្ថិភាពលើផលិតផលទំនិញ និងសេវា)។នៅក្នុងឱកាសនោះ លោកប្រធានសាខា បានបង្ហាញជំហរយ៉ាងម៉ឺងម៉ាត់ក្នុងការទប់ស្កាត់ និងបង្ក្រាបឲ្យខានតែបាន គ្រប់មុខសញ្ញាទាំងឡាយណាដែលធ្វើពាណិជ្ជកម្ម លើផលិតផលទំនិញដែលច្បាប់ហាមឃាត់។ក្រោយពីបានដកហូត និងយល់ព្រមពីព្រះរាជអាជ្ញាទើបសមត្ថកិច្ចជំនាញកាំកុងត្រូលសម្រេចធ្វើការដុតបំផ្លាញតែម្តង៕

ចិនធ្វើជាម្ចាស់ផ្ទះស្វាគមន៍មេដឹកនាំជប៉ុន និងកូរ៉េខាងត្បូង ខណៈភាពតានតឹងក្នុងតំបន់ធូរស្រាលបន្តិច

ចិន៖ ប្រទេសចិនបានធ្វើជាម្ចាស់ផ្ទះទទួលស្វាគមន៍ មេដឹកនាំប្រទេសជិតខាងកូរ៉េខាងត្បូង និងជប៉ុនដែលមានទំនាស់នឹងគ្នានៅថ្ងៃអង្គារនេះ ខណៈដែលទីក្រុងប៉េកាំងកែប្រែយុទ្ធសាស្ត្រការទូតរបស់ខ្លួន ដើម្បីជំរុញឱ្យមានភាពធូរស្រាលរវាងសម្ព័ន្ធមិត្តយោធាដ៏សំខាន់ របស់អាមេរិកទាំងពីរនៅអាស៊ី។កិច្ចប្រជុំត្រីភាគីនៅភាគនិរតីទីក្រុង Chengdu ដែលនឹងដោះស្រាយផងដែរនូវបញ្ហាប្រឈមក្នុងតំបន់ ដែលបានបង្កឡើងដោយកូរ៉េខាងជើងនោះ នឹងរួមទាំងជំនួបតទល់លើកដំបូងរវាងនាយករដ្ឋមន្ត្រីជប៉ុនលោក Shinzo Abe និងប្រធានាធិបតីកូរ៉េខាងត្បូង Moon Jae-in ក្នុងរយៈពេល ១៥ខែ។ ទំនាក់ទំទងរវាងទីក្រុង Seoul និងទីក្រុង Tokyo បានធ្លាក់ដល់កម្រិតសូន្យក្នុងរយៈពេលប៉ុន្មានខែថ្មីៗនេះ ដោយសារបញ្ហាពាណិជ្ជកម្ម និងជម្លោះផ្សេងទៀតពាក់ព័ន្ធទៅនឹងជម្លោះដ៏ជូរចត់ជាច្រើនទសវត្សរ៍ ជុំវិញការកាន់កាប់របស់ជប៉ុនពីឆ្នាំ១៩១០-១៩៤៥ នៅឧបទ្វីបកូរ៉េ។សហរដ្ឋអាមេរិកបានជំរុញជាញឹកញាប់ដល់សម្ព័ន្ធមិត្តទាំង២ របស់ខ្លួនឱ្យសម្រុះសម្រួលដោយព្រួយបារម្ភថា ទំនាក់ទំនងមិនល្អរបស់ប្រទេសទាំង២ កំពុងធ្វើឱ្យស្មុគស្មាញដល់ផ្នែកការទូតនៅអាស៊ី ទោះបីជាខ្លួនបានបញ្ឈប់ការសម្របសម្រួលដោយផ្ទាល់ក៏ដោយ៕អត្ថបទ៖ សុខមាន

មន្ត្រីនគរបាលអំពាវនាវដល់សន្តិសុខឯកជនជួយផ្សព្វផ្សាយបន្តគោលនយោបាយភូមិ-ឃុំមានសុវត្ថិភាព

