BTV NEWS

BREAKING NEWS!! តុលាការកំពូលរបស់ប្រទេសថៃ ចេញសាលក្រមសម្រេចឱ្យលោក ថាក់ស៊ីន ត្រូវតែជាប់ពន្ធនាគារ ១ឆ្នាំ

ឯកឧត្តម សុខ ចិន្តាសោភា៖«ខ្ញុំមានមហិច្ឆតាចង់ឱ្យក្មួយៗនៅស្រុកអង្គស្នួលមានអ្វីៗមិនចាញ់យុវជននៅភ្នំពេញជាពិសេសក្នុងវិស័យអប់រំ និងកីឡា»

សម្ដេចធិបតី៖ ២ថ្ងៃព្រះរាជពិធីបុណ្យអុំទូក ប្រព្រឹត្តទៅដោយរលូន សុខសុវត្ថិភាព និងសប្បាយរីករាយដល់មហាគ្រួសារខ្មែរ និងភ្ញៀវបរទេស

សម្តេចតេជោ ហ៊ុន សែន ៖ បើគ្មានធនធានមនុស្សទេ កុំរំពឹងអភិវឌ្ឍន៍ប្រទេសឱ្យរីកចម្រើនឱ្យសោះ

ព័ត៍មានសំខាន់ប្រចាំថ្ងៃ

ព័ត៌មាន ជាតិនយោបាយ និង ការអភិវឌ្ឍន៍ព័ត៌មាន សំខាន់ៗ សាលាក្ដីខ្មែរក្រហមបើកជំនុំជម្រះលើសំណុំរឿង០០៤វគ្គ២

ភ្នំពេញ៖ ចាប់ពីថ្ងៃទី១៩ ដល់ទី២១ ខែមិថុនា ឆ្នាំ២០១៩ សាលាក្ដីខ្មែរក្រហមនឹងបើកជំនុំជម្រះលើសំណុំរឿង ០០៤វគ្គ២។ នេះបើតាមសេចក្ដីប្រកាសព័ត៌មានរបស់អង្គជំនុំជម្រះវិសាមញ្ញក្នុងតុលាការកម្ពុជា ហៅកាត់ អ.វ.ត.ក ដែលគេស្គាល់ជាទូទៅថា សាលាក្ដីខ្មែរក្រហមចេញនៅថ្ងៃទី៣ ខែមិថុនា។សវនការលើសំណុំរឿង០០៤វគ្គ២នេះ គឺដើម្បីស្ដាប់ទឡ្ហីករណ៍ពីភាគីនៅក្នុងសំណុំរឿង មុនពេលដែល អង្គបុរេជំនុំជម្រះចេញសាលដីកាលើបណ្ដឹងឧទ្ធរណ៍។សំណុំរឿង០០៤វគ្គ២ ផ្ដោតលើជនសង្ស័យឈ្មោះ អោ អាន ធ្លាប់មាននាទីជាអនុលេខាភូមិភាគកណ្ដាល និងជាលេខាតំបន់៤១ នៃអតីតរបបកម្ពុជាប្រជាធិបតេយ្យ ដែលគេស្គាល់ជាទូទៅថា របប ខ្មែរក្រហម។ជនសង្ស័យរូបនេះ ត្រូវបានសង្ស័យថា មានជាប់ពាក់ព័ន្ធនឹងឧក្រិដ្ឋកម្មប្រល័យពូជសាសន៍, ឧក្រិដ្ឋកម្ម ប្រឆាំងមនុស្សជាតិ និងឧក្រិដ្ឋកម្មសង្គ្រាម។កន្លងមកអតីតមេដឹកនាំនៃរបបកម្ពុជាប្រជាធិបតេយ្យ គឺ នួន ជា និងខៀវ សំផន ធ្លាប់ត្រូវបានចៅក្រម នៃ អ.វ.ត.ក សម្រេចដាក់ទោសឱ្យជាប់ពន្ធនាគារមួយជីវិត។ ចំពោះអតីតប្រធានមន្ទីរឃុំឃាំងស–២១ ដែលគេស្គាល់ជាទូទៅថា គុកទួលស្លែង គឺកាំង ហ្គិចអ៊ាវ ហៅឌុច ក៏ត្រូវបានចៅក្រមនៃ អ.វ.ត.ក សម្រេចដាក់ទោសឱ្យជាប់ពន្ធនាគារមួយជីវិតផងដែរ។សំណុំរឿង០០៤វគ្គ២ ត្រូវបានដាក់បណ្ដឹងឧទ្ធរណ៍ដោយសហព្រះរាជអាជ្ញាជាតិនៅថ្ងៃទី១៤ ខែធ្នូ ឆ្នាំ២០១៨។ បណ្ដឹងឧទ្ធរណ៍នេះ ក៏ត្រូវបានសហមេធាវីការពារក្ដីជនត្រូវចោទដាក់បណ្ដឹងនៅថ្ងៃទី១៩ ខែធ្នូ ឆ្នាំ២០១៨ ដើម្បីប្រឆាំងនឹងដីកាដំណោះស្រាយ ឬដីកាបញ្ជូនទៅជំនុំជម្រះ ដែលចេញដោយ សហចៅក្រមស៊ើបអង្កេតអន្តរជាតិនៅថ្ងៃទី១៦ ខែសីហា ឆ្នាំ២០១៨ និងបណ្ដឹងឧទ្ធរណ៍ដែលដាក់ ដោយសហព្រះរាជអាជ្ញាអន្តរជាតិ នៅថ្ងៃទី២០ ខែធ្នូ ឆ្នាំ២០១៨ ប្រឆាំងនឹងដីកាលើកលែងចោទ ប្រកាន់ជនត្រូវចោទដែលចេញដោយសហចៅក្រមស៊ើបអង្កេតជាតិនៅថ្ងៃទី១៦ ខែសីហា ឆ្នាំ២០១៨ ផងដែរ៕

អាជ្ញាធរ និង JICA ប្រជុំពិភាក្សាលើគម្រោងសាងសង់ស្ថានីយប្រព្រឹត្តិកម្មទឹកកខ្វក់នៅភាគខាងត្បូងរាជធានីភ្នំពេញ