ភ្នំពេញ៖ ឧត្ដមសេនីយ៍ឯក លឹម សុខារស្មី ប្រធាននាយកដ្ឋានគ្រប់គ្រងសន្តិសុខឯកជន នៃអគ្គស្នងការដ្ឋាននគរបាលជាតិតំណាងឧត្ដមសេនីយ៍ឯក ឌី វិជ្ជា អគ្គស្នងការរងនគរបាលជាតិ និងជាប្រធាននាយកដ្ឋានកណ្ដាលសន្តិសុខ បានអំពាវនាវដល់ភ្នាក់ងារសន្តិសុខឯកជនទាំងអស់ ត្រូវជួយផ្សព្វផ្សាយបន្តនូវគោលនយោបាយភូមិ-ឃុំមានសុវត្ថិភាពរបស់រាជរដ្ឋាភិបាល ឲ្យកាន់តែទូលំទូលាយបន្ថែមទៀត ដើម្បីសំដៅកាត់បន្ថយបទល្មើសក្នុងមូលដ្ឋាន។ការលើកឡើងរបស់ឯកឧត្ដមឧត្ដមសេនីយ៍រូបនេះ គឺបានធ្វើឡើងនៅក្នុងកម្មវិធីបិទវគ្គបណ្ដុះបណ្ដាល បំប៉នជំនាញភ្នាក់ងារសន្តិសុខឯកជនលើកទី៩ នៅថ្ងៃទី៣០ ខែវិច្ឆិកា ឆ្នាំ២០១៨នេះ ដែលមានការចូលរួមពីតំណាងក្រុមហ៊ុនសន្តិសុខឯកជាង ១៥០នាក់។ បើតាមឧត្ដមសេនីយ៍ឯក លឹម សុខារស្មី ក្រុមហ៊ុនសន្តិសុខទាំងអស់ត្រូវតែជ្រាបគ្រប់គ្នាថា សន្តិសុខឯកជនពុំមែនមានតួនាទីត្រឹមតែជាអ្នកការពារ ទ្រព្យសម្បត្តិឯកជន ឬក៏សហគ្រាសគ្រឹះស្ថានឯកជនប៉ុណ្ណោះទេ តែក៏មានកាតព្វកិច្ចចូលរួមការពារសាធារណៈ សន្តិសុខសង្គម និងអាយុជីវិតរបស់ប្រជាពលរដ្ឋផងដែរ ជាពិសេសមានតួនាទីជាកម្លាំងជំនួយដ៏សំខាន់ ដល់អាជ្ញាធរមានសមត្ថកិច្ច។ ឯកឧត្ដមបានបន្តទៀតថា ប្រទេសកម្ពុជាមានការអភិវឌ្ឍលើគ្រប់វិស័យ ក្រោមការដឹកនាំរបស់សម្ដេចតេជោ ហ៊ុន សែន ធ្វើឲ្យប្រទេសជាតិយើងទទួលបានសុខសន្តិភាពស្ថិរភាពសង្គម។ ហេតុនេះបានធ្វើឲ្យទាក់ទាញអ្នកវិនិយោគជាច្រើន មកបណ្ដាក់ទន់ស្ទើរគ្រប់វិស័យក្នុងនោះវិស័យសន្តិសុខឯកជន គឺជាវិស័យដ៏សំខាន់មួយដែលត្រូវចូលរួមចំណែកយ៉ាងសកម្ម ក្នុងការថែរក្សាសន្តិសុខសណ្ដាប់ធ្នាប់ ទ្រព្យសម្បត្តិ សុវត្ថិភាព អាយុជីវិត ជូនប្រជាពលរដ្ឋ អ្នកវិនិយោគ ភ្ញៀវទេសចរជាតិ និងអន្តរជាតិផង។ហេតុដូច្នេះហើយទើបរាជរដ្ឋាភិបាល ជាពិសេសក្រសួងមហាផ្ទៃតែងតែយកចិត្តទុកដាក់ជំរុញ និងលើកទឹកចិត្តដល់វិស័យសន្តិសុខឯកជននៅក្នុងប្រទេសកម្ពុជា ឲ្យទទួលបានទំនុកចិត្តក្នុងការប្រកបអាជីវកម្មរបស់ខ្លួន ដោយសុខស្ថិរភាព និងនិត្យានុកូលភាព។ ជាក់ស្តែករាជរដ្ឋាភិបាលកម្ពុជា បានសម្រេចបង្កើតនាយកដ្ឋានគ្រប់គ្រងសន្តិសុខឯកជនកាលពីឆ្នាំ២០១៦ កន្លងទៅនេះគឺដើម្បីគ្រប់គ្រង គាំពារសហការ និងផ្ដល់និត្យានុកូលភាពដល់ក្រុមហ៊ុនផ្ដល់សេវាសន្តិសុខឯកជន និងសហគ្រាសគ្រឹះស្ថាន ដែលប្រើប្រាស់សន្តិសុខឯកជនទូទាំងប្រទេសកម្ពុជា។ ឯកឧត្ដមបានបន្តទៀតថា ស្ដែងចេញពីការយកចិត្តទុកដាក់នេះហើយ ទើបធ្វើឲ្យយើងទាំងអស់គ្នាបានជួបជុំគ្នានៅទីនេះ ក្នុងពិធីបើកវគ្គបំប៉នជំនាញភ្នាក់ងារសន្តិសុខឯកជននាឱកាសនេះ។ ដោយយោងតាមស្មារតីសេចក្ដីណែនាំរបស់ក្រសួងមហាផ្ទៃ និងពិនិត្យឃើញថា ភ្នាក់ងារសន្តិសុខឯកជនបានចូលរួមចំណែកយ៉ាងសកម្ម ក្នុងការថែរក្សាសន្តិសុខសណ្ដាប់ធ្នាប់ ទ្រព្យសម្បត្តិសុវត្ថិភាព អាយុជីវិត ជូនប្រជាពករដ្ឋ អ្នកវិនិយោគភ្ញៀវទេសចរជាតិ និងអន្តរជាតិ។យ៉ាងណាក៏ដោយឯកឧត្ដមបានបានបញ្ជាក់ថា ការបើកវគ្គបណ្ដុះបណ្ដាលនេះ គឺមិនមែនមើលងាយសមត្ថភាពដល់បងប្អូន ដែលជាសន្តិសុខឯកជននោះទេ គឺធ្វើឡើងដើម្បីបង្កើនសមត្ថភាពដល់ពួកគេ បន្ថែមទៀតទាំងជំនាញការពារ និងគ្រប់គ្រងស្ថានភាពផ្សេងដែលកើតឡើង ដោយយថាហេតុណាមួយ៕