ភ្នំពេញ៖ អាជ្ញាធររាជធានីភ្នំពេញ និងទីភ្នាក់ងារសហប្រតិបត្តិការអន្តរជាតិជប៉ុនដែលហៅកាត់ថា JICA បានប្រជុំពិភាក្សាគ្នាលើគម្រោងសាងសង់ស្ថានីយប្រព្រឹត្តិកម្មទឹកកខ្វក់ ដែលស្ថិតនៅភាគខាងត្បូងរាជធានីភ្នំពេញ។អភិបាលរាជធានីភ្នំពេញ ឯកឧត្ដម ឃួង ស្រេង រួមជាមួយមន្ត្រីជំនាញនានានៃរដ្ឋបាលរាជធានី និងទីភ្នាក់ងារសហប្រតិបត្តិការអន្តរជាតិជប៉ុនដែលហៅកាត់ថា JICA នាព្រឹកថ្ងៃទី២៤ ខែមេសា ឆ្នាំ២០១៩នេះ បានជួបប្រជុំពិភាក្សាគ្នាលើគម្រោងសាងសង់ស្ថានីយប្រព្រឹត្តិកម្មទឹកកខ្វក់ ដែលស្ថិតនៅភាគខាងត្បូងរាជធានីភ្នំពេញ។ គម្រោងនេះមានទឹកប្រាក់ប្រមាណ ២៥លានដុល្លារសហរដ្ឋអាមេរិក។ មន្ត្រីសាលារាជធានីភ្នំពេញបានឱ្យដឹងថា ការជួបពិភាក្សាការងាររវាង ឯឧត្ដម ឃួង ស្រេង អភិបាលនៃគណៈអភិបាលរាជធានីភ្នំពេញ និងទីភ្នាក់ងារសហប្រតិបត្តិការអន្តរជាតិជប៉ុនដែលហៅកាត់ថា JICA គឺបានពិភាក្សាអំពីបញ្ហាដី សម្រាប់ការរត់បណ្ដាញខ្សែលូរបស់រោងចក្រប្រព្រឹត្តកម្មទឹកកខ្វក់ ដែលជាគម្រោងអភិវឌ្ឍន៍ប្រព័ន្ធលូបង្ហូរទឹកកខ្វក់ ក្នុងរាជធានីភ្នំពេញ ដើម្បីដោះស្រាយនូវបញ្ហាកខ្វក់ទឹកក្នុងរាជធានីភ្នំពេញ។រដ្ឋបាលរាជធានីភ្នំពេញបានសម្រេចសាងសង់ ស្ថានីយប្រព្រឹត្តកម្មទឹកកខ្វក់ទី១ ស្ថិតនៅភាគខាងត្បូងរាជធានីភ្នំពេញ ដោយបានកំណត់យកតំបន់ជើងឯកសម្រាប់សាងសង់ស្ថានីយនេះ ក្រោមជំនួយឥតសំណងរបស់រាជរដ្ឋាភិបាលជប៉ុន តាមរយៈទីភ្នាក់ងារសហប្រតិបត្តិការអន្តរជាតិជប៉ុនហៅកាត់ថា JICA។ ក្នុងកិច្ចប្រជុំនោះដែរ ឯឧត្ដម ឃួង ស្រេង ក៏បានឯកភាពឱ្យមន្ទីរសាធារណការ និងដឹកជញ្ជូនរាជធានីភ្នំពេញ និងមន្ទីររៀបចំដែនដី នគររូបនីយកម្ម និងសំណងចុះបោះបង្គោលព្រំ និងកាយដីដែលមានចាក់រំលោភប្រឡាយ ដោយយកដីចាក់តាមព្រំប្រឡាយដើម្បីទុកឱ្យខាងអង្គភាព JICA ធ្វើកិច្ចការទៅតាមតម្រូវការរបស់អង្គភាពនេះ។មន្ត្រីក៏បានបញ្ជាក់ដែរថា គម្រោងសាងសង់ស្ថានីយប្រព្រឹត្តិកម្មទឹកកខ្វក់ ដែលជាជំនួយឥតសំណងរបស់ភាគីជប៉ុន ដែលមានទឹកប្រាក់ប្រមាណ ២៥លានដុល្លារសហរដ្ឋអាមេរិកនេះ គឺជាគម្រោងដែលមិនធ្លាប់មានរបស់ភាគីជប៉ុន ក្នុងការកសាងប្រឡាយលូនៅក្នុងរាជធានីភ្នំពេញ៕អត្ថបទ៖ ប្រាក់ វ៉ាន់ដា

ផ្ទះចំនួន២ខ្នង ត្រូវបានកាកបាទក្រហមកម្ពុជា ប្រគល់ជូនជនពិការចាស់ជរា និងស្ដ្រីមេម៉ាយ គ្មានទីពឹង

កំពង់ឆ្នាំង ៖ ផ្ទះមួយខ្នងទំហំ ៤គុណនិង៦ ធ្វើអំពីថ្មប្រក់ស៊ីប្រូ ក្រាលឥដ្ឋការ៉ូ តម្លៃ៥ពាន់២ រយ៤៤ដុល្លារ ជាអំណោយមនុស្សធម៌របស់កាកបាទក្រហមកម្ពុជា ត្រូវបានប្រគល់ជូន ជនពិការស្វិតដៃជើង ចាស់ជរាគ្មានទីពឹង ។ពិធីនេះ ធ្វើឡើង ក្រោមអធិបតីភាពអធិបតីភាពអគ្គលេខាធិការងទី១ លោកជំទាវ ម៉ែន នារីសោភ័ក្រ រួមនិងសហការី និងមានការចូលរួមពី លោកអភិបាលខេត្តកំពង់ឆ្នាំង និងជាប្រធានកិត្តិយសសាខាកាកបាទក្រហមកម្ពុជា ខេត្តកំពង់ឆ្នាំង សមាជិក– សមាជិកា សាខាកាកបាទក្រហមកម្ពុជា ខេត្តកំពង់ឆ្នាំង ចូលរួមផងដែរ នៅថ្ងៃទី២១ មិថុនា២០១៩ នៅក្នុងភូមិតាលោ ឃុំជើងគ្រៀវស្រុករលាប្អៀ ។ផ្ទះទី១. ត្រូវបាន ប្រគល់ជនពិការស្វិតដៃជើងចាស់ជរាគ្មាន ទីពឹង មានឈ្មោះ សៀង យ៉ាត អាយុ៦៦រស់នៅជាមួយចៅកំព្រា ។ ផ្ទះទី២. ត្រូវបានប្រគល់ជូនស្ត្រីមេម៉ាយ មាន កូន១គ្មាន ទីពឹងរស់នៅក្រោមផ្ទះ របស់អ្នកជិតខាងឈ្មោះ សួន អ៊ុន រស់នៅភូមិគោកណាំង ឃុំតាំក្រសាណង ស្រុកទឹកផុសខេត្តកំពង់ឆ្នាំង ។អគ្គលេខាធិការរងទី១ កាកបាទក្រហមកម្ពុជាលោក ជំទាវ ម៉ែន នារីសោភ័ក្រ បានពាំនាំការសាកសួរសុខទុក្ខ បងប្អូនប្រជាពលរដ្ឋ ដែលកំពុងជួបការលំបាកខ្វះខាត ជានិច្ចកាលលោកជំទាវប្រធានកាកបាទក្រហមកម្ពុជា តែងតែគិតគូរសុខទុក្ខការរស់នៅជាប់ជាមួយបងប្អូន បើទោះ ក្នុងកាលៈទេសៈ ណាក៏ដោយ ដូចថ្ងៃនេះ ផ្ទះ២ទៀត ត្រូវបានបានប្រគល់ជូនជនចាស់ជរាពិការរស់នៅគ្មានទីពឹង និងស្ត្រីក្រីក្រគ្មាន ទីពឹងនិងជម្រករស់នៅក្នុងទឹកចិត្តមេត្តា អាណិតអាសូរ បងប្អូនប្រជាពលរដ្ឋ ។លោកជំទាវ ក៏បានធ្វើការផ្ដាំផ្ញើ ដល់អាជ្ញាធរ មូលដ្ឋាន សូមមើលថែការពារ និងទទួលដឹងលឺ ថាផ្ទះនេះជារបស់ពួកគាត់ចាប់ពីពេលថ្ងៃប្រគល់នេះទៅ នឹងសូមអោយម្ចាស់ផ្ទះទាំងអស់ត្រូវថែរក្សាអោយបានយូរ អង្វែងនិងបានប្រគល់ថវិកា មួយចំនួនដល់ពួកគាត់សម្រាប់ប្រកបរបរចិញ្ចឹមជីវិតបន្តទៅទៀតផងដែរ៕

សហព័ន្ធប្រដាល់គុនខ្មែរនឹងរៀបចំវគ្គបណ្ដុះបណ្ដាលមន្ត្រីបច្ចេកទេសដែលមានបរិញ្ញាបត្រ

ប្រដាល់៖ ដើម្បីបណ្ដុះបណ្ដាលមន្ត្រីដែលមានកម្រិតខ្ពស់ នឹងជំរុញនូវសមត្ថភាពដល់មន្ត្រីរបស់សហព័ន្ធប្រដាល់គុនខ្មែរ ឲ្យបំពេញការងារកាន់តែមានប្រសិទ្ធភាពក្នុងការកាត់សេចក្ដីនោះ សហព័ន្ធកីឡាប្រដាល់គុនខ្មែរនឹងបើកវគ្គបណ្ដុះបណ្ដាលមួយនៅខែកញ្ញានេះ ខណៈដែលសិក្ខាកាមដែរមានសិទ្ធចូលរៀន គឺត្រូវមានកម្រិតវប្បធម៌បរិញ្ញាបត្រឡើងទៅ។ឯកឧត្ដម តែម ម៉ឺន ប្រធានសហព័ន្ធបានឲ្យដឹងថា វគ្គបណ្ដុះបណ្ដាលនេះនឹងធ្វើរយៈពេល ៤ថ្ងៃក្នុងខែកញ្ញានេះ គ្រោងបណ្ដុះបណ្ដាលសិក្ខាកាមជាង ៣០នាក់ដែលមកពីមន្ទីរអប់រំកាយ និងកីឡា, វិទ្យាស្ថានអប់រំកាយ និងកីឡា, ម្ចាស់ក្លិប និងគ្រូបង្វឹកជាជនបរទេស ដែលបានបើកក្លិបប្រដាល់គុនខ្មែរនៅទូទាំងប្រទេសកម្ពុជា។ ឯកឧត្ដមបញ្ជាក់ថា វគ្គនេះគាំទ្រដោយក្រសួងអប់រំ យុវជន និងកីឡា នេះជាការបោះជំហានទៅធ្វើវិសុទ្ធកម្ម ដើម្បីឲ្យរាល់ការប្រកួតកាន់តែមានគុណភាព ហើយការបារម្ភអំពីទុច្ចរិតភាពរបស់ចៅក្រម អាជ្ញាកណ្ដាលកាន់តែឃ្លាតឆ្ងាយពីអារម្មណ៍របស់កីឡាករ និងក្លិបដែលជាសមាជិក។ សូមបញ្ជាក់ថា វគ្គបណ្ដុះបណ្ដាលនេះនឹងបើកឡើងរយៈពេល ៤ថ្ងៃ នៅទីស្នាក់ការរបស់សហព័ន្ធកីឡាប្រដាល់គុនខ្មែរ ក្នុងពហុកីឡដ្ឋានជាតិអូឡាំពិក៕

មន្ត្រីជាន់ខ្ពស់បក្សប្រជាជនកម្ពុជាស្នើសមាជិកបក្សបន្តពង្រឹងចលនាយុវជន នៅមូលដ្ឋានឲ្យកាន់តែរឹងមាំ

ភ្នំពេញ ៖ ឯកឧត្តម ប៉ាន សូរស័ក្តិ អនុប្រធានក្រុមការងារ គណៈកម្មាធិការកណ្តាលគណបក្សប្រជាជនកម្ពុជា ចុះជួយខេត្តកំពង់ចាម បានអំពាវនាវដល់សមាជិក សមាជិកា បន្តយកចិត្តទុកដាក់ពង្រឹងចលនា យុវជន នៅក្នុងរចនាសម្ព័ន្ធរបស់គណបក្សគ្រប់ថ្នាក់ ពិសេសនៅតាមមូលដ្ឋានឃុំ/ភូមិ ដោយចាត់ទុកកម្លាំងយុវជនជាសំឡេងដ៏មានសក្តានុពល ក្នុងការគាំទ្រគណបក្ស ប្រកបដោយចីរភាពរយៈពេលវែង។នៅក្នុងពិធីប្រកាសទទួលភារកិច្ចផ្លូវការរបស់លោក ផេន សុផល ជាប្រធានក្រុមការងារថ្នាក់កណ្តាលចុះជួយស្រុកបាធាយ បន្ថែមលើស្រុកព្រៃឈរ ដែលរៀបចំឡើងកាលពីថ្ងៃទី៧ មេសា ឆ្នាំ២០១៩កន្លងទៅ ឯកឧត្តម ប៉ាន សូរស័ក្តិ បានសំណូមពរដល់សមាជិកទាំងអស់ ធ្វើការប្រកាន់ខ្ជាប់គោលជំហរមុតមាំ ក្នុងការអនុវត្តកម្មវិធីនយោបាយរបស់គណបក្ស និងកម្មវិធីនយោបាយរបស់រដ្ឋាភិបាលឲ្យកាន់តែល្អ និងមានប្រសិទ្ធភាពខ្ពស់ សំដៅបង្កើនប្រជាប្រិយភាពរបស់គណបក្ស ដើម្បីរក្សានិងបង្កើនប្រៀបឈ្នះ ក្នុងការបោះឆ្នោតជ្រើសរើសក្រុមប្រឹក្សា និងការបោះឆ្នោតជ្រើសតាំងតំណាងរាស្ត្រ នៅបណ្តាឆ្នាំខាងមុខ។មានប្រសាសន៍ក្នុងពិធី នាឱកាសនោះ ឯកឧត្តមឧបនាយករដ្ឋមន្ត្រី យឹម ឆៃលី សមាជិកអចិន្ត្រៃយ៍គណៈកម្មាធិការ កណ្តាលគណបក្សប្រជាជនកម្ពុជា និងជាប្រធានក្រុមការងារថ្នាក់កណ្តាលចុះជួយខេត្តកំពង់ចាម បានផ្តាំផ្ញើដល់ក្រុមការងារថ្នាក់កណ្តាល និងសមាជិកាទាំងអស់ គោរពតាមលក្ខន្តិកៈ រចនាសម្ព័ន្ធ និងសេចក្តីសម្រេចរបស់មហាសន្និបាតគណបក្សប្រជាជនកម្ពុជា ដូចជា ខិតខំពង្រឹង និងពង្រីកសមាជិកបក្សទាំងបរិមាណ និងគុណភាព ក្តាប់ឱ្យបាននូវឧបាយកល និងចលនាបំផ្លិចបំផ្លាញរបស់ក្រុមអមិត្ត ពិសេសការធ្វើបដិវត្តពណ៌។យោងតាមរបាយការណ៍គណៈពង្រឹងមូលដ្ឋាន បានបង្ហាញថា ស្រុកបាធាយមានផ្ទៃដីសរុបជិតមានប្រជាជនរស់នៅសរុបជាង ២ម៉ឺន ៧ពាន់គ្រួសារ ស្មើនឹងជាង១២ម៉ឺននាក់ ព្រមទាំងមានសមាជិកបក្សជិត៥ម៉ឺននាក់៕