ព័ត៌មាន សំខាន់ៗព័ត៌មាន អន្តរជាតិ ក្រុមបាតុករប៉ះទង្គិចយ៉ាងក្តៅគគុកជាមួយប៉ូលីសនៅទីក្រុងឡុងដ៍ ក្រោយប្រកាសលទ្ធផលឆ្នោត

អង់គ្លេស៖ ក្រុមបាតុកររាប់រយនាក់បានចេញធ្វើបាតុកម្ម នៅទីក្រុងឡុងដ៍ចក្រភពអង់គ្លេស ក្នុងការតវ៉ាប្រឆាំងនឹងលោកនាយករដ្ឋមន្ត្រី បូរីស ចនសុន ខណៈដែលគណបក្សអភិរក្សនិយម (Conservative Party) របស់លោកនាយករដ្ឋមន្ត្រីរូបនេះ បានទទួលសម្លេងគាំទ្ររហូតដល់ ៣៦៥អាសនៈ។ក្រុមបាតុករបានចេញធ្វើបាតុកម្មប្រឆាំង នឹងបំណងរបស់លោកនាយករដ្ឋមន្ត្រី បូរិស ចនសុន ដែលគ្រោងនឹងចាកចេញពីសមាជិកភាពនៃសហភាពអឺរ៉ុប នៅពេលខាងមុខដោយមិនមានកិច្ចព្រមព្រៀង ដែលអាចនាំអោយអង់គ្លេសប្រឈមនឹងហានិភ័យជាច្រើន។ កងកម្លាំងប៉ូលីសអង់គ្លេសក៏បានចាប់ផ្ដើម បង្ក្រាបក្រុមបាតុករដោយប្រើដំបងវាយប្រហារយ៉ាងចាស់ដៃលើក្រុមបាតុករ រួចចាប់ខ្លួនក្រុមបាតុករមួយចំនួនផងដែរ ប៉ុន្តែបរិមាណនៃក្រុមបាតុករដែលប៉ូលីសបានចាប់ខ្លួន មិនត្រូវបានបង្ហាញនោះទេ។ សូមបញ្ជាក់ជូនថា សំណុំរឿងចាកចេញពីសមាជិកភាពនៃសហភាពអឺរ៉ុប កំពុងបែងចែកប្រជាពលរដ្ឋអង់គ្លេសឲ្យទៅជា ២ក្រុមដាច់ដោយឡែកពីគ្នា ដោយម្ខាងគាំទ្រការចាកចេញ និងម្ខាងទៀតគាំទ្រនៅដដែល៕