Bernardo Silva ស៊ុតបញ្ចូលទីគ្រាប់អស្ចារ្យ ខណៈព័រទុយហ្កាល់ឈ្នះម្ចាស់ផ្ទះប៉ូឡូញប្រផិតប្រផើយ 3-2 ពាន UEFA Nations League

បាល់ទាត់៖ ខ្សែបំរើស្លាបរបស់ Manchester City, Bernado Silva ស៊ុតបញ្ចូលទីគ្រាប់អស្ចារ្យ ១គ្រាប់ ខណៈក្រុមភ្ញៀវព័រទុយហ្កាល់យកឈ្នះម្ចាស់ផ្ទះប៉ូឡូញទាំងប្រផិតប្រផើយ 3-2 ក្នុងការប្រកួតពានរង្វាន់ UEFA Nations League។ម្ចាស់ផ្ទះប៉ូឡូញជាអ្នកនាំមុខដោយការតែតបញ្ចូលទីរបស់ Piatek នាទីទី18 មុនពេលដែលកីឡាកររបស់ Sevilla, Andre Silva តាមស្មើវិញនៅនាទីទី31។ មុនចប់វគ្គទីមួយប៉ូឡូញភ្លាត់ស្នៀតចូលទីខ្លួនឯងអោយខ្សែការពារ KamilGlik នាទីទី43។ ឈានដល់វគ្គទីពីរ Bernado Silva អូសបាល់ពីស្លាបម្នាក់ឯងដាច់កីឡាកររបស់ប៉ូឡូញ បួន ប្រាំនាក់ មុនពេលស៊ុតបញ្ចូលទីប្រើជើងឆ្វេងយ៉ាងអស្ចារ្យអោយព័រទុយហ្កាល់នាំមុខ 3-1។ មុនចប់ការប្រកួត JacubBlaszczykowskiតាមពីក្រោយបានមួយគ្រាប់វិញនាទីទី77 ធ្វើអោយចប់ការប្រកួត បានត្រឹមបរាជ័យក្នុងផ្ទះខ្លួនឯង 2-3។ ជ័យជំនះនេះមានន័យថា ព័រទុយហ្កាល់ឈ្នះទាំងពីរប្រកួតក្នុង League A នៃពាន Nations League នេះ៕អត្ថបទ៖នាង សុភាវុធ

រមណីយដ្ឋានវិស្សមកាលតារាសាគរនឹងក្លាយជាផ្នែកមួយនៃពិធីបុណ្យសមុទ្រចុងឆ្នាំនេះ

កោះកុង ៖ ក្រសួងទេសចរណ៍គ្រោងរៀបចំរមណីយដ្ឋានតារាសាគរ ស្ថិតនៅក្នុងស្រុកបុទុមសាគរ ខេត្តកោះកុង ជាផ្នែកមួយសម្រាប់ធ្វើជាទីតាំងរៀបចំពិធីបុណ្យសមុទ្រលើកទី៧ ជុំទី២ នៅខេត្តកោះកុង ដែលនឹងប្រព្រឹត្តទៅចាប់ពីថ្ងៃទី ១៤–១៦ ខែធ្នូ ឆ្នាំ២០១៨ខាងមុខ។តាមការប្រកាសរបស់ក្រសួងទេសចរណ៍ បានឲ្យដឹងថា ពិធីបុណ្យសមុទ្រលើកនេះ នឹងធ្វើឡើងក្រោមអធិបតីភាពរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្តេចកិត្តិព្រឹទ្ធបណ្ឌិត។ រាជរដ្ឋាភិបាលចេញសេចក្ដីសម្រេចស្ដីពី ការបង្កើតគណៈកម្មការអន្តរក្រសួង ដើម្បីរៀបចំពិធីបុណ្យសមុទ្រ ឆ្នាំ២០១៨ ក្រោមប្រធានបទ «ឆ្នេរស្អាត ពលរដ្ឋរមណីយ» ដែលមានលោក ថោង ខុន ជាប្រធាន និងលោកស្រី មិថុនា ភូថង ជាអនុប្រធានអចិន្ត្រៃយ៍។ក្នុងកិច្ចប្រជុំលើកទី២ នៃការត្រៀមរៀបចំបុណ្យសមុទ្រនៅខេត្តកោះកុង នៅសាលាខេត្តកោះកុងកាលពីថ្ងៃទី៣០ ខែកញ្ញា កន្លងមកនេះ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ និងលោកស្រី មិថុនា ភូថង អភិបាលខេត្តកោះកុង បានបញ្ជាក់ថា ទីរួមខេត្តកោះកុង និងតារាសាគរ បាន និងកំពុងរៀបចំការងារជាច្រើន ក្នុងការត្រៀមខ្លួនទទួលប្រជាពលរដ្ឋ និងភ្ញៀវទេសចរជាតិ អន្តរជាតិ ក្នុងឱកាសពិធីបុណ្យសមុទ្រ នាចុងឆ្នាំ២០១៨ ខាងមុខនេះ។ឯកឧត្តមរដ្ឋមន្ត្រី បានណែនាំដល់រដ្ឋបាលខេត្ត និងមន្ទីរទេសចរណ៍ខេត្តកោះកុង ត្រូវខិតខំបំពេញការងារ ប្រកបដោយប្រសិទ្ធភាព និងពន្លឿនឲ្យទាន់ពេលបុណ្យសមុទ្រ ទាំងផ្នែកស្នាក់នៅ អនាម័យគុណភាពចំណីអាហារ ពិសេសត្រូវយកចិត្តទុកដាក់លើបញ្ហាបង្គន់អនាម័យ បញ្ហាសំរាម ដាច់ខាតមិនត្រូវឱ្យមានសំរាម ឬក្រដាសក្រោមតុនៅតាមភោជនីយដ្ឋាន អាហារដ្ឋាន ពិសេស ត្រូវរៀបចំខ្សែទស្សនកិច្ចនៅតាមរមណីយដ្ឋាន និងសហគមន៍ទេសចរណ៍ ដូចជាជីផាត អារ៉ែង តាតៃ ពាមក្រសោបជាដើម។លោក បន្តថា “បញ្ហាស្នាក់នៅ ម្ហូបអាហារនៅតាមភោជនីយដ្ឋាន អាហារដ្ឋាន បដិសណ្ឋារកិច្ច សុវត្ថិភាព សន្តិសុខ សណ្ដាប់ធ្នាប់ ការធ្វើដំណើររបស់ភ្ញៀវជាដើម សុទ្ធតែត្រូវបានយកចិត្តទុកដាក់ ដើម្បីធានា ជូនភ្ញៀវទេសចរ ឱ្យទទួលបាននូវភាពសប្បាយរីករាយលើសពីពិធីបុណ្យសមុទ្រមុនៗ”។លោក ថោង ខុន បានបញ្ជាក់យ៉ាងដូច្នេះ ថា «ពិធីបុណ្យសមុទ្រនៅខេត្តកោះកុងលើកនេះ មានភាពពិសេសលើសពីលើកមុន នោះគឺមានទាំងការរៀបចំកម្មវិធីកម្សាន្តសប្បាយនានា នៅទីរួមខេត្តកោះកុងផង និងមានព្រឹត្តិការណ៍ប្រកួតកីឡាវាយកូនគោលពានរង្វាន់ សម្ដេចតេជោនាយករដ្ឋមន្ត្រី ដើម្បីអបអរសាទរពិធីបុណ្យសមុទ្រផងដែរ»។លោកស្រី មិថុនា ភូថង ក៏បានឲ្យដឹងដែរថា មកពេលនេះ រដ្ឋបាលខេត្តកោះកុង និងមន្ទីរពាក់ព័ន្ធនានា បាននិងកំពុងញាប់ ដៃញាប់ជើងក្នុងការអនុវត្តការងារនានា ដើម្បីតៀមឲ្យទាន់ពេលវេលាពិធីបុណ្យសមុទ្រមកដល់។លោកស្រីអភិបាលខេត្ត ក៏បានធានាជូនពីបញ្ហាសន្តិសុខសណ្ដាប់ និងការសម្រួលដោះស្រាយបញ្ហានានា ជូនភ្ញៀវទេសចរដែលឆ្លងទៅទស្សនានៅប្រទេសថៃ ហើយភ្ញៀវពីថៃក៏អាចមកទស្សនាខេត្តកោះកុង ក្នុងឱកាសពិធីបុណ្យសមុទ្រខាងមុខផងដែរ៕