Gerard Pique បង្ហាញខ្លួនឲ្យក្រុម Catalonia ប្រកួតមិត្តភាពជាមួយវេណេហ្ស៊ុយអេឡា

បាល់ទាត់៖ Gerard Pique ដែលបានចូលនិវត្តន៍ពីក្រុមជម្រើសជាតិអេស្ប៉ាញឆ្នាំមុន បានបង្ហាញខ្លួនលេងឲ្យក្រុមបាល់ទាត់រដ្ឋ Catalonia ប្រកួតមិត្តភាពជាមួយក្រុមវេណេហ្ស៊ុយអេឡាកាលពីថ្ងៃចន្ទម្សិលម៉ិញ។ខ្សែការពារ Barcelona និងជាសមាជិកជ័យលាភី World Cup និងអឺរ៉ុបជាមួយក្រុមអេស្ប៉ាញរូបនេះ បានបង្ហាញខ្លួនឲ្យក្រុម Catalonia លើកទី10 ហើយចាប់តាំងពីចូលនិវត្តន៍ពីក្រុមជម្រើសជាតិអេស្ប៉ាញ ក្រោយ World Cup 2018។ ក្រុម Catalonia បានយកឈ្នះការប្រកួតមិត្តភាពនេះ លើវេណេហ្ស៊ុយអេឡាដោយលទ្ធផល 2-1 ដោយខ្សែប្រយុទ្ធ Stoke City, Borjan ជាអ្នកស៊ុតបើកការនាំមុខឲ្យ Catalonia។ អតីតខ្សែបម្រើអេស្ប៉ាញ និង Barcelona ម្នាក់ទៀត Xavi Hernandez ក៏ត្រូវបានកោះហៅចូលក្រុម Catalonia ដែរ តែមិនអាចមកជួយបានដោយជាប់ធុរៈនៅក្លិបអាជីពក្នុងប្រទេសកាតា។ ក្រៅពីនោះអ្នកផ្សេងទៀតដែលបានបង្ហាញខ្លួនឲ្យក្រុម Catalonia រួមមានខ្សែការពារ Brighton, Martin Montoya ខ្សែបំរើ Southampton, OriolRomeu និងខ្សែការពារ Real Betis, Marc Bartra។ក្រុមបាល់ទាត់ Catalonia មិនត្រូវបានទទួលស្គាល់នៅឡើយដោយ FIFA រឺ UEFA ដូច្នេះការប្រកួតនេះមិនមានមន្ត្រីអាជ្ញាកណ្ដាល FIFA រឺទង់ផ្លូវការណាមួយឡើយ ខណៈការប្រកួតធ្វើឡើងនៅទីក្រុង Girona៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ក្រសួងបរិស្ថាន បញ្ជាឱ្យផ្អាកសកម្មភាពបាញ់ថ្នាំលាបរថយន្តដែលប្រព្រឹត្តដោយខុសច្បាប់ បន្ទាប់ពីទទួលបានបណ្ដឹងពីពលរដ្ឋពាក់ព័ន្ធនឹងក្លិនថ្នាំលាបរថយន្ត