ADB វាយតម្លៃថា កម្ពុជានៅខ្វះការវិនិយោគលើការស្រាវជ្រាវវិស័យកសិកម្ម

ភ្នំពេញ៖ ធនាគារអភិវឌ្ឍន៍អាស៊ី (ADB) វាយតម្លៃពាក់ព័ន្ធនឹងវិស័យកសិកម្មនៅកម្ពុជា ថា កម្ពុជាវិនិយោគមិនទាន់គ្រប់ គ្រាន់នៅឡើយ ក្នុងការស្រាវជ្រាវនៅលើវិស័យកសិកម្ម ក្នុងនោះ មានបណ្តាលប្រទេសមួយចំនួននៅអាស៊ី កំពុងជួបបញ្ហា ខ្វះខាត់ដូចគ្នា។លោក Andrew Brubaker ប្រធានក្រុមវាយតម្លៃរបស់ ADB បានលើកឡើងនៅក្នុងកិច្ចប្រជុំស្តីពី វឌ្ឍនភាព និងពង្រីកកិច្ចគាំទ្រ វិស័យកសិកម្មក្នុងប្រទេសកម្ពុជា (ការវាយតម្លៃឯករាជ្យនៅក្នុងធនាគារអភិវឌ្ឍន៍អាស៊ី) នៅថ្ងៃទី៦ ខែ មិថុនា ឆ្នាំ២០១៩ នេះថា សម្រាប់គោលការណ៍របស់ ADB ក្នុងវិស័យកសិកម្មនេះ ក្នុងករណីចាំបាច់របស់ ADB ត្រូវស្វែង រកមេរៀននានា និងការរៀនសូត្រនូវប្រធានបទរបស់គម្រោង ដែលបានអនុវត្តន៍នាពេលកន្លងមក ដើម្បីពង្រីកសមត្ថភាព ស្ថាប័ន និងការដោះស្រាយក្នុងបរិបទពិបាកៗក្នុងវិស័យកសិកម្ម ព្រមទាំងភាពស្មុកស្មាញនៅក្នុងការរចនាគម្រោង។សម្រាប់បញ្ហានេះ ADB នឹងពង្រីកសខ្សែសង្វាក់តម្លៃកសិកម្មនៅកម្ពុជា ដោយបន្ថែមគុណតម្លៃទៅក្នុងធាតុចូល ព្រមទាំងខ្សែសង្វាក់ផ្គត់ផ្គង់ តាមរយៈកំណែទម្រង់គោលនយោបាយ ដែលជាសកម្មភាពមានសក្តានុពល។ ចំពោះការផ្តល់ ហិរញ្ញប្បទាន សម្រាប់កម្មវិធីអភិវឌ្ឍន៍វិស័យពាណិជ្ជកម្មភាវូបនីយកម្មស្រូវ-អង្ករវិញ ជាគម្រោងធ្វើឲ្យធន់ទៅនិងអាកាស ធាតុ ជាពិសេសគម្រោងជួយដល់កសិករនៅខេត្តបាត់ដំបង់ កំពង់ធំ និងព្រៃវែង ដើម្បីបង្កើនផលិតកម្ម ព្រមទាំងខ្សែសង្វាក់ ស្រូវ-អង្ករ រួមជាមួយការដោះស្រាយឧបសគ្គរាំស្ទុះផ្នែកគោលនយោបាយ ឲ្យប្រព្រឹត្តទៅដោយរលូន ។លោកបន្តថា តាមការវាយតម្លៃពាក់ព័ន្ធនឹងវិស័យកសិកម្មនេះ កម្ពុជាវិនិយោគមិនទាន់គ្រប់គ្រាន់នៅឡើយ ក្នុងការ ស្រាវជ្រាវនៅលើវិស័យកសិកម្ម ក្នុងនោះមានបណ្តាប្រទេសមួយចំនួននៅក្នុងអាស៊ី ក៏មានការខ្វះខាតដូចគ្នា ដែលជាករណី កើតឡើងមកពីការប្រើប្រាស់ឧបករណ៍ហួសសម័យ ដែលនាំឲ្យប៉ះពាល់ដល់បរិមាណ និងគុណតម្លៃនៃការស្រាវជ្រាវ ។ចំណែកលោកស្រី Veronique Salze Lozach អគ្គនាយករង នៃអគ្គនាយកដ្ឋានវាយតម្លៃឯករាជ្យរបស់ ADB លើកឡើងថា ការបន្តផ្តោតលើកិច្ចគាំទ្រសម្រាប់វិស័យកសិកម្មផលិតកម្ម និងសន្តិសុខសស្បៀង ព្រមទាំងការកសាងនិងកែ លម្អរចនាសម្ព័ន្ធ គឺមិនទាន់គ្រប់គ្រាន់នៅឡើយ ក្នុងការដោះស្រាយបញ្ហាប្រឈមដ៏ស្មុគស្មាញ និងមានការអភិវឌ្ឍន៍ឥត ឈប់ឈររបស់វិស័យកសិកម្មនៅអាស៊ី ។ លោកស្រីបន្តថា បច្ចុប្បន្នប្រព័ន្ធកសិកម្មនៅក្នុងតំបន់ បានផ្តោតកាន់តែខ្លាំង ទៅលើខ្សែសង្វាក់តម្លៃ ក្នុងនោះវិស័យឯកជនវិញ បានកំពុងមានឥទ្ធិពល និងមានការទទួលខុសត្រូវវកាន់តែខ្លាំងផងដែរ ចំពោះ ផលិតកម្ម និងសន្តិសុខស្បៀង។សូមបញ្ជាក់ថា តាមការសិក្សារបស់ ADB កម្ពុជាជាប្រទេសកំពុងសិក្សា្មួយ ក្នុងចំណោះការសិក្សាចំនួន៤ មានជាអាទិ៍ ប្រទេសបង់ក្លាដេស សាធារណរដ្ឋប្រជាមានិតចិន និងតាជីគីស្ថាន នៅក្នុងការវាយតម្លៃកិច្ចគាំទ្ររបស់ ADB ដែលមាន ថវិការសរុបចំនួន ១២,២ពាន់លានដុល្លារ សម្រាប់កសិកម្ម ធនធានធម្មជាតិ និងការអភិវឌ្ឍន៍ជនបទក្នុងឆ្នាំ២០០៥ ដល់ ឆ្នាំ២០១៧ ៕

តម្រូវការប្រព័ន្ធបច្ចេកវិទ្យា មានកាន់តែខ្លាំង ក្នុងការធ្វើពាណិជ្ជកម្ម នៅកម្ពុជា

ភ្នំពេញ ៖ អ្នកជំនាញប្រព័ន្ធបច្ចេកវិទ្យា លើកឡើងថា ប្រព័ន្ធបច្ចេកវិទ្យា ដើរតួនាទីកាន់តែសំខាន់ ក្នុងការសម្រួលដល់ការធ្វើពាណិជ្ជកម្ម អាជីវកម្ម ទាំងក្នុងស្ថាប័នរដ្ឋ និងឯកជន, កាន់តែងាយស្រួល រហ័ស និងមានតម្រូវការកាន់តែខ្លាំងឡើងៗ ជាពិសេសស្ថិត នៅក្នុងផលប៉ះពាល់នៃជំងឺកូវីដ–១៩ នេះ។លោក ទុយ ហុង ស្ថាបនិក និងគ្រប់គ្រងគម្រោង Localize បានថ្លែងលើកឡើងនៅក្នុងកិច្ចសម្ភាសន៍ជាមួយភ្នាក់ងារ អ្នកយកព័ត៌មាន BTV ស្តីពីការប្រើប្រាស់ប្រព័ន្ធបច្ចេកវិទ្យា នៅថ្ងៃទី ២៦ ខែ តុលា ឆ្នាំ២០២០ នេះថា បច្ចុប្បន្នរាជរដ្ឋាភិបាលកំពុងយកចិត្តទុកដាក់យ៉ាងខ្លាំង វិស័យបច្ចេកវិទ្យា នឹងជួយជំរុញសេដ្ឋកិច្ច ដែលជួយវិស័យឯកជន ធ្វើអាជីវកម្ម ដោយប្រើប្រាស់ប្រព័ន្ធបច្ចេកវិទ្យានេះ ព្រោះប្រព័ន្ធប្រព័ន្ធបច្ចេកវិទ្យាដើរតួនាទីកាន់តែសំខាន់ ងាយ ស្រួល និងរហ័ស ក្នុងការជួយសម្រួលការងារទាំងក្នុងស្ថាប័នរដ្ឋ និងឯកជន ជាក់ស្តែងស្ថិតនៅក្នុងការរីករាលដាល នៃផល ប៉ះពាល់ជំងឺកូវីដ–១៩ នេះ។ជុំវិញនិងការប្រើប្រាស់ប្រព័ន្ធបច្ចេកវិទ្យានេះ និស្សិតនៃវិទ្យាស្ថានបច្ចេកវិទ្យាកម្ពុជា និងបុគ្គលិកក្រុមហ៊ុន Localize លើកឡើងស្រដៀងគ្នាថា តាមការមើលឃើញ ជាពិសេសនៅក្នុងដំណាក់កាលជំងឺកូវីដ ១៩ នេះ ការប្រើប្រាស់ប្រព័ន្ធបច្ចេកវិទ្យា ក្នុងអាជីវកម្ម ដូចជា ការបញ្ជាទិញ ការកុម្ម៉ង់ និងការផ្តល់សេវាផ្សេងៗ ដែលជួយបន្ថយទាំងពេលវេលា ថវិកា និងការប្រើប្រាស់កម្លាំងពលកម្មជាដើម។សូមបញ្ជាក់ថា ៖ គណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុ (គ.ស.ហ) កាលពីពេលថ្មីៗនេះ បានបើកកិច្ចប្រជុំ ស្តីពីសេចក្តីព្រាងគោលនយោបាយជាតិ វិទ្យាសាស្ត្រ បច្ចេកវិទ្យា និងនវានុវត្តន៍ ឆ្នាំ២០២០–២០៣០ ក្នុងនោះគណៈកម្មាធិការបានកំណត់ គោលបំណងទី១ គឺការកសាង និងពង្រឹងធនធានមនុស្សឱ្យបានគ្រប់គ្រាន់ ទាំងបរិមាណ គុណភាព និងសមាសភាព, ទី២ ផ្តល់លទ្ធភាពដល់សកម្មភាពស្រាវជ្រាវ និងអភិវឌ្ឍជាតិប្រកបដោយប្រសិទ្ធ និងកសាង ប្រព័ន្ធអេកូនវានុវត្តន៍ប្រកបដោយបរិយាប័ន្ន ទី៣៖ ពង្រឹងស្ថាប័ន យន្តការស្ថាប័ន និងក្របខ័ណ្ឌគតិយុត្តិផ្នែក វិទ្យាសាស្ត្រ បច្ចេកវិទ្យា និងនវានុវត្តន៍ សម្រាប់គាំទ្រប្រព័ន្ធអេកូនវានុវត្តន៍ជាតិ ដើម្បីធ្វើជាមូលដ្ឋាននៃការអភិវឌ្ឍវិស័យ ឯកជន និងរដ្ឋ ឱ្យបានប្រកបដោយជីវភាព និងគោលបំណងទី៤ ការបណ្តុះសង្គមឱ្យមានវប្បធម៌ ប្រកបដោយបរិយាប័ន្ន ដោយការកសាងទំនុកចិត្តសាធារណៈលើផលិតផល និងសេវាបច្ចេកវិទ្យាជាតិ និងការពេញចិត្តទៅលើលទ្ធផលនៃការខិតខំ និងការវិនិ យោគលើការអភិវឌ្ឍ ក៏ដូចជាទៅលើការកែទម្រង់អភិបាលកិច្ចផ្នែកវិទ្យាសាស្ត្រ បច្ចេកវិទ្យា និងនវានុវត្តន៍នេះ ៕អត្ថបទ៖ សុន រ៉ាឌី

សម្តេចតេជោ ថ្លែងថា សម្ដេចមានលទ្ធភាពពន្លត់ភ្លើងសង្គ្រាមតែគ្មានលទ្ធភាពពន្លត់ក្រុមពួកអាសិរពិស

បន្ទាយមានជ័យ ៖ សម្តេចតេជោ ហ៊ុន សែន នាយករដ្ឋមន្ត្រី បានថ្លែងថា សម្ដេចមានលទ្ធភាពត្រឹមពន្លត់ភ្លើងសង្គ្រាម ប៉ុណ្ណោះ ប៉ុន្តែគ្មានលទ្ធភាពពន្លត់ក្រុមពួកអាសិរពិស ដែលតែងតែទាមទារឱ្យសម្ដេចចុះចេញពីតំណែងបានឡើយ។ក្នុងពិធីសំណេះសំណាល និងចែកអំណោយដល់ប្រជាពលរដ្ឋរងគ្រោះដោយជំនន់ទឹកភ្លៀង ក្នុង ស្រុកម៉ាឡៃ ខេត្តបន្ទាយមានជ័យ នៅព្រឹកថ្ងៃទី២៤ ខែតុលានេះ សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានបញ្ជាក់ថា សម្ដេច បានឡើងកាន់តំណែង គឺតាមការបោះឆ្នោតគាំទ្រពីប្រជាពលរដ្ឋ ហើយបើសិនជាចុះវិញ ក៏តាមការបោះឆ្នោតដែរ។នៅពេលមានវត្តមានលើទឹកដីស្រុកម៉ាឡៃនេះ សម្ដេចតេជោ ក៏បានរំលឹកអំពីនយោបាយឈ្នះ ឈ្នះ ដែលចាប់ផ្ដើមពីទីនេះ ដោយសម្ដេច បានបញ្ជាក់ថា នយោបាយឈ្នះ ឈ្នះ បើគ្មានតួអង្គអ៊ីឈានទេ មិន អាចចាប់ផ្ដើមបានឡើយ។ ដូច្នេះ ២៤ឆ្នាំក្រោយនេះ កម្ពុជា បានឯកភាពទឹកដីជាលើកដំបូងក្នុងប្រវត្តិសាស្ត្រ ដែលតែងតែមានសង្គ្រាមអូសបន្លាយរាប់រយឆ្នាំមកនោះ ហើយបន្ទាប់ពីសមាហរណកម្ម តំបន់ម៉ាឡៃ និងបណ្ដាស្រុកតាមខ្សែបន្ទាត់ព្រំដែននេះ បានប្រែក្លាយពីតំបន់សមរភូមិប្រយុទ្ធដ៏ស្រួច ស្រាវពីអតីតកាល មកជាតំបន់អភិវឌ្ឍន៍រីកចម្រើន។ជាមួយនឹងការថ្លែងអំណរគុណដល់ប្រជាពលរដ្ឋស្រុកម៉ាឡៃ ក៏ដូចជា អ្នកខេត្តបន្ទាយមានជ័យ ទាំងមូល ដែលបានបោះឆ្នោតគាំទ្រគណបក្សប្រជាជនកម្ពុជា សម្តេចតេជោ បានអំពាវនាវឱ្យប្រជាពលរដ្ឋ បន្តគាំទ្របោះឆ្នោតជូនគណបក្សប្រជាជនកម្ពុជា នៅឆ្នាំ២០២៣ ជាបន្តទៀត ដើម្បីបន្តរួមសុខរួមទុក្ខ ជាមួយគ្នាតទៅទៀត៕អត្ថបទ ៖ មុត សុទ្ធ

បណ្ដាញសង្គម

ព័ត៌មានថ្មីៗ

រដ្ឋមន្ត្រីការបរទេសអ៊ីរ៉ង់ ស្វាគមន៍ជំហររបស់ទីក្រុងមូស្គូប្រឆាំងការឈ្លានពានរបស់អាមេរិក និងអ៊ីស្រាអែល

យុវជនមកពីគ្រួសារក្រីក្រ និងពលរដ្ឋទូទៅជិត ៤ពាន់នាក់ក្នុងខេត្តស្វាយរៀង មានជំនាញ និងចំណូលសមរម្យ ក្រោយពីទទួលបានការបណ្ដុះបណ្ដាលក្នុងវិធី ១,៥លានរបស់សម្ដេចធិបតី