កម្ពុជាភ្លាត់ចាញ់សិង្ហបុរីនៅនាទីទីចុងក្រោយ ក្នុងជំនួបបើកឆាកពានរង្វាន់បាល់ទាត់តំបន់អាស៊ីអាគ្នេយ៍ (ASEAN Hyundai Cup 2026)

លោកTrump គំរាមថា អឺរ៉ុបនឹងជួបលទ្ធផលអាក្រក់ក្រោយពីទីក្រុងព្រុចសែលពិន័យក្រុមហ៊ុន Google ១ពាន់លានដុល្លារ

អង្គភាពអ្នកនាំពាក្យរាជរដ្ឋាភិបាល រៀបចំការប្រកួតប្រជែងនិយាយជាសាធារណៈវគ្គផ្តាច់ព្រ័ត្រ លើប្រធានបទ៖ «តើយុវជនត្រូវត្រៀមខ្លួនយ៉ាងដូចម្តេច ដើម្បីចូលរួមសម្រេចចក្ខុវិស័យកម្ពុជាឆ្នាំ២០៥០?»

មនុស្សច្រើននាក់ស្លាប់ក្នុងការវាយប្រហាររយៈចម្ងាយឆ្ងាយរបស់រុស្ស៊ី និងអ៊ុយក្រែន

សម្ដេចតេជោ ហ៊ុន សែន ឆ្លៀតវាយកូនគោលនៅថ្ងៃចុងសប្ដាហ៍ ក្រោយខកខានជាង ១ឆ្នាំ

ក្រសួងការងារបាននាំយកឱកាសការងារជាង ៩ម៉ឺនកន្លែង ឱកាសអាហារូបករណ៍ និងអត្ថប្រយោជន៍សង្គមទៅជូនយុវជន អតីតពលករ និងប្រជាជនមូលដ្ឋានក្នុងខេត្តកំពង់ចាម

កិច្ចព្រមព្រៀងនុយក្លេអ៊ែរអាមេរិកជាមួយអារ៉ាប៊ីសាអ៊ូឌីត បង្កឲ្យមានការព្រួយបារម្ភអំពីការរីកសាយ

មន្រ្តីជំនាញក្រសួងបរិស្ថានរកឃើញកសិដ្ឋានចិញ្ចឹមជ្រូក ២កន្លែង នៅខេត្តកំពត បានប្រព្រឹត្តល្មើសច្បាប់បរិស្ថាន និងបានបង្កក្លិនស្អុយដល់ការរស់នៅរបស់ប្រជាពលរដ្ឋ

រាជរដ្ឋាភិបាលបង្ហាញលទ្ធផលការងារឆ្នាំ២០២៥ សម្រាប់ការអនុវត្តផែនការយុទ្ធសាស្ត្រអភិវឌ្ឍន៍ជាតិ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៍មានសំខាន់ប្រចាំថ្ងៃ

ឧត្តមសេនីយ៍ឯកចៅ តុល ចុះចែកអំណោយជូនប្រជាពលរដ្ឋ៤០០គ្រួសារ នៅស្រុកកោះធំ ខេត្តកណ្ដាល

ក្រុមយុវជន កំពុងដំណើរការរៀបចំជំរំរៀងៗខ្លួន សម្រាប់ការបោះជំរំសាកលលើកទី៦

មន្រី្តជាន់ខ្ពស់ក្រសួងសុខាភិបាល ស្នើមន្រី្តរបស់ខ្លួន ពង្រឹងការផ្តល់សេវាសុខាភិបាលសាធារណៈ

កម្ពុជា សម្រេចបានភាពជោគជ័យ ជាបន្តបន្ទាប់លើការងារយេនឌ័រ

កាំកុងត្រូលបន្ទាយមានជ័យប្រមូលនិងដុតបំផ្លាញចោលផលិតផល ម្ហូបអាហារ ខូចគុណភាពជិត៩០០គីឡូក្រាម