លោក Trump និយាយថា អ៊ីរ៉ង់នៅតែប្រកាប់ជំហរតឹងខ្លាំងក្នុងកិច្ចចរចា

អ្នកស្លាប់ដោយសារទឹកជំនន់នៅរដ្ឋ Assam របស់ឥណ្ឌា ឡើងដល់យ៉ាងហោចណាស់ ៦១នាក់

សម្តេចធិបតី រំឭកពីគុណបំណាច់យ៉ាងជ្រាលជ្រៅចំពោះវីរៈកងទ័ព វីរកងនគរបាលជាតិ និងវីរកងរាជអាវុធហត្ថដែលបានពលីជីវិត ដើម្បីបុព្វហេតុការពារទឹកដី និងបានកោតសរសើរចំពោះវីរយុទ្ធជនដែលកំពុងឈរជើងនៅជួរមុខ

ក្រសួងបរិស្ថាន បញ្ជាឱ្យផ្អាកសកម្មភាពបាញ់ថ្នាំលាបរថយន្តដែលប្រព្រឹត្តដោយខុសច្បាប់ បន្ទាប់ពីទទួលបានបណ្ដឹងពីពលរដ្ឋពាក់ព័ន្ធនឹងក្លិនថ្នាំលាបរថយន្ត

កម្ពុជាភ្លាត់ចាញ់សិង្ហបុរីនៅនាទីទីចុងក្រោយ ក្នុងជំនួបបើកឆាកពានរង្វាន់បាល់ទាត់តំបន់អាស៊ីអាគ្នេយ៍ (ASEAN Hyundai Cup 2026)

លោកTrump គំរាមថា អឺរ៉ុបនឹងជួបលទ្ធផលអាក្រក់ក្រោយពីទីក្រុងព្រុចសែលពិន័យក្រុមហ៊ុន Google ១ពាន់លានដុល្លារ

អង្គភាពអ្នកនាំពាក្យរាជរដ្ឋាភិបាល រៀបចំការប្រកួតប្រជែងនិយាយជាសាធារណៈវគ្គផ្តាច់ព្រ័ត្រ លើប្រធានបទ៖ «តើយុវជនត្រូវត្រៀមខ្លួនយ៉ាងដូចម្តេច ដើម្បីចូលរួមសម្រេចចក្ខុវិស័យកម្ពុជាឆ្នាំ២០៥០?»

មនុស្សច្រើននាក់ស្លាប់ក្នុងការវាយប្រហាររយៈចម្ងាយឆ្ងាយរបស់រុស្ស៊ី និងអ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៍មានសំខាន់ប្រចាំថ្ងៃ

ព័ត៌មាន ជាតិនយោបាយ និង ការអភិវឌ្ឍន៍ព័ត៌មាន សំខាន់ៗ សាលាក្ដីខ្មែរក្រហមបើកជំនុំជម្រះលើសំណុំរឿង០០៤វគ្គ២

អាជ្ញាធរ និង JICA ប្រជុំពិភាក្សាលើគម្រោងសាងសង់ស្ថានីយប្រព្រឹត្តិកម្មទឹកកខ្វក់នៅភាគខាងត្បូងរាជធានីភ្នំពេញ

ផ្ទះចំនួន២ខ្នង ត្រូវបានកាកបាទក្រហមកម្ពុជា ប្រគល់ជូនជនពិការចាស់ជរា និងស្ដ្រីមេម៉ាយ គ្មានទីពឹង

សហព័ន្ធប្រដាល់គុនខ្មែរនឹងរៀបចំវគ្គបណ្ដុះបណ្ដាលមន្ត្រីបច្ចេកទេសដែលមានបរិញ្ញាបត្រ

មន្ត្រីជាន់ខ្ពស់បក្សប្រជាជនកម្ពុជាស្នើសមាជិកបក្សបន្តពង្រឹងចលនាយុវជន នៅមូលដ្ឋានឲ្យកាន់តែរឹងមាំ

Bernardo Silva ស៊ុតបញ្ចូលទីគ្រាប់អស្ចារ្យ ខណៈព័រទុយហ្កាល់ឈ្នះម្ចាស់ផ្ទះប៉ូឡូញប្រផិតប្រផើយ 3-2 ពាន UEFA Nations League

រមណីយដ្ឋានវិស្សមកាលតារាសាគរនឹងក្លាយជាផ្នែកមួយនៃពិធីបុណ្យសមុទ្រចុងឆ្នាំនេះ

ADB វាយតម្លៃថា កម្ពុជានៅខ្វះការវិនិយោគលើការស្រាវជ្រាវវិស័យកសិកម្ម

តម្រូវការប្រព័ន្ធបច្ចេកវិទ្យា មានកាន់តែខ្លាំង ក្នុងការធ្វើពាណិជ្ជកម្ម នៅកម្ពុជា

សម្តេចតេជោ ថ្លែងថា សម្ដេចមានលទ្ធភាពពន្លត់ភ្លើងសង្គ្រាមតែគ្មានលទ្ធភាពពន្លត់ក្រុមពួកអាសិរពិស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៍មានសំខាន់ប្រចាំថ្ងៃ

សហព័ន្ធ​ប្រដាល់​គុន​ខ្មែរ​នឹង​រៀបចំ​វគ្គ​បណ្ដុះ​បណ្ដាល​មន្ត្រី​បច្ចេកទេស​ដែល​មាន​បរិញ្ញាបត្រ​

រមណីយដ្ឋាន​វិស្សមកាល​តារា​សាគរ​នឹង​ក្លាយ​ជា​ផ្នែក​មួយ​នៃ​ពិធីបុណ្យ​សមុទ្រ​ចុងឆ្នាំ​នេះ

ADB វាយ​តម្លៃថា កម្ពុជា​នៅ​ខ្វះ​ការវិនិយោគ​លើ​ការស្រាវជ្រាវ​វិស័យ​កសិកម្ម​

តម្រូវការ​ប្រព័ន្ធ​បច្ចេកវិទ្យា​ មាន​កាន់តែខ្លាំង​ ក្នុង​ការធ្វើ​ពាណិជ្ជកម្ម ​នៅ​កម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សហព័ន្ធប្រដាល់គុនខ្មែរនឹងរៀបចំវគ្គបណ្ដុះបណ្ដាលមន្ត្រីបច្ចេកទេសដែលមានបរិញ្ញាបត្រ

រមណីយដ្ឋានវិស្សមកាលតារាសាគរនឹងក្លាយជាផ្នែកមួយនៃពិធីបុណ្យសមុទ្រចុងឆ្នាំនេះ

ADB វាយតម្លៃថា កម្ពុជានៅខ្វះការវិនិយោគលើការស្រាវជ្រាវវិស័យកសិកម្ម

តម្រូវការប្រព័ន្ធបច្ចេកវិទ្យា មានកាន់តែខ្លាំង ក្នុងការធ្វើពាណិជ្ជកម្ម នៅកម្ពុជា