ចិនធ្វើជាម្ចាស់ផ្ទះស្វាគមន៍មេដឹកនាំជប៉ុន និងកូរ៉េខាងត្បូង ខណៈភាពតានតឹងក្នុងតំបន់ធូរស្រាលបន្តិច

មន្ត្រីនគរបាលអំពាវនាវដល់សន្តិសុខឯកជនជួយផ្សព្វផ្សាយបន្តគោលនយោបាយភូមិ-ឃុំមានសុវត្ថិភាព

Gerard Pique បង្ហាញខ្លួនឲ្យក្រុម Catalonia ប្រកួតមិត្តភាពជាមួយវេណេហ្ស៊ុយអេឡា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៍មានសំខាន់ប្រចាំថ្ងៃ

ឧត្តម​សេនីយ៍​ឯក​ចៅ ​តុល​ ចុះ​ចែក​អំណោយ​ជូន​ប្រជាពលរដ្ឋ​៤០០​គ្រួសារ​ នៅ​ស្រុក​កោះ​ធំ​ ខេត្ត​កណ្ដាល​

ក្រុម​យុវជន ​កំពុង​ដំណើរការ​រៀប​ចំ​ជំរំ​រៀងៗ​ខ្លួន ​សម្រាប់​ការ​បោះ​ជំរំ​សាកល​លើក​ទី​៦

​មន្រី្ត​ជាន់ខ្ពស់​ក្រសួងសុខាភិបាល​ ស្នើ​ម​ន្រី្ត​របស់ខ្លួន ​ពង្រឹង​ការ​ផ្តល់សេវា​សុខាភិបាល​សាធារណៈ

កម្ពុជា​ សម្រេច​បាន​ភាព​ជោគជ័យ ​ជា​បន្តបន្ទាប់​លើ​ការងារ​យេនឌ័រ

កាំកុងត្រូល​​បន្ទាយមានជ័យ​ប្រមូល​និង​ដុត​បំផ្លាញ​ចោល​ផលិតផល ម្ហូបអាហារ​ ខូចគុណភាព​ជិត​៩០០​គីឡូក្រាម

មន្ត្រី​នគរបាល​អំពាវនាវ​ដល់​សន្តិសុខ​ឯកជន​ជួយ​ផ្សព្វផ្សាយ​បន្ត​គោលនយោបាយ​ភូមិ​-​ឃុំ​មាន​សុវត្ថិភាព

Gerard Pique បង្ហាញខ្លួន​ឲ្យ​ក្រុម Catalonia ប្រកួត​មិត្តភាព​ជាមួយ​វេណេហ្ស៊ុយអេឡា​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ឧត្តមសេនីយ៍ឯកចៅ តុល ចុះចែកអំណោយជូនប្រជាពលរដ្ឋ៤០០គ្រួសារ នៅស្រុកកោះធំ ខេត្តកណ្ដាល

ក្រុមយុវជន កំពុងដំណើរការរៀបចំជំរំរៀងៗខ្លួន សម្រាប់ការបោះជំរំសាកលលើកទី៦

មន្រី្តជាន់ខ្ពស់ក្រសួងសុខាភិបាល ស្នើមន្រី្តរបស់ខ្លួន ពង្រឹងការផ្តល់សេវាសុខាភិបាលសាធារណៈ

កម្ពុជា សម្រេចបានភាពជោគជ័យ ជាបន្តបន្ទាប់លើការងារយេនឌ័រ

កាំកុងត្រូលបន្ទាយមានជ័យប្រមូលនិងដុតបំផ្លាញចោលផលិតផល ម្ហូបអាហារ ខូចគុណភាពជិត៩០០គីឡូក្រាម

មន្ត្រីនគរបាលអំពាវនាវដល់សន្តិសុខឯកជនជួយផ្សព្វផ្សាយបន្តគោលនយោបាយភូមិ-ឃុំមានសុវត្ថិភាព

Gerard Pique បង្ហាញខ្លួនឲ្យក្រុម Catalonia ប្រកួតមិត្តភាពជាមួយវេណេហ្ស៊ុយអេឡា